Admiral Khaliif Idiris Cismaan oo ka mid ah aqoonyahannada Soomaaliyeed ayaa isaga oo ku sugan gobolka Hiiraan waxa uu sheegay in dowlad goboleedyada xaq u leeyihiin iney xiriirka ka jartaan dowladda federaalka Soomaaliya. Waxa uu sheegay in dowladda dhexe ay ka gaabisay waxyaabo badan oo ay ka mid yihiin gacan siinta maamullada, xoreynta deegaanada gacantooda ka maqan iyo arrimo kale. Sidoo kale, waxa uu sheegay admiral Khaliif in maamul goboleedyada ay marar badan isku dayeen iney helaan xuquuqdii ay ku lahaayeen dowladda federaalka balse ay ka waayeen. “Dowlad goboleedyada xaq ayeey u leeyihiin iney xiriirka u jaraan dowladda federaalka sababtoo ah wey ku daaleen, waxaana ay ka heleen farogelin gudaha ah iyo sidoo inaan la helin wadasahqeyntii loo baahnaa” ayuu yiri Amdiralka. Sabtidii shalay, war-murtiyeed laga soo saaray shirkii u dhaxeeyey madaxda dowlad goboleedyada ayaa lagu sheegay in hakad lagu geliyey xiriirkii u dhaxeeyey dowladda dhexe iyo maamul goboleedyada. Goobjoog News Source: goobjoog.com

Maamulka gobolka Mudug ee Galmudug ayaa rajo wanaagsan ka muujiyey dhammeystirka heshiiskii Gaalkacyo ee ay horey u gaareen maamullada Puntland iyo Galmudug. Guddoomiye ku xigeenka dhanka amniga iyo siyaasadda ee maamulkan, C/xuseen Maxamed ayaa wareysi uu siiyey Goobjoog News wuxuu ku sheegay in ka maamul ahaan sugayaan waqtiga la dhammeystiri doono heshiiskan. Waxa uu tilmaamay in heshiiskan oo la dhammeytiro ay ka dhiggan tahay in shacabka Gaalkacyo iyo guud ahaan kuwa gobolka Mudug is fahmaan oo nabad ku wada noolaadaan. Waxyaabaha ugu weyn ee heshiiskaasi laga sugayo ayuu ku sheegay iney ka mid tahay arrimaha ku aadan garsoorka, dhulalka la kala qabsaday iyo arrimo kale. Dowladda dhexe ayaa Todobaakii tagey sheegtay in la dhammeystiri doono heshiiskii Gaalkacyo. Halkaan hoose ka dhageyso wareysiga: https://goobjoog.com/wp-content/uploads/2018/09/Wareysi-Cabdi-Xuseen-Maxamed-Guddoomiye-ku-xigeenka-amniga-iyo-siyaasadda-gobolka-Mudug-ee-Galmudug.mp3 Goobjoog News Source: goobjoog.com

Aqoonyahan C/raxmaan C/laahi Dhubbad (Daqare) oo ku taqsusay maamulka iyo maareynta hay’adaha dowliga ah ayaa wareysi uu siiyey Goobjoog News ku sheegay in dambi qaran ay tahay go’aankii ay ku dhowaaqeen madaxda dowlad goboleedyada oo ah iney hakiyeen wadashaqeyntii ay la lahaayeen dowladda dhexe. Sharci ahaan ayuu sheegay in madaxdan ay muteysan karaan in laga gudbiyo dacwo islamarkaana xabsiga la dhigo waa sida uu hadalka u dhigaye. Waxa uu sidoo kale sheegay Daqare in dowlad goboleedyada tabashadooda qaar ay saxan tahay, balse ay waddo qaldan u mareen xallinta wixii ay ka cabanayeen. Dowladda dhexe ayuu dhankeeda sheegay in waajib ka saaran yahay sixidda waxyaabaha ay tabanayaan maamullada. Halkaan hoose ka dhageyso wareysiga: https://goobjoog.com/wp-content/uploads/2018/09/Wareysi-Craxmaan-DaqareSSSS.mp3-.mp3 Goobjoog News Source: goobjoog.com

Muqdisho (Caasimada Online)-Maleeshiyada Al-Shabaab ayaa lagu soo waramayaa in magaalada Muqdisho ee caasimada Somalia ay ka dhexwado falal ka dhan ah gaadiidleyda. Maleeshiyada oo dagaal kula jira dowlada Somalia iyo ciidamada AMISOM, ayaa maalmihii ugu danbeysay bilaabay in gaadiidka raaxada ay ka furtan taarikada. Maleeshiyada ayaa si gaara u daneysa gaadiidka shaqaalaha dowlada kuwooda lagu galo xarumaha waaweyn, iyadoo ujeedka ugu weyn uu yahay inay ku xirtaan gaadiid kale isla markana ay u adeegsadan falal amni darro. Al-Shabaab ayaa taarikooyinka ay ka furan gaadiidka u isticmaala ismiidaaminta iyo gaadiidka kale oo ay ku geystan weerarada tooska ah. Taarikooyinka ugu badan oo hadda ay isticmaalan ayaa u badan nooca ugu danbeeya, waxa ayna arrintaani walaac gaara ku abuurtay dhalinyarada u shaqeysa dowlada ee gaadiidkooda uu dayacan yahay. Hay’adaha amniga dowlada Somalia ayaan inta badan la socon gaadiidka ay ku dhuuntaan Al-Shabaab iyo taarikooyinka ku xiran oo si joogta ah loo bedelo. Lama oga waxa ay noqon doonto fal celinta dowlada Somalia, gaar ahaan Hay’adaha amaanka, waxaana xusid mudan in weeraro dhowra oo ka dhacay magaalada Muqdisho lagu geystay gaadiid lagu soo xiray taarikooyin laga isticmaala gobolada. Caasimada Online Xafiiska Muqdisho Caasaimada@live.com

Wararka ka imaanaya Suuqa Siinaay ee magaalada Muqdisho ayaa waxay sheegayaan in goor dhow uu halkaasi ka dhacay qarax khasaare geystay. Gaari gacan la sheegay in lagu soo xirey Miino ayaa la dhigay goob ay canshuur ku qaadayeen ciidamada dowladda hoose ee Xamar. Goob jooge ayaa xaqiijiyey in qaraxan ay ku dhaawacmeen Labo ka mid ah ciidamadan, iyo ruux shacab ah oo halkaasi marayey. Goobta qaraxa uu ka dhacay waxaa gaaray ciidamo ka tirsan dowladda federaalka kuwaasi oo howlgallo wada. Warkaan wixii kusoo kordha kala soco wararkeena kale Goobjoog News Source: goobjoog.com

Jigjiga (PP) ─ Madaxweynaha Dowlad-deegaanka Soomaalida-Itoobiya, Mustafe Muxumed Cumar [Cag-jar], ayaa ciidanka Liyu Police-ka ugu baaqay inay ilaaliyaan xuquuqda shacabka marka fulinayaan hawlaha loo igmaday. Mudane Cag-jar, ayaa ciidamada Liyu booliska iyo Booliska caadiga ah kula dardaarmay inay dhawraan sharciga dalka, isla markaana ay ka shaqeeyaan danaha guud ahaan shacabka. ”Waa inaad fulisaan dar-daarankeennii ahaa in xuquuqda insaanka la dhawro oo shaqooyinkiinna aad shacabka ka farxisaan, haddii aad shacabka oo dhan dhawrtaan waxaad heli doontaan darajooyin iyo abaal-gudyo kale oo aad ku faraxdaan,” ayuu yiri madaxweyne Cag-jar. Sidoo kale, Wuxuu ugu baaqay ciidamadan inay iska ilaaliyaan tallaabo kasta oo xad-gudub u horseedi karto shacabka, ayna ku dadaalaan anshaxa iyo dhaqan-wanaagga marka ay hawshooda gudanayaan. Madaxweynaha DDSI, ayaa carabka ku adkeeyay muhiimadda ay leedahay kala amar qaadasha ciidammada dhexdooda, wuxuuna yiri. “Hadday noqoto qaabka amar qaadashada, wada-shaqeynta iyo hawlaha kaleba waa inaan u raacno sida sharcigu qorayo.” Dhanka kale, Madaxweyne Caj-jar ayaa sheegay in Tabbabarkii ay qaateen Ciidamada Booliska iyo Liyu Booliska ay wax ka beddeli doonto noloshooda iyo qaabka ay u howlgalaan. Hadalkan ayuu madaxweynuhu sheegay xilli uu ka qayb-galayay xaflad lagu dallacsiinayay Qaar ka mid ah taliyeyaasha cusub ee ugu sarreysa ciidanka Liyu booliska Dowlad-deegaanka Soomaalida-Itoobiya. Ugu dambeyn, Tabbabarada loosoo gaba-gabeeyay Ciidanka Liyuu Booliska DDSI ayay mas’uuliyiintu sheegeen in looga gol-leeyahay in ciidamada ay la jaan-qaadaan is-beddellada ka socda Itoobiya oo dhan. PUNTLAND POST The post Madaxweyne Mustafe Cag-jar oo si adag ula Dar-daarmay ciidamada Liyuu Booliiska DDSI appeared first on Puntland Post.

Muqdisho (PP) ─ Madaxweynaha Jamhuuriyadda Federaalka Soomaaliya Mudane Maxamed C/llaahi Farmaajo ayaa ka dhigay dhammaan darajooyinkii ciidan, kana ruqseeyay hay’adda nabad sugidda iyo Sirdoonka Qaranka Sarreeye Guuto Cabdalla Cabdalla Maxamed keddib soojeedin ka timid Agaasimaha Guud ee Hay’adda Nabad Sugidda iyo Sirdoonka Qaranka. Warqadda soojeedinta ah oo Madaxweynaha kasoo gaartay Xafiiska Agaasimaha Guud ee Hay’adda Mudane Xuseen Cismaan Xuseen ee loo cuskaday go’aankan ayaa lagu caddeeyay in sarkaalkan uusan kasii mid ahaan karin hay’adda iyada oo la tix raacayo go’aankii ay gaareen guddiga anshaxa. “Sarreeye Guuto Cabdalla Cabdalla Maxamed waxaa laga dhigay dhammaan darajooyinkii ciidaan, isla markaana waxaa laga ruqseeyay hay’adda nabad sugidda iyo sirdoonka qaranka Soomaliyeed sababo la xiriira xadgudub sharciga ciidamada qalabka sida iyo xeer hoosaadka Hay’adda Nabad Sugidda iyo Sirdoonka Qaranka,” ayaa lagu sheegay wareegtada. Ugu dambeyn, Xeerkan Madaxweyne ayaa dhaqan galay Sabti, 8da bishan Sebteembar, 2018 oo ah marka uu saxiixay Madaxweynaha Jamhuuriyadda Federaalka Somalia. PUNTLAND POST The post Taliye Ku-xigeenkii hore ee Nabad-sugidda DF oo laga qaaday darajoojinkii ciidan, iyadoo… appeared first on Puntland Post.

Muqdisho (PP) ─ Maamulka Gobolka Banaadir ayaa caawa fuliyey qorshaha dib-u-soo-celinta dhulka Danta Guud oo Jardiinka Nambar Afar la banneeyey oo dhismihii laga burburiyey si bilicdii Jardiinka loo soo celiyo. Guddoomiyaha ayaa shacabka uga mahadceliyey dhiirigelinta iyo soo dhoweynta siyaasada soo celinta goobaha danta guud ee caasimada, isla markaasna sheegay in la sii wadi doona qorshahan oo waxtar weyn u leh bilicda, dalxiiska iyo isu socodka bulshada Caasimadda. “Muddo ayaan u qabannay dadka sida gaarka ah u isticmaalayey dhulka danta guud, muddaas oo hadda dhammaatay kadib, waxaan bilownay qorshihii dib loogu soo celin lahaa goobahaas, gaar ahaan jardiinooyinkii oo noqon doona kuwo ay ku nastaan bulshadu.” Guddoomye Cabdiraxmaan Cumar Cismaan ayaa tilmaamay muhiimadda uu u leeyahay caasimadda qorshaha dib u soo celinta Jardiinooyinka bulshada iyo sida ay uga go’an tahay Maamulka Gobolka Banaadir in dib loo soo celiyo dhulka sida gaarka ah loo isticmaalayo, si loogu adeego shacabka iyo Danta guud. Qorshaha dib u soo celinta dhulka Danta Guud ayaa caawa ka bilowday Jardiinka nambar Afar oo mudadii la soo dhaafay ay ka dhisnaayeen dhismeyaal ganacsi oo gaar loo leeyahay, kuwaasoo laga banneeyey goobta, si loogu hirgeliyo bulshada Caasimadda goob ay ku nastaan. Ugu dambeyn, Guddoomiye Yariisoow oo kormeeray goobta la banneeyey ayaa ku ammaanay shaqaalaha Dawladda Hoose, Taliska Ciidanka Booliska Soomaaliyeed iyo Maamulka Degmada Waaberi habsami u-socodka ay u fuliyeen shaqooyinka dib-u-soo celinta Jardiinada Lanbar Afar ee bartamaha caasimada Muqdisho. PUNTLAND POST The post Maamulka Gobolka Banaadir oo billaabay in uu burburiyo jardiinooyin horay loo dhistay appeared first on Puntland Post.

Garoowe (Caasimada Online)-Hogaamiye ku-xigeenka maamulka Puntland Cabdixakiin Cabdullaahi Camey, ayaa ka hadlay shir uu ku dhawaaqay Madaxweynaha Somalia Maxamed Cabdullahi Farmaajo kaa oo ka dhici doona magaalada Muqdisho. Cabdixakiin Cabdullaahi Camey, waxa uu sheegay in maamulka Puntland ay soo dhaweyneyso shirka uu ku dhawaaqay Madaxweyne Farmaajo. Camey, waxa uu tilmaamay in Puntland ay maamul ahaan hoostagto dowlada Somalia, sidaa aawgeedna ay ka jawaab celin doonto shirka uu Madaxweynaha Somalia ku dhawaaqay isla markaana ka qabsoomi doona Muqdisho. Camey, oo u waramaayay Idaacada risaala ee magaalada Muqdisho ayaa cod dheer ku sheegay in Puntland aysan ku sifoobi doonin maamul Qaran dumis. Cabdixakiin Camey oo waayadn uu Khilaaf kala dhaxeeyay Hogaamiyaha Puntland Cabdiwali Maxamed Cali Gaas ayaa sheegay in Puntland ay soo dhaweynayso Shirkaasi, waxa uuna carab ***** inaysan ka raali noqon doonin in masiirka maamulada dalka loo haleeyo laba hogaamiye oo galaaya doorasho. Waxaa uu sidoo kale tilmaamay in ay ka qeyb gali doonaan shirka ka qabsoomi doona muqdisho isla markaana ay muhiim tahay in la xoojiyo wada shaqeynta maamulka Puntland kala dhexeysa dowladda dhexe,sida uu hadalka u dhigay. Sidoo kale, camey waxa uu cod dheer ku sheegay in Puntland aysan qaadan doonin go’aanka uu qaatay Cabdiweli Gaas ee ahaa in la hakiyo xiriirkii dowladda dhexe ee Somalia iyo maamul goboleedyadda. Goa’aanka kasoo baxay shirka maamul Goboleedyada ayaa Khilaaf ka dhex abuuray Hogaamiyayaasha maamulada iyo ku xigeenadooda oo markii horaba uu khilaaf u dhexeeyay. Si kastaba ha ahaatee, talaabada Madaxda Maamul goboleedyadda ayaa kusoo beegmeysa xili maalinimadii shalay ay ku dhawaaqen in guud ahaan hakiyeen xiriirkii kala dhaxeeyay dowladda dhexe. Caasimada Online Xafiiska Garoowe Caasimada@live.com

Muqdisho (Caasimada Online)-Taliska ciidamada Xoogga dalka ayaa shaaca ka qaaday in Saraakiisha ciidamada xoogga ee darajooyinka leh la marin doono Imtixaan. Taliska Ciidamada xoogga dalka Soomaaliyeed S/gaas Daahir Aadan Cilmi (Indhaqarshe), ayaa ku dhawaaqay in Imtixaankasi uu yahay mid lagu saxayo aqoonta Saraakiisha si ay u maraan tijaabo. Taliyaha Ciidanka xoogga Indhaqarshe waxa uu sheegay in Saraakiisha ciidamada laga qaadi doono Imtixaan guud, iyadoo Imtixaanka kadib lagu kala xulan doono aqoontooda, sida uu hadalka u dhigay. S/gaas Daahir Aadan Cilmi (Indhaqarshe), ayaa ujeedka imtixaanka ku sheegay inuu yahay mid lagu ogan doono heerka aqooneed iyo qibradaha ay leeyihiin saraakiisha. Taliyaha ciidamada waxa uu intaa raaciyay in Saraakiisha qaar ay yihiin kuwo aan u qalmin darajooyinka, halka qaarna ay yihiin kuwo aan la heyn dibishiliin ciidan. Waxaa uu sheegay taliye indha qarshe qaadista imtixaanka lagu kala saarayo saraakiisha leh Aqoonta iyo kuwa ay qibradooda ay yar tahay Saraakiisha imtixaanka ku dhacdo ayuu sheegay in loo furi doono koorso waxbarasho oo lag dhisayo heerka Aqoontooda. Indhaqarshe, ayaa horay darajooyinka uga xayuubiyay Saraakiil badan oo dhalinyaro ahaa, halka qaarna uu ku eedeeyay inay ahaayen dad da’ ah. Talaabada uu ku dhawaaqay Indhaqarshe ayaa saameyn weyn ku yeelan doonta Saraakiil badan oo darajooyinka ku qaatay aqoon la’aan, waxaana aad loo hadal hayaa in ku dhawaaqistiisa ay tahay mid loola gol leeyahay saraakiil ay darajooyinka ku taxeen Taliyayaashii hore. Si kastaba ha ahaatee,Taliska Ciidamada xoogga ayaa Bilihii lasoo dhaafay waday dib u habeyn lagu sameynaayay Ciidamada xoogga dalka Soomaaliyeed. Caasimada Online Xafiiska Muqdisho Caasimada@live.com

Muqdisho (Caasimada Online)-Hogaamiyihii hore ee maamulka Hir-Shabelle Cali Cabdullahi Cosoble, ayaa si caro leh uga hadlay go’aanka kasoo baxay shirka magaalada Kismaayo ugu soo xirmay madaxda maamulada. Cosoble, oo la hadlayey Idaacada Knn ee magaalada Muqdisho ayaa sheegay in go’aanka kasoo baxay shirka uu yahya mid lagu duminayo Qaranka. Cosoble, waxa uu tilmaamay inuusan kala garankarin in ujeedka madaxda maamulada uu yahay ka qeybqaadashada dhismaha dalka iyo inay kasoo horjeedan Qaranimada. Cosoble, ayaa waxa uu qaran dumis ku tilmaamay go’aanada ay Kismaayo kasoo saaren Madaxda Maamul gobaleedyada,waxa uuna xusay in wax lala yaabo ay tahay in mas’uuliyiin falkan isku raacaan. Waxaa uu sheegay in sida ajnabi oo kale ay u hadlan madaxda maamul gobaleedyada ay tahay mid lala yaabo,isagoona shaaca ka qaaday in dowlad gobaleedyada ay doonayan in ay dumiyan Dowlada dhexe ee Soomaaliya. “Waxan kala garan waayay inay yihiin mas’uuliyiin iyo inay cayaarayan waayo qof mas’uul ah sidaa uma dhaqmo waa in mas’uulka uu yahay mid midaya dalkiisa” “Dhaliil wey imaankarta balse maaha in loo dhaqmo si dalka ay ka dhisan yihiin dowlado badan, anigu wax wanaagsan uma arko dhaqanka ay Qaranka ku duminayaan maamulada” Dhinaca kale, Cosoble ayaa sheegay in dowlada Somalia laga doonayo in wixii sharci ah ay dhaqan galiso maadaama go’aanada iyo shirarka ceynkaasi ay maamul Goboleedyada uu u noqday mid ay ugu awood sheegtan Qaranka. Caasimada Online Xafiiska Muqdisho Caasimada@live.com

António Guterres, xogheyaha guud ee Qaramada Midoobey ayaa soo dhoweeyey kulankii Khamiistii ka dhacay Djibouti kaas oo dhex-maray wasiirrada arrimaha dibadda ee Eritrea, Ethiopia, Somalia iyo Djibouti. Kulanka ayaa lagu saxiixay heshiis wada-shaqeyn oo dhex mara dalalka Eritrea, Ethiopia, Somalia iyo Djibouti, arrintaas oo ay weyn u soo dhoweysay Qaramada Midoobey. Afhayeenka António Guterres ayaa sheegay in heshiiska dhex maray 4ta wasiir, oo ah iskaashi iyo soo-celinta amniga iyo xasiloonida gobolka uu tallaabo fiican u yahay geeska Afrika iyo meelo ka fog. Waxaa sidoo kale uu afhayeenka sheegay” Xogheyaha guud waxaa uu adkeeyey sida Qaramada midoobey diyaar ugu tahay inay dalakaasi geeska Afrika ku taageerto in laga miro-dhaliyo natiijada heshiiska”. Hadalka Xogheyaha guud ee Qaramada Midoobey António Guterres ayaa waxaa uu imaanayaa iyada oo 6-dii ay bishan heshiis magaalada Djibouti ku gaareen dalalka Eritrea, Ethiopia, Somalia iyo Djibouti. Goobjoog News Source: goobjoog.com

Madaxweynaha dowlad goboleedka Jubbaland Axmed Maxamed Islaam Madoobe ayaa sheegay in dowladda dhexe ay qoraal ku aadan in xisaab celin soo sameeyaan maamul goboleedyada ugu soo qortay baraha bulshada, iyaguna si taa la mid ah ay xisaab celinta ku sameyn doonaan isla barahaasi. Waxa uu sheegay in dowladda aanay wax badan ka helin maamullada, isaga oo tusaale usoo qaatay lacag 50 Milyan ah oo dowladda Sacuudiga ka timid in maamul goboleedyada dhammaan laga siiyey min Hal milyan, taasi oo ka dhigan in 45 Milyan ku hartay gacanta dowladda. “Xisaab celinta dowladda waxaan ka siineynaa Social Media…dowladda hasoo beeniso 50 milyan oo sacuudiga laga keenay Milyan Milyan baa maamullada laga siiyey, shirkii Baydhabana waxaa naloogu soo dhiibay 500 kun, wasiirka maaliyadda Jubbaland waxaan ka rabaa in wasiirka Maaliyadda uu Social Media ugu diro qarashka aan ka helnay” ayuu yiri Axmed Madoobe. Ugu dambeyn, madaxweynaha Jubbaland ayaa sheegay inuu diyaar u yahay maamulkiisa isla xisaabtanka, balse loo baahan yahay in loo soo maro wadada saxda ah. Goobjoog News Source: goobjoog.com

Maamulka gobolka Banaadir ayaa xalay burburin ku sameeyey dhisme horey looga sameystay jardiinkii KM-4 ee magaalada Muqdisho, kaasi oo muddo badan aan la isticmaalin. Jardiinkan ayaa horey waxaa u dhistey ganacsato oo Maqaayad yar u ahayd, hase ahaatee muddo ka badan Sanad lama isticmaalin oo waa ay xirneyd. Guddoomiyaha gobolka Banaadir ahna duqa Muqdisho C/raxmaan Cismaan Yariisow ayaa sheegay in howlgalkan lagu burburiyey dhismahan qeyb ka yahay qorshaha dib loogu baneynayo shacabka goobaha jardiimada ah. “Muddo ayaan u qabannay dadka sida gaarka ah u isticmaalayey dhulka danta guud, muddaas oo hadda dhammaatay kadib, waxaan bilownay qorshihii dib loogu soo celin lahaa goobahaas, gaar ahaan jardiinooyinkii oo noqon doona kuwo ay ku nastaan bulshadu” Duqa Muqdisho ayaa dhanka kale sheegay in ammaanka howlgallada sidan oo kale ah ay socon doonaan, waxaana taasi ay qeyb ka tahay qorshe uu horey maamulka gobolka Banaadir ugu dhowaaqay oo ah in la burburin doono dhammaan dhismeyaasha laga sameeyey jardiimadii ku yaallay isgoysyada Muqdisho. Source: goobjoog.com

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa ka dhigay dhammaan darajooyinkii ciidan, kana ruqseeyay hay’adda nabad sugidda iyo Sirdoonka Qaranka Sarreeye Guuto Cabdalla Cabdalla Maxamed keddib soojeedin ka timid Agaasimaha Guud ee Hay’adda Nabad Sugidda iyo Sirdoonka Qaranka. Warqadda soojeedinta ah oo Madaxweynaha kasoo gaartay Xafiiska Agaasimaha Guud ee Hay’adda Mudane Xuseen Cismaan Xuseen ee loo cuskaday go’aankan ayaa lagu caddeeyay in sarkaalkan uusan kasii mid ahaan karin hay’adda iyada oo la tix raacayo go’aankii ay gaareen guddiga anshaxa. “Sarreeye Guuto Cabdalla Cabdalla Maxamed waxaa laga dhigay dhammaan darajooyinkii ciidaan, isla markaana waxaa laga ruqseeyay hay’adda nabad sugidda iyo sirdoonka qaranka Soomaliyeed sababo la xiriira xadgudub sharciga ciidamada qalabka sida iyo xeer hoosaadka Hay’adda Nabad Sugidda iyo Sirdoonka Qaranka.” Ayaa lagu sheegay wareegtada. Xeerkan Madaxweyne ayaa dhaqan galay Sabti, 8da bishan Sebteembar, 2018 oo ah marka uu saxiixay Madaxweynaha Jamhuuriyadda Federaalka Soomaaliya. DHAMMAAD Source: goobjoog.com

Police in Mombasa County have arrested 163 Pakistanis living in the country illegally in week-long operation. Source: Hiiraan Online

An attempt to hold peace talks for Yemen was abandoned on Saturday after three days of waiting for the Houthi movement’s delegation, but the United Nations envoy vowed to press ahead with diplomacy. Source: Hiiraan Online

Eritrea will rejoin the East African bloc, the Intergovernmental Authority on Development (IGAD), at an event to be held in Addis Ababa, Ethiopia next week. Source: Hiiraan Online

David Mwai, the prime suspect in the attempted murder of former Garissa Finance Executive Idris Mukhtar, was buried in on Friday, even as his wife remained missing. Source: Hiiraan Online

By the light of day Saturday, police continued combing for clues in three separate homicide investigations stemming from a rash of weekend gunfire that marked one of the deadliest days of the year in Minneapolis and St. Paul. Source: Hiiraan Online

UN Secretary-General Antonio Guterres on Saturday welcomed the visit by foreign ministers of Eritrea, Ethiopia and Somalia to Djibouti. Source: Hiiraan Online

International law does not require Canada to give citizenship to babies born on its soil, the federal government is telling the Supreme Court — an argument that could inadvertently bolster a recent Conservative party resolution aimed at stemming so-called birth tourism. Source: Hiiraan Online

Serena Williams said she did not know her coach was giving her instructions and had “never cheated in her life” after her hopes of winning a 24th Grand Slam title ended in extraordinary scenes at the U.S. Open on Saturday. Source: Hiiraan Online

At least four Somali soldiers were killed and four others injured Saturday in an al-Shabab attack at a checkpoint in southwestern region of Bay in Somalia, officials said. Source: Hiiraan Online

The new administration of the Ethio- Somali Regional State has appointed 27 bureau heads, The Reporter has learnt. Source: Hiiraan Online