Taliye ku-xigeenka kowaad ee Booliska dowladda Puntland,G/sare. Bile Faarax Cali ayaa goor dhoweyd koox hubaysan dhaawac ugu geysteen goob is-baaro ah oo ku taalla degaanka Buura-wadal ee gobolka Sool,sida ay xaqiijiyeen saraakiil ka tirsan Booliiska. Taliyaha ayaa dhaawac ka soo gaaray lug iyo gacan,kadib markii koox hubaysan ay rasaas huwiyeen gaari uu saarnaa,kaasoo si kedis ah u soo galay is-baaro kooxdu ay dhigteen degaanka Buura-wadal,sida uu xaqiijiyay sarkaal Boolis oo diiday in magaciisa la xigto. Wararku waxay sheegayaan in ciidanka Booliiska iyo kooxda hallkaas uu dagaal kooban ku dhex maray,inkastoo aan weli la xaqiijin akrin khasaaraha ka dhashay dagaalkaasi. Sidoo kale waxaan weli la ogayn kooxda is-baarada joogtay iyo halka ay ka yimaadeen. Faahfaahinta kala soco:Puntlandpost.net The post Deg deg: Taliye ku xigeenkii Booliiska Puntland oo la dhaawacay. appeared first on Puntland Post.

Dood-cilmiyeed ku saabsan sidii Booliiska iyo bulshada ku dhaqan Garoowe uga wada-shaqeyn lahaayeen arrimaha amniga,gaar ahaanna ka hortagga tacaddiyada loo geysto haweenka iyo carruurta ayaa maanta Garoowe lagu qabtay. Doodda ayaa waxaa ka soo qeyb galay saraakiil ka soctay Booliiska,mas’uuliyiin ka tirsan dowladda hoose,qaar kamid ah guddiyada xaafadaha Garoowe iyo guddoomiyaashooda,iyo dhalinyaro kala metalaysay bulshada ku nool dhammaan xaafadaha ay ka koobantahay caasimadda Garoowe. Booliiska iyo bulshadii kulanka isku arkay ayaa dood dheer ka yeeshay caqabada hortaagan wada-shaqeynta Booliiska iyo shacabka Garoowe ee ku aaddan arrimaha amniga caasimadda,gaar ahaanna ka hortagga tacaddiyada loo geysto haweenka iyo carruurta,waxaana sidoo kale laga dooday habka ugu fiican ee si wadajir ah looga wada-shaqeyn karo amniga. Dhammaan ka qeyb galayaashii dood-cilmiyeedka ayaa geba-gabadii cod midaysan ku sheegay, in la isku raacay wada-shaqeyn buuxda oo dhex marta Booliiska caasimadda iyo bulshada qeybaheeda kala duwan si looga hortago guud ahaan wixii amniga dhibaateynaya,gaar ahaanna tacaddiyada haweenka iyo carruurta. Halkaan ka eeg sawirrada PUNTLAND POST The post Booliska iyo bulshada Garowe oo dood ka yeeshay arrimaha amniga iyo tacaddiayda haweenka iyo carruurta. appeared first on Puntland Post.

Mogadishu, May 3, 2018 - National Union of Somali Journalists and its affiliate regional member organisations with in kind support from the United Nations Support Mission in Somalia (UNSOM) organized nationwide events bringing together hundreds of Somali journalists, Source: Hiiraan Online

Muqdisho (Caasimadda Online) – Guddoomiyaha Cusub ee Golaha Shacabka Maxamed Mursal Sheekh C/raxmaan ayaa maanta si rasmi ah ula wareegay xilka Guddoomiyaha Golaha sahacabka ee Soomaaliya. Munaasabad maanta ka dhacday xarunta Villa Hargeysa ee magaalada Muqdisho uu xilka uu kala wareegay Guddoomiyihii ka horeeyay ee Golaha Shacabka Maxamed Sheekh Cusmaan Jawaari, kaas 12 bishii hore ku dhawaaqay in uu iska casilay xilka guddoomiyaha Golaha shacabka kadib khilaaf ka dhashay Mooshin asaga laga gudbiyey. Sedax maalin ka hor ayey aheed markii doorasho ka dhacday xarunta Golaha Shacabka lagu doortay Guddoomiyaha Cusub ee Baarlamaanka Soomaaliya Maxamed Mursal Sheekh C/raxmaan. Guddoomiyihii hore ee Baarlamaanka Jawaari ayaa mar uu hadlayay wuxuu soo hadal qaaday arimo ku aadan xaditaanka dastuurka qabyada ah ee Soomaaliya, wuxuuna tilmaamay in aan la xadin Dastuurka Soomaaliya. Maxamed Mursal ayaa sheegay in Jawaari uu baarlamaanka soo maamulay xilli aad u adag oo ay wajahayeen caqabado badan isaga oo intaas ku daray in shaqada uu soo qabtay uu ku tilmaami karo naf hurnimo. Waxaa uu Guddoomiyaha cusub ballan qaaday in uu talo weydiisanayo Guddoomiyihii isaga ka horreeyay sidoo kalena uu meel isugu keenayo dadka la soo shaqeeyay Guddoomiye Jawaari ee Maamulka Baarlamaanka. Caasimada Online Xafiiska Muqdisho CaasimadaQ@live.com

Nairobi (Caasimadda Online) – Madaxweynaha Dalka Kenya Uhuru Kenyatta ayaa sheegay in Hay’ado caalami ah oo ka howlgala gudaha Soomaaliya ay caqabad ku yihiin dowladda Soomaaliya. Waxaa uu ka hadlayay khudbaddiisa sanadlaha ah ee uu u jeediyo Shacabka Kenya,waxaa uu sheegay in Hay’adaha ku sugan Soomaaliya ay doonayaan in ay dhabarka ka jebiyaan guulihii xanuunka laga maray ee ay gaartay AMISOM. Waxaa kale oo uu sheegay in hay’adahaas ay ka shaqeynayaan kala qeybinta Soomaaliya,shacab ahaan,dowlad ahaa iyo gobol ahaamba. Waxa uu Madaxweyne Kenyatta sheegay in amni soo celinta Soomaaliya iyo Koofurta Suudaan ay yihiin waxyaabaha ugu weyn ee ku jira qorshahiisa maamulka shanta sano ee soo socota. Madaxweynaha Kenya waxa uu ku eedeeyey Wakiilladda Shisheeyaha inay abuureen inta badan Rabshadaha ka jira Somalia, ee ay ku wiiqayaan DFS, laguna kala qeybinayo dadka Soomaalida. “Inta aan ku jirno la dagaallanka argagixisada,waxaa noo dheer in ay wiiqayaan dadaalladeenna kuwa dadka tahriibiya,kuwa sohdimaha si sharci darro ah uga shaqeeya,inta ay Soomaaliya amni darro tahay annagana waan nahay,haddii ay nabad helaan annagana nabad ayaan heleynaa”ayuu yiri Madaxweyne Kenyatta, wuxuuna intaasi ku daray inay Siyaasadda Kenya tahay inaan Somalia caawino, si ay ugu so olaabato Nabaddii iyo Barwaaqadii horey loogu yiqiinay Caasimada Online Xafiiska Muqdisho CaasimadaQ@live.com

Muqdisho (Caasimadda Online) – Haweeney u dhalatay Jarmalka oo ah kalkaaliso caafimaad oo u shaqeyneysay Hay’adda ICRC, lagna afduubtay xarunta ururkaasi ee magaalada Muqdisho ayaa faahfaahin dheeraad laga helay. Haweeneydan ayaa lagu magacaabaa Sonja Nientiet, waxayna Hay’adda ICRC u shaqeyneysay ilaa sanadkii 2014, waxayna kasoo shaqeysay dalalka qalalaasaha ka jiraan sida Syria iyo the Democratic Republic of Congo. Toddobaadkan oo ay magaalada Muqdisho timid ayaa la sheegay inay tababar ku saabsan gargaarka degdega ah siineysay Shaqaalaha Soomaaliya ah, waxayna sidoo kale caawineysay bukaanada isbitaalada iyo xarumaha caafimaadka. Wasiirak Arrimaha dibadda Germany Heiko Maas ayaa ka sheegayay magaalada Adis ababa ee dalka Itoobiya in dowladda Germany aysan wax faahfaahin ah ka bixineynin afduubka lagu kacay muwaadinka Jarmalka ah. Caasimada Online Xafiiska Muqdisho CaasimadaQ@live.com

Muqdisho (PP) ─ Guddoomiyihii hore ee golaha shacabka Soomaaliyeed, Prof. Maxamed Sheekh Cismaan Jawaari ayaa maanta si rasmi ah xilka ugu wareejiyay guddoomiyaha la doortay ee Aqalka Hoose ee Baarlamaanka DF Maxamed Mursal Sheekh C/raxmaan. Munaasabadda xil-wareejinta oo ka dhacday xarunta Villa Somalia oo hoy iyo xafiisyo u ah guddoonka baarlamaanka Somalia ayaa waxaa goobjoog ka ahaa xildhibaanno badan oo baarlamaanka ka tirsan iyo mas’uuliyiin kale. Prof. Jawaari oo xafladda xil-wareejinta ka hadlay ayaa sheegay inuusan jirin dastuur la xaday, wuxuuna nuqul ka mid ah dastuurka qabyada ah ee dalka ku wareejiyay afhayeenka cusub ee aqlka hoose ee Baarlamaanka Somalia, Maxamed Mursal. Sidoo kale, Prof. Jawaari ayaa ku boorriyay guddoomiyaha cusub inuu hawsha halkii uu ugu yimid kasii wado, waxaana sidoo kale goobta ka hadlay xubno badan oo uu ka mid yahay guddoomiyaha cusub ee baarlamaanka. Hadal kooban oo uu jeediyay guddoomiyaha cusub ayuu ku sheegay inay ka go’an tahay inuu si cadaalad ah ugu shaqeeyo dalkiisa iyo dadkiisa, wuxuuna xusay inuu ku shaqeyn doono dastuurka dalka iyo xeerar hoosaadyada u yaalla baalamaanka Somalia. Hadalka Guddoomiyihii hore ee baarlamaanka ee ku aaddan dastuurka la sheegay in la xaday oo uu beeniyay ayaa imaanaya iyadoo dhawaanahan la isla dhexmarayay in la xaday dastuurkii dalka ee la ansixiyay 2012-kii, taas oo walaac badan abuurtay, basle mar dambe la sheegay in la helay. Dhanka kale, Prof. Maxamed Sheekh Cismaan [Jawaari] ayaa xilka ka dagay 12-kii bishii hore ee Abriil, kaddib markii uu la kulmay culeysyo badan, iyadoo lasoo doortay guddoomiyaha cusub ee baarlamaanka Maxamed Mursal Sheekh C/raxmaan 30-kii bishii hore ee Abriil, isagoo ka adkaaday musharraxiin badan oo la tartamay. Ugu dambeyn, Prof. Jawaari ayaa ka guuraya wixii maanta ka dambeeya xarunta Villa Somalia halkaasoo hoy iyo xafiis shaqo u noqon doona Mursal oo dhawaan la doortay, mana jirin wax dhaarin ah oo guddoomiyaha cusub loo sameeyay maanta. PUNTLAND POST The post Afhayeenkii Hore ee Baarlamaanka Somalia oo Xilkii Wareejiyay kana Hadlay Datuurka appeared first on Puntland Post.

Muqdisho (PP) ─ Dowladda Federaalka Somalia, waxay xuseysaa maalinta caalamiga ah ee xoriyadda saxaafadda, iyadoo si dhab ah u muujinaysa sida ay uga go’an tahay badbaadada saxaafadda iyo xaqiijinta xoriyadda saxaafadda Soomaaliyeed. 03-da May 2018, waa maalinta Xoriyadda Saxaafadda ee Dunida oo dhan. Sanadkan waxaa cinwaanku yahay ‘Hubinta Awoodda Maamulada’ Warbaahinta, Cadaaladda iyo Sharciga. Dabaal-degyada Sannadkan 2018, waxay diiradda saarayaan muhiimadda abuuridda jawi sharcigu ilaaliyo xoriyadda saxaafadda, iyo in si gaar ah loo tilmaamo doorka madaxa bannaan ee hey’adda sharciga si loo xaqiijiyo damaanad qaadka xoriyadda saxaafadda iyo soo oogidda dacwadaha la xiriira dambiyada lagula kaco saxafiyiinta. Wasiirka Warfaafinta, Dhaqanka iyo Dalxiiska, Cabdiraxmaan Iidaan Yoonis, ayaa sheegay in Wasaaraddu ay si hagar la’aan ah uga shaqeyn doonto xaqiijinta xoriyadda iyo badbaadada saxaafadda. “Waxaan isbadal ku sameynay Sharciga Saxaafadda si aan u tixgalinno qodobo ay saxaafadda madaxa bannaan soo jeediyeen in laga badalo sharcigii jiray. Sharciga, ayaa hadda horyaalla baarlamaanka federaalka si loo ansixiyo kadibna madaxeynuhu u saxiixo, markaas kadib oo uu si rasmi ah sharci u noqonayo, Lana hirgalin doono. Waxay kaloo wasaaradda bishii April abuurtay nidaamka qaran ee badbaadada saxafiga, iyadoo sidoo kalena dhistay guddi qaran, oo ilaaliya badbaadada saxafiga. Hey’adaha cadaaladda, ayaa guddiga xubin ka ah si ay u taageeraan baahida sharciga ee saxaafadda Soomaaliya. Dowladda Federaalka Soomaaliya, waxay dastuurkeeda ku damaanad qaadday Xoriyadda Saxaafadda,” ayuu Yoonis yiri. Sidoo kale, Wasaaraddu waxay xuseysaa maalinta Xoriyadda Saxaafadda ee 03-da May 2018, iyadoo si buuxda ula shaqeynaysa Ururka Qaranka ee Midowga Saxafiyiinta Soomaaliyeed (NUSOJ) iyo warbaahinta gaarka ah ee Soomaaliya si loogu xaqiijiyo in dowladda Federaalka ay si buuxda u garab taagan tahay saxaafadda Soomaaliyeed, iyadoo damaanad qaadaysa xoriyadooda, isla markaana si hagar la’aan ah uga shaqeyn doonta ilaalinta warbaahinta Soomaaliyeed. Dowladda Federaalka Soomaaliya, waxay fulinaysaa baaqa Xoghayaha Guud ee Qaramada Midoobay ee ah “Dowladaha Adduunku in ay xoojiyaan xoriyadda saxaafadda, ayna difaacaan saxafiyiinta. Dhiirigalinta xoriyadda saxaafadda, waxay ka dhigan tahay in aan helno xaqa aan u leenahay ogaanshaha runta.” Ayuu yiri António Guterres, Xoghayaha Guud ee Qaramada Midoobay. Ugu dambeyn, Maalinta Caalamiga ah ee Xoriyadda Saxaafadda, waxaa markii ugu horeysay lagu asteeyay shirkii guud ee Qaramada Midoobay bishii Diseembar 1993, kadib markii lagu soo jeediyay shirkii guud ee UNESCO. Wixii markaa ka dambeeyay maalinta 3 May, sanadguuro kastaa, waxaa la xusaa Cahdigii Windhoek ee maalinta Xoriyadda Saxaafadda Dunida. PUNTLAND POST The post Dowladda Somalia oo ka hadashay Maalinta Xorriyadda Saxaafadda oo ku beegan Maanta appeared first on Puntland Post.

Mogadishu (HOL) - The Somali government said that it has made headway in the investigation of the ICRC nurse who was kidnapped from the ICRC compound on Wednesday evening. Source: Hiiraan Online

Muqdisho (Caasimadda Online) – Waxaa maanta si rasmi ah xilka ula wareegay guddoomiyaha cusub ee golaha shacabka Maxamed Mursal Sheekh Cabdiraxmaan isaga oo lagu wado inuu guda-galo shaqo howleedka golaha shacabka iyo fulinta barnaamijkiisa siyaasadeed. Haddaba, waxaa akhristayaasha xusuusineysaa khudbaddii uu Mursal ka horjeediyay golaha shacabka April 26, 2018, isaga oo xilligaasi ahaa murashax ayuu golaha soo hordhigay barnamij ay tahay inay kula xisaabtammaan fulintiisa sanadaha soo socda. Akhriso 10 Qodob uu Ka Ballanqaaday Golaha Shacabka: 1. Ku Dhaqanka Dastuurka Dalka Iyo Xeer-hoosaadka Golaha Shacabka:Maxamed Mursal Sheekh Cabdiraxmaan waxaa uu khudbadii murashaxnimada ku ballan-qaaday inuu u hoggaansami-doonno dastuurka dalka iyo xeer-hoosaadka golaha shacabka iyo in howlaha galaha shacabka noqdaan kuwoo waafaqsan dastuurka KMG ah ee dalka iyo xeer-hoosaadka golaha shacabka. 2. Dhameystirka Howlaha Golaha Shacabka: Waxaa Maxamed Mursal ballan-qaaday sidii loo dhameystiri lahaa howlaha qabyada u ah baarlamaanka sida ansixinta xeerarka muhiimka u ah xukuumadda iyo ka miro-dhallinta in dalku nidaam doorasho oo xor ah si shacabka Soomaaliyeed u go’aansadaan in talada dalka ay u doortaan shakhsigii ay doonaan. 3. Ilaalinta Xasaanadda Golaha Shacabka JFS: Maxamed Mursal waxaa uu sheegay inuu ilaalin-doonno xasaanadda dhammaan xubnaha golaha shacabka, isaga oo intaasi raaciyay in aanu ogolaan-doonin in lagu xad-gudbo karaamada xildhibannada golaha shacabka dhinac kasta sida uu qabo qodobka 70aad, faqradiisa 1aad ee dastuurka KMG ah: sida ilaalinta karaamada, codka, aragtidooda iyo soo-jeedintooda si waafaqasan dastuurka KMG ah iyo xeer-hoosaadka golaha shacabka. 4. Daryeelka Caafimaadka Xildhibaannada Iyo Qoysaskooda: Maxamed Mursal waxaa uu Xildhibaannada u sheegay inuu ka shaqeyn-doonno sidii xildhibaannada u heli lahaayeen daryeel caafimaad iyaga iyo qoysaskooda iyo inuu ku dadaali-doonno inay xildhibaannada helaan daryeel caafimaad oo joogta ah iyaga oo kuwa hadda xanuunsanna ay heli-doonaan gurmad caafimaad oo degdeg ah, waxaa kale oo uu ka hadlay in xildhibaannada heli-doonaan xuquuqdooda gaar ah sida mushaaraadkooda iyo waxa kale ee ay xaqa u leeyihiin. 5. Ixtiraamka awoodaha golaha shacabka ee JFS: Maxamed Mursal waxaa uu khudbadiisa ku ballan-qaaday inuu ixtiraami-doonno awoodaha uu golaha leeyahay sida dejinta sharciyada iyo ansixintooda, la xisaabtanka hey’adaha fulinta ee dalka sida uu qabo qodobka 69aad, faqradiisa 1aad xarafka “A” ee dastuurka KMG ah oo qeexaya in golaha shacabka uu leeyahay awood sharci-dejin kaas oo ah inuu ansixiyo, wax ka badalo ama diido sharciyada la horkeenno iyo ixtiraamka awoodaha kale ee dheeriga ah ee golaha shacabka ee ku xusan isla qodobkaas, faqraddiisa 2aad xarafka“B” ee dastuurka KMG ah kaas oo qeexaya awoodda la xisaabtanka iyo korjoogteynta ee hey’adaha dowladda heer qaran gaar ahaan dhinaca hubinta dhaqan-gelinta sharciyada dalka. 6. Wada-shaqeynta Guddoonka iyo Guddiyada Joogtada Ah Ee Golaha Shacabka:Maxamed Mursal waxaa uu ballan-qaaday inuu wada-shaqeyn dhow la yeelan-doono xubnaha kale ee guddoonka golaha iyo guddoomiyeyaasha guddiyada golaha shacabka, isaga oo intaasi raaciyay in maamulka golaha iyo howlihiisa noqon-doonaan kuwoo ku saleysan wada-shaqeyn iyo la tashi iyo in go’aannada la xiriira maamulka noqon-doonaan kuwoo ay isku waafaqsan yihiin xubnaha guddoonka si looga baaqsado inay dhacdo isku dhex-yaac dhinaca maamulka ah. 7. Iskaashiga Golaha Shacabka, Golaha Aqalka Sare Iyo Gololayaasha Shacabka Ee Maamul Goboleedyada Dalka: Maxamed Mursal waxaa uu ballan-qaaday inuu xiriir dhow la yeelan-doonno aqalka sare ee dalka iyo goleyaasha shacabka ee maamul goboleedyada, xiriirkaas oo noqon-doonno mid ku saleysan wada-shaqeyn iyo iskaashi si waafaqsan dastuurka iyo shuruucda kale ee dalka u taalla. 8. Wada-shaqeynta Golaha Shacabka Ee Hey’adaha kale ee Dowladda: Maxamed Mursal waxaa uu khudabdiisa ku ballan-qaaday inuu wada-shaqeyn la yeelan-doonno dhammaan hey’adaha dowliga ah si waafaqsan dastuurka KMG ah ee JFS, isaga oo sheegay in uu la socon-doono shaqada fulinta si loo hubiyo inay shacabka helaan adeegyadii ay dowladda ka sugayeen. 9. La-socodka Dareenka Shacabka Soomaaliyeed: Maxamed Mursal waxaa uu ballan-qaaday inuu la socon-doonno dareenka shacabka Soomaaliyeed iyo inuu xubnaha ku baraarujin-doonno waxa shacabka rabaan, maadaama sida uu sheegay baarlamaanku yahay mid matala guud ahaan shacabka Soomaaliyeed isaga oo golaha la wadaagi-doonna cabashooyin ay Shacabka Soomaaliyeed qabaan si golaha uga doodaan isla markaana looga qaado tallaabooyin ku haboon si waafaqsan dastuurka KMG ah ee dalka. 10. Xoojinta Xiriirka Dibadda Ee Golaha Shacabka JFS: Maxamed Mursal waxaa uu kaloo ballan-qaaday inuu xoojin-doonno xiriirka golaha shacabka la leeyahay baarlamaannada caalamka, dar-dar-gelinta dib u dhiska xarumaha golaha shacabka iyada oo la raacayo heshiisyadii horay loo galay. Xigasho: Goobjoog Caasimada Online Xafiiska Muqdisho CaasimadaQ@live.com

Brussels (Caasimada Online) –Ra’iisul wasaaraha Somalia, Xasan Cali Khayre, ayaa magaalada Brussels ee dalka Belgium kula kulmay guddiga ammaanka iyo siyaasadda ee Midawga Yurub (EU PSC), oo ka kooban safiirro si toos ugu jawaaba wasiirrada arrimaha dibadda ee dalalkooda madala. Intii uu socday kulanka, ayaa Ra’iisal wasaare Kheyre waxa uu gudbiyey farriinta dowladda, waxa uuna u cadeeyay in hadda ay jirto rejo wanaagsan oo ku aadan soo kabadashada iyo horumarka dalka Soomaaliya ayna muhiin tahay in rajadaas laga mira dhaliyo, isaga oo xusay in dowladda oo ay ka go’antahay in ay fuliso dhamaan qorshayaasha horumarinta dalka. Safiirrada midawga Yurub ee ku sugnaa kulanka ayaa waxa ay muujiyeen inay si buuxda u taageersanyihiin qorshayaasha dowladda Federaalka Soomaaliya iyo in sida ugu fudud loo hirgeliyo, iyaga si qota dheer u fahmay caqabadaha soo wajihi kara Dowladda inta lagu gudo jiro ka miro-dhalinta qorshayaasheeda. Qodobada ugu muhiimsan ee kulanka lagu falanqeeyay ayaa waxaa kamid ahaa in €100 milyan oo Yuuro oo deeq ah si toos ah loo siiyo dowladda Federaalka Soomaaliya, in €80 milyan oo Yuuro midawga Yurub uu ku bixiyo dadaalada xasilinta dalka iyo in taageero joogta ah la siiyo ciidanka AMISOM. Lacagta sida tooska ah loo siinayo dowladda iyo tan lagu bixinayo Barnaamika xasilinta waxaa la ansixinayaa dhamaadka Bishaan May, iyada doodaha la xariira ka baaraan degidda taageerada joogtada ah ee ciidanka AMISOM ay sii socon doonaan ilaa dhamaanta bisha June ee sanadkaa.

Brussels (HOL) - Prime Minister Hassan Ali Khaire has met with the EU High Representative Federica Mogherini on Wednesday to discuss the reforms undertaken by the Somali government. Source: Hiiraan Online

Mid ka mid ah kooxda dhanka sharciga ee madaxweyne Donald Trump ayaa sheegay hadal burinaya mid uu horay u sheegay madaxweynaha oo ku saabsanaa 130,000 oo doolar oo la siiyay Stormy Daniels oo ah gabadh aflaanta galmada ah jisha. Duqii hore ee magaalada New York Rudy Giuliani ayaa sheegay in Michael Cohen oo ah qareenka madaxweynaha uu sii bixiyay lacagta gabadha la siiyay, Trump-na uu u celiyay qareenka lacagtaas intii lagu gudo jiray ol’olihii doorashada ee 2016kii. Madaxweynaha Maraykanka ayaa sheegay in uusan waxba kala soconin lacagtaas gabadha la siiyay, laakiin dhawaan ayuu qirtay in “heshiiskaasi” dhacay. Daniels ayaa sheegtay in lacagtaas loo siiyay in aysan kasii hadlin eedaynta ay soo jeedisay ee sheegaysa in ay madaxweynaha gogol dhaaf la samaysay. “Shirkad dhanka sharciga ah ayaa la sii mariyay lacagta, madaxweynaha ayaana dib ka bixiyay” ayuu yiri Giuliani oo la hadlayay telefeshinka Fox News. Ninkan ayaa dhawaan ku soo biiray kooxda dhanka sharciga u qaabilsan madaxweynaha. Wuxuu sheegay in lacagtaas lakala bixiyay “dhawr bilood”. Giuliani wuxuu intaas ku daray in bixinta lacagtaas loo maray waddo sharci ah aysanna ka dhignayn kharash ol’ole doorasho, sababtuna ay tahay “in aysan ahayn lacag ol’ole doorasho loo adeegsanayay”. Michael Avenatti oo ah qareenka Daniels ayaa sheegay in ay tahay in dadka Maraykanku ay ka caroodaan hadalka Giuliani. “Muddo bilooyin ah ayaan saadaalinaynay in dadka Maraykanka looga been sheegay 130kun ee la bixiyay iyo waxa uu madaxweynuhu ka ogyahay arrintaas. Ayuu Twitterka ku soo qoray. Cohen oo ah qareenka madaxweyne Trump ayaa markii hore diiday in uu lacagtas bixiyay ka dibma wuxuu gadaal ka qirtay in uu si shaqsi ah u siiyay Daniels oo magaceeda rasmiga ah yahay Stephanie Clifford, wuxuu sheegay in uu lacagtaas ka bixiyay kaydkiisa bangiga ee khaaska ah bishii Oktoobar ee 2016kii iyadoo gabadha lagaga badalanayay in ay arrinta galmada ka aamusto. Wuxuu diiday in madaxweynuhu uu qayb ka ahaa bixinta lacagtaas. War qoraal ah oo uu soo saaray Cohen oo lagu daabacay wargeyska New York Times ayuu ku sheegay in arrinta lacagta aysan waxba kala soconin ol’olihii doorashada ee Trump iyo shirkadihiisa, wuxuuna intaas ku daray in loo celinin lacagta u gabadha u shubay. Lacagtan ayaa la xiriirtay eedeymo ay soo jeedisay Daniels oo ku saabsan in ay la seexatay Trump sannadkii 2006dii, balse madaxweynuhu wuu diiday eedaymahaas. Bishii Maarso ee sannadkan ayay Daniels maxkamad gaysay dacwad ka dhan ah madaxweynaha, heshiiskii ku saabsanaa in ay arrintan ka aamustana waxay ku sheegtay mid aan waxba ka jirin maadaama oo madaxweynuhu uusan sixiixin.

NAIROBI, Kenya — Every school day, Abdirizack Hussein Bashir rises at dawn for an eight-kilometer (five-mile) trek through a dangerous forest where he sometimes faces harassment by Kenyan army patrols hunting down extremists. Source: Hiiraan Online

Muqdisho (PP) ─ Maamulka Gobolka Benaadir ayaa munaasab casho sharaf ah u sameeyey Xulka Qaran ee da’doodu ka yar tahay 17 ka sano oo guul taariikhi ah ka keenay koobkii Bariga iyo Bartamaha Qaaradda Afrika ee lagu qabtay dalka Burundi. Munaasabaddan waxaa ka soo qeyb galay Ra’iisul Wasaare Kuxiigeenka Xukuumadda Federaalka Soomaaliya ahna Kusimaha Ra’iisul Wasaaraha Mudane Mahdi Axmed Guuleed (Khadar), Wasiirka Dhallinyarada iyo Cayaaraha Marwo Khadiijo Maxamed Diiriye, Taliyeyaasha Ciidanka Booliska iyo Asluubta,masuuliyiinta heer Gobol iyo heer Degmo ee Gobolka Benaadir. Kusimaha Ra’iisul Wasaaraha Xukuumadda Federaalka Soomaaliya ahna Ra’iisul Wasaare Kuxigeenka oo bogaadiyey dadaalkii ay muujiyeen da’yarta Qaranka ee ka qeyb galay Koobka Bariga iyo Bartamaha Afrika ayaa sheegay in soo dhaweynta iyo maamuuska sare ee Guddoonka Gobolka Benaadir ay u sameeyeen dhallinyaradaas ay ka tarjumeyso lexjeclada iyo mudnaanta ay shacabka Soomaaliyeed u hayaan. Guddoomiyaha Gobolka Benaadir Mudane Cabdirixmaan Cumar Cusmaan (Eng.Yarisow) ayaa ka warbixiyey dadaalkii iyo garab istaaggii uu u sameeyey Maamulkiisu xulka Qaranka ee ka qeyb galay Koobka Bariga iyo Bartmaha tan iyo markii ay umba baxaayeen dalkaas Burundi, waxa uuna xaqiijiyey in ay sii dardar gelin doonaan qorshayaasha horumarineed ee la xiriira Cayaaraha, maadama ay qeyb weyn ka tahay arrimaha isu soo dhaweeya dhallinyarada iyo guud ahaan bulshada. “Waxaan soo jeedinyaa in aan dhammaanteen kawada shaqeyno sidii dhallinyaradan aan u gaarsiin laheyn in ay dalka iyo dadkaba u soo hoyaan guulo kale oo heer qaarad iyo mid caalamiba ah, sababtoo ah maanta waxa ay inoo caddeeyeen in Soomaaliya ay dib u soo ceshan karto magacii iyo sumcaddi ay ku lahayd dhanka Cayaaraha.” Ayuu yiri Guddoomiye Yarisow. Ugu dambeyn, Munaasabadda waxaa hadallo dhiiri gelin iyo dardaaran ah ka jeediyey qaar ka mid ah masuuliyiinta heer Federaal ee ka soo qeyb gashay, Madaxda Xiriirka Kubadda Cagta Soomaaliya iyo marti sharafta kale ee lagu casumay munaasabadda, iyadoona dhammaan looga mahad celiyey Maamulka Gobolka Benaadir maamuska iyo soo dhaweynta qiimaha badan ee ay u sameeyeen da’yarta Xulka Qaranka Soomaaliyeed. PUNTLAND POST The post Xulka Kubadda Cagta ee 17-jirrada Somalia oo Muqdisho loogu sameeyay Munaasabad appeared first on Puntland Post.

Muqdisho (PP) ─ Kooxda kubadda cagta ee Liverpool oo ka dhisan dalka Britain ayaa iska xaadirisay cayaarta kama dambeysta ah ee Koobka Yurub ee loo yaqaan EUFA Champions League, kaddib markii ay xalay ay cayaar adag la yeelatay kooxda Roma eek a dhisan dalka Talyaaniga. Naadiga AS Roma ayaa qaybta hore ee cayaarta weerar xooggan ku qaaday kooxda Liverpool, sidoo kalena kooxda Talyaaniga waxay rabtay inay goolal fara badan la timaaddo qaybta hore ee cayaarta. Bale Sadio Nianglon ayaa kubad isku qalday asigoo khadka dhexe ku sugan waxaana kubaddii lugta ku dhigay Firmino oo baas qurux badan gaarsiiyay Mane, kaddibna shabaqa ku hubsaday daqiiqadii sagaalaad ee cayaarta qaybteeda hore. Sidoo kale, James Milner ayaa gool iska dhaliyay Daqiiqadii 15-aad, kaddib markii kubad uu Lovren uu iska bixin rabay ay madaxa kaga dhacday cayaartana waxay noqotay cayaartu 1-1. Kooxda Liverpool wax cabsi ah ma muujinin, waxaana hoggaanka u soo celiyay Georginio Wijnaldum oo cayaarta 2-1 ka dhigay daqiiqadii 26-aad ee qaybta hore, kaddib markii uu madaxa ku dhaliyay kubad koorno ahayd oo Dzeko madaxa ku dhuftay. Naadiga Roma dadaal dheeri ah ayay muujisay balse ma jirto wax natiijada ay ka bedeleen goolashii ay dhaliyeen, iyadoo Qaybtii hore ee cayaarta lagu kala nastay 2-1 oo ay Liverpool ku hoggaamineyso Qarkana u saaran in ay kama dambeysta koobka horyaallada Yurub u soo baxaan. Sidoo kale, markii la isugu soo laabtay qaybtii labaad ee cayaarta ayay AS Roma dadaalkeeda kordhisay, iyadoo cayaaryaan Edin Dzeko uu cayaarta ka dhigay barbaro 2-2 ah. Radja Nainggolan ayaa mar kale shabaqa Liverpool ku hubsaday kubad taas oo cayaarta ka dhigtay 3-2 ay ku hoggaaminayso cayaarta Kooxda AS Roma inkastoo aysan kooxdu gaarin hadafkeedii. Dhanka kale, daqiiqaddii ugu dambeysan cayaarta ayaa cayaaryahan Radja Nainggolan wuxuu cayaarta ka dhigay 4-2, kaddib markii uu kubad qurux badan daba-mariyay goolahayaha kooxda Liverpool. Ugu dambeyn, Kooxda Liverpool ayaa 7-6 kaga soo gudubtay kooxda Roma afar dhammaadka tartanka UEFA Champions League, iyadoo kooxdan aan laga adkaan inta uu tartanka socday, waxayna ku dhici doontaa Kooxda ka dhisan dalka Spain ee Real Madrid oo iyaduna habeen hore u soo baxday Final-ka koobkan. PUNTLAND POST The post Kooxda Kubadda Cagta ee LIVERPOOL oo u soo baxday Final-ka Koobka Horyaallada Yurub appeared first on Puntland Post.

Muqdisho (Caasimadda Online) – Wasiirkii hore ee Gaashaandhiga xukuumadda Soomaaliya Maxamed Mursal Sheekh ayaa ku guuleystay xilka guddoomiyaha Baarlamaanka Soomaaliya, kadib loolan adag oo dhex maray musharixii mucaaradka ee Ibraahim Isaaq Yarow. Guusha Wasiir Mursal ayaa inta badan loo aaneeyay inuu taageero ka heystay Madaxtooyada iyo xukuumadii uu ka midka ahaa oo shaki la’aan xilkan u soo sharxday, gadaalna ka riixayey, laakiin waxaa jira sababo kale oo keenay inuu xilkan sida weyn loogu loolamay ku soo baxo, waxayna kala yihiin: 1- TAAGEERADA MADAXTOOYADA IYO XUKUUMADDA Waxay ahayd qodobka ugu weyn ee ay ku tiirsaneyd musharaxnimada Maxamed Mursal Sheekh C/raxmaan, iyadoo dadaal badan ay ku bixiyeen labada hay’adood inuu xilkan ku guuleysto, inkastoo aan dhaqaale loo adeegsan, haddana waxaa jiray balanqaadyo xilal iyo soo jiidashooyin kale. Xukuumadda iyo Madaxtooyada ay taageerada kala noqdeen, xildhibaannadii taageersanaana kala wareegeen musharixiin kale oo uu ugu horeeyay Cali Maxamed Nuur (Xaaji Cali) oo la filayay inu meel fiican soo gaaro, laakiin waxaa xusid mudan in xukuumadda ay ku fashilantay inay qanciso dhammaan Musharixiintii taageerada ku lahayd oo diiday inay taageeraan Musharax Mursal. 2- SHAQASIYADDA MUSHARAX MURSAL Qodobka labaad ee Musharaxan taageeray waxaa ka mid ahaa shaqsiyadiisa iyo deganaanshihiisa siyaasadeed oo keentay inuu noqdo shaqsiga ugu degan ugu haboon xilka marka loo eego musharixiinta tartanka kula jiray. Wasiir Mursal wuxuu nasiib ku helay in musharaxiinta la tartamay kuwii ugu adkaa ay noqdeen saaxiibadiis ka midka ahaa xukuumadda, kuwaasoo marka loo eego uu kaga mudnaa xildhibaannada dhexdooda. 3- MUCAARADKA OO WAAYAY MUSHARAX CULUS Fursadda kale ee Wasiir Mursal u suuragelisay inuu xilka guddoomiyaha Baarlamaanka ku soo baxo ayaa ahayd iyadoo mucaaradka dowladda ee isugu jira kooxda Qabyo ee madaxweynihii hore iyo maamul goboleedka ay waawyeen musharax culus oo meel saari kara musharaxa Madaxtooyada iyo xukuumadda. Arrintaas waxay qasabtay in musharaxa mucaaradka uu noqdo Ibraahim Isaaq Yarow, inkastoo aanu dab yar shidin oo codad mararka qaarkood halis geliyay musharaxa dowladda uu la yimid, haddana waxay arrintani keentay in dhammaan musharixiintii kale sida C/casiis Lafta-gareen iyo Shariif Maxamed Cabdalla oo wareega labaad u soo gudbay ay taageeraan Musharaxa dowladda ee Wasiir Mursal. GABAGABO Dad badan ayaa aaminsan in doorashadii xilka guddoomiyaha Baarlamaanka loo doortay Maxamed Mursal ay dowladda Soomaaliya ka dhigtay mid dhinac u wada jeeda, ayna xilalkii sare ee dalka wada qabteen saaxiibo isku ujeedo ah, laakiin waxaa adkaan doonta in jid qura ay wada raacaan 2760ka xildhibaan ee Baarlamaanka oo haddaba ay soo shaac baxday inay 120 ka mida mucaarad ku yihiin dowladda Farmaajo iyo Kheyre, kuwasoo haddii ay helaan 20 kale awood u leh inay muddo kadib ridaan xukuumadda Kheyre. Caasimada Online Xafiiska Muqdisho CaasimadaQ@live.com

Muqdisho (Caasimadda Online) – Hadal-qoraal oo ay Hay’adda Laanqeyrta Cas Caalamiga ee ICRC soo saartay ayaa lagu sheegay inKalkaaliso Caafimaad oo u dhalatay dalka Jarmalka ay kooxo hubeysan ka afduubteen Xarunta ICRC-da ku leedahay magaalladda Muqdisho. Ku-xigeenka Madaxa Ergadda ICRC u joogta Somalia, DANIEL 0’MALLEY ayaa sheegay inay aad uga walaacsan yihiin Ammaanka haweeneyda la afduubtay, wuxuuna xusay inay ahayd Kalkaaliso maalin kasta u shaqeyn jirtey sidii loo badbaadin lahaa Nolosha, loona xaqiijin lahaa Caafimaadka dadka Soomaalida ee aadka u nugul. Dhan kale Shaqaale Ajaanib oo u shaqeeya heey’adda laan-khayrta Cas ee ICRC ayaa maanta ka baxay Magaladda Muqdishu, sida ay xaqiijiyeen ilo wareedyo ku sugan Xarunta Hey’adda ee Muqdisho. Tiradda Shaqaalaha ee laga saaray Muqdisho waa labo ruux oo aan si rasmi ah loo ogeeyn wadamadda ay u dhashen. Laakiin, kabixistoodu waxay imaaneeysaa kadib markii Xalay Koox hubeeysan ay Afduubteen Gabar ajanabi ahayd oo shaqaalaha ICRC ee Muqdisho ka mid ahayd. Laama Amaanka ee Soomaaliya ayaa wada baadi goobka gabadha la Afduubtay iyo kooxihii Afduubka geeystay. Masuuliyiinta Amaanka ayaa sheegay in mid ka mid ah Ilaaladdii ICRC uu caawiyay Afduubka. Si kastaba ha ahaatee, Afduubkaasi ayaa yimid hal maalin kadib, markii Haweeney shaqaale ka ahayd Hay’adda Caafimaadka Adduunka (WHO) lagu dilay Suuqa Bakaaraha ee magaalladda Muqdisho. Caasimada Online Xafiiska Muqdisho CaasimadaQ@live.com

Today marks exactly one year since my friend, Abass, Somalia’s then youngest minister was fatally killed in Mogadishu, it was one of the most excruciating news I ever heard. It was more painful when I learned the murderer was a government soldier, the very people who ought to have protected him. Source: Hiiraan Online

Kulan ay magaalada Garoowe ku yeesheen dhammaan Agaasimayaasha Guud ee Wasaaradaha iyo Hay’adaha dawladda Puntland ee ka faa’iideysanaya mashruuca tayaynta shaqaalaha iyo hay’adaha aan qaybta ka ahayn Mashruuca ayaa saaka ka qabsoomay Wasaaradda Qorshaynta Puntland. Kulanka ayaa dabo joogey mid isaga ka horreeyey oo looga hadlayey dejinta siyaasad lagula socon doono tayada shaqo gudashada shaqaalaha rayidka ah ee Puntland, taas oo maanta ay agaasimeeyaasha iyo lataliyeyaal caalami ahi ay ka samayn doonaan wada tashiyo rasmi ah si loosoo gebagebeeyo loona hirgeliyo maadaama ay agaasimeyaasha guud ee hay’adaha dawladdu yihiin cidda fulin doonta siyaasaddan marka lsoo gunaanado. Siyaasadda lagula soconayo laguna qiimayn doono tayada shaqo gudasho ee shaqaalaha rayidka ah ee dawladda ayaa muhiim u ahaan doonta shaqaalaha rayid ah, waxayna kala saari doontaa shaqaalaha ku habboon shaqada iyo midka aan ku habboonayn ee u baahan iyo tayadiisa xirfadeed iyo aqooneed kor loosoo qaado lana geeyo meel uu ku habboon yahay. Dejinta siyaasaddan iyo shirarkaan wadatashiyada ah ee looga arrinsanayo sidii loo hirgelin lahaa siyaasaddana ayaa waxaa dawladda ka caawinaya xeeldheereyaal caalami ah oo ka socoto Baanka adduunka The post Agaasimeyaasha guud ee Wasaaradaha iyo Hay’adaha Puntland oo Garoowe shir uga furmay appeared first on Puntland Post.

Haweenay u shaqeynaysay hay’ada ICRC oo u dhalatay dalka Jarmalka ayaa xalay laga afduubay xarunta hay’ada ee magaalada Muqdisho. Haweynaydan oo Muqdisho joogtay muddo laba isbuuc ah ayaa ahayd kalkaaliso caafimaad, waxaana la sheegayaa in ay afduubka ku lug lahaayeen ilaalo ka mid ah kuwa xarunta ICRC ee Muqdisho. Dowladda Soomaaliya ayaa xaqiijisay in haweeneydan u dhalatay dalka Jarmalka ee u shaqeynaysay ICRC lagu afduubtay magaalada Muqdisho. Afhyeenka Wasaaradda amniga Soomaaliya ayaa sheegay in Ciidamada amaanka ay dabagal ku sameeyeen kooxda afduubka u geystay haweeneydaas islamarkaana gaarigii lagu afduubtay laga helay xaafadda Tarabuunka ee degmada Hodon. Dhanka kale war ka soo baxay hay’ada ICRC xarunteeda magaalada Janeva ee dalka Swizerland ayaa lagu cambaareeyay falkan, oo ay ku xaqiijiyeen afduubka haweeneydan, waxaana ay hay’adu sheegtay in haweenaydaas ay Muqdisho u joogtay caawimaada dadka dhiban. Xarunta ICRC ee Muqdisho ayaa waxaa la wareegay laamaha amniga DowladdaSoomaaliya, waxaana xalay markuu afduubku dhacayay xarunta ku jiray shaqaale kale oo Ajaanib ah. PUNTLAND POST The post Mid kamid ah shaqaalaha ICRC oo lagu afduubay Muqdisho appeared first on Puntland Post.

In 1993, the United Nations General Assembly came together to declare May 3 World Press Freedom Day. The date was chosen to commemorate a UN-hosted conference held in the south African country of Namibia at which participants expressed support for “independent and pluralistic media.” Source: Hiiraan Online

Nairobi (HOL) - Kenyan President Uhuru Kenyatta said that the troubles of Somalia are caused by “foreign agents” who seek to destabilize the country and divide Somali’s. Source: Hiiraan Online

Muqdisho (Caasimada Online)-Magaalada Muqdisho ee caasimada Somalia ayaa bishii April 2018 marti galisay dilal kala duwan oo intooda badan loo geystay qeybaha kala duwan ee bulshada. Dilalka bishii tagtay ka dhacay magaalada Muqdisho ayaa waxaa dadka loo geystay kamid ahaa Saraakiil, Askar iyo Shaqaale ka tirsan dowlada Federaalka ah ee Somalia. Dilalka ugu badan ayaa ka dhacay Degmooyinka Dharkiinley iyo Waaberi ee Gobolka Banaadir kuwaa oo ay fuliyeen maleeshiyaad ka tirsan Alshabaab. HOOS KA AKHRISO TIRADA DILALKA KA DHACAY MUQDISHO BISHII APRIL EE 2018 1-April 1, 2018, Askari ka tirsan Ciidamada Soomaalida oo ay tababareen Imaaraadka carabta ayaa ruux shacab waday ‘’Gaari Dameer’’ ku toogtay Isgoyska Kuliyada Jaala Siyaad wadada Warshadaha ee magaalada Muqdisho. 2-April 1, 2018, Maleeshiyaad ku hubeysnaa bastoolado ayaa Degmada Heliwaa ee Gobolka Banaadir, gaar ahaan agagaarka Shaneemo Cabdi Waayeel ku dilay Haweeney ka mid aheyd dadka degaanka, waxa ayna kamid aheyd ururka Haweenka degmada. 3-April 3, 2018, Maleeshiyaad ku hubeysnaa bastoolado ayaa degmada Dharkenley ee Gobolka Banaadir, gaar ahaan Xaafada Showriga ku dilay Oday dhaqmeed kamid ahaa dadka deegaanka oo lagu magcaaabi jiray Maxamed Cali Cabdullaahi. 4- April 6, 2018, Askari ka tirsan ciidamada Dowlada ayaa si bareera ruux shacab ah oo watay Mooto Bajaaj ku toogtay Isgooyska tarabuunka ee magaalada Muqdisho, kadib markii uu isku dayay inuu ka reebo Meyd la galbinaayay oo uu la socday, waxaana Marxuumkaas magaciisa lagu soo koobay Axmed Nuur Cusmaan. 5- April 15, 2018, Maleeshiyaad ka tirsan al-Shabaab ayaa degmada Yaaqshiid ee Gobolka Banaadir ku toogtay Sarkaal ka tirsan ciidamada Booliska Soomaaliyeed qeybta Dambi barista, oo lagu magacaabi jiray Xasan Dheere. 6- April 15, 2018, Maleeshiyaad ku hubeysnaa Bastoolado ayaa xaafada Oodweynee degmada Deyniile ku dilay Macalin wax ka dhigi jiray Jaamacadda Soomaaliya, kaa oo lagu magacaabi jiray Ismaaciil Caddow, waxa uuna ka mid ahaa Macalimiinta dhigta Shareecada. 7-April 16, 2018, Maleeshiyaad ku hubeysnaa bastoolado ayaa toogasho ku dilay wiil dhalinyaro ah oo kamid ah dadka ku ganacsada Degmada Boondheere ee Magaalada Muqdisho, kaa oo lagu magacaabi jiray Axmed Nuur Ciise (Halooyeelo). 8-April 17, 2018, Maleeshiyaad ku hubeysnaa bastoolado ayaa deegaanka Ceelasha Biyaha ee duleedka magaalada Muqdisho, gaar ahaan Carbiska ku dilay Askari ka tirsanaa dowlada oo halkaa ka howlgali jiray. 9-April 17, 2018, Askari ka tirsan ciidamada Militeriga dowlada ayaa waxaa Kooxo ku hubeysnaa bastoolado ku dileen deegaanka Carbiska ee magaalada Muqdisho xili uu ku qayilaayay maqaaxi halkaa ku tiilay. 10- April 24, 2018, Askari ku labisnaa dareeska Ciidamada Dowladda ayaa nin darawal ah ku toogtay Isgoyska Ceel-gaab ee degmada Waabari, waxaana goobta ka baxsaday gacan ku dhiiglaha. 11- April 24, 2018, Kooxo bastoolado ku hubeysnaa ayaa Degmada Heliwaa ku dilay Wiil dhalinyaro oo Bajaajle ahaa, waxaana dilkaasi uu si gaara uga dhacay Xaafada Suuqa xoolaha. 12- April 25, 2018, Maleeshiyaad ku hubeysnaa bastoolado ayaa Suuqa Bakaaraha gaar ahaan qeybta Daawada ku toogtay kaa oo kamid ahaa dadka ku ganacsada Suuqa. 13- April 25, 2018, Maleeshiyaad ka tirsan al-shabaab ayaa Xaafada Burdheere ee Degmada Waaberi ku dilay askari katirsan Ciidanka Nabad Sugida Somaliya, waxaana laga toogtay Marxuumka Madaxa iyo Wadnaha. Askarigan ayaa waxaa lagu magacaabi jiray Axmed Muxudiin Buuwoo. 14- April 27, 2018, Maleeshiyaad ku hubeysnaa Bastoolado ayaa degmada Dharkenley, ku dilay Askari ka tirsanaa Ciidamada Booliska Soomaaliya waxa uuna si gaara uga dhacay dilka agagaarka Jaamacada Gaheyr ee Degmada Dharkenley. 15- April 27, 2018, Dhalinyaro ku hubeysneyd bastoolado ayaa askari ka tirsanaa Ciidamada dowladda ku dilay meel u dhow Isgoyska Howl-Wadaag ee Magalada Muqdisho,iyada oo dilka kadib goobta ka baxsaday. Dilalka dhacay bishii April ee 2018 ayaa noqonaaya dilal badankiisa loo geystay dad u shaqeeya dowlada Somalia. Caasimada Online Xafiiska Muqdisho CaasimadaQ@live.com

Mogadishu. The African Union Peace-keeping Mission in Somalia (AMISOM) has shifted operational tactic from military engagement to talking with communities in order to win hearts of Somalis.
The new approach involves reaching out to clan heads and ordinary citizens to challenge the dominant al-Shabaab propaganda that AMISOM troops are infidels who must be ousted. Source: Hiiraan Online