Baydhabo (Caasimada Online) – Qoraal ka soo baxay Golaha Iskaashiga Dowlad goboleedyadda ayaa looga hadlay faragalin ay sheegeen in dowladda Soomaaliya ay ku heyso maamul goboleedyadda gaar ahaan doorashadda Koonfur Galbeed Soomaaliya Golaha ayaa soo dhaweeyay Iscasilaadii Guddiga doorashada maamulka Koonfur Galbeed oo ay sheegeen in ay kasoo hor yimaadeen Faragelin ay sheegeen in Dowlada Federaalka Soomaaliya ay ku hayso Maamulka Koofur Galbeed Soomaaliya. Golaha ayaa sheegay in illaa boqol Xildhibaan ku dhow oo ka tirsan Koofur Galbeed lagu daabulay diyaarado, lana geeyay magaalada Muqdisho, si loo siiyo lacago laaluush ah sida lagu yiri qoraalka. Halkaan hoose ka akhriso: Caasimada Online Xafiiska Baydhabo Caasimada@live.com

Madaxweynaha dowladda Puntland Dr.Cabdiweli Maxamed Cali Gaas ayaa qasriga Madaxtooyada Puntland ee Garòowe munaasabad casho sharaf iyo sagootin ah xalay ugu sameeyey qunsulkii hore ee qunsuliyadda Itoobiya u fadhiyey Puntland Mr. Asmalash oo ay dhammaatay muddo xiliyeedkiisii shaqo. Madaxweynaha Puntland ayaa waxaa munaasabadda ku weheliyey Madaxweyne ku-xigeenkiisa Eng. Cabdixakiin Xaaji Cabdulaahi Cumar Camey, masuuliyiin ka tirsan goleyaasha dowladda Puntland, saraakiil ka tirsan Madaxtooyada Puntland iyo Saraakiil ka tirsan qunsuliyadda Itoobiya ee Puntland. Madaxweynaha Dowladda Puntland Dr. Cabdiweli Maxamed Cali Gaas ayaa Mr. Asmalash ku ammaanay shaqada adag ee uu kasoo qabtay Puntland iyo sida uu u xoojiyey wadashaqaynta Itoobiya iyo Puntland. ” Runtii ma dhicin in aan maalin dhibsano shaqadiisa Danjire Asmalash, marwalba wuxuu u shaqaynayey si hufan, mana ahayn nin xafiiskiisa kaliya ku eg ee si balaadhan ayuu uga shaqayn jiray wanaajinta xiriirka labada dal, waxaan jaraynayaa midka badali doona in uu noqdo mid la mid ah, aad iyo aad buu u mahadsan yahay, waana u hambalyeynaynaa meel walba oo uu tago” ayuu yiri Madaxweynuhu. Madaxweyne Ku-xigeenka Puntland Eng. Cabdixakiin Xaaji Cabdullaahi Cumar Camey ayaa isna dhankiisa sheegay in Asmalash uu dhexgalay bulshada Puntland, waxaana uu tilmamaay inuu ahaa nin shakhsiyad wanaagsan oo markasta dhanka wanaagsan wax u xaliyo. ” Waxaan rabnaa dhammaantiin oo uu ugu horreeyo qusulku in aan idiinka mahadcelino wadashaqayntii wanaagsanayd ee aad dadka iyo dowladda Puntland-ba aad la lahay’deen, muddadii aad joogtey waxaad ka mid noqotay reer Puntland, sida aad dadka iyo dalkaba u kala garanayso, kan imaan doonana waxaan ka rajaynaynaa sidaas oo kale”. Ugu dambayn, Madaxweynaha dawladda Puntland Dr. Cabdiweli Maxamed Cali Gaas ayaa shahaado sharaf gudoonsiiyey Mr. Asmalaash iyo hadiyado gaar ah oo ay kamid ahayd dharka hidiyo dhaqanka Soomaalida, sidoo kale Madaxweynaha ayaa iyana hadiyado gudoonsiinyey laba sarkaal oo dhammaystay shaqadoodii iyaguna. -DHAMMAAD- The post Dowladda Puntland oo saagootisay Qunsulkii Ethiopia ee Garoowe appeared first on Puntland Post.

Muqdisho (Caasimada Online)-Qaar kamid ah xildhibaanada aqalka sare ku matala Koofur Galbeed ayaa ka hadlay iscasilaada ay shalay ilaa xalay ku dhawaaqeen 15 xubnood oo ka tirsan guddiga doorashada Koofur Galbeed. Senetar Ilyaas Cali Xasan ayaa nasiib daro ku tilmaamay iscasilaada guddiga doorashada Koofur Galbeed, isaga oo sheegay in waqti xasaasi ah ay ku dhawaaqeen iscasilaadooda xubnaha guddiga. Wuxuu sheegay in shacabka Koofur Galbeed looga baahan yahay inay gacmaha isqabsadeen oo aayahooda ay ka tashadaan, sida uu hadalka u dhigay. “Waa nasiib daro Aad iyo Aad uweyn Is Casilaadi Gudoomiyaha iyo Xubnaha Gudiga Doorashada Koonfur Galbeed Somalia, waxaana rajeynaayaa dadka KG iney gacmaha is qabsadaan xaalada taagana loo wada istaago sidii loo xalin lahaa”ayuu yiri Ilyaas Cali Xasan. Xaalad gashay mowjad kale ayaa ka taagan magaalada Baydhabo ee gobolka Baay, waxaana arintaan la aaminsan yahay inuu ka dambeeyo Shariif Xasan Sheikh Aadan oo culees ka dareemaya doorashada Koofur Galbeed. Xildhibaanada ugu badan ee Koofur Galbeed ayaa ku sugan magaaada Muqdisho, waana sababta ka dambeysay xiisadda cusub ee siyaasadeed ee kaso korortay doorashooda Koofur Galbeed. Caasimada Online Xafiiska Muqdisho Caasimada@live.com

Afgooye ( Sh. M. Network )-Wararka naga soo gaaraya gobolka Sh/ Hoose ayaa ku warramaya in Xalay Oday da’ ahaa lagu dilay gudaha degmada Afgooye ee gobolka Shabeelaha Hoose. Dilkan ayaa la sheegay in uu ka dhacay Maqaaxi ku taalla agagaarka Baar Ismaaciil ee degmadaasi. Illaa 2 ruux oo uu mid ka mid ah ku hubeysnaa Qoray Ak47 ayaa fuliyay dilkaasi, sida ay Shabelle u xaqiijiyeen ilo deegaanka ah. Kooxihii ka dambeeyay dilkan ayaa goobta isaga baxsday, waxaan dilka kadib goobta gaaray Ciidamo ka tirsan kuwa amniga oo baaritaano ka sameeyay halkaasi. Sidoo kale Warar heshay Shabelle ayaa ku warramaya in dilkan uu salka ku hayo dilal la xariira aanooyin Qabiil oo ka tagan qeybo ka mid ah Sh/ Hoose. Illaa iyo hadda ma jiro wax hadal ah oo ka soo baxay maamulka degmada iyo kan gobolka oo ku aadan dilkaaasi. Muddooyinkii dambe waxaa gudaha Afgooye ka dhacayay falal liddi ku ah ammaanka, kuwaas oo isugu jira dilal qorsheysan iyo weeraro intaba. The post Kooxo hubeysan Oo xalay Oday da’ ahaa ku dilay Afgooye appeared first on Shabelle. View the full article

Muqdisho ( Sh. M. Network )-Senator Axmed Macalin Cumar Nadiir oo wareysi gaar ah siiyay Shabelle ayaa ka hadlay jahwareerka siyaasadeed ee ka taagan magaalada Baydhabo ee xarunta gobolka Baay. Senotor Nadiir ayaa marka hore nasiib darro ku tilmaamay is casilaadii ay ku dhawaaqeen xubno ka mid ah guddiga qaban qaabada doorashada maamulka K/ Galbeed Soomaaliya. Waxaana uu sheegay in aan la aqbali karin in caqabad lagu noqdo doorashada la filayo in 17 bishan ay ka dhacdo Koonfur Galbeed Soomaliya. Sidoo kale Senator Axmed Nadiir ayaa ugu baaqay Madaxda DFS in ay soo faragaliyan arrimaha K/ Galbeed, maadaama ay mas’uul ay ka yihiin guud ahaan dalka. Halkan hoose ka dhageyso Codka. http://radioshabelle.com/wp-content/uploads/2018/11/ND.mp3 The post Senotor Nadiir Oo DFS ka dalbaday in ay aysan gacmaha ka laaban arrimaha K/ Galbeed appeared first on Shabelle. View the full article

(SLT-Riyadh)-Qoraagii reer Sacuudi isla markaasna ahaa Wariye Turki Bin Abdul Aziz Al-Jasser ayaa dhintay kadib markii lagu jir dilay Xabsi ku yaal dalka Sacuudiga, sida uu qoray wargeyska New Khaleej. Arrintan ayaa imaneysa bil kadib markii Sacuudiga ay qirteen in suxufi Jamaal Khaashuqji lagu dhex-dilay qunsuliyaddooda magaalada Istanbul ee dalka Turkiga. Illi wareedyo Xuquuqul Insaanka u doodo ayaa sheegay in Al-Jasser la xiray isla markaasna uu jirdil u dhintay kadib markii ay dowladda Sacuudiga ku eedeysay inuu maamulayey akoonka Twitter ee Kashkool kaasoo hadda la xiray kadib markii ay dacwad ka gudbiyeen qoyska Boqortooyada. Sida ay illo wareedyada xaqiijiyeen Al-Jasser ayaa loo aqoonsaday inuu ahaa ninkii Maamulayey Akoonka Twitterkaa uuna ku shaqeenayey Xafiis ku yaalo Dubai. Wariyahaan ayaa waxaa la xiray Bishii March ee sanadkaan, waxaana lasoo sheegayaa inuu u dhintay tacadi xoog leh oo loogu geystay xabsiga dhexdiisa. Dilkaan loo geystay wariyahaan ayaa wuxuu kusoo aadayaa Xilli ay weli Sacudiiga dhexda kaga jirto fadeexadii ka dhalatay dilkii dalka Turkiga loogu geystay Wariye Jamal. Boqortooyada Sacuudiga ayaa u qorsheysay dil iyo xabsi cid kasta oo ka hor timaado amaradooda, waxayna Awoodii dalkaas kusoo koobmatay Qoyska Boqortooyada. Source

(SLT-Muqdisho)-Gabadh Ardayad aheyd ayaa xalay lagu dilay degmada Wadajir ee magaalada Muqdisho, iyadoo dilkeeda uu warar kala duwan ka soo baxayo. Sida wararku sheegayaan askari ka tirsan ciidanka dowladda ayaa rasaas ku furay mooto bajaaj ay saarneyd gabadha agagaarka Xaafada Ceel Qalaw ee degmada Wadajir. Gabadha ayaa lagu magacaabayay Safiyo C/raxmaan, waxay macalimad ka aheyd Dugsiga Raage Ugaas, waxaa ay ka qalinjebisay mid ka mid ah Jaamacadaha Muqdisho. Qeybaha kala duwan ee bulshada ayaa dilkan walaac ka muujiyay, waxaana dad badan ay soo dhigeen sawirkeeda baraha bulshada, iyagoo dalbaday in cadaaladda la horkeeno askarigii falka dilka geystay. Source

(SLT-Washington)-Xisbiga mucaaradka ee dimuqraadiga ah ayaa rajaynaya inuu dib ula wereego maamulka aqalka wakiilada, halka xisbiga Republican-kana uu doonayo in ay sii xajistaan maamulidda aqalka Senate-ka. Waxaa la rajayanayaa in ay dadka aad isugu soo baxaya doorashada berito ah oo qiyaas ahaan gaaraya in kabadan 34 milyan oo qof. Taageerayaasha madaxweyne Donald Trump iyo kuwa Barack Obama ayaa maalintii Axadda ah isu soo bax ballaaran sameeyay. “Talaadada ayaad codbixinta u dareereeysaan oo aad codkiina dhiibanaysaan,” ayuu Mr Trump u sheegay taageerayashiia. Maalmihii ugu dambeeyay Mr Trump ayaa aad uga hadlayay arrimaha socdaalka dalkaasi. Source

24-kii saac ee tagay waxaa ka dhacay magaalada Baydhabo ee dowlad goboleedka koonfur galbeed isbadallo ku tusinaya inay qasantahay xaaladda maamulkaasi, howluhuna aaney u socon sidii loogu talo-galay, taasi oo laga yaabo inay dib dhigto doorashada madaxtinnimada oo qorshuhu ahaa in la qabto 17-ka bishan. Hadaba, Goobjoog News waxaa ay akhristayaasheeda xusuusineysaa sida ay wax ku bilowdeen iyo halka ay xaaladdu mareyso. Xiriirka Dowladda iyo Isbadal-doonka: Shakiga ah inuu xiriir jiro waxuu soo shaac baxay markii kooxda tartanka kula jirta Shariif Xasan ay noqdeen qaarkood saraakiisha dowladda sida taliyihii NISA Mudane Xuseen Cusmaan Xuseen, Wasiirkii Tamarta iyo Biyaha C/casiis Xasan Maxamed Lafta Gareen iyo mas’uuliyiin kale. Marka laga soo tago ilaalada ay raggaasi heystaan, waxaa jirto in qaarkood si cad u sheegaan inay wadato dowladda federaalka ah, iyaga oo cadaadis ku saarey odoyaasha dhaqanka inay isbadal ka shaqeeyaan!! U Yeeridda Xildhibaannada K.Galbeed: Sida ay Goobjoog News u sheegtay Aamino Mursal oo ah murashaxadda keliya ee haween ah oo ku jirta tartanka madaxtinnimada koonfur galbeed, guddoomiyaha golaha shacabka JFS Maxamed Mursal ayaa wuxuu Muqdisho ugu yeeray xildhibaannada koonfur galbeed, shirar wadatashi lagu sheegay ayuu la galay, isaga oo tusiyey daryeel dowladeed waa sida ay hadalka u dhigataye. Guddoomiyaha golaha shacabka Maxamed Mursal ayaa la sheegayaa inuu wax badan ka qabtay xaaladdooda nololeed, mid caafimaad, kulana taliyey inay isbadal ka sameeyeen doorashada ka dhaceysa Baydhabo 17-ka bishan!! Cadaadinta Shariif Xasan: ilo ka tirsan madaxtooyada dowlad goboleedka koonfur galbeed ayaa Goobjoog News u xaqiijiyey inay jiraan cadaadis la saaray madaxweyne Shariif Xasan, isagana uu ku fakiray xataa inuu ka tanaasulo tartanka madaxtinnimada koonfur galbeed ee 17-ka bishan! Qaar ka tirsan murashaxiinta Isbadal-doonka ayaa dhankooda Goobjoog News u sheegay in cadaadiska uu ka yimid odoyaasha dhaqanka, oo aaney dowladda federaalka ah iyo cid kale shaqo ku laheyn! Iscasilaadda Guddiga Doorashada: Xilli dad badan ay sugayeen tanaasulka Shariif Xasan ayaa mar qura la arkey iscasilaadda guddoomiyaha guddiga doorashada koonfur galbeed Xildhibaan Carfo Ibraahim Aadan, guddoomiye ku-xigeenka, afhayeenka guddiga iyo xubno kale, Shir jaraa’id oo ay ku qabteen Baydhabo waxaa ay sheegeen in dowladda federaalka ay magaalada Muqdisho u soo kaxeysay xildhibaannadii dowlad goboleedka Koonfur galbeed, isla markaana ay murashaxiinta la’yihiiin cid ay u khudbeeyaan, oo barnaamijkooda la wadaagaan. Xubnaha guddiga is-casilay waxaa ay Villa Somalia ku eedeeyeen fara-gelin, carqalad iyo inay dhibaato ku tahay doorasho ka dhacdo koonfur galbeed. Cambaareynta Golaha Iskaashiga: Golaha iskaashiga dowlad goboleedyada ayaa dhankooda waxaa ay xalay soo saareen war-murtiyeed lagu sheegay in Villa Somalia ay faragelin qaawan ku heyso doorashada koonfur galbeed, cambaareeyana siyaasadda dowladda dhexe ee kala qeybinta shacabka, baarlamaanka iyo xukuumadda koonfur galbeed, iyaga oo ka digay in wax kasta oo ka soo baxa doorashadaas, oo aan loo marin hannaanka saxda ah aaney aqoonsan-doonin dadka reer koonfur galbeed. Golaha iskaashiga dowlad goboleedyada waxaa ay dowladda federaalka ah ku eedeeyeen inay wadaan qorshe lagu burburinayo hannaanka federalism-ka dalka, , soona celinayaan kaligii talisnimo, iyaga oo ku baaqay in laga hortago in dalka mar kale ku laabto dagaallo sokeeye. Goobjoog News Source: goobjoog.com

Muqdisho ( Sh. M. Network )-Ciidamo ka tirsan kuwa dowladda federaalka Soomaaliya ayaa lagu warramayaa in xalay rasaas xoogan ay ku fureen dad shacab ahaa oo ku sugnaa deegaanka Ceelasha Biyaha ee duleedka Muqdisho. Dadkan oo ka soo baxay Masjid ku yaalla deegaankaasi ayaa la rasaaseeyay, kadib markii la sheegay in Ciidamadu ay ka shakiyeen dadkaasi. Sidoo kale wararka qaar ayaa sheegaya in Ciidamadu xilligaasi ay wadeen howlgal ballaaran oo lagu boodi goobayo Rag la sheegay in Xalay Askari ay ku idleen halkaasi. Illaa 5 Qof oo rayid ahaa ayaa ku dhaawacmay falkan, sida uu xaqiijiyay Dr Amiin Sama Kaab oo ka mid ah howlwadeenada Isbitaalka Bayaan oo la geeyay dadkaasi. Halkan hoose ka dhageyso Codka. http://radioshabelle.com/wp-content/uploads/2018/11/cod-cabdiqani-ceelasha-.mp3 The post Dad Rayid ahaa Oo xalay lagu Rasaaseeyay Ceelasha Biyaha appeared first on Shabelle. View the full article

Muqdisho ( Sh. M. Network )-Faah faahinno dheeraad ah ayaa ka soo baxaya qarax saaka kolonyo ka tirsan Ciidamada AMISOM lagula eegtay degmada Heliwaa ee gobolka Banaadir. Qaraxa oo ahaa nuuca Miinada dhulka lagu aaso ayaa la sheegay in lala bartilmaameedsaday kolonyadaasi, xilli ay marayeen inta u dhexeysa Isgoysyada Ex Koontarool Balcad iyo Soos ee degmadaasi. Sida ay xaqiijiyeen dad Goobjoogayaal ah qaraxA ayaa haleelay mid ka mid ah Gaadiidka ay wateen Ciidamadaasi, wallow aan la ogeyn karin khasaaraha ka soo gaaray Sidoo kale wararka ayaa intaasi ku daraya in qaraxa kadib Ciidamada AMISOM ay dhinacyada u fureen rasaas ay ku dhinteen illaa 4 Qof,kuna dhaawacmay mid kale. Mid ka mid ah dadka deegaanka oo la hadlay Idaacadda Shabelle ee M/ Muqdisho Shabelle ayaa ka warbixiyay qaraxaasi. Halkan hoose ka dhageyso Codka. http://radioshabelle.com/wp-content/uploads/2018/11/cod-dagane-dagaal-.mp3 The post Kolonyo ka tirsan AMISOM Oo qarax lagula eegtay Heliwaa appeared first on Shabelle. View the full article

Muqdisho ( Sh. M. Network )-Golaha iskaashiga dowlad goboleedyada dalka ayaa ka digay faragalin ay sheegeen in lagu hayo doorashada K/ Galbeed Soomaaliya. War-Murtiyeed ka soo baxay golaha ayaa waxaa lagu Cambaareeyay faragalintaasi oo ay ku eedeeyeen dowladda dhexe ee federaalka Soomaaliya. Sidoo kale waxa ay soo dhaweeyeen Is casiladdii xalay ay ku dhawaaqeen xubnihii guddiga doorashada maamulkaasi. Halkan hoose ka Akhriso:- The post GIDG Oo ka digay faragalinta doorashada Koonfur Galbeed appeared first on Shabelle. View the full article

Ciidamada AMISOM ayaa dad shacab ah waxa ay ku dileen nawaaxiga isgoyska Ex-control Balcad ee magaalada Muqdisho, kadib qarax lala eegtay gaari ay la socdeen askartan. Sida ay Goobjoog News u xaqiijiyeen dadka deegaanka, ciidankaan ayaa markii qaraxa lala eegtay waxa ay rasaas ku fureen dad shacab ah oo meel ku shaahayey. Inta la xaqiijiyey waxaa halkaasi ku geeriyootey Saddex qof, iyadoo dhaawucuna intaasi ka badan yahay. Qof ka mid ah dadka deegaanka ayaa inoo sheegay in ciidanka AMISOM ay gaadiidka gurmadka ah u diideen daqiiqado badan iney qaadaan shacabkii ay rasaasta ku dhaawaceen. Xaaladda halkii ay wax ka dhaceen hadda waa ay deggan tahay, ciidankii AMISOM goobta waa ay isaga tageen, inkastoo halkaasi ay gaareen ciidanka dowladda federaalka. Warkaan wixii kusoo kordha kala soco wararkeena kale Goobjoog News Source: goobjoog.com

Muqdisho ( Sh.M.Network):-Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2018/11/Warka-Subax-061118.mp3 The post Dhageyso:-Warka Subax Ee Idaacadda Shabelle appeared first on Shabelle. View the full article

Maamulka Jubbaland ayaa sheegay in bishan aynu ku guda jirno ee November ay wax badan ka bedali doonaa xaaladda amni ee deegaannada maamulkaasi ka arrimiyo. Jeneraal Mahdi C/salaan oo ah la-taiyaha dhanka ammaanka ee madaxweynaha Jubbaland ayaa warbaahinta u sheegay in shirkii amniga Jubbaland ee ka dhacay Kismaayo la isku raacay in la dar-dargeliyo dagaallada ka dhanka ah Al-shabaab. Waxa uu sheegay in la doonayo markaan in la kordhiyo meelaha lagula dagaallamayo Al-shabaab, islamarkaana laga wada shiray dib u dhacii howlgalladooda ku yimid bishii October. Halkaan hoose ka dhageyso: https://goobjoog.com/wp-content/uploads/2018/11/LATALIYAHA-AMNIGA-JUBBLLAND.mp3 Goobjoog News Source: goobjoog.com

Muqdisho (Caasimada Online)-Wararka naga soo gaaraya waqooyiga magaalada Muqdisho ayaa sheegaya in ciidamada AMISOM dad rayid ah ku laayeen xaafadda SOS ee magaalada Muqdisho. Arinta ayaa ka dambeysay kadib markii ciidamada AMISOM qarax lagula eegtay agagaarka SOS, sida dadka goobjoogayaasha ay sheegeen, waxaana kadib ciidamada AMISOM oo lugeynaya dileen dad rayid ah oo iska qaxweynayay. Afar ruux ayay siyaabooyin kala duwan saaka ciidamada AMISOM ugu dileen SOS ilaa Ex Control Balcad, waxaana dadka la dilay ku jiray ruux Dameer watay oo ku cararay Meel Garaash aheyd. Seddexda kale ayaa ku sugnaa maqaayad ku taala Ex Control Balcad, halkaasi oo la sheegay inay isaga qaxweynayeen, lamana oga sababta ciidamada ay dadka rayidka ah u dileen. AMISOM ayaa marka qarax lagula eegto ilaa Suuqa Xoolaha waxay furaan rasaas badan oo afarta dhinac ah, waxaana rasaastii saaka ku dhaawac dad xaafadahooda ku sugnaa. Waxaa haatan banaanbax xoogan uu ka socdaa halka saaka rayidka lagu dilay, waxaana dadka ay kasoo horjeedaan tacadiyada ciidamada AMISOM ka geystaan Degmada Heliwaa ee gobolka Banaadir. Caasimada Online Xafiiska Muqdisho Caasimada@live.com

Wararka naga soo gaaraya Ex-control Balcad, degmada Hilwaa ee magaalada Muqdisho ayaa waxay sheegayaan in halkaasi qarax Miino lagula eegtay gaari ay la socdeen askar ka tirsan ciidanka AMISOM. Goob jooge ayaa sheegay in qaraxan uu ahaa mid xooggan, islamarkaana ay ka dhalatay khasaare kala duwan. Ciidamada AMISOM ayaa iyaguna la sheegay in ay fureen rasaas xooggan oo waxyeello soo gaarsiisay dad shacab ah oo goobta ka dhowaa. Weli lama oga khasaaraha ka dhashay qaraxan inta uu la egyahay, iyadoo xaaladdu tahay mid aad u adag. Warkaan wixii kusoo kordha kala soco wararkeena kale Goobjoog News Source: goobjoog.com

Wararka ka imaanaya degmada Heliwaa ee magaalada Muqdisho,gaar ahaanna xaafadda Soos ee Ez Control Balcad ayaa sheegaya in halkaasi qarax miino lagula eegtay ciidamo ka tirsan AMISOM. Qaraxa oo sida la sheegay ahaa miino dhulka lagu aasay ayaa haleeshay kolonyo ka tirsan ciidamada Midowga Afrika ee AMISOM,inkastoo aan faahfaahin laga hayn khasaaraha gaaray ciidamadaasi. Dhinaca kale ugu yaraan 4 ruux ayaa ku dhintay ilaa 3 kalena waa ku dhaawacantay rasaas ay fureen ciidamadii qaraxa lala eegtay ee AMISOM,sida laga soo xigtay goobjoogayaal ah. Dadka ku dhintay iyo kuwa ku dhaawacmay rasaasta AMISOM ayaa la sheegay in dhammaantood ay shacab ahaayeen,kuwaasoo xilliga rasaasta lala dhacay fadhiyay maqaaxi halkaasi ka agdhoweyd. Jawiga xaafada ayaa haatan qasan waxaana ka socda muddaharaad looga horjeedo dhibaatada ay shacabka u geysatay AMISOM,sida ay sheegayan dadka degaanka. PUNTLAND POST The post AMISOM oo dad shacab ku laayay Muqdisho appeared first on Puntland Post.

Madaxweynaha K/galbeed Shariif Xasan Sheekh Aadan ayaa wareegto shaqada kaga eryey wasiiru dowlihii wasaaradda dhallinyarada iyo ciyaaraha ee maamulkaasi. Waxa uu sheegay Shariif Xasan in sababta ugu weyn ee shaqada looga eryey Abba Awow Suufi ay tahay kadib markii uu Aflagaado sameeyey, uuna ku xadgudbay nidaamkii u yaallay wasiirada. Halkaan hoose ka akhriso: Source: goobjoog.com

Madaxweyne Muuse Arinkiisu waa Qawda maqashii oo waxba ha u qaban Sool iyo Koonfurteedka Xaladaha Aaga we ka jira? Halka Ummadu ka Aamusan tahay,Sool iyo Dhibaatada ka jira , Mucaaradkana Tooshkoodu yahay mid Muuse uun laygu ifinaayo . Madaxweynaha JSL Md Muuse Bixi Cabdi waa markii labaad uu meel fagaare ah kaga hadlo Dagaalkii ka dhacay Gobolka Sool Koonfurtiisa iyo dhibaatadii ka dhalatay ee Naf bax iyo Dhaawac ba leh . Waxa Howl gal ah oo Xukumadiisa Guud ahaan ba iyo ta Ummada JSL oo la taaban karto ku dhawaaqday ama kaga qayb qaadanayso xal-uhelida dhimaabada ka dhacaday Gobolka Sool Koonfurtiisa wali ma jirto . Waa marki ugu horeysay ba la odhan karraa ee sidani ay dhacdo , Meesha waxa ka dhaceen iyo Ummada isku shufbeeshayba waa Ummadii Jamhuriyad Somaliland inay labo isu keen -raacan ma ahayn waxii lagu yiqiin Ummadeena iyo sharafeeda . Tolow marka Madaxweynaha Arinkiisu ma “Qawda maqashii oo waxba ha u qaban baa” Ma uu iska Aamusnaado sidaa ayaa u wanaagsan lahayd! Waayo Aranita sidaa u Qadhaadh ee aanu wax howl gal ah ka gelin inuu ka hadlo ma qurux badana. Sidaa Ummaduba uga amusan tahay ayaa la gudboon Madaxweynaha iyo Xukumadiisa ba . Mucaradkii iyaguna waxay noqdeen kuwo Tooshkoodu yahay inay Xukumada Muuse uun ku shidaan oo wax kasta oo soo foodsara Qaranka dhinac kast ha noqotee waxay u haysatàn inaan Xil-kasareyn ka howl galkeeda iyo u dhaqaadiida ba. Taasi ma noqon karto Mucaarad sugan oo Aqoon ,karti, Hagar baxa Qaranku ka muuqdo ee waa Mucaraad ah u adeegaya Danta shiekhsiga iyo sheega shada waxa aan dhab ahayn oo aan muuqan oo aan dhaqaaq iyo damqasho ,lex-jecelo la,aan ku isugu soo Biyo – shubaneysa . Waxa ummada wax Garadka iyo da,ayarat iyo inta damiirka dadnimad lihi shaqaynaayo in si wada jir ah loogu gurmado Arinta Maanta Dalkeena gudihiisa ka dhacaday ee Soomaalidii Koonfurta iyo Galbeedka iyo kuwii Wajeer ,Madheeri inooga horeeyen gurmadkoodii iyo soo ba gaadheen walina goobta aan lagu heyn wax Jamhuuriyada Somaliland ah . Iyado laba kaalmood oo waa weyn aynu kaga qayb qaadan karno oo kala ah. In Madaxweynuhu dul-dhigoo Cidan ka Qaranka oo mug iyo Miisaan leh xasiloonida iyo kala dabeynta gacan wax ku ool ah ka geysta inta ay socoto waan waanta iyo su soo jiidka Labada Beellood ee Walaha ee dhibaatadu dhexartaya Wuufuda kale duwan ee Gurmad ah ee halka yimi dhinac kasta oo ay ka yimaadeen ba ka dhex wadaan isla mar ahanata doonayan in xal oo helo dhibaatad so oaf-jarkeeda , halkaana karam iyo haykalka Nabada iyo Dawladnimada Jamhuuriyad Somaliland waxay tahay iyo halka ay mareyso si dadban oo cilmiyeeysan loo dareensiiyo Soomalida kala duwan ka kala timi saddex Meelood oo Somaalidu degto oo kala Kiiniya ,Ethopia Soomaaliya . Halka kale wax in Gurmadka oo mid Ciidan ,Ummadeed iyo midka guud ahaaneed oo Heer Qaran ah iyadan in lagu dhaqaaqo balse Madaxdii iyo Ummada Haldoorkeed wali wax u dhaqaaqay lama arko marka laga tegi waayo mid meelah asago Hudheel fadhiya hadal ku yidhi mooyaan sida Madaxweyne Muuse Bixiiyo xukumadiisiba Ficilkood iyo aqoontodu kartiidood.Masuuliyadii dhameyd ee sareyd wax meel ka muuqda ama isu xilqaama aan la kareyn maba la maqleyn ilaa iyo haatan la joogo . Waxa arinkeeni ku soo afmeer maya sheegasho iyo hadal meel laga yidhi taasina Qaran ahaan ma wanaagsan guuldarro inoo horseedo mooyiye . Gebo-gebadii Gunaanka Ummadu waxay leedahay Muuse bixi ma waxanu ku moodna mise waxaan loo noqon doonin ! , Waa intii codkood iyo Cuduuda dul-dhigay dhaqaale inuu hogaanka Dalka, qabto ee waa inta mudan inay dibu eegis ku sameeyaan waxay tacabkoodii dhalay Maanta Xerro u jira . Marka ummad waxa la gudboon inay dib u eegis ku sameeyaan . Hadii Madaxdii Qaranku Haraabkii la sheegay iyo isku quful noqotay ,Mucaaradkuna noqdeen kuwo dhibaatooyinka Qaranka soo foodsaaray ka yihiin kuwo Moogan kana dareen waxyaabah Mucaardnimadood adkeynaya kana dhigaya kuwo u leylyan inay hantaan hogaanak dalka kuna soo badhigaan Hufanaantood iyo himiladooda Aqooneed Karti Waayo-aragnimo . Abokor Mohamud abokorm@Hotmail.co.uk Bolton UK Qaran News

Qoraal kasoo baxay golaha iskaashiga dowlad goboleedyada ayaa si kulul waxaa loogu cambaareeyey farogelinta dowladda federaalka ee ku aadan doorashada K/galbeed. Golaha ayaa ka digey in farogelintaasi ay horseed u noqoto dagaallo sokeeye oo ka dhacay K/galbeed iyo sidoo kale in la isku diro shacabka wada deggan gobolladaasi. Sidoo kale, golahan ayaa soo dhoweeyey go’aankii ay qaateen guddiga doorashada K/galbeed xubno ka mid ah oo ah iney is casileen. Halkaan hoose ka akhriso: Goobjoog News Source: goobjoog.com

Ka Bogo: Sababta ka danbaysa Khilaafka Xisaabiyaha Guud iyo Wasiirka Maaliyadda Somaliland Waxa jirtay in uu Wasiirka maaliyaddu dhawaan soo saaray warqad ula jeedadeeduna tahay Bedel Shaqaale oo uu u soo qoray xisaabiyaha guud ee qaranka. Hadaba ugu horaynba wasiirku awood uma laha awood qaanuuni ah oo uu ku badali karo masuuliyiinta uu sheegay inuu is badal ku sameeyay. Sababta koowaad ayaa ah in Madaxwaynaha Jamhuuriyadda Somaliland uu sanadkii badhtankiisii soo saaray xeer madaxwayne oo ujeedadiisu ahayd madax-banaanida Xafiiska Xisaabiyaha Guud ee Qaranka si uu u hanto ilaalinta isla-xisaabtanka maaliyadeed ee dalka si aan miisaaniyadda qaranka kharash-garaynteedu ugu lumin hanti-lunsi, horena dalkan usoo ragaadiyay mudooyinkii hore. Dadaalka madaxwaynaha ayaa ahaa inuu ka handaraabo wasiirada iyo madaxda kale ee dawladdu inay sifo aan sax ahayn kula baxaan hantida umadda xafiiskuna uu noqdo mid ilaaliya kana joojiya arrintaas cid kasta oo isku dayda. Sababta labaad ayaa ah in madaxwaynuhu horeba u soo saaray xeer nidaamiye judhii uu xilka madaxtinimo la wareegay kaas oo ka hadlaya dhismaha wasaaradaha iyo hay’adaha xukuumadda, isagoo xeernidaamiyahaasi Xafiiska Xisaabiyaha Guud ee Qaranka ka mid dhigaya 17-ka hay’adood ee dawliga ah ee gaarka ah kuwaas oo u shaqeeya si madax banaan. Xafiiska Xisaabiyaha Guud ee Qaranku waxa uu muhiimad ballaadhan u leeyahay dhismaha qaranka, una madax banana yahay gudashada waajibaadkiisa shaqo isagoo kaliya xidhiidh wada shaqayn ah la leh wasaaradda maaliyadda. Xidhiidhna la leh dhammaanba wasaaradaha iyo hay’adaha dawladda. Hadaba ula jeedooyinka ugu muc wayn ee uu wasiirku ka leeyahay ayaa ah qaar ka yimid awoodiisa hawl fulineed oo liidata, taas oo uu ku qarinayo dhaliilo badan oo mudooyinkii u danbeeyay ba dul hoganayay wasaaradda. Wasiirka maaliyaddu wuxuu meel kaga dhacay nidaamkii dalka isagoo wiil beeshiisa ah kaas oo ay qaraabo dhaw yihiin doonaya inuu gaysto kharash bixinta guud ee xafiiska. Isagoo doonaya inuu marsado hanti boobka uu wado. Taas oo dhaawac ku noqonaysa xafiiska oo shaqadiisu tahay ilaalinta kalsoonida iyo aaminaadda nidaamka maaliyadeed ee dalka. Wasiirku mudadii uu xilka hayay waxa hoos u dhac wayni ku yimid dakhli ururintii isagoo dad sidiisa oo kale ah meel walba dhigtay kastam iyo cashuuro berri ba. Isagoo markiisii hore ee uu kastamada joogay ku caan baxay xatooyo hanti umadeed oo baahsan, marar bandanna xilal hore lagaga xayuubiyay kadib markii lagu qabtay. Imikana isaga iyo asxaabtiisii ay u miciyo lisanayaan inay halkii ka wataan hawshoodii. Taas oo durba keentay dakhligii oo la waayay, lagana yaabo inaan mushahar la bixin Karin mudada sanadkan ka hadhsan. Waxa xusid mudan in xafiisku laf dhuun gadhay uu ku noqday shaqo xumada wasaaradda, iyadoo hadda, waa markii ugu horaysay taariikhdee uu baadhitaan ku socdo wasaaradda taas oo uu wado xafiiska hantidhawrka guud ee qaranku. Waxay u muuqataa in wasiirku ul booca ugu tukubayo iskuna dayayo inuu danbabaso maamul xumo uu kusoo ragaadiyay wasaaradda ilaa mudadii xukuumaddani dhalatay taas oo keentay dhaqaale burbur baahsan oo isugu jira dakhli yaraan, sicir barar iyo jahawareer cashuur kordhineed oo aan geedna haysan. Hadaba waxa laga dhur suagayaa madaxwaynaha go’aanka uu ka qaato iyadoo la hadal hayo mudooyinkii u danbeeyay ba in wasiirka laga badalayo booskan uujarka ka tuuray milgihiisii iyo kaalintii uu qarankan ku lahaa. Qaran News

Jamaal Khaashuqji dabadii, Sacuudi Carabiya oo si xun u dishay suxufi kale Qoraagii reer Sacuudi isla markaasna ahaa Wariye Turki Bin Abdul Aziz Al-Jasser ayaa dhintay kadib markii lagu jir dilay Xabsi ku yaal dalka Sacuudiga, sida uu qoray wargeyska New Khaleej. Arrintan ayaa imaneysa bil kadib markii Sacuudiga ay qirteen in suxufi Jamaal Khaashuqji lagu dhex-dilay qunsuliyaddooda magaalada Istanbul ee dalka Turkiga. Illi wareedyo Xuquuqul Insaanka u doodo ayaa sheegay in Al-Jasser la xiray isla markaasna uu jirdil u dhintay kadib markii ay dowladda Sacuudiga ku eedeysay inuu maamulayey akoonka Twitter ee Kashkool kaasoo hadda la xiray kadib markii ay dacwad ka gudbiyeen qoyska Boqortooyada. Sida ay illo wareedyada xaqiijiyeen Al-Jasser ayaa loo aqoonsaday inuu ahaa ninkii Maamulayey Akoonka Twitterkaa uuna ku shaqeenayey Xafiis ku yaalo Dubai. Wariyahaan ayaa waxaa la xiray Bishii March ee sanadkaan, waxaana lasoo sheegayaa inuu u dhintay tacadi xoog leh oo loogu geystay xabsiga dhexdiisa. Dilkaan loo geystay wariyahaan ayaa wuxuu kusoo aadayaa Xilli ay weli Sacudiiga dhexda kaga jirto fadeexadii ka dhalatay dilkii dalka Turkiga loogu geystay Wariye Jamal. Boqortooyada Sacuudiga ayaa u qorsheysay dil iyo xabsi cid kasta oo ka hor timaado amaradooda, waxayna Awoodii dalkaas kusoo koobmatay Qoyska Boqortooyada. Qaran News

Taallo loo sameeyay ciyaaryahan Maxamed Saalax oo laga maadsaday: SAWIRRO Taallo cusub oo dhawaan loo sameeyay ciyaaryahan Maxamed Salaax oo u dheela qaranka Masar iyo kooxda Liverpool ayay dadka baraha bulshada isticmaala ay aad ugu shactaraysteen, iyaga oo barbardhigaya taalladii hadda ka hor Cristiano Ronaldo loo sameeyay ee markii dambana la baddalay. Tallada Mo Salaax ayaa taalla barxadda shirka dhallinyarada adduunka ee WYF oo hadda ka socda magaalada Sharm al-Sheikh. Mai Abdel Allah oo ah qofka sameeyay taallada ayaa ayaa warbaahinta Masar u sheegay in sababta uu u sameeyay ay tahay in Saalax uu u taagan yahay wanaagga dhallin yarada Masar. Qaran News

Muuse Biixi Wuu Dheel Dheelayaa Wax Kasta Oo Doorasho La’aanta Ka Yimaada Isagaa Qaadi Doona Guddoomiyaha Xisbiga Mucaarid ah ee WADDANI Mudane Cabdiraxmaan Maxamed Cabdilaahi Cirro ayaa jawaab adag ka bixiyay hadalo dhawaan ka soo yeedhay madaxweyne Muuse Biixi Cabdi. Gudoomiye Cirro waxa uu ku eedeeyay Madaxweyne Biixi inaanu daacad ka ahayn Kulamadii kala duwanaa ee ay yeesheen islamarkaana uu dheel dheel iyo ciyaar uun uga jeeday, waxa uu nidar ku galay inaanu kulan dambe keligii la yeelan doonin, isagoo sidoo kalena sheegay inay masuuliyadda Madaxweynaha tahay oo lagala xisaabtami doono inay doorashada Golayaasha Qaranku wakhtigooda ku qabsoomaan. Gudoomiye Cirro oo ku sugan Dalka Ingiriiska ayaa waxa hadaladiisii ka mid ahaa “Maamuladdii kala dameeyay ee Somaliland Soo maray midba duruufihiisa ayuu lahaa,laakiin dhaliilo intii hore ka badan ayaa Xukuumaddihii kala dambeeyay ee Kulmiye Shacbigu usoo jeedinayay,hadii ay tahay Midnimada Shacbiga, hadii ay tahay Dhinaca Amniga, haddii ay tahay Dhaqaalaha, inta dhaliilo faro badan ayay shacbigu hadh iyo habeen soo jeedinayaan in badani wax way ka jiraan Soo jeedimahaasi Shacbiga ka imanaysaa iyo dhaliilahaasi”ayuu yidhi gudoomiye Cirro oo u waramay Universal tv. Sidoo kale gudoomiye Cirro waxa uu sheegay in masuuliyada doorashadu ay saaran tahay madaxweyne Muuse Biixi waxaanu yidhi “Qaranka waxaa hogaaminaya oo sida dastuurku sheegayo ka masuul ah Madaxweynaha, Doorasho inuu qabtana Madaxweyaha ayuu xilkeedu saaran yahay,wixii dhaliil ah ee Dib u dhaceeda ku yimaadana isaga ayaa ka masuul ah, annagu doorashada diyaar ayaanu u nahay Xisbi ahaan, Mana aha markii u horaysay ee komishanka la soo jeediyo in la badelo, Xisbiga KULMIYE 2009-kii waxa uu soo jeediyay in Komishanka la badelo isaga oo aan waliba doorasho qaban, waxa uu soo jeediyay in Doorashadii deenka iyadoo markaa diyaar ahayd in dib loo dhigo, labadii arimoodba waa uu aqbalay Madaxweynihii wakhtigaasi Daahir Riyaale Kaahin, Muu odhanin Maxkamadda Ha tagaan, Markaa waxaan qabaa Sabab kasta oo ay Doorashadu dib ugu dhacdo masuuliyadeeda Cidi la wadaagi mayso, Madaxweynaha ayaa iska leh”. Dhinaca kale gudoomiye Cirro ayaa faah faahin ka bixiyey siyaasada uu xisbiga Waddani kula dhaqmayo xukuumada “waxa laga yaabaa in Dadka Qaarkood ay yidhaahdaan WADDANI dawladda wuu ku kacsan yahay, laakiin waxaan sheegayaa inaan Toban jeer la kulmay Madaxweynaha, Anigoo keliday ah iyo anaga oo Xisbiyo ah ama Xisbiga WADDANI kelidiis ah, intaa waxaanu kala hadlaynay dee arimo qaran uunbay ahaayeen, Doorashooyinku ka mid ayay ahaayeen, haseyeeshee Waxaa ayaan daro ah Maalintii dhawayd ee BBC-du waraysiga ka qaaday Madaxweynaha, waxaa ka muuqatay Madaxweynaha Hadalkiisa ama Nuxurkiisu ahaa Kuma khasbani wixii talo ah ee ay soo jeediyaan Xisbiyadda Mucaaridka ahi, taas macnaheedu waxa weeyi inaannu qiime weyn siinaynin Waxaasi oo kulamo ah ee lala yeeshay Macnahiisu waxa weeyaan uun sidaan anigu u fahmay “ii kaalaya aan isla kiin sawiro, taydana waan ku soconayaaye”, taasina arin Suurtagalaysa maaha, anigu shakhsiyan waxaan hadda u sheegayaa dhamaan shacbiga reer Somaliland, anigu shaqsiyan laba jeer ayaan la kulmay Madaxweynaha, Markaan dhagaystay hadalkiisii maalintii dhawayd iyo qiimaha uu siinayo Gudoomiyayaashu inay la kulmaan iyo Axsaabtu waxaa iiga muuqata inaanay Macno badan u samaynayn la kulankoodu, markaa Shakhsiyan waxaan go’aansaday inaanan mar saddexaad keligay Madaxweynaha la kulmin”. Ayuu hadalkiisa ku soo gabo gabeeyay. Qaran News