Muqdisho (Caasimada Online) – Maalin kale, qaraxyo iyo weerarro ayey goobjoog u noqotay caasimadda Soomaaliya ee Muqdisho. Isla shalay oo kale, sabti waxa ay weerarro iyo qaraxyo ay Al-Shabaab la beegsadeen xarumihii dowladda, gaar ahaan kuwii amniga qaabilsanaa sida Wasaaradda Amniga, Gudaha iyo Taliska warfaafinta, taas waxa ay su’aalo hordhigtay madaxda sar sare ee dowladda iyo gaar ahaan laamaha ay amaanku hoos tagaan ee weerarka lala beegsaday? Toddobaad kaddib, shakay waxaa ay Al-Shabaab weerareen madaxtooyada oo bartilmaameed u ahayd walow aysan ku guuleysan oo ay fashiliyeen ciidamadii ku sugnaa agagaarka Ceel Gaabta oo ay ka sameeysan yihiin baro koontorool lagana ilaaliyo madaxtooyada. Fallaqeyeyaasha siyaasadda iyo shacabka Soomaaliyeed waxa maankooda ka guuxaya cidda dusha u ridan doonta mas’uuliyadda weeraradan iyo qaraxyadan aan u muuqan kuwo xalkoodii la helay. Dowladdii midda hadda jirta ka horreeysay ee uu hoggaaminayey Xassan Shiikh Maxamuud waxaa la xasuustaa in uu iska casilay xilkii wasaaradda arimaha gudaha iyo amniga Cabdirakiin Xassan Guuleed kaddib markii uu ammaanka faraha ka baxay cadaadis bandanna uga yimi bulshada qeybeheeda kala duwan. Hadda mala joogaa xilligii uu tallaabadaas oo kale qaadi lahaa wasiirka hadda ee aminga gudaha Abuukar Axmed Islow Ducaale? Caasimad Online Xafiiska Muqdisho Caasimada@live.com

Brussels (Caasimada Online) – Inta badan madaxda dalka oo uu ugu horeeyo Madaxweynaha Jamhuuriyadda Federalka Soomaaliya Mudane Maxamed Cabdullahi Farmaajo iyo madaxda maamul goboleedyada dalka ayaa ku sugan Magaalada Brusseles oo lagu qabanyo shir looga hadlayo danaha Soomaaliya oo saaxiibada beesha calamkaa sida dowladda Ingiriiska, dowladda Swedan iyo hay’adaha taageera Soomaaliya ku kulmi doonaan. Shirkan Brussels waxa uu ka duwanyahay shirarkii London Somalia conference iyo New deal Somalia waxaana shirkan uu yahay “Somali partnership forum, oo diiradda lagu saari doonaa arimo kala duwan sida: wixii ka qabsoomay qorshaha amniga qaranka ee lagaga hadlay shirarkii hore ee lagu kala qabtay London iyo Muqdisho, guulaha laga gaaray, bixitaanka ciidamada Amisom ee waqtiyeysan, horumarka laga gaarey dhaqaalaha, haddii ay noqoto deyn-cafiska , dakhli-ururintii iyo miisaaniyaddii dalka. Madaxda Soomaaliyeed ayaa la fahansanyahay in aysan aheyn isku ajando iyo isku aragti gaar ahaan Dowladda Federalka iyo Maamul Goboleedyada dalka oo arimo dhowr ah isku khilaafsan- walina aan xal laga gaarin, waxaana la saadaalinayaa in uu noqon doono shirkii Bishii May ee isla sanadkan ka dhacay Brussels oo Ra’isul wasaare kheyre iyo wafdi ka socda Maamul goboleedyada dalka isku khilaafeen, taa oo ururka midowga Yurub aad uga careysiisay is aaminaad la aanta ka dhextaagan Soomaalida. Dowladda waxey Madasha horgeyn doontaa; Siyaasadda loo dhanyahay, Kheyraadka Wadaagiisa, Nidaamka Doorashada, Dib uhabeynta dastuurka, Xeerka Doorashooyinka iyo Nidaamka Doorashooyinka oo la isla qaatay si dalka Hal qof iyo Hal cod doorasho ah uga dhacdo dalka. Waxaa xusid mudan in Maamul Goboleedyada ay doonayaan in siyaasadahooda dibadda loo madax banaaneeyo maadamada maadaama Dowladda Federalka Soomaaliya horey u shaaciyay in ay tahay mida kaliya ee Soomaaliya ku mateli karta shirarka caalamiga ah, waxeyna badi ka soo horjeedaan Ajandaha u diaayrsan Dowladda Federalka ee shirka Brussels sida in AMISOM dalka laga saaro iyo arimaha qeybsiga Kheyraadka dalka. Soomaaliya ayaa weji gabax kala kulmi doonto beesha Beesha caalamka oo taageero dhinacyo kala duwan ah siisa hadii ay isku khilaafaan Qodobada looga hadlayo iyo waxa ka soo bixi doona, taa oo dhabar jab weyn ku ah Soomaalida iyo Saaxiibadeeda Beesha Caalamka ee taageerada siiya Soomaaliya. Caasimada Online Xafiiska Brussels Caasimada@live.com

Is-afgaradkii jimcihii ay Villa Somalia ka shaqeysay, una dhaxeeyey dhinacyada Galmudug, waa arrin la soo wada dhoweeyay, laakin waxaa jirto cabsi laga qabo sida Ahlu-sunna ula dhaqmi-doonto hirgelinta arrimaha la isku afgartay, taasi oo sheekada ku celin karta meel “Eber ah”. Khilaafka Muqdisho lagu xalliyay ma aha mid ku kooban madaxweynaha Galmudug, ku-xigeenkiisa iyo afhayeenka baarlamaanka, arrinta salkeeda waa sida loo fulinayo heshiiskii 14ka qodob ahaa ee Galmudug iyo Ahlu sunna wada gaareen. Galmudug iyo Ahlu sunna, ma aha markii ugu horeysay ee arrintooda Villa Somalia u fariisato, ee waa markii 3aad ee madaxweyne Farmaajo uu arrintan isku xil saaro 7dii bil ee ugu dambeysay, laga soo bilaabo heshiiskii December 6, ee 10ka qodob ahaa ilaa midkan lagu dhameystirayo heshiiskii Djibouti. Heshiisyada Galmudug iyo Ahlu sunna waxaa ay soo socdeen tan iyo July 30, 2014kii, xillgan waa markii ay ugu dhowaayeen balse ku adkeysiga Ahlu-sunna ee ah in ay baarlamaanka Galmudug ku soo darto tiro ka badan midka Cadaado ku sugan, in laga tillaabsado awood qeysiga beelaha iyo arrimo kale waxaa ay horseedi karaan jug jug meeshaada jog iyo in mar walbo meel eber ah wax laga soo bilaabo. Xildhibaanno ka tirsan dowlad goboleedka Galmudug waxaa ay qabaan in Ahlu-sunna aaney u hoggaansami-doonin heshiiska lagu saxiixay Djibouti, taasina ay waxba kama jiraan ka dhigi-doonto is-afgaradkii madaxweyne Xaaf, ku-xigeenkiisa iyo guddoomiyaha baarlamaanka. Xildhibaan Liibaan Cabdullahi Sheekh Xasan waxaa uu sheegay in arrinta dhacday ay aheyd is-afgarad iyo dib u sixid lagu sameeyay heshiiskii Dibouti. Xildhibaan Liibaan oo arrintaas ka hadlayo waxaa uu yri“Shirkii Djbouti waxaa lagu heshiiyay 14 qodob, saxiixa kadib waxaa ay aheyd in wasaaradda arrimaha gudaha ka shaqeyso, oo inta baarlamaanka Galmudug la keeno la sharciyeeyo, iyada oo aan taasi la sameyn ayaa Dhuusa-mareeb la geeyay, tiina waa socon-weyday, hadda waa in la soo celiyo, oo dib loo saxo, waa in baarlamaanka Galmudug hubiyo in heshiiska loo maray awood qeybsiga beelaha ee arrimaha kale”. “Horta mu’min god 2 jeer lagam qaniino, waa arrin xun in meesha la taagnaado, waa in la isla ogolaado in qaladaadka la saxo, in dastuurka loo hogaansamo, oo wax walbo dib loo saxo, maslaxadda Galmudugna wax walbo laga hormairyo” ayuu intaasi raaciyay . Dhinaca kale Xildhibaan Garaad Yusuf Maxamud waxaa uu qabaa in arrinta dhacday ay tahay in madaxweyne Xaaf uu ku galay si deg deg ah, oo Ahlu-sunna aaney u hoggaansami doonin 14kii qodob ee Djibouti. “14 qodob ee Djibouti ee madaxweyne Xaaf heysto, Ahlu-sunna ma ogola, 14ka waxaa ay rabaan in laga dhigo sida ay iyaga rabaan, waxaa ay iila muuqataa jug jug meeshaada joogo”. Caasimada Online Xafiiska Muqdisho Caasimada@live.com

Muqdisho (Caasimada Online)-Dowladda Federaalka Soomaaliya ayaa si xoog leh u cambaaraynaysaa weerarka ay Shalay Al-Shabaab ku qaaday agagaarka xarunta Madaxtooyada. War saxaafadeed ka soo baxay Wasaaradda warfaafinta Xukuumadda Soomaaliya ayaa lagu faah faahiyay weerarka. Halkan hoose ka akhriso war saxaafadeedka Wasiirka Warfaafinta, Dhaqanka iyo Dalxiiska, Mudane Daahir Maxamuud Geelle, ayaa sheegay in al-Shabab ay guul darro xoog leh kala kulantay weerarkii argagixisnimada si la mid ah kii ay ku qaadeen Wasaaradda Arrimaha Gudaha. Wasiirka, ayaa sheegay in weerarada al-Shabab ee nafla-caariga ah, aysan sii jiri doonin, maadaama ay waddo khaldan, oo ka fog bini’aadaminimada iyo diinta Islaamka ay ku socdaan. “Ciidamada Amiga Qaranka, waxay ku ammaanan yihiin sidii ay uga hortageen weerarka, oo ka koobnaa mid toos ah iyo laba qarax. Ciidamadu waxay ku guuleysteen in ay hor istaagaan arxan-laawayaasha dhiigga shacabka caadaystay ee al-Shabab in ay gaaran goobta ay qaraxa la damacsanaayeen. Kadib markii rasaas ay huwiyeen, ayaa mid ka mid ah 2 gaari oo qarax laga soo buuxiyay wuxuu ku qarxay meel u dhow taaladda SYL, waxaa sidoo kale ay ciidamadu Isla goobta ku dileen dhowr ka mid ah maleeshiyada al-Shabab ee la marin-habaabiyay.” Ayuu yiri Wasiirka Warfaafinta. Wasiirku, wuxuu xusay in dowladda Soomaaliya ay xil weyn iska saarayso daweynta dadka rayidka ah iyo ciidamada ku dhaawacmay, iyadoo uu tacsi u diray dhamaan intii ku geeriyootay. Wasiirka, ayaa sheegay in aan loo hakan doonin weerarada Islaamnimada ka baxsan ee kooxdan caadeysatay in ay ku qaadaan shacabka Soomaaliyeed, iyadoo ujeedkoodu yahay in nabadda iyo xasiloonida dalka ka jirta ay qalqal-galiyaan. Dowladda Federaalka Soomaaliya, waxay horey ugu tallaabsatay guulo ay ka soo hoysay kooxda argagixisada oo laga saaray goobo badan oo ay xoog ku lahaayeen, Isla markaana si xoog leh loo wiiqday awoodda kooxdan, taasoo keentay in weerarada noocan ah ee maatida lagu beegsado iyo kuwa gaadmada ah ay doorbidaan. “waqti yar ayaa u dhiman kooxdan” ayuu yiri Mudane Daahir Maxamuud Geelle, Wasiirka Warfaafinta, Dhaqanka iyo Dalxiiska. Caasimada Online Xafiiska Muqdisho Caasimada@live.com

Mahad Idaylkeed Alle Ayaa iska Leh ,Marka xiga waxaan salaan Hawada Umarinaya Idil Ahaan Ummada Soomaliyeed Ee Af, Dhaqan, Dhalasho iyo dhiig wadaagta ah. Salaan kadib waxaan Jeclahay inaan Maanta si qotodheer u lafa-guro Isbadalka ugub ee ka Curtay Gobolka Bariga Africa oo ay ugu Horayso Dalka Ethiopia. Sida aan wada ogsoonahay Mudo aan dheerayn waxaa Ethopia ka dhacay Isbadal Siyaasi ah oo saamayntiisa wata ,waxaa hogaanka dalka qabtay Abid Markii ugu Horaysa Taariikhda Nin kasoo Jeeda Qowmiyada Ugu Tiro badan dalka ethopia. Abiy Ahmed ayaa noqday Raysaal Wasaaraha Ethopia ,Bar bilowgii Xukunkiisa Wuxuu qaaday talaabooyin dardar leh oo aan looga baran Maamuladii Isaga kala danbeeyey Talada dalka ethopia,talaabooyinkaas oo ay ugu Mudan Yihiin Kala diridii Haraadigii Maamuladii dhiig yacabka wada ahaa shaksiyadkoodii awooda iyo saamaynta ku dhex lahaa awooda siyaasadeed ee dalka, wuxuu si shuruud la,aan ah ooda uga ragay Maxaabiistii buux dhaafisay xabsiyada wadanka ee sida Xaq-darada ah u xirnaa,wuxuu daah furay siyaasad cusub oo ku dhisan is qancin iyo wada xaajood,wuxuu liiska Argagixisada ka saaray Jabhadii Hubaysnaa oo ay kamid tahay Jabhadii xornimo doonka ahayd ee ONLF. Wuxuu sidoo Kale qaaday taalaabooyin Diblomaasiyadeed oo cul-culus sida wada-xajoodyada uu La galay wadama Soomaliya,Ereteria iyo Masar oo dhamaantood saamayntooda siyasadeed leh. Isbadalka iyo Ifaafalaha wanaagsan ee kasoo muuqday Ethopia waxay Abuurtay Rajo wayn oo ah in Bariga Africa ay noqon karto meel xasiloon siyaasad ahaan iyo dhaqalo ahaanba. Soomalida Iyo Isbadalka Ethopia?. Taarikhiyan waxaa Jiray dagaal qotodheer oo udhaxayn Jiray Qowmiyada Soomalida iyo Qowmiyada xabashida oo iyagu waligood Majaraha uhayay ethopia walow labatankii sano ee u danbaysay ay kusoo biirtay qowmiyada tigreega oo iyaguna mudadaas hogaanka wadanka hayay ,dagaaladaas waxay dad badani ufasirteen mid udhaxayn jiray ethopia iyo soomaliya xaqiiqaduse waxay tahay in labadaas qowmiyadood iyo soomalidu ay is hayeen. Taarikhiyan Waligeed Xabashi iyo tigree toona ma qabsan dhul soomaliyeed oo kama talin,waxaase caawiyay gumaystihii ingiriiska oo dhulka hada loo yaqaan Ogaadeenya ugacan geliyay. Waxa jira Xeerar Caalaamiya oo dhigaya inaan xuduudihii gumaystaha waxba laga badalin si looga baaqsado dagaalo ,taas oo la micno ah in dhulka waqooyi galbeed ama Ogadeenya ay wadan ahaan yihiin ethopia haba ahadaan isir ahaan soomaliye. Tan iyo Maalinkii Gumaystihii Ingiriisku ka baxay africa waxay dawlada ethopia ee hogaankeeda uu meertada u ahaa tigreega iyo xabashidu gumaad iyo gumaysi ku hayeen dadka ku nool dhulkaas oo ay rabeen inay xoog ku itoobiyaaneeyaan, waxaa gobolka Waqooyi galbeed ka dhacay xasuuq si bahalnima ah loogu dabar goynay dadka soomaliyeed ee halkaas ku nool. Dadkii waxay noqdeen wax la dilo,waxa cararra ,wax hubka qaata oo duurka gala,wax la xiro iyo wax gumaysiga qaayiba. Wixii dhacay waa dhaceen oo waa hubaal in la isaga daba iimaan doona oo laga xisaab tami doona dulmiga iyo darxumada loo gaystay dadka soomaliyeed ee gobolkaas ku nool. Hadal iyo dhamaan wajigii ethopia aan ku naqiinay waxaad mooda inuu is badalay, dawlada soomaliya waxaa laga rabaa in ay uga faa,idayso isbadalka ka dhacay ethopia dadkeeda laba siyaabood; 1- Dawlada soomaliya waa inay xooga saartaa sidii ay u baabi,n lahayd faraglinta siyaasadeed ee ay caadada u lahayd ethopia inay soomaliya ku samayso, isla markaasna aynu u noqon lahayn laba wadan oo xor ah oo daris wanaag kuwada nool. 2- Dadka Soomaliyeed ee ku nool Gobolka waqooyi galbeed in xuquuqdooda iyo xornimadooda lala raadiyo oo si buuxda loo garab istaago oo la tuso caalamka iyo ethopiyaba in dadkaas ay leyihiin dad iyo dal utaagaan ilaalinta sharaftooda iyo sumcadooda, lana qaado hadba talabadii macquul ah si loo xaqiijiyo rabitaanka dadkaas soomaliyeed ee ku nool gobolkaas. F.G= waxaa mudan in laga digtoonaada dhagarta cadawga ee ku aadan iska horkeenida labada qowmiyadood ee walaalaha ah ee Oromada iyo soomalida si looga gashaanto dhaawac ku yimaada isbadalka cusub ee ka bilowday dalka ethopia. W/Q: Abdikadir ibrahim Ahmed (Kambale)

Looking back at the election of H.E Mohamed Abdullahi Farmajo on February 2017 you could sense an air of freshness, an aura of new beginning for Somalia welcomed with enthusiasm and optimism from the Somali public across Somalia. The task that awaited the new Administration was enormous, hazardous and daunting to say the least. However, Eighteen month on, it is worth re-evaluating what has been accomplished so far under the current Administration Source: Hiiraan Online

Muqdisho (Caasimada Online)-Iyadoo maanta ay Qarxyo culus ka dhaceen meel aan sidaa uga sii fogeyn Xarunta Madaxtooyada Somalia, ayaa waxaa ka hadlay Siyaasiga mucaaradka ah ee Cabdiraxmaan C/shakuur. Cabdiraxmaan C/shakuur ayaa sheegay in Qaraxyada ay magaalada Muqdisho ka geystaan Al-Shabaab ay fududeeyan ciidamada Xasilinta, sida uu hadalka u dhigay. CC Shakuur, oo u waramaayay Idaacada VOA laanteeda afka Soomaaliga ayaa sheegay in ciidamada xasilinta ay kaalin weyn ka geystaan Qaraxyada ay fuliso Shabaab. CC Shakuur oo ku sugan dalka Norway ayaa sheegay inaysan suurtogal ahayn haddii aysan Al-Shabaab taageerayaal ku dhex lahayn ciidamada dowlada inay gaaran xarumaha halbowlayaasha dowlada. Siyaasigan mucaaradka ah ayaa wax aan suuragal aheyn ku sheegay in Qaraxyo iyo weeraro toosa ay ka dhacaan meel aan ka fogeyn Xarunta Villa Somalia, xili ciidamada ugu badan ay yihiin kuwo ku sugan Madaxtooyada. Nuqul kamid ah hadalkiisa ayaa ahaa “Shabaab waxa ay ku dhex leeyihiin hay’adaha nabadgelyada taageero xoog leh waxayna ku dhex leeyihiin dad u sahla inay gaaran xarumaha halbowlayaasha dowlada.” Sidoo kale, CC Shakuur ayaa ku tilmaamay ciidamada xasilinta ee magaalada Muqdisho ka howlgala inay yihiin ciidamo aan sax ahayn oo aysan ku jirin heshiisyadii ay gaareen dowlad goboleedyada iyo xisbiyada dalka. Dhinaca kale, CC Shakuur ayaa cod dheer ku sheegay in dowlada federalka ah ee Somalia aysan haysan kalsoonida shacabka. Caasimada Online Xafiiska Muqdisho Caasimada@live.com

The meeting was held in Columbus Ohio on June 22-24. The meeting was initiated by a group of Somali intellectuals who felt the need to get together and discuss the historical perspectives and the future challenges and opportunities facing the Somali agricultural sector. Source: Hiiraan Online

Muqdisho (Caasimada Online)-Guddoomiyaha Gobolka Banaadir ahna duqa Muqdisho Eng,Cabdiraxmaan Cumar Cismaan (Yariisow) ayaa xil ka qaadis ku sameeyay Guddoomiyaha degmada Waaberi,isaga oo guddoomiye cusub u magacaabay degmadaas. Wareegto ka soo baxday xafiiska Guddoomiye Yariisow ayaa waxaa xilka guddoomiyaha degmada Waaberi loogu Magacaabay Xildhibaan Mahad Cilmi oo lagu wado inuu xilka kala wareegi doono Guddoomiyihii hore ee Degmada Rowdo Cabdullaahi. Guddoomiyihii hore ee xilka laga qaaday Rowdo Cabdullaahi Colaad ayaa xilkan loo soo Magacaabay 23kii Bishii May ee Sanadii hore markaas oo Gobolka uu Gudoomiye ka ahaa Taabit cabdi Maxamed. Sidoo kale, Guddoomiyaha cusub ee loo magacaabay Degmada Waabari Mahad Cilmi Cali ayaa kamid ah Xildhibaanada baarlamaanka maamulka Galmudug, waxa ayna Magacaabistan salka ku heysaa Nidaamka Wax qeybsiga ee Qabaliga. Dhinaca kale, Gudoomiyaha Gobolka Banaadir ayaa mudooyinkan waday Isbadallada dardarta leh ee uu ku sameynayay Gudoomiyayaaasha Degmooyinka Gobolka Banaadir, iyadoo dhawaan xilkii laga qaaday Maxamed Axmed Cantoobo oo ahaa Gudoomiyaha degmada hodan, waxaana Booskiisa loo dhiibay Dhagajuun. Caasimada Online Xafiiska Muqdisho Caasimad@live.com

The Turkish Cooperation and Coordination Agency (TIKA) has now completed a project to strengthen the institutional capacity of the workers’ umbrella organisation, the Federation of Somali Trade Unions (FESTU). Source: Hiiraan Online

Muqdisho (Caasimada Online) – Warar dheeraad ah ayaa waxa ay kasoo baxayaan Laba Qarax iyo Weerar toos ah oo maanta lagu qaaday Barkontorool oo ay ku sugnaayeen Ciidamada Ilaaladda Madaxtooyadda Somalia. Waxa uu weerarka ku bilowday rasaas xoogan oo ay is weydaarsanayeen maleeshiyaadka weerarka qaaday iyo ciidamada dowlada ee ku sugnaa Bartakoontarool. Maleeshiyaadka ayaa ku hormaray dilka waxa ayna goobta ku dileen hal askari oo ka tirsanaa ciidamada Militariga, waxaana xigay dagaal toos ah oo dhexmaray ciidamada Militariga iyo Xoogaga hubaysan. Dableyda hubaysan ayaa ku cararay jidka u dhaxeeya MCH-ka Umbulutooriyadda iyo Beerta Nabadda, halkaasi oo ciidanka si adag ay ugula dagaalameen. Xilli uu socday dagaal culus ayaa sidoo kale Markale Qarax Labaad waxaa uu ka dhacay Kontaroolka ku yaalla dhabarka dambe ee Hoteel SYL waxaana loo adeegsaday Gaari laga Buuxiyay Waxyaabaha Qarxa. Ciidamada Ammaanka dowladda Soomaaliya ayaa toogtay raggii Weerarka soo qaaday ee galay luuqa u dhaxeeya MCH-ka Umbulutooriyadda iyo Beerta Nabadda. kooxda Weerarka soo qaaday ee Sawiradooda Warbaahinta lasoo bandhigay ayaa ahaa Saddexda ruux ee Weerarka soo qaaday iyo Ruuxii Isqarxiyay. Qaraxyada iyo weerarka tooska ah ayaa waxa ay waxyeelo dhimasho iyo dhaawacba leh kasoo gaartay ugu yaraan 9 ruux oo isugu jira ciidamo iyo dad shacab ah kuwaa oo ku sugnaa goobaha ay wax ka dhaceen. Al-Shabaab ayaa sheegtay mas’uuliyadda weerarradaas , waxaana ay sheegeen in ay howlgallo ka waddaan Hareeraha Madaxtooyadda.

Muqdisho (PP) ─ Ugu yaraan sagaal qof ayaa ku dhintay, tiro intaas ka badanna way ku dhaawacmeen qaraxyo ismiidaamin ah oo maanta ka dhacay Muqdisho, gaar ahaan agagaarka Madaxtooyada Somaila, kuwaasoo ay mas’uuliyadooda sheegatay Al-shabaab. Ciidamada Dowladda Somalia ee ilaaliya madaxtooyada ayaa toogasho ku dilay saddex ka mid ah kooxihii weerarka soo qaadya, waxaana xigay qarxii ugu horreeyay oo inta badan Muqdisho laga maqlay. Sarkaal u hadlay booliiska Somalia ayaa sheegay in kooxaha weerarka soo qaaday ay xirnaayeen direyska ciidamada xoogga dalka, isgaoo xusayi n lagu fashiliyay weerarka intii aysan gaarin halkii uu bartilmaameedkoodu ahaa. “Kooxahan waxay doonayeen inay weeraraan madaxtooyada, balse waa laga hortagay, waxaana arkay dhimashada sagaal qof oo isugu jiray shacab, askar iyo kooxihii weerarka soo qaadya,” ayuu yiri Cap. Nuur Cali oo weerarka kaddib la hadlay warbaahinta. Qaraxii labaad ayaa ka dhacay meel aan ka fogeyn halkii uu ka dhacay kii hore, waxaana goobta oo dhan qariyay qiiq ka dhashay qaraxyada, waxaana sidoo kale ka dhacaysay rasaas ay dhinacyadu is-weydaarsanayeen. Al-shabaab oo dhankeeda ka hadashay Qaraxyadan ayaa waxay sheegtay inay ku beegsatay xarunta madaxtooyada Somalia iyo Hotel SYL oo ay ku sheegtay goob ay ku shiraan madaxda Dowladda Federaalka Somalia. “Xoogaggeennu waxay beegsadeen xarunta Madaxtooyada iyo Hotel SYL oo ay inta badan ku shiraan xubnaha dowladda, laguna maleego dharta dadka lagu dhibaateynayo,” ayaa lagu yiri qoraal ay soo saartay Al-shabaab. Dhanka kale, Hay’adaha Amniga dowladda Somalia ayaan si dhab ah weli uga hadlin weerarkan, waxayse dowladdu sheegtay in la fashiliyay weerarro ay soo qaaday Al-shabaab, kuwaasoo la doonayay in dhibaato xoog leh lagu geysto. Kooxda Al-shabaab ayaa sidan oo kale Sabtidii lasoo dhaafay Muqdisho ka geystay laba qarax oo ay ku naf-waayeen in ka badan 20-qof, ayna tiro kale ku dhaawacmeen, waxaana weerarkaas lala beegasday xarumaha Wasaaradaha Arrimaha Gudaha iyo midda Amniga Qaranka. Ugu dambeyn, Al-shabaab ayaa geysatay weerarada maanta iyadoo aad loo adkeeyay amniga Muqdisho, isla markaana uu saakay dalka ka dhoofayay Madaxweynaha Somalia, waxaana shacabku intooda badna is-weydiinayaan halka ay soo mareen gaadiidka qaraxyada geystay. PUNTLAND POST The post FAAHFAAHIN: Weerarradii Maanta ka dhacay Muqdisho iyo Al-shabaab oo sheegatay appeared first on Puntland Post.

Muqdisho (Caasimadda Online) – Warbixin dheeraad ah ayaa laga helay weeraro loo adeegsaday Gawaari laga soo buuxiyay Waxyaabaha Qarxa iyo dagaalamayaal ka tirsan Alshabaab oo maanta lagu qaaday Madaxtooyada Soomaaliya. Qaraxyada ooo mataane ahaa ayaa ka hor inta aysan dhicin waxaa la maqlay rasaas badan oo ay fureen Ciidamada ilaalada Madaxtooyada Soomaaliya oo ka hortegay Gaari isku dayey inuu xoog ku jiiro bar ay ka ilaaliyaan Madaxtooyada oo ku taala Isgoyska Ceel-gaabta ee magaalada Muqdisho. Ilaalada Madaxtooyada ayaa rasaas ku furay Gaari xoog ku soo gudbay Kontaroolka laga ilaaliyo Madaxtooyada ee dhinaca Ceel-gaabta waxaana sidoo kale isla gaarigaasi rasaas kale ka hor keenay Ciidan kale oo ku sugan Al-baabka laga galo Madaxtooyada ee ku aadan kontaroolkii uu soo jiiray, Darawalka Gaariga Qaraxa waday ayaa ku beegmay dhinaca Hotel SYL markii ay rasaas kaga timid hore iyo gadaal, waxa uuna markaas la kulmay rasaas kale oo ay Rideen Ciidamada amaanka waxyar kadibna waxaa rogmaday Gaariga qaraxa waday iyadoo markaasna uu dhacay Qaraxii. Qaraxa koowaad ayaa burbur xoog leh u geystay Taallada SYL iyo dhismooyinka ku wareegsan oo dhabarka danbe uu uga dhacay, wuxuuna burburka gaaray Waddada Maka Almukarama ee hor marta Madaxtooyada, wuxuuna ku beegmay jidgooyooyin fara badan iyo carro halkaasi taallay. Daqiiqado kadib ayaa la maqlay Qarax kale oo xoog leh kaas oo ka dhacay halkii uu ka soo gudbay Qaraxii 1aad ee Kontaroolka Ceel-gaabta waxaana loo adeegsaday Gaari lagu soo raray Qarxyo, xaalada ayaa noqotay mid qasan waxaana xigay dagaal kooban oo qaatay ku dhawaad 20 daqiiqo. Arrimo Farsamo ayaa qabsaday Weerarkii qorsheysnaa ee Alshabaab, taasoo ay ugu wacan tahay inay rasaas bilaabtay ka hor inta aanay qaraxyadu dhicin, taasoo keenay in feejignaan dheeri ah ay galaan ciidamada ilaalada ee ku wareegsan madaxtooyada. Waxaa muuqata inuu xumaaday isku xirka qaraxyada iyo dableyda weerarka fulineysay, markii Qaraxyada ay dib uga dhaceen xilligii loogu talogalay ayna ka hor mareen ragga dableyda ahaa ee Alshabab ugu yeerto Inqisaamiyiin, kuwaasoo Qaraxa weyn ka hor ay isku dhaceen ciidamada ilaalada madaxtooyada, taasoo yareysay qasaaraha kana hortagtay weerar kale oo Alshabaab toddobaad gudihiis ku doonayaan inay ku galaan Madaxtooyada Soomaaliya ama xarumo muhiim ah oo ku dhow. Meydadka saddex dagaalame oo ka tirsan Alshabaab oo ahaa kuwii weerarka soo qaaday ayaa lagu arkay barta koontarool ee Ceelgaabta, iyadoo lasoo weriyey qasaare khasaare dhimasho laba qof oo shacab ah, halka Ciidamada amaanka iyo dad kale oo shacab ah oo dhaawacyo soo gaareen. Al-shabaab ayaa sidaan oo kale Sabtidii hore isla saacadaan weerar ku soo qaaday Xarumo muhiim u ah Dowladda Soomaaliya oo u dhaw Madaxtooyada Soomaaliya, weerarka todobaadkii hore ayaa ka dhacay Xarumaha Wasaaradaha Amaanka iyo Arimaha Gudaha iyo Taliska Isgaarsiinta Booliiska Soomaaliya oo dhamaantood ku yaala Otto Otto. Waxaa la is weydiinayaa sida ay ku suuragashay in laba gaari oo qaraxyo sida iyo ciidamo hubeysan ku gaareen baraha laga ilaaliyo madaxtooyada iyadoo ay xiran yihiin wadooyinka muhiimka ah ee Muqdisho. Caasimada Online Xafiiska Muqdisho Caasimada@live.com

Two large explosions followed by gunfire were heard Saturday near the presidential palace in Somalia’s capital, with police saying two people including an attacker were killed. The midday blasts came a week after a similar attack on the interior ministry compound in Mogadishu killed at least nine people. Police Capt. Mohamed Hussein confirmed the deaths in the new attack to The Associated Press, saying a car bomb detonated near a checkpoint close to the presidential palace after security forces engaged with gunmen. A second car bomb blast occurred in the same area shortly afterward. The Somalia-based al-Shabab extremist group, an arm of al-Qaida, often targets high-profile places in the capital. It claimed responsibility for Saturday’s attack, saying its fighters were conducting a “major operation” around the palace and nearby SYL Hotel. Al-Shabab was blamed for the October truck bombing in Mogadishu that killed more than 500 people in the deadliest attack in the country’s history. The threat from what has become the deadliest Islamic extremist group in sub-Saharan Africa has hurt efforts to strengthen Somalia’s fragile government and stabilize the long-chaotic Horn of Africa nation. The United States under the Trump administration has stepped up military efforts in Somalia, including dozens of drone strikes, against al-Shabab and a small presence of fighters linked to the Islamic State group. At least two U.S. military personnel have been killed. The U.S. military and others in the international community have expressed concern about the plan for Somalia’s security forces to take over the country’s security from a multinational African Union force over the next few years, saying the local troops are not yet ready. Source: AP

Somali security forces have shot dead three extremists and foiled an attempted al-Shabab attack on the presidential palace in the capital, a police officer says. Six people were dead in all including a suicide car bomber, Captain Mohamed Hussein told The Associated Press, saying the situation had calmed and security in the area was being tightened after Saturday’s attack. The midday attack began when a car bomb detonated near a checkpoint close to the presidential palace after security forces engaged with gunmen. A second car bomb exploded in the same area shortly afterward, Hussein said. The attack came a week after a similar one on the interior ministry compound in Mogadishu killed at least nine people. The Somalia-based al-Shabab extremist group, an arm of al-Qaeda, often targets high-profile places in the capital. It claimed responsibility for Saturday’s attack, saying its fighters were conducting a “major operation” around the palace and nearby SYL Hotel. Al-Shabab was blamed for the October truck bombing in Mogadishu that killed more than 500 people in the deadliest attack in the country’s history. The threat from what has become the deadliest Islamic extremist group in sub-Saharan Africa has hurt efforts to strengthen Somalia’s fragile government and stabilise the long-chaotic Horn of Africa nation. The United States under the Trump administration has stepped up military efforts in Somalia, including dozens of drone strikes, against al-Shabab and a small presence of fighters linked to the Islamic State group. At least two US military personnel have been killed. Source: AP

Muqdisho (Caasimadda Online) – War rasmi ah oo kasoo baxay Xarakada Al-Shabab ayay ku sheegatay mas’uuliyadda weerar xooggan oo ka socda agagaarka madaxtooyada Villa Somalia ee magaalada Muqdisho. Al Shabaab waxay sheegtay in ciidamadeedu howlgal ballaaran ka wadaan inta u dhaxeysa Hotelka SYL illaa iyo madaxtooyada oo ah goob ay ku shaqeeyaan madaxda ugu sarreysa dowladda Federaalka Soomaaliya. War qoraal ah oo ay baraha Intenet-ka ku daabaceen Al-Shabaab ayaa wax ay ku sheegteen masuuliyada qaraxyadaas,balse wax faah faahin ah kama sii bixin. “Ciidamada Mujaahidiinta ayaa howlgal culus ka wada xarumaha murtadiinta ee kuyaal Hotelka SYL illaa iyo madaxtooyad, howlgalka Mujaahidiinta ayaa sidii loo qorsheeyay u socda wixii faah faahin ahna dib ayaan kasoo sheegi doonnaa haddii alle idmo” ayaa lagu yiri warka kasoo baxay Al Shabaab. Laamaha amniga Soomaaliya ayaa sidoo kale dhankooda waxa ay sheegeen in ay fashiliyeen weerarkii qaraxyada ku bilaawday ee manta ka dhacay agagaarka Madaxtooyada. Sabtidii lasoo dhaafay 7,July,2018 ayey aheyd markii weerar aad u xooggan lala beegsaday xarunta Ota Ota oo ay ku shaqeeyaan wasaaradaha ammaanka iyo arrimaha gudaha dowladda Federaalka weerarkaas oo sababay dhimashada saraakiil iyo shaqaale dowladeed. Caasimada Online Xafiiska Muqdisho Caasimada@live.com

Muqdisho (Caasimada Online) – Wararkii u dambeeyey ee naga soo gaaraya goobihii qaraxyada ay ka dhaceyn ee Muqdisho ayaa haatan degan,waxana horay u jirtay in qaraxyada ka dib la maqlay rasaas xoogan. Laba gaari oo laga soo buuxiyey waxyaabaha qarxa ayaa la sheegay in ay ku qarxeyn meel aan ka fogyen Xarunta Madaxtooyada gaar ahaan meelo u dhow Hotelka SYL iyo Umbulutooriyadda Ceelgaabta Degmada Xamar Jajab. Meydadka ilaa iyo Saddex ruux oo xiran dareeska cusub ee Ciidamada Militeriga ayaa yaalla Agagaarka Madaxtooyadda Soomaaliya. Dad goobjoogayaal ah ayaa waxa ay sheegeen in saddexda ruux ee goobta uu Weerarku ka dhacay yaalla ay yihiin Kooxdii soo weerartay Ciidamada ilaaladda Madaxtooyadda, halka qaar kale ay goobta ka baxsadeen iyaga oo badqaba. Waxaa sidoo kale meel u dhow Beerta Nabadda yaalla Hilbaha ruuxii la sheegay in uu isqarxiyay iyo meydadka dad shacab ah oo xiliga Qaraxa maraayay goobta. Meydadka qaar ayaan muuqaal ahaan la aqoonsan waxaana saameyn xoogan ku yeeshay ololka iyo biraha ka dhashay Qaraxa. Meydadka goobta yaal ayaa waxaa ku jira askar ka tirsan ciidamada dowlada oo ku baxay Qaraxa, halka qaarna ay ku dhinteen iska hor imaadka goobta ka dhacay. Sidoo kale, Hay’adda Ammaanka dowladda Soomaaliya ay wali warbaahinta la hadlin, waxaana lagu waddaa in goordhow ay goobta yimaadaam Mas’uuliyiin ka tirsan dowladda Soomaaliya. Gaadiidka gurmadka ayaa goordhow bilabay inay guraan Meydadka aan muuqooda la aqoon si ay u gaarsiiyan isbitaalada, gaar ahaan qeybaha keydka meydadka ama aaska. Dhinaca kale, Qaraxa ayaa shaki galiyay hanaanka shaqo ee Taliska ciidamada Militeriga, waxa ayna far ku godan tahay Taliska ciidamada Xoogga oo iyagu wax laga weydiin doono sida uu ku baxay dareeska ay wateen maleeshiyaadka weerarka fuliyay oo ahaa kuwo dhawaan la bixiyay isla markaana cusub. Caasimada Online Xafiiska Muqdisho Caasimada@live.com

Ergada ka timid Somaliland Salaadiin iyo ganacsato ka soo jeeda Somaliland oo ka soo kicitimay magaalada Hargeysa ayaa maalmahan dambe ku sugnaa magaalada Garoowe oo ay kulamo kula yeesheen qaar kamid ah isimada iyo ganacsatada reer Puntland. Waxgaradkaan oo ka kooban 7 xubnood ayaa ujeedka safarkooda lagu sheegay in uu la xiriiro xal u-helidda colaadda ka aloosan gobolka Sool ee u dhexaysa Puntland iyo Somaliland,sida ay xaqiijiyeen dad xog-ogaal ah. Xubnahan oo magacyadooda lagu sheegay; Suldaan Maxamuud Guuleed Mire Suldaan Maxamuud Xaaji Xuseen Axmed Aadan Buuxane Ganacsade Jamaal Caydiid Ibraahim Ganacsade Cismaan Baane Ganacsade Xasan Yuusuf Siciid Aadan Guuleed ayaa waxaa hoggaaminayay Suldaan Maxamuud Guuleed Mire oo kamid ah salaadiinta aadka ugu dhow madaxweynaha Somaliland Muuse Biixi Cabdi,waxayna kulamo la qaateen isimada kala ah; Suldaan Siciid Maxamed Garaase,Garaad saleeban Garaad Maxamed,Islaan Ciise Islaan Maxamed Islaan Muuse iyo Garaad Cabdullaahi Cali Ciid. Salaadiinta ka socotay dhinaca Somaliland ayaa wararku sheegayan in ay isimada Puntland kala hadleen xal u-helidda xiisadda ka aloosan gobolka Sool ee u dhexaysa Puntland iyo Somaliland,hayeeshe faahdaahin kale lagama helin kulamada ay yeesheen labada dhinac. Ergada ka socotay Somaliland sidoo kale waxay usii gudbeen dhinaca magaalada Qardho ee xarunta gobolka Karkaar halkaasoo ay kulan kula yeesheen Boqor Burhaan Boqor Muuse iyo qaar kamid ah waxgaradka gobolka Karkaar. Wefdiga ka yimid dhinaca Somaliland eek a kooban salaadiinta iyo ganacsatada ayaan wax kulan ah dhexmarin mas’uuliyiinta Puntland,sida ay xaqiijinayan ilo-xog-ogaal ah,waxaana ay maanta dib ugu laabteen magaalada Hargeysa. PUNTLAND POST The post Ergo ka socota Somaliland oo isimada Puntland kala hadlay dagaalka Tukaraq appeared first on Puntland Post.

Eritrean President Isaias Afwerki pledged to resolve his country's dispute with Ethiopia on Saturday in a historic visit to Addis Ababa aimed at cementing peace less than a week after the nations declared an end to their two decades of conflict. Source: Hiiraan Online

Somali security forces have shot dead three extremists and foiled an attempted al-Shabab attack on the presidential palace in the capital, a police officer says. Source: Hiiraan Online

Muqdisho (Caasimada Online) – Sida aan wararkeena hore ku sheegnay Ciidamada Dowladda Federalka Somaliya ayaa goordhow soo afjaray weerar maleeshiyaad hubaysnaa oo ka tirsan Al-Shabaab ku soo qaadeen Koontaroolka Ciidamada Militariga ay ku leeyihiin meel ku dhaw Beerta Nabadda agagaarka Isgoyska Umbulutooriyadda. Maleeshiyaadka weerarka qaaday oo markii hore bilaabay rasaasta ayaa waxaa ka jawaab celiyay ciidamada dowlada oo si lama filaan ah looga soo kordhacay, waxa ayna la socdeen Gaarigii isla goobta ku qarxay. Maleeshiyaadka ayaa inta ay soctay rasaasta bartakoontarool ku dilay hal askari oo ka tirsanaa ciidamada Militariga, waxaana xigay dagaal toos ah oo dhexmaray ciidamada Militariga iyo Xoogaga hubaysan. Ciidamada dowlada ayaa maleeshiyada u diiday inay ku dhawaadan albaabka Xarunta Villa Somalia, gaar ahaan Koontaroolka Ciidanka ay joogaan ee Militariga. Maleeshiyaadka ayaa inta uu socday dagaalka tooska ah galay luuqa u dhaxeeya MCH-ka Umbulutooriyadda iyo Beerta Nabadda, halkaasi oo ciidanka si adag ay ugula dagaalameen. Qaraxyada dhacay oo ahaa kuwo loo adeegsaday laba gaari ayaa waxaa wehlinaayay Qarax ismiidaamin ah oo uu fuliyay naftii halige kamid ahaa maleeshiyaadka dagaalamaayay kaasi oo qayb ka mid ah maydka jirkiisa ku soo dhacay Isgoyska Umbulutooriyadda. Labada Qarax iyo Ismiidaaminta ayaa dhammantooda ka dhacay wadada Ceelgaabta eeryada Beerta Nabadda iyo meel aan sidaa uga sii fogeyn ex Fiyooraha. Maleeshiyaada ayaa tirro ahaan gaaraya ilaa 7 Maleeshiyo waxaana baxsaday ilaa Seddex maleeshiyo iyo Hubkooda, sida laga soo xigtay Saraakiisha amaanka. Wadada gasha Villa Somalia ayaa waxaa hadda ku sugan ciidamada Dowlada waxaan baaritaan ka wada ciidamo kala nooc ah. Meydadka Al-Shabaabkii la dilay oo ku labisnaa dareeska cusub ee ciidamada Militeriga

Madaxweynaha Puntland Cabdiwali Maxamed Cali Gaas iyo Wafdi uu hogaaminayo ayaa maantay u safar ugu baxay dalka Buljimka halkaas oo la filayo inuu dhawaan ka furmo shir looga hadlayo arimaha Soomaaliya. Madaxweynaha Gaas oo hadal kooban warbaahinta ku siiyey Garoonka diyaaradaha General Maxamed Abshir ayaa ee magaalada Garoowe ayaa sheegay inuu ka qaybgalayo shirka arimaha somaliya ee ka furmaya Magaalada Nairobi. Magaalada Burasalis ee dalka Buljimka ayaa waxaa ka qaybgalaya Madaxda dowladda Federalka iyo Dowlad Gobaleedyada xubnaha ka ah dowladda Federalka iyadoo looga hadli doono sidii taageero loogu fidin lahaa dowladda Soomaaliya. Safarka Madaxweynaha Puntland Cabdiwali Maxamed Cali Gaas aya kusoo aadaya xili wali ay taagan tahay xiisada u dhaxaysa Puntland iyo Somaliland ee ka taagan deegaanka Tukaraq ee Gobalka Sool. Halkaan Ka Daawo Shirka Jaraa,id ee Madaxweynaha. The post (DAAWO)-MADAXWEYNAHA PUNTLAND OO KA WARBIXIYEY SAFAR UU UGU BAXAY DALKA BELJUIM. appeared first on Puntland Post.

Muqdisho (Caasimadda Online) – Labo qarax oo loo adeegsaday laba Gaari ayaa ka dhacay magaalada Muqdisho, gaar ahaan inta u dhaxeysa Isgoyska Ceelgaabta iyo SYL oo ah bar laga ilaaliyo madaxtooyada Soomaaliya. Qaraxa hore oo loo adeegsaday Gaari ayaa ka dhacay meel ku dhow bar koontarool oo ciidamada dowladda ku lahaayeen halkaasi. Qaraxaasi Koowaad waxaa xigay weerar toos ah oo rag hubeysan ku qaadeen ciidanka ammaanka ee halkaasi joogay, waxaana goobta ka dhacay dagaal xooggan, iyadoo weli aan la ogeyn halkii ay ku dambeeyeen dableydii Alshabaab. Intii uu dagaalkaasi socday ayaa waxaa dhacay qaraxii Labaad, kaasoo uu fuliyey ruux waday gaari nooca raaxada ah. Waxaana markaas kadib ciidamadu is baacsadeen dabley iyadoo rasaastu joogsatay markii dambe. Rag hubeysan iyo Ciidamada ammaanka ayaa la sheegay in mudo ka badan 30 dsqiiqo in ay halkaasi ku dagaalamayeen,waxana jira khasaaro dhimasho iyo dhaawac ah oo kas oo gaaray Ciidamo ka tirsan dowladda iyo dad rayid ah. Laamaha amniga Soomaaliya weli qaraxyadaasi iyo weerarka kama hadlin,waxaa sidoo kale weli la ogeyn halka ay ku dambeeyeen ragii hubeysnaa ee weerarka soo qaaday. Xaalada ayaa haatan ah mid degan,waxaana xiran aaga ay qaraxyada iyo weerarka uu ka dhacay oo u dhow Xarunta Madaxtooyada Soomaaliya. Al-Shabaab ayaa sheegtay masuuliyadda weerarkaas iyo qaraxyada ka dhacay agagaarka madaxtooyada.

Muqdisho (Caasimadda Online) – Madaxweynaha Soomaaliya Maxamed C/llaahi Farmaajo ayaa wareegto uu soo saaray waxa uu ku magacaabay Guddoomiyeyaasha Maxkamadda Gobolka Banaadir iyo Maxakamadda Racfaanka Gobolka Banaadir, kaddib soo jeedin ka timid Guddoomiyaha Maxkamadda Sare ee dalka Baashe Yuusuf Axmed. Madaxweynaha ayaa xilka Guddoomiyaha Maxkamadda Gobolka Banaadir waxa uu u magacaabay Garyaqaan Muuse Macallin Maxamed oo muddo ka soo shaqeynayey Garsoorka dalka, sidoo kalena ku takhasusay Shareecada iyo Qaanuunka, halka Garyaqaan Abshir Cumar Cabdullaahi oo aqoon durugsan u leh Shareecada iyo Qaanuunka loo magacaabay Guddoomiyaha Maxkamadda Racfaanka Gobolka. Madaxweynaha ayaa isla wareegtadan waxa uu xilalkii kaga qaaday Guddoomiyeyaashiii hore ee Maxkamadda Gobolka Banaadir iyo Maxkmadda Racfaanka Gobolka Banaadir Mudane Aweys Sheekh Cabdullaahi Weheliye iyo Mudane Saalax Sheekh Ibraahim Dhiblaawe. Madaxweyne Farmaajo ayaa ku adkeeyey Guddoomiyeyaasha uu magacaabay in ay dhawraan sarreeynta sharciga dalka iyo in ay si siman ugu adeegaan bulshada Soomaaliyeed, isagoona dhanka kale u rajeeyay Gudoomiyeyaashii hore mustaqbal wanaagsan. Tallaabadan uu qaaday Madaxweynaha ayaa ku saleeysan ballanqaadkiisii ahaa inuu dib u habayn ku sameeyo nidaamka garsoorka dalka oo kamid ah qorsheyaasha ugu muhiimsan ee dowladda horyaalla

Two large explosions followed by gunfire were heard Saturday near the presidential palace in Somalia's capital, with police saying two people including an attacker were killed. Source: Hiiraan Online