Shaqaalaha ka howlgala dekadda BERBERA oo la shaaciyay tiradooda!!

[Deeq A.]

Berbera (Caasimada Online) – Maamulka Shirkadda DP world qeybta Dekadda Berbera ayaa shaaciyay inay sii kordhayaan shaqalaha ka howlgala Dekadda Berbera ee Somalia.

Maamulka ayaa sheegay in shaqaalaha hadda ka howlgala Dekadda uu mid waliba ku qoran yahay qeyb aqoontiisa khuseysa, hase ahaatee la rajeynaayo inay sii kordhaan.

Supachai Wattanaveerachai oo ah Agaasimaha fulinta dekedda Berbera ee shirkadda DP world, ayaa sheegay in shaqaalaha hadda u diiwaan gashan ay yihiin 2,200 Laba kun iyo laba boqol.

Supachai oo u waramaayay warbaahinta ayaa sheegay in shaqaalaha uu cadadkooda ku kordhay muddo kooban iminkana ay isku diyaarinayaan  qaadashada shaqaale cusub.

Agaasimaha fulinta dekedda Berbera, ayaa intaa raaciyay in shirkadooda ay tahay tan ugu shaqaalaysiinta badan dhalinyarada kasoo jeeda Somaliland.

Sidoo kale, DP world ayuu sheegay inay ka faa’iideysaneyso fursadeeda isla markaana ay diyaar u tahay inay u faa’iideyso Somaliland oo ay wada galeen heshiis.

Si kastaba ha ahaatee, howlgalinta shaqaalaha aadka u badan ayaa cagsi ku ah amar ay dhawaan Dowlada Somalia ku mamnuucday shirkada DP world oo aan sifo sharci ah ku joogin Somalia.

Caasimada Online
Xafiiska Hargeysa
Caasimada@live.com