Muqdisho (Caasimada Online) – Dowladda Soomaaliya ayaa war rasmi ah kasoo saartay weerar ka dhacay meel u dhow magaalada Xarardheere oo lagu laayey maleeshiyada Al-Shabaab. Qoraal kasoo baxay wasaaradda warfaafinta Soomaaliya ayaa lagu sheegay in duqeyntaas oo ay fuliyeen ciidamada Mareykanka lagu dilay ku dhawaad 70 ka tirsan Al-Shabaab kuwaas oo isku diyaarinayay weeraro argagixiso. Milatariga Mareykanka ayaa Talaadii sheegay in duqeyntaas lagu dilay 60 ka mid ah dagaalyahannada kooxda Al-Shabaab, taasi oo ah duqeyntii ugu dhimashada badneyd ee muddo sanad ah lala beegsado Al-Shabaab. Halkan hoose ka akhriso war-saxaafadeedka Soomaaliya: Dawladda Soomaaliya oo gacan ka helaysa Saaxiibo Caalami ayaa agaasintay hawlgal qorshaysan oo lagu beegsaday Saldhig ay Argagixisada Alshabaab ku lahayd agagaarka Degmada Xarardheere ee Gobalka Mudug. Hawlgankaan oo si wanaagsan ula kulmay ujeedadii laga lahaa ayaa lagu dilay ku dhawaad 70 ka tirsan Alshabaab kuwaas oo isku diyaarinayay weeraro argagixiso oo ay ku waxyeelaynlahaayeen Shacabka Soomaliyeed. Dadka ku dhintay hawlgalkaan waxaa ku jira Horjoogayaal sarsare oo kuwo ku takhasusay maleegista falalka waxyeelaynta maatida ee Kooxdu ku mashquulsantahay, mana jirto waxyeelo soo gaartay Shacabka Soomaaliyeed maadaama bartilmaameedku ahaa Sal-dhig ay isku uruursanayeen Maleeshiyada Shabaab. Dawladda Soomaaliya waxeey u mahadcelinaysaa Bulshada Deegaanka iyo Saaxiibada caalamiga ah oo la’aantood aanu suurtagal noqdeen hawlgalkaan. Dawladdu iyada oo kaashanaysaa Shacabkeeda iyo saaxiibada Caalamiga ah waxeey xaqiijinaysaa in ay ka go’antahay sii labanlaabista Weerarada Kooxaha Sharwadayaasha ah ee ku hawlan in ay waxyeeleeyaan Shacabka Soomaaliyeed. Dawladda Soomaaliyeed waxeey ugu baaqaysaa Qaybaha kala duwan ee Shacabka Soomaaliyeed in ay ka qaybqaataan Dagaalka ka dhanka ah Kooxaha Nolol-diidka ah, sidoo kale waxeey ka codsanaysaa Saaxiibada Caalamiga ah in ay sii kordhiyaan garab- istaagooda Dawladda iyo shacabka Soomaaliya si looga guulaysto Argagaixisada Soomaaliya ku nuumanaysa.

Muqdisho (Caasimadda Online) – Madaxweynaha Dowladda Federaalka ah ee Soomaaliya Maxamed Cabdullahi Farmaajo ayaa bogaadiyay waxqabadka xukuumdda Ra’isalwasaare Xasan Cali Kheyre. Madaxweynaha oo shir guddoomiyay Kulanka Golaha Wasiirrada ayaa lagu soo bandhigay qorshihii aas aaska u ahaa ololohii doorashada Madaxweynaha ee ay Xukuumadda fulisay. Ra’isalwasaare iyo mas’uuliyiin loo xil saaray in ay jeediyaan waxqabadka ayaa shirka ka sheegay in si wanaagsan loo maareeyay afar qodob oo kala ah; siyaasadda loo dhanyahay,amaanka,dhaqaalaha, iyo horumarinta Bulshada. Madaxweyne Farmaajo oo u mahad celiyay Xukuumadda ayaa sheegay in guushaasi ay ku timid sida uu sheegay xasillooni siyaasadeed oo uu sheegay in dowladdiisa ay uga duwantahay dowladihii ka horreeyay. Waxaa uu xusay in khaladaadka dhici jiray dowladihii hore oo ay ka mid tahay khilaafka Ra’isalwasaaraha iyo Madaxweynaha ay dowladdiisa ka badbaadday keentayna horumarka maanta la gaaray oo uu ka mid tahay in Soomaaliya laga cafinayo deymaha. Ra’isalwasaare Kheyre ayaa sheegay in dhamaan qorshihii loo xilsaaray markii uu talada qabanayay ay ka soo baxeen Golaha Wasiirrada isaga oo ballan qaaday in dhawaan la gaarayo in Madaxweynaha uu xafiiskiisa kala socon doono howlaha Wasaaradaha kala duwan ee dowladda. Xasan Cali Kheyre ayaa sheegay in markii uu xafiiska imanayay ay 20 wasaaradood iyo toban Hay’adood qaadayeen Dakhliga maantana ay jirto kaliya hal wasaarad oo dakhliga ururisa islamarkaana bixisa,taasina ay ka mid tahay horumarka ay xukuumaddiisu gaartay. Caasimada Online Xafiiska Muqdisho caasimada@live.com

Cadan (Caasimadda Online) – Website lagu magacaabo Buzzfeed ayaa shaaca ka qaaday in dowladda Imaaraadka ay u adeegsatay calooshood u shaqeystayaal American ah dilal sanadihii lasoo dhaafay dalka Yemen loogu geystay xubno katirsan xisbiga Al-islaax, iyo qaar kamid ah A’imada masaajida. Website-ka wuxuu hoosta ka xariiqay in shirkad amni oo lagu magacaabo Spare Operation oo dowladda Imaaraadka heshiis la gashey sanadkii 2015-ka ay fulisay dilalka ugu badan ee ka dhacay koonfurta dalka Yaman oo ay ka howlgalaan dowladaha Imaaraadka iyo maamulka Aala-Sucuud. Shirkadan waxaa aas-aasay nin Yahuudi ah oo lagu magacaabo Abraahaam Golan, waxaana xubnaheeda kamid ah ciidamo horay ula soo shaqeeyay dowladda Maraykanka. Webka Buzzfeed ayaa la kulmay oo wareystay xubno kamid ah shirkadan, kuwaas oo qiray iney dilal ka geysteen laamiyada magaalada Cadan oo ah magaalada labaad ee ugu weyn wadanka Yaman, hadana ah caasimaddda kumeelgaarka ee dowladda uu hogaamiyo Cabdi-rabbi Haadi Mansuur. Dowladda Imaaraadka ayaa shirkadan bil weliba siisa lacag gaareysa 1.5 bilyan oo doollarka Maraykanka, waxaana intaas dheer in majmuuca fulisa dilalka qorsheysan ay Imaaraadku siiso noocyada kala duwan ee hubka. Arintan ayaa muujineysa dowrka naxdinta badan ee Imaaraadku ka cayaarayo dalka muslimka ah ee Yaman, kaas oo dhowr sano oo xiriir ah ku jira colaado ragaadiyay nolosha, kadib markii isbaheysiga carbeed uu duulaan aan loo meel dayin ka billaabay Yaman, isagoo adeegsanaya diyaaradaha dagaalka. Caasimada Online Xafiiska Muqdisho Caasimada@live.com

Saudi Arabia and Kuwait will struggle to resume oil production from jointly operated fields any time soon due to operational differences and souring political ties between the previously close Gulf OPEC allies, sources familiar with the matter said. Source: Hiiraan Online

Somali intelligence officials say the largest U.S. military airstrike against al-Shabaab extremists in Somalia in nearly a year largely destroyed a training camp and killed more fighters than the U.S. announced. Source: Hiiraan Online

Kooxda xiriirka ee ka tirsan ururka OIC ayaa la werinayaa in kulan heer wasiirro ay ku qaban doonaan magaalada Muqdisho 27 October 2018, kulanka oo xoogga lagu saarayo nabadda, dhismaha dowladnimada iyo sidii xasilooni iyo dimoqoraadi looga hirgelin lahaa Soomaaliya ayaa waxaa Villa Somalia u matalaya wasiirka arrimaha dibadda, iyada oo golaha ammaanka loogu baaqi-doono inay cunaqabateynta hubka gebi ahaanba ka qaadaan Soomaaliya. Haddaba, War-murtiyeedka ay Goobjoog Heshay Waxuu U Qornaa: Hoggaamiyeyaasha Soomaaliya waxaa looga baaqi-doonaa inay ixtiraamaan midnimada, xasiloonida iyo bad-qabka dhulka Soomaaliyeed halka beesha caalamka laga rabo inay aragti mideysan oo siyaasadeed ka qaataan arrimaha Soomaaliya. Waxaa lagu soo dhowyn-doonaa heshiisyada taariikhiga ah ee ay wada gaareen dowladda federaalka ah iyo dowlad goboleedyada gaar ahaan kuwa ku saabsan nooca iyo qaabka doorashada 2020-ka, qeybiga kheyraadka ee lagu gaaray magaalada Baydhabo June 2018, kuwaas oo qeyb ka ah horumarka nidaamka siyaasadeed ee federalism iyo hab maamul oo joogta ah. Waxaa ammaani-doonaa horumarka laga gaaray dib u heshiisiinta Soomaalida dhexdeeda ah, amniga iyo xasiloonida, kobaca dhaqaalaha iyo matalaadda la siiyey haweenka, raga iyo dhalinyarada Soomaaliyeed. Kulanka waxaa lagu bogaadin-doonaa dowladda federaalka ah, ciidamada xoogga dalka, ciidamada AMISOM ee military iyo booliisba horumarka ay gaareen amniga iyo xasiloonida. Kooxdan waxaa ay golaha ammaanka ugu baaqi-doonaan in ay si buuxda cunaqabateynta hubka uga qaadaan Soomaaliya, si loo dedejiyo dhismaha hey’adaha amniga ee Soomaaliya. Kooxda waxaa cambaareynayaan Al-shabaab iyo in waxyeellada ay wadaan ay ka hor imaaneyso dhambaalka Islaamka ee ka tarjumaya nabadda, dhex-dhexaadnimada iyo xormeynta qiimaha nolosha. Kooxdan waxaa ay soo dhoweyn-doonnaan natiijada kulankii Brussels 16-17 July 2018 kaas oo ka dhashay shirkii London iyo qaar kale oo Muqdisho ka dhacay, shirka oo ay ka qeyb galeen ururka Iskaashiga Islaamka waxaa uu beesha caalamka ugu baaqay inay kaalin ka qaataan sidii loo xaqiijin lahaa horumar. Kulanka waxaa dalalka xubnaha ka aha ururka iskaashiga Islaamka(OIC) iyo hey’adaha lacagta loogu baaqi-doonaa inay kordhiyaan taageerada banii’aadnimo ee la siinayo NGO’ska iyo goobaha tabaaleysan. Kulanka waxaa lagu soo dhweyn-doonaa in xafiiska OIC ee Soomaaliya loo badalo mid lagu hormarinayo siyaasadda iyo arrimaha dhaqan-dhaqaale, qeybna ka qaato sidoo kale dib u heshiisiinta. Kulanka waxaa loogu hambalyeyn-doonnaa dalalka xubnaha ka ah OIC ee safaaradaha ku leh Muqdisho, waxaana sidoo kale loogu baaqayaa dalalka kale ee aan weli safaarad ku laheyn inay soo dedejiyaan sidii ay safaarad uga furan lahaayeen magaalada Muqdisho. Ugu dambeyntii, kulanka waxaa uu ugu baaqi-doonnaa dowladaha xubnaha ka ah ururka, hey’daha maaliyadda, ururrada NGO’ska ee dalalka Islaamka iyo kaalmo degdeg ah gaarsiiyaan qaxootiga iyo barakacayaasha, oo ay ku jiraan dalalka qaxootiga marti-geliya iyo xukuumadda Soomaaliya. Goobjoog News Source: goobjoog.com

Hashi Mohamed is a barrister. His day job sees him in courts, representing individuals and organisations, trying to convince a judge that his side should win their case. Source: Hiiraan Online

Addis Ababa (Caasimada Online)-Hogaamiyaha maamulka Somaliland Muuse Biixi Cabdi ayaa shaaca ka qaaday sababtii ay Dowladda Ethiopia uga maqneed saxiixa heshsiiskii dhawaan Shirkada DP World ay ku balllarineyso dekada Magalada Berbera. Hogaamiye Muuse Biixi, waxa uu sheegay in dowlada Ethiopia ay sabab uga maqneyd heshiiskii ugu danbeeyay waxa uuna sabab ka dhigay inay ku jirto jawi aad u mashquul badan. Biixi, waxa uu tilmaamay in maqnaanshaha Ethiopia uu ahaa mid ay wakhti ugu weysay ka qeybgalka shirka waxa uuna cadeeyay in mashquulkeeda uu ahaa isbedel dhanka Golah Wasiirada iyo shirar u dhexeeyay Xisbiga talada haya. Mar uu Muuse Biixi la hadlaayay Wargeyska Addis Fortune ee ka soo baxa magaalada Addis Ababa ayuu sheegay inay wada saxiixeen heshiiskaas isaga iyo Madaxa Shirkada DP World Sultaan Axmed. Balse waxa uu tilmaamay inuu jiray isfahan ku saleysnaa inuu dhaco Heshiiska maadaama ay dowladda Ethiopia leedahay saamiga Saddexaad ee dekada Barbara. Muuse Biixi, waxa uu tilmaamay in maqnaanshaha Ethiopia uu ahaa mid ay isla wada ogaayen hase yeeshee uu jiri doono qaabab kale oo loo xalin doono. Si kastaba ha ahaatee, hadalkaan ayaa meesha ka saaraya isweeydiin badan oo ku aadaneed sababta Dowladda Ethiopia uga maqneed heshiiska ballaarinta dekada Barbara oo saami ahaan 19 % ay ku leedahay. Caasimada Online Xafiiska Addis Ababa Caasimada@live.com

Muqdisho (Caasimada Online)-Dowladda Uganda ayaa shaaca ka qaaday in askar iyada taabacsan lagu dilay dagaal ka dhacay magaalada Marka ee gobolka Shabeellaha Hoose. Col. Deo Akiik oo ah Afhayeen u hadlay Militariga Uganda ayaa sheegay in ugu yaraan Laba askari looga dilay dagaal talaadadii la soo dhaafay ka dhacay magaalada Marka. Col. Deo Akiik, ayaa sheegay in Askartaasi lagu dilay weerar ay soo qaaden maleeshiyaad ka tirsan Al-Shabaab. Sidoo kale Afhayeenka oo hadlay wakaaladda wararka Shiinaha ayaa Sheegay in weerar ay ku soo qaadeen Al-Shabaab, islamarkaana ay iska caabiyeen. Afhayeenku waxaa uu sheegay in magacyada askarta dhimatay iyo kuwa dhaawaca ah iyo xaaladdooduba ay ka sugayaan AMISOM dibna ka soo sheegayaan si loogu gudbiyo ehelkooda. Dhinaca kale, ciidamada ugu badan ee ka tirsan howlgalk AMISOM ayaa ah kuwa kasoo jeeda dalka Uganda waxaana tiradoodu gaareysaa 6,500 oo Askari. Caasimada Online Xafiiska Muqdisho Caasimada@live.com

Nairobi (Caasimada Online)-Qoraal kasoo baxay Maxkamada danbiyada dagaalka aduunka ee ICC ayaa waxaa lagu sheegay in Maxkamadu ay qaadeyso talaabo ka dhan ah waxyaabaha ka socda magaalada Gaza. Maxkamada ayaa sheegtay in walaac xoogan ay ka qabto dhibaatooyinka sii xoogeysanaya ee ka taagan magaalada Gaza oo ku taal xuduuda ay wadaagaan Falastiin iyo Israel. Maxkamada ayaa ku hanjabtay in talaabo cad ay ka qaadi doonto cid waliba oo ku lug leh danbiyada ka dhaca magaalada Gaza. Mr ms Fatou Bensouda oo la sheegay inuu yahay Dacwad soo oogaha Maxkamada ICC, ayaa cod dheer ku sheegay in Gaza ay yeelan doonto xaqeeda . Qoraalka Hanjabaada Maxkamada ICC ayaa imaanaya xilli milatariga Israel maalmihii la soo dhaafay ay toogasho ku dileen dhalinyaro reer falastiin ah oo ku nool magaalada Gaza. Sidoo kale, Israel ayaa ku faantay in diyaaradaheeda dagaalka ay duqeeyen degaano ku yaal magaalada Gaza,oo madaafiic looga soo weeraray. Docda kale, Maxkamada Hague ayaa sheegtay in si dhaba ay ula socon doonto dhacdooyinka ka taagan magaalada Gaza oo ku taal xuduuda ay wadaagaan Falastiin iyo Israel. Caasimada Online Xafiiska Nairobi Caasimada@live.com

Ciidanka xoogga dalka ayaa howlgallo ballaaran waxa ay ka wadaan deegaanno ku dhow degmada Balcad ee gobolka Shabellaha Dhexe, gaar ahaan goobaha ay ku sugan yihiin Al-shabaab. Wararkii ugu dambeeyey ee aynu helnay waxay sheegayaan in ciidamada ay la wareegeen dhowr fariisin oo ay Al-shabaab ku lahaayeen gobolka Sh/dhexe. Saraakiisha xoogga dalka ee howlgalkaan wada ayaa sheegay in ay gaari doonaan deegaanno badan oo ay maamulaan Al-shabaab, islamarkaana howlgalka uu socon doono. Ciidanka xoogga dalka ayaa howlgallo ballaaran waxa ay ka wadaan gobollada Hiiraan iyo Sh/dhexe. Warkaan wixii kusoo kordha kala soco wararkeena kale Goobjoog News Source: goobjoog.com

Muqdisho (Caasimada Online)-Ciidanka ammaanka dowladda federaalka ayaa saaka magaalada Muqdisho ee caasimada Somalia ku dhextoogtay nin la sheegay inuu hubeysnaa. Ciidamada ayaa ninkaasi ku toogtay xaafada Black Sea ee magaalada Muqdisho waxaana lasoo sheegayaa inuu watay qori, isla markaana uusan aheyn Askari dowladeed. Ninka la toogtay oo laga shakisanaa ayaa ku hubeysnaa qori noociisa lagu sheegay AK-47 iyo booshash. Ninkaani ayaa waxa ay toogashadiisu ka dambeysay kadib markii uu dad shacaba ka dhacay telefoono dhowr ah, xiliga la dilaayayna uu qorsheynaayay dhac kale. Dadka deegaanka ayaa soo sheegaya in ninkaasi dilkiisa ka hor uu la dagaalamay ciidamada amaanka sidaasina ay ku dhacay toogashadiisa. Dhinaca kale, waxaanu jirin cid kale oo khasaare uu ka soo gaaray hawlgalka ninkan burcadka ah lagu dilay. Caasimada Online Xafiiska Muqdisho Caasimada@live.com

Ciidamada dowladda federaalka Soomaaliya ayaa saakay waxa ay xaafadda Black Sea ee magaalada Muqdisho ku toogteen nin xirnaa dareeska ciidanka islamarkaana hubeysnaa. Dadka deegaanka ayaa sheegay in ninkan ay ciidanka ku raadjoogeen kadib markii la sheegay inuu ka mid ahaa rag dhac u geysan jirey dadka shacabka ah. Ciidamada ayaa isku dayey iney nolosha ku qabtaan ninkaasi hase ahaatee dagaal ayuu la galay, taas oo keentay in ugu dambeyn la toogto. Ma jirto weli faah faahin kale oo laga helayo ninkan la diley, balse waxaa socda baaritaanno dheeraad ah oo ay wadaan ciidamada ammaanka. Warkaan wixii kusoo kordha kala soco wararkeena kale Goobjoog News Source: goobjoog.com

Somalia is in the process of developing a national communication strategy, to stem the tide in radicalization and violent extremism in the Horn of Africa country. Source: Hiiraan Online

Despite low numbers of internet users and sluggish speeds, e-commerce businesses are popping up in Somalia, hoping to tap in as measures to increase access in the Horn of Africa country come online. Source: Hiiraan Online

Two Ugandan peacekeepers were killed and an unknown number injured in a Tuesday ambush in Marka town in Lower Shabelle region, southern Somalia, a Military spokesperson said on Wednesday. Source: Hiiraan Online

Nidaamka dimoqraaddiga ah waxaa lagu gartaa doorashada matalaadda shacabka si isla eg cadaaladna ku dhisan iyo nidaamka xisbiyada badan una furan dhammaan dadka wax doorta iyo kuwa ladoorto, waxaa kaloo lagu cabiraa mudda xileedka cayiman ee madaxda lasoo doortay, iyo in dadka fahami karaan shuruucda, habraaca ka qayb galka siyaasada. Tiirka ugu horreeya ee matalaadda shacabka ee cadaaladda ku dhisan waxaa ugu weyn isla-ekaanshaha tirada dadka la matalayo, iyo hab-raaca lagu miisaamo sinaanta mataalada shacabka waxaa ka mid ah, in tirada dadka kunool deegaannada xildhibaannada laga soo doorto siman yihiin, cabirka lagu ogaado miisaanka matalaadda cadaaladda ku dhisan waa helitaanka namabarka qoondada matalaada, ogaanshaha namarkan ayaa noqonaayo miisaanka matalaadda shacabka lagu cabiro. Waxaa lagu helaa nambarka qoondada matalaadda shacabka, tirada dadka guud ee ku nool dalka waxaa loo qaybiyaa tirada xdhibaannada matalaya shacabka waxaa lahelayaa namabarka saxda ah ee qoondada matalaadda shacabka, sida ku xusan sahanka tira-koobki lasameeyay 2014-ka waxaa lagu sheegay in dalka Soomaaliya ay ku nooshahay 12,316,895 qof, tiradan ayaa noqonaysa cabirka koowaad, tirada (275) xildhibaanada baarlamaanka federaalka ayaa ah cibirka labaad, marka 12,316,895 loo qaybiyo 275 waxaan heleynaa nambarka qoondada mataladda shacabka (12,316,895/275= 44,788) Nambarka qoondada matalaada Baarlamaanka Federaalka Soomaaliya wuxuu noqday 44,788. Waxaan halkan ku qeexeynaa qoondada matalaadda xildhibaannada Gobollada Soomaliya annagoo isticmaalayna namabarka 44,788. Somaliland 78 Xildhibaan. Awdal 673,263 ÷ 44,788 = 15 xildhibaan W/Galbeed 1,242,003 ÷ 44,788 = 28 xildhibaan Togdheer 721,363 ÷ 44,788 = 16 xildhibaan Sool 327,428 ÷ 44,788 = 7 xildhibaan Sanaag 544,123 ÷ 44,788 = 12 xildhibaan Puntland 24 Xildhibaan Bari 719,512 ÷ 44,788 = 16 xildhibaan Nugaal 392,698 ÷ 44,788 = 8 xildhibaan GalMudug 29 xildhibaan Mudug 717,863 ÷ 44,788 = 16 xildhibaan Galgaduud 569,434 ÷ 44,788 = 13 xildhibaan Hirshabeele 24 xildhibaan Hiraan 520,685 ÷ 44,788 = 12 xildhibaan Sh/Dhexe 516,036 ÷ 44,788 =12 xildhibaan Banaadir 37 xildhibaan Banadir 1,650,227 ÷ 44,788 = 37 xildhibaan K/Galbeed 53 xildhibaan Sh/Hoose 1,202,219 ÷ 44,788 = 27 xildhibaan Bay 792,182 ÷ 44,788 = 18 xildhibaan Bakool 367,226 ÷ 44,788 = 8 xildhibaan Jubaland 30 xildhibaan Gedo 508,405 ÷ 44,788 = 11 xildhibaan J/Dhexr 362,921 ÷ 44,788 = 8 xildhibaan J/Hoose 489,307 ÷ 44,788 = 11 xildhibaan Tirada dadka guud 12,316,895 ÷ 44,788 = 275 Shaxdan kor kusan waxaa lagu saleeyay matalaadda ku salaysan tirada dadka kunool deegaannada, waana habka caalamiga ah ee loo isticmaalo jaangoynta qoondada kuraasta matalaadda shacabka, waxaana laga isticmaala wadamo badan ay ugu horeeyaan Mareykanka, waa habka ugu fudud dadkana ay fahmi karaan. W/Q: Abdirahim Ahmed Dhageey

Madaxweynaha Mareykanka Donald ayaa ka dalbaday Madaxda Turkiga inay u soo gudbiyaan caddaymaha codadka iyo muuqaalada ee ku xiriirsan Kiiska Jamaal Khashoggi. Trump Waxa kale oo uu sheegay in Sacuudiga tahay Isbahaysi ay Maraykanka ku leeyihiin Mandiqada Bariga Dhexe. Waxa kale oo uu beeniyay in u difaacayo boqortooyada Sacuudiga taasi oo ku saabsan dilka laga shakisan yahay in saxafiga Jamal Khashoggi lagu dhex dilay qunsuliyadda Sacuudiga ee Istanbul. Balse waxa uu sheegay in Mareykanka aysan marnaba meel cidlo ah uga dhaqaaqayn wadamada ay saaxibka yihiin. Mr Trump ayaa intaa ku daray in uu rajaynayo in boqorka Sacuudiga iyo dhaxal-sugaha aysan waxba kala socon waxa dhacay. Dhanka kale koox ka socota baarayaasha Turkiga ayaa baaritaan ku samaynaya guriga uu Istanbul ka dagan yahay qunsulka sacuudiga si halkaasi looga baadigoobo caddeymo ku aadan shakiga ah in Mr Khashoggi la dilay. Waxaa sii kordhaya cadaadiska lagu hayo boqortooyada Sacuudiga ee ku saabsan inay meel ku sheegaan wariye Jamal Khashoggi. Jamal Khashoggi ayaa ahaa wariye daggan dalka Mareykanka islamarkana u shaqeeya wargayska Washinton Post. Wariyaha ayaa si aad ah u dhaliili jiray qoyska boqortooyada Sacuudiga. Cabdiqani Boos Puntland Post The post Trump Oo Turkiga Ka Codsaday Inay U Soo Gudbiyaan Caddaymaha Kiiska Khashoggi appeared first on Puntland Post.

New York (Caasimada Online) – Sida ay qortey jariirada New York Times, mid kamid ah kooxda lagu eedeynayo in ay dileen Suxufi Jamal Kashoggi, waxa uu xiriir dhaw la lee yahay dhaxal sugaha Boqortooyada Sucuudiga Maxamed bin Salamaan. Ninkan ay NYT soo bandhigtey ayaa sawiro laga qaadey safarkii Dhaxalsuge MBS uu ku tegey France, Spain iyo Maraykanka bishii Abril 2018 uu dhinac taagnaa markasta, waxaana la aaminsan yahay in uu kamid yahay ilaalada Dhaxal sugaha 33 jirka ah, isla markaana ah qofka ugu awooda badan Boqortooyada Sucuudiga. NYT ayaa sheegtey in saddex kale o okamid ah 15 qof ee Turkigu sheegay in ay aaminsan yihiin in ay fuliyeen dilka Suxufiga ay xiriir la lee yihiin dhaxal sugaha Boqortooyada Sucuudiga MBS. NYT ayaa xaqiijisey in Mutreb Cabdulcasiis Mutrab oo ahaan jirey diblomaasi Sucuudiga u jooga magaalada Lodnon sanadkii 2007, ninkaas oo hadda la aaminsan yahay in uu kamid yahay ilaalada gaarka ah ee dhaxalsugaha, waxaana uu kamid ahaa kooxda 15 ah ee Turkigu soo bandhigey ee labada diyaaradood ku yimid ka hor dilka Suxufiga isla maalintaasna ka dhoofay Istanbul. Baaritaan lagu sameeyey qunsuliyadda Sucuudiga ee Istanbul maalintii salaasada ayaa wargeyka Daily Sabah ee xiriirka la leh Dowladda Turkiga sheegyaa in la helay caddeymo muujinaya dilka Suxufi Jamal Kashoggi, Turkiga ayaa horey u sheegay in ay hayaan cod iyo muuqaal muujinaya dilka weriye, sidoo kale waxay sheegeen xitaa in ay garanayaan qolka lagu diley. Madaxweynaha Maraykanka ayaa Boqortooyada Sucuudiga u direy Wasiirkiisa Arrimaha Dibadda Mike Pompeo, waxaana uu kala hadley sidii loo ogaan lahaa xaaladda uu ku danbeeyey suxufi Jamal Kashoggi oo ahaa Sucuudiyaan dalkiisa aan tegi karin, kaas oo ay ugu wardanbeysey isaga oo galay qunsuliyadda Sucuudiga ee Istanbul 02.10.2018, si uu dukumiinti uga helo. Mike Pompeo ayaa isla maanta (arbaca) gaarey magaalada Ankara waxaana uu kulan la qaatey Madaxweynaha Turkiga iyo Waiirkiisa Arrimaha dibadda ee Turkiga. Sucuudigu ilaa iminka waa dafirsan yihiin in Jamal Kashoggi lagu dhex diley qunsuliyadooda, laakiin maysan soo bandhigin wax caddeyn kara kiiskooda. Dalalka G7 ayaa ku soo biirey cadaadiska lagu hayo Sucuudiga waxaana ay dalabadeen in la sameeyo baaritaan madaxbanaan caddaaladana la horgeeyo cidkasta oo kiiskaas ku lug lahayd. Saddexdan sawir ee hoose waxay caddeynayaan in Mutreb Cabdulcasiis Mutrab uu yahay ilaalada gaarka ah ee Maxamed Bin Salmaan, oo uu meel kasta u raaco, waxaana uu ka mid yahay 15-kii nine e Turkiga ay soo bandhigeen ee Turkiga tagey maalintii la waayey Jamal Khashoggi. Waxay dani si toos ah dilka Jamal ugu xiriirineysaa Maxamed Salmaan. Madrid, April 2018 Paris, April 2018 Boston, March 2018

London (Caasimada Online) – Madaxweynihii hore ee Soomaaliya Xassan Shikeh Maxamuud ayaa ku tilmaamay tallaabo lagu fududaaday go’aankii ay dowladda federaal-ka ah ka qaadtay khilaafka Sucuudiga, Turkiga iyo wadamda reer Galeedka u dhexeeya ee ku saabsan kiiska wariyaha ‘la dilay’. Dowladda Soomaaliya ayaa dhawaan shaacisay war saxaafadeed ay si mug leh ugu garab istaagtay boqortooyada Sucuudi Carabiya, kaasi oo ay ku sheegtay In ay ka soo horjeeddo cid walba oo ku xad gudubta madax bannaanida Sucuudiga ama wax u dhinta daneheeda dhaqaale. Xassan Shikeh oo Wareysi siiyey VOA ayaa sheegay in aysan habooneyn in lala kala safto Sacuudiga iyo Turkiga, midda kalena aysanba jirin duruuf dowladda ku kaliftay inay mowqif qaadato. Isaga oo ka hadlayey go’aankii dowladda waxa uu yiri: “Anigu ma garanaayo waxa ku kalifaayo in ay mawqifkaas qaadato dowladda, lsababta oo ah Sucuudiga iyo Turko iyagaa wada hadloohaayo, wada sameenoohaayo, ciidamadooda amniga iyo saraakiishooda isku keenay oo dambiga halla wada baaro dhahayo oo wado socdo, markaa anigu ma garaayo waxa ku kalifay dowladdeenna in ay mowqif qaadato, saxna ilama aha” Waxa uu intaas ku daray “Waa arrin aad u adag in Sacuudiga iyo Imaaraadka (Oo Uu ula jeedo Turikiga) la kala safataahu, waa arrin aad iyo aad u adag, laakiin hadanna aniga waxaa ii muuqda in laga laga maarmay, oo wax ku qasbaayo dowladda in ay Position-kaas qaadato aynan jirin, labada dalna ma u maleenaayo in mid dowladda inta cadaadis ku saaray dhahay inta maxaa saas u tiri inta saas dheh, laakiin dee xoogaa waxaan is leeyahay halkaas fudeedaa ka dhacay.” Xassan Shiekh Maxamuud oo dhawaan Muqdisho kaga dhawaqay xisbi mucaarad ah oo uu u noqday hoggaamiye., waxa uu sheegay in qof kasta uu ogyahay abaalka uu Turkiga u galay dadka Soomaaliyeed. https://www.caasimada.net/wp-content/uploads/2018/10/564fe025-7712-44ea-ad5e-0f4b0d965613_48k.mp3Caasimada Online Xafiiska Muqdisho caasimada@live.com

Washington (Caasimada Online) – Madaxweynaha Mareykanka Donald Trump ayaa beddelay mowqifkiisii hore, wuxuuna billaabay inuu difaaco Sacuudiga oo lagu haysto dilka la tuhusan yahay ee suxufi Jamal Khashoggi, oo aan la arag tan iyo markii uu labadii bishan galay qunsuliyadda dalkaas ee Istanbul. Trump oo horey u sheegay inuu ciqaabi doono Sacuudiga, haddii dilka uu ku caddaado, ayaa hadda dhaliilay eedeynta soo kordheysa ee loo jeedinayo dalka Sacuudi Carabiya ee ku aaddan wariyihii la waayey ee Jamal Khashoggi. Madaxweynaha oo shalay wareysi siiyey wakaalada wararka ee Associated Press, ayaa sheegay in aadan danbiile ahayn, illaa dambi lagugu helo, isaga oo u duurxulayo dalka Sacuudiga eedda loo jeedinayo. Madaxweynaha Mareykanka Donald Trump ayaa isaga oo ka hadlaya arrinta Sacuudiga loogu eedeynayo wariyihi boqortooyada mucaaradka ku ahaa ee la waayey 2-di bishan ka dib marki uu galey qunsuliyada Sacuudiga ee Istanbul Turkey, waxa uu barbardhigey eedeymihii isku-deyga kufsi ee lagu soo eedeyey garsoorihi uu isagu u xuley maxkamada sare ee Mareykanka, Brett Kavanuagh oo warbaahinta caalamka mudo haysatey. Wareysigan ayaa la sii daayey ka dib marki uu Wasiirka Arrimaha Dibada ee Mareykanka, Mike Pompe uu la kulmey boqorka Sacuudi Carabiya, Salman Bin Cabdicasiis iyo dhaxalsugaha dalkaas Maxamed Bin Salman, kuwaasi oo uu kala hadlayey arrinta Jamal Khashoggi. Trump oo ah nin is-beddel badan oo aan lahayn siyaasad fadhisa ayaa inta badan go’aanadiisa ku haga danahiisa gaarka ah, mana cadda waxa Sacuudiga u sheegeen wasiirkiisa arrimaha dibedda. Caasimada Online Xafiiska Minneapolis Caasimada@live.com

Muqdisho (Caasimada Online) – Ethiopian Airlines, ayaa lagu wadaa in ay dib u soo celiso duulimaadyadii Muqdisho bisha November muddo 40 sano ah kadib, taasi oo billow u noqon doonta loolan adag oo Soomaaliya ku dhex maray ayada iyo shirkadda Turkish Airlines. Diyaaraddan oo ku jirta kuwa ugu raaxada badan qaaradda Afrika ayaa sidaasi ku sheegtay war ay soo saartay talaadadii, waxayna si toos ah duulimaadyada u bilaaban-doonaan November 2. Iimaatinkeeda Soomaaliya waxaa lagu wadaa inay tartan la gasho Turkish Airlines oo in muddo aheyn diyaaradda caalamiga ah ee ugu horeysay ee ka shaqeyso gudaha Soomaaliya burburkii kadib, in badan qurbajoogta iyada ayey adeegsan jireen. Waxaa sidoo kale la filayaa in imaanshaha Ethiopian Airlines ee Muqdisho ay shacabka ka caawiso inuu hoos u dhaco qiimaha ticket-ka, maadaama Turkish Airlines ay iminka wixii doonto dadka ka qaado, maadaama aan tartan lagula jirin. Maamulaha shirkadda waxaa uu sheegay in duulimaadyadan ay kaalin muhiim ah ka qaadan-doonaan xoojinta xiriirka labada shacab iyo kor u qaadista dhaqaalaha labada dal ee walaalaha ah”. Ethiopian Airlines , waa shirkadda ugu weyn, uguna waxsoo saar badan qaaradda Afrika, sanadka 2017/18 waxaa ay sameysay $2.7 billion. Waxaa sidoo kale dhici karta in diyaaradda ay soo qaado “Qaadka” oo hadda ay Soomaaliya ka keensato dalka Kenya, markii hore waxaa ay geyn jirtay Somaliland. Dhankeeda, Soomaaliya waxaa ay ka faa’ideysan-doontaa suuqyada Itoobiya oo ay ku nool yihiin ilaa 100 million, kuwaas oo in badan baahi u qaba dalagga iyo kaluunka Soomaaliya. Caasimada Online Xafiiska Muqdisho Caasimada@live.com

Muqdisho (Caasimada Online) – Ra’isul wasaaraha Xukuumada Somalia Xasan Cali Kheyre ayaa sheegay in Somalia ay iminka ka gudubtay xiligii laga baqan jiray. Ra’isul wasaare Kheyre ayaa sheegay inuu aad uga faraxsan yahay in xiligan Somalia ay dib ula soo laabaneyso kalsoonida wadamada saaxiibada la’ah Somalia. “Somalia waxa ay ka gudubtay xiligii laga baqan jiray waxa ay u gudubtay xili ay madaxda caalamka kusoo dhiiradan si nabad ahna ay ugu dhex mushaaxan” “In na lagu soo dhiirado waxaa sabab u ah in adduunka uu arkay inaan daacad u nahay dowladnimada, ogaada in Somalia ay isku filnaan gaareyso waa in la taageera dowlada” Ra’isul wasaare Kheyre waxa uu tilmaamay in Somalia ay kasii hana qaadi doonto halka ay iminka taagan tahay waxa uuna ku baaqay in la garwaaqsado in Nabadu ay tahay mida keliya ee horumarka lagu gaari karo. Sidoo kale, waxa uu ballanqaaday in mudada ay xilka hayaan ay ka shaqeynayaan in Somalia ay keenaana madaxda adduunka si loo arko in dalka uu amni yahay isla markaana y Somalia u bisishahay dowladnimada. Haddalka Kheyre ayaa imaanaya xili magalada Muqdisho ay booqasho wada jira ku imaaden Wasiirada arrimaha dibadda Eriterea iyo Ethiopia oo aan horay u imaan jirin Somalia. Caasimada Online Xafiiska Muqdisho Caasimada@live.com

MOGADISHU (HOL) - Ethiopian and Eritrean foreign ministers have hailed Somalia's security and economic reforms, terming it a critical step toward establishing a fully functional and effective state for the country which is recovering from decades of civil unrest. Source: Hiiraan Online

Madaxweynihii hore ee Soomaaliya Xasan Sheekh Maxamuud oo gaaray boqortooyada Britain, ayaa lagu soo dhoweeyay magaalada London ee carriga dalkaasi Ingariiska. Jaaliyadaha Soomaalida ee ku nool London ayuu kala kulmay soo dhoweyntani, madaxweyne Xasan Sheekh. Waxaa uu ka hadlay dagaal ku salleysan dacaayadaha oo uu sheegay in aanan meel lagu gaaraynin. Ugu dambeeyn, wuxuu Xildhibaan Xasan Sheekh Maxamuud bulshadii uu la hadlayay uu ka dalbaday in ay kala soo qeyb galaan xaflad xisbiga uu guddoomiyaha ka yahay qabanayo. HOOS KA DHAGEYSO: https://goobjoog.com/wp-content/uploads/2018/10/Madaxweyne-xasan-sh-oo-lagu-soo-dhaweeyay-london.mp3 Goobjoog News Source: goobjoog.com