Takuraq (Caasimadda Online) – Wararka naga soo gaaraya degaanka Tukaraq ee gobolka Sool ayaa waxa ay sheegayaan in halkaasi Saacaddihii lasoo dhaafay ay Madaafiic isku weydaarsadeen ciidamada maamulada Somaliland iyo Puntland ee halkaasi ku sugan. Weli mararka qaar waxaa halkaas laga maqlayaa daryanka madaafiicda iyo qoryaha culculus oo ay labada dhinac is dhaafsanayaan Sidda ay xaqiijiyeen dadka degaanka Madaafiicda ayaa socotay dhowr Daqiiqo waxaana ka dhashay Khasaare Isku jira dhimasho iyo dhaawac. Hal Askari oo ka tirsanaan ciidamada Somaliland ayaa la xaqiijiyay in uu ku dhintay Madaafiicda ka dhacday degaanka Tukaraq. Wararka naga soo gaaraya degaanka Tukaraq ee gobolka Sool ayaa waxa ay sheegayaan in halkaasi Saacaddihii lasoo dhaafay ay Madaafiic isku weydaarsadeen ciidamada maamulada Somaliland iyo Puntland ee halkaasi ku sugan. Sidda ay xaqiijiyeen dadka degaanka Madaafiicda ayaa socotay dhowr Daqiiqo waxaana ka dhashay Khasaare Isku jira dhimasho iyo dhaawac. Xiisadaha dagaal ee ka taagan deegaanka Tukaraq ayaanan weli loo helin wax xal ah,waxaana madaxda labada maamul ay Warbaahinta isku-marsiinayaan hadal sii huriyey colaada Tukaraq. Labadda maamul ayaa wali waxa ay ciidamo kusoo daad guureynayaan degaanka Tukaraq , waxaana sidoo kale jira baaqyo ay wali dirayaan waxgaradka labada dhinac. Dowladda Soomaaliya iyo Qaramada Midoobey ayaa u muuqda in ay si buuxda ugu guuldareysteen joojinta dagaalka degaanka Tukaraq ee gobolka Sool. Caasimada Online Xafiiska Garoowe Caasimada@live.com

Garoowe (Caasimadda Online) – Madaxweynaha maamulka Puntland Cabdiweli Cali Gaas ayaa abaabulay dagaalka lagu qaaday Takuraq ee lala galay Maamulka Somaliland. Dad badan ayaa is waydiinayey sababta keentay dagaalka lagu qaaday Takuraq iyadoo loo diyaar garoobayo doorasho sanadka 2019 ka dhacdo Puntland. Cabdiweli Gaas iyo ku xigeenkiisa Camey ayaa wado qorsho cajiib ah oo ay ku doonayaan inay waqti dheeri ah ku darsadaan isla markaasna dib loo dhigo doorashada. Labadaan Mas’uul ayaa ku heshiiyey in dadka Puntland iyo siyaasiyiinta xil doonka ah lagu mashquuliyo dagaalkaas isla markaasna Baarlamaanka la horgeeyo inaan la qaban karin doorasho madaama ay Puntland ku jirto xiisad dagaal. Sidaas ayaana amar lagu siiyey ciidamada Puntland oo weerar ku qaaday Takuraq waxaana muuqato inaan weli laga gaarin wax guul ah taasoo ah ujeedada Gaas uu ka leeyahay dagalkaas. Gaas iyo saaxiibadiis ayaa doonayo inay ku darsadaan ilaa 2 sano xukunka taasoo u muuqato inaysan suurtageli karin maadaama uu loolan adag kala kulmayo musharixiin badan oo u hanqal taagayo inay qabtaan xilkaas. Cabdiweli Gaas ayaa horey u sheegay inuusan xilkaan mar kale usoo tartami doonin balse waxaa hadda muuqato damac weyn oo uga jiro inuu kusii fadhiyo xilka madaxweynimo ee maamulka Puntland. Musharixiinta Puntland ee isku diyaarinayo doorashada ayaa horey uga digay inaan dib looga dhigi karin waqtigii lagu balamay waxayna sheegeyn inay taas keeni doonto jahwareer ku dhaco maamulka. Maamulka Somaliland ayaa horey Puntland ugu eedeysay inay dagaalkaas iyada soo qaaday isla markaasna la rabo in waqti kororsi lagu sameysto. Caasimada Online Xafiiska Garoowe Caasimada@live.com

Muqdisho (Caasimadda Online) – Gobolka Banaadir waxaa uu mar walbo soo rogaa amarro, laakin intooda badan waxaa adag in ay fulaan sababo la xiriira maamul xumo iyo istiratiijiyad la’aan, amarkii lo’da looga mamnuucay jidadka Xamar oo dhaqan-geli waayey ayaa ugu dambeeyay! Amarradan oo intooda badan ku saabsan qaabka nolosha dadka reer Muqdisho, waxaa la iska soo saaraa iyada oo aan la gelin wadatashi, lagu sameyn wax daraasad ah, taasi ayaana keentay inay guul-dareystaan, oo weliba loo arko wax lagu qoslo!! Haddaba, Akhriso, Sooyaalka Amarro Ay Soo Rogeen Gobolka Banaadir Oo Guul-dareystay. December 4, 2013: Gobolka Banaadir ayaa amray in la dhiso guryaha burbursan“Muddo sadax bil ayay haystaan dadka iska leh guryaha ku yaalla laga bilaabo saldhiga degmada Xamar Weyne ilaa Hotelkii Curuba, iyo dhanka bankiga dhexe ee dalka, marka waxaan leeyahay hala dhisto dhismayaasha bur bursan” sidaa waxaa yiri xogheyaha guud ee gobolka Banaadir, 5 sano kadib guryihii waa sidoodii! October 16, 2015: Gudoomiyaha Maamulka Gobolka Banaadir & Duqa Magaalada Muqdisho, Xasan Muungaab ayaa amray in la bixiyo canshuurta gurayaha, isaga oo ku hanjabay in ciddii diida talaabo laga qaadi-doono, November isla sanadkaas Yuusuf Xuseen Jimcaale (Boorsaani) oo jagadaas isna kolkaas hayey ayaa wuxuu muujiyay inaanan waxba laga bedelin lacagihii canshuuraha, ee Maamulkii Muungaab uu ku soo rogay guryaha ku yaala Magaalada Muqdisho, Lacagta waxaa ay aheyd $100, ilaa hadda waxba lagama qaban! January 12, 2016: Maamulka Gobolka Banaadir oo soo Saaray Amaro lagu Mamnuucayo Kawaanadda Xoolaha Lagu qalo ee Ku Yaala Gobolka banaadir. AFhayeenka Gobolka banaadir ayaa Sheegay In Kaliya La isticmaali Karo Laba Kawaan Kaliya Kuwaas oo Kala ah Kawaan Bari ee Degmada Cabdicasiis iyo kawaanka Nasiib Degmada WadaJir ee Gobolka Banaadir, arrintaas looma hoggaansamin! January 17, 2016: Guddoomiya gobolka oo ka hadlayey barnaamijka “Aada dugsiyada” ayaa waxaa uu amar ku bixiyay in ciddii lagu arka iyada oo u dhegsanyahay boor aan afka hooyo ku qorneyn laga qaadi doono tallaabo sharciga waafaqsan, arrintaas waxaa ay noqotay mid aan fulin, oo lagu sheekeysto! April 7, 2016: Yuusuf Xuseen Jimcaale, goddoomiyihii hore ee gobolka Banaadir ayaa sheegay in magaalada aanu dhex mari Karin gaari aan taarko laheyn, waxaa April 19, 2018 ku celiyay Guddoomiye Yarisow oo kula hadlayey booliiska Iskuulka tababarka ee Jeneral Kaahiye, isaga oo amar ku bixiyay in magaalada laga mamnuucay gaadiidka summad la’aan ah ama aan taarko wadan, amarkaas waxba lagama soo qaadin!! April 15, 2016: Waxaa la go’aamiyay in magaca gobolka laga dhigo Benaadir, Gudoomiyaha G/Banaadir ahna Duqa Muqdisho Thabit Abdi oo maalin kadib hadlayey aya sheegay inuusan magac badalin balse uu ku celiyey sidi hore ee loo isticmaalo jiray xiligii hore, ma jirto cid u hoggaansantay! October 3, 2016: Maamulka Gobolka Banaadir Iyo Wasarada Gaadiidka Oo Amray In Gawaarida Ceymis Lagaliyo, amar kale oo November 30, isla sanadkaas soo baxay ayaa lagu joojiyay! March 14, 2017: Shirkadaha biyaha iyo korontada waxaa la amray in aaney lacag ka qaadi Karin xeryaha barakacayaasha, arrintaas lama dhageysan! May 9, 2017: Gobolka Banaadir ayaa soo saaray amar lagu wargalinya wadayaasha gaadidka Muqdisho, kaasi oo ah in aan wadada, Laga Bilaabo KM0-KM4 lagu dhaqi karin Gawaarida, si la mid ahna aan la dhigi karin Gaadiidka, taasi dheg jalaq loola siin! July 7, 2017: Gobolka Banaadir ayaa amray in lacag la’aan lagu geli-doono beerta nabadda, go’aan oo milkiilayaasha ku diideen, waa uu ka laabtay! August 30, 2017: Maamulka gobolka Banaadir ayaa sheegay in lacag ay ku ganaaxi doonaan qof walbo oo gurigeeda ama xarunteeda ganacsi lagu hor arko qashin wixii ka bilawda 1-da September 2017, ilaa hadda qashinka waa sidiisii! October 30, 2017: Maamulka Gobolka Banaadir ayaa soo saaray Wareegto uu ku mamnuucayo in Booyadaha aysan magaalada gudaheeda ku socon karin 7-da subaxnimo ilaa iyo Sideeda Fiidnimo iyo in Gaadiid xamuulka qaada aysan rari karin tan ka badan culeyska gaariga, maadaama rarka xad dhaafka uu dhibaato ku yahay Shacabka iyo gaadiidka jidadka la wadaagaya, ganaaxa waxaa laga dhigay Toban Milyan oo Shilin Soomaali ah (10,000,000), laga fulin! June 14, 2018: Duqa Muqdisho Ahna Guddoomiyaha Gobolka Banaadir Mudane Cabdiraxmaan Cumar Cismaan (Eng. Yarisow) ayaa amray in la banneeyo goobaha danta guud oo ay ku jiraan darjiinooyinka, isaga oo July 3, baabi’iyay dhammaan heshiisyadii ay la galeen maamulladii isaga ka horeeyay, waa jug jug meeshaada joog! June 19, 2018: Maamulka Gobolka Banaadir Ayaa soo saaray ammar ku aaddan in la burburiyo dhismooyinka sida sharci darrada ah looga dhistay dhulalka hantida guud ee ku yaalla gobolka Banaadir! July 3, 2018: Duqa Muqdisho ayaa amar uu soo saaray 03-da July 2018 ku faray dadka xoolahooda magaalada ku soo dhex daaya, gaar ahaan lo’da inay xafidtaan xoolahooda, isaga oo siiyay 2 todobaad, lo’da weli waa buuxdaa jidadka! Dadka Muqdisho, ma fuliyaan ammarada gobolka Banaadir, waxaana muuqato kalsooni-darro iyo wada shaqeyn la’aan labada dhinac ah, taasi si looga gudbo, waa in gobolka Banaadir la yimaado Istiraatiijiyad maamulka lagu daadejinayo, oo la dhisayo gole deegaan, arrintaas oo wax weyn ka tari-doonta fulinta amarada gobolka iyo inay bulshada helaan adeeggii ay u baahnaayeen. Caasimada Online Xafiiska Muqdisho Caasimada@live.com

Muqdisho (Caasimadda Online) – War cusub oo ku saabsan arrinta xajka ayaa soo baxay taasoo farxad gelin doonto dhammaan dadkii sanadkaan rabay inay xajiyeen kuwaas oo ku jiray xaalad hubanti la’aan ah. Waxaa gababao ku dhow Dagaalkii ka dhashay xajka sanadkan kadib markii dowladda Somalia iyo Ganacsade ahna xildhibaan Siciid Nuur Giriish ay isku qabteen leynka xajka, taasoo keentay hubanti la’aan ku saabsan xajkii Soomaalida ee sanadkan inuu baaqdo. Dowladda Soomaaliya oo wafdi u dirtay Sacuudiga ayaa wadahadal la yeeshay mas’uuliyiinta Wasaaradda Xajka Sacuudiga, waxaana la sheegay inay isla meel dhigeen qorshihii xukuumadda ee ahaa inay iyadu maamusho xajka oo ay kala wareegtay shirkadii Jubba Airways oo uu lahaa Ganacsade Siciid Nuur Giriish. Dowladda Sacuudiga ayaa dalbatay in qoraal rasmi ah uu soo diro Ra’iisal wasaaraha, iyadoo la soo xiriiray Xasan Cali Kheyre, waxayna u caddeeyeen inay ku wareereen qoraallada faraha badan ee uga yimid wasaradda Diinta iyo Awqaafta Soomaaliya. Waxaa rajo beel ku dhacday Shirkadaha Diyaaradaha ee Freedom Airline, Ocean Airlines iyo East Africa kuwaas oo rabay inay ka qeyb qaataan daabulka Xujeyda sanadkan, kadib markii ay u suurageli weyday inay buuxiyeen dhammaan shuruudihii laga rabay diyaaradaha xujeyda geeya Sacuudiga. Jubba Airways ayaa qaaday Baasabooradii xujeyda si ay fiisooyin loogu soo saaro, waxaana lagu wadaa inay dhowaan shirkadda Daallo ay iyaduna qaado Baasaboorada, waxayna sanadkan u muuqataa inay labadaasi shirkadood ku ekaan doonto qaadista xujeyda. Dowladda Soomaaliya ayaa sanadka dambe rajo ka qabta inay gebi ahaan la wareegto arrimaha xajka, waxaan dagaalkii xajka ee dowladda iyo xildhibaan Siciid Nuur Giriish sanadkan ku dhammaadaya iyadoo ay guushu raacday Ganacsadaha, balse uu noqon doono sanadkii ugu danbeeyay ee macaashka uu ka heli jiray muddo 20 sano ah. Dowladda Soomaaliya ayaa sanadkaan dadaal dheer ku bixisay sidii ay ula wareegi laheyd Xajka waxaana arrintaas ka dhalatay muran badan oo keenay in xilkii laga qaado Wasiirkii Awqaafta iyo Arrimaha Diinta. Waxay hadda u muuqataa inay howsha soo dhamaatay isla markaasna ay Soomaalida sanadkaan u suurtageli doonto inay aadaan xajka kadib maalmo badan oo la murugeysnaa. Wixii warar ah ee kusoo kordha waan idinla socodsiin doonaa Inshaa Allah Caasimada Online Xafiiska Muqdisho Caasimada@live.com

Taliye Faarax Galan-gooli Booliska gobolka Nugaal ayaa ka hadlay carqabado dhowr ah oo ka heysta wax ka qabashada amniga caasimada Puntland ee Garowe. Taliyaha Booliska qaybta gobolka Nugaal Faarax Warsame Galan-gooli oo warbaahinta shalay ku hadlay magaalada Garowe ayaa sheegay in ciidamada Booliska ay haystaan carqabado badan oo ay kamid yihiin duruufo dhaqaale, gaadiid iyo shidaal. Sidoo kale Taliyaha qaybta gobolka Nugaal ayaa sheegay in amni xumada magaalada Garowe ay qeyb ka yihiin ciidamo beeleedada la soo u ruuriyay ee jooga magaalada. Dhaka kale Taliye Galan-goole ayaa dhaliil u jeediyay culumada magaalada Garowe, wuxuuna sheegay in dad Booliska weeraray oo dhaawac u geystay markii cumumada loo gubiyay kiiskoodii dambigii ay saaray askartii waxka qabatay. Bilihii u dambeeyay waxaa shacabka Garowe uu ka cabanayay dhalinyaro hubeysan oo dhac geysta habeen iyo maalinba, kuwaas oo mararka qaar shacabka u geysta dhibaatooyin ay kamid yihiin dhaawacyo. Hoos ka daawo Taliyaha oo arimahaas ka hadlaya PUNTLAND POST The post Booliska Garowe oo cabanaya, dhaliilna u jeediyay culumada appeared first on Puntland Post.

Addis Ababa (Caasimada Online) – War goordhow aan helnay ayaa sheegaya in Ra’isul wasaaraha Ethiopia Abiy Axmed uu qorsheynaayo in safar maalmo qaadan doona uu ku tago magaalada Jigjiga ee dhulka Soomaalida Ethiopia. Ra’isul wasaare Abiy Axmed ayaa la xaqiijiyay in safarkiisa uu yahay mid salka ku haya macluumaad uruurin ku aadan dhanka shaqada maamulka. Abiy Axmed, ayaa u kuurgali doona howlaha uu qabto maamulka Soomaalida Ethiopia, waxaana xusid mudan inuu aad u dhaliilsan yahay shaqada maamulka. Illo wareedyo ka tirsan maamulka Soomaalida ayaa inoo xaqiijiyay in Abiy Axmed uu wado qorsho isbedel loogu sameynaayo maamulka hadda jira ee uu hogaamiyo Madaxweyne Cabdi Maxamuud Cumar (Cabdi Iley). Illo wareedka ayaa intaa kusii daraya in Abiy Axmed uu doonayo in kursiga uu ka laalo Madaxweynaha Dowlad Deegaanka Ethiopia Cabdi Maxamuud Cumar si uu u helo kalsoonida ONLF. Cabdi Maxamuud Cumar oo dareen ka qaba booqashada Ra’isul wasaare Abiy Axmed ayaa dhawaan cafis ka dalbaday shacabka Soomaalida Ethiopia, isagoo xaqiijiyay inay jiraan tabashooyin badan oo aan waxba laga qaban. Dadka Soomaalida ee ku nool magaalada Jigjiga ayaa qudhooda qaba dareen ku aadan in xil ka qaadis lagu sameynaayo Cabdi Maxamuud Cumar oo aan iminka ku taagneyn caga wanaagsan. Sidoo kale, waxaa jira hadal heyn ku aadan in Ra’isul wasaare Abiy Axmed uu doonaayo in kursiga uu hadda ku fadhiyo Cabdi Maxamuud Cumar ku bedelo xubin ka tirsan ONLF, si dowlada Ethiopia ay jawi dagan shidaalka uga soo saarto dhulka Soomaalida oo la ciirciiraya shidaal. Si kastaba ha ahaatee, Abiy Axmed ayaa dhowr jeer Madaxweyne Cabdi Maxamuud Cumar ku dhaliilay hakin la’aanta dagaalka Soomaalida kala dhexeeya Qowmiyada Oromada, waxaana la ogeyn sida uu xaalku noqon doono. Caasimada Online Xafiiska Addis Ababa Caasimada@live.com

Muqdisho (Caasimada Online) – Waxaa soo baxaaya cabashooyinka laga muujinaayo jabsashada Emailada qaar kamid ah shaqaalaha dowlada Somalia. Kiiska jabsashada Emailada shaqaalaha ayaa kor u dhaafaya Todobaatan tan iyo wixii ka danbeeyay Bishii June ee aan soo dhaafnay. Qaar kamid ah shaqaalaha laga jabsaday Emailada oo xiriir nala sameeyay ayaa sheegay in lagala baxay Dukumiintiyo sir u ahaa, Sawirro iyo macluumadyo kale oo ay ka gaabsadeen. Dadka laga jabsaday Emailada ayaa waxaa kamid ah Shaqaale Wasaaradeed, Shaqaale ka howlgala Xarunta Villa Somalia iyo Saraakiil ka tirsan Hay’adaha amaanka Dowlada oo intuba lagala baxay macluumaad sir u ahaa. Shaqaalaha Wasaaradaha ee Emailadooda lagala baxay macluumaadka ayaa waxaa sidoo kale ku jira Guddoomiye waaxeedyo dhowr ah, sida ilaa iyo hadda aan xogta ku helnay. Sidoo kale, Jabsashada ugu badan ayaa waxaa lagu eedeeya shaqsiyaad doonaya inay madax furasho, kuwaasi oo shaqaalaha ka dhex xusha kuwooda ugu dhaqaalaha badan, iyadoo haddii ay waayan ku goodiya inay faafinayaan macluumaadka ay ka hayaan. Si kastaba ha ahaatee, talaabada ceynkaani ah ayaa shaki ka dhex abuureysa shaqaalaha Dowlada, waxa ayna meesha ka saareysaa in macluumaad lagu keydsado Emailada. Caasimada Online Xafiiska Muqdisho Caasimada@live.com

Twenty-four heartfelt letters sent by Buckland Shelburne Elementary School fifth-graders to Garden City, Kan., inspired a Garden City video that has been viewed at least 21,000 times and shared at least 400 times from the city’s Facebook page. Source: Hiiraan Online

MOGADISHU (HOL) - One person has been killed after a bomb fitted in a vehicle went off Saturday morning in Mogadishu. Source: Hiiraan Online

Wararka ka imaanaya dalka koonfur Afrika ayaa ku waramaya in Muwaadin Soomaaliyeed xalay lagu dilay Magaaladda Cape Town ee dalka koonfur Afrika. Husein Barrow Mohamed, ayaa xalay lagu dilay Magaalada Port Elizabeth ee dalka Koonfur Afrika. Marxuumka, ayaa allaha u naxariistee waxaa rasaas Wadnaha kaga dhuftay Tuugo madow ah xilli uu kasoo dagay gaari islamarkaana uu doonayey inuu galo dukaankiisa oo ku yaalla Tuulada Kwzakele oo hoos tagta PE, sida uu xaqiijiyay Luqman Ali Kafow oo ka mid ah Ganacsatada deegaanka oo ay si weyn isku yaqaaneen Marxuumka. Inkastoo uu jiro baaritaan ay Police-ku wadaan, misana dableyda falkani gaysatay ayaa durbaba goobta ka baxsaday, lamana sheegin wax dhac ah ama khasaaro kale ah oo halkaasi ka dhacay. 48-saac ka hor ayey aheyd markii Ala ha u naxariistee Cabdi Muxudiin Jimcaale lagala dagay gaari Caasi ah kadibna lagu toogtay Khaliija Magaaladda Cape Town. PUNTLAND POST The post Muwaadiniin Soomaaliyeed oo lagu dilay South Afrika appeared first on Puntland Post.

Muqdisho (Caasimada Online)-Dowlada Somalia ayaa xirtay wadooyin hor leh oo ku yaalla magaalada Muqdisho ee caasimada Somalia. Waddooyinka la xiray ayaa dhexmara xaafadaha kuwaa oo ay isticmaali jireen Mootooyinka iyo Gaari gacanada ay wataan xoogsatada. Waddooyinka oo lagu suray biro dhaadheer ayaa ah kuwa kasoo baxa xaafadaha oo gala laamiyada Makka Al-Mukarama iyo laamiyada kale. Waddooyinka la xiray ayaa dhibta ugu badan waxaa kala kulma dadka shacabka iyo xoogsatada sida wadayaasha mootooyinka iyo gaari gacanada, waxa ayna talaabadaani cuuryaamisay dadka masaakiinta ah, sida ka muuqata. Talaabadani lagu xiraayo waddooyinka ayaa waxaa leh Hay’adaha amaanka dowlada oo aan dhag jalaq usiin dhibta ay la kulmaan shacabka xilli Madaxweyne Farmaajo maalin un ka hor uu amray in la furo wadooyinka xiran. Madaxweynaha ayaa amray muddo 48 Saacadood gudahood ah in la furo wadooyinka Muhiimka ah ee ku yaalla Muqdisho ka dib markii uu dhawaan kulan la qaatay guddiga Amniga Qaranka. Waxaa muuqata in uusan hirgalin Amarkii Madaxweynaha ee ahaa in la furo wadooyinka xiran, si aan shacabka loo dhibaateyn.

Ugu yaraan hal ruux ayaa ku dhintay,saddex kalena waa ku dhaawacantay,qarax gaari oo saaka ka dhacay meel u dhow taalada Daljirka Dahsoon ee magaalada Muqdisho,sida ay xaqiijiyeen goobjoogayaal. Haweeney iyo laba wiil oo ay dhashay ayaa la sheegay in qaraxa loogu xiray gaarigooda oo marayay agagaarka Daljirka Dahsoon,waxaana halkaasi ku dhintay mid kamid ah wiilasha oo gaariga darewal ka ahaa,halka ay ku dhaawacmeen labadii qof ee kale. Sidoo kale waxaa ku dhaawacmay qaraxan mid kamid ah dadkii wadada marayay,sida ay sheegeen goobjoogayaal,taasoo tirade dhaawacyada ka dhigaysa saddex ruux. Ciidamada amniga magaalada Muqdisho ayaa haatan baaritaan ka wada goobta qaraxu ka dhacay,waxaana saraakiishu sheegeen in ay gadaal ka faahfaahin doonaan sida wax u dhaceen. PUNTLAND POST The post Qarax khasaare dhimasho iyo dhaawac sababay oo ka dhacay Muqdisho appeared first on Puntland Post.

Muqdisho (Caasimada Online)-Qarax gaari lagu xiray ayaa waxa uu ka dhacay nawaaxiga taalada Daljirka Daahsoon ee Degmada Boondheere. Qaraxa ayaa dhacay xilli gaariga uu halkaasi maraayay, iyadoo nooca qaraxa uu ahaa midka loo yaqaan dhajiska ee Baabuurta lagu dhajiyo. Qaraxa ayaa sida la sheegay waxaa ku dhintay wadihii gaariga, sidoo kalena waxaa ku dhaawacmay laba ruux kale oo la soctay xiliga Qaraxa. Gaariga qarxay ayaa noociisa wuxuu ahaa midka Somalida u taqaan Viller, waxaana lasoo sheegayaa inay kusii jeeden goobtooda shaqo. Qaraxa kadib goobta waxaa gaaray Ciidamada Miini baarista iyo Ciidamo kale oo hubeysan, kuwaasi oo Meyd ahaan goobta uga qaaday darawalkii waday gaariga iyo dhaawaca labo ruux oo dumar ah iyaga oo halkaasi ka sameeyay baaritaanada la xiriira Qaraxa. Geesta kale,Qaraxan ayaa ku soo aadaya, iyadoo labadii todobaad ee la soo dhaafay maalmihii Sabtidii ay dhaceen qaraxyo iyo dagaal toos ah oo Shabaab ay soo qaadeen, halka maanta oo Sabti ahna aroor hore qaraxaan uu dhacay. Caasimada Online Xafiiska Muqdisho Caasimada@live.com

With the endless political crisis and the scathing resolution by the EU Parliament that portrayed Somali leadership as autocratic, one would think the Somalia Partnership Forum in Brussels would bring about good luck for the Federal Government of Somalia (FGS). Source: Hiiraan Online

The Somali terror group Al-Shabaab is using an entrenched system of taxation to fund their activities by collecting money and commodities even in areas not under their control. Source: Hiiraan Online

Ethiopia has passed a law that grants amnesty to political prisoners who have been released recently and reverses decades of security-obsessed rule. Source: Hiiraan Online

Yemeni security officials and tribal leaders say a boat carrying more than 160 African migrants has capsized off the southern province of Shabwa. It is not immediately clear if there have been any fatalities or if any migrants have been rescued. Source: Hiiraan Online

Somalia’s Islamist militant group al Shabaab has captured a small but strategic town 100 km (60 miles) south of Bosaso city in the semi-autonomous Puntland region, a military officer, al Shabaab and residents said on Friday. Source: Hiiraan Online

Booskii Itoobiya ee qalalaasaha iyo diblomaasiyadda gurracan ee Soomaaliya waxaa dhowaanahan galay Imaaraadka kuwaas oo bilaabay in ay si dadban iyo si toos ahba isugu dayaan in ay u majaxaabiyaan dowladnimada Soomaaliya. Taas, waxaa ka dhashay xasarado badan oo dalka ka dhacay, eedeedana dusha loo saaray ama ay ku caddaatay Imaaraadka. Maalinba maalinta kad dambeeysa waxaa sii xumaanayey ciilaaqaadka dowladda hadda jirta iyo Imaaraadka ilaa iyo gaadho heer lacag 10m oo dollar ku dhaw looga qabtay madaarka Aadan Cadde maalin ka hor subxii loo ballansanaa in codka kalsoonida loo qaado gudoomiyihii golaha shacabka Maxamed Shiekh Cusmaan Jawaari. Waxa ay si toos ah cilaaqaad ula sameysaa Somaliland iyada oo ka sameysatay saldhig ciidan, dekedda Berbera kala wareegtay muddo 30 sano ah kana siisay Itoobiya saami dhan 19%. Waxaa is xigay talloobooyin ceel dheer marba ku sii ridayey diblomaasiyadda Soomaaliya iyo Imaaraadka waxa ayna ka bexeen xarumihii ay ku tababari jireen ciidamada dowladda qaar ka mida sida xarunta General Gordon, Puntland iyo Cisbilaakii weynaa ee ay ku lahaayeen Muqdisho. Yeelkeede, safiirka Soomaaliya u fadhiya Imaaraadka Mr. Mohamed Ahmed Osman oo ay wasaaradda arimaha dibedda u yeertay 26kii Maarso 2018 ayaa sheegay in ay ilaalinayaan madax banaanida iyo nabad galyada Soomaaliya. Taas oo ay jirto, hadana wali Imaaraadku ma joojin farogalintii iyo ku xad gudubkii xasiloonida, siyaasadda iyo midnimada Soomaaliya. Iyada oo ay taasi jirto, ayuu dhawaank shirkii Brussels Soomaalida loogu qabtay safiirka Imaaraadka u fadhiya Belgium-ka, dalalka Scandinavian-ka iyo midowga Yurub Mohammed Issa Al Suwaidi ku celiyey in ay dhawrayaan xasilloonida iyo mdinimada Soomaaliya! Waxaa yaab leh in Imaaraadka ayaga oo ballan-qaadaya ilaalinta madax banaanida Soomaaliya, haddana ay si toos ah ula macaamilayaan maamullo sheegay inay yihiin dalal ka madax banaan Soomaaliya, sida Somaliland. Hadaba, soo lama oran karo dimlomaasiyadda Imaaraadka ee Soomaaliya waa mid ku dhisan laba wajiilenimo iyo been cad? Caasimada Online Xafiiska Muqdisho Caasimada@live.com

Addis-Ababa (Caasimada Online) – Warar lagu kalsoon yahay ayaa sheegaya in Ra’iisul wasaaraha Ethiopia Abiy Ahmed uu wado qorsho uu wadahadal uga dhex abuurayo dowladaha Eritrea iyo Somalia. Qorshahaani wadahadalka ayaa la soo warinayaa inuu aqbalay Madaxweynaha dalka Eritrea Isaias Afewerki oo dhawaanahaani booqasho rasmi ah ku joogay magaalada Adis ababa ee xarunta dalka Ethiopia. Wadahadalka ayaa waxaa lasii qorsheynayaa inay garwadeen ka noqon doonto dowlada Ethiopia oo uu matali doono Ra’isul wasaaraha dalkaasi Abiy Ahmed. Dowladaha Eritrea iyo Somalia ayaa waxaa muddo fog ka dhexeeyay khilaaf Siyaasadeed ku saleysnaa taageerida dhinacyada mucaaradka Somalia, waxaana la saadalinayaa in khilaafka labada dhinac uu meesha ka bixi doono. Sidoo kale dowlada Somalia oo xiriir dhow uu kala dhexeeyo dowlada Qadar oo siyaasad ahaan ay isku dhacsan yihiin dowladaha Eritrea ayaa laga cabsi qabaa inay caqabad ku noqoto wadahadalka. Lama oga xiliga iyo ayaanka uu Ra’isul wasaare Abiy Axmed ku dhaqaaqi doono wadahadalsiinta labada dal oo aan iminka siyaasad ahaan isku fiicneen. Dhinaca kale, si dhab ah looma saadaalinkaro sida uu kusoo laaban karo wadahadalka dowladaha Eritrea iyo Somalia walow ay suuragal tahay in Ethiopia ay xal u hesho khilaafka. Caasimada Online Xafiiska Addis ababa Caasimada@live.com

Muqdisho (Caasimada Online) – Siyaasiga Mohamud Ahmed Nur Tarsan oo si dhow ula shaqeeya Madaxweynaha Somalia Maxamed C/llahi Farmaajo ayaa wax lala yaabo ku tilmaamay in Somalia ay leedahay dhowr Madaxweyne. Tarsan waxa uu sheegay inuusan garankarin faa’iidooyinka ku jira in shaqsi waliba uu ka shaqeeyo sida uu ku noqon lahaa Madaxweyne sii kordhinaaya cadadka kuwa hadda jira. Isagoo tusaale usoo qaadanaayay shirka kusoo xirmay Magalada Brussels ee dalka Biljamka ayuu yiri “Qaranimada Somaaliyeed waxaa ceeb iyo fadeexo ku ah in hal shir ay lix madaxeyne oo Somaali ah ay isugu tagto oo ay ka soo wada horjestaan hal dhan.lixda madaxweyne oo uu ka dhexeyo hal calan iyo hal dal, waa wax laga yaxyaxo”. “Waxaan rabaa in aan shacabka Soomaaliyeed weydiiyo in aan ka fekerno magac kale oon madaxweyne aheyn oo lagu qancinkaro madaxweyneyaash Dowlad Goboleedka ayada oon mansabkooda hoos loo dhigeyn, Qofkii keena magac lagu qancinkaro madaxda Dowlad Goboleedka waxuu ku guleysandoona abaal marin”. Tarsan, waxa uu sheegay inuu aad ugu wareersan yahay halka ay Madaxda maamulada u wadaan dalka, waxa uuna arrin aad u foolxun ku sheegay in dad iskumid ah ay kala yihiin kuwo hadana kala nooc ah. Wuxuu tilmaamay inay muhiim tahay in la raadiyo magacyo kale oo lagu bedeli karo Madaxweyne Goboleed, waxa uuna cadeeyay in ujeedkiisa uu yahay in laga gudbo “Madaxweynayayaasha badan ee adduunka uu la yaabay”. Tarsan wuxuu cadeeyay in Madaxweyne maamul Goboleedyada ay cunaha hayaan Horumarka Somalia, isagoo taasi ku sheegay inay is hortaag ku sameeyen wax waliba oo Somalia ay ku heli laheyd hal magac. Sidoo kale, waxa uu dowlada Somalia uga digay in shirarka adduunka ay u wado Madaxda maamul Gboleedyada oo uu sheegay inuu rumeysan yahay inay yihiin kuwo qas ku ah maslaxada Somalia. Geesta kale, waxa uu Madaxda ugu baaqay inay u naxaan Qaranimada Somalia oo ay muujiyaan xishood si Somalia ay uga kacdo halka ay iminka taagan tahay. Caasimada Online Xafiiska Muqdisho Caasimada@live.com

Hargeysa (Caasimada Online) – Guddoomiyaha Xisbiga Mucaaradka ee UCID, Eng Feysal Cali Waraabe, ayaa sheegay in la kulankiisa Madaxweynaha Somalia Maxamed Cabdullahi Farmaajo uu ahaa mid aan sidaa loosii qorsheyn. Feysal Cali Waraabe, waxa uu sheegay inuu ahaa wanaag side isla markaana uu culeyska saaray sida Somalia iyo Somaliland ugu wada noolaan lahaayen xasilooni. Waxa uu Feysal Cali Waraabe, tilmaamay in la kulankiisa Farmaajo ay dadka qaar u adeegsadeen dano kale, balse waxa uu meesha ka saaray inay jireen ujeedooyin u kale. “Xaq baan u leeyahay la kulanka Farmaajo ma jirin wax ka baxsan arrimaha labada dhan oo aan kala hadlay waan la socdaa in dadka qaar ay si xun u dhigayaan kulanka” “Waxaan dhihi karaa dadka sida xun uga faa’iideysanaa kulanka waxa ay xaasid ku yihiin shaqsiyada anigu wixii wanaagsan waan garankaraa dadaalkeyguna wuu socon doonaa” Sidoo kale, Feysal Cali Waraabe, waxa uu carab ***** in Farmaajo uusan aheyn sida uu ka aaminsanaa waxa uuna cadeeyay inuu leeyahay shaqsiyad wanaagsan. Dhinaca kale, Feysal Cali Waraabe ayaa madaxda maamulka ugu baaqay inay halkaasi kasii wadan wadahadalka maadaama uu cadyahay mowqifka Farmaajo. Caasimada Online Xafiiska Hargeysa Caasimada@live.com

Wasaaradaha dowlad gobolleedyada ee kalluumeysiga ayaa dhawaan sheegay in ay xiriirka u jareen wasaaradda kalluumeysiga ee dowladda Federaal-ka ah. Ma aha wax cusub in maamul gobolleedyada ay isku dhacaan ama is khilaafaan dowladda dhexe laakiin waxaa la yaab noqotay waxyaabha ay ku doodeen wasaaradaha maamul gobolleedada ee kalluumeysiga markan! Muxuu salka ku hayaa khilaafka ay sheegayaan maamul gobolleedyada? Wasiirada maamul gobolleedyada ayaa ku andacoonaya in aan laga qeybgalin shirarkii lagu meel mariyey wadaagga dakhliga ka soo xerooda rukhsad bixinta kalluumeysiga xeebaha Soomaaliya. Ma runbaa? Sida ku cad heshiiskii horudhaca ahaa ee ay saxiixeen dowladda Federal-ka ah iyo dowladaha xubnaha ka ah iyo gobolka Benaadir 27-kii bishii Febraayo 2018 waxaa lagu heshiiyey sida loo wadaagayo dakhliga ka soo baxa bixinta rukhsadaha kalluumeysiga, heshiiskaas waxaa maamul gobolleedyada u saxiixay madaxweyneyaashooda. Dhinaca dowladda Federal-ka ah waxaa u saxiixay R/W Xassan Cali Kheyre iyo wasiirka wasaradda Kalluumeysiga iyo Kheyraadka badda Cabdiraxmaan Maxamed Cabdi Xaashi. Sidoo kale waxaa qodobka looga hadlay shirkii Brussels dhawaan loogu qabtay Soomaalida sida ku cad qodobka 49-aad ee war-murtiyeedkii ka soo baxay shirkaas waxaa lagu bogaadiyey heshiiskaas dhexmaray dowladda Federaal-ka ah iyo dowladdaha xubnaha ka ah oo ay weheliso maamulka gobolka Benadir! Hadaba, maxay ka dideen wasiirada maamul kalluumeysiga ee maamul Gobolleedyada? Sida muuqata wasiirada waxa aysan ku qanacsaneyn heshiiska ay u saxiixeen madaxdooda oo iyaga ayaa rabay in ay saxiixaan. Soo lama oran karo, iskama war qabaan madaxda maamul gobolleedyada. yeyna tahay in ay ku matalayaan heshiisyada ay la galayaan dowladda Federaal-ka ah? Caasimada Online Xafiiska Muqdisho caasimada@live.com

Hargeysa (Caasimada Online) – Wasiirka arrimaha dibadda maamulka Somaliland Dr Sacad Cali Shire ayaa daboolka ka qaaday in wakiilada maamulka ay ka gaabiyeen ictiraaf raadinta Somaliland. Wasiir Sacad oo u waramaayay HCTV ayaa sheegay in wakiilada Somaliland laga doonaayay inay la imaadan firfircooni hase yeeshee aysan muuqan dadaalkii looga fadhiyay. Waxa uu tilmaamay inay gabeen howlihii laga sugaayay oo ahaa la xiriirida wakiilada kale ee caalamka taasina ay meesha ka saareyso inay la xisaabtamaan maamulka. Waxa uu Wasiirku yiri “Wakiilada ma aysan noqon sida aan ka fileynay waxaan ka dooneynay ma aysan qaban waxa ayna ku mashquuleen howlo kale oo aan iyaga quseyn” Wasiir Sacad ayaa wakiilada ku eedeeyay inay baalmareen shaqooyinkii looga fadhiyay oo aheyd in bilo gudaheeda ay ku qaadan talaabooyin xooli ah sidaa aawgeed ay ku fashilmeen dadaalkii laga filaayay. Sidoo kale, Wasaarada arrimaha dibadda ayuu sheegay inay qaaday talaabooyin la taaban karo oo dhanka ictiraaf raadinta ah balse ay weyday wakiilo arrintaas kala shaqeeya. Dhinaca kale, waxa uu ku baaqay in isbedel ay la imaadan wakiilada si Somaliland ay uga hanaqaado halka ay maanta taal oo ictiraaf la’aanta ah. Caasimada Online Xafiiska Hargeysa Caasimada@live.com

Sirtii Qarranka ayaa bannaanka daadsan, waxaan meesha ka muuqata fadeexaad ah in si dhib yar loo heli Karo ama looburburin karo sirtii hay’adda NISA, maadaama sawirro laga qaaday mid kamid ah Xafiisyada taliska ciidanka NISA. Arrinkani wuxuu ka marag yahay in dowladda Faderaalka Soomaaliya ay ku dhex milmeen koox Alshabaab fikirkooda aaminsan, maxaa yeelay taliye ama sarkaal xilka waa laga qaadi karaa xilku waa meerto balse in xogtii qarsoonayd ee qaranka sidaas loo soo fatashay waxay caddaynaysaa gacan bidixeyn lagu wado nidaamka dowladnimo. Xafiiska Taliye ku xigeenka NISA Cabdalla Cabdalla Maxamed oo sirtii taallay qeybna la qaatey qeybna la burburiyey waa mid abuuraysa shaki weyn sababtoo ah taliyaha shaqo joojin ayaa lagu sameeyay maxaa keenay in xog keydsan la burburiyo haddii aynaan arrin kale waxaa weeye aynaan jirin. Haddana xafiiska sidaan loo galay wuxuu ku dhex yaallaa xarunta NISA ee gurigii hore ee Hooya Khadiija oo iminka ah xarunta dhexe ee hay’adda nabad sugidda iyo qaranka ee NISA. Fadeexaddani ayey saraakiisha NISA ku tilmaameen mid aan hore loogu arag taariikhda Hay’adda Nabadsugidda Qaranka, ayna tahay ficil xun oo ah Dambi qaran ah. Sow in wax la iska waydiiyo maaha maxaa qasbay in Fadeexaddaas dhacdo oo sirta dowladda in sawiro laga qaado qaar kalena la burburiyo maxaysa yihiin documents-yada la qarinayo. In la burburiyo xafiis muhiim u ahaa shaqada Hay’adda NISA sow lama oran karo waa ujeeddo kale sow ma oran karno arinkan waa burburinta Sirta dowladda Faderaalka oo si ula kac ah loo sameeyey? Cid kasta oo amartey ficilkan fadeexadda ah waa in guddi heer baarlamaan iyo heer xukuumad loo saaraa, Dawlada Faderaalka lama aamini karo haddey arrinkan ka aamusto. Sababtu waxaa weeye sanadihii dambe sumcadda NISA waxaa la degay qaladyo ka dhacay xakuumadda RW Kheyre taasoo siyaasiyiin ku maquunisay waxaa jirtay in 17-DEC-2017 habeen madoow ay NISA weerartay guriga siyaasi Cabdiraxmaan Cabdishakuur oo dadkii lagu dilay meydkooda aan la siinin ehelkooda, waxaa iyana jirtay in siyaasiyiin uu kamid yahay Kamaal Guutaale maalin cad hotel Makka Almukarrama lagu weeraray iyo sidoo kale fadeexaddii ka dhalatay Qalbi Dhagax ayaa noqday kuwa hareeyay shaqada Hay’addani. Waxaa suurtagal ah in xogtaasi loo burburiyay si aan loo ogaanin xaqiiqda dhabta ee ah yaa amarradan bixiyey. Madaxda dowladda federaalka oo weli arrintani aan ka hadlin waa ku guuldarro siyaasadeed iyo fashil. Xogta la helayo ayaa sheegeysa in Agaasimaha NISA uu lahaa amarka lagu galay xafiiska ku xigeenkiisa koowaad balse fadeexadda waxaa ah Dusha ka saaran tahay madaxda Dowladda Faderaalka ugu sarraysa. Si shacabku ugu kalsoonaadaan shaqada NISA waa in dowladdu tallaabo cad ay ka qaadaa arrintani. W/Q: Danjire Mahamed Caalim caalim68@hotmail.com Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid