Kenyans in border towns are now forced to import affordable fuel from Somalia after local prices hit the roof. Source: Hiiraan Online

Jannaale (Caasimada Online) – Ciidamada dowladda Soomaaliya iyo kuwa Mareykanka ayaa 4-tii bishan weerar ku qaaday guriga madaxweynihii hore ee Soomaaliya Allaha u raxmadee Aaden Cabdulle Cismaan, oo ku yaalla magaalada Jannaale ee gobolka Shabeellaha Hoose. Ciidamada ayaa guriga ka ka xeystay seddex wiil oo ka mid ahaa ehelka madaxweyne Aaden Cabdulle. Ciidamada weerarka soo qaaday ayaa sidoo kale guriga kala baxay boorso xiran, oo la sheegay in uu dardaaran xooggan ka bixiyey madaxweyne Aadan Cadde. Sida ay Caasimada Online xog ku heshay boorsada ayaa xitaa qoyska aanay aqoon waxa ku dhex jiray. Boorsada ayaa la sheegay in markii ay Soomaaliya ka qarxeen dagaalalda sokeeye sanaddii 1991-kii ay guriga Aadan Cadde uga tageen qoys qax ahaa, oo uu madaxweynihii hore soo dhoweeyey, kuwaas oo hilmaamay markii ay sii baxayeen. Madaxweyne Aadan Cadde ayaa la sheegay inuu didiay in boorsadaas la furo, maadaama aysan fasax ka haysan dadkii lahaa. Wuxuu sidoo kale ku amray qoyskiisa inaysan marnaba furin illaa dadkii lahaa ay ka yimaadaan oo ayaga qaataan. Boorsada ayaa illaa iyo xilligaas taalay guriga, mana jirin cid furtay ayada oo la fulinayo amarka madaxweynaha, waxaase nasiib darro qaatay ciidamadii guriga soo weeraray, lamana yaqaan halka ay geeyeen iyo waxa ay ku sameeyeen. Xafiiska Ra’iisul Wasaaraha Soomaalia Xassan Cali Kheyre ayaa raali-galin ka siiyey qoyska Aadan Cadde, weerarka lagu qaaday gurigooda, balse sooma hadal qaadin boorsada. Caasimada Online Xafiiska Muqdisho Caasimada@live.com

Muqdisho (Caasimada Online) – Xildhibaan Mahad Salaad ayaa aad u dhaliilay qoraalkii shalay kasoo baxay madaxda maamul goboleedyada ee ay shuruudaha ugu xireen wada-hadal ay la galaan madaxda dowladda federaalka ah ee Soomaaliya, xilli khilaafka labada dhinac uu kasii darayo. Qoraal uu soo dhigay bartiisa facebook ayuu Mahad Salaad ku sheegay in aad looga wanaagsanaa in madaxda maamullada ay u gacan haatiyaan shisheeye, oo ay ka dalbadaan inay dhexdhexaadiyaan ayaga iyo dowadda, islamarkaana yiraahdaan “ma aamini karno dowladda” “War-Murtiyeedka kasoo baxay Dowlad Goboleedyada in ay codsadaan in gacan sadexaad dhex-dhexaadiso iyaga iyo Dowlada Federaalka ah waa wax la fahmi karo, inkastoo laga fiicnaa oo sida meesha ka muuqata ay u gacan haatinayaan faragelin shisheeye, kuna kalsoonaan waayeen hay’adihii Dowlada Federaalka” ayuu Mahad Salaad ku yiri qoraalkiisa. Mahad Salaad waxa uu sidoo kale sheegay in shuruudaha ay soo bandhigeen madaxda maamul goboleedyada iyo hadalkooda ah inaysan amniga ku aamini karin dowladda dhexe ay tahay mid dhaawaceysa dowladnimada Soomaaliya oo aan la aqbali karin. “In wada hadalka Dowlada Federaalka ay shuruud ku xiraan. Sharciyada dowlada dhexena ay shaki geliyaan. Amnigana kuma aamini karno dowlada ay dhahaan waxay dhaawac weyn ku tahay dowladnimada Soomaaliya. Mana ahan wax la aqbali karo” ayuu yiri Mahad Salad.

Garowe (Caasimada Online) – Dowladda Puntland ee Cabdi Weli Gaas, ayaa war kasoo sartey go’aankii dowladda Jarmalka ay ku joojisay Mashruucii dhismaha jidka laamiga ah ee isku xira magaalooyinka Garoowe iyo Gaalkacyo, qaybtiisa u dhexaysa Jalam iyo Xarfo. Mashruucii oo mudo dood ka taagnayd qaabka loo hirgelinayo ayaa gebi ahaanba dowladda Jarmalka isaga baxday mashruuca, kadib markii maamulka Madaxweyne Gaas fulin waayay qodobadii iyo shuruudihii Heshiiska, sida ay sheegeen Jarmalka. Hay’adda GIZ, oo dowladda Jarmalka u qaabilsan dhanka horumarinta, islamarkaana usoo xil-saartey fulinta mashruuca dhisamah wadada Xarfo iyo Jalam oo ah mid hawlbowle u ah Puntland ayaa ka baxdey dalka. War Saxaafadeedka kasoo baxay Xafiiska Madaxweynaha Puntland kaasoo lagaga jawaabayo go’aankii dalka Jarmalka oo wakiil ka ah wadamadii bixiyey dhaqalahan ayaa lagu sheegay inuu ahaa mowqifkaan mid qoomamo iyo shaleyto uu ka muujinayo maamulkaan, iyagoo dalbaday in wadahadal laga sameeyo waxa keenay joojinta. Sida ku xusan War-saxaafadeedka, maamulka Puntland ayaa Jarmalka ku tilmaamay dal kaalin yar ku lahaa maal-gelinta dhismaha jidka Xarfo iyo Jalam, waxaana uu amaan kala dul-dhacay Midowga Yurub oo dhameystir uga raadinayo mashruuca. Jarmalka ayaa sabab uga dhigay go’aanka hufnaan la’aan iyo inaysan ku qancin sida howsha loo fulinayay, oo mad-madow iyo musuq-maasuq badan uu ka jiray, sida la sheegay taasoo keentay inay kusoo wadi waayaan mashruuca. Qoraalkaan Puntland kasoo baxey xilli Madaxweyne Gaas shir aan caadi aheyn oo golihiisa Wasiirda la qaatey todobaadkan, kaasoo kaga warbixiyey go’aankii maamulada xiriirka ugu jareen Dowlada Federaalka ayaa qoraal kasoo baxay lagu sheegey in wadadaan uu maamulkiisa dhisayo, iyadoo aysan waxba yeeleyn joojinta mashruuca ee dowlada Jarmalka. Gaas ayaa ku sii darey hadalkiisa In tageero dhaqaale dhismaaha jidkaan uga raadin doono bangiga hurumarinta Africa. Dalka Jarmalka iyo Farnsiisaka ayaa dalalka midowga Yurub waxay ku hogaamiyaan awood dhaqaale iyo mid siyaasadeed, waana kuwa ugu tunka weyn dhan walba. Dhinaca kale, sida lagu arkey baraha bulshada sawiro ay soo dhigeen tageeraysaha Madaxweyne Gaas In 40-KM oo kamid ah 80km wadada isku xirta tuulooyinka Jalam iyo Xarfo lagu bilaabey in la saaro laami madow, oo aan tayo badan lahayn. Xigasho: Garowe Online

Afgooye (Caasimada Online) – Dagaal-yahanada Ururka Al Shabaab ayaa aroornimadii saakay weeraray Degmada Afgooye ee Gobolka Shabellaha Hoose, iyadoo dhanka kalena aan la garanayn khasaaraha ka dhashay weerarkaasi. Shabaabka ayaa weerarkan soo qaaday, xilli dadka reer Afgooye ay isu diyaarinayeen Salaadda Subax, oo waqtigeeda ay ku soo beegeen weerarka. Maleeshiyada Shabaabka ayaa beegsaday saldhiga ay Ciidamada Dowladdu ku leeyihiin aagga Buulo Fooliyo. Waxaana la sheegay maleeshiyada weerarka soo qaaday in ay ka timid dhanka Awdheegle. Cumar Maxamuud Cilmi (Cumar Carabey) oo ka tirsan Maamulka Gobolka Shabellaha Hoose ayaa sheegay in Ciidamada Dowladda ay caabiyeen Shabaabkii weerarka soo qaaday, iminkana ay xaaladdu degan tahay. Cumar Carabey ayaa intaa ku daray inaanu jirin waxyeelo dagaalka ka soo gaaray Ciidamada Dowladda, sidoo kalena aanay garanayn khasaaraha Shabaabka lagu gaarsiiyay. Dhanka kale Shabaabka ayaa Maqribnimadii xalay weeraray Deegaanada Tixsiile, Garas-bandiiro iyo Warmaxan, oo ku yaala wadada xiriirisa Degmooyinka Afgooye iyo Wanlaweyn. Wararka ayaa intaa ku daraya in Shabaabku ay muddo kooban la wareegeen gacan ku haynta Tixsiile, intii ay haysteena ay ku dileen saddex ka mid ah Ciidamada Militariga Somaliya. Shabaabka ayaa muddooyinkii ugu dambeeyay kordhiyay weerarada ay ka gaysanayan Degmada Afgooye iyo deegaanada kale ee ku xeeran, waxaana muuqata inaanay weli dowladdu diyaarin qorshe ay kaga hortageyso weeraradaasi. Caasimada Online Xafiiska Muqdisho Caasimada@live.com

Halkan ka aqri qeybihii hore. Xilligaas nidaamka Asiyaas Afawarqe waxa uu ahaa mid aad u danaynayay isu soo dhowaanshaha Maraykanka, waxa uuna wax gashaday in uu shaqaaleeyo loobiyada culays saarka, sida shikadda qarreenada ee Greenberg Traoreg ee ku xidhnayd xilligaa hogaamiyaha kongarayska Tom DeLay si loogu ololeeyo in Eratariya ay marti galiso saldhig millateri oo Maraykan ah si uu uga faa’iidaysto bugcada istiraatiijiga ah duulaanka soo ifbaxaya ee Ciraaq lagu qaadayay, iyada oo Maraykan kuna ay ka hor imaanayso mucaaradad xoog badan ee ka soo horjeeda dagaalka Ciraaq badankeeduna ay ka imaanaysay dowladaha daris ka la ah, xitaa Dowladda Jabuuti oo hadda martigalisay saldhigga Maraykanku uu ku leeyahay Afrika. Afawarqe kama uusan guulaysanin shukaansigiisii Washington oo iyada siyaasadeedu ahayd dayrinta Eratariya, taas oo meeshii ugu saraysay gaadhay sanadkii 2009-kii markii ay ku guulaysatay safiiraddii Maraykanka u fadhiday Qaramada Midoobay “Suzan Rice” in Golaha Ammaanku uu ku soo rogo Eratariya cunaqabataynno iyada oo ay ugu wacan tahay taageerada ay siiso Eratariya argagixisada Soomaaliya, mowqifkaas oo uu wali Maraykanku ku taagan yahay xitaa bilo yar kahor markii ay daldaloollo ka soo baxeen xiriirka Maraykanka iyo Jabuuti cabsida uu Maraykanku ka qabo dhaqdhaqaaqyada Shiinaha ee saa’idka ah ee qaaradda Afrika. Wali way jirtaa cabsida uu millatariga Maraykanku ka qabo isballaarinta Shiinaha, taas oo keentay in Maraykanku uu isbadal qoto dheer ku sameeyo kharriidadda kala horraynta istiraatiijiga ah ee uu ka leeyahay Afrika, isaga oo istiraatiijiyaddiisa cusub ee difaaca qaranka meel sare ka galiyay Shiinaha iyo Ruushka, istiraatiijiyaddaas oo uu shaaca ka qaaday sanadkii 2018-kii, waana calaamaddii ugu dambaysay oo muujinaysa in uu badalay muhiimadihiisa in ka badan 15 sano kaddib oo uu xoogga saarayay la dagaalanka argagixisada. Markii uu soo bandhigayay istiraatiijiyadda cusub ee uu ku xadidayay kala horraynta Pentagon-ka ee sanadaha soo socda, waxa uu ku tilmaamay wasiirka gaashaandhigga Jim Matis Shiinaha iyo Ruushka in ay yihiin dib u socodka ugu wayn oo ka shaqaynaya in ay abuuraan duni sidooda oo kale kali talis ah, inkasta oo Matis uu ku dadaalay in uu adkeeyo in la dagaalan ka argagixisadu uu ugu horreeya ajandaha Maraykanka, haddana waxa uu adkeeyay in suldada iyo awooddu ay yihiin waxa ugu horeeya ajandaha Maraykanka. Xilligaas Washington cabsi wayn ayay ka dareemaysay in Jabuuti xaruntii konteenarrada ee Dooraale ay ku wareejisay shirkado Shiinays ah, kaddib markii ay ka soo ceshatay shirkadda Dakadaha Dubay, gaar ahaan markii ay Jabuuti la gashay heshiis dakad ballaarin ah shirka laga leeyahay Singabuur oo shirko la ah shirkado badan oo dowladda Shiinuhu leedahay, oo ay ugu muhiimsan tahay kooxda ganacdata Shiinayska ah oo runtii leh qaybta ugu badan ee dakadda. Maraykankuna wuxuu si cad uga digay in qabsashada Shiinaha ee dakadda ay khatar ku tahay amniga qoowmiga Maraykanka, inkasta oo madaxda Jabuuti ay gaarsiinayeen Washington in aysan marna niyaysnayn in ay dakadda ku wareejiyaan Shiinaha, haddana Washington waxa ay ka walwalsan tahay in daymaha ku batay Jabuuti ay ku khasbi doonaan in ay ugu dambayn dakaddaasi ku wareejin doonto Bakiin, waana arrinta keentay in dadka qaar ay dhahaan Maraykanka waxaa u fiican in saldhiggiisa Afrika uu u raro waddan kale. Si sahal ahna waxaa loo dhihi karaa in Eratariya ay noqon karto waddanka ugu horreeya ee ku guulaysan kara ajandaha cusub ee Maraykanka, Jabuutina ay noqon karto cidda ugu horraysa ee ku khasaartay, dhaqan galka heshiiska Itoobiya iyo Eratariya ayaa u ekaysiinaya Xukuumadda Geelle in ay kado ku noqotay isbahaysiyada goboleed ee cusub kuwaas oo Jabuuti ku haya cabsi ah in ay waydo lacagihii canshuuraha ahaa ee ay ka heli jirtay ganacsiga, iyo sidoo kale in dib u habayntan cusub ay saamayn ku yeelan karto kaalintii muuqatay ee dakadda Jabuuti ay ku lahayd Geeska Afrika. Sanado badan ayay Jabuuti tartan la’aan ku haysatay, iyada oo ay ugu wacnayd colaadda ka dhexaysay Itoobiya iyo Eratariya iyo go’doonka uu adduunku galiyay midda dambe, waana midda keentay in Itoobiya iyo Jabuuti ay lahaadaan xiriir siyaasadeed iyo mid dhaqaale oo xooggan, gaar ahaan markii dagaal dhanka xuduudda ah uu ka dhex qarxay Itoobiya iyo Eratariya 1998 dii, Itoobiyana ay wayday dakadda Eratariya, taas oo abuurtay dhibaato su’aal gelisay jiritaanka Itoobiya khasabna kaga dhigtay in ay gabi ahaanba ku tiirsanaato Jabuuti. Waddan ay dadkiisu ka yar yihiin hal malyan oo ruux, in uu sanad walba ka helo $1,500, 000,000 waxyaabaha ay soo dajisanayso ama ay dhoofsanayso dowladda ay dariska ay yihiin ayaa ah qaybta ugu badan ee dakhliga ajnabiga ah ee Jabuuti soo gala. Laakiiin dakadaha Jabuuti waxa ay wajihi doonaan tartan xoog leh oo uga imaan doona dakadaha Eratariya oo qaarkood ay ku yaalaan meelo aad u fiican kuwaas oo lahaanna kara wax aysan lahayn Jabuuti. Intaana waxaa sii dheer diyaar garoowga wayn ee ay muujisay Abuu Dabay ee ah in ay maal galinayso kaabayaal cusub oo isku xira Itoobiya iyo dakadaha Eratariya iyo Soomaaliya si ay ugu dhigmaan mashaariicda waawayn ee horay loogu dhisay si ay isugu xiraan Adis Ababa iyo dakadda Jabuuti, oo uu ugu horreeyo mashruuca khadka tareenka ee isku xira Adis Ababa iyo dakadda Jabuuti oo uu Shiinuhu ku maal galinayo $3,500,000,000, tuubada shidaalka qaadda ee ay maal galinayso Imaaraadku iskuna xiri doonta Casab iyo Adis Ababa ayaa noqonaya musbaarkii ugu dambeeyay ee lagu dhufto naxashka Jabuuti. Sidoo kale waxaa suurtagal ah in soo jiidashadii Jabuuti ee ciidamada ajnabiga ah ee uu maal gashaday nidaamka Geelle muddo dheer su’aal iyo shaki galiso dib u habayntan cusub ee gobolka ka socota, iyada oo la eegayo xiriirka soo wanaagsanaanaya ee Washington iyo Eratariya, Eratariya aad ayay usoo dhowayn doontaa saldhig Maraykan oo badal ka ah kan uu ku leeyahay Jabuuti ee u dhow kan Shiinaha. Waxaana suurtagal ah in Washington ay ka faa’iidaysato mowqica istiraatiijiga ah ee Eratariya oo leh xeeb dhan 700 oo mayl oo saaran badda cas, intaana waxaa sii dheer in dowladda Imaaraadka oo olog dhow la ah Washington ay ciidan ahaan u joogto Eratariya. Sidaa darteed, dib u heshiisiinta Adis Ababa iyo Eratariya ma aha oo kaliya heshiis nabadeed oo caadi ah, waxa ay dhaqaaq dhaqaale oo cusub ka abuuraysaa Geeska Afrika waxa ayna dib u habaynaysaa xirirkii dowladaha, kuwo ayaa soo bixi doona kuwana dib ayay u guran doonaan. Jabuuti kuma khaldana in ay u aragto dib u heshiisiinta dhex martay Itoobiya iyo Eratariya mid aysan waxba ula hari doonin waloow aysan wax badan ka qaban karin, maxaa yeelay mar kasta oo uu xawli ku socdo heshiisiintoodu iyada oo ay waddo dowladda Imaaraadka Maraykankuna uu gadaal ka riixayo waxaa meesha ka baxaysa waxyaabihii istiraatiijiga ahaa ee Jabuuti ka dhigay mid muhim u ah loollanka. Xiriir xumada dowladdan yar (Jabuuti) kala dhexeeya dowladaha waawayn ee wada dib u qaabaynta cusub waxa ay muujinaysaa in dheeshii Ismaaciil Cumar Geelle ay gaba-gabo ku dhowdahay, ooggii (iftiin) Jabuutina uu u dhacayo si ka dag-dag badan sidii ay la ahayd dadka intiisa badan. DHAMAAD…. Waxaa Tarjumay: Dr Maxamed Xasan Nuur, Falanqeeye Siyaasadeed

Muqdisho (Caasimada Online) – Wasiirka Gaadiidka iyo Duulista hawada Somalia Maxamed C/laahi Salaad (Oomaar) ayaa daboolka ka qaaday in dhaqaale xoogan ay ku baxdo Matoorada dabka siiya Garoonka Muqdisho. Wasiir Oomar, ayaa sheegay in dhaqaalaha Bil waliba ku baxa Matoorada Garoonka diyaaradaha Muqdisho ay tahay $11,000. Oomaar, ayaa hay’adda Qaramada Midoobay u qaabilsan duulista hawada ee ICAO ka dalbaday in xal loo helo sidii looga gudbi lahaa isticmaalka matoorro ay hay’addu maamusho oo dab siiya garoonka. Waxa uu sheegay Wasiirku inay muhiim tahay in dowladu ay iyadu soo iibsato Matoorro si qarashaadkaasi u baaqdan, waxa uuna tilmaamay inay sii kordhi karto dhaqaalaha. Waxa uu intaa raaciyay in dowlada Somalia aysan ka maarmi karin inay milkiso matooro u gaara oo dabka siiya Garoonka, halka ay ku tashan lahaayen Matooro kale. Dowladda Somalia ayaa ku guuelysatay inay la soo wareegto maamulka hawada Soomaaliya oo tan iyo sanadkii 1991 laga maamulayay magaalada Nairobi ee dalka Kenya, waxaana gacanta ku heysay Hay’adda ICAO. Si kastaba ha ahaatee, Wasiir Oomaar ayaa hadalkan ka sheegay kulan uu magaalada Montréal kula qaatay madax ka tirsan hay’adda Qaramada Midoobay u qaabilsan duulista hawada ee ICAO. Caasimada Online Xafiiska Muqdisho Caasimada@live.com

Muqdisho (Caasimada Online) – Warar dheeraad ah ayaa waxa uu kasoo baxayaa wadahadal u dhexeeya dowladaha Ethiopia iyo Ururka ONLF ee dagaalka kula jira dowladaasi. Wadahadalka dowlada Ethiopia iyo ONLF ayaa gaaray heerkii ugu wanaagsanaa waxaana wali qabyo ah qodobada isku soo dhaweyn lahaa labada dhan. Afhayeenka ONLF Cadaani Hiirmooge ayaa sheegay in qaabka uu u socdo wadahadalka uu yahay mid wanaagsan isla markaana ay ka filayaan natiijooyin wanaagsan. Cadaani oo u waramaayay Idaacada BBC ayaa sheegay in wadahadalka kala dhexeeya dowlada Ethiopia uu yahay mid waxbadan ka duwan kuwii hore, waxa uuna cadeeyay in labada dhan ay ku qanacsan yihiin sida uu u socdo wadahadalka. Nuqul kamid ah haddalkiisa ayaa ahaa “Anaga iyo Ethiopia waxaanu isla garanay inaan wadahadal ay daacadnimo ku jirto ka yeelano arrimaha na kala fogeeyay waana isku afgaranay” “Waxaanu u sheegnay inay muhiim tahay in laga wadahadlo tabashooyinka Soomaalida iyo waxa ku kalifaaya inay u dagaalaman waxa ka maqan dabcan way soo dhaweeyen balse waxaa wali qabyo noo ah wadahadalka” Cadaani, waxa uu sheegay in iminka ay is furfurtay Ethiopia isla markaana laga soo gudbay waxyaabihii hore ee caqabada ku ahaa wadahadalka labada dhinac, sida uu haddalka u dhigay. Waxa uu Cadaani tilmaamay in dowlada Ethiopia xitaa ay diyaar u tahay in dib loogu laabto dastuurka dalka si loo saxo khaladaadka jira waxa uuna aad usoo dhaweeyay qaabka uu u socdo wadahadalka. Waxa uu carab ***** in Ethiopia ay qaadatay in lagu laabto qodobada dastuurka gaar ahaan kuwa dhigaya aayo ka talinta, qodobka awood qeybsiga, qodobka xuquuqul insaanka iyo wixii la halmaala. Docda kale, waxa uu rajo wanaagsan ka muujiyay in wadahadalka socda ay kasoo bixi doonaan natiijooyin maslaxad u ah labada dhan. Caasimada Online Xafiiska Muqdisho Caasimada@live.com

Riyadh (Caasimada Online) – Dowlada Sacuudiga ayaa Hub nooca casriga ah ka iibsaneysa dowlada Spain, kadib heshiis Hub iibsi oo dhexmaray labada dal. Hubka ay dowlada Sacuudiga ka iibsaneyso Spain ayaa lagu sheegay gaadiid ay ku xiran yihiin gantaalada Casriga ah kuwaa oo gaaraya 400. Sacuudiga ayaa sheegay in Hubkaasi uu ka duwan yahay noocyada ay horay u isticmaali jirtay, waxaana lagu wadaa in Spain ay kala soo wareegto todobaadkan. Hub iibsiga Sacuudiga ayaa imaanaya iyadoo Xukuumada Spain ay asbuucii lasoo dhaafay hakisay mashruucan hubka looga iibinayey dalka Sacuudiga, kadib markii ay hay’adaha xaquuqul insaanka ay cadaadis ku saareen dowladaha reer Galbeedka inay joojiyaan hubka ay siinayaan Boqortooyada Sacuudiga oo ku eedeysan xasuuqa shacabka Yemen. Wasiirka Arrimaha Dibada ee Spain Josep Borrell, oo ka duulaya baahida uu dalkiisa u qabo iibgeynta Hubka ayaa sheegay in go’aankii hore ay dib uga noqdeen waxa uuna cod dheer ku sheegay in hubkaasi lagu wareejin doono Sacuudiga. Wasiirka ayaa sheegay in heshiiska iibka hubkan uu ahaa mid la saxiixay sanadkii 2015 isla markaana yahay mashruuc ka horeeyey xukuumada hada talada heysa ee wadanka Spain, Josep Borrell ayaa intaasi raaciyey inaysan jirin sabab ay ku joojiyaan heshiiska ay ku iibinayaan hubkooda. Dowlada Sacuudiga ayaa la sheegay in afarta wadan oo ugu waaweyn oo ay hubka kasoo iibsato ay yihiin Maraykanka, UK, France iyo Spain, kuwaasi oo hada cadaadis kala kulmaya hay’adaha xaquuqul insaanka ee doonaya joojinta hubka laga iibiyo xukuumada Riyadh. Dowlada Sacuudiga ayaa dagaal qabooban kula jirta dowlada Qadar iyo dowlado kale oo lidi ku ah danaheeda Siyaasadeed. Ma cadda baahida dowlada Sacuudiga ku khasbeysa in xiligan ay iibsato hub hor leh oo loogu tallo galay in meelo fogfog wax looga gumaado. Caasimada Online Xafiiska Jeddah Caasimada@live.com

Mogadishu (HOL) - A former rebel commander and spokesman with the Al-Qaeda affiliated militant insurgency group Al-Shabaab plans to run as a candidate in regional elections in Somalia, HOL has learned. Source: Hiiraan Online

Boqortooyada Sacuudiga ayaa martigelinaysa saxiixa heshiiska nabadda ee dowladaha Itoobiya iyo Eratariya kadib markii ay soo afjareen bishii July labada dhinac colaaddii u dhaxeysay mudada 20-ka sano. Boqorka Sacuudi Careebiya Boqor Salman Bin Abdulaziz oo goobjoog ka ah munaasadda islamarkaana Axadda soo socota lagu qaban doono magaalada caasimadda ah ee Riyadh ayay Ra’iisul Wasaaraha Itoobiya, Abiy Axmed Cali iyo Madaxweynaha Eretariya Isaisa Afwerki ku saxiixi doonaan heshiiska iyagoo matalaya labadooda dowladood. Illaa iminka lama shaacin sababta keentay in dowladda Federaalka ah ee Soomaaliya laga reebo ka qeyb galka xafladda ballaaran ee saxiixa Heshiiska Eithiopia iyo Eritea. Hayeeshee, waxaa loo maleynayaa inay sabab u tahay xiriirka xun uu u dhaxeeya Sacuudiga iyo Villa Somalia. Dhowaan Boqortooyada Sacuudiga ayaa dib u soo celisay xoolihii Udxiyadda ee Soomaaliya laga dhoofiyay, waxaana taas dhaawac weyn ay u geysatay gacancsatada Soomaaliyeed. Inta la qaddaray dhaqaale ka badan 30 million oo dollarka Maraykanka ayay khasaareen ganacsatadii xoolaha u dhoofisay Sacuudiga. Xukuumadda Riyadh ayaa la fahamsan yahay in aynaan ku faraxsaneyn mowqifka dowladda Federaalka ee xiisadda wadamada Khaliijka, waxayna u aragtaa in Madaxtooyada Soomaaliya ay u weecatay dhanka dowladda Qadar, oo ay ku riixayaan shaqsiyaad saameyn weyn ku leh maamulka Farmaajo. Sacuudiga oo galaangal ku leh caalamul Islaam ayaa hoos u dhigay xiriirkii kala dhaxeeyay dowladda Federaalka, sidoo kalena joojiyay taageeradii uu siin jiray, arrintaas waxaa loo sababaynayaa in Xukuumadda Muqdisho aysan dhab ka ahayn dhex-dhexaadnimadeedii xiisadda Khaliijka ay ka qaadatay sanadkii tegay ee 2017-ka. Madaxweyne Maxamed Cabdullaahi Maxamed (Farmaajo) oo labo jeer booqasho ku gaaray dalka Sacuudiga tan iyo markii la doortay Febuary, ee 2017, ayaa muddooyinkii dambe safaro ku kala bixiyay Eritrea iyo Eithiopia, oo min labo jeer uu booqday, isagoo qeyb ka ah hoggaamiyaasha heshiiska nabada gobolka ka shaqeynaya. Arrintaan ayaa ku soo beegmaysa iyadoo dhowaan xukuumadda federaalku ay shaacisay in ay heshiisiineyso dowladaha Eretariya iyo Jabuuti oo muddo 10 sano ah uu ka dhaxeeyo khilaaf suntan dhanka xuduudda. Jabuuti ayaa ku andacoonaysa in Eratariya ay xoog ku heysato jaziiradda Doumeira oo ah marrin ku yaalla badda cas muhiimna u ah ganacsiga dunida. Hoos Ka Dhageyso Warbixinta: https://goobjoog.com/wp-content/uploads/2018/09/WAR-FARMAAJO-VILLA-SOMALIA-ARRINTA-SACUUDIGA-14-09-2018.mp3 Goobjoog News Source: goobjoog.com

NAIROBI, Kenya, Sept 14 – Approximately 155 million mobile money transactions worth US$2.7 billion are conducted in Somalia every month, making it one of the most active mobile money markets in the world. Source: Hiiraan Online

Abdi Iftin, a Somali refugee who grew up in war-torn Mogadishu, recently wrote a memoir describing his experiences in Somalia and his journey to the United States. This book could have been an opportunity to shine a light on the positive aspects of immigration and to celebrate not only his success but the successes of the Somali community in Maine. However, in reading Call Me American, we recognized ourselves in the final chapter and we are outraged by the incredible misinformation that was spread by the author, not only about ourselves but about our community. What follows is a narrative response by three of the roommates Mr. Iftin describes in Chapter 16: “Abdul,” “Yussuf,” and “Awil.” Source: Hiiraan Online

Sino-Somali cooperation dates back to 1960s, when Somalia was in its first decade of independence, and China in its second decade of communism under Chairman Mao Zedong. The National Theatre in Mogadishu built by Chinese engineers during the 1960s is still a symbol of this cooperation. After the Somali military coup of 1969 China carried out several landmark projects such as the Mogadishu Stadium, Banadir Hospital for Children and several infrastructure and construction projects. Chinese help for Somalia was then visible to Somalis. Source: Hiiraan Online

It’s not just that the investigation by special counsel Robert S. Mueller III is, in President Trump’s estimation, a biased partisan “witch hunt." No, that’s just one small aspect of why Trump is frustrated by Mueller’s work. Source: Hiiraan Online

Muqdisho (Caasimada Online) – Aqalka Sare ee Baarlamaanka Federaalka ah ee Soomaaliya ayaa shaaciyey magacyada xubnaha aqalka ee la qorsheeyey in loo kala diro maamul goboleedyada, si ay xal uga gaaraan khilaafka u dhaxeeya dowladda dhexe iyo dowlad goboleedyada. Guddigaan ayaa loogu tala galay in ay kasoo talabixiyaan Cabashadda dowladda dhexe ay ka muujiyeen maamul goboleedyadda iyo wada shaqeyn xumada ka jirta dowladda dhexe iyo maamul goboleedyadda. Golaha Aqalka Sare waxa ay sheegeen in ay gudan doonaan waajibka dastuurkiga ah ee ka saaran maamul goboleedyadda, islamarkaana ay dadaal badan ay ku bixin doonaan sidii loo xalin lahaa dhibaatooyinka xilliggaan taagan. Khilaafka ka dhaxeeya Madaxda maamulada iyo dowladda dhexe ayaa sii xoogeystay ka dib markii dhawaan Madaxda maamulada ay ku dhawaaqeen in ay hakiyeen xiriirkii kala dhaxeeyay dowladda dhexe ee Soomaaliya. Haddaba hoos ka aqriso liiska caawa soo baxay

Muqdisho (Caasimada Online)-War goordhow nasoo gaaray ayaa sheegaya in caawa uu Qarax xoogan ka dhacay Suuqa bakaaraha ee magaalada Muqdisho. Qaraxa oo jugtiisa uu aad u xooganaa ayaa waxaa inta badan laga wada maqlay degmooyinka Gobolka Banaadir. Qaraxa ayaa lasoo sheegayaa inuu ka dhashay Gaari laga soo buuxiyay walxaha Qarxa oo la doonaayay in gudaha loo soo galiyo magaalada. Qaraxa ayaa si gaara uga dhacay meel ku dhow Shirkada Dahabshil waxaana ka dhashay burbur iyo khasaaro hantiyeed. Saraakiisha amaanka iyo ciidamo aad u badan ayaa ku sugan goobta waxaana xusid mudan in Qaraxa uu dhacay wakhti danbe oo caawa ah. Ma cada nooca uu ahaa Gaariga, waxaana soo baxaaya warar kala duwan oo ku aadan Qaraxa mana la oga khasaaraha rasmiga ah ee ka dhashay Qaraxa. Caasimada Online Xafiiska Muqdisho Caasimada@live.com

Cargill will pay $1.5 million to 138 terminated employees to resolve charges that the company’s managers violated the Civil Rights Act by refusing to allow Somali-American Muslim workers to pray during their breaks at a meatpacking plant in Colorado, the U.S. Equal Employment Opportunity Commission said Friday. Source: Hiiraan Online

Two sisters bled to death in Somalia after they were forced to undergo female genital mutilation earlier this week, the latest tragic death in a country where most women and girls are subjected to the procedure, CNN reports. Source: Hiiraan Online

Kismaayo (Caasimada Online)-Wasaarada amniga ee dowlad Gobaleedka Jubbaland ayaa shaaca ka qaaday in deegaanada maamulka laga mamnuucay dhamaan dadka xiriirka la leh xagjiriinta Somalia ee Al-Shabaab. Shir Jaraa’id oo si wada jira ay u qabteen Wasaarada iyo maamulka Degmada Baardheere ayaa waxaa dadka deegaanka lagu ogeysiiyay in kuwooda xiriirka la leh Al-Shabaab ay isaga baxaan deeganka ka hor inta aan loogu tagin goobaha ay ku sugan yihiin. Waxaa shirka Jaraa’id lagu sheegay in dadka wada shaqaynta la leh Al-Shabaab aysan ku noolaan doonin degaannada Jubbaland, waxaana lagu war galiyay in ay fursad u heystaan inay ka baxaan deegaanada maamulka. Maxamed Cabdi Kaliil, Wasiiru Dowlaha amniga ee Dowlad Goboleedka Jubbaland ayaa sheegay in wixii maanta ka dambeeya aysan Odoyaasha degaanku shir u aadi karin goobaha ay joogaan Al-Shabaab, cidii ammarkan ka dhega adeegtana aysan dib ugu soo laaba karin Magaalada Baardheere. Waxa uu sheegay in Odayaasha ay sida Shabaab ula dagaalami doonaan haddii ay isku dayaan inay shirar ugu socdaalan deegaanada ay heystan Al-Shabaabka. Sidoo kale, Madaxa Maaliyadda ee Maamulka Degmada Cumar Ibraahim Aadan, ayaa sheegay in ciidamada ammaanka ay iminka qabteen xubno ka tirsan xagjiriinta Somalia ee Al-Shabaab kuwaa oo uu ku sheegay Shan xubnood oo Shabaabka kala shaqeyn jiray dilalka iyo Qaraxyada. Arrintani ayaa ka danbeysay kadib markii maamulka Juballand uu ku dhawaaqay dagaal ay la galayaan xagjiriinta Somalia ee Al-Shabaab. Caasimada Online Xafiiska Kismaayo Caasimada@live.com

Ethiopia and Eritrea will attend a summit in Saudi Arabia on Sunday to sign an agreement cementing the thaw between the two former Horn of Africa enemies, a UN spokesman said Friday. Source: Hiiraan Online

Dooddani ayaa Goobjoog News waxay u qabatay Wasiirka ganacsiga iyo warshadaha Galmudug Cabdiladiif Cabdullaahi Warsame iyo xildhibaan Muno Xaashi Shaaciye oo kamid ah baarlamaanka isla Galmudug. Waxay ku kala aragti duwan yihiin xil ka qaadistii guddoomiyihii baarlamaanka dowlad goboleedkaasi Cali Cacal Casir iyo arrimaha khilaafka ee ka dhex taagan madaxda maamulka. Waxayse isla garowsan yihiin in wadahadal lagu dhammeyn karo xiisadda siyaasadeed ee Galmudug ka taagan muddooyinkani dambe. HOOS KA DHAGEYSO: https://goobjoog.com/wp-content/uploads/2018/09/dood-galmudug.mp3 Goobjoog News Source: goobjoog.com

Aqalka Sare ee baarlamaanka federaalka Soomaaliya ayaa warqad soo baxday lagu shaaciyay magacaabis xubno guddiyo dhowr ah oo golaha Senate-ka ay u kala direen dowlad goboleedyada. Guddoomiyaha aqalka sare Cabdi Xaashi Cabdullaahi ayaa magacaabistani sameeyay iyadoo uu taagan yahay khilaafka dowladda dhexe iyo dowlad goboleedyada. Gollaha aqalka sare ee baarlamaanka federaalka Soomaaliya ayaa maalmo ka hor sheegay in ay xallinayaan khilaafka ka dhex aloosan labada dhinac. Gollaha iskaashiga dowlad goboleedyada ayaa horay u shaaciyay in ay hakiyeen wada shaqeyntii ay la lahaayeen dowladda federaalka oo fadhigeedu yahay Muqdisho. Hoos Ka Akhriso Magacaabid Wufuud Source: goobjoog.com

Bangiga adduunka oo amaanay Hormarka Somalia ay ka sameysay lacagaha la isugu gudbiyo Taleefoonada. Bangiga adduunka ayaa saadaaliyay in dhaqaalaha Soomaaliya uu sanadkaan kordhi doono 3-4%, bangiga ayaa daabacay qiimeyntiisii saddexaad ee ay ku sameeyeen dhaqaalaha Soomaaliya taasi oo muujineysa qodobada ugu waaweyn ee tilmaamaya hormar dhaqaale inuu dhacay iyo in kale iyo talooyin ku saabsan xoojinta ama kobcinta kaabayaasha dhaqaalaha. Warbixintaan ayaa timid iyadoo sanadkii hore ay Soomaaliya ku habsatay abaar si weyn waxyeello ugu geysatay xoolaha nool, gaar ahaan dhulka reer Miyiga, waxaana bangiga adduunka uu sheegay in dhaqaalaha Soomaaliya uu sanadkii hore kordhay 2.3% halka sanadkii ka horreeyay ee 2016 uu kobocu ahaa 4.4%, waxaana bangiga adduunka uu sheegay iney taasi muujineyso sida ay abaartu u keentay dib u dhac dhinaca dhaqaalaha ah, waxaana dhaqaalaha Soomaaliya uu taariikh ahaan ku tiirsanaa oo tiirka ugu weyn ee dhaqaalaha ahaa dhoofka xoolaha oo 70% uu dakhliga kasoo xaroodo, waxaana bangiga adduunka uu sheegay in abaartii dhacday sanadkii hore 2017 darteed ay hoos u dhacday dhoofka xoolahu 75%, waxeyna ahaayeen xoolaha sanadkaasi la dhoofiyay 1,300,000 oo neef halka sanadkii ka horreeyay 2016 ay xoolaha la dhoofiyay ahaayeen 5,300,000 oo neef. Hugh Riddle waa wakiilka bangiga adduunka ee Soomaaliya, waxa uu yiri: “Waa warbixintii saddexaad ee xog bixinta dhaqaale ee aynu ka sameyno Soomaaliya, waa warbixin aynu dooneyno iney soo baxdo lixdii bilood ee kasta, warbixinta kastana waxey guudmar ka bixisaa xaaladda dhaqaalaha iyo meelaaha kobocaya, warbixin kasta waxey leedahay mowduuc hoos loogu eego, inagoo iskaashi la sameyneyna qeybaha dowladda iyo shirkadaha gaarka loo leeyahay, warbixintani waxey si gaar ah u eegeysaa lacagaha la isku weydaarsado taleefoonada, fariinta ugu weyn ee ay warbixintaan direyso waxey tahay in abaartii dhacday sanadkii 2016 ee socotay sanadkii 2017 ay dib u dhac weyn ku keentay dhaqaalaha Soomaaliya, inuu dhaqaalaha Soomaaliya kordhana waa muhiim, markaad eegtid iney dadka Soomaalida tiro ahaan kordhayaan, hadii ay taasi dhici weyso waxaa imaneysa inuu faqriga kordho sanad walba, Soomaaliya waxey aad ugu tiirsan tahay xoolaha nool oo ayaguna ku tiirsan isbadalka cimilada, waana isbadalkaasi cimilada kan hoos u dhaca weyn ku keenay dhoofka xoolaha” Bangiga Adduunka waxaa kaloo uu sheegay in kororka dhaqaalaha Soomaaliya uu gaabis ahaa, gaar ahaan in sanadahii u dhaxeeyay 2013 ilaa 2017 uu kobcay dhaqaalaha Soomaaliya 2.5, hase yeeshee waxaa warbixinta sheegtay in koboc dhaqaale uusan ka dhigneyn inuu yaraaday heerkii faqriga. Bangiga Adduunka wuxuu daqliga kasoo xarooda gudaha ee sanadkii 2016 ku qiyaasay 6.8 Bilyan oo Doolar halka sanadkii aynu soo dhaafnay uu ka ahaa 7 Bilyan oo Doolar. Warbixinta Bangiga Adduunka waxey si weyn u amaantay koboca iyo doorka dhaqaalaha ee hanaanka lacagaha la isku weydaarsado taleefoonada, hadii ay ahaan laheyd xawilaadaha iyo wax kala iibsiga kalaba. Waxaa Bangiga uu sheegay in bishii la sameeyo 155 Malyan oo is weydaarsi ama wax kala iibsasho lacageed la isugu gudbiyo taleefoonada, taasi oo ku fadhida aduun dhan 2.7 Bilyan oo Doolar bishii. Waxaa bangiga uu sheegay in isticmaalka lacagaha taleefoonada ay ka xoog bateen lacaha cadaanka ah ama waraaqda ah ee ka jira Soomaaliya. Mar Kale Hugh Riddle, waxa uu yiri: “Caqabado badan ayaa ka jira Soomaaliya, hadii ay noqon laheyd dhinaca siyaasadda iyo amniga, waxa kaliya ee si wanaagsan u shaqeeya waa dhaqaalaha ku saleysan shirkadaha gaarka ah, waxaana warbixintaan aynu ku sheegnay wax layaab leh oo la taaban karo oo ah in dhaqaalaha ganacsiga gaarka loo leeyahay uu wax weyn u qabtay dhaqaalaha Soomaaliya ” kala wareejinta lacagaha ee dhinaca taleefoonada ee Soomaaliya waa mid ka mid ah tallaabooyinka ugu hormarsan dunida, tobankii qof ee Soomaaliya joogaba, todoba ka mid ah ayaa isticmaala hanaankaan, 155 Malyan oo kala wareejin ah ayaa dhacda bishii, waxeyna taasi fursad yididiilo leh u tahay koboca dhaqaalaha iyadoo dad tiro yar ay heystaan akoono bangiga ah” Bangiga adduunka ayaa amaanay hormarka Soomaaliya ay ka sameysay lacagaha la isugu gudbiyo Taleefoonada, waxaana bangiga uu sheegay in si tartiib tartiib ah sharci dajin loogu sameeyo hanaanka oo ay intiisa badan wadaan shirkadaha gaarka loo leeyahay. Goobjoog News Source: goobjoog.com

Jigjiga (Caasimada Online)-Warar dheeraad ah ayaa waxa uu kasoo baxayaa xariga Madaxweynihii hore ee DDSI Cabdi Cumar oo maanta Jimca ah lagu waday in Maxkamad lasoo taago, kaasoo loo heysto dacwado kala duwan. Cabdi Cumar oo arrinkiisa uu sii weynaanayo ayaa waxaa la sheegay in Xeer Ilaalinta Ethiopia maanta la siiyay muddo dheeraad ah oo ay ku soo baaran dacwadaha loo haysto Madaxweynihii hore. Xeerilaalinta ayaa horay u dalbaday baaritan soconaayay 10 Beri oo maanta ku egeyd balse maanta ayey markale codsadeen in la siiyo wakhti dheeraad ah si ay usi wadan baaritaanka kiiska Cabdi Cumar. Cabdi Cumar ayaa qirtay qaar kamid ah kiisaskii loo hayay, sida laga soo xigtay Saraakiil ka tirsan maamulka DDS oo gacanta kula jira dacwada. Madaxweynihii hore ee DDSI Cabdi Maxamuud Cumar ayaa hadda ku xiran xabsi ku yaalla magaalada Addis Ababa ee dalka Ethiopia, waxaana xusid mudan in ehelkiisa ay sheegen in xaalad Caafimaad daro ay soo wajahday. Si kastaba ha ahaatee, Cabdi Cumar ayaa waxaa loo heystaa in uu geystay xadgudubyo ballaaran oo ay ka mid yihiin dilal, Barakicin iyo ku takrifal Awoodeed. Caasimada Online Xafiiska Jigjiga Caasimada@live.com