Ra’iisul Wasaaraha DF oo Booqday Qoxootiga Soomaaliyeed oo ku Nool Waddanka Jabuuti

[Deeq A.]

Jabuuti (PP) ─ Ra’iisul Wasaaraha Somalia, Xasan Cali Khayre iyo wafdiga uu hogaaminayo ee ku sugan Jabuuti ayaa booqday degmadda Cali-cadde oo ka tirsan gobolka Cali Sabiix ee dalka Jabuuti, halkaas oo ay ku nool yihiin Qaxooti Soomaaliyeed oo ka barakacay colaadihii dalka ragaadiyay.

Ra’iisul Wasaare Khayre iyo wafdigiisa ayaa si heer sare ah loogu soo dhaweeyay deegaanka ay ku noolyihiin qaxootiga Soomaaliyeed, waxa uuna ka sheekeeyay ra’iisul wasaaruhu dhibaatada ay leedahay Qaxootinimada.

“Waxa aan uga mahad celinayaa dawladda Jabuuti sida walaaltinimada leh ee ay idiin soo dhaweysay. Waa aaminsanahay in halkaan aad nolol ku heysataan, amni ku heysataan, xuquuq aad leedihiin oo qaarkiin shaqo ku heystaan hadana meesha ugu dambeysa ee aad nolol wanaagsan ku heli kartaan waa dalkiinna hooyo,” ayuu yiri Ra’iisul Wasaare Khayre.

Ugu dambeyn, Ra’iisul Wasaare Khayre ayaa kula Dar-daarmay Qoysaska qaxootiga ku ah Cali-cadde in ay caruurtooda waxbarashada ugu dadaalaan, si marka ay Soomaaliya kusoo laabtaan ay uga qeyb qaataan dadaallada horumarinta dalka.

DAAWO VIDEO: Ra’iisul Wasaaraha oo booqanaya Cali-sabiix – Jabuuti

Ra'iisul Wasaaraha Soomaaliya oo safar shaqo ku jooga dalka Jabuuti ayaa booqasho ku tagay degmadda Cali-cadde oo ka tirsan gobolka Cali Sabiix ee dalka Jabuuti, halkaas oo ay ku nool yihiin shacab Soomaaliyeed oo in ka badan 27-sanno Qaxooti ku ah deegaanka."Dawladda uu hogaamiyo Madaxwayne Farmaajo waa dawladii shacabka, idinkuna waxaad ka mid tihiin shacabka Soomaaliyeed. Sidaa darteed anigoo ah Ra'iisul Wasaasraha Soomaaliya oo yimid Jabuuti waxay ila noqotay ceeb in aan idin soo salaami waayo." ayuu yiri Ra'iisul Wasaare Khayre.

Posted by OPM Somalia. on Thursday, June 7, 2018

PUNTLAND POST

The post Ra’iisul Wasaaraha DF oo Booqday Qoxootiga Soomaaliyeed oo ku Nool Waddanka Jabuuti appeared first on Puntland Post.