Beledweyne 2012: Munaasabad lagu xusayay 1-da Luulyo oo xalay lagu qabtay Magaalada Beledweyne ee Xarunta Gobolka Hiiraan Dhowr sano kadib waxaa xalay lagu qabtay magaalada Beledweyne ee xarunta gobollka Hiiraan munaasabad lagu maamuusayay 1-Luulyo oo ku beegan 1960-kii, maanta oo kale waqtigii ay ka xuroobeen gobollada Koonfurta Soomaaliya gumeystihii Talyaaniga iyo is raacii labada gobol Koonfur iyo Waqooyi. Munaasabada oo ka dhacday xarunta maamulka gobollka Hiiraan ayaa waxaa ka soo qeyb-galay xubno ka tirsan maamulka gobollka, saraakiil ciidan, iyo qeybaha bulshada oo siweyn ugu faraxsanaa xuska maalinta 1-Luulyo oo ah maalin ku weyn bulshada Soomaaliyeed meel kasta oo ay joogaan. Qudbado kala duwan oo dhamaantood salka ku hayay qiimaha maanta oo kale ay u leedahay bulshada Soomaaliyeed, iyo halgankii dheeraa ee loo soo maray xuriyada maanta la harsanayo ayaa waxaa halkaa ka jeediyay mas’uuliyiin ka tirsan maamulka gobollka Hiiraan. Afhayeenka maamulka gobollka Hiiraan Max’ed Nuur Caga-joof oo ka mid ahaa mas’uuliyiintii xalay ka hadashay munaasabada ayaa sheegay in munaasabada 1-luulyo sanadkan ku soo beegantay waqti sida uu hadalka u dhigay bulshada Soomaaliyeed cagta saareen wadadii dowladnimada, dhinaca kalana ay socdaan wadahadallo u dhaxeeya dowladda KMG iyo maamulka Soomaaliland oo maanta oo kale 1960-kii is raacay.

Bolnes, Iswiidhan 2012: Sidee Looga Xusay Munaasabada 1-da Luulyo Magaalada Bolnes Xaflad Si Aad ah loo soo agaasamay laguna maamuusayay Maalinta 1da luulyo ayaa waxa ay ka dhacday magalada Bolnes ee Wadanka Sweden Xafladaas oo ay soo qaban qaabiyeen jaaliyadda Magaalada Bolnes. Xaflad Si Aad ah loo soo agaasamay laguna maamuusayay Maalinta 1da luulyo ayaa waxa ay ka dhacday magalada Bolnes Ee waddanka Sweden Xafladaas oo ay soo qaban qaabiyeen jaaliyadda Reer Bolnas ayaa waxaa Ka qaybgalay Munaasabadda Dhinaca qadka telefoonka Ra,isulwasaarihii Hore Ee doowladda Kmg ahna Safiirka Dalalka Yurub Mudane Nuur Xasan Xuseen Nuur Cade oo ka jeediyay qudbad xasaasi ahayd oo ka hadlaysay dhinacyo badan ayaa waxa uu ku billaabay ka sheekeynta Taariiqda 1da luulyo isagoo Umadda soomaliyeed U rajeeyay in ay nabad iyo Barwaaqo ku gaaraan Sanadka xiga Mar uu ka hadlayay marxaladda kalaguurka ah ayuu sheegay in ay waajib tahay in laga gudbo dowladda Kmg ah iasagoo shacabka Soomaliyeed ka codsaday in ay ka qayb qaadtaan Hurumarinta iyo in ay taageeraan in la hormariyo dalka. Waxaa dhinaca kale qudbad dhinacyo badan taabanaysa ka jeediyay Wakiilka Xisbiga Nabadda iyo Horumarka Qaaradda Yurub Xasan Cabduqaadir muudey oo wax lagu farxo ku tilmaamay in Ra.isulwasaarihii hore Nuur cade in Uu kala qaybgalo Munaasabadda iasagoo ka sheekeeyay Tariiqda 1da luulyo iyo Waxqabadkii nuur cade kuna amaanay in uu yahay Geesi qaran.

Katrinholm, Iswiidhan 2012: Sidee Looga Xusay Magaalada Katrinholm 1-da Luulyo Munaasabad Balaaran oo Lagu Xusayay Maalinta Calanka Soomaaliyeed ayaa xalay lagu qabtay Magaalada Katrinholm waxaana soo qaban qaabiyay Jaaliyada Soomaaliyeed ee Magaaladaasi. Qudbado looga hadlayay halgankii lagu helay Calankeena Soomaaliyeed ayaa halkaasi laga jeediyay waxaana ka hadlay Goobtaasi Aqoonyahano is kugu jira Odayaal, Haween, Dhalinyaro iyo Qeybaha kala gedisan ee Magaaladaasi. Guddoomiya Ururka Samfalka Soomaalida ee Waqooyiga Yurub Nuur Ali Gacal oo ka mid ahaa Qabanqaabiyayaashii Xafladaasi lagu xusayay Maalinta Calanka inooga waramay waxuuna inoo sheegay in reer Katrinholm ay caawa ku taagan yihiin in ay saaraan calanka ayagoo aan u kala harin waxuuna ugu hambalyeeyay shacabka soomaaliyeed sanadkaan kiisa xiga iyo wadankeenii oo Barwaaqo iyo nabad ah.

Magaalooyin badan ee dalka Iswiidhan 2012: 1-da Luulyo: Degmada Eskilstuna oo si weyn looga dabaaldegey Waxaa maanta magaalada Eskilstuna lagu qabtay munaasabad weyn oo ku wajahan maalinta xornimada soomaaliya ee 1-da luulyo. Meel fagaare ah ayaa waxaa isugu soo baxay dadweyne Soomaaliyeed iyo kuwo ajaaniib ah oo aad iyo aad u badan. Fagaaraha xaflada ayaa waxaa uu ku yaal bartamaha xaafada ay soomaalidu u badan tahay ee fröslunda. Xaflada ayaa ahyd mid aad iyo aad loo soo agaasimey ayna ka muuqatay farxad iyo wanaag. Xaflada waxaa soo qaban-qaabiyey ururka isutaga dhalinyarada ( SUN)ee magaalada Eskilstuna. Balse xafladu waxaa ay ahayd mid aan loo kala harin oo ay ka qeybqaateen dhamaan soomaalida degmada Eskilstuna iyo weliba dad ka yimid degmooyinka ku dhow-dhow.

Saambiya 2012: Xuska 1-da Luulyo iyo Zambia Sawirro qurux badan iyo Xaflad Qiimo badan Iyadoo 24 Saac ee ugu dambeeyay si wayn ummadda Soomaaliyeed meel kasta oo ay joogaan ay ugu howlanaayeen 52 guurada Soomaaliyeed ee 1-da Luulyo ayaa Xaflado kala duwan waxaa ay ka dhaceen meelo badan oo ka mid ah bariga iyo bartamaha Qaaradda africa, waxaana ka mid ah meelaha sida diirran looga xusay Munaasibadaan Magaalada Luzaka ee dalka Zambia sida uu ku soo warramayo Wariye Siciid Muuse Daahir oo ah wariye Madax banaan. Hadaba Wariye Siciid ayaa soo diray sawirro qurxoon oo Xafladaas ku saabsan iyo warbixin kooban oo ku saabsan sidii ay u dhacday iyo ciddii ka qaybgashay. Dadweynaha Soomaaliyeed ee magaalada Luzaka, ardayda, iyo Jaaliyadda ayaa xafladdaan soo qaban qaabisay, waxaana ka qaybgalay dad aad u fara badan. Ra'iisul wasaaraha Soomaaliya Proff: C/weli Maxamed Cali Gaas, Gudoomiyaha Gobolka Mudug ee Puntland Maxamed Jaamac Yuusuf Tigey iyo Duqa Degmada Gaalkacyo ayaa khadka Telefanka uga qaybgalay Xafladdaan.

Malaysia 2012:

Daafaha caalamka: Sida 1-da Luulyo loogu dabbaaldegay Munaasabadda maalinta xorriyadda gobollada koonfureed iyo israacii waqooyi iyo koonfur ee 1-da Luulyo ayaa xalay iyo maanta looga dabbaaldegay magaalooyinka Muqdisho, Garoowe, Gaalkacyo, Beledweyne, Boosaaso, Dhuusamarreeb, Nairobi, Qaahira, Cape-town iyo magaalooyin kale oo caalamka ka tirsan. Muqdisho Munaasabad maanta lagu qabtay garoonka cayaaraha ee Koonis ee Muqdisho ayaa waxaa ka qeyb galay madaxweynaha dowladda KMG ah ee Soomaaliya Shariif Sheekh Axmed, wasiirka ganacsiga Cabdiwahaab Ugaas Xuseen, xildhibaanno, saraakiil ciidan, fannaaniin iyo dadweyne ka kala yimid 16-ka degmo ee gobolka Banaadir. Madaxweyne Shariif oo ka hadlay xafladda ayaa ummadda Soomaaliyeed u rajeeyay in ay ka baxaan dhibka ay ku jiraan, wuxuuna sheegay in dabaaldegga sanadkan uu ka duwan yahay kii sanadkii hore, maadaama garoonka Koonis uu sanadkii hore gacanta ugu jiray maleeshiyada al-Shabaab. Guddoomiyaha gobolka Banaadir, ahna duqa magaalada Muqdisho ayaa sheegay in xuska koowda Luulyo looga dabbaaldegayo dhammaan qeybaha kala gadisan ee dalka marka laga reebo deegaannada ay ka taliso al-Shabaab. Garoowe Sidoo kale, xarunta madaxtooyada maamulka Puntland ee Garoowe ayaa xalay laga xusay munaasabadda koowda Luulyo, iyadoo ay ka qeyb galeen madaxweyne ku xigeenka maamulkaas Cabdisamad Cali Shire, xubno ka tirsan golaha xukuumadda, baarlamaanka, qeybaha bulshada, saraakiil ciidan, xubno ka socday Qaramada Midoobay iyo marti sharaf kale. Waxaa xafladda lagu soo bandhigay ruwaayad iyo suugaan ka tarjumeysay sidii lagu hantay xorriyadda. Madaxweyne ku xigeenka Puntland Cabdismad Cali Shire ayaa hambalyo ku aaddan maalintan u diray ummadda Soomaaliyeed meel kasta oo ay joogaan. Dhuusamarreeb Xaflad ay si wadajir ah u soo qabanqaabiyeen maamulka Ahlu Sunna Wal-Jamaaca iyo ururka dhallinyarada ee degmada Dhuusamareeb ayaa maanta lagu qabtay degmada Dhuusamarreeb ee gobolka Galgaduud. Waxaa ka qeyb galay mas’uuliyiin ka tirsan maamulka degmada, haween, ururrada bulshada iyo dadweyne qaarkood ay ku lebisnaayeen calanka, kuwaas oo wejiyadooda ay ka muuqatay farxad iyo raynrayn. Madaxa arrimaha bulshada ee maamulka Ahlu Sunna Sheekh Cabdiweli Xaaji Diiriye oo ka hadlay goobta ayaa dadweynihii ka qeyb galay xafladda u sheegay in maanta ay tahay maalin weyn oo ay u soo halgameen dad Soomaaliyeed, loona baahan yahay in qaddariyo. Xaflado kale ayaa waxay ka dhaceen degmooyin kale oo ka tirsan gobolka Galgaduud, waxaana si aad ah loo adkeeyay goobaha ay ka dhacayeen xafladaha. Nairobi Magaalada Nairobi ee dalka Kenyana dhismaha safaaradda Soomaalida ay ku leedahay waxaa lagu qabtay xaflad si heer sare ah loo soo agaasimay oo ay ka qeyb galeen raysul wasaaraha xukuumadda KMG ah ee Somaaliya Dr. Cabdiweli Maxamed Cali, raysul wasaarihii hore ee Soomaaliya, Cali Maxamed Geeddi, safiirka Soomaaliya ee Kenya Maxamed Cali Nuur (Ameeriko), siyaasiyiin kale, diblumaasiyiin, xildhibaanno, fanniin ay ka mid aheyd Hibo Maxamed Gudoon (Hibo Nuuro) iyo kumannaan dadweyne ah. Qaahira Ururka ardayda Soomaaliyeed ee dalka Masar ayaa soo qabanqaabiyay xaflad heer sare ah oo lagu xusayay maalinta koowda Luulyo. Safiirka Soomaaliya u fadhiya Masar Dr. Cabdullaahi Xasan Maxamuud oo ka hadlay madasha ayaa ka taariikheeyay safarkii dheeraa ee geesiyadii Soomaaliyeed ay u galeen in ay iska kiciyaan heeryadii gumeystaha. Cape Town Dhinaca kale jaaliyadda Soomaalida ee dalka Koonfur Afrika ayaa magaalada Cape-town ku xustay maalinta xoriyadda, waxaana ka qeyb galay mas’uuliyiin ka tirsan dowladda dalkaas, madaxda jaaliyadda, aqoonyahanno, ganacsato iyo marti-sharaf kale. Gobolka Bari Degmooyin iyo deegaanno ka tirsan gobolka Bari ayaa lagu qabtay munaasabado lagu weyneynayay markii ay gobollada koonfureed iyo kuwa waqooyi ee Soomaaliya is-raaceen, kuwa koonfureedna ay xornimada qaateen. Guddoomiyaha maamulka degmada Carmo oo ka mid ah goobaha munaasabadaha lagu qabtay, Ibraahim Shire ayaa sheegay in dadweynaha Soomaaliyeed ay kowda Luuliyo u tahay maalin qiimo weyn ku fadhido, isagoo intaas ku daray in 52-sano ka hor ay Soomaalidu u istaagtay in ay iska qaado heeryadii gumeysiga. Munaasabadahan ayaa qeyb ka ah kuwa ka dhacayo dalka iyo dibaddiisa ee lagu maamuusayo 52-guuradii ka soo wareegtay markii mada banaanida la helay. Baydhabo Dibadbax ballaaran oo lagu taageerayey nabadda, laguna weyneynayey maalinta kowda Luuliyo ayaa maanta lagu qabtay magaalada Baydhabo ee gobolka Bay, kaasoo ay ka qeybqaateen maamulka gobolka, odayaasha dhaqanka, saraakiisha ciidamada, ururrada bulshada rayidka iyo qeybaha kale duwan ee bulshad. Dibadbaxa oo uu soo qaban-qaabiyey maamulka gobolka Bay ayaa ujeedadiisu aheyd in la muujiyo sida loo taageersan yahay nabadda iyo in loo dabaal-dego xornimada Soomaaliya. Guddoomiyaha gobolka Bay Cabdifataax Ibraahim Geesey oo la hadlay shacabka ayaa sheegay in loo baahan yahay in la ilaaliyo nabadgelyada, dadkuna kala shaqeeyaan maamulka iyo ciidamada dhowridda amniga. Dhowr sano kaddib ayaa Baydhabo laga xusay kowda Luuliyo, xilligii ay kooxda Al-Shabaab ka talinasay magaaladan laguma qaban jirin munaasabadaha noocaan oo kale ah.

Jidda, Sacuudiga 2012: Jaaliyadda Soomaaliyeed Ee Sacuudiga Oo Xusay Munaasabadda Koowda Luulyo Jaalliyadda Soomaaliyeed ee ku nool boqortooyada Sacuudi Carabiya gaar ahaan magaalada Jidda ayaa xusay Munaasabadda sanad guuradii 52aad ee kasoo wareegatay markii ay ka xoroobeen gobollada Koonfureed ee Dalkeenna gumeystihii Talyaaniga islamarkaana ay midoobeen gobollada Koonfur iyo Waqooyi. Jaalliyadda ayaa munaasabad tartan kubadda cagta ah oo ay isaga horyimaadeen laba kooxood ku qabtay garoonka ciyaaraha Amiir Maajid ciyaartaasi oo aheyd mid ay Jaalliyaddu ku muujineysay Munaasabadda Koowda Luulyo waxaana kasoo qeybgalay Jaalliyadda Jedah ku nool iyo xildhibaanno ka tirsan Baarlamaanka Soomaaliya. Inkastoo sanad kasta xiligan oo kale ay dadka Soomaaliyeed guud ahaanba u dabaal degaan Munaasabadda Koowda Luulyo ayaa hadana sanadkaan waxey aheyd qaabka loogu dabaal degay mid ka duwan sanadihii hore ayadoo dabaal degga Munaasabaddanna ay ka dhaceen gudaha dalka iyo dibadda.

Roome, Talyaaniga 2012: 1da Luulyo oo Talyaaniga Laga Xusay Magaalada Roma ee dalka Talyaaniga waxaa lagu qabtay xaflad lagu xusayey munaasabadaha xorriyad qaadashadii gobolada Waqooyi ee Soomaaliya oo ku beegneyd 26/06/1960 oo aheyd markii ugu horreysay ee calan Soomaaliyeed laga suro ciida dalkeena & Midowgii goboladii Koofureed & Waqooyi ee Soomaaliya oo ay ka dhalatay Jamhuuriyadii Soomaaliya, waxaana munaasabadan oo ay soo qabanqaabisay Luul Max’ed Sheekh Cusmaan ka soo qeybgalay mas’uuliyiin ka tirsan safaaradda Soomaalida oo uu ka mid ahaa Safiirka Soomaaliya u fadhiya dalalka Midowga Yurub Nuur Xassan Xuseen (Nuur cadde), ku-xigeenka safiirka Safiyo Max’ed, Madaxa Protokolka Aweys Abuukar Aweys, xoghayaha 1-aad ee safaaradda Culimo C/raxmaan Macalin & marti sharaf kala duwan oo uu ku jiro Cali xaashi dhoore oo ah siyaasi u soo tartamay xilka madaxweynenimada Soomaaliya. Saacadu markeey ku beegneyd 1:00 xilliga Soomaaliya ayaa laga saaray calanka Soomaaliya dhismaha safaaradda, waxaana munaasabada heeso waddani ah oo ka tarjumaya qiimaha maalmahaas & calanka ku luuqeeyey fanaaniin Soomaaliyeed oo uu ka mid ahaa Xassan baashi-yare, waxaana halkaasi khudbad ka jeediyey safiirka Nuur Cadde oo ka warbixiyey qiimaha ay maalmaha 26-ka June & 1-da Luuliyo u leeyihiin Soomaalida. Intii ay khudbadu socotay waxaa soo gaaray dhismaha safaaradda wakiilka xoghayaha guud ee Q/Midoobay u qaabilsan arrimaha Soomaaliya Mahiga oo dadkii munaasabadda ka soo qeybgalay la qeybsaday dabaaldega munaasabadda. “1-da Luuliyo waa maalintii gobonimada Soomaaliya seeska loo dhigay, calanka Soomaaliyana meel kasta laga suray, waqooyi & koofurna ay u midoobeen” ayuu yiri Nuur cadde oo la hadlayey dadkii ka soo qeybgalay munaasabada calan saarka. “Waxaan u jeedaa in dhalinyaradii gabdho & wiilal in ay soo baxeen, una soo diyaargaroobeen in ay muujiyaan qiimeynta maalintaan” ayuu yiri Nuur Cadde. Mahiga oo hadalo kooban ka jeediyey munaasabadda ayaa hambalyadda munaasadda kadib, wuxuu ka shanqariyey in socdaalka uu ku yimid Talyaaniga ay la xiriirto shirkii ugu dambeeyey ee kooxda xiriirka oo maalinta Isniinta ah ka furamaya Itaaliya, ayna ka soo qeybgalayaan dhammaan darafyadii saxiixay heshiiskii Kampala, wuxuuna xusay in shirkani uu noqonayo shirkii ugu dambeeyey ee kooxda xiriirku yeeshaan. “51 cisho ayaa ka harsan waqtigii loo iclaamiyey in Soomaaliya ay doorasho ka dhacdo, wejiyo cusubna la arko, waxaana rajeynayaa in muddadi waqtigaa ka horreysa ay wax waliba sidii loogu talogalay ku dhamaan doonaan” ayuu yiri Mahiga. Luul Max’ed Sheekh Cusmaan oo ka hadashay munaasabadda waxey sheegtay in munaasabadani ay tahay mid weyneyteeda ay waajib ku tahay Soomaali oo dhan meel kasta oo ay joogaan, waxeyna xustay in Soomaaliya ay u baahan tahay isbedel ay horseed ka noqdaan waxgaradka Soomaaliyeed, waxeyna intaa ku dartay in ay jeceshahay inta cimrigeeda ka dhiman in ay aragto Soomaaliya oo ku soo laabato sidii ay beri-samaadkii aheyd, dibna u soo ceshata dowladnimadeedii, sharafteedii & qaranimadeedii ay weligeed ku soo caana-maali jirtay. Xoghayaha 1-aad ee safaarada Culimo C/raxmaan Macalin oo sidoo kale munaasabada ka hadashay waxey sheegtay qiimaha munaasabadaha 26-ka June & 1-da luuliyo ay u leedahay ummadda Soomaaliyeed. “Maanta waa maalinta Qaranimada Soomaaliya, waana maalin ay waajib tahay in laga maamuuso guri kasta oo Soomaaliyeed” ayey tiri Culimo. “Mararka qaar waxaad rumeysaneysaa dadka qurbaha jooga in ay ka waddanisan yihiin dadka ku sugan dalka gudihiisa, cadeynteeda halkan ayaad ka arkeysaa caawa, waayo qurba joogu wuxuu dareemayaa waxa ka maqan qiimahooda” ayeey tiri Deeqa Aadan Guureeye oo madax ka ah ururka Somali refugees Torino ee loo yaqaan Italo-Somalo Sahan.

Kambaala 2012: Munaasibad loogu debaaldegayo 1-da Luliyo oo xalay lagu Qabtay magaalada Kampala Guud ahaan jaaliyadda Soomaaliyeed ee ku nool wadanka Uganda ayaa waxaa todobaadkani ahaayeen kuwa u dubeeldagayay munaasibadaha is biirsaday ee Xurnimada Shucuubta Soomaaliyeed waxaana habeenkii xalay ahaa ay dhigeen fantasiyo aad u sareeya oo ay ugu debaaldegayeen 52-tan guuradii ka soo wareegtay markii gobolada Konfureed ee Soomaaliya ay ka xuroobeen gumeystihii Talyaaniga isla markaana ay midoobeen gobolada Woqooyi iyo Koonfur ee Soomaaliya. Goobta ay munaasibadani loogu debaaldegayo 1-da Luliyo ka dheceysay oo aheyd hoolka Agakhan ee magaalada Kampala ayaa waxaasoo buux dhaafiyay dadweyne aad u badan oo intooda badani hagoognaa Calanka Quruxda badan ee Baluuga Xidigta loo Asteeyay waxaana sidoo kale ka soo qeyb galay madax kala duwan xildhibaano iyo diblumaasiyiinta Safaaradda Soomaaliya ee Uganda iyo weliba dad ajaanib ah oo Soomaalida la qeybsanayay farxada 1-da Luliyo. Iyadoo dadkii halkaasi qudbooyinka ka jeediyay ay aad u badnaayeen ayaa waxaa ugu danbeyn dadka la hadlay Xildhibaan Cusmaan Yuusuf Xaraare oo ka mid ah mudanayaasha Baarlamaanka Soomaaliya iyo Xoghayaha1-aad ee Safaaradda Soomaaliya Uganda isla markanaa wakiil ka ahaa Qunsulka Safaaradda waxaana ay shacabka Soomaaliyeed soo xasuusiyeen dhibka loo soo maray xurnimadani manta la harsanayo. Abaaro 12-kii saqda dhexe ayaa waxaa ay jaaliyad saaratay Calanka Soomaaliya taasi oo ay ku muujinayay qiimaha ay uleedahy 1-da Luulyo oo maanta Ku beegan. Dhanka kale waxaa magaalada Kampala xaafadaha ay ka deganyihin Soomaalida aad looga dareemayay u diyaar garoowga Maalintani ku weyn shacabka Soomaaliyeed waxaana dukaamada Ganacsiga lagu xardhay Calanka Quruxda Badan ee Soomaaliya .

Nayroobi 2012 - Islii: Munaasabadii ugu balaarneyd ee xuska 1-da Luulyo oo Islii ka dhacday Magaaladda Nairobi gaar ahaan Xaafadda islii ayaa xalay waxaa ka dhacay Munaasabad balaaran oo loogu dabaal dagayay xuska sanad guuradii 52-aad ee kasoo wareegatay maalinta xoriyadda Soomaaliya ee 1-da Luulyo. Munaasabadan ka dhacday Xaafadda Islii ayaa waxaa ka qeyb galay shacabkii ugu badnaa iyadoo dadka goobta gaaray ay ka badnaayeen ilaa 4 kun. Dadkii ka qeyb galayay munaasabadda ayaa hamigooda uu ahaa in ay arkaan Ra’isul Wasaarihii hore ee Soomaalia DrMaxamed C/lahi Maxamed Farmaajo. Laakiin shacabkii ayaa ku guul daraystay in ay arkaan Ra’isul Wasaarihii hore ee Soomaaliya Farmaajo kadib markii xili danbe loo sheegay in uu ubaaqday sababo amaan iyo arimo kale oo la xariira howlihiisii uu ujoogay magaaladda Nairobi.

Nayroobi 2012 - Safaaradda: Munaasabaddii 1-da Luulyo ee lagu qabtay Safaaradda Soomaaliya ee Nairobi iyo Dr Gaas oo ka qeyb galay Munaasabad Balaaran oo lagu maamuusayay sanad guuradii 52-aad ee xoriyadda Soomaaliya ayaa xalay ka dhacday Xarunta Safaarada Soomaliya ee Magaaladda Nairobi. Munaasabadaas oo ahayd mid aad ubaalaran ayaa waxaa kasoo qeyb galay Ra’isul Wasaaraha dalka Dr C.Wali Maxamed Cali Gaas, Madaxweynaha Maaamulka Galmudug Caalin iyo Siyaasiyiin uu kamid ahaa Ra’isul Wasaarihii hore ee Soomaaliya Dr Cali Maxamed Geedi. Safiirka dowlada Soomaaliya ujooga Magaaladda Nairobi Cali AMeeriko ayaa masuuliyiinta dowlada iyo siyaasiyiinta kusoo dhaweeyay Munaasabada. Intaas kadib ayaa Waxaa dadkii Munaasabada kahadlay waxaa kamid ahaa Ra’isul Wasaaraha Soomaaliya Dr C.Wali Maxamed Cali Gaas oo sheegay in Soomaaliya ay hada ku socoto wadadii looga bixi lahaa amni xumadda. Sidoo kale Waxaa uu sheegay Dr Gaas in ay ka go’an tahay in Shabaab laga saaro guud ahaan goboladda dalka. Madaxweynaha maamulka Galmudug Maxamed Axmed Caalin ayaa hadal uu munaasabada ka jeediyay isagana sheegay in maalintan uu aad ugu faraxsan yahay. Fannaaniinta Hibo Nuura iyo Farxaan Xiddig

Qamriga ayaa ka wada xun but somehow gaalada qamri caadi ayee ka dhigeen. Abkoow kii sigaar la dhahaaye ayaa weerar ba'an lagu haayaa in the last 15 years. Baakadihii sigaarka sawiro foolxun grisly images ah lagu wada sawiray si dadka lagu sasiyo; sigaar lama xayeysiin karo; dukaamada gadaayo waa inay qariyaan oo wax la kor saaro; triple taxing it; meel gudo ah (indoors) whatsoever laguma cabi karo; meelaha qaarkoodna gaarigaaga dhexdiis xataa kuma cabi kartid. All this controlling is fine, but qamriga in saas loo takooro iyo si ka daran ayee ku habooneyd, too. I have never smoked sigaar, but I can't stand the sheer hypocrisy of Reer Galbeedkaan.

Malaysia 2012 Jaaliyadda Soomalida ee Malaysia oo u Dabaal Dagtay munaasibadda 1da Luulyo oomaalida Malaysia ayaa qabatay xaflado yar yar oo lagu xusayay looguna Dabaal Dagayay munaasabada Kowda Luuliyo, sidoo kale laga soo bilaabo 25/06/2012 ilaa 30/06/2012 waxaa lagu qabtay koobka kubadda cagta ah, Koobkaas oo loogu magacdaray 52 -guuradii kasoo lasoo wareegtay maalinta la abuuray Soomaaliya oo ah markii eey isku tageen gobolada waqooyi & kuwa koonfureed ee Soomaaliya. koobkaan waxuu socday ilaa 6 maalmood,waxaana ka qeybqaatay 12 koox oo wada ah soomaalida Malaysia. waxaana hirgilinta Koobkaan iskana kaashaday Somali Community Malaysia oo uu Madax ka yahay Mudane Safiir Ceymow ( ambassador ceymooy ) & ururka arday soomaaliyeed ee Malaysia ee loo soo gaabiyo Somali student society Malaysia (SSSM).

Garoowe 2012: Xuska 1-da Luulyo oo ka socota Madaxtoyada Garowe Xarunta Madaxtoyada Puntland ee Garowe ayaa waxa ka socota xaflada lagu maamuusayo xuska sanadguurada 52aad ee ka soo wareegtey xoriyadii gobolada koonfireed iyo israacii gobolada waqooyi iyo koonfurta dalka. Kusimaha madaxweynaha Puntland Gen.Cabdisamad Cali Shire ,gudoomiyaha barlamanka Mudane Cabdirashiid Maxamed Xirsi ,Taliyaha ciidamada difaaca Puntland Gen.Siciid Maxamed Xirsi ,gudoomiyaha guddiga doorashooyinka Dr.Maxamed Xasan Barre ,wasiirada xukuumada ,mudanayaasha barlamanka ,saraakiisha kala duwan ee dowladda ,issimo ,xubnaha bulshada rayidka ah oo hormud ka yihiin dhalinyarada iyo haweenku iyo weliba marti sharaf shisheeye oo lagu casumey xuskan ayaa ka qaybgalaya. Kadib aayadaha Quraanka Kariimka ah waxa toos u furantay xafladan 1-Luulyo lagu maamusayo waxana haatan socda heeso,riwaayado iyo suugaan kale oo madasha lagu soo bandhigayo,iyadoon khudbadaha kala duwani ay danbenayaan ee madaxdu soo jeedineyso. Waxa la saari doona Calanka Somalia xarunta madaxtoyada saacadu markii ay gaarto 12:00 habeenimo,waxana saalan sharaf bixineya ciidamada Baambeyda iyo cutub ka tirsan Daraawiishta Puntland.

Degmada Buuhoodole 2012

Nayroobi 2012 Soomaalida Nairobi oo caawa Munaasabadda 1-da Luulyo ku kala xusaya Islii iyo Westland Caawa xaafadaha Magaaladda Nairobi ayaa haawanaysa waxaana dadkii ay kala aadeen xarumaha lagu xusayo munaasabadda maalinta xoriyadda Soomaaliya. Kumanaan shacab Soomaali ah oo intooda badan ku labisan dhar lagu soo xardhay calanka Soomaaaliya ayaa qabsaday wadooyinka waa weyn ee Magaalada Nairobi. Xaafadda ay Soomaalida kubadan tahay ee Islii ayaa waxaa ka soconaysa munaasabad aad ubalaaran oo ay ka qeyb galayaan siyaasiyiin iyo waxgarad Soomaaliyeed. Ra’isul Wasaarihii hore ee Soomaaliya Dr Maxamed C/lahi Maxamed Farmaajo ayaa kamid ah Siyaasiyiinta Caaawa shacabka kula dabaal dagaysa Xaafadda Islii ee Magaaladda Nairobi. Axmed Xaaji Xasan oo katirsan Warqaad.com ayaa soo sheegaya in munaasabada ay dadka ka qeyb galaya ka badan yihiin ilaa 2 kun oo ruux meel la istaagana aysan jirin barxad weyn oo munaasabada ay ka dhacayso. Ra’isul Wasaarihii hore ee Soomaaliya Farmaajo ayaa warar aan helnay ay sheegayaan in uu ku dhawaaqi doono in uu yahay musharax utaagan xilka madaxtinimo ee Soomaaliya. Dhanka kale Safaarada Soomaaliya ee kutaal Magaaladda Westland ayaa waxaa ka soconaysa munaasabad balaaran oo ay ka qeyb galayaan dad kumanaan lagu qayaasay. Safaaradda Soomaalida ee Nairobi ayaa shacabka Soomaaliyeed usheegtay in Munaasabadan ay si weyn isugu soo baxaan ayna ka qeyb qaataan iyagoo muujinaya qiiradooda. Cali Ameeriko ayaa Wariye katirsan Warqaad.com Saciid Anteno usheegay in munaasabada lagu qabanayo Safaaradda Soomaaliya ee Nairobobi ay tahay mid ay kasoo qeyb galayaan siyaasiyiin iyo dad kale oo magac leh bulshada Soomaaliyeed dhexdeeda,,. Gaadiidka ka shaqeeya wadada isku xirta Islii, Townka ilaa Westland ayaa ka lacagaystay caawa Soomaalida iyadoo la qaaliyay lacagihii lagu raaci jiray tagaasida iyo gaadiidka kale ee dadweynaha. Goor dhow filo sawirada.

Frankfurt, Jarmalka 2012

Xamar 2012:

Xamar 2012: Koowda Luulyo Oo Muqdisho Looga Dabaal Degay Si’aan Sanadahan La Arag Munaasabad si heer sare ah loosoo agaasimay oo nooceeda oo kale aanay sanadahan ka dhicin magaalada Muqdisho ayaa xalay lagu qabtay xarunta Madaxtooyada Qaranka ayadoo Munaasabadaasina ay kasoo qeybgaleen Madaxda sare ee Dalka iyo qeybaha kala duwan ee Bulshada. Munaasabadda ayaa waxaa goobjoog ka ahaa Madaxweynaha Jamhuuriyadda Soomaaliya Mudane Sheekh Shariif Sheekh Axmed oo ay wehliyeen marwooyinkiisa, Gudoomiyaha Maxkamadda Sare ee Dalka Mudane Ceydiid Ilkaxanaf,Kusimaha Ra’isulwasaaraha Dalka ahna Wasiirka Wasaaradda Ganacsiga iyo Warshadaha Mudane C/wahaab Ugaas Xuseen Ugaas Khaliif oo ay wehliyeen Wasiirro ka tirsan Xukuumadda,duqa magaalada Muqdisho Mudane Maxamuud Axmed Nuur Tarsan,Safiirro,Taliyeyaasha Ciidammada Xoogga Dalka iyo Booliiska,saraakiil ka socotay AMISOM,xildhibaanno,odayaal dhaqameed,abwaaniin iyo fanaaniin. Bilowgii Munaasabadda ayaa waxaa goobta kusoo bandhigay suugaan isugu jirtay heeso,riwaayado iyo gabayo ka hadlaya qiimaha xoriyadda kooxaha fanka ee kala ah Waaberi,Danan iyo Deegaan ayadoo suugaantaasina ay xambaarsanaayeen fariimmo wadaniyadeed. Munaasabadda oo bilaabatay abaarre 08:00PM fiidnimo ayaa markii ay aheyd 12:00AM saqda dhexe waxaa barxadda Madaxtooyada lagu saaray Calanka quruxda badan ee Jamhuuriyadeenna ayadoo cutubyo ka tirsan Ciidammada Qalabka Sida ee Soomaaliya ay salaan sharaf ka qaateen Madaxda Qaranka. Kusimaha Ra’isulwasaaraha Dalka ahna Wasiirka Wasaaradda Ganacsiga iyo Warshadaha Xukuumadda Soomaaliya Mudane C/wahaab Ugaas Xuseen Ugaas Khaliif oo Munaasabadda khudbad kooban ka jeediyey ayaa guud ahaanba Shacabka ugu hambalyeeyey munaasabaddan qiimaha leh ayadoo kadibna uu kusoo dhaweeyey hadalka Madaxweynaha Jamhuuriyadda. Madaxweynaha Jamhuuriyadda Soomaaliya Mudane Sheekh Shariif Sheekh Axmed oo ugu dambeyntii Munaasabadda ka jeediyey khudbad aad u dheer ayaa uga hadlay marxaladihii kala duwanaa ee uu dalku soo maray iyo heerka maanta ay hiigsanayaan shacbiga Soomaaliyeed oo ah hormar. Munaaabadda ayaa kusoo gebageboowday jawi wanaagsan oo farxad ay ku dheehantahay ayadoo Munaasabaddana ay soo idlaatay abaare 03:00AM waxaana xusid mudan in Ammaanka guud ee Caasimadda ay xalay si weyn u adkeeyeen Ciidammada Qalabka Sida ee Soomaaliya. Marka lagasoo tago Munaasbaddan ka dhacday Madaxtooyada Qaranka ayaa sidoo kale waxaa munaasabad kale iyana ay ka dhacday Taliska Ciidammada Xoogga Dalka Soomaaliyeed ee Villa Baydhabo taasi oo Taliska Ciidammada Xoogga uusoo qaban qaabiyey ayadoo sidoo dalal badan oo caalamka ahna lagu qabtay Munaasbaddo lagu muujinayo qiimaha ay shacabka Soomaaliyeed u leedahay Kowda Luulyo oo ah xiligii ay gobollada Koonfureed ee Dalkeenna xornimada ka qaateen gumeysitihii Talyaaniga islamarkaana ay midoobeen gobollada Koonfur iyo Waqooyi.

raula;846631 wrote: well this is just biased..Somaaliya hadaad dhinacna ka arkin..iskaba dhaaf clan-infested regions..maxaad oran NFD is Soomaaliya.

Thank Eebbe we have this and no maxkamadda sare's input needed for it:

Celebrations in Iswiidhan, Denmark, Norway, Holland, Kanada (Edmonton, Regina, Ottawa, Toronto), Mareykanka (Minnesota), Ingiriiska (London) and more, click here.

Soomaaliyeey toosoo cusub 2012 Kowda Luulyo