Muqdisho (Caasimada Online)-Qarax xoogan aya waxa uu goordhow ka dhacay magaalada Muqdisho ee caasimada Somalia. Qaraxa oo jugtiisa laga wada maqlay inta badan degmooyinka Gobolka Banaadir, ayaa ayaa waxaa lasoo sheegayaa inuu ka dhacay agagaarka Warshadii hore ee Caanaha ee Magaalada Muqdisho. Goobjoogayaal ayaa kusoo waramaaya in Qaraxa loo adeegsaday gaari nooca raaxada ah balse waxan la kala ogeyn in Qaraxa uu yahay mid laga soo buuxiyay iyo in lagu soo xiray gaariga. Halka uu ka dhacay Qaraxa ayaa waxaa ku yaala Saldhigyo ay degan yihiin Ciidamo ka tirsan 14-ka October oo dhawaan lagu wareejiyay qeybo kamid ah xerooyinkaasi oo ay faarujiyeen ciidamada daacada u ahaa Imaaraadka. Wararka qaar ayaa waxa ay sheegayaan in uu qarxay gaari nooca raaxada ah oo lagu soo xiray waxyaabaha Qarxa, waxaana ka dhashay khasaaro dhimasho iyo dhaawacba leh. Hal ruux ayaa lasoo sheegayaa inuu ku dhintay Qraxa, halka laba ruux uu soo gaaray dhaawacyo kala duwan, sida ay kusoo waramayaan dad goobjoogayaal ahaa. Ciidamada dowladda Soomaaliya ayaa hareereeyay goobta uu Qaraxu ka dhacay lama ogga ilaa iyo hadda Khasaaraha ka dhashay, balse waxaa la sheegayaa in Gaariga Qarxay ay wateen Saraakiil. Geesta kale, Qaraxa kadib ayaa waxa halkaa laga maqlay rasaas ay ridayeen ciidamada dowlada kadib markii ay ka shakiyeen Qaraxa. Caasimada Online Xafiiska Muqdisho Caasimada@live.com

Itoobiya XUKUNKII HAILE SALASE IYO DHISMIHII DAWLADDA CASRIGAA Tafare Ras Makonnen waxa uu ahaa wiil uu dhalay Ras Makonnen Wolde Mikael oo ahaa janankii qabsaday magaalada Harar iyo gudoomiyaheedii qabsiga ka bacdi. Reer Makonnen waxay ku abtirsadaan qoyskii talada Xabashida haysan jirey ee Sulaymaaniyiinta. Ras Makonnen oo ah aabaha Haile Salase waxaa dhalay hoggaamiye dhaqameed Oromaa, laakiin dhanka hooyada uga abtirsada qoyska Sulaymaaniyiinta. Waxaana dhashay boqor Menelik eedadiis Tenagnework Sahle Salase. Sahla Saalase ayaa ahaa Nuguskii reer Shawo iyo wiilkii Wason Sagad oo ahaa aasaasihii boqortooyada reer Shawo, oo mar ahaan jirtay dawlad islaama qarnigii13aad. Horay waxaynu usoo sheegnay markii talada laga tuuray Lijj Iyasu ee ay Sawditu oo ahayd gabadhii Menelik xukunka la wareegtay in Ras Taffare (Haile Selasse) loo magacaabay dhaxal sugaha boqortooyada. Sawditu iyo Tafare waxay kala qaybsadeen xukunkii. Waxaa talada arimaha gudaha iska lahaa boqoradda oo ahayd qof macangagad xag-jira ah. Laakiin Taffare oo ahaa nin ka furfuran lahaana aragti siyaasadeed oo ka gadisan teeda ayaa qaabilsanaa arimaha dibadda. Waxaa lagu xasuustaa inuu ahaa ninkii Itoobiya ku daray wixii la oran jirey League of Nations ( waa hay’addii markii dambe u xuub-siibatay Qarammada Midoobey) Taffare kolkii dambe waxuu usoo jeestay arimihii gudaha kolkii uu awoodiisii kor ugu qaaday cinqilaab aan dhiig ku daadan, boqoraddii oo aan weli dhiman. Wixii Haile Selasse ka horeeyey Itoobiya waxay ahayd dal madax-hoosaadyo fara badan u kala qaybsan. Inkasta oo Menelik uu ahaa ninka ugu awoodda badan raggaan haddana dawlad casriya ma uusan dhisin. Haile Selasse ayuu ahaa ninka dawladdaas dhisay. Kolkii ay dhimatay boqoraddii Zawditu sanadkii 1930kii waxaa loo caleemasaaray Taffare boqorkii boqorada Itoobiya isaga oo qaatay magaca Haile Selasse. Markaas ayuuna bilaabay isbaddaladii dawlad-dhisidda. Waxa uu meesha ka saaray madaxdii uu islahaa midawga ayay caqabad ku yihiin. Waxa uu dhisay hay’adihii dawladda, isaga oo madax baneeyey ciidankii. Wuxuu sameeyey dastuur dalka ka dhaxeeya oo aysan ku xusnayn in masiixiyaddu ay tahay diinta dalka. Waxaa muslimiinta oo cadaadis ba’an lagu hayey loo ogolaaday madax banaani diimeed. Waxaa loo ogolaaday inay madax ka noqon karaan goobaha ay u badan yihiin iyo inay mansab ka qaban karaan dalka intiisa kale. Haile Selasse waxa uu ka talinayey dalka Itoobiye illaa ay ciidamadu talada kala wareegeen sanadkii 1974. DUULAANKII LABAAD EE TALYAANIGA IYO QABSASHADII ITOOBIYA. Kolkii ay dawladdii Kahadifa Isma’il ee Masar ay ka kacday xeebihii badda cas dhamaadkii qarnigii 19aad, xeebaha ay banaysay waxaa ka mid ahaa marsooyinkii Eritrea ee ay gacanta ku haysay. Marsooyinkaas iyo dhulkii kale ee Eritrea ba waxaa markiiba qabsaday dawladdii talyaaniga sanadkii1890kii. Talyaanigu kuma ekaan qabsashadiisii Eritrea oo keliya ee waxa uu dhulbalaarsi ugu gudbay dhulkii Xabashida, kaas oo sababay dagaalkii koobaad ee Talyaaniga iyo Itoobiya. Dagaalkaas ayaa waxa uu dhamaaday kolkii Talyaaniga lagu jabshay goobtii Adwa sanadkii 1896. Waxay labada dhinac kala saxiixdeen heshiis colaadda lagu joojinayo sanadkii 1897. Laakiin dawladdii Talyaaniga marna maskaxdeeda kama bixin jabkii loogu gaystay Adwa. Markii dawladdii Fashiistadu la wareegtay xukunkii Talyaaniga waxa ay dib usoo celisay damaceedii ay ku qabsanaysay dalka Itoobiya. Saddexdii bishii October sanadkii 1935 ayaa ciidamadii talyaanigu waxa ay Itoobiya uga soo duuleen dhankii Eritrea iyaga oo gudaha usoo galaya gobalka tigray. Wax yar ka bacdina waxay furin labaad ka fureen dhankii bari iyo koonfureed ee dalka Itoobiya, iyaga oo ka soo duulay Soomaaliya oo ay gacanta ku hayeen. Dagaalo kharaar oo socday in muddaa ka bacdi waxaa u suurawday talyaanigii inay gacanta ku dhigaan caasimadii Adis Ababa shantii May sanadkii 1936. Intii aysan caasimaddu gacanta Talyaaniga ku dhicin ayuu boqor Haile Selasse u baxsaday dhankaas iyo Jabuuti, halkaas oo uu ugaga sii gudbay dalka Ingiriiska. Waxaa la sheegaa intii uusan baxsan ka hor Haile Selase inuu amray in xabsiga lagu dilo boqor kii muslimka ahaa ee Lijj Iyasu oo ku xirnaa xudduuda Kenya, si aanay Talyaanigu xukunka ugu soo celin. Dawladdii Talyaanigu waxay dalkii Itoobiya u kala qaybisay dhawr waaxood. Gobolkii Tigray waxay ku dartay Eritrea. Galla iyo Sidamo oo laysku darayna waxay ka dhigtay gobol gooniya. Gobolkii Soomaalida ee uu horay Menelik u qaatay ayay waxay ku soo celisay dhulkii Soomaalida. Amhara iyadana waxay ka dhigtay gobol gooniya. Horay waxa aynu usoo niri haddii aanu Talyaanigu celin lahayn damacii Xabshida dhamaadkii qarnigii 19aad Soomaaliya waxay lahaan lahayd xuduud ka gadisan midda ay maanta leedahay. Sidaas oo kale ayaynu iminkana leenahay haddii aan Talyaaniga lagu jabin lahayn dagaalkii labaad ee aduunka Itoobiya waxay u ekaan lahayd si ka gadisan sida ay maanta u egtahay. SIYAASADDII TALYAANIGA IYO KOR USOO QAADIDDII MUSLIMIINTA Waxaa lagama maarmaana inaynu xusno siyaasaddii Talyaaniga ee ku aadanayd muslimiintii Itoobiya. Talyaanigu waxa uu markiiba bilaabay siyaasad kor loogu soo qaadayo muslimiinta iyo dadkii kale ee la gumaysan jirayba. Waxaa dadkii muslimiinta loo ogolaaday xoriyad taama oo ay diintooda ku haystaan. Waxaa looga dhisay goboladoodii masaajiddo iyo goobo kale oo diinta lagu barto. Waxaa loo sameeyey maxkamado shareecada wax ku xukuma iyo qaadiyadii xukumi lahaaba. Waxaa loo dhisay iskuulo waxbarasho iyo goobo caafimaad. Masaajiddada uu Talyaanigu dhisay ayaa waxaa ka mid ahaa masjidka wayn ee Addis Ababa iyo masaajiddada Harar, Dirirdhabe, Jigjiga, Lake Hayq, Dessye, Mettemma iyo Gonder. Waxa iyana la dayactiray masaajiddada Dese,Socoti,Chelga,Dabarek,Islamye iyo Dangelo. Waxaa afka caribaga laga dhigay luuqad labaad oo la siman tan amxaariga, gaar ahaan gobolada Harar iyo Jimma. Jimma waxaa laga furay mac-had lagu barto fiqiga islaamka oo ay ka soobaxaan qaadiyadu, kaas oo la oran jirey Dar al-culuum al-islaamiya. Waxaan oo dhan Talyaanigu waxa uu usamaynayey inuu ku hanto quluubta muslimiinta si uu xukunkiisa ugu helo teegeerayaal. Hoggaamiyihii Fashiisatada Mussolini mar uu arintaas tilmaamayey isaga oo khudbad ka jeedinayey Libiya oo uu booqasho ku joogay waxa uu yiri: “Talyaanigu waxa uu usoo gudbinayaa shucuubta Libiya iyo Itoobiya nabad,caddaalad ,barwaaqo iyo ixtiraam uu uhayo sharcigii rasuulka” nasiib daro siyaasaddii Talyaaniga ee Itoobiya ma sii raagin maxaayeelay kolkii dagaalkii labaad ee dunida looga adkaaday qolyihii Talyaanigu ka midka ahaa, ayaa laga saaray dalkii Itoobiyana, halkaas oo ay siyaasaddisii ku istaagtay. Waxaa xukunkii dib ugu soo noqday Boqorkii dibad-wareegga ahaa ee Haile Selasse, sidaas ayaana mar labaad loo amaamuday dawladdii Itoobiya. DIB USOO NOQOSHADII XUKUNKII HAILE SELLASE Waxa aynu horay u soo sheegnay kolkii Talyaanigu uu duullaanka ku soo qaaday dalka itoobiya, in boqor Haile Selasse iyo qoyskiisiiba ay u baxsadeen dalka Jabuuti, isaga oo xambaarsan khasnaddii dawladdiisa. Boqorku kuma uusan nagaan Jabuuti ee waxa uu uga sii gudbay dalka Ingiriisha oo uu ku sugnaa muddadii uu Talyaanigu Itoobiya xukumayey. Kolkii uu dhamaaday dagaalkii labaad ee dunidu Ingiriiska ayaa ka saaray Talyaanigii dalkii Itoobiya, waxaana dalkii dib ugu soo noqday dawladdii dibad jooga ahayd ee uu boqorku hogaaminayey sanadkii 1941. Boqor Haile Selasse waxa uu u istaagay dib u soo celintii qaranimmada Itoobiya. Marka laga tago isku dubbaridka iyo dhismaha hay’adaha dawladda, waxaa boqorka u yaalay laba hawlood oo waa wayn oo ahaa sidii uu ula wareegi lahaa dhulalkii Ereteriya iyo Soomaali-galbeed. Waxa aynu horay usoo sheegnay in xeebaha Erateriya laga bilaabo qabsahsadii ay Turkidu qabsatay qarnigii 16aad aysan gacanta Xabashida soo gelin. Kolkii dawladdii Cismaaniyiintu taag-daraysay ayay dhulkaan ku wareejisay Masaarida oo iyana dhamaadkii qarnigii 19aad ku wareejiyey Talyaaniga. Kolkii dagaalkii labaad ee adduunka looga gol-roonaaday Talyaaniga waxaa dhulkaan iyo dhulalakii kale ee uu Talyaanugu haystay ba la wareegay dawladdii Ingiriiska. Iminka si uu dalkiisa uga saaro go’doonka, boqor Haile Selasse waxa uu doonayaa inuu la wareego Ereteriya. Isaga oo ay garab taagan yihiin dawladihii dagaalka ku guulaystay gaar ahaan Maraykanka oo lahaa damac ku aadan badda cas ayuu boqorku ku guulaystay inuu Ereteriya kusoo daro dalkiisa sanadkii 1952. Sagaal sano ka bacdi reer Ereteriya waxa ay dagaal hubaysan la galeen boqortooyadii Xabashida kaas oo socday soddon sano illaa aakhirkii ay ka noqdeen dal madax banaan. Haddii aynu usoo noqona gobalkii Soomaalida Itoobiya waa tii aynu soo sheegnay kolkii Talyaanigu uu qabsaday dhulka xabashida in uu Soomaali-galbeed uu ku daray dhulwaynihii Soomaalida ee uu isagu ka talinayey. Kolkii uu jabay Talyaanigu damaan dhulkii Soomaalidu waxa uu gacanta u galay dawladii ingiriiska. Waxaa jirey heshiis ay Xabashidu la gashay Ingiriiska sanadihii 1942 iyo 1944 oo nuxurkiisu ahaa in dhulka Soomaalida lagu soo wareejiyo. 1946 ayaa ingiriisku ka kacay magaalada Dirir dhabe iyo dhulkii ku teedsanaa ee dariiqa xadiidku mari jirey. Sanadkii 1948 waxa uu Itoobiya ku wareejiyey dhulkii Soomaalida marka laga reebo dhulkii hawd iyo Reserve Erea loo bixiyey oo uu iyana kol dambe guddoonsiiyey. Kolkii uu Haile Selasse gudoomay dhulkaan waxa uu usoo jeestay sidii uu uga horjoogsan lahaa inaanay Soomaaliya xoriyadeeda qaadan. Waxaana lagu xasuustaa damaciisii ahaa in gobolada waqooyi ee Soomaaliya aanay la midoobin kuwii koonfureed, ee taas baddalkeeda lagu daro itoobiya. La soco qaybta 7aad Mohamed ahmed Elmi. The post Taariikhdooda baro inta aadan la midoobin, taxanaha Itoobiya seddex kun oo sano – Qaybtii 6aad appeared first on Puntland Post.

Baarlamaanka Dawlada Puntland ayaa maanta buriyey mooshin maalmahan ka oolaa shirkadda la wareegtay maamulka dekadda Bosaaso ee DP World. Mooshinkan oo ay soo gudbiyeen qaar kamida xildhibaanada baarlamaanka Puntland waxaa gabi ahaanba lagu dalbanaayey in meesha laga saaro heshiiska ay shirkadda DP World ku joogto dekadda magaalada Bosaaso, maadama ay shirkadaasi gabi ahaanba ku guuldaraysatay wax yaabihii heshiiska lagula galay oo ahaa inay ku balaariso mudo labba sano gudahood ah hase ahaatee aysan illaa hada wax shaqo ah ka qaban dekadda. Baarlamaanka ayaa cod ku meel mariyey in mooshinka laga keenay DP World uusan ahayn mid saxa oo loo maray dariiqii mooshinada loo mari jirey. Horay baarlamaanka Puntland ayaa cod aysan u kala harin ku ansixiyey heshiiska DP World iyo Puntland markii la sheegay inay laaluush u qaateen in ka badan labba milyan oo doolar si ay u ansixiyaan heshiiskan. Dadweynaha Puntland intooda badan kuma qanacsana heshiiska ay DP World ku joogto dekadda Bosaaso maadama aysan u muuqan shirkad daacad ka ah dhismaha iyo horumarinta dekadda. PUNTLAND POST The post Baarlamaanka Puntland oo meesha ka saaray mooshin ka dhan ahaa DP-World appeared first on Puntland Post.

Jigjigo (Caasimada Online)-Madaxweynaha cusub ee DDSI Mustaf Muxumed Cumar (Cagjar) oo la dhaariyay ayaa sheegay in maamulkiisa uu qaban doono howlo ka duwan maamulkii hore. Mustaf Muxumed, waxa uu sheegay in maamulka DDSI uu ka dhameystiri doono dhinacyo howshooda ay tahay mid qabyo ah, waxa uuna cadeeyay inuu xooga saari doono ilaa Shan arimood. Mustaf Muxumed ayaa baarlamaanka maamulka u aqriyay qodobada ugu muhiimsan ee uu ka shaqeyn doono mudada uu xilka hayo, wuxuuna sheegay inay jiran arrimo muhiim ah oo u baahan in xooga la saaro. Waxa uu Madaxweyne Mustaf Muxumed sheegay inuu xooga saari doono qodobada kala ah:- 1-Dib usoo celinta xasiloonida deegaanka iyo kalsoonida shacabka ay ku qabaan dowladooda. 2-Xalinta colaadaha ka dhex jira qabiilada deegaanka iyo qowmiyadaha kala ee deriska la ah Soomaalida. 3-Dib usoo celinta sareynta Sharciga iyo xuquuqaha ay leeyihiin dadweynaha. 4-Dib u eegida awoodaha dheeriga ah oo ay yeelan karaan madaxda dowladda, taasi oo lagu dhibaateyn karo dadka. 5-Soo celinta Soomaalinimada iyo astaamaheeda, taasi oo muujineysa isirka ay kasoo jeedaan shacabka DDSI. Madaxweyne Mustaf Muxumed, ayaa sheegay inuu dalbanaayo in lagala shaqeeyo wax waliba oo u wanaagsan maamulka, isagoo meesha ka saaray inuu leeyahay dano gaara ama mid dhaqaale lagu raadinayo. Dowlada Ethiopia ayaa siyaasad ahaan aad ula dhacsan Mustaf Muxumed, waxaana la filayaa inuu la imaan doono Golo siyaasad ahaan isaga lamid ah. Caasimada Online Xafiiska Jigjigo Caasimada@live.com

Nairobi (Caasimada Online)-Agaasimaha Waaxda Iskaashiga Caalamiga ee Wasaaradda Arrimaha Dibadda iyo Iskaashiga Caalamiga ee Jamhuuriyadda Federaalka Soomaaliya Daahir Salaad Xasan ayaa kula kulmay Magaalada Tokyo ee caasimadda Japan mas’uuliyiinta sare ee Wakaaladda Horumarinta Caalamiga ee Japan “JICA”, isaga oo kala hadlay iskaashiga laba geesoodka si loo gaaro guullo wax ku ool ah. Kulanka ayaa diiradda lagu saaray xoojinta iskaashiga iyada oo loo marayo dib u taabagelinta heshiisyadii hore ee labada dal ay u kala saxiixdeen si loo sii ambaqaado wax wadaagga iskaashiga istiraatiijiga leh ee qaadaya tubta cusub. Wasaaradda Arrimaha Dibadda XFS qoraal ka soo baxay ayaa lagu sheegay in Soomaaliya ay soo dhoweyneyso shirkadaha Japan, waxa ayna siinaysaa fursado ay ku maalgeshtaan dhinacyo badan oo u adeegaya danaha wadaagga ah.

Booliska dalka Mareykanka waxaa ay shegeen in nin ka qeyb-galayay tartanka ciyaaraha Komputarka ee magaalada Jacksonville ee gobolka Florida uu toogtay labo qof, afar iyo toban kale uu dhaawacay. Ninka looga shakiyay inuu weerarka geystay oo la rumeesanyahay isna inuu dhintay ayaa waxaa magaciisa lagu sheegay David Katz. Toogashada ayaa ka dhacday dhismo caan ku ah madadaallada oo ku yaal jiinka webi mara bartamaha magaalada Jacksonville. Warar aan la xaqiijin ayaa sheegaya in ninka weerarka geystay uu ka carooday qaabka ay u socotay ciyaar video ah oo computerka lagu dheelo. Toogashada ayaa dhacday xilli internet-ka toos looga daawanayay daamaashaad meesha ka socday, waxaana la maqlayay rasaasta iyo dad qeylinaya. Duqa magaalada Jacksonville, Lenny Curry, ayaa toogashada ka dib warbaahinta u sheegay in magaalada ay la murugooneyso toogashada dhacday. Weerarro badan o noocaan ah ayaa sanadihii dambe ka dhacay gobolka Florida. Cabdiqani Boos Puntland Post The post Toogasho Ka Dhacday Florida oo lagu dilay 2 qof tiro kalena lagu dhaawacay appeared first on Puntland Post.

Agaasimaha Waaxda Iskaashiga Caalamiga ee Wasaaradda Arrimaha Dibadda iyo Iskaashiga Caalamiga ee Soomaaliya Mudane Daahir Salaad Xasan ayaa kula kulmay Magaalada Tokyo ee caasimadda Japan mas’uuliyiinta sare ee Wakaaladda Horumarinta Caalamiga ee Japan “JICA”, isaga oo kala hadlay iskaashiga laba geesoodka si loo gaaro guullo wax ku ool ah. Kulanka ayaa diiradda lagu saaray xoojinta iskaashiga iyada oo loo marayo dib u taabagelinta heshiisyadii hore ee labada dal ay u kala saxiixdeen si loo sii ambaqaado wax wadaagga iskaashiga istiraatiijiga leh ee qaadaya tubta cusub. Soomaaliya waxa ay soo dhoweyneysaa shirkadaha Japan, waxa ayna siinaysaa fursado ay ku maalgeshtaan dhinacyo badan oo u adeegaya danaha wadaagga ah,sida ay sheegtay Wasaaradda Arrimaha Dibadda Soomaaliya. PUNTLAND POST The post Soomaaliya iyo Japan oo ka wada hadlay xoojinta iskaashiga laba dal appeared first on Puntland Post.

Growing up, Jama Gaiye Hoday was not a happy kid. He was raised largely away from his parents, who out of concern for his safety sent him from his home in Somalia to live with an aunt in Kenya. Source: Hiiraan Online

Theresa May is preparing to visit Africa for the first time since becoming prime minister in 2016. Source: Hiiraan Online

Muqdisho (Caasimada Online)-Warar lagu kalsoon yahay oo aan ka heleyno xubno ku dhow dhow Hogaamiyayaasha dowlad Goboleedyada Somalia ayaa sheegaya in dhawaan lagu wado in Guddoomiye cusub loo doorto Golaha Iskaashiga Dowlad Goboleedyada. Guddoomiyaha Golaha Iskaashiga ayaa waxaa hadda ku magacaaban Hogaamiyaha maamulka Puntland C/weli Gaas, waxa uuna qorshuhu yahay in xilkaasi uu qaban doono Maxamed Cabdi Waare oo hadda ah Guddoomiye ku-xigeenka Golaha. Hogaamiyaha Puntland C/weli Gaas ayaa xilkaasi ku wareejin doona shirka la filaayo in maalmaha soo socda uu Golaha uga furmo magaalada Kismaayo ee xarunta maamulka Jubbaland. Magaalada Kismaayo waxaa Saddexda Bisha September ee soo socota ka furmaya shirka Xubnaha Golaha Iskaashiga dowlad Goboleedyada, iyadoo waxa ugu badan ee looga hadli doono shirka ay tahay walaaca ay Hogaamiyayaasha ka qaban faragelinta dowladda Federaalka ay ku heyso Maamul Goboleedyadooda. Hogaamiyaha Maamulka Puntland C/wali Gaas ayaa dhawaan la filayaa inuu gali doono olole doorasho, waxa uuna sidaa ku wareejin doona xilka Golaha. Sidoo kale, Hogaamiyayaasha maamulada Jubbland iyo Koonfur Galbeed ayaa iyaguna la filayaa inay galayaan doorasho. Dhinaca kale, shirka Golaha ee dhawaan qabsoomi doona ayaa socon doona muddo ka yar Seddex cisho waxaana laga soo saari doona qodobo lagu difaacayo doorashooyinka maamulada oo is xigxiga. Caasimada Online Xafiiska Muqdisho Caasimada@live.com

Muqdisho (Caasimada Online)-Madaxweynaha Dalka Kenya Uhuru Kenyatta ayaa markii ugu horeysay ka hadlay wararka sheegaya in dowladiisa ay ciidamada kala baxeyso Somalia. Madaxweyne Kenyatta ayaa sheegay in dowladiisa ay ka go’an tahay inay ciidamada jooga Somalia ay ula baxayaan si dhaqsi ah. Kenyatta oo u waramaayay Idaacadda Voa ayaa sheegay in ciidamadiisa ay joogitanka Somalia ku qabaan dhibaatooyin badan, sidaa aawgeed ay gaaren go’aan ay kula soo baxayaan ciidamada. Kenyatta waxa uu sheegay in DFS ay kala shaqeynayaan adkeynta amniga dalkeeda Ciidamada Kenyana ay baxayaan, waxa uuna tilmaamay in wada shaqeynta ay sii soconkarto iyadoo Kenya ay la baxeyso ciidamadeeda. Mar uu Kenyatta ka hadlaayay qarashka uga baxa ciidamada ka jooga Somalia ayaa waxa uu tilmaamay inay uga baxdo dhaqaale xoogan,kaas oo haddii Ciidamada laga saaro Somalia ay dowladda Kenya ku maareyn doonto qeybo kale. Madaxweyne Uhurro Kenyaatta ayaa tilmaamay in booska ay faarujin doonaan ciidamadiisa ay buuxin doonaan ciidamada kale ee AMISOM, hase yeeshee waxa uu ballanqaaday inay garabsiin doonaan Somalia. Sidoo kale, Kenyatta ayaa tilmaamay in ciidamadiisa ay ula bixi doonaan si nidaamsan oo aan dhibaato amni u keeni doonin Somalia, sida uu hadalka u dhigay. Haddalka Kenyatta ayaa muujinaaya in dowladiisa ay culeys kala kulmeyso dhinacyada mucaaradka oo iyagu dalbanaaya in ciidamada laga saaro Somalia. Caasimada Online Xafiiska Muqdisho Caasimada@live.com

Muqdisho (Caasimada Online): Xuseen Cismaan Xuseen oo hadda ah Taliyaha Hay’adda Nabad Sugidda Iyo Sirdoonka Qaranka NISA ayaa laga yaabaa inuu banneeyo xilkaas si uu isugu sharraxo booska Madaxweynaha Koofur Galbeed. Sida uu qoray wargeyska MEP taliye Xuseen wuxuu hadda ka shaqeynayaa sidii uu walaalkiis u heli lahaa boskii xildhibaanimo ee isaga uu banneeyay markii loo magacaabay taliyaha NISA, si hadii ay ugu suuragali weyso inuu ku guuleysto doorashada madaxtinimada Koofur Galbeed uu ugu soo laabto Baarlamaanka isagoo badali doona walaalkiis. Sayid Cali Cusmaan Xuseen oo la dhashay taliyaha NISA Xuseen Cismaan Xuseen ayaa loo wadaa inuu ku guuleysto kursiga xildhibaanimada uu baneeyay walaalkiis, dhawaan guddiga doorashooyinka qaranka waxey sheegeen in loo tartami doono afar kursi oo uu ku jiro midka uu baneeyay taliye Xuseen. Koofur Galbeed ayaa doorasho aadi doonta bisha November ee sanadkaan, waxaana la filayaa in maalmaha soo socda in siyaasiyiin badan ay ku dhawaaqaan musharaxnimadooda, dadka la filayo iney ku dhawaaqaan waxaa ka mid ah Xuseen Cismaan Xuseen oo ah taliyaha NISA. Qaar ka mid ah Siyaasiyiinta Koofur Galbeed oo uu wargeyska MEP la xiriiray waxey sheegeen in Taliyaha NISA lagula taliyay inuusan xilligaan isi soo sharraxin maadaama ay adag tahay in laga guuleysto Shariif Xasan, hadey dhacdo inuu Xuseen Cusmaan Xuseen isku sharaxo madaxtinimada Koofur Galbeed wuxuu Madaxweyne farmaajo ku qasbanaan doonaa inuu soo magacaabo taliyaha cusub ee hay’ada NISA taasoo noqon doonta markii saddexaad tan iyo markii la doortay madaxweyne Farmaajo. Isbadalada badan ee hay’adda NISA waxey keeni doonaa dib u dhac ku yimaada qorshahii nabad sugidda Soomaaliya, sidaas darteed waxaa laga yaabaa in madaxda sare ay isku daydo iney Xuseen ku qanciso inuu sii joogo booskiisa. Caasimada Online Muqdisho-Office caasimada@live.com

The leader of an ISIS affiliate in Afghanistan, who was responsible for a spate of recent bombings that left hundreds of civilians dead, was killed in an American drone strike, U.S. officials told Fox News on Sunday. Source: Hiiraan Online

President Trump’s controversial tweet calling for the State Department to review the supposed persecution of white farmers in South Africa has reportedly prompted a backlash from South African farmers. Source: Hiiraan Online

The Turkish lira traded flat against the dollar on Monday as markets reopened after last week’s holiday, with investor attention set to refocus on a bitter dispute between Ankara and Washington over an American pastor being tried in Turkey. Source: Hiiraan Online

John McCain requested that former Presidents Barack Obama and George W. Bush deliver eulogies at his funeral, CBS News has confirmed. McCain, who had been suffering from an aggressive form of brain cancer, died Saturday at the age of 81 at home in Arizona. Both Mr. Obama and Mr. Bush will deliver their remarks during a service at the National Cathedral. Source: Hiiraan Online

A gunman has opened fire at an online video game tournament that was being livestreamed from a Florida mall, killing multiple people and sending many others to hospitals, authorities said. Source: Hiiraan Online

President Trump nixed issuing a statement that praised the heroism and life of Sen. John McCain, telling senior aides he preferred to issue a tweet before posting one Saturday night that did not include any kind words for the late Arizona Republican. Source: Hiiraan Online

The government of South Sudan intends to resume oil production from the main oil wells in Unity and Upper Nile states by September 2. Source: Hiiraan Online

Colonel Zakia Hussen Ahmed has been promoted to the rank of a brigadier general in the Somali Police Force. Source: Hiiraan Online

Days after news of appointment of new acting president to Ethiopia Somali region, the regional council passed a decision to lift immunity from prosecution rights of seven members of Somali Regional State Councils, reported Ethiopian State Media – Ethiopian Broadcasting Corporation. Source: Hiiraan Online

Qalabi Dhagax wuxuu qaadey talaabooyin badan oo u muuqda dagaal ku talo gal ah oo uu ku qaadayo reer Puntland, marka loo eego sida uu dhinac ula noqday Somaliland. Talaabooyinka sida qaldan uu u qaadey waxaa ka mid ah:- 1 – Xafladii ugu horeysay oo loogu sameeyey Nairobi, wuxuu muddo aan ka yareyn 15 daqiiqo ka sheegkeynayey oo xayeysiinayey hor u mar uu sheegay inay gaadhey Somaliland, Dimoqraadiyad, doorashooyin iyo cadaalad bulsho oo ay sameeyeen. Wuxuu meesha ka saarey xasuuqa iyo qabsashada Laascaanood, iyo weerarka qaawan ee Tukaraq. 2 – Wuxuu qaabilaad rasmi ah iyo isla sawir u sameeyey Feysal Cali Waraabe oo la ogyahay meesha uu ka taagan yahay gaar ahaan reer Puntland iyo guud ahaan Somalia. 3- Ugu dembeyntii wuxuu qaabilaad rasmi ah iyo isla sawir la sameeyey wafdi ballaaran oo Somaliland darteed u soo dirtey, oo casuumad u wadey isna ka aqbalay inuu Hargeysa ka degayo. Amaanta aanay lahayn Somaliland, Qaabilaada Feysal iyo wufuudii ka dembeeyey weliba waqtigan xasaasiga waxay muujinaysaa daandaansi siyaasadeed iyo inuu taageersan yahey waxa Muuse Biixi ka sameynayo arriamaaha sool, Sanaag iyo Tukaraq. Waxa kale ee ay muujineysaa sida aanu u aaminsanayn midnimada iyo wada jirka Somalia. Mar rag saaxiibo la ah ay arrintaas wax ka weydiiyeen Qalbi dhagax, wuxuu ku jawaabey Puntland-ta aad ka hadleysaan waa dhulkii Cabdillaahi Yusuf iyo Faroole ONLF-ta ka dhiibi jireen oo waxaan u aqaana “xabaalihii ONLF”. Soomaliyada aad sheegeysaana waa tii Farmaajo iga dhiibey. 2 – Axmed Madoobe. Madaxweyanaha Jubaland isagoo ka hadlaaya garoonka Diyaarada ee Kisamaayo isagoo ka soo laabtey Safar uu ugu maqnaa debeda, wuxuu ka hadlaayey Dagaalka u dhexeeya Somaliland iyo Puntland, wuxuuna u hadalaayey sidii inuu yahay QM. Wuxuu yiri “Dadka Soomaaliyeed maanta uma baahna dagaal iyo barakcin. Waa in la joojiyaa dagaalka. Tukaraq uma baahna barakicin iyo xabad ee waa in caqligu shaqeeyo”. Waa hadalkii UN-ka. Soo ma arko in Muuse Biixi goor habeen soo weerarey Tukaraq oo dad shacab ah ku xasuuqey isagoo weliba sheeganaya meel 10 KM u jirta Garoowe, maa arrintaasaa dhex-dhexaad laga noqon karaa? Somalidu waxay ku maahmaahdaa meeshaad nin ka qaadatey, nin ayaa uga tegtay. Waxaana muuqata ragaas oo dhan iney la jiraan Muusa Biixi iyo weerarkiisa. Bal aan aragno waxay dhasho. W/Q: Aamina Aadan Xersi Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Shirkad saldhiggeedu yahay jasiiradda Qubrus oo horay 2013-kii heshiis kula gashay dowladda federaalka ah ee Soomaaliya dhismaha 6 markab oo kuwa roondada xeebaha ah ayaa sheegtay in Soomaaliya ku dacweyn-doonto hey’adda kala saarta dacwadaha oo ku taalo dalka Holland kadib markii ay Muqdisho ixtiraami-weysay heshiiska labada dhinac. Warqad la soo gaarsiiyey Caasimada Online, oo ku taariikheysan August 22, 2018 waxaa loo diray wasiirka gaashaandhigga Xassan Maxamed iyo safiirka Soomaaliya ee midowga Yurub Cali Faqi. Shirkadda Amo Shipping Company (AMOSC), waxaa ay qoraalka ku sheegtay inay dowladda ku wergeliysay inay dacwadda la aadeyso hey’adda ku shaqada leh arrimaha rarka iyo u kala gar-qaadidda arrimaha badda ee loo yaqaano Transport and Maritime Arbitration Rotterdam-Amsterdam (TAMARA) ee Holland , waxaa loo gudbinayaa sidoo kale nuqulka heshiiskii ay AMOSC iyo dowladda Soomaaliya wada galeen July 29, 2013. Maxay Shirkadda AMOSC Rabtaa? Shirkadda AMOSC, waxaa ay dooneysaa inay hesho € 132 million oo lagu daray dul-saar dhan € 24.6 million, lacagtaas oo aheyd in la bixiyo intii u dhaxeysay July 29, 2013 ilaa March 2018, lacagta dollar ahaan waa $183 Milyan. AMOSC waxaa ay rabaa mar hore hey’adda ku qasabto Soomaaliya inay bixiso € 66 million oo ahey lacag aayar loo bixinayey, marka 2baadna inay soo saaro warqad aan dib loo celin oo deyn oo ku qorantahay €132 million ah ama haddii ay lacagtaas €132 million-ka ah ay Soomaaliya toos u bixineyso keliya ku lifaaq €66 million sida ku qorneyd heshiiska ay markii hore 2bada dhinac wada galeen. Sida ku qoran heshiiska, Soomaaliya waxaa ay aheyd in ay qorto warqad ay lacagta uga deynsaneyso Bank of Geneva, Switzerland, laakin weli ma qorin, waa iska aamustay. Heshiikan 6da markab ah, waxaa dowladda federaalka ah u saxiixay 2013-kii wasiirkii gashaandhigga Cabdixakim Xaaji Fiqi, waxaana goobjoog ka ahaa Admiral Faarax Axmed Cumar (Faarax Qare), shirkadda waxaa ay dhameysay shaqada 2 weji oo midkiiba ku kacayo €33m, xiriir badan oo dowladda la soo sameysayna waxaa ay sheegeysaa in aan laga jawaabin, oo ballantii looga baxay. May 6, 2018 iyo Dalabkii €90.6m: Warqad digniin ah oo ay AMOSC soo gaarsiisay Goobjoog News waxaa ay soo dirtay March 13, 2018, shirkadda waxaa ay dowladda federaalka ah ka dalbatay xilligaas lacag dhan €66 million iyo lagu daray €24.6 million oo dul-saar ah oo muddo lix sano ah, warqadda oo la soo mariyay safiirkeenna midowga Yurub Dr. Ali Said Faqi waxaa gacanta laga saaray wasiirkii gashaandhigga Maxamed Mursal laakin kama jawaabin. Shirkadda AMOSC, waxaa ay ku doodeysaa in heshiiska uu labo dhinac ahaa, sidaasi darteedna aaney ka bixi Karin dowladda federaalka ah. Dhankooda, wasiirro iyo saraakiil ka tirsan dowladda federaalka ah oo la hadlay Goobjoog News, waxaa ay qireen inuu jiro heshiiskaas, laakin waxaa ay diideen inay ka hadlaaan.

Kismaayo (Caasimada Online) – Warar soo baxaaya ayaa sheegaya in Hogaamiyaha maamulka Jubbaland Axmed Madoobe uu wado qorsho ciidamo cusub lagu geynayo Degmooyin ka tirsan Gobolka Gedo. Wararku waxa ay sheegayaan in ciidamada uu qorsheynaayo Axmed Madoobe ay qeyb ka noqon doonaan kuwa Kenya, halka kuwa ugu badan ay noqon doonaan Militeriga maamulka. Ciidamadan oo uruurintooda ay socto ayaa loo diyaarinayaa in la geeyo Baardheere iyo Garbahaarey oo ay ku yaalan xarumaha ugu waaweyn ee maamulka Gobolka. Ciidamada uu Axmed Madoobe doonaayo inuu geeyo Gobolka Gedo ayaa waxaa Garoonka magaalada Kismaayo looga daadgureyn doonaa Diyaarad laga leeyahay dalka Kenya. Degmada Baardheere iyo Garbahaarey ayaa waxaa kusii kordhaaya kacdoonada ka dhanka ah maamulka Jubbaland, waxaana halkaasi dhawaan looga dhawaaqay in Axmed Madoobe iyo maamulkiisa aanu ka shaqeyn doonin Gobolka Gedo. Axmed Madoobe, ayaa doonaaya in ciidamadaasi uu u adeegsado hakinta kacdoonka ka socda magaalada Garbahaarey oo ay ku sugan yihiin Siyaasiyiin kasoo horjeeda maamulka. Ciidamada uu Madoobe geyn doono Gobolka ayaa halis ku ah Gobolka Gedo, waxaana suuragal ah in halkaa uu ka dhaco dagaal u dhexeeya dadka deegaanka oo diidan maamulka Jubbaland iyo ciidamada. Dadka kasoo jeeda Gobolka Gedo ayaa diidan gabi ahaan Axmed Madoobe iyo Maamulkiisa, waxa ayna arrintaasi ka danbeysay kadib markii Hogaamiyaha maamulka uu dhaleeceeyay Dowlada Somalia ee uu Hogaamiyo Farmaajo. Si kastaba ha ahaatee, maamulka Jubbaland ayaa u diyaar garoobaya doorasho heer Madaxweyne, waxa uuna Axmed Madoobe baqdin ka muujinayaa in lala gadiyo doorashada. Caasimada Online Xafiiska Kismaayo Caasimada@live.com

Addis Ababa (Caasimada Online) – Ra’isul wasaaraha dalka Ethiopia Abiy Axmed ayaa markii ugu horeysay ka jawaabay wararka sheegaya inuu xanuunsan yahay. Abiy Axmed oo u muuqday mid su’aasha kadis looga dhigay ayaa sheegay inuu maqlay warar muujinaaya in xanuun uu ku qabsaday dalka Mareykanka xili uu halkaa ku joogay booqasho. Waxa uu Abiy Axmed sheegay inuu yahay mid caafimaad qaba isla markaana aan ku xanuunsan dalka Mareykanka, sida uu haddalka u dhigay markii la hadlaayay saxaafada. Waxa uu tilmaamay in shaqsi ahaantiisa uusan aheyn dadka isticmaala dawooyinka misna ku degdega goobaha caafimaadk, isagoo taa bedelkeeda sheegay inuu aad u jecelyahay jimicsiga. Nuqul kamid ah hadalkiisa ayaa ahaa “Aniga maba ihii dadka isticmaala dawooyinka mana soo gato dawo, waxaan aaminsanahay jimicsi iyo sporti oo ah aasaaska caafimaadka” Abiy waxa uu sheegay in baraha bulshada lagu soo bandhigo wax waliba oo shaki galinkara xaqiiqda, sidaa aawgeed waxa uu meesha ka saaray wararka sheegaya inuu ku xanuunsaday dalka Mareykanka oo uu dhawaan gaaray. Si kastaba ha ahaatee, warbaahinta qaar ayaa qoray in Ra’isul wasaare Abiy Axmed lagu sumeeyay raashiin ay u leeyihiin Hido iyo dhaqan, hase yeeshee waxa uu hadalkaasi noqonayaa mid beenoobay. Caasimada Online Xafiiska Addis Ababa Caasimada@live.com