Hague (Caasimada Online) – Maxkmadda caalamiga ah ee caddaaladda ee ICJ ayaa shalay ridda xukun ka dhan ah dalka Imaaraadka Carabta, ayada oo dalkaas ugu baaqday inuu mideeyo qoysaska reer Qatar, islamarkaana joojiyo xadgudubka jinsi ee ka dhanka ah. Imaaraadka, Sacuudiga, Masar iyo Bahrain ayaa horey ugu midoobay isbaheysi ka dhan ah Qatar, ayaga oo dalkaas saaray xanibaad dhinaca dhulka, hawada iyo badda ah, markii ay ku eedeeyeeyn Doha inay taageerto argagixisada. Sanad kadib xanibaaddaas ayaa Qatar ay dacwad ka dhan ah Imaaraadka u gudbisay maxkamadda ICJ, ayada oo Imaaraadka ku eedeysay midab takoor ka dhan ah dadka u dhashay Qatar. Xukunka maxkamadda ee shalay ayaa dhigaya in qoysaska Qatar ee ay saameysay xanibaadda loo ogolaado inay sii wataan waxbarashadooda dalka Imaaraadka Carabta, ama la siiyo dokumentiska ay u baahan yihiin, si ay waxbarashada uga sii wataan meelo kale. ICJ ayaa sidoo kale ku amartay in dadka Qatar ay helaan nidaam cadaaladeed. Qatar iyo Imaaraadka ayaa labadaba saxiixay xeerka caalamiga ah ee baabi’inta nooc kasta oo midab takoor ee loo soo gaabiyo CERD. Masar, Sacuudiga iyo Bahrain, ma saxiixin xeerkan, sidaas darteed laguma dacweyn karo. Caasimada Online Xafiiska London Caasimada@live.com

Hargeysa (Caasimada Online) – Wakiilada maamulka Somalilad ayaa ka digay in deegaanada maamulka ay dib ugu soo laabtan Guddoomiyaha xisbiga mucaaradka UCID ee Somaliland Eng. Feysal Cali Waraabe iyo Cali Khaliif oo dhawan magaalada Brussels kula kulmay Madxaweynaha Somalia. Xildhibaanada ayaa sheegay in labadaasi mas’uul ay lamid yihiin shaqsiyaadka ka tirsan dowlada Somalia ee sida joogtada ah u dhiirigaliya Somalia, sida ay hadalka u dhigeen. Xildhibaan C/qaadir Maxamed Xasan “Indho indho” oo kamid ah Golaha Wakiilada ayaa sheegay inaanu suuroobeynin in mas’uuliyiinta qaar laga mamnuuco Somaliland Feysal iyo Cali Khaliina ay dib ugu soo laabtan Somaliland. “Waa arrin khalad ah in Feysal Cali iyo Cali Khaliif ay dib ugu soo laabtan Somaliland, waa inay ka khuustan dalka oo ay aadan xamar maadaama uu jiray go’a hore oo Somaliland looga mamnuucay shaqsiyaadka amar la’aanta la kulma Madaxda Soomaalida” Waxa uu Xildhibaan C/qaadir Indho Indho sheegay inay khalad tahay in sharciga uu qabto keliya dadka caadiga ah, isla markaana uusan qaban kuwa lamidka ah Feysal iyo Galeyr. Sidoo kale, Muuse Biixi ayuu ugu baaqay in go’aan degdeg ah uu kasoo saaro Feysal Cali Waraabe iyo Cali Khaliif, si buu yiri loo dhaqan galiyo sharciga. Haddalka Xildhibaan Indho Indho ayaa u muuqanaaya mid danbi loogu abuurayo Guddoomiye Faysal Cali iyo Mr Galeyroo shirki Madasha Iskaashiga Soomaaliya ee Talaadadi lagu soo gaba-gabeeyay magaalada Brussels ee dalka Belgium kula kulmay Madaxweyne Farmaajo. Caasimada Online Xafiiska Hargeysa Caasimada@live.com

Gaariga madaxtooyada Puntland lagala baxsadayTaliyihii ilaalada rugta laanta socotada ee Madaxtooyada Puntland ayaa la baxdasay gaarigii martida iyo hub fudud, sida ay ogaatay PUNTLAND POST. Cabdifitaax Yemeni oo ahaa tiliyihii ciidamada rugta laanta soctada ee Madaxweyne Cabdiwali Gaas ayaa 23 bishan July 2018, la baxsaday gaarigii martida madaxtooyada Garowe oo noociisu ahaa Lancheser V8 Wakaalad ah, 6 qori oo AK47 ah iyo 5 Baaskooladood. Taliyaha la baxasaday gaariga iyo hubka madaxtooyada oo ay isku heyb ahaayeen Mudane Madaxweyne Cabdiwali Gaas ayaa la aaday tuulada Balli-busle oo ku taala koonfurta bari ee magaalada Gaalkacyo ee gobolka Mudug, waxaana la sheegay in uu iibsaday gaarigii iyo hubkii. Odayaasha deegaanka Balli-busle oo arrintani markii ay soo gaartay galay ayaa ku guuleystay in ay gaarigii gacanta ku dhigaan, kadib markii ay si khasab ah uga qaadeen Rag sheegtay in ay 40 kun oo doolar ($40,000) ku iibsadeen. Odayaasha deegaanka Balli-busle ayaa maanta gaarigii lagala baxsaday madaxtooyada Puntland ee Garowe keenay magaalada Gaalkacyo gaar ahaan madaxtooyada, ilaa iyo hadana lama hayo tiliyihii la baxsaday meel uu jaan iyo cirib dhigay, sidoo kale waxaan la heyn hubkii. La baxsadka gaariga iyo hubka fudud ee madaxtooyada Puntand ayaa la sheegay in ay ka dambeysay kadib markii taliyahaasi helay warar sheegaya in laga qaadayo xilka taliyenimo ee uu kahayo madaxtooyada Puntland. Gaarigan ayaa lagu soo dhaweyn jiray madaxda martida u ah Puntland, wuxuuna kamid ahaa ku dhawaad 60 gaari oo noocaas ah oo dowladda Imaaraatka Carabta ay ugu deeqday Puntland, kuwaas oo hadda intoodii badnaa ka baxay gacanta musuuliyiin ay dowladdu siisay, kadib markii laga iibiyay dad degan deegaanka Soomaalida Itoobiya ee xadka la leh gobolka Mudug. Gawaarida noocaan ah oo Itoobiya qaali ka ah ayaa warar xog ogaal ah oo ay heshay PUNTLAND POST sheegeen in gaari walba deegaanka Soomaalida Itoobiya laga siiyay lacag dhan 50 Kun oo doolar ($50, 000) oo ay kala baxeen Rag masuuliyiin ah oo loo qeybiyay gawaaridan loogu deeqay Puntland. Xukuumadda Puntland ayaa bishii la soo dhaafay ee June 2018 sheegtay in tallaabo sharci ah laga qaadayo cidii ku xad gudubta gaadiidka dowladda, sidoo kale Madaxweyne Gaas ayaa wasaaradaha maaliyadda iyo howlaha guud iyo gaadiidka ku amray in ay soo gudbiyaan warbixin tafatiran oo la xiriirta adeegsida iyo dabagalka gaadiidka dowladda. Puntland ayaa waxaa ka dhaca in hanti dowladeed lagu takrifalo, mana jirto cid ilaa iyo hadda tallaabo ka qaaday arrintaas. PUNTLAND POST The post Puntland:- Taliye gaari iyo hub kala baxsaday Madaxtooyada Garowe appeared first on Puntland Post.

Muqdisho (Caasimada Online)-Sida ay baahisay Idaacada KNN ee magaalada Muqdisho Hay’adda Sirdoonka iyo Nabadsugida Qaranka Somalia ayaa shaqada ka erisay askar dhawaan loo soo xiray tababar. Askarta laga eryay shaqada oo maanta ku hor banaanbaxay afafka hore ee Xarunta Villa Somalia ayaa ku qeyla dhaaminaayay in dowlada Somalia ay wado u bixiso. Askartan ayaa sheegay in lagu amray inay kabaxaan xerada loogu soo xiray tababarka isla markaana aadan guryahooda waxa ayna tilmaameen in dowlada Somalia ay naftood halis galisay. Mid kamid ah askartaasi oo u waramaayay Idaacada KNN ee magaalada Muqdisho ayaa yiri “Waxaanu aheyn 70 Askari ku tababartay xaalad xun waxaa nasiib darro ah inaan xiliga aan soo dhameysanay tababarka nalagu abaalmariyay shaqo ka eryin” “Sedex bil ayaan jiifan jirnay carada waxaanu nooleyn raashiin xumo iyo dhibaato aan ugu dhabar adeegi jireen inaanu badbaadin doono dalkeena” Askartan ayaa sheegtay in tababarka ay ku jireen ku dhawaad 7 Bil, hase yeeshee markii laga lumiyay wakhtiga lagu amray inay kala aadan guryahooda, sida ay ku sheegen wareysigooda KNN. Sidoo kale, askartan ayaa tiradooda ku sheegtay inay ahaayen 70 askari isla markaana ujeedka ay ugu hor banaanbaxeen Villa Somalia ay tahay sida ay ku heli lahaayen xuquuqdooda maadaama ay cadaawad kala dhexeyso Al-Shabaab, isla markaana ku laaban Karin shaqooyinkooda. Dhinaca kale, Askartan ayaa madaxda Qaranka ka dalbaday cadaalad iyo in laga qabto kuwo ay ku sheegen inay musuq ku hayaan ciidamada. Caasimada Online Xafiiska Muqdisho Caasimada@live.com

Muqdisho (Caasimada Online) – Ra’iisul wasaaraha Soomaaliya Xasan Cali Kheyre ayaa maanta kulan la yeeshay odayaasha beesha Mudullood oo uu qado ugu sameeyey magaalada caasimadda ah ee Muqdisho. Kulankan ayaa qeyb ka ah kulamo madaxda dowladda la qaadanayeen qeybaha dhaqanka beelaha Muqdisho, gaar ahaan beesha Abgaal oo ah tan ugu badan ee degta caasimadda. Waxay ahayd habeen hore markii sidan oo kale madaxweynaha uu kulan la qaatay duubabka dhaqanka Beesha Mudullood, oo uu Villa Somalia ku casuumay. Inkasta oo labada xafiis ay ku sheegeen kulmada kuwa caadi oo dowladda iyo beelaha uga hadlayeen xaaladda dalka, haddana wararka ayaa sheegaya inay taageero uga dalbadeen. Dad badan ayaa is-weydiinaya sababta aysan madaxweynaha iyo ra’iisul wasaaraha ula kulmin beesha Mudullood mar qura, haddii ay isku dhinac u socdaan, oo ay u doorteen inay gooni gooni ula kulmaan. Madaxda Soomaalida ayaa lagu yaqaan inay la kulmaan beelaha marka uu jiro loolan siyaasadeed, oo ay raadinayaan taageero. Si kastaba xafiiska madaxweynaha iyo ra’iisul wasaaraha waxay labadaba sheegeen inuusan jirin wax loolan ah. Kulamadan ayaa imanaya ayada oo baraha bulshada laga hadal hayo khilaaf labada dhinac ah, inkasta oo dowladdu ay sheegtay inuusan jirin wax khilaaf ah, Caasimada Online-na ay wax caddeyn ah u weysay. Si kastaba kulamadan ayaa un sii badinaya shakiga jira. Caasimada Online Xafiiska Muqdisho Caasimada@live.com

The Somali National Army (SNA) destroyed al-Shabab militants’ networks on Saturday in locations near Qoryoley town in lower Shabelle town in southern Somalia, officials said Sunday. Army Commander Mohamed Mohamud Gutale told State-owned radio the military operation targeted militants’ strongholds and successfully destroyed the terrorists’ equipment. “Well-planned military operation destroyed al-Shabab networks in this region on Saturday, we captured some militant members during the operation where terrorists used to prepare explosive elements,” Gutale said. He did not comment on the number of militants who were captured during the operation by the SNA or the number of casualties on the SNA side and if they were international partners who accompanied them in the operation so far. Gutale said the militant group in January completely destroyed one of two main bridges in Qoryoley town with landmine explosion. The bridge was very important to the movement of people and goods in the region. Source: – Xinhua

Residents of Hullugho in Garissa County along the border with Somalia have said that a poor communication network has made their lives difficult for many years now. The situation has been made worse by constant attacks by suspected Al-Shabaab militants who destroy communication masts put up by mobile service providers. Hullugho is situated 18 kilometres from the Kenya-Somalia border. Residents say their daily lives have literally been turned upside down as they are forced to trek for miles to make telephone calls. They are also forced to travel to other towns to use mobile money transfer services. CLIMB TREES The lucky and youthful ones scale up trees to get better network on their mobile phones. “Lack of communication has thrown us ten years back. All sectors including education, health and business are affected. There is an urgent need for the restoration of network coverage,” Mohamed Samriye told Daily Nation in Ijara. The former civic leader told Nation that many people have closed business thus affecting the local economy. He added that communication is a basic need that every developing country should prioritise on. Mr Samriye said all elected leaders starting with the President should ensure the restoration of network coverage in the area, noting that lack of it will contribute to underdevelopment. “We need local leaders to come down to the areas affected by lack of network coverage so that they know the dilemma their electorates are facing,” he added. BUSINESSES CLOSED The Nation could count numerous M-Pesa shops and vegetables stalls that have been closed down following the destruction of communication masts, with residents saying they depend on mobile network coverage for their business. The Somali-based militants have destroyed several communication mast along the Kenya-Somalia border leaving residents of Hulugho, Fafi, Ijara, Sangailu and some parts of Dadaab in desperation. Two weeks ago, the militants damaged a Safaricom mast in Hamey, Dadaab. “It has been difficult without network coverage. Even if you get an emergency there is no way you can alert your neighbours for help. We urgently need the government in collaboration with mobile service providers to re-install communication masts,” said another residents, Mr Ali Mirat Dahir. WOMEN IN LABOUR Referrals of patients for specialised treatment from border towns have also been adversely affected and it is even worse for mothers in labour who have complications. Mr Mohamed Gure almost lost his daughter after she went into labour but had delivery complications. Since there was no network coverage, they opted to send a boda boda rider to alert health officials to send an ambulance from Masalani, some 60 kilometres away. “By the time the boda boda came back with the ambulance, my daughter had delivered but the baby died after delivery because of what we think was prolonged labour pain,” he said. Source: – Daily Nation

Somalia’s al-Shabab detonated a suicide car bomb then stormed a military base in the country’s south,claiming at least 27 soldiers were killed. An official said the military repelled the attack and killed 87 fighters in fighting, dismissing the claim on Monday that dozens of Somali troops were dead. Abdiasis Abu Musab, al-Shabab’s spokesman, said attackers overran the base in Baar Sanguni village – about 50km from the port city of Kismayo. “We first attacked the base with a suicide car bomb and then stormed,” said Musab. “We killed 27 soldiers and took the base. Some soldiers fled into the jungles.” The military sent reinforcements to the base following the explosion and heavy fighting. Conflicting death tollsAssistant information minister Aden Isak Ali told state news agency SONNA that soldiers were hunting down attackers who fled the base. “The national army defended itself and killed 87 militants,” he said. However, Colonel Ahmed Hassan said troops killed 10 attackers. The attack followed one last month by al-Shabab on the same base that wounded seven soldiers. The armed group is battling to topple the central government and impose its rule based on a strict interpretation of Islamic law. Al-Shabab has killed thousands of Somalis across East Africa in a decade-long insurgency.

Kismaayo (Caasimada Online) – Maleeshiyaad ka tirsan Alshabaab ayaa weerar ku ekeeyay xero ay si wada jir ah u degenaayeen ciidamada xoogga dalka Soomaaliya qeybta 43-aad iyo kuwa Jubbaland, waxaana weerarkaas kasoo baxaya warar dheeraad ah. Waa markii sedexaad oo xaruntaasi weerar lagu qaado muddo bilo ah tan iyo intii ciidamada ay saldhig ka dhigteen halkaas. Weerarkii saakay waxaa loo adeegsaday labo gaari oo laga soo buuxiyay walxaha qarxa, waxaana xigay dagaal fool ka fool ah o oculus. Sida ay xaqiijiyeen illo wareedyo muhiim ah oo Jubbaland ka tirsan, Alshabaab ayaa gabi ahaanba la wareegay xerada Baar Sanguuni, iyaga gubay teendhooyinkii ay ciidanka ku hoyanayeen, waxaana goobta isaga baxay askartii dowladda. Wasiir kuxigeenka Warfaafinta Xukuumadda Soomaaliya Aadan Isxaaq Cali ayaa sheegay in Ciidanka Xoogga dalka oo ka feejignaa Al-shabaab ay halkaasi ku toogteen ilaa 87 ka tirsanaa Dagaalamayaashii weerarka soo qaaday,iyadoo sidoo kale ciidamadu ay ku raad joogaan firxadka Shabaab. Waxa uu Wasiirka Qiray in Shabaab usuura gashay iney gudaha ugalaan qeybo kamad ah Sanguuni, wuxuuna Khasaaraha Ciidanka Dowladda soo gaaray ku sheegay dhimashada 6 Askari oo labada Qarax ku kala geeiryooday. Wararkii ugu dambeeyey ayaa sheegay ciidanka Xooga Dalka iyo kuwa Jubbaland oo qaaday weerar rogaal celis ah ay si buuxda ula wareegeen buundada caanka ah ee Araare,iyagoo ku raad jooga firxadka Alshabaab. Dhinaca kale, Shabaab waxey sheegteen in weerarkaasi ay ku dileen 27 askari oo katirsan Ciidankii Xerada ku sugnaa, Saanad milatari oo badanna ay qaateen markii ay saldhiga la wareegeen. Caasimada Online Xafiiska Kismaayo Caasimada@live.com

Somalia's al-Shabab detonated a suicide car bomb then stormed a military base in the country's south,claiming at least 27 soldiers were killed. Source: Hiiraan Online

Madaxweynaha Puntland Cabdiweli Maxamed Cali Gaas ayaa maanta dib ugu soo laabtay magaalada Garowe, kadib ka qeyb galkii shirkii Soomaalida ee magaalda Brussels ee Dalka Belgium-ka. Madaxweynaha Puntland iyo wafdiga uu hogaaminayey oo ka koobnaa qaar kamida golaha xukuumadiisa waxaa ku soo dhaweeyey garoonka diyaaradaha ee Gen. Maxamed Abshir ee Garowe, qaar kamida goloyaasha Puntland, maamulka degmada, kan gobolka Nugaal, Saraakiil ka tirsan madaxtooyada iyo qeyb kamid ah bulshada. Madaxweyne Gaas oo warbaahinta kula hadlay garoonka diyaaradaha ee Gen. Maxamed Abshir ayaa ka warbixiyay shirkii Soomaalida ee magaalda Brussels ee dalka Belgium-ka. “Saad la socotaan waxaan ka qayb galay shirkii la oran jiray SPF, oo ay iskugu imaan jireen beesha caalamka ama daneeyaasha Soomaaliya iyo Soomaalidu, shirkaas oo la isugu yimi caasimada Dalka Belgium-ka, shirkaas waa la socoteen wuxuu ahaa shir labo berri soconayey loogana hadlayey duruufaha iyo xaalada ay Soomaaliya ku jirto, dhan dhaqaale, amni iyo siyaasadeed oo aad looga hadlay, shirkaas waxaan is leeyahay waa ka duwanaa shirarkii hore markii la eego qaabkii Soomaalida loola dhaqmaayey ama loo eegayey duruufahooda, waxaa ka soobaxay haddii la hirgeliyo, waxaan isleeyahay wax wanaagsan baa kasoo baxaya, Soomaaliyana wax badan baa iska bedelaya waqtiga dhow haddii Alle yiraahdo” ayuu yiri madaxweyne Gaas Sidoo kale madaxweyne Gaas ayaa ka warbixiyey kulan uu la qaatay Jaaliyada Puntland ee qaarada Yurub, wuxuuna sheegay in uu uga warbixiyey xaalada Puntland gaar ahaan xaalada gobolka Sool. Madaxweynaha Puntland ayaa magaalda Brussels ee Dalka Belgium-ka uga qayb galay shirkii looga hadlayey danaha iyo geedi socodka nabadda Soomaaliya, oo ay ka qayb galeen madaxda dowladda Federaalka Soomaaliya, madaxda dowladdaha xubnaha ka ah DFS iyo Beesha Caalamka. http://puntlandpost.net/wp-content/uploads/2018/07/Madaxweyne-Gaas-1.mp3 PUNTLAND POST The post Madaxweyne Gaas oo dib ugu soo laabtay Garowe, kana hadlay shirkii Brussels appeared first on Puntland Post.

Dhuuso-mareeb (Caasimada Online) – Aabaha dhalay gabadh 10 jir ah oo u dhimatay dhiig bax kadib markii lagu sameeyay gudniinka fircooniga ah ayaa difaacaya caado dhaqameedkan laga dayriyay, inkasta oo gabadhiisa uu ku waayey. Daahir Nuur ayay gabadhigiisa dhiig bax u dhimatay 17-kii bishan Luuliyo, 2 maalmood uun kadib markii lagu sameeyay gudniinka fircooniga ah oo ah caado dhaqameed facweyn, balse la’isla waafaqay in ay tahay halis weyn. Balse waraysi uu siiyay idaacada VOA ayuu ku sheegay in uu taageersanyahay caaddo dhaqameedkan. Sida ay sheegtay hay’adda UNICEF, 98% boqolkiiba dumarka iyo gabdhaha ku nool Soomaaliya ayaa lagu sameeyay gudniinka fircooniga ah. Inkasta oo dastuurka Soomaaliya uu mamnuucayo, walloow uusan gabi ahaanba sharci darro ka dhigaynin, haddane si weyn ayaa loogu dhaqmaa gudaha Soomaaliya, iyo meelo badan oo ay Soomaalida degentahay. Dr Cabdiraxmaan Cumar Xassan oo ah agaasimaha isbitaalka Xanaano ee magaalada Dhuusamareeb ayaa VOA-da u sheegay in uusan waligiis arag qof bini’aadam ah oo xubintiisa taranka sidaas loo jarjaray. Dr Cabdiraxmaan ayaa isku dayay in uu gabadha badbaadiyo, wuxuuse sheegay in gabadha ay ku dhacday teetano, taas oo ay u badantahay in ay ka qaadday qalabkii gudniinka loo adeegsaday oo ahaa mid mirirsan. Aabaha dhalay gabadha ayaa sheegay in uusan ciddina wax u raacan doonin, wax dacwad ahna ku furi doonin dadkii mas’uulka ka ahaa gefka dhacay. Xaawo Aaden Maxamed oo ah agaasimaha hay’adda GECPD ee Gaalkacayo oo arrimaha dumarka qaabilsan ayaa sheegtay in xitaa haddii lasoo xiro dumarkii gudniinka sameeyay in aysan wax micno ah samaynaynin, maadaamaa aysan jirin shuruuc degan oo lagu maxkamadayn karo. Waxaa hadalkaasi kasoo xigatay wakaaladda wararka ee Reuters. Dadaalo lagu doonayay in gudniinka fircooniga ah looga dhigo sharci daro gudaha Soomaaliya, ayaa waxaa sida la sheegay in hor taagay siyaasiyiin waxyaabo kale xeerinaya.

Muqdisho (PP) ─ Warar dheeraad ah ayaa kasoo baxay weerar ay saakay Al-shabaab ku qaaday saldhig ay ciidamada dowladda Somalia ku leeyihiin deegaanka Baar-sanguuni oo qiyaastii 50-km dhanka waqooyi ka xiga magaalada Kismaayo ee Gobolka Jubbada Hoose. Faahfaahinnadii ugu dambeeyay ee soo baxay ayaa sheegaya in weerarkaas ay ku dhinteen 12-qof oo isugu jira ciidamada dowladda iyo xoogaggii halkaa weeraray, inkastoo labada dhinac ay tiro badan oo dhimasho ay warbaahinta u sheegeen. Maxamed Naasir oo ka mid ah saraakiisha ciidamada Jubbaland oo weerarka kaddib la hadlay warbaahinta ayaa sheegay in weerarkan ay dhankooda uga dhinteen laba askari, ayna Al-shabaab uga dileen in ka badan 87 ruux. “Al-shabaab way soo weerareen saldhigga Sanguuni, balse waxaa ka hor-tagay ciidamada dowladda ee saldhiggaas ku sugnaa, mana aysan qabsan saldhigga sida ay sheegeen waana beenaalayaal,” ayuu yiri Maxamed Naasir. Isagoo sii hadlaya ayuu intaas ku daray. “Xaaladda deegaanka hadda waa mid daggan ciidamada dowladda ayaan ku sugna, waxaana Al-shabaab ay haatan ku sugan yihiin deegaanka Araare, waana ku daba-jirnaa.” Sidoo kale, Al-shabaab ayaa waxay dhankeeda sheegtay inay weerarkaas ku dileen 27-askari oo ka tirsan ciidamada dowladda, inkastoo aysan sheegin dhankooda khasaaraha kasoo gaaray. Balse, wararka ka madax-bannaan labada dhinac ayaa sheegaya inay halkaa ku dhinteen 12-qof oo siddeed ka mid ah ay ahaayeen Al-shabaab, kuwaasoo ay ku jiraan kuwii qaraxyada fuliyay iyo kuwii weerarka tooska ah ku qaaday saldhigga. Ciidamada Dowladda Somalia ayaa waxaa dhankooda ka dhintay afar askari oo qaarkood ku dhintay Qaraxii weynaa ee ka dhacay afaafka saldhiggan la weeraray, iyadoo ay jiraan dhaawacyo badan oo haatan lagu daweynayo Kismaayo. Ugu dambeyn, Weerarkan ayaa kusoo beegmaya iyadoo Kooxda Al-shabaab ay laba-laabtay weerarrada ay ka geysanayso goobaha ay maamusho DFS iyo maamullada kale ee dalka ka jira, kuwaasoo galaafta nolosha dad aad u fara badan. PUNTLAND POST The post Faahfaahin kasoo baxay Weerarkii Kooxda Al-shabaab ay saakay ku qaday Baar-sanguuni appeared first on Puntland Post.

Muqdisho (Caasimadda Online) – Guddoomiyaha golaha shacabka ee BFS Mudane Maxamed Mursal Sheekh C/raxmaan ayaa maanta la kulmay guddiga Garsoorka, Awqaafta iyo arrimaha diinta ee golaha shacabka. Kulanka waxaa loogu hadlay muranka ka taagan arrimaha Xajka, xaaladaha xabsiyada dalka, sharciyada guddiga ay gacanta ku hayaan iyo qodobo kale. Guddiga ayaa guddoomiyaha golaha shacabka warbixin ka siiyay halka ay marayaan dadaalada lagu xalinayo khilaafka ka dhashay arrimaha Xajka iyo cabashada xujeyda. Guddoomiyaha ayaa amray in si deg deg ah loo xaliyo muranka ka taagan Xajka lana tixgeliyo cabashada kasoo baxeyso dadka rabo inay sanadkaan Xajiyaan. Sidoo kale guddiga ayaa guddoomiyaha la wadaagay xaalada ay ku sugan yihiin maxaabiista xabsiyada dalka ku xeran iyo xaalada guud ee xabsiyada dalka. Guddiga ayaa soo bandhigay jadwalka ay ku shaqeynayaan iyo kulamo ay la yeesheen qeybaha kala duwan ee bulshada. Guddoomiyaha golaha shacabka ee BFS Mudane Maxamed Mursal Sheekh C/raxmaan ayaa guddiga ku bogaadiyay howsha ay wadaan. Guddoomiyaha ayaa guddiga faray in si deg deg ah loo xaliyo cabashada xujeyda Soomaaliyeed. ” kulankeena maanta waxa uu ahaa kulan muhiim ah, Xubnaha guddiga waxa kula dardaarmay iney si laba jibaaraan shaqooyinka ay hada hayaa, aad aya ugu qancay warbixinta ay ila wadaageen” ayuu yiri guddoomiyaha golaha shacabka. Kulanka waxaa goobjoog ka ahaa guddoomiye ku xigeenka labaad ee golaha shacabka Mudane Mahad Cabdalla Cawad iyo Habdhowraha golaha shacabka Mudane Maxamed C/llaahi Xasan (Nuux). Ugu dambeyn guddoomiye Maxamed Mursal iyo guddiga aya si qoto dheer kaga hadlay sharciyada ay diyaarinaya guddiga iyo la xisaabtanka wasaaradaha guddigaan ay shaqada kala dhaxeyso. Caasimada Online Xafiiska Muqdisho Caasimda@live.com

Madaxweynaha Dowladda Soomaaliyeed ee Puntland Dr. Cabdiweli Cali Gaas ayaa khudbad u jeediyey jaaliyadda Puntland ee ku dhaqan dalka Biljimka, kadib markii uu ka qaybgalay shirkii looga hadlaayey taageerada Soomaaliya ee ka dhacay xarunta Midowga Yurub ee Brussels. Khudbadda Madaxweynaha Puntland ayaa u badneyd xaaladda gobolka Sool iyo weerarka qaawan ee Somaliland ku soo qaadey. Madaxweynaha Dowladda Soomaaliyeed ee Puntland Cabdiweli Cali Gaas ayaa khudbadiisu ka duwaneyd khudbadihii horey looga bartey, waxaana uu si weyn u kala gurey oo u falanqeeyey beesha Isaaq ee degta Gobolada Waqooyi, isaga oo gaarey in uu ka hadlo arrimaha dhexdooda ah beeshaas iyo khilaafaadka u dhexeeya, inkasta oo khudbadda Madaxweynuhu aysan wadan wax cusub iyo macne weyn ama rajo siyaasadeed, oo ay u badneyd mid laga so minguuriyey fadhi-ku-diriryada Soomaalida, ayaa la dhihi karaa waxaa Madaxweynuhu hoosta ka xariiqey fashilkiisa siyaasadeed ee difaaca dalka iyo qorshaha hadda uga yaala weerarka qaawan ee Somaliland ku soo qaadey, marka la eego hadaladii uu jeediyey xiligii uu musharaxa ahaa oo uu dib uga jeediyey Brussels 2018. Dr. Cabdiweli Cali Gaas oo la doortey sanadkii 2014 ayaa ka duwanaa musharixiinta kale waxa uu horey u soo noqdey raysalwasaare xukuumadii kumeel-gaarka ahayd 2011-2012, kadib markii uu xilka wareejiyey waxa uu Puntland ku marey safar dheer oo u kuurgalay xaaladda Puntland oo markaas uu Madaxweyne ka ahaa Cabdiraxmaan Faroole. Dr. Cabdiweli Gaas waxa uu shir saxaafadeed ku qabtey magalada Gaalkacyo waxaana uu ka warbixiyey waxa shacabku u sheegay iyo talooyin uu soo jeediyey, waxaana kamid ahayd warbixintiisi: “….Waxay shacabku ii sheegeen in Gobolladii kumidoobay dhisitaanka Puntland 1998kii ay qaar kamid-ihi aysan gacanta ugu jirin maamulka, qaarkoodna ay samaysteen maamulo u gaar-ah. Waxay kala-furashaadaas Puntland sabab uga dhigayeen maamul xumo iyo aragti la’aanta hogaanka sare ee Puntland……” Dhegayso khudbadii Raysalwasaarihii hore Cabdiweli Cali Gaas Nofeembar 2012 https://www.caasimada.net/wp-content/uploads/2018/07/Shir-Saxaafaeedkii-Pf-Cabdiwali-Maxamed-Cali-Gaas-Horsed-.mp3 Sida ka muuqata codka Madaxweynaha Puntland uu duubay kadib kormeerkii uu Puntland ku kala bixiyey markii uu xilka raysalwasaaraha wareejiyey iyada oo ay Puntland ka taagneyd khilaafkii ka dhashey ururadii siyaasadeed iyo muddada xilka Madaxweynaha, ayuu dusha uga tuurey Cabdiraxmaan Faroole sababta kala fur-furashada Puntland in ay tahay “Maamul xumo iyo aragti la’aanta hogaanka sare ee Puntland” Khudbadii lagu doortey Cabdiweli Cali Gaas oo uu Barlamaanka hortiisa ka jeediyey wuxuu ka yiri dhulka ka amqan Puntland: “….Dhulka maqan waa nabar ku yaala qof walba oo Puntland ku nool, beeli beel kale kama qabsan ee maamul ayaa maamul ka qabsadey, dhulku beel gaar ah kama maqna, faataxo laguma qabsan, faatoxona ku soo laaban maayo, wixii siyaasad looga maarmi waayo siyaasad ayaan ku dayeynaa, wixii xoog u baahdana, waxaa lagama maarmaan ah in Puntland fuliso waajibaadkii loo igmadey ee dastuuriga ahaa, waxaa dadka Sool, Sanaag iyo Cayn lagu hoday, haykal dowladnimo, Puntland waxay ku fashilantey waajibaadkeedi dastuuriga ahaa ee difaaca dalka yo dadka….” https://www.caasimada.net/wp-content/uploads/2018/07/faataxo.mp3 Mar labaad ayaa Madaxweyne Cabdiweli oo markaas musharax ahaa soo celiyey in Sool lagu hodey magac dowladnimo, waxaana uu dhabarka u saarey Faroole fashilka siyaasadeed. Haddaba Madaxweynaha Puntland Dr. Cabdiweli Cali Gaas 2013 iyo 2014 waxa uu ogaa xaaladda dhabta ah ee gobolka Sool iyo midnimada Puntland halka ay taagan tahay waxaana uu baarlamaanka hortiisa ka sameeyey ballan qaad, isaga oo caddeeyey dadka reer Sool in lagu hoday haykal dowladnimo, haddaba shan sano kadib ballan qaadkiisi Somaliland waxay kaabiga ku soo qabatey caasimadda Puntland ee Garoowe iyada oo qorshaheedu yahay in xuduudkii isticmaarku kala sameystey ay gaarayaan. Habeenkii xalay caawa u ekaan badanaa. Khudbadii Madaxweynuhu ka jeediyey magaalada Brussels ee xarunta dalka Biljimka ayaa ahayd mid uu dib u soo celiyey giraanta. Wuxuu horey u yiri faataxo laguma qabsan, faatoxana laguma soo celin karo, laakiin markaan waxa uu u soo qaatey nin uu ku sheegay magiciisa Sh. Bashiir oo culimo isugu yeeray kana codsadey in ay qur’aanka kariimka ah dhalo (Quraarad) ku jebiyaan, habeenkii oo dhan ayey qur’aanka kariimka ah ku wadeen dhaladii yarayd ilaa ay jebin kari waayeen, laakiin Sh. Bashiir ayaa dhaladii ulyar ku dhuftey oo jebiyey, Madaxweynuhu waxa uu arrintaas u soo qaatey in ficil loo baahan yahay, waxaase la is weydiin sababta uu qur’aanka tusaale uga dhigto in aanu waxba qaba karin, horey faataxo ayey ahayd haddana waa ninka Bashiir la dhaho iyo dhaladii qur’aanku jabin waayey, haddii ninka Bashiir la yiraahdo rabbi ku hodey arrintaas, miyaanu Cabdiweli Gaas ogeyn in Allaah yiri qur’aankan haddii aan ku soo jediyo buur (Jabal) waxay la burburi lahayd cabsi allaah, dhalo iska dhaafe, laakiin qof iyo tusaalihiisu waa is leeyihiin. Madaxweyne Cabdiweli ayaa isaga oo soo celinaya khudbaddiisi doorashada mar kale yiri: “…..Magac Somaliland la yiraahdo ayaa magaalada Oog looga soo duuley oo Tukaraq lagu joogaa, dadka reer Sool iyo Cayn waxa isku haleeyeen Dowladnimada Puntland, marka in la is weydiiyo waxa laga helaayo dowladnimo iyo waxay ugu fadhido waa su’aal xaq ah oo maanta taagan……..” Haddaba su’aasha Madaxweynuhu is weydiiyey yaa mudan in uu ka jawaabo? isaga mise shacabka? shan sano kadib, haddii uu Faataxo iyo qur’aanba ka tegey muxuu xoog ku qabsadey? dhismihii ciidanka Puntland ee uu ballan qaadey xagee dhigay? ogoobeey yuu fashilka keenay in Somaliland Tukaraq qabsato maanta dusha u saareyaa?. “….Ninka reer Puntland waxa uu keenay naftiisi, waxa uu la yimid qorigiisi, rasaastiisi anagu aanan u gadin, intaas keliya maahee wuxuu wataa arigiisi iyo geeliisi , dadka difaacaya Puntland waa kuwii aan Puntland wax nafci ah ku haysan kuwaas oo maanta u soo baxay in ay Puntland difaacaan…..” Cabdiweli Cali Gaas 19.07.2018 Brussels Tani waxay caddeyn u tahay fashilka siyaasadeed ee Dr. Cabdiweli luqunta u suran laakin u haysto in uu xamaasad uga dhigo shacabka ka soo qaybgalay xafladdii lagu soo dhaweeyey. Ugu danbeyntii Madaxweynaha Puntland ayaa dhaliil u jeediyey jaaliyaddaha Puntland ee qurabaha, waxaana uu ka dalbadey dhaqaale in ay bixiyaan haddii kale aysan waxba weydiin karin. “….. Haddii aan idin niraahdo war orda oo naga taga oo idin dhegaysan mayno, miyaanan xaq u lahayn, maadaama aydinaan wax dhaqaale ah na siin, shilin managu sheegan kartaan?, ma naqaano in aad reerihiina u dirteen? marka waxaa la rabaa adeerayaal dalku iska xoroobi maayo, dhaqaale ayey u baahan tahay, anaguna dhaqaale ma hayno…..”. Hanjabaada Madaxweynhu u jeediyey jaaliyadaha ka qayb-galay shirka ayaa la is weydiinayaa in ay istaahilaan iyo in kale, maadaama abaabulka difaaca Puntland ay la wareegeen shacabkii iyo beelihii taas oo Madaxweynuhu qiray in aysan waxba siin oo taageerin ninka reer miyiga ah oo wata qorigiisi iyo rasaastiisi, haddaba miyaan la dhihi karin jaaliyaduhu waxay ka aamin baxeen Xukumadda Puntland ee maamushey Musuq-maasuqii u weynaa ee abid Puntland ka dhaca, horey uma dhicin in Puntland la siiyo $15milyan oo dollar oo wada socota oo ka timid shirkadda lagu wareejiyey Dekadda Boosaaso taas oo inta laga ogyahay ay tahay $3.5Milyan dollar oo keliya oo gashey Garoonka Gen. Maxamed Abshir iyo Waddada Ceeldaahir-Ceergaabo, lacagtaas oo aan lagu soo darin xisaab xirkii sanadkii 2017, isla markaana lagu shubey bangiyo gaar loo lee yahay. Khudbada Madaxweynaha iyo dhaliisha uu u jeediyey qurbajoogta ee in aysan ka qayb-qaadaan difaaca iyo xoreynta gobolka Sool ayaa u muuqata waxa loo yaqaan “The Shakedown” ee ay ku dhaqmaan Maafiyad oo ah “Bixi lacagta haddii kale……” Shacabka Puntland waxay u dulqaateen in muddo 11 bilood ah aan Puntland wax Mushahar ah laga bixin, waxay indhaha ka qarsadeen dhaqaalihii lagu bixiyey heshiiska dekadda Boosaaso in aan lagu bixin wixii shirkadda heshiiska lala galay ugu talo gashey ee ay ku dhacdey jeebab gaar ah, Shacabku way isku tashadeen in ay difaacaan sharaftooda, jiritaankooda, shacabku ma qaadan karo Gaas oo ku fashilmey hoggaamintii Puntland, difaaceedi iyo dhismihi cidanka in uu sheegto guushooda, waxaana la is weydiin gabadhii gaarida ahayd ee qurxooneyd guurkii u danbeeyey waxay ka dheeftey. W/Q: Hussein Farah Horseed Media

Thirty-five Ethiopian nationals have been charged with being in the country illegally. Source: Hiiraan Online

Residents of Hullugho in Garissa County along the border with Somalia have said that a poor communication network has made their lives difficult for many years now. Source: Hiiraan Online

Sanguuni (Caasimadda Online) – Warar faah faahsan ayaa kasoo baxaya khasaaraha ka dhashay dagaal culus oo markale ka dhacay deegaan katirsan Jubbada Hoose. Waxyar kadib markii la tuktay salaadda subax, waxaa ciidamo aad u hubeysan oo ka tirsan Maleeshiyada Xarakada Al-Shabaab ay weerar ku qaadeen saldhig ciidamada maamulka Jubbaland ku leeyihiin deegaanka Baarka duleedka magaalada Kismaayo. Ururka Al-Shabaab ayaa sheegtay in ay ku dileen 27 askari tiro kalana ku dhaawaceen ayna la wareegeen saldhig ay ciidamada dowlad ku lahaayeen deegaanka Baar Sanguuni. Afhayeenka ciidamada Xarakada Al Shabaab Sheekh Cabdi Caziiz Abuu Muscab ayaa u sheegay wakaalada wararka ee Reuters in ay ku dileen weerar ay ku qaadeen saldhigga ay ciidamada maamulka Jubbaland ku lahaayeen Baar Sanguuni ayna ku dileen 27 askari. “Waxaan ku weerarnay saldhigga weerar is qarxin ah kadibna weerar toos ah ayaan ku qaadnay.”ayuu yiri Afhayeenka dhinaca howlgalada Al-Shabaab. Weerarkan lagu qaaday saldhiga Bar Sanguni oo qiyaastii 51km u jira magaalada Kismaayo ayaa waxaa uu weerarkan yimid kadib bishii June markii weerar ay ku qaadeen ururka Alshabaab saldhigaas. Dadka deegaanka waxay sheegeen in ay maqlayeen qaraxyo is xigxigay iyo jugta madaafiic laysku weydaarsanayay xilligii uu socday dagaalka. Caasimada Online Xafiiska Muqdisho Caasimda@live.com

Lacagaha Bitcoin iyo Onecoin Bitcoin waxay ka mid tahay lacagha la yiraahdo lacagaha meereegaha lagu magdeysan (Cryptocurrency) oo dhawaanahaan ku siyaadiya aduunyadda loona isticmaalo in internetka wax looga iibsado. Bitcoin oo ugu caansan lacagahan waxaa soo saaray nin isku magacaabay Satoshi Nakamoto oo aan si dhab ah loo aqoon meesha uu kasoo jeedo dhalasho ahaan iyo wuxuu yahay. Bitcoin ayaa ah lacagta ugu socodka badan ee ka shaqaysa suuqa lacagaha magdeysan (cryptocurrency market). Waxaaa lagu qeexaa inay tahay lacag loo qaabeeyay hab elektronik ah oo loo adeegsado in qayb ka mid ah mareegaha internetka in looga dukaamaysto. Lacagtan maleh wax bangi ah ama dawlad oo masuuliyadeeda qaadaya, sida lacagaha caadiga oo mid walba ay dawladi ka danbeyso. Lacagtan ayaa waxaa markii ugu horeysay lagu shaaciyay mareegtan Bitcoin.org 2009. Lacagtan aan la ogeyn cidda soo saartay misna shirkaddo waa wayn ay ka mid tahay Microsoft aqbalayaan maxay tahay, waxaa shaki la’aan ah in lacagtan qayb ka mid ah dawladaha aduunka ee waawayn ay samaynteeda ka daneeyaan ama wax ka og qaabkay usheqayso kuwaas oo doonaya inay dhaqaalaha aduunka meeshay rabaan si fudud ug burburiyaan. Sababtoo ah hadday wax xog ah ka hayaan waxay ku dadaali lahaayeen in ka horyimaadaan oo la dagaalamaan balse dawladaha soo dhaweeyay lacagtan waxaa ka mid ah Madaxwaynaha Ruushka, sidoo kale Dawlada Maraykanka ayaa ka gaabsatay inay mamnuucdo balse u aqoonsaday sidii badeeco oo kale. Waxaan dib ujaleecis ku samaynaynaa siday uga falceliyeen dawladaha aduunka soo bixida lacagtan iyo aqbalaadeeda si aan muuqaal guud uga bixino heerka ay marayso aqbalaadeedda iyo socodkeeda. 7.March 2017 Banggiga Qaranka ee Jamhuuriyadda Kuruweeshiya (Croatian National Bank) wuxuu cadeeyay inaysan aqoonsanayn lacagtan maadaama aysan waafaqsanayn sharciga lacagaha wadanka sida onecoin. Sidoo kale dawladu waxay sheegtay shirkaddaha soo saara lacagahaas inaysan ka diiwangishnayn banggiga dhexe dalka sidaas darteed shaqooyinkooda aysan sharci ahayn khatar badana ay heersaarsan tahay (Croatian National Bank, 2017). 5.Dec 2017 Banggiga Dhexe ee Burtuqaal ayaa qoraal ka soo saaray lacagaha meeragaha lagu magdeeyay (Cryptocurrency) gaar ahaa OneCoin Network Limited, OneCoin Limited, and One Network Services Ltd iyo Onelife inaysan wadanka ka sharciyaysnayn sidoo kalena aan waxba lagu iibsan karin, deyn lagu bixin karin, banggina la dhigi karin wuxuuna muwaadiniintisa uga digay khatarta isticmaalka lacagahaas (Portugal’s Central Bank). Banggigu wuxuu faray dhammaan shirkaddaha maaliyadda oo ku lug leh inaysan wax xiriir la samayn karin shirkadda lacagaha meereegaha lagu magdeeyay (Reporterindia, 2017). 5.March 2018 wadanka Samoa oo ah Jasiirad u dhaw wadanka Australia ayaa diiday inay aqbasho lacagaha meeragaha lagu magdeeyay (cryptocurrency) ee OneCoin iyo Bitcoin wuxuuna banggigu sheegay inay shirkaddo dhawr ah oo dhiirigeliya maalgashiga lacagahan mareegaha lagu magdeeyay (cryptocurrency) ay la soo xiiriireen si loogu sharciyeeyo waxay ku fashilmeen inay soo bandhigaan xogtooda oo dhammaystiran si loo waafajiyo sharciga sidaas awgeed banggiga dhexe ee Samoa oo matalaya dawlada wuxuu diiday inuu ogalaansho siiyo shirkaddahan khataraha ay leeyihiin dartood (Central Bank of Samoa, 2018). 14, Feb 2017 Banggiga dhexe ee Yuganda (Bank of Uganda) wuxuu ku wargelinayaa dhammaan shacabka in lacagaha mareegaha lagu magdeeyay “ONE COIN DIGITAL MONEY” inaysan ka diiwaangishnayn banggiga wadanka iyo sharciga haga hayadaha maaliyada (Financial Institutions Act, 2004 ) ee wadanka sidaas awgeedna laga dheeraado maalgashiga lacagaha ay ka mid yihiin One-coin, Bitcoin, Ripple, Peercoin, Namecoin, Dogecoin, Litecoin, Bytecoin, Primecoin, Blackcoin iyo nooc walba oo ka mid ah lacagaha meergaha lagu magdeeyay maadama aysan jirin sharci ilaalinaya macaamisha iyo sharci lagu hago (Bank of Uganda, 2017). Banggiga kayda ee hindiya (The Reserve Bank of India) ayaa si rasmi ah ugu dhawaaqay in dalkiisa laga mamnuucay isticmaalka lacagaha mareegaha lagu magdeeyay ee sida Bitcoin. Dhamman banggiyada hoos yimaada Banggiga Keyda ee Hindia waxaa la farayaa inay xanibaad ku soo rogaan kala iibisga lacagahan iyo kala wareejintoodaba (Rapoza, 2018). Hay’ada maamusha suuqyada maaliyada ee wadanka Austria (Austria’s financial markets regulator) ayaa qoraal rasmi ah ay soo saartay ku diiday inay aqbasho lacagaha ay ka mid yihiin Onecoine iyo inaysan wax maacmilaad ah insyan la samayn karin banggiyada wadankeeda (Hughes, 2017). Wadamada kale ee qoraalo ay ku diidayaan soo saaray ayaa waxaa ka mid ah Hayada canshuur ururinta ee wadanka Maraykanka (US government tax collection agency), iyadoo sheegtay inaysan lacag u aqoonsanayn balse sida hantida iyo badeecado caadiga ah ay u canshuurayaan. Waxaa sido kale diiday Ingiiriska (UK’s Financial Conduct Authority (FCA), Belgium (, Belgium Financial Services and Markets Authority (FSMA), Hungari (Hungarian central bank), Fransa iyo Jarmal ayaa si gaar ah balan qaaday inay burburin doonaa shabakada ku lug leh lacagahaas. JP Morgan boss Jamie Dimon oo ah Maareeyaha guud ee banggiga JPMorgan Chase & Co oo fadhigiisu yahay Newyok –USA ayaa si adag udiiday isticmaalka lacagta Bitcoin wuxuuna u tilmaamay inay isticmaalan lacagaha noocan ah dadka daroogada, dilalka qorshaysan iy **********imada ku shaqo leh. Sababta uu udiidayna wuxuu ku sheegay labo qodob oo ah inaysan marka hore sharciga dalkiisa kasoo horeedo iyo inay khatarteedu badan yahay (theguardian, 2017). Culimada diiday oo fatwooyin kasoo saary inay tahay xaaran maalgashiga lacagtan waxaa ka mid ah Sheikh Shawki Allam oo ah muftiga ugu wayn ee dalka Masar (bbc, 2018). Wuxuu ku booriyay dadka muslimiinta ah inaysan udhawaan maalgashiga lacagtan. KHATARAHA AY LEEYHIIN MAALGASHIGA LACAGAHAN Isbadalka qiimaha lacagta: Qiimaha lacagta ayaa ah mid aan fadhiyin oo marwalba isbadali kara maadama aysan jirin banggi la socda isbadalka lacagtan, arrintaas oo kuu keeni karta in hal maalin qiima dhaca aad iyo aad u balaaran oo aan la filayn uu ku yimaado lacagta sidaasna aad ku waydo maalgashigaagii oo dhan. Sida uu sheegay suuqa lacagaha meerregaha (coinmarketcap) 24 saac gudahood qiima dhaca ku yimi lacagaha marregaha looga ganacsado sida ethereum iyo ripple waxaa ku lumay lacag dhan $67.7 bilyan. Tusaale 19 Disembar 2017 qiimaha hal bitcoin wuxuu ahaa $ 18, 936 waxaa ku yimi hoos udhacay 26%, xiligaas qofkii haystay hal bitcoin ($18,936) wuxuu lumiyay $ 4,923. Markale Jan.2018 Bitcoin waxay lumisay 10% oo sababay inay lacago badan lumiyaan dad badan oo ku xirnaa. Hal beeg la’aan: Lacagaha meeregaha wax looga iibsado ma lahan halbeeg sax ah oo lagu barbar dhigo lacagaha ama badeecadaha kale sida dahabka taas oo sahalaysa in markasta lacagta ay ku timaado isbadal aan salahayn lacago badan aad ku waayi karto karo lacagtaas. Burcada jabsata mareegaha oo si sahlan kula wareegi kara lacagaha elektarooniga ah. 19.12.2017 saylada isu badalka lacagaha meeragaha (cryptocurrency exchange) ee Koonfurta Kuuriya ayaa ugud bisay dawlada inay kacday(bankruptcy) kadib markii labo jeer la jabsaday xisaabgashiyadooda bitcoins (akoonadooda bitcoin) sidaasna ay ku waayee lacag kor udhaafaysa $70m. Burburka iyo aasaasida lacagahan oo sahlan: Isticmaalka iyo socodsiinta lacagaha noocan ah waxay ku xiran tahay inta badan shirkaddaha waawayn inay aqbalaan isticmaal lacagtan oo kaliya hadday bari diidaana lacagtii loo heli maayo meel lagu socodsiiyo sababtoo ah markii horeba ma lahayn dawlad ama banggi ilaalinayay socodsiinta iyo hubinta tayada lacagahan. Sidoo kale, waxaa fudud in lacag magac cusub maleh markasta la samayn karo maadama aysan ubaahnayn shuruuc hagta iyo maalgelin xoog leh, kaliya waxay ubaahan tahay khuburo yaqaana sida lacagahan loo sameeyo, waxayna ku burburi kartaad khilaaf soo kala dhexgala shiraddaha waxay sababi kartaa in lacagtii la isticmaalayay ay suuqa ka baxdo mid cusubna la sameeyo. Tusaale khilaaf soo kala dhexgalay aasaasayaashi bitcoin ayaa waxay sababtay in mid ka mid ah oo la yiraahdo Emil Oldenburg, inuu ka baxo shirkaddii uuna samaysto lacag cusub oo hadda ushaqaysa sida tii hore oo kale oo loogu magac daray Bitcoin Cash (BCH) isla markaasna uu ku xayaysiiyo hal kudhaga ah “iska iibi tii hore oo maalgisho midan cusub”. Arrintaas waxay cadayn u tahay in si fudud loo burburin karo lacagaha noocan ah maadama aysan jirin shuruuc iyo nidaam maaliyadeed oo hagaya iyo dawlad damaanad qaadaysa masuuliyadaha lacagahan. Markaan soo gunaanadno waxaa soo hoga tuusalaynay dhibaatooyinka ay shirkaddo iyo shakhsiyaad badan ugaysateen lacagahan oo ay ku lumay lacago malaayiin doolar oo ilaa hadda aan la garanyn meesha ay mareen waxaana ka mida ah Mt. Gox oo ahayd xarunta ugu wayn ee lagu kala badasho lacagaha Bitcoin oo fadhigeedu ahaa magaaladda Shibuya ee Japaan. shirkaddan ayaa sheegtay February 2014, in laga xaday lacagtii ay maamulaysay oo gaaraya 850,000 bitcoins oo dhigantay markaas $450 million oo ay lahaayeen macaamiisheeda sidaas darteed ay joojisay shaqadii halkaasna ay shirkaddii ku kacday, ilaa hadda wali lama hayo meel lagu sheego lacagahaas oo dhan, iyadoo ay arrimahaas jiran ayaa wali dad badan waa kasii ganacsanayaan iyadoo digniino badan ay ka soo baxayaan dawladaha aduunka. Gayiga Soomaalida ayaa dhawaanahan waxaa kusoo badanaya dad Soomaaliyeed oo dhiirigelinaya in la maalgishto iyadoo dawlado badan ay muwaadiniintooda uga digayaaan in lagu khaldo maalgashiga lacagahaas. Habka ugu caansan ee lacag looga helo lacagahan ayaa ah in qofkii maalgishtay uu soo xero geliyo qof kale si uu maalgashi ugu samaysto lacagtan, halkaasna qofkii keenay qofkan uu lacag kaga helo shirkaddaha lacagahan leh. Sidoo kale, iibka saamiga lacagahan ayaa waxaa kor uqaaday dalabka tirade badan iyo dadka raadinaya inay maalgishtan kadib markii ay shirkaddaha lacagan leh ay sameeyeen xayaysiisyo tiro badan oo dadka ay ku dhiirigelinayaan lacagahan inay laga faa’iidaysto. Waxaa dhici kara dad yar oo ka faa’iiday maalgashiga lacagahan balse ma’ahan wax loo barreeri karo oo u qalanta in la maalgishto..Waxaan uga digaynaa muwaadiniinta Soomaaliyeed inay maalgishtaan lacagtan cusub aan haybta lahayn. Qore: Sharmarke Abdullahi Ali Aggasimaha Machadka Horumarinta Ganacsiga ee Capital Care Bosoaaso, Soomaaliya Tixraac Bank of Uganda. (2017, February 14). Retrieved from Bank of Uganda: https://www.bou.or.ug/bou/media/statements/One-Coin-Digital-Money-operations-in-Uganda.html. bbc. (2018, January 2 ). Retrieved from https://www.bbc.com/news/world-middle-east-42541270 Central Bank of Samoa. (2018, 08 21). Retrieved from Central Bank of Samoa: https://www.cbs.gov.ws/index.php/media/latest-news/central-bank-of-samoa-issues-warning-on-onecoin-cryptocurrency-/ Croatian National Bank. (2017, 3 7). Retrieved from Croatian National Bank: https://www.hnb.hr/en/-/proizvod-pod-nazivom-onecoin-nosi-mnoge-rizike Hughes, H. (2017, July 12). smnweekly. Retrieved from smnweekly: https://smnweekly.com/2017/07/12/austrias-fma-warns-against-onecoin/ Rapoza, K. (2018, Apr 5). Retrieved from https://www.forbes.com/sites/kenrapoza/2018/04/05/good-luck-buying-bitcoin-in-india-as-central-banker-bans/#105785a82996 Reporterindia. (2017, 12 5). Portugal’s central bank. Retrieved from Portugal’s central bank: https://reporterindia.com/portugals-central-bank-issues-warning-against-onecoin/ theguardian. ( 2017, Sep 13). Retrieved from theguardian: https://www.theguardian.com/technology/2017/sep/13/bitcoin-fraud-jp-morgan-cryptocurrency-drug-dealers PUNTLAND POST The post Xaqiiqada dhabta ah ee lacagaha Bitcoin iyo Onecoin appeared first on Puntland Post.

Kismaayo (Caasimada Online)- Warar dheeraad ah ayaa waxa uu kasoo baxayaa weerar ku bilowday Qaraxyo iyo dagaal toosa oo degaanka Baar Sanguuni ku dhexmaray ciidamada dowlada iyo maleeshiyaadka Alshabaab. Maleeshiyada ayaa weerarka ku qaaday Saldhiga weyn ee ciidamada dowlada ay ku leeyihiin deegaanka Baar Sanguuni oo dhaca duleedka magaalada Kismaayo. Weerarka oo ahaa mid xoogan ayaa waxaa ka dhashay khasaaro kala duwan oo soo gaaray labada dhinac. Weerarka ayaa waxaa shabaab looga dilay ku dhawaad Shan iyo tobon maleeshiyo, halka ciidamada dowlada looga dilay 27 askari sida ay sheegen Shabaab. Korneel Mukhtaar C. Maxamed oo kamid ah Saraakiisha ciidamada Jubbaland ayaa sheegay in Saldhiga Baar Sanguuni ay la wareegen ciidamada dowlada iyo maamulka Jubbaland. Mukhtaar waxa uu intaa ku daray in ciidamada ay ku sugan yihiin dhamaan deeganka isla markaana ay halkaasi isaga baxeen maleeshiyaadka Alshabaab. Waxa uu sheegay in ay iska difaaceen dagaalyahanadii Al-Shabaab ee Weerarka kusoo qaaday, islamarkaana hadda ay ku sugan yihiin Ciidamada dowladda.

Muqdisho-(Caasimadda online)-Wakiilka Gaarka ah ee Xoghayaha-Guud ee Qaramada Midoobey u qaabilsan Soomaaliya Danjire Michael Keating oo maanta Warbaahinta kula hadlay Magaalada Muqdisho ayaa ka hadlay Arrimo badan oo ku saabsan Xaaladda Soomaaliya. Waxaa uu sheegay in Soomaaliya ay ku socota Waddo wanaagsan,islamarkaana loo baahan yahay in laga taageero sidii loo dhisi lahaa kaabayaasha dhaqaallaha ee Soomaaliya. Keating ayaa tilmaamay in dadka Soomaaliyeed ay leeyihiin kaalin walba oo Soomaaliya ay ku gaari karto isku filnaan. Danjire Keating ayaa tilmaamay in maanta la jooggo xilli ay isku filaan laheyd Soomaaliya, loona baahan yahay in aysan cidna wax ka sugin. Wakiilka ayaa hadalkaan ka jeediyay Madal ay soo qaban qaabiyeen Ururka Suxufiyiinta Qaranka ee NUSOJ, loogana hadlayey sida warfaafinta uga qeyb-qaadan karto baahinta dowladda wanaagga. Michael Keating ayaa aad u ammaanay qodobka 18aad ee dastuurka KMG ah oo ka hadalaya Xorriyadda Ra’yiga iyo Afkaarta, qodobkaas oo ka hadlaya. Xorriyatul qoolka waxaa ka mid, xorriyadda hadalka, saxaafadda iyo wax walba oo soo gelaya warbaahinta elektaroonikada iyo internet-ka. Qof kastaa wuxuu xaq u leeyahay in uu muujiyo hal’abuurkiisa faneed. xorriyaddiisa aqooneed iyo xorriyadda cilmi-baarista. Qof kastaa wuxuu xaq u leeyahay in uu yeesho, soo bandhigo ra’yigiisa iyo in uu doono, inuu helo oo gudbiyo ra’yigiisa, xog ama afkaar si kastaba. “Soomaaliya waxaan leeyahay cidna wax ha ku sugin waxa ay rabtaba ahaatee sidda, amni, dhaqaale iyo wax kalaba Mustaqbalka Soomaaliya Waxaa uu Ku Jiraa Gacanta Soomaalida” ayuu yiri Micheal Keating. Dhinaca kale, dadkii goobta ka hadlay waxaa ka mid ahaa Cabdiraxmaan Diinaari oo ah weriye hore iyo safiir isaga oo yiri” Waa Laga Soo Gudbay xiliyadii la dili jiray weriyeyaasha, UNkana waa inay dhaqaale ahaan taageeraan, oo weliba tababr siiyaan”. Caasimada Online Xafiiska Muqdisho Caasimada@live.com

Muqdisho (Caasimada Online)-War goordhow nasoo gaaray ayaa sheegaya in wadaadka kasoo goostay Al-Shabaab Mukhtaar Roobow (Abuu Mansuur) uu dib u celiyay gaadiid ay laheyd Dowlada Somalia. Gaadiidka oo ahaa hanta Qaran isla markaana aanu xabada Karin ayaa waxa uu dib ugu celshay gacanta dowlada Somalia, kadib markii uu helay gaadiid kale oo tayo leh. Illo ku dhow dhow Mukhtaar Roobow ayaa inoo xaqiijiyay in wadaadka hadiyad ahaan ay dowlada Mareykanka u siisay ilaa seddex gaari oo aanu xabada karin kuwaa uu ku dhex isticmaali doono gudaha magaalada Muqdisho iyo magaalada Baydhabo. Gaadiidkan oo shabaha kuwa dowlada Somalia ayaa la sheegayaa in tayo ahaan ay aad uga wanaagsan yihiin, kuwaa oo aan kareynin xitaa hubka aadka u culus. Gaadiidka uu horay u isticmaalayay Roobow ayaa ahaa hanta Qaran, waxa uuna si KMG ah usii isticmaalayay inta uu ka helaayay kuwa iminka lagu wareejiyay. Roobow ayaa bilihii ugu danbeysay si dhow ula shaqeynaayay dowlada Mareykanka, waxaana xusid mudan inay kuwada kulmaan wadamada Kenya iyo Jabouti. Dhinaca kale, dowlada Somalia ayaa aad u garabtaagan wadaadka Mukhtaar Roobow oo magaalada Xudur uga soo cararay Shabaab. Caasimada Online Xafiiska Muqdisho Caasimada@live.com

Muqdisho (Caasimada Online)-Madaxweynaha Soomaaliya Maxamed Cabdullaahi Farmaajo ayaa ugu baaqay shacabka Soomaaliyeed inay kala shaqeeyaan sidii loo xallin lahaa dhibaatooyinka amni ee dalka ka jira. Madaxweynaha oo ka hadlay kulan ka dhacay Xarunta Madaxtooyada Somalia ayaa sheegay in caqabadaha horyaalla waddankan ay ka mid yihiin kuwa amniga taasina ay tahay mid ku xiran shacabka Soomaaliyeed. Madaxweynaha ayaa sheegay in marka la eego itaal darrada dawladda iyo caqabadaha taagan dartood ay aad u adag tahay in dowladu ay qabato wax waliba, hase yeeshee waxa uu qiray in amniga sugitakiisa uu yahay mid ku xiran shacabka. Waxa uu sheegay Madaxweynaha in shacabka ay yihiin kuwo muhiim u ah amniga,isla markaana laga doonayo in ay ciidamada kusoo wargeliyaan hadii ay arkaan dad ama waxyaabo lidi ku ah amniga. Shacabka Muqdisho qaarkood ayaa waxa ay sheegen in ay aad u soo dhaweynayaan wadooyinka loo furey,waxana xusid mudan in shalay ilaa Maanta dadka Muqdisho iyo Gaadiidka intaba ay si caadi ah u isticmaalayaan Wadooyinkii markii hore ka xirnaa. Sidoo kale, Madaxweynaha Soomaaliya ayaa ballanqaaday inuu soo celiyo sharaftii uammada Soomaaliyeed si shucuubta kale ee adduunka ay ugu soo dhiiradan Somalia. Dhinaca kale, Madaxweynaha ayaa ugu baaqay Al-Shabab inay joojiyaan dagaallada oo ay kusoo biiraan walaalahooda Soomaaliyeed. Waxa uu uga digay inaysan ka horiman karin rabitaanka 12 milyan oo shacabka Soomaaliyeed ah, sida uu hadalka u dhigay. Caasimada Online Xafiiska Muqdisho Caasimada@live.com

Kismaayo (PP) ─ Kooxda Al-shabaab ayaa saakay weerar isugu jiray Qarax iyo mid toos ah ku qaaday saldhig ay ciidanka dowladda Federaalka Somalia ku leeyihiin deegaanka Baar-sanguuni oo qiyaastii 50-km dhinaca waqooyi kaga beegan Magaalada Kismaayo ee xarunta maamulka Jubbaland. Weerarkan oo ahaa mid culus ayaa ku billowday qarax ismiidaamin ah, iyadoo uu xigay weerar toos ah oo dhexmaray ciidamada dowladda Somalia iyo xoogaggii weerarka soo qaaday ee Al-shabaab. Afhayeenka Al-shabaab oo ka hadlay weerarkan ayaa sheegay inay ku dileen 27 askari oo ka tirsan ciidamada dowladda Somalia, balse weli ma jiro hadal ka soo baxay dhanka dowladda federaalka Somalia iyo maamulka Jubbaland oo ku aaddan khasaaraha ka dhashay dagaalkan oo qaatay muddo saacado ah. “Xoogaggeenna weerarka qaaday waxaa u suuro-gashay inay goobta ku dilaan 27-askari, ayna la wareegaan saldhigga. Waxaana jira ciidammo aad u tiro yar oo ka cararay goobta,” ayuu yiri Sheekh C/casiis Abu-Muscab oo ah afhayeenka hawlgallada ee kooxda Al-shabaab. Sidoo kale, Sarkaal lagu magacaabo Maxamuud Aadan oo u hadlay Dowladda Somalia ayaa sheegay in weerarkaas uu jiro ayna ciidamadu iska caabiyeen weerarka Al-shabaab oo uu ugu yeeray koox argagaxiso ah. “Way jirtaa in ciidamada dowladda Somalia ee saldhigga ku leh deegaanka Baar-sanguuni ay Al-shabaab weerartay saakay aroortii hore, balse waa la iska difaacay, innagu ma bixin karno faahfaahin dheeraad ah,” ayuu yiri Maj. Maxamuud Aadan oo warbaahinta la hadlay. Goobjoogayaal ku sugan Jamaame oo 20-km u jira deegaanka uu weerarku ka dhacay ayaa u sheegay warbaahinta inay maqlayeen dhawaqa hubka ay dhinacyadu isku adeegsanayeen. “Jug culus ayaan maqalnay, kaddibna waxaa xigay rasaas xoog badan oo aan ku qiyaasi karo inay socotay in ka badan saacad,” ayuu Reuters u sheegay goobjooge ku sugan Jamaame oo magaciisa ku sheegay Cusmaan C/llaahi. Ugu dambeyn, deegaanka uu weerarku ka dhacay ayaa waxaa dagaal uu ku dhexmarya bishii Juun ee sannadkan ciidammo Soomaali iyo Mareykan ah, dagaalkaasoo lagu dilay askari Mareykan ah iyo laba Soomaai ah, toddoba kalena lagu dhaawacay. PUNTLAND POST The post Al-shabaab oo Guul ka Sheegatay Weerar ay ku qaaday saldhig ku yaalla Baar-Sanguuni appeared first on Puntland Post.

Kismaayo (Caasimada Online)-Warar dheeraad ah ayaa waxa uu kasoo baxayaa weerar Qaraxyo ku bilowday oo maleeshiyada Al-Shabaab ay ku qaaden Saldhig ay ciidamada dowlada iyo kuwa maamulka Jubbaland ku leeyihiin degaanka Baar-sanguuni oo ku yaalla duleedka magaalada Kismaayo. Weerarka oo ahaa mid gaadmo ah ayaa waxaa lasoo sheegayaa in ciidamada dowlada iyo kuwa maamulka ay iska difaacen, waxaana halkaa ka dhashay khasaaro dhimasho iyo dhaawacba leh. Saraakiil ka tirsan ciidamada dowlada oo ku sugan deegaanka Baar-sanguuni oo goordhow la hadlay warbaahinta ayaa sheegay in weerarka ay Al-Shabaab uga dileen maleeshiyaad kabadan Toban kuwaa oo ay ku jireen Horjoogayaal. Saraakiisha ayaa sheegay in hal meel ay iminka isugu geeyen meydadka Horjoogayaasha iyo dagaalamayaasha Shabaab si loogu soo bandhigo dadka shacabka ah. Waxa ay sheegen in inta lagu guda jiray dagaalka tooska ah ay maleeshiyada ka furteen Hubkii ay kusoo qaaden duulaanka oo u badnaa qoryaha loo yaqaan AK47. Maleeshiyada Al-Shabaab ayaa dhankeeda ka sheegtay in weerarka ay ku dileen Taliyayaal ciidan iyo Ciidamo hubeysnaa oo ku guda jiray xiliga hurdada. Waxa ay maleeshiyada sheegtay in ciidamada dowlada ay weerarka uga dishay 27 askari oo ay ku jiraan taliye xigeeno xiligaasi ku sugnaa xerada. Inta uu dagaalka socday ayey sheegen inay gubeen ku dhawaad Sideed gaari oo ay ku jiraan kuwa dagaalka, halka sidoo kale ay kaxeysteen gaadiid kale, sida ay ku baahiyeen cod ay maleeshiyada soo dhigtay baraha. Sidoo kale waxa ay maleeshiyada sheegtay inay la wareegeen sahnad ay lahaayeen ciidamada dowlada kuwaasi oo ay kusii qaaten gaadiid dagaal. Dhinaca kale, maleeshiyada Al-Shabaab ayaa inta badan waxa ay weerarada qaadaan aroortii hore, xerada Baar-sanguuni bishii June ee sanadkan ayaa weerar Shabaab ay ku qaadeen waxa ay ku dileen askari Mareykan ahaa.