Roma ( Sh. M. Network )-Madaxweynaha JFS Mudane Maxamed C/laahi Farmaajo iyo wafdi uu hoggaaminayo ayaa xalay gaaray magaalada Rooma ee dalka Talyaaniga. Madaxweyne Farmaajo iyo wafdigiisa waxaa halkaasi si diiran ugu soo dhaweeyay madax ka tirsan dowladda Talyaaniga iyo Jaaliyadda Soomaaliyeed ee dalkaasi. Maxamed C/laahi Farmaajo Madaxweynaha Soomaaliya oo si kooban ula hadlay Jaaliyadda ayaa sheegay in muddo 2 maalin ah uu joogi doono Talyaaniga. Waxaana uu tilmaamay in kulamo gaar gaar ah uu la qadan mas’uuliyiinta sar sare ee Wadankaasi. Halkan hoose ka dhageyso Codka. http://radioshabelle.com/wp-content/uploads/2018/11/cod-madaxweynaha.mp3 The post Madaxweyne Farmaajo Oo loogu soo dhaweeyay Roma appeared first on Shabelle. View the full article

Garbahaarey ( Sh. M. Network )-Wararka laga helayo gobolka Gedo ayaa ku warramaya in xalay dagaal culus uu ka dhacay deegaanka Faxfaxdhuun ee gobolkaasi. Dagaalka oo ahaa mid xoogan ayaa waxaa la’isku adeegsaday hubka nuucyadiisa kala duwan, waxaana uu u dhexeeyay Ciidamada Kenya iyo Xarakada Al Shabaab. Sida la sheegay dagaalka ayaa yimid kadib markii Al Shabaab ay weerar ku qaadeen fariisin Ciidamadaasi ay ku leeyihiin deegaanka Faxfaxdhuun ee gobolka Gedo. Wararka ayaa intaasi ku daraya in uu jiro khasaare dhimasho iyo dhaawacba leh oo ka dhashay dagaalkaasi, walow aan la xaqiijin karin inta uu la’egyahay. Welina ma jiro wax hadal ah oo ka soo baxay labada dhinac oo ku aadan dagaalkaasi iyo weerarka ka horreeyay intaba. Xaaladda ayaa saaka dagan, hayeeshee Ciidamada dowladda iyo kuwa Kenya ayaa dhaq dhaqaaqyo ka wada qeybo ka mid ah gobolka Gedo ee K/ Soomaaliya. The post Al Shabaab iyo Ciidamada Kenya Oo ku dagaalamay Gedo appeared first on Shabelle. View the full article

Muqdisho (Caasimada Online)-Xiisad dagaal oo u dhaxeysa ciidamada maamulka Galmudug iyo Al Shabaab ayaa ka taagan deegaano hoosta degmada Guriceel ee gobolka Galgadiuud. Sida dadka deegaanka ay saxaafadda u sheegeen waxaa saaka deegaanada Goole Goole iyo Dhagaxyaale ka taagan xiisad dagaal oo u dhaxeysa Al Shabaab iyo ciidamada maamulka Galmudug. Arinta ayaa ka dambeysay kadib dagaal xoogan oo dhexmaray ciidamada maamulka Galmudug iyo Al Shabaab, gelinkii dambe ee shalay waxaana Al Shabaab ay bilaabeen inay dib isku soo abaabulaan. Ciidamada Galmudug ayaa dagaal saacado qaatay kadib waxay la wareegeen deegaanadii lagu dagaalamay, waxaana dadka deegaanka ay sheegayaan inay jiraan qasaaro xoogan oo labada dhinac kala gaaray. Saraakiisha ciidamada Galmudug ayaa sheegay in ciidamadooda ay isku balaarin doonaan deegaanada hoostaga degmada Guriceel oo Al Shabaab ay ku sugan yihiin. Al Shabaab dhankooda Guulo ayay ka sheegteen dagaalkii shalay ka dhacay deegaanada Goola Goole iyo Dhagaxyaale oo hoostaga degmada Guriceel. Caasimada Online Xafiiska Muqdisho Caasimada@live.com

Muqdisho ( Sh. M. Network )-Faah faahinno dheeraad ah ayaa ka soo baxaya dil iyo dhaawac ay kooxo hubeysan xalay ka geysteen qeybo ka mid ah degmada Yaaqshiid ee gobolkan Banaadir. Dhacdadani ayaa yimid, kadib markii rag hubeysan ay weerar ku soo qaadeen Askari ka tirsan Ciidamada dowladda oo ku sugnaa Maqaaxi ku taalla agagaarka Hotel Lafweyn ee degmadaasi. Askariga la weeraray ayaa lagu soo warramayaa in lagu dilay halkaasi, kaas oo lagu magacaabi jiray Axmed Nuux. Sidoo kale waxaa weerarkaasi ku dhintay 1 Qof oo shacab ahaa iyadoona uu ku dhaawacmay mid kale oo ku sugnaa isla goobtaasi. Wararka ayaa intaasi ku daraya in Raggii ka dambeeyay falkani ay goobta isaga baxsadeen dhacdada kadib. Mid ka mid ah Ehellada dadkaasi oo la hadlay Shabelle ayaa ka warbixiyay, sida ay wax u dhaceen. Halkan hoose ka dhageyso Codka. http://radioshabelle.com/wp-content/uploads/2018/11/dil.mp3 The post Saddex Qof Oo dil iyo dhaawac loogu geystay Muqdisho appeared first on Shabelle. View the full article

Muqdisho ( Sh. M. Network):-Halkaan ka Dhageyso Warka Subax ee Idaacadda Shabelle. Hoos riix si aad u dhageysato: http://radioshabelle.com/wp-content/uploads/2018/11/Warka-Subax-201118.mp3 The post Dhageyso:-Warka Subax Ee Idaacadda Shabelle appeared first on Shabelle. View the full article

Muqisho (Caasimada Online) – Xukumadda Ra’isul Wasaare Xassan Cali Kheyre ayaa lagu eedeeyey musuq maasuq baahsan kaddib warbixin dheer oo ay daabaceen Guddiga Miisaaniyada, Maaliyada Qorsheynta iyo La xisaabtanka dowladda ee Golaha Shacabka. Sida ay sheegeen guddiga waxaa maqan ama si wax isdaba marin ah loo maareeyey 50 Milyan oo laga helay Sucuudiga, taasi 20 milyan oo ka mid ah aanay ku jirin xisaab xirkii ay xukuumadda soo gudbisay. Haddii ay dhacdo in xukumadda Kheyre ka jawaabi weyso musuq maasuqa lagu soo eedeeyey, waxaa ka dhalan kara go’aan bulshada Soomaaliyeed hadda ugu muuqda mid aan dhici karin. Go’aankaas waxa uu horseedi karaa in xubnaha baarlamaanka ay codka kalsoonida isku raacaan in ay u qaadaan xukumadda Ra’iisul Wasaare Xassan Cali Kheyre oo hadda sanadkeedii labaad ku dhaw. Xildhibaano la hadlay Caasimada Online ayaa sheegay in arrintan ay noqon karto waddo u furanta xildhibaanada mucaaradka, oo ay mooshin xil ka qaadis uga keenaan Kheyre. Dhacdan ma aha markii kowaad oo waxyaabo musuq maasuq la xiriira lagu soo eedeeyo xukumadda Kheyre, waxaana hore u jiray xogo badan oo si toos ah iyo si dadban ah u caddeeyey in Xukumadda ay Musuq Maasuq ka dhammaan la’dahay. Warbixinta dheer ee Guddiga Miisaaniyada, Maaliyada Qorsheynta iyo La xisaabtanka dowladda ee Golaha Shacabka ayaa ku soo aadeysa xilli Ra’iisul Wasaare Kheyre oo ku cel celiyo in ay la dagaalamaan musuqa oo waliba loo xiray shaqsiyaad hoose oo dowladda ka tirsan. Dad badan ayaa aaminsan in shaqsiyaadka darajada hoose ee loo xiro musuq maasuq ay qeyb ka tahay isku day shacabka lagu qaldayo, oo magaca xukuumadda lagu wanaajinayo, ayada oo mas’uuliyiinta sare ay xatooyo aanay shacabka ogeyn ku lug leeyihiin. Arrintan waxay horseedi kartaa in Kheyre ama wasiiro sare ay ku baxaan. Caasimada Online Xafiiska Muqdisho Caasimada@live.com

Muqdisho (Caasimada Online)-Dowladda Kenya ayaa guulo ka sheegatay howlgal ciidamadooda ay ka sameeyeen Keynta Booni oo Al Shabaabka ka dagaalamaya dalka Kenya ay ku dhuumaaleystaan. Hay’addaha amaanka ee dalka Kenya ayaa sheegay in weerar ciidamadooda ka fuliyeen halkaasi ay ku dileen afar kamid ah dagaalyahanada Al Shabaab, islamarkaana ay ku qabsadeen lix qori oo AK-47 ah. Saraakiisha waxay sheegeen in howlgalkaasi ay ka fuliyeen gobolada Gaarisa iyo Laamu, waxaana ciidamada ay sidoo kale ku raad joogaan shaqsiyaad ka baxsaday gacanta ciidamada, sida saraakiisha ay sheegeen. Agaasimaha howlgalka Keynta Booni oo Weerarka ay ka fuliyeen ciidamada dowladda Kenya Joseph Kanyiri, ayaa sidoo kale sheegay in ay rasaas badan ka furteen Al-shabaabkii la dagaalamay ciidamadooda. Wuxuu sheegay in howlgalka uu billowday markii Ciidamada AL-shabaab ay isku dayeen in ay weeraraan anteeno Isgaarsiineed oo ay leedahay Sharikadda Safaricom kaddibna Ciidamada ay ku baxeen sidaasna dagaalka ku dhexmaray. Dilka afarta qof ee ka tirsan AL-shabaab ayuu sheegay in ay ku soo aadday saddex bilood kaddib markii toban ka mid ah Al-shabaab lagu dilay degaanka Taksile ee ka tirsan Lamu. Caasimada Online Xafiiska Muqdisho Caasimada@live.com

Koongo-[Puntland Post]-Saddex qof oo mid kamid yahay askari ayaa ku geeryooday dalka Koongo kadib markii askari kale uu toogtay dadkaasi oo joogay goob aas ka dhacaayey , sida ay sheegeen ciidamada Booliska ee dalkaasi . Askarigan ayaa sida oo kale dhaawacay ilaa toban qof, kuwaas oo kamid ahaa dadka Aaskaasi kasoo qayb galay magaaladda Jikaaba ee gobolka Kasaay ee dalka Jamhuuriyadda Dimuqraadiga ah ee Koongo. Ilaa hadda lama oga sababta keentay in askarigani rasaaseeyo dadkan aaska ka qayb gelaayey , iyada oo gobolka Kasaay ay qul qulatooyin ka socdeen laga soo bilaabo 2016 ilaa 2017-kii , iyada oo ay isku dhacyo ka dhacay ka dhacay gobolkaasi ay ku dhinteen saraakiil , saraakiil ciidamada amaanka ka tirsan iyo dad ay ku jiraan khubaro ajaanib ah. Cabdiqani Boos Puntland Post The post dalka Koongo Oo Askar Iyo Shacab Lagu Laayey appeared first on Puntland Post.

Berbera-[Puntland Post]-Madaxweynaha Somaliland Md Muuse Biixi Cabdi oo maalintii labaad ku sugan magaalada Berbera ayaa saaka Booqdey bilowga dekedda cusub ee shirkadda DP World dhisayso oo cabbirkeedu dhan yahay 400 mitir, isaga oo awaamiir faray maamulka dekedda Berbera amray in hannaan caddaalad ah loo maro wax kasta oo lagama maarmaan u ah taabbo-gelinta dhismahaas, islamarkaana ay bulshada reer Somaliland mar walba mudnaanta koowaad leedahay. Qoladiinna dekedda maamusha waxa la idinka rabaa halkaas wixii shaqo iyo qandaraas ka baxayaa inay caddaalad ku baxaan oo aanay cabasho kasoo noqonin, qoladanna (DP World ) waa in sidaa lagu kaantaroolaa oo ay sharciga lagu heshiiyo ku socdaan, ta labaadna wax Somaliland karayso oo qalab ama aqoon ah waa inaan cid kale keenin, waqtigana waa inaad ilaalisaan..” Ayuu yidhi Madaxweyne Muuse Biixi Cabdi. hoos ka daawo Muuqaalka. Cabdiqani Boos Puntland Post The post Muuse Biixi Oo Amar Faray Masuulyiinta Dekada Berbera Iyo Shirkada Dp World appeared first on Puntland Post.

USA: Soomaali Sakaaro qalan oo dhiig ka daayo loo saaray Kawarka gawaadhidooda Aabe iyo cunug 14 jir ah oo uu dhalay ayay booliska gobolka Minnesota ee dalka Mareykanka wax ka weydiinayaan sagaaro qalan oo dhiigeysa taas oo ay dul saareen labo ka mid ah gawaari parking gareysneyd kuwaas oo ay lahaayeen dad soomaali ah. Labadan eedeysane ee is-dhalay ayaa gaarogooda kasoo dajiyay labada sagaaro, waxaana ay dulsaareen labo gaari oo sida la rumeysan yahay bar-tilmaameed u ahaa, walow ay sheegeen in ay iska dul-saareen islamarkaana eysan ogeyn cida iskalaheyd. Waxa ay ku andocoodeen in ay doonayeen in ay “iska fogeeyaan” sagaarooyinkaasi, sidaasna ay u dul saareen gawaarida dushooda. Booliska ayaanan rumeysan sheegashada labada eedeysane, waxaana ay aaminsan yihiin in arrintan ay xiriir la leedahay “fal cunsurinimo”. Baarista ay wadaan booliska ayaa wali socota, waxaana ay dulmarayaan video muujinaya qaabka ay u fuliyeen fal-dambiyeedka. Qaran News

Qorshe Cusub oo Abiy Ahmed Jabuuti La damacsan yahay Ra’iisul wasaaraha Ethiopia Dr Abiy Axmed ayaa wadda qorshe cusub oo uu doonayo in dalalka Jabuuti iyo Suudaan uu kaga mid dhigo isbadalka geeska Africa ka socdo oo Ethiopia ay hormuudka u tahay. Kulamadaasi ayaa waxaa wasiirada arrimaha dibadda ee Ethiopia iyo Jabuuti ay saxaafadda u sheegeen in Jabuuti ay la dhacsan tahay sida ay hadda wax u socdaan, waxaana horey su’aal looga keenay ka maqnaanshahooda isbaheysiga gobolka. Arrinta koowaad ee keentay inay ka maqnaadaan Shirarkii ugu dambeeyay ee seddex geesoodka ahaa ayaa waxay tahay in Jabuuti iyo Suudaan aysan isku wanaagsaneyn dalalka Imaaraatka iyo Sacuudiga oo la aamisan yahay inay door ku leeyihiin isbadalka Geeska. Siyaasadda uu doonayo Abiy Axmed ayaa ah in labada dal ee Sudan iyo Jabuuti lagu soo daro isbadalka geeska Africa ka socdo ee Ethiopia garwadeenka ka tahay, waxaana labada dowladood ay isku dhaceen dalka Imaaraatka Bishii June ee sanadkaan. Jabuuti oo ku taalla goob istiraatiiji ah ayaa su’aalo badan laga keenay sababtii ay uga maqneyd kulankii Baxar Daar ku dhex maray Hoggaamiyayaasha Soomaaliya, Itoobiya iyo Eritrea, sidoo kale qubarrada siyaasadda geeska la socda ayaa su’aal geliyay sababta aysan shirkan iyo isbahaysiga cusub ugu jirin Suudan. Haddii Abiy Axmed uu ku guuleysto in labada masuul ay kamid noqdaan shirka ka dhacaya magaalada Muqdisho waxay noqon doontaa guul ay gaareen dalalka Bariga Africa, waxaana ay fariin u noqon doontaa wadamada Reer Galbeedka, Carabta iyo Shiinaha oo dano isdiidan ka leh dalalkaan isbaheysiga sameysanaya. Waxaa soo dhawaan doonto in xal laga gaaro khilaafka Jabuuti iyo Imaaraatka oo isku qabtay maalgashiga dekada Dooraale ee dalka Jabuuti. Qaran News

Muqdisho (Caasimada Online) – Xoghayaha Joogtada ee wasaaradda Batroolka Jamaal Mursal ayaa shaaciyay in Soomaaliya aysan laheyn awood iyo Sharuucdii caalamiga ee shirkadaha Shidaalka baaritaan uga sameyn lahaayeen dalka Soomaaliya. Wuxuu Jamaal Mursal dhaliilay hanaanka Shaqaalaha wasaaradda ay ku shaqeeyaan isaga oo sheegay inaysan laheyn tababar iyo aqoon ay gorgortan ku galaan islamarkaana ku galaan saxiixyada caalamiga iyaga oo ilaalinaya maslaxadda dalka. “Soomaaliya, ma lahan awood iyo shuruucdii ay shirkadaha caalamiga ahi shidaal uga qodan lahaayeen dhulkeeda, heshiis baratan ama laysan bixin ah oo Febraayo sanadka dambe la galaa, waxaa uu keenni karaa dhaawac masaalixda dalka, isla markaana ay cararaan maal-geshedayaasha” ayuu yiri xoghayaha Joogtada ee wasaaradda Batroolka. Xoghayaha ayaa soo jeediyay inay wanaagsan tahay in si wanaagsan looga hadlo sharciga batroolka iyo macdanta lana turxaan bixiyo oo aan lagu dagdagin ansixinta sharcigaasi iyada oo aan dhinacyo badan laga eegin. “Iyada oo aaney jirin sharciga Canshuuraha, waa adagtahay inay shirkadaha caalamiga ah ee shidaalka (IOCs), ay heshiis dheer la galaan Soomaaliya” waxaa yiri Mursal. Waxyaabaha uu jeediyey Jamaal Mursal waxaa ka mid ah “ In dhammaan sharciyadii hore dib loogu noqdo, loona qabto khubaro aqoon leh oo Soomaali iyo Ajaanib ah, in la sameeyo hey’adda Somali Petroleum Authority(SPA), oo welina hey’addan (SPA) la waafajiyo sharciga canshuurka iyo midka Batroolka iyo Macdanta. Wuxuu soo jeediyay in la dhiso golaha maamulka Kheyraadka dalka, taasi oo wax badan oo wanaagsan ka shaqeyn doonto. “7bada Febraayo, waxaan London ku qaban-doonnaa xaflad laysanka lagu siinayo shirkadaha caalamiga ah, waxaana la bixin-doonaa 206 Baloog”, isaga oo intaasi raaciyey in inta xilligaas wixii ka horeeya ay diyaarin-doonaan wixii sharci ah. Caasimada Online Xafiiska Muqdisho Caasimad@live.com

London oo lagu arkay taallo lagu muunaynayo Sadaam Xuseen Sadaam Xuseen Dadka degan xaafad ku taal London ayaa sheegay in ay lama filaan ku noqotay in xaafadooda laga taago qoraal xusuus ah oo lagu xusayo madaxweynihii hore ee Ciraaq, Sadaam Xuseen. Qoraalkaas xuska ah oo ku xardhan bir naxaas ah ayaa laga taagay mid ka mid ah wadooyinka ugu mashquulka badan ee xaafadda Winstead ee duleedka London. Waana “qoraal lagu muujinayo kalgacal loo qabo Sadaam Xuseen” kaas oo lagu muujiyey taariikhdii uu dhashay ee 1937 iyo taariikhdii la dilay ee 2006. Qoraalkaa xuska ah ee halkaa laga taagay ee lagu muunaynayo keligii taliyihii hore ee Ciraaq waxa uu ka cadhaysiiyey dad badan oo ka mid ah kuwa xaafadaa degan. Wargeyska The Independent ayaa soo xigtay haweenay 38 jir ah oo halkaa ku nool in ay tidhi “run ahaantii aad baan u argagaxay. Hooyaday oo na soo booqatay baan la socday markaas uun baan isha ku dhuftay qoraalkaas, run ahaantii aad baan u dhibsaday, waxaanan isku dayey bal inaan hubsado in waxaan arkayaa dhab yahay iyo in kale”. Waxaanay hadalka ku dartay “waxaan is idhi malaha maaha waxaad mooday laakiin waxa aan aad uga cadhooday waa markaan hubsaday inuu yahay xaqiiq. Waxaan aaminsanahay in noloshii qof waxaas oo dhibaato ah baday dadka kalgacal loo muujiyaa in ay tahay arin fool xun. Hadii se ay maadaysi tahay xataa maaha wax lagu qosli karo”. Wargeyska The Sun ayaa isaguna af-hayeen u hadlay degmada Redbridge ka soo xigatay in uu yidhi “cidna ruqsad umaanu siinin in ay qoraalkaa taagaan, imikana waaba la fujiyey”. Sadaam Xuseen oo Ciraaq xukumayey in ka badan 30 sanadood waxa xukunka laga tuuray markii Maraykanku ku duulay dalkaas sanadkii 2003. Waxaana la dilay 2006 ka dib markii maamulka Ciraaq ku helay in uu geystay “dambiyo aadamaha laga galay”. Ilaa haatan lama oga in qoraalkaa goobta laga taagay ahaa mid loogu talo galay in dadka lagaga qosliyo iyo in ay ahayd mid uu si badheedha u taagay qof ka mid ah dadkii jeclaa madaxweynihii hore ee Ciraaq. Qaran News

Somaliland: Any Postponement of Parliamentary & Local Elections Is Unacceptable The Somaliland National Elections Commission (NEC) has no justification whatsoever in postponing the upcoming parliamentary and local elections scheduled for March 2019. These elections has already been postponed and the current parliament which has sat for more a decade has no mandate to keep sitting. There is no reason to postpone these elections. The NEC has had more than one year since the last presidential elections to get ready. They have been given funds and technical resources. Unless, the members of the NEC wish to continue to earn their salary and continue to try and enrich themselves, then they have no other reason for any postponement. There is no drought to be used as an excuse. The issues in Sool can and will be resolved. So, what other reason is there for any postponement? If the NEC postpones the forthcoming elections, then they should be disbanded and a new commission elected. Somalilanders are sick and tired of delays and attempts to stifle the democratic process. One would imagine, a commission already stained with a failure to conduct a presidential contest that was free for ambiguity and accusations of malfeasance cannot afford to bring more doubts upon itself. There are countless talented Somalilanders willing and able to do the work of the a new commission. No more delays. Hold elections and may be best platform prevail. Qaran News

Nairobi (Caasimada Online) – Dowladda Kenya ayaa qaaday tallaabo tuhun badan dhalisay kaddib markii ay sameysatay ciidamo boolis ah oo ilaaliya xeebeheeda. Kenya hore uma lahayn boolis badeed, hase ahaatee waxa ay hadda tallabadaas u qaaday sidii ay fursad ugu heli lahayd ciidamadeena badda ee Militariga ah si ay uga difaacaan weeraro iyo qatar badda ka soo wajahda mustaqbalka. Rashiid Cabdi ayaa ku qoray boggiisa Twitter-ka sidan “Kenya tallaabo muhiim ah ayey u qaaday in ay xududeheeda biyaha ilaaliso kaddib markii ay sameysatay ilaalo cusub oo badda ah. Meelaha ay diiradda saareyso waxaa ka mid ah kalluumeysiga sharci daradda ah iyo wasakhda badda lagu soo shubo. “Tani waxa ay u fasaxeysaa ciidamadda Badda ee Kenya in ay diiradda saaraan ammaanka iyo cabsi mustaqlka Militari ahaan ku soo wajahda, sidaas waxaa ii sheegay ilo wareed.” Tallaabadan Kenya qaaday ayaa imaaneysa iyada oo ay jirto muran dhinac badda ah oo dalkeena Soomaaliya kala dhaxeeya. Kiiskaan waxa uu yaal maxkmadda cadaaladda ee aduunka walina go’aan kama dambeys ah lagama gaarin. Kiiska badda ee muran dhaliyey waxaa hore u saxiixay Cabdiraxmaan Cabdishakuur oo ka tirsanaa xukumaddii uu Ra’iisul Wasaaraha ka ahaa Cumar Cabdirashiid Cali Sharmaake. Caasimada Online Xafiiska Nairobi Caasimada@live.com

Muqdisho (Caasimada Online) – Ra’iisul wasaaraha Ethiopia Dr Abiy Axmed ayaa wadda qorshe cusub oo uu doonayo in dalalka Jabuuti iyo Suudaan uu kaga mid dhigo isbadalka geeska Africa ka socdo oo Ethiopia ay hormuudka u tahay. Kulamadaasi ayaa waxaa wasiirada arrimaha dibadda ee Ethiopia iyo Jabuuti ay saxaafadda u sheegeen in Jabuuti ay la dhacsan tahay sida ay hadda wax u socdaan, waxaana horey su’aal looga keenay ka maqnaanshahooda isbaheysiga gobolka. Arrinta koowaad ee keentay inay ka maqnaadaan Shirarkii ugu dambeeyay ee seddex geesoodka ahaa ayaa waxay tahay in Jabuuti iyo Suudaan aysan isku wanaagsaneyn dalalka Imaaraatka iyo Sacuudiga oo la aamisan yahay inay door ku leeyihiin isbadalka Geeska. Siyaasadda uu doonayo Abiy Axmed ayaa ah in labada dal ee Sudan iyo Jabuuti lagu soo daro isbadalka geeska Africa ka socdo ee Ethiopia garwadeenka ka tahay, waxaana labada dowladood ay isku dhaceen dalka Imaaraatka Bishii June ee sanadkaan. Jabuuti oo ku taalla goob istiraatiiji ah ayaa su’aalo badan laga keenay sababtii ay uga maqneyd kulankii Baxar Daar ku dhex maray Hoggaamiyayaasha Soomaaliya, Itoobiya iyo Eritrea, sidoo kale qubarrada siyaasadda geeska la socda ayaa su’aal geliyay sababta aysan shirkan iyo isbahaysiga cusub ugu jirin Suudan. Haddii Abiy Axmed uu ku guuleysto in labada masuul ay kamid noqdaan shirka ka dhacaya magaalada Muqdisho waxay noqon doontaa guul ay gaareen dalalka Bariga Africa, waxaana ay fariin u noqon doontaa wadamada Reer Galbeedka, Carabta iyo Shiinaha oo dano isdiidan ka leh dalalkaan isbaheysiga sameysanaya. Waxaa soo dhawaan doonto in xal laga gaaro khilaafka Jabuuti iyo Imaaraatka oo isku qabtay maalgashiga dekada Dooraale ee dalka Jabuuti. Caasimada Online Xafiiska Muqdisho Caasimada@live.com

Muqdisho (Caasimada Online) – Ururka ONLF ayaa markii ugu horeysay shaaca ka qaaday in ciidamo ka tirsan Jabhadda oo saldhigooda ahaa dalka Eritrea inay dib ugu laaban doonaan dalka Ethiopia. Afhayeenka Ururka ONLF C/qaadir Xasan Hirmooge, ayaa shaaciyay in todobaadkaan ciidamadan oo saldhig ku lahaa dalka Eritrea inay dib ugu laaban doonaan Ethiopia, kadib heshiiskii dhexmaray iyaga iyo dowladda. Wuxuu Afhayeenka sheegay in ciidamadaasi ay ku laaban doonaan magaalada Jigjiga ee Dhulka Soomaalida, iyaga oo halkaasi fariisin ka sameysan doono, sida qorshaha uu yahay. Afhayeenka ayaa hadalkiisa intaasi ku daray in colaadii dhawaan ka dhacday magaalada Mooyaale inay kala hadleen dowladda Ethiopia iyo maamulka Oromada ee ka arimiya magaalada. Isfahamka Dowladdaha Eritrea iyo Ethiopia, iyo heshiisyadii ONLF iyo Ethiopia ayaa fududeeyay inay ONLF laga saaro liixka ururada Argagixisada, waxaana arintaasi ka shaqeeyay ra’iisul wasaaraha cusub ee Ethiopia Dr Abiy Axmed. Ciidamo badan oo ONLF ka tirsan ayaa wali ku jira deegaanada miyiga fog ee dhulka Soomaalida, waxaana iyagana la filayaa inay heshiisyada qeyb ka noqdaan oo dadkooda ay la noolaadaan. Hoos ka dhageyso Hirmooge https://www.caasimada.net/wp-content/uploads/2018/11/ONLF.mp3Caasimada Online Xafiiska Muqdisho Caasimada@Live.com

Muqdisho (Caasimada Online) – Siyaasi Cabdiraxmaan Cabdishakuur ayaa bartiisa Facebook soo dhigay qoraal uu ku weerarayo ganacsatada Soomaaliyeed. Qoraalka Cabdiraxmaan ayaa ahaa mid is barbardhig ah oo uu ku sameeyey ganacsadaha weyn ee Mareykanka, Michael Bloomberg kaas oo deeq lacageed siiyey Jaamacaddii uu dhigan jiray isaga oo sabool ah. Hoos Ka Aqri Qoraalka Cabdiraxmaan Cabdishakuur “Ganacsadaha Reer Maraykan Michael Bloomberg ayaa saakay deeq lacageed oo $1.8b ( Hal Bilyan iyo Sideen Boqol oo kun oo doolar) ugu deeqay Jaamacadii uu ardayga ka ahaan jiray ee Johns Hopkins. Bloomberg wuxuu sababta uu intaa oo lacag ah u bixiyey ku sheegay maqaal uu ku daabacay Wargaysa the New York Times. Wuxuu yiri ma doonayo in dhalinta dakhligoodu hooseeyo ay dhaqaale la’aan waxbarashada uga haraan. Wuxuu sheegay in Aabihii uu dakhligiisa hooseeyey uu awoodi waayey in uu Jaamacada ka bixiyo, laakiin fursad loo siiyey in uu dayn ku dhigto, kana shaqeeyo hoyga ardayda. Wuxuu kaloo sheegay in deeqdii ugu horaysay ee uu Jaamacada siiyo uu bixiyey sanad ka dib qalin jebentiisii, taasoo dhanayd $5 (shan doolar). Waxaan is waydiiyey maxay Ganacsata Soomaaliyeed u ogol yihiin in ay danta guud ku bixiyaan, gaar ahaan kobcinta cilmiga iyo aqoonta? Mise in ay dadka ka macaashaan oo aysan dib wax ugu celin ayey doonayaan. Waxaan ka warqabaa in Jaamacadaha dalka ugu waawayn qaarkood ay ku tiirsan yihiin deeq dad ajnabi ah laga soo ururiyey.” Qoraalka Cabdiraxmaan Cabdishakuur waxa uu ku xusay in ganacsata tahay kuwo macaash uun raadiya balse aan ka fekerin danaha dadweynaha. Taas, waxaa mar loo fasiran karaa in uu meel uga wada dhacay ganacsatada oo la’ogyahay in qaar ka mid ah in ay door weyn ka qaataan caawinta iyo wax u qabashada bulshada Soomaaliyeed. Hase ahaatee, waxaa dhinaca kale qoraalka siyaasiga loo fasiri karaa mid waano dadban ah oo uu ugu hogo tusaaleenayo tallaabada ganacsadaha Michael Bloomberg ee dareemay in ay jiraan arday ku sugan xaaladdiisii oo kale. Caasimada Online Xafiiska Muqdisho Caasimada@live.com

Muqdisho (Caasimada Online) – Gobolka Banaadir ayaa marar badan dalbaday in lagu wareejiyo xaqiijinta amanka magaalada Muqdisho, iyadoo markii dambe la sheegay in amaanka la hoos geeyay maamulka degmooyinka Gobolka Banaadir. Waxaa kordhay dilalka Al-Shabaab ay ka geysanayaan magaalada Muqdisho iyadoo aysan jirin wali guddoomiye degmo oo wax laga weydiiyay dilka degmadiisa ka dhacday, waxaana jira mashaariic gobolka Banaadir uu ku bixiyo xaqiijinta amaanka. Maamulka Gobolka Banaadir ee uu hogaamiyo Yariisow waxay ku doodeen in dilalka qorsheysan kaliya aysan ka dhicin magaalada Muqdisho oo caalamka oo dhan ay ka dhacdo, taasina aysan aheyn mid niyad jibin doonta. Waxaa muuqata is dhigasho badan oo maamulka degmooyinka gobolka Banaadir ah, tan iyo markii la sheegay in guddoomiyaasha degmooyinka lagala xisaabtami doono amaanka magaalada Muqdisho. Guddoomiyaha gobolka Banaadir, ayaa ku mashquulsan ka qeyb galka xaflado ka dhacaya dalka dibadiisa iyo qancinta xildhibanada iyo madaxda shaqaalaha u keensada, isaga oo aan si dhab ah ula xisaabtamin guddoomiyaasha gobolka. Sidoo kale wararka aan heleyno ayaa sheegaya inuusan laheyn awood buuxda, taasina ay keeneyso inuu ka aamuso falalka qaar ee ka dhaca magaalada Muqdisho. Caasimada Online Xafiiska Muqdisho Caasimada@live.com

INAA LILAAHU WA INAA ILEYHI RAAJICIIN GEERIDU WAA XAQ Allaah ha u naxariistee waxaa maanta oo ah Isniin 19.11.2019 ku geeriyootay magaalada Nairobi ee Dalka Kenya Marxuumad Hilaalo Cabdi Adan – Dareefe. Geeridaa naxdinta leh ee ku timid marxuumada awgeed,waxaa halkan tacsi ka diraya. Aabe Cabdulaahi Xaashi Lugey Hooyo Aamino Cali Guure iyo dhamaan Qoyska reer Cabdullaahi Xaashi, sidoo kale Aabe Xuseen Sheekh Maxamed-Bashiir iyo dhamaan Qoyska reer Xuseen Daaniye waxay tacsi tiiraanyo xambaarsan u dirayaan dhamaan Qoyska Reer Cabdi Adan Dareefe,Awlaadi marxuumada ee ilma Aden Cabdalle,Ehelkii iyo Asxaabtii ay marxuumadu ka baxday in Ilaahay Samir iyo Iimaan ku siiyo. Marxuumadana waxay Allaah uga baryayaan inuu Rabi naxariis iyo Dembi dhaaf siiyo. Source

Isma Hurtooy Isu Hambee: Cabdiraxmaan Cadami Somaliland waxay dib mar kale u hantiday madax bannaanidii iyo xorriyaddii ay lumisay 1960, waxay se ugu kacday qiime aad u sareeya iyo nabarro saamayn ku yeelan doona noloshooda sanado badan, sidaas oo ay tahay Somaliland wali lagama hadhin. Xukumadda Soomaaliya, Ururo iyo dawlado la xulufo ah dhammaantood waxay ku foogan yihiin sidii loo mijo xaabin lahaa JSL iyaga oo adeegsanaya xeelado iyo midabo badan. Madaxda Soomaaliya halkii ay ku mashquuli lahaayeen dhismaha nidaam dawladeed oo shaqaynaya iyo sidii ay uga xoroobi lahaayeen ciidamada shisheeyaha ah ee dusha ka haysta wuxu wakhtigu kaga lumay la dagaallanka Somaliland, maalmahan waxay xoogga saareen kala qaybinta bulshada reer Somaliland waxay ku soo abaabuleen colaado la soo dhex mariyay Puntland waxay dhinac wadaan olole diblamaasiyadeed oo ka dhan ah danaha Somaliland iyo in laga faquuqo beesha caalamka laakiin, waa wax aan dhici Karin in Somaliland lagu muquuniyo midnimo iyo fikradda Soomaali weyn oo bari hore dhimatay oo ah riyo laga soo toosay dibna loo arki doonin. Si kastaba ha ahaatee Somaliland oo boqolaal sanadood la soo dhisayay waxa lagu dumiyay maalmo yar gudahood si dib loogu dhisana waxay qaadan doonta wakhti aad u dheer iyo hawl adag oo u baahan in loo dhibar adaygo, sidaa daraadeed marba marka ka dambeeya waxa sii yaraanaya samirka, waxa hoos u dhaca ‘momentum-ka bulshadu wax ku wadday, waxa bata in hawsha la isku hiifo iyo in dhalliisha la isku riixriixo, canaanta xooggeeda waxa dusha loo saara hadba kuwa talada haya. Runtii duruufaha dalka soo maray iyo kuwa haddaba jira qaarkood way ka awood badan yihiin dhammaantood xukumaddii dalka ka soo taliyay laakiin, shicibku wuxuu dareemaya in arrimaha qaarkood madaxdoodu hagratay oo wax badan oo la qaban karayay lahaa laga gaabiyay, sidaas awgeed bulshadu waxay u siman tahay wixii inaga baaqday ama dib u dhacay sababtoo ah dhammaanteen waxaynu wada saaran nahay dooni qudha. Saluugga iyo cabashada dadweynuhu ma aha wax la soo koobi karo hadddana dadka qaar kama rajo xuma mustaqbalka iyo in wax kastaba hagaagi doono barrito ka maalin, hase ahaatee waxa jira qaybo kale oo u nuglaaday ama xammili kari waayay dhibaatada nolosha ka haysata iyo markii ay hore u arki waayeen guulihii ay filayeen in si degdeg ah loo gaadhi doono oo ku xallila in ay sameeyaan dhibaato ka culus wixii ay ka cabanayeen, niyad xumida shicibka iyo in ay mustaqbalka ka werweraan waxa ku sii shida siyaasiyiin aan bislayn (immature or second class politicians) oo siyaasadda u yaqaana kala qaybinta bulshada. Akhrista bal dhugo sheekadan oo dadka qaar ku dhacaan marka caqligu ka lumo: Xayn jiir ah(Tiro) ayaa waxay ku noolaayeen aqal, ninkii aqalka lahaa markii uu habeenkii ka seexan kari waayay sanqadhii ama u adkaysan waayay dhibaatooyinkiisii kale ayuu gurigii dab qabad siiyay si uu jiirka u laayo, dabcan jiirkii wuu dhintay laakiin, gurigii sidii uu u dhammaa wuu gubtay iyo waliba wixii hoos yaallay (We must not burn down the house to kill the rats). Sheekadu waxay inagu baraarujinaysa haddii aad neceb tahay ama aanad ku qanacsanayn hoggaaminta madaxweynaha marka talada haya mucaaradadaadu yaanay kula gaadhin heer dhaawici kara Qarannimada iyo dawladnimadii aad ku soo tacabtay ee aad naftaada iyo maalkagaba u soo hurtay. Dalkan waxa lagu xoreeyay wada jir, Qarankan waxa lagu yabyabay oo lagu dhisay wada jir, waxa lagu difaaci kara wada jir, xooggeenu waa midnimadeena sina uma kala maarantan sidaas daraadeed waa in laga ilaaliya tafaraaruqa iyo wax kasta oo wiiqi kara wada jirka umadda. Isma Hurtooy isu hambee. W/Q Cabdiraxmaan Cadami Abdirahmanadami22@gmail.com Qaran News

Wafti ka socda wasaaradda qorshaynta iyo iskaashiga caalamiga ah ee Puntland oo maalmahan shirar aqoon kororsi ah oo ku saabsan kor u qaadista hannaanka qiimaynta iyo kormeerrada uga socdeen waddanka kenya ayaa socdaalkoodi soo gunaanadey. Waftiga ayaa magaaalda Mombasa ee waddanka Kenya uga qayb galay kulan loogu magacdaray toddobaadka Qiimaynta iyo Kormeerada ee waddamada Afrika, iyadoona shirka laysku weydaarsadey aqoon kororsi la xiriira hannaanada qiimaynta iyo kormeerrada ee ay ku shaqeeyaan waddamada Afrika. Waftiga ka socdey Wasaarada qorshaynta iyo iskaashiga caalamiga ah ee Puntland ayaa xoogga saarayey sidii ay cilmi iyo aqoon dheeraad ah uga kororsan lahaayeen muddada uu socdo kulankaani maadaama ay shirarka kasoo qayb galay waddamo badan oo horumar iyo dawladnimo xoogli kajirto. Wasaaradda qorshaynta iyo iskaashiga caalamiga ah ee Puntland ayaa ku hawlan sidii ay shaqaaleheeda uga dhigi lahayd kuwo ay sarrayso tayada aqoontooda iyo waayo aragnimadooduba maadama oy wasaaraddu mas’uul ka tahay hannaanka jaangoynta qorsheyaasha guud ee Puntland. The post Wafti ka socda Wasaaradda Qorshaynta Puntland oo Kenya Shir ugu soo xirmay appeared first on Puntland Post.

Muqdisho (Caasimada Online) – Guddiga Miisaaniyada, Maaliyada Qorsheynta iyo La xisaabtanka dowladda ee Golaha Shacabka ayaa maanta soo saaray warbixin xasaasi ah oo musuq-maasuq xooggan ku eedeysay maamulka Gobolka Banaadir, oo lagu la’yahay malaayiin dollar. Warbixinta guddiga soo saaray ayaa looga hadlay wax is daba marin iyo in si qaldan loo maamulay miisaaniyadda maamulka gobolka bilihii Janaayo ilaa Juun ee sanadkan, ayada lacag badan oo baxday aan la ogeyn halka ay aaday. Warbixinta ayaa xustay inaysan maamulka gobolka Banaadir ee uu hogaamiye Yariisow aan laga hayn wax caddeymo ah oo muujinaya halka ay ku baxday malaayiin dollar oo dakhligii soo galay ka mid ah Waxaa kale oo cajiib ah in warbixinta ay xustay in ay jiraan ha’yado iyo shakhsiyaad ka baxsan dowlada hoose oo si joogta ah lacag uga qaata dowladda hoose, ayada oo aynan jirin wax heshiis qoran ama shaqo ah, oo ay u hayaan maamulka gobalka ama dowladda hoose. Hoos ka aqriso qoraalka baarlamanka.

Germany has imposed European travel bans on 18 Saudi nationals believed to be connected to the killing of the Saudi journalist Jamal Khashoggi, the country’s foreign minister said on Monday. Heiko Maas told reporters in Brussels the ban was for the 26-nation Schengen zone and was issued in close coordination with France, which is part of the Schengen area, and the UK, which is not. “As before, there are more questions than answers in this case, with the crime itself and who is behind it,” Maas said. The 18 Saudis were “allegedly connected to this crime”, Maas added, but he gave no further information. In Berlin his office said it could not release the names due to German privacy protections. Khashoggi, a columnist for the Washington Post who had been critical of the Saudi royal family, disappeared after entering the Saudi consulate in Istanbul on 2 October. Riyadh had offered contradictory explanations for his disappearance, before saying Khashoggi was killed after “negotiations” to convince him to return to Saudi Arabia failed. In an address to an advisory body on Monday – his first public comment since Khashoggi’s murder – King Salman made no direct mention of the crisis, though he lauded the country’s judiciary and public prosecutors for carrying out their duty in the service of justice. US intelligence agencies have concluded that Salman’s son, the powerful Saudi crown prince, Mohammed bin Salman, ordered the killing, which has put the Trump administration – close allies of the Saudis – in a difficult situation. On Saturday, Trump said his administration would “be having a very full report [on Khashoggi’s death] over the next two days, probably Monday or Tuesday”. He said the report would include “who did it”. It was unclear whether the report would be made public. In an interview with Fox News broadcast on Sunday, Trump noted that Prince Mohammed had repeatedly denied being involved in the killing. “Will anybody really know?” Trump asked. “At the same time, we do have an ally, and I want to stick with an ally that in many ways has been very good.” Senator Roy Blunt of Missouri, a Republican member of the Senate intelligence committee, said that so far, there was no “smoking gun” linking the crown prince to the killing. Blunt, who has received a confidential intelligence briefing on the matter, told ABC it was “hard to imagine” that the crown prince did not know about the killing, but he said: “I don’t know that we absolutely know that yet.” He said that Congress would await the Trump administration’s report in the next two days and that the US would need to be clear about the ramifications of sanctions, given Saudi Arabia’s strategic role in the Middle East. The guardian Qaran News

Muqdisho (Sh.M.Network) – Dhageystayaasha idaacadda Shabelle ee ku taxan website-keena waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad udhageysato http://radioshabelle.com/wp-content/uploads/2018/11/Bar__Qubanaha-Wararka-191118.mp3 The post Dhageyso: Barnaamijka Qubanaha Wararka Shabelle appeared first on Shabelle. View the full article