Xildhibaan Farxiyo Axmed Xasan oo ka tirsan aqalka golaha shacabka ee baarlamaanka federaalka ah ayaa iska fogeysay inay qeyb ka tahay ama ogtahay xildhibaanno saxiixay mooshin ka dhan ah madaxweynaha Soomaaliya Maxamed Cabdullahi Farmaajo, waxaa kale oo ay aad u cambaareyneysaa xildhibaan golaha ka tirsan oo liiska ku daray magaceeda iyo saxiixeeda. Marwo Farxiyo oo la soo xiriirtay Goobjoog News ayaa tiri “Aniga oo ah Xildhibaan Farxiyo Axmed Xasan ma saxiixin, qofna iguma matalo, waayo waxaan ahay xildhibaan qaran, garanaya waajibka i saaran, isla markaana mas’uul ka ah dalka, dadka iyo diinta”. Xildhibaan Farxiyo oo sii-hadleysa waxaa ay tiri “ Aniga kutlad ayaan ka tirsanahay, wax ay ii sheegeen ma jirto, wax aan saxiixay ma jirto, magaceyga iyo qalinkeyga aniga ayaa xor u ah”. Mooshinka ka dhan ah madaxweyne Farmaajo ayaa ka socda caasimadda Muqdisho, waxaa la hadal-hayaa inuu yahay labada aqal ee baarlamaanka federaalka ah, maamulka Farmaajo ayaa lagu eedeynayaa inuu ku guul-dareystay arrimaha siyaasadda, amniga iyo dhaqaalaha loo dhanyahay, waxaana bilow taagan howlihii aasaasiga u ahaa 2020-ka sida: Fedeleynta, Dhameystirka dastuurka, sharciyada iyo qaabka doorashooyinka, dhismaha ciidamada xoogga dalka, xiriirka dowladda dhexe iyo dowlad goboleedyada iyo tallaabooyinkii looga baahnaa dowladnimada. Goobjoog News Source: goobjoog.com

Garoowe (Caasimada Online)-Madaxda Golaha iskaashiga maamul Goboleedyada ee ku shirsan magaalada Garoowe ayaa ka digay in dowlada Somalia ay horseed u noqoto amni daro ka dhacda deegaanada Koonfur Galbeed. Madaxdu waxa ay sheegen in dowlada Dhexe aan looga aamusi doonin faragalin ay ku sameyso doorashada ka qabsoomi doonta magaalada Baydhabo. Afhayeenka Golaha Iskaashiga Maamul Gobaleedyada ahna wasiirka Dastuurka Koofur Galbeed ee Soomaaliya Cabdullaahi Sheekh Xasan oo wareysi siinaayay Idaacada Knn ee magaalada Muqdisho ayaa sheegay in Golaha ay isku raaceen in la hor istaago caqabad waliba oo dowlada Dhexe ay ku waajaheyso doorashada guud ahaan maamulada, gaar ahaan tan Koonfur Galbeed. Afhayeenka ayaa waxaa uu tilmaamay inay ka warhayaan Hubka iyo Lacagta faraha badan ee dowlada Somalia ay geysay magaalada Baydhabo ee Gobalka bay, waxa uuna nasiib darro ku sheegay in dowlada ay dhinac ka noqoto doorashada. “Dowladu waxa ay Hubka iyo Lacagta ugu talo gashay inay ku qasto amniga iyo degnaanshaha deegaanada Koonfur Galbeed, wixii halkaa ka dhacaa inta lagu guda jiro doorashada Koonfur Galbeed waxaa dusha saran doona dowlada”. Dowladu ayuu sheegay Afhayeenka in Carqaladeyn ay ku wado doorashada ka dhacaysa Magaalada Baydhabo Bisha soo socota, isagoona dowlada dhexe ka dalbaday in arrimhaasi ay joojiso. Sidoo kale, Afhayeenka ayaa sheegay in dowlada Dhexe ay wado qalalaaso badan oo ay dooneyso inay ka dhex abuurto doorashada iyo guud ahaan deegaanada Koonfur Galbeed. Dhinaca kale, waxaa marba marka xigta aad loo adkeynayaa amaanka Magaalada Baydhabo, waxaana magaaadaasi ku sugan Musharixiin aad u fara badan, kuwaasi oo doonaya in ay xil ka qabtaan Maamulka Koofur Galbeed ee Soomaaliya. Caasimada Online Xafiiska Garoowe Caasimada@live.com

Muqdisho (Caasimada Online)-Warar soo baxaaya ayaa sheegaya in bilo ka hor inta aan Jamaal Khashoggi lagu dilin Qunsuliyada Sacuudiga ee magaalada Istanbuul uu casuumaad ka helay Safiirka Sacuudiga u fadhiya Mareykanka Amiir Khalid Bin Salmaan. Amiir Khalid oo ay wada dhasheen dhaxalsugaha Sacuudiga Maxamed Bin Salmaan, ayaa casuumaadiisa Jamaal Khashoggi ula gol lahaa sida uu uga dhaadhicin lahaa dib ugu laabashada dalka Sacuudiga. Ujeedooyinka qarsoona ee Safiir Khalid ayaa ahaa in Jamaal Khashoggi uu lugihiisa ku tago Sacuudiga sidaana lagu khaarijiyo, waxa uuna shirqoolka ahaa mid uu albaabada usoo furay Amiir Khalid. Seddex qof oo ka war hayay kulanka oo la hadlay muuqaal baahiyaha NBC , ayaa sheegay in kulanka Khalid Bin Salman iyo Jamaal Khashoggi ay dhaceen dabayaaqadii sanadkii hore ama bilowga sanadkan. Safaarada Sacuudiga ee Mareykanka ayaa dhankeeda ka xaqiijisay inuu dhacay kulankaas u dhexeeyay Bin Salman iyo Jamaal Khashoggi, waxa uuna qorshuhu ahaa sida Jamaal Khashoggi dib loogu celin lahaa magaalada Riyadh. Saacado kadib Madaxweyne Rejjab Thayib Erdogan ayaa la filayaa inuu ku dhawaqo natiijada Isaga oo horay u balan qaaday in maalinta talaadada ah ee maanta ku began uu si rasmi ah u soo bandhigi doonan natiijada dilka Jamal Khashoggi. Geesta kale, afhayeenka Madaxtooyad Turkiga oo lagu magacaabo Ibrahim Kalin ayaa sheegay in arinta natiijada ama dilka Khashoggi uusan aheyn mid khuseeya Turkiga ama Sacuudiga, balse uu yahay arrin caalami ah. Caasimada Online Xafiiska Muqdisho Caasimada@live.com

Garoowe (Caasimada Online)-Magaalada Garowe waxaa ka socda shir maalinkii Saddexaad galay ee u dhexeeya Hogaamiyayaasha maamul Goboleedyada ka jira dalka oo isugu tagay halkaasi. Shirkan galay maalintii seddexaad ayaa waxaa qabsoomidiisa lahaa Hogaamiyaha maamulka Puntland C/wali Maxamed Cali (Gaas), iyadoo mas’uuliyiinta kale ay soo dhaweeyen. Hogaamiyayaasha uu shirka u dhexeeyo ayaa kala ah Hogaamiyaha Puntland, Jubbaland, Galmudug iyo Koonfur Galbeed oo qaarkood ay ku soo wajahan yihiin doorashooyin iyo qaarkood oo culeysaad siyaasadeed kala kulmay dowladda. Maanta oo talaado ah ayaa lagu wadaa in shirkaasi la soo geba gabeeyo,isla markaana ay maamul Goboleedyada ka soo saaran war-murtiyeed ku saabsan qodobadii ay ku heshiiyeen. Warar hordhac ah ayaa waxa ay sheegayaan in qodobada ay ka mid noqon doonaan warkii ka soo baxay wasaaradda arrimaha Gudaha,doorashooyinka Koonfur Galbeed oo ay sheegen in dowladda Somalia Ciidamo geysay Magalada Baydhabo iyo qodobo kale. Qodobada la filaayo inuu kusoo baxo war-murtiyeedka ayaa waxaa kamid noqon doona go’aanka cad ee maamulada kaga aadan faragalin lagu sameeyo doorashooyinka maamulada oo ay ugu soo horeyso Koonfur Galbeed. Saraakiil ka tirsan madaxtooyada Puntland ayaa sheegay in xalay Garowe ay kulamo gaar gaar ah ku yeesheen madaxda maamul goboleedyada, waxayna kulankooda diirada ku saareen sida ay isugu waafaqi lahaayeen qodobada ku jira war-murtiyeedka shirka. Sida uu qorshaha yahay kulankan ayaa maanta la soo gaba gabeyn doonaa, madaxdan lama oga waxyaabaha dhabta ah ee shirkoodan ay ka soo saari doonaan, balse sida looga bartay waxay soo saari doonaan war-murtiyeed ay ku cadeyn doonaan waxyaabaha ay isku fahmeen. Si kastaba ha ahaatee, Markii ugu horeysay shirkan waxa aan ka qeyb galeynin madaxweynaha Hirshabeelle Maxamed Cabdi Waare oo dowladda federaalka la gaaray heshiis, waxaana ugu dambeysay shirkii kan ka horeeyay ee lagu qabtay magaalada Kismaayo. Caasimada Online Xafiiska Garoowe Caasimada@live.com

Life for people with mental health conditions can be difficult even after undergoing treatment but Anwar Adan Farah, 54, learnt technical skills in hospital that have improved his life.Farah was admitted in 2012 at Sahan Mental Hospital, a private hospital in Hargeisa, capital of Somaliland. Source: Hiiraan Online

About 500 Marsabit and Isiolo teachers have protested against their transfer to what they call “conflict-plagued Mandera”. Source: Hiiraan Online

Dagaal culus ayaa haatan dib uga qarxay tuulada Dhummay iyo nawaaxigeeda oo ay shalay ku dagaallameen malayshiyaad ka kala tirsan laba beelood oo wada-dega koonfurta gobolka Sool. Dadka ku sugan dhulka miyiga ah ee ku teedsan tuulada Dhummay ayaa soo sheegaya in ay maqlayaan dhawaaqa hub culus oo ka yeedhaya jiidda uu dagaalku ka socdo ee nawaaxiga degaaankaasi. Sidoo kale gurmad ciidan ayaa kala gaaraya labada dhinac,waxaana adag in la ogaado khasaaraha ilaa iyo hadda ka dhashay dagaalka saaka dib u qarxay. Dhinaca kale khasaaraha dagaalkii shalay ayaa sii kordhayaa,sida ay sheegayaan ilo-kala duwan oo ay kamid yihiin shaqaalaha caafimaadka magaalada Laascaanood ee xarunta gobolka Sool. Ilaa 59 ruux ayaa la xaqiijinayaa in ay ku dhinteen dagaalkii shalay,halka in ka badan 90 kale ku dhaawacmeen. PUNTLAND POST Cabdiraxmaan Ciise Cumar The post Dagaal culus oo dib uga qarxay tuulada Dhummay iyo nawaaxigeeda appeared first on Puntland Post.

Waxaa ay dunida maanta indhaha ku heysaa labo arrin oo ka dhaceysa bariga dhexe, gaar ahaan boqortooyada Sacuudiga iyo Turkiga, labada arrin waxaa ka dhaxeeya xiriir aad u adag. (1). Davos -ta Saxaraha: Shirkan Maalgeshiga Sacuudiga ee looga yaqaano Davos -ta Saxaraha ama “Davos in the Desert’, waxaa lagu wadaa inay ka qeyb-galaan 120 qof oo hadli-doona iyo 140 hey’adood oo caalami ah, waxaana xoogga lagu saari-doonaa 3 arrin: isballada maalgeshiga, Tekonolojiydda si ay u noqon karto fursad shaqo iyo in kor loo qaado awoodsiinta dadka, haddaba dunida waxa ay indhaha ku heysaa guusha iyo guul-darrada shirka maanta. Waayo shirkan “Davos -ta Saxaraha:, arrinta Jamal Khashoggi darteed waxaa ka baaqsaday shirkado iyo shakhsiyaad ay ka mid yihiin: Financial Times, Bloomberg, CNN, The New York Times, Economist, CNBC, Dara Khosrowshahi oo Uber ah, Bob Bakish oo ka socday Viacom, Steve Case oo ah AOL iyo madaxweynaha bangiga adduunka Jim Yong Kim. (2). Hadalka Erdoğan: Maanta waxaa dalka Turkiga ka dhacay shir uu ku hadli-doono madaxweyne Recep Tayyip Erdoğan, sida qorshaha yahay, waxaa uu Erdoğan sheegi-doonaa sheekada dilkii saxafiga Jamal Khashoggi billow ilaa dhammaad, arrintan oo saameyn ku leh xiriirka Turkiga iyo Sacuudiga. Goobjoog News Source: goobjoog.com

Over 1,000 families displaced by fighting in southern Somalia’s Middle Shabelle region are in need of food and other emergency supplies, according to local officials. Source: Hiiraan Online

Maanta oo Talaado ah ayaa lagu wadaa in lasoo gabagabeeyo shirka golaha iskaashiga dowlad goboleedyada, kaasi oo ka socda magaalada Garoowe ee gobolka Nugaal. Shirkan ayaa galay maalintiisii Saddexaad, waxaana madaxda ka qeybgaleysa ay ka hadleen arrimo dhowr ah. Waxyaabaha diiradda lagu saaray inta shirkan uu socday waxaa ka mid ah, arrimaha ammaanka, qeybsiga kheyraadka iyo xiriirka DFS iyo maamul goboleedyada. Xalay waxay madaxda dowlad goboleedyada Puntland, Galmudug, Hirshabelle iyo K/galbeed yeesheen kulan gaar ah oo lagu lafa-gurayey arrimaha la xiriira war-murtiyeedka shirkan laga soo saari doono. Warkaan wixii kusoo kordha kala soco wararkeena kale Goobjoog News Source: goobjoog.com

Maamulka degmada Wanlaweyn ee gobolka Shabellaha Hoose ayaa sheegay in gabi ahaanba ay xirantay wadada isku xirtay degmadaas iyo degmada Afgooye ee gobolkaasi. Maxamed C/laahi Cumar oo ah guddoomiye ku xigeenka maaliyadda ee degmada Wanlaweyn ayaa Goobjoog u sheegay in wadadan aysan isticmaali karin gaadiidka dadweynaha. Waxa uu sheegay in wadadaasi shacabka lagu gumaado, islamarkaana ay yaalaan isbaarooyin badan. Dadka ayuu sheegay iney ka go’een wadadaasi maadaama dhibaatooyin badan kala kulmaan. “Wadadaasi shacabka ayaa lagu gumaadayey, marka weyba iska joojiyeen iney maraan, dadka waa la dilaa, la dhacaa, waxaana mararka qaar la kufsadaa haweenka” ayuu yiri guddoomiye ku xigeenka. Dhanka kale, Maxamed C/laahi ayaa sheegay in wasaaradda gaashaandhigga ee xukuumadda federaalka ku wargeliyeen arrintan balse aanay weli waxbo laga qaban. Goobjoog News Source: goobjoog.com

Waxgaradka Gobalka Sool ayaa sheegay in laga gaabiyay xal ka gaarista colaadda kusoo noq-noqotay gobalkaasi. Suldaan Maxamed Siciid Garaase oo ka mid ah waxgaradkaasi ayaa sheegay in mamaulka halkaa ka jira uu indhaha ka qabsaday waxa soconaya, islamarkaana dagaalka uu gaaray in dad badan ay ku dhintaan, kuwo kalena ay barakacaan. Waxa uu sheegay in maamulka gobalka Sool looga fadhiyo in si degdeg ah ay uga jawaabaan islamarkaana ay kala dhex galaan dhinacyada dirirtu ka dhexeeyso. “Ma ahan in weli indhaha laga sii qabsado waxa ka socda gobolka, waa in si dhab ah loo kala dhexgalaan beelaha is dilaya ee dadkii laayey, waa in maamulka meesha joogaa uu qaado mas’uuliyadda waxa taagan” ayuu yiri Suldaanka. Ku dhowaad 40 qof ayaa ku geeriyootey dagaallo 24-kii saac ee lasoo dhaafay ka dhacay deegaanka Dumaar ee gobolka Sool, iyadoo weli deegaankaasi ay xiisad ka jirto. Warkaan wixii kusoo kordha kala soco wararkeena kale Goobjoog News Source: goobjoog.com

Dagaal xooggan oo u dhaxeeyey beelo wada deggan gobolka Sool ayaa 24-kii saac ee lasoo dhaafay wuxuu ka dhacay deegaanka Dumaar ee gobolka Sool. Inta la xaqiijiyey waxaa dagaalkaasi ku dhinte 35 qof, iyadoo dhaawacana uu intaasi ka badan yahay. Xiisad ayaa weli ka jirta deegaankii lagu dagaallamay, iyadoo laga baqayo in dagaallo kale ay dhacaan. Dhanka kale, waxaa socda dedaallo badan oo ay wadaan waxgaradka gobolka Sool oo ay ku doonayaan in dagaalkan lagu damiyo. Warkaan wixii kusoo kordha kala soco wararkeena kale Goobjoog News Source: goobjoog.com

Wararka Talaadada saaka ah ka imaanaya degaanka Dhummay ee gobolka Sool oo shalay dagaal culus ku dhexmaray laba beelood ayaa sheegaya in uu kordhay khasaaraha ka dhashay dagaalkaasi. Dhinacyo kala duwan oo ay ku jiraan qaar kamid ah shaqaalaha caafimaadka magaalada Laascaanood ayaa Puntland post u xaqiijiyay in khasaaraha dagaalkii shalay uu kordhay ilaa 59 ruux oo dhimasho ah iyo dhaawaca in ka badan 90 kale. wararku waxay kaloo sheegayaan in khasaaruhu intaas ka sii badan karo,maadaama dagaalka xooggiisu ka dhacay dhulka miyiga ah oo aan xog sugan laga heli karin. Xaaladda degaannadii shalay lagu dagaallamay ayaa saaka deggan,waxaana socda dadaal ay wadaan cuqaasha iyo isimada gobolka Sool oo lagu kala qaadayo malayshiyaadkii diriray oo weli halkaasi isku’ hor fadhiya. Wixii kasoo cusboonaada kala soco:Puntland Post The post Wararkii ugu dambeeyay ee dagaalka Dhummay appeared first on Puntland Post.

For Sharmarke Dubow, a refugee from Somalia, the Victoria municipal elections over the weekend were a groundbreaking day — he cast a vote for the first time and was elected city councillor. Source: Hiiraan Online

Australia's government on Tuesday unveiled sanctions against five officers in Myanmar's powerful military who are accused of overseeing barbaric violence against members of the Rohingya ethnic group. Source: Hiiraan Online

About 500 Marsabit and Isiolo teachers have protested against their transfer to what they call “conflict-plagued Mandera”. Source: Hiiraan Online

Shalay iyo maanta waxaa xiran dhammaan suuqyadii lagu iibinayey Hilibka Ariga, kadib cabasho ay muujiyeen dadkii ka ganacsanayey hilibkaasi. Qaar ka mid ah ganacsatadan oo la hadlay Goobjoog News, ayaa sheegay in sababta aanay Ari u qalin tahay canshuurta oo lagu kordhiyey. Waxa ay tilmaameen in markii hore laga qaadi jirey neefkii ariga lacag dhan 20-kun oo shilin Soomaali ah, balse hadda lagu soo rogay lacag dhan 30 kun oo shilin Soomaali ah. Dhammaantood waxa ay sheegeen in inta wax laga bedalayo lacagtan dheeraadka ah aanay Hilib Ari keeni doonin. Goobjoog News Source: goobjoog.com

Leaders from Northeastern unanimously agreed on Monday that terrorism can’t be ended with guns and called for amnesty for youth in al Shabaab. Source: Hiiraan Online

Many African and Asian countries have banned the recruitment of domestic workers for countries in the Middle East who subscribe to the “kafala” system. Source: Hiiraan Online

Chinese President Xi Jinping has officially opened the world's longest sea crossing bridge, nine years after construction first began. Source: Hiiraan Online

Muqdisho (Caasimada Online) – Telefashinka CNN-ka ee kasoo baxa dalka Mareykanka ayaa waxa uu soo bandhigay muuqaalka Kaamirada qarsoon (CCTV), kaasi oo muujinaya Sarkaal ka tirsan Sirdoonka Sacuudiga oo ku labisan dharka Saxafigii la dilay ee Jamal Kashoggi. Muuqaalkaas ayaa waxaa ka muuqda Mustafa Maxamed Al-Madani oo hogaaminaayay 15-ka xubnood Sirdoonka Sacuudiga ee dilka geystay , kaasi oo kasii baxaaya albaabka danbe ee Qunsuliyada Sacuudiga ee Istaanbuul. Sarkaalkaas oo 57 Jir ah isla markaana da’ahaan, dhirir ahaan iyo qaab ahaan u ekaa Jamal Kashoggi oo 59 jira, ayaa Sarkaalkaas lagu arkayaa muuqaalka isagoo sameystay Gar been abuur ah kuna labistay dharka iyo indha gashiga suxufiga la dilay ee Jamal Kashoggi. Sarkaal sare oo Turkish ah ayaa u sheegay Telefeshinka CNN in Mustafa Maxamed Al-Madani uu ku labisnaa dharkii uu horay u xirnaa Saxafiga la dilay, isla markaana uu isku muuqaal ekeysiiyay Jamal Kashoggi oo kasii baxaaya dhismaha Qunsuliyada. Muuqaalka waxaa kaloo laga arkayaa Sarkaalkaas oo uu la socday mid kale oo Bac Madow ku waday qeyb kamid ah Hilibka Saxafiga la dilay ee Jamal Kashoggi. Muuqaalka waxaa kaloo ka muuqda iyadoo Sarkaalkaasi uu galayo Masjid caana oo lagu magacaabo (Blue Mosque), halkaas oo uu kaga sii gudbay suuliga, isagoo ku siibay dharka Jamaal ee uu lahaa. Muuqaalka ayaa waxaa kaloo lagu arkayaa Sarkaalkaas oo dilka kadib la qadeynaya saaxiibkii iyo isagoo kasoo baxaaya Hoteelka, halkaa oo muuqaalka laga arkayay isagoo dhoola cadeynaaya isla markaana qoslaya. Warbaahinta dowlada Turkiga ee TRT ayaa soo bandhigay iyadoo ay Saraakiisha amaanka baarayan goob la dhigta gawaarida oo ku taala deegaanka Sultangazi ee magaalada Istanbuul halkaas oo lagu arkay gaari laga lahaa Qunsuliyada Sacuudiga oo dhiig leh. Sidoo kale, Baarayaasha Turkiga waxa ay heleen gaari laga leeyahay Qunsuliyada kaa oo looga tagay isgoos ku yaala magaalada Istanbuul. Illo aan la magacaabin oo ka tirsan dowlada Turkiga ayaa u sheegay Wargeyska Yeni Safak inay hayaan macluumaad ku aadan in dhaxalsugaha Sacuudiga uu muddo 4 jeer wacay Qunsuliyada kadib dilka Saxafiga. Baarayaasha Turkiga waxa ay wali wadan sida ay baaritaan ugu sameyn lahaayen deegaan ku yaala Keymaha Istanbuul halkaa oo la rumeysan yahay in loo qaaday Meydka Saxafiga Jamal Kashoggi. Source: CNN

Shir jaraa’id oo uu Isniintii Aqalka Sare ku qabtay magaalada Muqdisho ayuu madaxda dowladda u qabtay saddex maalmood oo ay uga soo jawaabaan cabashooyinkii loo gudbiyey ee dowlad Gobolleedyada. Sida ay Caasimada Online hore u daabacday, Aqalka Sare waxaa laga qabay tuhun ah in aysan daacad ka ahayn xalinta khilaafka u dhexeeya dowladda dhexe iyo Maamul Gobolleedyada oo ilaa iyo bishii Oktober ee sanadkii hore soo jiitamayey. Dhinac ka rarnaanta Aqalka Sare waxaa tusaale ka bixinaya sidii ay markii horeba go’aan aysan cidna kala tashan ugu qaataan in ay galaan hawsha u garnaqidda dhinacyada is haya iyo waliba in guddoonka Aqalka sare ay ku jiraan xubno caan ah oo mucaarad ku ah madaxda hadda hoggaanka haysa. Qodobo xaqiijinaya in Aqalka Sare dhinac u xaglinayo WAXAAN MATALNAA MAAMUL GOBOLLEEDYADA Shirkii jaraa’id ee uu shalay qabtay Golahaas ku cusub dowladnimada Soomaaliya, waxaa ka muuqatay in ay quus ka joogaan dhex dhexaadinta ay sheegeen in ay ku jiraan iyaga oo u bareeray in ay caddeystaan in u taagnida ka shaqeynta danaha M/Gobolleedyada. Cabdi Xaashi Cabdullaahi, oo ah guddomiyaha Aqalka Sare oo isagu aqrinayey ayaa yiri sidan “Maadama Aqalka Sare Matalo maamul Gobolleedyada!” Ma xubo hadalkaas, oo waxaa dhab ah in hadafkii loo aas aasay sidaas ahaa, hase ahaatee, ma ahaa mid mudan in ay ku hadlaan xilli ay sheegayaan in ay shaqo dhex dhexaadin ku jiraan? Cidda aad adigu matasho garta maku niqi kartaa? ISKU KOOBIDDA DHEXDHEXAADINTA Aqalka Sare kama fekerin in loo baahnaa doorka isu soo dhaweynta iyo u kala dabqaadidda dhinacyada is haya in ay ku soo daraan hay’addo kale iyo waliba shaqsiyaad sida; Culumaa u diinka, duubabka dhaqanka iyo dhallinyrada. Wixii daacad laga haya waxaa waajib ah in loo dhammaado! Xattaa maku fekri waayeen in ay sameeyaan ugu yaraan, guddi ka kooban laba Gole oo isku dhaf ah!? ISKA INDHA TIRIDDA GARDARADA DOWLAD GOBOLLEEDYADA Aqalka Sare waxa uu si bareer ah isaga indha tirayaa gardaada Dowlad Gobolleedyada oo qaarkood sida Puntland iyo Jubbaland u bartay ka macaashka dibin daabyenta dowladnima Soomaaliyeed. Waxaa yaab leh, in shacabka Soomaaliyeed intooda badan ogaadeen dhagarta afarta hoggaamiye ee hadda ku shirsan Garowe, waxaa marag ma doonta ah soo dhaweyn la’aantii ay kala kulmeen Garowe iyo sidii shacabkii jidadka taagnaa markii shalay la galbinayey ay ugu dhawaaqeen ereyo looga soo horjeedo sida; Dooni Meyno dowladnimo diid, HA DHACAAN, iyo IWM. Waxaa iyaduna yaab leh, oo xaqiijineysa dhinac u janjeeridda Aqalka Sare sida ay isaga indha tirayaan in khilaafka hadda jira ay abuureen Dowlad Gobolleedyada oo aan diyaar u ahayn; Isla xisaabtan, la shaqeynta dowladda dhexe, rabitaanka fowdo nidaam maaliyadeed oo fowdo ah, u hanqal taagidda xukun dheereysi iyo fahan la’aan ka haysata nidaamka Federal-ka ah. Caasimada Online Xafiiska Muqdisho Caasimada@live.com

Waxaan maal mahaan ka daawadey baraha bulshada wareysiyo dhowr ah oo uu Madaxweynahii hore Xasan Sheekh kaga hadley waxa ku kalifey in xukumadii badashey isaga mudo yar (18) bilood gudahood uu xisbiyadii mucaaradka ahaa isku duba-rito, si xukuumada Nabad Iyo Nolol loo wiiqo iyo sababta waqti aan wali doorasho dhaweyn u door bidey in mar kale si deg deg ah siyaasada wadanka uga soo dhex muuqdo? halka madaxweynahii isaga ka horeeyey uu siiyey waqti ilaa doorashada dambe la soo gaadhey. Su’aalahaas iyo oraah-yadaasi waxey qayb ka ahaayeen wixii wareysigiisa iiga baxey. Marka laga yimaado hanka siyaasadeed ee Xasan Sheekh iyo in uu yahey qof muwaadin xaqna u leh in xilka wadanka mar kale haweeysto, hadana taariikhdii waxqabad ay Xasan Sheekh (Track Record) intuu xilka hayey iyo marxaladaha siyaasadeed ay wadanku soo marey wali xasuusta dadka Soomaaliyeed ayee ka qoyan tahey. Daraasaad kooban aan ku sameeyey damaca iyo xisbiga Xasan Sheekh gudoomiyaha ka yahey xiligaan (MNH) iyo siyaasiyiinta aan ku cusbeyn masraxa siyaasada wadanka ee ka dhex muuqda ayaa waxaan ku milsaaleeyey sheekadaan. Hada kahor ayaa nin reer-miyi ah oo safar ah reer soo martiyey waqti fiid ah, ninku wuxuu sitey buraashad iyo sali ama sujaayad laga sameeyey coos iyo mayrax loona yaqaaney waqtigaas (Xalaaf) Sidii dhaqanka Soomaaliga aheyd ayaa loo soor-yeeyey, neef ari ayaa isla markiiba dhegta dhiiga loo darey bariis iyo caano waa loo diyaariyey. Subaxdii ayuu jarmaadey si meeshii uu doonaayey u gaaro waqti hore, balse waqti ay qoraxdii ku kululaatey kala badhkana marayo marka laga fiidhsho masaafada socodkiisa halka uu rabo in uu caawa gaadho iyo reerkii uu xaley la hoydey, ayuu ninkii safarka ahaa durbadiiba go’aansadey in caawa gaadhi karin reerka uu kusocdo balse ay tahey in uu dib ugu laabto reerkii xaley martigeliyey maadaama ay tahey cida kaliya ay ugu dhow. Markii uu reerkii ku soo dhawaadey ayuu saligii xalaafka ahaa geed kusoo qariyey si aan loo fahmin in uu yahey ninkii xaley reerka soo martiyey. Jihadii uu xaley reerka kaga yimi, jiho kale ayuu ka soo galey waqtigii oo kale. Reerkii ayuu bariisimeeyey codka hadalka isagoo yara badalaya Kuna wargeliyey in uu marti yahey, dabcan reerkii kuma farxin in hadana caawa uu nin kale usoo martiyo xaalada reerka oo aan xoolo badan heysan awgeyd. Ardaaga reerka ayaa go’gal loo dhigey shaah iyo biyo-weyso ah ayaa gabadh yar loogu dhiibey. Odeygii iyo islaantii reerka oo waqtigaas ku mashquulsanaa xoolahii yaraa xareyntooda ayaa ka shoorayey bal wixii ay ninka socotada ah caawa siin la haayeeyn. Gabadhii yareyd ee loogu dhiibey shaaha ayaa garatey ninkii oo mar kaliya qaylo afka furatey oo tidhi “Hooyoo iyo aaboo ninku waa ninkii xaley noo martiyey” Inta aysan wali hadlin labadii waalid ay gabadha yar dhaleyn ayuu ninkii kor u qayliyey oo yidhi “Hadaan Ahey Ninkii Xaley/shaley idiin Martiyey Aawey Xalaafkii Aan Sitey” Hadaba ma is tidhi akhristoow Xasan Sheekh qudhiisu xalaafkii ayuu soo qarsadey ee waa isla Xasan Sheekhii shaley aan iska hor leexiney. W/Q: Asadnaa Suudi asadnaa@gmail.com Falaanqeeye siyaasadda Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Ku soo dir qoraaladaada caasimada@live.com Mahadsanid

Madaxweynihii hore ee maamulka Galmudug Cabdikariin Xuseen Guuleed oo axaddii ka falcelinayey hadallo uu shirka Garoowe uga socda hoggaamiyeyaasha xilalkoodu dhammaaday ee dowlad Gobolleedada ka sheegay ayaa qish weyn siiyey shacabka iyo indheer garadka Galmudug. Guuleed waxa uu ka jawaabayey Gaas oo maamulkii Galmudug ee uu isaga madaxweynaha ka ahaa ku eedeeyey in ay hurin jireen colaadihii u dhexeeyey Garowe iyo Dhuusomareeb. Hase ahaatee, Jawaabtii Cabdikariin Guuleed waxaa ay u dirtay shacab weynaha Galmudug saddexdan qodob ee xasaasiga ah, haddii ay wax fahamayaan. 1 – Dhagarta Cabdiweli Cali Gaas Hoggaamiyihii hore ee Galmudug Cabdikariin Xuseen Guuleed waxa uu bannaanka soo dhigay dhagarta Gaas, waxa uuna xaqiijiyey sida ay Galmudug mar walba uga dhawrsaneysay collaad ay la gasho bulsho Soomaaliyeed halka Gaas isna sheegay in Galmudug lahayd abaabulka dagaalka. Waxa uu sidoo kale tusay laba wejiilenimada Gaas, oo mar oran jiray ‘Galmudug ma aqoonsani’, maantana ku danaysanaya si uu cadaadiska ugu kordhiyo dowladda federaalka, maadaama asaga waqtigiisu dhammaad yahay. 2 – In Puntland hadda hoggaanka u hayso Galmudug Hadalka Cabdikariin Xuseen Guuleed waxaa ku jirtay “Xilligii maamulkeyga, Galmudug siyaasadeeda wey u madax bannaaneyd”, – waxaa hadalkaas laga dhadhansan karaa in maanta Galmudug aysan xor ahayn oo Garoowe looga taliyo. Xaaf iyo maamulkiisa kuma shaqeynayaan dantooda siyaasadeed. Golahan iskaashiga waxaa dhistay Cabdi Weli Gaas, oo ujeedkiisu yahay inuu kula dagalaamo dowladda dhexe, ilaa haddana ma cad wax dan ah oo Galmudug ugu jiraa. Xitaa waxaa golahan dhaqaale looga qaataa Imaaraadka Carabta, mana cadda in Galmudug wax kasoo gaaraan. Xaaf kuma shaqeeyo tiisa, balse waa mid Cabdi Weli Gaas ku adeegtao, Puntland waxay hadda hogaanka u haysaa Galmudug. 3 – Liidnimada/Dhoohnaanta Xaaf Cabdikariin Xuseen Guuleed waxa uu sidoo kale qishay ama caddeeyey sida Xaaf u yahay mid siyaasad ahaan aad u liita, oo aan dantiisa aqoon. Hoggaamiyihii hore ayaa u muujiyey shacabka Galmudug in Madaxweynahooda ahayn qof kale miisana siyaasadeed oo uu noqday ‘Dhaan dambeer raacday,”- maadama uu kolba waxa ay yeeriyaan Gaas iyo hoggaamiyeyaasha kale ee Maamulada isaga oo ahaan ka eegin danta Galmudug u hoggaansama. Xaaf ma ahan nin dantiisa yaqaan, wuxuu madax ka yahay maamul beelo badan ay ku jiraan, oo uusan lahayn awood ciidan iyo mid dhaqaale, oo uu ku maamulo. Waxa uu ku daysanayaa Puntland oo ah meel ha beel u xoreysan tahay, oo sidoo kalena maamulkeedu dhisnaa 20 sano. W/Q: Safiya Cabdullaahi Garaad Muqdisho, Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid