Puntland oo soo bandhigtay meydadka tiro ka mid ah Alshababta buuraha Galgala.

[Deeq A.]

Warbixin kasoo baxdey taliska Bosaso Ciidamada Amaanka Puntland (PSF) ayaa lagu soo bandhigay muuqaalka iyo sawirada meydadka 41 ka mid ah maleeshiyo ka tirsan kooxda Alshabab oo habeen ka hor weerar gaadmo ah ay kusoo qaadeen mid ka mid ah saldhigyadda ciidanka PMPF Puntland ku leeyihiin deegaanka Bali Khadar.

Saraakiisha ciidanka PSF ayaa shalay warbaahinta u sheegay inay dilleen 41 ka mid ah koox ka tirsan Alshabab oo habeen hore soo weerartay mid ka mid ah saldhigyadda ciidanka Puntland ay ku leeyihiin buuraha Galgala ka dib markey sheegeen inay uga daba tageen togga Majare  oo ay sheegeen inay dagaal kula galeen galinkii dambe ee shalay.

Dagaalka dhexmarey cutubyo ka tirsan ciidanka Puntland iyo Maleeshiyadda shabab ee ku dhuumalaysta buuraha Galgala ayaa imaanaya xilli maalintii shalay si weyn looga hadal hayay deegaanada Puntland iska hor imaadkii habeen ka hor ka dhacay deegaanka Bali Khadar oo ay saldhig ku lahaayeen ciidanka badda Puntland.

Ciidamada Puntland ayaa muddo ku dhaw 9 sano dagaal kula jira deegaano ka tirsan buuraha Silsiladda Golis kooxo ku dhuumalaysta oo ah maleeshiyo ah ka kala tirsan ururada islaamiga ee Daacish iyo Alshabab.

Daawo muuqaalladda.

Bosaso

PUNTLAND POST

The post Puntland oo soo bandhigtay meydadka tiro ka mid ah Alshababta buuraha Galgala. appeared first on Puntland Post.