Muqdisho (Caasimada Online)-Waxaa soo baxaaya warar sheegaya in Hay’adda NISA ay shaqada ka ceyrisay ciidamo farabadan oo sanado badan usoo halgamaayay sida dalka looga xoreyn lahaa maleeshiyaadka Al-Shabaab. Eryinta ciidamadan ayaa waxaa warbaahinta u xaqiijiyay Xildhibaan Macalin Cali oo ka mid ah mudanayaasha Golaha shacabka ee BFS, waxa uuna tilmaamay in aan waxba laga soo qaadin halgankooda. Waxa uu Xildhibaanku sheegay in macluumaad uu helay uu muujinayo in Hay’adda NISA ay erisay ilaa 200 oo askari oo ciidamada Nabad sugida iyo Sirdoonka qaranka ka tirsanaa, sida uu hadalka u dhigay. Waxa uu cod dheer ku sheegay in ciidamadaasi la eryay ay shaqo la’aan ku heyso Magaalada Muqdisho taasina badalkeeda ay suurta gal tahay inay ka qeyb qaataan amni darida ka jirta Magaalada. Xildhibaanka waxaa uu dalbaday in arimahaasi wax badan laga qabto, waxa uuna arrin aad u fool-xun ku sheegay in ciidamo heer Sirdoon ah la eryo kuwaa oo ay suuragal tahay inay ku biiran Al-Shabaab, sida uu hadalka u dhigay. “Waa dareemi kartaan dhibta ay leedahay in la eryo askari sirdoon ah, waxaa ku filan keliya in xogta uu la wadaago cadowga” Sidoo kale, dowlada ayuu sheegay in looga baahan yahay inay ka fiirsato ciidamada ay ka erineyso shaqada hadana lagu dhex fasaxaayo magaalada. Si kastaba ha ahaatee, waxaan haddalka Xildhibaan Macalin Cali aan wali ka jawaab celin dowlada Somalia haddii uu hadalkaasi yahay mid saxa ama khalad ah. Caasimada Online Xafiiska Muqdisho Caasimada@live.com

Muqdisho (Caasimadda Online) – Wakiilka sii baxaya ee Qaramada Midoobey u qaabilsan Soomaaliya Michael Keating oo wareysi siiyey barnaamijka GMT ee BBC News, isla markaana ka hadlayey doorashada 2020-ka ayaa sheegay in haddiiba qof iyo cod ah ka dhici karto Somaliland ay sidoo kale ka dhici karto Soomaaliya. Mar la weydiiyey inuu ku dhahay inay qasab tahay in doorasho qof iyo cod ah ay ka dhacdo Soomaaliya 2020-ka, waxaa uu yiri “Marka hore, aniga ma aha waxaa sidaasi dhahaya, Soomaalida ayaa sidaa leh” isaga oo intaa raaciyey “in ay tahay caqabad jirta, Somaliland dadka waa diiwaan-geshan yihiin, doorasho baarlamaan ayaa ka dhacday, madaxweyne ayey doorteen, marka haddii ay Somaliland ay sameysay, waa isla dadkii, Soomaaliyana waa sameyn kartaa, waa la sameyn kartaa. Michael Keating oo sii hadlaya “Arrimaha in la hadlayo ay tahay, su’aasha waa haddii nidaamka doorasho uu ka soo bixi karo, natiijadii loo baahnaa, oo loo arko xaq ah, waa in aan bilowno in aan ka shaqeyno, wax kasta oo doorasho looga baahdlo, hadda inay dhaceyso ayaan aaminnay, waxaa u baahantahay guddi doorasho oo waxtar leh, cod-biixyeyaasha oo la diiwaan-geliyo, nidaam maxkamadeed, arrimahaas oo dhan waa in la shaqeysiiyo. Michael Keating waxaa uu joogay shirkii London iyo shirar kale oo lagu gorfeeyey, la iskuna raacay doorashada qof iyo cod ee lagu wado inay Soomaaliya ka dhacdo 2020-ka. Caasimada Online Xafiiska Muqdisho Caasimada@live.com

Waxaa maanta magaaladda Badhan ee Gobalka Sanaag lagu qabanayaa shirka gollaha wasiiradda Dawlada Puntland oo uu shir gudoomin doono Madaxweyne Cabdiwali Maxamed Cali Gaas. Halka uu ka dhici doono shirka Gollaha Wasiirada PL ee Magaalada Badha– Xaquuq Sawirka Dabarani Shirka gollaha wasiiradda oo ay noqon doonto markii ugu horeysay ee uu ka dhaco magaaladda Badhan ayaa looga doodi doonaa shaqooyinkii caadiga ahaa ee wasiiradda Puntland ka doodi jireen todobaadkiiba hal mar. Inta badan gollaha wasiiradda Dawlada Puntland ayaa ku sugan magaaladda Badhan oo uu shalay gaaray Madaxweyne Gaas iyo wafti ballaaran oo uu hogaaminaayey, sidoo kale waxaa magaaladaas ku sugan in ka badan 20-xildhibaan oo katirsan Baarlamaanka Dawlada Puntland. Isla magaaladda Badhan waxaa ka dhici doona shirka gudiga joogtada ah ee baarlamaanka Puntland, maadamada ay magaaladaas ku sugan yihiin gudigii joogtada ahaa ee Baarlamaanka. Dadka reer Sanaag ayaa siweyn usoo dhaweeyey booqashada uu Dr Gaas ku tegey Gobalkaas, waana markii ugu horeysay oo wafti heerkan ahi uu gaaro magaaladda Badhan inta la xasuusan yahay. PUNTLAND POST The post Shirka Khamiislaha ee golaha Wasiirada Puntland oo maanta ka dhacaaya magaalada Badhan appeared first on Puntland Post.

Jigjiga (Caasimada Online)-Afhayeenka Ururka ONLF, C/ Qaadir Xassan Hirmooge (Caddaani), oo la hadlay warbaahinta ayaa si guud uga hadlay rajooyinka ay ka qabaan Heshiisyada ay la galeen dowlada Ethiopia iyo maamulka DDS. Afhayeenku waxa uu sheegay in mar waliba ay qabaan rajooyin wanaagsan isla markaana dowlada Ethiopia laga doonaayo inay ka miro dhaliso Heshiiska Asmra. Caddaani , waxa uu saxaafada meel fagaaro ah ugu cadeeyay in ONLF ay ku adkaan doonto inay ka tanaasulan mowqifkeeda ku aadan ka go’ida dalka Ethiopia. Caddaani, waxa uu sheegay in ONLF ay leedahay Mowqifkii ay dhowr sano usoo dagaalameysa, sidaa aawgeed ay ku adkaaneyso inay ka laabtan ujeedooyinka qaarkii oo ay ku dagaalamayeen. C/Qaadir Cadaani Hirmooge, ayaa sheegay iney u codeeyeen garabka kale ee maamulka DDSI mowqifkooda ku aadan ineysan dooneyn kasii mid ahaanshaha Ethiopia, taa badalkeedna ay doonayaan iney ka go’aan Ethiopia oo idil, sida uu hadalka u dhigay. Waxa uu Afhayeenka sheegay in shirka Asmara uu dawo u yahay in laga gudbo colaadihii Ururka kala dhexeeyay maamulka Jigjiga iyo Ethiopia, balse aysan aqbali doonin in laga gudbo qodobada qaar. Caddaani Hirmooge oo ah afhayeenka ONLF ayaa wuxuu sheegay “heshiis iyo is-afgarasha kasta oo dhacda iney ururka ONLF uu amarnaba ka tanaasuleyn hadafki aaya ka talinta ee ay ONLF muddo u soo halgameysay”. Waxa uu intaa raaciyay in dhamaadka shirka kadib lagu balamay in lawada qaato kulamo kale oo lagu sii amba qaado wadahadalka qodobada harsan, si loo soo afjaro colaada mudada sanadaha dheer socotay ee Ismaamulka Soomaalida. Waxa uu arrin muhiima ku sheegay in shacabka dhulka Soomaalida ay ka tashtaan aayahooda, waxa uuna arrin aan macquul aheyn ku sheegay in Umad dhan ay ku feelan dowlad aan tooda aheyn. Sidoo kale, waxaan qodobka tanaasul la’aanta laga cabsi qabaa inay u cuntami weyso dowlada Ethiopia oo muddo sanado ah ku taameysay sida ay dusha sare uga maamuli laheyd guud ahaan Somalia. Haddalka Cadaani ayaa u muuqanaaya mid ONLF ay ku dooneyso inay kaga madax-banaanaato Siyaasada iyo hoos jooga Ethiopia, waxaana sidoo kale adkaan doonta in Ethiopia ay aqbasho inay ka go’do Soomaalida. Caasimada Online Xafiiska Jigjiga Caasimada@live.com

Cadaado (Caasimada Online)-Warar dheeraad ah ayaa waxa uu kasoo baxayaa dagaal xoogan oo ka dhacay duleedka degmada Cadaado ee gobolka Galgaduud. Dagaalka oo hub kala nooca leysu adeegsaday ayaa waxa uu u dhexeeyay Ciidamo kawada tirsan maamulka Galmudug, waxaana lasoo sheegayaa inuu ka dhashay khasaaro kala duwan. Dagaalka ayaa waxa uu ka dambeysay kadib markii ciidamo ka tirsan Galmudug oo ka soo ambabaxay Gaalkacyo kuna sii jeeday Dhuusamareeb ay is hor istaag ku sameeyeen ciidamo kale oo ku sugnaa duleedka magaalada Cadaado. Dagaalka ayaa waxaa ku dhintay ilaa laba askari, waxaana ku dhaawacmay Seddex kale kuwaa oo la dhigay isbitaalka guud ee magaalada cadaado. Saakay ayaa waxaa magaalada laga dareemayaa dagaalkii xalay dhacday, sidoo kalena ay jirto cabsi kale oo ku aadan in mar kale ay wax dhacaan. Si kastaba ha ahaatee, dhawaan ayay aheyd markii ciidamo ka tirsan Galmudug ay diideen inay Cadaado galaan ciidan kale oo ka yimid dhanka Gaalkacyo, sababo la xiriira xiisada siyaasadeed ee ka dhex jirta madaxda Galmudug. Caasimada Online Xafiiska Cadaado Caasimada@live.com

Wakiilka sii baxaya ee Qaramada Midoobey u qaabilsan Soomaaliya Michael Keating oo wareysi siiyey barnaamijka GMT ee BBC News, isla markaana ka hadlayey doorashada 2020-ka ayaa sheegay in haddiiba qof iyo cod ah ka dhici karto Somaliland ay sidoo kale ka dhici karto Soomaaliya. Mar la weydiiyey inuu ku dhahay inay qasab tahay in doorasho qof iyo cod ah ay ka dhacdo Soomaaliya 2020-ka, waxaa uu yiri “Marka hore, aniga ma aha waxaa sidaasi dhahaya, Soomaalida ayaa sidaa leh” isaga oo intaa raaciyey “in ay tahay caqabad jirta, Somaliland dadka waa diiwaan-geshan yihiin, doorasho baarlamaan ayaa ka dhacday, madaxweyne ayey doorteen, marka haddii ay Somaliland ay sameysay, waa isla dadkii, Soomaaliyana waa sameyn kartaa, waa la sameyn kartaa. Michael Keating oo sii hadlaya “Arrimaha in la hadlayo ay tahay, su’aasha waa haddii nidaamka doorasho uu ka soo bixi karo, natiijadii loo baahnaa, oo loo arko xaq ah, waa in aan bilowno in aan ka shaqeyno, wax kasta oo doorasho looga baahdlo, hadda inay dhaceyso ayaan aaminnay, waxaa u baahantahay guddi doorasho oo waxtar leh, cod-biixyeyaasha oo la diiwaan-geliyo, nidaam maxkamadeed, arrimahaas oo dhan waa in la shaqeysiiyo. Michael Keating waxaa uu joogay shirkii London iyo shirar kale oo lagu gorfeeyey, la iskuna raacay doorashada qof iyo cod ee lagu wado inay Soomaaliya ka dhacdo 2020-ka. Googjoog News Source: goobjoog.com

Mid kamid ah waxgaradka Puntland oo lagu magacaabo Cabdiraxmaan Samatar ayaa wareysi uu siiyay Goobjoog News ku sheegay in wax wanaagsan ay tahay in madaxweynaha Puntland uu booqasho ku tago gobolka Sanaag. Madaxweyne DR Cabdiwali Cali Gaas ayaa booqasho maanta ku gaaray magaalada Badhan ee gobolka Sanaag, halkaasoo madaxweynaha uu kaga qeyb galay mashruuc lagu furayay Jaamacad degaankaasi laga hirgaliyay oo lagu magacaabo Maakhir University. Nabadoonka ayaa maamullada Puntland iyo Somaliland u jeediyay in ay nabadda ka shaqeeyaan. HALKAN HOOSE KA DHAGEYSO: https://goobjoog.com/wp-content/uploads/2018/09/NABADOON-PUNTLAND-19-09-2018.mp3 Goobjoog News https://goobjoog.com/wp-content/uploads/2018/09/NABADOON-PUNTLAND-19-09-2018.mp3 Source: goobjoog.com

A Somali singer, poet, and songwriter by name Yasminah is suing both Canadian born singer, The Weeknd, and French production duo, Daft Punk, for at least $5 million after she claimed the 2016 ‘Starboy’ hit record was a ripoff of her own music. Source: Hiiraan Online

The 80-km stretch of road between the Liboi border point and the Dadaab Refugee Camp in Garissa County is as dusty and bumpy as it is fraught with the risk of attacks by Al-Shabaab terrorists. Source: Hiiraan Online

The number of Christian refugees admitted into the United States has risen substantially under President Donald Trump while the number of Muslim refugees resettled in the U.S. has plummeted, a report said. Source: Hiiraan Online

The conflict between Somali herders and the local Giriama community over pasture in Ganze, Kilifi County, is turning ugly by the day. Source: Hiiraan Online

A 2014- born Somali child was found dead inside his room with a stab wound to his heart. According to security sources, the child’s mother, after finding her child dead inside his room, called the Operations Room of Ministry of Interior and reported the incident. Source: Hiiraan Online

ISTANBUL (Reuters) - Relations between Washington and Ankara will strengthen with investment and trade, Turkey’s President Tayyip Erdogan said on Wednesday in speech to representatives from U.S. companies, according to the text of his speech. Source: Hiiraan Online

Minister of Development Planning and Statistics H E Dr Saleh bin Mohammad Al Nabit met with a delegation from the Ministry of Planning, Investment and Economic Development of the Federal Republic of Somalia. Source: Hiiraan Online

The asylum seekers have been staying in an overcrowded camp on the island of Lesbos. Source: Hiiraan Online

At least 12 al-Shabab militants were killed and several others injured after an airstrike hit al-Shabab militants meeting in Sakow town in Middle Jubba region in southern Somalia, officials said Wednesday. Source: Hiiraan Online

Ephraim Halevy, the former head of Mossad, Israel’s secret service agency, has voiced concerns over the risks that China’s growing presence in Israel pose to national security. Source: Hiiraan Online

The Somali government said this week that it was ready to send troops to help with security and enhance peace in South Sudan, where officials and opposition groups recently signed an agreement to end a five-year civil war. Source: Hiiraan Online

Muqdisho (Caasimada Online) – Xog dheeri ah ayaa laga helayaa weerar toddobaadkii tagey ciidamada Gaashana ee sirdoonka Soomaaliya iyo kuwa Mareykanka ay ku qaadeen deegaanka Mubaarak ee gobolka Shabeellaha Hoose, oo Mareykanku sheegeen inay ku dileen xubno Shabaab ah balse la xaqiijiyey in Shabaabku guul ka gaareen. Xog ay heshay Caasimada Online ayaa sheegeysa in ciidamada gaarka ah ee Mareykanka ay aad uga carreysan yihiin in Shabaabka ay ka war-heleen weerarka ka hor inta aan la soo qaadin, taasi oo weerarka fashilisay. Ilo lagu kalsoon yahay ayaa Caasimada Online u sheegay in dhowr askari oo ka mid ah ciidamada gaashaan weerarka lagu dilay, sidoo kalena lagu dhaawacay askari Mareykan ah, halka qalab badanna lagu furtay. Wararka ayaa sheegaya in Mareykanka uu rumeysan yahay in xubno sare oo ka mid ah hay’adda NISA ay bixiyeen xogta weerarka, taasi oo u sahashay Shabaabka inay iska caabiyaan. Weerarka ayaa la sheegay inay ogaayeen oo kaliya xubno kooban oo sare oo ka mid ah NISA. Ciidamada Mareykanka ayaa la sheegay inay qasab ku noqotay inay dhar cusub iminka usoo dirayaan ciidamada Gaashaan, maadaama Shabaabka haystaan dharkii hore, taasi oo u sahli karta inay weeraro fuliyaan ayaga oo iska soo dhigaya ciidanka. Taliye ku xigeenkii hore ee NISA Cabdalla Cabdalla ayaa horey u xaqiijiyey in xubno bixiya sirta sirdoonka Soomaaliya ay ku dhex-jiraan NISA, ayna adkaan doonto in laga adkaado Shabaab inta ay taasi jirto. Hoos ka arag dharka iyo qalabka ay qabsadeen Al-Shabaab.

Muqdisho (Caasimada Online) – Warar soo baxayay xalay kadib markii shalay uu madaxweyne Waare shaaciyay in maamulkiisa uu la heshiiyay Madaxtooyada Soomaaliya ayaa waxay sheegayeen in lacag cadadkeedu dhan yahay laba malyan la siinayo Hirshabeelle. Arrintaan ayaa waxaa shaaca ka qaaday xildhibaan Cabdirashiid Cabdixakiin Warsame. Xildhibaan Cabdirashiid Cabdixakiin ayaa sheegay in ay jirto lacag dhan laba malyan oo dollarka Maraykanka ah oo la siinayo Hirshabeelle kaddib heshiiskii ay la gaareen Villa Somalia. Wuxuu sheegay in lacagtaasi ay dowladda siinayso, isagoo hoosta ka xariiqay in dowlado ajnabi ah ay bixinayaan. Waare oo shalay shir jaraa’id ku qabtay magaalada Muqdisho ayaa ku dhawaaqay inay heshiis buuxa dowladda dhexe ka gaareen khilaafkii u dhaxeeyay labada dhinac, ayna ka wada shaqeyn doontaa danta dadka, gaar ahaa HirShabelle Waxa uu sheegay in wixii tabasho ee jiray la dhameeyay, islamarkaana ay si buuxda ula shaqeyn doonaan dowladda Federalka, isla markaana ay yeelan doonaan wada shaqeyn. Heshiiska dowladda ay la gaartay Waare ayaa qeyb ka ah dadaal ay ku dooneyso inay ku kala furfurto isbaheysiga dowla goboleedyada, taaasi oo ka saacidi karta sidii madaxdooda loogu beddeli lahaa kuwa raacsan dowladda. HALKAN HOOSE KA DHAGEYSO XILDHIBAAN CABDIRASHIID: https://www.caasimada.net/wp-content/uploads/2018/09/XILDHIBAAN-HIRSHABEELLE-19-09-2018.mp3

Muqdisho (Caasimada Online) – Xildhibaan Xuseen Iidow oo ka mid ah xildhibaanada taageersan xukuumadda Kheyre ayaa isku day uu ku ceeban lahaa xildhibaan Axmed Macallin Fiqi oo ka mid ah xildhibaanada, mucaaradka ay isaga ceeb ka raacday shalay. Isaga oo ka hadlaya kulankii shalay ee golaha ayuu yiri ” Ninkii [Fiqi] isaga 18 bilood ah taliyaha Nabad Sugida iyo Sirdoonka Qaranka la wareeray madaxtooyada dalka, Maxkamada dalka ugu sareeysa, Golaha Baarlamanka, la dilay 13 Xildhibaan, ayaa indho-adeeygiisa inta halkan soo istaagay doraad ku doodaya hal Xildhibaan oo naga dhaawacmay” Si kastaba baaritaan iyo dib u eegis lagu sameeyey taariikhda ayaa waxaa caddaatay in Xuseen Iidow uu ka been sheegay taariikhda, islamarkaana dhammaan markii ay dhaceen weeraradaas uusan Fiqi hayn xilka agaasimahda NISA. Xarunta Golaha Shacabka markii la weerarayay May 2014 ayay aheyd, waxaana Taliyaha NISA ahaa Bashiir Goobe, Ahmed Moallim Fiqi wuxuu is casilay 2013 March. Sidoo kale xarunta Maxkamadda Gobolka Banaadir oo ay ku yaallaan maxkamadaha dalka, sida Maxkamadda Sare waxaa la weeraray April 2013, bil kaddib markii uu is casilay Fiqi. Sidoo kale xarunta Madaxtooyada waxaa la weeraray July 2014, labada jeer ee Madaxtooyada la galay waxaa dalka Taliyaha Nabadsugida ka ahaa Jen. Bashiir Goobe. Dhinaca kale Fiqi ayaa facebook soo dhigay qoraaal uu arirntan kaga jawaabayo, wuxuun ku yiri “Xildhibaan Xuseen Iidow waa ka xumahay in uu isku dayo in uu taariikhda horteena ku qaldo si ula kac ah asagoo qalad hadda jira oo dhanka amniga ah raba inuu daboolo. Xilka taliyaha nabadsugidda waxaan iska casilay 23/03/2013. Qaraxyada uu rabo inuu fashilka amni ee hadda jira ku daboolana waxey dhaceen waqtigaas ka dib, anigoon ahayn Taliye, marka walaalkay Xuseen taariikhda iska sax. Hoosta waxa hadda ka dhacayana Allaha kugu soo duwo” Caasimada Online Xafiiska Muqdisho Caasimada@live.com

Madaxweynaha maamulka HirShabelle Maxamed Cabdi Waare ayaa si rasmi ah warbaahinta uga shaaciyey in dowlad gobolleedkiisa iyo dowlada Federal-ka ah ay soo afjareen mad madowgii u dhexeeyey, oo ay hadda heshiis buuxa iyo wada shaqeyn isku afgarteen. Arrintan ayaa imaaneysaa xilli dhawaan golaha iskaashiga maamul gobolleedyada ay Kismaayo uga dhawaaqeen in ay hakiyeen wada shaqeyntii kala dhexeysay dowladda Federal-ka Soomaaliya, iyaga oo u cuskaday qodobo badan oo ay ku sheegeen in ay ahaayeen ballamo ay dowladda uga baxday. Hase ahaatee, heshiiska Waare uu la galay dowladda maxuu muujinayaa? Kaddib markii ay bulshadu aqrisay nuxurkii iyo qodobadii ay maamul gobolleedyadu ugu mar marsiiyoodeen dowladda waxaa isa soo taray carada shacabka iyo sida ay uga dhiidhinayaan shirkii Kismaayo. Waxaa taas barbar socday baaqyo dowladda uga imaanayey shacabka oo ahaa in aan waqti la’ isugu lumin madax gobolleedyada intooda badan uu dhammaaday muddo xileekoodii. Taas, oo ay jirto, markii uu Waare mawqifkiisa bedelay kana soo baxay xeyn-daabkii golaha iskhaashatada dowlad gobolleedyada waxaa caddaatay in shirkii Kismaayo ahaa mid ay koox gaar ah wadatay oo aysan awalba isku dan ahayn dowlad gobolleedyada. Tusaale, waxaa jirtay xogo sheegayey in hoggaamiyaha maamulka Kismaayo ee Jubbaland, Axmed Madoobe iyo Cabdiweli Gaas ay lahaayeen hindisaha shirkaas iyaga oo dareemayey cadaadis ol’ole oo si xoog leh uga socda deegaanadooda maadama ay doorashooyin ku soo fool leeyihiin. Sidoo kale, Waare wuxuu sheegay inuu ka baxay heshiis ahaa inaan lala heshiin dowladda dhexe, haddii maamul goboleedyada daacad ka ahayd tabashadooda, maxay tahay sababta ay u yiraahdeen yaan lala heshiin dowladda? Maxayse u oran maamulkii cabashadiisa ay dowladda wax ka qabato hala heshiiyo. Waxaa meesha ka cad in isbaheysigan ay wataan dad gaar ah, oo ujeedkoodu yahay carqaladeyn kaliya, oo aysan jirin wax kale. Waxa hadda la sugo waa sida ay yeelaan madaxweyneyaasha Galmudug Axmed Ducaale Geele Xaaf iyo Koonfur Galbeed Shariif Sheekh Axmed, oo iyagana u muuqda sidii Waare in lagu daneysanayo. W/Q: Jabriil Xuseen Wehliye Muqdisho, Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Warar soo baxayay maanta xilliga hore markii uu madaxweyne Waare shaaciyay in maamulkiisa uu la heshiiyay Madaxtooyada Soomaaliya ayaa waxay sheegayeen in lacag cadadkeedu dhan yahay laba malyan la siinayo Hirshabeelle. Arrintaan caawa waxaa Goobjoog News u xaqiijiyay xildhibaan Cabdirashiid Cabdixakiin Warsame. Xildhibaan Cabdirashiid Cabdixakiin ayaa sheegay in ay jirto lacag dhan laba malyan oo dollarka Maraykanka ah oo la siinayo Hirshabeelle kaddib heshiiskii ay la gaareen Villa Somalia. Wuxuu sheegay in lacagtaasi ay dowladda siinayso, isagoo hoosta ka xariiqay in dowlado ajnabi ah ay bixinayaan. Xildhibaanka ayaa carrabka ku dhuftay in heshiiska Hirshabeelle iyo Dowladda dhexe aysan garwadeen ka ahayn dowladda Qatar oo kamid ah dalalka saameeynta ku leh siyaasadda Soomaaliya. HALKAN HOOSE KA DHAGEYSO: https://goobjoog.com/wp-content/uploads/2018/09/XILDHIBAAN-HIRSHABEELLE-19-09-2018.mp3 Goobjoog News Source: goobjoog.com

Taliyaha Ciidanka Booliska dowladda federaalka Jeneraal Bashiir Cabdi Maxamed ayaa daboolka ka qaaday in ciidamadu ay gacanta ku soo dhigeen eedeysanayaal kamid ah kuwii geystay dilka gabadh ardayad ahayd oo shalay rasaas ciidamo ka tirsan dowladda ugu geeriyootay magaalada Muqdisho. Deeqo Daahir Cali oo aheyd Ardayad 9 sano jir ah, islamarkaana dhiganeysay fasalka 9aad ee dugsiga Hoyga Xamar ee magaaladda Muqdisho ayaa shalay u geeriyootay rasaas ay rideen askar ka tirsan dowladda xilli wadada ay ahayd mid aad u mashquul badan. Sarreeye Gaas Bashiir Cabdi ayaa sheegay in eedeysanayaal gaaraya afar oo kamid ah askartii rasaasta furay ay gacanta ku hayaan ciidamada ammaanka ee dowladda. Halkan Hoose Ka Dhageyso: https://goobjoog.com/wp-content/uploads/2018/09/Taliyaha-Ciidanka-Booliska-Soomaaliyeed-Bashiir-Cabdi-Maxamed-AMERICO-ayaa.mp3 Goobjoog News Source: goobjoog.com

Saakow (Caasimadda Online) – Dowladda Federaalka Soomaaliya ayaa Maanta sheegtay inay duqeyn ku dishay Saraakiil ka tirsan Al-Shabaab isla markaasna ay ku dhaawacday Xasan Yacquub oo mar soo noqday afhayeenka Kooxdaan Argagixisada ah. Dowladda ayaa sheegtay inay duqeynta la beegsatay 37 Sarkaal oo Shabaab ah meel ay ku shirayeen balse Al-Shabaab ayaa soo bandhigtay caddeymo muujinayo in duqeyntaas lala beegsaday Isbitaal iyo Kuleej ay ardayda wax ku bartaan. Xalay saqdii dhexe ayay diyaarado dagaal waxay duqeymo ba’an ugeysteen xarumo rayid ah oo kuyaal magaalada Saakoow ee gobolka Jubbada dhexe Koonfurta dalka Soomaaliya. Duqeymaha ayaa lagu kala beegsaday isbitaalka guud ee degmada iyo Kolleej carruurta lagu xanaaneeyo waxna lagu baro. Wariye ku sugan Saakoow ayaa soo sheegay in burbur xooggan uu gaaray dhismayaasha ay diyaaradaha dagaal beegsadeen, duqeynta ka dhacday isbitaalka guud ee magaalada wax khasaara nafeed ah kama dhalan balse duqeynta ku dhacday Kolleejka carruurta lagu xanaaneeyoa waxna lagu baro waxaa ku dhintay sedax carruur ah. Saaka markii uu waagu Baryay ayay boqolaal qof waxay gaareen goobaha la duqeeyay iyagoona Kolleejka kasoo daabulay Meydadka sedaxda carruurta ah ee dhimatay, isbitaalka guud ee degmada Saakoow ayaa maalin walba adeegyo caafimaad u fidin jiray boqolaal qof waana isbitaal Maxalli ah oo dabooli jiray baahida caafimaad ee dadka ku dhaqan gudaha magaalada iyo deegaannada hoos yimaada. Goob joogayaal ayaa sheegay in xalay ay maqlayeen jugta qaraxyo waaweyn oo ka dhashay gantaallada ay diyaaradaha shisheeye ku garaacayeen xarumaha shacabka magaalada Saakoow, inta badan duqeymaha ka dhaca gobollada Jubbooyinka iyo Gedo waxaa geysta dowladaha Mareykanka iyo Kenya. Madaxda DFS oo aan badanaa lala socodsiinin duqeymaha ay diyaaradaha dagaalka Mareykanka iyo Kenya ka geystaan wadanka ayaa dhowr jeer ku hor fadeexoobay dadka Soomaaliyeed kadib markii ay dusha u riteen mas’uuliyadda duqeymo ay dowladaha AMISOM iyo kuwa kale ku laayeen dad shacab ah sida weerarkii Bariire ee lagu xasuuqay dadkii Beeraleyda ahaa taas oo ay DFS ku sheegtay in lagu beegsaday dad ka tirsan Al-Shabaab. Si la mid ah dowladda ayaan Maanta sheegtay inay duqeyntaas lala beegsaday Al-Shabaab waxayna noqoneysaa arrin ceeb iyo fadeexad ah ku dowladda. Halkaan hoose ka daawo Sawirada waxaana ku jiro kuwa naxdin leh looma ogolo inay fiiriyaan Ilmaha ka yar 15 Jir.