ASMARA (Caasimada Online) – Somalia’s President Mohamed Abdullahi Farmajo his Eritrean counterpart, Afeworki and Ethiopian Prime Minister Abiy Ahmed met in Asmara, Eritrea’s capital, to seal a tripartite agreement in the direction of fostering partnership. PM Abiy and President arrived in Eritrea on their way back from China after attending China-Africa Cooperation Forum. The leaders from the three counties signed an greement o enhance economic, political, social, security and cultural cooperations. At the core of the trilateral initiative is to attain mutual development, according to Eritrea’s Minister of Information. However, Somali president President Farmajo tweeted that development can be achieved through cooperation, after the agreement. Caasimada Online Mogadishu News Desk Caasimada@live.com

Cabdisalaan Bashiir Cabdisalaan ayaa ku guuleystay doorashadii duqa degmada Boosaaso ee xarunta Gobolka Bari, kadib markii uu helay cod aqlabiyad ah. Cabdisalaan Bashiir Cabdisalaan ayaa helay 28 cod, waxaana la tartamayay musharax Maxamed Faarax Mire oo helay 3 cod, waxayna doorashadu ku dhacday cod qaarsoodi. Sidoo kale ku xigeenka duqa degmada Boosaaso waxaa ku guuleystay Siciid Cabdiraxaam Garoon oo helay 26 cod, halka masharaxii la tartamayay oo ahaa Mubaarak Salaad Cali uu helay 5 cod. Goobta ay doorashadu ka dhacday waxaa goob-joog ka ahaa ,Wasiirka arimaha gudaha iyo dowladdaha hooseee Puntland Cabdulaahi Timacade, ku xigeenkiisa ,Wasiirka dekadaha iyo maamulka Gobalka Bari,. Xildhibaanada golaha deegaanka ee degmada Boosaaso ayaa ka kooban 31 xubnood. Cabdiqani Boos Puntland Post The post Cabdisalaan Bashiir Cabdisalaan oo loo doortay Duqa Bosaso appeared first on Puntland Post.

Xildhibaannada cusub ee Golaha degaanka degmada Boosaaso oo shalay la dhaariyay ayaa saaka dooranaya guddoomiye iyo guddoomiye ku xigeen. Xildhibaannada oo ka kooban 31 xubnood oo ay ku jiraan lix haween ah ayaa haatan ku sugan xarunta dowladda hoose ee degmada Boosaaso,halkaas oo ay ka dhacayso doorashada duqa Boosaaso iyo ku xigeenkiisa. Mudane. Cabdisalaan Bashiir Cabdisalaan oo shalay iska-casilay xilka wasiir ku xigeenka Maaliyadda Puntland iyo Maxamed Faarax Mire ayaa ku tartamaya doorashada duqa degmada Boosaaso. Dhinaca kale doorashada ku xigeenka duqa degmada ayaa waxa u taagan hal musharrax oo lagu magacaabo Siciid Garoon. Saadaal kooban Dadka xog-ogaalka ee la socda doorashadan,waxay sheegayaan in loo badinayo duqa cusub ee Boosaaso in uu ku soo baxo,Cabdisalaan Bashiir Cabdisalaan oo awal xilkan si ku meel-gaar ah u hayay,maadaama si fiican loo tijaabiyay mudada kooban ee uu xilkan hayay. Mudane. Cabdisalaan ayaa la sheegaya in uu shaqo fiican qabtay,kadib markii 1March ee sannadkan uu madaxweyne Gaas si ku meel-gaar ah ugu magacaabay,duqa degmada Boosaaso,xilligaas oo madaxweynuhu kala diray Golihi degaanka oo lagu eedeeyay is-qab-qabsi iyo xil gudasho la’aan joogto ah. PUNTLAND POST Cabdiraxmaan Ciise Cumar The post Sadaasha doorashada duqa Boosaaso? appeared first on Puntland Post.

Wasiirrada arrimaha dibedda ee Dowladaha Soomaaliya , Itoobiya iyo Eretrea ayaa la filayaa in ay dhawaan kulan Saddex Geesood ah ku yeeshaan Magaalada Jabuuti ee Caasimadda Dalka Jabuuti. sida ay qortay Warbaahinta Qaranka Soomaaliyeed, masuuliyiintan ayaa ku wajahan Jabuuti, iyagoo ka wada hadli doono sidii xal waara looga gaari lahaa xurgufta dhex taalla Jabuuti iyo Eretrea. Kulankan ay Jabuuti ku yeelanayaan Wasiirrada arrimaha dibadda ee Soomaaliya, Itoobiya iyo Eretrea ayaa waxa uu qayb ka yahay shir ay Magaalada Casmara ku yeesheen hoggaamiyeyaasha Waddamada Saddexdan Dal, kaasoo ku qotoma in la dhammeeyo mad-madoowga siyaasadeed ee ka dhex jira Waddamada Bariga Afrika, laguna beddelo nabad , horumar iyo wada noolaasho. Goobjoog News Source: goobjoog.com

Magaalada Kismaayo ee gobolka Jubbada Hoose waxaa maalintii Saddexaad ka soconaya shirka madaxda dowlad goboleedyada kaasi oo arrimo badan looga hadlayo. Shirkan oo maraya heer gebogebo ah ayaa xalay waxaa dhacay kulamo gaar gaar ah oo ay yeesheen madaxda dowlad goboleedyada. Waxay isla garteen inta badan qodobada lagu soo saarayo War-murtiyeedka, waxaana waxyaabaha la isku fahmay ka mid ah arrimaha ammaanka, doorashooyinka maamullada iyo sidii DFS uga madaxbanaanaan lahayd iyo arrimo kale oo muhiim ah. Sidoo kale, wararka ayaa waxay sheegayaan in madaxda K/galbeed iyo Puntland oo dhowaan doorashooyin galaya ay dalbadeen in dowladda dhexe aanay wax lug ah ku yeelan arrimaha doorashooyinka. Warbaahinta ayaa maanta looga yeeray guriga martida Kismaayo ee shirkan uu ka soconayo, waxaana qorshaha uu yahay in shirka lasoo gabagabeeyo, wallow jadwalka shirka uu berri ku aaddan yahay in lasoo xiro shirkaasi. Warkaan wixii kusoo kordha kala soco wararkeena kale Goobjoog News Source: goobjoog.com

Jigjiga (Caasimada Online)-Madaxweynihii hore ee DDSI Cabdi Maxamuud Cumar (Cabdi Iley), ayaa lasoo sheegayaa in iminka uu ku xanuunsanayo xabsi ku yaalla magaalada Addis Ababa ee dalka Ethiopia. Cabdi Iley, ayaa la soo sheegayaa in xabsiga uu ku xanuunsan yahay maalmo, sida ay sheegtay hooyada dhashay. Hooyada dhashay Cabdi Maxamuud Cumar oo magaceeda ku sheegtay Deed Mahad Colow oo kasoo muuqatay muuqaal kooban oo laga soo duubay, ayaa dowlada Ethiopia ka dalbatay inay usii deyso wiilkeeda. Hooyadan ayaa dadka shacabka ah ee kasoo jeeda DDSI sidoo kale ka dalbatay inay cafis u fidiyaan wiilkeeda, maadaama ay dhibaatooyin ka tirsanayaan. Nuqul kamid ah haddalka Hooyadan ayaa ahaa “Magaceygu waa Deed Mahad Colow, waxaan ahay Hooyada dhashay Madaxweynihii hore ee DDSI Cabdi Maxamuud Cumar, waxaan idinka codsanayaa dhammaan Soomaali Maxamed meel walba oo ay joogto inaad cafisaan Cabdi Maxamuud oo gacanta ugu jira cadow” “Waxan Ra’isul wasaaraha Ethiopia Abiy Axmed ka codsanayaa inuu wiilkeyga ii saamaxo maadaama uu xanuunsan yahay si uu u helo caafimaad”. Si kastaba ha ahaatee, Cabdi Maxamuud Cumar ayaa 27-kii August ee sanadkan lagu xiray xabsi ku yaalla magaalada Addis Ababa, kadib markii gurigiisa ay ka soo kaxeeyeen ciidanka federaalka Ethiopia. Caasimada Online Xafiiska Jigjiga Caasimada@live.com

Nairobi (Caasimada Online)-Dowlada Paraguay ayaa ku dhawaaqday in Safaaradeeda ku taala magaalada Jerusalem ee dhulka barakeysan ee Qudus dib loogu soo raraayo magaalada Tel Aviv. Wasiirka arimaha dibeda Paraguay Luis Alberto Castiglioni, ayaa soo saaray amarkaan kadib shir Jaraa,id oo uu warfidiyeenada u qabtay. Wasiirka ayaa sheegay in safaarada ay ku leeyihiin Isreal ay dib ugu soo celin doonaan magaalada Tel Aviv, iyadoo dib looga laabtay go,aan uu horay u gaaray madaxweynihii hore Mr Horacio Cartes. Waxa Wasiirku sheegay in xafiiska Safaaradooda bilo un ka hor loo raray magaalada Jerusalem ee dhulka barakeysan ee Qudus, hase yeeshee ay dib ugu soo laabanayaan Tel Aviv. Wasiirkan ayaa waxa uu sababta ku sheegay in dowladiisa oo ku taal koonfur America ay dooneyso inay dhexdhaxaad ka ahaadan siyaasada Arimaha dibeda iyo dalalka muranada uu ka dhaxeeyo. Sidoo kale, Mr Luis Alberto Castiglioni ayaa ugu danbeyn sheegay in ay ka shaqeyn doonto xukuumada Paraguay sidii xal nabadeed loogu soo dabaali lahaa xasarada ka taagan bariga dhexe. Talaabadan ayaa imaaneysa kadib markii uu khilaaf ka dhashay go’aanka dhulka barakeysan ee Qudus loogu gacan galiyay Israel. Caasimada Online Xafiiska Nairobi Caasimada@live.com

A Somali family who arrived in the country on fake passports and embarked on an asylum fraud have won a battle against deportation. Source: Hiiraan Online

Eight Somali herders have accused Operation Linda Boni soldiers of attacking them on Monday and torturing them. Source: Hiiraan Online

Kooxaha u dooda xuquuqda qaxootiga ayaa dowladda Norway ku cambaareeyey go’aankeeda ah in 1,600 Soomaali ah oo magan-galyo ahaan u joogay dalkeeda ay u soo tarxiileyso Muqdisho kadib markii ay sida ay sheegtay dalku uu nabad noqday. Norway waxaa ay leedahay Soomaaliya hadda waa nabad oo ma jirto baahi ay qaxootiga u sii joogaan dalkeeda, sidaasi waxaa lagu sheegay warbixin soo baxday. Kooxo badan oo u dooda xuquuqda qaxootiga oo ay ku jirto hey’adda Norwegian Organization for Asylum Seekers (NOAS) ayaa waxaa leeyihiin Soomaaliya weli nabad ma aha, macquulna ma aha in dowladda ay u mar-marsiyooto celinta qaxootigaasi, taasi oo ka hor imaaneysa xeerarka caalamiga ah ee qaxootiga. “Dowladda Soomaaliya ma sugi karto ammaanka dadkan, sidaasi waxaa yiri mid ka ah la-taliyeyaasha NOAS André Møkkelgjerd. Torkil Åmland oo ah wasiir ka tirsan Norway ayaa cambaareeyay kooxaha dowladda ku diiday inay soo rogto xeerar xaqagga qaxootiga ah, hadalkoodana uu u dhigmo mid sharciga lagu jabinayo. Goobjoog News Source: goobjoog.com

The Somali National Army (SNA) have arrested 32 al-Shabab militants after conducting military operations in Marka town in Lower Shabelle region southern Somalia. Source: Hiiraan Online

Asmara (PP) ─ Madaxweynaha Somalia, Maxamed Cabdullaahi Farmaajo, kan Eritrea, Isaias Afwerki iyo Ra’iisul Wasaaraha Itoobiya Abiy Axmed ayaa goor-dhaw heshiis saddex geesood ah ku kala saxiixday magaalada Asmara ee xarunta dalka Eritrea. Heshiiskan lagu qeexay in Somalia, Eritrea iyo Itoobiya ay yeeshaan iskaashi dhaqaale, amni, bulsho, dhaqan iyo siyaasadeed, lagana shaqeeyo sidii guud ahaan Geeska Afrika loogu soo dabbaali lahaa xasillooni iyo horumar. Sidoo kale, dhinacyada hesiiskan galay ayaa la filayaa inay wadahadallo kale yeeshaan, kaaso ay kusoo saarayaan Qodobada faah-faahsan ee heshiiskan ay gaareen. Dhaka kale, Heshiiskan ayaa yimid kaddib markii ay Asmara xalay kulan ku qaateen Madaxweynayaasha Somalia, Eritrea, iyo RW Itoobiya. Iyadoo sidoo kale maanta uu furmayo shir socon doona illaa berri oo Jimco ah. Qodobbada heshiiskan ayaa waxay gogol-xaar u yihiin sidii la isugu xiri lahaa xaaladda amni iyo kobaca dhaqaale ee dalalka gobolka, Maadaama ay hadda dunidu u soo jeesatay fursadaha maalgashiga ee Geeska Afrika. Kulankan saddex-geesoodka ah, ayaa wuxuu kusoo beegmayaa iyadoo weli uu jiro muran u dhexeeya Dowladaha Somalia iyo Jabuuti, kaasoo salka ku haya hadal uu Madaxweyne Farmaajo ka sheegay magaalada Askara bishii July ee sannadkan. Ugu dambeyn, Markab ay leedahay Dowladda Itoobiya ayaa shalay kusoo xirtay Dekedda Musawac ee dalka Eritrea, taasoo muujinaysa sida uu u sii xoogeysanayo heshiiska u billowday waddan oo muddo labaatan sano ah ku dagaalamay lanaashana magaalo ku taalla xuduudda labada waddan. PUNTLAND POST The post Hogaamiyeyaasha Somalia, Itoobiya & Eritrea oo Heshiis Hordhac ah ku saxiixday Asmara appeared first on Puntland Post.

Ankara (PP) ─ Duqa Muqdisho ahna Guddoomiyaha Gobolka Banaadir Mudane Cabadirixmaan Cumar Cusmaan (Eng.Yarisow) iyo Dhiggiisa Magaalada Ankara ee dalka Turkiga Mudane Dr. Mustafa Tuna ayaa kala saxiixday heshiis dib loogu cusboonaysiinayo mataaneynta Caasimadaha Soomaaliya iyo Turkiga. Heshiiskan ayaa dhigaya in labada Maamul ee Muqdisha iyo Ankara ay is-dhaafsadaan khibradda dhanka maareynta shaqooyinka Dowladda Hoose, tayeynta shaqaalaha, qorsheynta iyo fulinta mashaariicda horumarineed, ilaalinta bilicda iyo deegaanka. Labada Duq ee Muqdisho iyo Ankara ayaa isla qiray muhiimadda ay leedahay mataaneynta labada magaalo iyo sooyaalka saaxiibtinimo ee ka dhaxeeya, kaas oo ku suntan tan iyo sannadkii 1988-dii. “Si loo xoojiyo wada shaqeynta iyo iskaashiga ka dhexeeya labada caasimadood, loona horumariyo xiriirka saaxiibtinimo ee dawladaha hoose ee Muqdisho iyo Ankara ayaa labada dhinac waxa ay dib u cusbooneysiiyeen heshiiska mataaneynta labada magaalo, kaas oo ku dhisan iskaashi, is-taakuleyn iyo wax wada-qabsi.” Heshiiska mataaneynta Muqdisho iyo Ankara ayaa dhigaya in la xaqiijiyo qodobbada soo socda: In la is-waydaarsado khibradda dhanka maareynta iyo hannaanka fulinta isbedellada qorshaynta magaalooyinka, guryaha iyo gaadiidka dadweynaha, ilaalinta deegaanka, dhaqaalaha, sayniska iyo dalxiiska. In la xoojiyo iskaashiga labada magaalo, iyadoo loo marayo martigalinta dhacdooyinka iyo bandhigyada ku saabsan arrimaha dhallinyarada, dhaqanka iyo hiddaha, tababarrada xirfadaha iyo ciyaaraha. Dhiiri gelinta iyo hirgelinta dhammaan qorsheyaasha iyo mashaariicda ku qotama kor u qaadidda horumarinta guud ee labada magaalo. Waaxda Maamulka Dawladda Hoose ee Muqdisho iyo Waaxda Xiriirka Dibadda ee Dawladda Hoose ee Ankara ayaa u xil saaran joogteynta xiriirika iyo isku-dubaridka shaqooyinka labada magaalo, iyagoo wakiil uga ah dawladahooda. Ugu dambeyn, Tallaabadan ayaa waxay sidoo kale kusoo beegmaysaa iyadoo horay ay Muqdisho ula mataanoowday Magaalada Istanbuul oo ah midda ugu weyn dalka Turkiga, iyadoo labadood dowlad hoose uu xilligan ka dhexeeyo xiriir wada-shaqeyneed. PUNTLAND POST The post Caasimadaha Turkiga iyo Somalia oo Ankara ku kala saxiixay heshiis ay ku Mataanoobeen appeared first on Puntland Post.

Maanta waxaa magaalada Asmara ee caasimadda wadanka Eratariya uga billaabanaya madaxweynaha Soomaaliya Maxamed Farmaajo, Dhiggiisa Eratariya Asaias Afawerki iyo Ra’iisul wasaaraha Itoobiya Abiy Ahmed shir qaadanaya laba cisho. Saacado ka hor qoraal uu soo saaray wasiirka wasaaradda arrimaha dibadda Soomaaliya Axmed Cawad oo qeyb ka ah safarka madaxweynaha ayaa lagu sheegay in shirkaasi looga arrinsanayo arrimaha dhaqaalaha, islamarkaana Soomaaliya ay muhiim tahay in ay ka qaadato doorkeeda. Haddaba, Danjire hore Maxamed Maxamuud Caalim ayaa Goobjoog News ay ka wareysatay shirkani u gaarka ah dowladaha Itoobiya Eratariya iyo Soomaaliya waxa xilligani ku soo beegay, isagoo su’aal galiyay wax aan midowga Afrika iyo IGAD ka warqabin natiijada ka soo bixi karta. Dowladda Jabuuti oo xurgufi kala dhaxeeyso Eratariya ayaa sidoo kale shirkani maanta ka furmaya Asmara qeyb ka ahayn, taasoo sii kicin karta xiisadda labadaas dowladood ka dhaxeeysay. Horraantii bishii aynu ka soo gudubnay ayaa qoraal laga soo saaray safaaradda Jabuuti ee Muqdisho lagu sheegay in dowladda Jabuuti iyo shacabkeedu ay aad uga naxeen baaqii madaxweynaha Soomaaliya uu u diray Qaramada Madoobe kaasoo ahaa in cunaqabataynta laga qaado Eratariya dabayaaqadii bishii July ee isla sanadkaan oo uu socdaal seddex cisho ah ku joogay magaalada Asmara. Halka Hoose Ka Dhageyso: https://goobjoog.com/wp-content/uploads/2018/09/caalim-1.mp3 Goobjoog News Source: goobjoog.com

Shirkani oo lagaga hadlayo iskaashi dhaqaale oo dhexmara dalalka Soomaaliya, Itoobiya iyo Eratariya ayaa maanta ka furmaya magaalada caasimadda ah ee Asmara. Madaxweynaha Soomaaliya Maxamed Cabdullaahi, kan Eratariya Asaias Afawerki iyo Ra’iisul wasaaraha Itoobiya Abiy Ahmed ayaa shirkani si wadajir ah u qaadan doono. Wasaaradda arrimaha dibadda qoraal laga soo saaray ayaa lagu sheegay in shirku uu ku saabsan yahay iskaashi dowladahani ay ka sameynayaan xagga ganacsiga, si koboc dhaqaale ay u hiigsadaan. Xalay saqdii dhexe ayaa magaalada Asmara waxaa ka dhacay heshiis seddex geesood ah oo lagu sheegay in Soomaaliya, Eratariya iyo Itoobiya ay wada saxiixeen. Shirka maanta magaalo madaxda Eratariya ee Asmara ka billaabanaya ayaa qaadan doono 6 illaa 7 September 2018-ka, waana mid si weyn isha loogu hayo, waxa ka soo bixi kara iyo jawaab celinnada ka imaan kara dowladaha gobolka oo aan qeybta ka ahayn gaashaanbuursigani cusub. Waxaa jirta hadal-heyn ah waxyaabaha keenay in dowladihii kale ee gobolkani ay shirkani ka maqnaadaan sida dowladda uu hoggaamiyo madaxweyne Ismaaciil Cumar Geelle ee Jabuuti oo iyadu khilaafyo dhuleed uu kala dhaxeeyo xukuumadda madaxweyne Akawerki. Goobjoog News Source: goobjoog.com

The leaders of Somalia, Ethiopia and Eritrea have agreed to initiate dialogue as they seek to resolve a border dispute between the latter and Djibouti, according to Abdinur Mohamed, the communications director in the office of the Somali president. Source: Hiiraan Online

Qatar has officially made permanent residency an option for a limited number of foreigners, a landmark development in the energy-rich Gulf. Source: Hiiraan Online

Because the Battle of Adwa proved that the colonizer doesn’t always win. Source: Hiiraan Online

WASHINGTON — Bernie Sanders couldn't carry JFK's old congressional district in Massachusetts when he ran against Hillary Clinton in 2016, but Ayanna Pressley did — and her stunning primary upset this week adds to a string of victories for underdog progressive black Democrats this year. Source: Hiiraan Online

Iran’s rial fell to a record low on Wednesday, part of a staggering 140 percent drop in the currency’s value since the United States pulled out of the nuclear deal only four months ago. Source: Hiiraan Online

Sida lagu baahiyay barta ay madaxtooyada Soomaaliya ku leedahay Facebook-ga, Madaxweynaha Soomaaliya Mudane Maxamed Cabdullaahi Farmaajo, Madaxweynaha Eritrea Mudane Isaias Afwerki iyo Ra’iisul Wasaaraha Itoobiya Mudane Abiy Axmed ayaa xalay heshiis saddex geesood ah ku wada kala saxiixday magaalada Asmara ee caasimadda waddanka Eratariya oo madaxweyne Farmaajo uu gaaray saacadihii dambe ee shalay oo Arbaco ahayd. Ujeedka heshiiskani oo ah iskaashi dhaqaale oo dhexmara dowladahani ayaa sidoo kale lagu sheegay in dalalka Soomaaliya, Eratariya iyo Itoobiya dhaqangelinta heshiidkani uu u horseedayo xasilooni iyo horumar. Soomaaliya ayaa wali waxaa ka jira colaado, iyadoo dhul badan ay gacanta kaga heystaan dowladda federaalka mucaaradka hubeysan ee Alshabaab. Lama caddayn kaalin rasmiya oo xukuumadaha Itoobiya iyo Asmara ay ku yeelanayaan nabadgalyo kaga gaaro colaadaha aafeeyay sanadaha badan Soomaaliya, marka laga soo tago in Itoobiya ciidankeedu ay qeyb ka yihiin howlgalka nabad ilaalinta AMISOM. “Heshiiskan ayaa waxa uu dhigayaa in Soomaaliya, Eritrea iyo Itoobiya ay yeeshaan iskaashi dhaqaale, amni, bulsho, dhaqan iyo siyaasadeed, lagana shaqeeyo sidii guud ahaan Gobolka Geeska Afrika loogu soo dabbaali lahaa xasillooni iyo horumar” ayaa lagu yiri qoraalka madaxtooyada Soomaaliya baahisay. Bartamihii sanadkani ayay ahayd markii booqasho magaalada Muqdisho ee caasimadda Soomaaliya uu ku yimid Ra’iisul wasaaraha Itoobiya Abiy Axmed kaddib kulan ay wasa qaateen afar saac madaxweynaha qaranka Maxamed Farmaajo inay wada gaareen heshiis qodobo kamid ah qeexayaan in Addisababa lagu wareejiyo afar dekadood oo Soomaaliya ku yaalla si ay maalgashi ugu sameysato. Heshiiska seddexda dowladood ay wada gaareen ee Soomaaliya, Itoobiya iyo Eratariya oo suntan iskaashiga dhaqaalaha ayaa la ogayn ujeedka rasmiga ah oo laga leeyahay iyo dowladaha gadaal ka riixayaan. Seddexdani hoggaamiye FarmaajoFarmaajo, Asaias iyo Abiy ayaa maanta Asmara waxaa uga furmi doono shir qaadanaya laba cisho oo iskaashiga dhaqaale lagaga hadlayo sida saacado ka hor lagu sheegay war qoraal ah oo ka soo baxay wasaaradda arrimaha dibadda Soomaaliya. Su’aalaha la isweydiin karayo waxaa sidoo kale kamid ah sababta keentay in dowladaha gobolka oo horumarka dhaqaale ku tallaabsaday ay uga maqan yihiin sida Jabuuti oo xurgufi kala dhaxeeyso Eretariya. HOOS KA DAAWO SAWIRRADA: Goobjoog News Source: goobjoog.com

Muxuu Farmaajo ula kulmi waayey Donald Trump iyo Theresa May!? Waxa uu ahaa dhigaalkii ugu dambeeyey ee uu Cabdiraxmaan Cabdishakuur soo dhigo boggiisa Facebook. Arritan ayaa imaneysa xilli uu shalay madaxweynaha Soomaaliya Maxamed Cabdullahi Maxamed ku tagey magaalada Asmara, xarunta dalka Eritrea oo uu kulan saddex geesood ah uga furmayo madaxda Soomaaliya, Eritrea iyo Itoobiya. Wali lama shaacin ajendaha kulanka saddex geesoodka ah, walow uu u muuqdo mid xasaasi ah, maadama ay hoggaamiyeyaasha toos u abbaareen Eritrea kaddib markii ay soo dhammeysteen shirkii China iyo wadamada Africa uga socday maalmahan magaalada Beijing. Cabdiraxmaan Cabdishakuur oo aan waxba kala socon ujeedka iyo ahmiyadda shirkaas saddex geesoodka ah ayaa bilaabay xanuunkii is barbar dhigga “Comparison Syndrome” ahaa ee mucaaradnimadiisa lagu bartay. Muxuu yiri? “Madaxweynaha dawlada aan deriska nahay ee Kenya wuxuu usbuucii la soo dhaafay gudihiisa la kulmay sedexda hogaamiye ee dunida ugu saamaynta badan leh, Madxweynaha, Maraykanka, Madaxweynaha China iyo Raysalwasaaraha Britain. Halka siyaasadeena Arrimaha dibada ay Doha iyo Asmara dhaafi la’dahay. “ Walow uu qoraalkan u ekeysinayo in uu ka hadlayo siyaasadda arrimaha dibedda ee Soomaaliya ee isaga ula muuqata in ay dowladda hadda jirta ka gaabisay – gaar ahaan xawaaraha hummaagiisa u sawirayo, haddana waxa uu qof walba ka dhadhansan karaa in ay ujeedadiisu tahay u bahdilidda madaxweynaha Soomaaliya dhiggiisa Kenya, Uhuru Kenyatta. Sidee? Madaxweynaha Kenya waxa uu la kulmay, Trump, May iyo Xi Jinping! – Cabdiraxmaan Cabdishakuur ma aha waaqici ama wuu is yeel yeelayaa! Kenya waa dal tan iyo markii ay xoriyadda guumeystihii Ingiriiska ka qaadatay 1963 ahayd dowladda siyaasadeedu salka dhulka ku haysay halka ay dimuqraadiyadda ka hana qaaday 1992-kii oo ay sameysteen nidaamka xisbiyada badan. Soomaaliya oo 30 sano kaddib xorriyadeedii ay dowladdii dhexe ka bur burtay, ilaa haddana ku jirta soo kabasho, ma tahay arrin uu siyaasi weyn la soo golo fariisto is barbar dhigga labadaas dal ama hoggaamiyeyaashooda? Donald Trump, May iyo Xi maxaa uga xiran Soomaaliya oo ay ula kulamayaan Farmaajo? 2 – Madaxweyne Farmaajo lama kulmin miyaa Xi Jinping, oo miyaan si meeqaam sare leh loogu soo dhaweyn dalka China? Laga yaabe, in Cabdiraxmaan Cabdishakuur kulankii madaxweyne Farmaajo iyo Xi Jinping ka war qabin! Hase ahaatee, Cabdiraxmaan Cabdishakuur kali kuma ah xanuunka is barbar dhigga ee ‘Comparison Syndrome!” waa arrin hadda caadi ka noqotay baraha bulshada iyo goobaha xanta “Gossip Corners” ee siyaasadda lagu gorfeeyo! Caasimada Online Xafiiska Muqdisho Caasimada@live.com

Daanta-Galbeed (Caasimada Online) – Dalka Urdun ama Jordan ayaa si xooggan u diiday una cambaareeyey qorshe Mareykanka uu soo bandhigay oo la doonayo in Falastiin iyo Jordan looga dhigo hal dal, waxaana ay sheegeen in tani ay tahay arrin aan wada-xaajood laga geli karin. Afhayaeenka dowladda Jordan, Jumana Ghneimat ayaa sheegtay in mowqifka Jordan uu mar wlaba yahay in la helo dal Falastiin oo ku salaysan xuduudihii 1967-kii. Qorshaha Falastiin loogu darayo dalka Jordan ayaa waxaa soo bandhigay Jason Greenblatt iyo Jared Kushner, oo ah la-taliyayaasha madaxweyne Donald Trump ee Bariga Dhexe, kuwaas oo kala hadlay madaxweynaha Falastiin maxmuud Cabaas iyo boqorka Jordan, Cabdallah. Cabaas ayaa u sheegay Greenblatt iyo Kushner inuu doonayo saddex dal oo kala ah Falastiin, Israel iyo Jordan, balse aanu aqbalayn in Falastiin meesha laga saaro, sida uu ku warramay wargeyska Times of Israel. Greenblatt oo arrintan wax laga weydiiyey ayaa sheegay in Mareykanka uu ka fakarayo qorshooyin badan oo xal u noqon kara dhibataada Bariga Dhexe, balse uusan diyaar u ahayn inuu bixiyo faahfaahin intaas dheer. Arrinta ku saabsan in Falastiin iyo Jordan laga dhigo hal dal, ayaa dhowr mar oo hore sidan oo kale la isugu dayay, waxaana inta badan ay tahay fikrad ay qabaan dadka kasoo horjeeda in Falastiin ay hesho dal. Kuwa fikraddan qaba ayaa ku dooda tirada dadka Falastiiniyiinta ee degan Jordan, oo gaareysa laba milyan oo qof, oo badankood haysta dhalashada dalkaas. Si kastaba, hay’adda UNHCR ayaa sheegtay in inkasta ay tani jirto haddana kuwa badan oo dadkaas ka mid ah dhowaanahan lagala noqday muwaadannimada dalkaas, welina aan loo arkin inay yihiin dad dalkaas u dhashay. Jordan ayaa horey u maamuli jirta Daanta Galbeed iyo Bariga Jerusalem, ka hor inta aanay labaduba Israel ku qabsan dagaalkii lixda maalmood ee sanaddii 1967-kii. Caasimada Online Xafiiska Qaahira Caasimada@live.com

Amiir reer Sucuudi ah ayaa u sheegay dad ku banaan baxayey caasimadda Britain in qoyska boqortooyada oo dhan aysan mudneyn eed balse lagu koobo ‘Boqorka iyo dhaxal sugihiisa’, marka ay noqoto xasuuq ka socda Yemen. Hadaladaas waxaa laga maqli karay muuqaal laga qabtay dhacdadaas ka dhacday goob London ka tirsan oo aan la sheegin, arintan waxa ay u dhexeeysay Amiir Axmed Abdulaziz oo ka mid ah dhawr wiil oo ka haray aas aasihii Sacuudi Careebiya iyo koox u doodadda xuquuqul insaanka oo ku dhawaaqayey hal ku dhigyo sida ‘Ha dhacaan, ha dhacaan, Al Sucuud iyo “Qoyska dhagar qabayaasha ah ee Al Sacuud”. Muuqalka, oo lagu arkay baraha bulshada bilowgii toddobaadkan, amiirka waxa uu u soo dhawaanayaa u doodeyaasha xuquul insaanka waxa uuna ka jawaabayaa weydiimahooda ku saabsanaa xaaladda Yama iyo Baxreen. الأمير احمد بن عبدالعزيز شقيق الملك سلمان سمع اصوات المعارضة تهتف بالقول: “يسقط آل سعود” فرد عليهم: “وآل سعود كلهم وش دخلهم”؟! هناك مسؤولين عن الوضع والحرب في اليمن وهما: “الملك وولي عهده”، وتمنى الأمير أحمد أن تنتهي الحرب في اليمن، وطلب من المعارضين ان يدعوا لهم أن تتوقف الحرب؟! pic.twitter.com/4gMbfZzfdO — برق نيوز (@barqnewskw) September 3, 2018 Turjumaadda: Amiir Axmed Bin Cabdulcasiis, walaalka Boqor Salmaan, waxa uu maqlay xubno ka tirsan mucaaradka oo ku dhawaaqaya “Ha dhacaan Aala Sacuud” waxa uu ku jawaabay “Dhammaan Aala Sucuud lama wada eedeen karo! Waxaa jira dad mas’uul ka ah xaaladda dagaal ee Yaman.” “Waxaa jira dad gaar ah oo mas’uuliyadda leh. Ha eedeyn dhammaan qoyska,” ayuu yiri Amiirka. “Yaman iyo meelaha kale, rejedeenu waa in dagaalku dhammaado maanta iyo berri kahor.” Mar la weydiiyey kuwa ay yihiin shaqsiyaadkaas, amiirka waxa uu yiri: “Waa boqorka iyo dhaxal sugihiisa,” isaga oo ula jeeda Boqor Salmaan iyo Cabdulcasiis Al Sacuud iyo dhaxal sugaha, amiir Maxamed Bin Salmaan, oo sidoo kale loo garan ogyahay MBS. Dagaal Yaman waxa uu si weyn u socday ilaa iyo Maarso 2015 markaas oo gaanshaan buur Sucuudigu hoggaaminayo ay ka bilaabeen hawlgallo ka dhan ah dagaalyahanada Xuutiyiinta. Tan iyo markii uu dagaalka curtay, in ka badan 10,000 ayaa ku dhintay waxaana guryohooda laga qixiyey malaayiin. Dadka xuquuqul insaanka u dooda waxa ay ku eedeeyen MBS, kaas oo hadda ah wasiirka difaaca in uu yahay qofkii lahaa abuubulka dagaalka Yaman, kaas oo horseed u noqday sida ay Qaramada Midoobe ku tilmaantay ‘Xaaladdii bili’aadannimo tii ugu xumeyd.” XARIG BADAN In bulshado aragtidooda cabbirto waa mid naadir ka ah boqortoyaa, halkaas oo ay dowladda iyo boqortooyada ay dadka wax dhalleeceeya kala kulmaan xarig muddo dheer ah, jir dil iyo ganaax lacageed oo qaali ah. Dad badan oo ka tirsan qoyska boqortooyada, wasiirro iyo ganacsato sar sare ayaa la xiray bishii Nofeembar 2017 xilli uu socday “Cirib tirka musuqa” oo uu ku dhawaaqay MBS. Eedeemaha ka dhankaah kuwa la xiray waxaa ka mid ahaa lacago la lunsaday, laaluush iyo qasbdda mas’uuliyiinta. Qab qabashadaas waxa ay ka dhalatay amar ka soo baay boqortooyada oo lagu sheegau in looga jawaabayey “Kuwa daciifka ah ee danahooda gaarka ah ka horumarinaya danta guud, si ay lacag sharci darro ah u helaan.” In badan oo ka mid ah waa la soo daayey kaddib markii ay heshiis la galeen dowladda waxaana ka mid ahaa bilyanneerka ahna ganacsadaha reer Sucuudi, amiir Alwaleed bin Talal. Khuburo ayaa ku doodaya in xir xiritaankaas ay ahayd qaab uu ku doonayey dhaxal sugaha in uu ku mideeyo awoodda siyaasadeed iyo dhaqaale ee Sucuudi Careebiya. Amiir Axmed hore waxa uu u ahaa wasiirka arrimaha gudaha intii u dhexeeysay Juunyo iyo Noveembar 2012 xilligaas oo uu talada hayey boqorkii geeriyooday ee Boqor Cabdalla kahor inta aan lagu bedelin amiir Maxamed Bin Nayf. Caasimada Online Xafiiska London Caasimada@live.com

Muqdisho (Caasimada Online) – Hoggaamiye ku-xigeenka maamulka Puntland Eng Cabdixakiin Cabdullaahi Cumar Camey, ayaa sheegay in ciidamada maamulkiisa ay qaadi doonaan dagaal ay si buuxda ula wareegi doonaan Gobolka Sool. Camey, ayaa sheegay inay muhiim tahay in ciidamada Puntland ay kuwa Somaliland ka saran Gobolka si halkaa ay u gaarto awoodaha maamulka. Waxa uu tilmaamay Camey in qorshaha socda uu iminka yahay in Somaliland laga saaro Gobolka Sool ka hor inta aan la gaarin doorashada la filaayo in dhawaan ay ka dhacdo caasimada maamulka. Hogaamiyaha maamulka Somaliland Muuse Biixi ayaa u sheegay in xili hore uu ciidamadiisa kala baxo Gobolka Sool, ka hor inta aanu dhicin dagaal dhammaan ciidamada maamulkiisa looga sifeynaayo Gobolka. “Somaliland wan kasoo afjareynaa Gobolka Sool ka hor inta aanu galin doorashada, waayo waxaa muhiim ah in shacabka ku nool Gobolka ay u dabaal dagaan natiijada kasoo bixi doonta doorashada” Camey, waxa uu tilmaamay in ka maamul ahaan aysan dooneynin in shacabka Puntland ay dabaal dagaan iyadoo aan ciidamada Somaliland laga saarin Sool. Sidoo kale, Biixi ayuu ugu baaqay inuusan niyeysan wax nabad ah, inta ay ciidamada maamulkiisa ay ku sugan yihiin Gobolka Sool, gaar ahaan jiida dagaalka Tukaraq. Arrintaan ayaa kusoo beegmeysa xili maamulka Puntland uu sii kordhinaayo ciidamada ku sugan Gobolka Sool, gaar ahaan kuwa dhufeysyada Tukaraq jooga. Caasimada Online Xafiiska Muqdisho Caasimada@live.com