Ciidanka dowloadda federaalka Soomaaliya iyo kuwa AMISOM ayaa Todobaad kahor waxa ay howlgallo ka bilaabeen wadada isku xirta B/weyne iyo Buul—burde iyaga oo dagaallo kala kulmay Al-shabaab. Ciidamadii ka baxay B/weyne ayaa gaaray degmada Buulo-burde, waxaana weli ay sii wadaan dhaq-dhaqaaqyo kale oo ay ku doonayaan iney ku tagaan deegaanno kale. Korneel Faarax Cali Waasuge, Taliyaha guutadada Shanaad qeybteeda 27-aad ee ciidanka xoogga dalka ayaa isaga oo la hadlay warbaahinta waxa uu sheegay in khasaare badan ay soo gaarsiiyeen Al-shabaab. Taliyaha ayaa dhanka kale ugu baaqay dhallinyarada ka midka ah Al-shabaab iney isaga soo baxaan ururkaasi oo ay isku soo dhiibaan dowladda federaalka Soomaaliya. Halkaan hoose ka dhageyso: https://goobjoog.com/wp-content/uploads/2018/10/Warka-Howlgalka-Hiiraan-Talaado-By-Ziyaad-10-10-2018.mp3 Goobjoog News Source: goobjoog.com

Wararka ka imaanaya gobolka Shabeellaha dhexe ee Koonfurta Soomaaliya ayaa sheegaya in halkaasi qarax lagula beegsaday kolonyo ka tirsan ciidamada AMISOM. Kolonyada ayaa la sheegay in qaraxa lagula eegtay degaanka Gololeey oo u dhexeeya magaalooyinka Muqdisho iyo Jowhar kana tirsan gobolka Shabeellaha dhexe. Wararku waxay intaas ku darayaan in mid kamid ah gawaarida gaashaaman ee ciidamada Burundi ay waxyeello ka soo gartay qaraxa oo aha miino wadada lagu aasay. Sidoo kale dadka degaanka ayaa laga soo xigtay in qaraxu haleelay kolonyo kamid ah AMISOM oo ka soo laabtay degmada Jowhar ee gobolka Shabeellaha dhexe halkaas oo ay sahay iyo saanad ciidan geeyeen. Dhinaca kale malayshiyaadka Al-shabaab ayaa sheegtay mas’uuliyadda qaraxaasi,sida ay lagu daabacay warbaahinta taageerta. PUNTLAND POST The post Kolonyo ay leedahay AMISOM oo la qarxiyay appeared first on Puntland Post.

Guddiga Amniga Puntland ayaa soo saarey qodobo ku qotomo doorashadda Madaxwaynaha ee kusoo wajahan maamulkaan, taasi oo ay ka harsan tahay muddo 80-cisho ah. Taliyaha ciidamada xasilinta gobolka Nugaal Muxuyadiin Axmed Muuse ayaa sheegay caqabado dhanka amniga oo Garoowe ku soo kordhay in ay masuuliyaddooda leeyihiin musharrixiinta. Waxa uu sheegay taliyaha in xabadaha habeenkii dhaca ay hadda ridaan ilaalada mas’uuliyiinta, isaga oo sheegay in aan loo dulqaadan doonin arrimahaasi. Taliyaha ayaa sheegay in magaalada oo aad u buux dhaafiyeen siyaasiyiin ayaa hadana ilaalada ay kala wataan mararka qaar rasaas ay ridaan. “Ciidamo badan oo hub ku dhex wata magaalada ayaan qabannay waxay sheegayaan in meel banaanka ka ah magaalada ka yimaadeen ama ku leeyihiin hebel ayaan la soconnaa, hadaba ciidamada sidaas oo kale ah hubka Koontaroolka ayeey soo dhigi doonaan, ama waan maxkamadeyn doonnaa” ayuu yiri taliyaha. Garoowe ayaa amni ahaan maalmahan dambe ahayd mid aad uga sii dartay, waxaana magaaladaasi ku batay dhaca loo geysanayo dadka shacabka ah. Goobjoog News Source: goobjoog.com

Baydhabo (Caasimada Online) – Wasiirkii hore ee Gaashaandhiga Somaliya, haatanna ah Xildhibaan katirsan Golaha Shacabka ee baarlamaanka Somaliya, ayaa ka hadlay dagaalka ka dhanka ah Al-Shabaab ee dowladda wado. Xildhibaan C/rashiid C/llaahi Maxamed, ayaa sheegay in dowladda ka gaabisay qaadista duulaan saf balaaran leh oo lagu ekeenayo deegaanada Shabaab ka heystaan Gobolada Dalka Somaliya. ” Bilihii u danbeeyay dowladda kuma howlaneyn in lala dagaalamo Al-Shabaab, Waxeyna ku mashquulsaneyn inteeda badan Maamul Goboleedyada, SIyaasada iyo hiigsiga sanada 2020, Taas ayaa ka amrin habaabineysa howlihii asalka u ahaa in dalkaan Xasilooni lagu soo dabaalo” Waxaa sidaa VOA u sheegay Xildhibaanka. Waxa uu sheegay in mudadii uu fadhiyay Wasaarada Difaaca la isla qaatay inaan lakala joojin Dagaalka Shabaab, lala hadlo inta wadahadalka ogol, wixii ka soo harana rasaas lagu maquuniyo. Xildhibaan C/rashiid C/llaahi Maxamed, oo ahaa ninkii Muqdihso keenay Sanadii hore Mukhtaar Rooboow Abuu Mansuur, ayaa dhinaca kale ka hadlay dooda dowladda ay gelisay musharaxnimada Rooboow. Dowladda, ayuu ku dhaliilay iney Rooboow uga baxday balamo ay wada galeen, taasoo qeyb ka eheyd inuu isu sharixi karo doorashada Baydhabo ka dhaceysa 17-ka Bisha danbe ee November. C/rashiid Cabdullahi Maxamed oo ahaa shaqsigii bilaabay wada hadalka dhexmaray dowladda federaalka iyo Sheekh Muqtaar Roobow ayaa wuxuu sheegay qaabkii loo balamay in badan oo ka mid ah in dowladda dhankeeda uusan ka fulin. Wuxuu sheegay qodobada la isku afgartay ee dhanka dowladda uu ka fuli waayay inay ka mid aheyd in si wadajir ah oo dalka iyo dadka dano ah lagu wada hawlgalo, balse arrintaasi iyo kuwa kaleba ay dowladda ka baxday. “Muqtaar Shabaab mar hore ayuu ka baxay, warkiisana wuu cadeeyay, dagaallo lala galay Shabaab wiilkiisa C/laahi ayaa kaga dhintay, marin habaabin ayaan u aragnaa in Muqtaar markale lagu tiriyo Shabaab, dano siyaasadeed ayaa laga leeyahay arrintan”. ayuu yiri wasiirkii hore ee gaashaandhigga Soomaaliya oo la hadlay VOA-da. Wuxuu sheegay intii uu wasiirka ka ahaa wasaaradda gaashaandhigga in lagu balamay Shabaab intooda ku haboon in wada hadal lala galo, inta kalena dagaal toos ah lagu qaado, balse dowladda ayuu tilmaamay inay arrimahaasi meel iska dhigtay oo ay ku mashquushay siyaasadda maamul goboleedyada iyo doorashooyinka 2020-ka. C/rashiid C/laahi ayaa tilmaamay ololaha doorashada Roobow inay soo bilaabatay mar hore dowladda hadii ay dooneysay inay wax saxdana goor hore laga rabay inay soo saarto warqada ay ku hor istaagtay, wuxuuna sheegay in dano siyaasadeed laga leeyahay is hor istaaga lagu sameeyay Roobow. Halkaan hoose ka dhageyso: https://www.caasimada.net/wp-content/uploads/2018/10/codka.mp3Caasimada Online Xafiiska Muqdisho caasimada@live.com

Weerar ambush ah ayaa xalay lagu qaaday talis kamid ah ciidamada Somaliland ee fadhiya Tukaraq,sida ay sheegeen dadka degaankaasi. Weerarka ayaa waxaa ka dhashay dagaal socday in ka badan hal saac oo halkaasi ku dhexmaray ciidamada Somaliland iyo ciidamo degaanka u dhashay oo taageersan Puntland. Saraakiil ka tirsan ciidamada difaaca Puntland ee jiidda Tukaraq ayaa xaqiijiyay in weerarka lagu qaaday talis ay leeyihiin militariga Somaliland oo ka durugsan furinta hore. Saraakiisha ayaa intaas raaciyay in weerarka ay halkaasi ka fuliyeen ciidamo degaanka u dhashay oo Puntland taageersan islamarkaana Somaliland khasaare kala duwan loogu geystay. Ma jirto wax faahfaahin ah oo laga hayo khasaaraha kala gaaray labada dhinac,sidoo kalena Puntland iyo Somaliland midna weli kama hadlin. Hase yeeshe guddiga difaaca Puntland ayaa la filaya in ay maanta saxaafadda uga warbixiyan dagaalkii xalay iyo khasaaraha la dhashay. The post Dagaal xalay ka dhacay Tukaraq appeared first on Puntland Post.

On Tuesday, Oct. 9 at 6:30 p.m., Patten Free Library in Bath will host Portland resident Abdi Nor Iftin for a book talk and signing of “Call Me American: A Memoir.” Source: Hiiraan Online

Records indicate that the limousine company involved in a crash that killed 20 people in upstate New York is owned by a noted FBI informant. Source: Hiiraan Online

A week after dissident journalist Jamal Khashoggi entered Saudi Arabia’s consulate in Istanbul for some routine paperwork, the mystery over his disappearance remains unresolved: Turkish officials allege he was killed in the compound; the Saudis say he left the building unharmed. Source: Hiiraan Online

Police in Garissa are hunting a woman for the torture of a 13-year-old girl who was under her care for one year. Source: Hiiraan Online

Turkish authorities are examining motorway cameras in the search for a black van they believe carried the body of Jamal Khashoggi from the Saudi consulate in Istanbul last week – one of six cars investigators say belonged to a Saudi hit squad thought to be behind the suspected murder of the dissident journalist. Source: Hiiraan Online

Google announced Monday it is shutting down the consumer version of its online social network after fixing a bug exposing private data in as many as 500,000 accounts. Source: Hiiraan Online

Muqdisho (Caasimada Online) – Kooxda Al-Shabaab ayaa markii ugu horreysay ka hadashay tallaabada uu Mukhtaar Roobow isugu soo sharraxay xilka madaxtinimada maamulka Koonfur Galbeed Soomaakliya, oo uu ku dhawaaqay toddobaadkii tagey. Warbaahinta rasmiga ah ee ku hadasha afka Al-Shabaab ayaa bilaawday in ay warbixinno ka sameyso dhaq dhaqaaqa siyaasadeed ee Rooboow, oo horey uga tirsanaa kooxda Al-Shabaab, uu kawado magaalada Baydhabo, waxaana Idaacadda Andalus ay u adeegsatay warbixinteeda Erayga “Murtad Mukhtaar Rooboow Al-Shabaab waxa ay sheegtay in Mukhtaar Roobow uu “ku dhuumaaleysanayey safka mujaahidiinta, oo uu culees iyo caqabad ku ahaa jihaadka, iskaba daa inuu wax taro” “Dadkii ugu dambeeyey ee allaha ku fadeexeeyey umadda hortooda waxa uu ahaa Mukhtaar Roobow, oo bishii August 2017 ku biiray kooxda murtadiinta Soomaaliya” ayaa lagu yiri warka ay baahisay idaacadda Andalus ee kooxda Al-Shabaab. Al-Shabaab ayaa tiri “xitaa ka hor inta uusan dowladda isku dhiibin, waxa uu Mukhtaar Roobow sanado badan xiriir hoose la lahaa cadowga, isaga oo maleegayey shirqool ka dhan ah mujaahidiinta” Afhayeenka Al-Shabaab, Sheekh Cali Dheere ayaa sheegay in Roobow uu la mid yahay Burhanudin Rabani, Gulbuddin Hekmatyar iyo Abdul Rasul Sayyaf, oo dhammaantood ah reer Afghanistan, iyo Sheekh Shariif iyo Axmed Madoobe oo Soomaali ah. Dhageyso codka Sheekh Cali Dheere Caasimada Online Xafiiska Muqdisho caasimada@live.com

Addis-Ababa (Caasimada Online) – Dowladda Ethiopia ayaa u ogolaan doonta dadka Afrikaanka ah inay dalkaas ku galaan visa la’aan, xilli miisaaniyeedka 2018/19, sida uu sheegay madaxweyne Mulatu Teshome. Aqalka Wakiilada Ethiopia iyo Aqalka Federaalka ayaa shalay kulan wada jir ah oo arrintan ku saabsan ku yeeshay magaalada caasimadda ah ee Addis-Ababa, halkaasi oo go’aankan lagu gaaray. Lama shaacin waqtiga rasmiga ah ee uu dhaqan galayo sharciga. Ogolaanshaha in dalkaas ay dadka Afrikaanka ah ku yimaadaan dal-ku-gal la’aan ayaa waxaa ka faa’iideysan kara boqolaal Soomaali ah, oo dalkaas u safra, mararka qaarna dhibaato kala kulma helidda Visa-ha dalka Ethiopia. Go’aanka cusub ayaa dadka Afrikaanka ah u ogolanaya inay marka ay soo degaan garoonka ka qaataan Visa-ha, intii ay dalban lahaayeen ka hor inta aanay iman, sida uu sheegay madaxweyne Mulatu. Lama sheegin dal Afrikan ah oo go’aankan laga reebay, sidaas darteed, waxaa ka faa’iideysan doono dhammaan muwaadiniinta qaaradda. Arrintan ayaa qeyb ka ah dadaal ay Ethiopia ku dooneyso inay ku horumariso dalxiiska dalkaas, islamarkaana sare u qaaddo dhaqaalaha dalka. Shirkadda Ethiopian Airlines ee duulimaadyada ayaa ah midda ugu weyn qaaradda Afrika, waxayna sidoo kale waddaa dadaallo ay ku kordhineyso duulimaadyadeeda, taasi oo qeyb ka ah in la fududeeyo imaanshaha dalkaas. Caasimada Online Xafiiska Muqdisho Caasimada@live.com

Bisha Janaayo sanadka dambe waxaa loo ballansan yahay in ay Puntland ka dhacdo doorashada Madaxweynenimo ee maamul Gobolleedkaas. Sidi hore loo bartay si ka duwan, shacabka reer Puntland waa markii ugu horreeysay ee ay ku adkaato in ay saadaal ka bixiyaan cidda u qaban doonta hoggaanka. Yaa sharraxan? Musharaxiinta hadda u taagan qabashada xilkaas ama bedelidda Cabdiweli Cali Gaas waa kuwo ay tiradooda ku dhaw dahay 20 haddii aysan ka badneyn, hase ahaatee, wey adag tahay in tilmaan laga bixiyo shaqsiga ku soo bixi doona. Caadiyan, Puntland waxaa xilka ugu sarreeya isku bed bedelli jiray Jufada Maxamuud Saleebaan ee ka tirsan Majeerteen laga soo bilaabo Cabdullaahu Yusuf Axmed (AUN), kaas oo door weyn ku lahaa dhidhibbo u aasiddii maamulka ugu da’da weyn Koonfurta Soomaaliya, isaga oo noqday Madaxweyneheedii kowaad. Cabdullaahi Yusuf waxa uu beel ahaan ku abtirsanayey Cumar Maxamuud oo ka mid ah Maxamuud Saleebaan, waxaa bedelay Cadde Muuse (AUN) oo isna ahaa Cismaan Maxamuud, waxaa xigay Cabdiraxmaan Faroole oo ah Ciise Maxamuud – hakaas waxaa ku soo xidhmay tookeysigii kowaad ee Maxamuud Saleebaan! Cabdiweli Gaas ayaa dib giraanta u soo celiyey oo ah Cumar Maxauud, hadaba, su’aasha taagan ayaa ah tookeysigu ma socon doonaa? Haddii ay haa tahay, Yaa Cismaan Maxamuud u soo bixi doona? Hase ahaatee, waxaa su’aashaas kore ciriiri galiyey loolanka mandiqadda ka jira ee ay isku hayaan Imaaradka Carabta iyo Qadar kuwaas oo dhinaca kale u rogi kara giraantii Maxamuud Saleebaan! Haddii aad weydiiso, indheer garadka reer Puntland, yaa sanadkan ugu cad cad ama fileysaa waxa ay kuu sheegayaan in uu hummaag uga jiro arrintaas oo ay sababtu tahay loolanka Qadar iyo Imaaraadka. Imaaraadka waxaa aad ugu xiran Cabdi Weli Gaas, Saciid Deni, iyo Cumar Cabdirashiid, halka Qadar ay wada-hadal la leedahay dhowr musharax, ayada oo weli xuleysa hala ama laba musharax oo xooggan oo ay xoogga ay saarto. Yaa ugu cad cad? Juxa – Ciise Maxauud – waxa uu qaldi doonaa giraantii wareegga ahayd! Faarax Cali Jire – Cali Saleebaan – Ma qaldi doono ee dhinaca kale ayuuba u roggi doonaa Siciid Deni iyo Dr Saadiq Enow, Cumar Cabdirashiid – Cismaan Maxamuud Waa jug jug meeshaada joog iyo ha socoto giraanto! W/Q: Mohamed Muse Aden (Mohamed Kaafi) Email: Muhammedkaafi@Gmail.com

Dhawaan wareysi ay VOA-da la yeelatay Dr Edna, oo hore Wasiirka Arrimaha dibedda ee Somaliland u soo qabatay waxa ay ku sheegtay hadallo farxad galiyey laabta qof walba oo Soomaali ah. Weydiin ay Sahro Ciidle Nuur oo wareysiga qaadeysay ku tuurtay Adna ayaa u dhigneyd sidan: “Suurtagal ma tahay in Somaliland markale Soomaaliya isku noqdaan oo la’isu yimaaddo?” Jawaabta Dr. Edna: “Haddii Soomaaliya dowlad wanaagsan ka dhalato, dowlad wanaagsan oo wax lala qeybsan karaa, DABCAN”. Dhabtii ma ahayn hadallo ay umadda Soomaaliyeed ka fili kartay shaqsi aad ugu ad adkaa qadiyadda gooni isu taagga Somaliland, Dr. Edna, hayeshee, sida waqtiga wax walba u bedelo ayey u muuqatay in Edna uu Iyana u bedelay. Qodobada hoos ku xusan waxa ay kuu muujinayaan in hadalka Dr Edna iska imaan ee uu ku qotomay waaqaca ama xaqiiqda jirta. Kow: Dhallinyaraddii Somaliland oo noqday safiirro wanaag ka gudbiya Soomaalida Koonfurta Haddii aad joogto Muqdisho, waxaa kuu soo baxaysa in caasimadda Soomaaliya is dhexgal aad u weyn ka jiro. Dhallinyaraddii Waqoyiga, haba ugu badnaadeen Hargeisa, Burco iyo Boorame waxa si xawli ah u yimaadaan magaalada. Imaanshahooda ma aha mid ku kooban, soo arag Muqdisho, balse waa dhallinyaro wax soo bartay oo soo raadsaday fursado shaqo. Waxaa lagu soo dhaweeyaa farxad iyo xiiso ay u qabaan dhiggooda Koonfurta oo durba ku casuma dalxiis geyn, Liido, Pizza House, Jazeera, Cadalle iyo Warshiikh! Maanta shaqaalaha ugu badan ee hay’adaha dowladda ilaa iyo xafiisyada Madaxweynaha iyo Raisul Wasaaraha waa dhallinyaro reer Waqooyi ah! Taas, waxa ay keentay in ay sawir walaalnimo, kalgacal uga gudbiyaan dhallinyrada Koonfurta, taas oo dhabbaha u sii xaarta in dhallinyaro kale ay maalin wala gegida Aadan Cadde ka soo dagaan! Ogow, waa dhallinayaro xoog uga gudbay xeyn-daabkii xarigga ee maamulka Somaliland! Qodobka labaad: Siyaasiyiinta Soomaalida oo ka dhawrsada hadallo xanaf keena Dhammaan madaxdii isu kala bedeshay hoggaanka Villa Soomaaliya, laga soo bilaabo bur burkii kaddib, ma jirin mid hadal xanaf leh u quuray walaalaha Somaliland, taas cagsigeeda, siyaasiyiinta Somaliland qaar baa jira xataa ka gudbay dhaqankii Soomaalinnimo, walaalnimo iyo Islaannimo oo aflagaadooyin ay Soomaali kala mudneyn warbaahinta mariyey – xataa qaar baa yiri, “Wiilka Muqdisho ku dhasha waxaa nooga sokeeya kan Itoobiya ku dhashay!” Mas’uuliyadda ay isa saareen hogaamiyeyaasha Soomaaliya waxa ay door ka ciyaartay in ay ugu yaraan ku day’daan dhiggooda Waqooyiga, hadalka Dr. Edna ma aha mid iska yimi. Qodobka Saddexaad: Garowshiyaha dhibtii gaadhay walaalaha Somaliland Waxaa isna xusid mudan oo dhabtii bedeli kara ama bedelay mawqifkii Somaliland garowshiyaha ay Soomaalida kale ka bixisay dhibtii uu kacaanka gaadhsiiyey walaalaha Waqooyiga. Walow, Kacaanku dhib iyo dheefba lahaa, hadana dhibtiisu kuma koobneyd hal deegaan oo waxa uu ahaa mid simmay dhammaan dadka, Puntland dhibbaa ka soo gaadhay, Goboladda dhexe iyo Muqdisho sidoo kale, ma jirto meel uu gaar ku ahaa, taas oo jirta, hadanna Soomaalida Koonfurta waxa ay ka middeysan yihiin in si gaar ah loogu garaabo Walaaha Waqooyiga maadama ay iyagu ahaayeen kuwii wadajirka markii horeba soo gacalooday. Gunaanad, Mar haddii ay heshiiyeen Itoobiya iyo Eritrea oo dagaallo laba sano socday isku riiqay, col ahaa ,qorina isla horfadhiyey 20 sano, dhaqan iyo qabiil wadaagin, ogow, hadalka Dr. Edna iskama immaan! Wiilka Gabiley joogga, kan Goof gaduud jooda, Garbahaareey, Buurhakaba iyo Saylac iyo Sanaag, ma aqbali doonaan in la kala xidho. W/Q: Mohamed Musa Aden (Mohamed Kaafi) Email: Muhamedkaafi@gmail.com

Bosaso (Caasimada Online) – Wararka naga soo gaaraya deegaanka Tukaraq ee Gobolka Sool ayaa sheegaya in halkaa ay isku farasaaren ciidamada Somaliland iyo Puntland. Labada ciidan ayaa lasoo sheegayaa inay isku adeegsaden Hubka noocyadiisa kala duwan, iyadoo inta badan deegaanka laga maqlaayay Madaafiic culus oo ay is weydaarsanayeen labada ciidan. Hubka ugu badan oo labada ciidan ay isku adeegsanayeen ayaa ah Madaafiic kuwaa oo la xaqiijiyay inay u gudbayeen xaafadaha qaar. Dadka degaanka ayaa waxa ay sheegeen inta ay madaafiicdan socotay inay maqlayeen rasaas goos goos ah oo labada dhinac ay kala ridayeen. Madaafiicdan ay is weedaar-sadeen labada ciidan ayaa sidoo kale geystay khasaare kala duwan oo soo kala gaaray dhinacyadan iyo dadka rayidka ah. Wararkii ugu dambeeyay ee aan ka heleyno degaanka Tukaraq ayaa waxa ay sheegayaan in saakay xaaladu ay tahay mid degan, balse waqti walba la filan karo in dagaal uu dhaco, maadaama dhinacyadan ay weli is hor fadhiyaan. Sidoo kale, waxaa Tukaraq wali isku horfadhiya labada ciidan, iyadoo maamul waliba uu ciidamo dheeri ah ku daadgureynayo furumaha dagaalka. Si kastaba ha ahaatee, dagaalada ka taagan deegaanka Tukaraq ayaa u muuqanaaya kuwo soo cusboonaanaya waxaana suuragal ah in halkaa uu ka dhaco dagaal. Caasimada Online Xafiiska Boosaaso Caasimada@live.com

Dhuusomareeb (Caasimada Online) – Hogaamiyaha maamulka Galmudug Axmed Ducaale Geelle, oo mas’uuliyiin ka tirsan maamulkiisa kula shiraayay magaalada Dhuusamareeb, ee caasimadda Galmudug ayaa iska diiday wararka sheegaya inuu caqabad ku yahay wadahadalka dowlada Somalia. Xaaf waxa uu sheegay in shaqsi ahaantiisa uusan caqabad ku aheyn dowlada Somalia, hase yeeshee waxa uu su’aal ka keenay sababta ay dowladu faragalinta ugu heyso maamulka. Waxa uu Hogaamiye Xaaf tilmaamay inuusan diyaar u aheyn amardiido iyo inuu is hortaago amarada Madaxda Qaranka, hase yeeshee ay dhibeyso in mar waliba ay dowladu caqabad ku noqoto howlaha maamulka. “Waxan maqlaayay kuwo dhahaaya Xaaf waxa uu caqabad ku yahay dowlada adeer anigu kuma ihi balse waxan difaacayaa in faragalin lagu sameeyo maamulka howlihiisa, ka mas’uuliyiin ahaana waxaan idiin xaqiijinayaa in Xaaf uusan dhib ku heyn dowlada” “Galmudug cadaadis ay diideen maamulada kale qaadan meyso hadii aanu diidnay faragalin xadkeeda dhaaftay ma caqabad ayeynu ku nahay dowlada dowlada ayaa taa la weydiinayaa”ayuu yiri Xaaf. Waxa uu Xaafa cadeeyay in dowlada Somalia uu ka tirsanaayo dhibaatooyin badan oo ay kamid yihiin faragalin joogta ah, isu adeegsiga labada Gole, dhaliilo joogta ah iyo waxyaabo kale oo uu tilmaamay inaysan wanaagsaneen inuu ka sheego meelaha qaar. Mas’uuliyiinta maamulka ee uu la kulmaayay ayuu sidoo kale Xaaf ka dalbaday inay qabtaan haddii uu ka khaldan yahay dowlada, balse waxa uu ku nuux-nuuxsaday in laga khaldan yahay. Sidoo kale, Hogaamiye Xaaf ayaa tilmaamay inaysan wali jirin Isfahan laga gaaray Khlaafka maamulkiisa kala dhexeeyo dowlada Dhexe waxa uuna ku baaqay in xal loo raadiyo tabashooyinkooda. Dhinaca kale, Xaaf ayaa cod dheer ku sheegay dhamaan waxyaabihii ay tabanaysay Galmudug ay weli yihiin sidoodii, islamarkaana dowladda dhexe iska indha tireyso xalinta tabashadooda. Caasimada Online Xafiiska Muqdisho Caasimada@live.com

Waxaa qoraalkan gaaban ku fiirin doonaa isbarbar dhig saamaynta bulsho, dhaqan-dhaqaale iyo mida deegaanka ay gaadiidka “Autoshaw” oo looyaqaan Moto-bajaajta ay ku leedahay Caasimada iyo dallka. Wareegtada ka soo baxday gudoomiyaha gobolka Benaadir eng-yarisow ee ku saabsanayd mamnuucida soo dajinta moto-bajaajta magaalada muqdisho oo ubaahan qorshe howleedkii lagu joojin lahaa, waan soo dhaweynayaa talaabadaas uu gudoomiyuhu qaaday!! Anigoo ku salaynaya indho indhayn aan ku sameeyey faa’idooyinka iyo khasaaraha bulsho ee gaadiidkan. Sida ka muuqata qoraalka mamnuucida waxaa lagu saleeyey inay tiro ahaa soo badatay sidoo kalena ay amnigana caasimadana dhib ku hayaan!! Hadaba maxaa ka mida dhibaatooyinka Qarsoon iyo kuwa muuqda ee gaadiidka looyaqaan Moto-Bajaajta. Dhibaatooyinka:- 1. Shidaalka ay isticmaasho motto-bajaajta waxaa lagu daraa Oil waxayna deeganka kusoo daysaa qaac iyo diiqad badan oo dhibaataye deeganka caafimaadkiisa kaas oo saamayn dadban ku yeesha caafimadka dadka iyo kororka heer kulka dhulka. 2. 90% waxaa darawaliin ka ah dhalinyaro da ahaan ka yare 20 sano! Tani waxay sababtay inay dhalinyaradu meeshay aroortii waxbarasho u aadi lahaayeen inay u kalahaan wadida moto-bajaajta! Halkaas waxaa hoos udhac ku imanayaa tiradii iyo tayadii dhalinyaradii waxbaran lahayd iyo aqoontii bulshada! 3. Tirada Moto-bajaajta oo badatay waxay qab ka noqotay khalkhalka amniga iyadoo noqotay in waxbadan lagu dhibaateeyo sida in kii wax gaystaa uu ku dhuunto ama ku cararo! Tusaale hadan soo qadano:- Kismayo wax Moto-bajaaj ah kama shaqeeyaan, sidoo kale Baydhabo habeenkii markaa qoraxdu dhacdo waa laga joojiyaa shaqada wadooyinka magalada dhex mara! Labadas magaalo waxay ka mid yihin meelaha ugu aminiga fiican! 4. Shilkeeda ayaa aad ugu badatay magaalada maadaama aysan khibrad badan iyo masuuliyad lahayn darawaliintu dhalinyaronimada darteed intooda badan! 5. Waxaa soo ifbaxaya dhaqan xumo faro badan oo aysamaynayan dhalinyaradani sida isticmaalka drugs-ka, musics-qaylo dheer oo habeen iyo maalin ka baxaya iyo wixii lamidkaa oo aan cidina ka xakamaynayn. 6. Bilacda caasimada ayey wax udhintay ! Waxayna cariir ka dhigtay wadooyinka caasimada dhex mara. Faa’iidooyinka:- 1. Waxaa noloshooda laga maareeyaa qoysas badan oo magalada ku nool iyo guud ahaan gobolada Wadanka. 2. Dad badan ayaa aaminsan inay yaraysay tahriibta dhalinyaro badan oo ka dhigtay shaqo abuur oo ku nagaaday wadanka! Mahadsanidiin Khalif Hassan

Wasiir Cawad iyo safiirka Germany oo saxiixaya heshiisyada Soomaaliya iyo Germany ayaa kala saxiixday laba heshiis oo xoojinaya iskaashiga istiraatiijiyadeed ee labada dal ee saaxiibada ah u dhexeeya si hore loogu sii qaado barnaamijyada waxtarka leh ee horumarinta qaranka. Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad ayaa la saxiixday labo heshiis Safiirka Jamhuuriyadda Federaalka Germany ee Soomaaliya Marwo Annett Günther kadib munaasabad kooban oo lagu qabtay shalay Muqdisho, ayna goobjoog ka ahaayeen diblomaasiyiin la yaqaan oo labada dal ka kala tirsan. Heshiisyada la saxiixay ayaa kala ah Iskaashiga Maaliyadda oo ku baxaya qarash dhan 15 milyan oo yuuro iyo Iskaashiga Farsamo oo sidoo kale isna ku baxaya € 9.7 milyan. Jarmalka ayaa ah isbahaysi istiraatiijiyadeed oo Soomaali ay leedahay, waxa kale oo uu ka mid yahay kuwa ugu muhiimsan deeqbixiyeyaasha caalamiga ah ee taageera horumarinta iyo nabad ku soo dabaalidda dalka. PUNTLAND POST The post Soomaaliya iyo Germany oo kala saxiixday heshiisyo iskaashi appeared first on Puntland Post.

MOGADISHU (HOL) – A military court in Somalia's capital Mogadishu on Monday sentenced a police officer to eight years in jail over armed robbery spree . Source: Hiiraan Online

Istanbuul (Caasimada Online) – Warar isa soo taraaya oo laga helaayo Booliska dalka Turkiga ayaa muujinaaya inay suuragal tahay in la dilay wariyaha u dhashay dalka sacuudiga ee lagu magacaabo Jamal Khashoggi Mus’uuliyiin iyo Saraakiil ka tirsan dowlada Turkiga ayaa laga soo xigtay in Weriye Jamal Khashoggi lagu dhex dilay gudaha dhismaha Qunsuliyada Sacuudiga ee Turkiga. Jamal Khashoggi, oo raqdiisa ay ugu danbeysay afar cisho ka hor kadib markii uu galay Qunsuliyadda dalka Sucuudiga ee magaalada Istanbul oo uu kasoo sameysanaayay Dukumiintiyo si uu u guursado. Booliska qudhiisa ayaa rumeysan in Jamaal uu Qunsuliyada gudaha u galay si uu uga soo qaato Dukumenti ku saabsan guur uu qorshaynayey inuu galo. Booliska Turkiga waxa uu sidoo kale qabaa in Weriye Jamal Khashoggi lagu dhex dilay Qunsuliyada kadibna si degdeg ah loo dhoofiyay si aanu khilaaf Diplumaasiyadeed u dhexmarin labada dal. Mas’uul ka tirsan Qunsuliyadda Sucuudiga ee Istanbul ayaa beeniyey eedahaasi waxa ayna sidoo kale inkireen in Weriyahaasi uu ku dhex jiro Qunsuliyada ama ay dileen. Haddaba hoos ka dhageyso warbixin ay baahisay Idaacada VOA oo muujineysa in la dilay Weriye Jamal Khashoggi Demonstrators hold pictures of Saudi journalist Jamal Khashoggi during a protest in front of Saudi Arabia’s consulate in Istanbul, Turkey, October 5, 2018. REUTERS/Osman Orsal – RC1481CA3470

GAROWE (HOL) – Somalia's semi-autonomous Puntland state imposed a ban on political gatherings, despite presidential elections scheduled for early next year, heaping pressure on independent presidential candidates who started large election campaigns across the region. Source: Hiiraan Online

ADDIS ABABA (HOL) - The former president for Ethiopia’s Somali region who was arrested on suspicion of gross human rights violations as well as instigating ethnic and religious violence makes his third court appearance Monday. Source: Hiiraan Online

Nairobi (Caasimada Online) – Xog gaar ah oo gordhow ay heshay Caasimada Online ayaa sheegeysa in shirkii madax goboleedyada dalka ee lagu waday inuu tobanka bishan ka furmo magaalada Garowoe uu dib u dhacay kadib go’aan iyo cadaadis xooggan oo ka yimid beesha caalamka. Shirka ayaa dib loo dhigay illaa 15-ka bishan, sida xubno ku dhow madax goboleedyada ay u xaqiijiyeen Caasimada Online. Wakiilada beesha caalamka oo laba maalmood ka hor madax goboleedyada kula kulmay Nairobi, ayaa u sheegay in shirka ay dib u dhigaan, ayada oo beesha caalamka ay rajeeneyso inay xal gaaraan ayaga iyo dowladda dhexe ee Soomaaliya ka hor shirka. Wararka ayaa sheegaya in beesha caalamka ay rumeysan tahay in qodobo kale oo shir ka dhaca Garoowe kasoo baxa ay kasii dari karaan khilaafka, oo sii fogeyn karaan dowladda dhexe. Beesha caalamka ayaa lagu warramayaa inay iminka wada-hadallo la leedahay dowladda dhexe, oo ay dhankooda dhageysanayaan, waxaana jira dadaal la doonayo in ra’iisul wasaare Kheyre ku tago magaalada Nairobi, si uu ula kulmo. Si kastaba, kheyre ayaa la sheegay inuu ku adkeysanayo inaanu tegi doonin Nairobi, ayada oo uu horey u sheegay inaanu aqbali doonin in daraf saddexaad uu dhex-dhexaadiyo dowladda dhexe iyo madax goboleedyada. Madax goboleedyada ayaa la sheegaya in ilaa 15-ka bishan siiyeen beesha caalamka, haddii xal lagu gaari waayana ay ka go’an tahay inay shirka qabtaan. Shirka ayaa la filayaa in markii ugu horreysay ay ka qeyb-galaan madaxda xisbiyada mucaaradka dowladda qaarkood, laguna dhiso isbaheysi xooggan oo ka dhan ah dowladda dhexe. Halkan ka aqri xogtaas. Caasimada Online Xafiiska Nairobi Caasimada@live.com

Jowhar (Caasimada Online)-Xogo dheeraad ah ayaa waxa ay kasoo baxayaan hanaanka loo maray xalinta Mooshinka laga diyaariyay Hogaamiyaha maamulka Hir-Shabelle Maxamed Cabdi Waare. Mooshinka oo ahaa mid ay saxiixeen 54 Xildhibaan ayaa waxa uu Hogaamiye Maxamed Cabdi Waare ku furfuray dhaqaale xoogan oo la sheegay in lasiiyay Xildhibaanada. Waare oo dareensan culeyska Mooshinka uu watay ayaa Xildhibaankiiba siiyay lacag dhan min 2,000 oo dollarka Mareykanka uu kala sii tagay magaalada Muqdisho. Mid kamid ah Xildhibaanada Hir-Shabeelle ayaa caasimada Online u xaqiijiyay in Xildhibaanada lagu kala furfuray dhaqaale, isagoo cadeeyay in Xildhibaankiiba uu Hogaamiye Waare siiyay lacag dhan laba kun oo dollar. Xildhibaanka oo ka gaabsaday isticmaalka magaciisa ayaa tilmaamay in Hogaamiye Waare qudhiisa uu qabay dareenka Mooshinka iyo sababaha ka danbeeyay in la diyaariyo Mooshinka, taa oo sabab u noqotay in xal degdeg ah laga gaaro Mooshinka. “Runtii mooshin waliba waxa uu muujiyaa dareen gaara inta badan mooshinada waxaa ay tilmaaman baahi markaa jirta oo la doonayo inuu xaliyo hadba qofka laga keeno mooshinka” Sidoo kale, Mooshinka xalkiisa loo maray dhaqaalaha ayaa Hogaamiye Waare u noqonaaya kii Seddexaad uu ku xaliyay dhaqaale, waxa uuna mar waliba yahay mid dareenkiisa qaba. Si kastaba ha ahaatee, inta badan Xildhibaanada baarlamaanada min heer Federaal ilaa Maamul Goboleed ayaa Mooshinka u adeegsada mid ay ku xaliyaan baahiyahooda gaarka ah. Caasimada Online Xafiiska Jowhar Caasimada@live.com