Jacayl baro ,,, Ninkan sacad cali shire wa nin dadalaya waleh maxaad la dalanayd maad kursi ku fadhiisatid,,, mise ngoyada uun baa kurasida ku fadhiiday?

http://oodweynenews.com/news/69355-own-halkan-ka-dhagayso-wasiirka-qorshaynta-somaliland-oo-faahfaahin-ka-bixinaya-shir-ay-u-qabteen-ururada-wadaniga-ah-ee-dalka-ka-hawl-gala.html Listen to the Minister

Wasiirka Duulista Oo Kenya Kaga Qeyb Galaya Shir Lagaga Hadlayo Cashuurta Hawada May 3rd, 2011 Hargeysa (Somaliland.Org)-Wasiirka Wasaaradda Duulista hawada iyo gaadiidka cirka Md.Maxamuud Xaashi Cabdi, ayaa ka hadlay shir muhiim ah oo uu kaga qayb galayo dalka Kenya oo uu maanta u kicitimay. Wasiirku shir jaraa’id oo uu maanta ku qabtay madaarka ka hor intii aanu ka dhoofin dalka waxa kale oo uu kaga hadlay warar ay warbaahinta qaarkood ka qoreen. Md. Maxamuud Xaashi oo ka hadlay dayactir lagu samaynayo madaarka Hargeysa waxa uu yidhi “Sababaha igu lamaaneeyay socdaalkii Kuwait waxa uu ahaa maadaama oo uu noo socday mashruuc toban Million ah, waxaana Hargeysa laga fulinayaa run way cusub iyo dayr loo samayn doono madaarka, waxa kale oo jirta laydh habeenkii lagu soo hago diyaaradaha, dhinaca kale madaarka Berbera ayaa iyadana mashaariic laga fulin doonaa.” Wasiirku mar uu ka hadlayay socdaalka uu ku tagayo Caasimada dalka Kenya ee Nairobi iyo cida uu kulamada la yeelan doono, waxa uu yidhi “Shirka Nairobi waxa uu ku saabsan yahay hawada Somalida ilaa 1991-kii hay’add yar ayaa lacag iska qaadata waxaanu qorshuhu ahaa in ay madaarada Somaliland iyo kuwa Somalia wax lagaga qabto, hay’addaasi waxa ay hadda bixisaa gawaadhi yar-yar iyo 46 Shaqaale ah, haddii Alle inaguma keenee ay maanta Diyaaradi ku gubato Madaarka ma jirto wax lagu bakhtiiyaa markaa waxa aanu la tagaynaa qorshe ah in lacagta hawada Somaliland la inagu soo wareejiyo oo ay inoogu soo dhacdo wasaaradda maaliyada si aynu madaaradeena wax ugaga qabano. ” Wasiirku Duulista iyo hawadu waxa kale oo uu ka hadlay wararka sheegaya inuu Shaqaalaha Wasaaradiisa ku qorto hab Beeleed, waxa uu yidhi “Qofku hadalku odhanayo waa ka Masuul waliba Qof Mudakar ah oo ka tirsan urur u dooda Xuquuqda Bini’aadamka marka uu hadal odhanayo inuu hadalkaasi Xigmad ku dhisnaado ayaa qurux badan, anigoo Ixtiraamaya Ragaas Sharaftooda Shakhsiga ah waxaan qabaa waa war aan sugnayn oo aan sal iyo raad toona lahayn ayay sheegeen oo aan is leeyahay waa meel ka dhac weeyaan, anigu Wasaarada masuul baan ka ahayn, Masuul qaran baan ahay waxaanan qabaa sida runtu tahay isfaanin maayo, laakiin in aan ahayn Nin Maanta looga fadhiyin inuu ku Dhaqamo wax Qaanuunka khilaafsan ama Shaqaale uu xukumo kala saar-saara ama uu reero gaar ah u badiyo Maanta meesheedii-na ma joogo Ninkeedii-na ma ahi Masuuliyadayda-na maaha, 65 Qof oo Shaqaalaha Wasaaradan ka mid ah oo Tamb areeri ah (ku meel gaadh ah) oo aan Shaqada ka erinay ma jirto haba yaraatee mana cadayn karaan dadka hadaladaas lihi.” “Waxa jirtay muddo afar Bilood laga joogo Shaqaalaha ku meel gaadhka ah ee Wasaaradan ka tirsanaa ee Madaarkan joogay oo dad faro badan ahaa oo aan Shaqada qornayn oo dawlada-na markaa aan u qornayn Lacagta la siin jirayna ay ahayd Lacagtii Madaarada laga qaadi jiray ee aan Khasnada dhexe ku xeroon jirin ee aan halkan imid ee ay dawladii dhexe-na ya tidhi anagu bixin mayno Lacagtaa dadka Tabareeriga ee aan dadkii u nimid waxaanu soo qornay dad ilaa dhawr iyo labaatan qof ah, anigu Qof Barman ah Xil waan ka qaadi karaa, laakiin ma eryi karo, 73 Qof oo Tambareeri ah ayaa Imtixaan u fadhiistay, dadkii Tambareeriga ahaa ee Imtixaankaa u fadhiistay-na hal Qob-baa ka dhacay, ”ayuu yidhi Md. Maxamuud Xaashi Cabdi.

Madaxweynaha Somaliland Oo Ka Hadlay Aragtidiisa Furashada Ururada Siyaasadda May 3rd, 2011 Hargeysa (Somaliland.Org)-Madaxweynaha Somaliland Md. Axmed Maxamed Maxamuud (Siilaanyo) ayaa tafaasiil ka bixiyay asbaabihii uu Guddida tallo bixinta ugu magacaabay qadiyada lagu muransan yahay ee furashada ururada siyaasadda, waxaanu tilmaamay inuu ku shaqayn doono rabitaanka dadweynaha. Madaxweynuhu waxa kale oo sheegay inuu sii wadayo gogoshii nabadeed ee uu ugu baaqay waxgaradka deegaamada Sool, Buuhoodle iyo Sanaag bari.waxaanu sidaasi ku sheegay waraysi uu maanta siiyay Laanta Afsoomaaliga ee BBC-da. Madaxweynaha oo ka hadlayay socdaalkiisii waxa uu yidhi “Waxaan dalka ka maqnaa muddo 17 cisho ah oo aanu ku maqnayn dalalka Imaaraadka iyo Kuwayt waxa socdaalkayagu ahaa inaanu xidhiidh wanaagsan la sameysano inaanu is barno, inaanu dhaqaale iyo maalgashi iyo qadiyadayada inaanu u sharaxno wixii ay maal gashi dalkayaga gashanayaan oo dhinac walba leh oo horumarinta wixii la xidhiidhana aanu waydiisano.Waxa kale oo aan weydiisanay deeqo waxbarasho iyo wax allaale iyo wixii uu dalkayagu u baahan yahay.” Madaxweynaha oo ka jawaabayay su’aal ahayd waxay Kuwayt ka soo heleen waxa uu yidhi “Horta dalalkaasi waxaanu kala soo kulanay soo dhawayn aad iyo aad u wanaagsan, mashaariicda aanu kala soo hadalay waxa ka mid ahaa in dalka laga dhiso Dhaamam iyo dalka laga sameeyo mashaariic horumarineed oo dhinac walba leh waxa ka mid ahaa ceelal laga samaynayo dalka. Waxa kale oo ka mid ahaa wadada isku xidha Berbera iyo Burco oo ay dhisi doonto dawlada Imaaraadka carabta.mashaariicdaasi Dhaamam la xidhayo ha noqoto ama Ceelal la qodayee waxaanu mashaariicdaasi ku qiyaasnay inay ku kacaaan 15 malyan oo Dollar oo aanu ka jirin maalgashiga kale. Anaguna aad iyo aad ayaanu ugu dhiiri gelinay.” “Anagu arrinta aanu culayska weyn saaraynay marka ugu horaysa may ahayn inaanu ictiraaf soo qadino,iyadoo dhibaatooyin iyo siyaasado badani ka taagan yihiin dalalka Carabta, waxaanu ka hadlaynay isbarasho iyo sharax aanu u sharaxaynay xaalada Somaliland iyo inay wax nagala qabtaan horumarinta dhaqaalaha ayaanu culayska u weyn saaraynay,”ayuu yidhi Madaxweyne Axmed Siilaanyo oo ka jawaabayay su’aal la xidhiidhay inay dalalkii uu booqday kala hadlay aqoonsiga Somaliland. Madaxweynaha oo la weydiiyay sababta uu Guddida tallo bixinta ugu magacaabay furashada ururada siyaasada maadaama oo uu balan qaaday xiligii lagu jiray olalaha doorashada Madaxtooyada ee dalka ka qabsoontay 26-kii June 2010-ka waxaanu yidhi “Runtu waxa weeye arrintan furashada ururada siyaasaddu waa wax aad iyo aad doodi uga taagan tahay mowqif dhab ahna waanu ka lahayn, mowqifkiina waanu caddaynay hase ahaatee marka dalka xilkiisii na wada saaran yahay ummadda mowduuc intaasi leeg oo intaasi oo aragtiyood ka jirto waxay noqotay inaanu u saaray Guddi dhex dhexaad ah oo soo qiyaasta waxa dadku rabo waxaana aanu ku shaqayn doonaa waxa rabitaanka ummaddu noqdo haddii ALLE yidhaahdo.” Md. Axmed Siilaanyo oo ka jawaabayay inay gudo galayaan iyo in kale gogoshii nabadeed ee uu u fidiyay waxgaradka deegaamada Sool, Sanaag barri iyo Buuhoodle, waxaanu yidhi “Waanu soo wadaynaa waxaanay ka mid ahayd rukumada ugu waaweyn ee siyaasada xukuumadayda, waxaana aanu ka qaaday tallaabooyin badan iyo soo dhawayn badan.”

Wasaarada Qorshaynta Qaranka Oo Maanta Hay’adaha Caalamig Ah Ee Dalka Ku Sugan U Qabisay Xeerka Ay Ku Shaqayn Doonaan Hay’aduhu. Hargeysa (Ramaas)Apr. 3, 2011- Wasaarada qorshaynta qaranka ee Somaliland, ayaa maanta si rasmi ah in ka badan sagaashan hay’adooda oo ku sugan dalka ugu qaybisay xeerka ay dalka kaga shaqayn doonaan hay’adaha caalamiga ah ee ka hawgala Somaliland. Qaybinta xeerkan ayaa uu wasiirka wasaarada qorshaynta qaranka ee Somaliland Dr Sacad Cali Shire kaga dhawaaqay xaflad lagu qabtay hotelka Maansoor ee Magaalada Hargeysa oo ay ka soo qaybgaleen madaxda wasaarada iyo hay’aduhu, waxaana uu sheegay in xeerkan uu yahay ka ay xukuumada Sonaliland kula socon doonto nidaamka shaqo ee hay’adaha. Dr Sacad waxa uu sheegay in si gaar ah ay ula socon doonaan maashriicda horumarineed ee ay hay’adaha caalamig ahi ka fuliyeen deegaanada Somaliland si loo ogaado nooca mashruuca iyo faa’iidada uu u leeyahay dhulka laga fulinayo, isaga oo sheegay in ay si qoto dheer dusha ugala socon doonaan sida loo kharashgaraynayo mashaariicda, iyada oo xeerkan awoodo gaar ah uu siinayo wasaarada qoshaynta oo xataa tallaabo la qaad karta hay’ada u hogaansami waydo qawaaniinta iyo shuruucda dalka u yaala. Waxa kale oo uu sheegay in xeerkan uu taabanayo hawlgalada ururadaa aan dawliga ahayn ee maxaliga ah oo uu tilmaamayo in mashruuca ay ka qaataan hay’adaha in la socodsiinayaan wasaarada qorshaynta oo kala talin doonto sida loo fulinayo. Xeerkan ayaa noqonaya kii ugu horeeya ee noociisa ah ee ay ku maacaamilaan hay’adaha iyo wasaarada qordhaynta qaranku, iyada oo ay mashaariic yar-yar oo ay hay’aduhu fuliyaan ay ku baxdo lacag badan oo la leexsado.

Hay’adaha Caalamiga ah oo walaac ka muujiyay Xeer uu Wasiirka Qorshaynta Qaranka Somaliland U Qaybiyay maanta oo xakamayanaya Hawl qabadkooda Hargeysa(Waaheen). Wasiirka Wasaarada Qorsheynta Qaranka Somaliland Dr. Sacad Cali Shire ayaa Kulan balaadhan la yeeshay Dhamaanba Hay’adaha caalamiga ah ee ka hawl gala Somaliland, kuwaas oo uu U qaybiyey Xeerka ay kuwada shaqayn doonaan dawlada iyo hay’adaha maxaliga ahi. Kulankan ayaa waxaa kasoo qayb galay dhamaanba hay’adaha caalamiga ah ee Somaliland ka hawlgala iyo madaxda wasaarada Qorsheynta qaranka oo uu ugu horeeyo Wasiirka wasaarada Qorsheynta qaranka Md Sacad Cali Shire waxaana wasiirku uu halkaasi uugu qaybiyey Xeerka wada shaqayneed ee Hay’ada dalka jooga, kuwa imandoona iyo dawladu , Xeerkan ayaa ah mid qeexaya awoodaha hay’adaha iyo nidaamka ay ku shaqaynayaan waxaa kale oo tilmaamayaa nidaamkani mashruucyada ay hay’aduhu soo qaataan iyo sida loo maamulayo arimahan iyo kuwo kalaba waxaa hay’adaha u iftiimiyey wasiirka wasaarada qorsheynta qaranka waxaana hadaladiisii kamid ahaa “Maanta waxa ay ujeedadu ahayd in Hay’adaha loosoo bandhigo Xeerkan oo qeexaya siday isku diwaan galinayaan, waxyaalaha ay qabtaan iyo warbixinadooda” Wasiirku waxaa kale oo shaaca ka qaaday oo xeerka ku xusan in aanay hay’adaha maxaliga ahi lacag ka raadin Karin Haayado kale waxaana uu yidhi “Hay’aduhu lacag kama raadin karaan hay’ada fuliyayaasha ah ee wadanka jooga laakiin way u furantahay inay ka raadiyaan Hay’adaha deeq bixiyayaasha ah” Sidoo kale wasiirka wasaarada qorsheynta Somaliland Md Sacad Cali Shire mar uu warbaahinta la hadlaayey waxa kale oo uu sheegay in ay dalka joogaan 90 Hay’adood kuwaasi oo qabta hawlo kala duwan iyo waliba 80 Hay’adood oo cusub kuwaasi oo iskugu jira kuwo caalamiya iyo qaar kale waxaana hadaladiisii kamid ahaa “ Hay’adaha samafalku wax walba way iskugu jiraan kulamaduna kuma ee ka siminaaro waxaana hada dalka jooga 90 Hay’adood oo hore u shaqayn jiray iyo 80 hay’adood oo cusub” Md Sacad Cali Shire waxa ay warbaahin wax ka weydiisay Siyaabaha ay u shaqaynayaan Hay’aduhu iyo cida kudaba galeysa mashruucyada ay fuliyaan waxaana uu arintaasi kaga jawaabay “Run ahaantii Hay ‘aduhu inooma keenaan lacag lakiin waxa ay keenaan agab iyo qalab waxaana ay noo soo gudbinayaan kahor inta aanay mashruuca bilaabin warbixin dhan waxa ay qabanayaan lacanta ama qarasha ku baxayaa inta uu dhan yahay iyo mudada marka taa aanu helno ee aanu ka aqbalno waxaanu anagu leenahay ku dabagalka oo kaliya iyaguna hawsha ayey fulinayaan marka ay dhameeyaana waa inay keenaan Xisaab Celin” Dhinaca kalena Idaacada VOA’ da ayaa baahisay war sheegaya Hay’adaha Caalamiga ahi inay ka walaacsan yihiin Xeerkaas ay Somaliland ku dhaqan galisay maanta. Iyagoo sheegay inuu caqabad ku yahay shaqooyinkii ay dalka ka qaban jireen Mid ka mid ah Saraakiisha Wasaaradda Qorshaynta Qaranka oo aanu wax ka weydiinay jiritaanka Cabashada Hay’aduhu inay iyaga soo gaadhay iyo inkale ayaa yidhi “ waanu ognahay maalmahanba way la soo xidhiidhayeen xafiiska oo Nairobi iyo meelo kaleba way ka soo hadlayeen markaa Xeerkani waa Xeer muhiim ah maantaanay wasaaraddu u qaybisay” ayuu yidhi Mar aanu weydiinay inay Hay’adaha Caalamig ahi u dhamaayeen kulanka maanta loogu qaybiyay Xeerka iyo inay jireen kuwo diiday waxa uu yidhi “ kolay way yimaadeen Hay’addo badan laakiin qaar kale oo maqnaana way jireen” ayuu ku soo gabagabeeyay

^^ indeed a very nice Pic

The legendary Maxamad xaaji ibrahin cigaal

Madaxweynaha Somaliland Oo Soo Dhaweeyay Dilka Hoggaamiyihii Al-Qacida May 3rd, 2011 Hargeysa (Somaliland.Org)- Madaxweynaha Somaliland Md. Axmed Maxamed Maxamuud (Siilaanyo) ayaa maanta ka hadlay dareenka xukuumadiisa ee la xidhiidha dilka Hoggaamiyihii Ururka Al-qacida, oo ciidamada Maraykanku ay ku khaarajiyeen ku guri yaala dalka Pakistaan oo uu ku dhuumanayay. “Dawlada Somaliland waxay qabtaa waxa dunida oo dhan intiisa badan laga qabo oo ah in argagixisadda caalamka lala dagaalamo, argagixisaddu Anaga (Somaliland) dhibaato badan ayay noo geysatay waynu ognahay khatarihii iyo duulaankii ay inagu soo qaadeen, hawlaha badan ee ay ku hayaan mandaqada aynu ku nool nahay iyo caalamkaba,”ayuu yidhi Madaxweynaha Somaliland Md. Axmed Maxamed Maxamuud (Siilaanyo. Madaxweynuhu wuxuu soo dhaweeyay dilka Hoggaamiyaha ururka argagixisada ah ee Al-qacida. “Waana aanu soo dhawaynaynaa dilkan siyaasadayaduna waa taasi,waxaanu u aragnaa in taasi wax ka tarto, talaabooyinkii argagixisada laga qaadayay oo ay dhinto dhibaatooyinkii argagixisaddu ku hayaan caalamka,”ayuu yidhi Md. Axmed Siilaanyo oo maanta u waramayay Laanta Afsoomaaliga ee idaacada BBC-da. Madaxweynaha Somaliland waxa kale oo uu waraysigaasi kaga waramay socdaalkiisii qaatay 17-ka maalmood ee uu ku soo maray dalalka Imaaraadka carabta iyo Kuwayt, waxaanu tilmaamay in socdaalkaasi uu guul u ahaa Somaliland, waxaanu tilmaamay in Kuwayt ay balan qaaday inay Somaliland ka taageerto mashaariic ay ku baxayso 15 milyan oo doillar, kaasi oo lagu horumarinayo adeegyada biyaha,caafimaadka iyo waxbarashada. Waxa kale oo uu sheegay in dalka Imaaraadka carabtu ay balan qaadeen inay dhisayaan dayactirka jidka u dhaxeeya Berbera iyo Burco.waxaanu labada dawladoodba uga mahad celiyay sidii heerka sare ahayd ee ay weftigiisa u soo dhaweeyeen.

May 3rd, 2011 , sannad guuradii 9-aad ee geeridii Aabihii Jamhuuriyadda SL, marxuum M.I.Cigaal Written by Mohamed Ali Muse May 03, 2011 at 05:59 AM May 3rd, 2011 , sannad guuradii 9-aad ee geeridii Aabihii Jamhuuriyadda Somaliland, marxuum Maxamed Xaaji Ibrahim Cigaal, ha loo aqoonsado maalin Qaran Marka hore waxaan salaan qadarin,sharaf iyo karaamaba leh u dirayaa dhammaan shacabka xariirta ah ee reer Somaliland iyo inta maqaalkan akhrisataba.Waxaanan Allaha weyn idiinka baryayaa , inuu idinka yeelo kuwii if iyo aakhiraba liibaana, xaqana u hiiliya, baadilka iyo dulmigana ka fogaada. Marxuum Maxamed Xaaji Ibrahim Cigaal,Ilaahay naxariistii Janno Fardawsa ha ka waraabiye,wuxuu ahaa shaqsi aan weli soo marin taariikhda dhammaan dadka af Somaliga ku hadlla,magaciisana sharaf ,qadarrin iyo karaamo huwan yahay.Wuxuu ahaa Siyaasi ruug caddaa ah,si weynna looga qadariyo mandaqadda Geeska Afrika iyo caalamkaba. Marxuum Cigaal (AHUN),wuxuu ahaa madaxweynihii ugu horreeyey ee Somaliland,gacantiisana ku soo sexeexay xornimadeenii, June 26,1960 kii. Inkastoo laab la kac aan macnno ku dhisneyn, hanfade nimo ,fudayd , talo la'aan,ca adifad iyo waxaan meeqaan dhaamin, ay sabab u noqotay in aan maalmo yar ka dib gacateenna ku sad qaynno Qaranimadeenii. Marxuum Cigaal (AHUN), 1993 kii,ayuu mar labaad madaxweyen ka noqday Somaliland,waqtigaasi Dalka iyo dadkuba waxay ku sugnaayeen xaalad aad u adag,jihadaad u jeedsatana ay ka soo yeedhayso dhiillo colaadeed,amni darro ,is aaminid la'aan ,geyigana dhammantii ka muuqato burburkii,xasuuqii iyo nabaradii ay Daalimintii Huwantu iyo kaba qaadkoodii inoo geysteen. Marxuum Cigaal (AHUN), isagoo hawshaa baaxaddaa leh u muuqato,oo aan Dawlado iyo kaalmo shisheeye toona gacanta cidnna hoos dhigan,ayuu ku guuleystay inuu shacabkii boggooda burcad isku mariyo,walaaleeyo ,hannaan dawladnimo iyo kala danbeynna u yag leelo ,seeskana u qotamiyo. Anigu waxaan qabaa , in marxuum Cigaal, Aabihii Jamhuuriyadda Somaliland,lagu maamuuso,lagu qadariyo , lagu sharfo , dhaxalkii iyo wanaaggaa uu inooga tagay , ee maanta Somaliland heerkaa ku soo gaadhay.Maanta,May 3rd,2011,oo ah sannad guuradii 9-aad,ee maalintii uu geeriyooday marxuum Cigaal, waa in loo aqoon sado maalin Qaran,oo shaqada laga nasto,loo duceeyo, laguna xasuusto. Inkastoo aan qalin iyo buug, aan lagu soo koobi karayn waxtarkiisii iyo wax qabad kiisii,bal aan dhowr shay ka tilmaammo: • Sameyntii Dastuurka Somaliland • Sameyntii Calanka • Sameyntii ciidanka Qaranka • Hub ka dhigistii Beelaha • Nabadayntii Beelaha • Dib u dhiskii Dalka • Sameyntii lacagta Somaliland • Sameyntii Baasboorka Somaliland • Sameyntii hannaanka Dawladnimo • iyo kuwo kale oo badan May 3,2002, oo ah maalintii marxuum Cigaal,ku geeriyooday Cusbitaal ku yaalla magaalada Pretoriya ee Dalka Koonfurt Afrika,waxay ahayd maalin madaw, murugo leh ,naxdin iyo dhiillana u soo hoyatay dhammaan inta jecel jiritaanka iyo Qaranimada Somaliland.Walaw ay adag tahay in qoraal lagu sifeeyo sida uu ahaa dareenka Somalilandersku meel ay maalintaa joogeenbba, bal waxaan isku dayi inaan idinku maansheeyo Gabay baroor diiq ah,oo uu maalintaa tiriyey Gabayaaga weyn , Cabdiraxman Cumar Cashuur, Ilaahay magaciise ha daayee. Waxaanu yidhi: Rashiidaw nin dookh leh baa,araartu deeqdaaye Da'dii ugu fil roonow,adigaan daadin dhaqan kiiye Adigaan dariiqii ka lumin , daahirka ahaaye Anbba kuuma leexdeen,haddaad dhuuni raac tahaye, Waxaan kuu doortay ,daacaddaad tahaye Dabuub tayda maqal,waayahaan kuu dul mara yaaye Dadku nimuu jecleystaba, wad baan laga difaacaynne Danbaa burada dhiiladu,markay degelka soo gaadhay Sidii Danab onkoday,baa mar qudha laysku soo didaye Doorbba kaad ku raysaa , waqtigu kaa dallacayaaye Duul duulka wararka,dhaguhu maqalka diideenne Iska daa rag maan doorsoomay,iyo dumar baroortiiye Darbiyadii dhisnaa baan ka baqay,inay dillaacaane Difnna Caalin waa awgayoo,laydhka oo damaye Dayax lagu maraa buu ahaa, dawga buuraha'e Waa deeq , aqoontiyo cilmiga u yaroo, Waana dabaqad aadmiga,sidaa daaimku u dhigay Darajada shaqsiga,maal mahaa daabaca'e Daddan beel nabadduu ahaa, daawo loo liqo Inkastoo nin Diricii ka madhan,degelka guudkiisa Toban hal uu haldoor u ahaa, baan abdi i deyneyn Dal bur buray ,dabkii iyo saanad guntiga lagu haysto Isagoon dagaal kala hor tagin,duunyana u qaybin, Deg degguu u soo hoyn jiray, baan abdi u deyneyn Dugub qiiqay,duul muran dhex maray ,Dirir la heenseeyey Darmadiisa kiiyoon ka kicin,dunida u qayshan Dilka siduu u kala baajin jiray, baan abid i deyneyn Doc wareenka ceebta iyo af xumada daadifada uunka Kama dixin dixoon jirin , markay kula dulaamaane Dulqaadku bulshada kula socday,ayaan abid i deyneyn Nin u darran,dadaalnna ugu jira,dabin qoolkiisa Isagoon dareensiin,inuu daaqsin ka horreeyo, Siduu darrabta ugu loogi jiray,baan abid i deyneyn Nimuu daajiyaba,maalintuu dib ugu soo jeesto Sidii dawli Aar weyn,markuu daaladaha muujo Daymadii Libaaxuu lahaa ,baan abid i deyneyn Duco qabe,dagaal hoose,duullaan badheedhe Dawladiyo kooxo,colbba halkuu ka soo degey Markuu diiradda u saaro,difaacuu kuwad quusin Jiray,ayaa abid i deyneyn Dacwad murugtay,dood iyo odhaah,rag isku dooyeystay Ninbba docuu ka qaadaba,markay diilinti adkaato Xigmaddiisii lagu doogsan jiray,baan abid i deyneyn Qudbad loo diyaar yahay,markuu hadalka deeqsiiyo Diiwaanka waayaha,markuu daaha uga faydo Daliilkuu u soo qaadan jiray,baan abid i deyneyn Hadal dabacsan,tix gelin ,deeqsinimo taam ah Qof dul tagay ,madhnaan kagama noqon duunka abidkiiye Sidii Diinta ugu hiilin jiray,baan abid i deyneyn Cid kastaba dacaami in la odhan, mawdka dacartiisa Naftuun baa didaye,xaq ku yimid igama daahneyne, Dan baabnna uma jeedee,haddii deelku ila baydho Adigaa dul qaad lehee,Rabbiyaw daymo naxariisa Isagana Ducaa naal gudbboon ,inaan u deeqnaa Dabnni iyo quluub wada jira,ayaan ugu diraynaa Inuu Daaimki innaga aqbalo,dagalka soo jeestoo Inta shay dareen lehee socdaa, iyo daafid iyo jayga Waxa daar iyo geed qotoma ama dulqaad jiifa Qudhaanjada digaaftiyo,intii garab lahee duusha Naxariis Dareemada ka badan,doogga & ciidda Inta uu Quraan Sheekh darsaa,dunida sii joogo Ama subax mid daakiray,Salaad duubyada maydho Cisi ugu diyaafadee,adaa deeq u saaxibada'e Annagana intii lagu daray,ee Nabiga daawysta Ee aan dariiqada ka lumin,Daaimaw naga dhig Balaayada Rabbaw naga dabbaal,lala digleynaayo Afartaba maan deel qaafine,daw ma qabad siiyey * * * * * * * * * * * * * * * * * * * * * * * * * * * * * * * * * * * * * * * * Geeridu waa xaq,waana hubaal in naf walbbana ay maalinteeda dha dhamin doonto mawdka,waxaase xaqiiqo ah, biyo kama dhibcaan ah, in shaqsigii Dalkiisa iyo dadkiisa waxtar,wanaag iyo dhaxal loo aayo uga tagaa , inaanu magaciisu dhiman doonin , nool yahaynna inta adduunka korkiisa la sii joogo , lana xasuusan doono,loona duceyn doono. Waxaan soo jeedinayaa,in Bisha May 3rd,2011,oo ah sannad guuradii 9-aad ,ee geeridii Aabihii Jamhuuriyadda Somaliland,marxuum Maxamed Xaaji Ibrahim Cigaal,loo aqoonsado maalin QARAN , oo shaqada laga nasto, loo duceeyo, lana xasuusto. Waxaan ku soo af meerayaa qalinkayga, Allahayaw adaa awood lehe ,waxaan kaa baryayaa inaad marxuumka danbi dhaaf u fidiso ,qabriga u nuurto , u waasiciso , neecaw udgooniyo , ku siiso naruuro , janno Fardawsana ku abaal mariso, Aamiin , Aamiin, Aamiin.

We remember him to Mujahid Abduraxmaan tuur the liberator of Somaliland and first president of Somaliland Ilahay ku naxairso

Sannad-guuradii 9aad ee ka soo Wareegtay Geeridii Marxuum Cigaal iyo Xusas la Filayo in loo Sameeyo Tue 03rd May,2011 Hargeysa (Jam)- Sannad guuradii 9-aad ee ka soo wareegtay geeridii Madaxweynihii hore ee Somaliland Marxuum Maxamed Xaaji Ibraahim Cigaal oo 3-dii May sanadkii 2002-dii ku geeriyooday cusbitaal milatari oo ku yaala magaalada Prirtoriya ee wadanka Koonfurta Afrika, ayaa ku beegan salaasadda maanta iyada oo la filayo in loo qabto xusas loogu ducaynayo marxuumka, isla markaana lagu soo bandhigi doono taariikhdiisa iyo yagleelida qaranimada Somaliland oo uu isagu aabo u ahaa. Marxuum Maxamed Xaaji Ibraahim Cigaal oo 6 May 2002 aas qaran loogu sameeyey magaalada Berbera ee xarunta Gobolka Saaxil, ayaa lagu tilmaamay inuu ahaa halyey geesi ah oo ka baxay Somaliland iyo guud ahaanba mandaqada Geeska Afrika, iyada oo tododbaadadii u dambeeyey la dareemayey qabanqaabo loogu jiro sidii xus ballaadhan loogu samayn lahaa marxuumka, xuskaasi oo la sheegay inay qabanqaabadiisa wadaan marwadii uu ka geeriyooday ee Marwo Kaltuun Xaaji Daahir iyo xubno kale oo isugu jira aqoonyahano, siyaasiyiin iyo mujaahidiin dalka iyo dadkaba magac ku leh. Marxuum Maxamed Xaaji Ibraahim Cigaal ayaa lagu tilmaamaa Aabihii seeska dawladnimada u dhigay Qaranka Somaliland muddadii Jagada Madaxweynaha loogu soo doortay shirkii magaalada Boorama ee xarunta Gobolka Awdal lagu qabtay sannadkii 1993. Waxayna dad badani aaminsan yihiin in marxuum Cigaal ahaa xuduntii isku xidhay qaybaha kala duwan ee bulshooyinka ku dhaqan guud ahaanba Somaliland, marka la eego hub-ka-dhigistii uu ku sameeyey maleeshiyooyinkii dalka ka jira, aasaaskii ciidammada qaranka, asluubta iyo booliska, samaynta lacagta Shillinka Somaliland, baasaaboorka Somaliland, samaynta dastuurka iyo aftidii lagu ansixiyey, sees u dhigidii hannaanka siyaasada xisbiyada badan ee Somaliland ka hannoqaaday, xisbiyada siyaasada iyo doorashooyinkii dalka ka qabsoomay. Allaah ha u naxariistii marxuum Cigaal waxa uu ahaa halyey si gaar ah ugu suntannaan doona taariikhda Somaliland, iyada oo shalayna marwadii uu ka baxay Kaltuun Xaaji Daahir tagtay qabriga uu ku aasan yahay ee magaalada Berbera, iyada oo u soo ducaysay, isla markaana Illaahay uga bariday inuu marxuumka jannooyinkiisa Farduusa ka waraabiyo.

she looks devastated and the so called General is not even looking is he scared

But then again we will only know if he is really dead ,, if he stops sending audio tapes to Aljazeera

So obama killed osama ,, lol i am not sure the pictures of the dead body seem fake

bilan;716411 wrote: XX, meesha ma Riyaale baad u malaysay inuu fadhiyo, in PL waligeed nin laba term iskuma darsan. First thing for everything ku darso Faroole wa nin ka so jeeda caasimada Buntiland the other two leaders were from bosaaso iyo north galkacyo

Che aa kula tahay camo

Boqorka Wadanka Kuwait oo *****lka ka Qaaday in Somaliland Qani ku Tahay Khayraad Dhulka Dushiisa iyo Hoostiisa ka Buuxa Mon 02nd May,2011 Madaxweyne Siilaanyo oo Qoraallo Xambaarsan Baahiyaha Somaliland u Gudbiyey Boqorka Kuwait Kuwait (Jam)- Boqorka Wadanka Kuwait Sabah Al-ahmed Al-jaabir Al-sabah, ayaa *****lka ka qaaday in Jamhuuriyadda Somaliland qani ku tahay khayraad badan oo dhulka hoostiisa iyo dushiisaba ka buuxa, isla markaana dawladdiisu ka hawlgeli doonto sidii ay ugu fuddudayn lahayd cidkasta oo maalgashi ku samaynaysa Somaliland. Boqorka wadanka Kuwait oo shalay si heer qaran ah qasrigiisa ku qaabilay madaxweynaha Somaliland Md. Axmed Maxamed Maxamuud (Siilaanyo) iyo weftiga uu hoggaaminayo, waxa uu balan qaaday in dawladiisu diyaar u tahay sidii ay wax ula qaban lahayd Somaliland, isaga oo madaxweyne Siilaanyo ku dhiirigeliyey inay ku fara adaygaan nabadgelyada iyo xasiliinida buuxda ee Somaliland ka jirta. Sida lagu sheegay warsaxaafadeed shalay ka soo baxay madaxtooyadda Somaliland waxa madaxweyne Siilaanyo u gudbiyey boqorka wadanka Kuwait qoraalo ay ku muujiyeen baahiyada kala duwan ee Somaliland ka jira, iyaga oo ka codsaday in wax lagala qabto baahiyaha Somaliland tirsanayso. Warsaxaafadeedka madaxtooyadda ka soo baxay oo faahfaahsan waxa uu u qornaa sidan: “Boqorka dalka Kuwait Amiir Sabah Al Ahmed Al Jabir Al Sabah, ayaa saaka [shalay] xafiiskiisa si weyn ugu qaabilay Madaxweynaha Jamhuuriyadda Somaliland iyo weftiga uu hoggaaminayo ee booqasho-hawleedka ku jooga waddanka Kuwait. Boqorku waxa uu Madaxweynaha Somaliland ku ammaanay dadaalka ay dawladda iyo shacbiga reer Somaliland ka sameeyeen dhinacyada nabadgelyada iyo hannaanka dawladnimo ee ka hanaqaaday. Madaxweynaha Jamhuuriyadda Somaliland Mudane Axmed Maxamed Maxamuud (Siilaanyo), ayaa isaguna dhinaciisa Boqorka dalka Kuwait uga warramay xaaladda guud ee dhinacyada dhaqaalaha, siyaasadda iyo nabadgelyada Somaliland. Madaxweynuhu waxa uu faahfaahin ka bixiyey dedaalka ay shacbiga Somaliland iyo dawladduba ka sameeyeen dhinacyada nabadgelyada iyo horumarka iyo caqabadaha horyaal ee u baahan in dawladda Kuwait ka caawiso Somaliland. Waxa kaloo Madaxweynuhu uu Boqorka u gudbiyey buqshad qoraallo ah oo koobaysa baahiyaha Somaliland qabto, kuwaas oo Madaxweynuhu Boqorka ka codsaday inuu ka caawiyo. Madaxweynuhu waxa uu u sheegay Boqorka in Somaliland qani ku tahay khayraad badan oo dhulka hoostiisa ku jira sida shidaalka iyo macdanta iyo weliba khayraad dhulka dushiisa iyo baddaba ku jira sida beeraha, xoolaha iyo kalluunka, sidaa awgeedna diyaar u tahay inay fududayso oo soo dhawayso cid kasta oo maalgashi ku samaynaysa, gaar ahaanna dawladda Kuwait iyo tujaarteedaba. Madaxweyne Axmed Maxamed Maxamuud Siilaanyo waxa uu Boqorka uga mahadceliyey soo dhowaynta qiimaha leh ee dawladda Kuwait ku qaabishay weftigiisa iyo niyadsamida walaalnimo ee ay u muujiyeen. Boqor Sabah Al Ahmed Al Jaabir Al Sabah ayaa gunaanadkii kulankaas Madaxweynaha ku dhiirrigeliyey inay Somaliland ku fara-adaygto nabadgelyada ay samaysatay, waxaannu ballanqaaday in dawladda Kuwait diyaar u tahay inay Somaliland wax la qabato, iyadoo iminkaba ay jiraan mashaariic horumarineed oo Kuwait ka wado Somaliland. Boqorku waxa uu Madaxweynaha weji furan ugu ballanqaaday inuu tixgelin doono codsigiisa ay xambaarsan yihiin qoraallada uu u gudbiyey. Intaa kadib Madaxweynaha Somaliland iyo weftigiisu waxa ay kulan muddo saacad ah qaatay la yeesheen hay’adda kulmisa hay’adaha iyo ururrada samafalka ee waddanka Kuwait, waxaannu Madaxweynuhu uga xaal-warramay kaalmada uu shacbiga Somaliland uga baahan yahay hay’adaha samafalka ee muslimnimo iyo bani’aadanimo. Hay’adahaas ayaa iyaguna sheegay inay diyaar u yihiin gacan-ka-geysashada taageerada ay u baahan yihiin shacbiga Somaliland, dhawaanna soo diri doonaan koox daraasad ka soo samayn doonta dalka Somaliland,” ayaa lagu soo afjaray warsaxaafadeedka laga soo saaray safarka Madaxweyne Siilaanyo ku joogo Kuwait,” ayaa lagu yidhi warsaxaafadeedka ka soo baxay madaxtooyadda Somaliland.

Bilan i dont think faroole inu meel u socdo wa idin si fadhiyaya Garowe and i don't think he will go to xammar so he and his Boys will stay in Garowe and do things they are best at:D

bilan;716374 wrote: laakiin xididkiisa jecel, does that count. Good one Bilan ;) laakin slaantisa maha inu tolkis u duleyo lol

Che -Guevara;716365 wrote: ^Somaliland Faroole maxey dhaantaa? wa adigu malaaig iyo bina adan is barbar dhigay

Hayland oo Wafti Siilaanyo Diray ay Gaadhay Daawo Sawiro Posted by Boosaaso on May 2, 2011 in Warar | Sahal Dhac Dhacood La Taliyaha Siilaanyo Dhahar (SPR): Wafdi balaaran uu hogaaminaayo lataliyaha madaxweynaha Somaliland ee arimaha gobolka Sanaag, Mudane Sahal Maxamed Jaamaac oo ay ku weheliyeen siyaasiyiin kasoo jeeda gobolka Sanaag ayaa maanta soogaaray magaalada Dhahar, halkaasi ay kula kulmeen qaar kamid ah odaayasha dhaqanka degaankaasi. Lataliyaha madaxweyne Siilaanyo ayaa sheegay in socdaalkiisu uu la xiriiro arimo badan oo khuseeyo shacabka gobolkaasi oo ay kamid yihiin waxkaqashada xaaladaha amniga, wadatashi beelaha gobolka iyo waliba dhambaal tacsi uu uga sido madaxweyne Siilaanyo eheladii ragii lagu laayay degaanka u dhaxeeyo Qardho iyo Dhahar. “Waxaan dhambaal tacsi ah u dirayaa ugana sidaa dowlada SL dhambaal qoysaskii ay ka dhinteen sadexdii qof ee rayidka ah ee lagu dilay degaanka u dhaxeeya Dhahar iyo Qardho, waxaanan ILAAHAY ka baryayaa inuu naxariistii jano ka waraabiyo, qoyskii iyo shacbiga ay ka baxeenna samir iyo iimaan ka siiyo,” ayaa kamid ahaa hadaladiisi uu ka sheegay shirkii kadhacay magaalada Dhahar. Socdaalka lataliyaha Siilaanyo ayaa kusoo beegmayo xilli maalmo laga joogo fal dambiyeed dil ahi ay ku geeriyoodeen sadex ruux oo shacab ah, falkaasi uu lataliyaha Siilaanyo ku tilmaamay mid xambaarsan damac siyaasadeed. Sahal Maxamed Jaamac ayaa maalmo ka hor shir jaraa’id ku qabtey magaalada Hargeysa isla markaana ku eedeeyey in dilkii ka dhacay deegaanka Qardho ay ka dambeeyeen maamulka PL isla markaana lagu laayey gaadiid ay leeyihiin ciidanka PL. Dhanka kale, madaxweynaha Puntland ayaa eedayntaasi kutilmaamay mid wax kama-jiraan ah, mar uu shir jaraa’id uu ku qabtay magaalada Bosaaso uu dhawaan soo gaaray. Qaar ka tirsan odayaasha Degamada Dhahar oo uu la kulmey oo soo ajiibay shirkaasi lagu casumay ayaa dhankooda xusay in ay soo dhawaynayaan masuulka ka tirsan aqalka madaxtooyada Somaliland, ayna ka gudoomeen tacsida uu ka siday madaxwaynaha Somaliland, waxana ay xuseen in ay ka dhursugayan madaxwaynaha in ay ka helan samigii ay ku lahaayen xisbiga talada haya ee Kulmiye oo uu hogaamiyo madax wayne Axmad Maxamad (Siilanyo).

Shir Beelaha Bariga Sanaag Uga Socda Degmada Dhahar iyo Go’aammo Hor-dhac ah Oo Laga Soo Saaray May 2nd, 2011 Dhahar(Dawan)- La-taliyaha Madaxweynaha Jamhuuriydada Somaliland u qaabbilsan arrimaha Bariga Gobolka Sanaag Sahal Maxamed Jaamac, ayaa Waraysi uu xalay khadka taleefanka kula yeeshay Wargeyska Dawan, waxa uu kagaga warramay ujeeddada Shir beelaha Bariga Sanaag uga socda degmada Dhahar, waxaanu sheegay in lagaga arrinsanayo mustaqbalka siyaasadeed ee Beelahaas, isla markaana waxa uu sheegay in dadka deggan halkaasi ay 90%-kiiba diyaar u yihiin sidii ay Somaliland wax ula qabsan lahaayeen. La-taliyahaha Madaxweynaha ee Bariga Sanaag, waxa uu sheegay in muddo laba maalmooda magaalada Dhahar uga socday Odayaasha Dhaqanka, Garaaddada, Wax-garadka iyo masuuliyiinta heer Maamul ee dawladda Somaliland, lagu lafa-guray sida ay deegaannadaasi ugu baahan yihiin taageero siyaasadeed, nabadgalyo iyo Xuduud-sugidda ee Somaliland. “Shirka waxa lagaga hadlay baahida loo qabo in maamul dawladeed oo dhammaystiran Somaliland ka hirgeliso deegaannada Bariga Gobolka Sanaag, maaddaama oo ay daraf ku yaallaan, duullaan siyaasadeedna maamulka la baxay Puntland ku hayo deegaanka. Waxa kale oo lagaga hadlayey shirka oo laba maalintii saddexaad galay dil ay Ciidammo Puntland ka tirsani u geysteen dad rayid ah oo deegaanka u dhashay.” Sidaa waxa yidhi La-taliyaha arrimaha Bariga Sanaag u qaabbilsan Madaxweynaha Somaliland, Mr. Sahal Maxamed Jaamac. La-taliyuhu waxa uu sheegay in Shirkaas oo socon doona inta toddobaadkan ka hadhsan weli aan go’aammo dhammaystiran laga soo saarin, hase ahaatee, haddana ay jiraan go’aammo hordhac ah oo ka soo baxay shirkaas. Isaga oo arrintaa ka hadlaayana Sahal waxa uu yidhi; “Shirku weli wuu socdaa oo waa loo dhan yahay Guurtidii iyo maamulkii dawladda ee deegaannada Bariga Sanaag oo dhan ayaa isugu yimi, inta toddobaadka ka hadhsanna waxa la filayaa inuu sii socdo oo gebagabada go’aammo dhammaystiran laga soo saaro, hase ahaatee, hadda waxyaabaha ka soo baxay waxa ka mida illaa saddex go’aan oo ay ka mid yihiin, inay Somaliland caddeyso mawqifkeeda ku aaddan Bariga Gobolka Sanaag, inay Somaliland Bariga Sanaag ka hirgeliso maammulo dhammaystiran oo haysta taageero siyaasadeed, in la sugo Xuduudka Bariga Sanaag ee Somaliland ee ay Puntland ku soo duushay, isla markaana guranayso ama boobayso Macdanta deegaannada Bariga Somaliland, iyo inay dadka Deegaannada Bariga Sanaag diyaar u yihiin inay Somaliland wax la qabsadaan 90%-kiiba.” Su’aal la-taliye Sahal Maxamed Jaamac laga weydiiyey inuu isagu shirka goob-joog ka ahaa iyo taytal beeleed iyo mid dawladeed ka uu ku matalayey, ayaa waxa uu ku jawaabay; “Waa su’aal fiican, walaal anigu Shirka waan ka qaybgalay, waxaanan kaga qaybgalay magaca dawladda Somaliland, maaddaama oo aan Madaxweynaha kala taliyo arrimaha Bariga Sanaag. Sidaa, daraaddeed, waan dhagaystay go’aanka hordhaca ah ee Guurtida Bariga Sanaag ka soo saareen shirkooda, ka dibna, waxaan u sheegay inay dawladda Somaliland ka go’an tahay sidii ay maamul dhammaystiran uga samayn lahayd deegaannada Sanaag-Bari, sugidda xuduudka iyo adkaynta nabadgalyada dalka oo dhan oo dabcan Bariga Sanaagna ka mid yahay. Waxa kale, oo aan u sheegay inay Somaliland weli ka dhur-sugayso inay Beelaha Bariga Sanaag si buuxda uga soo qaybgalaan Gogoshii nabadeed ee uu Madaxweynaha Somaliland Md. Axmed Maxamed Siilaanyo u fidiyey Beelaha Sool, Buuhoodle iyo Bariga Sanaag, taasoo ay si buuxda iigu ballan-qaadeen inay soo dhawaynayaan, isla markaana diyaar u yihiin inay xilli kasta oo suurtagal ah oo loo muddeeyo ka soo qaybgalayaan Gogoshaa nabadeed.” “Waxa kale oo aan gaadhsiiyey Tacsi aan uga siday Madaxweynaha Somaliland ehelada dadkii Puntland gardarrada cad ku laysay 21-kii bishii April 2011. Guurtida Shirku si weyn ayey Madaxweynaha Somaliland iyo Xukuumaddiisaba ugaga mahadceliyeen tacsidaas iyo gurmadkii Abaaraha ee ay Xukuumaddu gaadhsiisay deegaannadaas.” Ayuu hadalkiisa raaciyey La-taliyuhu. Lataliyaha Madaxweynuhu Sahal Maxamed, waxa uu sheegay inay Roobabka Gu’gu si fiican uga curteen inta badan deegaannadaas, isla markaana ay waxyeello soo gaadhsiiyeen xoolo-dhaqatada. “Roobku si fiican ayuu uga curtay inta badan deegaannadan, inkasta oo aanu biyo-dhig mooyee Roob weyni weli ka di’in Dhahar, haddana si fiican ayuu nawaaxigeeda u helay. Waxa uu Roobku khasaare gaadhsiiyey illaa 15 Qoys oo uu Xoolihii ka laayey oo aan Adhigii waxba uga hadhin, kuwaasoo deggan deegaannada ku hareeraysan deegaannada Dhahar iyo Badhan..” Gebagabadii, La-taliyaha Madaxweynaha Somaliland kala taliya arrimaha Bariga Sanaag, waxa uu sheegay inuu rejo fiican ka qabo go’aammada ka soo bixi doona dhammaadka Shirkaas, isla markaana uu filayo inay si weyn isula jaan-qaadaan dadka deegaannada Bariga Sanaag iyo Xukuumadda Somaliland ee uu hoggaamiyo Madaxweyne Axmed Maxamed Maxamuud (Siilaanyo).