Madaxweynaha maamulka Hirshabelle, Maxamed Cabdi Waare ayaa xalay waxa uu magaalada Jowhar ee xarunta gobolka Shabellaha Dhexe kula kulmay xildhibaanno ka mid ah maamulkiisa. Waxa uu kala hadlay arrimo ku aadan mooshinkii ay dhowaan isagu ka keeneen xildhibaanno ka tirsan Hirshabelle. Warar ay heshay Goobjoog News, ayaa waxay sheegayaan in uu Waare ka dalbaday mudanayaashii uu la kulmay hakinta mooshinkan iyo in la yareeyo wax walbo oo caqabad ku ah horumarka Hirshabelle. Jowhar ayaa laga dareemayaa mashquul badan, wixii ka dambeeyey markii madaxweynaha Hirshabelle laga keenay mooshin kalsooni kala noqosho ah. Warkaan wixii kusoo kordha kala soco wararkeena kale Goobjoog News Source: goobjoog.com

Mogadishu’s local government has decided to ban the importation of auto-rickshaw vehicles (tuk-tuk), in an attempt to scale down congestion and improve the city’s traffic safety record. Source: Hiiraan Online

In 1969, just nine years after the establishment of the Somalia Republic, a bloodless coup took place following the assassination of President Abdirashid Ali Shermarke. Source: Hiiraan Online

The players that Mourinho scapegoats willed Manchester United to a victory by playing the style they’ve been begging him to implement. Source: Hiiraan Online

A former Garissa County minister with a bullet lodged in his head after being shot in August is still in a coma although he is improving, a friend has said. Source: Hiiraan Online

The Horn of Africa was in focus at the recently-concluded United Nations General Assembly in New York, where leaders tried to showcase how their countries are contributing to peace efforts in the region. Source: Hiiraan Online

Malayshiyaadka Al-shabaab ayaa uga digay dalladaha waxbarashada ka dhisan magaalada Muqdisho, in ay wax xiriir ah la sameeyaan dowladda Federaalka Soomaaliya,haddii kalena ay tallaabo cad ka qaadayan. Af-hayeenka malayshiyaadka Al-shabaab,Cali Maxamuud Raage(Cali Dheere),ayaa sheegay in ay ka warhayaan,xiriirka ka dhexeeya qaar kamid ah dalladaha waxbarashada ee magaalada Muqdisho iyo dowladda Federaalka Soomaaliya,islamarkaana ay tallaabo adag ka qaadayan ciddii aan ka waantoobin la shaqeynta dowladda. Sidoo kale Cali Dheer wuxuu ku hanjabay in ay weerarro la beegsanayan,goobaha waxbarasho ee hoostaga dowladda Soomaaliya oo uu sheegay in lagu barto manaahij ay soo diyaarisay hay’adda UNESCO. Wuxuu intaas raaciyay in manaahijta waxbarasho ee hay’adda UNESCO diyaarisay ay xambaarsan yihiin afkaar gaalnimo ah oo lagu wasakhaynayo caqiiqada ubadka muslimka ah. Hadalkan ayaa Cali Dheere ka jeediyay degmo kamid ah magaalada Muqdisho oo ay malayshiyaadka Al-shabaab ka qeybinayeen wax ay ugu yeedheen”sakawaadka“,sida lagu daabacay mareegaha taageera. PUNTLAND POST The post Al-shabaab oo ku hanjabay weerarro ka dhan ah goobaha waxbarashada Muqdisho appeared first on Puntland Post.

Roving militias killing civilians. Prisoners stripped naked and rolled in hot ashes. "Mafia"-style murders and violence that forced more than a million people from their homes. Source: Hiiraan Online

Tunisia can, through the development of its economic relations with Djibouti, gain access to the Common Market of Eastern and Southern Africa (COMESA), Ethiopia and Somalia, said President of the Tuniso-African Business Council, Bassem Loukil, on the occasion of the opening of the Tunisian-Djibouti business forum, held in Tunis. Source: Hiiraan Online

The political stalemate in Somalia is likely to continue despite the state of Hirshabelle announcing that it will co-operate with the central government. Source: Hiiraan Online

Hargeysa (Caasimada Online) – Madaxweynihii hore ee Somaliya Xasan Sheekh Maxamuud ayaa sheegay in loo baahan yahay in Soomaaliya iyo dawladooduba ay ka garaabaan dhibaatadii shacabka Somaliland ka soo gaadhay dawladii Soomaaliya, waxaanu si da’dban ugu eedeeyay dawladda wakhtigan inay sii kala fogaysay Somaliland iyo Soomaaliya, isagoo wakhtigii uu Madaxweynaha ahaa ku faanay inuu iska ilaalin jiray in la kala fogaado. Xasan Sheekh wuxuu u soo jeediyay dawladda Soomaaliya iyo shacabkooda inay dawladnimada Soomaaliya keen Somaliland sidii ay shacabka Somaliland xorriyadoodii u geeyeen lixdankii. Wuxuu Xasan Sheekh yiri “Walaalaha waqooyiga ee keenay midnimada iyo walaaltinimada halkan u yimi ee isku biiray ee ay samaysantay Jamhuuriyadii 1960 jirtay waxay mudan yihiin in taariikhda lagu xuso wanaagaas iyo niyadsamida Soomaalinimada ah ee ay barigaas la yimaadeen, duruuftaasi waa ay isbadashay walaalahaasina waa ay maqan yihiin oo waxbay tabanayaan, magaca dawladnimada ayay wax ku tabanayaan, magaca dawladnimada in lagu dhibay oo wax looga biyay ayay tabanayaan” Waxa uu intaas ku daray “Waxaa ila haboon dadka Soomaaliyeed dawlad iyo shacaba inaan walaalahaas garowshiiyana siino markeenana aan u gayno oo aan midnimadii,dawladnimadii iyo walaaltinimadii inaan qaadno oo aan agtooda gayno, waanan hubaa in aanay inagu soo celinayn, laakiin intaan aad uga fikirno sida si ugu fiican dhibkii dhacay iyo mushkiladii dhacday ee magaca dawladnimada loogu gaystay inaan garawshiyo buuxa ka bixino mustaqbalka soo socdan aan talo fiican iskaga ogaano.” Xasan Sheekh oo hadalkiisa sii wataa waxa uu yiri “In badan waanu ka soo shaqaynay heerar badna waanu soo gaadhsiinay laakiin hawshu waxay u baahantahay wakhti dheer iyo dedaal aad iyo aad u dheer, anagu barigii aanu joognay talada waxaanu go’aan ku gaadhnay mar walba waxa wanaagsan ee midnimada keeni kara inaan doono haddii ay nagu adkaatana in aanan uga darin meesha ay markaas taagan tahay oo aan la sii kala irdhoobin ee meesha ay taagan tahay lagu celceliyo.” Caasimada Online Xafiiska Muqdisho Caasimada@live.com

Riyadh (Caasimada Online) – Dhaxal-sugaha Sacuudiga Maxamed Bin Salmaan ayaa amaanay xiriirka boqortooyada kala dhaxeeya maamulka iminka ee Mareykanka, maalmo kadib markii madaxweyne Trump uu bah-dilay boqor Salmaan, oo uu sheegay in la’aanta Mareykanka aanu xukunka joogeen laba toddobaad. “Waan jeclahay inaan la shaqeeyo Trump” ayuu Bin Salmaan u sheegay warbaahinta Bloomberg, isaga oo intaas ku daray in labada hogaamiye ay wax badan uga guuleysteen Bariga Dhexe, gaar ahaan xagjiriinta, argagixisada iyo kooxda Daacish. Waxa uu sheegay in ay caadi tahay in xulufada mararka qaar ay is-khilaafaan, isaga oo tix-raacayey hadalka Trump. “Ma dhici karto inaad ahaataan saaxiibo 100% iska sheega wax wanaagsan. Xitaa taas kama heleysid qoyskaaga, mar walba waxaa jiraya isfaham waa. Marka taas maskaxda ayaan ku haynaa” ayuu yiri. Madaxweynaha Mareykanka Donald Trump oo taageerayaashiisa kula hadlayey gobolka Minnesota, ayaa sheegay in Sacuudiga ay tahay inay lacag ku biixiyaan difaaca ay ka helaan Mareykanka, maadaama dalkaas uu yahay dal hodan ah. “Waxaan ku iri, ‘iga raali noqo, boqor Salman, ma dhib ayaad u aragtaa inaad bixiso lacagta ciidamada militariga Mareykanka’, kadib boqorka wuxuu iigu jawaabay ‘arrintan weligey cid ima weydiin’, waxaan kadib ku iri ‘aniga ayaa hadda ku weydiinaya, boqor’” ayuu yiri Trump. Inkasto Maxamed Bin Salman uu bixiyey jawaab daciifnimo ah ,haddana wuxuu gadaal kasii raaciyey “Dowladda Sacuudiga waxay jirtay Mareykanka ka hor 30 sano, Boqortooyadana lacag kuma bixin doonto in amaankeeda la sugo” Caasimada Online Xafiiska Muqdisho Caasimada@live.com

Nairobi (Caasimada Online) – Shir shalay ka dhacay Magaalada Nairobi ee dalka Kenya oo ay isku soo hor fariisteen Madaxweynayaasha Maamul Goboledyada Puntland, Jubbaland iyo Koonfur Galbeed ayaa waxa ay la qaateen xubno ka tirsan Beesha Caalamka. Shirkaan ayaa si wayn waxaa diirada loogu saaray arrimaha ku aadan Khilaafka dowladda Federalka Somaliya iyo madaxda Maamul Goboledyada dalka ka jira. Madaxda Maamul Goboledyada ayaa xubnaha Beesha Caalamka u gudbiyay cabashada ay ka qabaan dowladda dhexe, waxayna si gaar ah uga cabanayeen Raiisul Wasaare Xasan Cali Khayre. Madaxda Maamul Goboledyada ayaa xubnaha Beesha Caalamka u gudbiyay caqabada hortaagan wada shaqeynta dowladda dhexe iyo Maamul Goboledyada inuu yahay Raiisul Wasaare Xasan Cali Khayre. Xubnaha Beesha caalamka ayaa la sheegay inay dhageysteen cabashada madaxda Maamul Goboledyada kadibna ay sheegeen in dhibaatada jirta la xalin doono. Warar soo baxaya ayaa sheegaya inay suuragal tahay in Raiisul Wasaare Xasan Cali Khayre uu safar ugu ambabaxo Magaalada Nairobi ee dalka Kenya. Wasiirka arrimaha dibadda Somaliya Axmed Ciise Cawad oo ku sugan Nairobi, Berrina ku soo wajahan Muqdisho ayaanan waxba kala socon arrimaha ku xayndaaban Shirkaasi. Caasimada Online Xafiiska Nairobi Caasimada@live.com

Ergeyga Somaliland u qaabilsan wada-hadallada dowladda Federaalka Soomaaliya,Adna Aadan Ismaaciil ayaa sheegtay, in haddii Soomaaliya ay ka dhalato dowlad umaddu soo dooratay oo waxtarleh,ay Somaliland diyaar u tahay, in ay dib ula midowdo dalka intiisa kale. Marwo Adna, waxay sheegtay in mar walba Somaliland u diyaarsantahay wada-hadallo ay la gasho Soomaaliya,laakiin dhinaca Koonfurta laga la’yahay cid si dhab ah u matasha oo Somaliland kala xaajoota arrimaha masiiriga ah ee labada dhinac. “Ciddii aad la hadli lahayd baa annaga naga maqan. Eretria iyo Ethiopia markay wada-hadlayeen,laba dowladood bay ahaayeen oo hadalka iska’dhegaysta. Annagu Soomaaliya cid aan la hadalnaba garan mayno. Gobolkeen la hadalnaa? Yaa matala Soomaaliya? Yaa af-hayeen u wada-ah? Yaa ka wada-mas’uul ah? Yay soo wakiisheen?” ayay tiri Adno oo wareysi gaar ah siisay VOA-da. Sidoo kale waxay sheegtay in markii horeba midowgii Koonfurta iyo Waqooyiga Soomaaliya ee labada gumaysi u kala xidhnaa uu ku yimid is-ixtiraam iyo walaalnimo Soomaalida dhexdeeda ah,balse dhibaatooyinkii dhacay ay sababeen in dalku uu kala go’o,haddiise wanaagii iyo walaalnimadii la soo cesho mar kale la midoobi karo. PUNTLAND POST The post Somaliland oo sheegtay in ay Soomaaliya dib ula midoobayso haddii dowlad waxtarleh ka dhalato appeared first on Puntland Post.

Muqdisho (Caasimada Online) – Waxaa xiiso badan dhalisay doorashada Madaxweynenimo ee dhawaan la filayo in ay ka dhacdo Maamul Gobolleedka Koonfur Galbeed. Mukhtaar Abu Mansoor Roobow oo hore uga tirsanaan jiray Al-Shabaab ayaa isu soo taagay loolanka Madaxtinimo ee Koonfur Galbeed taas oo ka yaabisay dhammaan bulshada Soomaaliyeed. Hase ahaatee, markii uu sida rasmiga ah ugu dhawaaqay waxaa dood ka keentay oo is hortaagtay damaciisa dowladda dhexe oo bayaan ay Wasaaradda Amniga soo saartay ku muujiyey mawqifkeeda. Taas oo ay jirto, waxaa si cagsi isku ah uga falceliyey siyaasiyiinta dowladda eedeeya sida Xildhibaan Axmed Macallin Fiqi iyo Cabdiraxmaan Cabdishakuur. Cabdiraxmaan Cabdishakuur oo ku hormaray falcelinta ayaa sheegay in dowladda ay soo abuubushay ololaha Mukhtaar Roobow maadama wararkiisa ay baahiyey telefishinka Qaranka. “TVga qaranka Soomaaliya wuxuu baahinayaa warbixinta Mukhtar Robow. TV ga qaranka marna ma baahin muuqaal ku saabsan Xisbiyada Dalka ka jira, gaar ahaan Xisbiga Wadajir. Tani waxay cadayn u tahay in ololaha doorashada Mukhtar Robow laga soo abaabulay Madaxtooyada iyo Hay’adda NISA.” Waxaase yaab noqotay sidii uu isna uga falceliyey Xildhibaan Axmed Macallin Fiqi oo isna sheegay in dowladda aysan u marin habkii saxda ahaa ee ay ku joojin lahayd musharaxinimada Roobow uu u muuqatay in uu ka biyo diidsanaa mawqifka ay dowladda isku hortaagtay damaca Roobow. “Marka qof muwaadin ah tartan doorasho laga reebayo waa in loo Maraa wado sharci ah iyo hey’adaha ku shaqada leh, sida maxkamadaha dalka ama Guddiga doorashooyinka ee u xilsaaran shaqadaas, haddii wasaaradda amnigu ay cid gaar ah arrin ku heysato waa in sida hey’ad caadi ah oo kale ay u dacwootaa, laakin in kaalintii maxkamadaha dalka iyo guddiyada doorashooyinka ay qaadato wasaaradda amnigu ma ahan wax sharci ahaan la aqbali karo, waana arrin asaasi ah oo u baahan in hey’adaha iyo wasaaradahu ay si wanaagsan u fahmaan” ayuu yiri Fiqi. Hadalka Cabdiraxmaan Cabdishakuur ayaa soo baxay ka hor go’aanka dowladda ay ku diiday musharaxnimadiisa, waxaana durba isaga oo aan hubin waxa socda uu dowladda dusha u saaray inay ayada wadato Roobow. Haddana markii go’aanka dowladda soo baxay, Fiqi oo isna mucaarad kale ah, wuxuu la saftay Roobow isaga oo ku xumeynaya dowladda. Hadaladda is diidan ee labada siyaasi, midna qabo in dowladda taageersan tahay Roobow midna aaminsan yahay in qoraalkii ay dowladda ku diiday musharaxnimada Roobow lagu dhaliili karo dowladda ayaa muujinaya in mucaaradka dowladda ay tallaabooyinka dowladdu qaado hadba dhinac ay rabaan ka eego ama la jiifiyaana bannaan, la joojiyaanna bannaan. Caasimada Online Xafiiska Muqdisho Caasimada@live.com

Waxa uu heystay Aabe ka fakara noloshiisa, ku dhiira geliya waxbarasho iyo inuu dhisto Mustaqbalkiisa, laakiin rajadaas waxa ay idlaatay maalin sabti ah 14-kii October 2017-kii, Markii Mahad Maxamed Aabihiis uu kamid noqday muwaadiniintii lagu waayey weerarkii Argagixsada Al-shabaab ay ka fuliyeen Isgoyska Zoobe ee magaalada Muqdisho. Si uu u buuxiyo kaalintii Aabihiis Maxamed oo Isgoyska Zoobe ku iibin jiray cabitaan ama sharaab ayuu Mahad Maxamed qaatay masuuliyad weyn oo ah in uu dabaro nolosha walaalihiis iyo Hooyadiis oo markii hore ku tiirsanaa Aabe Maxamed. “Aabahey wuxuu cabitaan ku iibin jiray Isgoyska Zoobe, markii qaraxa uu dhacayey waxyar kahor ayaan ka tagay meeshaas, adeeg ayuu reerka iigu dhiibay, markii aan sii marayo Suuqa beerta ayuu qaraxa dhacay, markii aan meesha dib ugu soo laabntayna waxaa laigu yiri Aabahaa Allaha u naxariisto”ayuu yiri Mahad Maxamed oo hadda caseeyanimo ku shaqeysta. Maadaama aan la helin meydka aabihiis waxaa uu waqtiyo dhowr ah niyeysan jirin maruun in la helo aabihiis, balse ugu dambeyn waxa uu aaminay geerida aabihiis. “Reerka hadda aniga ayaa u shaqeeya si aan u buuxiyo booskii Aabe oo aan ugu shaqeeyo walaalahey iyo Hooyadey, waxaan ahay caseeye, runtii aabahey waa la waayey muddo ayaana sugayey laakiin ugu dambeyn waan ka samray,ayuu sii raaciyey isagoo ilmeynaya Mahad Maxamed. Mahad waxa uu mar waliba soo gocdaa laxowgii iyo daryeelkii uu ka heli jiray Allaha u naxariistee Aabihiis Maxamed oo ku bogaadin jiray in nolosha uu heer sare ka gaaro. “Aabahey Maxamed wuxuu i dhihi jiray waxbaro, Salaadaada Tuko, Mustaqbalkaaga dhiso, waxba ha qabanin ii naso, markii Dacaska ama kabaha ay iga soo go’aan wuu iga tuuri jiray kuwo cusub ayuuna i siin jiray, majiro cid noo buuxi karta booskii aabe, Aad ayan u jecleyn aabaheen hadana ma heysano qof sidiisa oo kale noo xanaaneeya”sidaas waxaa yiri Mahad Maxamed. Mahad Maxamed si kaste oo ay noloshu ugu adkaatay waxa uu leeyahay hami weyn oo mar uun uu rajeynayo in uu gaaro. “waxaan rabaa inan Madax noqdo, markaasna waxaan daryeeli doonaa dadka aan waxba heysan ee danyarta ah, waxaan waxbari doonaa caruurta, sidoo kalena waxaan kaalmeyn doonaa qoysaskooda”ayuu yiri Mahad. Mahad Maxamed waxa uu kamid yahay boqolaal caruur ah oo ay waalidiintood xasuuqeen Argagixisada Al-shabaab, kuwaas oo daqiiqad gudaheed ku laayey inkabadan 500-boqol oo ruux oo shacab ah oo aan waxba galabsan. W/D: Muhudin Moalim Abdulle

Muqdisho (Caasimada Online) – Waxaa sii kordhaya dhibaatooyinka ay ardayda iyo Jaaliyada Soomaalida ku nool dalka Malaysia kala kulmayaan maamulka Safaarada Somalia ee dalkaa. Maamulka Safaarada oo uu ugu horeeyo Danjiraha dowlada Somalia u fadhiya dalkaasi ayaa handhaqan aan wanaagsaneyn kula dhaqma Ardayda iyo Jaaliyada kuwaa oo inta badan aan lacagtooda ku helin warqadaha ay xaqa u leeyihiin ee aqoonsiga. Dhibaatooyinka ay ardayda kala kulmaan Safaarada ayaa isugu jirta Sameynta aqoonsiyad oo lagu dhibo, Baasaboorada iyo in Safaaarada ay ka caga jiido xalinta dhibaatooyinka Soomaalida ku qabsada dalka Malaysiya. Muuqaal qarsoodi ah oo laga soo duubay Danjiraha Somalia ee dowlada u fadhiya dalkaasi ayaa muujinaaya ixtiraam la’aan uu kula dhaqmaayo Hooyo Soomaaliyeed oo Safaarada u doonatay warqado. Danjiraha ayaa Hooyadaasi ugu goodinaaya in banaanka uu uga saarayo Saafarada haddii ay joojin weydo dhaliilo dhanka lacagaha laga qaadayo ay ka muujisay. Dowlada Somalia, gaar ahaan Wasaarada Arrimaha Diabadda Somalia ayaa inta badan Safaaradaha ku koontaroolin shaqooyinka ay u hayaan shacabka, waxaana xiliyada qaar dhaca in Safaarada ay Muwaadiniin ku dirto dowlada ay martida u tahay taa oo sababta in Muwaadiniintaasi la tarxiilo. Danjirayaasha qaar ayaan garaneynin sababta loogu magacaabay xilalka Safiirnimo, waxaana xusid mudan in danta shacabka ay ka hormariyaan tan gaarka u ah. HOOS KA DAAWO MUUQAAL QARSOODI AH OO LAGA SOO DUUBAY SAFIIRSA SOMALIA EE MALEYSIYA

Muqdisho (Caasimadda Online) – Taariikhda dhow ayaa dhigaysa in aan cidna ka faa’iidin is–qabqabsiga iyo xasillooni darrada siyaasadeed. 2013 kii, madaxweynihii markaas la doortay ee Xasan Sheekh Maxamuud waxa uu geliyey awood siyaasadeed oo ballaaran sidii uu u joojin lahaa dhisiddii Jubaland oo markaas curdan ahaa, isaga oo ku doodayey in si aan xalaal ahayn loo hirgeliyey gobolkaas, dal ajnabi ahna uu ku daabnaa. In kasta oo dowladdii federaalka ee xilligaas ay haysatey qiilal qaarkood loo qaateen ahaa oo la xiriiray hannaanka iyo loo-dhammaan la’aantii samaynta Jubaland, haddana, sida ay dowladdu u isticmaashay awooddeedii waxa ay noqotay mid aysan mahdin, una xaqiijin rabitaankeedii. Dhammaadkii 2013-kii, dowladdii Madaxweyne Xasan Sheekh, waxay ku khasbanaatay inay Jubbaland wadahadal nabadeed oo ay Itoobiya garwadeen ka tahay kula gasho Addis Ababa. Xasan Sheekh-na kuma uu guul-darraysan oo kaliya dagaalkii uu uga horyimid dhisidda Jubbaland, balse waxaa kale oo uu ku guul-darraystay iska caabbinta faragelinta dibadda, kuwaas oo mar walba isha ku haya, gol-daloollo ay gacma-gacmaynta arrimaha gudaha ee Soomaalida uga soo dusaan. Heshiiskaas Jubbaland ayaa ku guulaysatey oo heshay intii badnayd wixii ay dalbanaysey, dowladdii federaalkuna waxa ay ku khasbanaatay in ay wax badan u deyso Jubbaland, wadahalkaasna waxa kale oo ay dowladda federaalku kala soo rogmatey nugeyl iyo in laga gacan sarreeyey. Si kastaba ha ahaatee, Xasan Sheekh cashar weyn ayuu ku qaatay loollankii lagu legdey ee uu la galay Jubbaland. Casharkaasi waxa uu ahaa: in waddada kaliya ee u furan waddan colaad kasoo kabanaya –awoodda iyo khayraadkana lagu muransan yahay – in ay tahay in talada la wadaago, taas oo weliba ah arrin ku qeexan dastuurka. Weliba, Madaxweyne Xasan Sheekh, waxa uu si faro–ka–gubasho ah u fahmey in aalaaba goboleedyadu, marka siyaasad ahaan loo eego, ay yihiin bumbo qarxaysa oo kale, una baahan in si taxaddar leh loo maareeyo. Sanadihii danbe, Madaxweyne Xasan Sheekh waxaa lagu ammaanaa inuu hormuud ka ahaa dhismaha dowlad goboleedyada Koonfur Galbeed, Galmudug iyo Hirshabeelle, in kasta oo marar badan hirgelinta goboleedyadaas ay u ekaayeen hawlo aanba suurtagal noqon karin. Sidoo kale, Xasan Sheekh waxaa lagu ammaanaa hirgelintii Madasha Hoggaanka Qaran oo markii dib loo milicsado ahayd gole tala-wadaag, oo ay ka dhexeysay dowladda federaalka ah iyo dowlad goboleedyada. Inta badanna, inkasta oo madashaas aanay ahayn mid ceeb-ka saliin ah, haddana, madashu waxay ahayd gole talo midaysan oo wadar-oggal ahaan go’aamada waaweyn ee dalka oo idil lagu gaarayey. Dowlad goboleedyaduna talada guud ee dalka wixii ay ra’yi ka qabaan madashaan ayay si xanaf la’aan ah oo ama toos ah ama dadban usoo dhex marsan jireen, waxayna kaloo ahayd gole tala-wadaagga iyo kalsooni dhisidda qayb ka qaadatay. Maanta, waxaa la la’yahay dareen iyo aragti garowsan inaan la is huri doonin. Dowladda federaalka ah waxa ay u eg tahay mid ay ka go’an tahay inay muquuniso dowlad goboleedyada iyo mucaaradkeeda kale ee Muqdisho ku sugan. Mana ahan taasi mid ay tabarteeda leedahay. Dhanka kale, dowlad goboleedyada waxaa iyana ka go’an inay iska caabbiyaan dowladda dhexe, jidkay doonaan ha u maraane, xitaa haddii ay noqoto inay faraqa ku xirtaan quwado shisheeye. Sii socoshada is-qabqabsiga iyo ficiltanka dowladda federaalka iyo dowlad goboleedyada, waxay wax yeelaynayaan danaha labadaba iyo midda dalka, ha noqoto dan siyaasadeed, mid dhaqaale ama kuwo amni. Bilihii lasoo dhaafay, illaa intii iyagu ay isku jeesteen, is-qab-qabsiguna uu cirka isku shareeray, hawl-galladii Al Shabaabka lagu wajahayey waxaa galay hakad. Madaxda maamul goboleedyadu waxay ku mashquulsanaayeen is difaacid, si aan loo marsiin jidkii madaxweynihii hore ee Hirshabeelle, Cali Cabdullaahi Cosoble. Iska daa inay ka mashquuleen dagaalka cadowgooda Al shabaab iyo Daacish, waxay kaloo dayaceen labada heer dowladeed inay dadka ay xukumaan gaarsiiyaan adeegga ay mudan yihiin iyo inay u banbaxaan hawlaha kale ee kala-guurka ee dhammaystirka dastuurka, sugidda aminga iyo hirgelinta doorasho qof iyo cod ah. Dhanka kalana, madaxda dowlad goboleedyada, gaar ahaan Galmudug, Hirshabeelle iyo weliba Puntland waxay la gebi-dhac-laynayaan xal u helidda khilaafyo gudaha uga furmay. Gaar ahaan Galmudug, oo aadba mooddo in ayba burbur qarka u saaran tahay, wuxuuna maamul goboleedkaan nugul si degdeg ah ugu baahan yahay gurmad iyo badbaadin intii aysan xaaladdiisu gelin meel aan wax ka qabasho lahayn. Hirshabeelle-na waa gobol kale oo weli aan si dhamaystiran u dhismin, lana daalaa-dhacaya faragelin dowladda federaalka lagu eedaynayo. Inkasta oo Madaxweyne Waare uu dhawaan shaaciyey in xiisaddii dowladda federaalka kala dhaxaysay la qaboojiyey, haddana, waxa uu carrabka ku adkeeyey in dowladda Madaxweyne Farmaajo ay si niyad ah ula xaajooto goboleedyada. Mana aha markii koobaad oo Waare uu dowladda federaalka ah la heshiiyey, oo waxaa jira is-afgaradyo hore oo miro dhal noqon waayey, wakhtiga ayaana sheegi doono inta ay is-afgarashadan sii jiri doonto. Puntland, xaaladdu sida Galmudug uma calawsana, inkastoo ay welwelkeeda leedahay. Waa arrin ugub ah in madaxwyne-ku-xigeen – dastuur ahaan iyo xaqiiqo ahaanba awooddiisu xaddidan tahay – in uu bannaanka ula soo baxo mucaaradnimada madaxweynihiisa. Taariikh ahaan, madaxweyne ku–xigeennada Puntland, waxa ay ahaayeen kuwo madaxweynayaashooda la shaqeeya. Madaxweyne ku xigeenka Puntland, Cabdixakiim Camey, waxa uu si joogta ah uga biyo diidsanaa go’aammada Golaha Iskhaashiga Dowlad Goboleedyada, oo ay ku jirto go’aammadii kasoo baxay kulankii ugu danbeeyey ee ay ku hakiyeen xiriirka dowladda dhexe. Diidmadiisu ma saamayn jirin Puntland, laakiin, maaddaama doorashadii madaxweynaha Puntland ee Janaayo 2019 ay soo dhawaatay, madaxweyne Gaas-na uu Golaha Iskaashiga Dowlad Goboleedyada uu guddoon u yahay, gadoodka madaxweyne-ku-xigeenkiisa waa mid, haddii uu Gaas tartamayo, dib-u-doorashadiisa dhantaali karta. Madaxda Kuufur Galbeed iyo Jubbaland qudhooda waxaa kusoo fool leh doorasho madaxweyne, bilaha soo socda. Waxayna ku doodayaan in dowladda federaalku ay caawinayso mucaaradkooda ayna ka go’an tahay in aysan madax sii ahaan. Ama dareenkaas run ha noqdo ama yaanu noqonine, labada dhanacba waa isku tafo-xayteen. Jubbaland xaaladdeeda ayaana sii wel-wel badan, siyaasad iyo amni ahaanba. Madaxweyne Axmed Madoobe waxa uu ka cabanayey in dowladda federaalka in ay xasillooni darro ka waddo gobolkiisa iyada oo ku kicinaysa siyaasiyiin gobolka Gedo kasoo jeeda, kuwaas oo la hayb ah Madaxweyne Faramaajo. Weligeed, Soomaaliya loollanka qabaa’ilka wuxuu ka ahaa arrin khatarteeda leh, isku dhacna si fudud u keenta, magaalada Kismaayana kuma sii jirto, oo magaaladaas dekedda ah, waxa ay ahayd meel ay ku loollamaan beelaha ay kasoo jeedaan Madaxweyne Farmaajo iyo Axmed Madoobe. Somaliland xitaa kama aysan fakan haraatida dowladda federaalka ah. Bilo kahor, dowladda federaalka waxa ay deeq bixiyayaalka amartay inaysan si toos ah Somaliland caawimo iyo deeqo horumarineed u siin karin, iyadoo aan dowladda dhexe oggolaansho laga qaadan. Tallaabadaasna dowladdu waxay ku baddeshey siyaasad illaa sannadkii 2000 lagu shaqaynayey oo ahayd inaan la siyaasadayn, laysna hortaagin wixii deeq iyo horumarin ah oo ku socda deegaannada Somaliland. Dowladdihii isaga dambeeyay dalka waxay kala duween hadafkoodii ahaa dibu mideynta dalka iyo arrimaha bini’aadamnimada iyo kuwa horumarinta. Siyaasaddaas ayaa ahayd mid Somaliland iyo Soomaalida kalaba u shaqaysay, ayna isla oggolaayeen. Siyaasadda cusub ee dowladda federaalku waa hubaal inay sii murjinayso wadahadalladii Somaliland ee awalba hakadku galay. Caasimada Online Xafiiska Muqdisho Caasimada@live.com

MOGADISHU (HOL) – Somalia’s government has granted Qatar a new permission allowing the tiny Gulf state to export the country’s wildlife species, a move which environmentalists have warned threatens to drive many endangered species to extinction in a country which lacks wildlife legislations. Source: Hiiraan Online

MOGADISHU (HOL) – Somali government is to recruit extra intelligence officers to boost security of the capital, Mogadishu amid surge in assassinations and attacks by suspected militants in recent months. Source: Hiiraan Online

Xili dhawaan Wasaaradda amniga gudaha Soomaaliya ay ka soo horjeysatay in Mukhtaar Roobow Abuu Mansuur uu isku soo sharaxo jagada madaxtinimo ee Koonfur Galbeed ayaa arintaasi waxaa jawaab ka bixiyay Abuu Mansuur. Mukhtaar Roobow Cali Abuu Mansuur oo maanta khudbad ka jeedinayay xaflad lagu taageerayo oo ka dhacday magaalada Baydhabo ayaa soo hadal qaaday sida uu arko go’aankii ay soo saartay Wasaaradda amniga Soomaaliya. Abuu Mansuur ayaa sheegay in aanu u hogaansami doonin amarka ka soo baxay dowlada Soomaaliya gaar ahaan Wasaaradda amniga. Mukhtaar Roobow ayaa sheegay in uu isku soo sharaxay kadib codsi ka yimid dadka reer Koonfur Galbeed. Mukhtaar ayaa ku tilmaamay hadalka dowlada ka soo yeeray in uu la mid yahay hadaladii dhaliyay khilaafka u dhaxeeya dowlada Soomaaliya iyo maamul goboleedyada. Dhawaan Wasaaradda amniga ayaa sheegtay in Mukhtaar Roobow oo kal hore ka mid ahaa Al-shabaab uusan wali buuxin shuruudaha musharaxnimo islamarkaasina wali dowlada ay baaritaano ay waday ay wax uga dhimanyihiin. Xasan Maxamed Samatar Cowke Puntland Post The post Mukhtaar Roobow oo ka jawaabay hadalkii ka soo yeeray Wasaaradda Amniga appeared first on Puntland Post.

Muqdisho (Caasimada Online) – Xildhibaano ka tirsan golaha shacabka ee Baarlamaanka Federaalka Soomaaliya ayaa ka hadlay go’aanka dowladda Soomaaliya ay Sheekh Mukhtaar Roobow Abuu Mansuur kaga joojisay tartanka doorashada madaxweynaha maamulka koofur galbeed. Xildhibaanada oo badankood kasoo jeeda Koonfur Galbeed, qaarkoodna maanta la kulmay Roobow, ayaa ku baaqay in aan la caburin shacabka maamulka Koonfur Galbeed ee ku faraxsan in Sheekh Mukhtaar Roobow Abuu Mansuur. Dowladda Soomaaliya ayay ka codsadeen iney ka laabato go’aanka sidoo kalena aysan caburin musharaxiinta ka qeyb galaya tartanka doorashada madaxweynaha maamulka koofur galbeed. Mukhtaar Roobow ayaa ka mid ahaa aas aasayaasha Al-Shabaab, waxaa uu soo noqday Afhayeenka iyo hogaamiye ku xigeenka Al-Shabaab. Isaga oo markii dambe isaga baxay Al-Shabaab kuna soo biiray dowladda Federaalka Soomaaliya. Dowladda Mareykanka ayaa ka qaaday lacagtii la dul-dhigay madaxiisa ee gaareysay 5-milyan, hase ahaatee dowladda Soomaaliya ayaa sheegeysa in weli aan laga qaadin Mr Roobow xayiraadi saarneyd ee Caalamiga aheyd, sida tii Booliska Caalamka, dhaqaalaha iyo safarkiisa. Caasimada Online Xafiiska Muqdisho Caasimada@live.com

Jowhar (Caasimada Online) – Xildhibaanno ka tirsan baarlamaanka maamulka Hir-Shabeelle ayaa daboolka ka qaaday in Hanjabaado kala duwan loo jeediyay kadib Mooshinkii ay ka gudbiyeen Hogaamiye Waare. Xildhibaanada ayaa sheegay in loogu hanjabay in la dhibaateyn doono haddii ay kusii adkeystaan Mooshinka ay ka wadaan Hoggaamiye Waare oo xalay fiidkii la gudoomay. Xildhibaanada gudbay Mooshinka oo ay soo foodsaartay cabsi ayaa sheegay in wixii soo gaara wax laga weydiin doono Dowlada Somalia iyo Hoggaamiyaha maamulka ee Mooshinka laga gudbiyay. Xildhibaanada oo qaarkood la hadlay Idaacada Dalsan ayaa sheegay inay hanjabaad kala kulmayaan xitaa mas’uuliyiin ka tirsan dowladda Soomaaliya oo aan qudhooda ku qanacsaneyn Mooshinka laga wado Waare, sida ay hadalka u dhigeen. Xildhibaanada loo hanjabay ayaa waxaa kamid ahaa Xildhibaan Mahad Xassan oo ka tirsan baarlamaanka Hir-Shabeelle oo sheegay in isaga iyo Xildhibaano badan ay soo foodsaartay xaalad cabsi leh. Waxa uu tilmaamay Xildhibaanka in Hanjabaada ay si siman ugala kulmaan mas’uuliyiinta Hir-Shabeelle iyo kuwa Dowlada Somalia, hase yeeshee waxa uu carab ***** in hanjabaadasi ay sii kordhin doonto cadadka Mooshin wadayaasha. Sidoo kale, Xildhibaan Mahad Xassan ayaa sheegay in cabsida iminka heysa ay tahay mid kaga imaaneysa dhinacyada dowlada iyo maamulka, waxa uuna ku adkeystay in Mooshinkaasi ay ka miro dhalin doonaan. Si kastaba ha ahaatee, Hoggaamiye Waare oo maanta gaaray magaalada Jowhar ayaa iminka bilaabay kulamo uu ku doonayo inuu ku kasbado Xildhibaanada Mooshinka laga gudoomay wallow ay ku adkeysanayaan Mooshinkooda. Caasimada Online Xafiiska Jowhar Caasimada@live.com

MOGADISHU (Caasimada Online)–Somali Islamist group has seized a cache of weapons from armored personnel carriers bound for Kenyan police near border town. The assortment of weapons and ammunition were captured by heavily armed fighters loyal to Sheikh Ahmad Iman Ali, the leader of Shabaab’s branch in Kenya. Kenyan police says the Islamist group Al Shabaab had seized number of boxes of ammunition heading to other police forces stationed in Mandera town. The police said security and police forces are pursuing suspected Al-Shabaab militants who captured an assortment of weapons and ammunition. Kenyan police added a security operation is underway to pursue the militants who had crossed from Somalia to carry out attacks on the Kenyan soil. The security forces in Kenya have intensified patrols along the border with Somalia in the wake of terror attacks in the border region. Since the Kenyan soldiers crossed into Somalia in 2011, several attacks believed to have been carried out by Al-Shabab have occurred in Mandera, Wajir, and Garissa in northern Kenya. Caasimada Online Mogadishu News Desk Caasimada@live.com

Muqdisho (PP) ─ Duqa Muqdisho ahna Guddoomiyaha Gobolka Banaadir Mudane Cabdiraxmaan Cumar Cusmaan (Eng. Yarisow) ayaa soo saaray wareegto lagu mamnuucayo in laga soo dejiyo dekedda iyo dhammaan soohdimaha dhulka ee magaalada Muqdisho gaadiid Mooto Bajaajka ah oo cusub. Guddoomiyaha ayaa u muddeeyey labo bilood oo maanta ka bilaabanaysa, dadka ay haatan kaga jiraan gaadiidkaasi dekedda iyo kastmyada magaalada Muqdisho. Eng.Yarisow ayaa kula dardaarmay wadeyaasha gaadiidka Bajaajka ee ka dhex shaqeeya Caasimadda in ay ka digtoonaadaan khataraha shilalka oo marar badan ay soo diiwaan geliyeen Ciidanka Ilaalada Waddooyinku shilal sababay khasaare nafeed iyo mid maalba. Sidoo kale, Guddoomiyaha Gobolka Banaadir ayaa adkeeyey muhiimadda ay leedahay in wadeyaasha Bajaajku ay si dhaw ula shaqeeyaan laamaha ammaanka, una hoggaansamaan tallaabooyinka lagu sugayo amniga iyo hannaanka waddo marista Caasimadda. Ugu dambeyn, Go’ankan ayaa salka ku haya talo soojeedin ka timid Taliska Ciidanka Booliska Soomaaliyeed oo odoroosay tirade xad dhaafka ah ee gaadiidka Bajaajka ee ka dhex shaqeeya magaalada Muqdisho iyo saameynta ay ku leeyihiin amniga Caasimadda. PUNTLAND POST The post Maamulka Gobolka Banaadir oo Joojiyey soo dejinta Mootooyinka loo yaqaan Bajaaj-ta appeared first on Puntland Post.