Balanbale (Caasimadda Online) – Heshiis taariikhi ah ayaa magaalada Balanbale ee gobolka Galguduud ku dhex maray beelo Soomaaliyeed oo muddo qarni ah halkaasi dirir soo noqnoqatay ku dhexmaraysay, sida ay BBC-da u sheegeen odayaasha labada beelood. Wariyaha BBC-da Xasan Geelle oo qadka taleefoonka kula xiriiray odayaasha ayaa waxaa marka hore u waramay Suldaan Cabdinaasir Xasan oo ka mid ahaa hoggaanka dhaqanka ee heshiiska saxiixay, wuxuuna yiri suldaanka “Labadan beelood muddo dheer oo illaa qarni ah ayay dhibaatadan kasoo dhex jirtay, waxay colaadaha ka nasteen xiligii Maxamed Siyaad, markii ay meesha ka baxdayna bartii ayay kasii bilaabatay, balse hadda waan ka heshiinay”. Labada beelood ayaa ku heshiiyay in wixii hadda ka dambeeya dhibaato kasta oo ka dhex dhacda ay la tiigsadaan diinta Islaamka, gaar ahaan dilka oo qofkii qof kale dila loo gacan galinayo reerkii uu wax ka dilay oo leh qisaastiisa. Dad gaaraya illaa 41 nin oo labada beelood ay kala dileen ayaa lagu xisaabtamay, qoysaskii ay ka baxeene la siiyay xaqoodii. Nabadoon Maxamed Daahir oo isna BBC-da u waramay ayaa yiri “hadda ka bacdi wixii dhaca, shareecada islaamka ayaan la tiigsanaynaa, wixii hadda ka hor dhacayna in dadkii laga sabarsiiyo”, wuxuuna intaas ku daray in ay suurtogal tahay in hubka laga dhigo dadka hubeysan, laguna wareejiyo dowladda. Mar aan wax ka weeydiinay odayaasha sida ay u hirgalinayaan heshiiska ayay sheegeen in hadda ay dalka ka jirto dowlad federaal iyo mid heer goboleed ah, taas oo soo qaban karta qofkii dambi geysta, beelahana ay ka go’antahay in aysan hoosta ku heysanin qof dhib geystay. Inkasta oo ay aad u yaraadeen dagaaladii beelaha Soomaaliyeed dhexmari jiray, ayaa haddane heshiiskan waxa uu ka dhiganyahay mid muhiim u ah nabadda Soomaaliya, wuxuuna soo afjarayaa colaad muddo dheer soo jiitamaysay, waa haddii la hirgaliyo. Xigash: BBC Somali Caasimada Online Xafiiska Muqdisho Caasimada@live.com The post Beelo Soomaaliyeed oo kala qaatay magta 41 nin oo ay kala dileen appeared first on Caasimada Online.

Washington (Caasimadda Online) – Muuqaalo lagu baahiyey baraha bulshada ayaa muujiyey in timaha madaxweynaha Mareykanka Donald Trump ay yihiin kuwo kabkab ah oo qeybo badan ay maqan yihiin, basle uu isku daboolo si loo qariyo madaxa ruquqsan. Muuqaalka xaqiiqada ah ee timaha madaxweyne Trump ayaa waxaa bannaanka soo dhigay dabeyl xoog leh xilli uu diyaaradda Aqalka Cad raacayey, waxaana si cad loo arkay in qeybta dhexe madaxa madaxweyne Trump aanu lahayn wax timo ah iyo bidaar qeybo ah oo madaxa uu ku leeyahay. Madaxweye Trump oo 71 sano jir ah ayaa lasheegay inuu timihiisa ku qariyo kareemooyin gaara oo lagu dhejiyo in timo lagu beeray oo si gaara looga shaqeeyo, waxaase intaas oo dhan isku fuuqsaday dabeyshii haleeshay Trump. Halkaan hoose ka daawo Muuqaalka: Caasimada Online Xafiiska Muqdisho Caasimada@live.com The post Muuqaal: Dabeyl soo saartay Xaqiiqada Timaha kab-kabka ah & Bidaarta Madaxweyne Donald Trump appeared first on Caasimada Online.

Nairobi (Caasimadda Online) – Madaxweynihii hore ee Somaliya Xasan Sheekh Maxamuud ayaa kulamo gaar gaar ah Magaalada Nairobi kula qaatay Xildhibaano, Wasiiro iyo Gudoomiye ku xigeenka koowaad ee Aqalka Sare. Madaxweynihii hore ee dalka Xasan Sheekh oo dalka ka maqnaa tan iyo markii lagaga adkaaday doorashadii dhacday sanadii hore ayaa gaaray Magaalada Nairobi, halkaas oo ay ku soo dhaweeyeen dhinacyo kala duwan oo badankood ay soo wada shaqeeyeen sanadihii uu talada dalka Maamulayay. Dadka uu Nairobo kula kulmay waxaa ka mid ah Abshir Maxamed Axmed (Bukhaari) oo ah Gudoomiye ku xigeenka Aqalka Sare, Xildhibaan Mahad Maxamed Salaad, Xildhibaan C/Qaadir Cali Cosoble, Wasiirka Dhalinyarada iyo Ciyaaraha iyo C/Sallaan Hadliye oo soo noqday Wasiirkii arimaha dibadda Somaliya. Xasan Sheekh Maxamuud oo muddo kooban joogaya Nairobi, ayaa masuuliyiinta uu la kulmay waxa uu ka dhageystay warbixin ku saabsan xaalada guud ee dalka iyo waxyaabaha ay dalka ka qabatay Dowladdii isaga ka danbeysay ee Madaxweyne Farmaajo hogaanka uhayo. Xasan Sheekh ayaa la filayaa inuu maanta u duulo Magaalada Jabuuti, halkaas oo uu uga qaybgali doono Shir lagu casuumay oo ka dhacaya Caasimada dalka Jabuuti. Dadka odoroso Siyaasada ayaa la yaaban kulanka ay Nairobi ku wada qaateen Xasan Sheekh oo sidoo kale hadda ka mid ah Golaha Shacabka iyo Wasiir Khadiija Diiriye oo lagu tiriyo inay qayb ka tahay dadkii wax ka riday Xasan Sheekh Maxamuud xiligii doorashada 8 February, hadana ka mid ah dadka u horeeyay u ololeynta Xukuumada Kheyre. Caasimada Online Xafiiska Muqdisho Caasimada@live.com The post Xogo cusub oo kasoo Kordhay Kulamada Xasan Sheekh Maxamuud uu ka wado dalka Kenya appeared first on Caasimada Online.

The leaders of Ethiopia, Sudan and Egypt have agreed to continue their cooperation in the Grand Ethiopian Renaissance Dam project (GERD) following a meeting at the end of January. Source: Hiiraan Online

Wasaaradda Qorshaynta iyo Iskaashiga caalamiga ah ee Puntland ayaa tababar la xiriira hannaanka Qiimaynta iyo Kormeerrada (Monitoring and Evaluation) u qabatay shaqaalaha hay’adaha kala duwan ee dawladda u qaabilsan Qiimaynta iyo kormeerrada. Shaqaalahaan ayaa waxaa lagu tababarayey sida loo isticmaali doono habraacyo la xiriira hannaanka Qiimaynta iyo Kormeerrada ama (M&E Framework) kaas oo dhowaan la dejiyey isla markaana ay ku jiraan shuruuc badan oo barnaamijkaasi la xiriirta. Qiimaynta iyo kormeerrada mashaariicdu waxa ay ka mid tahay waxyaabaha ugu muhiimsan ee tiir dhexaadka u ah taabba-galka dawladdanimada, iyadoo taas laga duulayo ayaa shirka lagu casumey dhmmaan shaqaalaha dawladda khibradda u leh M&E si loo dardar-geliyo shaqada dawladda. Tababarka ayaa socon doona muddo labo maalmood ah waxaan lagu lafo guri doonaa sidii ay shaqaaluhu u noqon lahaayeen kuwo faham buuxa ka haysta buugga habraaca M&E Framework iyo sidii loo isticmaali lahaa loogana faa’iideysan lahaa cilmiga dheeraadka ah ee buuggaasi lagu soo koobay. The post Wasaaradda Qorshaynaynta Puntland oo Tababar u qabatay qayb kamid ah shaqaalaha dawladda appeared first on Puntland Post.

Muqdisho (Caasimadda Online) – Magaalada Muqdisho ayaa maanta u dabaaldageysa sanadguuradii koowaad ee markii sida lama filaanka ah xilka loogu doortay Madaxweynaha xilka haya Maxamed C/llaahi Farmaajo. Xuska maalintan ayaa loo bedelay adeeg caafimaad oo loo fidinayo dadka danyarta ah, iyadoo teendhooyin lagu xarashay boorar uu ku sawiran yahay madaxweynaah la suray meelo ka tirsan Caasimadda, waxaana dadweyne fara badan ay saf u galeen adeegga caafimaad ee madaxtooyada ay u fidisay dadka. Ciidamada amniga ayaa la dhigay Waddooyinka waaweyn, waxaana la arkay iyadoo Biyo iyo dhagxaan lagu gooyay qeylo ka mida Waddooyika laga soo galo jidka Maka Al-Mukarrama. Sidoo kale Jidka Wadnaha oo ka mida kuwa ugu waaweyn ayaa iska xiran. Waxyaabihii ugu weynaa ee xilligii doorashada uu madaxweyne Farmaajo balanqaaday ayaa waxaa ka mid ahaa inaan Wadooyin loo xiri doonin, arrintaasoo ka mid noqday balanqaayada aan fulin ee Madaxweyne Farmaajo. Caasimada Online Xafiiska Muqdisho Caasimada@live.com The post Xuska 8-da Febraayo ee Doorashadii Farmaajo iyo Wararkii ugu danbeeyay ee Magaalada Muqdisho appeared first on Caasimada Online.

Muqdisho (Caasimadda Online) – Warbixin ay soo saartay Qaramada Midoobey ayey ku sheegtay in Ururka Al-Qaacidda uu ka xoog badan yahay Daacish islamarkaana meelaha qaar Caalamka Al-qaacidda ku leedahay awood xoog le. Warbixinta ayaa lagu sheegay in Ururka Al-Qaacidda uu aad ugu awood badan yahay Daacish marka loo eego dalalka Soomaaliya iyo Yemen. Sidoo kale Al-qaacidda waxaa ay awood ka badan midda Daacish hadda ku leedahay Galbeedka Afrika iyo Koofurta Aasiya,taas oo iyana la rumeysanyahay in Ururrada cilaaqaadka la leh Al-Qaacidda in ay ka badanyihiin kuwa Daacish. AP oo warbixintan qortay ayaa sheegtay in waddamo aan la magacaabin ay Al-qaacidda halis ku tahay hadda marka loo eego Daacish qatarteeda,waxaana warbixintan lagu sheegay in Al-Qaacidda ay qorsheyneyso weerarro culus oo ay caalamka ka fuliso. Caasimada Online Xafiiska Muqdisho Caasimada@live.com The post Qaramada Midoobay oo warbixin xasaasi ah ku sheegtay in Al-qaacidda ku xoog badan tahay Somaliya appeared first on Caasimada Online.

Jilib (Caasimadda Online) – Xarakada Al-shabaab ayaa Odayaasa Degmada Jilib ee Gobolka Jubada dhexe u qabtay tartan dhinaca toogashada ah iyada oo lagu tartamayay toogashada qoryaha AK47. Fagaare ku yaalla Degmada Jilib ee Gobolka Jubada dhexe ayaa la isugu geeyay tiro dad ah oo daawadaal ka ahaa tartanka Odayaasha ee dhinaca toogashada la xiriira. Al-shabaab ayaa Odayaashan horay ugu tababaray dagaalka,waxaana tartankan loogu talagalay in lagu ogaado heerka toogashada Odayaashan oo Ciidan ahaan loogu talagalay. Al-shabaab waxaa ay inta badan tababaraan Odayaasha Haweenka iyo dhallinyarada degaannada ay ka maamulaan dalka iyaga oo ugu talagalay in ay ka qeyb qaataan dagaalka ay kula jiraan Dowladda Soomaaliya iyo Ciidamada AMISOM.

Ethiopia’s year-on-year inflation rate edged down to 13.4 percent in January, the statistics agency said on its website. Source: Hiiraan Online

About 20 people feared to have drowned on a boat that sank off Libya late last week were brought back to shore by smugglers and are being held at an unknown location, an official from the Pakistani embassy said on Wednesday. Source: Hiiraan Online

A section of Kenyan doctors have put Kenya on the global map for the wrong reasons after it was ranked third among countries that mutilate girls in hospitals. Source: Hiiraan Online

A Somaliland government minister is in the UAE to drum up investment for power projects to stabilise the self-declared state’s precarious economy where energy costs are among the highest in the world. Source: Hiiraan Online

Turkey's parliament on Wednesday okayed the extension of Turkish forces serving in the Gulf of Aden, Somalia, and the Arabian Sea. Source: Hiiraan Online

In the U.S., “March Madness” basketball season is approaching. But in Sharjah, Somali women basketball players are making our own basketball history by competing in the 4th Arab Women Sports Tournament in Dubai. Source: Hiiraan Online

The U.S. government’s prospects for deporting 92 people it unsuccessfully tried to fly to Somalia in December are getting murkier. Source: Hiiraan Online

Source: Hiiraan Online

Being a huge continent, the food found in Africa varies among the countries within it. Some staples are seasoned meats, rice, couscous and fried plantains. Source: Hiiraan Online

Muqdisho (Caasimada Online)-Waxaa saaka oo khamiis ah inta badan xiran waddooyinka waaweyn ee magaalada Muqdisho, waxaana waddooyinka dhooban ciidamo isugu jira Boolis iyo Nabadsugid. Amaanka magaalada ayaa waxaa iska kaashanaaya ciidamada amniga oo jaray waddooyinka ugu muhiimsan sida waddaha Makka Al-Mukarama iyo wadada Wadnaha. Adkeynta amniga ayaa waxaa looga gol leeyahay si aanay u dhicin arbushaad inta ay socdaan Munaasabadaha lagu xusayo 8 February oo ku began maalinta la doortay Madaxweynaha Somalia. Wadooyinka aadka u xiran ee xitaa loo diidaayo isticmaalka ayaa waxaa kamid ah Isgoysyada Howlwadaag, Sheekh Cali Suufi, Tarbuunka, Taleex, iyo Maka Al-mukarama. Ciidamo hubeysan oo wata Gaadiidka dagaalka ayaa goor sii horeysay oo xalay aheyd waxaa lagu dadiyay wadooyinka Muqdisho, Ciidamada ayaa gaadiidka u diidaya in wadada Maka Al-mukarama ka soo galaan dhanka jid cadayaasha. Geesta kale, Madaxweynaha Soomaaliya Maxamed C/laahi Maxamed (Farmaajo) ayaa markii la doortay sheegay in aanay jiri doonin wado la iska xiro, balse taas mid ka duwan ayaa hada muuqata, waxaan wadooyinka la iska xiraa maalinkii laba jeer. Caasimada Online Xafiiska Muqdisho Caasimada@live.com The post Waddooyinka Muqdisho oo Saaka lagu arkaayo Gaadiid dagaal & Ciidamo appeared first on Caasimada Online.

Muqdisho (Caasimada Online)-Shirka Golaha amniga Qaranka oo maalintii doraad ka furmay magaalada Muqdisho ayaa waxaa lagu wadaa in lasoo xiro maanta. Shirka oo inta badan looga hadlay qodobadii la qorsheeyay ayaa la filayaa in gelinka dambe ee maanta lagu soo gaba-gabeeyo magaalada Muqdisho. Shirka oo ahmiyad gaara u leh dowlada ayaa waxaa laga soo saari doonaa war-murtiyeed ku xusan qodobadii lagu heshiiyay mudada uu socdo shirka. Qodobada Shirka looga hadlaayo ayaa waxaa ka mid ah Dastuurka, dhismaha Ciidamada, Doorashada Soomaaliya ee 2020, iyo qodobo kale, qodobadaan ayaa soo taagnaa mudadii ay dhisnaayeen Golaha amniga Qaranka oo markii hore loogu yeeri jiray Madasha Qaranka xiligii Madaxweyne Xasan Sheekh Maxamuud. Shirka ayaa warbixino looga dhageystay Madaxda Maamul Goboleedyada, Talisyada Ciidamada, Wasaaradaha Amniga iyo Gaashaandhigga. Waxaa looga dooday sidii Ciidamada Qalabka Sida ay ula wareegi lahaayeen Mas’uuliyadda amniga ee dalka, oo hada ay gacanta ku hayaan Ciidanka Midowga Afrika ee AMISOM, arrintaasna meel wanaagsan ay mareyso. Geesta kale, Madaxda ka qayb galeysa Shirkaan ayaa lagu wadaa inay ka qayb galaan xaflad loogu dabaal dagayo sanad guuradii ka soo wareegtay doorashadii Madaxweynaha Somalia Maxamed C/llaahi Farmaajo oo ku beegan manta. Caasimada Online Xafiiska Muqdisho Caasimada@live.com The post Shirka Golaha amniga Qaranka oo maanta lasoo gaba-gabeynayo appeared first on Caasimada Online.

Madaxweyne Cabdiweli Maxamad Cali Gaas oo ku sugan magaalada Muqdisho ayaa ilo lagu kalsoon yahay waxaa ay shegeen in safiirka dalka Soomaaliya u fadhiyi doona wadanka Mareykanka u raadinayo agaasimihiisii hore ee xafiiska Ra’isal wasaaraha islamarkaana ah wakiil uga ah xiligaan magaalada Muqdisho iyo Nairobi. Cabdiraxman Cabdi Warsame “Burhaan DIO MIO” oo isku beel yihiin Madaxweyne Gaas, ayaa wararka waxay sheegayaan inuu kala hadlayo madaxda sare ee dowlada Federaalka, iyadoo la ogaadey Wasiirka cusub ee Wasaraada arimaha dibada Soomaaliya ka codsadey maalmahaan in dalbka dhinaciisa soo qoro isaguna dabada riixi doono. Burhaan Dio MIO iyo Cabdiweli Maxamad Cali Gaas ayaa xiriirkoodu xumaadey markii shaqada Ra’isal wasaaraha Soomaaliya ka-sii dhamaaneysay isagoo ka qaadey xilkii agaasimaha guud ee xafiiskiisa balse waxy dib u wada shaqeeyeen markii loo doortey xilka Madaxweynaha Puntland. Burhan Dio Mio Bidix, Madaxweyne Gaas dhexda- Xuquuqda sawirka barta Facebook Burhaan “Waxaa labadooda ka dhaxeeya xiriir ganacsi iyo dhaqaale balse ma jiro xiriir siyaasadeed ee ka dhaxeeyn kara labadooda, taasna waxaa markhaati ka ah in Madaxweyne Gaas ka hor-istaagey Burhaan Dio Mio inuu noqdo Senator aqalka sare isagoo markaas taageero ka haysta qaar ka tirsan issimada Mudug.” sidaa waxaa sheegey qof si wanaagsan u yaqaan labadaan shaqsi. Warsame ayaa Madaxweyne Gaas wakiil uga ah tageerada dhaqaale iyo mucaawinooyinka raashinka dowlada Turkiga siiso Puntland isagoo xiriirka labada dhinac si dhow uga warhayey. Burhaan Dio Mio ayaa dhinaca kale safaro dalka Turkiga u raacey Cabdiweli Gaas halka marar badan safiirka dalkaas u fadhiya Muqdisho u soo raacey xarunta dowlada Puntland ee Garowe. In muddo ah Cabdiraxman Cabdi Warsame waxaa Madaxweyne Gaas uu kala qayb galayey kulamada Muqdisho ay ku yeeshaan madaxda maamulada iyo dowlada Federaalka isagoo hogaamin jirey guddiyada Puntland u xilsaarato wadaxaajoodyada dhinacyadaan ee arimaha Soomaaliya. Dio Mio ayaa dabgal iyo ka warqab ku sameeya heshiisyada kulamadaan iyadoo dhowaan Madaxweyne Gaas u magacaabey madaxa guddiyadda dhinaca Puntland u qaabilsan la socodka fulinta go’aamada kasoo baxa kulamada looga hadlo amniga qaranka kuwasoo maamulada Soomaalida iyo dowlada Federaalka intooda badan ku qabsadaan Muqdisho. Dhinaca kale waxaa socda dadaalo kale ay wadaan shaqsiyaad kale oo kasoo jeeda degaanada Puntland kuwasoo qaarkood codsiyadooda u gudbiyey Villa Soomaaliya iyadoo ay dabada ka riixayaan qaar ka tirsan madax dhaqameedkooda. Wasiirka Cusub ee Wasaarada arimaha dibada Puntland Axmad Ciise Cawad oo kasoo jeeda degaanada Puntland ayaa inta aan xilka loo magaacaabin waxaa uu ahaa safiirka dalka Soomaaliya u fadhiya Mareykanka. Safiirada iyo shaqaalahooda fadhiya dalalka saxiibka la ah dalka Soomaaliya ma aha kuwo dhaqaale ka hela dowlada Federraalka ah balse waxay ku tiirsan yihiin iney kharashaadkooda ka raajiciyaan wadamadaas iyo qurbo joogta taasoo xadgudub ku ah qaranimada dalka. Madaxweynaha Soomaaliya ayaa laga filayaa in safiiro u magacaabo dalalka qaarkood kuwasoo safiiradii u joogey dib loogu yeeray dhowaan balse dadka la socda ayaa sheegaya in dib u dhac ku yimid. GAROWEONLINE The post Xog: Gaas oo Muqdisho xil safiirnimo uga raadinaya agaasimihiisii hore appeared first on Caasimada Online.

Riyadh (Caasimada Online) – Dowladda Sacuudiga ayaa markii ugu horeysay u fasaxday duulimaadyada shirkadda Air India ee ku wajahan Israel inay isticmaali karaan hawada dalkaas, sida uu qoray waregeyska Haaretz. Go’aankan oo hirgeli doona bisha march ayaa macmihiisu yahay in duuklimaadyada New Delhi iyo Tel Aviv uu soo gaaban doono laba saac iyo bar. Qadka cusub ayaa macnihiisu yahay in shirkadda ay yareyn doonto shidaalka ku baxa duulimaadka, taas oo u saamixi doonta inay iibiso tikidho jaban. Dowladda Sacuudiga ayaa muddo 70 sano ah ka mamnuucday duulimaadyada ku wajahan Israel inay adeegsadaan hawada dalkaas. Tallaabadan cusub ayaa loo arkaa inay astaan kale u tahay xiriirka soo wanaagsanaanaya ee Sacuudiga iyo Israel, oo sanadkii tagey yeeshay xiriiro qarsoon oo dhowr ah. Go’aakan cuusb ayaa la rumeysan yahay inuu mas’uul ka yahay dhaxal-sugaha Sacuudiga Maxamed Bin Salmaan oo wax weyn ka beddelay siyaasadda dalkaas. Caasimada Online Xafiiska Muqdisho Caasimada@live.com The post Sacuudiga oo qaatay go’aan muujinaya sida ay isugu dhowaanayaan Israel appeared first on Caasimada Online.

Muqdisho (Caasimada Online) – Akhristeyaasheena sharafta leh, halkaan waxaa idin kuugu soo gudbineynaa warbixin ka hadleysa 12 tallaabo oo Taariikhi ah oo dowladda Soomaaliya ay qaaday12-kii bilood ee la soo dhaafay. HESHIISKA SOCDAALKA EE SOOMAALIYA IYO KENYA. Heshiiskaan ayaa meesha ka saaray dhibaatadii Dadka Soomaaliyeed ay ku qabeen garoonka diyaaradaha ee Wajeer oo lagu sii baarijiray. MAAMULKA HAWADA SOOMAALIYA. Dowladda Madaxweyne Farmaajo ayaa ku guulaysatay in maamulka Hawada Soomaaliya loo soo wareejiyo Muqdisho kaddib mudo dheer laga maamulayay Dalka Kenya. SOO DAYNTA MAXAABIISTA. Waalidiin badan ayaa nasiib u yeeshay inay arkaan eheladooda oo mudo dheer ku xirnaa Wadamada Itoobiya iyo Hindiya, iyagoo dowladda kaga mahad celiyay talaabada taariikhiga ah. SOCDAALKA NABADDA. Madaxweynaha JFS Mudane Maxamed Cabdullaahi Maxamed Farmaajo ayaa Safarka Nabadda oo qaatay 17-maalmood ku maray qaar ka mid ah Gobalada Dalka, iyadoo Safarkaas uu muujiyay kalsoonida dadka Soomaaliyeed ay ku qabaan dowladda. SHARCIGA ISGAARSIINTA. Sharciga Isgaarsiinta Waddanka oo mudo dheer soo jiitamayay ayay dowladdu sanadkii ugu horayeeyay ku guulaysatay in la ansixiyo. MUSUQMAASUQA Musuqmaasuqa oo ah dilaaga horumarka iyo dowladnimada ayay dowladdu aad ugu dadaashay in xididada loo siibo, iyadoo uu aad u sareeyo dabagalka iyo isla xisaabtanka. DHAQAALAHA Kobaca dhaqaalaha oo as aas aaska horumarka bulshada ayaa shaqo badan la galiyay, iyadoo la dhisay Madasha Wasaaradaha Kaabayaasha dhaqalaha ee dalka, kuwaasi oo ka shaqaynaya Kobcinta dhaqaalaha. BIXINTA XAQUUQDA. Dhammaan Shaqaalaha dowladda iyo ciidamada ayaa si joogta ah, xiligeeda ugu helay mushaaraadka iyo Xaquuqda ay dowladda ku lahaayeen. SUGIDA AMNIGA. Samaynta Ciidanka Xasilinta iyo isla xisaabtanka hay’adaha dowladda ayaa aas aas u noqday qorshaha sugidda amniga. TAYADA CIIDANKA. Madaxweyne Farmaajo wuxuu shaqo badan geliyay sidii loo tayayn lahaa ciidanka Qalabka sida iyo sidii loogu dhiirigelin lahaa Shaqada ay u haayaan wadanka. GURMADKA ABAARAHA. Qorsha dowladda ee ahaa anaga ayaa isku gurman karna, oo isku xiray dowladda iyo shacabka ayaa noqday gurmad taariikhi ah oo si deg deg ah loogu caawiyay dadkii ay abaaruhu saameeyeen. GAROONKA ADAN CADDE. Dowladdu waxay ku guulayasay markii ugu horaysay tan iyo bur burkii in Garoonka Adan Cadde uu shaqeeyo xili Habeen ah. HOOS KA DHAGEYSO WAXQABADKA MADAXWEYNE FARMAAJO The post Liiska guulaha lagu diirsaday ee uu qabtay Farmaajo tan iyo markii loo doortay xilka appeared first on Caasimada Online.

Qof kasta oo Soomaali ah, Madax iyo Shacab , Wadaad iyo Waranlle , War aqoon iyo Wax-aqoon , yar iyo wayn , ciroole iyo caana nuug , heerkay doonto ha joogto garashadiisee , qofka maanta ku taamaya in guud ahaa Reer Galbeed iyo Gunta Carbeed ay wax tar la maagan yihiin Soomaali waa qof maan gaab ah caqli ku filanna aan lahayn . 100 sano oo soo socota hadday Dawladda Soomaaliyeed kaba qaad u noqoto Reer Galbeedka raalina galiso guta Carbeed ee ku xayndaabka ah lagama yaabo inay intay doonto ha le’ekaatee xirfadaha iyo qalabka nabad sugineed xitaa ka iibiyaan xoolo badanna dhaafsadaan , in hay’adaha xalane dagan laga sugo sida loo ilaalinayo shacabka Soomaaliyeed waa gaf laga galay Qaranka Soomaaliyeed . Waxaa dharaar dhawayd ilasoo xiriiray Nin Madax horay u ahaa dhawaanahan, markuu xafiiska joogay dhawr jeer ayaan talo iyo tusaalayn la maagay , waxaan kula dooday , Qof aadan dhaawaciisa dabiibayn , dhalaankiisa wax barayn , xoolihiisa aadan ilaalinayn , xurmada aqalkiisa aad ku tumanayso , kolba kan shilinka haysta aad ka raacayso , kaniin dhacay iyo Caana Booro been abuura u ogalaatay inay ka iibiyaan kuwa damiirka doollarku ka dhaawacay , sideed qofka aad sidaas u gumaysay aad uga filataa inuu gacan ku siiyo kaana celiyo cidda maagan geeridaada inay soo dadajiyaan ? Inta igu qoslay ayuu yiri waryaa Xiirane xagay kaa heleen Argagaxisada waa adiga warkii dawlad diidka shubayee !! intaan caradaydii iska qarsaday ayaan ku iri Mudane haddii intaa Argagaxiso lagu noqonayo waa ii sharaf, hadalkaas hadduu Dawlad diid yahayna haattan ayaan u xaydanayaa duminteeda , warkanagii oon micne lahayn meelahaas ayuu ku iba beelay. Xafiiskii ayaa la eryay muddo ka dib , wuxuu iiso diray qoraal dheer oo dhaliil iyo dhaleecayn uu dusha kaga tuurayo qaarkii cariyay asagoo ku eedaynaya inay diidan yihiin in dalka loo shaqeeyo , sidoo kale wuxuu sheegtay inay yihiin gar maqaatayaal aan qaadan talada wanaagsan wuxuu ku dooday inaysan maqlin qaadanna talada Soomaalida oo ay u dhawaga wadan yihiin shisheeyaha iyo cadawga umadda . Qoraalkiisa oo iila muuqday mid uu ku cara baxay isla wuxuu tusaaleeyay sida ay madaxdu isaga indha saabaan badeecadaha dhacay iyo kuwa been abuurka ah ee laga soo dajiyo Dakadaha iyo Garoomada dalka , ‘’ Xiiranoow ka warran haddii wax barashada Dalka loo hoos fadhiyo Gabar Shisheeye ah oo30 jir ah oo Xalane ku raaxaysata qoraxda ay ka wayday dalkeedii ‘’ asagoo ii sii sharaxaya ayuu qorayaa maxay la shaqayn la dahay waxbarashada dalka waxaa baadidii la yiri doon cid aan doonayn inaad waligaa hesho . Dulucda waxaan uga gol leeyahay , Markuu ahaa Madaxda waliba qaarka awoodda u leh inay dhaqaajiyaan wuxuu ku dhaliilay qaarka ku haray , uma muuqan dhaliilaha iyo ceeba curyaaminta ah ee habsatay Soomaali , markii laga soo dhex tuuray ayuu gartay gafafka muuqda ee madaxda ka qarsoon ama ay iska qariyaan . Waxaa lagu koobay shaqadii ay qaranka u qaban lahaayd hay’adda amaanka inay aqalada u dhacaan markuu habaynku bar tago , si loo argagaxiyo shacabka laga oomiyay adeeggii uu ka mudnaa Xukuumadda , talooyinka noocaas ahna ma filayo inay ka timid masuul wax garad ah oo garanaya waxay tahay shaqadiisa , Ugu danbayn haddii aan wax laga badalin qaabka shaqo ee Hay’adda nabad galyada si xilkasnimo ahna aan loo adeegsan awooddaas , waxaa hubaal ah inaan sanado badan sagootin doonno qaar badan oon jeclayn oo ku nafwaayay qarax iyo qolo aan la ogayn ayaa dishay . F. Xiirane (NSS 1976-1991) fahiira@gmail.com Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid The post Maaweelis weeye warka Xamar appeared first on Caasimada Online.

Nairobi (Caasimada Online) – Dowlada Kenya ayaa shaacisay liiska Siyaasiyiinta mucaaradka ee laga Xanibay baasaboorada ay heystaan in ay ugu Safraan Dibada. Liis ay ku xardhan yihiin Siyaasiyiin caan ah, oo ay soo daabacday Laanta Socdaalka ayaa waxaa ka dhexmuuqda Siyaasiyiin ka tirsan mucaaradka NASA kuwaa oo kala ah: 1-Barasaabka Ismaamulka Mombasa Mr Hassan Joho Mudanaha Aqalka odayaasha u Matala Siaya SJames Orengo iyo Santarkii Hore ee Machakos Johnson Muthama. 2-Madaxa Qorsheynta Dhanka siyaasada u Qaabilsan Mucaaradka Mr David Ndii. 3-Maal Qabeen Lagu Magacaabo Jimi Wanjigi oo si dhow ula shaqeeya Hogaamiyaha NASA. 4-Waxa ay dowladu magaalada Nairobi ka tarxiishay Siyaasiga Miguna Miguna oo qeyb ka ah mucaaradka NISA kaa oo loo tarxiilay dalka Canada oo uu ka heysto dhalasho. Gordon Kihalang’wa oo ah Agaasimaha Laanta Socdaalka ayaa Sheegay in arintaan ay uga gol leeyihiin ka jawaabida talaabada uu mucaaradka ku dhaariyay Odinga iyo isgarabtaaga ay xubnahaasi u sameeyen. Agaasimaha Laanta Socdaalka, ayaa sheegay inay Cuskadeen Dastuutka Dalka Cutubkiisa 2011-aad ee Qeexaya in baasaboorka laga qaadi karo muwaadin kasta oo lagu helo danbi lidi ki ah Qaranimada. Si kastaba ha ahaatee, talaabadan ayaa soo degdegtay tan iyo wixii ka danbeeyay goortii uu Mr Raila Odinga 30 Bishii la soo Dhaafay iskugu Dhaariyay in uu Yahay Madaxweynaha Dadka Kadib Xaflad ay Mucaaradka ku Qabteen Beerta Xoriyada ee Magaalada Nairobi. Caasimada Online Xafiiska Nairobi Caasimada@live.com The post Liiska siyaasiyiinta mucaaradka ay dowlada Kenya ka xanibtay ku safarka baasaboorada appeared first on Caasimada Online.