Sawirro: Al-Shabaab oo soo bandhigtay Meydadka Askartii lagu laayay weerarkii Moqokori

[Deeq A.]

Jowhar (Caasimada Online)-Wararka ka imaanaya Gobolka Shabellaha Dhexe ayaa sheegaya in Maleeshiyada al-Shabaab ay halkaa kusoo bandhigeen Meydadka askar ay sheegeen inay ku dileen dagaal ka dhacay deegaanka Moqokori oo ka tirsan gobolka Hiiraan.

Maleeshiyada ayaa Meydadka kusoo bandhigay fagaare ku yaalla degmada Aadan Yabaal ee gobolka Shabeellaha Dhexe, waxaana u daawasho tagay Kontomeeyo qof oo kamid ah dadka deegaankaasi ku nool.

Maleeshiyada ayaa fagaaraha kusoo bandhigtay Meydadka 47 askari oo ay sheegeen in ay ka mid ahaayeen 72 askari oo ay ku dileen dagaalkii Moqokori.

Waxa ay Askartu dhammaantooda ahaayen kuwa Dowlada ee ka howlgala deegaanka Moqokori oo ka tirsan gobolka Hiiraan.

Dagaalka lagu dilay ciidamada oo ay maleeshiyada kasoo qaaden laba JIho ayaa dhacay gelinkii dambe ee Jimcihii ina dhaaftay.