Kismaayo (Caasimada Online) – Hogaamiyaha Maamulka Jubbaland Axmed Maxamed Islaam (Axmed Madoobe) ayaa markii ugu horeysay sheegay in lagama maarmaan ay tahay in Somalia iyo Kenya ay iska kaashtaan dhinacyada muhiimka ah. Axmed Madoobe waxa uu si gaara u sheegay inay muhiim tahay in xooga la saaro xiriirka ku qotoma Nabadgalyada, Caafimaadka iyo Xiriirka bulshooyinka ku nool soohdinta ay wadaagan Jubbaland iyo Kenya. Axmed Madoobe, ayaa dowladda Kenya ka dalbaday in ay dib u furto wakhti dhow xuduudka, si noloshu ay u noqoto mid isku xiran dadkuna ay dhaq dhaqaaq u samayn karaan. Madoobe, waxa uu sheegay in dowlada Kenya laga doonayo in waxyaabaha qaar ay u eegto baahida, waxa uuna carab ***** inuu rumeysan yahay in labada dhan midba midka kale uusan ka maarmeynin. “Kenya waxa aan ka dalbaneynaa in si dhaqsi ah ay ku bedesho go’aanka ay ku xirtay xadka kala dhexeeya Somalia, waxa aan ahmiyad u aragnaa inay muhiim tahay in la furo xadka oo dadku ay isu gooshan” Axmed Madoobe ayaa hadalkan ka sheegay Shir maalmahan ka socday magaalada Kismaayo oo lagaga hadlayay sidii wasaaradaha caafimaadka Jubbaland iyo Kenya ay isaga kaashan lahaayeen badqabka dadka ku nool degaanada xuduudka. Haddalka Axmed Madoobe ayaa kusoo beegmaya xili dowlada Kenya ay dhawaan sheegtay in maleeshiyaad ka tirsan Al-Shabaab ay gabaad ka dhigtaan xadka kala dhexeeya Somalia. Caasimada Online Xafiiska Kismaayo Caasimada@live.com

Muqdisho (PP) ─ Ururka Midowga Yurub ayaa Ansixiyay Hawl-galkiisii ​​ugu horreeyay ee taageerada Miisaaniyadeed ee uu siinayo Soomaaliya si loogu horumariyo hawlaha ka socda Dalka. Dhaqaalahan deeqda ah ayaa gaaraya 100-Milyan oo Euro oo laga dhigi doono sadexda bilood ee ugu dambaysa ee sanadka 2018-ka illaa 2021-ka, taageeradan miisaaniyadeed ayaa la marin doonaa Dowladda Federaalka iyadoo la adeegsanayo nidaamka dowliga ah. Hir-gelinta ayaa waxay bilaaban doontaa bishan Oktoobar ee sanadkan lagu jiro, kaddib marka la helo heshiis loo dhan yahay, kaasoo awood u siinaya taageero tayo wayn leh oo ay helaan Dowladda Federaalka iyo dawladaha xubnaha ka ah federaalka, yaraynta khatarta iyo xaqiijinta hanti-dhawrka iyo sidoo kale tilmaamayaasha waxqabadka si loo dhiirigeliyo dib-u-habeyn lagu sameenayo dhinacyada dhaqaalaha bulshada Maamulka, xukunka sharciga, kaluumaysiga, waxbarashada iyo howlaha kale. Mashruucan taageerada miisaaniyada ayaa sidoo kale loogu yeeray heshiiska Dawlad-goboleedyada iyo awoodda si deg-deg ah uga soo kabashada dhibaatooyinka Somalia. Midowga Yurub ayaa sheegay inuu hirgasnayo inuu taageero Federaalnimada Somalia, iyadoo loo marayo sare u kaca iyo horumarinta maaliyadeed ee ay dowlada dhexe ee Federaalka gaartay, iyada oo loo marayo Dawladaha xubinta ka ah Dawladda Federaalka, wuxuu sidoo kale Midowga Yurub uu xoojinayaa heshiiska bulshada ee u dhexeeya Dowladda Federaalka iyo dadka Soomaaliyeed iyadoo si tartiib tartiib ah u kordhinaysa doorka Maamulka Soomaalida ee bixinta adeegyada asaasiga ah. Sidoo kale, Meel-marinta barnaamijka Taageerada miisaaniyadeed ee Dalka Somalia ayaa qayb ka ah jawaab balaaran oo caalami ah oo ku saabsan hanaanka dowlad wanaaga iyo dib-u-habeeynta iyo fulinta siyaasadeed ay samaysay Dowladda Federaalka Soomaaliya. Iyadoo maalin ka dib markii Bangiga Aduunka uu ku dhawaaqay barnaamijka ugu horeeya ee Kaalmaynta Horumarinta Caalamiga ah (IDA) ee Dowladda Federaalka in ka badan mudo 30 sano ah, oo u dhiganta $ 80 Milyan, iyada oo la raacayo qiimayn ku-meel-gaar ah ee IMF ee Barnaamijka Kor joogteynta Shaqaalaha (SMP). Dhanka kale, Jawaabtan wadajirka ah ee beesha caalamka ayaa u ah fursadaha cusub ee dhismaha dowlad-goboleedyada iyo qaranka ee Soomaaliya, waxay gacan wayn ka geysan doontaa kor u qaadida heerarka sareeya ee maamulka iyo la xisaabtanka Dowladda Federaalka iyo Dawladaha xubnaha ka ah Federaalka. Waxay sidoo kale gacan wayn ka geysan doontaa sii xoojinta kalsoonida caalamiga ah ee Dowladda Federaalka iyadoo loo eegayo dhisida dib u habeynta xoogan ee loogu talagalay Hay’adaha Maaliyadeed ee Caalamiga ah ee ka yaraynta deemaha lacagaha ee wadamada aan dhaqaalaha haysan ee saboolka ah. Ugu dambeyn, Midowga Yurub, oo ah deeq bixiyaha ugu weyn Somalia, waxaa ka go’an ah inuu taageero waddanka si uu u gaaro himilooyinka horumarineed ee ku saleysan Qorshaha Horumarinta Qaranka, tani waxay la socotaa qaabaynta dhaqaalaha iyo ka dhaafida deynta waxay dalka u horseedi kartaa marxalad cusub oo barwaaqo ah. PUNTLAND POST The post Midowga Yurub oo shaacisay inuu Dowladda Somalia ku Taageerayo Malaayiin EURO appeared first on Puntland Post.

Kismaayo (PP) ─ Madaxweynaha Jubbaland, Axmed Maxamed Islaam ayaa soo xiray shir lagaga hadlayay sidii la isaga kaashan lahaa dabar-goynta xanuunnada faafa ee deegaannada ku yaalla Soohdinnada ay wadaagan Kenya iyo Somalia. Shirkan oo maalmihii lasoo dhaafay ka socday magaalada Kismaayo oo ah xarunta maamulka Jubbaland, ayaa lagaga hadlayay sidii Wasaaradaha Caafimaadka Jubbaland iyo Kenya ay isaga kaashan lahaayeen badqabka dadka ku nool deegaanada xuduudda. Sidoo kale, Waxaa warbixinta lagu sheegay in mashruucan uu hoos-tagayo Dowlad-goboleedyada Kenya ee xuduudka la leh Jubbaland, waxaana kor ka maamulaya Wasaaradaha Caafimaadka Jubbaland iyo Kenya. Madaxweynaha Jubbaland, Axmed Madoobe ayaa xusay inay muhiim tahay is-kaashiga dhinacyada Nabad-galyada caafimaadka iyo xiriirka bulshooyinka ku nool soohdinta labada dal, dhammaan Hay’adaha mashruucan fulinaya ayuu bogaadiyay, isagoo sheegay inay tahay shaqo xilligeeda kusoo aadday. Dhanka kale, Axmed Madoobe ayaa mahadcelin u jeediyay Dowlada Kenya oo garab is-taagtay shacbaka Gobolka si gaar ah wuxuu ammaanay ciidanka qaybta ka ah AMISOM ee Kenya sida ay dadaalka ugu bixiyaan dagaallada ka dhanka ah Al-shabaab oo weli dhibaato ku haysa shacabka Somalia iyo kuwa Kenya. Ugu dambeyn, Bulshooyinka Xuduudaha ku nool ayuu xusay in dano badan ay ka dhexeeyaan, sidaas awgeedna Dowladda Kenya ayuu ka codsaday in ay dib u furto waqti dhow xuduudka si noloshu ay u noqoto mid isku xiran dadkuna ay dhaq dhaqaaq u samayn karaan. PUNTLAND POST The post Xuduudda u dhexeysa dalalka Soomaaliya iyo Kenya oo la codsaday in dib loo Furo appeared first on Puntland Post.

Muqdisho (PP) ─ Wasiirka Maaliyadda Somalia, C/raxmaan Ducaale Beyle ayaa faahfaahin ka bixiyay Lacagaha lagu leeyahay Somalia oo gaaraya sida uu sheegay $4.5 bilyan [Afar bilyan iyo bar Doollarka Mareykanka ah]. Bayle oo la hadlayay warbaahinta ayaa sheegay inay Dowlado dhowr ah u yimaadeen una sheegeen in Somalia ay ku leeyihiin lacago deymo ah, balse ay u sheegeen inay la yimaadaan caddaymo muujinaya saxiixyadii Dowladdii hore ee Soomaaliya, maaddaama uu dalku ka dhacay burbur, isla markaana uusan jiri keyd loo noqdo. Sidoo kale, Wasiirku wuxuu sheegay inay Waddamadaas Qaarkood ku guul-darraysteen inay keenaan caddeymo dhab ah oo lagu qanci karo, taasoo keentay inay ka jaraan kharashaadkii ay sheegteen, waxayna hadda lacagta deynta ah ka dhigeysa afar bilyan iyo bar doollar, halka ay markii hore ka ahayd shan bilyan Bilyan iyo bar. Madaxda Dowladda Somalia ayuu sheegay inay ka go’an tahay hagaajinta maamulka maaliyada si caalamku u aamino Somalia loogana cafiyo deymaha lagu leeyahay. Dhanka kale, Wada-hadallada deymaha caalamka looga cafinayo Soomaaliya ayaa dhamaanaya marka la gaaro bisha may ee sanadka soo socda 2019-ka, taasoo qayb ka noqonaysa dadaallada ay dowladdu ku doonayso in Somalia ay ku noqoto wadda aan dameyno lagu lahayn. Ugu dambeyn, Xukuumadda Federaalka Soomaaliya ayaa muhiimad gaar ah siineysa hagaajinta maamulka maaliyadda dalka oo sida uu sheegay wasiirka Maaliyadad ku xiran hormar la gaaro. Haddaba DHAGEYSO: Codka Wasiirka Maaliyadda Soomaaliya; https://puntlandpost.net/wp-content/uploads/2018/09/DHAGEYSO_Bayle_oo_ka_hadlay_Daymaha_Somalia.mp3 PUNTLAND POST The post Xukuumadda Somalia oo ka hadashay Deynta uu Caalamku lagu leeyahay Soomaaliya appeared first on Puntland Post.

The government has offered a three-month amnesty to youths in Northeastern who have joined al Shabaab to surrender. Source: Hiiraan Online

Muqdisho (Caasimada Online) – Wadamada Gacanka Carbeed waxa ay isu qaabeynayaan sidii ay ku noqon lahaayeen quwado waa weyn oo saameyn ku leh Geeska Afrika, waxaana sidaas ku riixaya hal cabsi oo ay dhinaca kale ka qabaan. Alex de Waal oo maamula hay’adda cilmi baarista nabadda dunida ee taal Jaamacadda Tufts ee Mareykanka waxa uu sheegayaa in dalalka Sacuudiga iyo Imaaraadka ay raadinayaan xalka cabsi ay mustaqbalka ka qabaan Iran “Ku dhawaad 10 sano kahor Sucuudigu waxa uu bilaabay qorshaha maamulidda marinka badda ee baayacmuushtarka maro (Red Sea Fleet) iyo Badda Cas,” ayuu u sheegay De Waal. “Waxaa ugu wacan cabsi ay ka qabto in Iran ay xirato marinka kale ee Strait of Hormuz (Marin biyoodka u dhexeeya Iran iyo Imaaraadka) kaas oo ay baayacmuustarki ka baxaan, Sucuudigu waxa uu u baahan doonaa meel ay dhabbe ay uga maarmaan si ay Shidaalkooda u dhoofiyaan. Taas, waxa ay keentay in ay dhisaan dhuumo iyo meelo lagu sifeeyo shidaalka oo ku yaal xeebta Badda Cas, ayna diiradda saaraan marinka Bab-el-Mandeb ee Geeska Afrika dul-mara”.” Elizabeth Dickinson, oo ah fallanqeeye ku takhasustay Carabta, kana mid ah kooxda caalamiga ah ee xasaradaha aduunka (International Crisis Group), waxa ay sidoo kale qabtaa in Boqortooyada Sucuudiga ay dardar galin ku waddo ku lug lahaansheheeda siyaasadda caalamiga ah. “Sucuudiga waa deeq bixiyo weyn waxa uuna diblomaasiyadda Africa u arkaa ahmiyadda kowaad.” Elizabeth waxay sidoo kale tiri “Imaaraadka, waxa ay iyaduna isu qaabeysay noqoshada mid maalgaliye dhinaca saadka, dekeddaha iyo horumarinta ganacsiga,” ayey sharraxday. Bishii Agoosto ee sanadkan 2018, Itoobiya waxa ay ku dhawaaqday in Imaaraadka qorsheeneyso maalgashiga dhuumo dhexmara Eritrea iyo Itoobiya. Arrintan ayaa timid bil kaddib markii uu Madaxweynaha Eritrea Isias Afwerki ku soo dhaweeyey caasimadda Eritrea ee Asmara Ra’iisul Wasaaraha is bedel doonka ah ee Itoobiya Abiy Ahmed markii ugu horreeysay 20 sano kaddib. Bishii Sebteembar, muddo yar kaddib heshiis Jiddah, Afwerki waxa uu ku laabtay gacanka. Markan waxa uu u safray Abu Dhabi isaga oo wadahadallo iskaashi dhaqaale iyo maalgashi kala hadlay dhaxal sugaha. Walow labada dal ay waxyar uun ka sheegeen booqashada hadana wasiirka warfaafinta Eritrea, Yemane Meskel waxa uu Twitter-kiisa soo dhigay sawir ku saabsan kulanka labada hoggaamiye. Arrimahan oo idil waa sababaha gadaal ka riixaya loolanka cusube ee Sacuudiga iyo Imaaraadka ay ka wadaan Geeska Afrika. Caasimada Online Xafiiska Muqdisho Caasimada@live.com

On Sept. 21, 2013, as terrorists stormed the upscale Westgate Mall in the heart of Nairobi, most Kenyans had been struggling with the implications of the fact that their deputy president, William Ruto, was on trial at The Hague, accused of committing crimes against humanity — as his boss, President Uhuru Kenyatta, would be several months later. Source: Hiiraan Online

The red-faced South Carolina Republican shouted at Democrats and accused them of wanting to 'destroy' Kavanaugh's life. Source: Hiiraan Online

Dowladda Soomaaliya waxaa uga soo hooyatay guul la taaban karo dhinaca dhaqaalaha iyada oo horumar ballaaran ka sameysay, taas waxaa caddeyn u noqotay tallaabadii uu Bangiga aduunka u bilaabay in uu Soommaaliya dib u siiyo deeq. Sida uu Bangiga shaaciyey waxa ay Soomaaliya deeq ahaan u siiyeen $80m oo loo kala qaaday $60m oo loogu talagalay dib u habaynta maaliyadda Soomaaliya, halka $20m loo qoondeeyey xoojinta awoodda dakhliga Soomaaliya. Hadaba, maxay tallaabadaas ka dhigan tahay? Go’aanka uu Bangiga qaatay waxa uu noqday mid sare u qaada niyadda Xukumadda Soomaaliya oo dhawaanba dagaal kula jirtay musuq maasuqa oo loo xiray mas’uuliyiin badan halka qaar kale looga eryey shaqadii. Taas waxa ay muujineysaa in laba melba horumar la taaban karo ay Xukumadda ka sameeysay sida 1 – In la dagaalanka musuq maasuqa oo ay dowladda ka tahay daacad Arritnta waxaa xoojiyey aaminaadda deg deg ah ee Bangiga aduunka xilli sidoo kale IMF-tu ay dowladda ku ammaantay horumarada dhinaca maaliyadda iyo daahfurnaanta la’isku haleyn karo. IMF iyo Bankiga Adduunka lacag ma daymiyaan mana siiyaan dowladaha dunida illaa ay kala yimaadaan caddeymo muujinya in habkooda maaliyadeed yahay mid ka caafimaad qaba musuq-maasuqa hoggaanka dowladda. Dowladda Soomaaliya ayaa dadaallo arrintan ku aadan wadday sanad ka badan, waxaana ay xubno badan u qabatay una xirtay kiisas musuq-maasuq. Waxaa cad in caalamka ku qanacsan yahay dagaalka dowladda ee musuq-maasuqa iyo madaxda sare aysan ku lug lahayn. 2 – In dowladda hagaajisay nidaamkii maaliyadda Soomaaliya Dowladda waxa ay uga dhigan tahay go’aanka Bankiga aduunka in ay guul ka gaadhay yoolkii ay ka lahayd hagaajinta nidaamka maaliyadeed oo kahor inta aysan xukunka qaban ahaa mid maalin cad la dhaco aadna u liitay. Xulashadii Bayle ayaa Iyana noqotay mid qeyb weyn ka qaadatay hagaajinta nidaamka dhaqaale maadama wasiirka Maaliyadda yahay shaqsi aqoon durugsan u leh dhinacaas una muuqda mid ay ka go’an tahay dhisidda haykal dhaqaale oo qeyb weyn ka ciyaara hore usocodka dalka. Qodobkan iyo midka koowaadba waxay muujinayaan inay yihiin laba arrin oo dowladda madaxweyne Farmaajo kaga duwan tahay dowladihii ka horeeyey. W/Q: Safiya Cabdullaahi Garaad Muqdisho, Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Two blasts in El Wak town near Mandera on Thursday left 2 people confirmed dead and several others seriously injured. Source: Hiiraan Online

Blasey Ford described Kavanaugh’s alleged 1982 sexual assault on her to the Senate Judiciary Committee on Thursday, and the U.S. Supreme Court nominee hit back Source: Hiiraan Online

Muqdisho (Caasimada Online) – Wasiirkii hore Arrimaha Dibedda Soomaaliya Yuusuf Garaad Cumar ayaa si kulul uga hadlay falkii bahalnimada ahaa ee toddobaadkii hore qaab cunsurinimo ah loogu gubay muwaadin Soomaaliyeed oo lagu magacaabay Axmed Dowlo. Yuusuf Garaad oo arrintaas ka hadlaya ayaa bartiisa Facebook ku soo qoray dhigaalkan hoose. “Mas’uul iyo Muwaaddin kasta oo Soomaali ah oo daneynaya in Soomaaliya ay hesho nabad waarta iyo caddaalad sugan, kuna tallaabsato horumar muuqda waa in uu u dhabba galaa waxna ka qabtaa ama ugu yaraan uu ka yiraahdaa dilka Allah ha u naxariistee Axmed Mukhtaar Saalax (Axmed – Dowlo). Waxaa la ii sheegay in Axmed nolosha lagu gubay xaafadda Towfiiq, Degmada Yaaqshiid, caasmiaddeenna Muqdisho Kahmiis ay bishan September ahayd 20, sannadkan 2018. Muwaaddin Axmed waxaa lagu dilay maxaad u noqotay qabiilka aad tahay! Ma isagaa doortay oo ku biiray mise Allah ayaa ka beeray? Si kale haddii aan u dhigo waxaa lagu dilay, maxaa aabbahaa kuu dhalay! In qarnigan muwaaddin Soomaali ah ay Soomaali kale nolosha ku gubto, isla markaana aan Dowladda iyo shacabkuba aanay aad uga gilgilan oo kaalinta kaga aaddan ka soo bixin si aan lala daahin, waxay diri kartaa farriin gurracan, waxayna dib noogu celineysaa casri jaahiligii ka horreeyay diinteenna. Anigu si adag ayaan u cambaareynayaa falkaas ciddi geysatay iyo cid kasta oo ka raalli ah. Madaxdeydana waxaan ka dalbayaa in ay baaritaan iyo xaqiijin ka dib ay sugaan caddaaladda.” Dihinaca kale hadalka Yusuf Garaad ayaa imaaneya xilli ay wali xiran yihiin qoyskii geystay falkaas halka dowladda Soomaaliya ay Hotel ay todobada ku qaataa dejisay labadii lamaane ee ay dhibta ka soo bilaabatay. Caasimada Online Xafiiska Muqdisho Caasimada@live.com

The full brunt of the sun pierces through the plastic roof of Hassan Noor’s one-room home in Dadaab, a refugee camp located in northeastern Kenya. Source: Hiiraan Online

BERLIN (Reuters) - Chancellor Angela Merkel said on the eve of talks with President Tayyip Erdogan that Germany wanted to work with Turkey economically, but added she would also raise sensitive issues of human rights and prisoners with him. Source: Hiiraan Online

Muqdisho (Caasimada Online) – Maxkamadda Gobolka Banaadir ayaa shalay oo Taariikhdu Tahay 27/09/2018 u fariisatay dacwad ciqaabeed loo haystay Eedeysanayaasha kala ah Daahir Maxamed Nuur oo ah Agaasimaha waaxda Dib U dejinta Barakacayaasha Ee Wasaaradda Gargaarka & Maareynta Musiibooyinka iyo Maxamed Cumar Macallim oo ahaa Xoghayaha Joogtada ah Ee Wasaaradda Gargaarka oo ahaa maqane. Waxaa Maxkamadda furay Guddoomiyaha Maxkamadda Gobolka Banaadir Garyaqaan Muuse Macallim Maxamed. Sidoo kale waxaa dacawada ka soo qeyb galay Xeer Ilaaliayaha Guud Ee Qaranka Dr.Axmad Cali Daahir iyo ku xigeenadiisa, waxaa kaloo goob joog ahaa Qareenada difaacayay Eedaysane Daahir Maxamed Nuur waxayna Maxkamddu guda gashay Dhagaysiga Dacwadda loo heystay Eedaysanayaasha. Guddoomiyaha Maxkamadda Gobolka Banaadir Garyaqaan Muuse Macallim Maxamed ayaa U aqriyay Eedda loo haysto Eedaysanayaasha uu goob joog ahaa Daahir maxamed nuur, waxaana dooda qaatay Xeer ilaalinta oo ku oogeysay Dacawadda loo haysto eedeysanayaasha. Qareennada difaacayay Eedeysane Daahir Maxamed Nuur ayaa sidoo kale ka difaacay Eedda lagu soo oogay Muwakilkooda kuwaas oo soo bandhigay difaacooda sharci. Ugu dambeyn Guddoomiyaha Maxkamadda Gobolka banaadir ayaa mar kale balamiyay dhagaysiga dacwada maalinta khamiista soo socota inta ka harsan.

The symbolic vote by Canadian legislators is in response to crimes committed against the Rohingya minority in Myanmar Source: Hiiraan Online

UK, Somalia, Italy and Ethiopia brought together international partners in support of Somalia’s security, political and economic reforms. Source: Hiiraan Online

Dadaab MP Mohammed Dahiye has urged President Uhuru Kenyatta to order opening the Kenya-Somalia border. Source: Hiiraan Online

Muqdisho (Caasimada Online) – Xildhibaan Canab Xassan Cilmi ayaa booqatay gabadhii iyo wiilkii dhawaan qaabka cunsuriyadda ah dhibaatada weyn loogu geystay magaalada Muqdisho. Canab oo qoraal gaaban soo dhigtay barteeda Facebook ay ku sheegtay in aan loo dul qaadan doonin wixii hadda ka dambeeya in falalka noocaas ah bulsho ugu soo dhex laabato. Xildhibaanada oo arrintaas ka hadlaysa waxa ay tiri: Hablaha Soomaaliyeed waxaa waajib ah in ay helaan farxadda ah jecel yihiin, haybsoocna looguma diidi karo qof ay doonayaan in ay nolosha la wadaagam. Waxaan ka shaqeyn doonnaa in dhacdan foosha xun dib dambe umadda Soomaaliyeed ugu soo laaban.” Dhacdadan foosha xun ayaa sidoo kale waxaa ka dooday xildhibaanada golaha shacabka oo sheegay in ay sharci adag ka soo saari doonaan falalka noocaas ah. Xildhibaan Canab Xassan Cilmi oo ka mid ah hormuudka dadka u dooda xuquuqul insaanka iyo gaar ahaan haweenka Soomaaliyeed ayaa hore u ahayd gudoomiye ku xigeenka ururka haweenka ee gobolka Banaadir ka hor inta aysan noqon xildhibaan qaran, sanadii 2016. Caasimada Online Xafiiska Muqdisho Caasimada@live.com

New York (Caasimadda Online) – Xilli ciidamada Kenya ee duullaanka ku jooga dalka Soomaaliya ay wajahayaan dhiigbax joogta ah ayna ku adagtahay in ay dagaalka sii wadaan waqti dheer ayay xukuumadda Nairobi taageero ka dalabtay ‘Beesha Caalamka’. Uhuru kenytatta ayaa waxa loogu yeero Q.Midoobe ka codsaday in dowladdiisa ay taageero dhaqaale iyo mid melleteri siiyaan si ay uga adkaato wax uu ku sheegay Argagaxiso. isagoo Khudbad ka jeedinayay shirka Golaha ammaanka ee magaalada New York ayuu sheegay in dowladda Kenya ay wajaheyso culeysyo dhanka dhaqaalaha iyo melleteriga ah si ay isaga caabiso xarakada Jihaadiga ah ee Al Shabaab, markii uu khudbadda dhameeyay ayuu kulamo gaargaar ah laqaatay madaxweynayaal reerglabeed ah dhammaantoodna wuxuu ka codsaday in ay ka taageeraan dagaalka ciidamadiisu uga jiraan Soomaaliya. Tallaabadan ay Kenya ku codsatay taageero caalami ah ayaa kusoo aadaysa xilli Al Shabaab ay sare uqaadday weerarada ay ka fulinayso gudaha wadanka Kenya iyo qaraxyada iyo weerarada tooska ah oo ay melleteriga Kenya ugu geysanayso gobollada Gedo iyo Jubbada Hoose. Xildhibaanno iyo siyaasiyiin Kenyaan ah ayaa iyana xukuumadda ku cadaadinaya in ay ciidamadeeda kalasoo baxdo Soomaaliya si wax looga qabto ammaanka gudaha wadankaasi. Melleteriga Kenya ayaa kusoo biiray Ciidamada AMISOM sanaddii 2011 wuxuuna ku lug lahaaday xasuuq dad shacab ah loogu geystay gobollo dhaca Koonfurta dalka. Weerarkii ugu cuslaa oo Kenya ay kala kulantay Kooxda Al-Shabaab gudaha Soomaaliya wuxuu ahaa midii guutooyin katirsan ciidamadeeda cagta lagu mariyay deegaannada Ceel Cadde iyo Kulbiyoow. Caasimada Online Xafiiska New York Caasimada@live.com

Beijing (Caasimada Online) – China ayaa ku eedeeysay Madaxweynaha Mareykanka Donald Trump in uu aflagaado u geystay kaddib markii uu ku eedeeyey in ay doonayaan faragalinta doorashooyinka soo socda ee Congress-ka Mareykanka. Trump waxa uu ka sheegay Golaha Ammaanka kulan ay Arbacadii yeesheen in Beijing ay faragalin ku hayso doorashada dhexe ee bisha November dhici doonta iyaga oo ka soo horjeeda sharciyada adag ee uu ganacsiga ka soo saaray. “Ima doonayaan ama annaga in aan guuleysanno, maxaa yeelay waxaan ahay madaxweynihii ugu horreeyey oo China kula loolama ganacsiga guulo ayeyna ka gaarnay ganacsiga,” ayuu yiri Trump. Laakiin mar uu saxaafadda Beijing khamiistii kula hadlayey afhayeenka wasaaradda Arrimaha dibedda ee China Geng Shuang waxa uu sheegay in Beijing aysan farogalin umuuraha wadamada kale. “Waxaan kula talineynaa Mareykanka in uu joojiyo eedeyntan iyo aflagaadan aan dhammaaneyn,” waxaa siyaas yiri Geng. “Jooji hadaladan qaldan iyo ficiladan dhaawacaya xiriirka labadeena dowladood iyo danaha aas aasiga ah ee labada dal, dadkooda.” Dhinaca kale Geng waxa uu sheegay in iskaashiga China iyo Mareykanka caadi yahay. “In sidan loo qeexo sida in dowladda China isku dayeyso farogalinta doorashada Mareykanka waa been aan sal iyo raad lahayn,” ayuu sii raaciyey. Caasimada Online Xafiiska Islamabad Caasimada@live.com

Jeelka Bosaso Puntland ayaa markii ugu horeysay weerartay ciidamo ka tirsan oo ka gadoodsanaa sida la sheegay mushaar la’aan, waxaana ka dhashay falkaas khasaare isugu jira dhimasho iyo dhaawac. Laamaha amniga gobolka Bari oo ay gacan siinayaan ciidamada Madaxtooyada ayaa maanta galinkii dambe weerar ku qaaday ilaalada Jeelka Boosaaso oo ka gadoodsanaa mushaar la’aan. Sarkaal ka tirsan ciidamada amniga gobolka Bari oo codsaday in aan mgaaciisa la xigan ayaa PUNTLAND POST u sheegay in saaka ilaalada Jeelka Boosaaso ay gadood sameeyeen, ayna xireen taliyaashoodii, iyadoo dowladda ay isku day-day in ay waan-waan la gasho, balse wax xal ah laga waayay, ugu dambeyna ay weerar ku qaadeen ciidamo huwan ah. Rasaas xoogan oo ilaa caawa soo gaartay ayaa Boosaaso laga maqlayay galinkii dambe ee maanta, waxaana ugu dambeyn ciidamadii huwanta u suurta gashay in ay gacanta ku dhigeen Jeelka , iyadoo ciidamadii gadoodsanaa qaarna la qabtay, kuwana ay baxsadeen. Khasaaraha ka dhashay weerarkaas ayaa inta la hubo ah hal qof oo dhimasho ah iyo mid dhaawac ah, PUNTLAND POST ayaa loo xaqiijiyay in ruuxa dhintay uu yahay maxbuus ku xirnaa Jeelka, oo markii dagaalku dhacay ay halkaas ku xirnaayeen boqolaal maxaabiis ah oo u badan Al-shabaab iyo Daacish. Arrintan ayaa ku soo aadaysa iyadoo magaalada Boosaaso uu ku sugan yahay Madaxweynaha Puntland Cabdiwali Maxmed Cali Gaas, oo intuu xilka hayay ay soo noq-noqdeen gadoodka ciidmado ka canabaya mushaar la’aanta. PUNTLAND POST The post Bosaso: Puntland oo weerartay ciidamo gadoodsan appeared first on Puntland Post.

Muqdisho (Caasimada Online)-War goordhow nasoo gaaray ayaa sheegaya in Nin ku hubeysnaa qori uu Waaxda Faanoole ee degmada Kaaraan ku dilay wiil ay qaraabo ahaaye. Dilka oo si kadis ah u dhacay ayaa waxaa lasoo sheegayaa inuu ka dhashay muran maandooriye oo dhexmaray gacan ku dhiiglaha iyo Marxuumka. Dadka deegaanka ayaa soo warinaaya in labada ruux ee midi la dilay ay ahaayen qaraabo wada socon jiray, hase yeeshee ay ku kala fogaaden maandooriyaha. Maamulka degmada Kaaraan ayaa sheegay in gacan ku dhiig laha ay horgeyn doonaan sharciga, isla markaana uu guran doono waxa sharciga uga soo baxa. Maamulka ayaa sheegay in marxuumka lagu dhuftay 6 xabadood oo kaga dhacday qeybaha sare ee jirka. Hay’adaha ammaanka oo ku baxay falkan ayaa gacanta ku dhigay gaari NOAH ah oo uu watay ninka dilka geystay ee baxsaday. Sidoo kale ciidamada ayaa la wareegay qalab lagu diyaarinayay maandooriyaha. Meydka ninka la dilay ayaa la geeyay xarunta dambi baarista ee CID-da si baaritaano dheeraad ah loogu sameeyo. Caasimada Online Xafiiska Muqdisho Caasimada@live.com

Muqdisho (Caasimada Online) – Wasaaradda gaadiidka iyo duulista hawada ee dowlada Somalia ayaa shaaca ka qaaday in dhawaan la dhaqan galin doono xeer heer wasiir ah, kaa oo lagu howlgalin doono shuruucda uu gaadiidku lahaa. Wasaarada ayaa sheegtay inay muhiim tahay in dib loo soo saari shuruucda xeerkan oo ka kooban 24 qodob ay ku dhaqmi doonaan gaadiidleeyda inta laga soo saarayo sharciyadii uu hore u lahaa gaadiidka dalka. Cali Gacal Gaaboow, oo ah Agaasimaha guud ee wasaaradda gaadiidka iyo duulista Hawada Somalia, ayaa sheegay in marka Baabuurta lasoo dejinayo lasiin doono Taariko ganacsi oo gaar ah. Waxa uu Agaasimuhu tilmaamay in qofka laga iibinayo lagu siin doono Buugga iyo Aqoonsiga uu wato, wuxuuna sidoo kale sheegay in la diiwaan gelin doono dhammaan geerishyada Magaalada ku yaalla. Agaasimaha ayaa sheegay in Xeerkan uu suurto gelin doono in la mamnuuco Baabuurta uu isteerinkoodu yahay dhanka Midig, lana soo celin doono nidaamkii hore Isteerso bidixda si loo badbaadiyo Nafta iyo hantida shacabka raacaya Gaadiidka Dad weynaha. Nuqul kamid ah haddalka Agaasimaha ayaa ahaa “Xeerkani wuxuu suurto gelinayaa haddii la dhaqan geliyo in Baabuurtaana la joojiyo, Baabuurtii Waddanka tiillayna ay si nadaam ah u socdaan, xeerkaan muhiimad gaar ah ayuu leeyahay, marka hay’adaha ay tahay in ay xeerkan dhaqan geliyaanna waa war gelinnay waana la socodsiinnay, waxaana rajeyneynaa in marka lagu dhaqmo xeerkaas uu Magaalada Muqdisho is beddel badan ka yimaaddo”. Sidoo kale, waxa uu Agaasimaha carab ***** in shilalka iyo ciriiriga mararka qaar ka jira magaalada Muqdisho uu ku sababeeyay xeerka wadda marista oo qaldan. Wuxuuna sheegay in aysan mar kale soo degi doonin Gaadiid leh shukaan midig leh, kuwa haatan yaallana la marin doono guddiga imtixaanaadka tababarna la siin doono. Si kastaba ha ahaatee, Agaasimaha ayaa sheegay inay soo celin doonaan dhammaan shuruucdii gaadiidka iyo waddooyinka, islamarkaana aan la hubin doono caafimaadka wadaha, Da’da iyo bad qabka gaadiidka si ay u yaraadaan shilalka. Caasimada Online Xafiiska Muqdisho Caasimada@live.com

Muqdisho (Caasimadda Online) – Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo ka qayb galay munaasabadda daahfurka barnaamijka dib u habaynta Waxbarashada Dadaweynaha ayaa sheegay in ay ka go’an tahay dowladda in dib loo xoojiyo nidaamkii waxbarasho ee lacag la’aanta ahaa ee ka jiray dalka. Madaxweynaha ayaa khudbad u jeediyey kumannaan arday ah oo wax ka barata 24 Iskuul oo ku yaalla magaalada Muqdisho, ayna dhigtaan ku dhawaad 15-kun oo arday, iskuulladaas oo maanta si rasmi uga mid noqday nidaamka waxbarashada dawliga ah ee dalka. “Waxbarashadu waa xuquuq aasaasi ah, qof walba oo caruurteenna ka mid ahna ay tahay in uu helo, waana waajib dastuurku na faraayo. Maanta awooddeeda Alle waa uu nasiiyay, waxaana ka shaqeynaynaa fulinta qorshaha ah in xuquuqda waxbarasho ee caruurta Soomaaliyeed aan dib usoo celino.” Wasaaradda Waxbarashada iyo Tacliinta Sare ee dalka ayaa soo bandhigtay qorshaha ku aaddan waxbarashada lacag la’aanta ah, iyadoona ku dhawaaqday in macalimiinta iyo maamulka dugsiyada ku biiray nidaamka waxbarashada dowliga ah ay ka mid noqon doonaan shaqaalaha Dowladda Federaalka Soomaaliya. Wasaaradda ayaa la wadaagtay Madaxweynaha nuqullo ka mid ah manhajka mideysan ee waxbarashada, waxa uuna kula dardaarmay khubarada Soomaaliyeed ee gacanta ku haysa manhajka ay xoogga saaraan kor u qadista wadaniyadda, isdhexgalka bulshada iyo kobcinta garaadka iyo garashada jiilasha soo kacaya. Sidoo kale, Xukuumadda Federaalka Soomaaliya ayaa madasha ku soo bandhigtay qorshaha tayeynta macalimiinta oo wajigiisa koowaad lagaga hirgelinayo Caasimadaha Dowladda Goboleedyada xarumo lagu tababaro macalimiinta oo noqonaya madal ay isku dhaafsadaan macalimiinta khibradahooda dhanka waxbarista, sarena loogu qaadayo xirfadahooda. Madaxweyne Famaajo ayaa bogaadiyey dadaallada Xukuumadda Federaalka Soomaaliya ee ku aaddan dhanka waxbarashada, isagoona tilmaamay in dhaqangelinta manhajka mideysan ee waxbarashada dalka uu qorshe istaraatiiji ah u yahay mustaqbalka waxbarasho ee ubadka Soomaaliyeed. Madaxweyne Maxamed Cabdullaahi Farmaajo ayaa uga mahad celiyey dalladihii aan dowliga ah ee waxbarashada iyo aqoonyahannadii Soomaaliyeed ee dadaalka ku bixiyey samato bixinta waxbarashada dalka iyo badbaadinta mustaqbalka ubadka Soomaaliyeed xilliyadii burburka. Halkaan hoose ka akhriso Liiska Iskuulada ee Dowladda lagu wareejiyey, Tirada ardayda iyo Macalimiinta TIROKOOB: ~Tirada guud ee Dugsiyada waa 24 ~Tirada macalimiinta 713 ~ Tirada Ardayda waa 14,803 ~Magacyada Dugsiyada: 1. Bartama 2. Wiilwaal 3. Agoonta Gabdhaha Boondheere 4. Axmed Kadare 5. Macallin Jaamac 6. Cabdicasiis 7. 11 Janaayo 8. Yaasiin Cismaan 9. Gaashaanle 10. Agoonta Wiilasha Kaaraan 11. Hawlwadaag 12. 21 November 13. Dayniile 14. Xasan Qariidi 15. Maxamuud Hilowle 16. Maxamuud Mire 17. Godey 18. Maxamuud Hilowle 19. Maxamuud Mire 20. Cali Xuseen 21. 20 Disembar 22. Axmed Waayeel 23. Aqoon Dirsad 24. Jabuuti