Jigjiga (Caasimada Online)-Warar lagu kalsoon yahay oo aan ka heleyno ilo ku dhow dhow Madaxweynaha maamulka DDSI Mustafe Cagjar ayaa sheegaya in Madaxweynuhu uu is hortaag ku sameeyay dadaal lagu doonaayay in cafis loogu fidiyo Madaxweynihii hore ee maamulka. Illo wareedka aan xogtaani ka helnay ayaa sheegaya in Madaxweyne Mustafe Cagjar uu hor istaagay qorshaha Cafiska, isagoo taa bedelkeeda soo jeediyay in sharciga loo madax-baneeyo arrinta Cabdi Cumar. Mustafe Cagjar, ayaa dadaalkaasi lagu cafin lahaa ka hor istaagay Mas’uuliyiin ka tirsan maamulka, Ganacsato iyo Odayaal ku xiran dowlada. Mustafe Cagjar, oo kulan saacado qaatay la yeeshay dhinacyadaas ayaa sheegay in Cabdi Cumar uu yahay danbiile sidaa aawgeed isaga iyo Cafis ay kala fogyihiin. Waxa ay xogtu intaa kusii dareysaa in Mustafe Cagjar uu dhinacyadaasi uga digay inay faragaliyaan arrimaha Cabdi Cumar oo uu sheegay inay marayaan meelo adag. Sidoo kale, Mustafe Cagjar waxa uu dhinacyadaasi u cadeeyay in Ra’isul wasaaraha Ethiopia Abiy Axmed Kiiska Cabdi Cumar uu ku wareejiyay Xeer ilaalinta Ethiopia, sidaa aawgeed uusan diyaar u aheyn in xiligan uu faragaliyo Kiiska maxbuuska. Mustafe Cagjar, ayaa horay u sheegay in Cabdi Cumar uu yahay danbiile u baahan in la mariyo sharciga, isagoo si guud u carab ***** danbiyada lagu tuhmayo isaga iyo Taliyayaal ciidan oo si wada jira loo xiray. Si kastaba ha ahaatee, Mustafe Cagjar ayaa xeer ilaalinta horay ugu wargaliyay in faragalin la’aan lasoo xiro Kiiska Cabdi Cumar oo uu sheegay inuu abuuray cadaalad daro. Caasimada Online Xafiiska Jigjiga Caasimada@live.com

Cadaado (Caasimada Online)-Maamulka Galmudug ayaa sheegay in weli ay socoto faragelinta madaxda DFS ay ku hayaan arrimo hoosaadka maamul goboleedka Galmudug. Wasiirka warfaafinta maamulka Galmudug Maxamed Aadan Cusmaan (Masagawaa) oo u hadlaayay maamulka ayaa sheegay in DFS ay weli dhibaatooyin ku heyso maamulka. Masagawaa mar uu shir Jaraa’id ku qabtay magaalada Dhuusamareeb, ayuu sheegay in madaxda dowladda ay adeegsaneyso xubnaha aqalka sare ku matala Galmudug. Golaha aqalka sare ayuu sheegay inay ka gaabiyeen gudashada waajibaadkooda dastuuriga ah, islamarkaana ay ku milmeen faragelinta madaxda dowladda ay ku heyso Galmudug. Nuqul kamid ah haddalkiisa ayaa ahaa “Waxaa weli nagu socda faragelinta madaxda dowladda federaalka ay ku hayaan arrimo hoosaadka maamul goboleedkadka Galmudug” “Galmudug waxa ay weli qaati ka taagan tahay faragalinta dowlada oo hadda yeelatay waji cusub, iyaga oo adeegsanaya Senatarada aqalka sare ee Soomaaliya, waxaa cad in aqalka sare ay ka gaabiyeen gudashada waajibaadkooda dastuuriga ah” “Waxaanu qireynaa in Sanatorada Aqalka Sare ee na matala ay ku milmeen faragelinta dowladda ay nagu heyso waxa aan kula xisaabtami doonaa gudasho la’aanta matalaadooda” Masagga-waa, ayaa sheegay in la gaaray xilligii Maamulka Galmudug uu la xisaabtami lahaa xildhibaannada aqalka sare ku matala,kuwaas oo ay ku eedeeyeen in ay gabeen shaqadoodii. Waxaa weli muuqata inaan xal waara laga gaarin khilaafka u dhaxeeya madaxda Galmudug oo mar marka ka dambeysa waji cusub yeelanaya, waxayna arrintu ka sii dartay markii xildhibaanada ay laba u kala qeybsameen, islamarkaana xilalkii ka kala qaadeen madaxda Galmudug. Dhinaca kale, Galmudug ayaa dowlada Somalia ugu goodisay inay kusii fogaan doonto xiisadaha kala dhexeeya, waa haddii aan faraha lagala bixin amuuraheeda gaarka ah. Caasimada Online Xafiiska Cadaado Caasimada@live.com

Kismaayo (Caasimada Online)-Wararka naga soo gaaraya Gobolka Gedo ayaa sheegaya in xalay diyaarado dagaal ay duqeymo culus ka geysteen degaano ka tirsan gobolkaasi. Duqeynta oo aad u xooganeyd ayaa waxa ay si gaara uga dhacday tuulooyinka Makka iyo Qansax-oomane oo hoostaga degaanka Ceel-cadde ee gobolka Gedo. Diyaaradaha duqeynta geystay ayaa dhawr jeer ku laalaabtay goobahaasi oo la sheegay inay fariisimo ku lahaayeen maleeshiyada Al-Shabaab. Khasaaro kala duwan ayaa ka dhashay duqeynta taa oo soo gala gaartay maleeshiyaad taabacsanaa Al-Shabaab iyo dad rayid ah. Warar madax-banaan ayaa sheegaya in duqeynta lagu dilay Horjooge ka tirsanaa Al-Shabaab iyo afar dagaalyahano oo isaga la soctay. Horjoogaha iyo maleeshiyada la sheegay in lagu dilay duqeynta ayaa kamid ahaa xagjiriinta sida aadka ah loo baadi-goobayay. Ma cadda ilaa hadda khasaaraha dhabta ah ee ka dhashay duqeyntan, balse waxaa socda baaritaan arrintan la xiriirta. Caasimada Online Xafiiska Kismaayo Caasimada@live.com

War-murtiyeed ka soo baxay Golaha iskaashiga dowlad goboleedyada Soomaaliya ayaa looga hadlay war-murtiyeedkii labadii bishan ka soo baxay Aqalka sare ee Baarlamanka Soomaaliya. War-murtiyeedka ayaa lagu sheegay in Golaha ay lama filaan ku noqotay war murtiyeed Aqalka sare ka soo saareen arrimaha gudaha ee dowlad goboleedka Galmudug. Sidoo kale war-murtiyeedka ayaa lagu sheegay in Goluhu ka walaacsan yahay in la dhinac maray war murtiyeedkii ay ka soo saareen shirkii magaalada Kismaayo gaar ahaan qodobkiisa 3.9, kaas oo ka digayay faragelinta arrimaha gudaha ee Galmudug. Golaha Iskaashiga dowlad Goboleedyada ayaa ugu baaqay Aqalka sare ee Baarlamaanka inay qadariyaan mowqifkooda. Aqalka sare ee Baarlamaanka Soomaaliya ayaa horey u sheegay in ay dhexdhexaadinayaan dowladda federaalka iyo dowlad goboleedyada, balse sida muuqata kuma guuleysan karaan xal u helida khilaaf labada dhinac. Dowladda Federaalka Soomaaliya ayaa ku guuleystay in ay kala jebiso Golihii iskaashiga dowlad goboleedyada, kadib markii ay heshiis la gaartay Hirshabeelle. PUNTLAND POST The post Dowlad goboleedyada oo ka hor-yimid warkii Aqalka sare ee Galmudug appeared first on Puntland Post.

Saldhigga magaalada B/weyne ee xarunta gobolka Hiiraan waxaa ku xiran saraakiil ka tirsan Nabad sugidda, waxaana ammarka lagu xirey bixiyey guddoomiyaha cusub ee gobolkaasi Yuusuf Dabageed. Saraakiishan xiran ayaa kala ah taliyahii Nabad sugidda Hiiraan iyo sidoo kale kan B/weyne. Sababta ugu weyn ee loo xirey ayaa lagu sheegay in ay diideen xilka iney wareejiyaan kadib markii dhowaan uu xilka ka qaaday madaxweyne Waare. Dhanka kale, xiriir aynu la sameennay mas’uuliyiin sare oo maamulka Hiiraan ah ayaa ka gaabsaday in arrintan a faah faahin dheeraad ah naga siiyaan. Warkaan wixii kusoo kordha kala soco wararkeena kale Goobjoog News Source: goobjoog.com

When dozens of people died in ethnic clashes last month on the outskirts of Ethiopia’s capital, Addis Ababa, protesters took to the streets. The government, meanwhile, turned off the internet. Source: Hiiraan Online

President Trump’s reintroduction of sanctions on Iran isn’t going over well with the international community. On Wednesday, the United Nations’ highest court ordered the United States to remove any restrictions on the export of humanitarian goods and services to Iran. Source: Hiiraan Online

Maamulka Hirshabelle ayaa sheegay in dowladda dhexe ay aqbashay in maamulkaasi laga caawiyo dagaallada ka dhanka ah Al-shabaab iyo in la furo waddooyinka u xiran ururkaasi. Cali C/laahi Guudlaawe oo ah madaxweyne ku xigeenka dowlad goboleedka Hirshabelle oo soo gabagabeeyey safar uu ku yimid Muqdisho ayaa Jowhar ka sheegay in la qaado doono howlgallo dheeraad ah oo maamulkoodu horkacayo dowladana ay qeyb ka tahay. Waxa uu tilmaamay in Al-shabaab laga saari doono dhammaan deegaannada Hirshabelle, howlgalladaasina qaarkood ka bilowdeen deegaanno ka mid ah Hirshabelle. “Dowladda waxaa isku soo afgarannay in dadkaan dhibaatada haysata ee amni wax laga qabto, annagane aan horkacno dedaalkaasi lagu xoreynayo, dowladdana wey nala qaadatay” ayuu yiri Guudlaawe. Dhanka kale, madaxweyne ku xigeenka Hirshabelle ayaa ku bogaadiyey shacabka ku dhaqan degmada Aadan Yabaal sida ay ugu istaageen iney la dagaallamaan Al-shabaab, isaga oo sheegay in Hirshabelle shacabka is abaabulay gacan siin doonto. Deegaanno ka mid ah gobollada Hirshabelle waxaa ka socda dagaallo ka dhan ah Al-shabaab. Goobjoog News Source: goobjoog.com

Ciidanka xoogga dalka oo garab ka helaya kuwa maamulka K/galbeed ayaa waxa ay u suurtagashay iney la wareegaan deegaanka Goofgaduud Buurey ee gobolka Baay. Deegaankan waxaa maalin kahor qabsaday dagaalyahannada Al-shabaab, iyadoo halkaasi isaga soo baxeen ciidanka xoogga dalka. Wararka waxa ay sheegayaan in ciidan badan oo DFS iyo kuwa K/galbeed ah ay gabaladhacii shalay gudaha u galeen deegankan. Waxaa jirtay dagaal kooban oo halkaasi ka dhacay, iyadoo ugu dambeyn Al-shabaab isaga baxeen deegaanka Goofgaduud Buurey. Mas’uuliyiin ka mid ah maamulka deegaankan ayaa sheegay in xaaladda ay maanta tahay mid deggan, islamarkaana ciidanka dowladda iyo kuwa K/galbeed sugayaan ammaanka deegaankaasi./ Deegaanka Goofgaduud Buurey ayaa maalmahan dambe u dhaxeeyey ciidanka DFS iyo kuwa Al-shabaab. Goobjoog News Source: goobjoog.com

Wararka ka imaanaya gobolka Shabellaha Hoose saakay oo Khamiis ah, ayaa waxay sheegayaan in ciidanka dowladda federaalka Soomaaliya howlgallo ballaaran ka wadaan deegaanka Leego ee gobolka Shabellaha Hoose iyo deegaanno kale oo deegaankaasi hoostaga. Goob joogayaal ayaa sheegay in ciidanka ay ku faafeen deegaannadan, kadib markii shalay iyo xalay halkaasi ciidanka DFS lagula eegtay qaraxyo. Saraakiisha hoggaamineysa howlgalkaan oo aynu xiriir la sameennay waxa ay ka gaabsadeen iney faah faahiyaan howlgallada ay wadaan, welina lama oga in ay dad kusoo qabteen iyo in kale. Gobolka Shabellaha Hoose ayaa ka mid ah gobollada dalka ee amni darrada ay ka jirto, waxaana ka dagaallama deegaanno ka mid ah gobolkaasi Al-shabaab. Warkaan wixii kusoo kordha kala soco wararkeena kale Goobjoog News Source: goobjoog.com

Golaha iskaashiga dowla dowlad goboleedyada ayaa soo saaray qoraal ay kaga hadlayaan qoraal uu dhowaan aqalka sare kasoo saaray khilaafka ka taagan Galmudug. Goluhu wuxuu sheegay inuu aad uga xun yahay qoraalkaasi oo ay sheegeen inuu hareer maray qodobka 3.9 ee war-murtiyeedkii uu golahan kasoo saaray khilaafka Galmudug iyo sidoo kale wadatashi la’aan. Waxay aqalka sare oo metala dowlad goboleedyada ugu baaqeen in ay ka shaqeeyaan xal u helista waxa taagan iyo sidoo kale matalaad dhab ah oo dowlad goboleedyada. Halkaan hoose ka akhriso: Goobjoog News Source: goobjoog.com

The African Union Mission in Somalia (AMISOM) and key international partners have concluded a meeting in Mogadishu, convened to devise ways of reducing the threat posed by Improvised Explosive Devices (IEDs) in Somalia. Source: Hiiraan Online

South African schools will teach Swahili alongside other non-African languages such as Mandarin, French and German. Proponents hope it may one day become a lingua franca for the African continent. Source: Hiiraan Online

The trial of 189 suspected Islamist militants began in Mozambique on Wednesday, with the accused allegedly involved in attacks against police and civilians in the northern province of Cabo Delgado. Source: Hiiraan Online

WASHINGTON (Reuters) - The Trump administration on Wednesday pulled out of two international agreements after Iran and the Palestinians complained to the International Court of Justice about U.S. policies, the latest withdrawal by Washington from multilateral accords. Source: Hiiraan Online

Ogaden is a 327,000 square kilometer territory located in eastern Ethiopia and on the border with Somalia. The region was once part of the Somali Ifat Sultanate before it was handed back and forth from one European colonial ruler to another, with both Italy and Britain laying claims over the land during the previous century. Source: Hiiraan Online

The disaster in Somalia offered America a glimpse of the future of warfare. No one listened. Source: Hiiraan Online

Addis Abeba, October 03/2018 – More than 1000 members of the ruling EPRDF’s movers and shakers are gathered in the lake city of Hawassa, the capital of the Southern Nations Nationalities and People’s Regional state Source: Hiiraan Online

Washington (Caasimada Online) – Madaxweynaha Mareykanka Donald Trump ayaa aad u bah-dilay boqorka dalka Sacuudiga Salmana Bin Cabdulcasiis, isaga oo ka dhigay qof aan isku filneyn oo Mareykanka la’aantiis aan xukun hayn lahayn. Trump ayaa adeegsaday hadal aan diblomaasi ahayn ku weeraray Sucuudiga, oo ay saaxiibo dhaw yihiin, waxaana uu sheegay in uu u digay Boqor Salmaan kuna war-geliyey in uusan xukunka laba toddobaad haysan karin taageerada ciidamada Militari ee Mareykanka la’aantood. “Waan difaacnaa Sucuudi Careebiya. Miyaad leedihiin waa qani. Waan jeclahay boqorka. Laakiin waxaa dhahay ‘Boqor waan ku difaaceynaa – halkan ma aadan sii joogeyn laba toddobaad anaga la’aanteen – waa in aad bixisaa lacagta Militarigaaga,” ayuu Trump ka sheegay fagaare ku yaal Southaven ee gobolka Mississippi. Trump ma sheegin xilligii uu hadaladdaas ku yiri boqorka Sucuudiga. Marka laga yimaado hadaladdaas adag, maamulka Trump waxa uu xiriir dhaw la leeyahay Sucuudi Careebiya oo uu arko awood uu uga hor tago himilada Iran ee gobolka, iyo fulinta siyaasadaha lagu taageerayo Yahuudda. Trump waxa uu Sucuudiga ku tagay safarkiisii dibadda ee ugu horreeyey sanadkii hore markii loo doortay Madaxweynaha Mareykanka. Waxaa xusid mudan, in markii Trump uu booqday Sucuudiga ay abuurmay khilaafka wadamadda Khaliijka oo dhabbaha u xaaray in la go’doomiyo Qadar. Ayada oo Trump sidoo kale marar badan hadallo bah-dilaad ugu yiri amiirada Sacuudiga, haddana weli waa ay ku daba-feelan yihiin, waxayna taageereen qorshaha Trump ee ah in magaalada Qudus ay noqoto magaalo Yahuuddu leeyihiin. Caasimada Online Xafiiska Minneapolis Caasimada@live.com

Muqdisho (Caasimada Online) – Waxaa dhowan Muqdisho lagu shaaciyey in Madaxweynihii hore ee Soomaaliya Xassan Shikeh Maxamuud hogaamiye KMG ah looga dhigay xisbiga cusub oo la filayo in maanta oo khamiis ah si rasmi ah loo shaaciyo. Xisbigan oo loo bixiyey Xisbga Midowga Nabadda iyo Horumarka ayaa waxaa ku midoobay Daljir, Daamujadiid iyo kudladda Horuosocd. Hadaba, su’aasha is weydiinta mudan ayaa ah yaa beesha Daarood ku metelaya Xisbigan? Xisbiga cusub ee UPD waxaa beesha Daarood ilaa iyo hadda sida muuqata ku metelaya Cabdikariin Xassan Jaamac oo ahaa wasiirkii hore ee warfaafinta xukumaddii Shiekh Shariif Shikeh Axmed, hadana ah gudoomiye ku xigeenka Jaamacadda City ee magaalada Muqdisho, iyo Cabdirashiid Xaashi oo ah madaxa machadka Heritage. Cabdikariin Xassan Jaamac waxa uu ka soo jeedaa beelweynta Harti Darood, gaar ahaa Sool clan, halka Cabdirashiid Xaashi uu ka soo jeedo beesha Leylkase. Labadan siyaasi ayaa ka mid ahaanshaha xisbiga ka sokow rajo ka leh xilal sare haddii Xasan Sheekh kusoo baxo doorashada 2021. Jaamacadda City iyo Machadka daraasaadka Siyaasadda ee Heritage waxaa leh ganacsato iyo siyaasiyiin ku boohoobay xisbigii Dajir ee ku biiray Dhaamujadiid, sidaas darteed layaab ma lahan in Cabdikariin iyo Cabdirashiid, labada xubno ka yihiin xisbiga. Waxaa xusid mudan uu Cabdi Caynte hore masraxa siyaasadda ka soo fuulay Machadka Heritage oo uu ka ahaa gudoomiye kahor inta aan dowladdii Xassa Shiekh Maxamuud loo magacaabin Wasiirkii Qorsheynta, waxaana hadda muuqataa in Cabdirashiid uu waddadaas ku socdo. Caasimada Online Xafiiska Muqdisho Caasimada@live.com

Hargeysa (Caasimada Online) – Safiirada dalalka Denmark iyo Holland u jooga magaalada Nayrobi ee dalka Kenya oo sidoo kalena qaabilsan arrimaha Soomaalida, ayaa ku baaqay in si deg deg ah loo bilaabo wada hadaladii u dhexeeyay Somaliland iyo Soomaaliya ee hakadka galay. Safiirka Denmark ee Kenya Mette Knudsen iyo safiirka wadanka Holland ee Kenya Frans Makken, ayaa sheegay inay muhiim tahay in si deg deg ah loo bilaabo wada hadaladaas Hargeysa iyo Muqdisho, islamarkaana la kulansiiyo madaxda Somaliland iyo Soomaaliya waxaanay hadalkan ka sheegeen kulamo ay toddobaadkan la yeesheen wakiilka Somaliland u jooga magaalada Nayrobi ee dalka Kenya. “Beesha caalamku waxay diyaar u tahay inay isugu keenaan labada dhinac [Somaliland iyo Soomaaliya] wareeg kale oo wada hadalada ah.” Sidaas waxa tidhi Safiirka Denmarka Mette Knudsen, waxaanay intaas raacisay “Nabadgelyada, degenaanshaha iyo dib u soo kabasho waa in la gaadhsiiyaa gobalka Geeska Afrika, waxa muhiim ah in dhammaan colaadaha la dhammeeyo oo ay ku jirto ta’ u dhaxaysa Somaliland iyo Soomaaliya.” Ergayga dalka Holland u qaabilsan Kenya oo sidoo kalena qaabilsan arrimaha Somaliland iyo Soomaaliya, ayaa isna yidhi “Waa muhiim in wada jir loo shaqeeyo. Idinka [Somaliland iyo Soomaaliya] waxaad haysataan taageeradayada si loo xaqiijiyo dhiirigelinta nabadda.” Warbaahinta Kenya ee warkan baahisay ayaa sheegtay inay suurtogal tahay inay beesha caalamku madaxda Somaliland iyo Soomaaliya kulansiiso, iyadoo goobta ugu haboon ee ay ku kulmi karaana ku tilmaantay magaalada Nayrobi ee dalka Kenya. Kulan loo qorsheeyay inuu bishii March Djibouti ku qabsoomo oo la filayay inay ku kulmaan Madaxweynaha JSL Muuse Biixi Cabdi iyo Madaxweynaha Soomaaliya Maxamed Cabdillaahi Farmaajo, ayaa baaqday ka dib markii ay dawladda Soomaaliya si adag uga hortimid maalgashiga ay DP world ku samaysay dekedda Berbera iyo saldhiga UAE laga siiyay Berbera. Caasimada Online Xafiiska Muqdisho Caasimada@live.com

Garoowe (Caasimada Online) – Musharax Saadiq Eenow, oo u taagan xilka madaxweynaha Puntland ayaa qishay in Puntland nidaamka ka jira ee uu waqtiga ka dhammaaday uu qorsheenayo dagaal ka dhan ah maamulka Somaliland. Dr Saadiq oo shalay ku dhawaaqay musharaxnimadiisa ee uu ugu taagan yahay doorashada xilka Madaxweyne ee bisha Janaayo 2019 dhaceysa, ayaa qaba in dagaalku ujeedkiisu yahay sidii loogu baajin lahaa doorashada, waqtigana ku kororsan lahaa Gaas. “Intii yareed ee aan joogay waxaan maqlayey dagaal ayaan dhacaya, dagaal dhici maayo oo doorashada wey dhici doontaa,” Waxaa sidaas yiri Dr. Saadiw Eenow. Ma aha sheeko cusub in Cabdiweli Cali Gaas uu uga dan leeyahay dagaalka Somaliland sidii uu ku dheeresan lahaa waqtiga, hase ahaatee waxa uu cadaadis badan kala kulmayaa musharaxiinta Puntland ee kula loolamaya doorashada. Sidoo kale waxa uu culeys ka saaran yahay beesha caalamka iyo dhinaca Villa Somalia maadama Madaxweyne Farmaajo ka digay collaad la dhex dhigo dad Soomaaliyeed oo walaalo ah. Caasimada Online Xafiiska Garoowe Caasimada@live.com

Garoowe (Caasimada Online) – Hadal heynta ugu badan dadka ku nool deegaanada Maamulka Puntland ayaa noqotay Canshuurtii lagu soo rogay Nimanka furayo xaasaskooda. Wasiirka Wasaaradda Maaliyadda Mudane Cabdullaahi Siciid Carshe oo ka hadlayey Munaasabad lagu daah furay Qabyo Tirka Xeerka Cashuuraha Moorka ayaa halkaas kaga dhawaaqay in canshuur lagu soo rogay ragga furayo xaasaskooda sabab kasta uu furriinka ku imaado. Lacagta Canshuurta ah ee laga rabo ninka naagtiisa furayo ayaa lagu sheegay inay tahay $20 Dolllar, inkastoo ay tahay lacag aan sidaas u badneyn haddana waxay noqotay mid ku cusub dadka reer Puntland. Ninka Xaaskiisa furayo ayaa lagu amray inuu waraaqda furriinka soo raaciyo lacagtaas inkastoo aan si cad loo sheegin halka lacagtaas lagu shubayo iyo cidda maamuleyso. Sharcigaan ayaa xafladda daahfurka looga dhawaaqay inuu hirgalay uuna ka dhaqan geli doono dhammaan deegaanada Maamulka Puntland. Go’aanka Wasaaradda Maaliyadda Puntland ayaa ku soo beegmay,xilli haatan shaqo la’aanta baahsan iyo sicir bararka nolosha saameeyay ee degaannada Puntland ka jirto. Waa maamulkii ugu horreeyey ee sharci noocaan oo kale ah hirgeliyo, waxayna dadka qaar aaminsan yihiin in sharcigaan lagu yareenayo furitaanka badan inkastoo lacagtaan ay tahay mid yar oo dad badan ay awoodaan. Halkaan hoose ka dhageyso codka wasiirka: https://www.caasimada.net/wp-content/uploads/2018/10/codka-wasiirka-maaliyada-1.mp3Caasimada Online Xafiiska Muqdisho Caasimada@live.com

Riyadh (Caasimada Online) – Dhaxal Sugaha Boqortooyada Sacuudiga Mohammed bin Salman, ayaa qaadacay qorsho lagu doonayay in lagu dhex dhexaadiyo Boqortooyada Sacuudi Carabiya iyo dowlada Canada. Bin Salman, ayaa diiday in dowladiisa ay miiska wadahadalka la fadhiisato Canada, isagoo taa bedelkeeda sheegay inay doorbidayaan calaaqada labada dal oo sii fogaata. Waxa uu bin Salman sheegay inay adkaan doonto in dowlada Canada ay kala hadlaan arrimo ku saleysan faragalinta ay ku hayaan maxaabiis u xiran, isagoo carab ***** in xukunka iyo sharciga dalkooda ay u madaxbanaan yihiin. Dowladaha Britain iyo Mareykanka oo dalbaday xalinta khilaafka labada dal ayaa waxaa qaaday dalabkaasi bin Salman oo ku jawaabay in Sacuudiga uu garanayo cida uu dagaalka kala dhexeeyo iyo sida loola hadlo. Bin Salman oo doonaya inuu sii fogeeyo khilaafka Boqortooyada iyo Canada ayaa dalbaday in Britain iyo Mareykanka ay faraha kala baxaan khilaafka labada dal. Xiriirka Boqortooyada Sacuudi Carabiya iyo Canada ayaa heerkii ugu xumaa gaaray, kaddib markii dowladda Canada ay si kulul uga hadashay xariga dad u dhaq dhaqaaqa bulshada rayidka oo dhawaan dowladda Sacuudiga xabsiga u taxaabtay. Goor sii horeysay dowladda Sacuudiga ayaa go’aansatay inay xakameyso dhammaan ganacsiga iyo maalgashiga cusub ee u dhaxeeya Boqortooyada iyo Canada. Si kastaba ha ahaatee, reer galbeedka ayaa u muuqanaya kuwo xal u waayay khilaafka labada dal, inkastoo ay jiraan isku dayo kala duwan oo aan wali miro dhalin. Caasimada Online Xafiiska Muqdisho Caasimada@live.com

Nairobi (Caasimada Online) – Madaxweynaha dalka Kenya Uhurro Kenyatta ayaa ka digay in Xildhibaanada baarlamaanka garabka mucaarada ay sabab u noqdan in Kenya ay Saldhig u noqoto sharci daro. Uhurro Kenyatta oo ka hadlaayay kulan ka dhacay Madaxtooyada ayaa sheegay in Xildhibaanada qaar ay ka shaqeynayaan in dalka uu galo xaalad adag. Kenyatta, waxa uu tilmaamay in aysan muhiim aheyn in xiligan lagu doodo in afti loo qaado dastuurka kenya oo bilihii la soo dhaafay waxka badalkiisa ay isku uruursanayeen Xildhibaanada mucaaradka. Kenyatta waxa uu halkaa ka sheegay in Kenya aysan xamili Karin in xiligan la faragaliyo arrimaha Dastuurka, balse waxa uu carab ***** inay jiri doonto xili ay munaasib tahay in si wada jira looga doodo afti ama bedel lagu sameeyo qodobada Dastuurka. “Cidna ma aqbali doonto in Kenya ay saldhig u noqoto sharci la’aan, Xildhibaanada mucaaradka waxan ka dalbaneynaa inay dib dhigtaan dalabkooda afti iyo qodobo laga saaro Dastuurka” Madaxweyne Uhurro, waxa uu sheegay in Xildhibaanada Kenya uu uga digaayo inay kusii fogaadan qodobada xiisada u abuureysa Kenya, waxa uuna sidoo kale cadeeyay inaan loo dulqaan doonin is uruursiga Mucaaradka. Sidoo kale, Madaxweynaha ayaa mucaaradka usoo jeediyay in arrimaha Dastuurka ay kala doodan Madaxa golaha aqlabiyada barlamanka ahna mudanaha magaalada Garissa ee gobolka waqooyi bari kenya Mr Aden bare ducaale. Haddalka Kenyatta ayaa kusoo beegmaya xili 29 Sep 2018 uu Aden bare ducaale is hortaag ku sameeyay afti ay mucaaradka dalbadeen in loo qaado Dastuurka. Caasimada Online Xafiiska Nairobi Caasimada@live.com