Ra’iisal Wasaaraha xukuumadda Federaalka Soomaaliya, Xasan Cali Kheyre, ayaa maanta kormeeray xarunta dhexe ee maamulka Hawada Soomaaliya, si uu ugu kuur galo howlaha muhiimka ah ee xaruntaasi ay u heyso shacabka iyo dowladda Soomaaliya. Wasaiirka Wasaaradda Gaadiidka iyo Duulista Hawada, Maxamed Cabdullaahi Salaad (Oomaar), ayaa Ra’iisul Wasaaraha kusoo dhaweeyay xarunta dhexe ee Maamulka Hawada Soomaaliya oo ku taalla gudaha Garoonka diyaaradaha Aadan Cabdulle Cusman. Wasiir Oomaar ayaa uga warbixiyay Ra’iisul Wasaaraha sida howsha ay u wadaan howl-wadeennada iyo maamulka xarunta Hawada Soomaaliya, kuwaas oo horumar badan sameeyay tan iyo markii Maamulka Hawada dalka loosoo wareejiyay Muqdisho. Ra’iisul Wasaare Kheyre ayaa shaqaalaha iyo maamulka kula dardaarmay in ay sii xoojiyaan howsha muhiimka ah ee ay u hayaan dawladda iyo shacabka Soomaaliyeed. —DHAMMAAD—

Ugu yaraan lix ruux ayaa ku dhimatay,inka badan toban kalena waa ku dhaawacantay dagaallo xooggan oo maanta ka qarxay degaanno hoosyimaada degmada Ceel-afweyn ee gobolka Sanaag,sida ay xaqiijiyeen qaar kamid ah waxgaradka gobolkaasi. Dagaalladan oo u dhexeeya beelo halkaasi wada-dega ayaa lagu soo warramayaa in ay ku salaysan yihiin aanooyin hore oo ka dhashay colaad in mudda ah ka dhex aloosan beelahaasi oo markii hore ka kacday dhul-daaqsin iyo ceelal lagu muransanyahay. Degaanno kale oo ka tirsan gobolka Sanaag ayaa sidoo kale la soo sheegaya in beelahan ay maanta ku dagaallameen,balse weli si rasmi ah looma hayo khasaaraha dhimasho iyo dhaawac ee ka dhashay,sida ay sheegayan mas’uuliyiinta maamulka Somaliland. Colaaddan oo marar badan soo noq-noqotay ayaa dhowaan heshiis laga gaaray,laakiin heshiiskaas ayaa burburay maalmo ka hor,kadib markii dad kale lagu laayey meelihii horay loogu dagaallamay.. Wixii ka soo kordha kala soco: PUNTLAND POST The post Ugu yaraan lix ruux oo ku dhimatay dagaallo ka dhacay gobolka Sanaag. appeared first on Puntland Post.

Wararka naga soo gaaraya Degmada Wanla weyn ee Gobolka Sh/Hoose ayaa waxa ay sheegayaan in halkaasi goordhow uu ka dhacay qarax khasaare geeystay. Qaraxa ayaa ka dhacay aargada Degmada Wanla weyn halkaasi uu ku yaalo suuq ganacsi oo dad badan ay ka dukaameysanayeen. 14-Ruux ayaa ilaa hadda la xaqiijiyay in qaraxaasi ay ku dhinteen oo u badan dad shacab ah oo goobta ka agdhowaa. Qaraxa oo ahaa nooca miinada dhulka lagu aaso ayaa la la damacsanaa askar ka tirsan ciidamada Milatariga Soomaaliya oo halkaasi marayay. Goobjoogayaal halkaasi ku sugan ayaa u sheegay Warqabadka Puntland Post ee Muqdisho in khasaaraha laga yaabo in uu intaasi dhaafo. Faah Faahinta Dib kala soco insha allah Xasan Maxamed Samatar Cowke Puntland Post Muqdisho The post Qarax dad badan ku dhinteen oo ka dhacay Wanla Weyn appeared first on Puntland Post.

Itoobiya waa dal aanan bad lahayn, waxayna taas dhacday sanadkii 1993-dii markii ay madaxbanaani ku dhawaaqday Eritrea oo markii hore ka mid ahayd dhulweynaha Itoobiya, waxaa kale oo intaas xigay in labad dal ay dagaalameen sidaasi darteedna dekeda Casab waxa ay noqotay meel aysan galaangal u lahayn dowladda Itoobiya. Itoobiya oo shacabkeedu ka badanyahay 90 milyan oo qof , wuxuuna dalkani u baahanyahay in uu lasoo dego badeeco aad u badan, islamarkaasna dhoofiyo waxsoo saar kale sida bunka oo uu caan ku yahay, sidaas awgeed waxa uu ku qasbanyahay in la helo deked si sahlan loo isticmaali karo. Balse sida aad ku ogaan doonto qeybaha dambe ee qoraalkan, sababta ay Itoobiya u danaynayso dekeda gobolka taas oo kaliya ma ahan. Muddo ka badan 30 sanadood, Itoobiya waxa ay isticmaalaysay dekada Jabuuti iyo dekeda Sudan, balse markan waxa ay Itoobiya qaadaysaa tallaabo ay kula wareegeyso saami dekadaha inta badan dalalka dariska. Berbera Sanadkan waxa uu muran weyn ka dhashay kadib markii dowladda Itoobiya boqolkiiba 19% laga siiyay saamiga dekada Berbera, waxayna tan ka dambeysay kadib markii shirkadda DP World iyo Somaliland wada galeen heshiis ay shirkadda ku maamulayso dekada. Mas’uuliyiinta Somaliland ayaa sheegay in shirkadda DP World ay saamigeeda kasii iibisay Itoobiya, taasna ay xaq u leedahay. Dowladda Federaalka Soomaaliya ayaa inkasta oo aysan si toos ah uga hadlin saamiga Itoobiya, ayay gabi ahaanba ka hor timid heshiiska dekeda Berbera, iyada oo xitaa baarlamaanka uu meelmariyay xeer dalka looga mamnuucayo shirkadda DP World, islamarkaasna lagu laalayo heshiiska. Hase yeeshee heshiiskaas weli ma uusan saxiixin madaxweyne Maxamed Cabdullaahi Farmaajo maadaamaa uu buuq siyaasadeed baarlamaanka ka dhashay labo maalmood kadib markii xeerka si aqlabiyad ah loogu codeeyay. Jamhuuriyad iskeed ugu dhawaaqday madaxbanaanida ee Somaliland ayaa sheegtay in aysan waxbo ka quseynin diidmada federaalka, islamarkaasna ay xaq u leeyihiin in ay ku manaafacaadaan kheyraadkooda iyo illaahooda dhaqaale. Sidaasi oo ay tahay, haddane wasiirka warfaafinta Somaliland ayaa sheegay in madaxweynihii hore ee Soomaaliya Xassan Sheekh Maxamuud iyo kii Somaliland Axmed Maxamed Maxamuud Siilaanyo ay Jabuuti ku kala saxiixdeen heshiis dhigaya in Somaliland ay u madaxbanaantahay horumarinta kaabayaasha dhaqaalaha. Dekeda Jabuuti Islamarkii la saxiixay heshiiska dekeda Berbera, waxaa dhacday in dowladda Jabuuti ay qandaraaskii dekeda Dooraale kala laabatay shirkadda DP Worl, iyada oo lagu eedeeyay in ay kasoo bixi weysay balanqaadyadii horey loogu heshiiyay. Iyada oo uu xaalka halkaas marayo ayaa bishii hore dabo yaaqadeeda waxaa Jabuuti booqasho rasmi ah ku tagay Ra’isulwasaaraha cusub ee Itoobiya Dr Abiy Axmed, kaas oo la kulmay madaxweynaha Jabuuti Ismaaciil Cumar Geelle. Labada dal waxa ay kadib kala saxiixdeen heshiis dhigaya in Itoobiya ay saami ku lahaato dekeda Dooraale, halka Jabuutina ay saami ku yeelato shirkadda macaashka badan ee diyaaradaha ee Ethiopian Airlines. Waxaa la sheegay in ay Jabuuti aad ugu baahnayd cid maalgashata dekeda Dooraale maadaamaa ay ka baxday shirkaddii maalgashiga ku samayn lahayd ee DP World. DP World waxa ay sheegtay in ay maxkamad caalami ah horgeyn doonto dowladda Jabuuti. Lama oga sida ay Itoobiya u wada maaraynayso xiriirka Jabuuti iyo kan DP World oo halkii laga eryay shirkadan ay iyadu gashay. Faahfaahinta heshiiskan weli ma kala cadda maadaamaa la saarayo guddi labada dal ah oo ka shaqaysa hirgalinta heshiiskan isaga oo kale uu yahay mid dhif iyo naadir ah. Dekeda Suudaan Isla kolkii uu dhammaaday safarkii Jabuuti, Dr Abiy waxa uu u duulay dalka Suudaan oo daanta kale daris kala ah Itoobiya, waxana halkaas si weyn ugu soo dhaweeyay madaxweyne Cumar Xasan Al Bashiir. Sida ay wakaaladda wararka ee Reuters kasoo xigatay afhayeenka wasaaradda arrimaha dibedda ee Itoobiya Meles Alem, labada madaxweyne ayaa qalinka ku duugay heshiis ay si wadajir ah ugu dhisayaan dekeda, iyada oo markaas kadib Itoobiya saami laga siin doono dekedaas. Iskaashiga Kenya Dr Abiy waxa uu sidoo kale bishan safar ku tagay dalka Kenya, halkaas oo madaxda ugu sareysa ee Kenya uu la saxiixday heshiisyo kala duwan. Sida uu qorey wargeyska Daily Nation, heshiiska waxaa ka mid ah heshiis horey labada dowladood ay u galeen oo lagu magacaabo LAPSET, kaas oo la’isku xirayo dekada Lamu iyo dalka Itoobiya. Inkasta oo aysan weli soo bixin in Itoobiya ay saami ka heshey dekeda Lamu, haddane mashruucan LAPSET waa mid aad u balaaran oo la doonayo in lagu dhiso waddooyin laami ah, iyo qadka tareen oo isku xira labada dal si badeecada Itoobiya uga soo degta Lamu ama uga dhoofta ay si sahlan ugu kala gooshto masaafarada fog ee u dhaxaysa labada meelood. Sababta Itoobiya ayaa doonaysa in ay hoos u dhigto canshuurta tirada badan ee kaga baxda dhoofka iyo soo dajinta badeecooyinka kala duwan. Waxa kale oo ay doonaysaa in ay hesho damaanad ah meelo ay si joogto ah wax kala soo degi karto si uusan u saamaynin isbadala siyaasadaha. Sargaal kale oo hadlay waxa uu sheegay in Itoobiya ay qeyb ku lahaan doonto go’aamada ku saabsan jaangooyada canshuuraha dekeda Sudan. Tan waxa micnaheedu yahay in ay kordhiso saamaynteeda dalalka gobolka oo ay ku tartamayaan dalal shisheeye, gaar ahaan kuwa Carabta. Tusaale dalka Sudan waxaa heshiisyo dekadeed la galay illaa labo dal oo kala ah Turkiga iyo Qadar. Dowladda Turkiga waxa ay dib u dhisaysaa dekedaa xilligii Cusmaaniyiinta ee Sawkin. Mid kale oo sababaha Itoobiya ka mid ah ayaa ah in ay doonayso in ay kala qafiifiso culeeska shixnadaha usoo dekada, loona kala qeybiyo dekeda kala duwan, sidoo kalena uu halkaas ka dhasho loolan dalalka ay ugu jiraan macaashka badan ee ku jira ganacsiga lala samaynayo Itoobiya. Ra’isulwasaaraha cusub Dr Abiy ayaa balanqaaday furfurnaan xagga ganacsiga, taasna waxa ay horseedi doontaa in waxyaabaha la dhoofinayo ama lasoo dajinayo ay aad u kordhi doonaan.

Muqdisho (PP) ─ Ra’iisul Wasaare ku-xigeenka Somalia, Mahdi Maxamuud Guuleed oo ah gudoomiyaha guddiga qaran ee gurmadka fatahaadaha ayaa waxa uu maanta lacag gargaar ah oo dhan $100,000 ku wareejiyay gudoomiyaha Gobalka Gedo, Maxamed Muxummed Maxamed, kadib kulan uu guddigu ku yeeshay Muqdisho. “Waxa aan horay u ballan qaadnay in guddigu ugu deeqayo Gobalka Gedo lacag Boqol Kun oo doolar ah. Waxa aan hadda lacagtaas ku wareejinnay gudoomiyaha Gobalka Gedo oo aan ka dooneyno in uu si cadaalad ah u gaarsiiyo qoysasaka dhibaatadu kasoo gaartay fatahaadaha”, ayuu yiri Ra’iisul wasaare kuxigeenka Xukuumadda Federaalka Soomaaliya Gudoomiyaha Gobalka Gedo, Maxamed Muxummed Maxamed, oo gudoomay lacagta gargaarka ah ee loogu tala galay dadka gobalkiisa ee daadadku dhibaateeyeen, ayaa waxa uu ka mahad celiyay gurmadka hor-dhaca ah, waxa uuna ballan qaaday in dadkii loogu tala galay ay gaarsiin doonaan. Ugu dambeyn, Guddiga qaran ee Gurmadka fatahaadaha ayaa tan iyo markii la magacaabay waxa ay wadeen dadaallo loogu gurmanayo dadka iyo deegaannada ay ka jiraan xaaladaha bini’aadninimo ee ka dhashay daadaka, waxaana xubna kamid ah guddigu ay socdaallo ku mareen deegaanno ay daadad ku fataheen halkaas oo ay gaarsiiyeen qaar kamid ah dadkii ay daadadku saameeyeen gargaar isugu jira lacag, raashin, dawo, iyo agab kale oo Muhiim u ah nolosha Aadanaha. PUNTLAND POST The post Gudiga gurmadka fatahaadaha oo lacag deeq ah ku wareejiyay maamulka Gobolka Gedo appeared first on Puntland Post.

Wanla Weyne (Caasimadda Online) – Ugu yaraan 10 qof ayaa ku dhintay Qarax ka dhacay Degmadda Wanla-weyn ee gobolka shabeelaha hoose, sida Idaacadda kulmiye u sheegeen masuuliyiinta gobolka. Qaraxa waxaa loo adeegsaday Mooto bajaaj, wuxuuna ka dhacay meel u dhow Aargadda degmadda. Qaar ka mid ah dad aan la hadalnay ayaa waxa ay sheegeen in qarxaas ay ku geeriyoodeen in ka badan 10 ruux halka ilaa 6 Ruux ay ku dhaawacmeen. Wararka qaar ayaa waxa ay sheegayaan in qaraxa lala damacsanaa gaari ay wateen ciidamo ka tirsan dowladda balse markii uu gudbay uu qaraxa dhacay. Dadka geeriyooday ayaa waxaa la soo sheegayaa in badankood ay yihiin dadkii Goobta qaraxa uu ka dhacay ku Ganacsanayay,waxana sidoo kale jirtay in Ciidamo ka tirsan kuwa dowladda ay rasaas fureyn taas oo khasaaha sii kordhisay. Dad ku dhaawacmay qaraxa ayaa la geeyay Cusbitaalka degmadda , si rasmi ah looma xaqiijin tiradda dhaawaca. Caasimada Online Xafiiska Muqdisho Caasimada @live.com

Madaxweyne Gaas iyo wefdiga UNFPA Madaxweynaha dowladda Puntland Dr. Cabdiweli Maxamed Cali (Gaas) ayaa maanta qasriga Madaxtooyada Puntland ee caasimadda Garoowe ku qaabiley madax kasocotey hay’ada UNFPA. Kulanka uu madaxweyne Gaas la yeesha madaxda ka socotay hay’adda UNFPA ayaa waxaa ku weheliyay wasiirka Qorshaynta iyo Xidhiidhka Caalamiga ah ee Puntland, Shire Xaaji Faarax iyo saraakiil ka tirsan madaxtooyada Puntland. Wefdigaan ka socday hay’adda UNFPA oo uu hogaaminayey agaasimaha gobolka UNFPA Mr. Luay Shabeneh ayaa waxaa la socday uqaabilsanaha arimaha Soomaaliya Mr. Nikolai Botev iyo ku xigeenkiisa Walter Mandson-filho. Madaxa wefdiga Hay’adda UNFPA Mr. Luay Shabeneh oo uga mahad celiyey madaxweynahad dowladda Punland fursada uu maanta u siiyey inay kula kulmaan xafiiskiisa ayaa hadal kooban oo uu ka jeediyey kulanka kaga warbixyey waxqabadka hay’adda ee guud ahaan Soomaaliya iyo gaar ahaan waxyaabaha ay ka qabteen Puntland, isago sheegay in horumar weyn ay ka gaadheen ka hortaga tacadiyada haweenka, isla’marhaantaana meel wanaagsan uu marayo barnaamijka wacyigelinta ka hortaga gudniinka fircooniga ah iyo faldenbiyeedka kufsiga haweenka. Dhinaca kale Mr. Luay Shabeneh ayaa ku amaanay dowladda Puntland ka hortaga iyo la-dagaallanka tacadiga loo gaysto haweenka, isagoona sheegay in marka loo eego Soomaaliya in Puntland ay tahay meel xasiloon oo ay yar yihiin denbiyaha ka dhaca ee lagula kaco haweenka. Madaxweynaha dowladda,Cabdiweli Maxamed Cali (Gaas) oo wefdiga kusoo dhoweeyay qasriga madaxtooyada Puntland ee caasiamdda Garoowe ayaa waxaa uu uga mahad celiyey booqashada ay ku yimaadeen sidoo kalena ku bogaadiyey hay’adda UNFPA shaqada wanaagsan ee ay ka hayaan guud ahaan Soomaaliya iyo gaar ahaan hawlaha baaxada leh ay ka fuliyeen Puntland. Madaxweynaha ayaa isaga oo hadalkiisa sii wata waxaa uu sheegay in hada uu yaryahay tacadiga haweenka lugula kaco, taasna ay muujinayso sida Hay’addaha dowladda Puntland uga hawl galeen amuurtaasi, sidoo kalena sheegay inay lama huraan tahay in laga gudbo caadooyinkii hore ee waxyeelada u gaysan jiray caafimaadka hooyada iyo dhalaankaba. Halkaan hoose ka eeg sawirrada. PUNTLAND POST The post Madaxweyne Gaas oo kulan la qaatay wefdi ka socday hay’adda UNFPA. appeared first on Puntland Post.

Muqdisho (Caasimadda Online) – Waxaa soo shaac baxay saansaan muujineysa inuu dib u soo noolaaday khilaafkii Maamul Goboleedyada iyo dowladda Federaalka Soomaaliya oo toddobaadkan ay mar kale qarxiyeen madaxweynayaasha Puntland iyo Jubbland. Madaxweynaha Puntland C/weli Gaas oo marar badan ku dooda inaysan wax shido ah u dhaxeyn maamulkiisa iyo dowladda Federaalk ayaa muddo 72 sacadood ah ku qabtay saddex shir jaraa’id iyo khubad jeedin isugu jira oo uu si toos ah ugu weerarray dowladda Soomaaliya ee uu hoggaamiyo Madaxweyne Maxamed C/llaahi Farmaajo. Dhinaca kale Madaxweynaha maamulka Jubbaland Axmed Maxamed Islaam oo lagu tilmaami jiray inuu u dhow yahay dowladda Federaalka ayaa markii ugu horeysay si toos ah u weerarray hab dhaqanka madaxda dowladda Soomaaliya, isagoo waliba ay kasoo yeereen ereyadii ugu kululaa ee uu ku halgaado dowladda Nabad iyo Nolol. C/weli Gaas iyo Axmed Madoobe waxay wadaaagaan arrimaha soo socda: 1) Labada madaxweyne ee C/weli Gaas iyo Axmed Madoobe waxay wadaagaan inay wada tageen dalka Imaaraadka Carabta oo xiriirka kala dhaxeeya dowladda Soomaaliya uu si weyn u xumaaday, iyagoo dhinaca kale ka horjeeda kaalinta dowladda Qatar ku leedahay dowlada Federaalka Soomaaliya. 2) Gaas iyo Madoobe waxay dowladda Federaalka ku heystaan inaysan dhaqaale fiican ka helin maamuladooda, iyadoo C/weli Gaas uu si cad u sheegay in mashaariicdii dowladda Qatar ku deeqday oo dhamaa 200 Milyan Doolar, lagu koobay Afgooye iyo Jowhar. Axmed Madoobe isagu wuxuu ku celceliyay inaysan dowladda ka helin wax dhaqaale ah oo dhaafsiiyay mushaar ciidamada, culeyskuna ku dhacayo maamuladooda. 3) Maamullada Puntland iyo Jubbaland waa labada maamul ee gacanta ku haya hanti Qaran, isla markaana ka hela dhaqaale aan cidna kula xisaabtamin, waa dekadaha Boosaaso iyo Kismaayo oo aan soo dhaafin maamulladaasi. Gabagabadii waxaa muuqata xiriirka Maamul Goboleedyada iyo dowladda federaalka inuu mar kale madaxa la gelayo khilaaf siyaasadeed oo markan aan la ogeyn halka uu ku dhammaan doono, iyadoo ay saameyn ku leeyihiin dalalka Imaaraadka iyo Qatar. Caasimada Online Xafiiska Muqdisho Caasimada @live.com

Waxaa Shir jaraa’id ku qabtey Magaalada Muqdisho Laba Xildhibaan oo ka soo jeeda Maamul Goboleedka Koonfur Galbeed oo kala ah Xildhibaan Mahad Cabdi Dhoore iyo Xildhibaan Abuukar Cabdulle Raage (Garmaqaate) ka dib markii ay ka caroodeen Buug ay si Wada jir ah u Maalgeliyeen Hay’adda Qaaramada midoobey u Qabilsan Horumarinta Beeraha ee FAO iyo Bangiiga Aduunka, Buugaas oo Cinwaan looga dhigay (REBUILDING RESILIENT AND SUSTAINABLE AGRICULTURE IN SOMALIA)waxaa la daabacay 27-kii Maarso 2018. waxaana ogolaadey oo aqbaley Daabacaadiisa Dowladda Soomaaliya gaar ahaan Xafiiska Ra’iisul Wasaaraha, Wasaarada Qorsheynta iyo Wasaarada Beeraha. “Warabixinta Buugga ku Qoran waxay Halis ku tahay oo si toos ah Noloshooda ay uTaabaneysaa Bulshada iyo Beeraleyda Shabeelada hoose, waxayna dhalin kartaa Colaad iyadoo meesha ka saari karta Nabadda aan Xooga Badan ku taagneyn ee Dadka Deegaanku ku wada nool yihiin, anagoo og in marar badan Colaad laga huriyey oo lagu fashilmey” sidaa waxa yiri Xildhibaan Mahad Cabdi Dhoore oo intaa raaciyey. “Warbixintu waxay Xambaarsan tahay fariimo iyo Faham Marin habaabin ah oo aan ka turjumeyn Xaqiiqda jirta haba yaraatee, Bogga 28-aad ee Buugga (REBUILDING RESILIENT AND SUSTAINABLE AGRICULTURE IN SOMALIA) waxaa lagu sheegey in Maleeshiyo Beeleed ka soo jeeda Gobolada Dhexe oo aan lahayn aqoon iyo Xirfado Xagga Beeraha ay ku soo duuleen oo ay ku Habsadeen Dhulkii ugu Haboonaa ee Beeraha Gobolka Shabeelada Hoose, taasoo qayb weyn ka ah Nolol Xumida iyo wax soo saar la’aanta Soomaaliya” Mudane Dhoore waa uu sii Hadley oo waxaa uu yiri. “Waxaa marag ma doonta ah in Bulshada sida qaldan looga hadlayo ay ka mid yihiin Shaqsiyaad Caan ka ah Gobolka oo laga soo doortey oo Codkooda ku soo baxay kuwaas oo Madax ka noqdey Gobolka Shabeelada Hoose kana soo jeeda Bulshada lagu Aflagaadeeyey warbixinta Buuga ay soo saareen FAO iyo Bangiga Aduunka, Khatarta Buugu Xambaarsan yahay ma ahan oo keliya in runta laga fogaadey, ee waxay Suurta gelineysaa in mar kale Deegaanka laga abuuro Colaad Sokeeye iyo Barakac Baahsan oo aaan laa xamili karin”. “Warabixinta Buuga waxay aad uga fog tahay Runta iyo Dhedhexaadnimada, mana jiraan wax Cadeymo ah oo ay soo Xiganeyso, waxaana Maalgeliyey Hay’ado waa weyn sida FAO iyo Bangiga Aduunka, waxay ahayd in Xukuumada Soomaaliya ay aad uga Fiirsato inta aan la Daabacin Buuugaan kaasoo lagu bartilmaameedsadey Qabiil iyo Qowmiyad Gaar ah” sidaa waxaa yiri Xildhibaan Abuukar Cabdulle Raage (Garmaqaate) oo intaa ku darey. “Waxaa kaloo Warbixinta Buugga ku jira eedeemo Fool Xun oo sheegaya in la adoonsado dadka asal ahaan Deegaanka u dhashey taasoo lala Xiriirinayo dadka Gobolada Dhexe ka yimid taasoo marag ma doonta ka dhigeysa Xishood-darida iyo masuuliyada Xumida ka muuqata Warbixinta Buuga lagu xusey”. Mudane Garmaqaate waxaa kale oo uu yiri “Hay’adaha Buugaan soo saareey iyo Xukuumada ku taageertey labaduba ma hayaan Xigasho lagu Kalsoonaan karo, waana qaab kale oo la doonayo in dib loo yegleelo Colaadii Gobolka Shabeelada Hoose”. Ugu Dambeyntii Labada Xildhibaan waxay u mahadceliyeen Madaxweynaha Soomaaliya, Raiisul Wasaaraha, Ciidamada Amisom gaar ahaan kuwa Uganda ee ka Howl gala Gobolka Shabeelada Hoose iyo Ciidamada Milatariga Soomaaliya sida ay dadaalka ugu jiraan in Gobolaka Shabeelada Hoose nabad loogu soo dabaali lahaa waxayna Cambaareeyeen Dhammaan Hay’adaha Buugaan ku lug leh sida FAO, Bangiga Aduunka, Wasaarada Qorsheynta iyo Wasaaradda Beeraha Soomaaliya. Sanadkii la soo dhaafay ayey aheyd Markii Warbixin sidaan oo kale u Qaldan ay Ciidamada Mareykanka ee sida gaarka u tababaran (Navy Seal) ay ku dileen 10 Ruux oo beeraley ah oo laba Caruur ahayd Deagaanka Bariire, sidoo kale Saraakiil ka tirsan Dowladda Federaalka ayaa Jariiradda The Guardian u sheegtey in Bulshada laga hadleyo ay ku lug lahaayeen Qaraxii 14 Oktoobar 2017 ee Isgoyska SOOBE taasoo ahayd Gef kale oo loo Geystey Bulshada la Dulminayo. W/D Cabdinaasir Xirsi Iidle E-Mail naasirx1@gmail.com Tel 00252615503978

Kenya and Djibouti have signed four agreements aimed at boosting trade and deepening bilateral links. The agreements were signed at State House, Nairobi, where President Uhuru Kenyatta hosted Djibouti President Ismail Omar Guelleh, who is on a three State Visit to Kenya. Source: Hiiraan Online

Muqdisho (Caasimadda Online) – Waxaa deegaanka Buurgaabo oo ka tirsan Jubbada hoose una jirta xadka Kenya iyo Soomaaliya 55 Km laga rarayaa Markab dhuxul ah oo qaada 17,000 oo jawaan, wuxuuna ku wajahan yahay magaalada Dubai ee Isutagga Imaaraadka Carabta. Arrintan waxay imaanaysaa kadib markii Madaxweynaha Jubaland Axmed Madoobe uu safar uu ugu maqnaa UAE kasoo laabtay,iyadoo shaki abuuraysa in Imaaraatku Axmed Madoobe kula soo heshiiyeen ka ganacsiga dhuxusha. Shirkadda loo rarayo dhuxusha waxaa iska leh niman ganacsato ah oo Axmed Madoobe gacan saar laleh, waxayna joogaan magaalada Dubai, waxaa lagu kala magacaabaa ganacsade Cabdinaasir Cali Addoon iyo ganacsade Bashiir Dheere, waxaana wakiil uga ah magaalada Kismaayo iyo deegaannada Jubaland dhuxul rarista ganacsade Maxamed Cabdullaahi. Waxaa asbuucii hore ka dhacay muqdisho shir caalami ah oo looga hadlayey dhibaatada xaalufinta deegaanka iyo ka ganacsiga dhuxusha oo ay Dowladda Federaalka Soomaaliya iyo Qaramada midoobay go’aan kasoo saareen in ay tahay denbi ka ganacsiga dhuxusha. Sanadkii 2017-kii waxaa Qaramada Midoobay kasoo saartay warbixin dheer oo ka hadlaysay meelaha ay Alshabaab ka helaan maalgelinta ay ugu horreyso ka ganacsiga dhuxusha, waxay warbixintu digniin u jeedisay UAE oo si toosa u iibsata dhuxusha laga raro deegaannada Alshabaab maamulaan.

MOGADISHU (HOL) - Al-Shabab militants in Somalia have stoned a mother of eight to death for Polyandry on Wednesday.Hundreds of residents gathered at a public square in the town of .... Source: Hiiraan Online

MOGADISHU (HOL) - Al-Shabab militants in Somalia have stoned a mother of eight to death for Polyandry on Wednesday.Hundreds of residents gathered at a public square in the town of .... Source: Hiiraan Online

Xilliga uu qofka canug u dhalanayo waa mid ka mid ah waqtiyada ugu qiimaha badan noloshiisa, hasayeeshee aabayaasha oo dhan uma ay suuragasho inay indha saaraan marka ilmihiisu uu dunida usoo baxayo. Askari Mareykan ah ayaa Sabtidii isku dayayay inuu u safro gurigiisa oo ku yaal magaalada Brandon ee gobolka Mississippi ee waddankaasi, kaddib markii xaafkiisa la dhigay qolka dhalmada, hasayeeshee safarkiisii ayaa waxaa ku yimid hakad kaddib markii uu dhib u dhacay duulimaadkii uu raaci lahaa. Haddaba markii uu Brooks Lindsey ku xayirmay gagida diyaaraha ayaa waxa uu go’aansaday inuu gabadhiisa Millie ku arko muuqaal ahaan oo waxa uu taleefankiisa ka wacay xaaskiisa Haley Lindsey. Haweeney ay ninkaasi wada safrayeen ayaa sawirka ka qaadday aabahan filayay in canug loo dhalo kaasoo oo uu walwal badan ka muuqday markii uu taleefankiisa daawanayay. “Waa uu oynayay aniguna waannu muraalo dilaacnay. Farahaannu ka qaadnay oo waannu ka fogaannay. Markiise aannu maqalnay oohinta canuga, ayaannu farxad kula dabaaldegnay. Waxaan rabay inaan arrintan idinla wadaago sababtoo ah ma doonayo inaannu weligeen hilmaanno howsha ay askarteenna noo hayaan iyo sida ay naftooda noogu huraan,” ayey barteeda Facebook-ga soo dhigtay, Tracy Dover, taas oo sidoo kale dadka la wadaagtay sawirka Brooks Lindsey. Kaddib markii sheekada lagu baahiyay Facebook-ga iyo Twitter-ka in ka badan 120,000 oo jeer, ayaa qoysas kale oo ka tirsan milateriga waxa ay barahooda soo dhigeen xusuustooda iyo sheekooyin ku saabsan aabayaal aanay u suuragelin inay joogaan xilliga ay carruurtooda dhalnayeen sababo shaqo awgeed. Qaar badan oo ka mid ah dadkaasi waxa ay soo qaadeen sida uu milateriga naftiisa ugu huro dadweynaha oo ay si joogta ah uga baaqsadaan ka qeybgalka xafladaha muhiimka ah ee qoysaskooda. “Ninkeygii hore ayaa inoo yimid todobaad kaddib markaan dhiilkeyga dhalay. Nidaamka Laanqeyrta Cas ee la maro waa mid aad gaabis u ah. Dib ayuu ugu laabtay ururkii uu ka tirsanaa, laba bilood kaddibna aabihii ayaa dhintay – waanay u suurageliwaysay inuu degdeg ku yimaado oo waxa uu yimid laba maalmood kaddib geeridii aabihii,” waxaa sidaa ra’yigeeda ku dhiibatay Susan DeCato, taas oo ninkeedii loo badelay magaalada Baqdaad ee waddanka Ciraaq. This Army soldier’s flight was delayed. He had to watch the birth of his daughter on FaceTime. I wanted to share this because I never want us to forget about our soldiers who serve us everyday and the sacrifices they make. pic.twitter.com/1OuKlj9bqx — Ryan Fournier (@RyanAFournier) May 7, 2018 Hooyo ayaa sheegtay in ninkeeda uu canuga u dhashay uu ku ogaaday warqad ay u dirtay oo wadada ku sii jirtay shan todobaad. Qaar ayaa waxa ay amaaneen dowrka tiknolojiyadda taas oo ka dhigtay in xitaa haddii uusan aabuhu iman karin goobta ay xaaskiisa ku dhalayso uu ugu yaraan daawan karo dhalmada canugiisa, sidoo kalana uu halkaa ka dhiirigelin karo xaaskiisa. “Jaceylkeyga ayaa waxaa loo qaaday meel kale markii uu canuga labaad noo dhashay. Maalintii xigtay ayaannu Mobile ka wada xiriirnay waxa uuna noqday qofkii ugu horreeyay ee arka indhaheeda. Gurigana dib uguma uusan soo laaban ilaa ay shan bilood ka gaartay,” waxaa soo qortay Jen Bell. “Dumaashigey ayaa mar uu ka soo kicitimay saldhig ku yaal Jarmalka halkan nagu soo maray isagoo gurigiisa ku sii socday, si uu u arko gabadha uu adeerka u yahay. Markii ugu horreysay ayaa waxa uu ku arkay barnaamijka Mobile-ka lagu isticmaalo ee FaceTime isagoo joogay Detroit!” waxaa sidaas barteeda Facebook-ga soo dhigtay Aelena Wade Collinson. Carruurta ay dhaleen ciidammada milateriga ayaa sidoo kale waxa ay dadka la wadaageen waxyaabihii ay u soo joogeen. Clare Wakeham ayaa isna soo dhigay: “Markii aan dhalanayay aabahay waxa uu ku jiray badda oo waxa uu saarnaa markab nooca quusa ah – haddii uusan howshaas adag haynna wuu inala joogi lahaa malaintaas. Markii uu badda ka soo baxay ayaa loo sheegay inaan dhashay – kaddibna habeenkii oo dhan ayuu soo safrayay si uu ii arko.” Hasayeeshee carruurta noocaasi ah oo dhan aabayaashood maalmo kuma aanay arag. Melissa Griffin ayaa soo dhigtay barteed Twitter-ka in aabaheed aanay arag muddo sanad ah markii ay dhalatay kaddib sababtoo ah markii aan dhalanayay waxa uu ka howlgalayay saldhig ku yaal Kuuriya. This Army soldier’s flight was delayed. He had to watch the birth of his daughter on FaceTime. I wanted to share this because I never want us to forget about our soldiers who serve us everyday and the sacrifices they make. pic.twitter.com/1OuKlj9bqx — Ryan Fournier (@RyanAFournier) May 7, 2018 Nasiib wanaag inanta yar ee Millie aabaheed waxaa u suragashay inuu raaco duulimaadkii xigay, markaas oo uu toos u tegay isbitaalka halkaas oo uu ugu dambeyntii kula kulmay gabadhiisa markaas un dhalatay.

Muqdisho (PP) ─ Kooxda Al-shabaab ayaa maanta xukun dil ah ku fulisay haweeney lagu eedeeyay inay isla guursatay mar qura 11 rag ah, waxaana goobta xukunkan laga fuliyay ku sugnaa dadweyne badan. Haweeneydan oo lagu magacaabo Shukri C/llaahi Warsame oo dhagax lagu dilay, ayaa la sheegay inay qirtay dambiga lagu soo eedeeyay, waxaana la sheegay inay sheegtay inay ku qanacsan tahay in lagu fuliyo xukunkii u soo baxa. Dilkan xukunkan ahaa ayaa ka dhacay deegaanka Sablaleele oo ka tirsan Gobolka Shabeellada Hoose ee Koonfurta Somalia, iyadoo haweeneydan lagu soo eedeeyay dambigan guurka badan ah ayaa noqonaysa tii guu horreysay oo Somalia ka dhacda. Maxkamadda Al-shabaab ee xukunkan fulisay ayaa sheegtay in Shurki ay caafimaad ahaan wanaagsanayd, isla markaana ay maxkamadda u sheegtay inay si bareera h dambigan u gashay. Inkastoo haweeneydan la dilay aanay goobta ka hadlin ayaa haddana dadkii goobta ku sugnaa waxay sheegeen in Shukri oo murugo ay ka muuqatay qaybta hoose ee jirkeeda dhulka lagu aasay, kaddibna dhagax garaacay illaa ay ka dhimanaysay. Ugu dambeyn, ma ahan markii ugu horreysay oo Al-shabaab ay sidan oo kale haweeney dhawr rag ah isku guursatay ay dhagax ku dilaan, laakiinse waa markii ugu horreysay oo la sheego in haweeney ay 11 nin isku guursato mar qura. PUNTLAND POST The post Al-shabaab oo xukun ku fulisay Haweeney ay ku eedeeyeen inay isla-guursatay tiro Rag ah appeared first on Puntland Post.

Muqdisho (Caasimada Online) – Waxaa maalntii labaad uu dagaal ka dhacay xaafada Kaawa Godeey ee degmada Dharkenley ee Gobolka Banaadir, kaas oo u dhaxeeya ciidamo ka wada tirsan kuwa dowladda oo u abaabulan qaab beeleed. Dagaalkii shalay ayaa waxaa ku geeriyooay hal ruux halka laba kale ay ku dhaawacmeen, waxaana la sheegya in maleeshiyaadka dagaalamay ay isku heystaan Guri halkaasi laga dhisayo oo ay lacago ka qaateen. Dadka ku nool Xaafada Kaawa Godeey ee degamda Dharkenley ayaa waxa ay sheegeen in markale dagaal halkaasi uu ka dhacay maanta, isla markaana uu socdo in ka badan laba saacadood, balse weli aysan xaqiijin karin khasaaraha ka dhashay dagaalkii maanta. Xaalad kacsanaan ah ayaa weli ka jirta goobta lagu dagaalamay, waxaana dad aan la xiriirnay ay sheegeen in ay weli maqlayaan rasaas goos goos ah oo labada dhinac ay isku ridayaan. Maamulka degmada Dharkenley weli dagaalkaas kama hadlin, waxaana taasi walaac ka muujiyey waxgaradka ku nool degmadaas.

Lacago malaayiin dollar ayaa dawladda Soomaaliya uga lunta shirkadaha qandaraaska ka haysta Qaramada Midoobay oo baal mara heshiis ay dawladdu la gashay Qaramada Midoobay. Qaramada Midoobay waxay qiratay in qaar ka mid ah agabka loo keeno ee canshuur dhaafka ah ay galaan suuqa madaw, hase yeeshee waxay ku tilmaantay in falalkaasi ay yihiin kuwo dambiyeed, dawladdana ay ku garab taagan yihiin bixinta canshuurta. Sannadkii 2015-kii, Qaramada Midoobay waxay shaqada ka joojisay shirkad ku xadgudubtay heshiiska canshuur-dhaafka u samaynaya adeegyada iyo agabka Qaramada Midoobay. Dhinaca kale waxaa kale oo malaayiin kale ay uga lumaan shirkado kale oo gaar loo leeyahay oo waddanka jooga oo aan bixin wax canshuur ah. Waa mowduuca barnamaijka Galka Baarista ee idaacadda VOA, waxaa inoo haya Haaruun Macruuf. https://www.caasimada.net/wp-content/uploads/2018/05/1a64b4ee-842d-420a-b56e-102c9c556d25_32k.mp3

Shabeeelaha Hoose-(Caasimadda Online) – Wararka naga soo gaaraya Gobolka Shabeellaha Hoose ayaa waxa ay sheegayaan in Al-Shabaab Maanta fal dil ah ay ku fuliyeen Haweeney ka mid aheyd dadka ku nool degmada Sablaale ee Gobolka Shabeeelaha Hoose. Goobta fagaaraha ee lagu dilay Haweeneydan waxaa joogay boqolaal dadka degaanka ah oo la yaabbanaa dacwadda lagu helay Gabadhaas oo la xiriirta in ay hal mar wada guursattay 11 Nin oo aan iska warqabin. Garsooraha Maxkamadda Alshabaab ayaa fagaaraha ka sheegay xukunka lagu riday Shukri C/llaahi oo sheegay inay qiratay dembiyadii lagu soo eedeeyay oo ahaa inay isla guursatay 11 Nin hal mar, xaaladda caafimaad ee Shukri Cabdullaah Warsame ayaa lagu sheegay inay ahayd mid wanaagsan. Al-shabaab waxaa ay sheegeen in Shukri aysan wax cudur daar ah ka bixin falkaas kuna qanacsaneyd Xukunka dhagax dilka ah ee lagu fuliyay. Dadkii soo xaadiray fagaarihii lagu fuliyey xukunka ayay aad ulayaab arrintan oo ah dhacdo aan weli lasoo werin. Caasimada Online Xafiiska Muqdisho Caasimada @live.com

Mubaarak-(Caasimadda Online) – Wararka ka imaanaya gobolka Shabellaha Hoose, ayaa waxay sheegayaan in Wabiga Shabelle uu fatahaad ka sameeyey deegaanka Mubaarak ee gobolkaasi iyo deegaanno kale oo ka agdhow. Mid ka mid ah dadka deegaanka ayaa sheegay in Hal qof uu ku dhintey fatahaaddan kadib markii ay daadadku la tageen iyadoo sidoo kale baabi,iyay dhul beereed islamarkaana uu jiro barakac ay sameynayaan qaar ka mid ah shacabkii ku dhaqnaa deegaanka Mubaarak, si aanay u saameyn noloshooda fatahaaddan. Wabiga Shabelle ayaa horey fatahaad uga geystay deegaanno ka mid ah gobollada Hiiraan iyo Shabellaha Dhexe, waxaana uu saameeyey Kumanaan qoys kuwaas oo anan ilaa hadda wax lataaban karo oo gar gaar ah aan lagaarsiin . fatahaad Wabiyada ayaa marar badan saamayn kuyeeshay nolosha kumanaan qof oo soomaali ah mana jirto cid is ku howsha in ay ka hortagaan fatahaada ay sameeyaan wabiyada shabeele iyo juba oo mara dhulka soomaaliya. Caasimada Online Xafiiska Muqdisho Caasimada @live.com

Bosaso[Puntland Post]-Iyadoo Mudooyinkii ugu dambeeyey uu socday khilaaf udhexeeyey Hay’adda Tayo dhowrka ee Puntland (Quality Control) iyo Ganacsatada Puntland, kadib markii uu muran kadhashay lacag kordhin ay samaysay waaaxdu, Taasi oo ay Ganacsatadu ka soo horjeesteen. Waxaana maanta kulan ay ku yeesheen xarunta Wasaarda Ganacsiga ee Puntland ee magaalada Boosaso Sido kalena ay goobjoog ka ahaayeen Wasiirka Maaliyada ee Puntland Cabdiqaadir Siciid caarshe Dhaqaaje, iyo Masuuliyiin Kale ayaa lagu soo Bandhigay is afgarad laga gaaray Arintaasi. Wasiirka Ganacsiga Puntland Cabdiweli Xirsi Cabdulle (Indho Guran) Ayaa sheegay iney ku faraxsanyihiin Xalka laga gaaray Khilaafkii dhawaan ka dhashay Canshuur kordhintii ay sameysay Waaxda Tayo Baarista, wuxuuna Balanqaaday iney dhinacooda ka soo bixi doonaan Wixii lagu heshiiyay Wasiirka ayaa ka hadlay Warshadaha biyaha ee Bosaso ka howlgala kuwaasi oo uu sheegay in labo kamid ah ay buuxiyeen shuruudihii, Saxda ahaa ee lagu Aqoonsanayay, Wuxuuna u mahadceliyay Shaqada ay Qabteen Waaxda Tayo Baarista ee Puntland, Isagoo ugu baaqay shirkadaha Kale ee aan shuruudaha soo buuxin in sida ugu dhakhsaha badan ay Oga jaawaabaan Baaqii Wasaaradda ee ahaa in la hubiyo Tayada Wax dadka reer Puntland laga iibinayo. Hoos ka Daawo shirka Jara,id ee Wasiirka Ganacsiga Puntland. Cabdiqani Boos Puntland Post- Bosaso The post Xirnaashaha Dekedda Boosaso oo 7 Cisho kadib Laga heshiiyay. appeared first on Puntland Post.

In 1938 a car race took place on the streets of Mogadishu, which had great echo also in Italy. The competition was emphasized by the most important sports magazine of the time “Il Littoriale”. The governor Francesco Saverio Caroselli was the first who start the “Circuit of Mogadishu”. Source: Hiiraan Online

When Eritrea gained its independence from Ethiopia in 1993, Ethiopia became landlocked and therefore dependent on its neighbors—especially Djibouti—for access to international markets. This dependency has hampered Ethiopia’s aspiration to emerge as the uncontested regional power in the Horn of Africa. Source: Hiiraan Online

Muqdisho (Caasimada Online) – Sida laga soo xigatay mas’uuliyiin ka tirsan dowlada Somalia, waxaa amniga Safaarada Imaaraadka Carabta ee magaalada Muqdisho lagu wareejiyay ciidamo ka tirsan AMISOM. Ciidamadan oo wata dhowr gaari nooca dagaalka ayaa amniga Safaarada kala wareegay tiro ka tirsaneyd ciidamada Somalia ee uu Horay u tababaray Imaaraadka. Ciidamada AMISOM ee sida KMG ah ula wareegay amniga Safaarada ayaa caawinaaya ciidamo kale oo ka tirsan Militeriga dowlada kuwaa oo dhawaan la geeyay Safaarada. Gudaha Safaarada ayaa waxaa ka dhexmuuqda Gaadiidka iyo ciidamada AMISOM, oo ku daadsan inta badan Safaarada, halka qeybaha kale ay ku gudan yihiin tirroka tirsan Militeriga Somalia oo halkaa la geeyay wixii ka danbeeyay markii ay dowlada Imaaraadka alaabteeda kala baxday Somalia. Mid kamid ah Saraakiisha ka howlgaleysay Safaarada ayaa sheegay in si guud amniga Safaarada loogu wareejiyay AMISOM, maadaama uu Imaaraadka khilaaf kala dhexeeyo Somalia, taa oo keeni karta shaki Diplumaasiyadeed oo labada dowladood ah. Sarkaalkan ayaa intaa ku daray in Xafiisyada Safaarada ay iminka yihiin kuwo u xiran si KMG ah, hase ahaatee ay ku sugan yihiin kaliya ciidamada AMISOM iyo tirro yar oo ka tirsan Militeriga Somalia. Dowlada Imaaraadka ayaa Dekadda Xamar Markab uga raratay dhammaan agabkii shaqo ee ka yiilay magaalada Muqdisho, gaar ahaan Xerooyinka ciidan iyo Safaarada. Si kastaba ha ahaatee, dowlada Somalia ayaan weli jiljileec u muujin dowlada Imaaraadka Carabta oo bilihii ugu danbeysay lasoo baxday ficilo muusaya awooda Qaranka. Caasimada Online Xafiiska Muqdisho Caasimada @live.com

Northern New England chapters of the American Civil Liberties Union are suing the federal government for records related to controversial actions by immigration and border agents. Source: Hiiraan Online

Although called a “merchant of death” during sentencing for one of his 36 convictions — including gun trafficking, drug trafficking, forcible confinement, assault and extortion — a Somali man has avoided deportation because the government failed to give him a copy of a public website used in proceedings against him. Source: Hiiraan Online