RUIRU, Kenya — Before last year, Richard Ochieng’, 26, could not recall experiencing racism firsthand. Source: Hiiraan Online

Muqdisho (Caasimada Online) – Sida uu qoray machadka daraasaadka amni ee Hiraal, Xafiiska maaliyadda Al-Shabaab waxa ay lacagaha u qeybiyaan Saddex: Saadka, raashinka, shidaalka iyo wixii la midka ah: Sida xaaladaha deg degga ah, kuwaas oo lagu qarash gareeyo hoggaanka Al-Shabaab laguna badbaadiyo: Qeybta u dambeeysa waxaa la siiyaa xafiisyada wasaaradaha ee gobolada halkaas oo qoondada lagu sameeyo. Gobolada qaniga ah waxa ay isticmaalaan waxa ay rabaan waxa ayna inta ugu badan ku qarash gareeyaan xarumaha dhexe ee Al-Shabaab; sida deegaanada faqriga ah, tusaale Mudug iyo Galgaduud oo aan iska bixin karin qarashaadkooda, waxa ay taageero ka helaan xarumaha dhexe. Madaxa xafiis walba waxa uu lacagaha lagu bixiyo hawlgalada socda ka helaa xafiiska maaliyadda ee heer gobol. Hase ahaatee, waxyaabaha deg degga ah waxaa laga qaadayaa gudoomiyaha gobolka, oo loo yaqaan madaxa Wilaayada. Waxaa xiiso leh, lacagaha deg degga ah bil walba waxa ay dhaafaan intii loogu talagalay, waxaana loo dhiibaa madaxa deegaanka haddii la adeegsado iyo haddii kaleba. Lacagaha deg degga ah oo ka bilowda bil walba $3,000 ilaa iyo $10,000 waxaa loo adeegsadaa qaab deeq ahaan oo la siiyo madaxa xafiisyada heer gobol. Waxaa laga tusaale qaataa in gobol walba xafiiskeeda uu isticmaalo $7,000, sanad walba waxaa markaa ku baxa xafiis walba oo gobol $502,000 taas oo ka dhigan $4.5mn in ay ku baxaan sagaalka gobol ee ay maamulado ka dhisan yihiin. Kooxda waxa ay qarashaad badan ku bixisaa qorista dagaalyahanada oo uga baxa qaab mushaar. Dagaalyahanada lugta/ifentariga waa raqiis, waxa ay helaan lacago ka bilowda $30 bishii halka xaasaskooda ay helaan $30 kale oo dheeri ah halka $20 la siiyo halkii cunug ee uu dhalay. Iyaga oo leh 5,000 oo dagaalyahanno shaqeeya hadda, waxa ay lacagta mushaar ahaan uga baxda ka dhigeysaa sanadkii $3 milyan halka $3.6 milyan ay uga baxaan raashin, taas waxaa dheer in dagaalyahan walba maalintii helo $2. Sirdoonka Al-Shabaab yaa hela mushaarka ugu badan, waxa uuna ka bilowdaa $200 bishii, waxaa u dheer dhaqaale kale oo lagu kabo haddii ay ka hawl galaan deegaan cadaw. Qarashaadka ku baxa waxaa sanadkii lagu qiiyaasaa $1.5 milyan, sida ay ku ogaatay Hiraal dhaq dhaqaaqooda. Sidaas oo kale, taliyeyaasha iyo madaxda xafiisyada waxaa la siiyaa $200 bishii halka uu mushaarkooda ka bilowdo $400 oo lagu saleeyo xilka ay hayyaan, waxa ay isku darka noqoneysaa $11 sanadkii. Isku darka qarashaadka Al-Shabaab ee sanadkii ee gobolada waxa uu noqonayaa $23.6 milyan iyada oo aan lagu darin qarashaadka uga baxa rasaasta iyo walxaha qarxa. Sida ay hubka ku helaa Al-Shabaab ayaa hawl adag waxa ayna u baahan doontaa cilmi baaris kale. Hase ahaatee, daraasaddan owgeed, waxaan ku qiimeynay in aysan $2 milyan sanadkii ka badneyn. Caasimada Online Xafiiska Muqdisho Caasimada@live.com

Muqdisho (Caasimada Online) – Siyaasiga Cabdiraxmaan Cabdishakuur, oo ah mid ka mid ah mucaaradka ugu weyn ee dowladda Soomaaliya, ayaa ku eedeeyey madaxda dowladda Soomaaliya inay aad u bah-dilaan wasiiradooda. Qoraal watay Video oo uu facebook soo dhigay ayuu ku sheegay in wasiirada ka warbixiya safarada ama howlaha ay qabtaan madaxweynaha ama ra’iisul wasaaraha ay tahay bah-dilaad lagu sameynayo. Waxa uu sheegay in shaqada wasiirku aanay ahayn afhayeen iyo inay ka warbixiyaan waxqabadka madaxda ka sarreysa, balse ay tahay wasaaradahooda. Video uu soo dhigay facebook oo ahaa mid ka kooban muuqaallo dhowr ah oo la isku keenay ayaa waxaa ka muuqda wasiiro dhowr ah oo marna ka warbixinaya madaxweyne Farmaajo, marna ra’iisul wasaare Kheyre. Hoos ka aqriso qoraalka CC Shakuur, kana daawo muquaalka. “Uma jeedo in aan ku xadgudbo wasiiradda oo aan ixtiraam badan u hayo, laakiin rabitaanka ay Madaxda fulinta ku u doonayaan in safar walba oo ay u baxaan iyo kulanka ay galaan In ay wasiiradu ka warbixiyaan waxay bahdilaad ku tahay xilka Wasiirka, waana dhaqan ugub ku ah siyaasada Dalka. Wasiirku waa go’aan sameeye ka tirsan Gole Fulin oo lagu jaangoyo siyaasada, dhaqaalaha iyo amniga dalka. Yaa la bahdalin oo shaqadii uu afhayeenka lahaa loo dirin” Caasimada Online Xafiiska Muqdisho Caasimada@live.com

Washington DC (Caasimada Online) – Danjiraha Israel ee Mareykanka waxa uu Jimcihii kulan casho ah la qaatay dhiggiisa Imaaraadka-ka Carabta, taas oo ka mid ah tallaabooyinkii ugu dambeeyey oo lagu xoojinayo xidhiidhka labada dal. Safiirka Israel ee Mareykanka Ron Dermer waxa uu la fariistay Al-Otaiba, danjiraha Imaaradka ee Mareykanka, iyaga oo ku kulmay machadka arrimaha amniga qaran ee Israel, halkaas oo lagu qabtay cashada sanadlaha ah Jimciihii. Labada safiir ayaa la arkayey iyaga oo si diiran isula hadlaya xilli ay dhageysanayeen khudbaddii xoghayaha arrimaha dibedda Mareykanka Mike Pompeo. Waxaa isla miiska la fadhiyey danjiraha Egypt ee Mareykanka Yasser Reda. Sida uu qoray wargeyska Israle ee Haaretz, “Ma aha wax caadi ah in mas’uuliyiinta dowladaha Carabta ee aan xidhiidhka la lahayn Israel lagu arko iyaga oo mas’uuliyiinta Israel la jooga meel shaaric ah.” Hase ahaatee, tani ma aha markii ugu horreeysay oo la arko Al-Otaiba oo miis la wadaagaya mas’uul sare oo Israeli ah. Bishii Maarso waxaa lagu arkay maqaayad ku taal xaafadda Georgetown, oo ah deegaan ku yaalla Washington isaga oo casho la wadaagaya safiirka Bahrain ee Mareykanka. Al-Otaiba waxa uu maqlay in Ra’iisul Wasaaraha Israel Benjamin Netanyahu uu isla maqaayaddaas casho ku lahaa waxa uuna ku casumay in kula soo biiro miiskiisa, waxaa sidaas sheegay Haaretz Sida wadamada kale ee Khaliijka, Imaaradka si rasmi ah uma aqoonsana Israel, sidoo kalena lama laha xiriir diblomaasiyadeed oo rasmi ah dowladda Yuhuudda. Hase ahaatee, cashadi Jimcihii waa caddeymihii ugu dambeeyey ee caadiga looga dhigayo xiriirka labada dal. Bishii Agoosto, saxafi Israeli ah ayaa sheegay in duuliye Imaaraati ah uu ka qeyb qaatay duqeymihii loo geystay Falastiin ee lagu bartilmaameedsanayey marinka Gaza ee go’doonsan xilli uu tababar ku qaadanyey xarunta ciidamada cirka ee Israel. Caasimada Online Xafiiska Minneapolis Caasimada@live.com

Muqdisho (Caasimada Online) – Sida ay qoreen wargeysyada kasoo baxa dalka Ingariiska Dhaxalsugaha sacuudiga Mohammad bin Salman ayaa doonaya in uu iibsado kooxda ugu weyn Ingariiska ee Manchester United. Waxa ay qoreen in Bin Salmaan uu doonayo inuu kor u qaado shacbiyada Kooxda Manchester United iyo dhaqaalihiisa ku jira akoonada uu isticmaalo. Waxa ay qoreen in Bin Salmaan ay iibsashada Kooxdaasi ka caawin doonto in boqortooyada ay la tartanto wadamada kale ee carbeed. Bin Salmaan ayaa doonaya inuu kor u qaado magaca iyo dhaqaalaha qoyskiisa, waxa uuna aad ula tartamayaa wadamada Qatar iyo Imaaraadka oo dhaqaale xoogan ku maalgashta Kooxaha heerka caalami. Wargeysyada afka dheer ayaa aad u buun-buuninaya talaabada uu Bin Salmaan ku doonayo inuu ku iibsado Kooxda Manchester United. Sidoo kale, Bin Salmaan waxaa maskaxdiisa ka dhex guuxeysa maal qabeenka reer Qatar ee sanadii 2012 iibsaday kooxda Paris Saint-Germain. Dhanka kale kooxda man cityy ayaa sanadkii 2008-da waxaa maamulkeeda gacanta ku dhigay maal qabeenka imaaraadka u dhashay Sheikh Mansour bin Zayed,waxaana hey,ada qiimeysa dadka tujaarta ah Forbes ay sheegtay in £2 billion uu kor u kacay dhaqaalaha kooxdan sanadkan 2018-ka. Docda kale, Kooxda Manchester United ayaa mudo lala xiriirinayay in ay iibsan doonaan boqortooyada sacuudiga. Caasimada Online Xafiiska Muqdisho Caasimada@live.com

Qoraal ka soo baxay Xukuumadda Jamhuuriyadda Federaalka Soomaaliya ayaa lagu sheegay in Soomaaliya taagereyso dowladda Boqortooyada Sacuudi Carabiya, go’aankan ay qaadatay Muqdisho waxaa uu ka hor imaanayaa Turkiga iyo Mareykanka, waxaa uu sidoo kale muujinayaa sida ay Soomaaliya u aragto arrinta Jamal Khashoggi. Qoraalkan oo koobnaa waxaa uu u qornaa sidan: Xukuumadda Jamhuuriyadda Federaalka Soomaaliya waxa ay markale ku celinaysaa mowqifkeeda sugan ee taageeraya degganaanshaha iyo qarannimada dalalka Carabta, waxayna ku dhawaaqeysaa garab istaaggeeda dhammeystiran ee dowladda Boqortooyada Sacuudi Carabiya ee aanu walaalaha nahay, kana soo horjeedno cid kasta oo isku dayeysa inay dhib gaarsiiso ama wax u dhinto kaalinteeda iyo danaheeda dhaqaale. Waxaana lagu soo gabagabeeyey “Jamhuuriyadda Federaalka Soomaaliya waxa ay adkeyneysaa laga maarmaanshaha in laga fogaado dhagar iyo olole ujeeddooyin kale leh oo lagu hagardaamaynayo Boqortooyada Sucuudi Carabiya”. Qoraalka Soomaaliya waxaa uu daba socdaa mid ay shalay qortay wakaaladda ku hadasha afka boqortooyada Sacuudiga ee SPA iyada oo soo xigatay mas’uul aaney magacaabin, “ Waxaa caddeyneysaa boqortooyada Sacuudiga inay iska diideyso handadaad iyo wiiqid kasta, ha ahaato in loogu caga jugleeyo cunaqabateyn dhaqaale, ama adeegsi cadaadis siyaasadeed ama xataa eedeymaha soo noqnoqda ee baadilka ah”, qoraalka waxaa kale oo ku jiray “haddii cid ay tallaabo qaado, boqortooyada waa ka jawaabi-doontaa, dhaqaalaha boqortooyada waxaa kaalin muhiim ah ugu jiraa dhaqaalaha caalamka”. Sacuudiga waxaa uu wajahayaa cadaadis caalami ah kadib dilka weriyaha Jamal Khashoggi, madaxweynaha Mareykanka Donald Trump waxaa uu sheegay in la ciqaabi-doonno haddii ay ku cadaato inay dileen. Dhinaca kale shir caalami ahaa oo arrimaha maalgeshiga ku saabsanaa, oo ka dhici lahaa Sacuudiga October 23 ayaa waxaa ka baaqsaday shirkado iyo shakhsiyaad ay ka mid yihiin: Financial Times, Bloomberg, CNN, The New York Times, Economist, CNBC, Dara Khosrowshahi oo Uber ah, Bob Bakish oo ka socday Viacom, Steve Case oo ah AOL iyo madaxweynaha bangiga adduunka Jim Yong Kim. Go’aankan cusub ee Soomaaliya waxaa uu ka hor imaanayaa dhex-dhexaadnimadii, waayo Jamal Khashoggi waxaa lagu dilay Turkiga, waxaa hubaal ah in Turkiga aaney ku faraxsaneen talaabada Muqdisho. Siyaasadda arrimaha dibadda ee Soomaaliya ayaa haye-raac u noqotay Sacuudiga, August 8, ee sanadkan, war saxaafadeed ku qornaa afka Carabiga oo ka soo baxay Wasaaradda Arrimaha Dibadda Soomaaliya ayaa lagu taageeray mowqifka Sacuudiga ee diidmada faragelinta Canada. Qoraalka ayaa u qornaa “Xukuumadda Jamhuuriyadda Federaalka Soomaaliya waxa ay si dhow ula socotay xaaladihii ugu dambeeyay ee ku soo kordhay xiriirka Dowladda aanu walaalaha nahay ee Boqortooyada Sucuudi Carabiya iyo Canada”ayaa lagu yiri War saxaafadeedka. “Iyadoo laga ambaqaadaayo arrinkani, Jamhuuriyadda Federaalka Soomaaliya waxa ay adkeyneysaa taageeridda mowqifka diidmada ee Dowladda aanu walaalaha nahay ee Boqortooyada Sucuudi Carabiya ee faragelin dibadeed oo lagu sameeyo arrimaheeda gudaha, iyadoo la tixgelinayo mabda’a aan oggolaanayn faragelin ee lagu caddeeyay Axdiga Qaramada Midoobay, oo ay ku jirto gobonnimadeeda iyo madax bannaanida go’aan gaariddeeda iyo waxa ay jideyso oo ah siyaasado ama habab garsooreed oo xiriir la leh shuruucdeeda qaran.”

Nairobi (Caasimada Online) – Booliska Kenya ayaa gacanta ku dhigay Sarkaal Somali-Kenyan la sheegay inuu ka tirsan yahay Xafiiska Sirdoonka Kenya ee Wajeer (NSIS). Sarkaalkan ayaa waxaa lala qabtay laba kale oo si gaara loogu qabtay Xaafad Islii (Section 3) ee magaalada Nairobi, sida lagu daabacay Wargeyska the-star.co.ke. Afhayeen u hadlay Booliska Kenya ayaa sheegay inay baaritaan ku hayaan haddii ninka la qabtay uu ka tirsan yahay Sirdoonka Kenya, iyadoo xiriir lala sameeyay Saraakiisha Sirdoonka ee magaalada Wajeer. Ninka la qabtay oo magaciisa lagu sheegay Cabdi Caliyow ayaa lagu qabtay howlgal qorsheysnaa oo ay fuliyeen Booliska. Gaariga uu watay Sarkaalka iyo labada ruux ee la soctay ayaa waxaa laga helay 2 Bastoolad, 7 xabo oo rasaas ah, 2 Baasaboor oo Soomaali ah, 2 waraaqaha aqoonsiga Kenya, 6 bac oo ay ku jiraan daroogada nooca loo yaqaan heroin iyo 40g oo xashiish ah. Sidoo kale, Sarkaalka iyo labada qof ee la soctay ayaa la sheegay in lagu xiray Saldhiga Booliska Shaurimoyo ee magaalada Nairobi. Dhinaca kale, ragaasi la qabtay ayaa la sheegay inay wateen Gaari taarikhadiisu tahay KCM 680P. ISHA. The-star.co.ke

DOVER — With the help of the American Civil Liberties Union of New Hampshire, a Somali national living in Maine is challenging his near seven-month immigration detention. Source: Hiiraan Online

MOGADISHU, Oct. 15 (Xinhua) -- The United States military said Monday its special forces conducted an airstrike in the vicinity of Araara in southern Somalia on Sunday killing four al-Shabab militants. Source: Hiiraan Online

Yesterday, Shabaab fighters attacked a Somali-led operation near Araara, Somalia, according to a US Forces Africa Command (AFRICOM) press release today. US service personnel were not present on the ground, but the US military did conduct self-defense airstrikes after the Somali force came under small arms fire. The airstrike killed four Shabaab terrorists and did not injure or kill any civilians. Source: Hiiraan Online

Istanbul (Caasimada Online) – Mas’uuliyiinta Sacuudiga ayaa diyaarinaya warbixin ay ku qiran doonaan in suxufi Jamal Khashoggi uu ku dhex dhintay qunsuliyadda Sacuudiga ee Istanbul kadib su’aallo weydiin aan u dhicin sidii loogu talo-galay. Sacuudiga waxa ay sidoo kale qiran doonaan in qorshaha uu ahaa in Jamal Khashoggi, lasoo afduubto oo laga soo saaro dalka Turkiga, sida uu weriyey taleefishinka CNN. Warbixintan oo taleefishinka CNN uu weriyey waxyar ka hor ayaa ilo-wareedyo kasoo xigatay in dowladda Sacuudiga ay ku sheegi doonto in arrintan ay ku dhacday ayada oo boqortooyada sare aan fasax looga haysan. Sacuudiga ayaa sidoo kale la filayaa, sida warbixinta ay sheegtay, inay sheegaan in dhacdadan kula xisaabtami doonaan dadkii mas’uulka ka ahaa. Suxufi Jamal Khashoggi ayaa la waayey labadii bishii October kadib markii uu galay qunsuliyadda Sacuudiga ee magaalada Istanbul, halkaasi oo aanu dib uga soo bixin. Dhinaca kale taleefishinka Al-Jazeera ayaa gordhow kasoo xigtay dacwad oogaha dalka Turkiga inay haleen caddeymo muujinaya in la dilay Jamal Khashoggi kadib markii baarayaasha Turkiga ay maanta galeen qunsuliyadda. Xeer ilaaliyaha ayaa sidoo kale sheegay in gudaha qunsuliyadda ay ka dhex heleen caddeymo muujinaya in Sacuudiga ay isku dayeen inay qariyaan caddeymo muujinayey in Jamal Khashaggi la dilay. Saraakiisha Turkiga ee helay macluumaadka dilka isla markaana ku sugan Qunsuliyada ayaa sheegay in dowlada Turkiga aysan mas’uul ka aheyn dilka Saxafiga Jamaal maadaama uu ka dhacay xarunta Qunsuliyadooda. Labadan warbixin ayaa ah kuwa goor dhow un soo baxay, waxaana la filayaa inay faahfaahinno dheeri ah ay kasoo baxaan saacada soo socda. Caasimada Online Xafiiska Istanbul Caasimada@live.com

Ankara, Turkey (CNN) - The Saudis are preparing a report that will acknowledge that Saudi journalist Jamal Khashoggi's death was the result of an interrogation that went wrong, one that was intended to lead to his abduction from Turkey, according to two sources. Source: Hiiraan Online

WASHINGTON (AP) — In a comment that seemed designed to give Saudi officials a route to climb down from outright denials, President Donald Trump suggested Monday that "rogue killers" could be responsible for the disappearance and presumed murder of journalist Jamal Khashoggi, who hasn't been seen since entering the Saudi consulate in Istanbul two weeks ago. Source: Hiiraan Online

Oktoobar, umadda Soomaaliyeed aysan jecleyn in ay xusuusato, gaar ahaa bartmeheeda. 14kii Oktoobar oo shalay ku beegneyd waxa ay tahay, noqotay, ahaanna doontaa maalin qof walba oo Soomaali ah ku xusuusto qaraxii Zoope ee galaaftay dad gaaraya 600 qof. Maalin kaddib, oo ku began maanta 15-ka Oktoobar, iyaduna waa maalin murugo iyo tiiraanyo u leh dadka Soomaaliyeed, waa maalin la khaarajiyey Madaxweynihii hore ee Soomaaliya Cabdirishiid Cali Sharmaarke (AUN), sanadkii 1969kii. Madaxweyne Cabdirashiid Cali Sharmaarke waxaa Laascaanood ku dilay askari ka tirsanaa ilaaladiisii xilli uu booqasho ku marayey gobolada Waqooyi ee Soomaaliya. Maanta oo ay ka soo wareegtay 49 sano dhacdadaas xanuunka badan, waxaan qormadan ku eegi doonnaa astaan ka mid ah kuwii uu caanka ku ahaa Madaxweynihii hore ee Soomaalia Dr Cabdirashiid Cali Sharmaarke (AUN), astaantaas oo uu uga duwanaa dhammaan madaxdii isaga ka horreeysay iyo kuwii ka dambeeyey. NAXARIIS IYO DAMQASHO Madaxweyne Cabdirashiid Cali Sharmaarke waxaa lagu tilmaamay sida uu iigu warramay General Jaamac Maxamed Qaalib oo ah barahayga Sooyaalka Siyaasadda Soomaaliya, in uu ahaa hoggaamiyihii ugu NAXARIISTA iyo damqashada badnaa ee so maraya dalka. Marka laga yimaado in uu ahaa hoggaamiye cibaadada ku wanaagsan hadanna wadani dhab ah sida laga dareemi karay go’aanaddii uu ka qaatay xidhiidh u jariddii dowladda UK oo iska indha tirtay rabitankii shacabka NFD (Soomaalida Waqooyi Bari, Kenya) ee ahaa in ay la midoobaan Soomaaliya iyo heshiiskii qarsoodida ahaa ee uu la galay Midowgii Soofiyeeti sii loo dhiso ciidamada qalabka sida ee dalka, waxaa u dheereyd NAXARIIS iyo Damqasho BILI’AADANNIMO. General Jaamac Maxamed Qaalib oo iga warrmaya sifooyinkii Madaxweyne Cabdirashiid Cali Sharmaarke (AUN) ayaa tusaale ii siiyey dood kulul oo ku dhexmartay isaga iyo Ra’iisul Wasaarihii hore ee Soomaaliya Cabdirisaaq Xaaji Xuseen Golihii Baarlamaanka. Xilliga ay doodad dhexmareyso, Cadirisaaq waxa uu ahaa Ra’iisul Wasaare halka Cabdirashiid Cali Sharmaarke ahaa xubin Baarlamaan, balse xukumadda ku ah mucaarad. Maxaa dhacay? Doodda waxa ay ku soo aaday xilli ay soo baxday warqaddii casseyd/guduudneyd ee caanka baxday (Boosta Roosa), taas oo uu Ra’iisul Wasaare Cabdirisaaq Xaaji Xuseen shaqada uga eryey shaqaale rayid ah oo gaarayey 300. Cabdirashiid oo aad uga xun shaqada laga eryey shaqaalaha rayidka ah, ayaa Golaha Baarlamaanka dhexdiisa ku eedeeyey Raiusl Wasaaraha isaga oo sheegay in uu dabka ka dambiyey qoysas badan maadama uu shaqada ka eryey shaqaale baahi qabay, hase ahaatee, Raiusl Wasaare Cabdirisaaq ayaa ugu jawaabay in uu xaliyey wax uu isaga karti u waayey maadama uu yareeyey shaqaalihii dowladda ee qaarkood mushaar xukumadda culeys ku ah qaadanayey oo aysan shaqo lagama maarmaan ah u hayn. Hase ahaatee, buuq dhashay owgiis, Cabdirashiid oo damcay in uu jawaab caliyo, ayaa waxaa cod baahiyihii ka xiray guddoomiye ku xigeenkii Baarlamaanka oo maalintaas shir guddon ahaa, Shikh Mukhtaar, oo tallaabaas darteed markii dambe ku noqday guddoomiyaha Golaha Shacabka. Dareenkaas, Madaxweyne Cabdirashiid Cali Sharmaarke ka bixiyey shaqaalihii uu eryey Ra’iisul Wasaare Cabdirisaaq oo kaliya kuma koobna ficiladdii muujinayey naxariistiisa, balse waxa ay noqotay mid saameyn iyo raadba ku reebtay bulshadii xilligaas. Dhinaca kale, Ra’iisul Wasaare Cabdirisaaq Xaaji Xuseen (AUN), ujeedadii uu shaqaalaha u dhimayey waxa uu ku sheegay in ay ahayd isu dheelitirka miisaaniyadda dowladda iyo shaqaalaha. Dowladdiisii waxa ay caan ku ahayn la dagaalanka musuq maasuqa, waxaana loo yaqaanay KARTI iyo HUFNAAN. Waxaa iiga sheekeeyey General Jaamac Maxamed Qaalib oo ahaa barahayga Sooyaalka Siyaasadda Soomaaliya ee Jaamacadda. W/Q: Mohamed Muse Adan (Moh’ed Kaafi) Email: Muhamedkaafi@Gmail.com Facebook: Mohamed Kaafi Waxaa iiga sheekeeyey General Jaamac Maxamed Qaalib oo ahaa barahayga Sooyaalka Siyaasadda Soomaaliya ee Jaamacadda.

Kismaayo (Caasimada Online) – Warsaxaafadeed ka soo baxay xarunta dhexe ee taliska ciidamada Maraykanka ee Africa ee magaciisa loo soo gaabiyo AFRICOM ayaa lagu sheegay in ciidamada Maraykanka oo kaashanaya dawlada Faderaalka ah ee Soomaaliya ay 14-kii bishan October duqayn ka dhan ah Al-Shabaab ay ka fuliyeen deegaanka Araara ee gobolka Jubbada Hoose. Waxaana war saxaafadeedka lagu sheegay in weerarkan oo lagu dilay afar xubnood oo argagixiso ah islamarkaana hadda la qiimaynayo haddii dad rayid ahi ay ku dhinteen ama ku dhaawacmeen duqantaasi. Warsaxaafadeedku waxa uu intaasi ku daray in duqayntu ay timi kadib markii ciidanka ay wada shaqaynta leeyihiin la kulmeen rasaasayn, iyadoo hawlgalkaasi oo ay hogaaminayeen Soomaalidu islamarkaana aanay ku jirin ciidamada Maraykanka. Ugu danbayn waxa war saxaafadeedka lagu sheegay in ciidamada Maraykanku ay sii wadi doonaan dhammaan talaabooyinka ay awooda u haystaan ama haboon ee ay ku ilaalinayaan muwaadiniinta Maraykanka ah islamarkaana ay ku wiiqayaan argagixisada. Mareykanka ayaa sheegay in duqeymahan ay qeyb ka yihiin in dadaallada AMISOM iyo ciidamada Soomaaliya ay wadaan ee hawlgalada wada jirka ah ee ka dhanka ah argagixisada iyo beegsashada argagixisada, xarumahooda tobabarka iyo goobaha ay ku gabadaan ee ku yaala Soomaaliya iyo gobolka. Caasimada Online Xafiiska Muqdisho Caasimada@live.com

MOGADISHU (Caasimada Online)— military says it has carried out drone strike targeting Al-Shabaab group in Somalia, killing at least 4 militants . The strike was conducted on Sunday in Arare area, south of Somalia’s Lower Jubba region, said in a statement by U.S. Africa Command. The Command said four Al Qaeda linked Al Shabaab group had been killed in the latest strike in Somalia. Sunday’s airstrike was carried out after Somali troops along with US especial forces came under ambush attack by Al Shabaab. The statement says no U.S. service members were on the ground during the Somali-led operation and that according to its assessment no civilians were injured or killed in the airstrike. The U.S. military has carried out more than 20 airstrikes, including drone strikes, this year against the al-Qaida-linked al-Shabab, the deadliest Islamic extremist group in sub-Saharan Africa. Last week, U.S. military says it killed nine al Qaeda linked al-Shabab militants in drone airstrike in southern Somalia. The U.S. Africa Command said one militant was also injured in the strike. The raid was carried out in coordination with the Somali government The Al-Qaeda linked Shabaab was pushed out of the Somali capital in 2011 — and subsequently other towns and cities — by soldiers from the African Union Mission in Somalia. The group is fighting to overthrow the internationally backed government of Somalia, but has also carried out attacks in neighboring Kenya. Caasimada Online Mogadishu News Desk Caasimada@live.com

Washington (Caasimadda Online) – Madaxweynaha Mareykanka Donald Trump ayaa sheegay inuu wadahadal khadka telefoonka kula yeeshay Boqorka Sacuudiga Salman Bin C/casiis oo ay ka wadahadleen arrinta qoraaga Jamal Kashoqgi. Trump ayaa sheegay in Boqorka Sacuudiga uu si weyn u beeniyey in Sacuudiga wax lug ah ku leeyahay ama wax ka ogyahay saxafiga la waayey, wuxuuna intaas ku daray in wadahadalka uu la yeeshay Boqorka Sacuudiga uu ka fahmay in qoraaga Jamal Kashoqgi ay dileen kooxo calooshood u shaqeystayaal ah. Wuxuu sheegay madaxweynaha Mareykanka inuu xoghayihiisa Arrimaha dibadda si degdeg ugu dirayo Sacuudiga si uu arrinta usoo kala caddeeyo, kulamo dheeraad ahna ula yeesho madaxda Sacuudiga. Just spoke to the King of Saudi Arabia who denies any knowledge of whatever may have happened “to our Saudi Arabian citizen.” He said that they are working closely with Turkey to find answer. I am immediately sending our Secretary of State to meet with King! — Donald J. Trump (@realDonaldTrump) October 15, 2018 Arrintan ayaa soo baxeysa, iyadoo Sacuudiga olole ugu jiro inuu iska leexiyo tuhunka saaran ee dilka qoraaga Jamal Kashoqgi, waxaana wax lagu qoslo ku tilmaamay warkan xubno ka tirsan senet-ka Mareykanka. Caasimada Online Xafiiska Muqdisho Caasimada@live.com

Muqdisho (Caasimada Online) – Wasiirka arrimaha dibedda Soomaaliya Axmed Ciise Cawad ayaa sharraxaad ka bixiyey go’aanka xukuumadda Soomaaliya ay taageerada ugu muujisay dowladda Sacuudiga, xilli uu saaran yahay cadaadis caalami ah. Wareysi uu siiyey idaacadda VOA ayaa wasiirka waxa uu ku sheegay in dowladda Sacuudiga lagu hayo hanjabaad caalami ah oo lagu sheegay in dhaqaalahooda lagu burburinayo taasina aysan sax ahayn. Qoraalka wasaaradda arrimaha dibedda ayaa horey loogu yiri “Waxaan isgarab-taag uga muujineyna cid walba oo isku dayda in ay wax u dhinto oo ay xumeyso dhibna gaarsiiso kaalinteeda iyo danaheeda dhaqaale”. Qiimaha saamiyada shirkadaha Sacuudiga ayaa toddobaadkan lumiyey 7% qiimahooda ama 35 bilyan oo dollar, kadib markii madaxweynaha Mareykanka Donald Trump uu sheegay inuu ciqaabi doono Sacuudiga haddii ay ku caddaato dilka suxufi Jamal Khashoggi. Axmed Ciise Cawad ayaa ku dooday in dowladda Soomaaliya iyo Sacuudiga ka wada tirsan yihiin Jaamacadda Carabta, islamarkaana go’aanka ay ku taageereen uu yahay mid ay ka wada siman yihiin dalalka xunaha ka ah Jaamacadda Carabta. Waxa uu sidoo kale sheegay in Sacuudiga ay mar kasta taageeri jireen marka faro-gelin lagu sameeyo Soomaaliya, inkasta oo uusan caddeyn hal kiis oo taas muujinaya. Wasiirka waa uu diiday inuu sharraxaad ka bixiyo haddii go’aanka dowladda Soomaaliya uu yahay mid ku saleysan codsi ka yimid dowladda Sacuudiga oo ay taageero kaga dalbatay iyo inuu yahay mid ay iskeed u gaartay. Wasiirka arrimaha dibedda ayaa sheegay in go’aanka dowladda Soomaaliya uusan xiriir la lahayn kiiska weriyaha la’yahay ee Jamal Khashoggi, balse ay diidan yihiin in Sacuudiga loo hanjabo ayada oo aan go’aan rasmi ah laga gaarin kiiska weriyaha ama la helo caddeymo buuxa. Hoos ka dhageyso wareysiga wasiirka arrimaha dibedda Soomaaliya https://www.caasimada.net/wp-content/uploads/2018/10/e5a7a595-00b2-479c-bc79-b3eff7dc4c44_48k.mp3Caasimada Online Xafiiska Muqdisho Caasimada@live.com

Qaar kamid ah issimada gobolada Sool, Sanaag iyo Ceyn ee Puntland oo shir ku leh magaalada Garowe ayaa wada qorshe ay kaga hor-imanayaan doorashada la qorsheeyay 8-da Janaayo 2019. Qorshaha issimadan ayaa ah in aysan soo xuleyn xubnaha beelahooda ku matala Baarlamaanka Puntland, inta laga xoreynayo gobolada Sool, Sanaag iyo Ceyn oo ay ku muransan yihiin Puntland iyo Somaliland, waxaana maanta galinkii dambe baaqday shir jaraa’id oo lagu shaacin lahaa arrintan, kadib markii la sheegay in laysku khilaafay. Sidoo kale issimadan waxaa qorshaha kula jira qaar kamid ah issimada Beesha Tanade Daarood (Leelkase), kuwaas oo sanadkii hore codsaday in dastuurka Puntland loo furo oo loo kordhiyo xubnaha ay ku leeyihiin Baarlamaanka Puntland, taas oo markii dambe suurta galiweyday. Qorshaha issimadan ayaa ku soo aaday, xili Puntland ay u diyaar-garowday doorasho madaxtinimo oo xiligeedu ka dhiman yahay 80 maalmood, iyadoo beelaha qaar ay soo xusheen xubnaha ay ku leeyihiin Baaralmaanka Puntland. Sida la aaminsan yahay qorshahan looga hor-imanayo doorshada Puntland ee la qorsheeyay 8-da Janaayo 2019 waxaa dabada ka riixaya Madaxweyne Gaas oo raba in uu sameysto muddo korarsi, inkastoo horey uu u sheegay in doorashadu xiligeeda dhacayso. Qorshahan ayaa Puntland ku keeni kara qalalaase siyaasadeed, iyadoo qaar kamid ah musharaxiinta Puntland 2019 ayaa horey uga digeen Madaxweyne Gaas in uu sameysto muddo korarsi. Baarlamaanka Puntland ayaa 15 bishii Agoosto ee sanadkan soo saaray Lifaaqa 4-aad ee dastuurka Puntland, kaas oo qeexaya qaabka ay u dhaceyso doorashada Puntland 2019. PUNTLAND POST The post Garowe:- Issimo wada qorshe ay kaga hor-imanayaan doorashada Puntland appeared first on Puntland Post.

Muqdisho (Caasimada Online)-War ay soo saartay Hay’adda Sirdoonka Somalia ayaa waxaa lagu sheegay in Hay’addu ay gacanta ku dhigtay dhagarqabe qorsheynaayay Qaraxyo uu ka fuliyo Muqdisho. Hay’adda ayaa sheegtay in dhagarqabaha ay kusoo qabatay howlgal ay ka fulisay deegaan kaabiga ku haya Ex-koontorool. Qoraal lagu baahiyay twitter-ka NISA ayaa waxaa lagu sheegay in ruuxaasi uu maleegayay weerar lagu dhibaateyn lahaa muwaadiniinta Soomaaliyeed, hase yeeshee lga hortagay dhagartiisa. NISA waxa ay tilmaantay in howlgalka aysan cidi wax kunoqon. Nuqul kamid ah qoraalka NISA ayaa ahaa “Howlgal ay ciidamada amaanka xalay ka fuliyeen nawaaxiga X-koontarool, ayay kusoo qabteen xubin AS ah oo maleegayay qarax uu ku haligo shacab badan. Howlgalka cidi wax kuma noqon. Nagu garab istaag ka hortaga cadowga ku howlan gumaadka shacabkeena”. NISA ma shaacin Magaca Shaqsiga la soo qabtay,waxayna sheegtay in howlgalka lagu soo qabtay aysan cid waxba ku noqon sidii loogu talo galayna uu u dhacay. Howlgal ay ciidamada amaanka xalay ka fuliyeen nawaaxiga X-koontarool, ayay kusoo qabteen xubin AS ah oo maleegayay qarax uu ku haligo shacab badan. Howlgalka cidi wax kuma noqon. Nagu garab istaag ka hortaga cadowga ku howlan gumaadka shacabkeena. — NISA (@HSNQ_NISA) October 15, 2018 Caasimada Online Xafiiska Muqdisho Caasimada@live.com

Xukuumadda Soomaaliya ayaa taageero u muujisay dowladda Sacuudiga ayada oo sheegtay inay ku garab istaageyso ilaalinta danaheeda dhaqaale. Qoraal kasoo baxay wasaaradda arrimaha dibedda Soomaaliya ayaa lagu yiri “Xukuumadda Jamhuuriyadda Federaalka Soomaaliya waxa ay markale ku celinaysaa mowqifkeeda sugan ee taageeraya degganaanshaha iyo qarannimada dalalka Carabta” Qoraalka oo si gaar ah uga hadlaya arrinta Sacuudiga ayaa lagu yiri “Xukuumadda soomaaliya waxay ku dhawaaqeysaa garab istaaggeeda dhammeystiran ee dowladda Boqortooyada Sacuudi Carabiya ee aanu walaalaha nahay, kana soo horjeedno cid kasta oo isku dayeysa inay dhib gaarsiiso ama wax u dhinto kaalinteeda iyo danaheeda dhaqaale” Qoraalka ayaa intaas ku daray “Waxaan isgarab-taag uga muujineyna cid walba oo isku dayda in ay wax u dhinto oo ay xumeyso dhibna gaarsiiso kaalinteeda iyo danaheeda dhaqaale” Haddaba qoraalkan ay soo saartay dawladda Soomaaliya ayaa Haaruun Macruuf uu ka waraystay Wasiirka Arrimaha Dibedda ee Soomaaliya Axmed Ciise Cawad.

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo la kulmay dhallinyaro qayb ka ahaa colaaddii sokeeye ee ka jirtay magaalada Marka ayaa sheegay in maanta laga bilaabo dhaqan celin loo sameeyo dhallinyaradan, si ay uga mid noqdaan Ciidanka Xoogga Dalka Soomaaliyeed. Madaxweynaha ayaa bogaadiyey sida ay uga go’an tahay dhallinyaradan in ay qayb ka noqdaan geesiyaasha Soomaaliyeed ee u taagan inay Gobolka Shabeellaha Hoose ka xoreeyaan Alshabaab ee hagardaamada iyo dhibaatada joogtada ah ku haya shacabka Gobolka. “Dowladdu waxa ay dadaal ku bixinaysaa sidii aad u heli lahaydeen waxbarasho madani ah iyo mid ciidan, si la idiinku diyaariyo mustaqbal wanaagsan oo idiin horseedaya inaad hormuud u noqotaan difaaca iyo horumarka dalkiinna iyo dadkiinna.” Madaxweyne Maxamed Cabdullaahi Farmaajo ayaa si qoto-dheer uga hadlay dhibaatooyinka ay shacabku ka dhaxleen dagaalladii sokeeye ee dalka soo maaray, gaar ahaan Gobolka Shabeellaha Hoose, isagoo sheegay in cadawga keliya ee caqabadda ku ah nolosha iyo horumarka shacabka deegaankan uu yahay nabaddiidka Alshabaab. “Waan ka wada dharagsannahay dagaalka sokeeye dhibaatooyinka uu inoo gaystay. Waxaa laga dhaxlay dhallinyaro badan oo idinka oo kale oo dalkan wax tar u noqon lahaa in ay maanta god ku jiraan dagaal macno la’aan ahaa sartiis. Madaxweynaha ayaa kula dardaarmay waxgaradka Gobolka iyo guud ahaan bulshada in ay si wadajir ah uga shaqeeyaan ka miro dhalinta heshiiskan nabadeed ee soo afjaray colaaddii ka jirtay magaalada Marka, una istaagaan sidii mustaqbal ifaya loogu abuuri lahaa faca soo socda.

I had just entered my office at the Mogadishu Municipality Headquarters when the blast went off and shook almost the entire city. I was horrified that I had just passed the Zoppe junction 10 minutes earlie Source: Hiiraan Online

Riyadh (Caasimada Online) – Dowladda Sacuudiga ayaa jawaab ka bixiysay hadalkii madaxweynaha Mareykanka Donald Trump ee ahaa inuu ciqaabi doono haddii ay caddaato inay dileen suxufi Jamal Khashoggi, oo aan la arag laba toddobaad tan iyo markii uu galay qunsuliyadda Sacuudiga ee Istanbul. “Saudi Arabia ayaa tallaabo kasta oo ka dhan ah oo la qaado waxa ay kaga aargudan doontaa mid kasii xoog badan” ayaa lagu yiri qoraal lasoo dhigay wakaaladda wararka dalkaas oo u muuqday inuu jawaab u ahaa hanjabaaddii Donald Trump. “Boqortooyada Sacuudiga ma aqbaleyso wax hanjabaad ah” ayaa lagu yiri qoraalka wakaaladda wararka SPA, oo aan lagu magacabin mas’uul dowladeed. Saamiyada shirkadaha Sacuudiga ayaa maanta lumiyey boqolkiiba toddoba qiimahooda, ayada oo maal-gashtayaasha ay ka walaacsan yihiin tallaabo laga cabsi qabo in Mareykanka uu ka qaado Sacuudiga. Wareysi uu siiyey barnaamijka “60 Minutes” ee taleefishinka CBS, ayaa Trump waxa uu cadaadiska kusii kordhiyey Riyadh, isaga oo wacad ku maray ciqaab xanuun badan, haddii madax dalka Sacuudiga ay ku lug yeeshaan waayitaanka suxfi Jamal Khashoggi. “Dhaqaalaha Sacuudiga waxa uu saameyn xooggan ku leeyahay kan dunida, sidaas darteedna dhaqaalaha boqortooyada waxaa saameya kaliya kan dunida” ayaa lagu yiri qoraalka boqortiooyada Sacuudiga ay soo saartay. Caasimada Online Xafiiska Jeddah Caasimada@live.com

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo la kulmay dhallinyaro qayb ka ahaa colaaddii sokeeye ee ka jirtay magaalada Marka ayaa sheegay in maanta laga bilaabo dhaqan celin loo sameeyo dhallinyaradan, si ay uga mid noqdaan Ciidanka Xoogga Dalka Soomaaliyeed. Madaxweynaha ayaa bogaadiyey sida ay uga go’an tahay dhallinyaradan in ay qayb ka noqdaan geesiyaasha Soomaaliyeed ee u taagan inay Gobolka Shabeellaha Hoose ka xoreeyaan argagigixisada Alshabaab ee hagardaamada iyo dhibaatada joogtada ah ku haya shacabka Gobolka. “Dowladdu waxa ay dadaal ku bixinaysaa sidii aad u heli lahaydeen waxbarasho madani ah iyo mid ciidan, si la idiinku diyaariyo mustaqbal wanaagsan oo idiin horseedaya inaad hormuud u noqotaan difaaca iyo horumarka dalkiinna iyo dadkiinna.” Madaxweyne Maxamed Cabdullaahi Farmaajo ayaa si qoto-dheer uga hadlay dhibaatooyinka ay shacabku ka dhaxleen dagaalladii sokeeye ee dalka soo maaray, gaar ahaan Gobolka Shabeellaha Hoose, isagoo sheegay in cadawga keliya ee caqabadda ku ah nolosha iyo horumarka shacabka deegaankan uu yahay Al-shabaab. “Waan ka wada dharagsannahay dagaalka sokeeye dhibaatooyinka uu inoo gaystay. Waxaa laga dhaxlay dhallinyaro badan oo idinka oo kale oo dalkan wax tar u noqon lahaa in ay maanta god ku jiraan dagaal macno la’aan ahaa sartiis.” Madaxweynaha ayaa kula dardaarmay waxgaradka Gobolka iyo guud ahaan bulshada in ay si wadajir ah uga shaqeeyaan ka miro dhalinta heshiiskan nabadeed ee soo afjaray colaaddii ka jirtay magaalada Marka, una istaagaan sidii mustaqbal ifaya loogu abuuri lahaa faca soo socda.