Wafdiga ka socda golaha aqalka sare ee baarlamaanka federaalka Soomaaliya oo maalintii Seddexaad ku sugan degmada Dhuusamareeb ayaa kulan la qaatay qeybaha kala duwan ee bulshada. Kulankaan ayaa intiis badn waxaa fursad ay ku hadlaan la siiyey xubnihii ay la kulmeen Senator-ada, iyaga oo soo bandhigay caqabadaha jira iyo xalka waxa uu yahay. Dadkii hadlay qaarkood ayaa shaaciyey waxyaabaha ay u arkaan caqabadaha, marka loo eego dhanka Galmudug iyo dowladda dhexe. Senator Yuusuf Geelle Ugaas oo si kooban halkaasi hadal uga jeediyey ayaa sheegay in marnaba aan la qaadan karin kala tag guud oo ku yimaada Galmudug, balse wixii lagu kala aragti duwan yahay la isaga imaan karo. Guddoomiyaha guddigan, Cabdi Xasan Cawaale Qeybdiid oo isna hadlay ayaa sheegay in xilligan loo baahan yahay reer Galmudug iney ka tusaale qaataan dunidan horumaray ee isku duuban. Sidoo kale waxa uu sheegay Qeybdiid in waxyaabaha ay halkaasi u tageen tahay in la ogaado tabashada reer Galmudug ee dhanka dowladda federaalka Soomaaliya. Halkaan hoose ka dhageyso: https://goobjoog.com/wp-content/uploads/2018/09/War-Maxamed-Salaad.mp3 Goobjoog News Source: goobjoog.com

Hay’adda NISA ayaa qoraal ay soo dhigtay barteeda Twitterka waxay ku sheegtay iney gacanta ku dhigtay Labo ka mid ah dagaalyahannada Al-shabaab. Waxa ay hay’adda sheegtay in howlgalkan ay ka sameeyeen degmada Dharkeenley ee gobolka Banaadir, ayna hayeen macluumaadka raggan. NISA ayaa si gaar ah u sheegtay in ragga ay uga tirsanaayeen amniyaadka Al-shabaab. “Ciidamada amniga ayaa Labo shakhsi oo amniyaat-ka Al-shabaab ah kasoo qabtay Degmada Dharkeynleey ee Magaalada Muqdusho, howl-galka cidi wax kuma noqon, Nagu Garab istaaga si aan u difaacno dhammaan shacabkeenna” ayaa lagu yiri qoraalka NISA. Ma jirto faah faahin intaan ka badan oo ay NISA ka bixisay raggan ay soo qabatay. Dhowr jeer sidan oo kale NISA ayaa barta Twitterka kusoo qortay iney gacanta ku dhigtey dagaallamayaal ka tirsan Al-shabaab. Goobjoog News Source: goobjoog.com

Muqdisho (Caasimadda Online) – Kooxda khilaafada islaamiga ee Daacish ayaa sheegatay inay ka danbeysay falal khaarijin ah oo ka dhacay magaalooyinka Muqdisho iyo Afgooye. Warbaahinta Daacish ee Acmaaq ayaa shaacisay in shalay ay isgoyska Black Sea ciidamadeeda toogasho ku dileen askari ka tirsan ciidamada canshuurta qaada ee dowladda Soomaaliya. Sidoo kale waxay sheegteen inay magaalada Afgooye ku dileen Askari ka tirsan Booliska. Daacish oo marar badan sheegata dilal ka dhaca magaalada Muqdisho iyo Afgooye oo howlgalkooda Koonfurta Soomaaliya u badan yahay. Caasimada Online Xafiiska Muqdisho Caasimada@live.com

Muqdisho (Caasimadda Online) – Hay’adda nabad sugidda iyo sirdoonka qaranka Soomaaliya ayaa waxa ay sheegtay hawlgal gaar ah oo ka dhacay magaalada Muqdisho in lagu qabtay xubno sar sare oo ka tirsan ururka Al Shabaab. Qoraal NISA ay soo dhigtay barteeda Twitter-ka ayaa waxa ay ku sheegtay hawlgal laga sameeyey xaafad ka tirsan degmada Dharkenley in ciidamada ammaanka ay ku qabteen laba ka mid ah ragga dilalka u qaabilsan Al Shabaab. Warka ka soo baxay NISA laguma shaacin magacyada raggan, iyada inta uu hawlgalkan socday aanay jirin khasaare rayidka iyo ciidanka ammaanka soo gaaray. NISA ayaa sidan tiri “19-ka Sabtembar, 2018, ciidamada amniga ayaa laba shakhsi oo amniyaat-ka Al Shabaab ah ka soo qabtay degmada Dharkeynley ee Magaalada muqdisho, hawlgalka cidi wax kuma noqon, nagu garab istaaga si aan u difaacno dhammaan shacabkeenna.” Hawlgalada ciidamada ammaanka ay ka sameynayaan magaalada Muqdisho ee lagu soo qabto xubnaha ka tirsan Al Shabaab ayaa maalmahan dambe kordhay, iyada oo aanay jirin ragga la soo qabto in warbaahinta loo soo bandhigo. Caasimada Online Xafiiska Muqdisho Caasimada@live.com

Muqdisho (Caasimada Online)-Waxaa maalmahaani magaalada Muqdisho ee caasimada Somalia kusii kordhaya Qaraxyada iyo dilalka ay maleeshiyaadka Al-Shabaab la eeganayan Mas’uuliyiinta iyo Shaqaalaha dowlada. Qaraxyada maalmahani ka dhaca magaalada Muqdisho ayaa u badan kuwa loo adeegsado Bam gacmeedyada iyo Miinooyinka lagu aaso hareeraha waddooyink magaalada. Qaraxyada nagu cusub ayaa waxaa kamid ah kuwo loo adeegsanayo Gaari gacan, halka dilalka ugu badan ee xiligan ka dhaca magaalada Muqdisho ay yihiin kuwo loo adeegsado Toorey. Waxaa dhaca dilal u muuqaal eg ku qorsheysan oo lagu cuuryaamiyo shaqaalaha dowlada kuwaa oo intooda badan loo adeegsado bastoolad, iyadoo wixii intaa ka danbeeya Meydka looga dhaqaajiyo goobta. Haddaba Qaraxyada iyo Dilalka ku cusub magaalada Muqdisho ee dib usoo rogaal celiyay ayaa waxaa u sabab ah 2 arrin oo kala ah:- 1-Degmooyinka Gobolka Banaadir oo aan xiligan laheyn Taliyayaal Nabad sugid, kadib markii kuwii ku magacawnaa loo wareejiyay Booliska, waxaana sidaa ku banaan kaalinta NISA ee amniga degmooyinka. 2-Xiriir xumi gaarsiisan heerkii ugu hooseysay oo ka dhex jira maamulada Degmooyinka, Saldhigyada Booliska iyo Shacabka ku nool Degmooyinka, taa oo sara qaaday falalka amni darro ee ka jira magaalada Muqdisho. Taliyayaasha NISA u qaabilsanaa amniga degmooyinka Gobolka Banaadir ayaa inta badan ka hortagi jiray falalka amni darro, waxa ayna tani muujineysaa in faaruqa jira uu qeyb ka yahay sara u kaca Qaraxyada iyo Dilalka. Si kastaba ha ahaatee, dowlada Federaalka, gaar ahaan Hay’adda NISA ayaa laga sugayaa inay xal u hesho banaanida booska ay faarujiyeen Taliyayaashii ugu magacawnaa degmooyinka ee lagu daray Booliska. Caasimada Online Xafiiska Muqdisho Caasimada@live.com

Muqdisho (Caasimada Online)-Waxaa soo baxaaya warar sheegaya in Hay’adda NISA ay shaqada ka ceyrisay ciidamo farabadan oo sanado badan usoo halgamaayay sida dalka looga xoreyn lahaa maleeshiyaadka Al-Shabaab. Eryinta ciidamadan ayaa waxaa warbaahinta u xaqiijiyay Xildhibaan Macalin Cali oo ka mid ah mudanayaasha Golaha shacabka ee BFS, waxa uuna tilmaamay in aan waxba laga soo qaadin halgankooda. Waxa uu Xildhibaanku sheegay in macluumaad uu helay uu muujinayo in Hay’adda NISA ay erisay ilaa 200 oo askari oo ciidamada Nabad sugida iyo Sirdoonka qaranka ka tirsanaa, sida uu hadalka u dhigay. Waxa uu cod dheer ku sheegay in ciidamadaasi la eryay ay shaqo la’aan ku heyso Magaalada Muqdisho taasina badalkeeda ay suurta gal tahay inay ka qeyb qaataan amni darida ka jirta Magaalada. Xildhibaanka waxaa uu dalbaday in arimahaasi wax badan laga qabto, waxa uuna arrin aad u fool-xun ku sheegay in ciidamo heer Sirdoon ah la eryo kuwaa oo ay suuragal tahay inay ku biiran Al-Shabaab, sida uu hadalka u dhigay. “Waa dareemi kartaan dhibta ay leedahay in la eryo askari sirdoon ah, waxaa ku filan keliya in xogta uu la wadaago cadowga” Sidoo kale, dowlada ayuu sheegay in looga baahan yahay inay ka fiirsato ciidamada ay ka erineyso shaqada hadana lagu dhex fasaxaayo magaalada. Si kastaba ha ahaatee, waxaan haddalka Xildhibaan Macalin Cali aan wali ka jawaab celin dowlada Somalia haddii uu hadalkaasi yahay mid saxa ama khalad ah. Caasimada Online Xafiiska Muqdisho Caasimada@live.com

Muqdisho (Caasimadda Online) – Wakiilka sii baxaya ee Qaramada Midoobey u qaabilsan Soomaaliya Michael Keating oo wareysi siiyey barnaamijka GMT ee BBC News, isla markaana ka hadlayey doorashada 2020-ka ayaa sheegay in haddiiba qof iyo cod ah ka dhici karto Somaliland ay sidoo kale ka dhici karto Soomaaliya. Mar la weydiiyey inuu ku dhahay inay qasab tahay in doorasho qof iyo cod ah ay ka dhacdo Soomaaliya 2020-ka, waxaa uu yiri “Marka hore, aniga ma aha waxaa sidaasi dhahaya, Soomaalida ayaa sidaa leh” isaga oo intaa raaciyey “in ay tahay caqabad jirta, Somaliland dadka waa diiwaan-geshan yihiin, doorasho baarlamaan ayaa ka dhacday, madaxweyne ayey doorteen, marka haddii ay Somaliland ay sameysay, waa isla dadkii, Soomaaliyana waa sameyn kartaa, waa la sameyn kartaa. Michael Keating oo sii hadlaya “Arrimaha in la hadlayo ay tahay, su’aasha waa haddii nidaamka doorasho uu ka soo bixi karo, natiijadii loo baahnaa, oo loo arko xaq ah, waa in aan bilowno in aan ka shaqeyno, wax kasta oo doorasho looga baahdlo, hadda inay dhaceyso ayaan aaminnay, waxaa u baahantahay guddi doorasho oo waxtar leh, cod-biixyeyaasha oo la diiwaan-geliyo, nidaam maxkamadeed, arrimahaas oo dhan waa in la shaqeysiiyo. Michael Keating waxaa uu joogay shirkii London iyo shirar kale oo lagu gorfeeyey, la iskuna raacay doorashada qof iyo cod ee lagu wado inay Soomaaliya ka dhacdo 2020-ka. Caasimada Online Xafiiska Muqdisho Caasimada@live.com

Waxaa maanta magaaladda Badhan ee Gobalka Sanaag lagu qabanayaa shirka gollaha wasiiradda Dawlada Puntland oo uu shir gudoomin doono Madaxweyne Cabdiwali Maxamed Cali Gaas. Halka uu ka dhici doono shirka Gollaha Wasiirada PL ee Magaalada Badha– Xaquuq Sawirka Dabarani Shirka gollaha wasiiradda oo ay noqon doonto markii ugu horeysay ee uu ka dhaco magaaladda Badhan ayaa looga doodi doonaa shaqooyinkii caadiga ahaa ee wasiiradda Puntland ka doodi jireen todobaadkiiba hal mar. Inta badan gollaha wasiiradda Dawlada Puntland ayaa ku sugan magaaladda Badhan oo uu shalay gaaray Madaxweyne Gaas iyo wafti ballaaran oo uu hogaaminaayey, sidoo kale waxaa magaaladaas ku sugan in ka badan 20-xildhibaan oo katirsan Baarlamaanka Dawlada Puntland. Isla magaaladda Badhan waxaa ka dhici doona shirka gudiga joogtada ah ee baarlamaanka Puntland, maadamada ay magaaladaas ku sugan yihiin gudigii joogtada ahaa ee Baarlamaanka. Dadka reer Sanaag ayaa siweyn usoo dhaweeyey booqashada uu Dr Gaas ku tegey Gobalkaas, waana markii ugu horeysay oo wafti heerkan ahi uu gaaro magaaladda Badhan inta la xasuusan yahay. PUNTLAND POST The post Shirka Khamiislaha ee golaha Wasiirada Puntland oo maanta ka dhacaaya magaalada Badhan appeared first on Puntland Post.

Jigjiga (Caasimada Online)-Afhayeenka Ururka ONLF, C/ Qaadir Xassan Hirmooge (Caddaani), oo la hadlay warbaahinta ayaa si guud uga hadlay rajooyinka ay ka qabaan Heshiisyada ay la galeen dowlada Ethiopia iyo maamulka DDS. Afhayeenku waxa uu sheegay in mar waliba ay qabaan rajooyin wanaagsan isla markaana dowlada Ethiopia laga doonaayo inay ka miro dhaliso Heshiiska Asmra. Caddaani , waxa uu saxaafada meel fagaaro ah ugu cadeeyay in ONLF ay ku adkaan doonto inay ka tanaasulan mowqifkeeda ku aadan ka go’ida dalka Ethiopia. Caddaani, waxa uu sheegay in ONLF ay leedahay Mowqifkii ay dhowr sano usoo dagaalameysa, sidaa aawgeed ay ku adkaaneyso inay ka laabtan ujeedooyinka qaarkii oo ay ku dagaalamayeen. C/Qaadir Cadaani Hirmooge, ayaa sheegay iney u codeeyeen garabka kale ee maamulka DDSI mowqifkooda ku aadan ineysan dooneyn kasii mid ahaanshaha Ethiopia, taa badalkeedna ay doonayaan iney ka go’aan Ethiopia oo idil, sida uu hadalka u dhigay. Waxa uu Afhayeenka sheegay in shirka Asmara uu dawo u yahay in laga gudbo colaadihii Ururka kala dhexeeyay maamulka Jigjiga iyo Ethiopia, balse aysan aqbali doonin in laga gudbo qodobada qaar. Caddaani Hirmooge oo ah afhayeenka ONLF ayaa wuxuu sheegay “heshiis iyo is-afgarasha kasta oo dhacda iney ururka ONLF uu amarnaba ka tanaasuleyn hadafki aaya ka talinta ee ay ONLF muddo u soo halgameysay”. Waxa uu intaa raaciyay in dhamaadka shirka kadib lagu balamay in lawada qaato kulamo kale oo lagu sii amba qaado wadahadalka qodobada harsan, si loo soo afjaro colaada mudada sanadaha dheer socotay ee Ismaamulka Soomaalida. Waxa uu arrin muhiima ku sheegay in shacabka dhulka Soomaalida ay ka tashtaan aayahooda, waxa uuna arrin aan macquul aheyn ku sheegay in Umad dhan ay ku feelan dowlad aan tooda aheyn. Sidoo kale, waxaan qodobka tanaasul la’aanta laga cabsi qabaa inay u cuntami weyso dowlada Ethiopia oo muddo sanado ah ku taameysay sida ay dusha sare uga maamuli laheyd guud ahaan Somalia. Haddalka Cadaani ayaa u muuqanaaya mid ONLF ay ku dooneyso inay kaga madax-banaanaato Siyaasada iyo hoos jooga Ethiopia, waxaana sidoo kale adkaan doonta in Ethiopia ay aqbasho inay ka go’do Soomaalida. Caasimada Online Xafiiska Jigjiga Caasimada@live.com

Cadaado (Caasimada Online)-Warar dheeraad ah ayaa waxa uu kasoo baxayaa dagaal xoogan oo ka dhacay duleedka degmada Cadaado ee gobolka Galgaduud. Dagaalka oo hub kala nooca leysu adeegsaday ayaa waxa uu u dhexeeyay Ciidamo kawada tirsan maamulka Galmudug, waxaana lasoo sheegayaa inuu ka dhashay khasaaro kala duwan. Dagaalka ayaa waxa uu ka dambeysay kadib markii ciidamo ka tirsan Galmudug oo ka soo ambabaxay Gaalkacyo kuna sii jeeday Dhuusamareeb ay is hor istaag ku sameeyeen ciidamo kale oo ku sugnaa duleedka magaalada Cadaado. Dagaalka ayaa waxaa ku dhintay ilaa laba askari, waxaana ku dhaawacmay Seddex kale kuwaa oo la dhigay isbitaalka guud ee magaalada cadaado. Saakay ayaa waxaa magaalada laga dareemayaa dagaalkii xalay dhacday, sidoo kalena ay jirto cabsi kale oo ku aadan in mar kale ay wax dhacaan. Si kastaba ha ahaatee, dhawaan ayay aheyd markii ciidamo ka tirsan Galmudug ay diideen inay Cadaado galaan ciidan kale oo ka yimid dhanka Gaalkacyo, sababo la xiriira xiisada siyaasadeed ee ka dhex jirta madaxda Galmudug. Caasimada Online Xafiiska Cadaado Caasimada@live.com

Wakiilka sii baxaya ee Qaramada Midoobey u qaabilsan Soomaaliya Michael Keating oo wareysi siiyey barnaamijka GMT ee BBC News, isla markaana ka hadlayey doorashada 2020-ka ayaa sheegay in haddiiba qof iyo cod ah ka dhici karto Somaliland ay sidoo kale ka dhici karto Soomaaliya. Mar la weydiiyey inuu ku dhahay inay qasab tahay in doorasho qof iyo cod ah ay ka dhacdo Soomaaliya 2020-ka, waxaa uu yiri “Marka hore, aniga ma aha waxaa sidaasi dhahaya, Soomaalida ayaa sidaa leh” isaga oo intaa raaciyey “in ay tahay caqabad jirta, Somaliland dadka waa diiwaan-geshan yihiin, doorasho baarlamaan ayaa ka dhacday, madaxweyne ayey doorteen, marka haddii ay Somaliland ay sameysay, waa isla dadkii, Soomaaliyana waa sameyn kartaa, waa la sameyn kartaa. Michael Keating oo sii hadlaya “Arrimaha in la hadlayo ay tahay, su’aasha waa haddii nidaamka doorasho uu ka soo bixi karo, natiijadii loo baahnaa, oo loo arko xaq ah, waa in aan bilowno in aan ka shaqeyno, wax kasta oo doorasho looga baahdlo, hadda inay dhaceyso ayaan aaminnay, waxaa u baahantahay guddi doorasho oo waxtar leh, cod-biixyeyaasha oo la diiwaan-geliyo, nidaam maxkamadeed, arrimahaas oo dhan waa in la shaqeysiiyo. Michael Keating waxaa uu joogay shirkii London iyo shirar kale oo lagu gorfeeyey, la iskuna raacay doorashada qof iyo cod ee lagu wado inay Soomaaliya ka dhacdo 2020-ka. Googjoog News Source: goobjoog.com

Mid kamid ah waxgaradka Puntland oo lagu magacaabo Cabdiraxmaan Samatar ayaa wareysi uu siiyay Goobjoog News ku sheegay in wax wanaagsan ay tahay in madaxweynaha Puntland uu booqasho ku tago gobolka Sanaag. Madaxweyne DR Cabdiwali Cali Gaas ayaa booqasho maanta ku gaaray magaalada Badhan ee gobolka Sanaag, halkaasoo madaxweynaha uu kaga qeyb galay mashruuc lagu furayay Jaamacad degaankaasi laga hirgaliyay oo lagu magacaabo Maakhir University. Nabadoonka ayaa maamullada Puntland iyo Somaliland u jeediyay in ay nabadda ka shaqeeyaan. HALKAN HOOSE KA DHAGEYSO: https://goobjoog.com/wp-content/uploads/2018/09/NABADOON-PUNTLAND-19-09-2018.mp3 Goobjoog News https://goobjoog.com/wp-content/uploads/2018/09/NABADOON-PUNTLAND-19-09-2018.mp3 Source: goobjoog.com

A Somali singer, poet, and songwriter by name Yasminah is suing both Canadian born singer, The Weeknd, and French production duo, Daft Punk, for at least $5 million after she claimed the 2016 ‘Starboy’ hit record was a ripoff of her own music. Source: Hiiraan Online

The 80-km stretch of road between the Liboi border point and the Dadaab Refugee Camp in Garissa County is as dusty and bumpy as it is fraught with the risk of attacks by Al-Shabaab terrorists. Source: Hiiraan Online

The number of Christian refugees admitted into the United States has risen substantially under President Donald Trump while the number of Muslim refugees resettled in the U.S. has plummeted, a report said. Source: Hiiraan Online

The conflict between Somali herders and the local Giriama community over pasture in Ganze, Kilifi County, is turning ugly by the day. Source: Hiiraan Online

A 2014- born Somali child was found dead inside his room with a stab wound to his heart. According to security sources, the child’s mother, after finding her child dead inside his room, called the Operations Room of Ministry of Interior and reported the incident. Source: Hiiraan Online

ISTANBUL (Reuters) - Relations between Washington and Ankara will strengthen with investment and trade, Turkey’s President Tayyip Erdogan said on Wednesday in speech to representatives from U.S. companies, according to the text of his speech. Source: Hiiraan Online

Minister of Development Planning and Statistics H E Dr Saleh bin Mohammad Al Nabit met with a delegation from the Ministry of Planning, Investment and Economic Development of the Federal Republic of Somalia. Source: Hiiraan Online

The asylum seekers have been staying in an overcrowded camp on the island of Lesbos. Source: Hiiraan Online

At least 12 al-Shabab militants were killed and several others injured after an airstrike hit al-Shabab militants meeting in Sakow town in Middle Jubba region in southern Somalia, officials said Wednesday. Source: Hiiraan Online

Ephraim Halevy, the former head of Mossad, Israel’s secret service agency, has voiced concerns over the risks that China’s growing presence in Israel pose to national security. Source: Hiiraan Online

The Somali government said this week that it was ready to send troops to help with security and enhance peace in South Sudan, where officials and opposition groups recently signed an agreement to end a five-year civil war. Source: Hiiraan Online

Muqdisho (Caasimada Online) – Xog dheeri ah ayaa laga helayaa weerar toddobaadkii tagey ciidamada Gaashana ee sirdoonka Soomaaliya iyo kuwa Mareykanka ay ku qaadeen deegaanka Mubaarak ee gobolka Shabeellaha Hoose, oo Mareykanku sheegeen inay ku dileen xubno Shabaab ah balse la xaqiijiyey in Shabaabku guul ka gaareen. Xog ay heshay Caasimada Online ayaa sheegeysa in ciidamada gaarka ah ee Mareykanka ay aad uga carreysan yihiin in Shabaabka ay ka war-heleen weerarka ka hor inta aan la soo qaadin, taasi oo weerarka fashilisay. Ilo lagu kalsoon yahay ayaa Caasimada Online u sheegay in dhowr askari oo ka mid ah ciidamada gaashaan weerarka lagu dilay, sidoo kalena lagu dhaawacay askari Mareykan ah, halka qalab badanna lagu furtay. Wararka ayaa sheegaya in Mareykanka uu rumeysan yahay in xubno sare oo ka mid ah hay’adda NISA ay bixiyeen xogta weerarka, taasi oo u sahashay Shabaabka inay iska caabiyaan. Weerarka ayaa la sheegay inay ogaayeen oo kaliya xubno kooban oo sare oo ka mid ah NISA. Ciidamada Mareykanka ayaa la sheegay inay qasab ku noqotay inay dhar cusub iminka usoo dirayaan ciidamada Gaashaan, maadaama Shabaabka haystaan dharkii hore, taasi oo u sahli karta inay weeraro fuliyaan ayaga oo iska soo dhigaya ciidanka. Taliye ku xigeenkii hore ee NISA Cabdalla Cabdalla ayaa horey u xaqiijiyey in xubno bixiya sirta sirdoonka Soomaaliya ay ku dhex-jiraan NISA, ayna adkaan doonto in laga adkaado Shabaab inta ay taasi jirto. Hoos ka arag dharka iyo qalabka ay qabsadeen Al-Shabaab.

Muqdisho (Caasimada Online) – Warar soo baxayay xalay kadib markii shalay uu madaxweyne Waare shaaciyay in maamulkiisa uu la heshiiyay Madaxtooyada Soomaaliya ayaa waxay sheegayeen in lacag cadadkeedu dhan yahay laba malyan la siinayo Hirshabeelle. Arrintaan ayaa waxaa shaaca ka qaaday xildhibaan Cabdirashiid Cabdixakiin Warsame. Xildhibaan Cabdirashiid Cabdixakiin ayaa sheegay in ay jirto lacag dhan laba malyan oo dollarka Maraykanka ah oo la siinayo Hirshabeelle kaddib heshiiskii ay la gaareen Villa Somalia. Wuxuu sheegay in lacagtaasi ay dowladda siinayso, isagoo hoosta ka xariiqay in dowlado ajnabi ah ay bixinayaan. Waare oo shalay shir jaraa’id ku qabtay magaalada Muqdisho ayaa ku dhawaaqay inay heshiis buuxa dowladda dhexe ka gaareen khilaafkii u dhaxeeyay labada dhinac, ayna ka wada shaqeyn doontaa danta dadka, gaar ahaa HirShabelle Waxa uu sheegay in wixii tabasho ee jiray la dhameeyay, islamarkaana ay si buuxda ula shaqeyn doonaan dowladda Federalka, isla markaana ay yeelan doonaan wada shaqeyn. Heshiiska dowladda ay la gaartay Waare ayaa qeyb ka ah dadaal ay ku dooneyso inay ku kala furfurto isbaheysiga dowla goboleedyada, taaasi oo ka saacidi karta sidii madaxdooda loogu beddeli lahaa kuwa raacsan dowladda. HALKAN HOOSE KA DHAGEYSO XILDHIBAAN CABDIRASHIID: https://www.caasimada.net/wp-content/uploads/2018/09/XILDHIBAAN-HIRSHABEELLE-19-09-2018.mp3