Muqdisho (Caasimada Online) – Ra’iisul wasaaraha xukuumadda federaalka ee fadhigeedu yahay magaalada Muqdisho Xasan Cali ayaa ka hadlay mowqifka xukuumaddiisa ee khilaafka dowladaha Khaliijka. Wuxuu sheegay in dowladda federaalku ay gaartay go’aan la mid ah mowqifyo ay qaateen dowlado badan oo uu ka carrab ***** dowladaha dariska, Ingariiska iyo Faransiiska. “Waxaan ku soo beegannay iyadoo wadamada Khaliijka dhexdooda uu khilaaf ka jiro, waxaan isku daynay inaan gaarno go’aan dhexdhexaad ah oo ay gaareen dowladaha dariska ah oo ay kamid yihiin Itoobiya, Kenya, Uganda, Tanzania, Norwey, Ingariiska oo Faransiisku gaaray.” Ayuu sheegay RW Kheyre. “Waan naga la diiday annaga ama waa la aamini waayay in la aqbalo sababtoo ah waxay iyaduna salka ku heysay dhaqan horey oo la soo dhaafay, iyaduna waxay salka ku heysay musuqmaasuq, iyaduna waxay salka ku heysay qaab dhaqameed ah in dunida ay aaminsan tahay in go’aan walba oo aad gaarto lagaa beddali karo, sababtoo ah si uun baa laguu musuqmaasuqi karayaa” ayuu yiri Raysal Wasaare Cali Xasan. Mudane Xasan Cali ayaa intaas raaciyay in qorshahaasi uu ku saleysnaa in madaxda qaranka la kala qeybin karo. Hadalka wasiirka koowaad ee xukuumadda FS Xasan Cali ayaa imaanaya iyadoo wali khilaafkii Khaliijka uu sidiisa u taagan yahay, kaasoo saameyn ku yeeshay siyaasadda arrimaha gudaha ee Soomaaliya. Saameynta, uu yeeshay khilaafkaasi waxaa kamid ah kala qeybsanaan soo kala dhex gashay dowladda iyo dowladaha xubnaha ka ah ee gobollada kuwaasoo illaa maanta khilaaf soo jiitamaya uu ka dhaxeeyo walina aan loo helin xal. HOOS KA DHAGEYSO CODKA KHEYRE https://www.caasimada.net/wp-content/uploads/2018/11/Kheyre.mp3Caasimada Online Xafiiska Muqdisho Caasimada@live.com

Riyadh (Caasimada Online) – Boqortooyada Sacuudi Carabiya ayaa gashay weji halis ah, kadib markii la ogaaday in dilka suxufi Jamaal Khaashuqji ay fuliyeen ciidamo amni oo gaar ah, kuwaas oo bil ka hor ka tegay magaalada Riyadh, islamarkaana tegay magaalada Istanbul ee dalka Turkiga. Waxaa sidaas weriyey wargeyska New Yorker ee Mareykanka kasoo baxa. Wargeyska ayaa qoray in inkastoo wax badan ay iska cad yihiin, haddana weli ay jiraan faah-faahinno jawaab u baahan, sida halka la geeyey meydka Jamal Khaashuqji, iyo in dhaxal-sugaha Sacuudiga Maxamed Bin Salmaan uu yahay ninkii amray dilka. Waxaa taas dheer, in qunsulkii Sacuudiga ee Istanbul Maxamed Al-Cutayba, oo wax badan ka ogaa arrintan uu Turkiga ka tegay laba toddobaad kadib kadib markii qunusliyaddiisa lagu dhex dilay Jamaal Khaashuqji. “Si is-daba jog ah ayay uga been sheegeen dilka Khaashuqji iyo ku lug lahaanshaha xubnaha sare ee boqortooyada ee kiiskan, sidaas darteed ma jirto sabab loo qaato in Sacuudiga aysan ka warhayn halka uu jiro meydka” ayaa lagu yiri faallada New Yorker. Su’aal kale oo wargeyska is-weydiiyey ayaa ahayd “Maxaa Maxamed Bin Salmaan uu ugu adkeysanayey ka aamusnaanta kiiska Khaashuqji” Wargeyska ayaa dhinaca kale maamulka madaxweyne Donald Trump ku eedeeyey inuu waxba ka qaban in la helo runta kiiska Khaashuqji, sababtuna ay tahay in uu yahay kan ka dambeeya Maxamed Bin Salman, oo muhiim u ah qorshaha Aqalka Cad ee Bariga Dhexe. Arrimahan oo idil, ayaa wargeyska uu leeyahay, waxay carro ka dhex abuureen gudaha boqortooyada, hase yeeshee waxaan weli jirin awood meesha looga saari karo Maxamed Bin Salmaan, oo cid kasta oo ka hor-timaada xabsi u diraya. Warbixintan oo Muuqaal ah daawo, ama qoraalka hoos kasii aqriso Carrada haddii ay sidan ku socoto waxaa ka dhalan doontaa in boqortooyada kala jabto, waxaana muuqata in qoyska xukuma Sacuudiga uu galayo weji halis ah” ayuu lagu qoray wargeyska New Yorker. “Shaqaaqooyinka Sacuudiga ma lahan hab siyaasadeed oo looga baxo oo aan ahayn awood” waxaa sidaas yiri Bruise Reidel” oo ah khabiir ku taqasusay arrimaha Bariga Dhexe. Dhinaca kale, Amiirka Sacuudiga ee dibad jooga ah, Khalid Bin Farhan Al Saud ayaa sheegay inuu jiro qorshe socda oo la doonayo in afgambi loogu sameeyo boqor Salmaan iyo wiilkiisa dhaxal-sugaha ah Maxamed Bin Salmaan. “Waxaad dhowaan arki doontaa afgambi ka dhan ah boqorka iyo dhaxal-sugaha” ayuu yiri Khalid Bin Farhan Al Saud, oo ka hadlayey dilka Jamaal Khaashuqji, oo ahaa suxufi kasoo horjeeda boqortooiyada. Khalid Bin Farhan Al Saud, ayaa shaaca ka qaaday in Khaashquji uu qorsheynayey inuu qoro buugiisa xusuus qorka, kaasi oo sir badan shaaca ka qaadi lahaa, taasina ay tahay sababta loo dilay. Caasimada Online Xafiiska Muqdisho Caasimada@live.com

Sidii maalmahanba la hadal hayey waxaa si rasmi ah uga tanaasulay in uu dib isu sharraxo Madaxweynaha xilka ka dhammaaday ee Koonfur Galbeed Shariif Xassan Shikeh Aadan kaddib shir jaraa’id oo uu madaxtooyadiisa ku qabtay. Tallaabadan uu qaatay Shariif Xassan ayaa timid kaddib cadaadis ba’an oo uga yimi dhinaca dowladda Federaal-ka iyo murashixiinta loolanka kula jira. Hadaba maxay is-casilaadda Shariif Xasan uga dhigan tahay Golaha Iskaashiga Maamul Gobolleedyada? Golaha Iskaashiga Maamul Gobolleedyada oo uu khilaaf xooggan kala dhexeeyey dowladda dhexe ayaa shirkoodii ugu dambeeyey Shariif Xassan ugu doortay in uu noqdo gudoomiyahooda. Yeelkeede, hadda oo uu is casilay ayey su’aashu tahay ayaa ah “Gudoomiyaha” Golahaas? Go’aankaas waxa uu ku noqday Golaha Iskaashiga laba dhabar jar. 1 – Waxaa wiiqatan tahay awooddii Golaha Iskaashiga Maamulada, oo waxaa meesha ka baxay xubn muhiim u ahaa, xilli golaha uu markii horeba waayey madaxweynaha HirShabelle. In Shariif Xassan looga adkaaday loolankii siyaasadeed ee Baydhabo kama dhigna oo qura in isaga laga taqalusay, hase ahaatee, waxaa si weyn u kala daatay Golihii Iskaashiga ee uu madaxda ka ahaa. Waxay tani abuureysaa cabsi ku saabsan waxa kusoo socda xubnaha kale ee golaha. 2 – Waxaa go’doon siyaasadeed galay Axmed Madoobe Tallaabada uu qaaday Shariif Xassan waxa ay nabar iyo naxdin ku noqotay Madaxweynaha Maamulka Jubbaland oo u muuqda mid cidla ku soo dhici doona. Dowladda waxa ay hore u kala dhantaashay Golaha Iskaashiga kaddib markii ay la heshiisay Madaxweynaha Hirshabeelle Maxamed Cadi Waare. Sidoo kale waxa ay si weyn u wiiqday awooddii Axmed Ducaale Geelle Xaaf oo laftiisa hadda u muuqda mid ugu dambeyn is casili doona maadama uu garabkiisa ka waayey, ku xigeenkiisa, gudoomiyihii baarlamanaka iyo waliba madaxidii Golaha Xukumadda. Dhinaca kale Puntland wax ay dhawaan yeelan doontaa Madaxweyne Cusub taas oo gebe’ahaanba go’doomin doonta Axmed Madoobe. W/Q: Mahad Cabdullaahi Diini Nairobi, Kenya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Muqdisho (Caasimada Online) – Dowladda Federaalka Soomaaliya ayaa culeesyo dhanka maamul goboleedyada la kulantay waxii ka dambeeyay Golaha iskaashiga ay magaalada Kismaayo kaga dhawaaqeen inay xiriirka u jareen dowladda Soomaaliya. Dhamaan madaxda maamul goboleedyada ayaa halkaasi ka jeediyay hadalo kul kulaa oo ay ku weerarayeen madaxda dowladda Soomaaliya, waxaana khudbadaha ugu adag xiligaasi jeediyay madaxweynaha Hirshabeelle Maxamed Cabdi Waare iyo madaxweynaha Jubbaland Axmed Madoobe. Waare, Markii uu kusoo laabtay magaalada Muqdisho ayuu jeediyay eedeymo kale oo adag, balse maalmo kadib markii lagu qanciyay dhaqaalo, lana joojiyay mooshin xildhibaanada ay ka wadeen wuxuu shaaciyay inuu la heshiiyay dowladda Soomaaliya, waxaana uu ku waayay garbihii uu ka heystay Maamulada dalka. Waxii intaasi ka dambeeyay waxaa aad loo hadal hayay sida uu noqon doono xaalka Shariif Xasan Sheikh Aadan oo doorasho ay ku wajahneyd, balse ciyaar siyaasadeed uu markii dambe farsameeyay ayuu u helay fursad lagula gorgortami karo, taasi oo ugu dambeyn qasabtay inuu iska casilo xilka madaxweynaha Koofur Galbeed kana tanaasulo musharaxnimadiisa. Si walbaa oo ka dambeysa iscasilaada Shariif Xasan waa Guul kale oo ay gaareen madaxda dowladda oo u muuqda inay kala furfureen golaha iskaashiga maamul goboleedyada, markii dhankooda uu noqday siyaasigii ugu sareeyay. Maamulada ayaa dareemay culees adag, markii laga hor istaagay safaro badan oo gobolka ay ku tagi jireen, iyaga oo dowladaha ay u tagayaan kala hadli jiray arimaha siyaasadda Soomaaliya. Waxaa hadda ku xiga madaxweynaha Galmudug inuu aqbalo la heshiinta dowladda Soomaaliya, maadaama markii hore culees dhanka Cadaado uu heystay, waxaa ku biiray madaxa Xukuumadda oo ahaa ruuxa uu taageero ka sugayay, laakiin kasoo jeestay dhanka dowladda. Axmed Ducaale Xaaf, waxaa hadda uu u dhow yahay inuu noqdo madaxweynaha Seddexaad ee ugu dhow inuu la safto dhanka dowladda Soomaaliya, maadaama culeesyo ay heystaan. Cabdi Welli Gaas, ayaa noqon kara ruuxa afaraad maadaama isagana labo bil kadib doorasho ay ku fool leedahay, waxaana hadda la hadal hayaa shaqsiyaad gaadiidka aan xabadda karin kala dagay deegaanada Puntland, kuwaasi oo musharixiin ah. Axmed Madoobe, ayaa heysta taageerada dowladda Kenya, laakiin siyaasad ahaan Kenya waxay la safan tahay dowladda Soomaaliya, waxaa Axmed Madoobe uu heystaa fursad ah in maamulkiisa uusan ka talin meelo badan, taasi oo keeni karta in Kismaayo uu xooga saaro inaysan tagin siyaasiyiin aan la dhacsaneyn howlaha uu wado. Caasimada Online Xafiiska Muqdisho Caasimada@live.com

Madaxweynaha waqtiga ka dhammaaday ee maamul goboleedka Koofur Galbeed Soomaaliya Shariif Xasan Sh. Aadan oo muddo 4 sano ah hogaaminaayey maamulkaas ayaa ku fashilmay hogaamintii maamulkaas maadaama uusan waxba ka qaban sababihii loo doortay oo ahayd in uu ka shaqeeyo danaha shacabka reer Koofur Galbeed iyo hadafkii dowladnimo. Shariif Xasan oo waqtiga ka dhammaaday ayaan waxba ka qaban arimaha ugu muhiimsanaa ee laga doonaayey maamulkiisa sida: 1. Arimaha Bulshada: Maamulka Shariif Xasan ayaan waxba ka qaban horumarinta waxbarashada deegaanadaas iyo sidoo kale xarumo caafimaad oo lagu daryeelo dadka xanuunada la daaweyn karo u dhimanaya. Waxaa deegaanadaasi ka jira goobo waxbarasho iyo caafimaad oo si gaar ah loo leeyahay oo aan dad badani fursad u heli karin. 2. Arimaha Amniga: maamulka lagu hungoobay ee Shariif Xasan wuxuu ku guul dareystay in uu wax ka qabto dhanka amniga deegaanadaas taasoo ay tusaale u tahay amni darada ka taagan deegaanada KG oo isagaba ku qasabtay inuu diyaarad u adeegsado safaradiisa uu ku tago meelo ka mid ah maamulkiisa. waxaa shacabka ku safra jidka u dhexeeya magaalada Baydhaba ilaa Mogdisho lagu dhibaateeyaa maalin kasta. 3. Dhanka Dhaqaalaha: markaad eegto deegaanada maamulkaas waxay aad ugu tiisan yihiin beeraha iyo xoolaha, maamulka Shariif Xasan wax dhiirageliya uma sameyn shacabka ku tiirsan xoolaha iyo beeraha. Wuxuu sugaa kabka ay Dowladda dhexe siiso iyo inuu u qaraab doonto dalal shisheeye, wixii dhaqaalaha uu ka helo dowladda dhexe iyo dowladaha shisheeye asaga soo ma dhaafaan. 4. Dhanka Siyaasadda: Shariif Xasan intuu raadinaayey dantiisa gaarka ah ayuu ku fashilmay dhanka siyaasadda, wuxuu waqti badan ku lumiyey ka hor imaanshaha siyaasadda dowladda dhexe si uu dantiisa gaarka ah u helo. Gefefkii uu galay Shariif Xasan Sh. Aadan 1. Bishii November 2014-kii wuxuu lacag la tagay magaalada Baydhabo si uu ugu indha sarcaado dadka duruufaha badan haysta ee deegaankaas uuna u noqdo Madaxweynaha KG. 2. Wuxuu xilligaan noqday Madaxweynaha KG isagoon ku imaan rabitaanka dadweynaha. 3. Wuxuu madax weyne noqday iyadoon Xillibaanadii Golaha Baarlamaanka la soo dhisin si uu u dadajiyo helidda kursigaas. 4. Shariif xasan waxaa 17kii November 2014 soo doortay ergo uu gatay oo gaaraaya 396 qof. 5. Shariif Xasan wuxuu baal maray dastuurka maamulka KG, wuxuuna golaha wasiirada ku soo daray wasiiro dowlayaal aan dastuurku ku jirin. 6. Shariif Xasan wuxuu noqday madaxweynaha kaliya aanan lahayn madaxweyne kuxigeen sidaana xilkiisa ku dhameystay. Tani ah ayaa ah qodob kaloo dastuuri ah oo uu baal maray si uu keligii taliye u ahaado. 7. Shariif Xasan wuxuu gacan adag ku qabtay xillibaanada maamulka KG oo u diiday inay si xor ah u soo bandhigaan ra’yigooda iyo khaladaadka Shariif Xasan, wuxuuna ugu hajabi jiray inuu hakinaayo koontada mishaaraadkooda si uu u cuno qabateeyo. 8. Wuxuu ilba uusan ku eegin dib u heshiisiinta Beelaha Koofur Galbeed oo khilaafaadka iyo Dagaaladu dhex maray. 9. Wuxuu dowladnimada ka dhigay mid ku kooban madaxtooyada, xilliga uu joogana joogta xilliga uu safrana horey u raacda. 10. Shariif xasan weligii kama shaqeyn dan guud ama mid bulsho, wuxuu kaliyoo ka shaqeeyaa dantiisa gaarka ah. Sidaa daraadeed Shariif Xasan waa shaqsi ku fashilmay hogaanka maamulka KG, waxaase wax lala yaaba ah inuu markale isa soo sharaxo shacabkana wey naceen ee Xillibaanada Koofur Galbeedoow doorta qof mudan xilka madaxweyne, ha dooranino qofaan shacabku rabin hana gadanina damiirkiina oo doorta qof u danqanaaya Bulshashada KG, ka tarjumaaya rabitaankooda kana shaqeynaayo dantooda. Isbaddal waa lama huraan, Mahadsanidiin W/Q: Mr. Cabdullaahi Sh. Nuur Maxamed, aqoonyahan Soomaaliyeed Mogadishu – Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Muqdisho (Caasimada Online) – Kulan looga hadlayay amniga xeebaha Soomaaliya ayaa golaha amaanka ee Qaramada Midoobay waxay ku yeesheen magaalada New York ee dalka Mareykanka. Kulankaasi oo ku saabsanaa amaanka xeebaha Soomaaliya ayaa sidoo kale waxaa lagu soo hadal qaaday ka hortagida kooxaha burcad badeeda Soomaalida iyo kaluumeysida Sharci darada ee ka socdo xeebaha Soomaaliya. Inta uu socday ayaa waxaa Golaha amaanka ku meel mariyeen in Ciidamada Caalamiga ah ee jooga biyaha Soomaaliya ay muddo 12 bilood oo kale ah ka sii shaqeeyaan, taasi oo ka dhigan inay muddo sanad ah sii shaqeynayaan. Dhinaca kale Golaga Amaanka ayaa kulankay ku yeesheen New York waxaa ay Golaha shacabka Soomaaliya uga codsadeen in sida ugu dhaqsiyaha badan u meel mariyaan Xeerka Ilaalada Xeebaha Soomaaliya. Golaha ayaa sidoo kale codsaday in xeerarkaas ay muhiim tahay in lagu daro la xisaabtanka kuwa dambiyada,Burcadnimada Hubeysan iyo qalaalasaha ka wada biyaha Soomaaliya. Dhinaca kale Golaha amaanka ayaa bogaadiyay Dowladda Seychelles oo sameysay Maxkamad u gaara ah Burcad Badeedda,waxaa kale oo uu golaha ka codsaday Waddamada deriska ah iyo Hay’adaha ay u fududdahay in ay ka howlgalaan Soomaaliya in ay Maraakiib dagaal u diraan Biyaha Soomaaliya. Waxaana ujeedada ay tahay in lala dagaallamo Burcad Badeedda iyo Dambiyada ay geystaan dadka sharci darrada ku ganacsada sida Hubka sharci darrada kaga gudba biyaha Soomaaliya. Caasimada Online Xafiiska Muqdisho Caasimada@live.com

War-saxafadeed…. Xisbiyada UCID iyo WADDANI iyagoo oo la jaanqaadaya dareenka shacbiga reer Somaliland, iyagoo og in dalku u baahan yahay is-bedel doorasho oo ku yimaada Golayaasha Dawladda ee dhammaantod wakhtigii ka dhacay marka laga reebo Madaxweynaha iyo Madaxweyne ku-xigeenka, sida Guurtida, Wakiilada iyo Golayaasha degaanada , iyagoo ku qanacsan in is-bedelku ku yimaado hab dimuqraadi ah iyo codbixin, waxay ugu baqeen Madaxweynaha Somaliland Mud. Muuse Biixi Cabdi inuu qabto Doorashooyinka looga fadhiyo, inuu qodax tiro duruufaha ku geedaaman ee Koomiishanku kowga ka yahay ee Saamiga kuraasta Goboladu laba ka tahay ee kala xadaynta Degmooyinku saddexda yihiin. Waxa yaab leh Madaxweyne Muuse Biixi Cabdi oo tallada Waddanka hayay muddo sannad kodhaw, soo jeedimihii Mucaaridka kumuu raacin rayi saddexaadna muu keenin, tallabo aan garnaqsi ahayna lamuu shir iman. Ummadda Somaliland waxa la gudboon inay doorkooda qaatan una diyaar garoobaan sidii ay Dalkooda uga dhici lahayd doorasho u qabsoonta si nabad ah oo dimuqraadi ah oo waliba dulqaad ku jiro, gacan buuxdana ay siiyaan Axsaabta Mucaaridka ah. Tabashada Axsaabta Mucaarid ah ee WADDANI Iyo UCID Ee Ku Aadan Koomiishanka & Xukuumadda Isku Milmay. Walaalayaal, Sida curfiga dawladnimo yahay ee caalamku ku dhaqmo Qaran kasta oo Dimuquraadi ahi wuxu ka koobanyahay Xisbiyo kala aragti duwan oo Mucaarid iyo Muxaafidba leh, Somaliland oo ay ka jiraan saddex Xisbi Qaran waxa lagu tartamayaa waxa weeye sida loogu kala wanaagsanyahay u adeegida shacbiga iyo barnaamijka Xisbi kasta soo bandhigo, ma jirto colaad intaas ka gun dheer oo Xisbiyada ka dhaxaysa, waxaase nasiib darro ah in Xisbiga KULMIYE iyo Xukuumaddu colaad iyo dagaal dhaawac ku ah dimuquraadiyadda ku hayaan Axsaabta Mucaaridka ah iyo cid kasta oo ka rayi duwanaata, taas oo aan meelna ka soo galin tartankii Axsaabta ka dhaxeeyay iyo Dimuquraadiyadda, waxa kale oo nasiib darro ah inaynu 27-sanno kadib humaag galino sharciyada aynu dhiganay. 10-sanno muddo kudhaw waxaynu ku murmaynaa shuruuc ilaa 2008-kii waxaana taas sabab u ah marba Xukuumadda joogta oo aan diyaar u ahayn in la dhiso hay’adihii dhexda inoo noqon laha Sida Garsoorka oo aan madax banaanyn marka ma jirto meel laysula tagaa oo aan ka ahayn xeer jajab. Maanta Madaxweyne Muuse Biixi Cabdi sida shuruucdu dhigayso halkii uu guddi u saari laha eedaha Koomiishanka Doorashooyinka ayuu isagii Garyaqaan u noqday shahaadooyin wada shaqada ahna gudoonsiiyay, waa odaygii Somaliland waa Madaxweynahii Qaranka misana taasi ficilada laga arkay kama muuqato. Maxaa la gudboon Axsaabta Mucaaridka ah. Xisbiyada Mucaaridku iyagoo eegaya oo xeerinaaya xaaladda nugul ee ay ku sugan tahay Somaliland oo ummaddii ay hadheyeen abaaro riiqdheeraaday iyo sicir –barar danyartii saamayn xun ku yeeshay, iyagoo xog-ogaal u ah culayskii Ummadda ka soo gaadhay halgankii dib-u-xoreynta dalkan, iyaga oo eegaya mustaqbalka da’yarta dalkan curdinka ah, iyaga oo ilbuuxda ku haya colaadaha ka taagan geeskan Afrika, waxa la gudboon inay mar kasta dulqaad wayeelnimo kaga falceliyaan talaabo kasta oo daan daansi iyo deelqaadba leh oo Axsaabta Mucaaridka kaga timaada Xukuumadda iyo Xisbiga KULMIYE. Garashada toolmooni waxay ahayd in Xisbiga KULMIYE iyo Xukuumadu ay xidhiidh wanaagsan, wada tashi iyo wada shaqayn la yeelato Xisbiyada Qaranka iyo shacbi weynaha. Nasiib darro Xisbiga KULMIYE iyo Xukuumadu waxay dagaal qaawan oo af iyo addin ah ku soo qaadeen Dimuquradiyaddii iyo wada tashigii ay ku caano maaleen shacbigii Somaliland. Walaalayaal, waxaad markhaati ka ahaydeen 45-daqiiqo oo Madaxweynaha Somaliland Mud. Muuse Biixi Cabdi hadlaayay inuu ku bilaabay kuna dhammeeyay, garnaqsi, dib u noqosho doorasho dhammaatay, gocasho iyo isdifaacid dhammaantood ku guroraayay Eragyii Abwaan Dheeg ee aha “Nin Dulyari Ma Madaxbaa “. Ummadda reer Somaliland waxaynu marag ka wada nahay, in maanta Xaalada Dalkeena gaar ahaan Gobolada Bari ay marayso “Alamtarana soo dhaaf “. Dhahar iyo Sanaag Bari waxa ka doobyaysa Puntland oo waxqabad ku kasbatay degaanadi Waddan keena ka tirsanaa, Dhuumay iyo Koonfurta Sool coladii ka dhacday waxa inooga soo dheereeyay Dawladdaha Soomaliyeed ee jaarka oo deeqihii Gurmadka ka sokow Saaka ciidamo nabad ilaalin ah kala dhex dhigay, Tukaraq qadiyadeeda waad la socotaan markii horena Madaxweynuhu tallo Qaran kuma galin dacwayntii caalamkana waa laynooga dheereeyay.. Warbaahinta Qaranka ee Xukuumadu gacanta ku haysaa umma adeegaan Xukuumadda oo keliya ee waxay baahiyaan fidno abuur sidii warbaahintii Rwanda iyo Bosnia markii ay ka soo hurayeen dagaaladu “Afku wuxuu la xoog yahay magliga xawda kaa jara”. Walaalayaal balaayadu waxay ka dhacdaa qof gardaran oo cid joog tidhaahda la waayey, Radio Hargeysa iyo TV-ga qaranka wixii ka baxaayey sanadihii u dambeeyey waxaynu kaga badbaadnay dulqaadka shacbiga iyo bisaylka Xisbiyada mucaaridka ah, wuxuu maanta ku daray Wasiirkii Warfaadintu isagoo ku shaqaynaaya siyaasadda Madaxweynaha inuu aasaaso qayb dabagssha war-baahinta Madaxa banaan ee lagu ladnaa, taas oo la macno ah wixii nidaamkii Millatariga aha ee Maxamed Siyaas Barre u yaqaanay “Faafreebka “.. Isgaadhsiintii in lays dhagaysto ayay Xukuumaddu wadaa oo kadib dadkuba Telefoonada ka aaminka baxaan. Dhammaan deel qaafyada cidda dabri lahayd waa Golayaasha sharci dajinta ee fadhiidka noqday, doorashooyin koodina uu Madaxweynuhu hortaagan yahay isagoo ka cabsi qaba In isla xisaabtan yimaado. . TALO SOO JEEDIN: Waxaan ku talinayaa gaar ahaan asxaabta Siyaasiga ah in loolanka Siyaasadeed ee Xisbiyadu uu ku ekaado fikrado kala duwan oo shacbiga loo bandhigo iyo doodo danta ummaddu ku jirto. Mucaaridku iyaga oo ka duulaya mabda’a dimuqraadiyada iyo dood wadaaga, waa inay u dhabar adaygaan gardarooyinka ka imanaya Xukuumadda KULMIYE intii suurtagal ah si loo gaadho danta guud, waana inay la yimadaan qorshe Mucaarid oo maangal ah si Dalka looga badbaadiyo in awoodu ku uruurto meel kaliya. Xisbiyada Mucaaridku waa inay u taag naadaan doorasho iyo nabad, kana soo horjeestaan fidno, afxumo iyo wax kasta oo carqaladayn kara doorashooyinka. Axsaabta Mucaaridka ahi , waa inay dhexdooda wada shaqayn fiican yeeshaan kana hawl galaan sidii loo heli lahaa Guddidii doorashooyinka Qaranka ee qaban laha doorashooyinka muddo dhaafay..” Muniir Axmed Cigaal Qaran News

Muqdisho (Caasimada Online) – Wasiirka arrimaha gudaha xukuumadda federaalka Cabdi Maxamed Sabriye ayaa goobjoog ka ahaa halkii uu isku casilay madaxweyne hore Shariif Xasan Sheekh Aadan wuxuuna ka jeediyay hadal kooban markii maanta uu halkaas booqasho ku tagay wasiirka. Qoraal kasoo baxay Sharifi Xasan, ayuu maanta sidoo kale ku sheegay inuu ka haray tartanka doorashada madaxweynaha maamulkaasi oo la waqtiyeeyey 17-ka bishan November. Shariif Xasan ayaa sheegay inuu go’aanka, qaatay “isaga oo eegaya arrimaha ka dhex taagan dowladda dhexe iyo maamulka Koonfur Galbeed, si uu ugu turo dadka, dalka iyo maamulka Koonfur Galbeed” Mudane Sabriye ayaa tilmaamay inuu u mahadcelinayo una hambalyeeynayo madaxweynihii hore Shariif Xasan. “Walaalayaal annagu waxaa ku nimid, arrin u baahnayd inaan u imaanno oo aan wax ka fariisinno oo maamulka Koonfur Galbeed ka jirtay iyo arrimaha hadda uu madaxweyne Shariif ku hormaray” ayuu yiri wasiir Sabriye. Dhageysi hadalka Sabriye https://www.caasimada.net/wp-content/uploads/2018/11/Wasiirka-arimaha.mp3Caasimada Online Xafiiska Muqdisho Caasimada@live.com

Muqdisho (Sh.M.Network) – Dhageystayaasha idaacadda Shabelle ee ku taxan website-keena waxaan halkaan idin kugu soo gudbineynaa Barnaamijka Qubanaha Wararka Shabelle. Hoos riix si aad udhageysato http://radioshabelle.com/wp-content/uploads/2018/11/Bar____-Qubanaha-Shabelle-07112018.mp3 The post Dhageyso: Barnaamijka Qubanaha Wararka Shabelle appeared first on Shabelle. View the full article

Wasiirka Arimaha Gudaha iyo Federaalka xukuumada Soomaaliya Cabdi Maxamed Sabriye ayaa ka hadlay is casilaadii madaxweynaha Koonfur galbeed ee Soomaaliya Shariif Xasan Sheekh Aadan. Eng Sabriye wasiirka arimaha gudaha ee xukuumada Soomaaliya oo maanta goobjoog ka ahaa is casilaadii Shariif Xasan Sheekh ayaa ku aamanay doorkii muhiimka ahaa ee uu ka soo qaatay dhismihii maamulka Koonfur galbeed. Waxa uu sheegay in Shariif Xasan uu qaatay tanaasul muhiim ah oo laabanyahay uu qaatay xaalad adagna ay wajaheeysay maamulka Koonfur galbeed. Wasiir Sabriye ayaa sheegay inay deg deg ugu soo baxeen Qalalaasaha ku yimid Doorashada la filayo inay ka dhacdo Baydhabo 17 Bishaan oo 10 Cisho ka harsan tahay. Koonfur galbeed ayaa galeeysa waji cusub oo siyaadadeed kadib is casilaadii Shariif Xasan Sheekh Aadan madaxweynihii maamulkaasi Koonfur galbeed. https://puntlandpost.net/wp-content/uploads/2018/11/wasiir-sabriye.mp3 Xasan Maxamed Samatar Cowke Puntland Post The post Wasiirka Arimaha Gudaha” Shariif Xasan Waxaa uu qaatay tanaasul muhiim oo loo baahnaa” appeared first on Puntland Post.

Ra’iisul wasaaraha xukuumadda federaalka ee fadhigeedu yahay magaalada Muqdisho Xasan Cali ayaa ka hadlay mowqifka xukuumaddiisa ee khilaafka dowladaha Khaliijka. Wuxuu sheegay in dowladda federaalku ay gaartay go’aan la mid ah mowqifyo ay qaateen dowlado badan oo uu ka carrab ***** dowladaha dariska, Ingariiska iyo Faransiiska. “Waxaan ku soo beegannay iyadoo wadamada Khaliidka dhexdooda uu khilaaf ka jiro, waxaan isku daynay inaan gaarno go’aan dhexdhexaad ah oo ay gaareen dowladaha dariska ah oo ay kamid yihiin Itoobiya, Kenya, Uganda, Tanzania, Norwey, Ingariiska oo Faransiisku gaaray.” Ayuu sheegay RW Kheyre. “Waan naga la diiday annaga ama waa la aamini waayay in la aqbalo sababtoo ah waxay iyaduna salka ku heysay dhaqan horey oo la soo dhaafay, iyaduna waxay salka ku heysay musuqmaasuq, iyaduna waxay salka ku heysay qaab dhaqameed ah in dunida ay aaminsan tahay in go’aan walba oo aad gaarto lagaa beddali karo, sababtoo ah si uun baa laguu musuqmaasuqi karayaa” ayuu yiri Raysal Wasaare Cali Xasan. Mudane Xasan Cali ayaa intaas raaciyay in qorshahaasi uu ku saleysnaa in madaxda qaranka la kala qeybin karo. Hadalka wasiirka koowaad ee xukuumadda FS Xasan Cali ayaa imaanaya iyadoo wali khilaafkii Khaliijka uu sidiisa u taagan yahay, kaasoo saameyn ku yeeshay siyaasadda arrimaha gudaha ee Soomaaliya. Maxaa kamid ah saameynta khilaafka Khaliijka? Saameynta, uu yeeshay khilaafkaasi waxaa kamid ah kala qeybsanaan soo kala dhex gashay dowladda iyo dowladaha xubnaha ka ah ee gobollada kuwaasoo illaa maanta khilaaf soo jiitamaya uu ka dhaxeeyo walina aan loo helin xal. Waxaa sidoo kale saameynta kamid ah in xiriirka Villa Somalia ay la leedahay dowladaha Imaaraadka iyo Sacuudiga uu meeshii u hooseysay gaaray, tusaale in horraantii sanadkani 2018-ka bishii April dhacdadii garoonka diyaaradaha lagu xayiray lacag ay wateen Diblumaasiyiin ka tirsan xukuumadda Abu Dubai taas aad uga carreysiisay Imaaraadka iyo saaxiibadiis gobolka. HOOS KA DHAGEYSO CODKA: https://goobjoog.com/wp-content/uploads/2018/11/Khayre-oo-ka-hadlay-mowqifka-DFS-ee-khilaafka-Khaliijka.mp3 Goobjoog News Source: goobjoog.com

Siyaasi Cabdi Xaashi Cabdisalaan oo ka faallooda siyaasadda dalka ayaa Goobjoog News ay wax ka weydiisay iscasilaadda Madaxweynihii Koonfur Galbeed Shariif Xasan Sheekh Aadan Khilaafka dowladaha Khaliijka ayaa si baaxad leh u saameeyay siyaasadda arrimaha gudaha ee Soomaaliya waxaana Madaxweyne Shariif Xasan uu salfaday dagaal siyaasadeed ka dhaxeeyay muddooyinkii dambe xukuumadda federaalka iyo dowladaha xubnaha ka ah. Xilka madaxweynaha Koonfur Galbeed oo loo doortay Shariifka 2014-ka ka hor wuxuu ahaa xildhibaan gollaha shacabka ka tirsan, waxaa sidoo kale uu ka sii hor soo noqday wasiirka maaliyadda iyo guddoomiyaha baarlamaanka. Siyaasi Cabdi Xaashi ayaa qaba in saameyntii uu ku lahaa siyaasadda Shariif Xasan isbedalkeeda la arki karo bilaha ina soo aaddan. HOOS KA DHAGEYSO: https://goobjoog.com/wp-content/uploads/2018/11/SIYAASI-CABDI-XAASHI-07-11-2018-2.mp3 Goobjoog News Source: goobjoog.com

Wasiirka arrimaha gudaha xukuumadda federaalka Cabdi Maxamed Sabriye ayaa goobjoog ka ahaa halkii uu isku casilay madaxweyne hore Shariif Xasan Sheekh Aadan wuxuuna ka jeediyay hadal kooban markii maanta uu halkaas booqasho ku tagay wasiirka. Mudane Sabriye ayaa tilmaamay inuu u mahadcelinayo una hambalyeeynayo madaxweynihii hore Shariif Xasan. “Walaalayaal annagu waxaa ku nimid, arrin u baahnayd inaan u imaanno oo aan wax ka fariisinno oo maamulka Koonfur Galbeed ka jirtay iyo arrimaha hadda uu madaxweyne Shariif ku hormaray” ayuu yiri wasiir Sabriye. HOOS KA DHAGEYSO: https://goobjoog.com/wp-content/uploads/2018/11/Wasiirka-arimaha.mp3 Goobjoog News Source: goobjoog.com

Ilaa 124 dhalinyaro tahriibayaal Soomaaliyeed oo in mudda ah ku dhibaataysnaa dalka Libya ayaa maanta gelinkii dambe dib loogu soo celiyay magaalada Muqdisho Waxaa Garoonka diyaaradaha ee magaalada Muqdisho dhalinyaradaasi kusoo dhaweeyey Wasiiro iyo Masuuliyiin kale oo ka tirsan Xukuumadda Federaalka Soomaaliya. Qaar ka mid ah dhallinyaradda Mudada dheer ku xirnaa Xabsiyadda Liibaya ee nasiibka uu yeeshey in Dalkooda dib loogu soo celiyo ayaa ka hadlay Dareenkooda, iyagoo sheegay in ay si weyn ugu faraxsan yihiin in ay dalkooda dib ugu soo laabtan. Dhalinyarada ayaa waxaa soo celintooda iska kaashaday dowladda Federaalka Soomaaliya iyo hay’adaha IOM iyo UNHCR,sida uu sheegay safiirka Soomaaliya ee Midowga Yurub Cali Saciid Fiqi. Safiirka aya shalay qoraal uu soo dhigay bartiisa Facebook ku sheegay in 150 dhalinyaro Soomaaliyeed oo ku dhibaataysan dalka Libya dib loogu celin doono Soomaaliya,balse dadka hadda la soo celiyay ayaa dhan 124 ruux oo keliyah. PUNTLAND POST The post Dhalinyaro ku dhibaataysnaa Libya oo dib loogu soo celiyay Muqdisho appeared first on Puntland Post.

Madaxweynihii ku dhawaaqay inuu iska casilay xilkii madaxtinimada kana haray tartankii doorashada hoggaanka Koonfur Galbeed oo loo madlan yahay 17-ka bishani Shariif Xasan ayaa ka hadlay sababaha ku riixay inuu tanaasulkani sameeyo. Hadalkani hoose ayuu maanta jeediyay markii uu ku dhawaaqay iscasilaaddiisa. HOOS KA DHAGEYSO: https://goobjoog.com/wp-content/uploads/2018/11/Shariif-xasan.mp3 GOOBJOOG NEWS Source: goobjoog.com

Madaxweynihii Koonfur Galbeed ahaana guddoomiyaha gollaha iskaashiga dowlad goboleedyada Shariif Xasan Sheekh Aadan ayaa galabta waxaa magaalada Baydhabo uu kaga dhawaaqay inuu iska casilay xilkii madaxweynenimo. Waxaa sidoo kale wareegtada uu iscasilaaddiisa kaga hadlay sababaha keenay inuu iscasilo iyo sidoo kale dardaaran uu u jeediyay reer Koonfur Galbeed shacab iyo siyaasiba. Wasiirka warfaafinta Xasan Cabdi ayaa saxaafadda u akhriyay qodobada uu ku sababeeyay Madaxweyne hore Shariif Xasan iscasilaaddiisa. HOOS KA DHAGEYSO: https://goobjoog.com/wp-content/uploads/2018/11/Wasiirka-warfaafinta.mp3 Goobjoog Source: goobjoog.com

Waxaa goor dhaweyd xaqiijiyey in uu doorashada Koonfur Galbeed si rasmi ah uga haray Madaxweynaha waqtiga ka dhammaaday ee maamulkaas Shariif Xassan Sheekh Aadan. Shir jaraa’id oo uu ku qabtay magaalada Baydhabo ayuu uga dhawaaqay tallaabadan oo maalimihii dambe oo dhan la’isla dhexmarayey saxaafadda. Wuxuu sidoo kale iska casilay 10-ka maalmood ee xilkiisa waqtigan uga harsan. Tallaabdan ayaa imanaysa kadib markii ay jahwareer gashay doorashada la filayo in 17-ka November ka dhacdo Koonfur Galbeed kaddib markii ay is casileen inta badan gudigii doorashada haka odayaasha dhaqanka Koonfur Galbeed ay sheegeen in ay dib u dhigeen doorashada. Go’aanka Shariif Xasan ayaa laba guul u ah madaxweyne Farmaajo Midda koowaad: Madaxweyne Farmaajo iyo Shariif Xassan in ay isku wajahaan loolan siyaasadeed ma aha markii ugu horreeysay, waxaa aad loo xasuustaa 2011 iyo Kampala Accord (Heshiiskii Kampala) Farmaajo oo ah Ra’iisul Wasaarihii xukumaddi KMG ahayd ee xillgaas ayaa waxaa lagu qasbay in uu is-casilo, waxaana dhacdooyinkaas qeyb ka ahaa oo waliba wax ka saxiixay Shariif Xassan oo xilligaas ahaa gudoomiyihii baarlamaanka. Is-casilaadda maanta ee Shariifka iyo inuusan dib ugu soo noqon hoggaanka Koonfur Galbeed, waa guul shaqsi, ama ugu yeeray aargudasho, oo Farmaajo uu ka gaaray Shariifka. Midda labaad: Iyada oo ay saddex bilood uun ka hartay laba sano in ay jirsato xukumadda Nabad iyo Nolol, hadana waxa ay u muuqataa in markii ugu horreeysay tan iyo bur burkii dowladdii dhexe Villa Somalia looga arrimin doono inta badan gobolada Soomaaliya (Maamul Gobolleedyada). Dolwadan ay hadda madaxda ka yihiin Farmaajo iyo Kheyre iyo kuwii ka horreeyey ee bur burkii kaddib, waxaa dowlada dhexe caqabad ku ahaa maamulada oo mar walba uu khilaaf u dhexeeya uga dhammaan jiray waqtiga. Hadda oo ay laba sano uga harsan tahay waqtiga ay talada hayaan, waxaa muuqata in inta badan ama dhammaan maamulada noqon doonaan kuwo ku siyaasad ah Villa Somalia. Waxaa hadda dowladda gacanta ugu jira HirShabelle iyo Koonfur Galbeed, waxaana xiga Xaaf. Rajada Axmed Madoobe ma fiicna, waxaana haray oo kaliya Puntland. W/Q: Istar Cali Mataan Toronto, Canada Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Madaxweeynihii hore ee maamulka Koonfur galbeed Shariif Xasan Sheekh Aadan oo xilkaasi maanta iska casilay ayaa ka hadlay sababihii uu xilkaasi isaga casilay. Shariif Xasan ayaa eedeeyn u jeediyay dowlada Soomaaliya isaga oo ku eedeeyay in faragalin ay ku sameeysay hanaanka doorashada ee maamulka Koonfur galbeed. Waxaa uu sheegay in dowlada ay xildhibaanada Baarlamaanka Kuunfur galbeed u daabushay Muqdisho si dowlada ay u maamusho doorashada Koonfur Galbeed. Shariif Xasan ayaa sheegay in dowlada Soomaaliya ay isaga u isricmaashay awood hayeeshee uu u tanaasulay shacabka Koonfur Galbeed. Waxaa uu ugu baaqay musharixiinta u tartamaya xilka madaxtinimo ee Koonfur galbeed ugu baaqay in ay meel iska dhigaan wax kasta oo keeni kara qalalaaso iyo nabadgalyo daro. Ugu dambeeyntii shacabka Kuunfur galbeed ayuu u rajeeyay hormar iyo bash bash isaga oo u mahad ciliyay cid kasta oo ka qeeyb qaadatay hormarka Koonfur galbeed isaga oona u mahad naqay ciidamada maamulkaasi. Hoos ka Dhageeyso Codka. https://puntlandpost.net/wp-content/uploads/2018/11/shariif-xasan.mp3 Xasan Maxamed Samatar Cowke Puntland Post The post Shariif Xasan ” Waxaan isku casilay kadib markii aan u dul qaadan waayay faragalinta Dowlada” appeared first on Puntland Post.

Muqdisho (Caasimada Online) – Wasiirka wasaaradda Gaashaandhiga Dowladda Turkey ayaa soo gaaray magaalada Muqdisho gelinkii dambe ee maanta, waxaana soo dhaweeyay ra’iisul wasaare ku xigeenka dalka iyo wasiirka gaashaandhiga Soomaaliya. Taliyaha ciidamada Qalabka sida ee Turkey iyo masuuliyiin kale ayaa qeyb ka ah wafdiga maanta soo gaaray magaalada Muqdisho, kuwaasi oo wadahadalo la yeelanaya madaxda dowladda Soomaaliya. Masuuliyiintaan ayaa sheegay in ujeedada ay u yimaadeen magaalada Muqdisho ay tahay dardar gelinta taageerada dowladda Turkey ay siiso ciidamada Xooga dalka Soomaaliya. Wasiirka Wasaaradda Difaaca dawladda Turkiga iyo Wafdiga uu hoggaaminayo ayaa la filayaa inta ay ku sugan yihiin Muqdisho in kulamo kala duwan ay la qaataan Madaxda sare ee dalka iyo Taliyeyaasha Ciidamada qalabka sida ee Soomaaliyeed, kulamadaasi oo looga hadli doono dib u dhiska Ciidanka Qalabka sida ee Soomaaliyeed.

Muqdisho (Sh.M.Network) – Wafdi balaaran oo uu hogaaminayo Wasiirka Gaashaandhiga Turkiga, Hulusi Akar ayaa galabnimadda maanta oo Arbaco ah waxay soo gaareen magaalada Muqdisho ee caasimada dalka. Ra’iisul Wasaare ku xigeenka dalka, Mahdi Maxamed Guuleed, Wasiirka Difaaca Soomaliya iyo xubno kale oo ay ku jiraan saraakiil ciidan ayaa Wasiirka iyo masuuliyiinta kale waxay si diiran ugu soo dhaweeyay garoonka Aadan Cadde. Wafdiga ayaa soo dhawaynta kadib loo galbiyay gudaha magaalada gaar ahaan Madaxtooyadda halkaasi oo la filayo inay kulan kulan yeeshaan madaxda dalka, si ay uga wada hadlaan arrimo badan. Turkiga ayaa kamid ah dalalka taageerada joogtada ah la garab-taagan Soomaaliya, xili ay Muqdisho ka dhiseen sanadkii hore Saldhiga ugu wayn oo ay ku leeyihiin meel ka baxsan dalkooda, kaasi oo lagu tababaro ciidamo Soomaaliyeed ah. The post Wasiirka Gaashaandhiga Turkiga oo booqasho ku yimid Muqdisho appeared first on Shabelle. View the full article

Muqdisho (Sh.M.Network) – Dhageystayaasha idaacadda Shabelle ee ku xiran website-keena waxaan halkaan idin kugu soo gudbineynaa warka Habeen. Hoos riix si aad udhageysato http://radioshabelle.com/wp-content/uploads/2018/11/Warka-Habeen-07112018.mp3 The post Dhageyso: Warka Habeen Ee Idaacadda Shabelle appeared first on Shabelle. View the full article

Sharif Hassan Sheikh Aden has resigned as leader of southwest regional administration ahead of the presidential election slated for next week. In a statement, Mr. Adan announced that he was stepping aside following weeks of a political rift with the federal government. “From today, 17th of November, I hereby announced that I resigned from my post as the president of Southwest state,” reads the statement. Mr. Sharif who has been ruling the state since its inception in 2014 has also shelved his ambition to seek the second term. The immediate leader of Southwest has handed over power to the speaker of the regional assembly Abdikadir Sharif Shekhuna who will be holding office until a new president is elected. Many political analysts say the resignation and drop out of the president from the race is a big success to the federal government. The development comes barely a day after Somali federal government underscored the need to hold presidential elections in the Southwest State for the scheduled time The post Southwest state president steps resigns appeared first on Shabelle. View the full article

Madaxweynaha doladda Puntland Dr. Cabdiweli Maxamed Cali Gaas ayaa Arbacada maanta ah ee ku beegan 07 Nov 2018 kulan la qaatay saraakiil ka socota xafiiska UNODS iyo diblamaasiyiin shisheeye oo ka socda dalal badan oo wadashaqayn dhaw laleh Puntland. Saraakiishan oo ay hogaaminaysey Francesea Caonero oo ka tirsan hay’adda UNODC ayaa waxa ay kala ahaayeen diblamaasiyiin ka socda dalalka Netherland, Italy, Sweden, Holland, Canada iyo sidoo kale saraakiil kale oo ka socda hay’adda UNODC. Kulankan oo ka qabsoomay qarniga Madaxtooyada dowladda Puntland ee Garoowe ayaa waxaa looga hadlay arrimaha xabsiyada Puntland, gaar ahaan xabsiyada dhexe ee dawladda, siidaynta maxaabiista burcad badeedda Soomaalida ee ku xidhan dalka dibeddiisa iyo arrimo kale oo muhiim ah. Madaxweynaha Puntland Dr. Cabdiweli Maxamed Cali Gaas ayaa ugu horayn Puntland kusoo dhoweeyey saraakiishan ka socdey hay’adda UNODC iyo diblamaasiyiinta kale, waxaana uu Madaxweynuhu ku bogaadiyey masuuliyiintani wadashaqaynta wanaagsan ee ay la leeyihiin Puntland gaar ahaan Wasaaradda Cadaaladda iyo ciidamada Asluubta Puntland. Sidoo kale Madaxweynaha Puntland ayaa saraakiisha hay’adda UNODC iyo diblamaasiyiinta kaleba kala hadlay xaaladda maxaabiista burcad-badeedda Soomaalida ee ku xidhan dalka debeddiisa, waxaana uu Madaxweynuhu u sheegay in dowladda Puntland u gudbinayso cid kasta oo ay arrintaasi khusayso in maxaabiista si dhaw loo eego xaaladdooda, dibna loosiiyo xuriyaddooda maadaama ay wakhti dheer xidhnaayeen dibna ula jaanqaadikaraan bulshada. Dhinaca kale hogaamiyaha weftigani Francesea Caonero ayaa dhankeeda tilmaamtay inay Madaxweymaha Puntland iyo masuuliyiinta kaleba uga mahadcelisey qaabilaadda iyo gorfaynta arrimahakani muhiim ka ah, waxaana ay xaqiijisay in arrinta maxaabiista burcad badeedda ay tahay muhiim in waxbadan laga qabto oo laga arrinsado siidaynta maxaabiistaasi, maadaama ay muddo badan ku jiraan xabsiga, Isla markaana waxay ay Puntland ku amaantay si wanaagsan wanaagsan ee ay u maamulaan xabsiyada iyo maxaabiistaba. Ugu danbayn, Madaxweynaha Dowladda Puntland Dr. Cabdiweli Maxamed Cali Gaas ayaa masuuliyiintani ku booriyey inay dardargeliyaan shaqooyinka baaxaddale ee ay ka hayaan Puntland iyo guud ahaanba Soomaaliya, Isla mar’ahaantaana ay fiira gaara uu yeeshaan xal u helidda maxaabiista burcad-badeedda. PUNTLAND POST The post Madaxweynaha Puntland oo kulan la qaatay Deblomaasiyiin Caalami ah appeared first on Puntland Post.

Qaran News

Baydhabo (Caasimada Online) – Xog cusub ayaa soo baxaysa go’aanka madaxweynaha maamulka Koonfur Galbeed Soomaaliya Shariif Xasan Sheekh Aadan oo maanta sheegay inuu xilkaasi iska casilay. Qoraal kasoo baxay Sharifi Xasan, ayuu sidoo kale ku sheegay inuu ka haray tartanka doorashada madaxweynaha maamulkaasi oo la waqtiyeeyey 17-ka bishan November. Shariif Xasan ayaa sheegay inuu go’aanka, qaatay “isaga oo eegaya arrimaha ka dhex taagan dowladda dhexe iyo maamulka Koonfur Galbeed, si uu ugu turo dadka, dalka iyo maamulka Koonfur Galbeed” Si kastaba, xogta aan heleyno ayaa sheegeysa in Shariif Xasan uu dowladda federaalka ah ka qaatay lacag dhan afar milyan oo dollar, si uu xilkaasi uga dego. Shariifka ayaa la sheegay in isaga oo eegaya xaaladda Koonfur Galbeed, oo ah maamul dhaqaale ahaan liita iyo xaqiiqda ah in laga yaabo in doorashada looga adkaado uu go’aansaday inuu qaato lacagta dowladda. Warar aan la xaqiijin ayaa dhinaca kale sheegaya inaysan meesha ka marneyn hanjabaad ay ujeedisay dowladda iyo ciidamada Itoobiya ee jooga maamulkiisa oo saraakiishooda ay dhageysteen madaxda dowladda dhexe, kadib isku soo dhowaanshiii madaxda Ethiopia yo Soomaaliya. Lama yaqaan tallaabada xigta ee Shariif Xasan oo ahaa siyaasi saameyn weyn ku leh siyaasadda Soomaaliya. Caasimada Online Xafiiska Baydhabo Caasimada@live.com