Wararka ka imaanaya degmada Laascaanood ee gobolka Sool ayaa waxay sheegayaan in dagaal u dhaxeeya Labo beel uu ka dhacay deegaanka Gumburka Cagaarre oo hoostaga magaaladaasi, kaasi oo khasaare kala duwan geystay. Inta la xaqiijiyey 10 qof ayaa dagaalkaasi ku geeriyootey, iyadoo ay ku dhaawacmeen tiro intaasi ka badan. Cabdi Kheyre oo ah guddoomiyaha gobolka Sool ayaa u sheegay Goobjoog News, in dagaalkan uu u dhaxeeyo beello kasoo kala jeeda Puntland iyo Somaliland. Waxa uu tilmaamay in dagaalka weli aanu joogsan, islamarkaana laga yaabo khasaaraha inuu intaasi kasii bato. Dagaalkan ayaa salka ku haya sida la sheegay arrimo la xiriira dhul, xoolo iyo sidoo kale aanooyin horey usoo jiray. Waxgaradka ku dhaqan degmada Laascaanood ayaa wada dedaal badan oo lagu doonayo in lagu xalinayo dagaalladan. Deegaanka lagu dagaallamo ayaa sidoo kale ku dhow Ismaamulka Soomaali Galbeed, iyadoo rasaastana tahay mid socota. Goobjoog News Source

Abukaate Daahir Maxamed oo wareysi siiyey Goobjoog News, ayaa ka hadlay sharci ahaanshiyaha xarigga siyaasi C/raxmaan C/shakuur Warsame oo u xiran dowladda Federaalka. Wuxuu sheegay Abukaataha in aan ammar maxkamadeed lagu soo xirin Shakuur, balse ay soo xireen hay’adaha amniga iyo xafiiska xeer ilaalinta. Waxa uu tilmaamay marka maxkamad la’aan qof lasoo xiro iney tahay in 48 saac gudahood maxkamad lagu keeno si haddii loo baahdo waqti baaris lasii bixiyo. Saddex qodob oo dhanka sharciga ah ayuu sheegay in lagu xadgudbay markii ay ciidamada ammaanka soo xirayeen siyaasi C/raxmaan C/shakuur. “Waxaa muuqaneysa soo xirista C/raxmaan iney xiriir la leedahay cabiraad aragtida siyaasadeed ee uu cabiray, aragtida siyaasadeed in la cabirana waxaa damaanad qaaday Dastuurka qodobka 18-aad iyo qodobka 22-aad, gaar ahaan dadka siyaasiyiinta ah iney cabiraan aragtidooda siyaasadeed, marka waxaa muuqato inaan la xurmeyn damaanadihii uu Dastuurka dadka siinayey, C/raxmaan waxaa lagu qabtay hoygiisa, hoyagana wuxuu leeyahay xurmo qodobka 19-aad ee Dastuurku wuxuu qeexayaa inaan qofka muwaadinka ah hoygiisa la geli karin, la baari karin haddii aan loo haysan ammar maxkamadeed oo sababeysan, marka sida muuqatana waxa waaye inaan lahaysan ammar maxkamadeed oo sababeysan waxaana lagu xadgubday xurmadii hoyga ee kamid ahayd xuquuqda qofka muwaadinka ah loo damaanad qaaday, sidoo kale qaladka dhanka sharciga laga galay waxaa kamid ah, qodobka 44-aad ee xeerka habka ciqaabta wuxuu leeyahay qof muwaadin ah lama soo xiri karo laga bilaabo 6-da maqribnimo illaa 7-da subaxnimo, marka xilliga lasoo xiray qofkaan muwaadinka ah waxaa ka muuqaneysa in qalad dhanka sharciga ah ka jiro” ayuu yiri Abukaate Daahir. Dowladda Federaalka Soomaaliya, gaar ahaan xafiiska xeer ilaalinta ayaa sheegtay in maxkamad cadaaladeed lasoo taagi doono siyaasi C/raxmaan Cabdi Shakuur. Halkaan hoose ka dhageyso: http://www.goobjoog.com/business/wp-content/uploads/2017/12/ABUUKAATE-DAAHIR-MAXAMED-ALI-.mp3Goobjoog News Source

Dowladaha Canada iyo Mareykanka ayaa ku dhawaaqay inay qaban doonaan bisha soo socota shir-madaxeed ay yeelanayaa wasiirada arrimaha dibadda ee dalalkaani waxaana looga hadlayaa arrinta kuuriyada waqooyi. Wasiirka arrimaha dibadda Mareykanka Rex W. Tillerson oo shir jaraa’id ku qabtay Canada ayaa tilmaamay in shirkan lagu qaban doono magaalada Vancouver 16 bisha Janaayo, waxaana ka soo qeyb-galayo labo ergo oo ka socota Japan iyo Kuuriyada Koofureed. Kulanka waxaa lagu gorfeyn-doonaa sidii loo xoojin lahaa ololaha lagu cadaadinayo Kuuriyada Waqooyi iyo sidii looga hortagi lahaa inay horumar ka sameyso barnaamijka Nukliyeerka. Rex W. Tillerson xoghaya arrimaha dibadda Mareykanka ayaa cadeeyay in shirmada-xeedkaan cadaadis lagu saari doono Kuuriyada Waqooyi sidii ay u soo fadhiisan laheyd miiska wadahadalka ee Barnaamijka Nukliyeerka. Goobjoog News Source

Safiiradda Mareykanka u fadhisa qaramada midoobay, Nikki Nimrata Haley , ayaa sheegtay in gantaalkii ay Xuutiyiinta ay ku soo rideen caasimadda Sacuudiga ee Riyadh uu ka muuqday faraha Iran. Kooxaha Xuutiyiinta oo taageero dhaqaale iyo mid militari ka hela Iran ayaa waxay gantaal ku rideen aqalka madaxtooyada Sacuudiga oo ah meesha u deganyahay boqor Salmaan. Isbaheysiga Carbeed uu hogaaminayo Sacuudiga ayaa ku eedeeyay Iran in kooxahaani ay siisay gantaalka lagu soo riday madaxtooyada boqorka. Iran ayaa iska fogeysay inay hubeyso xowthiyiinta dagaalka kala soo horjeeda dowladda Cabdi Rabah Mansuur ee caalamka laga aqoonsanyahay uuna hogaaminayo isbaheysiga Sacuudiga. Goobjoog News Source

Maanta waxaa loo dabaaldagayaa 74-guuradii ka soo wareegtey markii la asaasay ciidanka Booliiska Soomaaliyeed oo beegneyd December 20, 1943-dii. Ciidanka Booliiska waxaa uu jiray Taariikhdaas ka hor sida uu Goobjoog News u xaqiijiyay General Jamac Maxamed Qalib oo horay u soo noqday taliyaha Booliiska Soomaaliyeed. Gumeystayaashii reer Yurub ayaa dhisay Ciidan Booliis Soomaaliyeed ah sanadkii 1848-dii, Waxaana si rasmi ah loo daahfuray sanadkii 1927, xiligaas oo ay heleen Tababaro iyo aqoon dheeraad ah, waxaa loo aqoon jiray Magacyo ay ka mid yihiin Ciidankii Owrta, Ciidankii Xeebta iyo Talyaaniga oo dhihi jiray Sabatiye. Dagaalkii Labaad ee Aduunka 1941, waxaa dalkeena la wareegay Ingiriiska, oo waatii laga adkaaday gumeystihii Talyaaniga ee Fajistaha ahaa, dalka oo dhan waxaa qabsaday gumeystaha Ingiriiska, 10kii sano uu Ingiriiska dalka heystay waxaa loo yaqaanay Booliiska Soomaaliyeed Chermarmie. 1958: Ra’isul wasaarihii xukuumadii Daakhiliyada Cabdulahi Ciise Maxamud ayaa markii ugu horeysay waxaa uu Booliiska Soomaaliyeed Madax uga dhigay Shakhsi Soomaali ah kaas oo ahaa Maxamed Abshir, isagoo noqday Taliyihii ugu horeeyay oo Soomaali ah uu yeesho Booliiska Soomaaliyeed. Sanadii 1960kii markii xuriyadda la qaatay waxaa dalka laga hirgaliyay Booliis rasmi ah, waxaa la isku daray Booliiskii Waqooyi iyo Midkii Koofureed, waxaa tiradiisa lagu sheegaa in uu ka koobnaa ilaa 3700 askari. 1961-dii waxaa markii ugu horeysey la abuurey unugta haweenka ee booliska Soomaaliyeed, kuwaasi oo u xilsaarnaa baarista dumarka dambiyada gala ama laga galo iyo wax alaale wixii dumarka iyo dambiyada la xiriira. Ciidamada Booliska Soomaaliyeed ayaa waxyaabaha ay u xilsaarnaayeen waxaa ka mid ah ama qeybaha ay ka koobnaayeen kuwa Roondada, nabadgalyadda waddooyinka, baarista dambiyada, xogdoonka, iyo waliba la dagaalanka falaagonimada. October 21, 1969-kii Markii Jaalle Maxamed Siyaad uu dalka Inqilaab ku qabsaday waxaa uu sameeyay maalin u gaar ah Booliiska isagoo Taariikhda dib ugu celiyay aasaaskii SYL, waxaa uu Maalinta Booliiska ka dhigay December 20, 1943-dii, lama oga sababta uu go’aankaas u qaatay iyadoo Booliiska uu xiligaas ka hore jiray ama dhisnaa sida aan soo sheegnay. Sanadii 1971-dii ayaa waxaa la abuurey qeybta dab-damiska oo ka tirsan ciidanka booliska Soomaaliyeed, waxaana lagu bilaabay 51 askari oo kaliya. Dalkeena waxaa uu lahaa goobo Tababar sida Iskoole Bolisia ama Akaademiyadda Booliiska, waxaa tababaro lagu siin jiray dhamaan qeybaha kala duwan ee Booliiska. Wixii ka horeeyay 1991kii iyo burburkii dowladdii Jaalle Siyaad, waxaa Booliiska Madax ka noqday Shakhsiyaad caan ah oo Soomaali ah sida: Maxamed Abshir, Qoorsheel, Xuseen Kulmiye, Gen. Jamac Maxamed Qalib, Cabdulahi Maxamed Xasan(Matukade), Aden Cabdi Kukay, Axmed Jamac Muse iyo Cabdiraxman Guulwade. Burburkii Qarannimo 1991-kii, ciidamada booliska Soomaaliyeed waxa ay u burbureen si la mid ah qeybihii kale ee dowladda Soomaaliya ka koobneyd, balse horaantii qarniga 21-aad ayaa dib loo asaasay ciidanka. Markii magaalada Carta ee dalka Jabuuti lagu soo doortey madaxweyne Cabdiqaasim Salaad Xassan sanadkii 2000 ayaa waxa uu Cabdiqaasim taliyaha booliiska Soomalaiyeed u magacaabay Muumin kadibna General Cabdi Cawaale Qeybdiid, waxaana dib loo asaasay ciidamadii booliska Soomaaliyeed oo markaasi 10 sano aanan hawlgalin. Dowladdii Carte wixii ka dambeeyay Booliiska waxaa ay ka mid ahaayeen ciidamada ay sheegato dowlad walbo oo timaada, Lakin waxaa su’aalo badan ka jiraan waxqabadkooda iyo sababta keentay tayo la’aanta ciidanka Booliiska. Maanta Booliiska malaha wada shaqeyn dhexdooda ah, waxaa dalka hesta gawaari Taargo la’aanta ah oo aan la aqoon meel loogu hagaago, amni darro, Tabarbarada Booliiska waxaa bixiyo dalal daris ah iyo kuwoo shisheeye oo intooda badan aan rabin nabadda, xitaa Dicepiline Booliiska iyo la dhaqankooda shacabka dhib badan ayaa ka jira, booliiska ma heystaan kalsoonida Muwaadinka Booliiska. Dhanka kale Maanta waa Maalinta Booliiska, waxaa ay dhigi doonaan xaflado waaweyn, isagoo ubaxyo sita, qoslaya,u heesaya madaxda hortooda fadhida, una garaacaya Bambeyda, Lakin waxaa jira xaqiiq madaxda iska indho tiraan, Booliiska waxaa heysta daryeel la’aan, Mushaar la’aan iyo xuquuqdooda oo aanany dowladda Mas’uuliyad iska saarin, lamana oga goorta Soomaaliya yeelan doonto Ciidamo Booliiska oo dhinac walbo ka dhameystiran? Source

Dubai(Caasimada Online- Ra’iisul Wasaarihii hore ee Soomaaliya Cumar Cabdirashiid ahna Senetar ka tirsan Aqalka sare ayaa si kulul u cambaareeyay xariga Cabdiraxmaan Cabdishakuur oo habeenkii 3aad ku jira xabsi. Wuxuu ugu baaqay dowladda in si deg deg ah usii dayso Siyaasiga, oo uu sheegay in sababta loo xiray ay tahay oo kaliye inuu fekerkiisa cabiray, kana hadlay xaaladda dalka iyo daldaloolada dowlada Federaalka. Wareysi uu siiyay VOA isagoo ku sugan dalka Imaaraadka, ayaa Cumar Cabdirashiid wuxuu beeniyay in isaga iyo Cabdiraxmaan Cabdishakuur ay ka shaqeynayeen mooshin ka dhan ah Xukuumadda Khayre. “Qiyaano qaran hadii laga hadlayo ma jirto mid ka weyn in muwaadin Soomaaliyeed si qaldan loogu dhiibo dowlad shisheeye,” ayuu yiri Cumar Cabdirashiid. Eedaha qaran-dumiska dowladda ay wado ayuu sheegay inuu yahay mid khatar ku ah masiirka dalka, oo keeni karta in Soomaaliya ku laabato waxay kasoo gudubtay ee ah dagaalka sokeeye iyo colaaddaha. Senetarka ayaa ka tacsiyadeeyay dadkii ku dhintay weerarkii lagu qaaday Cabdiraxmaan Cabdishkuur, waxaana wax laga xumaado ku tilmaamay in dowladda hadda jirta ay caburiso siyaasiyiinta oo xabsiga ku dhigto eedaymo aan cadeymo loo haynin. Hoos ka dhageyso codka Cumar Cabdirashiid https://www.caasimada.net/wp-content/uploads/2017/12/b30e9c11-c325-438f-969a-90eeab2b29c2_32k.mp3Xigasho: VOA + Garowe Online The post Dhageyso: CC Sharmaarke oo ka hadlay xariga saxiibkiis Cabdiraxman Cabdishakuur appeared first on Caasimada Online.

Muqdisho (Caasimada Online) – Waxaa xarunta Villa Somalia ka socda kulamo u dhexeeya Madaxda ugu sareysa dalka, Xildhibaanada Beelaha Hawiye iyo Odayaasha dhaqanka Beelaha Hawiye kaa oo ku aadan xal ka gaarista xariga C/raxmaan C/Shakuur. Kulamada socda ayaa waxaa qeyb ka ah mas’uuliyiin ka tirsan dowlada oo aan qeyb ka aheyn Beelaha Hawiye, kuwaa oo ujeedkooda uu yahay in xal laga gaaro khilaafka ka dhashay xariga C/raxmaan C/Shakuur. Dhinacyada ku howlan xal u helida xariga C/raxmaan C/Shakuur, ayaa madaxda ugu sareysa dalka ka dalbanaaya in lasoo afmeero kiiska xariga CC Shakuur. Waxa ay madaxda ku wargaliyeen in Siyaasiga marka hore lasiiyo xoriyad kadibna si hoose looga wadahadlo eedeymaha loo soo jeediyay. Xildhibaanada iyo Odayaasha ku beesha ah C/raxmaan C/Shakuur, ayaa sidoo kale, kulamada socda ku dalbaneysa in Madaxda ugu sareysa dalka ay cadeeyan 3 qodob oo kala ah: 1-Sababta sodomeeyada Siyaasi ee mucaaradka ah looga soo dhex xushay C/raxmaan C/Shakuur. 2-Sababta loo xiray isla markaana loo weeraray iyadoo ay dowlada Somalia ay awoodo inay amar ku siiso inuu imaado Maxkamada. 3-In dowlada Somalia ay bixiso raali galin ku aadan weerarka iyo xariga isla socda ee lagula kacay CC Shakuur. Shirarka socda waxa ay Madaxda dowlada ku andacooneysaa in C/raxmaan C/Shakuur uu ka talaabay xadka xoriyada, sidaa aawgeedna wax laga weydiin doono eedeymaha la xiriira inuu dhaqaale kusoo qaatay duminta dalka. Sidoo kale, waxa ay labada dhinac isku fahmi la’ yihiin qodobada qaar, maadaama dowladu ay ku adkeysaneyso in C/raxmaan C/Shakuur ay ku heyso cadeymo, halka beeshiisuna ay ku adkeysaneyso waxa ay ugu yeeren xad gudub. Si kastaba ha ahaatee, waxaa la saadaalinayaa in kulamada socda aan laga gaari doonin wax xal ah, inta C/raxmaan C/Shakuur uu kasoo dhameysanaayo dacwada uga furan Maxkamada. Caasimada Online Xafiiska Muqdisho Caasimada@live.com The post Xog: Maxaa ka cusub kulamada CC Shakuur xalka loogu raadinayo ee ka socda Muqdisho? appeared first on Caasimada Online.

Muqdisho (Caasimada Online )- Sida ay qoreen wargeysyada kasoo baxa dalka Liibiya waxaa musharaxiinta heerka Madaxweyne ee dalkaasi kamid noqon doona wiil uu dhalay Madaxweynihii geeriyooday Liibya Gadaffi. Wiilkani kamid noqon doona Musharaxiinta Libya ayaa waxaa magaciisa lagu sheegay Saif al-Islam Gadaffi, waxaana musharaxnimadiisa Saxaafada la wadaagay Afhayeen u hadlay qoyska Gadaffi. Afhayeenkan oo lagu magacaabo Basem al-Hashimi al-Soul ayaa sheegay in Saif al-Islam Gadaffi, wiilkii hoggaamiyihii hore ee Liibiya uu u tartami doono doorashooyinka madaxtinimada. Waxa uu Mr Basem al-Hashimi al-Soul sheegay in musharaxa Saif al-Islam uu xiligaan heysto taageerada iyo awooda looga baahan yahay in lagu soo afjaro rabshadiha ka dhacay Liibiya. Waxa uu tilmaamay inuu yahay qunyar socod aan lamid aheyn aabihii dhalay ee u geeriyooday sii heesashada Kursiga, waxa uuna ku celceliyay in Saif al-Islam uu dawo u noqon doono rabshahadaha ka dhaca Libya tan iyo markii la afganbiyay aabihiis Muammar Gadaffi 2011. Nuqul kamida haddalka Afhayeenka oo ay xiganayeen wakaaladaha iyo wargeysyada ayaa ahaa “Saif al-Islam Gaddafi, oo ah wiilkii madaxweynihii hore ee Liibiya, ayaa haysta taageerada qabiilooyinka waaweyn ee Liibiya si uu ugu tartamo doorashooyinka madaxtinimada ee soo socda 2018,” Sidoo kale, Al-Soul ayaa sheegay in qorshaha olalaha ay isugu diyaarinayaan doorashada dhawaan la bilaabi doono. Dhinaca kale, dalka Liibiya ayaa waxaa ka jira dowlad aan rasmi aheyn taa oo la tiiceysa nabadgelyo-xumo iyo awood aan fadhin. Caasimada Online Xafiiska Muqdisho Caasimada@live.com The post Wiil uu dhalay Gadaffi oo isku soo taagay xilka madaxweyne ee dalka Liibya appeared first on Caasimada Online.

Raysal Wasaarihii hore ee dowladda federalka Soomaaliya, Cumar Cabdirashiid ayaa si kulul u cambaareeyay weerarkii ciidanka hay’adda NISA ku qaadeen siyaasi Cabdiraxmaan Cabdishakuur wuxuuna ku tilmaamay waxa aanan loo dulqaadan Karin marnaba. “Runtii kama aamusi karno waxyaabaha hadda socda ee lagu caburinayo siyaasada dalka, waayo haddii aan ka aamusno waxaa la aadidoono jidkii burburka Soomaaliya .” ayuu yidhi Cumar Cabdirashiid. Waxaa uu ka digay tilaabooyinka kheyru dastuurka ah oo ay ku dhaqmayaan madaxda u sareysda dalka, kuwaas oo laga doonayay inay iyagu dastuurka illaaliyaan. Cumar Cabdirashiid ayaa sheegay dowladda federalku haddii ay dacwad u haysatay siyaasigaan inay ahayd inay usoo maraan wadiiqo sax ah, laakiin wuxuu sheegay in lagu xad gudbay xuquuqdii dastuuriga ahayd ee uu siyaasigano lahaa, taasoo ah inaan naftiisa lagu xad gudbin. Wuxuu iska fogeeyay inuu isagu xilligaan ku howlan yahay diyaarinta iyo kicinta xildhibaano doonaya in ay mooshin ka gudbiyaan madaxda villa Soomaaliya. Halkaan ka dhegayso codka. Cumar-c.rashiid-sharmaake- Puntlandi.com

Golaha guud ee Qaramada Midoobay ayaa caawo shaaciyey in ay kulan deg deg ah Khamiista soo socota ka yeelanayan doonaan go’aankii Madaxweynaha Maraykanka Donald Trump uu magaalada Qudus ugu aqoonsaday caasimadda Israel. Isniintii,dowladda Maraykanka ayaa codka diidmada qayaxan ee veto u adeegsatay qaraar qabyo-qoraal ah oo ku baaqayey in la buriyo go’aankii madaxweyne Trump ee magaalada Qudus,kaasoo ay Golaha Amniga horkeentay dowladda Masar. Laakiin hoggaamiyaasha carabta iyo muslimiinta ayaa salaasadii Maanta mar kale dalbaday in Golaha guud ee Qaramada Midoobay ay kulan deg deg ah arrintaan ka yeeshaan Maalinta khamiista ah,si mar kale loogu codeeyo qaraarka. 193 xubnood ee Golaha guud ee Qaramada Midoobay ayaa lagu wadaa in ay khamiista u codeeyaan qaraarkaan burinaya go’aankii madxweyne Trump uu magaalada Qudus ugu aqoonsaday caasimadda Israel. PUNTLAND POST The post Golaha guud ee QM Khamiista kulan deg deg ah ka yeenaya go’aankii Trump ee magaalada Qudus. appeared first on Puntland Post.

Aqalka Wakiilada Congress-ka Mareykanka ayaa Caawo ansixiyey sharciga canshuur-dhimista oo ku kacaya $1.5 trillion Dollar,kaasoo ay soo diyaariyeen mudanaaysha xisbiga Jamhuuriga. Sharcigaan oo canshuur-dhimis ballaaran u samaynaya dadka dabaqadda sare ee hodanka ah, ayaa haatan u gudbaya Aqalka Aqalka Senate-ka Maraykanka,waxaana haddii labada Aqalba ansixiyaan loo gudbin doonaa madaxweyne Donald Trump oo saxiixi doona. Xisbiga Demoquraaddiga Maraykanka ayaa si weyn uga horjeeda sharcigaan oo lagu beddelayo Barnaamijkii daryeelka Caafimaadka ee Obama Care. Xisbiga ayaa sheegaya in haddii sharcigaani meel maro uu abuuri doono farqi ballaaran oo dhexeeya dadka hantilayaasha iyo saboolka dabaqadda hoose. Haddii la meel mariyo sharcigaan wuxuu noqon doona kii ugu weynaa ee dhinaca is-beddelka canshuuraha ee lagu sameeyo hannaanka maaliyada Maraykanka muddo ku siman 30 sannadood. PUNTLAND POST The post Aqalka Wakiilada Maraykanka oo ansixiyey sharciga canshuur-dhimista. appeared first on Puntland Post.

Ra’iisul Wasaarihii hore ee Soomaaliya Cumar Cabdirashiid ayaa si xooggan u cambaareeyey xarigga loo gaystay siyaasi Cabdiraxman Cabdishakuur oo habeenkii Axaddii ay xireen ciidamada dawladda Federalka Soomaaliya kadib markay weerareen guri uu degganaa. Cumar Cabdirashiid ayaa ku baaqay in siyaasigaasi si degdeg ah loo sii daayo ka dib wareysi uu siiyay laanta Afka Somaliga ee Idaacadda codka Mareykanka VOA. RW Cumar Cabdirashiid ayaa ku tilmaamay xariga siyaasi Cabdiraxmaan Cabdishakuur weerar lagu soo qaaday dimuqraadiyadda islamarkaana dalka dib ugu celinaysa 1991-kii. Dhagayso Cumar Cabdirashiid Abshir Dhiirane PUNTLAND POST The post CC Sharmaake oo cambaareeyay xariga Siyaasi Cabdiraxmaan Cabdishakuur appeared first on Puntland Post.

Warar rasmi ah oo Puntlandi ka heleen illo dublamaasiyadeed ayaa sheegaya in Dowlada Puntland ay Qaraal digniin ah u direen Villa Soomaaliya, Qoraalkasoo Xukuumada loogu baaqay in la joojiyo ololaha Lagu marin habaabinayo Siyaasada Dalka. Sida aan Xogta ku helnay Dowlada Puntland waxay cadaysay iney si cad ugasoo horjeedaan Xariga iyo caga jugleynta lagu hayo Siyaasiyiinta aan ku fekerka ahayn Xukuumada. Wararka aan heleyno waxay kaloo sheegayaan in Puntland ay si dadban u muujiyeen in Ololaha ka socda Xamar ay jiraan gacmo shisheeye oo ku lug leh. Puntlandi Garowe

Muqdisho (Caasimada Online)-Sida aan wararka ku heleyno waxaa maanta magaalada Muqdisho soo gaaray Yuusuf Siyaad Indha cadde oo horay xilal kala duwan uga soo qabtay dowladihii hore ee dalka soo maray. Yuusuf Indha cadde oo waayadan dalka uga maqnaa nasiin ayaa maanta ka imaaday magaalada Kampala ee dalka Ugandha, waxaana lasoo sheegayaa in imaanshihiisa uu yahay mid la xiriira weerarka iyo xariga C/raxmaan C/shakuur. Indha cadde ayaa la xaqiijiyay in kolkii uu kasoo dagay Garoonka Aadan Cadde loo galbiyay dhanka Villa Somalia, isagoo halkaa kula kulmay Ra’isul wasaaraha Xukuumada Somalia Xasan Cali Kheyre. Ilo wareedyo ka tirsan Villa Somalia ayaa inoo xaqiijiyay in Indha cadde iyo Kheyre ay kawada hadleen xariga C/raxmaan C/shakuur, balse ay isku mari waayen. Indha cadde ayaa Kheyre ka dalbaday in la qaboojiyo xiisada ka dhalatay weerarka iyo xariga CC Shakuur, maadaama dalka uu ku jiro xili uu kasoo kabanaayo dhibaatooyinkii hore. Indha cadde waxa uu Kheyre u sheegay in ujeedka imaatinkiisa uu yahay xalinta weerarka CC Shakuur, waxa uuna ka dalbaday in leysla fahmo hanaanka ugu sahlan ee xalka looga gaari karo xariga. Kheyre ayaa la sheegay inuu ku adkeysaday xariga CC Shakuur, isla markaana uu dhameysan doono dacwadaha uga furmi doona Maxkamada. Ra’isul wasaare Kheyre waxa uu ku nuux-nuuxsaday in dowlada Federaalka ay ahmiyad gaar u aragto in meel lagu soo xiro kiiska CC Shakuur si loogu tiro ama looga tiro dacwada. Sidoo kale, waxaa isfahan’waa kusoo dhamaaday kulanka Kheyre iyo Yuusuf Indha cadde oo qorshihiisu ahaa in xal looga gaaro xiisada Siyaasadeed ee ka dhalatay weerarka CC Shakuur oo isagu lagu eedeeyay inuu yahay Qaran dumis. Dhinaca kale, waxaa lagu wadaa in Kheyre iyo Indha cadde ay wada qaatan kulan kale oo ay goobjoog ka ahaan doonaan Odayaal xul ah, si xal loogu raadiyo xiisada jirta. Caasimada Online Xafiiska Muqdisho Caasimada@live.com The post Indha cadde oo arrinta CC Shakuur usoo gaaray Muqdisho & Kulan aan leysku fahmin oo uu la qaatay RW Kheyre (Warbixin) appeared first on Caasimada Online.

The first decree issued by Muse Behi Abdi as president of Somaliland was appointment of his council of ministers. Composed of 23 full ministers and 9 deputies the President Muse Behi greatly contrasts that of his predecessors that is outgoing composed of 70 members among them full ministers, deputies and state ministers. Contrary to expectations the president Behi Cabinet did not include many individuals touted as being part and parcel either for their wavering support during election campaign or as clan kingpins. At the same time only four members were inherited from the Cabinet of ex-president Silanyo thence a relief to almost all citizens who were at throats end with the outgoing bunch over institutionalize during corruption and nepotism among many ills. While citizens welcome the small government formed, several of its members are viewed as lacking relevant skills necessary for the onerous task placed on their shoulders. Similarly the structure of government is raising eyebrows considering that president Behi had campaigned on a platform of enhancing economic growth thence local livelihoods. A case in point is the demotion of fisheries from a fully fledged ministry to a department within the ministry of livestock. This is tantamount to a perceived detouring from improving the much profitability both financially sector that could be one of the country’s major employer. Similarly the retention of water development as a stand alone ministry rather than inclusion in the minerals and energy is seen as following the footprints of Silanyo which were intent on creating posts for cronies. But most applauded is the fair distribution of posts among the various Somaliland clans with the formerly dominant Isaac clan losing a large segments of Cabinet posts to other clans in the country. Unquestionably it is obvious that we have a lean and equitably distributed Cabinet though perceived to include some few Un qualified members. Though most expected either a merit or reconciliation based Cabinet, after all is said and done, one would not fail to wonder on whether president Muse Behi Abdi really accomplished either. Hornnewspaper http://hornnewspaper.com/2017/12/19/editorial-the-president-behi-cabinet-merit-or-reconciliation-based-appointments/

Dagaal beeleed aad u qaraar oo khasaare baaxad leh geystay ayaa maanta ka dhacay xadka u dhaxeeya Gobolladda Sool,Mudug iyo Nugaal, waxaana warar madax banaan sheegayaan ugu yaraan 10 qof oo xoolo dhaqato ah inay ku dhinteen dirirta labo maleeshiyo beeleed oo walaalo ah. Colaadan oo salka ku haysa Aano qabiil oo muddo dheer ka dhexjirtey labo beelood oo kasoo kala jeeda Gobolladda Mudug iyo Sool ayaa sii xoogeysatey todobaadkii lasoo dhaafey ka dib markii la dilay tiro ka badan 10 qof oo labada dhinac kasoo kala jeeda. Dhulka dagaalku ka socdo ayaa lagu magacaabaa Gumburka Cagaarane, waxaana maanta lagu dilay ku dhawaad 11 qof oo kasoo kala jeeda beelaha diriraya. Ma jirto xal rasmiya oo wali laga gaarey colaada labada dhinac, waxaana marar badan fashilmay isku dayo lagu doonayay in lagu hakiyo colaada. Abshir Dhiirane PUNTLAND POST The post 11 qof oo ku dhintey dagaal beeleed ka dhacay xuduudka Sool iyo Mudug appeared first on Puntland Post.

Muqdisho (Caasimada Online)-Taliska ciidamada Mareykanka ee Africa ee loo yaqaan ‘’Africom’’, ayaa war kasoo saaray duqeyn cirka ah oo ay ku qaaden degaanka Beerxaani oo dhinaca Galbeed uga beegan Magaalada Kismaayo ee xarunta Gobolka Jubada Hoose. Deegaanka la duqeeyay ee lagu magacaabo Beerxaani ayaa 60km dhinaca Galbeed uga beegan Magaalada Kismaayo, waxaana halkaa ku sugnaa Horjoogayaal iyo maleeshiyaad kale oo ka tirsan al-Shabaab. Warbixinta Taliska ayaa waxaa lagu sheegay in weerarkaasi uu ahaa mid qorsheysan isla markaana laga gaaray dantii laga lahaa, sida lagu sheegay warbixinta. Taliska waxa uu sheegay in weerarkaas aan lagu waxyeeleyn qof shacab ah, waxaana ujeedka rasmiga ah lagu sheegay ka hortaga weeraro argagixiso oo laga qorsheynayay degaankaas iyo in dowlada Somalia iyo AMISOM ay kala shaqeeyaan amaanka. Warbixinta Taliska ayaa waxaa lagu xaqiijiyay in weerarkaasi lagu dilay 8 xubnood oo ka tirsan al-Shabaab, sidoo kalena ay ku burburiyeen Gaari dagaal. Warbixinta kasoo baxday Taliska Mareykanka ee Africom ayaa kusoo beegmaya xili saraakiisha Ciidamada dowladda ay sheegeen in duqeyntaasi lagu dilay Saraakiil ka tirsan al-Shabaab. Dhinaca kale, waxaan jirin wax war ah oo kasoo baxay al-Shabaab oo ku aadan Khasaaraha dowladda Mareykanka ay sheegtay in ay gaarsiisay maleeshiyadooda. Caasimada Online Xafiiska Muqdisho Caasimada@live.com The post Mareykanka oo warbixin kasoo saaray Tirada al-Shabaabka lagu dilay duqeynta Beerxaani & Gaadiidka laga gubay appeared first on Caasimada Online.

Muqdisho (Puntlandi) Xulka kubada cagta Jubbaland ayaa sannadkii labaad oo is xiga ku guulaystay inay Final ama kama dambeys gaaraan tartanka dowlad goboleedyada iyo gobolka Banaadir, kadib markii ay galabta kasoo guulaysteen kooxdii koonfur galbeed. Ciyaarta labadaan kooxood dhexmartay oo ahayd mid awood sheegasho ah, ayaa xulka Jubbaland waxay labo iyo eber ku garaaceen kooxda Koonfur galbeed oo sannadkaan naawilaysay inay meel sare ka gaarto tartanka. Markii ay dhammaatay Ciyaarta ayaa Ciyaartooyda Jubbaland iyo Taageereyaashooda waxaa ay bilaabeen Dabaaldagyo ku aadan Guusha Muhiimada leh ee ay galabta ka gaareen Kooxda Koonfur galbeed. Jubbaland ayaa maalinta jimcaha oo ay taariikhda ku beegan tahay 22 bisha december waxay kulanka kama dambeysta ah la ciyaaridoonaan kooxda kubada cagta ee Puntland oo koobkaan difaacanaysa, kooxdaas oo maalintii shalay soo garaacday kooxda Banaadir. Puntlandi.com

Muqdisho (Caasimada Online) – Siyaasiga C/raxmaan C/shakuur oo habeen hore ay xabsiga u taxaabeen Ciidamada Ammaanka Soomaaliya ayaa galabta lasoo taagay xarunta maxkamadda gobolka Banaadir ee Muqdisho. Keenista Cabdiraxmaan ee maxkamadda ayaa dhacday, ayada oo la eegayo sharciga dhigaya in muwaadin aan wax shuruud l’aan xabsi lagu hayn kairn, haddii aan maxkamad lasoo taagin. Waxaa inta badan maxkmaadda ku wehliyey qaar ka mid ah xildhibaanada beesha Habar-Gudir oo tagey iyo siyaasiyiin kale oo ka mid ah xubaha ay aadka isugu dhow yihiin. Guddoomiye Jawaari ayaa sidoo kale la sheegay iuu joogay maxkamadda. Warar aan ka helay maxkamadda ayaa sheegay in Cabdiramxaan Cabdishakuur uu diiday in dammaanad lagu sii daayo, isaga oo ku adkjeystay in toos loo soo daayo ama dambi lagu caddeeyo. Sidoo kale warar kale ayaa sheegaya in Xeer Ilaalinta ay dooneyso in muddo dheeraad ah loo siiyo baaritaanka, isla markaana maalmo xabsiga lagu sii haayo, si kiis rasmi ah loogu soo oogoo. Xeer ilaalinta ayaa codsata 5illaa 7 maalmood oo dheeri ah, waxaase la siiyye kaliya saddex maalmood, si aan xogta ku helnay. Xaalado siyaasadeed ayaa ka dhashay xariga C/raxmaan C/shakuur iyo weerarkii habeen hore lagu qaaday hoygiisa, waxaana magaalada Muqdisho ka jiray dareen amni iyo mid siyaasadeed oo aan kala joogsi laheyn. Caasimada Online Xafiiska Muqdisho Caasimada@live.com The post CC Shakuur oo maxkamad lasoo taagay galabta iyo hal arrin oo uu iska diiday appeared first on Caasimada Online.

Madaxweynaha Kenya Uhuru Kenyatta,ayaa Maanta magaalada Nairobi ku marti-qaaday madaxweynaha Uganda Yoweri Museveni oo booqasho rasmi ah ku yimid dalka kenya. Labada Hoggaamiye ee kulmay ayaa ka wada-hadlay qodobo ay kamid yihiin xiriirka laba-geesoodka ah ee Kenya iyo Uganda,arrimaha gobolka,dhaqaalaha iyo maalgeshiga. Sidoo kale waxay isla-gorfeeyeen arrimaha ku saabsan xasiloonida iyo nabadda Soomaaliya,iyagoo bogaadiyey hawlgalka Midowga Afrika ee AMISOM oo ay ku tilmaameen“mid kaalin weyn ka qaatay soo celinta amniga iyo xasiloonida Soomaliya”. Labada madaxweyne ayaa ugu baaqay dowladda Soomaaliya in ay mudnaanta siiso dhismaha ciidan qaran oo la wareega amniga dalkooda,markii ay baxaan Ciidamada Midowga Afrika ee AMISOM. Madaxweynaha Uganda Yoweri Museveni ayaa goobta kaga dhawaaqay in uu shir-guddoomin doono kulan ay isugu imaanayaan taliyaasha Ciidamada dalalka ay ku midaysan yiihiin AMISOM,kaasoo looga arrinsanayo horumarka laga sameeyey dagaalka Al-shabaab. PUNTLAND POST Cabdiraxmaan Ciise Cumar The post Madaxweynayaasha Kenya iyo Uganda oo baaq wadajir ah u diray Dowladda Soomaaliya. appeared first on Puntland Post.

https://youtu.be/Ch770gKoi1M

Cabdiraxmaan Cabdishakuur waa la xiri karaa, waa la maxkamadeyn karaa, waana la xukumi karaa oo waa muwaadin Soomaali ah, mana jiro qof sharciga ka weyn. Cabdiraxmaan looma xiri karo amar Dowladd shisheeye ka yimid oo waxaa ay taasi sharaf dhac ku tahay qayimka Soomaalidda, TV-ga Al-Jazeera ee Qatar wuxuu yiri Somalia waxey qabatay siyaasi xiriir laleh Emirate-ka wuxuuna ku tilmaamay guul, marka hadii xariga Cabdiraxmaan uu Qatar guul u yahay waa qiyaano laga galay ummadda Soomaaliyeed. Cabdiraxmaan 1:00 habeenimo in gurigiisa loo daato ,askartiisiina la laayo xaq uma lahan muwaadin ahaan, sidoo kale qaanuunka Somalia u dagsan waa kasoo horjeedaa in xiligaas qof muwaadin ah gurigiisa la galo, maalin cad ayaa loo tagi karay oo loo geyn karay hadii ay jirtay warqad lagu soo xiraayo ,sidoo kale in gurigiisii la baarto oo wixii yaalay la qaato waa gaf kale. C/raxmaan waxaa igu maqaalo ah inuu diiday cuntadii Dowladdu u keentay sidaa darteed loo keenay cunto ay ehelkiisa iyo dad uu ku kalsoon yahay ay u keeneen. Su’aalo weydiintiisa waxaa xaq uleh sirdoonka Somalia, warar ayaa sheegaya in sirdoon Qatar u dhashay loo geeyay oo ay wareysteen taasina waa niyad jab hadii ay dhacday, inkastoo Villa Somalia oo aan la hadlay ay arintaas beenisay. Kulankii Ra’iisul wasaaraha iyo xildhibaanadda Hawiye ee loo fadhiyay xalay ilaa saakay waxaa lagu go’aamiyay in arinta C/raxmaan loo dhaafo Ra’iisul wasaare Kheyre, xildhibaan Dhagey Geele iyo xildhibaan C/laahi Goodax Bare. C/raxmaan Cabdishakuur oo Soomaali British ah waxaa igu maqaalo ah in ragii duulanka ku qaaday gurigiisa iyo naftiisa iney hadda diyaarinayan Documents been abuur ah oo ay rabaan iney sabab uga dhigaan xarigiisa, inkastoo ay dadku ka dharagsan yihiin in lagu heysto afkaartiisa oo kulul. Yuusuf Indhacade oo ay qaraabo yihiin C/raxmaan Cabdishakuur ayaa saakay tagay Muqdisho isagoo kasoo dhoofay Kampala markii uu casuumay madaxweyne Farmaajo, lagama garanaayo waxa uu doorkiisu noqon doono laakiin waxaa loogu yeeray arintaan taagan. Dowladda Somalia oo dareemeysa iney culees badan iyo fadeexad kala kulantay arintaan ayaa ka codsatay waaxda garsoorka in la dadajiyo kiiska C/raxmaan Cabdishakuur. Waxaa Qoray: Cabdulaahi Cismaan Faarax raafac22@gmail.com The post Cabdiraxmaan Cabdishakuur waa la xiri karaa laakiin rabitaan shisheeye in lagu xiro Somalia waa ku ceeb appeared first on Caasimada Online.

Riyadh (Caasimadda Online) – Isbeheysiga uu Sacuudiga hoggaaminayo ee dagaalka kula jiro Xuutiyiinta Yaman ayaa sheegay in ay qabteen gantaal caan ka sameysan oo ku sii jeeday magaalada Riyaadh, sida uu baahiyay TV-ga dowladda Sacuudiga. Telefishinka Sacuudiga ayaa sheegay in Gantaalkan lagu bur buriyay hawada, intii uu ku soo socday magaalada Riyadh. Goob joogayaal ayaa sheegaya in qiiq iyo uuro cirka laga arkayay, markii gantaalka hawada lagu bur buriyay. Mucaaradka Xuutiyiinta ayaa TV-gooda Al-Masirah ka sheegay in gantaalka loo garanayo Burkan-2 ay u rideen dhanka qasriga Yamama. Bishii la soo dhaafay, gantaal kaa la mid ah ayaa ku dhowaaday garoonka diyaaradaha ee Riyadh. Xulafada uu hoggaaminayo Sacuudiga ayaa wali wada dagaalka ka dhan ah Kooxaha Xuutiyiinta ee maamula magaalada Sanca iyo qeybo ka mid ah dalka Yemen. Iraan ayaa beenisay in ay hubeysan dhaqdhaqaaqa Xuutiyiinta oo dagaal kula jira isbeheysiga Sacuudiga iyo dowladda Yaman tan iyo 2015-kii. Caasimada Online Xafiiska Muqdisho Caasimada@live.com The post Sacuudiga oo hawada ku burburiyey Gantaal Xuutiyiinta Yemen ku soo rideen Riyadh appeared first on Caasimada Online.

Dowladda Kenya ayaa shalay ka jawaabtay kiiska dacwad badeedka ay Soomaaliya hor-dhigtay maxkamadda cadliga adduunka ee Hague, Netherlands. Dacwada ayaa ku saabsan in la xadeeyo badda u dhaxeysa Soomaaliya iyo Kenya ee badweynta Hindiya, iyada oo la oogay 28 August 2014. Kiiskan, Soomaaliya waxaa ay rabtaa in xadka noqdo “equidistant line” oo masaafo simman loo jirsado. Sida ay Kenya ku doodeyso in xadka badda ee Soomaaliya kala dhaxeeya uu yahay qaab u sameysay (along a parallel of latitude) ama khad balac ah taas oo leeyihiin waxaa ay ku soo baxday Dekereeto madaxweyne markii ugu horeysay 1979 iyo mar kale 2005. Kenya waxaa ay sheegtay in uu muranka bilowday markii Kenya ka codsatay Qaramada Midoobey xaqeeda Continental Shelf 2009-kii, ee ka baxsan biyaha 200 Mayl. Soomaaliya ayaa dacwada badda bilowday 2014-kii, iyada oo dacwada hadda gaartay maxkamadda cadliga adduunka Kenya waxaa ay ku doodeysaa in dhul badeedka lagu muran-san yahay ay ka sameyn karto roondo, kaluumeysi, cilmi-baaris la xiriirta badda iyo in ay ka qodi karto nafto iyo gaas. ” Iyada oo Kenya xushmeyneysa kaalinta muhiimka ah ee maxkamadda cadliga adduunka ee xalinta murannada iyo horumarinta nabadda hadana Kenya waxaa ay rumeysan tahay in uu yahay xalka keliya ee muranka u dhaxeeya Soomaaliya iyo Kenya”Sidaasi waxaa yiri Githu Muigai Muigai waxaa uu intaasi ku daray in ay Kenya sii wadi-doonto taageerada ay siiyo Soomaaliya balse ay Kenya xuduudaheeda ka difaaci-doonto wax walbo oo dhib ah. Maxaa La Isku Heystaa? Dalka Kenya ayaa ku doodaya lahaanshiyaha dhul badeed lagu qiyaasay ilaa 100,000km2 oo ku dhaw berriga Soomaaliya, halka Soomaliyana ay isla dhulkaas sheeganeyso in ay biyaheeda ka mid yihiin. Dhulkan la isku heysto ayaa la sheegay in ay ku jiraan Gaas iyo Saliid, dowladda Kenya ayaa dhulkaas heshiis kula gashay shirkado shisheeye in ay ka baaraan shidaal, ilaa 44 jeer ayaa Gaas iyo Saliid laga baaray goobtaas lagu murnasan yahay, shirkadaha baaritaanka ka sameeyay ee Kenya ay heshiiska la gashay waxaa ka mid ah Total, Eni iyo PanContinental. . Soomaaliya ayaa ka carrootay heshiisyada dalka Kenya iyo shirkadaha shidaalka la gashay ee baddeena lagu baaryo, waxaa ay dacwad u gudbisay Maxkamadda Cadliga Aduunka, labada dal ayaa isla gartay in koox weliba ay dacwadeeda hordhigto qareennada maxkamadda cadliga adduunka. Soomaaliya ujeedadeeda waa in la xadeeyo badda iyo dhulka ku dhaw halka Kenya ay dooneyso in sameeyo xariiqin badda ah. Goobjoog News Source

Guddoomiyaha hey’adda cilmi -baarista badaha Soomaaliyeed Admiral Gaas Faarax Axmed Qare ayaa sheegay in Soomaaliya ay ku guuleysan-doonto muran badeedka u dhaxeeya Soomaaliya iyo Kenya. Faarax ayaa tilmaamay in dowladda Kenya markey gudbisay jawaabtii laga sugayey December 17 ka dib ay tahay inay guuleysan doonto dowladda Soomaaliya . “Dacwadii waa ay socotaa go’aanka dacwada waxaa uu ahaa Kenya inay keento Disember jawaabtii ay ka bixineysay dacwadii Soomaaliya ay u gudbisay maxkamadda iyada ayaa laga sugaa waxay ku jawaabto dacawada waxaan rajeyneynaa inaan ku guuleysanno maxaa yeelay xaqbaan leenahay”. Dhanka kale Admiral Gaas Faarax Axmed Cumar Qare waxaa uu sheegay in maamul goboleedyada dalka aysan wax awood ah aysan u laheyn inay bixiyaan shatiyada kalluumeysi ee la siiyo hay’adaha ajaanibta ah. “Shatiga kalluumeysiga ah ee la siiyo ajanabiga dowladda dhexe kaliya ayaa bixin karto “. Hadalkaani ayuu ka sheegay Admiral Gaas Faarax Qare kulan looga hadlayey sidii looga faa’ideysan lahaa qeyraadka ku jira biyaha Soomaaliya gaar ahaan xeebaha waxaana kulankaani ka qeyb galay dad aqoon u leh sida looga faa’ideysto qeyraadka ku jira badda. Source