[ Fine, thank you.

Waa taxanihii sheeko xariiradii Soomaalida iyo hayb-sooca. Sidii hore oo kale erayada calaamadsan micnahooda aan u gunda-degno oo micnayno. Mar kale iyo akhris wanaagsan. Aroos iyo alalaas Waqtigii markuu sii jiitamayba waxaa yaraaday xusuustii iyo hilowgii aannu u haynay degaankii aannu ka nimi. Waxaannu marba marka ka dambaysay la falgalnay dhaqankii cusbaa ee aannu u nimi isla markaasna waxaannu ku milanay dhinac kasta dadkii halkan joogay. Nimco, farxad, bash-bash iyo barwaaqo dhinac kasta ah oo aan hore noo soo marin ayaa noo ahaaday. Beryahan dambe anigu shir-shir iyo sheeko ayaan ku mashquulay. Calooshiis la ciyaar ayaan iska noqday oo adduunyoba meel ay marayso inaan ogaado iskuma hawlin. Wiilal iga da’ weyn ayaan raaci jiray oo gaar ahaan habeenkii markay hablaha la sheekaysanayaan ayaan wehelin jiray; gabdho aan gaar ula sheekaystaana way jireen; waxay ii sii macaanaan jirtay oo aan ilaawi jiray waqtiga iyo meesha aan jooga habeenkii marka iyadoo dhawaaqa jiriqaaga, kabajaaga iyo cayayaan kale intay dhawaaqa isku daraan aan u soo wareego gabar aannu sheekaysano buul-cawskeeda; kadibna intaan madaxa la soo galo kadinka beerkana dhulka dhigo aan hal-xiraale la galo; sida badan gabay iyo geeraarna ugu daro: Marka aan gabdhaha la haasaawayo waxaan isku hawli jiray in inantu ii aragto nin wax lagu darsan karo oo mustaqbal lala wadaagi karo. Gabarta quruxdeeda oo aan eego waxaa weheliyey oo ka muhimsanaa kaskeeda iyo kartideeda; xitaa waalidkeed, awoowayashii iyo ayeeyooyinkii ayaa la eegi jiray iyadoo la fili jiray inay inantu hidda-raaci karto. Iyaduna, geesinimo, deeqsinimo, codkar iyo dad-wadkayga ayey qiimayn jireen. Sidoo kale in aan garaad iyo garasho wanaagsan leeyahay ayey iga hubin jireen.Waa la i xujayn jiray haddii aan furi waayona liidasho ayey ahaan jirtay. Waqtigayagan ninka oo keli ahi ma xulan jirin gabarta ee gabartuna ninka way xulan jirtay. Wixii Ilaahay keeno waa meeshiisa laakiin waxan oo dhammi runtii guur-doon xaggayga kama ma ahayn sababtoo ah cimri dhexe ayuu raggu ku guursan jiray ee carbis buu ahaa aan u tababaranayey mustaqbalka iyo marka ay runta gaarto; gabdhahan oo isku eyni aannu ahayn waxay u badnayd inay hore u guursan doonaan maadama hablaha hore loo guursado. Hadal yaan kugu daline, i rumayso ama ha i rumaysan, ee sidii geed ay i saareen oo kale ayaan noqday waayo wax-qabad kaleba waan daayey. Xitaa waalashay Qalanjo waannu kala xiriir furanay; bili baxday bili tagtay ayaannu isarki jirnay. Mararkaan u tago iyadoo wax tolaysa ama samaynaysaa ayaan u tegi jiray; hadalkayaga iyo wada joogayaguba waa koobnaan jiray; dhinac kale markaan eegay waxaan arkay inay dhogor dhacsatay oo sii qurux badnaatay maalinba maalinta ka dambaysa; xaad gaduud ah ayaa gacmaha kaga dhigtay waxayna ku yeelatay qoorta cabaaryo; laafyaha markay soconaysona waxaad moodaysay haldhaa gu’ barwaaqo ah jooga; bilic aan boqol geel ah loogu geli karin ayey yeelatay. Ninka calaf Ilaah isugu daray inuu naag karti iyo qurux isku darsatay helay ayaa qalbigu i siiyey. Xange isagu ilayn waa nin hawli sugayso ee wuxuu isla markaannu wax yar joognay ku dhaqaaqay inuu safaro dheer u baxo oo keeno badeecooyin kala duwan oo ay ugu muhimsan yihiin dhar, sonkor, timir. Ilaa xeebaha bariga ee Marka iyo Baraawe ilaa marsada Seylac iyo inta u dhexeysa intuu bucshirooyinka ka soo iibiyo ayuu wareejin jiray iyagoo jimlo ah. Hadda oo aannu joognay muddo labo sano iyo bar ah muu noqon oo keliya nin magac ku leh deegaanka oo la xushmeeyo ee wuxuu noqday nin maal-qabeen ah oo hanti ballaaran leh. Awooddiisa dhaqaale waxay u sahashay inuu wax badan oo talo iyo taakulo ah ku biiriyey degaanka. Waayo-aragnimadiisii hore, hawlkarnimadii ay ku carbisay nooloshii adkayd ee uu soo maray iyo awooddan dhaqaale ee uu yeeshay waxay noqdeen dhiig cusub oo bari-taar u noqday isaga ka sokow dadka iyo degaankan uu ku soo biiray. Gurigiisa iyo golaha uu fadhiyo waxay noqdeen meel aan lagu kala bixin oo mudane iyo miskiin nasiino, soo dhown iyo ixtiraam lagu helo. Xiddig soo baxday oo aan calaacasha lagu qarin karin ayuu noqday. ( way sii socotaa qaybtan) Toosiye2

Ilaa hadda xeerku waxa weeye in qofkastaa lahjaddiisa ku qoran karo af-soomaaliga. Labada xaraf ee 'r' iyo 'dh' waa laysku beddeli karaa erayada ay isku beddelmaan. Laakiin 'r'da ayaan door-bidaa waayo inta badan soomaalidu 'r' ayey isticmaalaan. Tan labaad lahjooyinka in la isku soo dhoweeyo ayaa loo baahan yahay oo gaar ahaan marka la qorayo la dhiiri geliyo qaab qoraal oo joogto ah. Laakiin isticmaalka 'dh'du meelo badan ayuu kaga wanaagsan yahay 'r'da. Tusaale waxaa la yiraahdaa jidh iyo jir (roob) oo labadaba lahjadda 'dh'da lagu isticmaalo. labada erayba lahjadda 'r'da waxaa la yiraahdaa jir. Waxaan kale soo qaadan karnaa jiir (dooli ) iyo jiidh ( hilib aan baruur lahayn), iyo erayo badan oo kale. Erayga gabar laftiisa wadarta wuxuu noqdaa gabdho oo 'dh'da ayuu isu rogaa. Waa lagu doodi karaa in 'dh'du habboon tahay. Laakiin halkan 'r'da ayaan dhiiri gelinayaa. Toosiye2

Wadani, adigaa mudan. Erayadii haray micnaha ay sheeko xariirada ugu jiraan waa sidan hoos ku qoran. xoolo-gooyo= qofka saboolka ah ama aan wax haysan xoolo gacalkiis siiyo.. baar-qab = awr aan dhufaan ahayn oo geela lagu daro. raray = awr dhufaan ah oo la rarto. meerto= tooko, wareeg; qofba markiisa. reen= dhawaaq guux ah oo nooluhu bixiyo markuu helo/waayo wuxuu aad u doonayo. Amakaag = yaab; fajac af-kala-qaad = yaab iyo fajac. boodaalaysi= boodo ( magac ) tamuux= ciid/carro cad oo nadiif ah; ciid laga helo meesha ay togaggu maraan. taamis= higsasho; qalbiga ku hayn inaad gaarto ( meel sare/wanaagsan) Erayo kale oo aadan garan hadday jiraan waad soo bandhigi kartaa. Toosiye2

Erayada calaamadsan micnaha ay sheeko xariirada ugu jiraan waa sidan: nagaanay= aan ka tegin; degnay. tebey= xasuustay markaan arki waayey; meeshaan joogay ku arki waayey. hiloobay = aad u jeclaystay arageeda; doonay mar uun inaan arko. baadnay = kala raagnay; aan is-arag muddo dheer. eyni = isku da' ah. caws= wax ka mid ah waxyaabaha aqal-soomaaliga lagu dhiso. falkin = samayn (tusale cawska, aloolka iwm.). dhugtay = eegay; jeedaaliyey; fiirshay( si hubsiino ku jirto ) kebdo= wax isaguna sida cawska oo kale lagu gaafo aqal-soomaaliga; ama awrta rarka laga xejiyo. dhiilo = weel badi saab leh oo caanaha lagu kaydiyo ama lagu lulo. haamo= weel ka weyn dhiisha oo saab leh oo biyaha iyo caanaha lagu kaydiyo. il-bogasho= si wanaagsan u wada eegis ama il-ka-buuxsi.. war jiraaba Cakaar u imaan= waa la ogaan; ma qarsoomi doonto. hal-doorkii= xulkii; intaad dooran lahayd. xanshashaqayeen= cod hoose oo qofka lala hadlayaa uun maqli karo. dhacadiidsi = is-waraa; si caajis ku jiro ( nacasnimo) u seexda. gaafay = laga deday ama xiray hareeraha/gadaal. boosh-caddaa= wada cirro ah; tin madow aan lahayn. burciid= carro/ciid cad oo aan wasakh/usgag lahayn ( nooc ) Erayada haray qayb dambe ayeynu ku micnayn Toosiye2

Salaan celin kash iyo laab ah Gooni. cimriga bini-aadamku waa iska kooban yahay marka waa muhim in qofku waayihii uu soo maray iyo wuxuu bartay u tebiyo jiilka soo koraya iyo kuwa kaleba. Taas weeyaan tan qoraaladaydu ku socdaan laakiin adiguba wax badan ayaad ku kordhisay qoraaladan ee inaad sii waddo ayaan rajeynayaa. Mahadsanid mar labaad. Toosiye2

( waa qaybta sare oo sii socota) Waqti yar ka dib waxaa bilowday shirkii oo ay daadihiyeen guddidii odayaashu halkaas oo shirka lagu bilaabay quraan, duco iyo dalab inay is-cafiyaan ciddii xumaani dhex-martay. Waxaa laga hadlay arrimo badan oo dan guud ah waxaase markii dambe loo soo degay qodob la xiriiray in naloo xoolo-gooyo. Guddomiyihii shirka ayaa hadlay oo yiri “ Huriwaa dib ayeynu u dhigaynaa oo weli muu qaan-gaarin ee tan Xange waxay noqonaysa: lo’ boqol ah oo ugu yaraan konton sac ku jiraan; geel boqol ah oo ay ku jiraan toban halaad oo riman iyo toban dhalay oo ermaan, awrkoodii baar-qab iyo ugu yaraan saddex awr oo raray ah; boqol iyo konton ari ah iyo beer”. Intuu yara hakaday oo isha dadkii mariyey ayuu cod la wada maqlay ku yiri “ aaway nimankii meertada u lahaa xoolo-gooyadan?” Nin ayaa shirkii ka dhex kacay oo yiri “ nimanka meertada u leh xoolo-gooyada anigoo magacooda ku hadlaya xoolahaas iyo beertaasu waa diyaar! Waxaa kale oo diyaar ah ciddii xoolaha raaci lahayd iyo ciddii beerta fali lahayd inta Xange ka itaalaysanayo oo hawshaas isaga iyo dadkiisu ku filaanayaan. Waajib dhaqanka iyo xeerku na saarayo weeyaan, waannuna ajiibnay”. Marka ninkii intaas yiri oo uu fariistay ayaa reen farxad lehi ka yeeray meeshii; waa loo mahadnaqay loona duceeyey nimankii xilkaas gutay. Aniga iyo Xangese filan waa ayuu nagu noqday abaalka intaas le’eg ee naloo galay. Amakaag iyo af-kala-qaad ayey nagu noqotay arrintu waayo wax aannu filanaynay ama aannu ku riyoonay ma ahayn. Waxaase ka sii yaab badnayd dadka Xange xoolaha siiyey ma anaan aqoonsan mar hore iyo mar dambe midna. Ninkaas istaagay oo inuu wax bixiyey anaan hubin mahee cid kale oo xoolaha bixisay ama ka hadashay ma anaan arag. Arrinta meesha ka dhacday waxay nagu noqotay cajiib iyo dhaqan cusub! Xange ayaa guddomay xoola-gooyadii isla markaasna wuxuu ballan-qaaday inuu ku biiray beesha oo xeerarkeeda uu ogol yahay una hoggaansami doono; shirka hortiisii ayaa lagu dhaariyey, waa loo wada duceeyey waana lagu soo dhoweeyey xubin ka ahaanshaha bah-weynta.Sidaas ayuu mustaqbal cusubi ugu bilowday gaar ahaan Xange; laakiin aniga iyo Qalanjona horseed ayuu noo noqday. Aniga hadal layma furin maalintaas umanaan is-taagin inaan hadlo. Waqtigeeda iyo mar dambe ayaa arrintaas loo dhigay! Markii dambe ducaysi dheeraad iyo faatixada inta shirkii lagu xiray ayaa waxaa bilaabatay xaflad kale oo naloo sheegay in la yiraahdo “ gacmo is.dhaafis”. Waxaan ogaaday in dhaqanka xafladan oo fac weyn la qabto 3dii biloodba mar. Reerkastaa wuxuu maalintaas xafladda keenaa cunto iyo cabitaan. Dhar qurux badan ayaa lagu soo lebistaa, timaha waa la soo jartaa garkana waa la soo feertaa. Ciid kama dhacdo maalintaasi. Dumarka iyo badi carruurtuna gaar ayey xafladda u qabsadaan ragguna gaar; wiilasha yaryar markay gaaraan cimri roon waxaa lagu dhiiriyaa inay aabbahood raacaan. Cuntooyinka la keeno oo dhan inta laysku daro ayaa marka dambe inta koox-koox loo fariisto la wadaagaa iyadoo gacmaha lagu cunayo. . Cuntada kadibna gabay, xifaaltan iyo xikmad wadaag ayey u jeestaan ciddii rabtaa. Ciddii kale boodaalaysi, orod iyo legdan ayey ku foofaan; la yaabse ma leh haddii la arko kuwo dhereg awgeed hurdo dhacadiidsada dhirta harka qabow ee tamuuxdu ku hoos guglan tahay. Habeenkiina ciyaaraha hiddaha iyo dhaqanka oo gaar ahaan dhallinyaradu, wiilal iyo gabdho, ay ka qayb galaan ayaa lagu khatimaa. Xafladdaas ’ Gacmo is-dhaafis’ maalintaas iyo habeenkii ku xigay ayaannu ku bashaalay. Maalin dambe ayaan intaan Xuurteeye xafladda la soo qaaday ayuu wuxuu yiri “ Soomaalidu waxay tiraahdaa gacmo is-dhaafa ayey gacalo ku jirtaa”. Wuxuu ku daray “ waxkastaa shaqo ayey u baahan yihiin! ula-jeedadu xafladdu waa in si joogto ah dadka kal-gacal looga dhex abuuro si markaas wannaagga dhexyaal u kobco”. Ilayn qof nooli feker ma daayo ee waxaan is-tusay in ummadda samo-falka ku taamtaa ay ku tallaabsato nabadgelyo, horumar, bash-bash iyo barwaaqo. Dhammaad Kelmado kale oo aadan fahmin miyey jiraan? Na weydii. Toosiye2

Waxa wanaagsan oo dhammi waa saddex ayaa la yiraahdaa. Marka tusmada sheeko xariirada soomaalida iyo hayb-sooca waxaan ku kordhinayaa, haddii Ilaah idmo, saddex madax oo cusub oo kani kow ka yahay. Sidii hore oo kale ayaan erayo calaamadin doono si aynu markaas fursad ugu helno inaynu micnahooda u gunda-degno. Waatan qaybtii 8aad ee sheekada ee akhris wanaagsan Gacmo is-dhaafa ayey gacalo ku jirtaa. Deegaankii cusbaa ayaannu ku nagaanay. Markaannu muddo labo bilood ku dhow joognay ayaan maalintii dambe tebey una hiloobay inaan booqdo walaashay Qalanjo oo kadib markay dumar dhex-gashay is-araggayagu yaraaday. Xange iyo aniga laftayadu waannu kala baadnay waayo qofba dad ay isku eyni ama dano yihiin ayuu raacay. Maalintaas ayaan soo baxay oo waxaan afka saaray jihaday igaga beegnaayeen guryo aan ku tuhmayey inay joogtay. In door ah markaan u soo jiray guryihii oo aan maqlay soona dhawaaq raacay codka hees baxaysay ayaan u imi Qalanjo iyo dumar kale oo geed guryaha u dhow hoos fadhiya qaarna taagan yihiin; hawlo ay ku jirtay caws falkin ayey ku foognaayeen waxayna ku luuqaynayeen: Cawskanoow sabool diidow, hoyal, waqan suuqa lagu dhiginey, hoyal, soddon lagugu baayiciney, h,oyal, yaa sameeyey lagu oraney, hoyal, ay hooyalayow hoyalee. Markaan sii dhugtay waxaan arkay kebdo, dhiilo iyo haamo kala waaweyn oo ay tolayeen; saamo ay aslayeen iyo laamo dhaadheer oo dhuudhuuban oo intay soo gureen ay hareeraha iyo baarka ka saafayeen. Dumar da’ weyn oo hawlahaas waayo-arag u ahina way agaasimayeen. Intaanan il-boganba walaashay oo dareentay imaanshahayga ayaa sare eegtay oo markay i aragtay igu soo carartay oo intay igu soo booday minjaha iyo madaxa aannu is-qaadnay. Markii sakhraddii farxadda walaaltinimo soo yara degtay ayaannu gees u yara baxnay si aannu isu waraysano. Si tuhun qalbigayga ku wareegayey aan uga shaki baxo ayaan walaashay weydiiyey oo iri “ walaal warran oo hawshan oo dhammi waa maxay ma wax aanan ogeyn ayaa soo kordhay?” Intay qosol ay iska keentay ku dhufatay ayey cod ay is-tiri run u ekaysi ku tiri “ walaal maxaa soo kordhay? Waxba walaal! Waxba. Ma anaa wax kaa qariya”. Sheekooyin kale iyo is-xaal-waraysi markaan dhammaysanay ayaan nabadgelyeey waxaanna u dhaqaaqay meel lagu ballansanaa oo shir ka dhacayey maalintaas; intaan sii socday ayaan is-tusay in dumarku ay hayeen hawl weyn ee tollow ma aroos ayaa soo food leh ayaan ku fekeray; waxaanse ku daystay ‘war jiraaba Cakaar u imaan‘. Goobtii shirku ka dhacayey ayaan imi. Goobtu waxay ahayd geed weyn oo Allaa weyne geed ka weyni uusan degaanka ka ool; hooskiisa 300 oo qof ayaa fariisan karay. Markaan imi hal-doorkii degaanka ayaa badi ku dhammaa laakiin dumar ma joogin; carruur wiilal ah oo yara roon-roon oo aabbayaashood la socday ayaa weheliyey ragga meesha fadhiyey. Wejiyada dadka waxaa ka muuqday farxad waxayna ku lebisnaayeen dhar qurux badan oo kala midabo ah; ninkastaana si dhawrsan ayuu u fadhiyey waxaadna arkaysay in mararka qaar kuwa is xigaa ay cod hoose oo aan la maqlayn ku xanshashaqayeen. Gogol qurux badan oo dhabarka dambe laga gaafay waxaa ku fadhiyey odayaal dhowr ah oo garar boosh-caddaa ah leh oo muuqaalkooda iyo isku kalsoonidooda aad ka dheehanaysay inay ku duugan tahay waayo-aragnimo iyo aqoon hoggaamineed. Dadka kale inta ii muuqday waxay ku fadhiyeen dhulka oo lahaa ciid burciid ah oo aan dharka usgag u yeelayn. Halkii ayaan aniguna fariistay anigoo is-uruurinaya. (Qaybta hoose sii akhri) Toosiye2

Waad mahadsan tihiin: Somali Ph., Wadani, Che, iyo Coofle. Che-Gueravara: maya ma lihi bog-mareegeed (web site) aan ku qoro tix-qoraalo (blog). Waqtigan magac yeelo iyo manfac hel midna iguma jiro. Marka sidaan wax u qoro iyo meesha aan ku qoraa waa isku mid. Haddaan ku noqdo erayada si wanaagsan ayaad micnaha isula qaadaa dhigteen waana sax. halka eray ee aan ku noqonayaa waa erayga safar. Micnaha caadiga ah ee eraygu waa kaad sheegteen oo ah in aad ka tagto gurigaaga ama meesha aad deggan tahay oo aad u kacdo ( qabato ) meel kale oo durugsan oo muraad kaa galay . Micno labaad oo dhaqankii hore loo isticmaali jiray wuxuu ahaa marka qofka reer miyiga ahi ka soo iibsado magaalada badeecado sida: dhar, timir, sonkor iwm. Tusaale qofka baayac-mushtarka ahi wuxuu oran jiray " safar baan keenay " ama waxaa la yiraahdaa " safar baa yimi ". oo loola jeedo badeecado iib ah ayaa la keenay. Toosiye2

Waxaan door-biday inaan taxane cusub oo la xiriira: soomaalida, dhaqankooda iyo af-soomaaliga halkan idiinku soo gudbiyo. Waxaan rajeynayaa in qofkii awoodaa uu wax ku darsado. U fiirso micnaha iyo dulucda dhaqan ee erayada aan calaamadiyey ay xambaarsan yihiin. Wixii ra’yi ahna waad nagu kordhin kartaa. Gacmo furan oo kor u jeeda ayaa Ilaahay lagu baryaa. Wiil yar ayaan ahaa oo ku dhow12 jir ah. Aabbahay ayaa maalin maalmaha ka mid ah ii yeeray. Wuxuu yiri “orodoo intaad mayrato oo dhar wanaagsan oo nadiif ah soo gashato soo carar meel ayeynu qabanaynaa”. wuxuu ku daray “ hooyo u sheeg walaashaa Fadumo iyo Keerow way ina raacayaan”. Anigoo aan waxba weydiin ayaan is-dhigay. Wax yar ka dib anigoo neef-tuuraya oo ay ila socdaan walaalahay ayaannu aabbo u nimi isagoo jooga daaradda hore ee guriga halkaas oo uu ku diyaarinayey gaarigii aannu raaci lahayn. Markaannu shirka dambe galaynay aabbe intuu si taxadar leh u xiray daaqaddii oo soo wareegay ayuu dhaqaajiyey baabuurkii. Kadib markuu dad kale oo ay asxaab yihiin ka soo ururiyey magaalada safarna ka soo qaatay ayuu nagu riday waddo weyn oo bari uga baxda magaalada. Abaara 30 daqiiqo markuu xawaare dheeraynaya ku socday ayuu nasoo geliyey meel xeri deggan tahay oo aan xusuustay inuu mar hore na keenay. Sheekh ayaa xerta meesha ku hayey. Intaannu ka degnay gaarigii oo cabbaar la ciyaarnay carruur kale oo meesha joogtay ayaa markii dambe aabbe oo isagu sheekha u tegay noo yeeray. Inkastoo aan qalbiga aad uga jeclaa inaan carruurta la ciyaaro haddana anigoo aan xagga iyo xagga midna eegin ayaan orod ugu imi iyadoo ay i dabo ordayaan labadii kale ee walaalahay ahaa. Gacmaha intuu si waalidnimo ku jirto noo qabtay ayaannu galnay mundul weyn halkaas oo aannu ugu tagnay shiikhii guud ee xerta oo ay la joogaan dad badan oo qaar xertiisa yihiin qaarna booqasho ugu yimaadeen. Markaannu salaanay ee shiikhii si diiran noo soo dhoweyey oo uu na fadhiisiyey agtiisa ayaa waxaa naga soo dabo galay labo nin oo hor leh oo muuqaalkooda aad ka arkaysay inay xoolo-raacato yihiin. Iyaguna markay marxabayn iyo soo dhoweyn diiran ka heleen shiikhii iyo dadkii kale ee meesha fadhiyey ayaa labadii nin mid ka mid ahi hadlay oo yiri “ Shiikh abaar ayaa nagu habsatay; dadkii iyo duunyadiina way riiqday. Waxaannu u nimi inaad noogu ducayso in raxmaad Ilaahay na siiyo”. Shiikhii baa yiri “ ducadaydu roob ma keento ee roobka Ilaahay baa keena idankiisa ayuuna ku da‘aa; laakiin gacmo furan oo kor u jeeda ayaa Ilaahay lagu baryaa ee dhammaanteen aan ku ducaysano in abaarta uu inaga dulqaado“. Halkii ayaa shiikhii hoggaamiyey duco loo dhan yahay oo qofkastaa qushuuca iyo jacaylka Alle uu qalbigiisa u furay. Markii faatixadii lagu khatimay ducadii ayaa shiikhii ku yiri nimankii “ sida Alle looga bartay roobku wuu di’i karaa ee reerihii qabta. Adiguna kexee carruurta yeydaan halkan ku xayirmine” ayuu ku yiri aabbahay. Labadii nin dhego nuglaan ayey isla markiiba waddada cagta ku sareen halka aabbahay ka dhego adaygay. Inkastoo ay jilaal bartamihiis ahayd cirkii ayey daruuro isla markiiba is-qabsadeen waxaana curtay roob ma-hiigaan ah oo xaruntii xerta nagu xayiray saddex habeen iyo saddex maalmood. Dhammaad Micnaha erayada haddaad nala wadaagi karto way kuu furan tahay. Toosiye2 .

Hadduu sax yahay nuqulkan khaladaad badan oo xagga qoraalka af-soomaaliga ah ayaa ka muuqda. Saxniin dhinacyo badan khuseeya ayuuna u baahan karaa. Tusaale.. Qodob ay indhahaygu aad u qabteen waa kan 7aad - Dhulka Dawladda Waxaa habboon in la yiraahdo: Dhulka Jamhuuriyadda Soomaaliya ama Dhulka Jamhuuriyadda Dimuqraadiga Soomaaliya Wuxuu sii oranayaa qodobkaasi: Gobanimada Jamhuuriyadda Soomaaliya waxay koobeysaa dhulka Jamhuuriyadda Somaaliya oo idil, oo ay ku jiraan berriga, badaha, jasiiradaha iyo uurkooda hoose, hawadooda Sare iyo geyi-qaaradeedka iyo dhul iyo biyo-goboleed kasta oo ku soo biira Jamhuuruyadda Somaliya, si waafaqsan sharci uu Baarlamaanka Qaranku ansixiyo. Marka la yiraahdo ' uurkooda hoose' jasiiradaha keliya ayuu hadalku khusayn karaa haddii qoraalka qaabkaas loo daayo. Waxaan u qori lahaa sidan. Jamhuuriyadda Soomaaliya ee xorta ahi waxay ka kooban tahay dhulka Jamhuuriyadda Soomaaliya oo idil oo ah berri, bad iyo jasiirado oo ay weheliyaan dhammaan wixii intaas uurkooda hoose ku jira iyo wixii dulsaaran; waxaa kale oo weheliya dhammaan hawadooda sare, geyi-qaaradeedka( ma fahmin eraygaas), dhulka iyo biyo-goboleed kasta oo ka mid ah Jamhuuriyadda Soomaaliya ama sharci caalami awgeed ku soo biira Soomaaliya.-si waafaqsan sharci uu Baarlamaanka Qaranku ansixiyo. Wax badan ayeynu sixi karnaa haddii halkan nuqul lagu soo dhejiyo oo kadina aynu dood ka furno. Toosiye2. -

Adigoo mudan ogaanshahayga af-soomaaligu eray bixnta ubaxa wuu ku liitaa. Ma aqaan, mana jiro ayaan filayaa, eray gaar ah oo aynu u naqaan ubaxa 'rose'. Magaca guud ee ubax ayeynu ugu yeernaa. Laakiin haddii la oran lahaa wax u bixi indho-u-roone, maan-diiriye ama qalbi-bile. ayaan u bixin lahaa. Idinku maxaad u bixin lahaydeen? Toosiye2

Thanks Xiin yours were considerate words. We are not only discussing but we are in fact seeding thoughts to readers, among them probable juveniles! In my view it demands responsibility from the contributor. Qaranki The point here is to try to alleviate the suffering of the Somalis in the South; I subscribe to the idea that Somaliland could contribute much more than it is doing now. Mine is just a call to that endeavor. Oodka Xinn has confessed that he could do better. I understand that you prefer to answer in kind but for the sake of the wider audience I request you to make better choice of the words and thoughts you wish to share. After all your words have seeding effect. The Awakener2 * *

Thanks Nassir, One more thought I would share with everyone in this section is that a primary reason as to why Somalis could not reconstitute their Nation-State is the clan mentality which has lately become social preference for many of us. Even the “educated” are falling for it in this otherwise trying times- to my amazement. I’m disgusted when I read in these pages venomous expressions of clan rivalries directly fed to malleable minds of our youth. I’m sorry to confess it but I’m disappointed by our collective lack of vision and foresight even in this boards. What are the other clans? Are they ALIENS from other Planets? aren’t they your kin and kind who share common destiny with you? If we cannot stop to express hatred in this board we could at least moderate it! Intaas talo waafi ah dheh! The Awakener2

Somaliland is in a cross-road now and the implications are huge for itself, the South ( Somalia ) and for the whole region. It should not be taken lightly for a lot is at stake here. I’m referring to the meeting about Somalia in London. The meeting in London on the 23rd. February could be a historic opportunity for peace for Somalia; more so for Somaliland which has enjoyed relative peace compared to the rest of Somalia. A point in contention here is that Somaliland, as it has done before, has always the opportunity to explore every avenue which can bring peace to the wider region and to itself because, as it were, it is not an isolated pool from an ocean; whatever is affecting the region, specially Somalia ( South ), will affect it. Hence a problem in Somalia ( note: Somalia/South as interchangeable here) is also a Somaliland problem. If we accept the ocean as a metaphor for the Somali speaking people then we could conclude that the right path for Somaliland to take is to attend the London meeting! It is not a sacrifice it has to make but a necessity for its survival and the survival of all Somalis wherever they are! Somalis are known though to make missteps when they are in historic junctures of transition. Examples of fatal choices they had made are: 1. After the second world war Great Britain, the same nation that is calling now for this meeting, tried to unite the Somali speaking people under one state. That dream evaporated after the Italian Protectorate Somaliland opted for Italian trusteeship of ten years. Consequently Somalis continued to stay divided into five parts because of that simple but lethal choice. 2. The last Somali regime before its collapse in 1991 in a lack of foresight held on to the power specially after the war in Soomaali-Galbeed was lost in 1978. This eventually brought it down but in addition ushered in a time of great tribulation and hardship for the Somali people. If only the military went to their barracks and free elections were held! But that was not done the consequence has to be reaped by all somalis. 3. When the Ethiopians left the country in 2009 the then insurgent groups against the Ethiopians became fragmented (TFG, Xisbul Islam, AS) and chose to fight on between themselves; each group has been trying to usurp the national power without the consent of the other groups but neither have they been seeking the consent of the real owners of the land, the Somali people. If only they would came together, hammered an agreement and sought the consent of their people! That was another Somali misstep in a historic turning point for the nation! Staying away from the meeting in London by Somaliland has the potential to become the mother of all Somali blunders that the above fatal missteps may become dwarfed in comparison. In brief this is not a sane option to take for obvious reasons! Conclusion. I wish to say to Somaliland: show courage and resolve in this momentous time in the history of the Somali people by going to the meeting with mental frame and an agenda for peace. Do not walk away or deceive your strategic friend now. Clearly state your position in front of everyone in the meeting in London without deceit in mind. Do not forget that compassion and kindness are virtues and you have an opportunity to practice it now. Remember the living condition of your kin and kind, the Somali people in the South, who have been suffering for so long will be impacted by the decisions you make. Ask your self: What will bring sustainable peace for the whole region? My above conclusions are addressed also to other delegates to the meeting. My conclusion are from loving heart and I wish peace and blessing for everyone. The Awakener2

somalee;771999 wrote: .Waad ku mahadsantahay faahfaahinta dheer. Hadaad leedahay waa dib u dhac in odayaasha dhaqanka wax la weydiiyo, anigu arintaas kuguma raacsani. Hadaan Soomaali nahay in odayaasheenu wax xalin karaan oo ay xal ka keeni karaan meelaha ay dawlad wax ka qaban weyday tusaalooyin badan baan kuu siin karaa. Mudo dhowr sano laga joogo ayaa waxaa ku dagaalamay 2 qabiil gobolka Soomaalida ee Itoobiya, dawladii Itoobiya ayaa markay dhax gashay wax ka qaban weyday markii dambana odayaal baa loo diray. Odayaashii baa sidii kusoo xaliyay. Ma waxaad leedahay dadka koonfur jooga hor mar bay gaadheen oo odayaal wax ugama baahna? Goboladan aad ku eedeysay inay dib u dhacsanyihiin maadaama ay odayaashoodu u arimiyaan waa gobolada ka amaanka badan kuwaas koonfureed. Waana gobolada dad badan oo reer koonfur ah intay guryahoodii kasoo qexeen ay nabad galyo ku heleen. Dawlada intaan la isla gaarin, soo kulama aha in loo baahanyahay odayaal laga dambeeyo oo wixii dil, kufsi iyo dhac la geysto wax ka yiraahda? Maadaama 20 sano dawlad la sugayay, Soomaalidii kalana dilkii ku yaraaday, koonfurna wali dhibkii sidii u haysto. Awoowe hadal tirada waan iska aqaan laakiin imaad fahmin. La islama diidana kaalinta wax-ku-oolka ah ee odayaasha dhaqanka laakiin su'aasha aan isku deyey in aan ka jawaabo oo aadan fahmin waxa weeyaan: Xaggee ayey ka shaqayn karaan? waxay ka shaqayn karaan meel ay ka jiraan; 1) odayaal dhaqameed ab-ka-ab soo jireen ah oo si wanaagsan ugu carbisan kaalinta oday dhaqannimada. 2) Xeerar soo jireen ah oo dadku wada wadaago oo ku dhaqankooda iyo ku garrankooda la isla garanayo la islana ogol yahay. 3) Bulsho u hoggaansan odayaasha iyo ku dhaqanka xeerarka. Haddaba tusaalooyinka aad isticmaashay meelaha ay khuseeyaan shuruudahan ayey buuxinayaan. Halka koonfurtu aysan buuxinayn! Doodaydu waxaa weeyaan nidaam cusub oo ka baxsan odayaasha iyo xeerarka soomaalida ayey Koonfurtu ku dhaqmaysay marka laga soo bilaabo 1950kii, nidaamkaas oo diciifiyey kaalinta odayaasha iyo xeerarka soomaalida; nidaam dawladnimo ayey u gudbeen oo si wanaagsan u hirgalay; Dhibaatadu waxaa weeyaan dhaqankii faca weynaa ee soomaalidana koonfurtu way ka tagtay kii beddelay ee dawliga ahaana wuu diciifay ama burburay ayaad ku doodi kartaa. Maxaa la sameeyaa hadda? Sida saxda ahi waxaa weeyaan nidaamkii dawladnimo waa inaynu xoojinaa waayo odayaasha iyo xeerarka soomaalidu qabyaalad ayey dabada ku wataan; Qaranka aynu doonaynona qabyaaladdu waa u cadow. Inaad i fahamtay ayaan filayaa! Toosiye2

Salaanta waan kaa qaadnay awoowe, salaan ka dib arrimaha aad soo jeedisay waxan ka oran lahaa siyaabahan soo socda. Marka ugu horaysa arrintu horumar bulsho ayey la xiriirtaa. Tuusale sida ay miraha masagadu dhulka marka lagu aaso ee waxyaabihii ay u baahnaayeen laga haqabtiro u baxaan, u koraan marka dambena ay miro u dhalaan sidaas oo kale bulshadu marka hore xoolo raacato ayey noqotaa, waxaa ay uga gudubtaa inay xoolaha ku lamaaniso beeraha; kadibna beeraley deggan ayey ku dambeeyaan. Heer kastaa qaabkiisa dhaqan-dhaqaale oo u gaar ah ayuu wataa! Marka aad Beledweyn iyo wixii ka hooseeya eegto waxay muddo toddobaatan sano ka hor u gudbeen heerka dhaqan-dhaqaale ee bulsho ee xoolo-beeraleyda ah, qaar badan oo ka mid ahi markii dambe, beeraley rasmi ah ayey noqdeen halka kuwo kalena degeen magaalooyin waaweyn, sida Muqdisho, halkaas oo dawladnimo xoog lehi ka tisqaaday gaar ahaan intaan dawladdii dhexe burburin sannadkii 1991. Waxaa u sii dheer dadka goboladaas deggan oo qabaa'il ahaan aad u kala duwan marka la barbardhigo gobolada aad magcowday. Arrimahaas is-barkan ee Koonfurta u gaarka ah ayaa keenaya inay dhaqan ahaan ka duwanaadaan Soomaalida kale ee degta, Puntland, Somaliland iyo Soomaali Galbeed waayo goboladan dambe dhaqanka xoola raacatada ayaa ku xoog badan; waxaanse anigu sugi karaa in waqti mustaqbal ah oo aan fogayn in iyaga laftoodu ay u gudbaan heer dhaqan-dhaqaale bulsho oo diciifiya kaalinta odayaasha dhaqanka. Mar hadday sidaas tahay Koonfurtu hadda dib uguma noqon karaan hab-dhaqan ay ka soo gudbeen. Waxaa habboon iyagoo kaashanaya odaaysha dhaqanka, wixii hadda la hayo, inay culayska saaraan inay abuuraan ururo bulsho oo ka koobaan, wax-garad, aqoon-yahanno, dhallinyaro iyo haween iwm. oo sidaas ay ugu hawl-galaan in dawladdii dhexe ee burburtay la soo celiyo. Dawlad ayaa badbaadin karta ee odayaal dhaqan waxay bulshadaas u qaban karaan way kooban tahay . Taasi waa ra'yigeyga!! Toosiye2

Narniah, surely there is profound message in it namely surrendering to the Divine will. Life would be full of more wonders if we would consciously let the Divine Will guide the human will. I also this one: Who is at my door? He said, "Who is at my door?" I said, "Your humble servant." He said, "What business do you have?" I said, "To greet you, 0 Lord." He said, "How long will you journey on?" I said, "Until you stop me." He said, "How long will you boil in the fire?" I said, "Until I am pure. "This is my oath of love. For the sake of love I gave up wealth and position." He said, "You have pleaded your case but you have no witness." I said, "My tears are my witness; the pallor of my face is my proof.' He said, "Your witness has no credibility; your eyes are too wet to see." I said, "By the splendor of your justice my eyes are clear and faultless." He said, "What do you seek?" I said, "To have you as my constant friend." He said, "What do you want from me?" I said, "Your abundant grace." He said, "Who was your companion on the 'ourney? I said, "The thought of you, 0 King." He said, "What called you here?" I said, "The fragrance of your wine." He said, "What brings you the most fulfillment?" I said, "The company of the Emperor." He said, "What do you find there?" I said, "A hundred miracles." He said, "Why is the palace deserted?" I said, "They all fear the thief." He said, "Who is the thief?" I said, "The one who keeps me from -you. He said, "Where is there safety?" I said, "In service and renunciation." He said, "What is there to renounce?" I said, "The hope of salvation." He said, "Where is there calamity?" I said, "In the presence of your love." He said, "How do you benefit from this life?" I said, "By keeping true to myself Now it is time for silence. If I told you about His true essence You would fly from your self and be gone, and neither door nor roof could hold you back! Rumi - In the Arms of the Beloved, Jonathan Star Jeremy P. Tarcher/Putnam, New York 1997 http://www.rumi.org.uk/love_poems.html#Whoisatmydoor The Awakener2

Carafaat;769385 wrote: So why not have first local, then regional reconcialation meetings before a national goverment is reinstated? In some places this is already happening, like with ASWJ held area's, Galmudug, there was meeting a month ago in Cadaado organised by Ximan iyo Xeeb, with more then 10 representives of "maamuls" or clan sections from Hiiraan, Shabble's and galgaduud. That would be an ideal approach! But practically regional and local reconciliations need facilitators who provide resources of man power, money, intellectual and administrative know how; it needs the participation of conscientious grassroots who share common intention for local, regional and national goals; It also needs a trans-regional co-ordinating body which pieces together all the local and regional aspirations into a whole so that it can function in national level as one body. This is not an easy task as you may feel! Besides for many locals and regions, to bring those resources together, is not an easy task for obvious reasons; we have also the pressing need to reconstitute the Nation State without delay. It is thus my contention that the present Somali approach which aims to adopt a National Constitution, as quickly as possible, might be a productive one if it guarantees a decentralized (bottom up) decision making mechanisms. Conversely a Grand National Reconciliation Meeting could be convened inside Somalia preferable for the South first (Somalia); and then when the South is properly settled could the South and North meet. My other suggestions in this thread and in other threads could be valid. The future of Somali Nation State looks bright when the Somalis show willingness to compromise The Awakener2

Thanks Carafaat. Action Teams in Somalia A quote from Margret Mead, the anthropologist: Never doubt that a small group of thoughtful committed citizens can change the world. Indeed it is the only thing that ever has. End quote. It is ultimately in an environment of peace that religious revival, justice and progress, freedom and every other socially constructive endeavour can grow. Action Teams in Somalia could contribute to those ends. The Awakener2

Whatever is, whatever was, and whatever will be all live in a single second, which is of that of the 'now'. And as such, there is active NOW, only as a PAST now.... one knows what is 'now' after some delay...making now forever illussive to grasp... . Wonderful! Your words are truely fruit for the mind and consolation for Spirit. I prefer to add the word HERE........ hence HERE and NOW are masked constituents which we don't readily experience in our role as observers of the physical reality. But in a deeper level, beyond the limitations of physical sensory organs, the true nature of the HERE and NOW could be unmasked for the perceiver who by the GRACE of God is allowed to gain such an experience. This BBC documentary could be additional food for thoughts in that regard. http://www.thoughtware.tv/videos/watch/1099-Atom-the-Illusion-Of-Reality-3-Of-3- The Awakener2

As children bring their broken toys With tears for us to mend, I brought my broken dreams to God Because He was my Friend. But then instead of leaving Him in peace to work alone, I hung around and tried to help With ways that that were my own. At last I snatched them back and cried, "How can You be so slow?" "My child," He said, "What could I do? You never did let go." Author unknown The Awakener2

Inaan soo koobo qoraaladan ayey ila noqotay marka qaybtan ayaan ku soo gunaanadayaa taxanaha. Waxyaabo iftiimin dheeraad ah u baahan hadday jiraan waxaynu ku lafo-guri karnaa dood. Nin ayaa god bahal galay markuu ka soo baxay godkii isagoo qarmuun ka urayo gacmahana saxaro ku leh ee la weydiiyey waxa ku dhacay ayuu ku jawaabay " xoor baa igu dhuusay". Ma fahmin inuu dembi iska leexin ku hadlay madaama dhibtu ku timi markuu godka ikhtiyaarkiisa ku galay. Tani waxay ina xasuusinaysaa siday maanta Soomaali badan uga qarsoon tahay inay wixii dhacay iyo dhibta hadda socotaba iyagu sabab u yihiin xalkeedana iyaga laga sugayo. Dhibaatada taagani waxay ka imaanaysaa Soomaaliya oo aan lahayn dawlad dhexe oo dadku doortay oo dalka oo dhan xukunta. Dhibta ugu weyn ee la rabo in la daweeyo waa taas waana halka ugu horaysa ee xalal kale oo waxtar u ah dadka iyo dalka laga unki karo cadowyada badan ee ummaddu leedahayna laga badbaadin karo. Dawlad dhexe la'aan waa col iyo abaar, waa omos oo waa biyo la'aan, waa aabbo iyo hooyo la'aan; waa aqal la'aan, ilmo iyo ehel la'aan. Waa argagax iyo oohin oo waa illin aqoon la'aan! Haddaba intaan dawada arrintaas la is-weydiin waxaa loo baahan yahay in la lafo-guro sababta markii hore keentay in dawladdii dhexe ee Soomaaliya burburto; markii dambena ay u adkaatay in dib loo soo celiyo. Buug dhan ayaa laga qori karaa oo halkan kuma soo koobi karo laakiin aan iftiimiyo lix qodob oo aan laf-dhabar u arko. Waxay burburtay dawladdii dhexe isla markaasna hadda adkaynaysa in dib loo soo celiyo markay: 1. Dawladihii isaga dambeeyey xukunka dalka, laga soo bilaabo maalintii xoriyadda la qaatay, raaceen siyaasad ku jihaysnayd in la xoreeyo gobolada soomaaliyeed ee la gumeysto iyadoo xoog la isticmaalayo haddii loo baahdo. 2. Dawladdii dhexe ee ugu dambaysay ku adkaysatay inay xukunka keli ku ahaato gaar ahaan markii lagu hungoobay isku da'gii la rabay in lagu xoreeyo gobolada Soomaali Galbeed sannadihii 1977 - 1978dii. 3. Jabhado qabiil ku dhisan oo aan qorshe qaran lahayn dawladdii dhexe ku kaceen markay rideenna ku guul-darraystay inay dawlad qaran dib u soo celiyaan. 4. Kuwo diinta lagu tuhmayey oo la sugayey inay naxariista iyo nicmada Alle dadka ku wacdiyaan ay iyagii qori qaateen oo dagaal iyo damac siyaasadeed ku mashquuleen. 5. Qabyaaladdu ka sare martay masiirkii qaranka, badi wax-garadkii dalka, baayac mushtarkii, jaamicigii, shiikhii iyo shariifkii, dantii guud ka guureen oo mid qabiil u degel rogteen! 6.Soomaalidu weyday saaxiibo lama huraan ah ( Strategic friends ) oo u soo gurmada maanta oo ay walaal kala haga u baahan yihiin. Intaas Soomaalidu kharibtay waxaa dheer oo aan la inkiri karin inay jiraan quwado shiheeye oo iyaguna xaggooda ka shaqaynaya inay danahooda ka fushadaan waddanka kuwaas oo kala daadinta ummadda ku hawlan. Waxaas oo cadow ah midnimo iyo is-cafis ayaa lagu xalin karaa! Waxaa looga bixi karaa dhibtaas in Soomaalidu iyagoo aan cidna ku halayn ay dib u dhistaan dawlad dhexe oo ay raali ka wada yihiin. Sidee ayaa taas lagu gaarayaa ? Put the gun down and talk! (qoriga dhiga oo wada hadla ). Hadday Soomaalidu sidaas yeelaan in qalbigooda Eebbe u qaado oo muraadkooda oo san ay helaan ayaa suurto-gal ah. Dhammaad Garoonkii waa kaas ee maxay idinla tahay? Toosiye2

Dawladdii Kacaanku gacan bir ah ayey dalka ku qabatay waana waqtigii uu Alle ha naxariistee Faarax Galooley lahaa," afkaaga hayso ama Afweyne raac ama Afgooye aad". Qofkii hadal dawladda ka soo horjeeda yiraahda xabsiga ayaa hoy u noqday! Kala dambayn rasmi ah ayaa dalka ka hirgashay, dadkii dalka u dhoofay ayaa lacag ku soo shubay, ruushka ayaa xagga miisaaniyadda ka kaabay dawladdii, qabyaaladdiina way diciiftay.! Laakiin wacdaro way dambeeyaan! Waxaa dhacday in: - Golihii Sare ee Kacaanka khilaafkoodu batay marka ay shirarka isugu iyimaadaan oo wada shaqayntoodii xumaatay marba markii ka dambaysay. - Dawladdii Ruushka oo dawlad ahaan aad laysugu dhowaaday ay dalka soo gelisay khubaro badan oo u yimi inay xagga ciidamada Soomaaliya ka caawiyaan khubaradaas oo ay ku jireen kuwo dalka ka caawinayey xagga jaangooyada dhaqaalaha, siyaasadda iwm. Raad dhinacyo badan saameeyey ayeyna khubaradaasi ku yeesheen dalka iyo siyaasaddiisa. - Soomaaliya si rasmi ah ugu janjeersatay nidaamkii Hawl iyo Hantiwadaagga oo Ruushku dabada ka riixayey taas oo gaar ahaan abuurtay is-maandhaaf iyo khilaaf aan marnaba damin oo dhexmaray wadaadada iyo dawladda; khilaafkaasu wuxuu keenay wadaado ka carooday sharci ay dawladdu soo saartay oo ay u arkeen inuu ka soo horjeeday diinta Islaam in inta la soo qabtay oo deg-deg maxkamad loo saaray si aan raali laga noqon loo laayey sannadkii 1975tii. - - Ciidankii ugu xoogga badnaa ee Afrikada Saharaha ka hoosaysa ay Soomaaliya samaysatay iyadoo kaashanaysa Ruushka iyo waddamadii ay bah-wadaagta ahaayeen. - Halgankii xoreynta gobolada Soomaaliyeed ee gacanta gumeystaha ku jirey la sii xoojiyey oo jabhado hubaysan oo dagaalama si hagar la'aan ah loo taageeray. Arrimahan kor ku qoran oo dhan markii dambe waxay isugu soo biyo shubteen in: - Bartamahii sannadkii 1976dii la aasaasay xisbigii Hantiwadaagga Kacaanka Soomaaliyeed. - In la kala diray Golihii Sare ee Kacaanka xubnihiisiina ay ku biireen Xisbiga. Labadaas talaabo ee is-barkanaa waxay bilow u noqdeen qaran burburka maanta taagan waayo siyaasadaha xisbiga lagu qotomiyey ayaa waxaa ka mid ahaa in: - Nidaamka Hantiwadaagga ah ee dalku qaatay lagu saleeyo duruufaha u gaarka ah soomaalida. - boqol qof oo aqoon-yahanno ah uu ka mudan yahay kana wanaagsan yahay hal qof oo kacaan ah. Qodobka hore wuxuu keenay in qabyaaladdii Garoonka Kubadda Cagta lagu aasay godkii dharaar cad laga soo faagay; qodobka labaadna wuxuu keenay in dadkii aqoon-yahannada ahaa ee dalka iyo culimadii oo xiriir hagaagsan aan awelba lala lahayn geed la iskaga xiray oo ay beddeleen lagana talo qaatay odayaal dhaqameed iyo wax-ma-garato kale oo lagu xulanayey daacadnimo ama qabiil. Maalintaas xisbigaas khayrka qabay la furay waxaa buur dheer ka soo dhacday qarannimadii Soomaaliyeed oo gashay markii dambe god madow oo qarmuun oo ilaa hadda laga baadi goobayo. Qabyaaladdii boorka laga jafay ayaa markaas noqotay sababtii kowaad ee keenta in qarankii Soomaaliyeed sidii tusbax la furay kala daato. Maalintaas wixii ka dambeeyey waxaa soo xoogaysanayey qabyaaladda, qarankuna marba markii ka dambaysay wuu sii diciifayey. ( Sug qormo dambe ) Toosiye2

Xiin waa raggeedii! Boowe soo dhowow koley badi madaxa ayaad u ruxi doontaa faaladayda haddiise ay dhacdo in aad meelo igu diido inoo soo gudbi aragtidaada. Ha sugin inaan dhammaystiro taxanahan ee dhextaal geli meeshii aad is tiraahdo waa loo baahan yahay. . B) Dhammaadkii 1969 - bilowgii 1978dii. Sannadahaas waxaynu u bixin karnaa xilligii hirgalka kacaanka waana waqti wejiyo badan leh oo la isku khilaafi karo laakiin ninkii joogay uun baa ka taariikhayn kara. Anigoo soo koobay sidan soo socota ayaan u werin lahaa. Markii Ciidamadu la wareegeen xukunkii waxay isla markiiba magcaabeen Gole Sare oo Kacaan oo ka koobnaa 25 xubnood oo Ciidamada Qalabka Sida saraakiishooda sare laga soo xulay laguna sheegay inay hoggaaminayeen kacaankii dhashay. Iyagoo kaashanaya aqoonyahano kale oo shacab ah oo xilkas iyo aqoon lagu soo xulay ayey xukuumad dhiseen si wanaagsanna u bilaabeen xilgudasho loo bogay. Xil-gudashadaas wanaagsan oo socotay muddo ku kooban shan sano waxay markii dambe isu beddeshay gaabis taas oo keentay in Golihii Sare ee Kacaanka iyo dawladdii ay u digo rogteen Xisbigii Kacaanka Hantiwadaagga Soomaaliyeed Sannadkii 1976dii. Waqtigaas ka hor hawlihii ammaanta lahaa ee ay Golihii Sare ee Kacaanku qabteen waxaa ka mid ahaa: qoristii af-soomaaliga, gurmadkii iyo dib-u-dejintii dadkii ay aafaysay abaartii dabo-dheer, Ololihii Reer Miyiga ee qorista iyo akhriska Af-soomaaliga, bacaad-celintii Shalambood, mashaariic badan oo iskaa-wax-u-qabso lagu dhisay, mashaariic beeraha ah oo uu ka mid ah karaash-boragaraamkii, aasaaskii iyo hirgelintii xarumo agoonta lagu hayo iyo kuwo kale oo badan. Xagga siyaasadda iyo dhaqaalaha markaan eegno Golihii Sare ee Kacaanku dariiqii xukumadihii hore ee dagaalka iyo dhaqaale darrada bulshada ku jihaynayey ayey cusboonaysiiyeen talaabooyinka ay qaadeenna waxaa ka mid ahaa in: - La laalay dastuurkii dalku lahaa. - Ay ayideen in gobolada soomaaliyeed ee isticmaarka ku hoos jira la xoreeyo. - lagu dhawaaqay in qabyaaladda la cirib tiro si qaranimada loo xoojiyo. Siyaasadahan waxaa ka dhashay in: - Madaxdii dawladdii xukunka laga tuuray la xiray. - Xisbiyadii siyaasadda la mamnuucay. - Lagu dhowaaday siyaasad ahaan dalka Masar oo markii horeba saaxiib dhow ahaa iyo sidoo kale dalal kale oo dalkii Midow Soveit-ka saaxiib la ahaa. - Dalkii Midowga Soviet-ka heshiis saaxiibtinimo lala saxeexday sannadkii 1974tii. - qabyaaladdii lagu aasay garoonkii kubadda cagta ee Konis Stadium. Markii heshiiskaa saaxiibtinimo Soomaaliya la saxeexatay Ruushka waxay waddamada Reer Galbeedku ku dhaqaaqeen inay dhammaan caawinooyinkii ay Soomaaliya siin jireen joojiyeen. Taasi waxay sababtay in wax kastaa ciriiri galeen oo tusaale cuntada saf loo galay dawladuna xadiday cuntada qofku ama qoysku iibsan karey. Dhibtaas nololeed iyadoo dadka iyo dalka ku habsatay ayaa waxaa ku soo biirtay abaartii dabo-dheer taasoo gobolo badan ku riiqday dad iyo duunyo. Culayskaas dhaqaale la'aantu wuxuu dawladdii ku khasbay inay ogolaato in dadku dalka ka dhoofi karaan oo ay dibadda u shaqo tegi karaan taas oo wax weyn ka beddeshay dhaqaalihii dalka kadib markii ay kumanaan Soomaali ahi u dhoofeen shaqona ka heleen waddamada carabta gaar ahaan dalalka khaliijka. Waxaa mudan inaynu xusno in dhallinyaro badan oo soomaaliyeed oo dhoofay ay waxbarasho ka heleen jaamicadihii dalalkii ay tageen gaar ahaan Dalka Sucuudiga oo ay galeen jaamicadaha laga barto diinta halkaas oo ay ku soo qaateen aqoon diimeed oo u janjeerta dhinaca madhabta hanbaliga oo aan hore Soomaaliya sidaas looga aqoon cilmi ahaan. Niman badan oo wata magac Salafi ah ayaa dalka ku soo noqday iyagoo u heelan inay dadka gaarsiiyaan aqoontii ay soo qaateen. Dhallintaas iyo taariikhda Soomaaliya kaalinta ay ka galeen ama kaga jiraan hadda dib baynu ka soo sheegi doonaa. (Qormo dambe sug) Toosiye2.