Aqoonyahan Professor Cabdi Ismaaciil Samatar ayaa shaaca ka qaaday in dowladda federaalka Soomaaliya ay mas’uul ka tahay khilaafka xooggan ee u dhaxeeya ayada iyo madaxda maamul goboleedyada dalka, oo shir ka dhan ah dowladda ku leh Kismaayo. Samatar ayaa sheegay in dowladda ay faro-gelin ba’an ku hayso maamul goboleedyada, ayaguna ay ku jiraan iska caabin, taasina ay sabab u tahay khilaafka u dhaxeeya labada dhinac, ee meesha xun gaaray. “Dowladduu waxay isku dayaysaa in dhammaan gobollada ay madax uga dhigto xubno ayada ku xiran oo hoos taga, oo waxay doonaysaa inay beddesho madaxda hadda xilalka haya” ayuu yiri. Cabdi Ismaaciil Samatar ayaa sheegay inuu isaga uu si gaar ah u ogyahay qorshe ka dhan ah qaar ka mid ah madaxda maamullada, oo dowladda federaalka ay waddo. “Waxaan si gaar ah u ogahay in dowladda ay ka shaqeyneyso qorshe ka dhan ah Axmed Madoobe iyo Shariif Xasan, oo ay doorashooyin kusoo socdaan, waxaana dowladda ay damacsan tahay inay ku beddesho xubno ayada hoos-taga” ayuu yiri Samatar. Dhinaca kale, Cabdi Ismaaciil Samatar ayaa sheegay inay habooneyd in madaxweyne Farmaajo nuu tago Kismaayo, intii uu ka tagi lahaa Asmara, uuna la hadlo madaxda maamul goboleedyada, oo uu isku keeno shacabka iyo dadka kala careysan.

Muqdisho (Caasimada Online) – Warar dheeraad ah ayaa waxa uu kasoo baxayaa qorsho lagu doonayo in lagu mideeyo Xisbiyada Mucaaradka ah ee ka jira Somalia, gaar ahaan magaalada Muqdisho kuwooda ugu miisaanka culus. Qorshahaani ayaa waxaa horboodaya Madaxweynihii hore ee Somalia Xasan Sheekh Maxamuud waxaana qeyb ka ah Xildhibaano iyo Siyaasiyiin mucaarad ku ah dowlada Somalia ee uu Hoggaamiyo Madaxweyne Farmaajo. Talaabada lagu doonaayo in lagu mideeyo Xisbiyada ayaa waxa lasoo sheegayaa in wali uu ka taagan yahay Isfahan la’aan aan ka jirta dhanka Siyaasiga C/raxmaan Cabdi Shakuur oo ah guddoomiyaha xisbiga Wadajir. C/raxmaan Cabdi Shakuur, oo laga sugayo Jawaab ogolaansho ama mid diidmo ayaan wali qaadan wax go’aan ah, xili Xisbiyada kale ay yihiin kuwo u go’ay talo soo jeedinta Xasan Sheekh. C/raxmaan Cabdi Shakuur, ayaa ka meermeeraya diidmada iyo ogolaanshiyaha mideynta Xisbiyada, hase yeeshee waxaa soo baxaya in Isfahan la’aanta jirta ay tahay mid salka ku heysa shaqsiga noqon lahaa Guddoomiyaha Xisbiga lagu dhawaaqi lahaa. Siyaasiyiin ka tirsan garabyada mucaaradka ayaa inoo xaqiijiyay in sababta ugu weyn ay tahay in C/raxmaan Cabdi Shakuur uu doonayo in laga dhigo Guddoomiyaha, halka Xasan Sheekh uu isna ka doonaayo inuu noqdo madaxa ugu sareeya ee Xisbiga lagu midoobi doono. Sidoo kale, waxaa la xaqiijiyay in arrintani dhameystirkeeda ay ku guda jiraan Xildhibaano ka tirsan mucaaradka oo qudhooda kasoo dhexmuuqan doona xisbiga. Geesta kale, waxaa jira Isfahan yari ka taagan sida loo kala qaadan lahaa kuraasta ugu waaweyn ee xisbiga la filaayo in lagu dhawaaqo. Caasimada Online Xafiiska Muqdisho Caasimada@live.com

Muqdisho (Caasimada Onkien) – Ciidamada Nabadsugidda Somalia ayaa howlgal qorsheysan oo ay ka fuliyeen xaafad ka tirsan Muqdisho waxa ay ku soo qabteen rag ka tirsan Al-Shabaab, oo qorsheynayey weerar culus oo ay ka fuliyaan magaalada Muqdisho. War kasoo baxay hay’adda NISA ayaa lagu sheegay in ciidamada ammaanka ay gacanta kusoo dhigeen koox Shabaab ah oo ku howlanaa dilal iyo weeraro qorsheysan oo ay ka fuliyaan magaalada Muqdisho, sida ay hadalka u dhigeen. “7-da Sabtembar, howlgal ayaa ciidanka amnigu kusoo qabteen koox Al-Shabaab ah oo ku howlanaa dilal iyo weeraro qorshaysan oo ay magaalada Muqdisho ka fuliyaan, Ciidanka amnigu waxay naftooda u huraan soo qabashada argagixisada ah ayagoo khatar ku ah shacabka” ayaa lagu yiri qoraalka. Nabadsugidda Somalia ma aysan shaacin degmada iyo xaafadda uu si gaar ah uga dhacay howlgalka lagu qabtay xubnaha ka tirsan Al-Shabaab ee qorsheynayay dilalka iyo weerarada. Hay’adda Nabadsugidda ayaa muddooyinkaan dambe Muqdisho ka waday howlgallo qorsheysan,iyaga oo shaacinayey in ay ku soo qabteen xubno ka tirsan Al-Shabaab. Caasimada Online Xafiiska Muqdisho Caasimada@live.com

Muqdisho (Caasimada Online) – Guddoomiyihii degmada Xamarweyne ayaa eedo uu u jeediyay ku muteystay shaqo joojin iyo xabsi. Mudane Cumar Shariif Jeeg, ayaa ku eedeeyay Xukuumadda hadda jirta inay tahay midii ugu musuq-maasuqa badnayd ee soo marta dalka, isagoo intaasii ku daray in dalka aysan wax dowlad ah ka jirin. Gudoomiyaha ayaa sidoo kale ku eedeeyay ciidamada Booliska Soomaaliya in aan lagu aamni karin amniga dalka, islamarkaana ay yihiin kuwa qaraxyada soo geliya magaalada Muqdisho. Eedeymahan ayaa soo dedejiyay shaqa-joojin todobaadkani lagu sameeyay guddoomiye Cumar Shariif, waxaana si KMG ah shaqada maamulka degmada loogu dhiibay xigeenkiisii dhanka amniga iyo siyaasadda, Axmed Maxamed Iidow, iyadoo sidoo kale xabsiga la dhigay guddoomiyaha. “Guddoomiyaha degmada Xamarweyne ayaa ahay, waxaa lagu leeyahay Corruption iyo musuqmaasuq ayaa laga hortagayaa, dowladdii ayaa u horseedeysa corruption iyo musuqmaasuq” ayuu yiri guddoomiyihii shaqo joojinta lagu sameeyay. Guddoomiyihii degmada Xamarweyne ayaa intaas ku daray: “Meeshaan la burburinayo waa degmada Xamarweyne, guddoomiyaheeda ayaan ahay waxaan ka warqabo malahan wax la i ogaysiiyay malahan waa boob, tuugnimo iyo dhac waxa loo socdo, waxaan u sheegayaa guddoomiyihii degmada ayaan ahay Kama a warqabo, aaway dowladdii iyo nadaamkii la sheegayay wax ka jira malahan” ayuu hadalkiisa sii raaciyay mudane Shariif Jeeg. Masuuliyiin dhowr ah iyo Taliye-yaal ciidan ayaa xabsi ugu jira musuq-maasuq, iyadoo uu Raysal wasaare Khayre bishii lasoo dhaafay shaqada ka joojiyay Wasiir ku xigeenkii arrimaha dibadda, Mukhtaar Mahad Daa’uud, oo arrimo la xiriira musuq-maasuqa lagu soo eedeeyay. Tan iyo markii uu Madaxweyne Maxamed Farmaajo u magacaabey xafiiska Ra’iisul Wasaaraha horraantii 2017, Xasan Cali ayaa fagaarooyinka ka sheegayay inuu la dagaalamayo musuq-maasuqa ragaadiyay dalka 20 sano ee lasoo dhaafay. Haddaba, mareegta Goobjoog News ayaa idiin la wadaagaysa hadalka guddoomiyihii Xamarweyne Cumar Shariif Jeeg kaasoo shaqo joojin lagu sameeyay. HOOS KA DHAGEYSO https://www.caasimada.net/wp-content/uploads/2018/09/CODKA-GUD-XAMARWEYNE-07-09-2018.mp3

Muqdisho (Caasimada Online) – Warar lagu kalsoon yahay ayaa sheegaya in gudaha bishani isbedel lagu sameyn doono Gudoomiyayasha Degmooyinka Gobolka Banaadir. Isbedelka ayaa waxaa si wada jira iminka uga arinsanaaya Wasiirka Arrimaha Gudaha Cabdi Maxamed Sabriye iyo Gudoomiyaha Gobolka Banadir Cabdiraxman Yariisow. Gudoomiyaha Gobolka Banaadir ayaa la xaqiijiyay in Wasiirka Arrimaha Gudaha uu u gudbiyay liiska Gudoomiyayaasha iyo kuwa cusub ee imaan doona, iyadoo qorshaha uu yahay mid uu kasoo talo bixin doono Wasiir Sabriye. Degmooyinka ugu horeeya ee isbedelka uu saameyn doono ayaa waxaa kamid ah Waabari, Kaaran, Dharkeenley,Wardhiigley, Xamar weyne iyo Howlwadaag, waxaana suuragal ah in ku-xigeeno hadda shaqeeya loo bedelo Gudoomiyayaal buuxa. Gudoomiyayaasha ku bixi doona isku shandheynta ayaa waxaa qaarkood loo heystaa kiisas la xiriira musuq-maasuq dhanka ku tagrifalka canshuuraha ah. Sidoo kale, isbedelka kusoo fool leh Gudoomiyayaasha ayaa dhici doona kadib jawaab celin laga sugaayo Wasiirka arrimaha Gudaha Sabriye oo isagu kaalin weyn ku leh isbedelada Gobolka. Si kastaba ha ahaatee, Gudoomiyayaashan ayaa waxaa magacaabay Gudoomiyihii hore ee Gobolka Taabit Cabdi, oo si kadis ah ku waayay xilkiisa. Caasaimada Online Xafiiska Muqdisho Caasimada@live.com

Dhowrkii beri ee u dambeeyey waxay dadku is weydiinayeen su’aasha aan hordhaca uga dhignay mowduuceenna ee ah sababta guriga madaxweynihii ugu horreeyey Soomaliya uu u noqday meel ay xushmeeyaan oo aysan ku xadgudbin dhinacyadii dagaallada sokeeye ee dalka ku lugta lahaa, dagaallamayaashii qabaa’illada, qabqablayaashii dagaalka, Al shabaab, kooxaha burcadda qowlaysatada ah, iyo xataa dawladdii laga baqi jiray ee kacaanka. Su’aasha waxaa keenay markii ciidan si gaar ah u tababaran oo Soomaali ah ay habeennimo gudaha u galeen beerta Aadan Cadde, dabadeedna, Sida uu BBC u sheegay Dr Siciid Aadan Cadde oo uu dhalay madaxweynihii hore, ay gurigii uu ku noolaa xoog ku jabiyeen, ayagoo ka qaatay alaab dhex taallay, dadna ka kaxaystay. Dhowr arrimood oo dhamaantood waaqici ah ayey isugu soo biyo shubanayaan sababaha haddii la rogrogo. 1- Shuruucda caalamiga, iyo kuwa Soomaaliyaba waxay xurmo iyo xasaanad ka duwan tan bulshada siiyaan madaxweyne kasta oo dalka soo maray. Naftiisa iyo hantidiisa laguma xadgudbi karo. Weliba wuxuu qaranku u damaanad qaadayaa madaxweyne kasta oo xukunka ku wareejiya si nabdoon, dhibna aan gaysan, in kharashka noloshiisa, halka uu ku noolaanayo, amnigiisa, gaadiidkiisa, caafimaadkiisa, safarradiisa IWM uu qaranku damaanad qaadayo inta uu nool yahay, haddii uu geeriyoodana si heer qaran ah loo aasayo. 2- Aadan Cadde wuxuu madaxweyneyaasha kale kaga duwanaa isagoo ahaa madaxweynihii 1aad ee ay yeelato Soomaaliya markii ay xornimada qaadatay. Wuxuu kaloo ahaa, Soomaaliya kaliya ma ahee, nin Afrikada madow tusaale u dhigay oo xukunka si dimoqaraaddi ah u wareejiyey, xilli afgembiyada iyo kali talisnimada ay Afrika ku soo badanayeen. Waxaa taas barbar socday isagoo ka mid ahaa raggii u soo halgamay gobannimada Soomaaliya. 3- Wuxuu ku noolaa dalkiisa intii ka harsanayd noloshiisa, gaar ahaan guriga iyo beerta la weeraray. Madax aad u yar oo fara ku tiris ah mooyee inta badan madaxda Afrikaanka waxay xilligii Aadan Cadde ahaan jireen kuwo la afgambiyo oo la dilo, ama carara, ama haddiiba cod looga qaado xukunka aan dalkooda ku noolaan ee dibadaha musaafuris ku jooga, halkaasna ku dhinta. 4- Dadka aadka u yaqaannay Aadan Cadde kuma aysan sheegin xatooyo iyo musuqmaasuq, carruurtiisana ma ahayn kuwo uu ku soo koriyey nolol la mid ah tan ay ku soo koreen carruur badan oo ay dhaleen dad madax ah. Qodobbadaas iyo qaar kale oo ay dhici karto in aan halkan lagu xusin oo u badan sumcad uu bulshada ku dhex lahaa ayaa ugu weyn in la xurmeeyo Aadan Cadde, ehelkiisa iyo hantidiisaba. Qoyskiisa waxay BBC u sheegeen in guriga uu beerta ka degganaa, gaar ahaan qolkiisa jiifka iyo xafiiskiisa, ay iska xirnaayeen tan iyo markii uu geeriyooday 11 sano ka hor, oo in la nadiifiyo mooyee aysan gadaashiis cidina ku noolayn. Inkastoo uu ra’iisul wasaaraha Soomaaliya si degdeg ah raalli gelin u siiyey qoyska madaxweynihii ugu horreeyey Soomaaliya, haddana dad badan waxay dareensan yihiin in ay arrintaas aysan ahayn gef loo gaystay reer Aadan Cadde oo kaliya ee ay tahay gef laga galay Soomaalida oo dhan. Waxaa iyadana muhiim in talaabo laga qaado ciidankii falkaas gaystay haddii uu ahaa fal aan ku talagal ahayn, lagana feejignaado in mar dambe uu soo laabto. Isha: BBC

Hargeysa (Caasimada Online) – Wasiirka Arimaha Dibada maamulka Somaliland Dr Sacad Cali Shire, ayaa sheegay inay leeyihiin rajooyin ku aadan helida aqoonsi rasmi ah. Wasiirku waxa uu sheegay in Somliland ay xiriiro kala duwan la sameysay wadamada reer galbeedka si ay uga helaan aqoonsi. Waxa uu tilmaamay inay heystaan ballanqaadyada dhowr dal oo miisaan ku dhex leh dalalka reer galbeedka kuwaasi oo qalinka ku duugay inay kala shaqeyn doonaan helida aqoonsi buuxa, sida uu hadalka u dhigay. Waxa uu intaa raaciyay in aqoonsi raadintooda xitaa ay gaarsiiyen dowlada Mareykanka, hase yeeshee ay qabaan rajo weyn oo muujin karta inay helayaan aqoonsi. Wasiir Sacad Cali Shire, waxa uu tilmaamay in dowlada Somalia ay dadaal ku bixineyso sida ay ku hor istaagi laheyd aqoonsiga Somaliland, hase yeeshee waxa uu taa bedelkeeda ku sheegay inay ka miro dhalin doonaan rajadooda. “Dowlada Somalia waxa ay dadaal galineysaa sida ay meel waliba uga soo xiri laheyd Somaliland, balse anagu waxaanu nahay dal yaqaan dantiisa dhabar adeegna u yeelan doona raadinta aqoonsiga” Dowlada Somalia ayuu sheegay inaysan awood u laheyn is hortaaga aqoonsiga Somaliland balse ay wado dadaalkii ay isku hortaagi laheyd. Sidoo kale, Sacad Cali Shire, ayaa carab ***** inuusan garankarin faa’iidooyinka dowlada Somalia ugu jirta is hortaaga aqoonsiga Somaliland iyo inay ka daba shaqeyso danahooda, sida uu hadalka u dhigay. “Anagu wan garan la’nahay sababta ay dowlada Somalia ugu mashquulsan tahay danaheena gaarka ah” Haddalka Sacad Cali Shire, ayaa kusoo beegmaya xili uu maamulku dhawaan sheegay inay aqoonsan yihiin dowladaha Sacuudiga iyo Imaaraadka carabta. Caasimada Online Xafiiska Hargeysa Caasimada@live.com

Muqdisho (Caasimada Online) – Israel ayaa markii ugu horeysay digniin kasoo saartay xaaladaha amniga ee dalal dhowra oo dhaca qaarado kala duwan. Israel ayaa sheegtay inay ka digeyso in muwaadiniinteeda ay socdaal ku gaaran wadamadaasi oo kaalmaha koowaad ay kaga jirto Somalia. Digniintan oo kasoo baxday Xafiiska guud ee Guddiga Amniga Qaranka Israel ayaa waxaa muwaadiniinta looga digay inay u safraan wadamada Somalia,Iran,Iraq,Syria,Lubnan,Masar iyo India. Dalalkani oo ay ku jirto Somalia ayey sheegtay inay ka dhacayan weeraro culus oo ay geysanayan Kooxaha argagixiso ee ku xiran Al-Qacida. Sarkaal ka tirsan Guddigaasi ayaa sheegay in dalalka ugu daran oo sida gaarka ah loogu bartilmaamsan karo muwaadiniinta Israel ay ka mid yihiin Somalia iyo Masar kuwaasi oo uu sheegay in ay ku sugan yihiin Kooxo xagjiriin ah, isla markaana xiriir dhow la leh Al-Qacida. Sidoo kale, Sarkaalka ayaa sheegay in Xagjiriinta ay si gaara u daneeyan muwaadiniinta Israel oo laga midab takooro inta badan dalalka Islaamka. Si kastaba ha ahaatee, baaqa Israel ayaa yimid xilli Yahuudu guda galeyso fasax ciideedyadooda sanadlaha ah. Caasimada Online Xafiiska Muqdisho Caasimada@live.com

Qaybta 3-aad, halkan ka aqri qeybtii 2-aad Intaan u gudbin qaybtii 3aad ee taxanaha qaraalkayga, waxaa ila habboonaatay inaan talo ku darsado khaladaad aan la dhuuxin lagana fiirsan ee Nabad Sugidda Somaaliyeed horey gashay sanooyinkii u dambeeyey kuwasoo ay ka mid ahaayeen kuwii loo aanaynayey inay u horseedeen hoos u dhaca hawlihii loo igmaday kaddibna, sida la wada xusuusan yahay, u horseeday burburka ciidanka. Haddaan si kooban uga faallodo, khaladaaskaas waxaa ugu darnaa markii ciidanka lagu soo biiriyey xubno aan haba yaraatee ku habboonayn inay shaqadaas qabtaan iyagoo lagu keenay codsi ama rabitaan shaqsiyadeed si loo raali geliyo, kuwaasoo qaarkood ku yimid hab qabiil. Tan kale, sanooyinkii u dambeeyey ciidanku wuxuu la baraarugay inuu isu beddelay hay’ad loo adeegsado in lagu raali geliyo ama lagu fuliyo dano siyaadeed, sida haatan uu isku beddelay ciidanka. Qodobbadaasi oo dhan waxaa ka sii daray markii jiritaanka hay’adda ciidanku ku xirnaado dawlad shisheeye. Burburkii ciidanka ee dhamaadkii 1991kii, inkastoo aan dalka ka dhoofay, haddana waxaan isku taxluujiyey kuna dadaalay inaanu go’in xiriirkii aan la lahaa ciidanka, hase yeeshee nasiib darro wuxuu noqday hal bacad lagu lisay, aakhirkiina ii soo baxday in hay’addu ku dambaysay mid laga weeciyay hawlahii lagu yiqiinnay hay’ad sirdoon. Haddaba, madaxda qaranka, waxaan talo ahaan u soo jeedinayaa in xoogga saarto qodobbada hoos xusan, waa haddii ay ka go’an tahay in qaranka (dal iyo dad) la badbaadiyo, taasoo hubaal ah inay hanan doonto kalsoonida shacabka: In hay’adda lagu soo celiyo Dalladda Qaranka (Nation Umbrella). Waxyaalaha lagu garto qaran waxaa ka mid ah inuu leeyahay dhul, calan iyo astaan. Haddaad fiiriso astaanta Hay’adda Sirdoonka, waxaa kuu soo baxaysa in dawlad shesheeye leedahay, waayo waxaa ku qoran luqad shisheeye, aaway luqaddii Ummadda Somaaliyeed oo hirgelinta qaraalkeeda juhdi badan loo soo maray. Arrintani gaar uma aha NSS-ta ee waxay noqotay mid guud oo cudurdaar u noqoto maaligelin mashaariic shisheeye. Sida aad la socotaan, hirgelinta qoraalka luqadda soomaaliyee ka hor, magaca rasmiga ah ee ciidanka sirdoonka Soomaaliyeed wuxuu ahaa “National Security Service” oo marka la soo gaabiyo ahayd NSS. Waxaan xusuustaa dhibka aan kala kulannay inaan la beddelin laysna waafajiyo magacaas, markii dambena laysku raacay in loo beddelo Nabad Sugidda Soomaaliyeed (NSS). In hoggaanka ciidanka ay noqdaan shakhsiyaad xirfad waayo aragnimo u leh hawlahaha sirdoonka ee aan loo magacaabin shakhsiyaad meeshii la doono laga keeno ama weligood shaqaale dawladeed soo noqon , qoortana loo geliyo mas’uuliyad ayan ka soo bixi karin kuna fashilmaan, waxaa taasi ka sii daran inay dhacday in dib loo magacaabay madax hore ugu fashilmay xilkaas. Waxaan ogsoonahay inay dalka gudihiisa iyo dibeddeba ku nool yihiin saraakiishii iyo ciidankii aasaasay hay’adda Nabad Sugidda Soomaaliyeed, xirfad iyo khibrad toona u baahnayn oo si toos ah shaqada u qaban karaan. Magacaabidda xilalka kala duwan ee hay’addu waa inay ku salaysnaataa mid loogu xushay xirfad iyo khibrad ee aan loo eegin habka foosha xun ee ku saleysan qabiilka. Ma jecli inaan tusaale ahaan u soo qaato, hase yeeshee si aan fikraddeyda si habboon ugu cabbiro, tan iyo aasaaskii NSS ilaa burburkii dawladdii dhexe, waxaa hay’addaas hoggaanka u soo qabtay 3 taliye iyadoo aan loo eegin reeraha ay ka soo jeedaan, walow ay meel ka soo wada jeedeen, cidna shaki ma gelin. Tan iyo waagaas immisa Taliye ayey yeelatay Hay’addu? Waa in laga gudbaa dhaqannada foosha xun ee la caadaystay ee ah in qabiil uu la soo shir tago: Annagu haddaan reer Laba Indhoodle nahay, waxaan doonaynaa in nala siiyo 2 wasiir, 3 Jeneral, 2 Safiir, Taliye ciidan iyo wax la mid ah. Sidoo kale waxaan dhowr jeer maqlay ereyada ah “Haddaan reer Timo Jilic nahay, dawladda kalsoonidii waan kala noqonnay”. Sidaasi dawladnimo laguma noqdo, qaranna laguma hoggaamin karo. Dhisidda Qaran aad bay u adag tahay maalinna laguma hirgelin karo laakin burburinteeda aad ayey u sahlan tahay. Sidaa hore u sheegay, Hay’adda Sirdoonku waa wadnaha uu qaranku ku nool yahay, waxaana ogsoonahay in haddii wadnuhu martigeliyo dhiig aan saafi ahayn, waxaa hubaal ah inuusan raagayn. Soomaali waxay hore u tiri: “Nimaan talin jirin hadduu taliyo, nimaan tegi jirin ayaa taga”. Waxaan xusuustaa in Hay’addu ay subax walba madaxda qaranka u gudbin jirtay warbixin maalmeed “Daily Report” oo ka tajumaysa xaaladda uu waddanku ku sugan yahay 24kii saac ee tagay marka laga eego dhan kasta. Tusaale ahaan, waxaa qodobbada warbixinta ka mid ahaa la socodka marxaladaha maciishadda iyo guuxa dadweynaha. Waxaan shaki ku jrin in maanta arrimahaasi yihiin kuwo dhalanteed ah (Utopia). Markaan sanooyin badan ugu kuurgalay musiibadaha kala duwan oo qaranka ku habsaday, waxaa ii soo baxday in qaranku (Dal iyo Dad) ku socdo god halis ah oo haddaan degdeg wax looga qaban ay adkaan doonto in dib looga soo noqdo. Waxaa hubaal ah in taariikhdu qori doonto qof kasta dhibka ama halaagga uu u horseedo dalkiisa iyo daldkiisa intaba. Hay’adda Sirdoonku waxay u baahan tahay isbeddel xagjir ah (Radical Change) ee uma baahna isbeddel hoggaan oo keliya, xitaa haddii ay dantu kallifto in la qaato go’aan adag (Unpopular Decision), si loo saxo khaladaadka ka dhex jira. La soco qaybaha xiga W/Q: Ahmed Karate e-mail: amm.karate@gmail.com Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Waxaa sii kordhaya khasaaraha ka dhashay dagaal beeleed ka soconaya dhanka galbeed ee magaalada Laascaanood ee xarunta gobolka Sool. Faahfaahin ayaa kasoo baxaysa dagaal beeleed dib uga soo cusboonaadey gobolka Sool, gaar ahaan degaan lagu magacaabo Dhumay. Dagaal beeleedkani oo u dhaxeysa malleeshiyaad kasoo kala jeeda laba beelood oo dirirtoodu soo laablaabtay ayaa waxaa la sheegay inay salka ku hayso aanooyin iyo dilal hore, oo heshiisyo horey looga gaarey fuli waayay. Mareegto Goobjoog News ayaa loo xaqiijiyay in dagaalkani sokeeye ay ku dhinteen 18 qof, iyadoo tiro intaasi ka badan ay ku dhawacmeen, kuwaasoo wararku ay tilmaamayaan in la dhigay Isbitaalka dhexe magaalo madaxda gobolka Sool ee Laasacaanood. Labada dhinac ma ahan markii ugu horeysay oo dagaal uu dhexmaro, midka hadda socda ayaa qeyb ka ah dagaallo mudo soo jiitamayay, oo sababay khasaarooyin dhimasha, dhaawac iyo barakac xooggan. Wararkii Ugu dambeeyay ee xaaladda sida ay tahay waxaa ka wareysannay wariyaha degaankaasi Faarax Dubbad wuxuuna u warramay Maxamed Cabdullaahi Maxamed. HALKAN HOOSE KA DHAGEYSO: https://goobjoog.com/wp-content/uploads/2018/09/FAARAX-DUBBAD-07-09-2018.mp3 Goobjoog News Source: goobjoog.com

Maamullada Puntland iyo Somaliland, oo dhinacyada dirirta u dhaxeysa ay dhex-degan yihiin ayaa lagu eedeeyay inaysan xil iska-saarin, islamarkaana muhiimad siinin xalinta colaadda dhiiga ku daadanaya. Xildhibaanno katirsan Baarlamaanka dowladda Puntland iyo siyaasiyiin ayaa baaq nabadeed u diraya beelaha walaalaha ah ee ku dagaallamaya degaanka Dhumay ee duleedka magaalada Laascaanood. Waxay dalbadeen Xildhibaannada in dagaalkani la joojiyo oo waxgaradka gobolka Sool ay kacaan si khasaaraha loo hakiyo. Shir jaraa’id oo ay warbaahinta kula hadleen ayay si gaar ah waxgaradka gobolka Sool gaar ahaan magaalada Laascaanood uga codsadeen in arrintani qaboojinteeda ay u istaagaan. HALKAN HOOSE KA DHAGEYSO: https://goobjoog.com/wp-content/uploads/2018/09/BAAQA-BAARLAMAANKA-PUNTLAND-.mp3 Goobjoog News https://goobjoog.com/wp-content/uploads/2018/09/BAAQA-BAARLAMAANKA-PUNTLAND-.mp3 Source: goobjoog.com

Guddoomiyihii degmada Xamarweyne ayaa eedo uu u jeediyay ku muteystay shaqo joojin iyo xabsi. Mudane Cumar Shariif Jeeg, ayaa ku eedeeyay Xukuumadda hadda jirta inay tahay midii ugu musuq-maasuqa badnayd ee soo marta dalka, isagoo intaasii ku daray in dalka aysan wax dowlad ah ka jirin. Gudoomiyaha ayaa sidoo kale ku eedeeyay ciidamada Booliska Soomaaliya in aan lagu aamni karin amniga dalka, islamarkaana ay yihiin kuwa qaraxyada soo geliya magaalada Muqdisho. Eedeymahan ayaa soo dedejiyay shaqa-joojin todobaadkani lagu sameeyay guddoomiye Cumar Shariif, waxaana si KMG ah shaqada maamulka degmada loogu dhiibay xigeenkiisii dhanka amniga iyo siyaasadda, Axmed Maxamed Iidow, iyadoo sidoo kale xabsiga la dhigay guddoomiyaha. “Guddoomiyaha degmada Xamarweyne ayaa ahay, waxaa lagu leeyahay Corruption iyo musuqmaasuq ayaa laga hortagayaa, dowladdii ayaa u horseedeysa corruption iyo musuqmaasuq” ayuu yiri guddoomiyihii shaqo joojinta lagu sameeyay. Guddoomiyihii degmada Xamarweyne ayaa intaas ku daray: “Meeshaan la burburinayo waa degmada Xamarweyne, guddoomiyaheeda ayaan ahay waxaan ka warqabo malahan wax la i ogaysiiyay malahan waa boob, tuugnimo iyo dhac waxa loo socdo, waxaan u sheegayaa guddoomiyihii degmada ayaan ahay Kama a warqabo, aaway dowladdii iyo nadaamkii la sheegayay wax ka jira malahan” ayuu hadalkiisa sii raaciyay mudane Shariif Jeeg. Masuuliyiin dhowr ah iyo Taliye-yaal ciidan ayaa xabsi ugu jira musuq-maasuq, iyadoo uu Raysal wasaare Khayre bishii lasoo dhaafay shaqada ka joojiyay Wasiir ku xigeenkii arrimaha dibadda, Mukhtaar Mahad Daa’uud, oo arrimo la xiriira musuq-maasuqa lagu soo eedeeyay. Tan iyo markii uu Madaxweyne Maxamed Farmaajo u magacaabey xafiiska Ra’iisul Wasaaraha horraantii 2017, Xasan Cali ayaa fagaarooyinka ka sheegayay inuu la dagaalamayo musuq-maasuqa ragaadiyay dalka 20 sano ee lasoo dhaafay. Haddaba, mareegta Goobjoog News ayaa idiin la wadaagaysa hadalka guddoomiyihii Xamarweyne Cumar Shariif Jeeg kaasoo shaqo joojin lagu sameeyay. HOOS KA DHAGEYSO: https://goobjoog.com/wp-content/uploads/2018/09/CODKA-GUD-XAMARWEYNE-07-09-2018.mp3 Goobjoog News Source: goobjoog.com

Filmmaker Michael Moore compares U.S. President Donald Trump to Adolf Hitler in his provocative new documentary, "Fahrenheit 11/9" that got its world premiere at the Toronto International Film Festival on Thursday to a sold-out audience. Source: Hiiraan Online

Kulan maanta Muqdisho ay ku qabteen Xisbiga Dadka ayay ku sheegeen in Doorashada Qof iyo Codka ah loo baahan yahay in la qabto, si Axzaabta ay uga qeyb galaan nidaamka dowladnimo ee wadanka. Waxaa sidoo kale kulanka lagu Ansixiyey Xubno kamid noqoya Xisbiga/. Gudoomiyaha Xisbiga Dadka Soomaaliyeed Professor Saciid Ciise Maxamuud oo kulankooda kaddib warbaahinta la hadlay ayaa ka hadlay ahmiyadda isu imaatinkani. Waxaa uu sidoo kale Guddoomiyuhu soo hadal qaaday in ka xisbi ahaan ay doonayaan cadaaladda bulshada iyo in la helo dowlad dadku u siman yihiin wadankana gaarsiisa baraare iyo barwaaqo. HALKAN HOOSE KA DHAGEYSO: https://goobjoog.com/wp-content/uploads/2018/09/Cod-Saciid.mp3 Goobjoog News Source: goobjoog.com

MOGADISHU (Caasimada Online) – Somalia has made progress in ensuring the right to freedom of expression but needs to do more to end the challenges that remain – including killings, beatings, harassment, arbitrary arrests and illegal detention, lack of due process or fair trial and the closure of media outlets – according to United Nations report published today. It provides an update on a broader human rights report carried out by UNSOM in 2016. “Despite some efforts and progress in the legislative field, regrettably violations and abuses concerning the right to freedom of expression continued to be recorded,” the UN Secretary General’s Special Representative for Somalia, Michael Keating, said at the report’s launch in the Somali capital. Entitled ‘The Precarious Enjoyment of Freedom of Expression in Somalia,’ the report by the UN Assistance Mission in Somalia (UNSOM), which Mr. Keating heads, covers the period from 1 August 2016 to 31 July 2018. The new report notes that following advocacy of journalists and civil society, the Federal Government opened the national media law for revision to address journalists and other media workers’ concerns. It also notes that in response to advocacy efforts, the northern state of Puntland amended its media law with changes that broaden the enjoyment of the right to freedom of expression, while the southern state of Jubbaland has initiated a media law. According to the report, during the period under review, eight journalists and media workers were killed and 32 injured, and 94 journalists and other media workers were arbitrarily arrested and/or subjected to prolonged detention on charges related to the exercise of freedom of expression. Al-Shabaab remained the main perpetrator of killings and injuries against journalists and other media workers. Moreover, during the same time period, 19 media outlets (seven TV stations, five radio stations, five websites and two newspapers) were either closed by federal or member state authorities, suspended or blocked for broadcasting news, or alleged affiliation with Al-Shabaab, or dissemination of ‘false news’ considered to be endangering national security. “Somalis cherish freedom of expression. It is an essential part of their culture. It is vital for all Somali citizens to be free to express their opinions, especially as the country prepares for the 2020-2021elections,” Special Representative Keating said. “For freedom of expression to become a reality, Somalia must guarantee independence of the media, bring media legislation in line with the provisional Federal Constitution and regional and international human rights standards, and repeal laws criminalizing the dissemination of ‘false news’.” The report also notes that, while the number of journalists and other media workers killed decreased by 27 per cent compared to January 2014-August 2016, the number of people arrested and detained on charges related to the exercise of freedom of expression increased by 70 per cent. These included people who participated in demonstrations, politicians, supporters of political parties, bloggers and human rights defenders, poets, civil society activists, elders and citizens demonstrating in favour of Somali unity. The report attributes this spike in violations, which particularly impacted Somalilanders, to the November 2017 presidential elections, expressions of support for Somali unity, and the Tukaraq conflict between “Somaliland” and Puntland in May 2018. The report’s recommendations include the swift implementation of measures to protect journalists and other media workers, the prosecution of alleged perpetrators of violations against media workers and political actors, and the establishment of the Somali Federal Human Rights Commission.

Taliska Ciidanka Xoogga Dalka Soomaaliyeed iyo wax-garadka kasoo jeeda Galmudug ayaa dedaallo xooggan ugu jira sidii ay xorriyaddooda u heli lahaayeen ku dhawaad 60 Qof oo u badan Odayaal, kuwaas oo ay Xarakada Al-Shabaab la sheegay in Maalmo ka hor ka Af-duubteen degaanno ka tirsan gobolka Galgaduud. Madaxweynaha Galmudug Axmed Ducaalle Xaaf ayaa sheegay in odayaashaasi wadashada Alshabaab ay maqleen afartii bishani. Taliyaha howl-gallada qaybta 21aad, ee CXD Soomaaliyeed G/dhexe C/qaadir Maxamed Cartan, oo la hadlay warbaahinta ku hadasha afka dowladda federaalka wuxuu sheegay in ay socdaan qorshayaal ay ku doonayaan in dadkaasi ay ku soo sii daayaan, sida uu hadalka u dhigay. Lama oga sababta ka dambeeysa falkaasi, illaa iminkana ma jiro wax war ah oo ka soo baxay Xarakada Alshabaab oo lagaga hadlay arrinta waxgaradkani. Goobjoog News Source: goobjoog.com

Wararkii ugu dambeeyay oo ay Goobjoog News ka heleyso gobolka Sool ayaa sheegaya in ay yara deggan tahay xaaladda degaanka Dhumay ee duleedka magaalada Laascaanood. Deganaanshiyaha ayaa imaanaya iyadoo shalay halkaasi uu ka qarxay dagaal beeleed u dhaxeeya laba malleeshiyo. Dadka degaanka oo u warramay mareegta Goobjoog News ayaa xaqiijiyay in dagaal beeleedka uus alka ku hayo aanooyin qabiil oo horay labada beel u dhaxemaray. Waxa sidoo kale iyana buray heshiisyo horay labada beelood ay u kala saxiixdeen kuwaasoo u muuqda in ay meesha ka baxeen marba haddii dagaal cusubi qarxay. Waxaa lagu soo warramayaa in dad kor u dhaafaya 16 qof ay geeriyoodeen halka ay dhaawacmeen tiro kale. Dhaawacyada waxaa lagu dabiibayaa isbitaalka Laascaanood sida wararka aynu ku heleyno. Maanta ayaa qaar kamid ah odayaasha Laascaanood ay u ambabaxeen degaanka Dhumay oo dirirta labada beel ka taagan tahay. Goobjoog News Source: goobjoog.com

Gaalkacyo (Caasimada Online)-War goordhow naga soo gaaray degaanka Galhagoog oo 270-KM dhanka Bari kaga began magaalada Gaalkacyo ayaa sheegaya in halkaa uu ka dhacay dagaal qaraaran fiidnimadii caawa. Dagaalka oo leysu adeegsaday hubka noocyadiisa kala duwan ayaa waxa uu ka dambeeyay kadib markii maleeshiyaadka hubeysan ay isku qabsadeen Markab ku soo caariyay xeebta Galhagoog oo u dhaw Budbud. Maleeshiyaadkan oo aad u badnaa ayaa isku qabtay cida la wareegeysa Markabka oo ahaa mid xamuul siday, waxaana lasoo sheegayaa in dagaalka ka dhashay uu geystay dhimashada hal ruux iyo dhaawaca dhowr maleeshiyo oo kala taabacsanaa labada dhan. Markabka ayaa waxaa iminka gacanta ku haya qeyb ka mid ah maleeshiyaadka dagaalamay, waxa uuna dagaalka ka duldhacay Markabka iyo banaanka hore ee Xeebta. Rasaas goosgoos ah ayaa waxaa laga dul maqlayaa Markabka, waxaana ilaa iyo hadda halkaasi aan gaarin ciidamada amaanka maamulka Galmudug maadaama ay xili mugdiya tahay goobta uu ku caariyay Markabka. Ma cadda sida uu xaalku noqon doono waxaase lasoo sheegayaa in la maqlaayo rasaas ay wali is weydaarsanayaan labada dhinac oo is horfadhiya. Caasimada Online Xafiiska Gaalkacyo Caasimada@live.com

Garoowe (Caasimada Online)-Jug culus ayaa waxaa mar qura laga wada maqlay magaalada Qardho ee maamulka Puntland kaa oo la sheegay inuu ka dhashay Gaari laga soo buuxiyay walxaha Qarxa. Jugta Qaraxa ayaa inta badan waxaa laga maqlay qeybo ka mid ah xaafadaha magaaladaasi, waxaana lasoo sheegayaa inuu ka dhashay Khasaaro kala duwan. Qaraxa ayaa si gaara uga dhex dhacay geerish ku yaalla magaalada Qardho, waxaana ku dhaawacmay ku dhawaad Shan ruux oo kamid aheyd shaqaalaha Garaashka. Dadka dhaawacmay oo ka mid ahaa shaqaalaha garaashka ayaa waxaa la geeyay Isbitaalka wey ee magalada Qardho si halkaasi loogu dabiibo. Gaariga ayaa lasoo warinayaa in lagu diyaariyay Garaashka, hase yeeshee uu qarxay ka hor inta aan laga gaarin ujeedkii laga lahaa. Ciidamada ammaanka maamulka Puntland, gaar ahaan kuwa magaalada Qardho oo goobta gaaray ayaa tilmaamay inay wadaan baaritaanada la xiriira qaraxa. Dhinaca kale, Qaraxa ayaa kusoo beegmaya xili bilihii ugu danbeyay ay magaalada Qardho saldhig u noqoneysay madaxda DFS ee socdaalka ku gaara deegaanada maamulka iyo madaxda Puntland. Caasimada Online Xafiiska Garoowe Caasimada@live.com

Pioneering technology will help eliminate landmines across Africa and Asia helping the world’s most vulnerable communities access safe land. Source: Hiiraan Online

Muqdisho (Caasimada Online)- DFS ayaa qoraal kooban u dirtay Hoggaamiyayaasha maamul goboleedyada qeybta ka ah dowlada ee ku shirsan magaalada Kismaayo. Dowlada ayaa qoraalka ku codsatay in maamulada ay keenaan xisaab-celin ku aaddan Isticmaalka lacagaha dawladda dhexe ay u gudbiso dawlad goboleedyada. Qoraalka warqadan oo si gaara uga soo baxday Xafiiska Wasiirka maaliyadda oo nuqul kamid ah ay heshay warbaahinta ayaa waxaa lagu sheegay in la soo gaaray xisaab celin dhamaystiran oo daboolaysa isticmaalka lacagihii DFS gaarsiisay muddadii u dhaxaysay 1 Janaayo ilaa 30 Juunyo loo diri lahaa wasaaradda maaliyadda. Qoraalka waxaa sidoo kale maamulada lagu weydiistay in ay keenaan xisaab celinta lacagihii 2017 ka soo gaaray dowladda. Sidoo kale, Warqadda ka soo baxday xafiiska wasiirka waxaa lagu sheegay in xisaab celinta ay shuruud u tahay “barnaamijka deyn-cafiska ee dawladdu ay heshiiska kula gashay hay’adda IMF”. Qoraalka waxaa kale oo lagu xusay barnaamij shuruudiisa ay ka mid tahay in marka hore la helo xisaab celin “inta aan la soo gudbin lacagaha qaybahooda dambe”. Sidoo kale, Warqad kale oo ka soo baxday isla xafiiska Wasiirka Maaliyadda ayaa bishii May maamullada looga codsaday in “rubuc sannadeed kasta isticmaalka kharashaadka lagu wareejiyey”. Talaabadan ay qaaday dowlada Somalia, gaar ahaan Wasaarada Maaliyada ayaa dhirbaaxo ku noqonaysa madaxda maamul goboleedyada ee maalmahan ku shirsanaa magaalada Kismaayo, kuwaasoo qodobbada ay ku dhaliilayeen dawladda federaalka ay ugu weynayd qaybsiga lacagaha deynta iyo deeqda ah ee dawladdu hesho. Docda kale, waxaa adkan karta sida ay ku suuroobeyso xisaabcelinta DFS ay dalbatay in la keeno, xili saamayn ay yeelan doonto haddii aan la keenin, ama habkii la rabay aan loo marin.

Puntland Post-Madaxweynaha Maamulka Hir-Shabeelle Maxamed Cabdi Waare ayaa Wareegto uu soo saarey waxa uu xilalkii uga qaaday taliyaha Ciidanka Nabadsugida iyo sirdoonka Gobolka Hiiraan iyo ku xigeenkiisa. Wareegtada oo ku taariikheysan 1/9/2018 ayaa lagu sheegay in xilalkii looga qaaday Taliyihii Ciidanka Nabadsugida Gobolka Hiiraan Cabdi Maxamed Cali Aweys iyo ku xigeenkiisa Cabduqaadir Maxamuud Owbakar. Sidoo kale waxaa Wareegtada Taliyaha Cusub ee Nabadsugida Gobolka Hiiraan ee Maamulka Hir-Shabeelle loogu Magacaabey Colaad Cabdulaahi Cismaan. Hoos Ka Akhriso sababta keentay xilka qaadista iyo Magacaabista. Cabdiqani Boos Puntland Post The post Madaxweynaha Hir-Shabeelle Oo Xilka ka Qaday Taliyihii Ciidanka Nabadsugida Gobolka Hiiraan appeared first on Puntland Post.

Dowladaha Jabuuti iyo Eretrea ayaa Shalay gaaray heshiis horudhac ah oo u Gogol-xaaraya in lasoo Af-jaro colaaddii muddo ka taagnayd xadlka ay wadaagaan Labada Dal ee dhalisay Gacan ka hadalka. Colaadda Labada dhinac oo salka ku haysa duullaankii ay Eretrea ku qabsatay Buuralayda Dumeera, taasoo keentay in ay xukuumadda Casmara kula wareegto cudud Ciidan, kuna Af-duubato Askar Reer Jabuuti ah. Wasiirka arrimaha dibedda Dalka Itoobiya oo ka mid ahaa Wafdigii Shalay gaaray Jabuuti ayaa boggiisa Facebook-ga ku sheegay inay aad ula dhacsan yihiin sida ay wax ku socdaan iyo isu soo dhawaashaha Labada Dowladood. “Ka dib markii muddo dheer ay kala maqnaayeen, Eritrea iyo Djibouti waxay ku heshiiyeen in ay dib u soo celiyaan xiriirkooda,waana tallaabbo fiican” , ayuu yiri Wasiirka arrimaha dibedda ee Itoobiya ,Workneh Gebeyehu. Wada hadallada dhinacyadaasi ka dib ayay Wasiirrada arrimaha dibedda Soomaaliya, Itoobiya, Eretrea iyo Jabuuti oo wada jira waxay kulan gaar ah la qaateen Madaxweyne Ismaaciil Cumar Geelle, wuxuuna si weyn usoo dhoweeyay dedaallada dib u heshiisiineed ee ay wadaan Madaxda Gobolka. Wasiirka Warfaafinta Dalka Eritrea, Yemane Gebremeskal ayaa boggiisa Twitter-ka ku sheegay in Ismaaciil Cumar Geelle uu u muujiyay inay diyaar u yihiin in la gaaro dib u heshiisiin iyo in la wanaajiyo xiriirkii Jabuuti iyo Eretrea. Wasiirka arrimaha dibedda Eretrea Cusmaan Saalax, ayaa sheegay inay Dowladdiisu ka go’an tahay in ay heshiis waara la gaarto Jabuuto, lana dhameeyo wixii mad-madoow ah ee u dhexeeyay. Wasiirka arrimaha dibedda Dalka Jabuuti, Maxamuud Cali Yuusuf , ayaa isna sheegay inay ka run sheegayaan in ay muujinta heshiis dhab ah oo ay gaaraan Dalkiisa iyo Eretrea, iyo xal ka gaarista xaalad kasta oo Gobolka ka taagan. Kulankii ay yeesheen wasiirrada arrimaha dibedda ee Soomaaliya, Jabuuti, Itoobiya iyo Eretrea ayaa laga soo saaray war-murtiyeed aan faah-faahsanayn taxaddarna laga muujiyay, kaas oo lagu sheegay in ay tallaabadani tahay mid weyn oo loo qaaday dhanka adkaynta nabadda iyo deggenaanshaha Gobolka, iyadoo lagu taageerayo is-dhexgalka dhaqaale ee Geeska Afrika. Caasimada Online Xafiiska Jabuuti caasimada@live.com

The government of Somalia in association with the World Bank launched the flagship infrastructure project in Somalia. Source: Hiiraan Online

MOGADISHU (Caasimada Online) — Somalia announced on Friday it will host Arab Foreign Ministers’ next session in Somali capital Mogadishu. The meeting of the League’s Council will be held early 2019 in Mogadishu, a major boost for Somali diplomacy, said in a memo obtained by Caasimada Online. Somali Foreign Ministry’s Twitter feed said that Somalia would assume the chairmanship of Arab Foreign Ministers Council. The move allows Somalia to host the next session of Arab Foreign Ministers Council set to take place early 2019 in the capital of Mogadishu. Caasimada Online Mogadishu News Desk Caasimada@live.com