(SLT-Gaalkacayo)Madaxweynaha Galmudug Axmed Ducaale Geelle (Xaaf) iyo Madaxa xukuumadda maamulkaasi Sheekh Axmed Shaakir Cali Xasan oo hoggaamiya Garabka Galmudug ee fadhigiisu yahay magaalada Dhuusamareeb ayaa ku qasbanaaday inay tagaan magaalada Gaalkacyo si ay ula kulmaan Wakiilka Q/Midoobay ee Soomaaliya. Xaaf iyo Sheekh Axmed Shaakir ayaa safar cirka ah ku tegaya magaalada Gaalkacyo halkaas oo loo wareejiyey inuu ka dhaco kulanka wakiilka cusub ee Q/Midoobay Nicholas Haysom iyo madaxdan, kadib markii magaalada Cadaado lagu hor istaagay Gaadiid aanay rasaastu karin iyo xubno amni hordhac ah oo UN-ku u diray magaalada Dhuusamareeb. Wafdiga wakiilada Q/Midoobay iyo Midowga Afrika ayaa lagu waday inay Isniinta tagaan Magaalada Dhusamareb, laakiin waxaa qorshahaasi socon waayey markii Gaadiidkii UN-ka laga celiyey shalay Koontaroolka Waqooyi ee magaalada Cadaado, Gaadiidkaas waxaana laga diray magaalada Gaalkacyo, laguna waday inay adeegsadaan madaxda UN-ka. Magaalooyinka Cadaado iyo Dhuusamareeb oo ay kala fadhiyaan garabyada Galmudug ayaa isku soo rogay cunaqabteyn dhinac waliba leh, waxayna tani ka bilaabtay markii wafdigii ka socday Aqalka Sare inteey tagaan magaalada Cadaado. Xaaf iyo Sheekh Shaakir ayaa lagu wadaa inay magaalada Gaalkacyo kula kulmaan Ergeyga gaarka ah ee Qaramada Midoobay ee Somalia Nicholas Haysom oo maanta gaaray magaalada Hargeysa iyo wakiilka Midowga Afrika Francis Madeira. Somalilamdtoday/Muqdisho/Office Source

Xoghayaha Gaarka ah ee M/weyne Muuse Biixi Amar Culus duldhigay Wasiir Ka Tirsan Xukuumadda Tan iyo intii Madaxweyne Muuse Biixi Cabdi xilka la wareegay, waxa ummaddu hadal haysay saamaynta uu xukuumadda ku leeyay xoghayihiisa gaarka ah Md Mubaarig Ismaaciil Taanni, waxaana la tilmaami jiray inuu soo xulay qayb ka mid ah golaha wasiirrada. Shaqada xoghayuhu waxa ay tahay inuu garaaco waraaqaha madaxweynuhu soo saarayo, iyo inuu ilaaliyo cidda ballanta la leh madaxweynaha iyo weliba inuu Madaxweynaha ka taageero ama xasuusiya qorshayaasha shaqo ee sugayaa. Hase-yeeshee waxa la-yaab leh in Xoghaye Mubaarig Ismaaciil Taanni uu 9kii Sebtember 2018-ka soo saaray warqad amar ah, kuna socodsiiyey Wasiirka Gaashaandhigga Md Ciise Xawar, taasoo uu ku farayo in Wasaaradda Macdanta la siiyo agab ay u baahnaayeen. Bulshadu waxa ay isweydiinaysaa goorta uu Xoghayuhu yeeshay awood uu ku amro golaha wasiirrada, halkii ay ahayd in uu uga gudbiyo wasiirka warqad uu madaxweynuhu saxeexay iyo qoraalku u diray oo keliya, waxa uu soo saaray dhambaal ka yimi Xafiis u samaystay, lehna xasees, isla markaana uu ku amrayo Wasiirka oo ku magacaaban digreeto madaxweyne, sida ku cad warqadan oo lagu faafiyey baraha bulshada. Tallaabadani waxa ay u muuqanaysaa in Xoghayuhu si gurracan uu adeegsanayo awooddii madaxweynaha, lamana oga meel Madaxweyne Muuse Biixi Cabdi uu qayb ka mid ah awooddiisa maamul ugu wareejiyay Xoghayihiisa Mubaarig Ismaaciil Taanni. Warqaddan oo dhawaan lagu baahiyay baraha bulshadu, waxa ay jahawareer ku ridday ummadda Somaliland oo u niyadsamayd in madaxweyne Muuse Biixi Cabdi yahay hoggaamiye ka adag shaqadiisa, isla markaana la socda waxa ay gacan-yareyaashiisu xumeeyaan ee nidaamka dawliga ah. Waxa la sugayaa tallaabada uu madaxweynuhu ka qaado falkan xeer-jebinta ah ee ku cusub Somaliland, ee u ku kacay xoghayihiisa gaarka ahi Mubaarig Ismaaciil Taanni. Halkan ka akhri Qoraalka rasmiga ah: Qaran News

Qaran News

Muqdisho ( Sh. M. Network )-Taliyaha cusub ee Saldhigga degmada Kaaraan ee gobolka Banaadir Cabdi Sheekh Ciise ayaa maanta si rasmi ah xilka u gala wareegay taliyihii hore ee Saldhiggaasi C/fitaax Sabriye Canjeex. Guddi gaar ah oo loo saaray xil wareejintan ayaa ku guuleystay in ay xilka isku wareejiyaan 2 Taliye, kadib xiisad ka dhalatay magacabitsa taliyaha cusub. Cabdi Sheekh Ciise taliyaha cusub ee degmada ee Saldhigga Kaaraan oo la hadlay Shabelle ayaa ballan qaaday in uu dardar galin doono howlaha shaqo ee loo igmaday. Dhankiisa taliyihii hore ee Saldhiggaasi C/fitaax Sabriye Canjeex oo ay la xariirtay Shabelle ayaa sheegay in la dhameeyay tabashadiisa, islamarkaana uu xilka si daah furan ugu wareejiyay taliska cusub. Waxaana uu sheegay in xilku meerta yahay, islamarkaana ay muhiim tahay in la wada sahqeeyo. Dhinaca kale xiriiro aan la sameynay saraakiil ka tirsan taliska Ciidanka Booliska Soomaaliyeed ayaa waxa ay ka gaabsadeen in ay faah faahin ka bixiyaan isbedalka lagu sameeyay taliska Saldhigga degmada Kaaraan ee gobolkan Banaadir. Balse tallaabadan ayaa qeyb ka ah dadaallada lagu dardar galinayo howlaha lagu sugayo amniga magaalada Muqdisho. The post Taliyaha cusub Ee Saldhigga Kaaraan Oo xilka la wareegay appeared first on Shabelle. View the full article

Wasiirkii amniga ee xukuumadda federaalka ah Xildhibaan Cabdirisaaq Cumar Maxamuud oo maanta ka hadlayey qoraal oo barta Twitter-ka ay soo dhigtay hayadda nabad sugida iyo sirdoonka qaranka ayuu ku tilmaamay eedeynta been-abuur hey’addaasi sameysay si loo dhaawaco sharftiisa. Xildhibaan Cabdirisaq wuxuu hadalkiisa ku bilaabey“Sida aad la socotaan xalay hay’adda NISA waxaa ay boggeeda Tweterka ku soo galisay hadal qoraala hadalkaasna waxa uu u qornaa sidatan “Maanta, oo ah 3-da Nofembar 2018, NISA waxay hakisay una gudbisay Hanti-dhowrka guud ee Qaranka, qandaraasyo malaayiin doolar dhan, oo baxay sanadihii lasoo dhaafay, uuna saxiixay Wasiirkii hore ee amniga,si’ uu u baaro uguna gudbiyo hey’adaha ay khuseyso” Xildhibaan Cabdirisaq oo sii hadlaya “Waxaan leeyahay hadalkan waa hadal siyaasadeysan lehna ujeedooyin badan inta aanan ka hadlin, waxaan rabaa inaan ka hadlo qandaraaska ay halkan ku soo qoreen waxa uu yahay shacabkana aan lawadaago xog iyo xaqiiqooyin arintaan ku saabsan. Qandaraasku uu maray nidaamkii iibka qaranka, waxaan maamulka iyo maareynta qandaraasku dhacay si waafaqsan sharciga oo ayna hormuud ka aheyd wasaaradda maaliyadda. Waxa uu ahaa qandaraas furan oo la raacay waxii loo baahnaa oo ay ka mid aheeyd in lagu faafiyo baraha bulshada sida mediaha websideyada, tartanna loo galo tartankaas oo ah tartan furan, shirkadihii ku guuleysatana la siiyo qandaraaskaas, waxaa lacagta maamulka qandaraaska ka dhaxeysay NISA, shirkadda iyo wasaaradda maaliyadda. Kaalinta wasaaradda amniga oo anigu markaas aan hoggaaminayay waxauu ahaa mid xadidan, waxa uuna ahaa mid aan dhaafsiisneyn saxiixa aan saxiixay heshiiska, heshiiskaas oo ay soo diyaariyeen wasaaradda maaliyadda. Waxaan rabaa inaan shacabka Soomaaliyeed aan la wadaago, wasaaradda amniga waxaa ay qandaraaskaas ku laheed uun ahaa inaan saxiixo, maadama NISA ay hoos imaaneysay wasaaradda amniga, heshiiska shirkadda lala galayna waxaa soo diyaariyay wasaaradda maaliyadda. Wasaaradda maaliyadda ayaa ammaan badan ku heshay qaabka loo bixiyay qandaraaskaan oo guddiga mamulka maaliyada oo loo yaqaano (FGC) waxa ayna marwalba u soo qaadan jireen inuu ahaa qaabkii ugu wanaadsanaa in loo maareeyay qandaraaska laga hadlaayo waa qandaraas nuucaas ahaa. Waxaa uu is-weydiiyey waxa xilligan ku soo beegay “Waxaa u bahaan in lays weydiiyo maxaa labo sano ku dhawaad keenay in NISA ay soo dhigto barteeda waliba qaab aan asluubeysneyn loo soo dhigo, waxaan aaminsanahay arrintaan inay tahay mid ujeedo badan, waxaadna ogtihiin inaan anigu marwalbo ahay xildhibaan dowlada ku dhaliila qaladaadkeeda iyo madaxtooyada, arintaana waxa ay qeeb ka tahay dagaalka siyaasadeed ka socota xukuumadda iyo madaxtooyada lana rabo in lagu dhaawaco sumcadeyda, maadaama aan dhaliio badan shacabka aan la wadaago qaladaad badan oo dowladana aan ogahay xoga badan aan hayo badanaa xildhibaanada ayna heynin Xildhibaan Cabdirisaaq Cumar Maxamuud waxaa uu arrinkaas ku soo afjaray “waayahan danbe waxaa bilowday dhaqan siyaasiyiinta loogu hanjabayo lana leeyahay xeer ilaaliyaha iyo hantidhowrka ayaa laguu gudbinayaa, dhaqankaas oo ah mid cabsi galina laguna handadayo siyaasiyiinta lakiin aniga arrintaan waxa ay i galinaysaa yidadiillo hor leh waxa aya isiisay dhiiranaasho. Arrintan waxaa ay jawaab u tahay, hay’adda NISA oo sheegtay in ay hakisay Qandaraasyo malaayiin Doollar ah oo baxay sanadihii la soo dhaafay. Warkan ka soo baxay Taliska NISA ayaa sidoo kale lagu sheegay in qandaraasyadan la hakiyay uu saxiixay Wasiirkii Hore Amniga, islamarkaana loo gudbiyay Hanti-dhoorka guud ee Qarank. “Maanta, oo ah 3-da Nofembar 2018, NISA waxay hakisay una gudbisay Hanti-dhowrka guud ee Qaranka, qandaraasyo malaayiin doolar dhan, oo baxay sanadihii lasoo dhaafay, uuna saxiixay Wasiirkii hore ee amniga,si’ uu u baaro uguna gudbiyo hey’adaha ay khuseyso” ayaa lagu yiri Warkan ka soo baxay Hay’adda oo lagu baahiyay Barta Twitter-ka NISA. Goobjoog New Source: goobjoog.com

Inkastoo wararka suuqa ay ahayd in madaxweyne Gaas uu yahay Musharax Madaxweyne 2019,dhankiisana aan wali laga maqal inuu tartamayo iyo inkale , Laakiin warbaahinta Puntlandi ayaa maanta ogaatay in mar kale uu Madaxweyne Cabdiwali Maxamed Cali Gaas uu isku dayayo inuu noqdo Madaxweynaha Dowlada Puntland sidaas awgeed wuxuu hada kusoo biiray Murashixiinta tartamaya Doorashada Janaayo 2019-ka ka dhacaysa Garowe. U kuur gal dheer oo ay sameeyeen Howlwadeenada Warbaahinta Puntlandi ayaa xaqiijiyey in Madaxweyne Cabdiwali Maxamed Cali Gaas uu bishii hore ee Oktoobar uu bilaabay ololihiisa Doorashada, kaasi oo si hoose u socda, bishaannovember kowdeedii waxaa la diyaariyey boorarkii Musharxnimada oo sawirkiisu ku dhagan yahay. Sida aan xogta ku helnay Madaxweyne Gaas wuxuu hada diyaariyey Kooxda Abaabulaysa Ololihiisa doorashada, oo isugu jora wajiyo horay loogu arki jiray agagaarkiisa iyo kuwo cusub oo hada kusoo biirat Team-kiisa. Madaxweyne Gaas ayaa noqonaya mid kamid ah Murashixiinta ugu miisaanka weyn Raga Tartamaya, ilaa hada ma jiro qof dumar ah oo isu soo taagey u tartamida Doorashada 2019. Puntlandi.com Gaalkacyo

Qaran News

(SLT-Bahrain)-Hogaamiyaha mucaaradka dalka Baxreyn, Sheikh Cali Salman, ayaa xabsi daa’in lagu xukumay ka dib markii maxkamadda racfaanka dalkaasi ay ku heshay dambi ah in uu basaas u ahaa dowladda Qadar. Xukunkan ayaa ku soo beegmay bilooyiin uun ka dib markii maxkamadda sare ee dalkaasi ay ku wayday wax dambi ah . Maxkamada sare ayaa horey ugu wayday dacwadii lagu soo oogay oo ahayd “in uu la shaqaynayay” dal cadow ku ah Baxreyn. Xukuumadda Baxreyn ayaa xadhiidhka u jartay dowladda Qadar 2017. Hay’adda u dooda xuquuqda aadanaha ee Amnesty ayaa go’aankan ku tilmaamtay “cadaalad laga been sheegay ” iyada oo ay xukuumadda Baxreyn ay sii wado “howlgalka ka dhanka ah dadka ka soo horjeeda. “Go’aankan waxa uu ka turjumayaa dadaalka joogtada ee sharci darada ee ay Baxreyn ugu jirto sidii ay u aamusiin lahayd dadka ka soo horjeeda ,” waxaa sidaasi sheegtay agaasimaha Amnesty ee bariga dhexe iyo waqooyiga Afrika Heba Morayef. “Sheikh Cali Salman waa maxbuus la xidhay isaga oo si nabad ah u gudanaya xaqiisa xorriyatul qowlka”.ayay intaa ku dartay. Cali Salman, oo ah hogaamiyaha dhaqdhaqaaqa imika la mamnuucay ee Al-Wefaq , aya lagu eedeeyay in isaga oo kaashana Qadar uu maleegayay qalalaaso ka dhan ah Qadar 2011. Waxaa sidoo kale eedeeyn loo soo jeediyay hogaamiyayaasha kala ah Xassan Sultan iyo Cali al-Aswad. Eedeyntan ayaa soo baxday ka dib markii dalalka Baxreyn,Sacuudiga,Imaaraadka iyo Masar ay xiriirka u jareen Qadar bishii June 2017. Waxa ay dalalkan Qadar ku eedeeyeen in ay kooxaha argagixisada taageerto ayna xiriir dhaw la leedahay Iiraan. Qadar ayaa beenisay eedeeynta ay dowladahan u soo jeediyeen. Madaxda dhaqdhaqaaqa Wefaq ayaa eedeeynta loo soo jeediyay hogamiyahooda Sheikh Cali Salman ku tilmaamay in ay tahay isku day ay xukuumadda Baxreyn ku doonayso in ay xabsiga ugu sii haayso. Dalka Baxreyn ayaa waxaa talada haya Suniyiinta waxaana 6 sano ka hora ka dhacay dibadbaxyo ay dhigeen dadka Shiicada ah oo doonayay isbadal dimuqraadiyadeed taasi oo ay si wayn uga hortageen ciidamada ammaanka. Qoyska boqortooyada Al Khalifa ayaa cadaadis ba’an saaray dibadbaxayaasha iyaga oo gacan ka helaya dowladaha dariska gaar ahaan Sacuudiga. Cali Salman ayaa wali waxaa u furan racfaan uu ka qaadan kara go’aanka maxkamada racfaanka Source

Madaxweynaha Kenya UhuruKenyata ayaa maanta oo axada wuxuu la kulmay Madaxweynaha Dalka chine Xi Jinping, kulankaasooa ka dhacay Jasiirada Shiinaha ee Shanghai. Labada Masuul ayaa waxay kawada hadleen Ganacsiga labada Dal iyo xirirrika ay shiinuhu la leeyihiin geeska Afrikada Bari, waxay kaloo ka wada hadleen mashaariic ay Shiinuhu ka fuliyaan kenya iyo kuwo hor leh oo ay hada balan qaadeen. Sanadahaan waxaa sii xoogaysanayay xirirrika ay Dowlada Shiinuhu la yeelanayaan dowladaha Afrika inksatoo Wadamada Afrika qaarkood looga digay qaabka ay shiinuhu u maalgashanayaan Afrika , waxaa Shiinaha lagu eedeeyey iney Afrika ku maalgaliyaan lacago deym ku ah wadamada ay maaal galinayaan maalgalintaasoo ah deymo macaashkoodu aad u sareeyo oo wadamada qaarkood aysan abadkoodba iska bixinkarin. Puntlandi.com Nairobi

(SLT-Laascaanood)-Madaxweynaha Dawlad deegaanka Soomaalida Mustafe Cumar Cagjar ayaa gargaar raashin u soo diray beelihii dhawaan ku dagaalamay deegaanka Dhumay ee koonfurta magaalada Laascaanood ee xarunta gobolka Sool. Mustafe Cumar Madaxweynaha Dowlad deegaanka Soomaalida ayaa gaadiid sida gargaar raashin ah u diray dadkii ku barakacay dagaalka Dhumey ka dhacay ee keenfurta Gobolka Sool. Source

(SLT-Hargeysa)-Dowladda Ingiriiska ayaa markii ugu horeysay si waadax ah uga hadashay habka ay Somaliland Beesha Caalamka uga helo karto Ictiraaf. Dowladda Ingiriiska ayaa si rasmi ah u sheegtay in Ictiraafka Somaliland uu ku xidhan yahay inay ku heshiiyaan iyada iyo dowladda Federaalka Soomaaliya. Wargeyska Financial Times (FT) ee ka soo baxa London waxa uu bilowgii isbuucan Warbixin dheer ka qoray dadaalka Ictiraaf-raadiska Somaliland iyo Aragtida Dowladda Britain ee Yoolka lagu gaadhi karo Ictiraafkaasi. Afhayeenadda Waaxda Arrimaha Dibedda ee UK oo la hadashay Wargeyska FT waxay sheegtay inay Dowladda Britain rumeysan tahay inay u taallo DFS iyo Soomaaliland si ay u gaadhaan Mustaqbal Wadajir ah iyo inay dalalka Gobalka iyo Jilayaasha dalalkaasi kaalin hoggaamin ka qaataan Natiijada Heshiiska ee Dowladda Federaalka iyo Somaliland. Sida uu Wargeyska FT u sheegay Khabiir Axmer Sulaymaan oo ka tirsan Aqalka Chantam House ee London arrintaan ayaa waxaa isku raacsan dhammaan Dowladaha Reer Galbeedka. Ururka Midowga Afrika (AU) iyo Dalalka Gobalka uma muuqdaan inay qaadi doonaan tallaabada u dambaysa ee Ictiraafka S/Land ilaa uu wada-xaajoodka DFS iyo SL ka gaadhaan heshiis Mustaqbal Wadajir ah. Wadahadalada Dowladda Federaalka Soomaaliya iyo Somaliland ayaa istaagtay tan iyo markii uu dalka Madaxweyne ka noqday Maxamed Cabdullaahi Farmaajo, waxaana sabab u ah inuu wadahadalka istaago go’aanka ay dowladda ka qaadatay maalgashiga Dekadda Berbera. Somaliland ayaana si cad u sheegtay inaysan Dowladda Federaalka la fadhiisan doonin inta ay faragelinta ka deeneyso dowladda Dhexe sida ay hadalka u dhigeen. Dhawr jeer ayaa waxaa fashilmay wadahadal la doonayey inay labada dhinac yeeshaan, haddana ma jirto ififaalo muujinayo in la wada fadhiisan doono Source

Hargeysa (Caasimada Online) – Ergayga gaarka ah ee xoghayaha guud ee Qaramadda Midoobay u qaabilsan arrimaha Soomaaliya, Nicholas Haysom ayaa maanta oo Axad ah gaarey magaalada Hargeysa ee xarunta maamulka Somaliland. Haysom oo soo dhawaynta Madaarka Cigaal kadib loo galbiyey dhinaca Madaxtooyadda ayaa kulan gaar ah wuxuu la yeeshay Madaxwayne Muuse Biixi Cabdi, oo ay kawada hadleen arrimo badan. Qodobadda ay mas’uuliyiinta isla gorfeeyeen waxaa qayb ka ah cilqaadka maamulka Hargeysa kala dhaxeeya dowladda Soomaaliya,gaar ahaan dib usoo celinta wadahadallada hakadka ku jira, colaadda Somaliland iyo Puntland ee Tukaraq iyo amniga. Qoraal lagu soo daabacay barta rasmiga ah ee Twitter-ka ku leeyahay Howlgalka Qaramada Midoobay ee Soomaaliya ayaa intaas lagu daray in madaxda ay isla eegeen arrimo ku xeeran amniga gobolka horumarka iyo colaada Tukaraq. “Isagoo ku sugan Hargeysa, mar sii horeysay oo maanta, wakiilka UN-ka, Nicholas Haysom, wuxuu la kulmay Madaxwaynaha Somaliland, Muuse Biixi Cabdi, oo ay kawada hadleen arrimo kala duwan oo ay ku jiraan, xiriirka dowlada Soomaaliya, amniga gobolka, horumarka iyo muranka kala dhaxeeya deriskoosa Puntland ee Tukaraq,” ayaa lagu yiri warka. Safarka Nicholas Haysom ee Hargeysa ayaa kusoo aadaya xili uu shalay oo Sabti ahayd uu Garowe ay ku kulmeen Madaxwayne Cabdiwali Gaas, oo ay isla faaqideen arrimo ku xeeran colaada Sool, qaabka loo xalin karo iyo khilaafka dalka ka jira. Tan iyo markii ay ciidamada Somaliland dagaal kula wareegeen Tukaraq oo ay dagaalo goos-goos ah ay ka dhaceen dhowr jeer, waxay beesha caalamka cadaadis ay ku saareysay dhinacyadda inay miiska wada hadalka yimaadaan si loo qaboojiyo xiisadda. Wasiirka arrimaha dibadda Somaliland Dr. Sacad Cali Shire oo markii kulankaasi dhammaaday Warbaahinta la hadlay ayaa faah-faahiyey waxyaabaha sida gaarka ah ay uga wada-hadleen madaxweynaha iyo wakiilka xoghayaha guud ee qaramada midoowe waxana isaga oo arrimahaas ka hadlaya uu yiri, “Waxa laga wada hadlay dhawr arrimood oo muhiim ah oo ay ka mid tahay arrinta nabadgelyadu, is-kaashiga Qaramada Midoobay iyo Somaliland, arrimo la xidhiidha wada-hadalka Somaliland iyo Soomaaliya iyo amuuro kale oo labada dhinacba danaynayeen.” Haysom ayaa sidaan oo kale maamulka Puntland kala hadlay sidii loo soo gabagabeyn lahaa Dagaalka Deegaanka Tukaraq oo ay isku hor fadhiyaan dagaalyahano ka kala socda maamulka Puntland iyo Somaliland.

Wasiirkii hore ee Amniga Dowlada Federaalka Cabdirsaaq Cumar Maxamed oo iminkana ah Xildhibaan Federaalka soomaaliya ayaa shaaca wuxuu ka qaadey in Al-shabaab aysi toosa ula wareegeen hogaanka NISA, Wasiirkii hore wuxuu sheegey in Shaqsiyaad aad loo yaqaan oo waligood si hoose oo niyad ah u taageeri jirey Al-shabaab ay hada madaxka yihiin Ha’yada sirdoonka Dowlada Federaalka Soomaaliya ee loosoo gaabiyo NISA. Hadalka Wasiirka ayaayimid ka dibmarkii Masuuliyiinta hada u taliya NISA ay hor istaageen Qandaraasyo uu wasiirku horey u saxiixay, qandaraasyadaasoo joojintoodu ay jaanis wanaagsan u tahay Al-shabaab. Wasiirkii hore ee Amniga ayaa muujiyey inuu ka walwal san yahay xaalada amaan ee Dalka maadaama hay’adii Sirdoonka loo gacan galiyey amaba ay Alshabaab la waregeen, Wasiirku wuxuu shaaca ka qaaday in shaqsiyaadka hada ugu sareeya NISA ay yihiin kuwii Suuqyada la yaagnaan jirey Dacaayadaha lagu taageerayo Al-shabaab, qaarkoodna ay dhaqaale ku caawin jireen. Wararka ay Warbaahinta Puntlandi helayaan waxay kaloo sheegayaan in dhowaan Taliye Booliis loomagacaabay wiil ay raysal wasaaraha iskuheyb yihiin, isla markaasna kamid ahaa dadka u ololeeya Al-shabaab, wiilkaan loo magacaabay taliyaha Booliska xaafad ka tirsan Muqdisha ayaa wuxuu la dhashay Shiikh Yusuf Gacal “Kaba ku tukade” oo jago weyn ka hayaa hogaanka Al-shabaab. Hay’ada Sirdoonka ee NISA ayaa sanadii ugu dambeysay waxay noqotay mid burburtay aadna loo curyaamiyey marka loo eego qaabkii ay u shaqayn jirtey, waxaa shaqada laga eryey 60% ciidankii sirdoonka ee NISA, shaqadeedana waxaa hada lagu soo koobay mid siyaasad oo qura. Sargaal horey uga tirsanaa NISA oo Puntlandi la hadlay wuxuu yiri “Al-shabaab baa NISA u qayishay xididana ka siibtay,si tartiib ahna way u burburiyeenoo hawaday ka saareen” Tuhun noocaan ah waxaa horey u qabay fartana ugu fiiqay Maamul Goboleedyada oo aakhirkii go’aansadey iney iyagu samaystaan Ciidan Qaran iyo Ha’yad Sirdoon oo ka dhaxaysa Maamul Goboleedyada. Puntlandi.com Kismaayo

Ergeyga Xoghayaha Guud ee Qaramada Midoobey uu u soo dirsadey Arimaha Soomaaliya Mudane Nicholas Haysom ayaa maanta wuxuu Hareysa kula kulmey Madaxweynaha Maamulka Soomaaliland Mudane Muuse Biixi. Masuuliyiinta oo ah markii ugu horaysay ee ay kulmaan ayaa waxay kawada hadleen Xaalada guud ee Gobolka, Xiriirka Hargeysa iyo Villa Soomaliya iyo Dhanka Amaanka. Ergeyga Gaarka ah ee QM Nicholas Haysom ee dhowaan loosoo magacaabay shaqadaan kadib markii wakhtigu ka dhamaadey ni kii isaga ka horeeyey ayas todobaadkaan wuxuu booqasho isbarasho ah ku Marayay Maamulada Soomaliya Wuxuuna horey usoo booqdey Muqdisho, Baydhabo, Kismaayo iyo Garowe. Safarkiisa maanta ee Hargeysana wuxuu diirada ku saaray Xaalada amaan ee Maamulka Soomaaliland iyo sidii looga wada shaqayn lahaa in Colaadah Gobolka Sool lagu dhameeyo Wadahadal. Puntlandi.com Garowe

Muuse Biixi iyo Nicholas Haysom Wakiilka cusub ee Qaramada Midoobay u qaabilsan Soomaaliaya Ambassador Nicholas Haysom iyo wafdi uu hogaamninayo ayaa maanta magaalada Hargeysa kulan kula qaatay Madaxweynaha Somaliland Muuse Biixi Cabdi. Kulanka Nicholas Haysom iyo Muuse Biixi Cabdi ayay kaga wada hadleen arrimo dhowr ah oo kamid ahaayeen xiriirka Somaliand iyo Qaramada Midoobay, colaada Tukaraq, wada hadalka Soomaaliya iyo maamulka Somaliland iyo arrimo kale. Wasiirka arrimaha dibadda Somaliland Dr. Sacad Cali Shire oo markii kulankaasi dhammaaday warbaahinta la hadlay, ayaa faah-faahiyey waxyaabaha sida gaarka ah ay uga wada-hadleen Muuse Biixi iyo Nicholas Haysom, waxana isaga oo arrimahaas ka hadlaya uu yiri, “Waxa laga wada hadlay dhawr arrimood oo muhiim ah oo ay kamid tahay arrinta nabadgelyadu, is-kaashiga Qaramada Midoobay iyo Somaliland, arrimo la xiriira wada-hadalka Somaliland iyo Soomaaliya iyo amuuro kale oo labada dhinacba danaynayeen.” Sidoo kale Wakiilka cusub ee Qaramada Midoobay u qaabilsan Soomaaliaya Ambassador Nicholas Haysom oo isaguna si kooban uga hadlay kulanka uu Muuse Biixi la qaatay, ayaa si hufan uga mahadceliyey fadhigaas iyo waxyaabaha ay labada dhinac isla soo qaadeen, waxana uu hoosta ka xarriiqay inuu kulankaasi ahaa mid yididiilo cusub oo miro dhal leh keeni kara. Kulankan Nicholas Haysom iyo Muuse Bixii waxaa ku wehelinayey Madaxweyne-ku-xigeenka Somaliland Cabdiraxmaan Cabdilaahi Ismaaciil (Saylici), Wasiirrada arrimaha dibadda, Dr. Sacad Cali Shire iyo gudaha Maxamed Kaahin Axmed iyo wasiirkii hore ee maaliyadda Somaliland Xuseen Cali Ducaale (Cawil). Wakiilka cusub ee Qaramada Midoobay u qaabilsan Soomaaliaya Nicholas Haysom iyo wafdi uu hogaamninayo ayaa shalay kulan kula qaatay magaalada Garowe Madaxweyne Gaas oo ay kawada hadleen arrimaha siyaasadda Soomaaliya, wada shaqaynta dowladda dhexe iyo maamulada dalka iyo colaada Tukaraq. Waa markii ugu horeysay oo Wakiilka cusub ee Qaramada Midoobay u qaabilsan Soomaaliaya Nicholas Haysom uu booqasho ku taga maamulada dalka Soomaaliya tan iyo intii la magacaabay. PUNTLAND POST The post Nicholas Haysom iyo Muuse Bixii oo kulmay appeared first on Puntland Post.

Muqdisho (Caasimada Online) – Wasiirkii hore ee amniga Cabdirisaaq Maxamed ayaa ku tilmaamay madaxda iminka haysa talada hay’adda nabad-sugidda iyo sirdoonka qaranka ee NISA in ay yihiin Al-Shabaab. Hadalka Xildhibaan Cabdirisaaq ayaa ku soo aadaya saacado kaddib markii ay NISA boggeeda Twitter-ka ku shaacisay in ay hakisay qandaraasyo MAALAAYIIN dollar ah oo hore uu Cabdirisaaq u bixiyey. Qoraalka Wasiirkii hore ee amniga Cabdirisaaq ayaa sidan u dhignaa “Sheekada Murugada ah ayaa ah in hay’adeenna sirdoonka ay madax u yihiin shaqsiyaad xiriir xooggan la leh Al-Shabaab, isla dadkii buunbuunin jiray Al-Shabaab, siin jiray dhaqaalaha oo dhisay amniyaadka ayaa ah kuwa lagu aaminay in ay la dagaalamaan.” Qoraal kan ka horreeyey oo uu isla Twitter-ka soo dhigay ayuu Cabdirisaaq ku tilmaamay in NISA isu bedeshay NSS-tii Kacaanka oo lagu baqdin galiyo siyaasiyiinta. “NISA oo Masuul xil horay u hayay si daahfurana xilkaas ugu wareejiyay Masuulkii xilka kala wareegay in aay dacaayad raqiis ah baraha bulshada soo dhigaan 2 sano ka dib iyado loga gol leeyahay in la isku cabsi geliyo. Waxaa nasiib darro ah in NISA iskubedeshay NSStii kaligitaliska” NISA ayaa sheegtay qandaraasyada la hakiyey loo gudbiyey hanti-dhowrka guud ee qaranka, si’ uu u baaro uguna gudbiyo hey’adaha ay khuseyso, kuwaas oo kadib qaadi doona tallaabo ka dhan ah. Ilo-wareedyo lagu kalsoon yahay, oo ka tirsan NISA, ayaa Caasimada Online u sheegay in qanadaraasyada la hakiyey ay yihiin kuwa raashinka ee hay’adda NISA, kuwaas la siiyey shirkad uu wasiirka wax ka leeyahay. Sida ay sheegeen xubno ka tirsan NISA, oo codsaday inaan la magacaabin, qandaraaska ayaa bishii ku kacaya 300 oo kun oo dollar, wuxuuna socday muddo saddex sano, oo kasoo billaabata intii Cabdirisaaq Cumar uu ahaa wasiirka amniga Soomaaliya ilaa waqtigan, oo la hakiyey qandaraasyada. Baaritaanka NISA ay sameysay ee lagu hakiyey qandaraaska, ayaa waxaa lagu ogaaday in muddadaas ay hay’adda uga baxday qandaraaska lacag 10 milyan oo dollar ah. Shirkadda qandaraaska la siiyey, ayaa waxa ay NISA ogaatay, sida ay sheegtay, inay si wadajir ah u leeyihiin wasiirkii hore ee amniga Cabdirisaaq Cumar iyo nin seedigiis ah. Caasimada Online Xafiiska Muqdisho Caasimada@live.com

Iyadoo ay horey Maamul Goboleedyadu ay eedeymo xoogan usoo jeediyeen Wasiirka Maaliyada Soomaaliya Cabdiraxmaan Xuseyn Beyle ayaa waxaa iyana xigey eedeyntii shalay ay Xisaabiyaha Guud ay Wasiirka ku eedeysay Musuqmaasuqa, taasi ayaa hada daaha ka qaadey warar kala duwan oo sheegaya in wasaarada Maaliyada iyo Masiiliyiin sar sare ay ku lugleeyihiin musuqmaasuq baaxad weyn oo ka socda Guud ahaan Hay’adaha Dowlada. Warar dublamaasiyadeed oo hada soo gaaray Warbaahinta Puntlandi.com ayaa sheegaya in Wasaaradu ay baajisay kulamo maalmaha soo socda ay la yeelan lahayd Qaar ka mid ah Hay’ado ka socda Deeq bixoyaasha, Waxaa iyana hada Villa Soomaaliya ka socda abaabul xoogan oo lagu daboolayo fadeexdaan dhaqaale ee Wasiirka Maaliyada lagu eedeynayo. Dhanka kalena warar aan helayno ayaa sheegaya in Xisaabiyaha Guud Faadumo Cusmaan Faarax uu wasiir Beyle uu horay uga digay iney farahalasoo gasho shaqadiisa, digniintaan wasiirka ayaa timid kadib markii Xisaabiyaha guud ay ka war heshay ama ogaatay lacago fara badan oo shaqsiyaad gaara ay kala bexeen koontada Dowlada,iyo Kharashaad lagahelay deeqbixiyaasha oo loo isticmaalay meelo aan loogu tala galin, kharashaadkaasoo loo sameeyey waraaqo faaliso ah. Wasiirka Maaliyada ayaa hada wuxuu wadaa dadaal xilka looga qaadayo Xisaabiyaha guud, kulan uu shalay la yeeshay Masuuliyiin ka socda Villa Soomaaliya ayaa u muuqda midkiiska lagu daboolayo iyo in uusan kiiskaan ku saabsan Musuqmaasuqa lagusoo eedey wasaarada Maaliyada uusan wax u dhimin dhaqaale hada laga sugayo Bankiga Caalamka World Bank, laakiin sida aan Warar kale ku helnay Xisaabiyaha Guud waxay warqad u qortay Dhowr wadan oo deeq bixiyaasha Soomaaliya taageera ka mid ah si ay u hakiyaan wada shaqaynta ay la leeyihiin Wasaarada Maaliyada ilaaa laga gun gaarayo xisaab xir ay iyadu wado oo ku salaysan tuhun Musuqmaasuq. Wasiirka Maaliyada ayaa isna hada wada dadaal uu doonayo inuu degdeg ku meelmariyo miisaaniyada Dowlada ee 2019-ka kasoo, miisniyada uu wasiirku soo diyaariyey waxaa kamid ah lacago faro badan oo loogu tala galay dhismaha Ciidan qaran, Dhismaha hay’adaha Dowliga ee Gobolada dalka. Apunatlandi.com Muqdisho

The whole world has been shocked by this grotesque killing’ – Kate Allen Amnesty International today renamed the street outside the Saudi Arabian embassy in central London as “Khashoggi Street” to mark a month since the Saudi journalist Jamal Khashoggi was murdered in the Saudi consulate building in Turkey. A mock “Khashoggi Street” sign was erected near the gates of the Saudi embassy, exactly one month after CCTV cameras last recorded the journalist entering the consulate building in Istanbul. Mr Khashoggi was reportedly strangled moments after entering the building, though the details of what happened to him remains clouded in doubt amid numerous claims, counter-claims and denials. The Saudi Arabian public prosecution has said that Khashoggi died after a “fist-fight”, a finding that Amnesty has dismissed as “not trustworthy”. Amnesty has called for a UN investigation into the killing. Kate Allen, Amnesty International UK’s Director, said: “The whole world has been shocked by this grotesque killing, and it’s vital that we don’t let the outrage fade away without justice being done. “We need to see Jamal Khashoggi’s killers brought to justice – not only those who actually carried out the murder, but those who ordered it and knew it was about to happen. “Contrary to claims made by the Saudi Crown Prince and others, Saudi Arabia hasn’t been ‘reforming’, it’s been rounding up critics and activists in a brutal human rights crackdown. “The UK needs to completely re-appraise its relationship with Saudi Arabia, moving on from its failed softly-softly ‘engagement’ approach to one where ministers raise human rights openly and frankly with their counterparts in Riyadh. “One thing Britain urgently needs to do is halt all further arms sales to the Saudi Arabia and other members of the military coalition in Yemen.” Conflict in Yemen In the past three-and-a-half years, the Saudi-led military campaign in Yemen has seen numerous incidents where coalition bombs and missiles have struck Yemeni hospitals, food depots, marketplaces, civilian buses, factories and funeral halls. The UN assesses that the “majority” of the thousands of Yemeni civilian deaths are a direct result of this aerial barrage, while thousands more have been injured. Meanwhile, armed Houthi opposition groups have also indiscriminately shelled residential areas of towns and cities. Human rights crackdown in Saudi Arabia The killing of Jamal Khashoggi comes in the midst of a serious crackdown on human rights defenders and dissidents in Saudi Arabia. Since September 2017, when the authorities launched a wave of arrests targeting activists, writers and religious clerics, Amnesty has been able to verify 20 arrests. Some of those detained are now facing trial before the country’s notorious counter-terrorism court. Meanwhile, in May this year there was a fresh intensification of the crackdown, with at least 12 women’s rights activists detained, including the prominent “right to drive” campaigner Loujain al-Hathloul. These continue to be detained without charge and may face lengthy prison terms following trials before the counter-terrorism court. In the past months, several more people have been detained for peacefully exercising their rights to freedom of expression, association and assembly, and may now face a death penalty following the public prosecution’s call for the death penalty in their first trial session. This includes reformist cleric Sheikh Salman al-Awda and women’s rights activist from Saudi Arabia’s Shi’a minority, Israa al-Ghomgham. Qaran News

Qaran News

Muqdisho (Caasimadda Online) – Wararka ka imaanayo Magaalada Muqdisho ayaa sheegaya in Taliyaha Booliska degmadaasi xilkii laga qaaday isla markaasne Taliye kale loo magacaabay degmadaasi. Canjeex ayaa diiday xil ka qaadista lagu sameeyay, waxaana maalmahan dambe taagnaa muran ka dhashay xil ka qaadista canjeex lagu sameeyay oo soo jiitamaayay. Ugu dambeyn waxaa Saldhiga Kaaraan loo magacaabay Cabdi Sheekh Ciise Axmed Gacal oo ku magaca dheer Cabdi Kumi, wuxuuna la dhashay Sheekh Yuusuf Sheekh Ciise Kaba Kudukade oo ah Gudoomiyaha Shabaab ee Gobolka Shabellaha dhexe. Sarkaalkaan oo ka tirsan ciidamada Booliska Somaliya ayaa noqonaya Taliyaha cusub ee Degmada Kaaraan, inkastoo Kaaraan ay adag tahay sida uu ula qabsado. Degmada Kaaraan ayaa waxaa ku badan ciidamo Militari ah oo hab beeleed u abaabulan iyo ciidan aanan ka tirsaneyn dowladda oo hub isaga dhex sita Degmadaasi. Taliyihii Saldhiga Degmada Kaaraan ee xil ka qaadista hore lagu sameeyay, balse diiday Canjex wuxuu ku sugan yahay deegaanka Gubadleey ee duleedka Magaalada Muqdisho. Isbadalkaan lagu sameeyay Taliyaha saldhiga booliska degmada Kaaraan ayaa imaanayo iyadoo maamulka Gobolka Banaadir uu wado darder cusub oo uu ku doonayo in uu ku xasiliyo amaanka degmooyinka Gobolka uu ka koobanyahay. Caasimada Online Xafiiska-Muqdisho Caasimada@live.com

Committee to Protect Journalists (CPJ) 2018 Global Impunity Index spotlights countries where journalists are slain and their killers go free Source: Hiiraan Online

Qaran News

One stunning encounter that took place during Diaspora Affairs Minister Naftali Bennett’s visit to the United States last week encapsulated the distance between Israeli officialdom and American Jews reeling after the worst attack on their community in the country’s history. Source: Hiiraan Online

The UN Security Council is preparing to lift sanctions on Eritrea after the United States dropped its insistence on prolonging the measures despite a peace deal with Ethiopia, diplomats said on Friday. Source: Hiiraan Online

London (Caasimadda Online) – Dowladda Ingiriiska ayaa markii ugu horeysay si waadax ah uga hadashay habka ay Maamulka Somaliland Beesha Caalamka uga helo karto Ictiraaf. Dowladda Ingiriiska ayaa si rasmi ah u sheegtay in Ictiraafka Somaliland uu ku xiran yahay inay ku heshiiyaan iyada iyo dowladda Federaalka Soomaaliya. Wargeyska Financial Times (FT) ee ka soo baxa London waxa uu bilowgii isbuucan Warbixin dheer ka qoray dadaalka Ictiraaf-raadiska Somaliland iyo Aragtida Dowladda Britain ee Yoolka lagu gaari karo Ictiraafkaasi. Afhayeenadda Waaxda Arrimaha Dibedda ee UK oo la hadashay Wargeyska FT waxay sheegtay inay Dowladda Britain rumeysan tahay inay u taallo DFS iyo Soomaaliland si ay u gaaraan Mustaqbal Wadajir ah iyo inay dalalka Gobalka iyo Jilayaasha dalalkaasi kaalin hoggaamin ka qaataan Natiijada Heshiiska ee Dowladda Federaalka iyo Somaliland. Sida uu Wargeyska FT u sheegay Khabiir Axmer Sulaymaan oo ka tirsan Aqalka Chantam House ee London arrintaan ayaa waxaa isku raacsan dhammaan Dowladaha Reer Galbeedka. Ururka Midowga Afrika (AU) iyo Dalalka Gobalka uma muuqdaan inay qaadi doonaan tallaabada u dambaysa ee Ictiraafka SL ilaa uu wada-xaajoodka DFS iyo SL ka gaaraan heshiis Mustaqbal Wadajir ah. Wadahadalada Dowladda Federaalka Soomaaliya iyo Maamulka Somaliland ayaa istaagtay tan iyo markii uu dalka Madaxweyne ka noqday Maxamed Cabdullaahi Farmaajo, waxaana sabab u ah inuu wadahadalka istaago go’aanka ay dowladda ka qaadatay maalgashiga Dekadda Berbera. Somailand ayaana si cad u sheegtay inaysan Dowladda Federaalka la fadhiisan doonin inta ay faragelinta ka deeneyso dowladda Dhexe sida ay hadalka u dhigeen. Dhawr jeer ayaa waxaa fashilmay wadahadal la doonayey inay labada dhinac yeeshaan, haddana ma jirto ififaalo muujinayo in la wada fadhiisan doono. Caasimada Online Xafiiska-Muqdisho Caasimada@live.com