Muqdisho (Sh.M.Network) – Kulanka guud ee Golaha Shacabka waxa uu ka koobnaa hal ajande, oo ahaa akhrinta saddexaad ee Hindise Sharciyeedka Mashruuca Liilitirka ama xeerka xuquuqda siyaasiyiinta Dowladda. Shir gudoonka wuxuu ahaa Guddoomiyaha Golaha Shacabka Mudane Maxamed Mursal Sheekh Cabdiraxmaan. Ugu horeyn, Xildhibaan Faarax Cabdi Xasan, oo ah Xoghayaha guddiga Xeer hoosaadka ee Golaha Shacabka ayaa Xildhibaanada golaha u faah faahiyay xeerka xuquuqda siyaasiyiinta Dowladda iyo meelaha wax ka bedelka ay ku sameeyeen. Guddoomiyaha guddiga xeer hoosaadka ee Golaha Shacabka Xildhibaan Maxamuud Macalin Yaxye, ayaa sheegay in xeerkan ay kusoo dareen dhamaan talooyinkii iyo fikradihii ay horey xildhibaanada ugu Biiriyeen. Xilldhibaan Yaxye ayaa inta uu ku guda jiray hadal-jeednta wuxuu golaha ka codsaday in cod la geliyo si uu meel mar u noqdo. Intaasi ka dib Xildhibaanada Golaha Shacabka,ayaa cod geliyay Xeerka Xuquuqda siyaasiyiinta Dowladda. 167-Xildhibaan oo fadhiga soo xaadirtay ayaa ogolaatay in la meel-mariyo ,iyadoo uu diiday hal mudane, xili labo kale ay ka aamuseen, sida uu ku dhawaaqay Guddoomiyaha Golaha Shacabka. The post Golaha Shacabka oo ansixiyay Xeerka xuquuqda Siyaasiinta Dowladda appeared first on Shabelle. View the full article

Muqdisho (Sh.M.Network) – Dhageystayaasha idaacada Shabelle ee ku taxan website-keena waxaan halkaan hoose idin kugu soo gudbineynaa warka Habeen. Hoos riix si aad udhageysato http://radioshabelle.com/wp-content/uploads/2018/12/Warka-Habeen-051218-web.mp3 The post Dhageyso: Warka Habeen ee Idaacadda Shabelle appeared first on Shabelle. View the full article

Nabadoon Khaliif Awcali ayaa galabta Warbaahinta ka sheegay inuu iska casiley xubinimada guddi ansixin iyo khilaafaad oo uu magacaabay Madaxweyne kuxigeenka PUNTLAND. Nabadoon Khaliif Awcali [...] Source

Nabaddoon Khaliif Aw-cali ayaa galabta iska casilay guddi uu madaxweyne ku xigeenka Puntland u magacaabay xallinta Khilaafaadka iyo ansixinta Baarlamanka cusub ee Puntland. Khaliif Aw-cali ayaa Shir jaraa’id oo uu ku qabtay magaalada Garoowe ka shaaciyay is-casilaaddiisa,waxaana uu sheegay in aan waxba laga ogaysiin,islamarkaana lagala tashan magacaabistiisa. Sidoo kale nabaddoonka ayaa sheegay in shaqadiisu tahay xallinta khilaafaadka,balse uusan qeyb la noqon karin khilaaf laba dhinac u dhexeeya oo u baahan in isaga la xalliyo. Guddiga uu magacaabay madaxweyne ku xigeenka Puntland,Cabdixakiin Camey oo ka koobnaa 8 xubnood ayaa tan iyo saaka waxaa is’casilay 2 xubnood oo kamid ah,kuwaasoo sheegay in aan lagala tashan magacaabistooda. PUNTLAND POST The post Xubin kale oo iska’casilay guddigii Camey magacaabay appeared first on Puntland Post.

Garoowe (Caasimada Online) – Waxaa cirka isku sii shareeraya khilaafka siyaasadeed ee soo kala dhexgalay Madaxweynaha Puntland Cabdiweli Gaas iyo ku-xigeenkisa Cabdixakiin Cabdullaahi Xaaji Cumar Camey, iyaga oo dhawaan soo kala saaray laba gudo oo is khilaagsan. Gaas waxa uu magacaabay gudiga xallinta khilaafaadka iyo ansixinta baarlamaanka isaga oo aan ka talo galin Madaxweyne ku xigeenka iyo gudoomiyaha baarlamaanka Puntland oo dastuurku dhigayo in ay magacaabista qeyb ka ahaadaan. Camey oo la tashaday gudoomiyaha baarlamaanka waxa uu durbadiiba soo magacaabay gudi kale oo xiisad ka abuuray Garowe iyo Puntland guud ahaan. Iyada oo uu xaalka halkaas marayo ayaa waxaa hadda Garowe laga dareemayaa jawi collaadeed iyo kala shaki. Musharixiinta Puntland oo dhammaan wada hubeysan ayaa laga baqayaa in ay sida ay ku hanjabeen dagaal toos ah la galaan Cabdiweli Gaas. Camey iyo Buuhoodle Warar lagu kalsoonyahay ayaa tibaaxaya in Injineer Camey uu Buudoodle ka dalbaday meeleshiyaad 100 gaaraya oo beeshiisa ah iyada oo uu ujeedku yahay in uu Gaas kula dagaalamayo xulista 17-ka xildhibaan ee ay Sool clan ku leeyihiin 66-da uu baarlamaanka ka kooban yahay, oo Gaas uu doonayo inuu soo xulo.. Khilaafka ugu weyn ee ka dhextaagan hadda ayaa sida la ogyahay salka ku haya cidda xuli doonta 17-ka xildhibaan ee beesha Siciid Harti (Sool clan). Haddii Gaas uu xulo waxay la macno tahay inuu doorashada ku guuleystay, taasi oo Camey uu diidan yahay. Camey ayaa sidoo kale qaba cabsi kale oo u gaar ah, maadaama ciidamada Garoowe jooga ay badankood ka amar qaataan Gaas. Maxaa dhici kara? Haddii ciidamada uu Camey dalbaday soo galaan Garowe waxa ay halis galin doonaan ammaanka magaalada oo markii hore la ciir ciireysay maleeshiyo beeledyo kala taabacsan musharixiinta 30-ka ku dhaw ee u taagan xilka Madaxweyne ee Puntland. Dareenka shacabka Garowe? Shacabka Puntland ama beesha Harti dhammaan waxa ay qirsan yihiin in Cabdiweli Cali Gaas xaaladda xumeeyey kaddib markii uu talada ka maroorsaday ku xigeenkiisa iyo gudoomiyaha baarlamaanka. Hore wey u dhici jirtay in Madaxweyne xilka haya so magacaabo gudiga xallinta khilaafaad iyo ansixinta baarlamaanka balse waa markii ugu horreeysay ee uu qaab kali talisnimo ah madaxweyne u magacaabo guddi nocaas ah. Caasimada Online Xafiiska Garooowe Caasimada@live.com

Muqdisho (PP) ─ Duqa Muqdisho ahna Guddoomiyaha Gobolka Banaadir C/raxmaan Cumar Cusmaan (Eng. Yarisow) ayaa Xafiiskiisa ku qaabilay Duqa magaalada Garoowe ee Caasimadda Dawlad Goboleedka Puntland Mudane Axmed Siciid Muuse. Guddoomiyaha ayaa uga warbixiyey Duqa Garoowe horumarka ka socda Gobolka Banaadir, dadaallada loogu jiro dib u dejinta barakacayaasha, la dagaallanka musuqmaasuqa, xoojinta amniga iyo daris wanaagga. Eng. Yarisow ayaa tilmaamay in Duqa Garoowe ay isla gorfeeyeen muhiimadda ay leedahay in mustaqbalka la asteeyo madal ay ku mideysan yihiin Maamullada Dawladaha Hoose ee dalka, si la isaga kaashado baahinta adeegyada asaasiga ah ee bulshada, dhisidda goleyaasha deeganka, faya dhawrka, dib u dhiska iyo dayactirka jidadka. Dhankiisa, Duqa Garoowe, Axmed Siciid Muusea ayaa uga mahadceliyey Maamulka Gobolka Banaadir soo dhaweynta wanaagsan ee ay u sameeyeen, isagoona bogaadiyey horumarka muuqda ee ay ku tallaabsatay Caasimaddu. Duqa Caasimadda Dawlad Goboleedka Puntland ayaa xaqiijiyey muhiimadda ay leedahay in la xoojiyo iskaashiga ka dhaxeeya Dawladaha Hoose ee magaalooyinka dalka, maadaama ay fursad u tahay kor u qaadista xirfadaha shaqaalaha, xoojinta amniga iyo isdhexgalka bulshada. Ugu dambeyn, Guddoomiyaha Gobolka Banaadir, Cabdirixmaan Cumar Cusmaan (Eng. Yarisow) ayaa guddoonsiiyey duqa Garoowe labo kamid ah basaska waaweyn ee dadweynaha oo loo qorsheeyey Caasimadda Puntland, isagoona ugu hambalyeeyay Duqa Garoowe, Kuxigeenkiisa iyo guud ahaan Golaha Deegaanka doorashadii dhawaan lagu soo doortay. PUNTLAND POST The post Duqa Magaalada Muqdisho iyo Duqa Garoowe oo kawada hadlay Horumarka iyo Iskaashiga appeared first on Puntland Post.

(SLT-Eritrea)-Madaxwaynaha Dawladda Eritrea ayaa dhawaan booqan doona dalka Jabuuti, si loo dhamaystiro heshiis nabadeed oo ay labada dal ka gaadhaan colaad sanado jirtay oo u dhaxaysay. Wasiirka arrimaha dibadda Jabuuti Mudane Maxamuud Cali Yuusuf ayaa waraysi uu siiyey wakaaladda wararka ee Anadol ku sheegay in madaxwayne Isiyas Afawarki uu dhawaan booqan doono Jabuuti, ka dib markii dawladdiisu aqbashay dalabka socdaalkiisa. Afawarki ayaa waxa uu la kulmi doonaa dhiggiisa Jabuuti Mudane Ismaaciil Cumar Geelle, waxaana ay ka wada hadli doonaan siddii loo soo afjari lahaa colaadda labada dal, looguna wada noolaan lahaa deris wanaag iyo nabadgalyo. Wasiirka arrimaha dibadda Jabuuti ayaa waxa uu ififaalo wanaagsan ka muujiyey wadaxaajoodka u socda Eritrea iyo Jabuuti, kaas oo mustaqbal wanaagsan u horseedi kara gobolka geeska Afrika. Madaxwayneyaasha Jabuuti iyo Eritea ayaa bishii September ee la soo dhaafay ku kulmay magaalada Jiddah ee dalka Sucuudiga, kulankaas oo ahaa kii ugu horeeyey oo labada hoggaamiye yeeshaan wixii ka dambeeyey markii ay labada dawladood ku dagaalameen jasiiradda Dumera oo dal walba uu sheeganayo. Source

(SLT-Muqdisho)-Madaxtooyada maamulka Puntland ayaa ku eedaysay dawladda Federaalka Soomaaliya in ay khalkhal gelinayso doorashada madaxweynimo ee Puntland. Madaxtooyada ayaa sheegtay in madaxweyne ku-xigeenka Puntland meel iska dhigay mas’uuliyadii loo doortay taas bedelkeena kana doorbiday fulinta Awaamiir lagu khal-khal gelinayo xasilloonida puntland taas oo ay sheegeen in laga soo faray Muqdisho. ilaa hadda madaxweyne ku-xigeenka Puntland kama jawaabin eedaynta loo soo jeediyay. Camay iyo Gaas, ayaa midkastaa magacaabay guddida xallinta khilaafaadka iyo Ansixinta wakiillada Puntland. Akhriso War-Saxaafadeedka ka soo baxay Madaxtooyada maamulka Puntland. Source

Somali upper house of federal parliament has on Wednesday passed a bill to establish the national anti-corruption agency in the country. Almost all 31 house representative who was present in the 4th session of the 9th sitting voted in favor of the bill which will. be crucial for the fight against graft in the horn of the Africa nation. Upper house justice committee chair Zamzam Ibrahim Ali briefed the session about the inputs on the bill in 2nd and 3rd readings of the bill before the voting which was by show of hands. Justice minister of the federal republic of Somalia, Hassan Hussein Haji was also present at the signing session. The focus will now shift to the implementation of the federal government to start the formation of the independent anti-corruption body. The body will be significant in the fight against rampant corruption in the recuperating state. According to the report by the United Nations on February this year Somalia was ranked one of the corrupt countries in the world. The UN envoy to Somalia in his end of year assessment report noted that despite recent progress pervasive corruption mainly in politics continues to hinder state building in the country. The post Somali parliament passes out new bills appeared first on Shabelle. View the full article

Muqdisho (PP) ─ Golaha Aqalka Sare ee baarlamaanka Federaalka Somalia ayaa maanta ansixiyay dhismaha guddiga la-dagaalanka musuq-maasuqa oo ay horay ay u soo ansixiyeen golaha shacabka ama Aqalka Hoose. Golaha Aqalka Sare ayaa Hindise-sharciyeedka ka yeeshay kulank gaar ah, kaasoo maray akhrintii saddexaad, waxaana maanta loo ballan-sanaa in cod loo qaado sharcigan oo muhiim u ah la dagaalanka musuq-maasuqa jira. Kulankii maanta ayaa waxaa soo xaadiray 31 Senator, Guddoomiyaha guddiga Garsoorka, Arrimaha Diinta iyo Awqaafta, xuquuqul insaanka, haweenka iyo carruurta. Senator, Zamzam Ibraahim Cali ayaa ka hor-akhrisay Senator-rada Golaha Aqalka Sare Hindise-sharciyeedkan, iyadoo dul-is-taagtay Talooyinkii lagu daray akhrinta koowaad iyo akhrinta labaad, Intaa kaddibna waxay xubnaha goluhu cod u qaadeen sharciga dhismaha gudiga madaxa-bannaan ee la-dagaalanka musuq-maasuqa, waxaan ansixiyay dhamaan Senator-radii soo xaadiray kulanka oo tiradoodu ahayd 31 Senator. Anisixinta dhismaha guddigan ayaa waxay kusoo beegmaysaa iyadoo sanadkan lagu daray Somalia dalalka ugu musuq-maasuqa badan caalamka, xilli madaxda Dowladda Federaalka ay sheegayaan inay dagaal adag kula jiraan musuq-maasuqa iyo wixii la xiriira. Ugu dambeyn, kulanka waxaa goob-joog ka ahaa; Wasiirka Cadaaladda DF, Avv. Xassan Xuseen Xaaji, Waxaana shir gudoominyay gudoomiyaha golaha Aqalka Sare, Senator Cabdi Xaashi C/llaahi. PUNTLAND POST The post Aqalka Sare oo Ansixiyay Sharciga Dhismaha Guddiga La-dagaalanka Musuq-maasuqa appeared first on Puntland Post.

Heshiis Taariikhi ah ayaa muddo 8 sano ah kadib laga gaaray colaadii Taleex ee labada beelood ee walaalaha ah u dhexeysay. Heshiiskaan Waxaa si gaar ah [...] Source

(SLT-Istanbul)-Maxkamad ku taalla dalka Turkiga ayaa soo saartay amar lagu soo xidhayo laba mas’uul oo ka tirsan Boqortooyada Sacuudiga aadna ugu dhow dhaxal sugaha dalkaasi Mohamed Bin Salman. Xeer ilaalinta guud ee Turkiga ayaa labadan mas’uul iyo koox ka kooban 18 qof oo Turkiga u tegay dilka Saxafigii Jamal Kashoqgi ku soo eedeeyay inay qorsheeyeen oo ay fuliyeen dil iyo ciqaab aad u culus oo lagu sameeyay weriyahaasi xilli uu ku sugnaa gudaha Qunsuliyadda Sacuudiga ee magaalada Istanbul. Labada mas’uul ee Turkigu dalbaday in lasoo xiro, loona soo gacan geliyo ayaa kala ah; ku xigeenka madaxa Sirdoonka Sacuudiga Axmed Alcasiiri iyo Xoghayaha Dhaxal-sugaha dalkaasi Sacuud Alqaxdani oo ku eedeeyay abaabulka dilka saxafiga Jamal Kashoqgi. Turkiga ayaa doonaya in labadan mas’uul iyo 18 kale oo fulisay dilka saxafiga lagu maxkamadeeyo Turkiga oo denbiga ka dhacay, laakiin dowladda Sacuudiga ayaa diiday inuu Turkiga u gacan geliyo eedeysanayaasha. Dalabka Turkiga ayaa loo gudbin doonaa Sacuudiga, iyadoo Booliska Adduunka ee Interpol laga dalban doono in meeshii lagu arko lagu soo qabto mas’uuliyiintan, waxaana Turkiga uu sheegay in Sacuudiga aanu wax gacan ah siineynin baaritaanka ay wadaan. Source

Washington (PP) ─ Afhayeenadda Waaxda Arrimaha Dibedda ee Maraykanka, Heather Nauert ayaa warbixin ay soo saartay faahfaahin uga bixisay dib-u-furidda safaaradda Maraykanka ee Muqdisho, taasoo xirnayd tan iyo bishii Janaayo ee sannadkii 1991-kii. “Dhacdadan Taariikhiga waxay ka turjumaysaa horumarka Soomaaliya ay ku tallaabsatay sannadihii la soo dhaafay iyo tallaabooyin kale oo horey loogu qaaday joogitaanka dublamaasiyiinta Maraykanka ee Magaalada Muqdisho, tan iyo markii ay Maraykanka aqoonsadeen DFS Sannadkii 2013-kii,” ayay Heather Nauert ku tiri qoraalka ay soo saartay. Sidoo kale, waxay intaas ku dartay in dib-u-soo-laabashadooda Soomaaliya ay muujinayso sida ay Dowladda Maraykanka uga go’an tahay sidii horumar dheeraad ah looga samayn lahaa deggenaanshaha, dimuqraadiyadda iyo weliba horumarinta dhaqaalaha, waxayna hoosta ka xariiqday inay arrimahaas ku jiraan danaha labada waddan ee Soomaaliya iyo Maraykanka. Dhinaca kale, Afhayeenadda Waaxda Arrimaha Dibedda ee Maraykanka ayaa qoraalkeeda ku sheegtay in danjiraha Maraykanka ee Soomaaliay, Donald Yamamoto iyo kooxdiisa ay Dowladda Somalia kala shaeyn doonaan sidii loo xoojin lahaa xiriirka wanaagsanaa ee u dhexeeya labada dal. Madaxweyne George Bush oo dhawaan geeriyooday ayaa booqasho maalin ah ku yimid Muqdisho bilowgii sannadkii 1992-kii, isagoo xafladdii lagu soo dhaweynayya dhalashada sannadkaas kala qayb-galay 20,000 oo askari oo Maraykan ah oo uu u soo diray Soomaaliya, si ay xasillooni u abuuraan. Ciidamadii Mareykanka ee Somalia la keenay xilligaas ayaa qayb ka ahaa hawl-galkii fashilmay ee dib-u-soo-celinta Rajada Somalia, iyadoo dagaal dhexmaray ciidamadaas iyo xoogag Somalia ah sannadkii 1993-kii looga dilay Maryekanka 18-sAskar. Ugu dmabeyn, Dhacdadaas waxaa laga sameey filim caan baxay oo loogu magac daray Black Hawk Down, waxaana ugu dambeyn ay dagaalladaas ku qasbeen ciidamadii Mareykanka inay isaga baxaan Soomaaliya. PUNTLAND POST The post MAREYKANKA: Safaaradeena Muqdisho waxay astaan buuxda u tahay Xiriirka labada Dal appeared first on Puntland Post.

Nairobi (Caasimada Online) – Duqii hore ee magaalada Muqdisho Maxamuud Axmed Nuur Tarsan ayaa noqday safiirka cusub ee Soomaaliya u fadhiya dalka Kenya. Waxaa maanta warqadaha ka guddoomay madaxweynaha Uhuru Kenyatta. Nur oo duqa Muqdisho iyo guddoomiyaheeda ahaa inta u dhaxeysay 2010 ilaa 2014, waxaa uu 2016-kii ka mid ahaa murashaxiinta doorashada madaxtinnimada, waxaa uu hadda baladayaa Jamaal Xasan oo ka mid ah golaha wasiirrada, waa wasiirka qorsheynta. Magacaabistiisa ka hor, Maxamuud Axmed Nuur Tarsan waxaa uu ahaa la-taliyaha dhanka siyaasadda ee madaxweyne Farmaajo. Maanta ayaa lagu qaabilay madaxtooyada Kenya, waxaana sidoo kale aqoonsiga laga guddomay 16 kale oo safiir.

Istanbul (Caasimadda Online) – Maxkamad ku taalla dalka Turkiga ayaa soo saartay amar lagu soo xirayo laba mas’uul oo ka tirsan Boqortooyada Sacuudiga aadna ugu dhow dhaxal sugaha dalkaasi Mohamed Bin Salman. Xeer ilaalinta guud ee Turkiga ayaa labadan mas’uul iyo koox ka kooban 18 qof oo Turkiga u tegay dilka Saxafigii Jamal Kashoqgi ku soo eedeeyay inay qorsheeyeen oo ay fuliyeen dil iyo ciqaab aad u culus oo lagu sameeyay weriyahaasi xilli uu ku sugnaa gudaha Qunsuliyadda Sacuudiga ee magaalada Istanbul. Labada mas’uul ee Turkigu dalbaday in lasoo xiro, loona soo gacan geliyo ayaa kala ah; ku xigeenka madaxa Sirdoonka Sacuudiga Axmed Alcasiiri iyo Xoghayaha Dhaxal-sugaha dalkaasi Sacuud Alqaxdani oo ku eedeeyay abaabulka dilka saxafiga Jamal Kashoqgi. Turkiga ayaa doonaya in labadan mas’uul iyo 18 kale oo fulisay dilka saxafiga lagu maxkamadeeyo Turkiga oo denbiga ka dhacay, laakiin dowladda Sacuudiga ayaa diiday inuu Turkiga u gacan geliyo eedeysanayaasha. Dalabka Turkiga ayaa loo gudbin doonaa Sacuudiga, iyadoo Booliska Adduunka ee Interpol laga dalban doono in meeshii lagu arko lagu soo qabto mas’uuliyiintan, waxaana Turkiga uu sheegay in Sacuudiga aanu wax gacan ah siineynin baaritaanka ay wadaan. Caasimada Online Xafiiska Muqdisho Caasimada@live.com

Shicib-yahaw wacani, waa-beryaba, warqad kuugu qorey, werwer aan qabiyo, waayo’arag an ahay, wixii aan ka helay, walaal kuu werinayoo, warka kugu hirgisay, waad diidayoo, waa kaa askari, weger kugu yidhee, walbahaar dartii, is-wajaaf-tayoo, isku waalataye, waxa aad rabtiyo, waxad diidan tahay, weli maad garane, sidda weere adhi, wadartii dhamaan, weetay-nayoo, cidla uu wadh-wadhay, waaxya-hoodi baa, haad ku welef-sadee, wax ka celiya jirin, warwareeg-tayoo, weheshiga qabiil, reer hebel warkii, baad wanaajisaa, waxad taransa-tana, weli lama hayee, waar hoo wax fahan, waaqla hays dhigina, wadan-keena bilan, wadeecadda ka dhawr, cadaw wiirsiggii, yaan loo wan-qalin, wadaddii horee, aad ku wiiqan-teen, baad weli wadaa, waar hooy ka joog, imisaan wax garo, wax hays yeelinoo, hays goyn wadnaha, imisaan war gelin, waaniyo wax sheeg, tallo waafiyiyo, murti weyn ku idhi. Maqaleey war-laay, waxan hoos u eeg, waxaan kuu wacnayn, been iyo warkeed, ka wisiisiyoo, xumahaa wadaan, baan ka webinayaa, wuu waalanyee, wuxuu kuu akhriyo, hay wadin ku odho, ka waantaw askari, walaaca-na ka durug. intaa dabadeed waxan halkan hoose kuugu sawirayaa, arimo aad u xasaasi ah, oo ay askartu ku federay-satay dalkii, ee ku soo dhawaw waa tane:- Hadaan karintan laga guurin ( Kulmiye) Diin Kabaalaysan iyo dacawo kooraysan baa la arki doonaaye, ila war suga ummad yahay. Akhristaw, lix qodob oo hore ay u ansixi-yeen, baarlamaan ku, buu dib u soo celiyey, oo hadda uu rabaa in ku noqdo keliggii taliye, siduu doon-na ugu dul socdo ummadda, afar ka mid ah 6 qodob ee aan sare ku sheegay, waxa ay ahaayeen, oo qalinka ku duugay ansaxin-toodda Madaxweyna-yaashi Daahir Riyaale iyo Siilaanyo, 2 qodob-na isaga laftiisa baa ansixiyey, ” Hablo Caaye” baa kula taliyey in uu dib u furo, waana kuwane rumayso ama ha rumaysan, aday kuu taalaaye, aniga waajib-kaygu waa in aan ku sheego waxa khaldan. (1) Xeerkii furitanka Xusbi-yadda, ee casriggii Riyaale ee Gudidda Diwaan gelintu, ka dhigeen 10kii sano-ba in mar la furo, hadeer buu ku soo celiyey golaha guurti ku sheega, oo amarka madaxtooyadda ku shaqeeya, waxay yidhaaheen, waa in shan sano laga dhigaa, iyaka oo adeegsa-naaya, Qaar dhuuni raacyo ah, oo golaha ka tirsan, sababta loo galgala-nayaana waxa weeye:- (a)) In ruqsadda Xusbi-nimadda laga qaado Waddani, waayo Reer aan la ogalayn, in uu saaxadda siyaasadda soo galo haba-yaraatee, bay ku sheegeen in uu leeyahay. (b) In dalka laga dhigo xusbi keliya ( oo ah kulmiye), kaasna ay jeegaantu gacanta ku hayso weligeed, si aan wax iyaka ahayni madax uga noqon dalka, lagana ilaaliyo beelo gaar ah, oo kulmiye uu noqdo xusbiggii Robert Mugabi ee Zimbabwi. (2) Xeerkii Boliiska, oo isana loo fasaxay in ay askartu waxay, iyaka oo loo kala ab-tirinaayo, taas oo ay si gaar ah mucaaridka loola dagaala-maayo, inta kale magtoodda la siinaayo, laakiin wixii mucaaridka ah ee ay leefto rasaastu waa ka kac, u jeedadda uu u soo celiyey xeer-kaas asakrigu, waa sidas in uu dadka ku kala reebo oo una yeelo dabaqado. (3) Xeerka qoyska, oo imika laga dhigay kii baybalka kiristanka ( Christian bible code), oo loo fasaxay in gabadhi, haddii aanay doonayn nin-keedda, ay odhan karto, kuna dacwayn karto, kiis ah wuu I kufsaday, hore-na waxa u yimi dal-keena, markii la sharci-yey-naayey waxan qudhunka ah, kii baarlamaanka ingiriiska ahaa, ee ragga is qaba ugu sareeyey ( fanka-cawdu-bilaah). (4) In Saami qayb-siggii Xildhibanao ku sheega oo aan isu dheeli tinayn isna Meesha laga saaro, buu u soo celiyey. (5) Waxa uu soo wadaa hadda, oo loo soo gudbinayaa dhawaan, kuwan loogu yeedho guurtidda, warqad uu ku soo faygaray askarigu, taas oo odhanaysa, waa in Madax-weynaha laga dhigaa 10 sano, oo mar qudha la doorto, iyadda oo aan loo kala jebin laba jeer, oo min shan sano ah, doorasho u dhaxay-sana laga saaro Meesha ( Waa sidda ay imika tahaye), waayo wuxu qoon-daystay in aanu doorasho-dambe gelin, ee sidaas ku dhamaysto 10 sano, iyo dhii-dhii uu ku sii darsado. (6) Xeerka ganacsiga Qaranka, oo in gaar ah loo xidhay, taas oo aan la rabin in ummadu ruqsadda ganacsiga u sinaato, loo xakameeyey jeegaanta oo keliya sidda qandaraas-yadda. Wixii hore-ba ka kac weeye, wax yaalaana Meesha ma jiraan, maamul ka socdaana ha sheegin, ee waa la iska qasanayaa, ee waa xero in yari xoolo ku dhaqato. Wuxu bilaaaby in uu mid-mid u bedelo distoorkii qaranka, oo uu ku salaxdo siduu rabo. Muwaadin, horaa loo yidhi hunguri sharci ma dabaalo, diin xukunta iyo cid qabtaa mid-kood-na ma Jiro, xishood iyo wanaag, qun yar socdda horaa looga quustay, waxa keliya ee celiyaa waa caloosha, oo loo buuxiyoo qudha, nin hunguri iyo xoolo bilaashi u muuqana-yaan ama ay u hilaacayaan, daacad-nimo ka dheere, iska daa wax uu tiig-sado iyo in uu u cidhib-sado’e, salaan dheer buu cirka ugu koraaya ,siddii uu uga digsiin lahaa xaaraanta lagu qaatay iyo boobka loo soo kala bereta-maayo. waxan-se kuu hubaa in ay iman doonto, maalintii uu lahaa (IHN) Aabihii abwaanadu, waa Ahmed Ismaaciil Diiriye’e ( Qaasim). ” Mar uun buu daboolka iska rogi doob la quudh-sadaye”. Waxa uu ku dhan yahay maqaal-kani, wixii af-weyne ka xishoon jirey, bay ku faanaan kuwan kulmiye sheegtaa. N.B Is Moog Udbii Bay Aslaysaa! Qore:- Abdi-Shotaly. ashotaly5@gmail.com Source

Mayor ismacil x nuur wuxu MAYIRADA Somaliland dheer yahay kana waayo argaysan yahay waxa Badan buu joogay marxaladihii dalka somaaliland so Maray horayso iyo danbaysoba. WUXUU ka mid ahaa halgamayaashi SNM nafdooda iyo Maalba u Huray , isagoo xiligii siyaad bare ahaa ganacsade ka mid ahaa ganacsadayaashi gobolka sanaag, Kana mid ahaa ragii Mar walba dowladi siyaad bare xadhi jirtay AYUU markii danbe KA baxay magaalada ceergabo markuu u adkaysan waayey cago juglaynti lagu hayey sharaftisa iyo maalkisaba ayuu dhinaca buuraha u baxay Waxayna buuraha ka hirgaliyeen ismaci xaji nuur iyo rag badan odayaal iyo ganacsade ahaa , badangoodu maanta ma noola ilaahay how naxariisdo , waxay hirgaliyeen ciidan Ama farac kamid ahaa snm Gudaha dalkana saldhigoodu yahay, halka snm markaa joogtay dalka Ethopia Waxayna ka bilaaben halganki dib u xoraynta snm, iyo weraro lagu qaadi jiray ciidamadi siyaad bare ee joogay gobolka sanaag WALIBA ismaacil xaji nuur Dhawac ka soo gaadhay Dagaaladi isdaba jooga ahaa lagu qaadi jiray ciidamadi siyaad bare. Markaa dalka la xoreeyeyna waxa uu kamid ahaa shirarki nabadaynta somaaliland ka hirgaliyey Haduu yahay shirkii somaaliland ee burco lagu dhawaaqay 1991, IYO shirarki nabadaynta gobolka sanaag ka qabsoomay dhowr iyo sagaashanki .Mayor ismacil maalgisi iyo naftisiba wuxuu u Huray somaaliland.. Madaxawaynayaashi Somaliland so Maray Shanti madaxwayne Wuu lasso shaqeeyey Wuxuuna ka mid yahay asaarta qadiimiga ah somaaliland. WAANA mayirki uku horeeyey ka hirgaliyey gudaha ceergabo wado laami ah . Wali wuxuu ka shaqaynayaa horimarka somaaliland IYO midnimada iyo Wada jirka somaaliland ,maalinti dhawayd ee madaxwaynu safarka ku joogay Madaxwayne muuse biixi WUXUU yidhi mayor ismacil ayaan Koob Shaaha ka Cabi Kari waayey Oo ileh wadadi iyo jaamacadi madaxwayne waxasay u baahan yihiin isagoo jaaniska ka faa,iidaysanaya madaxwaynuhu gobolka sanaag joogo waxaqabadna gobolka iyo degmada madaxwaynaha u waydinaya . By mire cali xasan mohamedhassan3867@gmail.com Source

Waxaan qoraal kooban ku soo gudbinayaa dareenka shacbi weynaha Somaliland oo aan u kuurgalay inbadan oo kamid ahi sida ay u arkaan socodaalka Madaxweynaha Jamhuriyada Somaliland Mud.Muuse Biixi Cabdi, socdaalkan oo anigu aan u bixiyey “Nabad iyo Midnimo”, waxa uu ku beegmay xili in badan oo shacabka muwadiniinta ahi ka werwer qabeen, kana walaacsanaayeen, sida uu noqon doono xukunka iyo maamulka Madaxweyne Muuse Biixi Cabdi mudo hal sano ah kadib. 115%; font-size: 11pt; font-family: Calibri, sans-serif; text-align: justify;”> Runtii farxad ayey u tahay guud ahaan shacabka iyo inbadan oo wanaaga iyo iskuduubniada Somaliland jeceli in ay dhegahooda ugu raaxeeyaan wararka la xidhiidha socodaalka Madaxweyne Muuse Biixi ee uu ku maraayey gobolada bari oo inbadan tabasho iyo cabashooyin ka tirsanaayey Xukumadda Muuse Biixi iyo xukumadihii kale ee ka horeeyey. Sidoo kale waxay farxad u tahay muwadiniinta shacabka ah ee ku dhaqana Goboladda madaxweynaha iyo weftigiisu socodka ku marayaan iyo mashaariicda uu xadhiga ka jaraayo madaxweynuhu, iyagoo isku arkaayey waa goboladaase in ay ka sii baxayaan saaxadda dawladnimo iyo dalnimo, iskuna arkaayey kuwo la ilaawey oo aan cid iyo dawladi midna dan iyo danno gaar ah ka lahayn. Tiraba laba jeer ayey ahayad intii uu xilka haye Madaxweyne Biixi, in aan fariimo xambaarsan midnimo iyo wax-wada-qabsi u diray Madaxweynaha iyo xukumadiisa, taas oo talo iyo soojeedin iila muuqatay, madaama oo aan ahay muwaadin xaq u leh wixii sax iyo toosin ah in uu la garab istaago xukumaddiisa iyo madaxdiisa, waa illahay mahadii kol hadii qodobo kamid ahaa fariimihii aan madaxweynaha u diraayey ay maanta iigu muuqdaan kuwo hirgalay oo madaxweynuhu fulinaayo, Sidaa darteed waxaa maanta xaq la iigu leeyahay aniga iyo inta wanaaga iyo midnimadda umada Somaliland jeceli in aanu hambalyo iyo dhiirigelin la garab istaagno Madaxweyne Biixi iyo weftigii uu hogaaminaayey ee sida geesinamada leh ugu dhex laafyoonaayey gobolo in badan warbaahintu ka sheegi jirtay dhibaatooyin iyo cabashooyin dawlad la’aan ina tusaaya. Fariinta Shacabka: Madaxweyn guul ayey kuutahay, isla markaana guul ayey u tahay shacabkaaga, socdaalka qiimaha badan ee aad ugu kuur gelaysey wax ka ogaanshaha shacabka aad Madaxweynaha u tahay. Madaxweyne hore u soco oo noqo kii umadiisa iyo dadkiisa guul iyo midnimo u horseeda, hana noqon kii loo hanweynaa ee lugu khasaaray, dheg ha u dhigin qabyaaladda iyo nin jecelaysiga waxaad madaxweyne u tahay qarankan iyo shacabkiisa oo dhan, waad dareemi kartaa jacaylka iyo taageerada shacabka aad dhex socotaa kuu hayaa, ee waxqabad muuqda ku taageer iyo hadalo midnmio iyo isjecelaysi xambaarsan. Wabilahi tawfiiq. Mr. Hamse Bashe (Wiyeer-yare) Qoraa / Saxafi madax banaan E-mail: Xamse18@gmail.com www.wiyeeryare.blogspot.com www.twitter.com/wiyeeryare www.facebook.com/wiyeeer Hargeysa -Somaliland Source

Qaran News

Siyaasi Axmed Aden Carab oo ka mid ahaa xubnihii wax ka asaasay Dawlada Puntland, isla markaana xilal kala gadisan ka soo qabtay Xukuumada Puntland ayaa [...] Source

(SL-T Burco)Wadada Dubeerin Ayaa Kamida Wadooyinka Baylahan Oo Ay Inta badan Dhibaato Kala Kulmaan Bulshada Rayidka Ee Ku Safarysa, Xukumadda Somaliland Ayaa Umuuqata Mid Aaan War Ka hayn. Halkan Ka Daawo Muuqaalka Source

(SLT-Caynaba)-Khilaaf Ka Dhex Qarxay Bahda Garsoorka Iyo Taliska Booliska Gobolka Saraar + Taliyaha Booliska Oo Xoog Kula Baxay Maxabiis La Xukumay, Halkan hoose ka DAAWO Source

Duqii hore ee magaalada Muqdisho Maxamuud Axmed Nuur Tarsan ayaa noqday safiirka cusub ee Soomaaliya u fadhiya dalka Kenya. Waxaa maanta warqadaha ka guddoomay madaxweynaha Uhuru Kenyatta. Nur oo duqa Muqdisho iyo guddoomiyaheeda ahaa inta u dhaxeysay 2010 ilaa 2014, waxaa uu 2016-kii ka mid ahaa murashaxiinta doorashada madaxtinnimada, waxaa uu hadda baladayaa Jamaal Xasan oo ka mid ah golaha wasiirrada, waa wasiirka qorsheynta. Magacaabistiisa ka hor, Maxamuud Axmed Nuur Tarsan waxaa uu ahaa la-taliyaha dhanka siyaasadda ee madaxweyne Farmaajo. Maanta ayaa lagu qaabilay madaxtooyada Kenya, waxaana sidoo kale aqoonsiga laga guddomay 16 kale oo safiir. Goobjoog News Source: goobjoog.com

Dhoobley ( Sh. M. Network )-Ciidamada Milatariga dowladda Kenya ayaa lagu soo warramayaa in maanta dhaq dhaqaaqyo xoogan ay ka wadaan xadka Soomaaliya, gaar ahaan degmada Dhoobley ee gobolka Jubbada Hoose. Ciidamadani oo ah kuwa badan ayaa la soo dhoobay deegaanada dhaca Xadka ay wadaagaan Soomaaliya iyo Kenya. Illaa iyo hadda lama oga sababta ka dambeysa tallaabadaasi, balse waxaa waayadan jirtay cabsi ay Kenya ka qabtay weeraro kaga yimaada Al Shabaab. Sidoo kale dadka deegaanka ayaa wal wal ka muujinay in weeraro iyo dagaallo ay ka dhacaan halkaasi, maadaama ay jiraan xiisado xoogan. Muddooyinkii dambe ayaa Al Shabaab ayaa kordhiyay weerarada ay ka fuliyaan gudaha dalka Kenya, gaar ahaan gobolka Waqooyi Bari ee dalkaasi. The post Ciidanka Kenya Oo dhaq dhaqaaqyo ka wada xadka Soomaaliya appeared first on Shabelle. View the full article

Awdheegle ( Sh. M. Network )-Taliska hay’adda nabad sugida iyo sirdoonka Soomaalia ee NISA ayaa ka hadlay weerar ay diyaarado dagaal ka qeyb qaateen oo xalay ka dhacay deegaanka Awdheegle ee gobolka Shabeelaha Hoose. War ka soo baxay hay’adda NISA ayaa lagu sheegay in Ciidanka amnigu howlgal qorsheysan ay ku qaadeen deegaankaasi oo ay gacanta ku hayaan Al Shabaab. NISA ayaa shaacisay in weerarkan lala bartilmaameedsaday goobo lagu farsameynayay walxaha qarxa. “Howgal Ciidanka amnigu xalay ka fuliyay xarun Al Shabaab ay ku laheyd Tuulada Awdheegle ayaa lagu qabtay walxaha qarxa, Ciidanka ayaa naftooda u hura badbaada shacabka”. ayaa lagu yiri qoraal ka soo baxay NISA. Hay’addu ma shaacin haddii uu jiro khasaare Al Shabaab lagu gaarsiiyay weerarkaasi. Dhanka kale Al Shabaab ayaa ka hadlay howlgalkaasi, sida ay ku baahiyeen barahooda Internet-ka. Al Shabaab ayaa warkan ku sheegay in ay iska caabiyeen, kana hortageen weerar ay ku soo qaadeen Ciidamo Mareykan ah iyo kuwa Bankaraafta Soomaaliya. Waxaana Al Shabaab ay baahiyeen in Gantaallada qaar ay ku dhaceen Suuqa Caanaha Awdheele iyo xaafadda Caanoole ee degaankaasi, halkaas oo ay dagan yihiin dad shacab ah. Sidoo kale Al Shabaab ma shaacin wax khasaare ah oo iyaga soo gaaray ama dadka Rayidka ah. Ciidamada dowladda iyo kuwa AMISOM ayaa todobaadyadii la soo dhaafay sare u qaaday duulaanka ka dhanka ah Al Shabaab ee ka socda K/ Soomaaliya. The post NISA Oo war ka soo saartay howlgal laga fuliyay Sh/ Hoose appeared first on Shabelle. View the full article