Muqdisho (Caasimada Online)-War goordhow nasoo gaaray ayaa sheegaya in ciidamada Howlgalka nabad ilaalinta Midowga Afrika ee AMISOM ay bilaaben in agabkooda ka gurtaan Stadium Muqdisho. Ciidamada ayaa lasoo sheegayaa in goordhow ay bilaaben inay burburiyaan qeybo kamid ah dhismooyinka ay ka dhex sameysteen gudaha Garoonka kubadda ee Stadium Muqdisho. Dadka deegaanka ayaa soo sheegaya inay arkayeen ciidamo aad u hubeysan oo alaabo culus ka raraaya Garoonka Stadium Muqdisho kuwaasi oo u ruqaansaday dhanka xalane. Qoraal uu bartiisa Twitter-ka kusoo daabacay Amb, Francisco Madeira oo ah ergeyga gaarka ah ee Midowga Afrika u qaabilsan Somalia ayaa waxaa lagu sheegay in ergayga uu aad usoo dhaweynaayo go’aanka ciidamada looga daadgureynaayo Garoonka Stadium Muqdisho. Amb, Francisco Madeira, waxa uu sheegay inuu aad u ammaanayo qorshaha lagu banneynayo Garoonka, isagoo sheegay inay ku faraxsan yihiin in uu dib ugu laabto Gacanta Soomaaliyeed. Sidoo kale, Ciidanka nabad ilaalinta Midowga Afrika ee AMISOM ayaa Garoonka degnaa inkabadan 10 sano oo saldhig u aheyd. Si kastaba ha ahatee, talaabadan ayaa kusoo beegmeysa xili uu dhawaan Ra’isul wasaaraha dalka amar ku bixiyay in si degdeg ah ciidamada AMISOM looga saaro Stadium Muqdisho. Caasimada Online Xafiiska Muqdisho Caasimada@live.com

Muqdisho (Caasimadda Online) – Madaxweyne ku xigeenka M/Gobolleedka Puntland ayaa in muddo ah ku sugnaa magaalada Muqdisho. Sida ay xogo hoose ku warramayaa Camey waxa uu magaalada ugu yimi oo ku og Raisul Wasaare Kheyre oo ay si gaar ah isugu soo arkeen Garowe markii uu booqday Puntland. Sida ay ilo xog ogaal ah ugu warrameen Caasimadda Online, madaxweyne Ku Xigeenka Puntland Cabdixakiim Cabdullahi Xaaji Cumar Camey waxa uu qorsheynayaa in uu dhawaan ku dhawaaqo in uu yahay musharax u taagan xilka madaxweyne ee Puntland. MUXUU SALKA KU HAYAA JOOGISTIISA MUQDISHO? Ilo Wareedyada u warramaya Caasimadda Online ayaa sheegay in Camey uu taageero ka raadinayo dowladda Federal-ka ay isaga oo ka dalbanaya in ay doorashada ku gacan siiyaan. Wali ma cadda in Camey taageero ka heli doono dowladda balse waxyaabaha ay isla soo qaadeen RW Xassan Cali Kheyre ayaa la sheegeyaa in ay qeyb ka tahay DHAQAALE XOOG LEH in la siiyo oo uu ku galo doorashada. Caasimada Online Xafiiska Muqdisho Caasimada@live.com

MOGADISHU, Somalia (Caasimada Online) — A delegation led by Somalia’s president Mohamed Abdullahi Farmajo has arrived in Djibouti on Thursday to mend ties between Mogadishu and Djibouti. President Farmajo and his delegates were warmly welcomed by Djibouti officials at the airport. Mr. Farmajo is set to meet with his Djiboutian President, Osmail Omar Gelle. Both leaders will discuss further strengthening bilateral ties between two countries, according to Presidential Palace. “Somalia and Djibout share strong brotherly bonds”, a senior official at Presidential Palace said Last month, Djibouti has formally responded to a recent call by Somalia that United Nations Security Council (UNSC) sanctions on Eritrea be lifted. According to Djibouti it was ‘deeply shocked’ by that position. Somali president Mohamed Abdullahi Mohamed on a three-day official visit to Asmara said the sanctions imposed since 2009 had to be lifted given the current political and diplomatic developments in the Horn of Africa region. Caasimada Online Mogadishu News Desk Caasimada@live.com

Kismaayo(Caasimadda Online) – Saraakiisha ciidanka xoogga dalka ee Jubbaland ayaa sheegay in khilaafka siyaasadeed ee dowladda dhexe iyo maamulka Jubbaland uusan saameyn ku yeelan doonin howlahooda shaqo. Sii hayaha xerada 43-aad ee ciidanka xoogga dalka Korneel Maxamed Buulle Ibraahim ayaa ciidanka xoogga dalka u taagan yihiin sidii shacabka Soomaaliyeed uga difaaci lahaayeen cadowga, dalka oo dhanna u siman yahay. Korneel Buulle ayaa sheegay in sidoo kale ay ka madaxbannaan yihiin siyaasadda isdiiddan ee dowladda dhexe iyo Jubbaland, shaqadooduna ay tahay difaaca dalka iyo dadka. “Khilaafka dowladda federaalka iyo Jubbaland ma saameeneyso shaqadeenna, annaga waxaan u joognaa inaan dalka iyo dadka ka difaacno cadowga, waxaan nahay ciidan qaran ma nihin kuwo gobol ama beel” ayuu yiri Buulle. Waxaa jira khilaaf soo kala dhexgalay maamulka Jubbaland iyo dowladda federaalka Soomaaliya, iyadoo Jubbaland ay sheegeyso in DFS ay farogelin ku hayso maamulkaasi. Caasimada Online Xafiiska Kismaayo Caasimada@live.com

Muqdisho (caasmadda Online) – 07/08/2018 ayaa la soo gaba-gabeeyay Maxkamadeynta Cabdiraxmaan Cumar Cismaan (Yariisow) oo loo heysto dilka Allah u naxariiste Marxuum Xasan Abshir Warsame oo ka dhacay magaalada Beladweyn 07/02/2018. Wixii xilligaas ka dambeeyay ayuu Yariisow isaga soo baxsaday halka uu dilka ka geystay ee aheyd degmada Beledweyn ee xarunta gobalka Hiiraan, isagoo soo gaaray magaalada Muqdisho. 07/07/2018 ayuu isku dayay in u iska diiwaan geliyo dugsiga tababarka Boliiska ee Jeneraal Kaahiye xilligaasi uu ku dadaalayay badalka magiciisa iyo ku biiristiisa balse ciidamada boliiska oo haayay xogta Yariisow ayaa gacanta ku soo dhigay iyagoo ku wareejiyay xafiiska xeer ilaalinta Ciidamada Qalabka Sida. Cabdiraxmaan Cumar Cismaan (Yariisow) ayaa ka tirsanaa Ciidamada Xoogga dalka gaar ahaan qeybta 27-aad ee ka howlgasha deeganada maamulka Hirshabelle. Gaashaanle Dhexe Xasan Cabdiraxmaan Aadan Wabiyow oo kamid ah Garsoorayasha Maxkamadda Darajada koowaad ee Ciidamada Qalabka Sida ayaa u sheegay Garsoor in Cabdiraxmaan Cumar Cismaan (Yariisow) go’aankiisa loo tiiriyay Qiraalkiisa oo ahaa in ay kaga fakatay xabad Marxuumka , Markaatiyaal goob joog u ahaa dilka weliba cadeeyay in uusan wax gar-gaar ah u fidin kadib dilka balse uu baxsaday iyo doodii qareenada ee aheyd in loo naxariisto loona fududeeyo ciqaabta maadaama uu qirsan-yahay, waxa ayna Garsoorayaasha gaareen in Ex Dable Cabdiraxmaan Cumar Cismaan Yariisow uu yahay dambiile galay dambiga lagu soo oogay, Sidaasna loogu xukumay dil toogasha ah Garsooraha Maxkamadda ayaa Cabdiraxmaan Cumar Cismaan (Yariisow) u furay inuu racfaan ka qaato xukunka Maxkaadda Darajada koowaad haddii uusan ku qanacsaneyn. Caasimada Online Xafiiska Muqdisho Caasimada@live.com

The African Union (AU) peacekeeping mission and Somali forces today began a military operation in the northern region of Lower Shabelle to expel the terrorists from al-Shabab. Source: Hiiraan Online

Madaxweynaha Soomaaliya Maxamed Cabdullaahi Farmaajo ayaa sameeyay ‘dib u habeyn’ hay’adaha amniga dowladda, waxaana ka muuqda waxyaabo badan oo cusub. Doorka Haweenka Madaxweyne Farmaajo ayaa dumar u magacaabay xilal ay ragga inta badan qaban jireen, waxaana ka mid ah agaasimaha guud ee madaxtooyada oo loo magacaabay Dr Aamina Siciid Cali, waxay gabadhan horey u ahayad agaasime ku xigeenka. Waxaa sidoo kale taliye ku xigeenka booliiska Soomaaliya markii koowaad taariikhda loo magacaabay haweenay, waana Gaashaanle Sare Zakiya Xuseen Axmed oo horay u ahayd sarkaalad sare oo ka tirsan booliiska. Gabadhan oo qurbaha ka timid, halkaasna wax kusoo baratay ayaa soo shaaxbacday sanado ka hor, iyada oo sanadkii hore loo magacaabay agaasimaha waaxda amniga iyo dariseynta. Taliyeyaasha Ciidanka Inkasta oo aysan Soomaaliya lahayn maraakiib iyo gaadiidka badda oo ciidamada ah, haddane waxa uu madaxweynaha magacaabay taliyaha ciidamadda badda, xilkaas oo loo magacaabay Gaashaanle Sare Xasan Nuur Col-u-joog. Ma ahan nin wax badan laga yaqaano, gaar ahaan warbaahinta, haddane hawsha loo dhiibay waa mid aad u culus marka laga hadlayo hawsha u taala ee ah dib u asaasidda ciidamadii badda ee Soomaaliya. Badda Soomaaliya waxaa hadda jooga ciidamo tiro badan oo ka kala socda dalal kala duwan, waxayna sheegaan in ay badweynta ka illaalinayaan kooxaha burcad badeeda iyo dadka dambiyada geysta. Dhanka kale, madaxweyne Farmaajo waxa uu magacaabay taliyaha xoogga dalka Sareeye Gaas Daahir Aadan Cilmi (Indhe Qarshe). Waxaa xusid muddan in taliyahan uu horey xilkan usoo qabtay. Waa wax iska caadi ah in taliyeyaasha dib loogu celiyo xil horey looga qaaday marka la eego taariikhda dhow ee magacaabista taliyeyaasha qeybaha kala duwan ee ciidamada. Dhalinyarada Markii koowaad waxa uu madaxweyne Maxamed Cabdullaahi Farmaajo abaanduulaha ciidamada xoogga dalka u magacaabay nin dhalinyaro ah oo lagu magacaabo Odawaa Yuusuf Raage oo horey u ahaa Gaashaanle Dhexe, balse loo dalacsiiyay Sareeye Guuto. Inkasta oo warsaxaafadeedka madaxweynaha aanan lagu sheegin, waxaa xilkan horey u hayay oo laga qaaday Jeneral Cabdullaahi Cali Caanood, kaas oo uu magacaabay Farmaajo markii la doortay kadib sanadkii hore. Lama oga halka loo bedelay Caanood. Dhalinyarada magacaabista soo galay waxaa kale oo ka mid ah Gaashaanle Sare Zakiya Xuseen Axmed oo loo magacaabay taliye xigeenka booliiska Soomaaliyeed sida aan kor kusoo sheegnay. Inkasta oo uu Odawaa iyo Zakiya yihiin labada qof ee ugu darajada sareeya ee dhalinyaro ah ee ciidanka xil ka qabta, haddane waxaa jira taliyeyaal badan oo dhalinyaro ah oo madax ka ah inta badan hoggaanada dhawr iyo tobonka ah ee ciidanka xoogga dalka uu u qaabaysanyahay. Xil ka qaadis Warqadda madaxweynaha kaliya ma ahayn magacaabis, ee sidoo kale waxaa ku jirtay labo xil ka qaadis. Inkasta oo ay horey suuqa ugu jirtay, haddane waxa waraaqda madaxweyne Farmaajo xilka looga qaaday agaasime ku xigeenkii hay’adda nabad suggida iyo sirdoonka qaranka ee NISA, Sareeye Guuto Cabdalla Maxamed Cabdalla. Cabdalle muddo dheer ayuu xilkan hayay, waxaana intii uu joogay xilka agaasimenimada isku badalay taliyeyaal dhawr ah, oo labo jeer oo ka mid ah uu ku xigeen u noqday Cabdullaahi Sanbaloolshe. Waxaa xilkan buuxiyay Fahad Yaasiin oo ahaa agaasimihii madaxtooyada Soomaaliya, kana mid ah shaqsiyaadka ugu saamaynta Soomaaliya. Waxaa kale oo uu madaxweynaha xilka ka qaaday Gaashaanle Sare Cabdulqaadir Maxamed Nuur oo ahaa taliye ku xigeenka NISA. Cabdiqaadir waxa uu horey u ahaan jiray xoghayaha koowaad ee safaaradda Soomaaliya ay ku leedahay Turkiga, xilka hadda laga qaadayna waa uu ku cusbaa. Lama sheegin sababta rasmiga ah ee taliyeyaashan xilalka looga qaaday. BBC SOMALIA

Garoowe (Caasimadda Online) – Golaha wakiillada (Baarlamaanka) maamul goboleedka Puntland ayaa fadhi uu yeeshay 14kii Agoosto ku muddeeyey xilliga la qabanayo doorashada madaxweynaha iyo madaxweyne ku xigeenka, ayagoo sheegay in doorashadaas ay dhici doonto 8/1/2019. Wuxuu kaloo goluhu iclaamiyey in la soo xulo xubnaha golaha wakiillada ee beddelaya midka hadda jira inta ka horraysa dhamaadka sannadkan. Doorashada dhici doonta ayaa lagu wadaa inay noqoto mid ay u codeeyaan xubnaha golaha wakiillada (Baarlamaanka). Haddaba, maadaama Puntland oo ku faanta inay tahay hooyadii federaalka, dhawaanna u dabaal degtay in ay 20 jirsatay, taasoo aad uga badan muddada ay jireen maamul goboleedyada kale, maxay u qaban wayday doorasho hal qof iyo hal cod ah? Siyaasiyiin aan daacad ahayn Siciid Faarax Maxamed (Siciid Sanweyne) oo ah nin u dhuun daloola arrimaha siyaasadda ee Puntland wuxuu qabaa in ay arrintaas ka dambeeyaan siyaasiyiinta Puntland. “Seddex sano ayaa loo qabtay in looga gudbo nidaamka qabaliga ah ee odayaashu ay soo xulayaan xildhibaannada. Arrintaas waa jiitantay, maadaama ay siyaasiyiintu jecel yihiin in ay xil hayaan, waxay doorbideen inay ku sii socdaan nidaamka marjaca ee odayaal dhaqameedka, maadaama si fudud looga dhamaysan karo magacaabista xildhibaannada” ayuu yiri Siciid. Wuxuu kaloo u arkaa in siyaasiyiintu ay ka fogaanayaan in isla xisaabtan uu yimaado. Siyaasiyiintana wuxu ku tilmaamay kuwo u faa’iidayn waayey shacabka. Qabiil Vs Nidaam Maamul Puntland markii la dhisay 1998 waxaa seeska loogu dhigay nidaam qabiil, kaasoo ilaa maanta sidii u jira, halkii looga gudbi lahaa nidaam maamul. Siciid Sanweyne wuxuu qabaa in Qabiilku uu yahay mid “lagu awr kacsado”. “Qabiilku sidiisaba waa lagu awr kacsadaa ee ma aha caqabad. Danta guud baa la isugu yimid in lagu raadsho”. Wuxuu intaa ku daray in siyaasigu markuu sallaanka siyaasadda ku fuulo qabiilka inuu dantiisa gaarka ah ka raacdo. Wuxuu ku tilmaamay “dhaqan xumo siyaasadeed oo ay leeyihiin siyaasiyiinta Soomaaliya” kuwaasoo ka baqaya in lala xisaabtamo muddada ay xafiiska hayaan. Puntland Vs Somaliland: Maxaa Somaliland looga dayan karaa? Somaliland tan iyo markii ay gooni isu taagga ku dhawaaqday waxaa ka dhacay dhowr doorasho oo hal qof iyo hal cod ah, kuwaasoo ay dadku ku doorteen madaxda hogaaminaysa, haddaba maxaa looga dayan karaa? Waa kan mar kale Siciid Sanweyne. “Waxaa looga dayan karaa qaabka ay doorashada u hagaan, inkastoo uusan qabiil meesha ka marnayn. Madaxweynaha waxaa soo doorta shacabka, waxayna xujo ku noqonaysaa dadka yiraahda Soomaalida wax ma dooran karto, tusaalena waxaa u ah Somaliland. Ayagoo qabaa’il ka kooban ayey haddana leeyihiin axsaab, doorashooyinna waa ka dhacaan” ayuu yiri. Bisayl siyaasadeed iyo mid shacab Siciid Sanweyne Wuxuu u arkaa in dadka reer Puntland ay tahay in xaqooda siyaasdeed u istaagaan, oo ay ka gudbaan wax uu ku tilmaamay “odayaal dhaqameed lagu albaabay”. Maxaase ka hortaagan inay sidaa yeelaan? “Waxaa ka hor taagan in fahamkii siyaasadeed iyo waxa ay qofka siyaasadda u tahay aysan shacabka Puntland ka dhaadhacsanayn. Shacabka Puntland waa rabaan is maamul iyo kala dambayn, laakin inuu noqdo mid shacabka ka yimaada oo cid gaar ah aysan ku danaysan weli bisaylkeeda ma jiro”ayuu leeyahay Siciid. Doorashada madaxtinimada ee Puntland waxay dad badan aamisan yihiin in ay noqon doonto mid la mid ah tii dhex martay Gaas iyo Faroole oo uu hal cod ku guulaystay C/weli Gaas, laakinse muddo ilaa iyo intee le’eg ayey socon kartaa in odayaashu ay soo xulaan xildhibaanno u codeeya madaxweynaha iyo ku xigeenkiisa? Caasimada Online Xafiiska Garoowe Caasimada@live.com

Muqdisho (Caasimadda Online) – Madaxweynaha Soomaaliya Maxamed Cabdullaahi Farmaajo ayaa Maanta xilkii ka qaaday agaasimihii Madaxtooyada Villa Somalia Fahad Yaasiin. Fahad Yaasiin ayaa xilkaan hayey ilaa Hal sano waxaana Maanta loo magacaabay Taliye xigeenka Hey’adda Nabadusgidda dalka oo uu muddo badan raadinayey. Xilka Agaasimaha Madaxtooyada ayaa waxaa loo magacaabay Aamina Siciid Cali oo aheyd agaasime ku xigeenkii madaxtooyada iyadoo lasoo dalacsiiyey markii ay waxqabad fiican soo bandhigtay. Haddaba magacaabistaan cusub ayaa ka dhigan in madaxtooyada Villa Somalia ay soo mareyn ilaa 4 agaasime tan iyo markii uu Farmaajo noqday Madaxweynaha Soomaaliya. Waxaa xusid mudan in mid kamid ah agaasimayaashaas uu ahaa kumeel gaar halka seddexda kalana ay ahaayeen kuwa rasmi ah. Halkaan hoose ka akhriso magacyadooda: 1- Cali Fiqi Agaasime Kumeel gaar ah 2- Abuukar Baalle Agaasime 3- Fahad Yaasiin Agaasime 4- Aamina Siciid Cali Agaasime Caasimada Online Xafiiska Muqdisho Caasimada@live.com

Madaxweynaha Soomaaliya Maxamed C/llaahi Farmaajo ayaa sameeyay isbedelladii ugu weynaa ee Hay’adaha amniga iyo Madaxtooyada Soomaaliya. Wareegtadii saaka ka soo baxday Xafiiska Madaxweynaha Soomaaliya waxay ahayd kuwii ugu danbeeyay wareegtooyin lagu tilmaamay wiifto oo si is-daba joog ah uga soo baxayey xafiisyada Madaxweynaha iyo Ra’iisal wasaaraha, iyadoo dowladda Nabad iyo Nolol ay noqotay tii ugu weyneyd ee xil ka qaadis iyo magacaabis waqtigeeda ku qaadatay. ISBEDELLADA UGU WAAWEYN IYO WEJIYADA CUSUB FAHAD YAASIIN: Weji cusub oo haddana qadiim ah Isbedelka ugu weyn ee wareegtada ka muuqda ayaa ah in Agaasimaha madaxtooyada Fahad Yaasiin Xaaji Daahir oo ahaa ninka ugu awoodda badan dowladda Farmaajo uu hadda doortay inuu noqdo Agaasimaha iyo Sirdoonka ee NISA, taasoo ka dhigan inuu maamuli doono Hay’adda muranka badan ka dhex jiray ee awoodda badan, kadib markii xilalkii laga qaaday labadii ku xigeen ee NISA, isaguna uu noqday ku xigeenka kaliya ee Hay’adda, iyadoo labada Agaasime ku xigeen ay xilka u waayeen ku xigeenka awoodda leh oo la aaminsan yahay inuu isagu maamuli doono. Lama oga sababta uu ku doortay Hay’adda NISA oo aan ahayn mid siyaasadeed, isla markaana ay socotoy qorshe ah in awooddeeda si weyn loo yareeyo, iyadoo sharci cusub loo sameynayo laguna celinayo howshii sirdoon, taasoo dhowaan bilaabtay markii ciidamada hubeysnaa laga wareejiyay oo lagu biiriyey Booliska. Taliyaha ciidamada Xoogga dalka: Talis ay naafeysay isbedello hoggaan Wejigada cusub ee aan haddana cusbeyn ee wareegtada ugu danbeysan soo celisay waxaa ka mida xilkii Taliyaha Ciidanka xoogga dalka oo laga qaaday Jen. C/weli Jaamac Gorod oo xog kala duwan ay tilmaantay inuu ahaa shaqsi hanan waayey taliska xoogga dalka oo jilicsan, waxaase xilka loo magacaabay Jen. Daahir Aadan Cilmo (Indha Qarshe) oo hore xilkan u soo qabtay dowladdii Madaxweyne Xasan Sheekh. Jen. Indha-Qarshe waxaa xilka looga qaaday arrimo amar ku taagley iyo musuq ah, iyadoo ay xaaladiisu gaarto in gabayo laga tiriyo dhibaatada uu ku hayo ciidamada xoogga dalka, waxayna tani muujineysa inay soo yaraadeen dadka xilkan qaban kara, markii dib loogu laabtay taliye hore howshan ku eed mutay. Waxaa kaloo xilka ciidamada ku cusub Taliyaha Ciidanka Badda oo loo magacaabay G/sare Xasan Nuur Col-ujoog, waxaana seefta xil ka qaadista ay la tagtay Jen. Maadey Ufurow oo muddo dheer xilkan soo hayey Abaanduulaha ciidamadda Xoogga dalka Wejigada cusub ee ku jira magacaabidda madaxweyne Farmaajo waxaa ka mida in abaanduulaha ciidamada Xoogga dalka loo magacaabay Taliyihii Ilaalada Madaxtooyada Odawaa Yuusuf Raagge oo ahaa nin dhalinyaro ah oo lasoo dalacsiiyey lagana dhigay Sareeye Guuto, waxaana arrintan oo loo eegay miisaanka beelaha lagu tilmaami karaa isbedel dhinaca fiican loo qaaday haddii aanay dhibaato ka imaan khibrad la’aanta abaanduulaha cusub. Waxaa xilkii laga qaaday Abaanduulihii Ciidanka xoogga dalka Jen. C/llaahi Cali Caanood oo ahaa nin ay isku heyb yihiin madaxweynaha oo si weyn looga sheegtay inuu magaca madaxweynaha ku sameeyo takrifal awoodeed, isla markaana dacwado badan uga yimaadeen madaxweynaha. Haweenka iyo xilalka cusub Aamino Saciid Cali oo horay u aheyd Agaasime kuxigeenka Madaxtooyada ayaa noqotay Agaasimaha Guud ee Madaxtooyada, waxaana loo arkaa inay ahayd mas’uulka shaqada hoose ee madaxtooyada hore u waday, iyadoo aan ku cusbeyn madaxtooyada. Waxaa sidoo kale Taliye kuxigeenada ciidamada Booliska Soomaaliyeed markii ugu horeysay loo magacaabay G/Sare Zakiya Xuseen Axmed oo sanado ka hor ku biirtay Ciidanimada. Isbedellada cusub ee madaxweyne Farmaajo ku sameeyay talisyada ciidamada ayaa waxaa ka dhalan kara inuu meesha ka baxo miisaankii beelaha, taasoo keeni doonta in xilal kale la magacaabo waqtiyada soo socda. Caasimada Online Xafiiska Muqdisho Caasimada@live.com

Dad badan ayaa isweydiinaya Saldhigasho la,aanta kala duwan ee habka magacaabista xilalka Ciidanka, kadib markii dhawr mar isbedel lagu sameeyay Taliyeyaasha Ciidamada kala duwan. Dowladda Madaxweyne Farmaajo ayaa hoggaanka Talada dalka la wareegtay Bishii February 8 deedii 2017 l-kii markaasi oo doorasho dalka ka dhacday lagu doortay Madaxweynaha. Wixii xilligaasi ka dambeeyay waxaa socotay magacaabis iyo Xil ka qaadis xargaha goosatay oo illaa hadda aanan Saldhigan. Waa Taliyihii saddexaad oo loo magacaabo Ciidanka Xoogga dalka Somaliya tan iyo markii dowladda Madaxweyne Farmaajo talada dalka ay la wareegtay, iyadoo dhisan kaliya sanad iyo toban bilood. Horay xilka Taliyaha Ciidanka Xoogga dalka waxaa isaga casilay Jeneraal Jimcaale Cirfiid, kadibna waxaa magacaabis ku yimid Jeneraal Gorod oo isagana ugu dambeyn maanta xilka laga qaaday. Saldhigasho la,aanta hoggaanka Militariga Somaliya waxa ay qayb ka tahay curyaaminta hawlgalada Ciidanka Xoogga dalka Somaliya ay ku jiraan, maadaama waqti ay qaadaneyso fahanka shaqada meesha ay mareyso Taliyaha cusub iyo Abaanduulihiisa oo labada shaqada la qabsi u baahan. Dhanka Nabad Suggida Somaliya markii ugu horeysay waxaa Taliye Ku xigeenka NISA laga dhigay Fahad Yaasiin oo ahaa Agaasimihii Madaxtooyadda Somaliya sidoo kalena saaxiib dhaw la ah Madaxweyne Farmaajo, Fahad maalmahan wuxuu booqasho ku tagaayay baraha Ciidamada ay ka joogaan Magaalada Muqdisho, isaga oo u kuurgal ku sameynaayay habka Ciidanka ay ku shaqeeyaan. Su,aasha taagan waxa ay tahay Fahad Yaasiin aqoon intee la eeg ayuu u leeyahay dhanka Sirdoonka, isaga oo ah shaqsi Mudane ah oo aan darajo Ciidan laheyn, sidoo kalena aanan la ogeyn aqoonta uu u leeyahay dhanka Sirdoonka iyo hab maamulkeeda. Inkastoo hadda Nabad Suggida Somaliya xoogeeda loo bedelay habka Sirdoonka iyo Keenista xogaha xuuraanka la xiriira, haddana dad badan ayaa qaba aragtida ah in shaqadan aanan loo dhiibin dadkii mudnaa in loo dhiibo. Booliska Somaliya oo hadda haysta awooda ugu badan ee Ciidanka, maadaama loo ogolaaday inay yihiin Ciidanka kaliya ee ka hawlgali kara Magaalada Muqdisho, markii ugu horeysay waxaa Taliye Ku xigeen looga dhigay qof dumar ah oo lagu magacaabo Zakia Xuseen Axmed oo markii hore darajo Ciidan haysatay Gaashaanle Sare, balse hadda loo dalacsiiyay Sareeyo Guuto. S/Guuto Siciid Axmed Kadiye ayaa isagana loo magacaabay Taliye K/Xigeenka Ciidanka Booliska Soomaaliyeed. Ma kala cadda labadan xil koowaad iyo labaad ku xigeenada waxa ay kala yihiin, balse tani waxa ay qayb ka tahay isku dhacyada dhanka awoodaha isla siman ee xilliyada qaar soo baxa, maadaama digreetada aanan lagu kala cadeyn. G/Sare Xasan Nuur Col-ujoog ayaa loo magacaabay Taliyaha Ciidamada Badda, dowladda ahmiyad badan ma siiso Ciidamada badda Somaliya, waana sababta ay u muuqan la”yihiin oo horumaro kala duwan u gaari la, yihiin. Aamina Siciid Cali, ayaa waxaa loo magacaabay Agaasimaha Madaxtooyadda Villa Somaliya, waxa ay horay u ahaan jirtay Agaasime ku xigeenka dhanka Maamulka iyo Maaliyadda Villa Somaliya, waa haweenay hawlkar ah una wanaagsan shaqaalaha Madaxtooyadda, dad badan ayaa kuu sheegaya in haweenaydaan wax badan ay ka bedeli karto hanaanka shaqada Madaxtooyadda Somaliya. Xeeldheerayaasha dhanka Ciidamada waxa ay soo jeedinayaan in marka hore aanan lagu deg degin magacaabista, haddii ay dhacdana loo dhaafo shaqada dadka fahamka galiyay, halkii loo door bidi lahaa shaqsiyaad cusub oo waqti qaadanaya fahankooda in saaxadda ay soo galaan. W/Diyaariyay Faysal Hanad.

Muqdisho (Caasimadda Online) – Madaxweynaha Soomaaliya Maxamed Cabdullahi Farmaajo ayaa maanta waxaa uu agaasimaha madaxtooyda Villa Somalia u magacaabay Dr. Aamina Saciid Cali. Marwo Aamina waa haweeneydii ugu horeysay ee jagadaasi qabata, iyada oo sidoo kale June sanadkii hore noqotay haweeneydii ugu horeysay ee loo magacaabo agaasime ku-xigeenka Villa Somalia. Dr. Amina Saciid waxaa waalid iyo bar-baariye u ahaa Mudane Cabdullahi Ciise Maxamud, waxaa ay muddo dheer ku nooleed dalka Sweden halkaas oo ay ka baratay Science-ka “The Karolinska Institute” ee dalkaasi. Jaamacadda heerka koowaad iyo Masterkaba waxaa ay ka qaadatay isla Machadkaas, Muddo 18 sano ah waxaa ay “The Karolinska Institute” ka aheyd cilmi baare, qeybta genetics, Bio Bank, Masterkeeda sidoo kale waa caafimaadka gaar ahaan Toxicology. Agaasimaha cusub ee Villa Somalia Dr. Aamina waxaa ay 2009-2012-kii aheyd Xildhibaan ka tirsan dowladii KMG aheyd ee madaxweyne Sheekh Sharif Sheekh Axmed. Dr. Amina Cali sidoo kale waa qoraa, oo waxaa ay leedahay labo buug: Qoriga u garwaaxshay isagoon sagaalki gelin. Suugaan….2005 Xamar Cadey, Waan Xisbeelaa Xasuuqa Yaal….2009-kii Madaxweynaha Soomaaliya ayaa Hadda waxaa uu Marwo Aamin Saciid u magacaabay agaasimaha Villa Somalia. Caasimada Online Xafiiska Muqdisho Caasimada@live.com

Muqdisho (Caasimadda Online) – Madaxweynaha Soomaaliya Maxamed Cabdullaahi Farmaajo ayaa Maanta xilkii ka qaadday Taliyaha Ciidanka xoogga dalka Jen. C/weli Jaamac Gorod oo aan xilkan heyn muddo sanad ah. Madaxweynaha ayaa xilkaas u magacaabay Jen. Daahir Aadan Cilmo Indha Qarshe oo horay xilkan u soo qabtay dowladdii Madaxweyne Xasan Sheekh. Hal sano gudahood xilka Taliyaha Ciidamada Xoogga dalka waxaa isku badalay ilaa seddex taliye laga soo bilaabao April 2017. si la mid ah Wasaaradda Gaashaandhigga oo iyana saddex wasiir isku bedeshay. Hadda halkaan hoose ka akhriso sooyaalka uu xilkaan soo maray halkii sano ee ugu dambeysay: 6 April sanadkii 2017: waxaa Taliyaha Ciidanka xoogga dalka loo magacaabay Jen. Axmed Jimcaale Cirfiid, 12 October isla sanadkaas ayuu is casilay. waxaana Taliye cusub loo magacaabay Jen. C/weli Jaamac Gorod oo ka tirsanaa Ciidamadii Cirka. 16 Agosto sanadkan 2018 waxaa Taliyaha cusub ee Ciidanka xoogga dalka loo magacaabay Jen. Daahir Aadan Cilmi (Indha Qarshe) oo xilkan horay u hayay 2013 illaa 2015. Caasimada Online Xafiiska Muqdisho Caasimada@live.com

Muqdisho (Caasimadda Online) – Wareegto ka soo baxday Xafiiska Madaxweynaha Soomaaliya ayaa is bedel ballaaran loogu sameeyay Hey’adaha amniga dalka iyo Agaasinka Guud ee Madaxtooyada. Arrimaha lama filaanka ee dhacay ayaa ahaa in Agaasimihii Madaxtooyada Fahad Yaasiin Xaaji Daahir oo lagu tilmaamo shaqsiyaadka saameynta ku leh dowladda loo magacaabay xilka Agaasime kuxigeenka Hey’adda Nabadsugida iyo Sirdoonka Qaranka oo muddooyinkii u dambeeyay qalalaase ka jireen hey’adda, kaddib shaqo joojintee Kuxigeenada Hey’adda. Wareegtada ayaa waxaa xilka looga qaaday Taliye kuxigeenada Nabadsugida ee kala ahaa Cabdalla Maxamed Cabdalla iyo C/qaadir Maxamed Nuur (Jaamac), kaddib markii bil ka hor uu shaqo joojin ku sameeyay Taliyaha NISA Xuseen Cismaan Xuseen. Sidoo kale arrimaha kale ee lama filaanka ahaa ayaa waxaa uu ahaa magacaabida Taliyaha Ciidanka xoogga dalka oo laga qaaday Jen. C/weli Jaamac Gorod oo aan xilkan heyn muddo sanad ah, waxaa lagu bedelay Jen. Daahir Aadan Cilmo Indha Qarshe oo horay xilkan u soo qabtay dowladdii Madaxweyne Xasan Sheekh. Waxaa kaloo xilka laga qaaday Abaanduulihii Ciidanka xoogga dalka Jen, C/llaahi Caanood, waxaa lagu bedelay Taliyihii Ilaalada Madaxtooyada Odawaa Yuusuf Raagge oo wareegtada lagu dalacsiiyay lagana dhigay Sareeye Guuto, halka markii hore uu ahaa G/Dhexe. Is bedelka ayaa waxaa uu sidoo kale saameeyay Taliye kuxigeenada Booliska Soomaaliyeed oo mid ka mid ah loo magacaabay qof dumar ah. G/Sare Zakiya Xuseen Axmed oo sanado ka hor ku biirtay Ciidanimada ayaa loo magacaabay Taliye kuxigeenka Booliska Soomaaliyeed, waxaa ay horay xilal uga soo qabatay CID iyo Waaxda Amniga Gobolka Banaadir. Maxaa Amniga kusoo kordhi karo Dowladda uu hoggaamiyo Maxamed Cabdullaahi Farmaajo ayaa dhawr jeer isbadalo kala duwan ku sameysay madaxda ugu sareyso hey’adaha Amniga dalka waxaana ugu dambeysay midaan Maanta xilal cusub loogu magacaabay Taliyaasha Nabadusgidda, Booliska iyo ciidamada Xoogga dalka. Waxaa la is waydiinayaan waxa ay soo kordhin karto tallaabadaan cusub oo uu qaaday madaxweyne Farmaajo? Prof. Xasan Nuur oo ah aqoonyahan ku takhasusay xagga Amniga ayaa aaminsan inaysan tallaabada cusub wax kusoo kordhin karin Amniga dalka isagoo ku doodayo in shakhsiyaad la magacaabo aysan waxba soo kordhin balse loo baahan yahay in wax badan laga badalo hab dhiska Ciidamada, Tayadooda iyo Mushaaraadkooda. Wuxuu Prof. Xasan sheegay inaysan jirin istaraatiijiyad laga baaraan dagay oo dhanka ciidamada ah taasna ay markasta keento inuu shaqadiisa ku fashilmo taliye kasta oo la magacaabo. Wuxuu dowladda Soomaaliya ugu baaqay inay joojiso xilalka amniga ee sida dhaqsiyaha ah loo kala badbadalo taas badalkeedana xoogga la saaro in la tayeeyo ciidamada isla markaasna si joogta ah loo siiyo mushaaraadkooda si ay u helaan dhiiragelin ay kula dagaalami karaan kooxda Al-Shabaab ee dalka dhibaatada ka wado. Caasimada Online Xafiiska Muqdisho Caasimada@live.com

Fahad iyo Gorod Madaxweynaha Soomaaliya Maxamed Cabdulaahi Farmaajo ayaa saaka xilkii ka qaaday masuuliyiin ay kamid yihiin Taliyihii ciidanka Milateriga Soomaaliya iyo Agaasimihii madaxtooyada. Taliyihii ciidamada Milateriga Soomaaliya Sareeye Gaas Cabdiweli Jaamac Xuseen (Gorod) ayaa xilkii laga qaaday waxaana loo magacaabay xilkaas Sareeye Gaas Daahir Aadan Cilmi (Indha-qarshe) PUNTLAND POST ayaa bishiii hore ee July baahisay xogta ah in xilka laga qaadayo Taliye Gorod, sidoo kale loo magacaabayo Gen. Indho-qarshe. Sababta xilka looga qaaday Taliye Gorod ayaan ku sheegnay kadib markii Taliye Gorod iyo Madaxweyne Farmaajo uu kulan dhexmaray, ayna ka wada hadleen dagaalo Al-shabaab soo qaadeen iyo howlgaladii lagu qaadi lahaa oo sidii loogu talagalay aan u dhicin. Taliyaha cusub ee ciidanka Milateriga Soomaaliya ayaa loo magacaabay Sareeye Gaas Daahir Aadan Cilmi (Indha-qarshe) oo xiligii Madaxweyne Xasan Shiikh soo noqday Taliyaha ciidan Milateriga, waxayna magacaabistiisu qeyb ka tahay dardargelinta, xoojinta iyo tayeynta ciidamada xooga dalka. Dhanka kale Fahad Yaasiin oo aan aqoon iyo khibrad midna u la hayn arrimaha sirdoonka ayaa Madaxweyne Farmaajo u magacaabay Taliye ku xigeenka hay’adda nabad-sugidda Soomaaliya (NISA) oo in dhawaale isqab-qabsi ka jiray. Fahad Yaasiin Agaasimihii hore ee madaxtooyada ayaa ah shakhsi ay Madaxweyne Farmaajo aad isu dhowyihiin wuxuuna ka qeyb ka qaatay olalihii doorashada ee Madaxweyne Farmaajo, sidoo kale wuxuu xiriir wanaagsan la yeeyahay dalka Qadar isagoo mar ka soo shaqeeyey Television-ka Al-jaziira. Xilkii Fahad Yaasiin ee Agaasimaha madaxtooyada Soomaaliya ayaa loo magacaaby Aamina Siciid Cali oo horey u ahayd ku xigeen. PUNTLAND POST The post Fahad Yaasiin oo gacanta loo galiyay NISA iyo Gorod oo xilkii waayay appeared first on Puntland Post.

Muqdisho (Caasimada Online)-Warar lagu kalsoon yahay oo aan ka heleyno illo wareedyo ka tirsan Hay’adaha amaanka ayaa sheegaya in Haweeneyda u dhalatay Britain ee lagu magacaabo Samantha Lewthwaite (Carmalada cad) ay xiligaani ku dhuumaleysaneyso Gobolka Shabellaha Hoose. Haweeneyda Samantha Lewthwaite ayaa horay loo sheegay inay madax u tahay 200 oo haweenka ka tirsan Sirdoonka xagjiriinta Somalia ee Al-shabaab, kuwaa oo kawada shaqeeya xarumaha dowlada iyo xaafadaha. Illo wareedka aan xogtaani ka xigan oo ka tirsan Hay’adaha amaanka Gobolka Shabeellaha Hoose ayaa sheegay in Samantha Lewthwaite la xaqiijiyay inay u dhexeyso Degmooyinka Sablaale, Awdheegle iyo Tooro-toorow oo dhamaantooda ku jirta gacanta Al-Shabaab. Samantha Lewthwaite oo midab doorsantay ayaa lagu arkay goob laga raro gaadiidka safarka oo hoostagta Degmada Awdheegle, iyadoo gaadiidka kasoo rarta halkaa ay garan ilaa Afgooye. Saraakiisha ciidamada Xoogga iyo qeybaha Sirdoonka dowlada Somalia uga howlgala Gobolka Shabeellaha Hoose ayaa ku howlan baadi goobka Haweeneydaasi oo adduunka laga raadinayo. Dowladda Somalia ayaa horay u sheegtay in Lewthwaite ay la nooshahay koox haweenka Al-sbabaab ka tirsan, kuwaasoo ugu yeera “Hooyada Jihaadka” iyadoo la sheegay inay inta badan isku daydo inay xogo dheeraad ah ka hesho deegaannada ay ka taliso dowladda Soomaaliya. Haweeneydan oo marar badan laga sheegay Gobolo kala duwan oo dalka sida Gobolada Jubbooyinka ayaa u dhexeysa Somalia iyo Kenya waxa ayna adduunka ugu safartaa qaab ganacsi, taa oo sahleysa inaanu indhaha qaban. Sidoo kale, Samantha Lewthwaite, ayaa ah haweeney garoob ah oo qayb ka ahayd weerarkii argagaxiso ee ka dhacay London ee loo yaqaanno 7/7, iyadoo xilligaasna ahayd xubin ka mid ah sirdoonka Al-shabaab ee loo yaqaanno Amniyaadka. Haweeneydan iminka laga sheegay G/Sh/Hoose ayaa mar udub dhexaad u noqotay sirdoonka Al-shabaab waxaa la sheeegay in ay ka dambeysay weerarro lagu dilay 400 oo qof oo ay ku jiraan 148 ruux oo lagu dilay weerarkii Al-shabaab ay ku qaadday Jaamacadda Gaarisa ee dalka Kenya. Si kastaba ha ahaatee, dowlada Somalia ayaa ka feejigan in Haweeneydan ay gudaha usoo gasho Gobolka Banaadir, waxaana xusid mudan in dhammaan xuduudaha laga soo galo magaalada la dhigay ciidamo dheeraad ah. Caasimada Online Xafiiska Muqdisho Caasimada@live.com

Muqdisho (Caasimadda Online) – Madaxweynaha Soomaaliya Maxamed Cabdullahi Farmaajo ayaa maanta digreeto uu saaray ku magacaabay taliyeyaal cusub isaga oo kuwa kalena shaqada ka eryey. Mas’uuliyiinta la magacaabay waxaa ugu tun weyn Fahad Yaasiin oo ahaa agaasimihii madaxtoyada Soomaaliya. Fahad Yaasiin waxaa loo magacaabay agaasime ku xigeenka hay’adda Nabad Sugidda iyo Sirdoonka Qaranka, hadaba saameynta deg degga ah ee laga fili karo maxay tahay? Fahad Yaasiin waxa uu ka mid yahay siyaasiyiinta saameynta iyo galaangalka ugu weyn ku dhex leh hannaanka siyaasadeed ee dalka. Saameynta uu yeelanayo waxaa halbeeg looga dhigi karaa waxyaabihii ku soo kordhiyey madaxtooyada ee uu ka ahaa agaasimaha. Fahad Yaasiin waxa uu madaxtooyada u yeelay muuqaal “Madaxtooyonimo” xilli ay ahayd meel jahwareer ka jiro markii loo magacaabay xilkaas. Is bedeladda mugga leh ee uu Fahad Yaasiin ka sameeyey madaxtooyada waa mid ay wada qirsan yihiin dhammaan dadka ogaa sidii ay ahayd isaga kahor. Taas iyada oo laga shidaal qaadanayo, Fahad Yaasiin saameynta uu ku yeelan doonno hay’adda Nabad Sugidda iyo Sirdoonka Qaranka, waxaana laga filan karaa inuu ka dhigo meel leh muuqaalkii looga baahnaa ha’yad ahmiyadda intaa le’eg u leh dalka. Ha’yadda Nabad Sugidda iyo Sirdoonka Qaranka intii dib lo aas aasay waxa ay ahayd meel aan wali si fiican u saldhigan waana waxyaabaha deg degga ah ee laga filayo in uu wax ka qaban doono Fahad Yaasiin. Caasimada Online Xafiiska Muqdisho Caasimada@live.com

Madaxweynaha Jamhuuriyada Federaalka Soomaaliya Maxamed Cabdullaahi Farmaajo iyo Wafdi uu hogaaminayo ayaa Goordhow ku wajahan Dalka Jabuuti. Qaban qaabo balaaran oo lagu soo dhoweeynayo Madaxweyne Farmaajo ayaa laga dareemayaa Caasimada Djabuuti. Madaxweyne Farmaajo ayaa kulan la qaadan doono Dhigiisa dalka Jabuuti Ismaaciil Cumar Gelle. Agaasimaha warfaafinta Xafiiska Madaxtooyada Soomaaliya ayaa sheegay in Labada madaxweyne ay yeelan doonaan Xireerka labada dal ee Soomaaliya iyo Jabuuti. Safarka madaxweynaha ee Jabuuti ayaa waxaa soo da dajiyay kadib markii dhowaan Dowlada Jabuuti ay aad uga xumaatay Booqasho Madaxweyne Farmaajo uu ku tagay Asmara. Xasan Maxamed Samatar Cowke Puntland Post Muqdisho The post Madaxweyne Farmaajo oo ku Wajahan Djabuuti appeared first on Puntland Post.

Mogadishu (HOL) - President Farmajo has announced a major shake-up to the security sector on Thursday with changes made to the Villa Somalia, SNA, Somali Police Force. Source: Hiiraan Online

Mogadishu (HOL) - President Farmajo has announced a major shake-up to the security sector on Thursday with changes made to the Villa Somalia, SNA, Somali Police Force. The major development of Thursday’s reshuffle is undoubtedly Fahad Yasin’s - political insider and right-hand-man to President Farmajo - move from his post as the Director General of Villa Somalia to the Deputy of NISA. Replacing him in Villa Somalia will be Amina Said Ali. Source: Hiiraan Online

Muqdisho, 16ka Ogoosto, 2018: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta dib u habeyn ballaaran ku sameeyay qaar kamid ah hay’adaha amniga dalka iyo Agaasinka Madaxtooyada Qaranka Wareegto kasoo baxday Xafiiska Madaxweynaha ayaa magacaabis iyo xil ka qaadis lagu sameeyay masuuliyiinta hoos ku xusan; 1. Dr. Aamina Siciid Cali waxaa loo magacaabay Agaasimaha Guud ee Madaxtooyada. 2. S/Gaas Daahir Aadan Cilmi ayaa loo magacaabay inuu noqdo Taliyaha Ciidanka Xoogga Dalka Soomaaliyeed. 3. G/Dhexe Odawaa Yuusuf Raage oo loo dallacsiiyay S/Guuto ayaa isla markaasna loo magacaabay Abbaanduulaha Ciidanka Xoogga Dalka Soomaaliyeed. 4. S/Guuto Cabdalla Maxamed Cabdalla waxaa laga qaaday xilkii K/Xigeennimada Agaasimaha Guud ee Hay’adda Nabad Sugidda iyo Sirdoonka Qaranka. 5. G/Sare Cabdulqaadir Maxamed Nuur (Jaamac) waxaa laga qaaday xilkii K/Xigeennimada Agaasimaha Guud ee Hay’adda Nabad Sugidda iyo Sirdoonka Qaranka. 6. Laga bilaabo maanta oo ay taariikhdu tahay 15/08/2018 waxa uu Madaxweynahu u magacaabay Fahad Yaasiin inuu noqdo Ku Xigeenka Agaasimaha Guud ee Hay’adda Nabad Sugidda iyo Sirdoonka Qaranka. 7. S/Guuto Siciid Axmed Kadiye ayaa loo magacaabay Taliye K/Xigeenka Ciidanka Booliska Soomaaliyeed. 8. G/Sare Zakia Xuseen Axmed oo loo dallacsiiyay S/Guuto ayaa loo magacaabay Taliye K/Xigeenka Ciidanka Booliiska Soomaaliyeed. 9. G/Sare Xasan Nuur Col-ujoog ayaa loo magacaabay Taliyaha Ciidamada Badda. Madaxweyne Farmaajo ayaa faray dhammaan masuuliyiinta la magacaabay in ay si hufan uga soo dhalaalaan shaqooyinka loo igmaday. PUNTLAND POST The post Madaxweyne Farmaajo oo magacaabis iyo xil ka qaadis sameeyay appeared first on Puntland Post.

Muqdisho (Caasimadda Online) – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta dib u habeyn ballaaran ku sameeyay qaar kamid ah hay’adaha amniga dalka iyo Agaasinka Madaxtooyada Qaranka Wareegto kasoo baxday Xafiiska Madaxweynaha ayaa magacaabis iyo xil ka qaadis lagu sameeyay masuuliyiinta hoos ku xusan. Halkaan hoose ka akhriso liiska 7 shakhsi oo loo magacaabay xilal kala duwan iyo beelaha ay kasoo kala jeedaan: Dr. Aamina Siciid Cali waxaa loo magacaabay Agaasimaha Guud ee Madaxtooyada, Habrgidir, Sacad S/Gaas Daahir Aadan Cilmi (Indha Qarshe) ayaa loo magacaabay inuu noqdo Taliyaha Ciidanka Xoogga Dalka Soomaaliyeed, Shiikhaal G/Dhexe Odawaa Yuusuf Raage oo loo dallacsiiyay S/Guuto ayaa isla markaasna loo magacaabay Abbaanduulaha Ciidanka Xoogga Dalka Soomaaliyeed, Mogadishu Clan, Abgaal Laga bilaabo maanta oo ay taariikhdu tahay 15/08/2018 waxa uu Madaxweynahu u magacaabay Fahad Yaasiin inuu noqdo Ku Xigeenka Agaasimaha Guud ee Hay’adda Nabad Sugidda iyo Sirdoonka Qaranka/ Reer Aw Xasan S/Guuto Siciid Axmed Kadiye ayaa loo magacaabay Taliye K/Xigeenka Ciidanka Booliska Soomaaliyeed, Habrgidir, Sacad G/Sare Zakia Xuseen Axmed oo loo dallacsiiyay S/Guuto ayaa loo magacaabay Taliye K/Xigeenka Ciidanka Booliiska Soomaaliyeed, Dir, Surre G/Sare Xasan Nuur Col-ujoog ayaa loo magacaabay Taliyaha Ciidamada Badda, Mareexaan

Cadaado (Caasimada Online)-Wararka naga soo gaaraya degmada Buula-mareer ee gobolka Shabeellaha Hoose ayaa sheegaya in qeybo kamid ah degmadaasi lagu weeraray Gaadiid sahay u siday ciidamada AMISOM. Gaadiidkan oo aad u badnaa ayaa lagu weeraray degaanka Golweyn ee gobolkaas, waxaana lasoo sheegayaa in lagu garaacay madaafiicda garbaha laga tuuro, halka miinooyin loogu aasay wadooyinka. Madaafiicda lagu weeraray Gaadiidka sahayda u siday AMISOM ayaa sabab u noqday gubashada hal gaari nooca waaweyn ee sahayda siday. Weerarka madaafiicda kadib ciidamada AMISOM iyo Al-Shabaab ayaa waxaa halkaa ku dhexmaray dagaal khasaaro badan ka dhashay. Dadka deegaanka ayaa soo sheegaya in dagaalka uu ku fiday degaanada miyiga ah ee degmada Buula-mareer. Goobaha uu ka dhacay dagaalka ayaa lasoo sheegayaa in lagu arkaayo meydadka ciidamo ka tirsan AMISOM iyo kuwa Al-Shabaab. Sidoo kale, taliska AMISOM ayaa ka gaabsaday khasaaraha ka dhashay weerarka, halka Al-Shabaab ay ka sheegteen guulo. Inta badan maleeshiyada Al-Shabaab ayaa jidka u gasha gaadiidka sahayda u qaada AMISOM, kuwaa oo ay kula dhaqaaqan bililiqo. Caasimada Online Xafiiska Cadaado Caasimada@live.com

Mogadishu (HOL) - President Farmajo is preparing for an official state visit to neighbouring Djibouti on Thursday for bilateral talks with Djiboutian President Ismail Omar Guelleh. Source: Hiiraan Online

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa maanta dib u habeyn ballaaran ku sameeyay qaar kamid ah hay’adaha amniga dalka iyo Agaasinka Madaxtooyada Qaranka Wareegto kasoo baxday Xafiiska Madaxweynaha ayaa magacaabis iyo xil ka qaadis lagu sameeyay masuuliyiinta hoos ku xusan; Dr. Aamina Siciid Cali waxaa loo magacaabay Agaasimaha Guud ee Madaxtooyada. S/Gaas Daahir Aadan Cilmi ayaa loo magacaabay inuu noqdo Taliyaha Ciidanka Xoogga Dalka Soomaaliyeed. G/Dhexe Odawaa Yuusuf Raage oo loo dallacsiiyay S/Guuto ayaa isla markaasna loo magacaabay Abbaanduulaha Ciidanka Xoogga Dalka Soomaaliyeed. S/Guuto Cabdalla Maxamed Cabdalla waxaa laga qaaday xilkii K/Xigeennimada Agaasimaha Guud ee Hay’adda Nabad Sugidda iyo Sirdoonka Qaranka. G/Sare Cabdulqaadir Maxamed Nuur (Jaamac) waxaa laga qaaday xilkii K/Xigeennimada Agaasimaha Guud ee Hay’adda Nabad Sugidda iyo Sirdoonka Qaranka. Laga bilaabo maanta oo ay taariikhdu tahay 15/08/2018 waxa uu Madaxweynahu u magacaabay Fahad Yaasiin inuu noqdo Ku Xigeenka Agaasimaha Guud ee Hay’adda Nabad Sugidda iyo Sirdoonka Qaranka. S/Guuto Siciid Axmed Kadiye ayaa loo magacaabay Taliye K/Xigeenka Ciidanka Booliska Soomaaliyeed. G/Sare Zakia Xuseen Axmed oo loo dallacsiiyay S/Guuto ayaa loo magacaabay Taliye K/Xigeenka Ciidanka Booliiska Soomaaliyeed. G/Sare Xasan Nuur Col-ujoog ayaa loo magacaabay Taliyaha Ciidamada Badda. Madaxweyne Farmaajo ayaa faray dhammaan masuuliyiinta la magacaabay in ay si hufan uga soo dhalaalaan shaqooyinka loo igmaday.