California (Caasimadda Online) – Haweeney ayaa xaqiiqsatay iney leedahay Uurkeedii labaad intii ay nooleed, sheekadaan waa mid dhif ah oo si layaa leh kaga dhacday America, waxay sidaa mataano ay dhaleen dhowr rag ah. Qisadaan qariibka ah ayaa ah, Afar waalid ayaa ku lug yeelatay dhalashada labo caruur ah, Jessica Allen oo dagan California ayaa uur sidaheeda ugu deeqday lamaane shiinees ah, inkastoo ay xilliga ay uurka lamaanahaan aqbaleysay ay uur kale u laheyd ninkeeda saxda ah. Allen ayaa hooyo u aheyd labo caruur ah markii ay aqbaleysay in uursidkeeda lagu beero caruurta ay leeyihiin lamaahan Shiineeska ah, qoyska kireystay caloosha marwo Allen ayaa donayay iney helaan canugoodii koowaad. Si ay u hesho $30,000, Allen ayaa aqbashay in cirbada lagu sido ukunta seyga Shiinees ah lagu mudo, qaliinkaas ayaana u dhacay si habsami leh oo lagu guuleystay, Allen iyo ninkeeda Ardele Jasper oo arinkaaan u aqbalay si u helaan lacag ka caawisa noloshooda ayaa sidoo kale waxaa jirtay iney Allen ku qancisay seygeeda in gabar waliba oo dunida ku nool ay xaq u leedahay iney hooyo noqoto oo ayna dhadhamiso macnaha hooyonimada. Uurka Allen ayaa si caadi ah ku socday ilaa mudo 6 todobaad ah laakin dhaqaatiir ayaa ogaaday in marwo Allen ay uurka ku sido labo ugxaan oo kala duwan Waqtigaas, qof waliba ayaa aaminsanaa in Allen ay sido mataano laakin cidna ma aysan la socon ama ugu yaraan fahmi karin in xaaladaan ay tahay “Mid aanan caadi aheyn ” Habkaan ayaa ah mid dhif iyo naadir ku ah Bini’aadamka, inkastoo dumarka ay la wajacaan oo ayna dareemaan xiliga ay sidaan ugxaanta rageed, hadana iney ugxaantii hore oo ay siday ay la qaado ugxaan kale oo cusub ayaa ah qiso kale. Ka Bini’aadama ahaan, kaliya 10 kiis oo lamid ah arinkaan ayaa la dhigay isbitaalada, inkastoo habkaan aanan caadiga aheyn ee labo ugxaan oo kala duwan ay hal hooyo wada qaado halmar ay caan ku yihiin xayaawanada, si gaar ahna, Jiirka, Fardaha, Idaha iyo Kangaroo. Inkasoo ay Allen ay si caadi ah ula nooleyd seygeeda intii ay uurka laheyd, hadana waxaa nasiib wanaag lagu guuleystay in ay dhasho canugii labaad oo ay sida kirada ah ugu qaaday qoyska Shiineeska ah. Todobaadyo kadib, nidaamka baaritaanka dheecanada ee DNA ayaa cadeeyay in mid kamid ah labada caruur ah ay ahaayeen ukumihii ninka sheeneeska ah halka kan kalena uu yeeshay ukumihii seyga Allen Caasimada Online Xafiiska Nairobi Caasimada@live.com

Muqdisho (Caasimadda Online) – Dowladda Imaaraadka Carabta ayaa olol xoog leh ka bilaawday Magaalada Muqdisho, iyadoo dooneyso inay qalqal geliso jiritaanka dowladda Soomaaliya. Olololeyaal looga horjeedo hoggaanka dowladda Federaalka Soomaaliya ayaa waxaa wadaan siyaasiyiin iyo xubno ku xiran dowladda Imaaraadka Carabta, kuwaas oo la wareegayo boorsooyin lacag ah. Dowladda Imaaraadka Carabta ayaa dajisay qorsho weyn oo halis keeni doono, waxayna qorshahaas ku hirgelineysaa lacag aad u badan oo loo soo dhiibay Siyaasiyiin iyo Xildhibaano. Xogta la helayo ayaa sheegaya in ololeyaashan ay kala duwan yihin, waxaana ka mida shirar dhinaca ammaanka looga hadlayo oo diiradda lagu saarayo in lagu cambaareyo dowladda uu hoggaamiyo Farmaajo, lagana sii digo tallaabooyin ay dooneyso inay qaadato, waxaana qeybta labaad ay tahay diyaarinta mooshin xil ka qaadis madaxweyne “Impeachment”. Xildhibaannada iyo siyaasiyiinta arrimahan ku howlan ayaa la sheegay inay heleen lacagtii ugu horeysay oo ka timid Imaaraadka, taasoo loo adeegsanayo shirarka iyo ololeyaasha looga horjeedo dowladda Federaalka. Abaabulka mooshinka xil ka qaadista madaxweyne Maxamed C/llaahi Farmaajo ayaa waxaa soo dedejiyay iyadoo laba ka mida madaxweynayaashii hore iyo Ra’iisal wasaarihii ugu danbeeyay ee dalka ay isla garteen qorshe Imaaraadku taageerayo oo ku saabsan in horaanta sanadka 2018 uu dalka yeesho hoggaan cusub. Xldhibaannada iyo taageerayaasha Madaxweynaha iyo xukuumadda oo ku baraarugay ololeyaashan ayaa dhinacooda bilaabaya abaabullo ayu ku doonayaan inay uga hortagaan qorsheyaashan oo lagu soo beegay xilli loo diyaar garoobayo dagaal weyn oo lagu qaado Alshabaab. Siyaasiyiinta howshaan loo sood dhiibay ayaa kulamo kala duwan la qaatay qeybaha Warbaahinta Soomaaliya, waxayna ka codsadeen in lagala shaqeeyo riditaanka dowladda Farmaajo iyagoo warbaahinta miiska u saaray Lacago badan. Ololahaan xooggiisa ayaa waxaa wado Kooxdii Qabyo ee dowladdii hore ee Xasan Sheekh Maxamuud oo ay ugu horeeeyaan Odawaa, Faarax Cabdulqaadir iyo Mahad Salaad. Sidoo kale waxaa ku jiro Ra’isulwasaarihii hore ee Soomaaliya Cumar Cabdirashiid oo isaga ballan qaaday inuu booska kala bixi doono Madaxweyne Farmaajo, waxaa kaloo ku jiro Cabdiraxmaan Cabdishakuur oo horey u iibsaday Badda Soomaaliya. Waxaa jiro is fahandarro ka dhex jirto Shakhsiyaadka ay Imaaraadka soo dirsatay, waxaana qorsho gaar ah wato Cumar Cabdirashiid oo doonayo inuu madaxweynaha booska kala baxo, halka siyaasiyiinta kale ay doonayaan in xilka laga qaado Ra’isulwasaare Xasan Cali Kheyre. Dhawaan ayaan idinla wadaagi doonaa Liiska Shaqsiyaad loo wakiishay inay Saxaafadda kala macaamilaan Kiiskaas iyo sidii waxrbixino been abuur ah looga sameyn lahaa dowladda Madaxweyne Farmaajo oo muddo 7 bil ah jirto. Caasimada Online Xafiiska Nairobi Caasimada@live.com

Muqdisho (Caasimada Online)-Waxaa soo baxaaya cabsi lixaad leh oo laga qabo in maleeshiyaadka al-Shabaab ay weeraro ka geystaan magaalada Muqdisho. Cabsida ugu badan ayaa ka taagan Xarumaha dowlada gaar ahaan Wasaaradaha iyo Goobaha ay ku sugan yihiin ciidamada dowlada. Xarumaha dowlada ayaa waxaa lagu arkayaa ciidamo dheeri ah oo la sheegay inay ka hortagayaan weeraro ka imaada dhanka maleeshiyaadka al-Shabaab. Xarumaha qaar ayaa waxaa laga jaray dhinacyada si aysan u isticmaalin gaadiidka iyo Bajaajyada, sababo la xiriira macluumaad ku aadan weeraro ay damacsan yihiin al-Shabaab oo ay heleen Saraakiisha amniga. Isgooysyada mashquulka badan ee ku yaalla magaalada Muqdisho ayaa waxaa sidoo kale lagu arkayaa gaadiid dagaal iyo ciidamo aad u hubeysan kuwaa oo la sheegay inay xaqiijinayaan amniga magaalada Muqdisho. Sidoo kale, wadada Makka Al-Mukarama ayaa ciidamada ugu badan la dhigay maadaama ay ka dhacaan weerarada xoogooda, waxaana xusid mudan in wadadaasi ay ku yaalan Hoteelada ugu caansan dalka. Geesta kale, Alshabaab ayaa horay ugu goodisay inay qaadeyso weeraro xoogan, inkastoo aysan sheegin goobaha bartilmaameedka u ah. Caasimada Online Xafiiska Muqdisho Caasimada@live.com

Muqdisho (Caasimada Online)-Dowlada Qadar ayaa la xaqiijiyay inay wado qorsho ay dowlada Somalia ugu cadaadineyso magacaabida Safiiro khaas ah oo ka tirsan Ikhwaan Muslimiin. Qadar ayaa dowlada Somalia ku cadaadineysa inay Safiiro Ikhwaan Muslimiin ah u magacawdo dalalka leysku yiraah Khaliijka ee sida aadka ah kaga soo horjeeda siyaasadeeda qunyar socodka ah. Qorshaha cusub ee Qadar ayaa waxaa baahiyay kanaalka Al-akhbaariya ee laga leeyahay dalka Sacuudiga, oo sheegay in dowlada Qadar ay diyaarineyso sida ay Somalia ugu adeegsan laheyd siyaasadeeda gaarka ah. Kanaalka ayaa sheegay in dowlada Qadar ay qorshahaasi usoo bandhigtay Madaxda ugu sareysa Somalia, kuwaa oo iminka ku howlan dhaqan galinta magacaabida Safiir Ikhwaan Al-Muslimiin ah. Kanaalka ayaa sheegay in Qadar ay leedahay qorsho fog oo lagu sii ololinaayo xiisada Khaliijka, maadaama wadamada Sacuudiga, Imaaradka, Baxreeyn iyo Masar ay Ikhwaanka u aqoonsan yihiin Koox argagixiso. Kanaalka oo xiganaaya Saraakiil ka tirsan boqortooyada, ayaa sheegay in nidaamka Doxa uu doonaayo inuu sara qaado awooda ay Ikhwaanka ku leeyihiin caalamka, iyadoo dib loo soo nooleynaayo kaalintooda ku aadan Siyaasada. Dowlada Qadar ayaa dagaalka ay kula jirto wadamada Khaliijka u adeegsaneysa dowlado carbeed oo dhowr ah kuwaa oo intooda badan dhaca Africa. Sidoo kale, Dowladaha Khaliijka ee dhawaan xiriirka u jaray Qadar ayaa dhaqaale xoogan ku bixinaaya sidii looga takalusi lahaa Ikhwaan Muslimiinka oo iyagu lagu eedeeyay inay yihiin argagixiso. Dhinaca kale, dowlada Somalia ayaan weli ka hadal warbixinta uu baahiyay Kanaalka ee ku aadan in Qadar ay Somalia ku cadaadineyso inay magacawdo 4 Safiir oo Ikhwaan Muslimiin ah. Caasimada Online Xafiiska Muqdisho Caasimada@live.com

Somalis have barely lost a fight in recorded history. During the pre-colonial period, Somalis successfully fought against European colonial powers as well as other Christian empires in the region, such as the Abyssinians. Somalis are traditional warriors and conquerors who never let their adversaries have the upper hand. This is evident in the size of the current Somali-inhabited peninsula given the small number of Somalis compared to other adjacent countries. Somalis now occupy Somalia, Ogadenia (a restive region in Ethiopia), the Northern Frontier District (a region in North Eastern Kenya) and the majority of Djibouti. History of struggle During the colonial period, Somalis in different parts of the peninsula fought against European colonial powers as well as Ethiopia, a neighboring adversary that had ambitions to secure a sea route on the Horn of Africa. The struggle for self-determination and full independence sparked British Imperial forces to launch the first modern airstrike in Africa in 1920 against Sayid Muhammed Abdullah Hassan, a Somali freedom fighter who led the anti-colonial Dervish state movement. Somali warriors have confronted multiple forces from the British, Italians and French and have on several occasions overpowered them. After the collapse of Somalia’s military government in 1991, the international community intervened by sending UN Operations in Somalia (UNOSOM) peacekeeping forces to deliver humanitarian aid and help resolve the conflict. However, the whole mission ended in vain after the troops engaged in combat operations against local militias and subsequently crossed the Mogadishu line. Consequently, two U.S. Black Hawk helicopters were downed and 18 American soldiers along with hundreds of Somalis were killed in the fight. In 2005, 11 years after the withdrawal of the UNOSOM mission, Somalis took up arms against local warlords and factional leaders who were accused of collaborating with the U.S.’s war on terrorism to kill, capture or extradite local imams and religious leaders. The warlords were dislodged from Mogadishu within a couple of weeks and the majority of the country – the south and central regions – underwent a short period of tranquility and stability thanks to the leadership of the Union of Islamic Courts (UIC). At the end of 2006, U.S.-supported Ethiopian forces invaded the country and overthrew UIC rule. Again, Somalis took up arms against Ethiopia, a neighboring historical adversary, and within two years, Ethiopian troops, considered to be the strongest military in Sub-Saharan Africa in terms of numbers and quality, were ejected from Mogadishu and its neighboring provinces. Devil of terrorism Now, despite all those successful uprisings against foreign interventions and warlords, Somalia faces its greatest threat ever since its proclamation as a nation in the form of al-Shabaab. The al-Qaeda-affiliated group wreaked havoc on Oct. 14 after it detonated a massive explosives-laden truck on a busy road in central Mogadishu, the country’s capital and largest city. In addition to property loss, the bombing, the largest and deadliest in the country’s history, claimed the lives of more than 350 people and injured hundreds more. The incident drew a large national and international outcry with thousands of Somalis taking to the streets of Mogadishu in protest of al-Shabaab, denouncing its evil acts. This was the first-ever massive demonstration against the group and most probably will serve as a cause célèbre for Somali’s upheaval to depose Africa’s deadliest terrorist organization. Since the collapse of the central government in 1991, there has never been a time Somalia has been closer to peace and political stability than today. The country now has an internationally recognized federal government and a president considered to be the most favorite after Siad Barre, the long-time military leader. Federal member states, although some of them are newly established, are effective in all regions of the country except areas under the control of al-Shabaab. Given all these elements, a military offensive against the group is not only imaginable, but also imminent. Apparently, President Mohamed Abdullahi Mohamed has conducted diplomatic shuttling with several countries contributing troops to the African Union Mission in Somalia (AMISOM) to lobby full support for the offensive. Additionally, Somali Prime Minister Hassan Ali Khayre also paid a two-day visit to Turkey, a staunch ally of Somalia, last week and met top Turkish officials to secure financial and military support before the offensive begins. A trap not to fall into again However, any decision to add Ethiopian troops in the campaign will eventually be in vain, and mostly lose public support. It is imperative to mention that the U.S. war on terrorism and Ethiopian troops’ frequent incursions into the country were among the leading causes that paved the way for al-Shabaab’s rise. Ethiopia has been a neighboring rival for many years, and a majority of Somalis will not be able to get behind it against al-Shabaab. Another equally important factor is the involvement of the U.S. military, which could lead the operation into a quagmire. During the last decade, the U.S. military, under the leadership of the U.S. Africa Command, has been conducting clandestine airstrikes against the group, killing some high-profile al-Shabaab leaders over the years. However, its operations have sometimes backfired. Reports have emerged that the man who carried out the Mogadishu truck bombing on Oct. 14 was a former soldier in the Somali army whose hometown was raided by U.S.-led forces in August. The raid claimed the lives of scores of civilians and so he may have been motivated by revenge. Other sources indicate the U.S.’s increased military involvement is a recruiting tool for terrorist groups. In conclusion, Somalis have had a history of struggle against occupying forces both before and after the amalgamation of the country in 1960. It is currently struggling with al-Shabaab, one of Somali’s worst enemies and Africa’s deadliest terrorist entity. The Mogadishu massacre in mid-October has led massive public uproar that will most probably pave the way for a larger upheaval to depose the group. The government is now embarking on a new military offensive against al-Shabaab. However, any decision to include Ethiopian troops in the onslaught would give more energy and resolve to the group, and most importantly would dismantle the hanging together of public spirit. Ethiopian forces’ role should be minimal, if any. Likewise, direct U.S. military participation should be limited to precision airstrikes on predetermined military targets and other extremist camps. Source: – Daily Sabah

Ethiopia’s Ministry of Education has made changes to placement of freshmen into universities located in the Oromia and Somali states. The latest move effectively means students from Oromia and Somali regions will only be placed in universities located in their respective regions. The Ministry added that as at November 3, 2017; the change of placement had been completed. It has undertones of security given the deadly clashes that has ensued between the two states in the country’s east. The decision is also largely seen as an accession to the position advanced a week ago by the Oromo Peoples’ Democratic Organization (OPDO) – a member of Ethiopia’s ruling coalition. The OPDO’s top decision making body decided that students from Oromia were no longer going to attend university in Jijiga University in the Somali regional state. Accrdg to the spokesperson of Oromia rgnal state, the CC also decided to reassign all students to univs located in Oromia regional state — Addis Standard (@addisstandard) 28 October 2017 It also follows protests being staged inside universities in Oromia demanding reassignment of students from Jijiga university due to ‘safety concerns,’ the Addis Standard news portal reported at the time. The inter-regional clashes is said to be ethnic in nature even though political, human rights watchers and Oromo activists insist that it has an element of government complicity. The government says it continues efforts to restore a durable peace in the area. Most ethnic Oromos believe that the government continues to arm a paramilitary force, the ‘Liyu Police’ located in the Somali region as part of efforts to clamp down on Oromo protesters. Some residents and activists continue to blame the Liyu Police for the clashes that led to deaths and massive displacements. Despite long-standing talk of resource control fueling the tensions, some residents and activists say the Liyu police are more to blame for recent incidents. Meanwhile, a new wave of anti-government protests continue to gain currency in Oromia – the heartland of similar protests between 2015 – 2016. It led to a state of emergency in October 2016, a six-month measure that eventually lasted 10 months, it was lifted in early August 2017. Source: AfricaNews

Diyaaradaha dowladda Maraykanka ayaa laba jeer duqeeyay saldhig dagaalyahanada Kooxda Daacish ay ku leeyihiin deegaanka Buqa ee buuraleyda Gobolka Bari ee Puntland. Sarkaal ka tirsan wasaaradda difaaca Dowladda Maraykanka ayaa warbaahinnta u xaqiijiyay duqeynta, wuxuuna sheegayin bartimaameedkaasi uu ahaa kooxda Daacish. Wararka ayaa sheegaya in la bartilmaameesaday hoggaamiyaha Daacishta Soomaaliya Cabdulqaadir Muumim. Deegaanka duqeyntu ay ka dhacday ayaa qiyaasii 60 KM u jira degmada Qandala oo ay hadda ka hor kooxdaasi qabsatay. Gudoomiyaha Qandala Jaamac Maxamed Quurshe Ayaa Duqeeyntaasi ka Warbixiyay mar uu la hadlayay idaacada VOA. Saraakiisha Maraykanka ayaa sheegay inay baaritaan ku sameynayaa khasaraha ka dhashay duqeynta ay la beegsadeen dagaalyahanada Taageersan kooxda Daacish-ta Soomaliya. Hoos ka Dhageyso Codka http://puntlandpost.net/wp-content/uploads/2017/11/Gudoomiyaha-Qandala-PP.mp3PUNTLAND POST The post Mareykanka oo Duqeeyay Kooxda Daacish ee ku Sugan Buuraha Gobolka Bari appeared first on Puntland Post.

Muqdisho (Caasimada Online)-War goordhow nasoo gaaray ayaa sheegaya in kala orad uu Saaka ka taagan yahay Isgoyska Xamar Jajab ee Muqdisho, kadib markii halkaa lagu arkay gaari loo maleynaayo in laga soo buuxiyay walxaha Qarxa oo goobta la dhigay. Dadka ku ganacsada iyo kuwa deegaanka ku ah Isgoyska Xamar Jajab ee Muqdisho, ayaa mar qura ka kala orday Isgooyska waxa ayna ciidamadu ku wargaliyeen in Gaariga oo noociisa uu yahay Caasi ay ka buuxaan walxaha Qarxa. Ciidamada ayaa xiray gabi ahaan Isgoyska Xamar Jajab waxaana halkaa lagu arkayaa eeyo la sheegay inay ka qeybqaadanayaan baaritaanka Gaariga oo la dhigay Isgooyska. Isgooyska ayaa waxaa laga mamnuucay in ay maraan dadka iyo Gaadiidka, waxaana halkaa ku sugan keliya Saraakiisha iyo ciidamada ku howlan baaritaanka. Gaariga Caasiga ah ee la dhigay goobta ayaa waxaa ka muuqda rafaad xoogan, waxaana leysku raacay in goobta uu yaalo ku dhawaad lix saac oo xiriir ah. Saraakiisha Ammaanka waxa ay xaqiijiyeen in gaarigaasi laga shakiyay, islamarkaana ay baaris ku sameynayaan, maadaama maleeshiyaadka ay maleegayaan Qaraxyo la dhigaa goobaha ay nolol maalmeedka ka raadsanayaan shacabka. Dhinaca kale, Maleeshiyaadka Alshabaab ayaa afartii bil ee ugu danbeysay adeegsaneysay gaariga Caasiga ah oo laga soo buuxiyay walxaha Qarxa kaa oo lala eegto shacabka ku howlan nolol maalmeedkooda. Caasimada Online Xafiiska Muqdisho Caasimada@live.com

Muqdisho (Caasimada Online)-Xildhibaanada baarlamaanka Somalia, ayaa lagu wadaa in maanta oo Sabti ah ay kulan ku yeeshaan Xarunta Golaha Shacabka. Guddoonka sare ee baarlamaanka ayaa la xaqiijiyay in Xildhibaanada baarlamaanka ay u direen fariimo looga dalbanaayo inay kusoo xaadiraan kulanka maanta oo Sabti ah. Kulanka Xildhibaanada ayaa ah Akhrinta Koowaad ee Hindise Sharciyeedka Tirakoobka Qaranka, waxaana kulanka xaadiri doona dhammaan Xildhibaanada. Sidoo kale, Xildhibaanada qaar ayaa sheegay in kulanka maanta uu ahmiyad gaara u leeyahay, bacdamaa qodobka maanta uu yahay mid ka dib dhacay xiligiisa. Geesta kale, Sharciyo dhowr ah oo ka doodis u baahan ayaa weli horyaala baarlamaanka 10aad ee Somalia iyada oo horay ay u ansixiyeen sharciyo dhowr ah. Caasimada Online Xafiiska Muqdisho Caasimada@live.com

Muqdisho (Caasimada Online)-Dowlada Mareykanka ayaa daboolka ka qaaday inay ka danbeysay duqeyntii cusleyd ee ka dhacday deegaanka Buqa ee buuraleyda Gobolka Bari ee Puntland, kaa oo lala beegsaday Unugyo ka tirsan falaagada Daacishta Somalia. Wasaaradda difaaca Maraykanka ayaa xaqiijisay in qasdiga duqeynta ay aheyd in lagu soo afjaro Unugta dhaqdhaqaaqa Daacishta Somalia. Wasaarada ayaa sheegtay in ay aaminsan tahay in duqeyntaasi ka dhacay gobolka Bari lala beegsaday hoggaamiyaha Kooxda Daacish ee Somalia. Sarkaal u hadlay wasaaradda difaaca Maraykanka ayaa xaqiijiyay duqeyntaasi inay u badan tahay, in lala bartilmaameesaday hoggaamiyaha Daacishta Somalia Cabdulqaadir Muumim. Waxa uu Sarkaalka qiray inaan jirin macluumaad dhab ah oo muujinkara in duqeynta lagu dilay Cabdulqaadir Muumim, balse xogo hordhac ah oo ay heleen ay muujineyso in gantaalada lala dhacay Saldhiga ay geysatay waxyeelo buuran oo Saraakiisha ay soo gaartay uu kamid yahay Cabdulqaadir Muumim oo loo badinaayo inuu ku dhintay. Duqeynta ayaa ka dhacday deegaanka Buqa ee buuraleyda Gobolka Bari ee Puntland oo qiyaastii 60 km u jira degmada Qandala oo ay hadda ka hor kooxdaasi qabsatay. Waxa ay sheegen in weli uu socdo baaritaan rasmi ah oo lagu xaqiijinaayo khasaraha ka dhashay duqeynta ay la beegsadeen maleeshiyada taageersan kooxda Daacish. Waxaa sidoo kale soo baxaya in dowladda Mareykanka ay jimicii beegsatay Koox ka tirsan Daacish oo Meydad Aasaayay, waxaana la sheegay in uu ka dhashay khasaare kala duwan. Geesta kale, Sheekh C/qaadir Muumin oo haysta dhalashada dalka Britain, ayaa horey u soo noqday Madaxii Dacwada ee Al Shabaab, iyadoona uu muddo dheer ka tirsanaa Shabaabka. Caasimada Online Xafiiska Muqdisho Caasimada@live.com

20/10/2017, Istanbul waxaan Iska Soo raacnay, Rag Caddaan u Badan, kuna see jeeday Muqdisho. Raggaasi Maahayn TURKISH, waxay Wateen wiil Yar Ciyaal JEEGO XIIR ah turjubaan u ahaa, Dadka Maysan Dhex Galayn markaynu Joognay Terminal-ka, Mana Fadhiisanayn oo 2 Saac oo aynu Sugaynay Duulimaadkeena wey taagnaayeen. Waxaa iiga yaab badnaa raggaasi in sida qolo Fiigsan oo kale ay isu ag joogeen, oo hadba qofka ku soo Biira GATE-keena diyaaradda Laga raacayey weydiinayey Wiilka yar ee La socday. Waxaynu ahayn dhowr qof oo soo gashay Markaa Gate-ka Istanbul Mogadishu, mar qura ayey inta na soo eegeen, su’aalo weydiiyeen wiilka yar, kadibna inta na soo eegay ayuu la hadlay, waxaan dareemayey in raggaasi aysan rag civilian ama shacab caadi ah aysan ahayn. Muddo waxaan jeedaalinayey bal waxay raggaani noqon karaan afka isku mudaya ee aad moodayso dad Dhiilaysan, dabcan waana iska garan karay inay arimo ugu socdaan dalka, ama aysan ahayn shaqaale shacab ka shaqeeya dalka, maadaama dalka soomaaliya uusan ka jirin Maalgashi Shisheeye ah, hadduu jirana uu noqon lahaa Turkish Business People. Mana ahayn Turkish Business, waayo dhowr qof oo Turkish oo nala socotay intaan Madaarka joognay ayey Telefano isaga hadlayeen oo hadba reerahooda iyo arimadhooda Gaarka ah ka sheekeysanayeen. Diyaaradda Markaan Cagta soo saarnay, ee Ticket checking aan galnay, waxay noqdeen BUSINESS CLASS, umana Muuqanayn rag Business XAMAR ugu socday oo qaab ahaan maahayn umana muuqan rag xitaa noloshooda soo Maray dhaqaale. Dabcan waad garan kartaa nin CIIDAN ah iyo nin aan waligiis soo marin. Qabsashada Business Class, iyo rag aan Gacansato ahayn waxay keenaysaa inay caddahay in ay ahaayeen Ciddan dalka Gudahiisa u socday, cidday doonaanba ha u socdeen, waxay iila ekaayeen rag aad isu ilaalinayey oo diidaya xitaa inay shacabka wax hadal ah is dhaafsadaan, si aan loo ogaan dalka ay yihiin, iyo arimaha ay u socdaan, ama ugu yaraan aan wajiyadooda beri looga garan waxay dalka dhexdiisa ka sameyn doonaan. Dabeecaddaas markaad eegto waxaad dareemi kartaa in raggaasi is qarinayeen, meeshay doonaanba haka yimaadeen, is qarintoodaasina ay noqon karto rag SIRDOON ah oo arimo xasaasi doonayey inay ka sameeyaan dalka Gudahiisa. Maanta oo ay taariikhdu tahay 03-11-2017, oo noqonaysa 14 Cisho ka dib, ayaan Caasimada online ka aqriyey QORMADAN, runtii aad ii dareensiisay inay Noqon karaan raggaasi kuwii aan iska soo raacnay Magaalada Istanbul Dalka Turkey, qofkii raggaasi arkay ee u fiirsaday, iyo dhaqanka Qormadan ku qoran, waxaad muudaysaa inay Dabeecad ahaan iskeenayso. Dalkeena waxaa sidaan ka dhigay, waa Ciidankeena Aminiga oo aan u arkayn in Ajnabiga uu yahay Mushkiladda ummadda haysata, ee u arkaya inay yihiin kuwa kala shaqeynaya Nabadgalyadooda ama la doonaya khayr-ka. taasoo Illaahay Subxaana Watacaa nagu Filan intuu nooga sheegay. Sideedaba laba Arin isma qabato, in Qof Cadow kuu yahay, Mid islaam iyo mid Qowmiyad ahaanba kuu neceb, iyo inaad Daawo weydiisato oo DAR ILLAAHAY KUU DAWEEYO. Wax is qaban karo maaha. sidaas darteed baan habeen iyo maalin ugu yeeranaa Cidda dharbaaxa nagu dhufanaysa, kadibna sida Ciyaalna nagu sabaan inay na caawinayaan, oo kadibna iska aqbalnaa. Dunida dadka ugu Cawaansan, waxaa lagu Xantaa inay yihiin kuwa aan Waxba aaminsanayn ama aan Diin lahayn, ama aan aqoon in Illaah wax la yiraahdo Jiro, haddana kuwaasi ayaan ku liidanaa, oo Markay EEYAHA ay CUNAAN Qalaan ayey HARGAHOODA nooga soo saaraan DHAR iyo KABO aynu XIRANO, Lacagteenana u geynaa, kuna Faraxsanahay. Waxaad dareemaysaa markaynu dib isu aqrino, inaynu dhankastaba ka dhimanay, Business, Politics, iyo socially, haddana aynaan waqtiba u helin, bal meesha dhibta naga qabsatay iyo cidda nagu dhex waddo hiirtaanyadan nagu raagtay. waxaa kaliya oo aan aqrinaa waxay Warbaahinta noo sheegto, ayadaana nagu Hagto waxa jira, waxayna noogu dhigaan wararka hadba sida qolada Satellite iska leh ugu soo yeeriso, taasoo ka dhigan marka la saxiixayo Contracts, wixii ay kula soo heshiiyeen. http://www.caasimada.net/sir-culus-muqdisho-yaa-ku-abaabulaya-shirarka-lagaga-faaloonayo-amniga/ ALLAHA SW hana garan siiyo, Illaahayna ha naga saaro CIQAABTAN, kuwa diinta Illaahay waxay farayso qaatana ha naga dhigo insha allaah. W/Q: Ibrahim Abdi hayenasecrets@gmail.com

Soomaali waxey aad ugu mashquulsantahay Khilaafka u dhexeeya Dowladda Dhexe ee Madaxweyne Farmaajo iyo Baha DIRHAM (Hogaamiyeyaasha Maamul Goboleedyada). Xildhibaan Mudane Axmed Xaashi Maxamuud ayaa isagu ku tilmaamey Khilaafkani inuu yahay sida mid u dhaxeeya Aabo & Wiilashiisa. Daacadweyne waa ku waajib in uu gutto Mas’uuliyadda ka saran korinta, daryeelka, waxbarashada iyo barbaarinta Wiilashiisa, ayuu yidhi Xildhibaan Axmed Xaashi oo ka mid ahaa Caqligii, Cududii iyo Laf Dhabartii uu ku taagnaa Ciidankii (Ciil Tire) ee gaadhka ka hayey Jiritaanka, Heybadda iyo Midnimada Qaranka Soomaaliyeed, intii aanuu bur-burin. Haatanna, Kuf & Kac uu Dalku galey dabadeed, Axmed Xaashi waa Xildhibaan Dareen iyo Wadaninimo leh kana tirsan Aqalka Sare si marka loo eegana, ugu hooseeya uguna tayada iyo saameynta yar Aqalada looga arimiyo Dalka Soomaaliya, wallow Ninka Gudoomiyaha u ah Aqalkani Mudane Cabdi Xaashi Cabdilaahi uu ka mid yahey Ragga ugu cad-cad ee ugu Cadaaladda, Kartida, Runta, Wadaninimada iyo Geesinimada badan Mas’uuliyiinta Soomaaliyeed waqtigan la joogo. “Mas’uul Dowladeed oo dhan baa wiil ah. Sidoo kale Muwaadin Soomaaliyeed oo dhamina waa wiil.” Qoraalkayganse, waxaa si gaar ah ugu eegayaa Wiilasha DIRHAM ka ku bahoobey lana baxay Baha DIRHAM iyagoo aaminsan in Danahoodu isku xidhanyihiin Aabahoodna (Dowladda Dhexe) uu ka hor imanayo Maslaxadooda gaarka ah. Xubnaha Baha DIRHAM waxaa ka mid ah, kunase koobneyn: Nacweyne Beenweyne Daalinweyne Eexweyne Faanweyne Dabinweyne Munaafaq Madoobe Ahmed Xaaf Cabdiraxmaan Cabdishakuur iyo xubno kale oon halkan ku xusneyn oo ay ku jiraan xisbiyo. “Fiiro Gar Ah : 6 da Magac ee hore waxaan bixiyey Maqaal aan qorey 5 sano ku dhowaad horteed (Madaxweyne mise Waxkaleweyne) Farmaajo na isla Maqaalkaa waxan ugu bixiyey #Daacadweyne. Baha DIRHAM waxaa amakaag iyo yaab ku noqdey Dabeecadaha iyo isbedaladda cusub ee uu la soo baxey Aabahood laga bilaabo 08.Feb.2017 sida: Dabagalka, la xisaabtanka iyo Ilaalinta hantida Qaranka iyo Kaabayaashiisa dhaqaale. Ka hor taariikhdaa aan kor ku xusey waxey arki jireen Aabahood #Nacweyne iyo #Beenweyne oo labaduba la qasta, iyaguna dhinacooda Hantida Qaranka ka faganaya, Wiilashana la qaybsada Boobka iyo Boolida laga lunsado Shacabka Soomaaliyeed iyo Kaabayaasha Dhaqaalaha ee Gobolada ay Hogaamiyeyeesha u yihiin. Xildhibaan Axmed Xaashi inkastoon looga baran Cadaalad Darro, hadana sidii loo baahnaa ugama hadal Waajibaadka waalidnimo ee Wiilasha Baha DIRHAM ka saaranan Ixtiraamka, Qadarinta iyo ka Dambeynta Aabahood sida looga dambeeyo Aabo walba markey timaado Arrimaha Qoyska (Dowladda) gaar ahaan Arimaha Dibadda, Gaashaandhiga ilaha iyo Kaabayaasha Dhaqaale. Dhan kale oo ta Xildhibaanka ka duwan, hadaan aniga Axmed Qadhabo ahi ka eego, Dhal Baastani, wiilal khayr qaba ma aha eh waxaa ku waajib ah, oo Aabahoodna rabaa sida Aabo waliba jecelyahay in uu ka arko Wiilashiisa sidan: Wiilashiisa oo Baarri u noqda, Aabahoodna ka dambeeya, tallaabooyinka ay qaadayaan ee saameyn fog ku yeelankara Mustaqbalka Bahahooda (Maamulkooda) iyo guud ahaan Dalkana la wadaaga. Wiilashiisa oon dhaq-dhaqaaqoodu ka qarsooneyn iyo marba halkey marayaan, Cidey u tagayaan, waxay ugu tagayaan iyo Heshiisyada ay la galayaanba. Wiilasha baasi waa kuwo ku baratamaya Boobka Kaabayaasha Dhaqaale. Marka iyagoo ah Cadceed Casar liiq joogta ay Heshiisyo 30 Sanadood ah galayaan waxey boobayaani soo Dhaqaalihii Dalku Wada lahaa ma aha. Soo Mustaqbalkii Dhalinyarada iyo Jiilka iman doona ma aha. Dhaxalka ay inooga tagayaani soo dacwad iyo waxay lunsadeed daba orod iyo Maxkamad aan dhamaad laheyn Soomaaliya ha dhex taagnaato ma aha. Wiilashiisa oo hadey Maal gashi shisheeye Goboladooda la damcaan u mara qawaaniinta iyo shuruudaha Dastuurku qeexayo oo ay ka baaraandageen qodobadiisa Garyaqaano Soomaaliyeed oo khibrad gaar ah u leh Heshiisyada Maal gashi Heer Caalami. Heshiisyadaasoo noqda kuwo lawada ogyahay oo inta loo dhoofo Dalal shisheeye, aan hoos loola soo galin. Wiilashiisa oon Dariska iyo Dibadaha Dhubuq-dhubuqleyn Hantida ma Guuraanka ah ee Qarankanu wada leeyaheyna la suga inta umadda Soomaaliyeed ey ka wada dhaxeysaa wada jir u ansixinayaan Sharci iyo Qodobbo qeexaya waxa lawada leeyahay iyo waxa lakala leeyahay iyo siyaabaha wax loo wadaagayo. Wiilashiisa oo Xil iska saara horumarinta dhan kastaba Maamulada ama Bahaha ay iyagu Hogaankana u yihiin oon ku koobnaanin kaliya Maslaxadooda Gaarka ah. Wiilashiisa oo mid waliba u qalmo Xilka uu Bahadiisa u hayo, Aqoonteeda, Khibradeeda iyo Kartideedana leh. Wiilashiisa oo si Hufnaan, Cad-cadaan iyo Isla xisaabtan ku jiro u gutta Mas’uuliyadda ka saran ilaalinta iyo gudashada Waajibaadka Gobolada ay hogaaminayaan. Wiilashiisa oo qeyrkood dhinac ka raaca, kulana tartama kor u qaadida tayada Aqooneeed iyo Xirfadeed, Shaqo iyo Dhaqaale ee Dhalinyarada Mustaqbalka Bahahooda. Wiilashiisa oo isku duuban, Aabahoodna Garab iyo gaashaan u noqda oon Odeyga isku soo nacaseyn, iskuna dhererin ee Maqaamkooda ku ekaada. Wiilashiisa oon dhabar jabin iyo carqaladeyn ku noqon Dadaalka uu Aabahood ugu jiro dib u heshiisiinta, dib u dhiska iyo dib u nabadeynta Dalka guud ahaan. Wiilashiisa oon Xaafado kale lagu shirin, xoogaa Dirham ahna loogu soo qaybin, dabadeed laga dhigan Baqashii loo soo fuulayey la dagaalanka iyo ka hor tagga Dowladnimo ka hana qaada Dalkooda Hooyo. Waxaa la yidhi: Nin soori qaadey waa Nin Seefi qaadey Nasiib darro, taa badelkeeda waxaan arkayaa: Wiilal Xadhig lama sitaan ah. Wiilal ka dhacsan heerkii Abahood la doonayey oo ku mashquulsan kaliya, Danahooda Gaarka ah. Wiilal maslaxadooda uga faa’ideysanaya Nadaamkan Federaalka ah, oo marka la eego sababaha ay Wadamadu u doortaan ama u qaataan Federaalka, aan sinaba ugu habooneyn Dalkeenan Soomaaliya. Federaalka Soomaaliya dibadda looga keenay iyadoon lagala tashan waxna laga weydiin ilaa iyo maantana aan la ogeyn in Afti lagu yeeli doono iyo in la diidi doono. Federaalka wali Dastuurkiisii qabyada yahey ee habka iyo qodobada uu ku saleysanyahay ee Awood qaybsigu yihiin kuwa qalalaasaha siyaasadeed ee manta jira abuuraya. Federaal sibiq iyo si fudud inoo soo galay, duuduubna lagu liqsiiyey Siyaasiyiin Soomaaliyeed oo u jeelanaa in maruun Madax baa tihiine, kacoo anagana noo hogaansama la yidhaa. Federaalka Soomaaliya ay durba ku hafatey een dareensanahay in aanuu waligii ka hirgali doonin. Federaalka Xuduudihii Dalku lahaa loo soo rarey Xaafadaha dhexdooda, si aan Khilaaf iyo Colaad Soomaaliyeed waligeed loo waayin. Federaalka u daneynaya Dowladaha Shisheeye iyo Dilaalada Soomaaliyeed ee isu bahaystay in ay ka faa’ideystaan Dastuurka Qabyada ah oo ay ku boobaan Hantida, Dhulka, Kaabayaasha Dhaqaalaha iyo Badda Soomaaliyeed. Federaalka loogu talo galay in ay Soomaali ku heshiiso in aaney waligood heshiinin. Federaalka ma dhaleyska ku ah Jamhuuriyadda Dimoqraadiga Soomaaliya. Waxaa la yidhi : Jidwaaq meelna ma wada dagana, Warna iskuma seegana. Ma xog baa inagu seegan in Wiilashani aaney ahayn Wiilal khayr qaba. Ma xog baa inagu seegan In Daalinweyne oo la aaminsanyahay in uu horey u boobey Badaha Dalku uu maantana Danaha Kooxdan Baha DIRHAM u fadhiyo Dubey oo uu yahay ninka Wiilashan fasahaadiyey ee barey Shisheeye Jaceylka, dibad wareega Dakad Xaraashka iyo Dirhamka inkastoo qaarkood horeyba u fadareysnaayeen Dariskana Jaajuusiin & Dilaallo u ahaayeen. Ma xog baa inagu seegan in Wiilashani aaney Adoogood faro ugu jirin oo ayba iskala weynaadeen, maantana uu Munaafaq Madoobe Kismaayo ka abaabuley isbaheysi ay ku doonayaan in ay Awoodii Dowladda Dhexe ku wiiqaan. Ma xog baa inagu seegan in ay Dowladda dhexe ku hayaan Dhabar jabin Cadowgana u loogayaan iyagoo dareemay in Qaabka Shaqo, Hufnaanta, Isla-xisaabtanka, Hanti dhowrka iyo Cad-cadaanta uu la yimid Mudane Xasan Cali Khayre uu yahay mid ka hor imaanaya Danahoodii Gaarka ahaa iyo Afduubka xaaraanta ah ee ay ku heysteen Goboladda iyo Dowladda Dhexe lafteeda, ka hor 08.Feb,2017. Ma xog baa inagu seegan in ay Xaaraan Quutayaal yihiin, Dakadihii, Garoomadii, Xeebihii, Warshadihii iyo Beerihii Dalku lahaa dibadaha la wareegayaan iyagoo Dowlado iyo Shakhsiyaad dano guracan oo fog ka lihi ay kaga doorsanayaan xoogaa Dirhamka nacaseeyey ah. Ma xog baa inagu seegan xoolaha ay Dalalka Soomaaliya u diidan Nabadda iyo Horumarka ay magacyada Gobolada kaga soo qaataan in uu jeebkooda ku uruuru, maalinkey maqlaan Aabahood inuu shilin meel ka soo galeyna, ay Gaawaha soo culanayaan si ay u carqaladeeyaan Qorshaha Dowladda ee Horumarka Dalka. Ma xog baa inagu seegan Heshiisyada 30 ka sanadood ah ee Cadowgu u fududeynayo ee ay la galayaan Dalalka shisheeye in ay yihiin kuwo ay ku boobayaan Kaabayaashii Dhaqaale ee Dalka iyo Dadkiisu wada lahaayeen, walina ay hortaaganyihiin dhameystirka Sharciga khuseeya Khayraadka iyo Kaabayaasha dhaqaalaha iyo qeybsigooda. Ma xog baa inagu seegan Magacood ha ba’ee in Wiilashani Yahaabur yihiin, Horumarka Dalku ku talaabsan lahaa xag walbana ay lugta hayaan. Waa kuwo Dirham, Shilin, Birr iyo malafsi bartey, Waa hore faraha ka baxay, waliba qaarkood Gadh inoo deysteen oo Wadaado isaga keen dhigayaan mid walibana doonayo inuu Soof (Lacag) iyo Suu inagu sii hogaamiyo. Ma Wiilal baa, meelo Durugsanba Balag looga lulayaaye Bal ila eega waa kuwan qaarkood eh: Eexweyne: Waa Ninka Wiilasha u weyn ama Curadka ah. Wuxuu noqdey Caasi. Isagu Aabihiiba ma ictiraafsana, isagana cidi ma ictiraafsana. Wuxuu Aabihii kula doodayaa, imabaad dhalin. Anigoo Ninweyn ah baan kuu imid, Hadana waan kaa noqdey. Reer aan Sharci ku saleysneyn ayuu goonidiisa u yagleeshey. Caalamkuse wali waa la wada yaabanyahey, Cid Caasinimada Aabihii ugu garowda oo ictiraaftana wali muu arag. Xagga wax qabadka iyo Maamulka waa bahda loogu qaatey, waxaase xagaldaacinaya oo dib u riixaya Wiilal ku hoos naban oo iyaguna Baha Dirham ah. Waxaa la yidhi: Nabsi bil ha jiro boqolse ha jiro, isha baalkeeda ka dhow. Dhibkii & Jabhadeyntii uu Aabihii ku hayey ayaa isagana hadda lagu hayaa. Meel markuu moosaba, Mid Maansoor soo seexiyaba, dhinac kalaa Mowjadi kaga furmeysaa. Aabihii hadda Yahaabur buu xero ugu jiraa oo xag-xaganaya. Meel uu ugu noqdaaye ma jirto. Aabihiina filimaayo inuu hadda leeyahay ii soo noqo, waase in aanuu ka fogaanin, gacantana hiil iyo hooba ka laaban ileyn waa Curadkiisiiye. ilaa uu ka raaligaliyo oo uu Caasinimada ka toobad keenana lagama yaabo in uu wuxuu jecelyahay helo. Faanweyne: Markuu Warbaahinta hor yimaad, Caqligii iyo Tacliintii uu soo baratay baan is weydiiyaa meeshuu kaga yimid. War Sow taad Macalin Ardey wax bara ahayd. Ma waxan aad hadda nagu heysaad Ardeydana ku heysay. Wax la taabto Gobolka ka qabatay. Qardhadii Qaaliga aheyd, Dhakhtar Dadka lagu daweeyo in aad dhagax dhigtey warkeedu igu soo dhibic. Go’anaheyne, markase aad hadleyso waa yaabe, Caqliga iyo Cilmiga ma Flash Memmory baad ku soo shubataa. Soo adigan la moodo in aanad alifna baran. Soo adigan hor boodaya kuwaan filaayey in aad u caqli celiso. Soo adigan ka daray kuwaad shaley ku faaneysay, Aalkoliistayaal bey ahaayeene, anigaa Bahdeyda badbaadinaya. Soo adigan bahdii sii kala firdhinaya. Soo adigan Aabahaa (Madaxweynaha Dalka) is moodey sidiisana u hadlaya. Dhaqaaleyahnakow, marka aad leedahay Aabahay Reerkuba gacan uguma jiro, oo aniga iyo Walaaladey baa ka arimiya, soo ma ogid in la yidhi: Nin waliba inta uu cuno ayuu ciidamiyaa. Nidaamka Federaalka hadii la raaco sida aad sheeganeyso waa in adiga iyo Baha Dirham aad taageero dhaqaale siisaan Aabihiin, halka aad gacmaha isaga u hoorsaneysaan. Dhaqaaleyahnakow waa in aad fahamtaa Cadowga qorsheystay in boqolaal sano oo soo socda ay Dalkaaga madaxbanaanidiisa iyo dhaqaalihiisaba madaxa kaga taagnaadaan adigana kuu soo maraan. Cidi kaama aqoon badnee ilaahey ha ku tuso Nimcada iyo Khayraadka dhex jiifa Dalkaaga ee ku filan adiga iyo inta kula leh ba. War waxaan ogahay Shacabka Puntlandow miyeydaan ogeyn. War Dal Shisheeye wax uu kaa qabsado mooyee in aanuu waxba kuu qabaneyn maslaxad la’aan miyeydaan ogeyn. Daalinweyne Dakanuu tirsanayaaye Dirhamka uu Wiilka barey in uu Dalka iyo Danta guudba u daranyahay miyeydaan ogeyn. Abkoy Dooli dilow, Dad nool maas u daahaa. Daalinweyne oo biyihii Badda fuuqsadey in aanuu Barri iyo Boosaaso u daaheyn miyeydaan ogeyn. Dakadii Berbera Eexweyne oon ogeyn in Wiilal baasi Dubey Dirham kaga doorsadeen maantana ay xidhantahay miyeydaan ogeyn. Muraadka Dirhamka loo bixinayo miyeydaan ogeyn. In lagugu duleysanayo marka dhaxalkii Dhalaanka soo kacaya aad wareejisaan miyeydaan ogeyn. In Dalkeenu dib Cagahiisa isugu taago oo dunida doorkuu ku lahaa dib ugu laabto in la inoo diidanyahay miyeydaan ogeyn. Ahmed Xaaf Warqadiisa oo madhan baan bixinayaa. Ha la iga raali noqdo. Meel aan ku qoro oo qaadda ma hayo. Shacabka GalMudug siiba Dhalinyarada waan u duceynayaa. Mohamed Waare Galinba muu joogin gurigii Gobolka looga ariminayey. Wali mabuu nasan, markuu la kowsadey Gogol baastii #Munaafaq Madoobe ee kismaayo. Waxaan leehay #Waarow waari meyside, War ha kaa hadho. Nin weyn korkiisu waa wada indho eh, Gogol baasta aad ku fadhiisatey kismaayo iska hurguf. Wiil baari ah oo Waalid adeec ah Abihiina garab u noqda ahow. Wiilasha xun-xun ka hadh oo ha raacin, ha la fadhiisan waxna ha la cunin yaan lagu fasahaadin oon Shiishadda iyo Dirhamka lagu barin ee is ilaali ilaahey ha ku ilaaliyee. Ogow Waarow Bahda aad Hogaamiyaha u tahay ayaa maanta ugu yar Qoyska, marka laga reebo Walaal Banaadir oo filayo in shinkeedii dhamaadey, Ilaahey ha nabad keenee. Guud ahaan Dalku Nabad, Nolol iyo wax qabad buu kaa sugayaa. War Waaroooooow Dubey iyo Dariskaan kaaga digayaaye, ka feejignow garabkaaga ilaahey ha galee. Dabinweyne Munaafik ma eh Beenlow ma eh Balantii usi gali ma ka bahow Dabinweyne isagoo yar buu Afawarke gardaadiyey. Nakfa lagu ababiyey oo ruugi yaqaanaa.Dirhamka sida loo xoogsado awalba waa yaqaaney oo Ganacsatuu ka ahaa Dubey. Cilmigu ha ii dambeeyee Caqli buu leeyahay. Aabo #Daacadweyne iyo Baha Dirham labaduba Duruustiisa Siyaasadeed Dabinba ha u badnaadeene kama maarmaan. Dabinku difaaca Cadowgana waxbuu kaa taraa ee taa hala ogaado. Haduuba xanuunka manta lagu hayo ka kaco, rajuu leeyahey. Dhaqan celin yar buu u baahanyahay iyo balaayaduu ku Shubey Wiilal Bi’iyeh Daalinweyne oo laga shubo. Munaafaq Madoobe Reer Soomaaliyeed (Salaan Sare Asxaabteyda Reerkaa, dhamaantiin) oo lagu tilmaamo in ay yihiin Reer aad u Niyad wanaagsan oo u Qalbi furan, ayey Dhalinyaro ka mid ahi isla garteen in Munaafaqnimadu aaney ahayn wax Bulshada dhexdeeda ku wanaagsan, waajibna ay tahay in talaabo laga qaado sidii looga hortagi lahaa. Waxey go’aansadeen in kuwa reerkooda ah ey garanayaan ay Bulshada ka dhex qabtaan. Mid dhalintii ka mid ahaa ayaa gacanta taagey oo yidhi: Ninba Ninkuu ku bartey Munaafaqnimada ha ka bilaabee aniga Hebel Hebel iga qora. Jubbaland waxay gacanta u gashey Nin waxa uu ku hadlayo iyo waxa uu ku kacayaa kala duwanyihiin. Ninba Ninkuu ku bartey ha ka bilaabee, anigana Munaafaq Madoobe iga qora. Wuxuu soo kala badalay Shaadhadhka, Itixaad, Maxaakiim, Xisbul Islaam, Shabaab, Raas Kaambooni, Dowladda Soomaaliya, Taajir Dhuxuleed iyo Dillaal Shisheeye oo uu hadda marayo. Geed dheer iyo mid gaabanba wuxuu u fuuley oo Dhiig badan oo sokeeye Soomaaliyeed ah, oon cid kale laheyn u daadiyey in mar uun la yidhaa Madaxweyne. Dibad iyo gudahaba loolankii Siyaasadeed ee uu ku yimid Hogaaminta Jubbaland, khayr qabaan moodayoo waan ka qayb qaatey aniga oo Qoraalo iyo Talooyinba ugu hiiliyey. Marxalad kastabase waxaan ka qabey tuhun weyn markaan arkey sida deg-dega ah ee uu isu badbadalayo. Markaan arkay marba geed ku xoqod kiisa, is dhuf-dhufadkiisa, hadba dhinac u boodkiisa, Waji badalkiisa – Mar Caseyntiisa, Mar Cadeyntiisa iyo Mar Madoobeyntiisa ayaan yaqiinsadey in aan wax khayr lihi ka soo socon Munaafaq Madoobe. Waxaan ogadey In Gadhku gadhkaan moodey aheyn. In Hadalkiisa macaani aanuu dibnihiisa dhaafsiisneyn, waxba kama jiraana yahey. Shacabka Jubbaland Cadaalad, Sinaan, Amaano Dhowr, Dib u heshiisiin iyo Waxqabad dhan kastaba ah ayey u baahan yihiin. Daacadnimo, Niyad wanaag iyo Dhe-dhexaadnimo, Tabari waa halkeedee lagu hogaamiyey u baahanyihiin. Shacabka Jubbaland waxay wada arkeen, Dareemen Dha-dhamiyeen in Hogaamiye Madoobe, Munaafaq yahay. Afkiisa, Uurkiisa iyo Ficilkiisu 3 kala duwan yihiin. Shacabka Jubbaland wey wada arkaan in Maamulkiisu yahay mid ma dhaleys ah oon Magaalada Kismaayo dhinacna u Dhaafsiisneyn. Maamul Wasaaradihiisa iyo Laamihiisa kala duwan mid qudha oo ka shaqeysaa aaney jirin, inta isaga ilaalisa mooyee. Maamul uu madoobe ku boobayo Hantidii Qaranka, tii Dadweynaha kulana wareegey Kaabayaashii dhaqaale ee Gobolka ee lawada lahaa. Maamul ku mashquulsan kala fogeynta Shacabka Sharafta leh ee Jubbanad oo Marba geed ugu soo gabada kala irdheynta iyo argagaxinta Shacabka sida Magacyada Daarood, Kablalax haatan iyo kowna Kuumade. Maamul fadhiid ah oo halkii aanu kaga ridney Nacweyne Xasan Sheekh talaabo dhaafi kari waayey. Maamul Shacabkiisii diidey oo dareemey Cadaalad daradiisa, Wax qabad la’aantiisa iyo Dib u dhaca uu u horseedey Jubbaland guud ahaan sida, Caafimaadka, Waxbarashada, Howlaha Guud iyo Kaabayaasha Dhaqaalaha. Munaafaq Madoobe marka uu hadlayo ee uu Muwaadinka matalayo waxaa hadaladiisa ka mid ah: Aynu Gobolada wax ka qabano oo hoosta wax ka soo dhisno. Yeynaan cidna isula tagin, aynu inagu heshiino. Lama arag wax madoobe dhisay wuxuu salka ka ridey mooyee. Lama arag Shisheeye Madoobe ka fogaadey kuwo uu difaaco xasuuqey Shacabka ku hayaan iyo kuwo uu dilaalo mooyee. Madoobe cid uu kala fogeeyo waa la arkey. Cid uu xabadeeyo waa la arkey. Walise lama hayo cid uu heshiisiiyey iyo cid uu xanaaneeyey aan ka aheyn inta yar ee uu danahiisa ku fushado. Madoobe falkii foosha xumaa ee dayuuradaha Kenya ku xasuuqeen Shacabkii Soomaaliyeed ee Jubbaland ayuu xaqoodii duudsiyey oo uu ku sheegay in ay yihiin Shabaabka uu isagu hubeeyo. Madoobe wuxuu gacan saar la leeyahey Ururka Shabaab. Wuxuu afka ka yidhaahdaa aan la dagaalano, aan barri ku duulno, tallaabo in dhankooda loo qaadana Madoobe ma ogola oo isagaa ka hor taagan Raggii Dhulka ka xoreyn lahaa. Soomaali oo dhami waxey wada yaqiinsadeen oo hadda Daalac Yaa Shamis ah inuu Munaafaq Madoobe isagoo Cimri dherer ka dhiganaya dano gaar ahna ka leh uu yahay Ninka hortaagan in Shabaab lala dagaalamo iyo in Dhulka Jubbaland oo ay 90% gacanta ku hayaan laga xoreeyo. Mar la weydiyey Madoobe su’aasha ah: Maxaad war baahinta horteeda uga tidhaahdaa Meel heblaan u hub uruursaneynaa oo shabaab baan ku duuleynaa. Soo Dagaalku Xeelad, Gaadmo iyo Kadis ma aha. Wuxuu ku jawaabo ayuu garan waayey. Dabadeedna wuxuu si Munaafaqad leh u yidhi: Wixii hore waa laga ilbaxay oo hadda Dagaalka Casriga ah waa la isu sii sheegaa. Jawaabtaa uu bixiyey faaladeeda meel aan ku qoro oo qaadeysa anigu ma hayo. Shacabka Soomaaliyeed baan u deynayaa. Madoobe, isagaa gudoomeye Baarlamaan ah. Isagaa Wasiir ah. Isagaa Agaasime ah. Isagaa Mareeye ah. Isagaa Taliye Ciidan iyo Abaan duule ah. Isagaa Lacag aruuriye ah, Isagaana qeybiye ah. Isagaa Jubbaland wax walba isu ah. Gobol Ba’ow yaa ku leh Dadkiisii tolow meeye. Malakul Mowtka ayaa isa soo dul taagey Nin ay qorneyd in uu Nafta ka qaado Diqiiqado gudahood. Wuxuu u yimid Ninkii oo la gorgortamaya Kabo tole uu Saan u dhiibtey. Wuxuu leeyahay Kabatolow, hadana labo kabood iiga tol. Sanadka dambe markey kuwaase iga dhamaadaana, labo kalaad ii toli doontaa. Ninkii isagoo wali badhtamaha Qorshihiisii Aduun iyo Gorgortankii kaga jira ayuu Malagii oo aad ulayaabanaa nafta ka qaadey. Munaafaq Madoobe Birtii iyo Shilinkii ayuu Dirham na ku darsadey. Wuxuuba taaga qorsheynayaa Kaabayaasha dhaqaale ee markoodii horeba kalidii u irmaanaa in uu hadana Dalal shisheeye kula Heshiisyo kana kireeyo 30 sanadood sida Baha Dirhamka kale. Shacabka Jubbaland oo ah Malakul Mowtkii isaga ka takhalusi lahaana wey fahmeen maanta waxa uu yahay weyna arkayaaan weyna ka go’antahay in ay iska qabtaan. Waxaa la yidhi: Guumeystu jirka haya kama oydee, ka soo socdey ka oydaa Nin weyni wedkii waa yaqaanaa. Munaafaq Madoobe Khilaafka Khaliijka isbaheysi uma sameysane wuxuu dareemey in aabihii is badaley wixii ka dambeeyey 08.Feb.2017. Wixii taariikhdaa ka horeeyey Aabihii Nacweyne Xasan Sheek hantida Dalka iyo Kaabayaashiisa Dhaqaale xil iska saari jirini. Beeso gurubsi ayuu ku mashquulsanaa isagoo muraadkiisu ahaa in uu doorashadii 08.Feb.2017 dib ugu guuleysto. Shacabka Soomaaliyeedna sidii Malakul Mowtkii waa dul taagnaayeen oo waa kuwii ka takhalusey kuna badaley Daacadweyne Farmaajo. Maanta Madoobe Wuxuu dareemay in la isu soo dhigtay gees walba, dhanka dowladda dhexe iyo dhanka Shacbka Jubbaland oo dareensan in Maamulka Madoobe waqti badan ka lumiyey ayna u baahanyihiin Hogaan cusub, Isla-xisaabtan & Ca-dcadaan, Horumar iyo Shabaab oo la iska xoreeyo. Daacadweyne Farmaajo Xidig baad tahay Soomaali dooratey. Adiguna waxaad soo xushay ood magacowdey Dayax kaa nuur badan Mudane Xasan Cali Khayre. Cadow badan baa doonaya in ay Dayaxa hadheeyaan oo ay ku noqdaan waxa afka qalaad lagu yidhaa Moon Eclipse. Waan arkaa kuwo baas oo Baha Dirham la yidhaa in ay idinka didsanyihiin hadaad tihiin Dowladda dhexe. Waxaan arkayaa iyagoo danahoodii gaarka u ahaa iyo waxay uga barteen Kuwii idinka Horeeyey idinka dhex waayey oo geeska fiidiisa idinkula jira. Waxaa la yidha: Haanta iyo Hadhuubkeedu, adigaa u san iyo adigaa u san, bey subaga ku dhalaan. Hagaajiya Calaaqaadka wada shaqeyn ee idinka dhaxeeya idinka iyo Hogaamiye Goboleedyada Dalka. Dadkoodaa arkey Ninwalba in uu ku mashquulsanyahay danihiisa gaarka ah oo iska dul qaadi doonee, yaaney idin eersan. Nin baa isagoo tunka ku sida Walaalkii uu jeclaa oo meyd ah la turunturoodey, markuu meydkii ka dhacay ayuu yidhi: Tolaa’aye haduu sii go’ay. War inaad habaar qabtaan maxaa Qalbi Dhagax idiin geeyey waa keydun Shacabka ku kala dhimateene. Maxaydunse waxaan ogaa eenan afkeyga soo marin Karin uga daba tidhaahdeen, waa teydun ku sii go’deene. Waxaan arkayaa talaabooyin aad qaadeysaan ood Shacabka kaga fogaaneysaan, geeska hadda fiida idinkula jirana fududeynaya in uu idinku libdho sida talaabadan aad ku dhiibteen Mudane Qalbi Dhagax Waxa aan waraabaha yurta idiinka hayaa ma aha wanaag iyo kalsooni la taaban karo ood abuurteen ee waa Daacadnimo iyo Hantida Qaranka oon dareensanahay in ay idinka nabdgaleyso shisheeyana aydaan Dalkiina u loogeynin sida kuwii baasaa ee idinka horeeyey ee Nacweyne & Beenweyne. Waa Dadaal aad dadaaleysaan, tabari meel ay idin dhigtoba iyo wax idin dhaama oon Shacabka Soomaaliyeed soo marin mudooyinka dambe. Dadka wixii wax garad ah wax weydiiya. Ha ka cararina. La tashiyada iyo ka fiirsashadana badiya Fariintayda Digniinta ah een gudbinayaa waxay tahay: Shacabka Soomaaliyeedow kaca oo ka hortaga baha dirham. Yaan laga yeelin Baha DIRHAM iyo Dowladaha ku daneysanaya in ay Isbaaro u dhigtaan Masiirka Dalka Soomaaliyeed iyo Kaabayaashiisa Dhaqaale. Yaan laga yeelin in ay dibadaha suqdheeyaan oy Dilaalada Caalamka suuqyada ku cidhiidhyaan iyagoo Madaxweynayaal Sheeganaya. Yaan laga yeelin in ay Dhalinyarada Soomaaliyeed ka dhigaan kuwo loo sii gumeeyey Dhalinyarada Dalalka aynu Dariska nahay iyo kuwa Carabta u soo kacaya. Yaan laga yeelin in ay sii sariftaan Mustaqbalka Dhalinyarada Soomaaliyeed iyo Jiilka dambe ee Dalkan inaga dhaxli doona. Yaan laga yeelin in ay bar-bar yaacaan Madaxda Mas’uulka ka ah Dalkan iyo Dadkiisa ee ay Wakiilada Shacabka Soomaaliyeed doorteen. Yaan laga yeelin in ay Baha DIRHAM dib u eegis ku sameeyso Dastuurka Dalka si ay u fududaystaan in Dalkan ay Dhaxal wareejiyaan. Baha Dirham Masiirka Dalka ee ay aqlabiyada ka yihiin ha laga kaco oo yaan la daawanin intayna ina Dal wareejin. Masiirka Dalka iyo Mustaqbalkiisa ka hadalkiisu waa arin xasaasi ah feejignaan bandanna inooga wada baahan ee intey goori goor tahay ha la badhxo baha Dirham iyo inta manta Shirka kula jirta oo ha la balaadhiyo Golaha wada tashiga ee loo sameystay in Dalkan lagu wareejiyo. Digniin ha inoogu filaato Falkii Foosha xumaa ee ay ka dambeeyeen #Daalinweyne, Beenweyne iyo Cabdiraxmaan Cabdishakuur ee aynu ilaa maalinkaa manta ah daba ordeyno qeyb ka mid ah Badeena oo ay Nimankaasi Shilin ku doorsadeen. Qolada Xamar manta ku shirsan ee uu imaamka u yahay Munaafaq Madoobe hadii Masiirka Dalka lagu Aamino sidey rabaan, walee Dalkoo dhan beynu in badan daba ordi doonaa Maxkamadda Hayg dhexdeeda. Halagu daro Aqoonyahano khibrad gaar ah u leh Taariikhda, Sharciga iyo Qawaaniinta Caalamka iyo culimada ilaahey inagu maneystey xubno ka mid ah iyo Ninba kuu ku bartey buu ku bilaabaaye Moxamed Cabdi Yuusuf iyo Cabdi Xaashi Cabdilaahi Hadaan Ragga sheeganaya Madashaa wada tashiga aan la badhxin inta la balaadhiyo Dalkeena Soomaaliya waa GOBLAN WIILAL LEH ee dadyahow taa ha la iga qoro. Hadaan Mowdku waa ma naxee ina kala musaafurin, Mowqif kaad iiga barateen, Mowduucyo Muhiim ah iyo Maqaalo dhaadheer baa inoo muddo ah. Mahadsanidin; W/Q: Ahmed Qadhabo E-mal: ahmedqadhabo@gmail.com Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Madaxda dowlad goboleedyada waa niman sita doorbin oo u jeeda wax aad u kooban oo ah inta ay ka arkaan doorbinka, markaasey rabaan in dalka iyo dadka lagu dhaqo xoogaaga ay arkaan oo aad u kooban…ninki aragtidooda ka soo horjeestana waa cadawga ummadda.. Madaxdaan gobollada waxaa la rabaa inay ka jawaabaan su’aalahaan soo socda: Waa kee cadawga Somaliya sideena lagu garan karaa? Ninki cadawgaaga hubeeya saaxiib ma ka dhiga kartaa? Saaxiibka cadawgaaga adiga moxow kuu yahay? Saaxibka ku taageera oo ku taakuleeya ninki la collooba moxow kuu yahay? Nassib darrada na heysata waa Madaxda gobollada ka taliya ee danahooda ugu waaweyn ay yihiin inay jeebka wax ku shubtaan kaddibna isaga baqoolaan dalkaan sii dumaaya maadaama ay inta jagooyinka ka heysa dowlad goboleedyada boqolkiiba sideetan (80%) waa dad qurbaha ka yimid wax ummaadaan dan u ahna aysan marna ka fikirin. Waxay isu arkeen inay yihiin madaxda dalkaan ka taliya sidi uu ku dhawaqaqay boqorkii Fransiiska ee la dhihi jiray Louis XIV laasoo yiri ”I AM THE STATE” dowladda waa aniga, tasuu ula jeeday inuu yahay qofka ay wax kasta ka go’aan, awooda oo dhanna ay gacantiisa ku jirto. Waxaan taa xaqiijiyay C/weli Gaas oo yiri dowladdy waa annaga, Shariif Xasan waa yiri ”HAWADA AYAAN KA TALINAA, DHULKANA SHABAAB”, taasoo micnahedu yahay inaysan jirin dowlad ay aqoonsan yihiin sida la soo faray markey tageen Imaaraatka. Madaxda gobollada waxay isu heystaan inay yihiin tiirarka ay dowladdu ku taagan tahay waayoo waxay xukuumadi ku khasbayaan inay khilaafka ka jira Khaliijka dhinac raacdo dhinacaas oo ah kan iyaga soo kireystay kaddib markuu nin waliba soo siiyay xoogaa gacan qabsi ah si ay dowladda ugu khasbaan inay raacdo dhinaca Imaaraatka. Dadka qaar waxay aaminsan yihiin in iyaga iyo Shabaab ay hal naas wada nuugaan wax dan ah ay ummadda u haauyaana aysan jirin. Waa niman dalka iyo dadka ay beec u yihiin diyaarna u ah inay dhaafsadaan xoogaa laaluush ah oo aad u yar marka loo qiyaaso badeecada ay wareejiyaan oo ah dal dhan danihiis iyo ummadda ku nool. Madaxdaan gobollada doorbinka ay sitaan waxaa u muuqda DOOLAR kaliya wax kalena ma arkaan. Haddaba, haddii ay sii jiraan oo aan wax laga beddelin siyaasadda dowladda waxaa hubaal ah in Somaliya ay galbatay oo goor dhaw lagu kala tegi doono. Siyaasiyiinta Somalida waa dadka la kireysto oo adduunka ugu rakhissan diyaarna u ah inay wareejiyaan dalka oo dhan iyagoo dantooda fulihaaya. Imaaraatka waa caddeystay kadiib markii ay dowladda ku handadeen burbur ka weyn kana xanuun badan kuwa idinku dhacay haddii ay dowladda Turkigha sii jogto Somaliya. Waryaa u sheega madaxda dowladda in TURKIYA ay tahay tan kaliya ay daacad ka tahay inay badbadiso Somaliya, waase haddii la helo dowlad dareen leh oo soo jiidata dowladdaan wax kasta diyaar noola ah ee TURKIGA. Tallaabooyinka u baahan in la qaado waxay tala ahaan ku jirtaa maskaxda dad kooban oo istratejiyada siyaasadda ku xeel dheer, yaase ka akhrisahaayoo dalkaan dowlad ka ah!!! W/Q: Axmad Calasow Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Momabassa (Caasimada Online) – Kulan Jimcihii Shalay ay isugu yimaadeen qaar kamid ah Xildhibaanada iyo Guddoomiyayaasha deegaanada xeebta saaran ee Kenya ayaa looga hadlay qorshe ismaamul madax banaan looga dhisi lahaa gobaladaasi. Waxaa kulankan soo qaban qaabiyey Guddoomiyayaasha deegaanada xeebta saaran ee Mombasa iyo Kilifi. Guddoomiyaha Mombasa Hassan Joho oo isagu marti geliyey 12 xidhibaan iyo Senatorada gobaladaasi laga soo doorto ee ku jira Mucaaridka NASA ayaa sheegay in kulamadan ay horudhac u yihiin halgan cusub oo ay u geli doonaan inay ka goostaan wadanka Kenya oo ay dhistaan dal u gaar ah. “…Kulamadan waa kuwii ugu horeeyey waxaana bilaabi doonaa kulamo badan oo aan la yeelan doono ururada bulshada, culimada iyo dhalinyarada…”ayuu yiri Guddoomiyaha Mombasa oo sheegay in Dowlada dhexe ee Kenya ay cunaqabateyn ku heyso gobalada xeebta saaran. Waxaan arragtidaasi mid lamid ah qaba Guddoomiyaha Kilifi Mr.Amason Kingi oo isaguna kamid ahaa qaban qaabiyayaasha shirkaasi. Xubnahan ayaa sheegay inay wado sharci ah u mari doonaan gooni u goosadkooda iyagoo sheegay inay jiraan caqabado badan oo dhanka sharciga ah balse ay u babacdhigi doonaan. “…Waxaan hada hawlgelinay Qareeno Caalami ah iyo kuwo kale oo dalka ku sugan oo arrintan nagala shaqeenaya….” ayuu yiri Guddoomiye Joho oo isagu kamid ah mucaaridka ugu waaweyn ee kasoo horjeeda Madaxweyne Uhuru Kenyatta. Xildhibaanada mucaaridka ah ee laga soo doortay gobaladaasi ayaa sheegay inay sameysteen guddi xildhibaano ah oo arrintan kasoo shaqeeya waxaana kamid ah xildhibaanada kala ah: Owen Baya, Abdulshamad Nassir, Mohamed Faki iyo Mr Madzayo. Kuwaasi oo lagu wado inay mooshin gooni u goosad ah horgeeyaan Baarlamaanka dalkaasi. Shacabka Muslimiinta u badan ee gobalada xeebta saaran ayaa inta badan ka cawda maamulka dalkaasi Kenya oo ay sheegaan inuusan wax badan oo horumarin ah u qaban gobaladaasi, waxaana arrintan sii xumeysay xiisada ka dhextaagan mucaaridka iyo xisbi xaakimka oo hada dib usoo nooleysay hadal heynta gooni u goosadka. Caasimada Online Xafiiska Nairobi Caasimada@live.com

Muqdisho (Caasimada Online) – Sida aan wararkeena hore ku sheegnay dowladda Turkiga ayaa ugu deeqday dowladda Soomaaliya qoryo casri ah. Qoryaha loogu deeqay Somalia ayaa noociisa lagu sheegay qoriga MPT-76 oo lagu sameeyo dalka Turkiga, iyadoo markii u horeysay qoryahan lagu tababari doono Ciidamada Soomaalida ee ku jira Xerada Turkiga ka furtay Muqdisho. Cadadka qoryaha loogu deeqay Somalia ayaa la sheegay inay yihiin 450 qori oo ah MPT-76, waxa ayna ciidamada Turkiga qoryahaasi u adeegsadaan Keliya la dagaalanka kooxaha xagjiriinta ah. DFS MA ILAALSAN KARTAA QORYAHA LOOGU DEEQAY? Hadal heyn badan ayaa ka taagan qaabka ay dowlada Somalia u ilaalsan laheyd qoryaha casriga ah ee loogu deeqay maadaama horay looga furtay Gaadiid iyo Hub noocyo kala duwan leh. Kooxda xagjirka ah ee al-Shabaab ayaa inta badan ka faa’ideysata Hubka ay wataan ciidamada dowlada ee ku jira Saldhigyada ku yaalla Gobolada, waxaana xusid mudan in horay looga furtay Gaadiid nooca loo yaqaan Cabdi-Bilaha iyo qoryo dhowr ah. Waxaa jiray in maleeshiyaad la sheegay inay kasoo goosteen al-Shabaab ay ku biireen ciidamada dowlada, hase ahaatee goortii ay heleen fursad ay la goosteen Gaadiid iyo Hub kadibna la aadeen dhanka Alshabaab. NOOCA QORYAHA CUSUB Qoryaha cusub ee loogu deeqay dowlada ayaan horay ugu jirin gacanta dowlada iyo al-Shabaab, waxaana xusid mudan in waxbadan ay ka duwan yihiin qoryaha caadiga ah ee hadda la isticmaalo. Qoryahan ayaa si toosa u gali doona gacanta ciidamo xul ah oo ay tababari doonto Turkiga kuwaa oo tababarada ku qaadan doona Xerada Militery ee Turkida ka furteen duleedka Muqdisho. MAXAA LA FILANKARAA Waxaa suuragal ah in ciidamada aan aqoonta duruqsan loo laheyn ay wakhti danbe lasoo baxaan xiriir hoosaad kala dhexeeya maleeshiyaadka Alshabaab, taa oo sababi karta in lala goosto qoryaha cusub ee casriga ah. Maleeshiyaadka Alshabaab ayaa horay u sheegay in unugyo ay ku dhex leeyihiin dowlada, waxa ayna taa shaki galineysaa xadkii lagu aamini lahaa ciidamada. Geesta kale, dowladda Soomaaliya iyo Turkiga ayaa dhowaan kala saxiixday heshiis iskaashiga dhanka difaaca iyo tababarka Ciidamada, waxaana hubkan uu qeyb ka yahay qalabeynta Ciidamada xoogga dalka Soomaaliya. Caasimada Online Xafiiska Muqdisho Caasimada@live.com

Muqdisho (Caasimada Online) – Dowlada Somalia ayaa bilowday daad-gureynta saanada Militery ee loogu tallo galay ciidamada la dagaalami doona al-Shabaabka Gobolka Shabellaha Hoose. Saanadan ayaa la sheegay in leysugu geynaayo Garoonka Diyaarada Aadan Cadde ee magaalada Muqdisho, halkaa oo looga qaadayo diyaarado maadaama aan dhulka lamarin karin. Saanadan ayaa la geyn doonaa Saldhig ku yaalla L50 Afgooye halkaa oo noqon doonta goobta laga maamuli doono ciidamada loo diyaariyay sifeynta al-Shabaabka Gobolka Shabellaha Hoose. Dowlada Somalia ayaa ku dhawaad 15,000 oo ciidamo ah u diyaarisay Gobolka Shabellaha Hoose, waxaana wehlin doona diyaarado dagaal oo ay leeyihiin Militeriga Mareykanka, Turkiga iyo Ethiopia. Diyaaradahan ayaa beegsan doona Saldhigyada Alshabaab iyo Howdka la rumeysan yahay inay ku dhuuntaan Horjoogayaasha, halka ciidamada dowlada ay jiiri doonaan maleeshiyaadka dhulka.

Muqdisho (Caasimada Online) – Warar dheeraad ah ayaa waxa uu kasoo baxayaa Ciidamo Ethiopian wata Gaadiid dagaal oo kusoo qulqulaaya Gobolka Gedo. Ciidamadan oo aad u qalabeysan ayaa wata Hub culus iyo gaadiid dagaal oo casri ah, waxa ayna si xooli ah uga soo talaabayan xadka Gobolka Gedo uu la leeyahay Ethiopia. Ciidamadii ugu horeeyay ee soo gaara Gobolka Gedo ayaa dhamaa ilaa Kun askari, waxaana iminka kusoo biiray ciidamo hor leh oo tiradooda lagu sheegay Kun iyo Shan boqol oo aad u qalabeysan. Guud ahaan ciidamada hadda soo gaaray Gobolka Gedo ayaa dhan 2,500 oo dhan waliba ka diyaarrsan, waxa ayna Gobolkaasi iyo kuwa ku dhow dhow ka sifeynayaan al-Shabaab. Sidoo kale, duleedka magaalada Beydhabo ayaa waxaa ku diyaarsan ciidamo tiradooda lagu sheegay 5,000 kuwaa oo garab u noqon doona ciidamada dowlada ee sifeyn doona al-Shabaabka Gobolka Shabellaha Hoose. Heshiiska dhexmaray Madaxweynaha Somalia iyo Dowlada Ethiopia ayaa ahaa in ciidamada Ethiopia ee ka qeybqaadanaaya dagaalka ay ku ekaadan keliya Gobolada dalka. Ciidamadan ayaa Gobolada dalka ka sifeyn doona maleeshiyaadka Alshabaab, waxaana xusid mudan inay yihiin kuwo dhawaan uu Madaxweynaha ka dalbaday dowlada Ethiopia. Ciidamadan ayaa dalka ku sugnaan doona inta ay maleeshiyaadka ku sugan Gobolada dalka, sida uu yahay qorshaha. Caasimada Online Xafiiska Muqdisho Caasimada@live.com

Madaxweynaha Dawladda Puntland Dr. Cabdiweli Maxamed Cali Gaas ayaa caawa oo ay tariikhdu tahay 03 Nov 2017 kulan kula qaatay magaalada Muqdisho qaar kamid ah Wasiirada DFS. Kulanka Madaxweynaha iyo Wasiiradaasi ayaa waxaa Madaxweynaha ku wehelinaayey masuuliyiin ka tirsan goleyaasha dawladda Puntland iyo saraakiil ka tirsan Madaxtooyada dawladda Puntland. Kulanka oo ka dhacay Hotel Jazeera ee magaalada Muqdisho ayaa waxaa ay kawada hadleen Madaxweynaha iyo Wasiirada DFS arrimo la xidhiidha xaaladda Guud ee dalka, wanaajinta xidhiidhka wada shaqayneed ee Wasaraddaha Puntland iyo kuwa DFS, Isxog waraysi, arrimaha Fadaraaliisamka iyo dhamaystirka Dastuurka DFS, ka xoraynta dalka xooxaha nabad diidka ah iyo arrimo kale oo muhiim ah. Madaxweynaha dawladda Puntland Dr. Cabdiweli Maxamed Cali Gaas ayaa sheegay in kulan kani noqonayo kii ugu horeeyey oo ay Muqdisho ku-yeeshaan Wasiirada Puntland iyo Wasiirada DFS, isla markaana ay kawada hadlaan arrimo muhiim ah oo dan u ah shacabka Soomaaliyeed iyo qaranka Soomaaliyeedba. Sidoo kale Madaxweynaha ayaa tilmaamay inay muhiim tahay in laga wada tashto ka xoraynta dalka kooxaha nabad diidka ah madaama ay lid ku yihiin horumarka dalka, nabadda, xasiloonida iyo isu socodka dhammaan gobolada Soomaaliya, , isla mar’ahaantaana ay taasi u baahan tahay in laga yeesho qorshe dhab ah oo lagu curyaamin karo laguna soo dabar Jari karo cadawga shacabka Soomaaliyeed ee tamarta yar. Dhinaca kale Madaxweynaha dawladda Puntland ayaa ku booriyey Wasiirada Puntland iyo Kuwa DFS ee uu kulanka layeeshay inay yeeshaan xidhiidh wada shaqayneed oo ku salaysan sidii wasaaradda walba oo DFS ahi ula yeelan lahayd Wasaaraddaha dhiggeedaha ee ka jira dhammaan dawladdaha xubnaha ka ah dawladda Fadaraalka Soomaaliya si loo horumariyo xidhiidhka wada shaqayneed ee Wasaaraddaha dalka. Ugu danbayn, Madaxweynaha dawladda Puntland Dr. Cabdiweli Maxamed Cali Gaas ayaa tilmaamay in dawladda Puntland diyaar u tahay midnimada shacabka Soomaaliyeed wanaajinta xidhiidhka DFS iyo dawladdaha xubnaha ka ah DFS gaar ahaan Puntland, ka qayb qaadashada horumarka Soomaaliya, nabadda iyo xasiloonida qaranka Soomaliyeedba. =DHAMMAAD= XAFIISKA, WARFAAFINTA, WACYI-GELINTA, HIDDAHA IYO DHAQANKA EE MADAXTOOYADA DAWLADDA PUNTLAND. The post Madaxweynaha Dawladda Puntland oo Kulan Laqaatay Qaar Kamid Ah Wasiirada DFS. appeared first on Puntland Post.

Cabdulaahi Cali Aadan oo ah Musharax u tartami doona Gudoomiyaha Ardeyda Jaamacadda Bariga Afrika faraceeda magaalada Garowe ayaa caawa kulan uu ku shaacinayo musharaxnimadii la qaatay ardeyda Jaamacadaha,Qaar ka mid ah dhalinyaradda magaalada iyo Warbaahinta. Wuxuu soo bandhigay Ardeygaan musharaxa ah, waxqabad uu horey uga soo qeybqaatey arrimaha bulshada sida Abaaraha,Dayactirka wadooyinka magaalada,Ololaha barnaamijka ku celi waxaad baratey dhulkaaga hooyo oo qeyb ka ahaa Tababaro iyo Wacyi galin dhalinyaro ay ka samaysay magaalada Garowe. Musharax Cabdulaahi Aadan ayaa sheegay haddii uu ku guulaysto muddo sanad ah inuu hogaamiyo Ardeyda Jaamacadda Bariga Afrika inuu isbedel kusoo kordhin doono dhiirigalinta waxbarashada iyo nidaamka isku xirka Ardeyda Jaamacadaha. Wuxuu sheegay inuu sii xoojin doono barnaamijyo horey loo hindisay kuwaas oo qeyb ka ahaa sadaqeysiga cilmiga iyo la dagaalanka jahliga. Ugu dambeyntii dhamaan dhalinyaradii kasoo qeybgalay xafladda ayaa sheegay inuu noqonayo Cabdulaahi Cali musharaxii ugu horeeyay oo doonaya inuu u tartamo doorashada Ardeyda Jaamacadda oo qabta kulan noocaan oo kale ah , waxayna sheegeen inuu yahay shaqsi u qalma hogaaminta Ardeyda. Abshir Dhiirane PUNTLAND POST The post Garowe:- Ardey shaaciyay inuu u tartamayo hogaaminta Ardeyda Jaamacadda appeared first on Puntland Post.

Cali Khaliif Galaydh oo caawa ku sugan magaalada Cayanaba ayaa kulan la leh Muuse Biixi Cabdi iyo masuuliyiin kale oo uu ka mid yahay Wasiirka Madaxtooyada SNM Maxamuud Xaashi Cabdi , Kulankan oo ay warbaahintu dibad Joog ka tahay isla markaana aan la ogolayn in Wariye uu ka soo agdhwaado ayaa la filayaa in maalinimad berri ay War murtiyeedka ka soo saaraan Waxa ay isla meel dhigaan Muuse Iyo cali khaliif. Cali Khaliif Galaydh oo Caawa ay u tahay habeenkiisii 10 ee noqo si cad Somalilander sida uu Todobaadkii hore ku saxiixay inuu ka mid yahay Somaliland . Malaga yaabaa inCali Khaliif oo ahaa aqoon yahana 20 sano wax ka badan wax ka dhigayey Jaamacado ku yaalla Wadamo kala duwan sida USA uu maro wadadii uu marey aqoonyahanka Saaxiibkii Axmed Ismaaciil Samatar oo kol hore ku biirey Xisbiga Kulimye , isla markaana u ololeeya imina Xisbiga Kulmiye . iibgeeyana barnaamij Siyaasadeedka Xisbiga Kulmiye .?

Muqdisho (PP) ─ Dowladda Mareykanka ayaa beenisay warar maalmihii u dambeeyay ay baahinayeen qaar badan oo ka mid ah Warbaahinta Somalia ka hawl-gasha iyo Wargeysyo kasoo baxa Kenya oo sheegayay in dowladda Mareykanka ay joojineyso taageeraddii dhaqaale ee ay siin jirtay ciidamada xoogga dalka Soomaaliya. Idaacadda VOA-da oo baahisay Qoraal Jawaab ah oo ay ka heshay Wasaaradda Arrimaha Dibadda Mareykanka ayaa lagu yiri: “Wararka sheegaya in dowladda Mareykanka ay u joojineyso dhaqaalihii ay siin jirtay ciidamada Soomaaliya, taasoo lala xiriiriyay in saraakiil Soomaali ah ay fududeeyeen qaraxyadii Muqdisho – waa kuwo aan sax aheyn.” Sidoo kale, Qoraalka waxaa kaloo lagu sheegay in dowladda Mareykanka ay sii wadeyso taageerada ay ku bixiso ammaanka Soomaaliya iyo ciidamada iyo dadaalka ay ugu jiraan la dagaalanka Al-Shabaab. “Xukuumadda Mareykanka waxay mudnaanta siisaa daah-furnaanta iyo la xisaabtanka Somalia, taasoo ka turjumeysa mid ka mid ah waxyaabihii uu Madaxweyne Farmaajo ballan qaaday markii uu xafiiska la wareegayay horaantii sanadkan,” ayaa mar kale lagu yiri warbixinta. Ugu dambeyn, Warbixintaan ayaa lagu yiri “Xukuumadda Washington waxay horey dowladda Soomaaliya ugala hadashay shuruudaha ku xiran kaalmada dhinaca ammaanka ee uu Mareykanka bixiyo, waxaana ka mid ah inaan si dhow ula soconno halka lagu bixiyo taageeradeenna.” PUNTLAND POST The post Muxuu Mareykanku ka yiri Wararka sheegaya inuu Dhaqaalaha ka Jarayo Ciidamada DF? appeared first on Puntland Post.

Khartoum (Caasimad Online)-Guddoomiyaha Golaha shacabka Dowladda Soomaaliya Mudane Maxamed Sheikh Cusmaan Jawaari iyo Guddoomiyaha Baarlamaanka dalka Suudaan ayaa heshiis wada shaqeyn Labada Baarlamaan ku kala saxiixday magaalada Khartoum. Labada Baarlamaan ayaa waxaa u kala saxiixay Heshiiska Guddoomiyaha golaha shacabka ee JFS iyo Gudoomiyaha Baarlamaanka ee Jamhuuriyadda Sudan. Habdhowraha golaha Shacabka Xildhibaan Maxamed C/llaahi Xasan Nuux, ayaa sheegay in heshiiska uu ka kooban yahay 9 qodob oo xoojinaya wada shaqeynta iyo iskaashiga labada Baarlamaan. Sagaalka qodob ee labada Gudoomiye ay ku heshiiyeen ayaa waxaa ka mid ah: 1-In labada dhinac ay is dhaafsdaan qubaro dhinaca sharciga. 2-In ay xiriir iyo iskaashi gaar ah yeeshaan xubnaha labada Baarlamaan u matalaya Baarlamaanada aduunka. 3-In dhinaca aqoonta la iska kaashado.

Muqdisho (Caasimada Online)-Wararka ka imaanaya deegaanka Buqa ee buuraleyda Gobolka Bari ee Puntland ayaa sheegaya in halkaa ay ka dhacday duqeyn diyaaradeed oo is xigxigay. Duqeynta oo xooganeyd ayaa la sheegay in lala beegsaday qaar kamid ah Horjoogayaasha kooxda la baxday Garabka Daacish ee Soomaaliya oo uu hogaamiyo Cabdulqaadir Muumim. Deegaanka duqeyntu ay ka dhacday ayaa qiyaasii 60 km u jira degmada Qandala oo ay hadda ka hor kooxdaasi qabsatay. Xiliga ay duqeynta dhaceysay ayaa la sheegay in Horjoogayaasha Garabka Daacish ee Soomaaliya ay ku guda jireen kulan ay uga arinsanayeen fulinta weeraro dhagar ah. Sidoo kale, dadka deeganka ayaa sheegay inay maqlayeen qaraxyada ilaa iyo lix gantaal, iyo guuxa dayuuradaha. Geesta kale, waxaan si dhaba loo ogeyn cidda geysatay weerarkaa iyo cidda wax ku noqotay, balse Somalia iyo gobolka bariba waxaa marar horey duqeyn uga geystay ciidamada Mareykanka ee Africa ka howlgala. Caasimada Online Xafiiska Muqdisho Caasimada@live.com

Madaxda maaamul goboleedyada iyo madaxweynaha dowladda federaalka Soomaaliya ayuu isbuuc ku dhowaad shir uga socdaa Muqdisho. Kullanka waxaa diiradda lagu saarayaa qodobo dhowr ah, mana jiro go’aan ka soo baxay ama wax lagu heshiiyay illaa iyo hadda. Qodobada laga wada hadlayo waaa kuwo aad u culus oo u baahnaa in horey loo sii diyaariyo, sida uu sheegay Guleed Salax oo ka faallooda arrimaha siyaasadda Soomaaliya. Haddaba maxay tahay caqabadaha hor taagan in shirka uu dhammaado? Amniga iyo ciidamada Soomaaliya waxaa ka jiro caqabado dhanka amniga ah. Labadii isbuuc ee la soo dhaafay waxaa ka dhacay qaraxyo waawayn. Qarixii Soobe ee 14-kii bishii Oktobar waxaa ku dhintay in ka badan 350 qof. Madaxweyne Farmaajo ayaa weerarkaas ku eedeeyay ururka Al-Shabaab. Guleed Salax oo ka tirsan machadka cilmi baarista ee SIDRA oo fadhigiisu yahay Garowe ayaa sheegay in arrinta amniga iyo qaab dhismeedka ciidamada ay yihiin waxyaabaha ugu waawayn ee laga doodayo. “Waxay u baahnayd in hurmar laga sameeyo arrinta amniga. Markii wax lagu heshiiyo waaa in la qaado tallaabooyiin muuqda,” ayuu yiri Guleed oo la hadlay BBC-da. “Amniga waxaa hortaagan oo dib u dhac ku keenaya jawiga guud ee siyaasadeed ee cakiran oo saameyn ku leh horumaradii la sameyn lahaa,” ayuu hadalkiisa ku daray Guleed Salax. Dowladda ayaa bishii May, London ku saxiixday heshiis lagu dhisayo ciidamo gaaraya 18,000, kuwaas oo min 3,000 laga kala keeni doono dowlad goboleedyada. Waxaa kale oo ka mid ah in dib u habeyn lagu sameeyo talisyada kala duwan ee ciidammada. Ciidamdaas waxaa laga kala keeni doonaa gobollada dalka, waxayna ka wada qeybgali doonaan la dagaallanka Al-Shabaab iyo in ay amniga gacanta ku qabtaan. Kala shakiga iyo wada shaqeynta Tan iyo markii uu bilowday khilaafka ka dhashay arrinta dalalka Khaliijka, waxaa sii kordhayay kala shakiga soo kala dhexgalay madaxda maamul goboleedyada iyo dowladda Federaalka. Dowladda federaalka ee Soomaaliya ayaa qaadatay go’aan dhexdhexaad ah oo ku aadan khilaafka u dhexeeya dalalka Khaliijka. Wadammo uu hoggaaminayo Sacuudiga ayaa go’doomiyay dalka Qadar. Qaar ka mid ah madaxda maamul goboleedyada Soomaaliya ayaa dowladda dhexe ugu baaqay in ay taageerto go’aanka Sacuudiga iyo dalka Isutagga Imaaraadka Carabta, ayna xayiraad saarto Qadar. Guleed Salax ayaa sheegay in “jawigaas oo ka horeeyay shirka uu yahay mid aan saamaxayn in si fudud heshiis loo gaaro.” Markii hore waxay ku billaabatay kala aragti duwanaan, balse waxay u gudubtay khilaaf rasmi ah oo sababay in maamul goboleedyada qaar ay gilgishaan. Machadka SIDRA, warbixin soo saaray ayuu ku sheegay in boqolkiiba 61 shacabka Soomaaliya ay taageersan yihiin go’aanka dhexdhexaadka ah ee dowladda dhexe qaadatay. Markii Madaxweynihii hore ee Hirshabelle xilka laga qaaday iyo khilaafka siyaasadeed ee ka dhashay Galmudug, madxada maamullada waxay isugu tageen Kismayo waxayna cambaareeyeen dowladda Soomaaliya iyo “faragelinta ay ku hayso maamullada”. Shirka Muqdishu wuxuu dhacayaa ayadoo weli uu taagan yahay kala shakigaas soo kala dhexgalay dowladda dhexe iyo maamullada, sida uu sheegay Guleed Salax, madaxa machadka cilmi baarista ee SIDRA. “Kala shakiga badan iyo xiriirka oo xumaaday, ee soo jiray mudooyiinkii ugu dambeeyay, waxay keenayaan in is afgarad degdeg ah la gaari waayo,” ayuu yiri Guleed. “Waxay ila tahay in dowladda dhexe iyo maamul goboleedyada la yimaadaan hannaan wada shaqeyn oo yarayn kara khilaafka markasta soo kala dhexgala labada dhinac,” ayuu ku taliyay madaxa SIDRA. Dastuurka Madaxda maamul goboleedyada Soomaaliya ayaa la sheegay in ay diideen shir ku saabsan arrimaha dastuurka oo bishii la soo dhaafay ka dhici lahaa magaalada Muqdisho. Dowladda federaalka ayaa looga fadhiyaa in ay dhameystirto dastuurka oo qabyo qoraal ah. Balse haddii aysan taageero ka helin maamullada goboleedyada way ku adkaaneysaa in la dhameystiro. Waxaa dastuurka ka mid ah qodobo dhowr ah oo la isku hayo sidii wax looga bedeli lahaa, waana arrimo horey looga wadahadalay. “Maamul goboleedyada waxay ka cabanayaan in wadatashiyo aan lagala yeelan isbedello lagu sameeyay dastuurka,” ayuu yiri Guleed Salax oo siyaasadda Soomaaliya ka faallooda. Qodobada 53-aad iyo 54-aad ayaa horey u sababay khilaaf, waxaana soo kala xigtay maamul goboleedyada iyo dowladda federaalka, kaas oo qeyb ka ahaa arrinta cirka ku shareertay khilaafka Khaliijka ee gilgilay Soomaaliya. Bishii June maamul goboleedyada Puntland iyo Jubbaland ayaa sidoo kale kasoo horjeedstay xeerka isgaarsiinta qaranka oo golaha wasiirada meelmariyeen, waxayna maamulada sheegeen in dowladda federaalka ay hareermartay waxyaabihii horey looga heshiiyay ee xeerkan ku saabsanaa oo dhan. Sida muuqata, maamul goboleedyadana ku doodayaan, isfaham darrada ugu badan waxa ay salka ku haysaa dastuurka oo ay sheegayaan in uusan kala qeexeyn awoodaha. Guleed Saalax ayaa ku taliyay in la kala cadeeyo qodobada dastuurka ku qoran ee khilaafka sababa, si Soomaaliya ay horey ugu socoto. Federaalka Dowladdii madaxweynihii hore Xasan Sheekh Maxamuud, waxay kala kulantay caqabado badan, dhismaha maamul goboleedyada. Maamullada oo dhan waxay dhismeen ayadoo la isku khilaafsan yahay, marka laga reebo Puntland oo la dhisay 20 sano ka hor. Guleed Saalax wuxuu sheegayaa in horumarinta hannaaanka federaalka uu yahay qodob ka mid ah kuwa u baahan in si wanaagsan looga doodo, heshiisna laga gaaro. Dowladda dhexe ayaa horey loogu eedeeyay faragelin ku hayso maamullada, “ayna sabab u ahayd xil ka qaadista madaxda qaar,” sida ay ku doodeen hoggaamiyayaasha maamullada. Madaxda shanta maamul goboleed ee Soomaaliya ayaa bishii la soo dhaafay ku shiray magaalada Kismaayo waxayna dhisteen gole ay ku mideysan yihiin. War saxaafadeed ka soo baxay xafiiska madaxweynaha dowladda federaalka Soomaaliya, Maxamed Cabdullaahi Farmaajo ka did markii golaha la dhisay, ayaa si taxadar leh loogaga hadlay shirkii Kismaayo. “Degdegga golaha Kismaayo lagu dhisay iyo waxa ay qabanayaan ee la sheegay, waxaa ka asalsan kala fogaanshaha dowladda federaalka iyo maamullada. Marka waa muhiim in la gaaro xalka madmadowga markastaa soo kala dhexgalo” ayuu yiri Guleed Salax. Qeybsiga qayraadka dalka Madaxda maamullada qaar ayaa dhaliilay sida dowladda federalka ee Soomaaliya wax uga siiso mashaariicda horumarinta iyo dhaqaalaha. Sida uu sheegay Guleed, Arrintan waxay ka mid tahay qodobada u baahan in heshiis dhab ah lagaga gaaro shirka Muqdisho ka socda oo weli uusan ka soo bixin go’aan dhab ah oo lagu heshiiyay. “Maamul goboleedyada waxay marwalba ka cabanayeen in dowladda dhexe ay isku koobto deeqaha caalamka laga helo,” ayuu yiri madaxa machadka cilmi baaridda siyaasadda ee SIDRA, Guleed Salax. Soomaaliya waxay weli ku tiirsan tahay deeqda caalamiga ah, balse maamul goboleedyada ayaa doonaya in ay garab ka helaan dowladda dhexe oo dhankeeda weli raadineysa mushaarka ciidamadeeda. 26-dii May ee sanadkan 2017-ka, maamul goboleedka Jubbaland ayaa dowladda federaalka ku eedeyay heshiis xagga badda ah oo shirkado kalluumeysi lagu siiyay shatiyo. Guleed ayaa sheegay in lafagur badan lagu sameeyo qodobada ka hor intaan shirka la isugu imaan, si aysan waqti badan u qaaban heshiisyada laga gaarayo. Dowladda madaxweyne Farmaajo ayaa la dhisay siddeed bilood ka hor, waxayna wajeheysaa caqabo dhanka “amniga iyo siyaasadda ah”. Sida wararka ay sheegayaan, maanta ayaa la filayaa in go’aan ugu dambeeya uu ka soo baxo kullanka Muqdisho uga socdo hoggaamiyayaasha maamul goboleedyada iyo madaxda federaalka.

Washington DC (Caasimada Online) – Dowladda Mareykanka ayaa beenisay warar maalmihii u dambeeyay ay baahinayeen qaar badan oo ka mid ah warbaahinta Soomaalida iyo wargeyso ka soo baxa Kenya oo sheegayay in dowladda Mareykanka ay joojineyso taageeraddii dhaqaale ee ay siin jirtay ciidamada xoogga dalka Soomaaliya. Jawaab qoraal ah oo Wasaaradda Arrimaha Dibadda ee Mareykanka ay u soo dirtay VOA oo wax ka weydiisay ayaa lagu yiri: “Wararka sheegaya in dowladda Mareykanka ay u joojineyso dhaqaalihii ay siin jirtay ciidamada Soomaaliya, taasoo lala xiriiriyay in saraakiil Soomaali ah ay fududeeyeen qaraxyadii Muqdisho – waa kuwo aan sax aheyn” Qoraalka waxaa kaloo lagu sheegay in dowladda Mareykanka ay sii wadeyso taageerada ay ku bixiso ammaanka Soomaaliya iyo ciidamada iyo dadaalka ay ugu jiraan la dagaalanka Al-Shabaab. Qoraalka waxaa lagu yiri “dowladda Mareykanka waxey mudnaanta siisaa daah furnaanta iyo la xisaabtanka Soomaaliya, taasoo ka turjumeysa mid ka mid ah waxyaabihii uu Madaxweyne Farmaajo ballan qaaday markii uu xafiiska la wareegayay horaantii sanadkan. Qoraalka ayaa sidoo kale lagu yiri “dowladda Mareykanka waxey horey dowladda Soomaaliya ugala hadashay shuruudaha ku xiran kaalmada dhinaca ammaanka ee uu Mareykanka bixiyo, waxaana ka mid ah inaan si dhow ula soconno halka lagu bixiyo taageeradeenna.” Isha: VOA