Dowladda Mareykanka ayaa sheegtay in ayada oo la shaqeyneysa dowladda federaalka Soomaaliya ay duqeyn ka dhan ah Al-Shabaab ka fulisay meel 26 mile u jirta Koonfurta Galbeed ee magaalada Boosaaso. Taliska ciidamada Mareykanka ee Afrika ee AFRICOM ayaa sheegay in weerarka oo dhacay labadii June lagu dilay 27 argagixiso. Qoraalka ayaa sidoo kale lagu sheegay in weerarka aysan wax khasaare ah kasoo gaarin dad shacab ah. AFRICOM waxa ay sheegeen inay sii wadi doonaan inay qaadaan tallaabooyinka ku habboon ee saxda ah, si loo ilaaliyo danaha dadka Mareykanka, loona baabi’iyo argagixsada. Tani waxaa qeyb ka ah, ayaa lagu yiri qoraalka, in ciidamada Soomaaliya iyo kuwa Amisom lagula midoobo howlgallada ka hortagga argagixisada, lana beegsado goobaha ay ku tababartaan ee Soomaliya iyo gobolkaba. PUNTLAND POST The post Mareykanka oo Duqeeyn ka Fuliyay Gobolka Bari appeared first on Puntland Post.

Baardheere (PP) ─ Xoogagga Al-shabaab ayaa xalay weerar culus ku qaaday degmada Baardheere ee Gobolka Gedo, iyadoo ciidamada dowladda ay iska difaaceen weerarkaas ayna gacanta ku dhigeen dagaallame ka tirsan kooxda Al-shabaab. Dagaalka ayaa bilowday 3:00 habeenimo ee xalay, waxaana xoogagga Al-shabaab ay dhowr jiho ka weerareen degmada, sida Saldhig ciidanka DF ku leeyihiin Buundada iyo saldhig ay leeyihiin ciidamada Itoobiya. Saraakiil ka tirsan Ciidamada DF ayaa sheegaya in weerarkii xalay ay kooxda Al-shabaabsoo qaadeen lagu gaarsiiyay khasaare weyn, isla markaana ay ku dhigeen gacanta hal dagaalame oo kooxdaas ka tirsan. Dhanka kale, Mid ka mid ah saraakiisha ciidamada Dowladda ayaa sheegay inay Al-shabaab ka dileen Tobaneeyo ruux, qoryo fudud looga furtay, isagoo intaas ku daray in Ciidammada Dowladda Soomaaliya laga dilay Hal Askari, lagana dhaawacay saddex kale. Ciidamada Dowladda ee ku sugan Baardheere ayaa soo bandhigay ninka ay sheegeen inay Al-shabaab ka qabteen, kaasoo xirnaa dharka millateriga DF wuxuuna u muuqday ruux argagaxsan. Kooxda Al-shabaab ayaa dhankeeda sheegtay inay dagaal culus xalay ku qaadeen degmada Baardheere ayna khasaare gaarsiiyeen ciidamada DF iyo kuwa Itoobiya ee AMISOM ka tisran ee degmadaas ku sugan, inkastoo aysan sheegin tirada rasmiga ah ee khasaaraha ka dhashay weerarkooda. Ugu dambeyn, Ururka Al-Shabaab ayaa xoojiyay Weerarada ku-dhufo-oo-ka-dhaqaaqa ah oo ay la beegsanayaan saldhigyada ciidamada DF iyo kuwa kale ee Midowga Afrika ka socda, Waxayna bishaan Ramadaan Weerarro ka geysatay qeybo ka mid ah gobolada dalka. PUNTLAND POST The post Al-shabaab oo Xalay Weerartay Baardheere iyo mid ka mid ah Xoogaggooda oo la Qabtay appeared first on Puntland Post.

Muqdisho (Caasimada Online)-Madaxweynaha Somalia oo Maxamed Cabdullahi Farmaajo oo shir Guddoominaayo shirka Golaha amniga Qaranka ee ka socda magaalada Baydhabo ayaa ka digay in madaxda maamul Goboleedyada ka jira dalka ay horseedan caqabado hor leh uu cagaha la galo dalka. Madaxweyne Farmaajo ayaa sheegay in heshiiska Dowlada iyo Maamul Goboleedyada uu adduunka u muujinaayo in Somalia ay u hogaansan tahay inay ka shaqeyso aayaheeda, hase ahaatee aanu faa’iido laheyn in adduunka uu kusoo baxo khilaafka madaxda. Madaxweyne Farmaajo ayaa sheegay in ka Madaxweyne ahaan uusan kasoo horjeedin in lawada tashto isla markaana laga gudbo khilaafyada soo laalaabta, balse uusan munaasib u arkin in lagu dhaqaaqo is barbaryaac. Madaxweynaha oo kulamo khaas khaas ah magaalada Baydhabo kula qaatay dhammaan madaxd maamul Goboleedyada ka jira dalka ayaa u sheegay inay muhiim tahay in si wada jira loogu adeego dalka. Waxa uu Madaxda maamulada uga digay inay ku dhiiradaan 3 arrin oo uu sheegay inay halis galinkarto dalka waxaana kamid ah: 1-In laga fogaado in Khilaafka Madaxda iyo maamulada la gaarsiiyo heer ay soo faragaliyaan saaxiibada caalamka. 2-In laga weecdo heshiisyada ay wada galeen madaxda iyo maamulada, taa oo aasaas u noqonkarta dhibaatooyin hor leh. 3-In maamulada ka jira dalka ay adeecan dowlada Somalia, isla markaana laga fogaado is garabyaac iyo in khaladaadka jira la tuso shacabka. Madaxweyne Farmaajo ayaa Madaxda u sheegay in Dowladiisa ay ahmiyad gaara siin doonto in wixii jira lagu xaliyo miiska dushiisa, taa oo uu cadeeyay in looga gudbi karo dhibaatooyinka heysta dalka. Sidoo kale, Farmaajo ayaa madaxda maamulada ugu baaqay ineysan dhaawicin qalbiga shacabka oo uu sheegay inay ku rajo weyn yihiin dowladnimo. Dhinaca kale, waxaa weli qabyo ah kulanka Madaxweynaha iyo madaxda maamulada, waxaana lagu wadaa in maanta lasoo afmeero xitaa khilaaf hooseedyada dowlada kala dhexeeya maamulada. Caasimada Online Xafiiska Muqdisho Caasimada@live.com

Ururka xasaradaha adduunka ee (ICG) ayaa dhinacyada Soomaalida uga digay in ay ku milmaan muranka adag ee u dhexeeya dalalka Gacanka Carabta,taasoo ay ku tilmaameen mid wiiqaysa xasiloonida iyo degga’anaanshahaSoomaaliya. ICG ayaa dowladda Federaalka Soomaaliya,maamul goboleedyada dalka,iyo siyaasiyiinta Soomaaliyda Ugu baaqay in ay joojiyaan in la kala safashada dhinancyada iskuhaya muranka khaliijka ka aloosan,waxaana ururku sheegay in haddii taasi dhacdo ay khatar weyn gelinayso xasiloonida waddanka,islamarkaana ay fursad ka helayaan kooxaha argagixisada ah ee ka dagaallama gudaha Soomaaliya. Warbixin dheer oo International Crisis Group ay ka qortay, saaamaynta khilaafka Gacanka Carabtu ku yeelan karo siyaasadda Soomaaliya ayaa lagu sheegay,in dalka Imaaraadka Carabta oo kamid ah dalalkii go’doomiyay Qadar uu xiriir hoose la leeyahay maamul goboleedyada dalka,halka dowladda dhexe ee Soomaaliya ay xiriir dhow la leedahay dhinacyada Qadar iyo Turkiga. Warbixinta ayaa intaas ku dartay in loollanka u dhexeeya Qadar iyo dalalka kale ee Khaliijka u si toos ah u saameynayo xasiloonida Soomaaliya,maadaama labada dhinac ee is-hayaa mid walba xulafa gaar ah ku leeyahay siyaasiyiinta Soomaaliya. ICG ayaa sidoo kale ku baaqday in dowladda Federaalka Soomaaliya iyo dalka Imaaraadka Carabta ay wada-hadal ka yeeshaan,si loo xalliyo xurgufta siyaasadeed ee dhowaan soo kala dhexgashay labada dhinac. Wada-hadal ay yeeshaan dowladda Federaalka iyo UAE ayaa ICG ku tilmaantay mid Soomaaliya ka badbaadin kara,qalalaase siyaasadeed oo ka dhex qarxa dowladda dhexe iyo maamul goboleedyada dalka. The post ICG oo dhinacyada Soomaalida uga digtay in ay ku milmaan muranka Khaliijka. appeared first on Puntland Post.

Somalia President Mohamed Abdullahi Farmajo hopes to deliver a new constitution by the end of this year, but this could prove a major undertaking. Source: Hiiraan Online

Baydhabo (Caasimada Online)-Waxaa weli magaalada Baydhabo ee xarunta KMG maamulka Koonfur Galbeed ka socda shirka Golaha amniga Qaranka oo la filaayo in laga soo saaro qodobo muhiim ah. Shirka Golaha amniga Qaranka ayaa waxaa shir guddoominayo Madaxweynaha JFS Maxamed C/laahi Maxamed Farmaajo, waxa uuna ujeedka ugu weyn yahay in xal loo helo qodobada looga doodayo shirka. Shirka Golaha amniga ayaa waxaa barbar socda shirar gaar gaar ah oo Madaxweynaha dalka la qaadanaayo mas’uuliyiinta maamul goboleedyada gaar ahaan madaxda maamulka Galmudug oo uu khilaaf ka dhexeeyo. Madaxweynaha ayaa kulamada ugu badan la qaadanaayo Madaxda Galmudug, gaar ahaan Madaxa xukuumadda Galmudug Maxamed Shaakir kaa oo xal loogu raadinaayo Khilaafka Galmudug. Illo ku dhow dhow Madaxweynaha ayaa sheegaya in shirka kala dhexeeya Shaakir aad looga hadlay khilaafka u dhaxeeya hoggaanka Galmudug, oo hada kala jooga magaalooyinka Cadaado iyo Dhuusa-mareeb. Madaxweyne Maxamed C/llahi Farmaajo iyo Madaxda xukuumadda Galmudug Sheekh Maxamed Shaakiri Cali Xasan ayaa si aad uga wada hadlay sida ugu macquulsan ee xal loogu gaari karo khilaafka hareeyay Madaxda Galmudug iyo doorka dowladda dhexe. Sidoo kale, Sheekh Shaakir ayaa lasoo sheegayaa inuu ka dhaga adeegayo qaar kamid ah talooyinka uu jeedinaayo Madaxweyne Farmaajo, hase ahaatee waxaa jirta rajo laga qabo in xal loo helo Khilaafka. Dhinaca kale, Shirkan ayaa waxaa lagu wadaa gelinka dambe ee maanta in lagu soo gaba gabeeyo magaalada Baydhabo ee caasimadda KMG ah maamulka Koonfur Galbeed. Caasimada Online Xafiiska Baydhabo Caasimada@live.com

Militariga Maraykanka ayaa sheegay in ay duqeyn ku dileen in ka badan 20 xubnood oo ka tirsan malayshiyaadka Al-shabaab ee ku sugan buuraha Galgala. War-saxaafadeed shalay ka soo baxay taliska ciidamada Maraykanka ee Afrika ayaa lagu sheegay in duqeynta laga fuliyay meel 26 mile koonfur galbeed kaga beegan magaalada Boosaaso ee xarunta gobolka Bari,labadii bishaan June,islamarkaana lagu dilay 27 argagixiso ah. Sidoo kale War-murtiyeedka ayaa lagu xaqiijiyay in aan weerarka wax khasaare ah ka soo gaarin dad shacab ah. Dhinaca kale dowladda Puntland ayaa sheegtay in weerarka halkaasi laga fuliyay uu jawaab celin u ahaa,weerar habeenkii sabtida ee labadii bishaan June ay Al-shabaab ku qaadday xero ay ku sugan yihiin ciidamada Badda Puntland oo ku taalla degaanka Balli-khadar ee Calmadow. Dowladda Puntland waxay sidoo kale xaqiijisay in weerarka ay ku dhinteen 50 xubnood oo ka tirsan Al-shabaab,lagana furtay hub iyo saanad. Warar madax-bannaan ayaa sheegaya in dhimashada Al-shabaab ay gaarayso ilaa 80 ruux,kuwaasoo ku dhintay dagaalka ay ku qaadeen ciidamada Puntland oo kaashanaya duqeynta cirka ee Maraykanka. PUNTLAND POST The post In ka badan 80 xubnood oo Al-shabaab looga dilay gobolka Bari. appeared first on Puntland Post.

Baydhabo (Caasimada Online)-Sida aan horay u sheegnay waxaa maalinimadii shalay magaalada Baydhabo ka furmay shirka amniga qaranka Soomaaliya, waxaana ka qaybgalay madaxda federaalka iyo kuwa maamul goboleedyada. Shirka oo lagu dhan yahay ayaa maanta galay maalinkii labaad, waxa ayna madaxdu inta bad jeediyeen Khudbadahooda ku saabsan Amniga. Khudbadaha shirka harsan ayaa waxaan weli jeedin mas’uuliyiin la doonaayo inay jeediyaan wakhtiga danbe, halka hadda lagu guda jiro Khudbadaha madaxda Qaranka iyo maamul Goboleedyada. Madaxda iyo Maamulada ayaan weli isla fahmin qodobada qaar marka laga soo gudbo ajandayaasha miiska saaran ee shirka iyo heshiisyada qoran ee horay loo gaaray, waxaa jira waxyaabo quluubta ku kaydsan oo ay tahay in is afgarad laga gaaro sidii loo wajihi lahaa. Qodobada lagu lifaaqay magaca shirka ee ah ‘Shirka Amniga Qaranka’ ka sokoow waxaa shirka looga hadlayaa arrimo aanan amni ahayn, sida qeybsiga kheyraadka iyo waliba in lagu heshiiyo hannaanka doorasho ee uu dalka qaadanayo marka la gaaro sanadka 2020-ka. Shirka ayaa lagu wadaa inuu soo idlaado maanta waxaana suuragal ah inuu gaaro maalinta beri, waa haddii aan lagu heshiin qodobada qaar ee dooduhu ay ka taagan yihiin. Sidoo kale, heshiiska lagu wado inuu ka soo baxo shirka ayaa waxaa laga soo saari doonaa war-murtiyeedka, waxaana la sheegayaa in ay aad u taaban doonaan siyaasadda kheyraad wadaagga, arrimaha ammaanka iyo la dagaalanka ururka Al-shabaab. Shaki ayaa laga qabaa nooca uu noqon doono heshiiska la filaayo inuu kasoo baxo shirka Amniga Qaranka ee magaalada Baydhabo, waxaana suuragal ah in qodobada qaar aysan u cuntamin dowlada. Ma cadda in shirka uu gaari doono maalinta beri iyo inkale, waxaana xusid mudan inay jiraan qodobo badan oo leysku hayo, maadaama inta badan Madaxda maamul Goboleedyada uu kasii dhamaanayo wakhtiga. Caasimada Online Xafiiska Baydhabo Caasimada@live.com

For nearly 30 years, Somalia has been a weak, divided state threatening the stability of the Horn of Africa and the key international waterway leading to the Suez Canal. Source: Hiiraan Online

Ururka xasaradaha adduunka ayaa ka digaya in muranka kharaar ee u dhexeeya dawladaha khaliijka carabta uu khatar ku yahay oo uu wiiqayo daganaanshaha Somalia. Ururku wuxuu siyaasiyiinta Somalida Ugu baaqay in ay joojiyaan in ay laka jirsadaan dhinancyada iskuhaya muranka khaliijka ka taagan sabatoo ah taasi waxay khatar galin kartaa qalalsasaha isa soo taraya ee Somalia gudaheeda iyo sidoo kale Caasimadda Muqdisho iyo Jamhuuriyadda Iskeed madaxbanaanida ugu dhawaaqday ee Somaliland. Kolkii sacuudiga iyo imaaraadka Carabtu ay xiriirka diblumaasiyadeed ujareen Qatar sanadkii hore ayaa arrintani waxay dhibaato u keentay Somalia taas oo xiriir laleh labada dhinacba. Ururka xasaradaha caalamka ayaa ku baaqay wadahadal dhexmara dawladaha Somalia iyo Imaaraadka asagoo intaas ku daray xasilooni darro dheeri ah oo ka dhacday Somalia in ay ka faaidi karaan Kooxaha Jihaad doonka ah. Isha BBC

Saudi Arabia has begun issuing its first driving licenses to women as it prepares to lift the world's only ban on women driving later this month. Source: Hiiraan Online

Kismaayo (Caasimada Online)-Wararka naga soo gaarayo degmada Baardheere ee Gobalka Gedo ayaa sheegaya in maleeshiyaadka al-Shabaab ay weerar culus ku qaaden qeybo kamid ah Degmada. Weerarka oo xalay xiliga saxuurta dhacay ayaa waxaa kasoo baxaaya warar kala duwan, waxa uuna xoogiisa ka dhacay Saldhig ay ku sugnaayen Ciidamada dowlada oo ku yaala agagaarka Buundada degmada Baardheere ee gobalka Gedo. Cusmaan Sheekh Cabdi (Qorax) oo ah Abaanduulaha Ciidanka xoogga dalka Soomaaliyeed Guutada 10-aad oo la hadlay Idaacada VOA-da ayaa waxa uu sheegay raggii weerarka soo qaaday in ay iska difaaceen, oo halkaasi ay ku jabeen. Wuxuu sheegay dagaalkaasi in uu kaga dhintay Hal askari, halka ay kaga dhaawacmeen ilaa Saddex askari oo kale, wuxuu tilmaamay Shabaab dagaalkaasi in ay kaga dileen in ka badan 10 dagaalame. Abaanduulaha oo arrintaan ka hadlaayay ayaa yiri ‘’Nimankii cadowga ahaa ayaa weerar nagu soo qaaday xilligiii saxuurta, waxayna weerar ku soo qaadeen aagga Buundada, nimanka halkaasi way ku jabeen, anaga khasaaraha na soo gaaray wuu kooban yahay Hal askari oo dhimasho ah iyo Saddex dhaawac ah, dhankooda Toban Argagixiso ka badan ayaan ka dilnay.” Sidoo kale, Qorax ayaa sheegay in dagaalkan ay ku qabteen nin nool oo Shabaab ka tirsan iyo hub fara badan, sida uu hadalka u dhigay. Dhinaca kale, weerarkaan ayaa kusoo beegmaaya xili degmooyinka hoostaga Gobolada Gedo iyo Jubboyinka ay muddooyinkan dambe ka soconayay howlgalo ballaaran oo ka dhan ah Alshabaab. Caasimada Online Xafiiska Kismaayo Caasimada@live.com

The U.S. military says it has killed 49 members of the militant group al Shabaab in three separate airstrikes over the past 12 days in Somalia. Source: Hiiraan Online

A sweeping Pentagon review of elite United States commando missions is likely to result in a sharp cut — by as much as half over the next three years — in Special Operations forces in Africa, military officials said. Source: Hiiraan Online

When Kenya announced it would close the Dadaab refugee camp in May 2016, the world reacted with shock and recriminations. Some pointed to its commitments as a signatory to conventions protecting refugees. Others argued that Kenya must not close the camp under any circumstances. Source: Hiiraan Online

Somali refugee Adow Sheikh Aden, 32, was mocked when he started gathering empty plastic water bottles, broken buckets and old jerry cans around one of the world’s largest refugee camps. Source: Hiiraan Online

Fiji's participation in the United Nations peacekeeping missions has played an important role in strengthening her relations with other countries in the past 40 years, said a Fijian government official on Monday. Source: Hiiraan Online

Libyan militias killed at least 15 African migrants and wounded 25 others as dozens attempted to escape a migrant torture camp on May 23, according to the aid organisation Doctors Without Borders. The bloody massacre, one of the few to be made public, occurred in Bani Walid in the hinterland of Tripoli and Misrata. Smuggling gangs, Islamist militias and the Libyan Coast Guard collaborate in the region to profit from the lucrative refugee business. Source: Hiiraan Online

Wasiirka Arrimaha Gudaha Somalia, Cabdi Maxamed Sabriye ayaa lagu soo waramaya inuu bilaabay dadaalo uu ku bad baadinaayo aayaha maamulka Gal-Mudug oo sanad gudihiis lugaha la galay khilaafkii labbaad. Gal-Mudug ayaa wajaheysa xasarad siyaasadeed oo u dhaxeysa madaxda sare ee maamulka. Khilaafka taagan ayaa ka dhashay qaabkii loo fuliyay heshiiskii lala galay Ahlu Sunna, iyadoo madaxweyne kuxigeenka Gal-Mudug iyo gudoomiyaha Baarlamanku ay sheegeen in la baalmaray awood qeybsigii beelaha iyo in la badalay dastuurkii maamulka Gal-Mudug. Wasiir Sabriye oo BAYDHABO ku sugan ayaa la sheegay inuu kulan qaas ah la qaatay madaxweyne Xaaf iyo Shiikh Maxamed Shaakir oo iyaguna halkaa ku sugan, isagoo u bandhigay in Gal-Mudug ay u baahan tahay isu tanaasul iyo is qancin si meesha ay joogto horey looga qaado. Wuxuu labbada nin u jeediyay in Dowlada dhexe ay xooga saari doonto midnimada Gal-Mudug. Ilo ku dhow dhow wasiirka Arrimaha Gudaha ayaa sheegay in sidoo kale uu wasiirku teleefoonka kula hadlay madaxda Gal-Mudug ee gadoodka ku joogta magaalada Cadaado isagoo u sheegay in jiritaanka Gal-Mudug oo mid ah, ay muhiim u tahay nidaamka Federaalka iyo midka doorashooyinka 2020ka. Wasiir Cabdi Maxamed Sabriye ayaa labbada dhinac ka codsaday iney joojiyaan hadalada ay warbaahinta isu marinayaan taas oo dhaawaceysa qorshaha xal u raadinta xiisada ka taagan Gal-Mudug, wuxuuna kula dar daarmay iney eegaan masuuliyada ka saaran dadka iyo deegaanka. Bulshada reer Gal-Mudug ayaa ka walaacsan khilaafka soo noq noqday ee madaxda sare, kaas oo dib u dhigay howlihii iyo horey u socodkii maamulka. Waxaa Qoray- Cabdulaahi Cismaan Faarax raafac22@gmail.com

Marar badan ayaa dowladda federaalka Soomaaliya iyo maamulka Puntland waxaa dhex-maray khilaafyo salka ku haya awoodda maamul goboleedyada iyo heshiisyada ay galaan, ee lala baalmaro dowladda. Puntland waxay ku dooddaa inay ka madax banaan tahay dowladda, marka ay noqoto arrimaha gaarka u ah maamulkaas ee danta ugu jirta, ayna xaq uleedahay inay gasho heshiisyo caalami ah, oo deegaanadeeda quseeeya. Waxaa ugu dambeeyey heshiiskii dekedda Boosaaso ee uu Cabdi Weli Gaas muddo 30 sano ah maamulka dekeddaas ugu saxiixay shirkadda DP World ee dalka Imaaraadka Carabta laga leeyahay, inkasta oo dastuurku ku qoran yahay in dekedaha iyo garoomada diyaaradaha ay maamuleyso dowladda federaalka. Si kastaba, Mareykanka ayaa shalay muujiyey in marka ay noqoto go’aan ka gaarista arrimaha Soomaaliya uu kala tashanayo kaliya dowladda dhexe, oo uusan waxba ka weydiineyn maamul goboleedyada dalka. Dowladda Mareykanka ayaa sheegtay shalay in howlgal looga fasax qaatay dowladda federaalka Soomaaliya ay ciidamadeeda ka fuliyeen degaano ka mid ah maamulka Puntland. Qoraal kasoo baxay Taliska ciidamada Mareykanka ee Afrika ee AFRICOM ayaa lagu sheegay in ayada oo lala shaqeynayo dowladda federaalka Soomaaliya ay duqeyn ka dhan ah Al-Shabaab ka fuliyeen meel 26 mile u jirta Koonfurta Galbeed ee magaalada Boosaaso.Taliska ciidamada Mareykanka ee Afrika ee AFRICOM ayaa sheegay in weerarka oo dhacay labadii June lagu dilay 27 argagixiso. Qoraalka laguma sheegin in weerarkan lagala tashaday maamulka Puntland, hase yeeshee sida ka muuqata qoraalka waxaa la weydiiyey kaliya dowladda federaalka. Haddii ay sax tahay in ayada oo aan la weydiin Puntland ay dowladda federaalka bixisay amar weerar qorsheysan looga fuliyey deegaanada maamulkaas, waa guul siyaasadeed oo dowladdu ay gaartay, dhabarjabna ku ah siyaasadda horboodka ku dhisan ee maamulka Puntland. Su’aashu waxay tahay, maxay Puntland ka qaban kartaa arrintan? Ma iska aamuseysa, oo ma ka soo qaadeysaa wax aan macno ku fadhin, mase waxay la hadli doontaa dowladda, oo ay u sheegi doontaa inaysan ansixin karin weerar aan lagala tashan, mise warqad ayay u qori doontaa Mareykanka oo ay kaga caban doontaa arrintan? W/Q: Safiya Cabdullaahi Garaad Muqdisho, Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Sida uu daabacay Wargeyska New York Times ee ka soo baxa dalka Mareykanka ayaa waxa uu sheegay in Aqalka Cad uu qorsheynayo inuu yareeyo ciidamadiisa gaarka ah ee ka howlgala Soomaaliya iyo dalal kale oo dhaca Qaaradda Africa. Ciidamada Mareykanka gaar ahaan qeybtooda u qaabilsan la dagalanka argagixsisada ayaa ah kuwo badi ka howlgala dalalka Qaaradda Africa, waxaana bixitaanka ciidamada mareykanka uu bilaaban doonaa saddexda sano ee soo socota, sida warka lagu sheegay. Guud ahaan ciidamo American ah oo tiradoodu ay dhan tahay 6,000 oo askar ayaa ka howlgala dalal dhowr ah oo dhaca qaaradda Afica, sida waaxda Taliska AFRICOM ay sheegtay, waxaana ay isugu jiraan tababrayaal, Taliyayaal iyo ciidamo qaas ah oo qaarkood ay ka howlgalaan Soomaaliya, iyagoo caawinaya ciidamada Dowladda Soomaaliya iyo kuwa nabad ilaalinta ee loo yaqaano AMISOM oo weeraro ku qaada ururka Al Shabaab. Howlgalka ugu badan oo Mareykanka uu ka fuliyo Soomaaliya ayaa ah fulinta duqeymo lagu dilo xubno ka tisarn Al shabaab waxaana sanadkii hore uu fuliyay duqeymihii ugu badnaa oo al shabaab lagu garaaco. Sida uu sheegayo Wargeysyka The Times ka bixitaanka ciidamada Mareykanka ee Soomaaliya waxa ay caqabad ku tahay dagaalkii 11-kii sano ee iugu dambeesay lagula jiray ururka Al shabaab oo Soomaaliya ka howlgala. Sababaha keenay in Mareykanka uu ciidamadiisa kala baxo dalalka Africa ayaa lagu sheegay in ay tahay ciidamada oo lagu dilayo dalalka ay ka howlgalaan iyagoo dagaal kula jira kooxaha mucaraadka, khasaraha dadka shicibka ah oo kordhay iyo hanjabaadaha Military ee Ruushka, shiinaha iyo Iran ka soo yeeraya waxaana uu mareykanka arkaa in joogitaankiisa Africa aaney muhiim u aheyd sida uu qoray, The Times. By: Abdiaziz Hassan Ibrahim (Loyal) E-mail: Abdiazizh99@gmail.com

Muqdisho (Caasimada Online) – Waxaa cabsi laga qabaa in dagaalka u dhexeeya dalalka dhaca Bariga Dhexe uu saameyn lixaad leh ku yeesho Dekadaha tayada leh ee ku yaalla Bariga Qaarada madow ee Africa. Dekadaha uu saameynta ku yeelankaro dagaalka ayaa waxaa kamid ah Dekadda Berbera, sida lagu sheegay Warbixin lagu daabacay wargeyska The Wall Street Journal. Waxa uu qoray wargeyska in Dekada Berbera ay kamid tahay kuwa muhiimka ah ee ku dhow marinka caalamiga ah ee “Canal Suez”, waxa uuna intaa raaciyay in ku dhawaad 260 Mile ay u jirto dalka Yemen. Sida uu qoray The wall street journal. Waxa uu qoray Wargeyska in Dekada Berbera ay halboole u tahay isku xirka xuduudaha labada dal Somalia,Yemen iyo dalal kale, sidaa aawgeed ay Dekaddu saameyn xoogan ku yeelan karto xiisada Siyaasadeed ee ka dhex aloosan wadamada Khaliijka ee xiligan ahmiyada siinaaya Dekadaha Somalia. Dekadda Berbera ayuu sheegay wargeyska inay u nuglaan doonto shar iyo kheyrba, maadaama ay xudun u tahay wadamada Khaliijka, isla markaana isticmaala Badda Somalia. Damaca ugu badan ayaa lagu sheegay inuu yahay mid dhaqaale, maadaama wadamada Khaliijka ay iminka ku indha furteen Dekadaha dayacan ee Somalia, waxa ayna taasi is ceersi iyo dagaal ka dhex abuuri kartaa dowladaha Khaliijka. Sidoo kale, Sacad Cali Shire oo ah Wasiira arrimaha dibadda maamulka Somaliland, ayaa isagu rumeysan in Somaliland ay siyaabo kala duwan uga faa’iideysan doonto Dekadda Berbera iyo Dekadaha kale, hase ahaatee ay muhiim tahay in la fahmo in Somaliland ay cagaha la gashay dano Sumeysan oo ka awood badan sida la moodo. Waxa uu yiri Wasiirka ‘’Waxaanu dhexda ugu jirnaa dowlado isku haya dano gaara oo saameyn yeelankara sida tartanka u dhexeeya Khaliijka oo u kala qeybsan Sunni iyo shiici’’ ‘’Waxaa sidoo kale jira loolano saameyn nagu yeelan kara oo u dhexeeya wadamo dhowr ah Mareykanka, Ruushka iyo Turkiga oo siyaabo kala duwan u daneynaaya Dekadaha Africa’’ Sidoo kale, wadamada Khaliijka, Mareykanka, Ruushka, Qadar iyo Turkiga ayaa ku loolamaaya Xeebta Waqooyiga Geeska Africa oo u dhow wadanka Yemen. Dhinaca kale, Saldhiga Imaaraadka ee Berbera ayaa laga cabsi qabaa xitaa inay isticmaalan ciidamo iyo diyaarado dagaal oo ay leeyihiin Sacuudiga iyo wadamo kale oo ka tirsan Khaliijka. Isha https://www.wsj.com/articles/global-powers-race-for-position-in-horn-of-africa-1527861768 Caasimada Online Xafiiska Muqdisho Caasimada@live.com

Garoowe (Caasimada Online) – Wasiiru dowladda Madaxtooyadda ahna Afhayeenka Xukuumadda Puntland Cabdullahi Jaamac Quran’jecel, ayaa shaaca ka qaaday in Puntland ay xaq u leedahay inay difaacato Gobolka Sool. Quran’jecel,waxa uu sheegay in la wada ogyahay in Gobolka Sool ay maamusho Puntland, hase ahaatee Somaliland ay dusha saaran doonto wixii dhibaato ah oo ka dhashay dagaalka. Quran’jecel, waxa uu tilmaamay in Somaliland ay ka dhamaan la’dahay ‘’Gumeystihii Ingiriiska ayaa noo hooyay Sool’’, waxa uuna taa ku sheegay mid aan suuragal aheyn. Isagoo ka jawaabaya haddalka Somaliland ee ah in gumeystaha uu u gooyay Sool ayuu yiri ‘’Haddii Gobolka Sool uu idiin gooyay Ingriiska ama idinsiiyay, anagana ilaahey ayaa na yiri Sool idinkaa leh’’ Quran’jecel, waxa uu intaa raaciyay ‘’Sool dadkeena ayaa degan, ilaahey baa na dajiyay waana ku noolaan doonaa’’ Sidoo kale, Wasiiru dowladda Madaxtooyadda Puntland waxa uu sheegay in dadka ku nool Sool laga doonaayo inay ilaashtaan deegaankooda isla markaana iska celshaan Somaliland. Si kastaba ha ahaatee, Puntland ayaa u muuqaneysa mid cirka kusii toleysa xiisada Gobolka Sool ee kala dhexeysa Somaliland. Caasimada Online Xafiiska Garoowe Caasimada@live.com

Garoowe (Caasimada Online) – Wasiirka Warfaafinta Puntland Cabdi Xirsi Cali ayaa shaaca ka qaaday in jiritaanka maamulka Somaliland uusan dan ugu jirin Umadda Soomaliyeed iyo xitaa dadka ku nool deegaanada maamulka, sida uu hadalka u dhigay Wasiirka ayaa sheegay in Somaliland ay Soomaalida kale ka jeceshahay Ethiopianka iyo Oromada, halka ka garab istaagi laheyd Soomaalida. Isagoo saxaafada la hadlaayay ayuu yiri ‘’Somaliland cidna dan uguma jirto maxaa yeelay inay la dhaqanto Soomaalida kale waxa ay ka jecelyihiin la dhaqanka Ethiopianka iyo Oromada’’ Waxa uu tilmaamay inay gaareen heer ay dhulkooda u diidaan dhalinyaro Tahriib ah oo laga keenay dalka Liibya, waxa uuna taa ku micneeyay inay kala doorbidayaan dhalinyarada Somaliland ee laga keenay Somaliland iyo kuwa ajaaniibta ah. ‘’Heer waxa ay gaareen inay diidaan dadkooda marka waxaan leeyahay jeclaada dadkiina oo ha jeclaanina kuwa Ethiopianka ah’’ Sidoo kale, waxa uu sheegay in Puntland ay difaacan doonto Gobolka Sool, balse Somaliland laga doonayo inay u baqdo ciidankeeda oo aysan kusoo xadgudbin Gobolka. Haddalka Wasiirka Warfaafinta Puntland Cabdi Xirsi, ayaa kusoo beegmaaya xili labada maamul ay hanjabaado isu marinayaan hawada. Caasimada Online Xafiiska Garoowe Caasimada@live.com