Muqdisho (Caasimada Online)-Taliska Hay’adda Booliska Soomaaliyeed, gaar ahaan Saraakiisha iyo ciidamada sida gaarka ah u tababaran ee baara Qaraxyada ayaa wada baaritaanka weerarkii ismiidaaminta ahaa ee shalay ka dhacay Hoteel Wehliye ee magaalada Muqdisho. Saraakiil u hadashay Taliska qeybta baarista ayaa sheegay in baaritaanka ay ka qeybqaadanayaan Saraakiil Cadaan ah. Saraakiisha ayaa sheegtay in baaritaanka socda uu qaadan doono maalmo kooban, waxa ayna tilmaameen in Qaraxa uu ahaa mid aad u tan culus. Ciidamada Booliska ayaa shalay gelinkii dambe la arkayay iyaga oo tagay goobtii uu qaraxa ka dhacay, kadibna calaamadeeyay agagaarka goobta uu qaraxa ka dhacay iyo in ay qaateen aaladaha yar yar ee biraha ah halkaasi yaallay, kana dhashay qaraxa. Sidoo kale saraakiisha khubarada ah ee baaritaankan horkacayay ayaa la arkayay iyaga oo su’aalo ka weydiinaya arrintan shacabkii halkaasi ku sugnaa iyo Ciidamadii halkaasi ka akdhowaa. Dhinaca kale, Baaritaankaan oo ah mid caalami ah oo la mid ah midka aduunka lagu baaro Qaraxyada noocaan oo kale ah, ayaa Booliska wuxuu weli ku guda jiraa cadeynta sida ay wax ku dhaceen. Caasimada Online Xafiiska Muqdisho Caasimada@live.com

Muqdisho (Caasimada Online)-Ra’isul wasaaraha Xukuumadda Federaalka Soomaaliya Xasan Cali Khayrre ayaa ka tacsiyeynaya dadkii ku geeriyooday qaraxi ka dhacay afaafka hore ee Hotel Wehliye. Ra’isul wasaaraha ayaa yiri “Aniga oo ku hadlaya magaceyga iyo kan Xukuumadda Federaalka Soomaaliya waxaan ka tacsiyeynayaa dadkii qiimaha badnaa ee nooga baxay qaraxii ka dhacay afaafka hore Hotel Wehliye ee Muqdisho” Ra’isul wasaaraha ayaa intaa ku daray “Cadowga aan la dagaallameyno waa mid caaddeystay gumaadka shacabka, waana mid adeegsanaya xeelado kala duwan oo ay ka mid tahay midda maanta dhacday.” Ra’isul wasaaraha ayaa u rajeeyay shacabkii ku dhaawacmay qaraxan in uu Alle bogsiiyo, waxuuna sheegay in ay dowladdu si dhaw ula soconayso xaaladda bukaannada dhaawacoodu daranyahay. Caasimada Online Xafiiska Muqdisho Caasimada@live.com

Muqdisho (PP) ─ Ra’iisul Wasaaraha Xukuumadda Federaalka Soomaaliya Mudane Xasan Cali Khayre ayaa ka tacsiyeynaya geerida dadkii shacabka ahaa ee maanta ku naf waayay qarax loo adeegsaday Gaari oo ka dhacay afaafka hore Hotel Wehliye ee Muqdisho. Qaraxan ayaa sabahay dhimashada 15-qof oo u badan shacab, kuwaasoo ku sugnaa halka uu qaraxu ka dhacay, iyadoo ay ku dhaawacmeen tiro intaas ka badan, ayna mas’uuliyaddiisa sheegatay kooxda Al-shabaab. “Aniga oo ku hadlaya magaceyga iyo kan Xukuumadda Federaalka Soomaaliya waxaan ka tacsiyeynayaa dadkii qiimaha badnaa ee maanta nooga baxay qaraxii ka dhacay afaafka hore Hotel Wehliye ee Jidka Maka Al-Mukarama. “Caddowga aan la dagaallameyno waa mid caadeystay gumaadka shacabka, waana mid adeegsanaya xeelado kala duwan oo ay kamid tahay midda maanta dhacday.” Ayuu yiri Ra’iisul Wasaare Khayre. Ra’iisul Wasaaraha Soomaaliya ayaa faray laamaha amniga ee arrintan khuseyso in ay warbixin deg-deg ah ka keenaan sida walxaha qarxa ay kusoo dhaafeen baraha baarista. Isla xisaabtan dhab ahna waa inuu jiraa. Ugu dambeyn, Ra’iisul Wasaaraha ayaa u rajeeyay shacabkii ku dhaawacmay qaraxan in uu Alle deg-deg u bogsiiyo, waxuuna sheegay in ay dowladdu si dhaw ula soconayso xaaladda bukaannada dhaawacoodu daran yahay. PUNTLAND POST The post Ra’iisul Wasaare Khayre oo laamaha amniga faray inay warbixin ka keenaan qaraxii shalay appeared first on Puntland Post.

Allaha unaxariistee waxaa xalay Magaalada Garoowe ee Caasimada Dowladda Puntland ku geeriyooday Garyaqaankii guud ee Puntland Maxamed Muuse Ismaaciil. Garyaqaan Maxamed ayaa mudooyinkii udambeeyay ku xanuunsanaa Isbitaalka Guud ee Magaalada Garoowe halkaas oo xaladiisa Caafimaad lagula tacaalayay. Geerida Garyaan Maxamed Muse ayaa waxaa ka tacsiyeeyay oo aad uga naxay dadbadan oo isgu jira Siyaasiyiin , Aqoonyahano , Xildhibaano iyo Xubno katirsan golaha wasiirada ee Puntland . Garyaqaanka ayaa ahaa shaqsi habdhaqan iyo dabeecad wanagasan lahaa. Dhamaan bahda Warbaahinta Puntlandi.com waxa ay sidiikale dhankooda ay Tacsi udirayaan Ehelada iyo qoyska uu ka geeriyooday Marxuum Garyaqaan Maxamed Muuse Ismaciil . Inaalilaahi wainaa ileehi Raajicoon kula Nafsin daaiqatul mowt.

Waxaa la sheegaa in oraahda kor ku xusan tahay maahmaah ama hadal-qabsi caan ka ah dhulka Soomalidu degto gaar ahaan degmada Berbera ee gobolka Saaxil, Somaliland. Source: Hiiraan Online

Mandheere (Caasimada Online)- Ciidamada Kenya oo wata gaadiidka dagaalka, ayaa saaka lagu arkay xuduuda Soomaaliya ay kala wadaagto dhanka magaalada Balad Xaawo, ee gobolka Gedo. Qaar kamid ah shacabka Balada Xaawo oo la hadlay Warsidaha Garowe Online ayaa sheegay in derbiga dib loo billaabey dhisamaha derbiga, kaasi oo Kenya ay marsiinayso gudaha degmadaasi, iyadoo arintaasina ay ka dhalatay xiisad colaadeed. Horaantii sanadkan ayaa shacabka iyo maamulka degmada Balad Xaawo kahor tagey dhisamaha derbiga ee laga dhisayo gudaga magaalada, waxaana dhacay iska hor-imaad dhex maray shacab carasan iyo Ciidamada Kenya. Kulan ay dhawaan yeesheen mas’uuliyiinyta maamulka degmada Balad Xaawo iyo kan Mandheera ayaa fashilmay iyadoo la xiray xuduuda ay labadaasi magaalo wadaagaan oo isaga kala gudbi jiray ganacsiga iyo waxbarashada. Dowladda Kenya ayaa horey u sheegtay inay derbi dheer oo 700KM gaaraya ay ka dhisayso xuduuda Soomaaliya kala wadaagto dhanka gobolka Waqooyiga bari, si ay uga hortagto weerarada Al Shabaab, islamarkaana ku ilaaliso amaankeeda. Mas’uuliyiin iyo Wasiirro katirsana dowladda Federaalka Soomaaliya iyo maamulka Jubbaland ayaa dhowr jeer oo hore booqday goobta laga dhisayo derbiga, kuwaasi oo shacabka warbixin ka siinin wali waxyaabihii ay kusoo arkeen xuduuda.

Shir ku saabsan wada-tashiga xaaladaha xuquuqda Insaanka Puntland oo ay iska-kaashanayan Dalladda Daneeyaasha aan dowliga ahayn ee PUNSAA iyo Xafiiska Difaacaha Xuquuqda Aadanaha dowladda Puntland ayaa maanta ka furmay magaalada Garoowe. Shirkaan oo mudda laba maalmood ah soconaya ayaa looga hadlayaa kor u qaadista wada-shaqeynta ka dhexaysa Dalladda ay ku midaysanyihiin bulshada rayidka ah ee PUNSAA iyo Xafiiska Difaacaha Xuquuqda Aadanaha Puntland,gaar ahaanna sidii Xafiisku ula wadaagi lahaa bulshada rayid ah warbixinaha la xiriira heerka xuquuda Insaanka ee degaannada Puntland. Guddoomiyaha Dalladda ay ku midaysan yihiin Daneeyaasha aan dowliga ahayn ee PUNSAA,Faysal Axmed Warsame(Faysal Qaran) oo ka hadlay furitaanka shirkaan, ayaa sheegay in dalladda ay ka go’antahay in ay Xafiiska Difaaca kala shaqeyso u qareemidda arrimaha Xuquuqda Insaanka,si loo helo xogta rasmiga ah ee heerka Xuquuqda Aadanaha ee ka jira guud ahaan degaannada Puntland. Dhinaca kale Maxammed Yuusuf Cali,Guddoomiyaha Xafiiska Difaacaha Xuquuqda Aadanaha dowladda Puntland,ayaa shirka ka sheegay in ay diyaar u yihiin la-wadaagista bulshada rayidka ah,Xogta iyo warbixinaha ku saabsan heerka xuquuqda Insaanka,gaar ahaanna xaaladda ka jirta xabsiyada ku yaalla guud ahaan degaannada Puntland. Ciid Qaran PUNTLAND POST The post Dalladda PUNSAA oo qabatay shir ku saabsan arrimaha xuquuqul insaanka Puntland appeared first on Puntland Post.

The number of people killed in Thrusday's devastating bombing in the Somali capital Mogadishu has risen to 17, according to the government. Source: Hiiraan Online

Muqdisho (Caasimada Online)-Qarax loo adeegsaday Gaari laga soo buuxiyey waxyaabaha Qarxa, ayaa goor-dhaw ka dhacay afafka hore Hotel Wehliye oo ku yaala nawaaxiga Isgoyska dabka ee magaalada Muqdisho. Gaari uu kaxeynayay nin isa soo miidaamiyay ayaa beegsaday Maqaaxi lagu shaaxeeyo oo galabtii si aad ah loo soo camiro, sidoo kale waxaa halkaasi ku yaalla goobo ganacsi sida Dukaaman, goob Timaha lagu jarto iyo waliba Bakhaaro. Gaariga qarxay oo nuuciisa lagu sheegay kuwa raaxada ee loo yaqaan ‘’Safur’’ ayaa waxyeelo gaarsiiyay dad shacab ah oo halkaasi galbihii u taga sheeko iyo Shaax, balse galabta ay halkaasi ay dhibaato ku qabsatay. Khasaaraha dhimasho oo markii hore ahaa ilaa 14, ayaa hadda gaaray ilaa 18 oo ay ku kordheen dad ku dhintay Isbitaalada. Dhaawaca ayaa kor u dhaafaya ilaa Lix iyo tobon waxaana lasoo sheegayaa inay ku jiraan kuwo oogadooda uu dab qabsaday.

Sagaalkii bishii Febraayo ayey ahayd markii waaxda la socodka lacagaha ee dalka Mareykanka ay xayiraad ku soo rogeen ganacsato Soomaaliyeed oo ka soo jeeda Puntland, kuwaasi oo dowladda Mareykanka ku sheegeen in ay taageero siiyaan maleeshiyada Daacish. Ganasatadaasi waxaa ka mid ahaa milkiilaha shirkadda Al-Mutafaq Maxamad Mire oo ku magac dheer Soodareeri. Hadabada waxaa magaaladda Bosaso lagu qabtay kulan looga soo horjeedo eedeemaha lagu soo oogay ganacsatada, waxaana ka soo qeyb galay maamulka gobolka Bari, waxgarad, Nabadoono, Siyaasiyiin, Dhalinyaro iyo Aqoonyahano. Yuusuf Maxamad Waceys Dhedo Gudoomiyaha Gobolka bari oo ugu horeyn kulanka ka hadlay ayaa sheegay in aysan jirin sabab muwaadin Soomaaliyeed oo dambi lahayn loogu tilmaamo in uu xiriir la leeyahay koox Argagixiso ah , waxa uu sheegay Gudoomiye dhado in dowladda Puntland kaalintii kaga aadanayd ay ka qabatay arintan qoraalna ay ugudbiyeen waaxda lasocdka lacagaha ee dalka Maraykanka oo eedeantaasi soo jeedisay . Siyaasiyiintii mkulankan ka soo qayb gashay iyo ganacasatada Gobolka bari ayaa si iskumid ah arintan uga soo horjeestay waxayna ay sheegeen in hadalka ka soobaxay Maraykanka uu gaf kuyahay ganacsatada Puntland iyo Soomaaliyaba . Halkan ka dhagayso Codadka Mas,uuliyiinta ka hadashay kulankan . Gudoomiyaha iyo Ganacsatada Sawirro.

At least 14 people have been killed and several others were injured when a car bomb detornated in Somali capital, Mogadishu, official confirmed Source: Hiiraan Online

At least 14 people have been killed and several others were injured when a car bomb detornated in Somali capital, Mogadishu, official confirmed Source: Hiiraan Online

Shirka Khamiis laha ee Goloha Wasiiradda Soomaaliya ayaa maanta looga hadlay Dib-u-eegista hannaanka Cadaaladeed ee Soomaaliya, Dhaqaalaha, Amnigga, Ansixinta heshiisyada Soomaaliya iyo Turki iyo Doorashooyinka 2020-ka, iyadoo warbixino kalena laga dhagaystay qaar ka mid Goloha Wasiiradda. Waxaana kulanka shir-guddoominayay Ra’iisul Wasaaraha Xukuumadda Federaalka Soomaaliya Mudane Xasan Cali Khayre. Ra’iisul Wasaare ku-xigeenka Soomaaliya Mahdi Maxamed Guuleed (Khader), ayaa ka warbixiyay shir caalamiya oo uu kaga qayb-galay dalka Hindiya kaas oo loogu magacdaray International Solar Allaince. Waxuuna sheegay in uu kulan wada yeesheen Ra’iisul Wasaaraha dalka Hindiya Narendra Modi, waxayna labada mas’uul ka wada hadlayn sidii la iskaga kaashan lahaa dhinacyada arrimaha bini’aadanimadda, gaar ahaan Caafimaadka iyo Waxbarashada. “Madaxda Hindiya waxaan ka wada hadalnay hannaanka isku socodka ee labada dawladooda iyo xaalada qaxootiga Soomaaliyeed ee jooga Hindiya, waxayna balan-qaadeen in ay ka shaqayn doonaan is-dhexgalka labada bulsho, si loo hagaajiyo loona fududeyo hannaanka isku socodka ee labada dawladood” Ayuu yiri Mudane Mahdi. Wasiirka Amniga Gudaha Soomaaliya Maxamed Abuukar Islaw (Ducaale), oo golaha warbixin ka siiyay ammaanka dalka ayaa tilmaamay in ciidanka xoogga dalka oo kaashanaya ciidamadda nabbad illaalinta u jooga Soomaaliya ee AMISOM ay deegaanno badan kala wareegeen kooxda nabadiidka ah ee Al-shabaab. Taasina ay tahay guul ay gaartay Xukuumadda Soomaaliya. Wasiirka Wasaaradda Gaashaandhigga Maxamed Mursal Sh. C/raxmaan ayaa cadeeyay in ay meel wanaagsan marayso tirakoobka iyo Tayeynta ciidamadda Qalabka sida. Isagoona ka hadlay ciidamo loo soo xiray tababar kuwaas oo uu sheegay in ay ka qeyb qaadanayaan dadaaladda dalka looga xoreynayo kooxda argagaxisada iyo cadowga ummadda Soomaaliyeed. “ Waxaan billownay barnaamij quudin ah oo loo samaynayo ciidamadda dalka, taas oo ah in cuntada ay cunaan ciidanka looga sameeyo dalagyadda kabaxa dalkeena. Si looga maarmo Raashinka dibadda looga keenayo ciidaka oo qarash badan kaga baxa dawladda, faa’iido badana aysan ku haysan Ciidanku”. Ayuu yiri Wasiiirka Gaashaandhigga Soomaaliya. Wasiirka Wasaaradda Maaliyadda Dr. Cabdiraxmaan Ducaale Beyle, ayaa ka hadlay halka ay marayso dar-dargalinta Koboca dhaqaalaha heer-kiisa 2-aad ee (SMP2). Waxuuna wasiirku sheegay in dakhligga seddexda billood ee ugu horeysay oo Beesha Caalamka ay Soomaaliya ka sugeysay kaas oo dhan $41 Million( Afartan iyo Kow Milyan), in hadda lasoo xareeyay $32 Milion (Soddon iyo Lobo Miliyan), iyada oo wali bishii seddaxaad ay socoto. Waxuuna sidoo kale sheegay in bixinta mushaaraadka shaqaalaha iyo ciidanka dawladda ay si habsami leh ku socoto. Ugu dambayntii Shirka Golaha Wasiiradda ayaa intii uu socday waxaa lagu Ansixiyay 14-Heshiis oo dawladaha Soomaaliya iyo Turkiga ay kala saxiixdeen intii u dhaxeysay 2013 ilaa 2018 kuwaas oo kala ahaa, Heshiiska Ganacsigga iyo iskaashigga Dhaqaalaha. Heshiiska iskaashigga Gaadiidka Badda. Heshiiska Iskaashigga Maal-gashigga. Heshiiska Iskaashiga Isbitaalka Erdogan. Heshiiska Iskaashiga Biyaha. Heshiiska Iskaashiga Canshuuraha. Heshiiska Iskaashiga Tamarta. Heshiiska Iskaashiga Caafimaadka Bulshada. Is-af-garadka Waxbarashada Sare. Is-af-garadka waxsoosaarka Beeraha. Is-af-garadka Kaluumeysiga. Is-af-garadaka Caafimaadka Xoolaha .Is-af-garadka Guud ee abuuridda Guddiga iskaashigga Dhaqaalaha.Isfahamka Is-afgaradka ee dhaqanka. —— DHAMAAD———

Muqdisho (Caasimada Online)-Shirka Khamiis laha ee Goloha Wasiiradda Soomaaliya ayaa maanta looga hadlay Dib-u-eegista hannaanka Cadaaladeed ee Soomaaliya, Dhaqaalaha, Amnigga, Ansixinta heshiisyada Soomaaliya iyo Turki iyo Doorashooyinka 2020-ka, iyadoo warbixino kalena laga dhagaystay qaar ka mid Goloha Wasiiradda. Waxaana kulanka shir-guddoominayay Ra’iisul Wasaaraha Xukuumadda Federaalka Soomaaliya Mudane Xasan Cali Khayre. Ra’iisul Wasaare ku-xigeenka Soomaaliya Mahdi Maxamed Guuleed (Khader), ayaa ka warbixiyay shir caalamiya oo uu kaga qayb-galay dalka Hindiya kaas oo loogu magacdaray International Solar Allaince. Waxuuna sheegay in uu kulan wada yeesheen Ra’iisul Wasaaraha dalka Hindiya Narendra Modi, waxayna labada mas’uul ka wada hadlayn sidii la iskaga kaashan lahaa dhinacyada arrimaha bini’aadanimadda, gaar ahaan Caafimaadka iyo Waxbarashada. “Madaxda Hindiya waxaan ka wada hadalnay hannaanka isku socodka ee labada dawladooda iyo xaalada qaxootiga Soomaaliyeed ee jooga Hindiya, waxayna balan-qaadeen in ay ka shaqayn doonaan is-dhexgalka labada bulsho, si loo hagaajiyo loona fududeyo hannaanka isku socodka ee labada dawladood” Ayuu yiri Mudane Mahdi. Wasiirka Amniga Gudaha Soomaaliya Maxamed Abuukar Islaw (Ducaale), oo golaha warbixin ka siiyay ammaanka dalka ayaa tilmaamay in ciidanka xoogga dalka oo kaashanaya ciidamadda nabbad illaalinta u jooga Soomaaliya ee AMISOM ay deegaanno badan kala wareegeen kooxda nabadiidka ah ee Al-shabaab. Taasina ay tahay guul ay gaartay Xukuumadda Soomaaliya. Wasiirka Wasaaradda Gaashaandhigga Maxamed Mursal Sh. C/raxmaan ayaa cadeeyay in ay meel wanaagsan marayso tirakoobka iyo Tayeynta ciidamadda Qalabka sida. Isagoona ka hadlay ciidamo loo soo xiray tababar kuwaas oo uu sheegay in ay ka qeyb qaadanayaan dadaaladda dalka looga xoreynayo kooxda argagaxisada iyo cadowga ummadda Soomaaliyeed. “ Waxaan billownay barnaamij quudin ah oo loo samaynayo ciidamadda dalka, taas oo ah in cuntada ay cunaan ciidanka looga sameeyo dalagyadda kabaxa dalkeena. Si looga maarmo Raashinka dibadda looga keenayo ciidaka oo qarash badan kaga baxa dawladda, faa’iido badana aysan ku haysan Ciidanku”. Ayuu yiri Wasiiirka Gaashaandhigga Soomaaliya. Wasiirka Wasaaradda Maaliyadda Dr. Cabdiraxmaan Ducaale Beyle, ayaa ka hadlay halka ay marayso dar-dargalinta Koboca dhaqaalaha heer-kiisa 2-aad ee (SMP2). Waxuuna wasiirku sheegay in dakhligga seddexda billood ee ugu horeysay oo Beesha Caalamka ay Soomaaliya ka sugeysay kaas oo dhan $41 Million( Afartan iyo Kow Milyan), in hadda lasoo xareeyay $32 Milion (Soddon iyo Lobo Miliyan), iyada oo wali bishii seddaxaad ay socoto. Waxuuna sidoo kale sheegay in bixinta mushaaraadka shaqaalaha iyo ciidanka dawladda ay si habsami leh ku socoto. Ugu dambayntii Shirka Golaha Wasiiradda ayaa intii uu socday waxaa lagu Ansixiyay 14-Heshiis oo dawladaha Soomaaliya iyo Turkiga ay kala saxiixdeen intii u dhaxeysay 2013 ilaa 2018 kuwaas oo kala ahaa, Heshiiska Ganacsigga iyo iskaashigga Dhaqaalaha. Heshiiska iskaashigga Gaadiidka Badda. Heshiiska Iskaashigga Maal-gashigga. Heshiiska Iskaashiga Isbitaalka Erdogan. Heshiiska Iskaashiga Biyaha. Heshiiska Iskaashiga Canshuuraha. Heshiiska Iskaashiga Tamarta. Heshiiska Iskaashiga Caafimaadka Bulshada. Is-af-garadka Waxbarashada Sare. Is-af-garadka waxsoosaarka Beeraha. Is-af-garadka Kaluumeysiga. Is-af-garadaka Caafimaadka Xoolaha .Is-af-garadka Guud ee abuuridda Guddiga iskaashigga Dhaqaalaha.Isfahamka Is-afgaradka ee dhaqanka.

Dowladada Soomaaliya ayaa ka hadashay Qaraxii maanta ka dhacay Magaalada Muqdisho gaar ahaan Hotel Weheliye. Afhayeenka Wasaarada Amniga Soomaaliya C/casiis Xildhibaan oo Warbaahinta kula hadlay Goobtii uu Qaraxa ka dhacay ayaa sheegay in Qaraxan ay ku dhinteen 14 oo shacab ah , waxa uu sheegay in ay fuliyeen Argagixisada Al-shabaab . Halkan ka dawo .

Kooxda Al-Shabaab ayaa sheegatay Masuuliyada weerarkii Galabta ka dhacay Magaalada Muqdisho ee caasimada Soomaaliya. War ay baahisay Warbaahinta Al-Shabaab ee la yiraahdo Andulus ayaa lagu sheegay in iyaga qaraxaasi ay ka dambeeyeen. Al-Shabaab waxaa kale oo ay sheegeen in qaraxaasi ay ku dileen saraakiil katirsan dowlada Soomaaliya. Al-Shabaab ayaa sheegay in 10-Askari oo katirsan ciidamada dowlada ay qaraxaasi ku dhinteen. Galabta ayaa magaalada Muqdisho ee caasimada Soomaaliya waxaa ka dhacay qarax qasaare geeystay qaraxaasi oo ay ku dhinteen Dad ku dhow 20 oo u badan dad shacab ahaa. Al-Shabaab ayaa qaraxyo kala duwan ka geeysta magaalada Muqdisho ee caasimada Soomaaliya. Xasan Maxamed Samatar Cowke Puntland Post Muqdisho The post Al-Shabaab oo sheegtay Masuuliyada Qaraxii Galabta ka dhacay Muqdisho appeared first on Puntland Post.

Bosaso[Puntland Post]- Magaaladda Bosaso Waxaa lagu qabtay kulan looga soo horjeedo eedeemaha lagu soo oogay ganacsatade reer Puntland Ah, waxaana ka soo qeyb galay maamulka gobolka Bari, waxgarad, nabadoono, siyaasiyiin, dhalinyaro iyo aqoonyahano. Yuusuf Maxamad Waceys Dhedo Gudoomiyaha Gobolka Bari oo ugu horeyn kulanka ka hadlay ayaa sheegay in aysan jirin sabab muwaadin Soomaaliyeed oo dambi lahayn lagu tilmaamo waxa uusan ahayn,. isla markaana ka maamul ahaan caddenayaan in ganacsatadaasi aysan lahayn dambigaasi. “Markaan wax badan baarnay, waxaan oganaay in ganacsatadaasi aysan lahayn dambi, waana difaaci doonaa ciddii aan dambiga lahayn oo qaab siyaasad kale ah loogu soo oogay dambi aysan lahayn ” ayuu yiri gudoomiyaha gobolka Bari Yuusuf Maxamad Waceys Dhedo Siyaasi Khadar Xaaji Mire oo isna ka hadlay kulanka ayaa sheegay in lagu soo duulay ganacsatadii gobolka Bari, isla markaana aysan u dul qaadan doonin. Sidoo Kale Qaar Kamid ah Nabadoonada iyo Waxgaradka Gobolka Bari ayaa Wax laga xumaado ku tilmaamay Go’aanka ay Kooxda La socodka Cunaqabateynta ee saaran soomaaliya iyo Eritrea, Ku eedeeyeen Ganacsatadan Soomaaliyeed. Sagaalkii bishii Febraayo ayey ahayd markii waaxda la socodka lacagaha ee dalka Mareykanka ay xayiraad ku soo rogeen ganacsato Soomaaliyeed oo ka soo jeeda Puntland, kuwaasi oo dowladda Mareykanka ku sheegeen in ay taageero siiyaan Dhaq-dhaqaaqa Daacish. Ganasatadaasi waxaa ka mid ahaa milkiilaha shirkadda Al-Mutafaq Maxamad Mire oo ku magac dheer Soodareeri, Cabdiqani Boos Puntland Post- Bosaso The post Puntland : Ganacsato beenisay Iney Taageero siiyaan Ururka Daacish appeared first on Puntland Post.

Wasaaradda Horumarinta Haweenka iyo arimaha qoyska Puntland ayaa maantay u soo xirtay 60 haween ah oo ka socday gobalada iyo degmooyinka Puntland. Tababarkaan oo soconayey mudo 6 maalmood ah ayaa xiritaankiisa waxaa kasoo qaybgalay Marwada Madaxweynaha Puntland Drs Hodan Siciid Cismaan,Wasiirka Haweenka Puntland Marwo Maryan Axmed Cali iyo masuuliyiin ka tirsan Wasaaradda Horumarinta Haweenka iyo Arimaha Qoyska Puntland. Tababaradaan oo ah labo qaybood ayaa qaybta koowaad waxaa loo qabtay 30 haweenka oo ka socday 8 degmo iyo magaalada Garowe,halka tababarka labaadna loo qabtay 30 haweenka oo ka socday 11 degmo. Tababarkaan ayaa Haweenku ku baranayeen hogaaminta iyo sidii haweenku ay u noqon lahaayeen kuwo awood u eleh inay wax ka dhaadhiciyaan eheladood iyo Bulshada ay kamid yihiin,islamarkaana ay kasban karaan Bulshada. Wasiirka Horumarinta Haweenka iyo Arimaha Qoyska Puntland Maryan Axmed Cali ayaa ku kula dardaarantay haweenka inay ka faa,iidaystaan aqoonta ay barteen iyadoo sheegay in wasaaradu ay ku howlan tahay kor u qaadida awooda Haweenka Puntland. Marwada Madaxweynaha Puntland Drs Hodan Siciid Cismaan ayaa ku amaantay Wasaaradda Haweenka Puntland dadaalada ay ugu jirto horumarinta Haweenka Puntland,iyadoo sidookale Haweenka ugu baaqday inay ku dadaalaan sidii ay u heli lahaayeen xuquuqdooda Dastuuriga ah. Daawo Sawirro. Puntlandi.com

Muqdisho (PP) ─ Ug yaraan 15-qof ayaa ku dhintay, in ka badan 20-qof oo kalena way ku dhaawacmeen qarax weyn oo galabta ka dhacay Waddada Maka Al-Mukarama ee Muqdisho, gaar ahaan kasoo horjeedka Hotel Wehliye, sida ay sheegeen saraakiisha amniga iyo kuwa caafimadka. Afhayeenka Wasaaradda Amniga Somalia, C/casiis Xildhibaan oo saxaafadda kula hadlay halka uu qaraxu ka dhacay ayaa sheegay in tirada dhimashada ay inta la shaaciyay ka badan karto. “Dadka ku dhintay weerarkan intooda badan waxay ahaayeen dad waddada marayay iyo kuwa ganacsiyada kala duwan ku haysta,” ayuu afhayeenku ku daray hadlakiisa. Sidoo kale, Afhayeenka ayaa ku eedeeyay weerarkan inay mas’uul ka tahay kooxda Al-shabaab oo uu sheegay inay dhibaatooyin ku hayaan shacabka Soomaaliyeed meel walba oo uu joogo, gaar ahaan kuwa Muqdisho. Al-shabaab ayaa weerarrada ay ka geysanayso Muqdisho waxay noqdeen kuwo is-daba-joog ah, iyadoo weerarkii ugu khasaaraha badnaa uu dhacay 14-kii bishii Oktoobar ee sanadkii hore, kaasoo ay ku dhinteen in ka badan 500-qof, boqolaal kalena way ku dhaawacmeen. Weerarkan ayaa waxaa ka horreeyay weerar qaraxyo ah oo Al-shabaab ay ku dishay 21-qof, kuwaasoo dhacay bilk a hor, waxaana kooxdan ay inta badan beegsataa goobaha ay shacabku ku badan yihiin. Ugu dambeyn, Weerarkan khasaaraha badan geystay ee maanta Muqdisho ka dhacay ayaa wuxuu kusoo beegmayaa iyadoo uu jiro khilaaf xoog leh oo salka ku haya awoodda hoggaamineed ee Soomaaliya, kaasoo u dhexeeya hay’adaha sare ee xukuumadda. PUNTLAND POST The post FAAHFAAHIN: Khasaarihii ka dhashay Qaraxii Maanta ka dhacay Magaalada Muqdisho appeared first on Puntland Post.

Faah Faahin dheeraad ah ayaa ka soo baxeeyso qarax ismiidaamin ah oo Galabta ka dhacay Magaalada Muqdisho ee caasimada Soomaaliya. Qaraxaan ayaa waxa uu ka dhacay Wadadda Mashquulka badan ee Makka Al-Mukkarama ee Magaalada Muqdisho. Inta ilaa hadda la xaqiijiyay waxaa qaraxaasi ku geeriyooday 14- ruux oo ah dad shacab halka tiro intaasi ka badana ay ku dhaawacmeen. Dadka dhintay ayaa waxaa ay u badnaayeen dad rayid ahaa oo fadhiyay maqaaxi ku taala agagaarka Hoteelka Wehliye ee Muqdisho. Sidoo kale dadka dhintay waxaa ku jiro dad shacab ahaa oo wadada marayay iyo dad saarnaa Gawaarida shacabka iyo Mootooyinka Bajaajta. Qasaaaraha ayaa intaasi ka sii badan karo waxaana wali lagu guda jiraa baadi goobka dadka qasaaraha uu ka soo gaaray. Hoos ka daawo Sawiro hordhac ah. Xasan Maxamed Samatar Cowke Puntland Post Muqdisho The post 14 Ruux oo ku dhintay Qarax ismiidaamin ah oo ka dhacay Muqdisho appeared first on Puntland Post.

Uguyaraan 6 qof ayaa ku dhintay Qaraxii ka dhacay goor dhawayd oo galabta ahayd irida hore ee Hotel Weheliye ee magaalada Muqdisho ,waxaana ku dhaawacmay ilaa iyo 14 qof oo shacab iyo Mas,uuliyiin dowladdeedba isugujira. Mas,uuliyiinta goobaha Caafimaadka ee lageeyay dhaawacyada iyo Meedadka ayaa sheegaya in dhimashada iyo dhaawaca soo garaya ay intaas ka badan karto . Qaraxan ayaa ahaa Gaari nooca raaxada ah oo laga soo buuxiyay wax yaabaha Qarxa kaas oo ku Qarxay irida hore ee Hotel Weheliye. laamaha Amniga ayaa fashiliyay sidookale gaari kale oo rabay in uu Qarax ka fuliyo gaabtii uu gurmadka ka socday . Qaraxan ayaa ku soo beegmaya xili isala galabta dumarka ka shaqeeya Nadaafada Gobolka Banadir lagu sumeeyay goob ay ka shaqaynayeen . Ciidamada dowladda Soomaaliya iyo maamulka Gobolka Banaadir ayaa goobta uu Qaraxa ka dhacay soo gaaray , waxaana haatan socda gurmad xoogan oo loo samaynayo dadkii ku wax yeeloobay Qaraxan. Al-shabaab ayaa sheegatay Mas,uuliyada Weerarkan oo goor dhawayd ku soo qoray Warbaahintooda.

Muqdisho (Caasimadda Online) – Qaraxa oo Jugtiisa laga Maqlay qeybo badan oo Kamid ah Degmooyinka Gobolka Banaadir ayaa si gaar ah uga dhacay Ka soo Horjeedka Hoteelka Wehliye ee Magaalada Muqdihso, Waxaana jira Khasaare isugu jira dhiamsho iyo dhaawac oo soo gaaray dadka Shacab ah oo isugu jira Kuwo ka shaaheynayay Maqaaxi ka soo horjeeda Hoteelka, Kuwo wadada ku lugeynayay iyo dad Mootooyin Bajaaj ah watay. Qaraxa ayaa ahaa mid laga soo buuxiyay gaari,waxana wararka aan heleyno ay sheegayaan in Gariga ay eryanayeen ciidamo ka tirsan kuwa dowladda Soomaaliya balse markii uu marayay kas oo horjeedka hotelka wehliya uu qarxay. Khasaaro dhimasho iyo dhaawac isugu jira ayaa qaraxaas ka dhashay,waxana dadka dhintay iyo kuwa dhaawacmay ay isugu jiraan kuwa Ganacsi ku leh Goobta uu qaarxa ka dhacay iyo kuwa saarnaa Gawaarida nooxa raaxada iyo kuwa dadweynaha Bii’elka loo yaqaano kuwaas oo Wadada isticmaalayay. Goobjoogayaal ayaa sheegaya in qaraxa uu dhacay, xilli wadada aheyd mid mashquul ah oo ay gaadiid kala duwan marayeen. Gaadiidka Gurmadka degdega ee Aamin Ambulance ayaa soo sheegaya inay arkeen dhimashada Sideed ruux, halka dhaawaca afar kalena ka qaadeen goobta. Wararka ayaa intaa ku daraya in laga yaabo in khasaaraha intaas ka badna, maadaama xilli hore ay tahay.

Muqdisho (Caasimadda Online) – Qaraxa oo Jugtiisa laga Maqlay qeybo badan oo Kamid ah Degmooyinka Gobolka Banaadir ayaa si gaar ah uga dhacay Ka soo Horjeedka Hoteelka Wehliye ee Magaalada Muqdihso, Waxaana jira Khasaare isugu jira dhiamsho iyo dhaawac oo soo gaaray dadka Shacab ah oo isugu jira Kuwo ka shaaheynayay Maqaaxi ka soo horjeeda Hoteelka, Kuwo wadada ku lugeynayay iyo dad Mootooyin Bajaaj ah watay. Gawaarida Gurmadka degdega ee Ambulanceka ayaa wali ku sii qulqulaya Goobta qaraxa uu ka dhacay, Waxeyna daabulayaan dadka Dhaawacyada qaba iyo kuwa meydka ah ee Qaraxa waxyeeladiisa ay soo gaartay. Warar is Khilaafsan ayaa ka soo baxeysa qaabka qaraxa uu udhacay, Wararka qaar waxa ay Sheegayaan in qof watay gaari nooca raaxada ah oo laga soo buuxiyay walxaha Qarxa uu isku qarxiyay Goobta, Halka warar kalena ay sheegayaan inuu qarxiyay Gaari looga tagay ka soo Horjeedka Hoteelka Wehliye. Ciidamada amaanka ee Dowladda ayaa qaraxa kadib isku gedaamay goobta, Waxeyna dadka udiidayeen iney meesha udhawaadaan, iyadoo mararka qaarna la maqlayay rasaas ay ridayeen Ciidamada amniga. Goobjoogayaal ayaa sheegaya in qaraxa uu dhacay, xilli wadada aheyd mid mashquul ah oo ay gaadiid kala duwan marayeen. Gaadiidka Gurmadka degdega ee Aamin Ambulance ayaa soo sheegaya inay arkeen dhimashada shan ruux, halka dhaawaca afar kalena ka qaadeen goobta. Wararka ayaa intaa ku daraya in laga yaabo in khasaaraha intaas ka badna, maadaama xilli hore ay tahay. Wadada Maka Al-Mukarama ayaa ka mid ah waddooyinka ugu mashquulka badan, waxaana ku yaalla Hotelada ugu caansan oo ay degaan siyaasiyiinta iyo Mas’uuliyiinta dowladda. Caasimada Online Xafiiska Muqdisho Caasimada@live.com

Wararka naga soo gaaraya magaalada Muqdisho ayaa sheegaya in goor dhawayd uu Qarax xoogan uu ka dhacay Wadada Maka Al-Mukarama ee Magaalada Muqdisho. Qaraxan oo ahaa Gaari waxyaabaha Qarxa laga soo buuxiyay ayaa lagu dhuftay irida hore ee Hotel weheliye oo saaran Wadada Maka Al-mukarama. Jugta qaxa ayaa waxaa laga marqlay dhamaan Xaafadaha ay ka koo bantahay Magalaada Muqdisho ,lamana oga ilaa iyo hada khasaarihii ka dhashay Qaraxan , waxaana goobta gaaray Ciidamo katirsan dowladda Soomaaliya. Qaraxyada ka dhaca Magaalada Muqdisho ayaa intabadan waxaa sheegta Mas,uuliyadooda kooxda Al-shabaab oo dowladda dagaal kula jirta.

Uguyaraan ilaa iyo 11l haween ah oo kamid ah dumarka ka shaqeeya Nadaafada ee Gobolka Banaadir ayaa maanta lagu sumeeyay Magaalada Muqdisho ee Caasimada Soomaaliya. Dumarkan oo kuguda jiray shaqo maalmeedkoodii caadiga ahaa ayaa waxaa lagu soo waramayaa in nin watay gaari nooca raaxada ah ee ay Soomaalida utaqaano NOHA uu sun ku buufiyay dabadeedna uu goobta isaga baxsaday sida ay xaqijiiyee dad goob jooga yaal ah . Haweenkan ayaa xaaladooda Caafimad waxaa lagula tacaalayaa Isbitaalada kuyaala Magaalada Muqdisho halkaas oo ay ku booqdeen eheladooda . Dhaqaatiirta ayaa sheegay in Afar kamid ah haweenkan ay xaaladooda ay aad uliidato. Waa dhacdo ku cusub Soomaaliya in nin inta uu gaari soo qaato uu sun ku buufiyo dumarka ka shaqeeya goobaha nadaafada ee dowladda. Ha,adaha dambi baarista ayaa gaaray goobaha Caafimaadka ee ladhigay Haweenkaasi la sumeeyay si ay u ogaadaan suntay waxa loo isticmaalay .