Wararka naga soo gaaraya Magaalada Garoowe ee Caasimada Puntland ayaa sheegaya in Ciidamada ilaalada gaarka ah ee Madaxweyne C/wali Cali Gaas ay dhaawaceen Wariye ka tirsan Tvga Maamulka Jubaland Xafiiskiisa Magaalada Garoowe oo lagu magacaabo Wariye khaliif Geele. Arintan ayaa timid kadib markii mid kamid ah Askarta ilaalada Madaxweynaha ay ismaan dhaafeen Wariyahan xili uu rabay in uu soo galo goob ay ka socotay xaflad ay Arday ku qalinjabinaysay , waxayna intaasi kadib xigtay in Ciidamadii goobta ku sugnaa ay siwada jir ah ujirdilaan Wariyahaasi. Dhaawaca Wariye khaliif Geele ayaa loo qaaday mid kamid ah goobaha Caafimaadka ee Magaalada Garoowe halkaas oo xaaladiisa Caafimaad lagu dabiibayo. ilaa iyo hada majirto cid ka tirsan dowladda oo ka hada shay Jirdilkan iyo dhaawaca loo gaystay Wariyahan .

Muqdisho (PP) ─ Guddoomiyaha Gobolka Benaadir ahna duqa Muqdisho Mudane Cabdiraxmaan Cumar Cusmaan (Eng. Yarisow) ayaa xafiiskiisa ku qaabilay Xog-hayaha Guud ee Dawladaha Hoose ee dalka Turkiga Mudane Hayrettin Gungor iyo wafdi uu hoggaaminayey. Guddoomiyaha ayaa uga mahadceliyey Dawladda Turkiga kaalinta ay ka qaadatay dib-u-dhiska kaabayaasha dhaqaalaha ee gobolka Benaadir iyo dadaalka dheer ee ay ku bixisay bilicda iyo qurxinata Muqdisho. Kaddib, munaasabad kooban oo soo dhaweyn ah oo loogu sameeyey Xarunta Dawladda Hoose ee Xamar, Xog-hayaha iyo wafdigiisa waxa ay maamulka Gobolka ka wada hadleen xoojinta xiriirka iskaashi ee ka dhaxeeya Dawladaha Hoose ee Turkiga iyo dhiggooda Gobolka Benaadir. shaqo abuurka dhallinyarada iyo sidii ay khibaradaha shaqada isu weydaarsan lahaayeen shaqaalaha Dawladaha Hoose ee labada dhinac. “Muhiimad gaar ah ayey noo leedahay booqashada maanta ay noogu yimaadeen wafdigan, sababtoo ah waxa ay saldhig u tahay howlaha dar dar gelinta aan ku sameynayno shaqada Dawladaha Hoose ee degmooyinka Gobolka iyo sidii aan u daadajin lahayn adeegyada asaasisaga, maadaama dawladda Turkigu ay kaalin muhiim ah ka qaadatay dib u dhiska magaalada Muqdisho.” Ayuu yiri Guddoomiye Yarisow. Xog-hayaha guud ee dawladaha hoose ee dalka Turkiga ayaa dhankiisa uga mahad celiyey maamulka iyo bulshada Gobolka sida diirran ee ay u soo dhaweeyeen, isagoona tilmaamay sida ay uga go’antahay dhankooda in ay kaalin muhiim ah ka qaataan horumarinta bilicda Caasimadda Muqdisho, kaabayaasha dhaqaalaha iyo kor u qaadista fursadaha shaqo ee dhallinyarada gobolka Benaadir. Kulanka waxaa Guddoomiyaha Gobolka Benaadir ku wehelinayey Ku Xigeennadiisa Arrimaha Bulsha Marwo Basmo Caamir Axmed, Maamulka iyo Maaliyadda Mudane Xuseen Maxamed Nuur, Amniga iyo Siyaasadda Mudane Maxamed Cabdullaahi Maxamed (Tuulax). Ugu dambeyn, Dhinaca Turkiga waxaa kasoo qeyb galay Safiirka Turkiga u fadhiya Soomaaliya Mudane Olgan Bekar iyo saraakiil ka tirsan Dawladaha Hoose ee dalka Turkiga. PUNTLAND POST The post Inj. Yariisow oo kulan la qaatay Xoog-hayaha Guud ee Dawladaha Hoose ee Dalka Turkiga appeared first on Puntland Post.

Qaar kamid ah Xildhibanada Baarlamaanka soomaaliya ayaa Dowladda Fadaraalka ku dhaliilay in ay ka gaabisay in lasugo Amniga shacabka. Xildhibaan Xuseen Sheekh oo kamid ah golaha Aqalka Sare ayaa sheegay in Xukuumada Soomaaliya ay ku canaa nanayaan in ay shaqa deeda ay qabsato oo shacabka Soomaaliyeed Amaankooda ay balan qaado. Xildhibaanka ayaa sheegay in ay jirto dabacsanaan dhanka Amniga ah taas oo keentay in dirayskii Ciidamada Nabad sugida iyo kaararkii Aqoonsiga ee Ciidamada lagu soogalo Madaxtooyada . Waxa uu sheegay in hadii ay dowladda ogayd xogta weerarkan looga baahnaa in ay ka hortagto oo ay xakamayso . Hadalka Xildhibaanka ayaa ku soo beeg maya kadib markii habeen ka hor kooxda Argagixisada ah ee Al-shabaab Magaalada Muqdisho ay ka fuliyeen sadax Qarax oo is xig xigay kaas oo ay ku dhinteen dad gaaraya 29 qof oo shacab ubadan ,halka dhaawacana lagu sheegay in ay gaarayeen ku dhawaad 15 qof . Halkan Hoose ka dhagayso Xildhibaanka . Xildhibaan Xuseen

Qaar kamid ah Xildhibanada Baarlamaanka soomaaliya ayaa Dowladda Fadaraalka ku dhaliilay in ay ka gaabisay in lasugo Amniga shacabka. Xildhibaan Xuseen Sheekh oo kamid ah golaha Aqalka Sare ayaa sheegay in Xukuumada Soomaaliya ay ku canaa nanayaan in ay shaqa deeda ay qabsato oo shacabka Soomaaliyeed Amaankooda ay balan qaado. Xildhibaanka ayaa sheegay in ay jirto dabacsanaan dhanka Amniga ah taas oo keentay in dirayskii Ciidamada Nabad sugida iyo kaararkii Aqoonsiga ee Ciidamada lagu soogalo Madaxtooyada . Waxa uu sheegay in hadii ay dowladda ogayd xogta weerarkan looga baahnaa in ay ka hortagto oo ay xakamayso . Halkan Hoose ka dhagayso Xildhibaanka . Xildhibaan Xuseen

Shirkada isgaarsiinta ee Golis Telcom ayaa Magaalada Bosaso waxay ku daah furtay Adeega Fiber Optic ,kaas oo xawaarihiisa uu aad u dheereeyo lagana hirgaliyay dhawaan Puntland. Xafalad si aad ah loo soo Agaasimay laguna daah furay adeegan casiraga ah ayaa lagu qabtay Hoolka shirarka ee Hotel Gacayte ee Magaalada Bosaaso , waxaa ka soo qaybgalay Maamulka sare ee Shirkada Golis Telcom oo uu hogaaminayo maareeyaha Shirkada Siiciid Aadan Axmed, Mamulka Gobolka bari, xildhibaano ka tirsan Dowlada Fadaraalka Soomaaliya , Ismada dhaqanka Ganacsato Wakiilo ka socday jaamacada ku yaala Magaalada Bosaaso iyo Siyaasiyiin . Sheekh Fuaad Xaji oo ah madaxa suuqgaynta shirkada isgaarsiinta ee Golis oo sharaxaad ka bixiyay adeegan ayaa sheegay in Fiber Optic uu yahay Mashruucii ugu waynaa ee ay Soomaali maal galiso oo dalkan yimaada ,kaas oo ah kii ugu horeeyay oo gbolada Puntland soogaara. Sheekh Fu,aad Xaaji ayaa sheegay in Macaamiisha shirakada laga bilaabo maanta ay kabixi doonto ciriirigii ay ku qabeen Internedka oo ay heli doonaan intened waasic ah oo xawaarihiisu sareeyo Qiimihiisuna uu jabanyahay Waxa uu sheegay in qofkii raba Adeega Fiber Optic uu leeyahay labo faa iido oo kala ah . 1- Qiimo Jaban 2- Interned xawaarihiisu uu aad usareeyo. Shirkada Golis ayaa intii ay Xaflada socotay waxa ay Abaalmarino gudoonsiiyas martidii ka soo qayb gashay munaasibadii lagu daah furayay Adeegan . Shirkada Goli ayaa ah hormuudka isgaarsiinta gobolada Puntland oo dhan ,waxayna kaalmaha koowaad kaga jirtaa shirkadaha isgaarsiinta Soomaaliya. Madaxweynaha dowladda Fadaraalka Soomaaliya Maxamed C/laahi Farmaajo iyo Madaxweynaha Puntland C/wali Cali Gaas ayaa dhawaan xariga ka jaray Adeegan Fiber Optic oo ay Shirkada Goli soo kor dhisay. Hadaba Halkan ka dhagayso Madax Suuqgaynta Shirkada Golis Sheekh Fuaad Xaaji oo sharaxaya Adeega Fiber Optic. Sheekh Fu,aad Madax Suuq gaynta Golis

Muqdisho (Caasimadda Online) – Ururka Al-Shabaab ayaa ku dhawaaqay magacyada Xildhibaanno hore, siyaasiyiin iyo saraakiil katirsan Nabad sugidda iyo melleteriga oo ay sheegeen inay ku dileen weeraradii habeen hore ka dhacay Magaalada Muqdisho. Inkastoo aysan jirin illo madax banaan oo arrintaan xaqiijin karo haddana Shabaab ayaa soo bandhigay liiska ilaa 10 shakhsi oo ay sheegeen inay dileen. Hoos Ka akhri Magacyada saraakiishii ay Shabaab sheegtay in lagu dilay weeraradii Madaxtooyada iyo Nabad sugidda. 1-Axmad Xuseen waa Xildhibaan Hore waxaa lagu dilay weerarkii habeen hore 2-Abshir, Waa Korneel ka tirsan ciidamada Koofi-Gaduudda 3- Mahad Salaad Laba Xidigle melleteriga katirsan 4-C/Risaaq Cali Maxamed, Madaxa waaxda sharci dajinta ee wasaarada Cadaalada 5-Xuseen Cali, Laba Xidigle ka tirsan ilaalada madaxtooyada 6-Nin magaciisa lagusoo gaabiyay Bashiir waa laba xidigle ka tirsan ilaalada madaxtooyada 7-Shariif waa laba xidigle ka tirsan ilaalada madaxtooyada 8- Saddex ka tirsan ciidamada Alpha Group waa dhimasho. 9- sarkaal magaciisa lagusoo gaabiyay Kabtan Jiijeey waxaa lagu dilay weerarkii 10- sarkaal magaciisa lagusoo gaabiyay Maslax wuxuu katirsanaa ilaalada gaarka ah ee madaxweyne Farmaajo waxaa lagu dilay weerarkii . Caasimada Online Xafiiska Muqdisho Caasimada@live.com The post Shabaab oo soo bandhigay Magacyada Saraakiil iyo Xildhibaano ay sheegeen inay ku dileen weeraradii Muqdisho appeared first on Caasimada Online.

Muqdisho (Caasimadda Online) – Taliska ciidamada AMISOM ayaa War ka soo saaray dilkii habeen hore ay magaalada Muqdisho ugu geystay Askari ka tirsanaa ciidamada hay’adda Nabad Suggida Soomaaliya oo ku sugnaa Barkontorool. Falka dilka ah ayaa waxaa geystay ciidamada dowladda Uganda ee qeybta ka ah howlgalka Midowga Afrika ee AMISOM. Taliiyaha Ciidamada Uganda Gen. Paul Lokech ayaa sheegay in shaqaaqada ay bilaabatay, markii Ciidamada AMISOM loo diiday inay maraan wadada, kaddibna ay la hadleen Taliyeyaasha Nabadsugida, isla markaana intii ay wadeen xiriirka Taliyeyaasha ay rasaas ku bilaabeen ciidankii Nabadsugida. Kolonyada Ciidamada AMISOM ee doonayay inay wadada maraan ay gaarayeen illaa 9 gaari, isla markaana kolonyadaas uu la socday Taliyaha Uganda. Taliyaha ayaa sidoo kale xusay in israsaaseyn dhexmartay labada ciidan ay ku dhaawacmeen dad Shacab ah. Xilliga is rasaaseynta dhaceysay ayaa waxaa magaalada Muqdisho ka jiray xaalad cakiran, kaddib weeraro iyo qaraxyo ka dhacay magaalada Muqdisho, isla markaana Ciidamada ammaanka ee dowladda ku jireen feejignaan, iyagoo xiray waddooyin badan. AMISOM Waxa ay sheegtay in falka ay sameeyeen ciidamadooda uu u muuqday mid Isdifaacid ah. Ma jirto wax war ah oo ka soo baxay Dowladda Soomaaliya oo ku aadan dhacdadii habeen hore is rasaaseynta ku dhex martay AMISOM iyo Nabadsugida, iyadoo ehelada askariga laga dilay ay ka dalbadeen dowladda in cadaalada la horkeeno ciidamadii AMISOM ee ka dambeeyay falkaas. Qaar ka mid ah Eheladda Askariga ay dileen ciidamada AMISOM ayaa warbaahinta u sheegay in ay doonayaan in caddaaladda la horkeeno Askartii ciidamada AMISOM ee falkaasi ka dambeeyay. Caasimada Online Xafiiska Muqdisho Caasimada@live.com The post AMISOM oo faahfaahin ka bixisay qaabka uu u dhacay dagaalkii dhex maray ciidamadooda iyo kuwa NISA appeared first on Caasimada Online.

Muqdisho (Caasimadda Online) – Wararka laga helayo magaalada Muqdisho ayaa sheegaya in si wayn loo adkeeyay ammaanka xarunta Madaxtooyada Soomaaliya ee Villa Somalia. Dhamaan koontaroolada gaadiidka ay ka galaan Xarunta Madaxtooyadda iyo goobaha xeyndaabkeeda ah, ayaa lagu xoojiyey ciidamo badan, kadib weerarkii habeenkii Jimcaha Al Shabaab ku qaadeen dhismooyin ku dhow Madaxtooyadda Soomaaliya. Gaadiidka dowladda ee ka gudbaya Koontaroolada Madaxtooyadda Somaliya ayaa si aad ah loo baarayaa, iyadoo laga hubinayo iyaga iyip gaadiidkooda, waxaana ciidamada oo qaarkood la bedalay ay ku jiraan feejignaan heer sare ah. Koontaroolada kala ah, Sayidka, Tiyaatarka iyo Koontaroolka ku dhaw Beerta Nabadda, iyo Ceelgaabta ayaa lagu arkayaa Gaadiid badan oo kuwa dagaalka ah iyo ciidamo lagu kordhiyey. Ciidamada ayaa si aad ah u hubinaayo gaadiidka ay saaran yihiin askarta dowladda, maadaama raggii hubaysnaa ee Shabaab ka tirsanaa ee Jimcihii weerarka fuliyay ay gashnaayeen darees loo ekeysiiyay kuwa ay isticmaalaan ciidamada Booliska Somaliya. Arrintan ayaa dhaliay ciriiri iyo Saxmad ka dhalatay xaaladda amni ee lagu soo kordhiyey Koontaroolada Madaxtooyadda markii baaritaanka Gadiidka iyo dadka ay noqdeen kuwo waqti badan qaadanaya. Caasimada Online Xafiiska Muqdisho Caasimada@live.com The post Ammaanka goobaha laga galo Xarunta Madaxtooyada oo la adkeeyay iyo Ciidamada Illaalada oo.. appeared first on Caasimada Online.

Muqdisho (Caasimadda Online) – Warbixin hordhac ah oo laga qoray shilkii iska hor imaadka ahaa ee dhex maray ciidamo ka tirsan AMISOM iyo ilaalada NISA ee ku sugan barta laga galo Garoonka Diyaaradaha Muqdisho ee KM4. Warbixintan oo ay qoreen saraakiil ka tirsan dowladda Soomaaliya ayaa lagu faahfaahiyey sidii ay wax u dhaceen habeenkii Jimcaha oo Magaalada Muqdisho ay xirneyd iyadoo uu socday weerarkii Alshabaab. cinwaan uga dhigay “Weerarka AMISOM ee NISA“, saraakiisha waxaa ay ku sheegeen in Ciidanka AMISOM ee waddadaas marayay uu ka xirmay Waddada Madina Gate ee ay ka galaan Xerada Xalane ,sidoo kalena Waddada kale ee Marina Gate oo dhinaca Dugsiga tababarka Booliska ay iyana ahayd mugdi lana xiray, qasabna ku noqotay in ay waddada KM4 maraan. Warbixinta ayaa intaas ku dartay ayaa lagu sheegay in Askari ka tirsan NISA uu Sarkaal ka tirsan AMISOM u sheegay in waddada ay xiran tahay, laakiin Sarkaalka AMISOM ayaa la soo baxay Bistoolad, waxaana xigtay in Askarta AMISOM ay iyana qoryahooda ku jeediyeen Ciidanka NISA ,si la mid ah Ciidanka NISA oo is-difaacayana ay 8 Qori ku jeediyeen Ciidanka AMISOM. Intaas kaddib sarkaalka watay AMISOM ayaa hoos u dhigay Bistooladda, waxaana uu askartiisa amray in ay hubka hoos u dhigaan, isagoo dib ugu laabtay gaarigii uu la socday, waxaana loo qaatay inuu xiriir la sameynayo saraakiishiisa, balse waxaa dhacday in daqiiqado kadib mid ka mida Gaadiidkii AMISOM xoog ku jiiray Birta Koontaroolka. Askartii kale ee Kolonyada la socotayba ay rasaas xoog leh ku fureen koontaroolka iyo askartii ku sugneyd, taasi waxay kaliftay in Ciidamadii NISA ay iyagana rasaas ku jawaabaan. Halkaas waxaa ka dhashay khasaare 3 Askari oo NISA ah iyo afar qof oo shacab ah sida lagu sheegay Warbixintalaga qoray sida ay wax uga dhaceen Koontaroolka Ciidanka NISA ee Waddada KM4 iyo Garoonka Aadan Cadde isku xirta. Caasimada Online Xafiiska Muqdisho Caasimada@live.com The post Warbixin Xasaasi ah laga qoray dagaalkii AMISOM & NISA ku dhex maray KM4 [Dadka dhintay oo kordhay] appeared first on Caasimada Online.

Muqdisho (Caasimadda Online) – C/raxmaan C/shakuur Warsame oo ka mida siyaasiyiinta ku kacsan dowladda Soomaaliya ee uu hoggaamiyo Madaxweyne Maxamed C/llaahi Farmaajo ayaa wax aan maangal ahay ku tilmaamay in aysan dawladu ilaa iyo haatan ka hadlin weeraradii dhagar qabayaasha Alshabaab ku dileen ku dhowaad 50 sida uu yiri. Siyaasiga ayaa sheegay in Shacabka Soomaaliyeed wuxuu Madaxda qaranka uga fadhiyo inay la hadlaan lana wadaagaan, arrimaha ay ka midka yihiin: Sharaxaad sidii ay wax u dhaceen iyo baaxada khasaaraha iyo Sida ay ku dhacday in marqur ah Xaruntii Nabadsugida iyo Madaxtooyada la weeraro, iyadoo maalin ka hor Golaha Wasiirada digniin weerar laga soo saaray. C/raxmaan C/shakuur ayaa sidoo kale su’aal ka keenay sSababta keentay in AMISOM xabado ku furto ciidan Soomaaliyeed, dishana qaarkood, wuxuuna lagama maarmaan u arkay inay dowladdu shaaciso talaabooyinka ay qaaday si ay shacabka hubanti u siiso in amnigu gacanta ku jiro, welwel kana looga saaro. Caasimada Online Xafiiska Muqdisho Caasimada@live.com The post C/raxmaan C/shakuur: “Sidee ku dhacday in mar qura la weerarro Madaxtooyada iyo Xaruntii NISA…??” appeared first on Caasimada Online.

Ciidamo aad u farabadan oo katirsan kuwa dowlada Soomaaliya ayaa soo buux dhaafiyay saaka Wadooyinka soo gala Madaxtooyada Villa Soomaaliya ee Muqdisho. Sidoo kale ciidamadaan oo aad u hubeeysan ayaa lagu arkayaa Contoroolada gaadiidka ay ka galaan madaxtooyada. Ciidamada ayaa si feejigan u baaraya gaadiidka iyo dadka galaya madaxtooyada Villa Soomaaliya. Albaabada laga soo galo Madaxtooyada oo ah ilaa 4 Albaab ayaa si feejigan ciidamadu u joogaan saaka. Arintaan ayaa ka dambeeysay kadib markii jimcihii qarax uu ka dhacay mid kami ah contorolada laga soo galo Madaxtooyada Villa Soomaaliya ee Muqdisho. Xasan Maxamed Samatar Cowke Puntland Post Muqdisho The post Amaanka Madaxtooyada oo si aad ah loo adkeeyay appeared first on Puntland Post.

The streets start emptying at dusk. “As soon as the sun goes down, the kids come out and take over,” said Abdi Ali. He gestured towards the western end of Queens Crescent, the entrance of Weedington Road, prime turf for the gang that controls this corner of Camden, north London. Source: Hiiraan Online

DHAKA, Bangladesh (AP) — Their houses are often made of plastic sheets. Much of their food comes from aid agencies. Jobs are few, and there is painfully little to do. The nightmares are relentless. Source: Hiiraan Online

Gaalkaco (Caasimadda Online) – Wararka naga soo gaarayo Magaalada Gaalkacyo gaar ahaan dhinaca Maamulka Puntland ayaa sheegaya in Xalay la joojiyey munaasabad la doonayo in lagu taageero waxqabadka Xukuumadda Xasan Cali Kheyre taasoo sanad jirsatay. Maamulka Puntland ayaa la sheegay inuu amray in la joojiyo kulankaas isla markaasna tallaabo sharci ah laga qaadi doono ciddii la arko iyadoo qabaneyso kulamada noocaas oo kale ah. Haddaba Puntalnd ayaa War ka soo saartay joojinta munaasabadaas,waxana War qoraal ah oo ka soo baxay Wasaaradda Shaqada iyo Shaqaalaha Dhalinyarada & ciyaaraha lagu sheegay in maalmahaan ay soo baxeen Ururo ku qaraabanaya Magaca dhalinyarada kuwaas oo dhibaato ku ah Nabadgelyada iyo Siyaasada Puntland. Halkaan hoose ka akhriso warqaadaas The post Maamulka Puntland oo Xalay joojiyey xaflad lagu taageeri rabay waxqabadka Xukuumadda Xasan Cali Kheyre appeared first on Caasimada Online.

Dubai (Caasimadda Online) – Atirishadan caanka ahayd ayaa magaalada Dubai ku geeriyootay xili ay ka qayb galeesay xaflad aroos ama meher oo halkaas ka dhacday laguna casuumay iyada iyo qoyskeeda. Sridevi tan iyo markii 4-jir ahayd ayay filim jilista ku dhex jirtay waxayna la shaqeesay shirkadaha luqadaha kala duwan filimada ku sameeyaan ee Hindiya ka jiraan amil, Telugu, Malayalam, Kannada iyo Hindi (Bollywood). Sridevi waxaa loo tixgalin jiray inay ka mid ahayd atirishooyinka naadirka ah ee Boxoffice-ka guulo waa weyn ka gaari jireen ayagoon isku haleynin ama ku tiirsaneyn atoore caan ah. Warbixinada waxay intaas ku darayaan in Sridevi ay la socdeen seygeeda Boney Kapoor iyo gabadheeda Khushi marka ay Dubai ku geeriyootay. Duqa magaalada London Sadiq Khan ayaa bartiisa Twitter-ka Sridevi ku maamuusay kana tacsiyeeyay geerideeda kadiska ahayd wuxuuna yiri “Aadban uga xumahay inaan maqlay aqbaarta ah inay Sridevu geeriyootay, waxayna ahayd atirisho xirfadeeda aad u sareesay jiliin ahaan, shaqo ahaan iyo soo saare ahaan” “Run ahaantii waan ku raaxeestay la kulankeedii mar aan dhawaan Hindiya socdaal ku tagay” Maxaa Sridevi Ka Dhigay Atirisho Guusha U Saaxiib Ahayd? Sanadii 1978 ayay bilaawday sameynta filimada ay hogaamiye ka tahay, waxayna si sahlan ku noqotay jilaayaasha taariikhda fanka Hindiya ugu awooda badnaa. Mudo 50-sano ah oo ay fanka filim jilista ku jirtay waxay sameesay in ka badan 150-filim oo ay ku jiraan filimada Classic ah ama caanka ah sida Mr India, Chandni, ChaalBaaz iyo Sadma. Sridevi oo door walbo sameyn karto sanadii 1997 ayay nasiino ka qaadatay filim jilista kadib markii xiligaas tiyaatarada loo saaray filimkii Judaai. Sanadii 2012 ayay Bollywood-ka dib ugu soo laabatay ayadoo sameesay filimkii la wada jecleesatay English Vinglish. Sanadii 2013 dowlada Hindiya ayaa Sridevi siisay bilada loo yaqaan Padma Shri oo ah bilada afaraad ee ugu darajo sareyso lana siiyo muwaadin Hindi ah. BBC News Ayaan Kasoo Xiganay Warbixintaan Xiliga Aan Turjunay Labo Saac Ka Hor Ayay Soo Daabaceen…. Caasimada Online Xafiiska Muqdisho Caasimada@live.com The post Atarisho caan ka ah dalka Hindiya oo wadno xanuun u geeriyootay appeared first on Caasimada Online.

Muqdisho (Caasimadda Online) – Xildhibaanno ka tirsan Labada aqal ee baarlamaanka Federaalka Soomaaliya, islamarkaana deegaan doorashadoodu ay tahay gobolka Bakool, ayaa kulan ay yeesheen waxay kaga soo horjeesteen wareegto uu madaxweynaha Koonfur galbeed Shariif Xasan uu degmo ugu magacaabay deegaanka Yeed ee gobolkaasi. Kulanka ayaa ahaa mid albaabada u xiran, waxaana xildhibaannadan ay ku andacoonayaan in xilligaan aanay suurtagal ahayn in deegaan laga dhigo degmo, maadaama deegaanno kale ay iyaguna wax tabanayaan. Senator Xuseen Sheekh oo goobjoog ka ahaa kulankaasi ayaa u sheegay Goobjoog News, in waddo aan sharci ahayn loo maray degmo ka dhigista Yeed. Waxay sidoo kale sheegeen xildhibaannadan kulmay in madaxweynaha dowladda Federaalka Soomaaliya keliya uu deegaan ka dhigo karo degmo. Halkaan hoose ka akhriso warqad xasaasi ah oo kasoo baxday XIldhibaanadaas Caasimada Online Xafiiska Muqdisho Caasimada@live.com The post Xildhibaanno Federaalka ah oo ka hor yimid wareegto kasoo baxday shariif xasan appeared first on Caasimada Online.

Three international aid agencies on Saturday expressed concern over a recent ruling by the government of Somaliland in Somalia that encourages female genital mutilation (FGM). Source: Hiiraan Online

In what looks like a bid to take up the prime minister’s position, the Oromo People’s Democratic Organisation (OPDO) — one of the four members of the ruling coalition in Ethiopia Source: Hiiraan Online

Bosaso-[Puntland Post]-Munasabad balaaran oo lagu daah-furayey adeegga Internetka ee Viber Optic ayaa lagu qabtay magaalada Bosaso, iyadoo ay ka soo qeyb galeen madaxda Shirkadda Golis iyo Bulshada qeybaheeda kale duwan. Maareeyaha guud ee Shirkadda Golis Saciid Aadan Axmad oo ugu horey ka hadlay Munaasabadda ayaa sheegay in Shirkadda in muddo ah ay ku howlanayd in ay keento adeeggan, balse markii dambe lagu guuleystay ”Adeeggan si hufan ayuu u shaqeenayaa, dadweynaha in muddo ah ayey dhegaha u taagayeen, maanta waxaa soo gaarnay waqtigii la daah-furi lahaa, waana daah-furnay ”ayuu yiri Maareeyaha guud ee Shirkadda Golis Saciid Aadan Axmad. Madaxa suuq geynta Shirkadda Golis Sheekh Fu’aad ayaa sidoo kale ka hadlay goobta, waxa uuna sheegay in mashruucan uu yahay mashruucii ugu qiimaha badnaa ee Soomaali maal geliso oo dalka la keeno. ”Maanta waxaan helnay adeeg Internet oo xawaarihiisu sareeyo, isla markaana qiima jaban ayuu yiri Sheekh Fu’aad.” Gudoomiyaha Gobolka Bari Yuusuf Maxamad Waceys Dhedo oo ugu dambeyn ka hadlay xafladda ayaa sheegay in Shirkadda Golis ay ka qeyb qaadato hormarinta arrimaha bulshada, sida abaarihii ka dhacay dalka iyo dib u dejintii dadkii ka soo qaxay dagaalka dalka Yemen. Waa markii ugu horeysay ee Mashruucan laga hir geliyo deegaanada Puntland-Soomaaliya. Cabdiqani Boos Puntland Post-Bosaso The post Shirkadda Golis oo si rasmi ah u Daah-furtay Adeega Internetka ee Viber Optic appeared first on Puntland Post.

Kenya’s Cabinet Secretary for Foreign Affairs and International Trade, Monica Juma, spoke to Pamella Sittoni about the country’s position in the region’s economy, stability and the recent travel advisory against South Sudan. Source: Hiiraan Online

Saraakiil uu Farmaajo Xilal U Magacaabay Lagu Xidhay Hargeysa Xukumada Kornayl Muuse Biixi ayaa xabsiga dhigtay saddex nin oo la shaqeeya taliyaha socdaalka iyo jinsiyadaha madaxwaynaha Somalia Maxamed C/llaahi Farmaajo u soo magacaabay Somaliland. Ciidanka booliska Somaliland ayaa xabsiga dhigay saddex nin oo Hargeysa kala shaqaynaayay Sarkaalkaa Farmaajo usoo magacaabay laanta socdaalka Iyo jinsiyadaha Somaliland oo lagu magacaabo Cismaan Sheekh Maxamed Isxaaq oo ay isku juffo hoose yihiin madaxwaynaha Somaliland Kornayl Muuse Biixi. Seddaxdaan nin ee Hargeysa ku xidhan ayaa waxaa ka mid ah Khadar Xuseen Axmed oo madax ka ahaa xafiiska Sky Travel Agency oo ku yaalaa badhtamaha suuqa Hargeysa. Ragaan la xidhay ayaa xoggaha warbaahintu heshay tibaxayaan inay si toos ah ugu sameyn jireen Hargeysa baasaboorka Soomaaliya oo si caadiya ah dadka Somaliland ay ugu socdaalaan dunida. Qaran News

Hageysa (Caasimada Online) – Wafti ballaaran oo uu hoggaaminaayo wasiirka gaadiidka Itoobiya Axmed Shide ayaa ku sugan magaalada Hargeysa ee xarunta maamulka Somaliland. Wasiirka iyo wafdiga uu hoggaaminaayo oo Jimcihii soo gaaray Hargeysa ayaa ujeedada socdaalkooda lagu sheegay inay la xiriirto qorshaha ay dawladda Itoobiya ku doonayso inay ku isticmaasho dekedda Berbera oo laga siiyay saami maalgashi oo dhan 19%. Weftiga oo uu madaarka Hargeysa ku soo dhaweeyay wasiirka arrimaha dibadda Somaliland, ayaa waxay kulamo la yeeshaan Madaxweyne Muuse Biixi Cabdi iyo xubno ka tirsan golaha wasiirada si loo hirgeliyo qorshaha isticmaalka Itoobiya ee dekedda Berbera. Dekadda Berbera oo maamulkeeda mudo 30 sano ah lagu wareejiyay dowladda Imaaraadka Carabta ayaa saami qeybsiga dakhliga waxaa 19% ku leh dowladda Itoobiya oo badeecadaha ugu badan kala soo degi doonta. Caasimada Online Xafiiska Hargeysa Caasimada@live.com The post Wasiirka gaadiidka Itoobiya oo Hargeysa u yimid qorsho ay Imaaraadka Carabta ku naas nuujineyso appeared first on Caasimada Online.

Muqdisho (Caasimada Online) – Wararka naga soo gaaraya Xarunta Villa Somalia ayaa sheegaya in Madaxweynaha Somalia Maxamed C/llahi Farmaajo iyo Ra’isul wasaaraha Xukuumada Xasan Kheyre ay si wada jira u bilaabeen qorsho lagu sara qaadayo amniga magaalada Muqdisho. Madaxweyne Farmaajo iyo Ra’isul wasaare Kheyre ayaa isla wada qorsho Hay’adaha amaanka DF loogu kordhinaayo miisaaniyada si dhaqaalaha ugu badan ee dalka ugu baxo xaqiijinta amniga. Madaxweynaha iyo Ra’isul wasaaraha ayaa isla arkay in xaalada amni darro ee ka jirta dalka ay sabab u tahay ciidamada oo aan xuquuqdooda si rasmi ah u helin iyo Talisyada Hay’adaha amaanka oo dhiiri galin u baahan. Waxa ay labada mas’uul isla fahmeen inay muhiim tahay in dhaqaalaha ugu badan lagu bixiyo amniga dalka, iyadoo laga duulaayo weerarada ay maleeshiyaadka al-Shabaab u maleegayaan shacabka. Waxa ay labada mas’uul is dul-taageen in la kordhiyo miisaaniyada lagu xaqiijiyo amniga Muqdisho, inkastoo ay isla fahmeen in qodobkaas laga sameeyo wada-tashi. Madaxweyne Farmaajo iyo Ra’isul wasaare Kheyre ayaa sidoo kale, sheegay in dowlada Federaalka ay xooga saari doonto sida lagu soo afjari lahaa al-Shabaab oo ay sheegen inay kasii dhamaaneyso rajada. Sidoo kale, waxa ay isla garteen inay muhiim tahay in la dhiiri galiyo ciidamada Qalabka sida ee Somalia, oo iyagu mudan in loo diyaariyo difaaca dalkooda. Geesta kale, labada mas’uul ayaa si wada jira u ballanqaaday in awooda ugu badan ee dowlada leysugu geeyo amniga, si ay u dhaqan gasho rajadii laga lahaa Somalia oo nabad ah. Caasimada Online Xafiiska Muqdisho Caasimada@live.com The post Xog: Farmaajo iyo Kheyre oo qorshe cusub ka damacsan amniga Muqdisho appeared first on Caasimada Online.