Muqdisho ( Sh. M. Network )-Xubno ka tirsan Golaha Aqalka Sare ee BFS iyo wafdi kale ee uu hoggaaminayo wakiilka gaarka ee QM u qaabilsan Soomaaliya Nicholas Haysom ayaa maanta ku wajahan magaalada Gaalkacyo ee xarunta gobolka Mudug. Wararka laga helayo magaaladaasi ayaa sheegaya in diyaar garow xoogan loogu jiro soo dhaweynta mas’uuliyiintani oo saacadaha soo socda tagi doona halkaasi. Sidoo kale wararka ayaa intaasi ku daraya in xubnahan ka socda Aqalka Sare iyo QM ay kala hadli doonaan madaxda sare ee Galmudug xaaladda cakiran ee maamulkaasi. Ammaanka ayaa loo adkeeyay, iyadoona Ciidamo badan saaka lagu arkayo Waddooyinka waa weyn magaalada Gaalkacyo ee gobolka Mudug. Shalay waxaa Gaalkacyo gaaray Madaxweyne Xaaf iyo Madaxa Xukuumadda Galmudug Sheekh Shaakir, kuwaas oo xalay ku hoyday gudaha magaaladaasi. The post Xubno ka socda Aqalka Sare iyo QM Oo ku wajahan Gaalkacyo appeared first on Shabelle. View the full article

Muqdisho ( Sh. M. Network )-Guddoomiyaha Golaha Shacabka ee Jamhuuriyadda Federaalka Soomaaliya Mudane Maxamed Mursal Sheekh Cabdiraxmaan ayaa xafiiskiisa ku qaabilay Mas’uuliyiin ka tirsan Barnaamijka Horumarinta Qaramada Midoobay ee UNDP iyo Xafiiska Siyaasada Qaramada Midoobay ee Soomaaliya,waxa ayna ka wada hadleen arrimo ay ka mid yihiin u diyaargarowga doorashooyinka soo socda ee uu dalka geli doono iyo hirgelinta shuruucda doorashooyinkaasi muhiimka u ah. Waxyaabaha aadka looga hadlay waxaa ka mid ah maalgelinta geedi socodka doorashooyinka dalka ,qorshayaasha diiwaan gelinta cod bixiyaasha. Kulanka ayaa sidoo kale inta uu socday waxyaabaha looga hadlay waxaa ka mid ah sidii Qaramada Midoobay ay taageero dhaqaale iyo mid farsamo uga geysan laheyd doorashooyinka iyo shuruucda muhiimka u ah . Xoghayaha Guud ee Golaha Shacabka Cabdikariim Xaaji Buux ayaa sidoo kale sheegay in kullanka la iskula soo hadal qaaday arrinta dhammeystirka dastuurka dalka oo muhiim u ah doorashooyinka dalka ka dhici doona. The post Guddoomiyaha BFS Oo la kulmay xubno ka socday UNDP appeared first on Shabelle. View the full article

Muqdisho ( Sh.M.Network):-Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2018/11/Warka-Subax-051018.mp3 The post Dhageyso:-Warka Subax Ee Idaacadda Shabelle appeared first on Shabelle. View the full article

Cadaado (Caasimada Online)-Masuuliyiinta maamulka Galmudug ee magaalada Cadaado ayaa faahfaahin ka bixiyay gaadiidkii dhawaan lagu qabtay magaalada Cadaado oo gaarayay ilaa lix gaadiidka xamuulka qaada. Wasiirka madaxtooyada ee dhawaan uu magacaabay madaxweynaha lagu doortay magaalada Cadaado Cumar Maxamed Diiriye, ayaa sheegay in wali gaadiidkaasi ay ku xaniban yihiin magaalada oo baaritaano ay ku socdaan. Wasiirka ayaa sheegay in laamaha amaanka aysan wali dhameyn baaritaanka ay ku sameynayaan gaadiidka gaaraya ilaa lix Candho-meed oo looga shakiyay inay hub u wadeen magaalada Dhuusomareeb. Wararka qaar ayaa sheegaya in gaadiidka ay wadeen gawaarida aan xabadda karin oo loo waday magaalada Dhuusomareeb halkaasi oo wafuud ka socoto Qaramada Midoobay la filayay inay gaaraan. Waxaa uu sidoo kale tilmaamay in la wareystay qaar ka mid ah darawadda waday gawaarida ayna sheegeen in ay ka yimaadeen dalka Jabuuti, islamarkaana ay u socdeen Magaalada Muqdisho. Laakiin wasiirka ayaa sheegay in arintaasi aysan macquul aheyn maadaama Cadaado iyo Muqdisho inta u dhaxeysa lawada ogsoon yahay meelaha qaar ee lasoo marayo inay Al Shabaab ku sugan yihiin. Darawalada ayaa siyaabooyin kala duwan u hadlay waxay qaarkood sheegeen inay ka yimaadeen Berbera, Boosaaso iyo Jabuuti, laakiin iyo hadda si cad looma sheegin waxa gaadiidka saaran, taasina shakiga ayay sii kordhineysaa. Caasimada Online Xafiiska Muqdisho Caasimada@live.com

Xiisad dagaal oo u dhexaysa laba beelood ayaa saaka laga soo sheegaya degaanka Dararweyne oo hoostaga degmada Ceel-afweyn ee gobolka Sanaag. Xiisadda ayaa sida la sheegay qaraxday kadib markii xalay koox hubaysan oo hab beeleed u abaabulan ay degaankaasi ku dileen nin u dhashay mid kamid ah labadaasi beelood. Wararku waxay intaas ku darayaan in kooxdii dilka gaysatay aan weli gacanta lagu soo dhigin,balse ehelada ninka la dilay ayaa diiday in la aaso ilaa laga soo qabto kooxdii dishay. Sidoo kale malayshiyaad u dhashay beesha wax laga dilay ayaa hub uruursi bilaabay,waxaana ay ku hanjabeen in ay dagaal ridayaan,haddii aan la soo qaban kooxdii dilka gaysatay,sida ay soo weriyeen dad ku sugan Dararweyne Dagaallo qaraar oo ku salaysan aanooyin qabiil ayaa hore degaankaasi ugu dhexmaray labada beelood,hase yeeshee dhowr bilood ka hor ayaa la sheegay in laga heshiiyay. PUNTLAND POST The post Xiisad dagaal oo ka aloosan Dararweyne appeared first on Puntland Post.

Wararka ka imaanaya degaanka Tukaraq ee gobolka Sool ayaa sheegaya in xalay halkaasi dagaal mudda socday ku dhexmaray ciidamada Somaliland iyo ciidamo u dhashay gobolka Sool oo taageersan dhinaca Puntland. Dagaalka oo ambush ahaa ayaa bilowday kadib markii cutubyo ka tirsan ciidamo degaankaasi u dhashay ay weerar ku qaadeen laagta lagu magacaabo”Laagta–Xagarta” oo kamid ah degaanka Tukaraq,halkaasoo talis ciidan u ah militariga Somaliland,sida ay sheegeen goobjoogayaal. Ciidamada weerarka qaaday ayaa sida wararku sheegayaan waxaa hoggaaminayey Korneyl Faysal Falaalug oo ah sarkaal u dhashay gobolka Sool,si adag u diiddan joogitaanka Somaliland ee gobolkaaasi. Ma jirto wax faahfaahina oo laga hayo khasaaraha kala gaaray labada dhinac ee dagaallamay,hase yeeshee saraakiil ka tirsan ciidamada weerarka qaaday ayaa laga soo xigtay in ay khasaare gaarsiiyeen dhinaca Somaliland,balse Somaliland dhankeeda weli kama hadlin,mana jirto cid si madax-bannaan u xaqiijin karta khasaaraha dagaalkaasi ka dhashay. Wixii faahfaahin ah oo ka soo kordha kala soco:Puntland post The post Dagaal xalay ka dhacay Tukaraq appeared first on Puntland Post.

Muqdisho (Caasimada Online) – Ilaa iyo shalay waxaa saxaafadda haystay muran musuq maasuq oo u dhexeeya hoggaanka NISA iyo xildhibaan Cabdirisaaq Cumar Maxamed, oo horena u soo noqday wasiirkii amniga ee dowladda Federal-ka. NISA ayaa ku sheegtay qoraal ay soo dhigtay Twitter-ka in ay hakisay qandaraasyo MALAAYIIN dollar ahaa oo la siiyey shirkado oo uu saxiixooda lahaa Wasiirkii hore ee Amniga. Hase ahaatee, waxaa durba falcelin, is difaac iyo weerar soo qaaday xildhibaan C/risaaq Cumar oo xataa qabtay shir jaraa’id isaga oo ku tilmaamay in ay arrimahani yihiin sumcad dil loola dan leeyahay. NISA, waxa ay sheegtay in kiiska ay u gudbisay hanti-dhowrka, si ay baartitaan u sameeyaan, halka wasiirkii hore uu isna sheegay in qandaraasyadu jiraan balse wasaaradda maaliyaddu saxiixday. Hadaba, maxaa ka dhalan kara kiiskan, wejiyo nooce ah ayuuse yeelan karaa? Kiiskan waxa uu noqon doonaa laba midkood. 1 – In dowladda sumcadeedu kor ugu kacdo oo dagaalka ay kula jirto musuq maasuqa bulshada ugu muuqdo mid SAX ah 2 – In dowladda ku ceebowdo, oo ay ka noqoto arrimo siyaasadeed oo ay ku beegsaneyso siyaasiyiinya ka soo horjeeda. Midda kowoaad: Haddii ay dowladda kiiskan si qotodheer u baarto, la wadaagto bulshada qodobada iyo meelaha ay wax isdaba marinta ka jiraan, xasaanadda laga qaado xildhibaanka, kaddibna xabsiga loo taxaabo – halkaas waxaa cirka ku gali doona sumcadda dowladda ee la dagaalanka musuq maasuqa. Waxa ay heli doontaa kalsoonida shacabka iyo midda beesha caalamka halka ay godkooda biyaha ugu gali doonaa siyaasiyiintii hore ee ku kacay falalka musuq musuqa, sidoo kale waxa ay digniin u noqon doonaa kuwa hadda xilka haya. Midda labaad: Haddii kiiskan noqon waayo mid sii socda oo halkaas looga haro, waxaa muuqan doonta in sheekada la dagaalanka musuqa ee dowladda ay tahay AWR KU KACSI iyo beegsiga shaqsiyaad iyo siyaasiyiin gaar ah. Shirka jaraa’id ee uu qabtay Wasirkii hore ee amniga, Cabdirisaq Cumar waxa uu sheegay in tallaaban ay ka dambeyso beegsiga siyaasiyiinta dowladda ka afkaarta duwan ee uu ka midka yahay. Haddiii ay taasi dhacdo, bulsada kuma aamin qabi doonaan dolwadda. Waxaa sidoo kale arrintan sii xumayanay ayadoo xisaabiyaha guud ee dowladda, ay wasiirka maaliyadda Cabdiraxmaan Beyle ku eedeysay in musuq maasuq xooggan uu ka jiro xafiiskiisa. Middii ay ahaataba, dowladda waxaa looga fadhiyaa caddeymo buuxa. Caasimada Online Xafiiska Muqdisho Caasimada@live.com

Gaalkacyo (Caasimada Onlie)-Wararka aan ka heleyno magaalada Gaalkacyo ee gobolka Mudug ayaa sheegaya in amaanka magaalada aad loo adkeeyay maanta, iyadoo waddooyinka qaar ciidamo cusub la geeyay. Dhanka Koofureed ee magaalada waxaa ku sugan madaxweynaha Galmudug Axmed Ducaale Xaaf iyo madaxda xukuumadda Galmudug Shiikh Shaakir, kuwaasi oo magaalada kula kulmaya wakiilka QM ee Soomaaliya. Xubno ka tirsan aqalka sare oo kasoo jeeda Galmudug ayaa ku biiraya shirarka maanta ka dhacaya magaalada Gaalkacyo, kuwaasi oo wada dadaalo lagu heshiisiinayo madaxda Galmudug ee kala fariistay Cadaado iyo Dhuusomareeb. Waxaa magaalada Xalay ka dhacay kulamo kala duwan oo u dhaxeeya madaxda Galmudug ee shalay tagay Gaalkacyo iyo odayaasha dhaqanka ee wada dadaalada nabadeed. Waxaa maanta laga sugayaa wakiilada Qaramada Midoobay iyo midowga Africa ee Soomaaliya oo maalmahaan kulamo la qaadanayay madaxda maamul goboleedyada. Beesha Caalamka ayaa wadda dadaallo kala duwan oo lagu doonaayo in lagu xaliyo Khilaafka ka dhaxeeya dowladda dhexe ee Soomaaliya iyo maamul goboleedyadda oo xoogeystay maalmihii lasoo dhaafay. Caasimada Online Xafiiska Muqdisho Caasimada@live.com

Muqdisho (Caasimada Online) – Siyaasiga Cabdiraxmaan Cabdishakuur Warsame ayaa qoraal uu soo dhigay bartiisa twitter-ka kaga hadlayo musuq-maasuq xooggan oo ka dhex jira dowladda Soomaaliya, oo qaarkood xubno dowladda ka tirsan ay sheegeen. Waxaa eedeyntiisa ugu weynaa in xilkdhibaano ka tirsan maamulka Koonfur Galbeed oo dowladda ay Muqdisho ugu yeertay lacag la siinayo, si ay ugu codeeyaan musharax ay dowladda wadato, lacagtaas oo ay bixineyso hay’adda sirdoonka qaranka ee NISA. “Xisaabiyaha guud ayaa wasiirka maaliyadda ku eedeysay inuu daboolayo musuq-maasuq ka dhex jira xafiiskiisa. Dowladda federaalka waxay 1.6 milyan ku bixisay in xilka laga tuuro afhayeenkii hore ee baarlamanka. NISA waxay lacag siineysaa xildhibaanada Koonfur Galbeed, si ay ugu codeeyaan musharaxa dowladda” ayuu yiri Cabdiraxmaan Cabdishakuur. Waxa uu intaas ku daray “Ayadoo ay jiraan arrimahan oo idil, ayaa waxaa uu qof inoo sheegayaa in tani ay tahay sheekada aan horey loo sheegin ee horumarka Soomaaliya, wuxuuna iska dhego-tirayaa dadka walaacsan” Ilaa hadda ma jiraan caddeymo muujinaya in xildhibaanada Koonfur Galbeed ee Muqdisho jooga la siiyey lacag, balse waxaa cad inay u yeertay dowladda federaalka, ayna la kulmeen xubno sare oo uu ka mid yahay afhayeenka baarlamanka Maxamed Mursal Sheekh Cabdiraxmaan. Ilo-wareedyo lagu kalsoon yahay ayaa sheegaya in dowladda Soomaaliya ay taageereyso musharax Cabdicasiis Lata-gareen, ayna ka go’an tahay in kursiga laga tuuro Shariif Xasan Sheekh Aadan, oo ay kala dhaxeyso xurguf siyaasadeed. Caasimada Online Xafiiska Muqdisho Caasimada@live.com

Garoowe (Caasimada Online) – Wasiirkii hore ee arrimaha gudaha Soomaaliya Cabdi Faarax Juxa ayaa weerar culus ku qaaday xukuumadda ra’iisul wasaare Xasan Cali Kheyre ee Nabad iyo Nolol, oo uu horey uga tirsanaan, isaga oo dib usoo nooleeyey dagaalkii siyaasadeed ee isaga iyo Kheyre.. Juxa, oo u sharaxan xilka madaxweynaha maamulka Puntland, ayaa qoraal uu soo dhigay bartiisa twitter-ka ugu sheegay dadka Puntland in ay kala doortaan Puntland iyo Nabad iyo Nolol, oo aysan jirin wax labadaas u dhaxeeya. “Maamulkan [Nabad iyo Nolol], wuxuu halis toos ah ku yahay jiritaanka maamul goboleedyada iyo habka federaalka oo dhan. Waa maamul isla-weyn, eex badan, oo aan lahayn wax ajande cad ah” ayuu ku yiri qoraalkiisa. U gotta choose between Puntland & Nabad iyo nolol, there’s nothing in between.This administration is a direct threat to the existence of the regional states and the federal system as a whole. Narcissism, nepotism & no clear agenda has become the testimony for this administration. — Hon Abdi Farah Saeed Juxa (@HonJuxa) November 1, 2018 Juxa ayaa xilka wasiirka arrimaha gudaha Soomaaliya uga degay qaab aad u xun, kadib markii ay iska qabteen ra’iisul wasaare Xasan Cali Kheyre, oo dagaal siyaasadeed xooggan uu dhex-maray. Khilaafkooda ayaa ka billowday markii uu Juaxa shaqada ka ceyriyey Yaxye Sheekh Ibraahim oo ahaa xoghayihii joogtada ahaa ee wasaaradda arrimaha gudaha, oo ay isku beel yihiin ra’iisul wasaare Kheyre, balse taasi oo uu ku gacan seeray Kheyre. Dagaal siyaasadeed kadib, wuxuu Juxa ku guuleystay inuu meesha ka saaro Yaxye, hase yeeshee waxaa kadib Yaxye la geeyey xafiiska ra’iisul wasaaraha, isaga oo kadibna la hoos geeyey qaar ka mid ah shaqooyinkii wasaaradda arrimaha gudaha, taasoo ugu dambeyn dhalisay in xilka laga qaado Juxa. Caasimada Online Xafiiska Garoowe Caasimada@live.com

Muqdisho (Caasimada Online) – Xildhibaan Axmed Macallin Fiqi, oo ka mid ah mucaaradka xukuumadda ayaa ku baaqay in madaxda sare ee dowladda federaalka ay go’aan deg deg ah ka qaataan wasiirka maaliyadda Cabdiraxmaan Ducaale Beyle, oo eedeymo culus loo soo jeediyey. Fiqi ayaa facebook soo dhigay qoraal uu arrintaas uga hadlayo. Hoos ka aqriso. Maanta waxaa iska soo daba-dhacay qoraallo dhowr ah oo saddex xafiis ka soo baxey, midka ugu muhiimsan wuxuu ahaa warqadda ka soo baxdey xafiiska Xisaabiyaha Guud ee dawladda, labada kalana waxaan u qaadanay markii la qiimeeyey kuwo raacdo-reeb ah oo lagu daboolayo nuxurka hadalka culus ee uu xambaarsan yahay qoraalka xisaabiyaha guud. Xisaabiyaha Guud ee dawladdu waxey qoraalkeeda cinwaan uga dhigtay: BEEN ABUUR IYO MARIN HABAABIN, waxey eedayn kulul oo dhanka shaqada ah u soo jeedisay wasiirka Maaliyadda Beyle sida; 1. been abuur uu rabo inuu ku daboolo waxa ay ku sheegtay qas iyo xadgudubyo maamulka maaliyadda la xiriira oo ka socda xafiiskiisa, Qoridda warqad u muuqata handaad iyo isku day uu ku doonayo in la rabaayadeeyo xafiiska Xisaabiyaha Guud si uusan u gudan hawlihiisa. In shaqadii wasaaradda Maaliyadda uu gacanta u galiyey dad anshaxooda Maamul maaliyadeed uu xun yahay, kaasoo abuuray musuqmaasuq baahsan oo soo jiitey indhaha hanti dhowraha qaranka, Ugu danbayn waxey xisaabiyaha guud ay xasuusisay wasiirka in shaqo ahaan xafiiskeeda iyo wasaaraddu ay kala madax banaan yihiin, shaqaalahooduna aysan ka mid ahayn kuwa wadaaradda Maaliyadda. Sida qoraalkan ka muuqda, waxaa ku qoran eedaymo xooggan oo ay ahayd in madaxda sare ay go’aan degdeg ka qaataan ama mawqifkooda ku aadan arrimahaas ay caddeeyaan, balse taas bedelkeeda waxaan arkaynaa qoraallo qandho jabin ah oo ka soo baxey NISA oo qandaraas iska kacsi ah la xiriira, iyo mid xeer ilaaliyaha guud ka soo baxey oo xiganaya warqad 2015-kii ku taariikhaysnayd oo hadda loo soo nooleeyey ayadoo la daba joogo sida la qiyaasayo hadal uu sheegay maalin dhoweyd wasiirka amniga Jubaland. Arrinta Xisaabiyaha Guud iyo wasaaradda maaliyaddu waxey u baahan in jawaab cad in xukuumaddu ay ka bixiso, ayadoo aan la isku dayayn in la daboolo musuqmaasuqa laga sheegayo wasaaradda. Caasimada Online Xafiiska Muqdisho Caasimada@live.com

Muqdisho (Caasimada Online)- Madaxweynaha maamulka Galmudug Axmed Ducaale Geelle xaaf ayaa sheegay in magaalada Gaalkacyo uu ka bilaabayo hal arin oo muhiim u ah maamulkiisa, sida uu sheegay markii uu tagay magaalada Gaalkacyo kadib. Mr Xaaf, ayaa sheegay in socdaalkiisa magaalada Gaalkacyo uu ka leeyahay ujeedooyin badan, waxaana uu sheegay inuu magaalada ka bilaabayo isku dhafka ciidamada maamulka Galmudug ee kusugan Gobolka Mudug. Wuxuu sheegay in ciidamadaasi ay qeyb weyn ka qaadanayaan amaanka deegaanada maamulka Galmudug islamarkaana ay muhiim u yihiin maamulkiisa sida uu hadalka u dhigay. Madaxweyne Xaaf ayaa sheegay inuu la kulmi doono saraakiisha ciidamada Galmudug ee ku sugan magaalada Gaalkacyo, isagoo sidoo kale sheegay inuu kulamo la qaadan doono qeybaha kala duwan ee bulshada magaalada Gaalkacyo. Magaalada Gaalkacyo, ayaa la filayaa iney kula kulmaan wakiilka xoghayaha Guud ee Qaramada Midoobay u qaabilsan Soomaaliya iyaga oo kala hadlaya dhexdhexaadinta maamulada dalka iyo dowladda Soomaaliya. Sidoo kale magaalada Gaalkacyo waxaa qorshaha ay doonayaan odayaasha dhaqanka uu yahay in shir dib u heshiisiin ay ugu qabtaan madaxda maamulka Galmudug ee xarumaha ka kala dhigtay Cadaado iyo Dhuusomareeb. Madaxweyne Xaaf, ayaa sheegay inuu rajeynayo inuu guulo muhiim u ah Galmudug uu kala laabto magaalada Gaalkacyo oo uu ku wehliyo madaxda xukuumada Galmudug Sheikh SHaakir Maxamed Cali Xasan. Caasimada Online Xafiiska Muqdisho Caasimada@live.com

Muqdisho (Caasimada Online) – Ciidamada Puntland ee ku sugan deegaanka Tukaraq ayaa markii ugu horeysay fariin u diray musharixiinta dooneysa inay qabtaan xilka madaxweynaha Puntland. Puntland waxaa ka dhaceyso doorasho bisha Janaayo ee sanadka 2019, waxaana hadda socdo dadaalo iyo kulamo ay wadaan musharixiinta kala duwan ee la tartameysa C/Welli Maxamed Cali Gaas. Saraakiisha ciidamada Puntland ee ku sugan aaga dagaalka ee Tukaraq ayaa sheegay inay fariin u dirayaan dhamaan musharixiinta, taasi oo ah inay ka doonayaan inay bixiyaan musharaadka ciidamadooda si ay qoysaskooda ugu taageeraan. Shacabka ku nool magaalada Garowe ayaa dhankooda ugu baaqay musharixiinta inay bixiyaan mushaaraadka ciidamada, si ciidamada aysan kaga soo bixin aagaga dagaalka. Saraakiisha ciidamada Tukaraq ku sugan ayaa sheegay inay ka sugayaan musharixiinta inay booqdaan ciidamada furumaha dagaalka ku sugan si ay dhiiri gelin ugu noqoto, islamarkaana ay ka taageeraan raashiinka iyo saadka. Ciidamada Puntland ee ku sugan gobolka Sool ayaa la dagaalamaya ciidamada Somaliland. Caasimada Online Xafiiska Muqdisho Caasimada@live.com

Riyadho (Caasimada Online) – Khaalid Bin Talaal oo kamid ah qoyska boqortooyada Sucuudiga oo horraan loo xiray inuu kasoo horjeeday howlgalka ka dhan musuq maasuqa ayaa lagu soo warramaya in xabsiga laga soo daayay. Qoyska Khaalid bin Talaal waxay baraha bulshada soo geliyeen sawirro muujinaya dhaxal sugaha oo salaamaya eheladiisa. Dhaxal sugahan ayaa ah wiilka uu dhalay boqorka Salmaa walalkiis. Al Waliid oo la dhashay Khaalid wuxuu kamid ahaa tiro dad ah oo kamid ah qoyska reer boqor iyo mas’uuliyiin sar sare oo lagu eedeyay musuq maasuq kuwaaso xabsiga la dhigay sannadkii tagey. Amiir Khaled walaalkii, Amiir Alwaleed bin Talal, ayaa ka mid ah 2-boqol oo isugu jira Amiirro iyo Saraakiil sare oo ka tirsan Boqortooyada iyo dowladda,kuwaas oo muddo sanad ah lagu hayey Hotel ku yaalla Riyadh oo lagu magacaabo Ritz-Carlton. Dowladda Saudi Arabiya wax faahfaahin rasmi ah kama bixin xaaladda xarigga iyo sii deynta Amiir Khaled. Amiirada ka tirsan Boqortooyada iyo Saraakiisha kale ayaa la tilmaamay in loo heysto arrimo ku saabsan musuq-maasuq iyo wax isdaba marin. Wargeyska Wall Street ayaa ku warramay in Khaalid Talaal uu xirnaa 11 bilood kaddib markii la sheegay inuu kasoo horjeeday howlgalkii sannadkii tagey lagu xiray 200 qof oo isugu jiro qoyska boqortooyda, wasiiro iyo ganacsato kaddib lagu eedeeyay musuq maasuq. Arrintani ayaa imaaneysa xilli uu cadaadis caalami ah saaran yahay dhaxal sugaha Maxamed Bin Salmaan oo ku aadan dilkii loo geystay Jamaal Khaashuqji. Caasimada Online Xafiiska Jeddah Caasimada@live.com

Jowhar (Caasimada Online) – Wasiirka arrimaha gudaha maamulka Hirshabeelle Maxamed Cali Caadle, ayaa markii ugu horeysay ka hadlay waxyaabaha soo celceliyay in si joogta ah xilka looga gaado mid cusubna loosoo magacaabo gobolka Hiiraan. Maamulka Gobolka Hiiraan iyo kan degmada Beledweyne ayaa marar badan xilka looga qaaday sababo aan la shaacin, waxaana gobolkaasi uu noqday gobolka ugu xilka kaqaadista iyo magacaabista badan Hirshabeelle. Wasiirka arrimaha gudaha ayaa sheegay in arintaasi ay sabab u yihiin xildhibaanada baarlamaanka Hirshabeelle oo cadaadis xoogan uu ka heysto beelaha ay matalaan, sida uu hadalka u dhigay. Wuxuu sheegay in xildhibaanada kadib ay culees badan soo saaraan wasaaradda arrimaha gudaha, maadaama beelaha ay doonayaan inay xilka guddoonka ama duqa Beledweyne ay qabtaan. Arrintaasi ayaa sababta mararka qaar in hal shaqsi seddex ilaa afar jeer loo magacaabo xilka guddoonka gobolka Hiiraan ama guddoomiyaha degmada Beledweyne ee gobolka Hiiraan. Waa gobolka ugu badalka badan masuuliyiita xilka ka qabata gobolkaasi marka lala barbardhigo gobolka Shabeelaha Dhexe oo Hirshabeelle ka tirsan. Xildhibaanada kasoo jeeda gobolka Hiiraan ayaanan ka jawaabinta inay doorweyn ku leeyihiin isbadalka badan ee maamulka gobolka Hiiraan iyo kan degmada Beledweyne. Caasimada Online Xafiiska Jowhar Caasimada@live.com

Danjire Maxamed Maxamuud Nuur (Caalim) oo ka faallooda siyaasadda arrimaha Soomaaliya ayaa ka hadlay khilaafka weli ka dhex aloosan dowladda dhexe iyo dowladaha xubnaha ka ah ee federalismka. Maamulka Farmaajo ayaa wali ku guuleysan xallin Ashtakooyin isbiirsaday oo ay qabaan gollaha iskaashiga dowlad goboleedyada marka laga reebo Hirshabeelle, waa madaxweynayaasha Jubbaland, Koonfur Galbeed, Galmudug iyo Puntland. Danjiraha ayaa qaba in wax kasta ay ka horreeyaan xal u helidda khilaafka labada dhinac iyo dib u heshiisiinta madaxda Soomaalida, islamarkaana madaxweyne Farmaajo uu meel iska dhigo Eratariya iyo Itoobiya baa heshiiskooda ka qeyb qaadanayaa. Waxaa sidoo kale wax ka weydiinnay cabashooyinka madaxweynayaasha Xaaf, Gaas, Shariif iyo Madoobe ay u gudbiyeen wakiilka qaramada Madoobe. HOOS KA DHAGEYSO: https://goobjoog.com/wp-content/uploads/2018/11/Caalim-04-11-2018.mp3 Goobjoog News Source: goobjoog.com

Agaasimaha Waaxda Kastamadda Ee Wasaaradda Maaliyadda Oo Ganacsato Reer Somaliland Ahi Ku Eedeeyeen, In Amar Khaldan Oo Uu Bixiyey Sababay Khasaaraha 3 Tan Oo Kaluunkii Ay Ka Ganacsanayeen Oo Duleedka Hargeysa Lagu Gubay “Ninkaa Agaasimaha Waaxda Kastamadu Markasta oo Laysugu Kaaya Yimaado Ee Aanu Ka Gar Helo Ee Nalaga Sii Daayo, Hadana Wuxu Ku Andoocanyey In Laas-Qorey Aanay Somalilandba Ahayn Ee Ay Map-Ka Uun Inoogu Taallo” Maxamed Jaamac Iimaan oo ah Masuulka shirkadda Kaluunka ee AL-Nuur Shirkadda Waddaniga Kaluunka dalka ka soo saarta ee Al-Nuur Fishing Combany, ayaa Cabasho xoogan ka muujisay Khasaare dhaqaale oo ay sheegeen in Dhawr Tan oo Kaluun ah oo shirkadaasi ka khasaaray ku eedaysay inay sabab u tahay oo gaadiidkii siday mudo 2 todobaad ah Kastamadda ku hor joogsaday maamulka Cashuuraha iyo Kastamadda guud ee wasaaradda Maaliyadda Somaliland, kaluunkaasi ka soo gaadhay isla markaana Duleedka Hargeysa kaluunkaasi Shir Jaraa’id oo shalay uu Maamulaha Shrkadda Kaluunka ee Al-Nuur Fishing Company mr Maxamed Jaamac Iimaan ku qabtay duleedka Bari ee Caasimadda Hargeysa gaar ahaan meel Buuraha Naasahablood u dhaw, waxa uu goobtaasi oo dab lagu qabadsiiyey laguna gubay 3 Tan oo Kaluunka noocyadiisa kala duwan ee Shirkaddoodaasi soo saarto oo sida uu cadeeyey khasaare shirkadooda la soo gaadhsiiyey oo ay dawladda uga cabanayaan cidii dhibaatadaasi dhaqaale u geysatay in wax looga qabto, waxa uu Goobta kaluunkaasi lagu gubaayey ka sheegay Maxamed in khasaaraha kaluunkii ay ka ganacsanaayeen loo gaystay uu ka masuul yahay nin lagu magacaabo Idiris Xasan Diiriye oo ah Agaasimaha Waaxda Kastamaha ee wasaaradda maaliyadda Somaliland, kaasi oo sida uu sheegay Maxamed si cad amar uu isagu bixiyey ugu hor istaagay kuna xanibay Kastamka magaaladda Ceerigaabo Gaadiidkii Kaluunka shirkaddoodu saarna ee siday, waxaanu hoosta ka xariiqay in iyada oo dhamaan shuruucdii shirkadnimo iyo waraaqihii cashuurta ay ku bixiyeen uu masuulkani dawladda ka tirsani dambi aanay lahayn isku dayey in uu ku shaambadeeyo shirkaddooda oo iyaga oo Kaluunka shirkaddooda ka keenay Xeebaha Somaliland ee deegaanka Laasqoray hadana uu ku eedeyey inay Laasqoray oo dhul Putland leedahay uu ku tilmaamay inay ka keeneen kaluukani ka khasaaray eedayntaasina aanay waxba ka jirin. Maamulaha Shrkadda Kaluunka ee Al-Nuur Fishing Combany Maxamed Jaamac Iimaan oo tafaasiil ka bixinaaya Shirkaddooda khasaaraha soo gaadhay iyo Kaluunka ay Gubeen eek a khasaaray waxa uu yidhi “Anaga oo ah Shirkadda Kalumeysiga Wadaniga ah ee Al-Nuur ( Al-Nour Fishing Company) oo muddo dhawr bilood ka hor shaqadeda kalumeysi iyo iibgeyneeyd ka bilawdey Xeebaha deegaanada Laas-Qorey,halkaa soo aanu geysaney gaadiidkii badda iyo kuwii berigaba (reeffer trucks), ayaa sidaa aad arkeysaan aanu halkan manta ( October/4/2018) anu ku gubeynaa kallunkaa gaadhaya 3-da tan ( 3,000 kg) sababteedana uu lahaa Madaxa kastamada ee Wasaarada Maliyada,( Idiris ) waayo, gaadhigaa aad arkeysaan iyo gadhi kale oo isna qabojiye ah oo kalluukii ku raran yahay ayaa Ceerigaabo markey soo gaadheen waxa qabsadey madaxii kastamka Ceerigaabo isagoo leh xaguu ka yimi kalluunku dabeeto waxaanu u sheegnay inanu deeganada Las-qorey ka nimi oo aanu tusney Juwanadii dawlada hoose ee Las-qorey ku cashuurtey kallunkaa” Maxamed Jaamac Iimaan oo hadalkiisa sii wata waxa uu yidhi “Maadaama kaluunka wadanka ee guddaha ( local Fish) ah ay dawlada hoose kelideed cashuur nadaafadeed ku leedahay oo anay Wasarada Maliyadu cashuur ku lahayn, waxa kaloo aanu tusney waraaqihii. xafiiska isku-duwaha Xanaanda Xolaha iyo Hore-marinta Kalumeysiga ee G. Sanaag/ Cerigabo uu ku xaqiijinayo Fayadhawr-ka kalunkaa iyo halka laga soo saarey, maadaama isagu uu u qaabilsanyahaynDawlada dhinaca bada iyo kalumeysiga,,.Mamulhaa kastamka Cerigaabo isna baadhitaan buu sameyey laba malmood qaatey, waxanu xaqiijiyey in kalunkaasi ka yimi degaanadaa bari ka xiga Las-qorey ee biyaha Somaliland.,,hase-yeeshee wuxuu nagu yidhi waan xaqiiqsaday imaka inu kalunku ka yimi Las-qorey se Agaasimihii Waaxda kastamada ee Wasarada H. Maliyada amarkiisa ayay weli ku xaniban tahay ee isaga la xidhiidha,, Arintii waxaa ogaadey Badhasaabka gobolka Sanaag, mudane Ahmed Mohamed (Timbaro, iyo Wasiirka X.Xolaha iyo Hore-marinta Kalumeysiga mudane Hasan Mohamed (Gafaadhi),Gudomiye Ahmed Timbare wuxuu la ahadley taliyihii qeybta Police-ka iyo CID-da wuxuu amar ku siiyey in labadaa gaadhi haday sida la sheegayo Las-qorey ka yimaadeen degdeg looga sii daayo halkaa lagu xareeeyey, haday Puntland ka yimaadena Cashurta Wasarada Maliyada ee ku wajibtey laga qaado. Waxay markaa sarakishaasi hadana xaqiijiyen in Las-qorey ay ka soo qaadeen,sidaasaa lagu soo daayey sagaal cisho oo sharci darro ah kaddib… Dhinaca kale masuulkan u hadlay shirkaddan Kaluunka ee khasaaraha soo gaadhay ku eedaysay masuulka wasaaradda maaliyadda ka tirsani waxa uu sharaxay sababta Kaluunkani u xumaaday waxaanu yidhi “Kalluunkaas oo markii uu Hargeysa soo gaadhey noqdey mid xumaadey oo macaamiishayadii sii sugesey ay isaga tageen, waana kaa hortiina aanu ku gubeyno manta. Khasaarahaana iyo kuwo ka horeeyeybana cidii noo geysatey ayaanu sifo sharciya kaga dooneynaa Magdhawgeeda, anagoo mareyna dariiqa sharcigu noo baneynayo, Sidaa daraadeed waxaanu si cadaalada waafaqsan aanu hiil iyo garabba uga fadhinaa Madaxda Qaranka.ee ay arintani khuseyso in khasaara mag dhawgeeda ay noo gudo cidii noo gaysatay , waxa xusid mudan in safaradii kan ka horeeyay ee uu xanibaada noo geystey Ninkaa Agaasimaha Waaxda Kastamadu in markasta oo laysugu kaaya yimaado ee aanu ka gar helo ee nalaga sii daayo uu hadana ku andoocanyey in Laas-qorey aanay Somalilandba ahayn ee ay Map-ka uun inoogu taallo, hadalkiisaa oo runtii intii maqleysey iyo anaguba aanu illaa iyo imaka la yaabanayahay,,,inkastoo A/Guud ee Wasaarada Maliyadu hadalkiisaa xaal ka bixiyay oo uu sharci darro ku tilmaamey. Maxamed Jaamac Iimaan ugu dambeyntii waxa uu mahadnaq u diray hay’addo iyo masuuliyiin xukuumadda ka tirsan oo masuuliyad u muujiyey markii ay u bandhigeen dhibaatadda Kaluunkooda sifaha sharci daradda ah loogu xanibay wax kala qabtay “Waxan halkan mahad aan la soo koobi Karin uga jeedinaynaa Madaxda Wasaarada X.Xoolaha iyo Horumarinta Kaluumaysiga oo ay ugu horeeyaan Wasiirka iyo Wasiir ku xigeenadda oo safar kasta oo uu xanibaaddaa sharci darada ah noo geysto iyagu iskaaya garab taagayey, iyagoo madaxda Wasarada Maliyada u xaqiijinayey in iyagu ka Wasaarad Kalumeysi ahaan ay xaqiijinayaan halka kalluunkani ka yimid oo ay tahay inaan la hagardaameyn wax soo saarka badda ee sifaha sharciga ah ku socda. Safarkan kii ka horeeyayna waxa naga sii daayey Wasiirka Wasaarada X.Xollaha iyo Horumarinta Kaluumeysiga mudane Hasan Mohamed (Gaafaadhi) oo aanu aragney inuu yahay nin waayo arag ah oo Waddaniya runtii” Abdiwali Ali Ismail abdwali1991@gmail.com Qaran News

Muqdisho (Sh.M.Network) – Dhageystayaasha idaacadda Shabelle ee ku taxan website-keena waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad udhageysato http://radioshabelle.com/wp-content/uploads/2018/11/Bar___-Qubanaha-Shabelle-04112018.mp3 The post Dhageyso: Barnaamijka Qubanaha Wararka Shabelle appeared first on Shabelle. View the full article

Waa noolaha la qabatimay in uu si’ hagar la’aana ugu noolaado gudaha ama dibadda jidhka aadamaha. Waxaana looyaqaanaa afka qalaad “Normal flora”. Waxa uu si’ dhab ah ugu dhexnoolyahay dhammaan gudaha jidhka sida afka, sanka, dhegaha, maqaarka, mindhicirada, hunguriga cuntada iyo duburta. Hasayeeshee, meelaha dhig-mareenka, makaanka, kaadi-haysta, hawo-mareenka, kelyaha, beerka, xangullada, maskaxda, wadnaha iyo sambabadu waa meelo ka caaggan in noolahi raad dhigo. Noolahani jidhka aadama waxa uu gu jiraa habka cunto raadiska ee looyaqaanno “Commensals” oo macnaheedu yahay in noolahani uu faa’iido ku qabo jidhka aadmaha. Quutana dhammaan nafaqooyunka jidhku samaysto. Balse, noolahani waxa uu jidhka ka caawiyaan in uu la galo tartan dhammaan xanuun dhiyayaasha dibadda kaga soo derriya jidhka. Marka uu qofku quuto cunto, ama uu cabbo biyo amase uu hawo aan nadiif ahayn nuugo waxaa shaki la’aana in ay ku qasanyihiin xanuun dhaliyayaal jidhka ku keeni kara xanuun. Noolahan normal flora waxa uu tartan ba’an oo xagga cuntada ah la galaa dhammaan xanuun dhaliyayaasha. Sidoo kale, noolahani waxa uu qayb weyn kaqaataa in jidhku samaysto vitaminska B iyo K. Noolayaasha sida; staphylococcus epidermis, propionibacterium acne, staphylococuss aures, streptococci, yeast, iyo pseudomonas aeroginosa, waxay ka midyihiin dhammaan noolaha deegaanka u leh kuna nool maqaarka aadamaha si’ joogto ah. Mana aha xanuun dhaliyayaal asala, balse, marka jidhka difaaciisu hoos u dhaco ama xanuun kale haleelaan ayey ka faa’iidaystaan oo xanuun ku keenaan maqaarka. Sidookale, qofka cunto faraha ku cuna isagoon iska nadiifin noolahan waxaa asal ah in ay gaadhaan wadnaha, sambabada iyo meelo kale oo muhiim ah oo ay keeneen xanuun. Halbeegga inta noole deris la nool ah ee maqaarkeena degaanka u leh waxaa lagu qiyaasaa 1000-10, 000 noole/cm laba jibbaaran. Oo macanaheedu tahay bedkii kasta oo ah 1cm laba jibbaaran oo maqaarka qaybta corneum stratum waxaa deggan kun ilaa tobankun oo noole. Noolaha sida propionibacterium acne iyo peptococuss waxay deganyihiin daloolada hoose ee tima layda halkaas oo ay quud ahaan u isticmaalaan duxda jidhka. Yeast(candida Albicans) sidoo kale waxa uu ku noolyahay maqaarka. Waxa uu bartiisaa ka haajira oo u gudaha ugalaa jidhka marka qofka ay wax saraan. Aakhirkana isaga oo xanuun ku keena qofkaas haddaanu iska daaweyn. Tixraac: Warren livenson Dr: microbiology and immunology Calivornia university. Turjamadii: Sadam Osman Kaabash Biomedical scientist. Hargeisa, Somaliland Degmada: Mohamed Mooge Qaran News

Riyadh (Caasimada Online) – Amiirka Sacuudiga ee dibad jooga ah, Khalid Bin Farhan Al Saud ayaa sheegay inuu jiro qorshe socda oo la doonayo in afgambi loogu sameeyo boqor Salmaan iyo wiilkiisa dhaxal-sugaha ah Maxamed Bin Salmaan. “Waxaad dhowaan arki doontaa afgambi ka dhan ah boqorka iyo dhaxal-sugaha” ayuu yiri Khalid Bin Farhan Al Saud, oo ka hadlayey dilka Jamaal Khaashuqji, oo ahaa suxufi kasoo horjeeda boqortooiyada. Jamaal Khaashuqji ayaa waxaa la dilay labadii October, markii uu galay qunsuliyadda Sacuudiga ee magaalada Istanbul, waxaana cadcad loo jarjaray hilibkiisa, kadibna lagu baabi’iyey aashito, sida Turkiga ay sheegeen. Khalid Bin Farhan Al Saud, ayaa shaaca ka qaaday in Khaashquji uu qorsheynayey inuu qoro buugiisa xusuus qorka, kaasi oo sir badan shaaca ka qaadi lahaa, taasina ay tahay sababta loo dilay. Sacuudi Carabiya ayaa qiratay dilka Jamaal Khaashuqji, balse waxay sheegtay inay fuliyeen xubno fallaago ah, islamarkaasna aan wax amar ah ka haysan boqortooyada. Si kastaba, dunida oo idil ayaa aaminsan in amarka dilka uu toos uga yimid xubnaha sare ee boqortooyada. Caasimada Online Xafiiska Jeddah Caasimada@live.com

Muqdisho (Caasimada Online) – Maxamed Abuukar Nuur, oo muddo dheer kasoo shaqeynayey maamulka iyo maareynta duulimaadka rayidka Soomaaliya, ayaa xog xasaasi ah ka bixiyey sababaha hortaagan kala soo wa reegida ICAO hawada Soomaaliya ama adeega duulimaadka rayidka Soomaaliya. Maxamed Abuukar ayaa dhinaca kale shaaca ka qaaday qorshe ka dhan ah Muqdisho Airspace, oo socda, kaasi oo la doonayo in maamulka hawada Soomaaliya looga wareejiyo magaalada, islamarkaana haddii aan laga gaarin u gacan-geli doona dalalka deriska ah. Wareysi arrintaas ku saabsan hoos ka daawo.Wareysi arrintaas ku saabsan hoos ka daawo.

Qaran News

Musharrax madaxweyne maamulka Koonfur Galbeed Xasan Xaaji Ibraahim oo wareysi siiyay Goobjoog FM ayaa daboolka ka qaaday in ay jiraan culeysyo badan oo soo food saaray musharrixiinta tartanka ugu jira doorashadaasi. Doorashada madaxweynenimo ee dowladda Koonfur galbeed ayaa qorshaha uu yahay in magaalada Baydhabo ay ka qabsoonto 17-ka bishani aynu ku guda jirno. Waxa uu walaac ka muujiyay qodobo ku jira shuruudaha guddiga doorashada ay ku xireen qofka isu soo taagaya xilkaasi, sida in qof kasta oo musharrax ah laga doonayo inuu bixiyo 20.000$ oo dollarka Maraykanka ah haddii dumar ay tahayna 10.000$. Dhanka kale, waxaa si cad u qeexay in walwalka iyo walaaca laga muujinayo faragalin doorashada madaxweynaha kaga imaanaysa xukuumadda federaalka ee fadhigeedu yahay magaaladani Muqdisho. HALKAN HOOSE KA DHAGEYSO: Goobjoog News https://goobjoog.com/wp-content/uploads/2018/11/Musharrax-Xasan-Xaaji-Ibraahim-04-11-2018.mp3 Source: goobjoog.com

Guddiga doorashada madaxtinimada ee Koonfur Galbeed ayaa shaaciyay in Axadda maanta ahayd ay billaabatay araaji qabashada xilka madaxweynenimo. Doorashada oo lagu wado in ay dhacdo 17-ka bishani ayaa waxaa ku loollamaya siyaasiyiin kale duwan oo uu ku jiro guddoomiye xigeenkii hore ee Xarakada Alshabaab Mukhtaar Rooboow Mansuur. Xildhibaan Maxamed Nuur Sheekh Cadde oo kamid ah xubnaha guddiga doorashada madaxtinimada Koonfur Galbeed ayaa wareysi uu caawa siiyay Masraxa Goobjoog News wuxuu ku sheegay in aynaan jirin faragalin lagu hayo doorashada. Hadalka xildhibaanka ayaa imaanaya iyadoo maalmihii dambe ay soo baxayeen eedeymo la xiriira in xukuumadda federaalka ah ee fadhigeedu yahay magaaladani Muqdisho ay faragalin ku heysto doorashada madaxtinimada ee Baydhabo. HOOS KA DHAGEYSO: https://goobjoog.com/wp-content/uploads/2018/11/XILDHIBAAN-MAXAMED-NUUR-BAYDHABO-04-11-2018.mp3 Goobjoog News Source: goobjoog.com

Muqdisho (Sh.M.Network) – War qoraal ah oo kasoo baxay taliska Mareykanka ee Qaaradda Afrika, kaasi oo magaciisa loosoo gaabiyo AFRICOM waxaa lagu sheegay in duqayn ka dhacday tuulada Araare ee Jubada Hoose uu lagu dilay afar xubin oo kamid ah dagalamayaasha Al-Shabaab. Bayaanka AFRICOM ayaa lagu xusay in weerarka cirka ah uu ka dambeeyay markii ciidamada Mareykanka ay la kulmeen duulaan gaadmo oo ka yimid kooxda Shabaab, inkasta oo uu bidhaamiyay Taliska inaanu wax ku noqon Askari Mareykana ah. Taliska ayaa daboolka ka qaaday inta illaa iyo haatan ay ogyihiin aanu waxyeelo kasoo gaarin dad rayid ah duqayntaan oo dhacday shalay oo Sabti, taasi oo xoogaga Al-Shabaab aysan kasoo jawaabin sheegashada ciidamada Mareykanka ee man-diqada ku sugan. Inta badan diyaaradaha Mareykana duqaymaha ay ka fuliyeen degaanada iyo degmooyinka ka tirsan gobolada dalka waxay ku beegsadaan dagaalamayaasha Al-Shabaab iyo saldhigyadda ay ku leeyihiin Koonfurta iyo bartamaha dalka, taasi oo khasaarooyin kala duwan dhalisa. The post Mareykanka: “Al-Shabaab waxaan duqeyn uga dilay 4 dagaalame” appeared first on Shabelle. View the full article