Jawhar-[Puntland Post]-Ra’iisul wasaaraha dawlada Soomaaliya, Xasan Cali Khayre oo maanta gaaray magaalada Jawhar, ayaa dhagax dhigay dhismaha Xafiisyada Madaxtooyada Hir-shabeelle, xarunta baarlamaanka iyo wasaaradda maaliyadda Maamulkasi. Munaasabadda kooban oo lagu dhagax-dhigayay Mashaariicdan waxa goob jog ka ahaa wasiirro, xildhibaanno, agaasimaha guud ee guddiga midawga Yurub u qaabilsan iskaashiga iyo horumarinta caalamiga ah, Mr. Stefano Manservisi, Madaxwaynaha Hir-shabeelle, iyo xubno ka tirsan maamulkiisa. Madaxwaynaha Hir-shabeelle Maxamed Cabdi Waare oo goobta ka hadlay waxa uu umahad celiyay dawladda federaalka Soomaaliya mashaariicda ay ka hirgalinayso Magaalada Jawhar isagoona sheegay in fulinta mashaariicdaan ay wax badan kusoo kordhinayso hannaanka geeddi socodka dhismaha hay’adaha kala duwan ee Hir-shabeelle. Ra’iisul wasaaraha ayaa sidoo kale xarigga ka jaray dhismaha xarunta tababarka ciidanka Booliiska ee magaalada Jowhar, si loogu bilaabo tababarka ciidanka Booliiska Hir-shabeelle. CABDIQANI BOOS PUNTLAND POST The post Khayre oo ka dhagax dhigay Hir-shabeelle Mashaariic Horumarineed appeared first on Puntland Post.

Qaran News

Marka-[Puntland Post]-Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo la kulmay dhallinyaro qayb ka ahaa colaaddii sokeeye ee ka jirtay magaalada Marka ayaa sheegay in maanta laga bilaabo dhaqan celin loo sameeyo dhallinyaradan, si ay uga mid noqdaan Ciidanka Xoogga Dalka Soomaaliyeed. Madaxweynaha ayaa bogaadiyey sida ay uga go’an tahay dhallinyaradan in ay qayb ka noqdaan geesiyaasha Soomaaliyeed ee u taagan inay Gobolka Shabeellaha Hoose ka xoreeyaan argagigixisada Alshabaab ee hagardaamada iyo dhibaatada joogtada ah ku haya shacabka Gobolka. “Dowladdu waxa ay dadaal ku bixinaysaa sidii aad u heli lahaydeen waxbarasho madani ah iyo mid ciidan, si la idiinku diyaariyo mustaqbal wanaagsan oo idiin horseedaya inaad hormuud u noqotaan difaaca iyo horumarka dalkiinna iyo dadkiinna.” Madaxweyne Maxamed Cabdullaahi Farmaajo ayaa si qoto-dheer uga hadlay dhibaatooyinka ay shacabku ka dhaxleen dagaalladii sokeeye ee dalka soo maaray, gaar ahaan Gobolka Shabeellaha Hoose, isagoo sheegay in cadawga keliya ee caqabadda ku ah nolosha iyo horumarka shacabka deegaankan uu yahay Al-shabaab. “Waan ka wada dharagsannahay dagaalka sokeeye dhibaatooyinka uu inoo gaystay. Waxaa laga dhaxlay dhallinyaro badan oo idinka oo kale oo dalkan wax tar u noqon lahaa in ay maanta god ku jiraan dagaal macno la’aan ahaa sartiis.” Madaxweynaha ayaa kula dardaarmay waxgaradka Gobolka iyo guud ahaan bulshada in ay si wadajir ah uga shaqeeyaan ka miro dhalinta heshiiskan nabadeed ee soo afjaray colaaddii ka jirtay magaalada Marka, una istaagaan sidii mustaqbal ifaya loogu abuuri lahaa faca soo socda DHAMAAD. CABDIQANI BOOS PUNTLAND POST The post Farmaajo’’waa in waxbarsho bilaash ah loo fidiyo dhallinyaradii qeybta ka ahayd colaaddii Marka appeared first on Puntland Post.

Ra’isul Wasaaraha Xukuumada Soomaaliya Xasan Cali Kheyre iyo wafdi uu hogaaminayo oo ka kooban labada golle ee dowlada ayaa gaaray magaalada Jowhar ee xarunta maamulka Hirshabelle. Wafdiga Ra’isul Wasaare Kheyre waxaa garoonka diyaaradaha magaalada Jowhar kusoo dhaweeyay Madaxweynaha Hirshabelle, Masuuliyiin iyo saraakiil katirsan dowlada Federaalka Soomaaliya iyo qeybaha kala duwan ee bulshada Jowhar. Ra’isul Wasaare Xasan Cali Kheyre ayaa inta uu joogo magaalada Jowhar waxa uu xariga ka jari doonaa mashaariic kala duwan oo laga fulinayo magaalada Jowhar, waxa uu sidoo kale la kulmi doonaa Madaxda Hirshabelle. Dowlada Soomaaliya ayaa taageero iyo garab istaag u muujineysa maamulka Hirshabelle oo ka hor yimid go’aanka Maamulada kale ee dalka xiriirka ugu jareen dowlada Federaalka Soomaaliya.

Baydhabo (Caasimadda Online) – Musharaxa u taagan xilka Madaxweynimo ee Maamulka Koonfur Galbeed Shiikh Mukhtaar Roobow Abuu Mansuur ayaa wado olole aad u weyn, waxaana muuqato inuu yahay musharaxa ugu dhow inuu qabto Xilka Koonfur Galbeed. Shiikh Mukhtaar oo markii hore heystay taageerada ugu badan ee deegaanada Koonfur Galbeed ayaa hadda u gudbay wadamo waaweyn sida Mareykanka, Ingiriiska, Koonfur Africa iyo wadamo ka kala tirsan Qaaradaha Africa iyo Australia. Abuu Mansuur ayaa qadka Taleefoonka uga qeybgalay kulamo si weyn loo soo agaasimay oo lagu soo dhaweenayey musharaxnimadiisa, wuxuuna Roobow dadweynahaas ugu baaqay inay ka shaqeeyaan sidii loo hormarin lahaa deegaanada Koonfur Galbeed. Sidoo kale dadkii ka qeybgalay Xafladahaas ayaa ugu baaqay Xildhibaanada Koonfur Galbeed inay Jaanis siiyaan dadweynaha afarta sano ee soo socoto si deegaanadaas looga dhigo kuwa horumar gaaro taasna ay ku imaan karto in xilkaas loo dhiibo Sheekh Mukhtaar Roobow oo ay aaminsanyihiin in uu wax u qaban karo. Shiikh Mukhtaar Roobow ayaa noqday musharaxa ugu saameynta badan Musharxiinta u taagan Xilka Maamulka Koonfur Galbeed, waxaana muuqato inuu Sharif Xasan dareemayo loolan adag oo kaga imaanayo wadaadkaan ballan qaaday inuu furi doono waddooyinka xiran ee deegaanadaas isla markaasna uu Shabaab ka sifeyn doono. Dhanka kale Guriga uu Roobow ka dagan yahay Baydhabo ayaa noqday sida Madaxtooyada Koonfur Galbeed waxaana daqiiqad kasta ku qulqulayo dadweyno farabadan, Xildhibaan, Odayaal iyo aqoonyahano rumeysan inuu yahay ninka mudan in loo dhiibo Koonfur Galbeed. Roobow ayaa maalmihii dambe olole xooggan ka waday Baydhabo gudaheeda isagoo meelaha dadweynaha isugu imaadaan kula kulmayey qeybaha kala duwan ee Bulshada reer Koonfur Galbeed sida aad ka arki karto sawirada hoose

Baydhaba (Caasimada Online)-Waxaa maanta magalada Baydhabo ee Xarunta KMG maamulka Koonfur Galbeed shir degdeg ah ku yeeshay Golaha Wasiirada Maamulka. Shirka oo ahaa mid ka duwanaa kuwii hore ayaa waxaa shir guddoominayay Hogaamiyaha maamulka KG Shariif Xasan Sheekh Aadan. Shirka ayaa waxaa diirada lagu saarayay 2 qodob oo kala ah:- 1-Wax ka bedelka Amniga deegaanada Koonfur Galbeed ka hor inta aysan dhicin doorashada la filaayo. 2-In loo diyaar garoow doorashooyinka dhawaan ku soo fool leh Maamulka Koonfur Galbeed oo ay ku loolamayan musharaxiin miisaan leh. Hogaamiyaha maamulka Shariif Xasan ayaa sheegay in lagama maarmaan ay tahay in xal degdeg ah loo helo labada qodob, waxa uuna arrin muhiim ah ku sheegay in dadka deegaanka ay gartaan wajibaadka ka saran sugida amniga. Xasan Cabdi Maxamed (Ugaas Xasan) oo ah Wasiirka Warfaafinta Maamulka Koonfur Galbeed oo shirka kadib la hadlay Saxaafada ayaa sheegay in Shariif Xasan uu ku celcelshay amniga, isagoo shacabka ugu baaqay inay la shaqeeyan ciidamada. Ugaas Xasan, waxa uu tilmaamay in ciidamada amaanka laga doonaayo inay fiiro gaara u yeeshan Al-Shabaabka ku dhex jira magaalada wuxuuna ku baaqay in aad loo adkeeyo amniga inta lagu guda jiro xiliga doorashada. Ugaas Xasan, waxa uu intaa raaciyay in 17 Bisha soo socota ee November ay dhici doonto doorashada Koonfur Galbeed,isla markaana leysla gartay in ay si wanaagsan u dhacdo. Ugaas Xasan, waxa uu carab ***** in Hogaamiyaha maamulka Shariif Xasan uu ballanqaaday in doorashada maamulka aysan ka dib dhicin xiliga loo asteeyay.

Qahira (Caasimadda Online) – Dalalka Masar, Kuwayt , Jabuuti, lubnaan, Soomaaliya, Imaaraat-ka, Cummaan, Yamen, Baxrayn, Falastiin iyo Ururka Jaamacadda Carabta, Golaha waddamada Khaliijka, ururka Iskaashiga Islaamka oo soosaaray bayaanno kala duwan ayaa si wadajir ah u muujiyay in ay garab taagan yihiin Wadanka Sucuudiga oo tobbankii cisho ee ugu dambeysay la kulmayay culeys siyaasadeed. Afhayeen u hadlay Wasaaradda Arrimaha Dibadda ee Masar ayaa sheegay in Masar ay ka digeyso in arrinta la xiriirta Wariyaha lala’yahay looga faa’iideysto cadaadis la saaro Sucuudiga. Ra’iisulwasaaraha Lubnaan Sacad Xariiri ayaa war-saxaafadeed kasoo baxay Xafiiskiisa lagu sheegay in duulaanka Sucuudiga uu yahay mid aan la aqbali karin xadgudubna ah. Ururka Jaamacadda carabta ayaa bayaan kasoo baxay waxaa lagu sheegay in Ururku uu si cad u diidan yahay isku dayga lagu doonayo in cunaqabatayn lagu saaro Sucuudiga. Sidoo kale dalalka, dalalka Cummaan, Kuwayt, Baxrayn, Falastiin, Soomaaliya,Yamen iyo ururada iyo Isbaheysida Dowladaha Muslimiinta ayaa dhammaan mowqif cad ah oo garab istaag ah ka qaatay xaaladda Sucuudiga. Tan iyo markii 2dii Bishan Nofember la waayay Wariye si aad ah u dhaliili jiray siyaasadda Sucuudiga una dhashay dalkaas oo la tuhunsanyahay in Qunsuliyadda Sucuudiga ee Turkiga uu galay markii ugu war dambaysay ayaa waxaa waddamada reer Yurub iyo Mareykanka culeys siyaasadeed saareen Sucuudiga, iyaga sidoo kale ugu hanjabay in cunaqabatayn ay ugu horreyso dhinaca dhaqaalaha kusoo rogi doonaan haddii aysan caddayn kiiska Wariyaha. Caasimada Online Xafiiska Muqdisho Caasimada@live.com

Muqdisho (Caasimada Online)- Mustaf Sheekh Cali Dhuxuloow oo ah mudane ka tirsan Baarlamanka Soomaaliya ayaa codsaday in la dedejiyo sharciga dadka Soomaaliyeed ee baahiyaha gaar ah qaba, kaas oo hadii la meel mariyo wax badan u tari doonaa dadkaas. Isagoo hadal ka jeedinayay fadhiga Baarlamanka ayuu xildhibaan Mustaf sheegay in aaney mudanayaashu badi ahmiyad siinin sharciyada noocaan ah. Wuxuu 20% ku qiyaasay dadka Soomaaliyeed ee baahiyaha gaarka ah qaba, isagoo xildhibaanada xasuusiyay xaaladihii liitay ee dalkeennu soo maray kuwaas oo sababay iney kordhaan dadka qaba baahiyaha gaarka ah. Mustaf Dhuxuloow oo isagu si shaqsi ah u caawiya ku dhowaad 100 caruur ah oo araga la’a ayaa sheegay in dastuurka Soomaaliya uusan qeexeynin dhamaan baahiyaha dadkaasi qabaan, isagoo sidoo kale sheegay ineysan jirin wacyi galin badan. Wuxuu xildhibaan Dhuxuloow u sheegay Baarlamanka 10aad in ay Taariikh wanaagsan ka tagi doonaan hadii ay meel mariyaan sharciyada dadka naafada ah kadibna ay u sameeyan hay’ad gaar ah oo howshaa qaabilsan, laakiin hadii ay meel cidlo ah uga tagaan wuxuu sheegay iney imaan doonto maalin arrintaas si gaar ah loogala xisaabtamo. Mustaf Sheekh Cali Dhuxuloow ayaa ugu dambeyn mudanayaasha ka codsaday in la dedejiyo ka doodista iyo meel-marinta sharciga dadka baahiyaha gaarka ah qaba. Hoos ka daawo Caasimada Online Xafiiska Muqdisho Caasimada@live.com

MOGADISHU (Caasimada Online)—The Al Qaeda linked Al Shabaab insurgents have taken major control of key area near Baidoa town, some 250km southwest of Somali capital Mogadishu. The group says its heavily armed fighters re-captured Daynunai area, about 25km away from Baidoa town, after hours of fighting. “Mujaheddin fighters carried out an assault on army bases in the area. Our fighters are now controlling Daynunai”, said in a statement aired by Al-Shabaab mouthpiece. The group says reinforcement forces heading to the area were also hit by huge roadside bomb explosion outside Baidoa town. It is unclear how many soldiers were killed or injured in the bomb explosion. There was no word from Somali military over the militants’ claims. On Saturday, at least 22 people were killed and 40 others injured in double suicide bomb explosion at popular eateries in the town of Baidoa. The bomb attacks were claimed by Al Shabaab, saying it has killed 20 soldiers at the targeted hotel and restaurant in the town. The group, one of the world’s deadliest Islamist organisations, used to control swathes of Somalian territory including the capital, Mogadishu, but was pushed back into rural areas in 2011. The al Qaeda inspired group Al Shabaab wants to topple the western-backed government and peacekeeping force, and impose sharia law in Africa’s easternmost country of Somalia. Caasimada Online Mogadishu News Desk Caasimada@live.com

Waxay ahayd arrin lama filaan ah is casilaadii deg-dega ahayd ee uu daraad ku dhawaaqay Taliyihii Nabad Sugida Qaranka Xuseen Cusmaan Xuseen, isagoona xilkaas hayey in ka yar todoba bilood, mana jirin hadal hayn ku saabsan khilaaf ka dhex taagan taliyaha iyo madaxda ka saraysa, sidoo kale ma jirin dhaliilo xaga amaanka ah oo uu wajahayey taliye Xuseen. Taliye Xuseen ayaa ah nin aysan dadku aad u aqoon, kana soo dhex muuqan warbaahinta qaybaheeda kala duwan xiligii uu taliyaha ahaa iyo intii ka horaysay, waxaana dadka la shaqeeyaa ku tilmaameen inuu yahay nin aamus badan, dadka dhagaysta siiyana jawaab aad u kooban, waxaana dadku ku sheegaan inuu leeyahay dabeecado looga baahan yahay sirdoonka. Wuxuuna Taliye Xuseen soo ahaa in ka badan 14 sano Xildhibaan, iyo Wasiiro ku xigeen. Mudadii uu hayey xilka Taliyaha Nabad-sugida Qaranka wuxuu is badal balaaran ku sameeyey habkii ay u shaqayn jirtay Hay’adu, wuxuu ciidamo badan oo ku hubaysan hubka noocyadiisa kala duwan u wareejiyey booliska iyo asluubta, wuxuuna u diyaarshay Hay’ada Nabad-sugida qaab loogu badalayo sidii ay ahaan jirtay xiligii dowladii dhexe, ama caalamkaba u shaqeeyaan hay’adaha sirdoonku. Waxaa sidoo kale aad loogu xasuusta taliyaha ilaalinta xuquuqda ciidanka mudadii uu joogay waxaa ciidanku bil walba heli jireen mushaarkooda joogtada ah. Sababta keenay iscasiladiisa deg dega ah ayaa waxa lagu macneeyey inuu musharax u yahay Koonfur Galbeed doorashada ka dhacaysa 17 Nov 2018. Maahan arrin cusub inuu ku hamiyo madaxweynanimada Koonfur Galbeed, waxaa uu dagaal siyaasadeed mudo kula jiray Madaxweyne Shariif Xassan, wuxuuna loolan adag la galay doorashdii uu madaxweynaha ku noqday Shariif isagoona maalmihii u danbeeyey isaga haray tartanka kadib markii uu arkay in aysan jirin doorasho xalaal ah oo ka dhacaysa Koonfur Galbeed. Taliye Xuseen ayaa xiriir fiican la leh madaxda qaranka, wuxuuna maanta haystaa jiinis uu ku noqon karo madaxweynaha Koonfur Galbeed hadii ay dhab noqoto inuu mursharax u yahay, waxaa sidoo kale xusid mudan in dadka reer Koonfur Galbeed ay aad u diidan yihiin soo noqoshada Madaxeyne Shariif, sababtoo ah mudadii uu xilka hayey ma jirin wax horumar dhaqaale, amni, siyaasadeed iyo caafimaad oo ka hirgaly gobolada Koonfur Galbeed. Waxaa intaa sii dheer inuu shariifku dagaal siyaasadeed la galay dowladda Federaalka ah oo shacabka Koonfur Galbeed ay aad ugu tiirsan yihiin madaama xuduudaha maamulka ay soo galaan afaafka hore ee caasimadda. Inta aan ka warqabo ma jirto culays siyaasadeed oo taliye Xuseen uga yimid dhanka madaxda qaranka, mana jirto shaqo xumo lagu dhaliilayey intuu xilka hayey, wuxuuna runtii ku dhiiraday inuu ku dhaqaaqo isbadalo balaaran oo lagu sameeyo qaab dhismeedka hay’adda taas oo ku adkaatay taliyayaashii ka horeyey, sababtoo ah waxaa dalka caado ka ahayd in marka qof la rabo in xil laga qaado ay soo saftaan siyaasiyiin, xildhibaano, iyo oday dhaqameedyo u doodaya inaan qofkaan meesha laga wareejin, waxaana arinkaas cuuryaamin jirtay habsami u socodka shaqo ee maamulka meeshaa ka jira. W/Q: Abdi Jamac Farah Abdijama2020@gmail.com Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

MOGADISHU (Caasimada Online)—Somali Islamist group says its fighters launched an ambush attack on Ugandan armored personnel carriers with African Union peacekeeping force in Somalia. The surprise attack happened in Marka town, some 91km southwest of Somali capital Mogadishu, after African Union troops came under attack by Al Shabaab. The group says it has killed at least 15 Ugandan soldiers serving under African Union peacekeeping mission. “We have killed 15 Ugandan soldiers after an ambush attack in Marka town. We lost no fighter during the assault”, the group said. There was no immediate comment from African Union mission in Somalia over the claims. The al-Qaeda-linked al-Shabaab extremist group often carries out deadly attacks against Somalia and African Union troops. The group also carried out bombings in high-profile areas of Somalia’s capital, Mogadishu, and elsewhere. The Islamist militant group al-Shabaab, which battled for control of the capital from 2006 on-wards, banned forms of public entertainment like movies and musical ringtones in areas under their sway. Somalia has been mired in turmoil since warlords toppled dictator Mohamed Siad Barre in 1991, leaving militants, militia groups and clan leaders all fighting for control of parts of the anarchic country. Caasimada Online Mogadishu News Desk Caasimada@live.com

Madaxweynaha dowladda federaalka Soomaaliya Maxamed C/laahi Maxamed Farmaajo ayaa magaalada Marka kula kulmay dhallinyaro qeyb ka ahayd dagaalladii sokeeye ee ka dhacay magaaladaasi. Waxa uu madaxweynaha amray in waxbarasho madani ah iyo mid ciidanba loo fidiyo dhallinyaradan oo dhowaan la heshiisiiyey. War-saxaafadeed kasoo baxay xafiiska madaxtooyada ayaa sidan u qornaa: Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo la kulmay dhallinyaro qayb ka ahaa colaaddii sokeeye ee ka jirtay magaalada Marka ayaa sheegay in maanta laga bilaabo dhaqan celin loo sameeyo dhallinyaradan, si ay uga mid noqdaan Ciidanka Xoogga Dalka Soomaaliyeed. Madaxweynaha ayaa bogaadiyey sida ay uga go’an tahay dhallinyaradan in ay qayb ka noqdaan geesiyaasha Soomaaliyeed ee u taagan inay Gobolka Shabeellaha Hoose ka xoreeyaan argagigixisada Alshabaab ee hagardaamada iyo dhibaatada joogtada ah ku haya shacabka Gobolka. “Dowladdu waxa ay dadaal ku bixinaysaa sidii aad u heli lahaydeen waxbarasho madani ah iyo mid ciidan, si la idiinku diyaariyo mustaqbal wanaagsan oo idiin horseedaya inaad hormuud u noqotaan difaaca iyo horumarka dalkiinna iyo dadkiinna.” Madaxweyne Maxamed Cabdullaahi Farmaajo ayaa si qoto-dheer uga hadlay dhibaatooyinka ay shacabku ka dhaxleen dagaalladii sokeeye ee dalka soo maaray, gaar ahaan Gobolka Shabeellaha Hoose, isagoo sheegay in cadawga keliya ee caqabadda ku ah nolosha iyo horumarka shacabka deegaankan uu yahay nabaddiidka Alshabaab. “Waan ka wada dharagsannahay dagaalka sokeeye dhibaatooyinka uu inoo gaystay. Waxaa laga dhaxlay dhallinyaro badan oo idinka oo kale oo dalkan wax tar u noqon lahaa in ay maanta god ku jiraan dagaal macno la’aan ahaa sartiis.” Madaxweynaha ayaa kula dardaarmay waxgaradka Gobolka iyo guud ahaan bulshada in ay si wadajir ah uga shaqeeyaan ka miro dhalinta heshiiskan nabadeed ee soo afjaray colaaddii ka jirtay magaalada Marka, una istaagaan sidii mustaqbal ifaya loogu abuuri lahaa faca soo socda. DHAMMAAD Source: goobjoog.com

Ciidanka dowladda federaalka Soomaaliya iyo kuwa K/galbeed ayaa dib ugu laabtay deegaanka Deynuunay ee gobolka Baay, halkaasi oo saakay dagaal ku qabsadeen Al-shabaab. Wararka waxay sheegayaan in Al-shabaab ay deegaankaasi oo qiyaastii 20-km u jira magaalada Baydhabo ku sugnaayeen ku dhowaad Saddex saac, waxaana halkaasi weerar dib ugu qabsaday ciidanka dowladda. Goob jooge ayaa u sheegay Goobjoog News, in uu arkay dhimashada Saddex qof iyo dhaawaca Lix kale. Dhinayacdii ku dagaallamay Deynuunaay weli wax war ah lagama hayo, hase ahaatee xaaladda ayaa ah mid aad u deggan. Dhanka kale, wariyaheenna Baydhabo ayaa soo sheegaya in dhaawacyo badan la geeyey isbitaalka magaaladaasi, kuwaasi oo u badan ciidanka dowladda iyo kuwa K/galbeed. Warkaan wixii kusoo kordha kala soco wararkeena kale Goobjoog News Source: goobjoog.com

Guddiga amniga gobolka Nugaal ayaa soo saaray amarro lagu adkeynayo ammaanka guud ee gobolkaasi, gaar ahaan magaalada Garoowe ee gobolkaasi. Qodobada ay soo saareen waxaa ka mid ah, in magaaladaasi laga mamnuucay in hubka lagu dhex qaato iyo sidoo kale in lagu dhex arko gaadiidka dagaalka. Sidoo kale, guddigan ayaa mamnuucay gaadiidka leh miraayadaha madow, waxaana dhanka kale ay go’aan kasoo dhulalka oo murankoodu waayadan batay. Guddigan ayaa dhanka kale sheegay in ciqaab adag la marin doono dhallinyarada lagu soo qabto iyaga oo dhib ku haya dadka shacabka ah. Halkaan hoose ka dhageyso: https://goobjoog.com/wp-content/uploads/2018/10/Warbixinta-Shirka-Amniga-goobjoog-15-10-2018.mp3 Goobjoog News Source: goobjoog.com

Dadka ku nool deegaanka Xaafuun ee gobolka Bari ayaa ka cabsi qaba Iney ku dhufato duufaanta Luban. Wararka laga helayo deegaankaasi ayaa waxay sheegayaan in dadka ay galeen feejignaan xooggan, waxaana ay ka fogaadeen meelaha qatarta ay kala kulmi karaan. Sidoo kale, wararka ayaa waxay sheegayaan in Duufaanta Luban ay saacadihii hore ee maanta ku dhufatay cirifka Bari ee Soomaaliya, gaar ahaan halka ay isaga darsamaan badweynta Hindiya iyo badda cas. Waxaa jirey digniino badan oo ku aadan in dadku ay ka fogaadaan xeebaha iyo sidoo kale wax walbo oo Qatar u keeni kara. Goobjoog News Source: goobjoog.com

Waxay ahayd arrin lama filaan ah is casilaadii deg-dega ahayd ee uu daraad ku dhawaaqay Taliyihii Nabad Sugida Qaranka Xuseen Cusmaan Xuseen, isagoona xilkaas hayey in ka yar todoba bilood, mana jirin hadal hayn ku saabsan khilaaf ka dhex taagan taliyaha iyo madaxda ka saraysa, sidoo kale ma jirin dhaliilo xaga amaanka ah oo uu wajahayey taliye Xuseen. Taliye Xuseen ayaa ah nin aysan dadku aad u aqoon, kana soo dhex muuqan warbaahinta qaybaheeda kala duwan xiligii uu taliyaha ahaa iyo intii ka horaysay, waxaana dadka la shaqeeyaa ku tilmaameen inuu yahay nin aamus badan, dadka dhagaysta siiyana jawaab aad u kooban, waxaana dadku ku sheegaan inuu leeyahay dabeecado looga baahan yahay sirdoonka. Wuxuuna Taliye Xuseen soo ahaa in ka badan 14 sano Xildhibaan, iyo Wasiiro ku xigeen. Mudadii uu hayey xilka Taliyaha Nabad-sugida Qaranka wuxuu is badal balaaran ku sameeyey habkii ay u shaqayn jirtay Hay’adu, wuxuu ciidamo badan oo ku hubaysan hubka noocyadiisa kala duwan u wareejiyey booliska iyo asluubta, wuxuuna u diyaarshay Hay’ada Nabad-sugida qaab loogu badalayo sidii ay ahaan jirtay xiligii dowladii dhexe, ama caalamkaba u shaqeeyaan hay’adaha sirdoonku. Waxaa sidoo kale aad loogu xasuusta taliyaha ilaalinta xuquuqda ciidanka mudadii uu joogay waxaa ciidanku bil walba heli jireen mushaarkooda joogtada ah. Sababta keenay iscasiladiisa deg dega ah ayaa waxa lagu macneeyey inuu musharax u yahay Koonfur Galbeed doorashada ka dhacaysa 17 Nov 2018. Maahan arrin cusub inuu ku hamiyo madaxweynanimada Koonfur Galbeed, waxaa uu dagaal siyaasadeed mudo kula jiray Madaxweyne Shariif Xassan, wuxuuna loolan adag la galay doorashdii uu madaxweynaha ku noqday Shariif isagoona maalmihii u danbeeyey isaga haray tartanka kadib markii uu arkay in aysan jirin doorasho xalaal ah oo ka dhacaysa Koonfur Galbeed. Taliye Xuseen ayaa xiriir fiican la leh madaxda qaranka, wuxuuna maanta haystaa jiinis uu ku noqon karo madaxweynaha Koonfur Galbeed hadii ay dhab noqoto inuu mursharax u yahay, waxaa sidoo kale xusid mudan in dadka reer Koonfur Galbeed ay aad u diidan yihiin soo noqoshada Madaxeyne Shariif, sababtoo ah mudadii uu xilka hayey ma jirin wax horumar dhaqaale, amni, siyaasadeed iyo caafimaad oo ka hirgaly gobolada Koonfur Galbeed. Waxaa intaa sii dheer inuu shariifku dagaal siyaasadeed la galay dowladda Federaalka ah oo shacabka Koonfur Galbeed ay aad ugu tiirsan yihiin madaama xuduudaha maamulka ay soo galaan afaafka hore ee caasimadda. Inta aan ka warqabo ma jirto culays siyaasadeed oo taliye Xuseen uga yimid dhanka madaxda qaranka, mana jirto shaqo xumo lagu dhaliilayey intuu xilka hayey, wuxuuna runtii ku dhiiraday inuu ku dhaqaaqo isbadalo balaaran oo lagu sameeyo qaab dhismeedka hay’adda taas oo ku adkaatay taliyayaashii ka horeyey, sababtoo ah waxaa dalka caado ka ahayd in marka qof la rabo in xil laga qaado ay soo saftaan siyaasiyiin, xildhibaano, iyo oday dhaqameedyo u doodaya inaan qofkaan meesha laga wareejin, waxaana arinkaas cuuryaamin jirtay habsami u socodka shaqo ee maamulka meeshaa ka jira. By Abdi Jamac Farah Abdijama2020@gmail.com The post Bayaanin Sababaha uu isu casilay Taliyaha Nabad Sugida Qaranku appeared first on Puntland Post.

Ra’iisul wasaaraha xukuumadda federaalka Soomaaliya Xasan Cali Kheyre oo ku sugan magaalada Jowhar ee xarunta Hirshabelle ayaa waxa uu dhagax dhigay Saddex Mashruux. Ugu horreyn waxa uu Ra’iisul wasaaraha xarigga ka jaray dugsiga tababarka ee ciidanka Booliiska, kaasi oo ku yaalla nawaaxiga garoonka Jowhar. Sidoo kale, waxa uu Kheyre dhagax dhigay xarumaha baarlamaanka, Madaxtooyada iyo sidoo kale xarun ay ku shaqeyso wasaaradda maaliyadda Hirshabelle. Waxaa Ra’iisul wasaaraha socdaalkan ku wehlinaya xildhibaanno, wasiirro iyo xubno ka socda Qaramada Midoobay, iyadoo si weyn loogu soo dhoweeyey magaalada Jowhar. Kheyre ayaa kulamo la leh qeybaha kala duwan ee bulshada, waxaana la filayaa in sidoo kale uu kulamo gaar ah la yeesho madaxda Hirshabelle. Goobjoog News Source: goobjoog.com

Daynuunaay (Caasimadda Online) – Kadib dagaal culus oo saaka aroortii ka bilaawday deegaanka Daynuunaay ee duleedka magaalada Baydhabo ayay ciidamada Al Shabaab ugu suurtagashay in ay si buuxda ula wareegaan gacan ku heynta deegaanka. Wararka ka imaanaya gobolka Bay ayaa xaqiijinaya in ciidamada maamulkaKoonfur Galbeed laga fara maroojiyay saldhigyadii melleteri oo ay ku lahaayeen deegaanka oo magaalada Baydhabo dhanka Bari Uga beegan 25Km. Wariyaal ku sugan gobolka Bay ayaa sheegay in xoogaga Al Shabaab ay saldhigga melleteri ee deegaanka Daynuunaay ay daabusheen saanado melleteri, sidoo kale qarax loo dhigay gaadiid kasoo gurmaday dhanka magaalada Baydhabo waxaa dhimasho iyo dhaawac ku noqday ciidamo katirsan maamulka Koonfur Galbeed. Ma ahan markii ugu horraysay oo xoogaga Al Shabaab ay dagaal kula wareegaan deegaanka Daynuunaay oo kala qeybiyay magaalooyinka Buurhakaba iyo Baydhabo. Caasimada Online Xafiiska Muqdisho Caasimada@live.com

Senatarada Dowlada Federalka Soomaaliya ku-matala Dowlad Goboleedka Koonfur Galbeed Soomaaliya, ayagoo tixgelinaya xaladaha amni, siyaasadeed, bulsho iyo dhaqaalaba, kulamo muddo u soo scodey ka dib, waxaa ay soo saareen qodobada soo socda: إنّا لله وإنّا إليهِ رَاجعُون، Senatarada waxaa ay tacsi tiiraanyo leh u dirayaan dhamaan dadkii ku geeriyoodey qaraxyadii 13kii Octoober 2018 ka dhacay Magaalada Baydhabo waxayna u rajeynayaan inta ku dhaawacantay inuu Alle si deg deg ah u boogo dhayo. Waxayna Xukuumadda Federaalka ugu baaqayaan in gargaar ku filan oo degdeg ah lala gaaro dadka ay dhibaatada soo gaartey. Amniga: Iyadoo Dawlad Goboleedka Koonfur Galbeed ay isu diyaarineyso Doorashada Madaxweynaha ayaa Senatorada waxaa ay ugu baaqayaan dhamaan shacabka, musharaxiinta iyo hay’adaha amnigaba inay xil gaar ah iska saaraan amniga guud ee KG gaar ahaan magaalo madaxda KM ee Baydhabo. Waxaan si gaar ah ugu digaynaa musharixiinta oo dhan in aaney ayaga iyo taageerayaashoodaba ku kicin wax liddi ku ah amniga iyo deganaanshaha guud ee deegaanka. Doorashada: Guddoonka iyo Xildhibaanada Baarlamaanka Koonfur Galbeed oo waajib gaar ah ka saaran doorashada madaxweynaha waxaan kula dar-daarmeynaa inay guud ahaan doorashada u maamulaan si daahfurnaan leh isla-markaana hormuud ka noqdaan doorasho si xalaal ah u dhacda. Waxaana si gaar ah ugu baaqaynaa in la de-dejiyo magacaabista guddiga doorashada laguna qabto doorashada waqtigii loo qabtey. Fara-gelinta Doorashada: Senatorada waxaa ay ka digayaan cid kasta oo isku dayda inay faragelin ku sameyso doorashada Koonfur Galbeed, waana in dadka Koonfur Galbeed loo daayaa in ay doortaan cida ay masiirkooda ku aaminaayaan. Gaba-gabadii waxaa ay Senatarada ugu baaqayaan shacabka Koonfur Galbeed inay ilaashadaan Midnimada, Nabadda iyo xasiloonida deegaanka iskana ilaaliyaan in ayaga aan loo adeegsan bur-burinta xasiloonida deegaan. Goobjoog News Source: goobjoog.com

Marka (Caasimada Online) – Wararka ka nagasoo gaaraya gobolka Sh/Hoose ee dhaca Koonfurta dalka Soomaaliya ayaa sheegaya in tobaneeyo askari Yugaandheys ah lagu dilay weerar gaadma ah oo Al Shabaab qaadeen. War lagu qoray Warbaahinta Al-Shabaab ayaa lagu sheegay in Weerar wado gal ah ay ku dileen 15-katirsan Ciidamada Uganda ee ku howlgala Magaca AMISOM. Al-Shabaab waxa ay intaa ku dareen kahor inta aan dagaalka dhexmarin Ciidamada Uganda iyo Al-Shabaab, in ay weerareen Ciidamo katirsan Dowladda. “Ciidamada Al-Shabaab ayaa 15 askari oo katirsan Yugaandha ku dilay dagaal ka dhacay magaalada Marka, ciidamada AMISOM ayaa ku dhacay dabin kadib markii ay isku dayeen in ay dhabar jabin ku sameeyaan Ciidamada Shabaab oo xilligaas dagaal uga jiray xarumaha Ciidamada Dowladda ee gudaha magaalada Marka” ayaa lagu yiri war ay baahisay idaacadda Andalus. Askarta Uganda ayay sheegeen in ay gurmad siinayeen Ciidamada Soomaalida ee ku sugan Hareeraha Magaalada Marka oo ay saldhigyo ku leeyihiin. Ma jiro war kasoo baxay AMISOM oo ay ugu hadlayaan Sheegashada Shabaab ee ah in ay ka dileen Askari, sidoo kale ma jiro war kasoo baxay Dowladda Federaalka oo ay isla howlgalaan Ciidamada AMISOM. Caasimada Online Xafiiska Muqdisho Caasimada@live.com

Guddiga amniga gobolka Nugaal ayaa Isniinta maanta ah amarro culus ka soo saaray shir mudda laba maalmood ah uga socday magaalada Garoowe ee caasimadda Puntland. Shirka oo ku saabsanaa amniga iyo khilaafaadka bogcadaha dhulka,ayaa lagu go’aamiyay,in gebi ahaanba gaadiidka hubaysan laga mamnuucay magaalada Garoowe,marka laga reebo ciidanka amniga dowladda ee hawlgallada ku jira. Go’aannada kale ee shirka ka soo baxay ayaa waxa kamid ah,in Garoowe laga mamnuucay gawaarida aan taarikada lahayn iyo kuwa isticmaalaha bacaha madow ee daboolan,islamarkaana aan la ogolayn,in qof shacab ah hub ku dhex qaato magaaalada. Dhinaca kale guddiga ayaa amar ku bixiyay,in la banneeyo dhulka danta guud ah,sidoo kalena ay mamnuuc tahay in lagu habsado ama la calaamadiyo dhul cusub,waxaana wadayaasha gaadiidka cagafta loogu hanjabay ganaax, haddii ay calaamadiyaan dhul cusub. Ugu dambeyntii, guddiga ayaa maxkamadaha Garoowe ku amray, in aysan geli karin dacwadaha muranka dhulka oo sida guddigu sheegeen dowladda hoose loo xil saaray. PUNTLAND POST Cabdiraxmaan Ciise Cumar The post Maxkamadaha Garoowe oo laga mamnuucay xallinta muranka dhulka appeared first on Puntland Post.

Muqdisho (Caasimada Online) – Dowladda Soomaaliya ayaa markale taageero u muujisay dowladda Sacuudi Carabiya ka dib markii Caddaadis ay saareen Qaar ka mid ah dalalka Caalamka, sababo la xiriira weriyaha la la’yahay ee Sacuudiga Jamaal Khashoggi. Jamaal Khashoggi aayaa la arkay tan iyo saddexdii bishan October markaasi oo uu galay qunsuliyadda Sacuudiga ee Istanbuul, waxaana la tuhusan yahay in lagu dhex dilay halkaas. “Xukuumadda Jamhuuriyadda Federaalka Soomaaliya waxa ay markale ku celinaysaa mowqifkeeda sugan ee taageeraya degganaanshaha iyo qarannimada dalalka Carabta, waxayna ku dhawaaqeysaa garab istaaggeeda dhammeystiran ee dowladda Boqortooyada Sacuudi Carabiya ee aanu walaalaha nahay, kana soo horjeedno cid kasta oo isku dayeysa inay dhib gaarsiiso ama wax u dhinto kaalinteeda iyo danaheeda dhaqaale” ayuu lagu war kasoo baxay Wasaaradda Arrimaha dibadda Soomaaliya. Jamhuuriyadda Federaalka Soomaaliya waxa ay adkeyneysaa laga maarmaanshaha in laga fogaado dhagar iyo olole ujeeddooyin kale leh oo lagu hagardaamaynayo Boqortooyada Sucuudi Carabiya. Dowladda Sucuudiga ayaa wajaheysaa Caddaadis ku aadan Wariye Jamaal oo lagu dhex dilay Qunsuliyada Sucuudiga ee Magaalada Istanbuul, waxaana dalalka reer galbeed ay ku tilmaameen tilaabada Sucuudiga mid ka baxsan Sharciga. Todobaadkii hore ayay aheyd markii Ra’iisul Wasaaraha Soomaaliya Xasan Cali Kheyre uu booqasho ku tagay magaalada Riyadh, waxaana uu kulamo la qaatay Boqorka Sucuudiga iyo Dhaxalsugaha Maxamed Bin Salmaan.

Qoraal ka soo baxay Xukuumadda Jamhuuriyadda Federaalka Soomaaliya ayaa lagu sheegay in Soomaaliya taagereyso dowladda Boqortooyada Sacuudi Carabiya, go’aankan ay qaadatay Muqdisho waxaa uu ka hor imaanayaa Turkiga iyo Mareykanka, waxaa uu sidoo kale muujinayaa sida ay Soomaaliya u aragto arrinta Jamal Khashoggi. Qoraalkan oo koobnaa waxaa uu u qornaa sidan: Xukuumadda Jamhuuriyadda Federaalka Soomaaliya waxa ay markale ku celinaysaa mowqifkeeda sugan ee taageeraya degganaanshaha iyo qarannimada dalalka Carabta, waxayna ku dhawaaqeysaa garab istaaggeeda dhammeystiran ee dowladda Boqortooyada Sacuudi Carabiya ee aanu walaalaha nahay, kana soo horjeedno cid kasta oo isku dayeysa inay dhib gaarsiiso ama wax u dhinto kaalinteeda iyo danaheeda dhaqaale. Waxaana lagu soo gabagabeeyey “Jamhuuriyadda Federaalka Soomaaliya waxa ay adkeyneysaa laga maarmaanshaha in laga fogaado dhagar iyo olole ujeeddooyin kale leh oo lagu hagardaamaynayo Boqortooyada Sucuudi Carabiya”. Qoraalka Soomaaliya waxaa uu daba socdaa mid ay shalay qortay wakaaladda ku hadasha afka boqortooyada Sacuudiga ee SPA iyada oo soo xigatay mas’uul aaney magacaabin, “ Waxaa caddeyneysaa boqortooyada Sacuudiga inay iska diideyso handadaad iyo wiiqid kasta, ha ahaato in loogu caga jugleeyo cunaqabateyn dhaqaale, ama adeegsi cadaadis siyaasadeed ama xataa eedeymaha soo noqnoqda ee baadilka ah”, qoraalka waxaa kale oo ku jiray “haddii cid ay tallaabo qaado, boqortooyada waa ka jawaabi-doontaa, dhaqaalaha boqortooyada waxaa kaalin muhiim ah ugu jiraa dhaqaalaha caalamka”. Sacuudiga waxaa uu wajahayaa cadaadis caalami ah kadib dilka weriyaha Jamal Khashoggi, madaxweynaha Mareykanka Donald Trump waxaa uu sheegay in la ciqaabi-doonno haddii ay ku cadaato inay dileen. Dhinaca kale shir caalami ahaa oo arrimaha maalgeshiga ku saabsanaa, oo ka dhici lahaa Sacuudiga October 23 ayaa waxaa ka baaqsaday shirkado iyo shakhsiyaad ay ka mid yihiin: Financial Times, Bloomberg, CNN, The New York Times, Economist, CNBC, Dara Khosrowshahi oo Uber ah, Bob Bakish oo ka socday Viacom, Steve Case oo ah AOL iyo madaxweynaha bangiga adduunka Jim Yong Kim. Go’aankan cusub ee Soomaaliya waxaa uu ka hor imaanayaa dhex-dhexaadnimadii, waayo Jamal Khashoggi waxaa lagu dilay Turkiga, waxaa hubaal ah in Turkiga aaney ku faraxsaneen talaabada Muqdisho. Siyaasadda arrimaha dibadda ee Soomaaliya ayaa haye-raac u noqotay Sacuudiga, August 8, ee sanadkan, war saxaafadeed ku qornaa afka Carabiga oo ka soo baxay Wasaaradda Arrimaha Dibadda Soomaaliya ayaa lagu taageeray mowqifka Sacuudiga ee diidmada faragelinta Canada. Qoraalka ayaa u qornaa “Xukuumadda Jamhuuriyadda Federaalka Soomaaliya waxa ay si dhow ula socotay xaaladihii ugu dambeeyay ee ku soo kordhay xiriirka Dowladda aanu walaalaha nahay ee Boqortooyada Sucuudi Carabiya iyo Canada”ayaa lagu yiri War saxaafadeedka. “Iyadoo laga ambaqaadaayo arrinkani, Jamhuuriyadda Federaalka Soomaaliya waxa ay adkeyneysaa taageeridda mowqifka diidmada ee Dowladda aanu walaalaha nahay ee Boqortooyada Sucuudi Carabiya ee faragelin dibadeed oo lagu sameeyo arrimaheeda gudaha, iyadoo la tixgelinayo mabda’a aan oggolaanayn faragelin ee lagu caddeeyay Axdiga Qaramada Midoobay, oo ay ku jirto gobonnimadeeda iyo madax bannaanida go’aan gaariddeeda iyo waxa ay jideyso oo ah siyaasado ama habab garsooreed oo xiriir la leh shuruucdeeda qaran.” Goobjoog News Source: goobjoog.com

Dowlada Soomaaliya ayaa markale la safatay islamarkaasina taageero u muujisay dowlada Sucuudiga oo wajaheysa cadaadisyo kaga imaanaya wadamada reer galbeedka. War-saxafadeed ku qoron afka carabiga oo ay soo saartay Wasaaradda arimaha dibada ee Soomaaliya ayaa lagu sheegay in Soomaaliya ay taageero u muujineyso Sucuudiga. “Xukuumadda Jamhuuriyadda Federaalka Soomaaliya waxa ay markale ku celinaysaa mowqifkeeda sugan ee taageeraya degganaanshaha iyo qarannimada dalalka Carabta, waxayna ku dhawaaqeysaa garab istaaggeeda dhammeystiran ee dowladda Boqortooyada Sacuudi Carabiya ee aanu walaalaha nahay, kana soo horjeedno cid kasta oo isku dayeysa inay dhib gaarsiiso ama wax u dhinto kaalinteeda iyo danaheeda dhaqaale. Jamhuuriyadda Federaalka Soomaaliya waxa ay adkeyneysaa laga maarmaanshaha in laga fogaado dhagar iyo olole ujeeddooyin kale leh oo lagu hagardaamaynayo Boqortooyada Sucuudi Carabiya” Dowlada Suduudiga ayaa la kulmeeysa dhaleeceeyn kaga imaaneeyso dibada kadib tuhunkii Wariye Jamaal Khashoggi oo kamid ahaa dadka ka soo horjeeyday Boqortooyada Sucuudiga oo lagu eedeeyay in ay dileen ciidamo gaar ah oo Sucuudiyaan ah. Hoos ka Aqriso warka ka soo baxay Wasaaradda arimaha dibada Soomaaliya Dhammaad Xasan Maxamed Samatar Cowke PUNTLAND POST The post Dowlada Soomaaliya oo taageertay Sucuudiga (War-saxaafadeed) appeared first on Puntland Post.

Muqdisho (Caasimada Online)-Wasiirka amniga gudaha Maxamed Abuukar Islow Ducaale, ayaa ka hadlay qorshooyinka ay Wasaaradiisa ku dooneyso inay ku xakameyso amniga magaalada Muqdisho. Wasiir Ducaale, oo ka hadlaayay amniga ayaa sheegay in dowlada Somalia ay ilaa iyo xad ku guuleysatay amniga, hase yeeshee waxa uu sababta ugu weyn ku sheegay shacabka Muqdisho oo aan wali juhdi buuxa galin la shaqeynta Hay’adaha amniga. Amniga Muqdisho ayuu tilmaamay inay la wareegi doonaan dhalinyaro kasoo qalin jabiyay Jaamacado iyo Iskuulo, kuwaa oo uu carab ***** inay u baahan yihiin wada shaqeyn ay ka helaan shacabka Muqdisho. Dhalinyarada la ciidameeyay ee la wareegaya amniga ayuu sheegay in looga maarmi doono kuwa howlgabka ah, isagoo sababta ugu weyn ku sheegay in amniga Muqdisho ay ku haboon yihiin dhalinyaro fahmi karta shacabka intiisa kale. “Baahida aan u qabno sugida amniga waxa ay nagu khasbeysaa inaan amiga u gacan galino dhalinyaro Jaamiciyiin ah si ay u difaacdan dalkooda” “Dhalinyarada waxa ay fahmi doonaan la dhaqanka shacabka iyaga laga soo dhex xulay waayo xiligan Somalia waxa ay u baahan tahay in amnigeeda lagu wareejiyo dhalinyarada aqoonta leh, Somalia wey kasii gudbeysaa in dad aan aqoon laheyn ay sugaan amnigeeda” Wasiir Maxamed Abuukar Islow Ducaale,waxa uu tilmaamay in mar waliba ay ka feejigan yihiin inay dhacaan musiibooyin lamid ah kii Zoobe ama wax ku dhow, isagoo shacabka Muqdisho ugu baaqay inay sugtaan amnigooda. Sidoo kale, Ducaale ayaa dhalinyarada fursad usiiyay inay ka faa’iideystaan sida garabka loogu siinaayo difaaca dalkooda, waxa uuna carab ***** in amniga dalkooda ay iyaga u madax-banaan yihiin. Si kastaba ha ahaatee, dowlada Somalia ayaa xooga saareysa sida isbedel buuxa loogu sameyn lahaa amniga magaalada Muqdisho, waxa ayna sidoo kale tababaro siineysaa dhalinyarada ka qalin jabiyay Jaamacadaha iyo Iskuulada. Caasimada Online Xafiiska Muqdisho Caasimada@live.com