MOGADISHU (Caasimada Online)–The U.S. military says it killed nine al Qaeda linked al-Shabab militants in drone airstrike in southern Somalia. The strike was conducted that was conducted on Monday, about 540km south of Somali capital Mgadishu, according to US Africom Command. The U.S. Africa Command said one militant was also injured in the strike. The raid was carried out in coordination with the Somali government The U.S. has conducted more than 20 such airstrikes in Somalia this year. The Al-Qaeda linked Shabaab was pushed out of the Somali capital in 2011 — and subsequently other towns and cities — by soldiers from the African Union Mission in Somalia. But the Islamists still hold sway in large parts of the countryside and launch regular gun and bomb attacks on government, military and civilian targets in Mogadishu and ambushes on military convoys and outposts. The United States has carried out more than 20 airstrikes against Al-Shabab in Somalia in 2018. The special operations forces have also been rotating through the country for several years to bolster local and regional forces. There was no immediate comments from Al Shabaab over the claims. US serves as front-line advisers to a United Nations-backed government of Somalia, struggling against rebel factions across the country, particularly in rural southern Somalia. The U.S. military partners with the African Union Mission to Somalia, or AMISOM, during combined counter-terrorism operations against al Shabab training camps and terrorist leadership. The African Union has a combined contribution of roughly 22,000 personnel in Somalia. In early June, one U.S. soldier was killed and four more were wounded during an attack by Al-Shabab militants that consisted of small-arms fire and mortars near Kismayo, a town some 500km south of Somali capital Mogadishu. Caasimada Online Mogadishu News Desk Caasimada@live.com

Guddiga joogtada ah ee golaha aqalka sare ayaa maanta waxaa uu soo saaray baaq ku aadan sidii loo dejin lahaa khilaafka mas’uuliyiinta Galmudug iyaga shacabkana ku dhiirigeliyey inay taageeraan dhex-dhexaadinta golaha aqalka sare ee baarlamaanka federaalka Soomaaliya. Qoraalka Aqalka Sare Oo Dheeraa Waxaa Uu u Qornaa: Guddiga joogtada ah ee aqalka sare wuxuu ugu baaqayaa mas’uuliyiinta Galmudug in la ilaaliyo midnimada iyo wada shaqeynta hey’adaha dastuuriga ah, lana soo celiyo wada shaqeyntii ay hey’adaha lahaayeen ka hor khilaafka haatan jira. Guddiga joogtada ah ee aqalka sare wuxuu ku wargelinayaa dhammaan dhinacyada khilaafka Galmudug; In marnaba aan la aqbali karin inay sii socdaan dhaq-dhaqaaqyada lagu burburinayo hoggaanka hey’adaha dastuuriga ah ee Galmudug(xukuumad iyo baarlamaan) iyada oo golaha aqalka sare uu ku jiro dadaalo ku dhex-dhexaadinayo dhinacyada khilaafka Galmudug isla markaana aqalka uu garwadeen ka yahay sidii loo heli lahaa xal waara oo ay wada gaaraan dowladda dhexe iyo dowlad goboleedyada. Dhex-dhexaadinta aqalka sare waxaa ay ambaqaadeysaa midnimada iyo wadajirka hey’adaha dastuuriga ah ee Galmudug, sidaasi darteed, waxaa saameyn ku yeelan meyso xil ka qaadis horay u dhacday iyo kuwoo soo socda. Guddiga joogtada ah ee aqalka sare wuxuu ugu baaqayaa qeybaha kala duwan ee bulshada ku dhaqan Galmudug inay ka qeybqaataan dadaallada xal u raadinta khilaafka ka dhex jira hey’adaha dastuuriga ah ee Galmudug isla markaana ay taageeraan dhex-dhexaadinta golaha aqalka sare ee baarlamaanka federaalka Soomaaliya Goobjoog News Source: goobjoog.com

Waxaa Hawada soo galay Website lagu sameeyey Magaca Ra’iisul Wasaare Xasan Cali Kheyre kaasoo keenay shaki weyn oo ku aadan inuu Ra’isulwasaaraha isku soo sharixi doono Doorashada soo socoto ee Sanadka 2020. Websitekaan Hawada soo galay oo ay weli ku socoto dhismo ayaa waxaa diiwaan geliyey mid kamid ah Gacanyarayaasha Ra’isulwasaare Kheyre sida ay xogta sheegeyso kaasoo lagu magacaabo Yaxye Cali Hareeri taariikhda markay aheyd 07-06-2018. Balse markii ay soo baxeyn warar ku aadan in Websitekaas laga sameeyey Xafiiska Xasan Cali Kheyre ayaa waxaa durba la qariyey oo Private laga dhigay magacii lagu diiwaan geliyey maadaama uu magacaas yahay mid banaanka soo dhigayo halka rasmiga ah ee laga leeyahay waxayna taas kor usii qaaday shakiga ah in Websitekaan uu leeyahay Xasan Cali Kheyre. Arrinta ku aadan inuu Websitekaan leeyahay Ra’isulwasaare Kheyre ayaa aad isku soo tareyso waxaana horey u jiray warar kala duwan oo ku aadan inuu isku soo sharixi doono xilka Madaxweynimo inkastoo Ra’isulwasaare ku xigeenka dalka horey u sheegay in musharaxoodu yahay Madaxweyne Maxamed Cabdullaahi Farmaajo. Haddii ay dhab noqoto inuu Websitekaan leeyahay Ra’isulwasaare Kheyre waxaa muuqato in Nabad iyo Nolol ay yeelan doonto laba musharax oo aad u loolami doono iyadoo la aaminsan yahay in Madaxweyne Farmaajo uu musharax u noqon doono Xisbiga talada dalka haya. Websitekaan ayaa hadda markii la booqdo wuxuu kuu sheegayaa in dhismo lagu wado dhawaana uu hawada soo geli doono sida kaaga muuqato sawirka Hoose weliba waxaa ku qoran inuu hawada soo geli doono Asbuc kadib. Caasimada Online Xafiiska Muqdisho Caasimada@live.com

The U.S. military says it killed at least nine al-Shabab militants in an airstrike in southern Somalia that was conducted after an insurgent attack on government forces. Source: Hiiraan Online

Cadale (Caasimada Online) –Halgamaa Hibaad Cali Dasar oo muddo dagaal xooggan kula jiray argagixisada Soomaaliya ee Al-Shabaab, si uu dhibkooda uga dul-qaado dadkiisa iyo deegaankiisa ayaa shalay ku geeriyooday Tuulada Xagareey, oo u dhaw Guulane, islamarkaana hoos tagta degmada Cadale ee gobolka Shabeellaha Dhexe. Hibaad Cali Dasar oo hogaaminayey Jabhadda dib u xoreynta Shabeellaha Dhexe iyo haglamaa kale oo lagu magacaabo Nuur Cali Jumbur ayaa ku geeriyooday dagaal ay shalay ku qaadeen Shabaabka, oo ay kaga dileen 18 maleeshiyo. Geeridooda ayaa waxaa ka tacsiyeeyey Midowga Walaalaha Mudulood. Warbixin ku saabsan halgankii Hibaad Cali Dasar Halgamaa waxaa loogu yeedhaa qofka naftiisa iyo hantidiisa u hura arrin dadku ku dhici waayeen oo dib uga joogsadeen. Halgamaa Hibaad Cali Dasar Eebbe haw naxariisti wuxuu ahaa ninkii abaabuley dagaalka looga soo horjeedo kooxda horrarka ah ee Al-Shabaab ee Shabeellada dhexe. Nin isagoo cararaya dhintey ama mid dalka ka dhoofay isagoo xabsi iyo xadhig ka baqaya ama in la dilo ayaa dadka qaarkood ugu yeedhaan geesi halgamaa ah. Halgamaagu waa kan u dhinta ujeedka iyo hadafkiisa waa midka u god gala halka yoolkiisu yahay waa midka ka gilgisha heeryada saaran kana doorbida dhimashada waa halkuu ka lahaa Abwaan Salaan Carabeey. Haddaad dhimato geeridu marbay,Nolosha dhaantaaye Dhaqashiyo mar bay kaa yihiin, Dhereggu xaaraane Dhedigaansho waa ceeb inaad, Dhamagsataa meele Dhadhan malaha aadmigu wuxu, Kugu dhalliilaaye Nin dhirbaaxo quudheed dugsaday,Dhaqayadeed maaly’e Dhashaaday sugtaa xaajadaad, Dhawrataa abid. Dagaal ay ku dhiiran waayeen dowlad iyo dadweyne ayuu ku dhiiraday, welina halgankii ma dhammaan, waana mid lagu xusi doono laguna xasuusan doono. Dagaalka guushiisu maaha inaad noolaato keliya ee waa in aad gaadho halgankaaga miro dhalkiisa, bulshada deegaanka iyo dhammaan dadka halganka qaybta ka ahaa waxaan leeyahay guushu waa inaan ka adkaano kana tirtirno deegaankeena Alshabaab, geerida hoggaamiye Hibaad waa iney na sii dhiirigelisa. Eebbe haw naxariisto dhammaanteena samir iyo iimaan haynaga siiyo, waa Halgamaa ku dhex nool laabteena iyo maankeena. W/Q: Cabdiraxiin Hilowle Galayr

Kismaayo (Caasimada Online) – Taliska Ciidamada Mareykanka ee Africa ayaa shaaciyey in duqeyn dhinaca Cirka ah oo lagu qaaday koox ka tirsan Alshabaab duleedka magaalada Kismaayo lagu dilay 9 ka mida maleeshiyada Alshabaab. War kasoo baxay AFRICOM ayaa lagu sheegay in duqeynta oo ka dhacday shalay meel Kismaayo u jirta 40 Km, ay qiimeynayaan 9 ka mida kooxda Alsahbaab oo lagu dilay duqeynta, iyadoo cid rayid ah aanay wax ku noqon. War saxaafadeed ka soo baxay Taliska Mareykanka ee Afrika ayaa lagu sheegay in 1-dii bishan October oo shalay ku beegneyd Ciidamada Mareykanka ay qaadeen weerar cirka ah, kaddib markii Al-Shabaab weerareen Ciidamo ka tirsan dowladda. AFRICOM ayaa xaqiijiyay in howlgalkan ay ka gacan siiyeen ciidamada dowladda Federaalka ah ee Soomaaliya, islamarkaana aysan jirin wax khasaaro ah oo shacabka degaanka kasoo gaarey. “Mareykanka waa uu sii wadi doonaa weerarada noocan ah ee looga hortagayo khatarta ku wajahan danahiisa Soomaaliya iyo muwaadiniintiisa, islamarkaana lagu wiiqayo awoodda kooxaha argagaxisada,” ayaa lagu yiri qoraalka AFRICOM. Tan iyo sanadkii tagey, labo Askari oo Mareykanka ay ayaa lagu kala dilay gobolllada Shabeellaah Hoose iyo Jubbada Hoose, kadib markii ay ku weerareen xoogaga Al Shabaab. Mareykanka ayaa ka jooga Soomaaliya ku dhawaad Kun Askari oo ka caawiya ciidamada dowladda iyo AMISOM dagaalka ka dhanka ah Al Shabaab, oo ku xoog badan degaano badan oo Koonfurta ku yaalla. Al-Shabaab ayaa ka gaabsada inta badan duqeymaha Mareykanka geysto Koofurta Soomaaliya oo labadii sano ee u dambeeyay ay sii kordhayeen. Caasimada Online Xafiiska Muqdisho Caasimada@live.com

Lix qof ayaa ku geeriyoote shil gaari oo maanta ka dhacay deegaanka Gawaan ee gobolka Mudug. Gaari weyn oo sidey Shamiinto (Sibir) ayaa ku rogmaday wadada u dhaxeysa deegaanka Gawaan iyo degmada Hobyo ee gobolka Mudug, waxaana sidoo kale halkaasi ku dhaawacmay Shan qof kale. Goob joogayaal ayaa sheegay in gaariga markii uu rogmanayey ku socday xawaare aad u sarreeyay. Dadkii dhaawaca ahaa ayaa loo sameeyey gurmad degdeg ah, waxaana laga qaaday halkii gaariga uu ku rogmaday. Darwallada kaxeeya gaadiidka ayaa inta badan xilliyada ay safarada dheer galayaan gaadiidka u wada si xowli ah. Goobjoog News Source: goobjoog.com

Muqdisho (Caasimada Online) – Madaxda dowlad goboleedyada Soomaaliya iyo xisbiyada mucaaradka ah ee ku kacsan dowladda Soomaaliya ayaa la filayaa inay ku dhawaaqaan isbaheysi awood badan oo ka dhan ah dowladda Soomaaliya, sida ilo-wareedyo lagu kalsoon yahay ay u sheegeen Caasimada Online. Ilo-wareedyo ku dhow qaar ka mid ah madaxda maamullada ayaa Caasimada Online u sheegay in dhammaan hogaamiyayaasha xisbiyada mucaaradka ah ee fahdigeedu yahay magaalada Muqdisho lagu casuumay shirka madax goboleedyada ee 10-ka bishan October ka dhacaya magaalada Garoowe. Shirkaas ayaa laga filayaa qodobo kale oo ka dhan ah dowladda, ayna ugu weynaan doonta dhismaha isbaheysigan cusub. Waa markii ugu horreysay ee mucaaradka ay ka qeyb-galaan shir goboleedyada, waxaana xogta aan helnay ay sheegeysaa in isbaheysiga la dhisayo la filayo inuu qaado tallaabooyin culus oo ka dhan ah dowladda, lagana yaabo inay ku jiraan mooshinno ka dhan ah ra’iisul wasaaraha iyo madaxweynaha. Ilo-wareedyo ku dhow xafiisyada madaxweynaha iyo ra’iisul wasaaraha ayaa sheegay inay isaga kalsoon yihiin mooshin kasta oo ay gadaal ka riixayaan mucaaradka iyo madax goboleedyada, hase yeeshee isbaheyisga noocan ah ayaa dhaawac culus gaarsiin kara muuqaalka beesha caalamka ay ka haysato dowladda. Dowladda Soomaaliya ayaa lagu warramay inay isha ku hayso dadaallada ka dhanka ah ee socda, hase yeeshee ma muuqato tallaabo ay qaadi karta illaa hadda, waxaana jira dadaallo weli miro-dhali la’ oo ay ku kala furfureyso golaha iskaashiga maamul goboleedyada, ayada oo illaa hadda ku guuleysatay kaliya inay kasoo goyso madaxweynaha HirShabelle Maxamed Cabdi Waare. Caasimada Online Xafiiska Muqdisho Caasimada@live.com

Wareegto kasoo baxday madaxweynaha Puntland C/weli Maxamed Cali Gaas ayaa lagu magacaabay taliyaha ciidamada keydka ee maamulkaasi. Waxaa xilkaan loo magacaabay G/Sare Cumar Cabdullaahi Maxamed (Cumr Fara-weyne ). Wareegtada hoos ka akhriso. Xeer Madaxweyne Lr.135 October 2, 2018, kuna saabsan magacaabid Taliyaha Ciidanka Kaydka ah ee Dowladda Puntland. Madaxweynaha Dowladda Puntland. Markuu Arkay: Dastuurka Dowladda Puntland Markuu arkay: Aqoontiisa iyo waayo aragnimadiisa shaqo Wuxuu Xeeriyey: 1.Waxaa G/Sare Cumar Cabdullaahi Maxamed (Cumr Fara-weyne ) loo magacaabay Taliyaha Ciidanka Kaydka ah ee Dowladda Puntland. 2.Xeerkani waxa uu dhaqan gelayaa markuu madaxweynuhu Saxiixo wuuna saxiixay madaxweynuhu. Source: goobjoog.com

MOGADISHU (HOL) - The European Union (EU) has pledged that the trade bloc will remain committed to supporting the Somali people and government in rebuilding their country in spite of Monday's attack on its convoy in the Somali capital. Source: Hiiraan Online

Tan iyo markii dhidibbada loo taagay dowlad goboleedka Puntland waxaa lagu taamayey in mar uun laga gudbo nidaam siyaasadeedka qabiilka ku dhisan loona gudbo nidaamka doorashada xortaa iyo axsaabta badan ku dhisan. Nasiib daro iyo nasiib wanaag midka ay doontaba ha ahaatee wali Puntland kuma guulaysan inay nidaamkaas ka guurto. Ka guurid la aanta nidaamkaani waxa ay tilmaam iyo astaanba u noqotay mid ka mida wax yaabo badan oo Puntland ka khaldan. Dhaleecaynta ugu horaysa ee siyaasiga xil-doonka ahi uu kan kursiga kolkaas ku fadiya uu dusha uga tuuraa waa in uusan wali nidaamkan ka guurin. Haddii aniga lay doorto sanadka ugu dambeeya bilaabi maayo nidaamka dimuquraadiyaynta ee waxaan bilaabayaa sanadka ugu horeeya, waa halhayska musharaxa xildoonkaa. Madaxwayne Gaas isagu waxaa uuba ka dhigay miisaanka la saari doono dawladdiisa. Qormadaani kuma saabsana maxaa looga guuri waayey nidaamkaan, ee waxay ku saabsan tahay maxaa looga guurayaa? Xaggeese looga guurayaa? Xalse ma ku jiraa nidaamka la rabo in looga guuro kolka lagu jaan-gooyo wadciga aynu iminka ku sugannahay? MUXUU YAHAY NIDAAMKA AYNU KU DHAQMAYNAY LABAATANKII SANO EE LASOO DHAAFAY? Cid walba oo dimuquraadiyadda u taqaan bixinta codka iyo xulashada hoggaanka oo kaliya, ayaa u taqaan nidaamka qabaligaa ee aynu ku dhaqano inuu isna yahay qaybsiga kuraaska xildhibaannada iyo xulashada musharaxa oo kaliya. Qolyahaani waxa ay hilmaansan yihiin amaba ay is hilmaansiinayaan in labadaan nidaamba ay ka guda wayn yihiin sida ay ula muuqdaan. Bulsho waliba waxa ay leedahay nidaam siyaasadeed ka turjama noloshooda iyo daruuufaha ku xeeran. Sidaas daraadeed waxa aynu nahay bulsho ka mida bulshooyinka raacatadaa oo lagu yaqaano inay lee yihiin dhaqan iyo xeer ku haboon daruuftooda. Waxa aynu lahaaan jirney hoggaamiyayaal la dooran jirey ooo gudoonka lahaan jirey iyo guurti talada maarayn jirtey. Waxa aynu lahayn xeer-beegti garsoorayaal ahaa iyo xeer kol hore la qabyo tiray. Waxa aynu lahay qaab iyo nidaam loo xalin jirey khilaafyada. Waxa aynu lahayn goob iyo geed looga doodi jirey amuuraha xasaasigaa ee kolkaas taagan, dood dheer ka gadaalna waxaa laysku raaci jirey hadba meesha loo bato oo uu shir-gudoonku ku ducayn jirey. Dhaqan-siyaasadeedkaan ayuu ahaa midkii uu la yaabay professor I.M. Lewes ee uu ka qoray buugiisa Pastoral democracy (dimuquraadiyaddii raacatada). Inkasta oo dhaqankii miyiga badankiisii laga yimid kolkii magaalooyinka la soo galay, haddana dhaqan-siyaasadeedkii raacatadu waa waxa kaliye ee wali saldhig u ah siyaasadda maamullada Soomaalida. Kolkii dawladdii dhexe ay duntayna waa nidaamka kaliye oo inoo shaqeeyey, maxaa yeelay waxa uu ahaa mid aynu anagu hindisnay. Dhaqamadii iyo xeerarkii ajnaanibta ee toobal-caarada inagu ahaayi waxa ay la dumeen dawladdii dhexe. Puntland waxa ay ka mid tahay meelaha ugu wanaagsan ee dhaqan siyaasadeed kaani ka jiro. Dhaqan kaani waxa uu gobolka u horseeday xasilooni-siyaasadeed oo ah waxa ugu weyn ee nidaam siyaasiya lagu qiimeeyo inuu hirgasho. Wuxuu kale oo uu xal u helay mashaakilaad siyaasadeed oo aynu soo wajahnay. Haddaba waxaad ogaataa xulashada xildhibaanka iyo doorashada musharaxu waa qayb yar oo ka mida nidaam siyaasadeedka raacatada ee aynu ku dhaqano. Qabiil walba waxa uu leeyahay magaalo looga dambeeyo, maleeshiyaad ka amar qaata, warbaahin afkiisa ku hadasha iyo kaabayaal dhaqaale oo uu isagu fan-gareeyo iyo kuwo kale oo uu maanka ku hayo sida jidad, dekado, Airabooro, jaamacado, isbitaalo iy ceelal. Shantii sanana qabaa’ishaan oo dhan ayaa doorta hoggaamiye aan lahayn kalmadda ugu dambaysa laakiin guddoon ridaa. Nasiib wanaag uma dirirno si jaantaa rogana ee dhaqan-siyaasadeed keena raacatada ayaa maareeya khilaaf-hoosaad yadeena. Haddaba qof walba oo jecel inaynu nidaam cusub u guurno waa in uu ogaadaa miisaanka uu leeyahay nidaamka aynu ka guurayno, iyo khatarta ka imaan karta midka aynu u guurayno. NIDAAMKA DOORASHADA IYO ASXAABTA BADAN. Dadka jecel inaynu nidaamkaan dhakhso ugu guurno waxa ay ka kooban yihiin saddex qolo. Kow, ajaanib aan dhaqanka iyo xaalkeena midna aan xog buuxda uhayn oo inagu dirqiya inaynu dhakhso uga guurno nidaam ka qabaligaa ( kuwaani waa kuwa uu Joseph Stiglits madaxwayne ku xigeenkii hore ee World Bankigu ugu yeero la taliyayaal la taliya kuwo uga aqoon badan waxa ay ka talinayaan laakiin aan cidina dhagaysan taladooda) Labo, dad ay ceeb ula muuqato waxa aynu ku dhaqmayno oo jeclaan lahaa in aynu mar’uun ka guurno waxa ula muuqda badawnimada. Saddex, dad soo arkay meelo nidaamka dimuquraadiyaddu si wanaagsan uga hirgashay kuna dooda inaynu dhabahooda dhakso u qaadno. Haddii aynu u jawaabna qolada u dambaysa waxa aynu xasuusinaynaa in dalalka nidaamkaan sida waafigaa uu ugugu shaqaynayaayi ay u soo mareen dariiq dheer. Dr. Francis Fukuyama oo ah siyaasad-yaqaan iyo bare sare oo caana ayaa waxa uu ku sheegay kitaabkiisa Political order and political decay in dawladaha caalamka ka jiraayi mid waliba sadexda qaybood ee uu nidaam siyaasadeedka casrigaa ka koobanyahay (state, rule of law and democracy) uu midkood dawlad-dhisiddiisa casrigaa ku bilaabay. Waa kolkii la hirgalinayey dawladaha casrigaa ee maanta caalamka ka jira (modern state). Fukiyama waxa uu yiri Germany oo ah meesha aabaha u ahayd modern state-ka dhistayna kan ugu fiican waxa ay ka bilowday dawlad-dhisideeda casrigaa dhismaha dawlad xoog badan, ka bacdina waxa ay uga gudubtay Rule of law oo ah saraynta sharciga, ugu dambayna waxay qaadatay dimuquraadiyadda kolkii uu dagaalkii labaad ee dunidu uu dhamaaday. Ingiriisku waxa uu ka bilaabay dawlad-dhisidiisa casrigaa saraynta sharciga ka bacdina waxa uu ku xijiyey dhisidda dawlad xoog leh ugu dambayna boqolaal sano ka bacdi ayuu dimuquraadiyadda hirgashey bilowgii qarnigii tagey. Afrika oo ah meesha uu nidaam siyaasadeedka ugu taagta darani ka jiro ayuu Fukuyama ku tilmaamay inay sabab u tahay halka ay wax ka bilaabeen oo ah is doorashada iyaga oo aan horay u lahaan jirin dawlado xoog leh iyo sarayn sharci toona, maxaa yeelay waxay ahaayeen bulshooyin qabaa’il ku dhisan ka hor intuu uusan gumaystuhu u imaan kaas oo aan isna hay’ado caga fiican ku taagan uga tagin. Haddaba bal ka waran marka aad doonayso dal burburay oo aan muddo soddon sanaa arag wax dawlada iyo bulsho qabaliya inaad dawlad-dhisidda uga bilowdo dimiquraadiyadda iyo nidaamka axsaabta badan oo aad kusoo aragtay meel uu ka shaqaynayo, laakiin aadan aqoon sida uu ugu shaqeeyey. Ka waran marka aad rabto inaad furto axsaab siyaasadeed iyada oo aysan jirin wax afkaar siyaasadeeda (political Ideology) sow markaas afkaarta iyo waxa siyaasad lagu abaabulaba (political mobilization) qabyaalad noqon maayaan, meedayse ku dhaqankii qabiilkii ee aad ka guuraysay? Dhanka kalana Professor Poul Colliar oo ah caalim ku xeel dheer Africa iyo dhaqaala yahan caana ayaa cilmi baaris uu sameeyey ku sheegay in dalalka fakhrigaa ay dimuquraadiyadu khatar ku tahay gaar ahaan haddii dakhligoodu ka hooseeyo saddex kun qofkiiba sanadkii. Waxa uu yiri nidaamkaani waa midka xasilooni darada u horseeda dalalka fakhrigaa ee dimiquraadiyadda u yaqaanaa is-doorashada. Ogow waxaa jira in kabad soddon dawladood oo africaana oo ku dooda inay ku dhaqmaan nidaamkaan laakiin waxa ay sameeyaan ay tahay doorashooyin ay ku shubtaan. Colliar waxa uu leeyahay nidaamkaan ayaa kali-talisyadii hadda u fahmeen qaab ay xukunka ku haysan karaan kolkii markii hore cadaadis lagu saaray inay doorashooyin qabtaan. GUNAANAD Shaki kuma jiro inaan la qabo wawalka uu qabo qof walba oo reer Puntland ah, ee ah go’aaminta ay masiirka ummadda go’aaminayaan lixdan iyo lix xildhibaan oo calooshood u shaqaystayaala, shantii sanabana mar doorta musharax usoo shaqo tahey inuu ka macaasho masaakiin la daalaa dhacaysa nolol maalmeed kooda. Sidaas daraadeed ayay khasab inagu tahay inaynu qaab xulashadeena wax ka badalno. Waxaan ka afeefanayaa inaadan qormadaan u fahmin in nidaamka aynu ku dhaqano aan laga gudbi karin iyo inuu yahaya kan ugu fiican. Waxaan leeyahay waxaa laga gudbi kara kolka aynu dhisno wax yaabihii kaabayey dawladnimada iyo dheelitirayaashii dimuquraadiyadda (ogow waxa aynu ka hadlaynaa maahan waxa loo yaqaqn liberal democracy oo ah nidaamka xoriyaadka mudlaqa ah ee waa modern state doorasho iyo axsaab ku dhisan) Waxaa lagama maarmaana inta taas ka horaysa inaynu hoggaankeena u doorano si ka gadisan sida aynu iminka u doorano inaga oo tixgalinayna dhaqan-siyaasadeed keena, kana duulayna inaan ka hortagno inay wax inoo dooraan koox yar oo codkooda ka baayac-mushtara. Waxaa dhici karta inaad is waydiiso maxaa nidaamka axsaabta badan ku jaban Somaliland-ba guul iyo sumcad ayay ku heshaye? Waa run in Somaliland dhawr doorasho oo ay xisbiyo badan oo axsaab beeleedihi ka qayb galeen ay qabatay, laakiin ha hilmaamin mar walba oo ay doorasho qabtaanba waxa ay u sii dhawaanayaan dhamaad keedii iyo inay sabab u noqoto xasiloono daro baahsan amaba qaran-jab. Qalinkii: Mohamed Ahmed Elmi The post Puntland:- Nidaamka axsaabta badan xal ma inoo yahay? appeared first on Puntland Post.

Muqdisho (Caasimada Online) – Waxaa bishii September 2018 uu dilal kala duwan ka dhacay magaalada Muqdisho kuwaa oo lala eegtay Saraakiil, Askar iyo dad shacab ah. Dilalka ugu badan ee bisha September ka dhacay magaalada Muqdisho ayaa badi lala eegtay Askar iyo shaqaale ka tirsan dowlada Federaalka. Dilalka noo diiwaan gashan ee Bishii tagtay ka dhacay magaalada Muqdisho ayaa gaaraya 27 dil, oo dhacay wakhtiyo kala gadisan. Dilalka dhacay ayaa noocooda ahaa kuwo madax-jabis ah oo ay geysteen maleeshiyaadka Shabaab ee sida ba’an kaga soo horjeeda dowlada Federaalka. HOOS KA AKHRISO DILALKA DHACAY BISHII SEPTEMBER 2018 1-Sep 2, 2018, Maleeshiyaad ku hubeysnaa bastoolado ayaa Suuqa Bakaaraha ku toogtay Askari la sheegay inuu kamid ahaa qeybta Minishiibiyada xili uu ku sugnaa Suuqa. 2-Sep 2, 2018, Kooxo ka tirsanaa Al-Shabaab ayaa gudaha Suuqa Bakaaraha gaar ahaan qeybta degmada Hodan ku dileen askari ka tirsanaa ciidamada dowlada xili uu ku howlanaa shaqo maalmeedkiisa, waxaana halkaa ka baxsaday dilka kadib maleeshiyada. 3- Sep 3, 2018, Ilaalada Garoonka Kubadda Cagta Koonis ee magaalada Muqdisho ayaa toogasho ku dilay mid ka mid ah dhalinyarada Ciyaar ka socotay Garoonka u soo daawasho tegay gaar ahaan Wiil taageero u ahaa Kooxda ku ciyaareysay Magaca degmada Yaaqshiid, waxaana lagu Magacaabi jiray Marxuum Cabdifitaax Muuse. 4- Sep 4, 2018, Waxaa degmada Kaaraan gaar ahaan Xaafada Jamhuuriyo lagu dilay Askari ka tirsan ciidamada Militeriga Somalia. 5-Sep 4, 2018, Rag la socday gaari noociisa lagu sheegay Kaarib ayaa magaalada Muqdisho, gaar ahaan Degmada Kaaran ku dilay Askari ka tirsan dowlada xili uu kasoo baxay shaqooyinkiisa. 6-Sep 4, 2018, Kooxo ku hubeysnaa qoryaha AK47 ayaa Degmada kaaraan ee Gobolka Banaadir ku toogtay Askari ka tirsanaa ciidamada dowlada, iyadoo dilka kadib ay ka baxsadeen goobta. 7-Sep 4, 2018, Waxaa degmada Kaaran ee Gobolka Banaadir lagu dilay Askari ka tirsan ciidamada Dowlada xili uu kasoo baxay shaqooyinkiisa Qaran, waxa uuna dilkiisa ka dhacay Xaafada Jamhuuriyo. 8- Sep 5, 2018, Maleeshiyaad hubeysnaa ayaa xaafada Baar Ha’idhaafin ee degmada Waaberi ku dileen askari ka tirsanaa ciidanka dowladda gaar ahaan kuwa NISA. 9- Sep 11, 2018, Maleeshiyaad ku hubeysnaa bastoolado ayaa agagaarka suuqa Khudaarta degmada hodan ee gobolka banaadir ku toogtay nin lagu magacaabo Maxamed Xasan Firinbi oo da’adiisa lagu qiyaasay 60 sano jir. 10- Sep 11, 2018, Kooxo ku hubeysnaa bastoolado ayaa Xaafadda KPP ee Degmada Hodon ku dilay xubin ka mid ahaa shaqaalaha Wasaaradda qorsheynta Xukuumadda Soomaaliya oo lagu magacaabayay Cumar Xasan Ganey. 11- Sep 12, 2018, Maleeshiyaad ka tirsanaa Al-Shabaab ayaa Suuqa Bakaaraha qeybta Khudaarta ku dilay qof shacab ahaa oo la sheegay inuu kamid ahaa xamaalatada Suuqa. 12- Sep 16, 2018, Askari ka tirsan ciidamada Militeriga oo magaciisa lagu sheegay Baliil, ayaa Suuqa Bakaaraha, gaar ahaan agagaarka Carwa Liimon ku dilay Askari kale oo ka tirsanaa ciidamada Minishiibiyada oo lagu magacaabi jiray Fanax. 13- Sep 17, 2018, Rag ku hubeysnaa bastoolado ayaa afaafka hore ee shirkadda Amal oo ku taalla suuqa Bakaaraha ku weeraray C/qaadir Al Waasac oo ka mid ah mas’uuliyiinta shirkaddaasi oo halkaa looga qaaday dhaawac culus. 14- Sep 17, 2018, Kooxo ku hubeysnaa mindiyo ayaa Xaafada Suuqa Xoolaha ee Degmada Heliwaa ku dilay nin Oday ahaa oo da’diisa lagu sheegay 45 Jir, kaa oo xiliga la dilaayay kusii jeeday Suuqa Bakaaraha. 15- Sep 18, 2018, Mid ka mid ah ilaalada General Sheegow oo ka tirsan saraakiisha ciidanka Millatariga Somaliya ayaa Muqdisho ku toogtay gabar yar oo lagu magacaabo Deeqo Daahir Cali, waxa uuna si gaara dilka uga dhacay agagaarka isbitaalka Recep Tayyip Erdogen. 16- Sep 19, 2018, Maleeshiyaad ku hubeysnaa bastoolado ayaa suuqa Bakaraaha ku dileen Nin la Sheegay inuu ka shaqeeyo rarista Gaadiidka ka howlgala isgooska Suuqa Bakaraha ee Muqdisho. 17-Sep 21, 2018, Kooxo ku hubeysnaa bastoolado ayaa Askari ka tirsanaa ciidanka Booliska ku toogtay suuqa beerta gaar ahaan dhanka degmada Xamar Jajab meel aan sidaas uga fogeyn afafaaka hore ee xerada ciidanka Afasiyooni waxaana lagu magacaabi jiray Mahad Gudhuu. 18-Sep 21, 2018, Koox ku hubeysnaa bastoolado ayaa Jaamacadda Soomaaliya (UNISO) qeybta Baar Ubax ku dhextoogtay Aamina Xuseen Xasan oo gudaha fasalka loogu dhex galay. 19-September 21, 2018, Ciidamo ka tirsan dowlada ayaa Xaafada Seybiyano ee Degmada Hodan Gobalka Banaadir ku dilay Dayax Iimaan Xasan Jiirow oo ka tirsanaa shaqaalaha Waaxda farsamada maamulka Xamar. 20-Sep 23, 2018, Maleeshiyaad ku hubeysnaa bastoolado ayaa isgooska Suuqa Bakaaraha ee Degmada Howlwadaag ku toogtay wiil dhalinyaro ahaa oo la sheegay inuu ka mid ahaa kuwa rara gawaarida BL-ka. 21-Sep 24, 2018, Ciiadamo ka tirsan dowlada ayaa nawaaxiga Saldhiga booliska degmada Yaaqshiid ee Gobolka Banaadir ku toogtay nin doonaayay inuu u dhaco guri ku dhow Saldhiga kaa oo inta badan laga wada garanaayo degmada. 22- Sep 25, 2018, Maleeshiyaad ku hubeysnaa bastoolado ayaa agagaarka Masjidka Xareed oo u dhow Isgoyska Baar Ubax ee Magalada Muqdisho ku dilay Maxamuud Cabdi Maadhiin oo ka tirsanaa howlwadeenada Shirkada Isgaarsiinta Somtel. 23- Sep 25,2018. Kooxo bastoolado ku hubeysnaa ayaa Xaafada taleex agagaarka Madaxtooyadii hore Cabdi Qaasim ee Degmada Hodan ku toogtay qof shacab ah. 24- Sep 27, 2018, Kooxo ku hubeysnaa bastoolado ayaa degmada Warta-nabada ee Gobolka Banaadir ay ku dileen Qof Shacab ah, dilkan ayaa waxa uu ka dhacay agagaarka masjidka Cabdalo iyo Cawa wareer ee ku yaalla degmada Warta-nabada xili qofkaasi uu fadhiyay goob lagu cabo shah. 25- Sep 27, 2018, Nin ku hubeysnaa qori nooca loo yaqaan AK47 ayaa waxa uu Waaxda Faanoole ee degmada Kaaraan ku dilay wiil dhalinyaro ahaa oo la sheegay inay qaraabo ahaayen, dilka ayaa ka dhashay kadib markii labaduba ay ku murmeen maandooriye ay isticmaalayeen. 26- Sep 30, 2018, Rag ku hubeysnaa bastoolado oo la socday Mooto ayaa gabar Ardayad aheyd ku dileen Agagaarka hotelka Guuleed ee degmada Yaaqshiid gobolkan Banaadir, waxaana lagu magacaabayay marxuumada Caa’isho Cali Saneey. 27- Sep 30, 2018, Kooxo ku hubeysned bastoolado ayaa magaalada Degmada Xamar-weyne ee Gobolka Banaadir ku dilay wiil dhalinyaro ah oo ku sugnaa suuqa degmada kaa oo la oran jiray Ayuub. Si kastaba ha ahaatee, dilalka dhacay Bisha September ayaa noqonaaya dilal aad u yar marka loo eego dilalkii horay u dhacay bilihii tagay. Caasimada Online Xafiiska Muqdisho Caasimada@live.com

Cumar Cabdullaahi Faraweyne Guddoomiyihii hore ee gobolka Nugaal Cumar Cabdullaahi Faraweyne ayaa loo magacaabay xil cusb oo taliyenimo Digreeto maanta ka soo baxday xafiiska Madaxweynaha Puntland Cabdiweli Maxamed Cali Gaas ayaa Cumar Cabdullaahi Faraweyne loogu magacaabay Taliyaha ciidanka kaydka Puntland. Ciidamada keydka ayaa ah ciidamo beelaha Puntland keeneen oo boqolaal kamid ah ay hadda ku sugan yihiin deegaanka Tukaraq ee gobolka Sool oo ay ka jirto colaad u dhexaysa Puntland iyo Somaliland. Cumar Cabdullaahi Faraweyne oo mar soo noqday Taliyha ciidamada madaxtooyada Puntland ayaa Madaxweyne Gaas Guddoomiyaha gobolka Nugaal ka qaaday 24-kii bishii hore ee September. Madaxweyne Gaas ayaa muddooyinkii u dambeeyay magacaabay Taliyeyaal ku cusub Puntland oo ay kamid yihiin Taliyaha la dagaalanka mukhaadaraadka, Taliyaha Xasilinta Nugaal iyo Taliyaha ciidamada keydka. Hoos ka akhriso digreetada Xeer Madaxweyne Lr.135 October 2, 2018, kuna saabsan magacaabid Taliaya Ciidanka Kaydka ah ee Dowladda Puntland. Madaxweynaha Dowladda Puntland. Markuu Arkay: Dastuurka Dowladda Puntland Markuu arkay: Aqoontiisa iyo waayo aragnimadiisa shaqo Wuxuu Xeeriyey: 1.Waxaa G/Sare Cumar Cabdullaahi Maxamed (Cumr Fara-weyne ) loo magacaabay Taliyaha Ciidanka Kaydka ah ee Dowladda Puntland. Xeerkani waxa uu dhaqan gelayaa markuu madaxweynuhu Saxiixo wuuna saxiixay madaxweynuhu. -DHAMMAAD- PUNTLAND POST The post Puntland:- Cumar Faraweyne oo Taliye loo magacaabay appeared first on Puntland Post.

MOGADISHU (HOL) – Somalia’s government says it’s prepared to ban the imports and use of the right-hand drive vehicles in an attempt to improve road safety in the long-chaotic horn of Africa nation which is recovering from decades of civil unrest. Source: Hiiraan Online

Wararka Warbaahinta PUNTLAND POST saaka ka helayso deegaanka Gawaan oo ku yaalla Koonfurta gobolka Mudug waxa ay sheegayaan in waaberigii uu ka dhacay shil gaari oo sababay dhimasho iyo dhaawac. Inta la xaqiijiyey shilkaas waxaa ku dhintay Lix ruux, halka dad kale ay ku dhaawacmeen, kuwaas oo la geeyey mid kamid ah isbitaalada ku yaalla Magalada Gaalkacyo ee xarnuta Gobolka Mudug. Shilkan ayaa sababta keentay lagu sheegay in wadooyinka qaar ee gobolka mudug ay haatan yihiin kuwo burbursan, iyada oo dadkii shilkaasi ku waxyeeloobay ay u gurmadeen dad xoolo dhaqato ah oo ku nool Koonfurta gobolka Mudug. Cabdiqani Boos Puntland Post The post 6 Qof oo ku dhintay shil gaari oo ka dhacay Koonfurta Gobalka Mudug appeared first on Puntland Post.

Wararka maanta oo Talaado ah ka imaanaya deegaanka Aadan Yabaal ee gobolka Shabellaha Dhexe ayaa waxay sheegayaan in halkaasi ay ka taagan tahay xiisad u dhaxeysa Al-shabaab iyo sidoo kale dad iskood isku abaabulay oo ah dadka deegaanka. Xiisaddan maanta lasoo sheegayo ayaa daba socoto dagaal xooggan oo shalay ka dhacay deeganno ku dhow Aadan Yabaal. Dagaalladii shalay dhacay waxaa lagu soo waramayaa iney ku dhinteen 6 qof, iyadoo dhaawacuna intaasi ka badan yahay. Al-shabaab ayaa la sheegay iney doonayaan iney qabsadaan deegaannadii shalay lagu dagaallamay iyo sidoo kale Aadan Yabaal, iyadoo dadka deegaankana ay difaac xirteen. Gobolka Shabellaha Dhexe waxaa muddooyinkaanba ka jiray shacab is abaabulay islamarkaana doonaya iney la dagaallamaan Al-shabaab. Warkaan wixii kusoo kordha kala soco wararkeena kale Goobjoog News Source: goobjoog.com

Warar dheeraad ah ayaa laga helayaa dil xalay magaalada Boosaaso ee xarunta gobolka Bari loogu geystay Saddex ruux oo u dhalatay Itoobiya, kana soo jeedda qomiyadda Oromada. Rag hubeysan ayaa la sheegay in ay weeraraan goob ay dadkaan ku sugnaayeen, waxaana sidoo kale halkaasi ku dhaawacmay Labo kale. Goob joogayaal ayaa sheegay in goobtaasi ay isaga baxsadeen raggii weerarkaasi ka dambeeyey. Dadkan la weeraray ee Oromada ah ayaa la xaqiijiyey in halkaasi socoto ku ahaayeen oo ay doonayeen iney kasii tahriibaan. Ciidamada ammaanka Puntland oo gaaray halka weerarkaan uu ka dhacay ayaa sameeyey howlgal illaa iyo hadda natiijadiisa aan la shaacin. Dilalka loo geysanayo dadka Oromada ah ayaa kusoo badanaya magaalada Boosaaso ee xarunta gobolka Bari. Goobjoog News Source: goobjoog.com

Boqol iyo Labatan qoys oo ka soo laabtay xeryaha qaxootiga Dhadhaab ayaa sheegay mudadii ay ku sugnaayeen gobolka Gedo ay soo wajahday xaalado adag oo dhanka nolasha ah. Waxa ay sheegeen in gargaar aysan helin waqti badan oo ay joogeen degaanka ay ku noolyihiin, iyagoo sheegay in dhowr jeer ay u cawdeen maamulka deegaanka Garilley oo ay ku sugan yihiin. Maxamed Maxamuud Guddoomiyaha deegaanka Garilley ee gobalka Gedo ayaa dhankiisa sheegay in dhankooda awood aysan u laheyn in qoysaskaas ay caawiyaan balse ay wadaan dedaallo ku aadan sidii loo caawin lahaa. Waxaa soo badanaya maalmahan dambe cabashada ay qabaan barakacayaasha ku nool gobolka Gedo, kuwaasi oo u badan dadkii kasoo laabtay xerayaha qaxooti ee Kenya. Halkaan hoose ka dhageyso: https://goobjoog.com/wp-content/uploads/2018/10/Qoysas-ka-soo-laabtey-Xeryaha-Qaxootiga-Kenya-oo-ku-dhibaateysan-deegaanka-Geriley-ee-Gobolka-.mp3 Goobjoog News Source: goobjoog.com

African Union Mission in Somalia (AMISOM) said on Monday that it has carried out training of 100 police officers on ways to mitigate potential terrorist threats at checkpoints. Source: Hiiraan Online

Aqoonyahan Maxamed Maxamuud Caalim ayaa sheegay in dowladda dhexe laga doonayo in si daah furan u dhisto guddiga la dagaalanka musuq maasuqa. Waxa uu sheegay Caalim in guddigan tiro ahaan aan laga dhigi Sagaal xubnood, balse la gaarsiiyo illaa 50 qof oo ka kooban qeybaha kala duwan ee bulshada. Dowladda ayuu sheegay iney tahay tan laga baarayo Musuqa, sidaasi darteedna xubnaha guddigan muhiim yihiin iney ka yimaadaan maamul goboleedyada, culimada, dhallinayarada iyo Haweenka. Halkaan hoose ka dhageyso: https://goobjoog.com/wp-content/uploads/2018/10/WAREEYSI-MAXAMED-MAXMUUD-.mp3 Goobjoog News Source: goobjoog.com

Golaha amniga Jubbaland ayaa kulankoodii Billaha ahaa waxay kaga hadleen arrimo u badan dagaallada ka dhanka ah Al-shabaab, iyaga oo isku raacay in la xoojiyo. Sarreye Gaas Yuusuf Xuseen Dhuumaal oo ah la taliyaha dhanka amniga ee madaxweynaha Jubbaland ayaa saxaafadda u sheegay waxyaabihii la isku raacay. Waxa uu tilmaamay in la isku raacay in la xoojiyo lana dardargeliyo howlgallada ka dhanka ah Jubbaland iyadoo la gaashanaya dowladda federaalka iyo cid walbo oo gacan ka geysaneysa. Sidoo kale, Dhuumaal ayaa sheegay in golaha amniga Jubbaland isku raacay in la adkeeyo amniga deegaannada lagala wareegay Al-shabaab, sidoo kalena la qabto deegaanno kale oo hor leh. Ciidamada xoogga dalka iyo kuwa Jubbaland ayaa howlgallo ka wada deegaanno ka mid ah Jubbooyinka. Goobjoog News Source: goobjoog.com

Muqdisho (Caasimada Online)-Xukuumada Somalia ayaa si rasmi ah u joojisay ka ganacsiga daawada loo isticmaalo cudurka TP-da oo saa’id loo kala iibsado. Wasiirka caafimaadka xukuumadda federaalka Somalia Fawsiyo Abuukar Nuur, oo soo saartay amarka lagu mamnuucay isticmaalka daawada ayaa sheegtay in cudurka TP-da uu si weyn fara ba’an ugu hayo dadka Soomaaliyeed ee bukaanka u ah. Waxa ay sheegtay wasiir Fowsiyo oo la hadashay VOA-da daawooyinka laga ganacsado ee TP-da ay uga sii dartay in cudurka uu bulshada ku dhex faafo, islamarkaana ay adkaato daweynta dadka uu soo ritay cudurkan. “TP-da waa cudurada ugu badan ee Soomaalida aadka u saameeya, waxaa naga kaalmeeya dawadooda, bukaanada dawooyinka la siiyo ee cudurkan waa daawo lacag la’aan ah, laakiin Soomaaliya waxaa ka jira dawooyin aan sax aheyn oo dalka la soo geliyo, Soomaaliya cudurkan aad ayuu u hayaa”. Ayay tiri wasiirka caafimaadka. Wasiiradu waxa ay sheegtay iyada oo arrimahaasi oo dhan laga hortagayo in dowladda Somalia ay ku dhawaaqday inay joojisay ka ganacsiga daawada cudurka TP-da. Wasiir Fowsiyo waxa ay sheegtay in Dawooyinka Cudurka Qaaxada uu bilaash yahay islamarkaana laga helo karo Goohaba caafimaadka sidaas darteedna ay sharci darro tahay in laga ganacsado. Sidoo kale, waxa ay sheegtay in isbitaallada Dowladda ay la wareegayaan isla markaana ku shaqeyneyso dowladda sida ay xustay. Si kastaba ha ahaatee, waxaa ay Wasiiraddu sheegtay in inta badan Isbitaallada Dowladda ay gacanta ku hayaan shaqsiyaad ama Hay’ado aan dowli ahayn,kuwaas oo ay sheegtay in laga wareejinayo. Caasimada Online Xafiiska Muqdisho Caasimada@live.com

Taliska ciidanka xasilinta magaalada Garoowe ayaa ka hadlay howlgallo ay maalmihii ugu dambeeyey ka sameeyeen magaaladaasi. Jeneraal Muxyadii Axmed Muuse oo ah taliyaha ciidanka xasilinta Garoowe ayaa sheegay in marnaba aan la aqbali doonin dhallinyarada dhibka ku hayso magaalada. Wuxuu tilmaamay taliyaha in hadda ay dad kusoo qabteen howlgalladii ay sameeyeen, kuwo kalena ku raadjoogaan. Sidoo kale, taliyaha ayaa sheegay in dhallinyarada dhibka geysata islamarkaana ka cararta magaalada usoo qaban doonaan waalidkii dhalay. Waxaa Garoowe si aad ah ugu soo batay falalka amni darri, iyadoo dhallinyaro mindiyo ku hubeysan ay dhib ku hayaan dad shacabka ah. Halkaan hoose ka dhageyso: https://goobjoog.com/wp-content/uploads/2018/10/Cod-Taliyaha-sax-ah.mp3 Goobjoog News Source: goobjoog.com

Golaha degaanka waqooyiga magaalada gaalkacyo ayaa ku eedeeyay madaxada ugu sareeysa Puntland in ay boobayaan hantida dowladdii dhexe Soomaaliya oo ay ka mid tahay Xeradii siinaay ee ciidanka xoogga dalka. Xildhibaan Ibraahin Jabriil Ciise oo kamid ah golaha degaanka waqooyiga gaalkacyo ee puntland ayaa sheegay in dhulkaas lagu wado iib iyadoo cidba meel ay jaratay, waxa uu sheegay in hantida maguurtada ah ee dowladdii dhxe aysan sax aheyn in shaqsiyaad ay iibsadaan. Waxa uu tilmaamay in sidoo kale iibka xeradan ay kaalin ka geysanayaan waxgarad iyo ganacsato Puntland ah. Madaxda Puntland ayuu sheegay iney wax kala socdaan arrintan, islamarkaana ay si gaar ah ugu eedeynayaan madaxweyne Gaas uu dhulkaasi bixiyey. Halkaan hoose ka dhageyso: https://goobjoog.com/wp-content/uploads/2018/10/Xildhibaan-Ibraahim-Jibriil-Ciise-Golaha-deegaanka-gaalkacyo-.mp3 Goobjoog News Source: goobjoog.com

Source: Hiiraan Online