Qiso Cajiib ah: Xukun Maxkamadeed Hargeysa Ka Dhacay

[Jacaylbaro]

Hargaysa (Waaheen ):-Maxkamada Degmada Hargeysa ayaa min hal sano oo xadhig ah iyo min hal malyan oo shilin oo Ganaax lacageed ah ku xukuntay laba nin oo walaalo ah oo ka yimid dalka Itoobiya oo sheegay in hilibka lagu qalo caasimada Hargeysa uu xaaraan yahay.

Guddoomiyaha Maxkamada Degmada Hargeysa Md. C/Rashiid Beer-geel, ayaa saaka Maxkamada kaga dhawaaqay xukunka labadan nin oo la kala yidhaahdo C/Casiis Maxamed Cali oo 25 jir ah iyo Cayni Maxamed Cali oo 20 jir ah, oo uu sheegay in maxkamada horteeda ay kaga cadaatay dambi la xidhiidha inay Ceebaynayeen hilibka lagu qalo caasimada Hargeysa oo ay sheegeen inuu xaaraan yahay oo ay gowracaan dad aan salaada tukanin.

 

Guddoomiyuhu wuxuu sheegay in labadan nin oo walaalo ahi ay Maxkamada horteeda ka qirteen eeda loo soo jeediyay, waxaanu tilmaamay in xukunkooda loo cuskaday Aayadaha quraanka kariimka ah ee 118 iyo 128 ee Suuratul An-caam iyo Qodobada 70,71,73,75,103,104,108,119,120,121, 68 iyo 149 ee Xeerka Ciqaabta Guud.

 

Sidoo kale waxay Maxkamadu ku xuntay labadan nin in dalka laga mastaafuriyo oo lagu celiyo dalka Itoobiya marka ay soo dhamaystaan xukunkan maxkamadda.

 

Waxa kale, oo Maxkamadu isna ku xukuntay Sh. Xasan Mukhtaar, isagoo maqan hal sano oo xadhig ah iyo hal malyan oo shilin oo ganaax ah iyo in dalka laga mastaafuriyo ka dib markii lagu helay inuu labadan nin ku dhaliyay fikirkan.

 

Nimankan la xukumay ayaa ahaa macalimiin madarasad ku taalla magaalada Hargeysa waxaanay ardayda ay wax baraan ku wacyi geliyeen in hilibka lagu qalo magaalada Hargeysa uu xaaraan yahay.

[Jacaylbaro]

in maxkamada horteeda ay kaga cadaatay dambi la xidhiidha inay Ceebaynayeen hilibka lagu qalo caasimada Hargeysa oo ay sheegeen inuu xaaraan yahay oo ay gowracaan dad aan salaada tukanin.

[Maaddeey]

Oromo miyaa, maxaa Ethiopia loogu celiyey?

 

Ps. haddey run tahay oo dad aan Salaadda tukan gawracaan xoolaha sow in arrintaa wax laga qabto ma wanaagsana?.