Garoowe ( Sh. M. Network )-Xilli 26 bishan oo ku beegan maalinta Sabtida magaalada Garoowe lagu qaban doono munaasabadda caleema saarka madaxweynaha cusub ee maamulka Puntland Saciid C/laahi Deni ayaa maanta waxaa gaaray magaaladaasi wafuud kala duwan oo ka tirsan dowladda Soomaaliya. Ugu horreyn garoonka diyaaradaha Gen. Maxamed Abshir Haamaan ee magaalada Garoowe waxaa ka dagay wafdi uu hoggaaminayo guddoomiyaha Aqalka Sare Cabdi Xaashi C/laahi, waxaana soo dhaweeyay guddoomiyaha Baarlamaanka Puntland C/xakiin Dhoobo Daareed. Sidoo kale wasiiro ka tirsan Xukuumadda Soomaaliya oo ay ka mid yihiin wasiirada waxbrashada iyo dastuurka ayaa saacadihii la soo dhaafay gaaray magaalada Garoowe ee xarunta gobolka Nugaal. Guddoomiyaha golaha wakiilada Puntland ayaa si wanaagsan ugu soo dhaweeyay Garoowe guddoonka Aqalka Sare, isaga oo u sheegay in Gurigiisa uu yimid. Cabdi Xaashi C/laahi ayaa ka mahadceliyay soo dhaweynta, dhinaca kale waxa uu boggaadiyay doorashadii dhawaan ka dhacday Puntland iyo hanaanka loo wajahay. Saacadaha soo socda ayaa la filayaa in Garoowe ay gaaraan xubno sar sare oo ka mid ah dowladda Soomaaliya iyo madaxdii hore ee dalka, sida Xasan Sheekh Maxamuud iyo Sheekh Shariif Sheekh Axmed. Caleema Saarka Madaxweynaha cusub ee Puntland Saciid Deni ayaa ka duwan kuwii horay dalka loogu qaban jiray, maadaama munaasabadaasi ay ku kulmi doonaan mas’uuliyiin si fog ugu kala aragti duwan siyaasadda Soomaaliya. The post Wafdi ka socda DFS Oo gaaray Magaalada Garoowe appeared first on Shabelle. View the full article

Muqdisho ( Sh. M. Network )-Faah faahinno dheeraad ah ayaa ka baxaya dil kooxo hubeysan barqanimadii maanta ay ka geysteen agagaarka Suuqa Ansalooti degmada Waabari ee Gobolka Banaadir. Dilkan ayaa waxaa la sheegay in loo geystay guddoomiye laameed ka tirsanaa maamulka degmada Wadajir, kaas oo lagu magacaabi jiray Axmed Cali Woosh. Sidoo kale waxaa rasaasta ay fureen Dableydaasi ku geeriyooday Qof kale oo la socday Marxuumka. Ciidamo ka tirsan kuwa ammaanka Soomaaliya ayaa gaaray goobta uu dilku ka dhacay, kuwaas oo baaritaano kooban kaa sameeyay halkaasi. Dhinaca kale Al Shabaab ayaa sheegatay masuuliyadda dilalkaasi, waxaana ay sheegeen in degmada Waabari ay ku dileen labo Askari oo ka tirsanaa Sirdoonka Soomaaliya. Sidoo kale Al Shabaab ayaa intaasi ku daray in ay horay u qaateen Hub ay wateen Raggaasi, sida ay ku baahiyeen barahooda Internet-ka. Muddooyinkii la soo dhaafay ayaa waxaa siyaabo kala duwan dilal qorsheysan ay uga dhacayeen gudaha magaalada Muqdisho. The post Kooxo hubeysan Oo dilal ka geystay magaalada Muqdisho appeared first on Shabelle. View the full article

Muqdisho ( Sh. M. Network )-Wasiirka wasaaradda gaadiidka iyo duulista hawada xukuumadda Soomaaliya Maxamed C/laahi Salaad (Oomaar ) oo la hadlayay Televison-ka Bbc-da ayaa ka hadlay kiiska Antony Thomas oo ah nin ajnabi ah oo sabtidii la soo dhaafay laga qabtay gudaha Garoonka diyaaradaha M/Muqdisho, kadib markii ay ka shakiyeen laamaha amniga Soomaaliya. Wasiir Oomaar ayaa sheegay in ninkani labo dhalasho uu ka heysto dalalka Faransiiska iyo Ingiriiska, islamarkaana uu in muddo ah ka shaqeynayay Soomaaliya. Sidoo kale wasiirka gaadiidka iyo duulista hawada Soomaaliya ayaa intaasi ku daray in Antony Thomas lagu waayay waxyaabihii lagu tuhmay ee ahaa in uu sido waxyaabaha qarxa, balse waxa uu tilmaamay in go’aanka iyo wax laga yeelayo looga fadhiyo hay’adaha Garsoorka dalka. Maxkamadda gobolka Banaadir oo la horgeeyay eedeysanahani ayaa shalay amartay in lagu sii hayo xabisga dhexe ee Xamar, maadaama fal dambiyeedka loo heytso uu yahay mid Qatar ah ku ah amniga guud ee dalka. The post XFS Oo ka hadashay kiiska Antony Thomas appeared first on Shabelle. View the full article

Dooxa ( Sh. M. Network )-Wasiirka difaaca xukuumada Soomaaliya Hasan Cali Maxamed Amar dambe oo ku sugan magaalada Doha ee xarunta dalka Qatar ayaa la kulmay Amiirka dalkaasi Sheikh Tamim Bin Hamad Al Thani. Kulankani oo ahaa mid muhiim ah ayaa waxaa diirada lagu saaray sidii loo xoojin lahaa xiriirka labada dal iyo iskaashiga u dhexeeya dalalka Qtar iyo Soomaaliya. Dowladaha Qadar ayaa saaxiib dhow la’ah Soomaaliya, iyadoona ka caawisa dhinacyada dib u dhiska iyo xoojinta kaabaysha dhaqaalaha dalka. Kulankan ayaa imaanaya, xilli dhawaan Qatar ay ku wareejisay dowladda Soomaaliya 68 Gaadiidka dagaalka ah, gaar ahaan ku Gaashaaman. The post Wasiirka Gaashaandhigga XFS Oo la Kulmay Amiirka Qatar appeared first on Shabelle. View the full article

Alle ha u naxariistee, Gen Cabdullaahi Cali Mire (Carays) oo shalay ku geeriyooday magaalada Garoowe ayaa maanta aas-qaran loogu sameeyay duleedka wayooqi ee isla magaaladan Garoowe, waxaana aaskiisa ka soo qeyb galay madaxweynaha dowladda Puntland, Siciid Cabdullaahi Deni. Madaxweynaha dowladda Puntland waxaa ku wehelinayey aaska-qaran ee loo sameeyey marxuumka, madaxweyne ku-xigeenkiisa,Axmed Cilm Cismaan, madaxweynayashii hore ee dowladda Puntland Dr. Cabdiweli Maxamed Cali (Gaas) iyo Dr Cabdiraxmaan SH. Maxamed Maxamuud (Faroole), madaxweyne Ku-xigeennadii hore, Cabdixakiin Cabdullahi Xaaji Cumar (Camey),iyo Cabdisamad Cali Shire, gudoonka Golaha wakiiladda Puntland, mas’uuliyiin ka tirsan goleyaasha dowladda, saraakiil ciidan, isimo Iyo dad weyne kale oo badan. Sareeye guud Siciid Maxamed Xirsi (Siciid Dheere ) oo aaska hadal ka jeediyay ayaa si faahfaahsan uga sheekeeyay, taariikh nololeedkii Alle Ha u naxriistee, marxuum Gen. Caabdullaahi Cali Mire (Carays) oo ay in mudda soo ka soo wada-shaqeeyeen dhinaca ciidamada. Dhinaca kale, madaxweynaha dowladda Puntland, Siciid Cabdullahi Deni oo kalmad kooban ka jeediyey aaska qaran ayaa marlabaad uga tacsiyeeyey ummadda Soomaaliyeed, shacabka Puntland, eheladii iyo qaraabadii uu ka baxay marxuumka, waxaana uu codsaday, in ay iska cafiso haddiiba ay jirto cid wax kala gaareen. “Waxaan tacsi gaar ah u dirayaa eheladii iyo qaraabadii uu ka geeriyooday samir iyo iimaan Alle ha idinka siiyo, Wuxuu noo ahaa halgamaa wax badan kasoo qabtay dalka Soomaaliyeed iyo Puntland taariikhdu way xusi doonta anaguna waan xusuusan doonaa haddii Alle idmo, Waxaan rajaynayaa dadka reer Puntland iyo cid kasta oo uu la mucaamulay oo ay wax kala gaareen in ay CAFISO ciddii wax gaar ah u haysatana in ay Dowladda Puntland lasoo xidhiidhaan” ayuu yiri Deni. PUNTLAND POST The post Gen Carays oo aas-qaran loogu sameeyay Garoowe appeared first on Puntland Post.

Source

Muqdisho ( Sh.M.Network):-Halkaan ka Dhageyso Warka Duhur ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2019/01/Warka-duhur-240119.mp3 The post Dhageyso:-Warka Duhur Ee Idaacadda Shabelle appeared first on Shabelle. View the full article

Nairobi (Caasimada Online) – Guddoomiye ku xigeenka Labaad ee Baarlamanka is-maamulka Gaarisa Kenya, Maxamed Cali Sheekh, ayaa Gaashaanka u daruuray in Soomaalida ku nool Xeryaha Qaxootiga ee Dhadhaab ay gabbaad siiyaan Kooxda Al-Shabaab ama laga soo maleego falalka argagixisanimo. Hadalkan Mudane Maxamed, ayaa jawaab u ahaa codsi uu Gudoomiyaha Gobolka Tana River ee Dalkaasi, Daado Godana, u diray Dowladda dhexe, kaas oo ahaa in Dalkooda Hooyo lagu celiyo Qaxootiga Soomaaliyeed ee ku nool Xeryaha Dhadhaab, maaddaama halkaasi laga soo abaabulo weerarada ay Kooxda Al-Shabaab ka geysato gudaha Kenya. Guddoomiye Maxamed Cali, ayaa sheegay in Dadka Qaxootiga ah ay marti gelisay Dowladda is-maamulka Gaarisa, wuxuuna hadalka , Daado Godane ku tilmaamay mid isir nacayb ah, isla markaana uusan ka hadli Karin maadaama aysan Dhadhaab ahayn degaankiisa. Wuxuu sidoo kale Gudoomiyuhu walaac xooggan ka muujiyay hadalka Daada Godane, isagoo sheegay in ay ujeedadu tahay mid uu ku doonayo in lagu wax yeelaayo dadka Soomaaliyeed ee degan Gobolka Tana River, colaad sokeeyana uu ka abuuro halkaas. Laamaha ammaanka ee Dalka Kenya ayuu ka codsaday in ay ka feejignaadaan hadalada ka imanaya Daado Godane, wuxuuna codsaday in lala xisaabtamo oo tallaabo sharci ahna laga qaado. Caasimada Online Xafiiska Nairobi caasimada@live.com

Qaran News

Source

Wafdi ka socda dowladda federalka Soomaaliya oo isugu jira golaha wasiiradda iyo saraakiil ciidan ayaa goor dhowayd kasoo dagay magaalada Garowe, iyagoo hordhac u ah [...] Source

Dowladda federaalka ah Soomaaliya waxaa ay Febraayo 7, 2019-ka, dalka Ingiriiska ku qaban-doontaa tartan iib oo lagu bixin-doono bolock-yo dhan ilaa 50 xabo, oo ku saabsan baarista shidaalka ku jira xeebaha koonfurta Soomaaliya. Halkii Block waxaa uu ku fadhiyaa 5,000km2 oo shidaalka ku jira ay kala badan yihiin, qaar ayaa waxaa ku jira 2 bilyan oo birmiil, qaar kale 3, 4 ama 5, waxaa jira jira Block-yo ay ku jiraa ilaa 7 Bilyan oo Barmiil oo shidaal ah! Tartanka iibka ee dowladda federaalka ah ku qaban-doonto London 7-bada bisha soo socota, waxaa bannaanka ka ah oo aan tartankaas ku jirin Block-yo horay loo siiyey Shell.Exxon iyo Soma Oil & Gas, shirkadda hore waxaa ay dowladdii Jaalle Siyaad ka heshay 60,000km2 oo dhaca bariga Soomaaliya halka Soma Oil & Gas ay horay u xulatay 12 block oo koonfurta Soomaaliya ah gaar ahaan agagaarka Baraawe iyo Marka, oo ay ku jiraan labo Block ka mid ah sida 7 & 8 ilaa 13 Bilyan oo Barrels am Birmiil. Haddaba, Goobjoog News, ayaa ogaatay in dowladda Soomaaliya aaney xilligan diyaar u aheyn tartan iib oo noocaas ah marka la fiiriyo shaqo la rabay in la qabto tartanka ka hor oo aan la dhameystirin, taasi oo keeni karta in natiijo fiican aaney ka soo bixin ama in la khiyaameeyo Soomaaliya, kheyraadkeedana si fudud loo qaato. Arrimaha muhiimka ah ee dowladda ilaa hadda qabatay waxaa ka mid ah: Heshiiska maamulka iyo wadaagga kheyraadka oo ay wada saxiixdeen dawladaha xubin federaalka ah iyo dawladda federaalka, waxaana la sheegayaa in la diyaariyey Modeelka Soomaaliyeed ee Soo-saar Wadaagga Shidaalka (Model Production Sharing Agreement) iyo xogahii saysmikada ee badda (2-D seismic data), oo tilmaamaya meelaha laga yaabo inuu shidaal ku jiro oo biyaha badda ka hooseeya. Marka 3-daas arrin laga soo tago, waxaa dhimman ama qabyo ah arrimo aan la’aantood wax tartan ah la qaban Karin: Akhriso, 7 Qodob Oo Ku Tusinaya In Soomaaliya Aaney Diyaar Aheyn Tartan iib Block: 1. Ma lihin dad nagu filan oo aqoon iyo khibrad u leh hawlaha qandaraas-bixinta iyo gorgortanka la xiriirka ee shirkadaha caalamiga ah ee sahmiya, soona soo-saara shidaalka. Marka hore sow ma aheyn in la diyaariyo khayraad aadami ah oo hanan karo hawlaha ilaalinta iyo horumarinta khayraadka. 2. Sharciga Batroolka oo Baarlamaanka Federaalka la yaalla, la’aantiisa ayeyna rabtaa dowladda federaalka ah inay gasho tartan iib, oo lagu bixinayo 50 Block oo midka ugu yar ay ku jirto 5 Bilyan oo Barmiil. 3. Ma jiro Xeerar hoosaadyo ku saabsan bii’ada (deegaanka) iyo caafimaadka (Health /safety and environment) 4. Ma dhisna Hayadda Soomaaliyeed ee Shidaalka (Somali Petroleum Authority)- Hayaddan waxay bixinaysaa laysanada iyo ruqsadaha, waxayna daba-galaysaa hawlaha socda, iyo sida ay u socdaan hadday waafaqsan tahay heshiiska Soo-saar wadaagga shidaalka (Production sharing agreement” 5. Ma jirto wax caddeynaya in lahayo xog sax ah ee 2-D saysmikada taasi oo lagu qiimeyn karo Blockyada iyo kala duwanaanayaan mugga shidaalka. 6. Lama sameyn qiimaynta saamaynta hawalaha shidaalka ay ku yeelan karaan deegaanka badda ah (Environmental impact assessment). 7. Lama diyaarin Sharciga Cashuuraadka (a Modern Tax Law). Sidaan og nahay Wasaaradda Maaliyadda ayaa faraha ku hayso hawshaas. Sidaas awgeed, waxaa muuqata in wasaaradda Batroolka uu degdeg ku jiro, arrintaas oo saameyn ku yeelan karta qaranka Soomaaliyeed. Goobjoog News Source: goobjoog.com

Muqdisho (Caasimada Online) – Siyaasi C/raxmaan Cabdi Shakuur Warsame ayaa qoraal uu soo dhigay bartiisa Facebook kusoo qoray qoraal uu ku muujiyay inuu ka digayo shir ka dhacaya magaalada London. Qoraalkiisa ayaa u qornaa sidan:- Waxaa lagu wadaa in la qabto 07 Febraayo oo ku beegan maalin ka hor sanadguuradii labaad ee doorashada Madaxweyne Farmaajo, xaraash (auction) xirmooyin 50 (blocks) oo shidaalka Soomaaliya ka mid ah oo ku teetsan dhul ku fadhiya 173,000 km. Shirka oo ka dhacaya Hotel Claridges ee Magaalada London ayaa waxaa soo abaabulay xukuumada Federaalka ah, shirkada SOMOIL oo magac bedelatay iyo shirkada Spectrum oo dalka Norway laga leeyahay. Xaraashka (auction) ayaa dhacaya iyadoon hal qodob laga taabagelin heshiiskii ay 05/06/2018 Magaalada Baydhabo ku gareen dawlad federaalka ah iyo dawlad Goboleedyada. Heshiiska oo loogu magac daray Lahaanshaha maamulka iyo wadaaga dakhliga kheyraadka dabiiciga ah ee dalka (Shidaalka iyo Macdanta) ayaa dhigaya in 1- In sharciga Shidaalka iyo Macdanta laga ansixiyo Labada Aqal ee Baarlamaanka Federaalka. Lama ansixin. 2- In la dhiso Golaha Khayraadka Dalka oo ah Golaha ugu sareeya ee lagu lafa guro Arrimaha kheyraadka ee u baahan in laga heshiiyo, waxaana xubno ka ah madaxda fulinta ee heer Dawlada Federaalka ah iyo Dawlad Goboleedyada. Lama dhisin. 3- In la dhiso Hay’adda Batroolka Soomaaliyeed, taasoo lagu dhisayo sharci gooni u ah waxayna ka shaqayn doontaa wada hadallada heshiisyada, diyaarinta shatiyadda, kormeerka, hubinta iyo hirgelinta sharciyadda Bartoolka. Lama dhisin 4- Shirkadda Shidaalka Soomaaliyeed ( Somali National Oil Company- SONOGRAM) waa shirkad ay yeelanayso dawlada Soomaaliya oo masuul ka noqonaysa sahminta, dhismaha kaabayaasha shidaalka, sifeynta, soo saarida iyo suuq gaynta. Rasumaalka iyo wadaaga saamiyada shirkada waxaa lagu qeexayaa sharci gaar ah. Lama dhisin. Waxaa sharci daro ah in la qabto shir lagu xaraashayo (auction) shidaalka Soomaaliya, iyadoo sharcigii Batroolka iyo Khayraadka aysan labada aqal ee Baarlamaanku meelmarin, lana dhisin hay’adhii iyo golayaashii laga maarmaanka u ahaa ilaalinta shidaalka iyo Macdanta Soomaaliya. Haddaba, waxaan uga digaynaa shirkadaha loogu yeeray shirka in ay ku kadsoomaan iibsiga xirmooyinka (blocks) shidaal ee ay xukuumada soo bandhigayso. Waxaan shacabka Soomaaliyeed ugu baaqaynaa in ay ilaashadaan khayraadka dalkooda, kana hortagaan xaraashka shidaalka iyo Macdanta dalkooda. Caasimada Online Xafiiska Muqdisho Caasimada@live.com

Guddoomiyaha barlamaanka aqalka sare ee Soomaaliya, Cabdi Xaashi Cabdulaahi ayaa goor dhowayd soo gaaray magaalada Garowe ee caasimadda Puntland, isagoo kamid ah ergada lagu casuumay [...] Source

Berbera (Caasimada Online) – Wararka aan ka heleyno magaalada Berbera ayaa sheegaya in shirkadda DP World ay ku qasabtay qaar kamid ah shaqaalaha dekada inay qaataan Baasaboorka Soomaaliya. Wararka aan heleyno ayaa sheegaya in shirkadda DP World ay dooneyso in shaqaalaha qaarkood ay u qaado tababar Imaaraatka carabta ah, taasi oo qasabtay inay helaan baasaboor caalami ah oo lagu tagi karo Imaaraatka. Faadumo Saciid Ibraahim oo kamid ah xisbiga Wadani ayaa sheegtay in Somailand ay ku fashilantay siyaasadda arrimaha dibadda Somaliland, taasi oo qasabtay in shaqaalaha la weydiiyo baasaboorka Soomaaliya. Iyada oo saxaafadda kula hadleysay magaalada Hargeysa ayay sheegtay in shaqaalaha dekada magaalada Berbera la doonayay in tababar dibadda ah loo qaado, balse lagu xujeeyay baasaboor aan aheyn midka Somaliland. Waxaa sidoo kale ay sheegtay in shaqaalaha lagu amray inay baasaboorka u doontaan magaalada Garowe ee xarunta maamulka Puntland maadaama ay u dhow dahay magaalooyinka Somaliland. DP World ayaa wali gacanta ku haysa maamulka dekada magaalada Berbera oo heshiis ay ku heshay, waxaana la sheegayaa in hadda ay wax badan ka badashay nidaamka ay shaqaalaha kula dhaqmeysay. Caasimada Online Xafiiska Somaliland Caasimada@live.com

Muqdisho (Caasimada Online) – Wasiirka wasaaradda Gaadiidka iyo duulista hawada xukuumada Soomaaliya Maxamed Cabdullaahi Oomaar ayaa xog dheeri ah ka bixiyay ruuxii ajnabiga ahaa ee lagu qabtay magaalada Muqdisho. Maalintii shalay maxkamadda gobolka Banaadir ayaa amartay in Antony Thomas lagu haayo xabsiga ilaa baaritaanka laamaha amaanka ay wadaan uu kasoo dhaamanayo, kadib qoraal kasoo baxay maxkamadda. Wasiir Oomaar ayaa sheegay in ruuxa lagu qabtay magaalada Muqdisho uu heysto dhalashada labo wadan oo kala ah Ingiriiska iyo Faransiis, waxaana uu muddo ka shaqeynayay magaalada Muqdisho. Oomaar ayaa sidoo kale sheegay in Antony Thomas aysan jirin tuhun weyn oo laga shaki karo, maadaama uu dalka muddo ka shaqeynayay, islamarkaana aysan jirin meel uu doonayo inuu bartilmeemeydsado. Wuxuu sidoo kale sheegay in go’aanka iyo natiijada baaritaanka ay leeyihiin hay’adaha kala duwan ee dalka Soomaaliya. https://www.caasimada.net/wp-content/uploads/2019/01/Codka-oomaar-ninka-la-qabtay.mp3Caasimada Online Xafiiska Muqdisho Caasimada@live.com

(SLT-Hargeysa)-Kulan Qado iyo fadhi iskugu jiray ayay Doraad wada yeesheen Haldoorka Salaadiinta Beelaha Gabiley Clan iyo West Burco Clan, waxaana kulankan sida la sheegay diiradda lagu saaray arimo door ah oo iskugu jiray kuwo Dhaqan iyo kuwo Siyaasadeedba. Illo-Wareedyo lagu kalsoon yahay oo Wargeyska Foore soo gaadhay ayaa daaha ka rogay in Markii hore ay Salaadiinta iyo Dhaqanka Beelahani kulan qado ah ku yeesheen Maalinimadii Salaasadii Doraad Huteelka Maansoor ee Magaaladda Hargeysa, islamarkaana ay markii dambe kulan Fadhi Qayilaad ah oo wakhti badan qaatay ay ku yeesheen Guri Gaar ah, halkaasi oo sida lanoo Xaqiijiyay ay wax badan kaga wada hadleen oo ay isku waydaarsadeen. Kulankan ayaa sida lanoo sheegay ay labada Beelood iskaga Turxaan bixiyeen qardaafooyinkii ka dhashay Doorashadii Madaxtooyada iyagoo sidoo kalena dood ka yeeshay sidii ay labada Beelood uga wada shaqayn lahaayeen arimaha Siyaasada, Dhaqanka, Amniga iyo Guud ahaan Arimaha Qaranka waxtarka u leh iyo sidii dhinac looga soo wada jeedsan lahaa wax kasta oo hagardaamo ku ah Qaranka, iyadoo kulan kale oo kaasi ka balaadhana dib looga balamay. Dhinaca Salaadiinta Beelaha Gabiley Clan waxa hogaaminayay Suldaanka Guud ee Beelaha Subeer Awal Suldaan Xasan Suldaan Cabdilaahi Suldaan Cabdiraxmaan, halka Salaadiinta kale ee Beelaha West Burco Clan uu hogaaminayay Suldaanka Guud ee Beelaha Habaryoonis Suldaan Maxamed Suldaan Xirsi Qani Cabdilaahi, Waxaana dhinaca walba ka socday salaadiin door ah kuwaasi oo labada Kulanba ka soo xaadiray. Kulankan oo ahaa mid aan saxaafadda loogu talo galin ayaa u sansaan eg mid siyaasadi hagaysay islamarkaana aan sinaba uga madhnayn gacmo siyaasi, waxaanu ku soo beegmayaa wakhti shirweynihii 6-Aad ee Xisbiga Muxaafidka ah ee Kulmiye loo qoondeeyay inuu bishan fooda inagu soo haysa dhamaadkeeda ka qabsoomo Magaaladda Boorama, islamarkaana Gudoomiye ku meel gaadh ah loogu soo doorto Gudoomiye Xigeenka Labaad ee Kulmiye Axmed Cabdi Dheere oo hayb ahaan kasoo jeeda Beesha West Burco Clan. Sikastaba hanoqotee, lama garanayo Ujeeda dhabta ah ee ka dambaysa Kulanka iyo cida soo abaabushay, balse waxa uu ku soo beegmayaa wakhti si weyn ay Xukuumadda talada haysa iyo Xisbiga ugu wayn Mucaaridka ee WADDANI ay aad iskugu khilaafsan yihiin sii joogitaanka Gudida Komishanka Doorashooyinka Qaranka iyo qabsoomidda Doorashada Goleyaasha Wakiiladda iyo Deegaanka. Source

(SLT-Hargeysa)-Wasiirkii hore ee Wasaaradda Shaqada iyo Arimaha Qoyska Maxamed Cabdilaahi Obsiiye ayaa ka hadlay Sababta Shirweynihii Lixaad ee Golaha Dhexe ee Kulmiye doorkan loogu qoondeeyay in lagu qabto Boorama, waxa uu ku sheegay in Xisbigii Kulmiye lakala dhacayo oo Beesha uu kasoo jeedo Madaxweynuhu ay ka dhacayso Beesha uu ka soo jeeday Madaxweynihii hore ee Siilaanyo, waxa uu tilmaamay in Labadaasi Beelood oo hagbad siyaasadeed kuwada jiray ay iskhiyaamaynayaan hadda,sidaana waxa uu ugu baaqay reer Boorama inay ka dhiidhiyaan oo ay diidaan in magaaladooda lala tago wax lakala dhacayo, isagoo dhinaca kalena Boqor Buurmadaw ku tilmaamay nin saxsan oo xaqiisii raadsanaya. “Shirkan Golaha dhexe ee Kulmiye ee la leeyahay Boorama ayaa lala tagayaa maxaa sabab u ah, sabab kale ma jirto, Cidii Xisbiga Hagbada kuwada lahayd ee Hagbadda kuwada gashay ayaa hadda dhinaca Xukunka haya maahee dhinacii kale ayaa lagala cararayaa, Xisbilala cararayo oo Cid laga dhacayo maxaa idinka la idiinku keenayaa ee dhexdiina loogu dhacayaa?, taasi meesha ma qabato, hakala godobsina Dadka dee, ma nihin Galbeed, Cadaalada meesha taalaaba midna kuma socoto,Maxaa la iigu keenayaa ee Boorama Faa’iido ugu jirta,Suldaan Ibraahim Jaamac Samatar wuxuu yidhi, Buurmadaw isagoo u jawaabaya “Macaan hadduu lahaa Adiga ayaa soo dhamaystay” waar Godob hagalin”. “Buur madaw Xaqiisii ayuu daba socdaa, Hagbadiisii ayuu daba socdaa, wuxuu heshiis rag kula galay ayuu daba socdaa, dee Xaq ayuu u leeyahay ee u daa, Hargeysa iyo Burco, hala isku dhaco haddii la rabo, sidii Xisbiga Kulmiye loo galayay waydinkii arkayay, Cabdiraxmaan Cabdiqaadir laga soo bilaabo, ee dhulka loola dhacay ee dhabarka laga jabiyay waydinkii arkayay, waar reer Booramaw wax faa’iido ah oo idiinku jirtaa ma jiree dadka Godob haka galina, dadku wa idiin mid, dadka leh Reer Boorama Shirkan Kulmiye Sharaf ayaa idiinku jirtana waar waxay sharaf u tahay dadkiina u sheega. Hagbadii Ninkaasi lagala soo cararay ma idinka ayaa la idinsiinayaa, arintaasi dad ay ku tahay wax la dhacayo oo idinka la idinkula dhuumanayo, Somalilandernimada ayay ku jiraa inaan tidhaah Waar ninka ha dhicine ka daa” “Burco geeyoo, waliba Bariga Burco ku qaboo ninka ku wareeji wixii aad ku heshiiseen, Buurmadaw xaq ayuu leeyahay inuu daba socdo oo uu yidhaa waar ka daaya maxaa Boorama lagala doonayaa halkan halagu qabto Hargeysa haddii Burco-dii looba diiday”. Ayuu yidhi Wasiirkii hore ee Qoyska iyo Bulshadu. Source

(SLT-Jowhar)-Wararka ka imaanaya Degaanka Balcaano oo Qiyaastii 30km u jira Magaaladda Jowhar ayaa sheegaya in halkaasi lagu dilay haweeneyn ka mid ahayd Dadka Degaanka. Haweeneyda la dilay aya waxaa lagu magacaabi jiray Xakiimo Abuukar Xasan waxaana iyadoo jar jaran meydkeeda laga helay meel ka baxsan halka ay ku nooleyd. lama oga wax ay salka ku heyso Dhacdadan balse dadka degaanka ayaa sheegaya in Arintan uu ka dambeeyay nin ay qaraabo dhow ahaayeen oo muranu ka dhaxeeyay. Dadka Degaanka Balcaano iyo Tulooyin ku xeeran ayaa aad uga arga gaxay falkan iyadoo uu noqonayo kii ugu horeyay ee Noociisa ah oo ka dhaca Degaan ka mid ah Gobalka Sh/Dhexe. Source

(SLT-Jigjiga)-War saxaafadeed kasoo baxay ururka ONLF ayaa lagu sheegay in shacabka soomaalida ee ku nool Dowlad Deegaanka ay xaq u leeyihiin inay ka tashadaan arrimahooda siyaasadda isla markaasna ay ismaamulaan sida uu dhigayo dastuurka Itoobiya iyo xeerarka caalamiga ah. ONLF waxay sheegtay in shacabka Soomaalida ay heystaan xoriyadda ah cidda ay u dooranayaan inay qabato hoggaanka. Waxaa ay ugu baaqeen xisbiga haya talada Dowlad Deegaanka Soomaalida iyo dowladda federaalka inay qaddariyaan rabitaanka iyo sharafta shacabka isla markaasna ay ka hor yimaadaan tallaabo kasta oo khatar gelin kartaamniga iyo danaha shacabka soomaalida. Bayaanka ka soo baxay Jabhadda Waddaniga Xoreynta ee Ogaadeniya (ONLF) ayaa sidoo kale lagu sheegay in khilaaf kasta oo siyaasadeed lagu xalliyo si caddaalad ah iyadoo lala tashanayo dhammaan dhinacyada ay khuseeyso. “ONLF waxaa ka go’an xaqiijinta nabadda iyo in maamul dimuqraadi ah uu ka jiro Dowlad Deegaanka Soomaalida,waxaana loogu baaqaya dhammaan dhinacyada siyaasadda inay ilaaliyaan mabaadii’daasi” Ugu dambeyn, ururka ONLF ayaa ka codsaday xisbiga haya talada Dowlad Deegaanka Soomaalida in khilaafka soo kala dhexgalo ay iyagu xalliyaan. Source

(SLT-Muqdisho)-Wararka ka imanaya magaalada Muqdishou ayaa sheegaya in Maxkamadda gobolka Banaadir ay shalay amartay in xabsiga dhexe ee Xamar lagu sii hayo nin ajnabi ah oo Sabtidii la soo dhaafay ay ciidamada dowladdu ka soo qabteen garoonka diyaaradaha Muqdisho. Antony Thomas, oo ah 48 sana jir u dhashay dalka UK ayaa loo heystaa tuhun ah qatar gelinta degenaanta guud iyo ku guul dareysiga sheegitaanka walxo halis ah oo laga helay boorsadii uu ku raran lahaa xamuulka diyaarad uu raaci lahaa. Wasiirka Gaadiidka iyo duulista hawada Maxamed Cabdullaahi Salaad Oomaar ayaa VOA-da u sheegay Isniintii in ninkaasi boorsadiisa waxyaabaha laga helay ay ku jirtay sunta qiiqa dadka kaga ilmaysiiya oo gasac ku jirtay. Tan iyo markii la qabtay ayaa ninkani waxaa baaris ku hayay oo su’aalo weydiiyay hey’adda Dambi Baarista dowladda CID iyo laanta Nabadsugigga iyo Sirdoonka Qaranka ee NISA. Marka laga soo tago amarka Maxkamadda ay amartay in ninkan lagu sii hayo xabsiga dhexe, lama bixin faahfaahin ku aadan ilaa iyo hadda waxa lagu ogaaday baaristii lagu hayay. Source

Jigjiga (Caasimada Online) – Kulan looga hadlayay nabad gelyada iyo cadaalada dowlad deegaanka Soomaalida ayaa ka dhacay magaalada Jigjiga, waxaana golaha ku shiray magaalada Jigjiga ay sheegeen inaan loo dulqaadan doonin dadka carqaladeynaya amaanka deegaanka. Kulanka oo ahaa mid deg deg ah ayaa ka dambeeyay kadib markii ay xiisad ka dhalatay isfaham waa soo kala dhex galay madaxweynaha dowlad deegaanka Soomaalida iyo wasiirka maaliyadda Ethiopia oo doonaya in xubno kamid ah dadkii la shaqeeyay Cabdi Maxamuud Cumar xukuumadda hadda jirta lagu daro. Maamulka Mustafa Maxamuud Cagjar ayaa sheegay inaysan marnaba aqbaleyn in shaqsiyaad dambiyo ka galay dhulka Soomaalida inay kusoo laabtaan dhismaha xukuumadda cusub. Waxaa kulanka laga soo saaray in shaqsiyaadkaasi maxkamad lasoo taagi doono halkii badalkooda lagu dari lahaa xukuumadda cusub ee uu dhisay Mustafa Cagjar, waxaana arimahaasi u ololeynaya Axmed Shide oo ah wasiirka Maaliyadda Ethiopia. Cabdullaahi Maxamed Mowliid Wasiirka xafiiska xiriirka dadweynaha ayaa markii shirka uu dhamaaday kadib warbaahinta la hadlay, wuxuuna sheegay in shir golaha dowlad deegaanka ku yeesheen magaalada Jigjiga lagu heshiiyay in xubnihii hore aysan xukuumadda kusoo laaban. Xiisadda ka dhalatay kulan la isku fahmi waayay oo ka dhacay magaalada Addis Ababa ayaa wali ka taagan dhulka Soomaalida, waxaana la ogeyn halka xaalka uu ku dambeyn doono. Wararkii ugu dambeeyay oo aan heleyno ayaa sheegaya in ra’iisul wasaaraha Ethiopia Dr Abiy Axmed uu soo dhex galay xalinta khilaafka u dhaxeeya wasiirka maaliyadda iyo madaxweynaha dowlad deegaanka Soomaalida. Caasimada Online Xafiiska Muqdisho Caasimada@live.com

Dalka Mareykanka ayaa ku booriyey maamulka Suudaan sii-deynta saxafiyiin iyo dhalinyaro u ololeysa xuquuqda dadka oo ay ciidamada u xireen dibad-baxyadii dhowaan ka dhacay gudaha dalkaasi. Warbaahinta ka shaqeysa Suudaan ayaa la kulantay cadaadis kadib markii ay halkaasi ka dilaaceen dibad-baxyo looga soo horjeedo madaxweyne Cumar Xasan Al-bashiir, laguna dalbanayo is casilaadiisa. Warbaahinta ruqsadda lagala laabtay ee dalkaasi ka howl gasha waxaa ka mid ah Al Jazeera, Al- Carabiya iyo qaar kale. Dibad-baxyada ayaa ka socday arbacadii shalay aheyd Khartuum, Umdurmaan iyo gobollo kale, waxaa ay dadkaasi dalbanayaan inuu madaxweyne Al-bashiir xukunka ka dago. Goobjoog News Source: goobjoog.com

Ciidamada Amisom ee qeybta ka ah howlgalka midowga Africa ee Soomaaliya ayaa gargaar caafimaad oo isugu jiray dawooyin iyo baaritaan ka sameeyay qeybo kamid ah gobolka Shabeellaha Hoose. Dhaqaatiir ka tirsan Milatariga Amisom ayaa booqday xeeryo barakac oo ku yaalla gobolka Shabeellaha Hoose,gaar ahaan degmada Qoryooleey iyo deegaanka Ceeljaale ee gobolkaasi. Saraakiisha caafimaadka ee ciidanka Amisom ayaa xeryaha ay booqdeen waxaa ku jiray dad danyar ah oo u baahnaa gargaar caafimgaad,iyagoo u fidiyay gaargaar caafimaad oo isugu jiray baaritaan iyo dawooyin lacag la’aan ah. Paul Muhanguzi oo hogaaminayay socdaalka dhaqaatiir ka tirsan ciidamada Amisom ay ku tageen xeryo barakac oo ku yaalla gobolka Shabeellaha Hoos ayaa sheegay in ay halkaasi kula kulmeen bukaano la il darnaa xanuuno kala duwan. Ciidamada Amisom oo qeyb ka ah howl galka nabad ilaalinta midowga Africa ee Soomaaliya ayaa dhowr jeer oo hore gargaar caafimaad ka sameeyay koonfurta iyo bartamaha Soomaaliya. The post Ciidamada Amisom Oo Gargaar Caafimaad Ka Sameeyay G/ Shabeellaha Hoose appeared first on Shabelle. View the full article

(SLT-Addis Ababa)-Wasiir hore oo ka tirsaan dowladda Itoobiya ayaa xabsiga la dhigay kaddib markii lagu eedeeyay inuu lunsaday hantida dadweynaha. Bereket Simon oo ahaan jiray wasiirkii hore ee isgaarsiinta dalka Itoobiya ayaa saaxib dhaw la ahaa raysal wasaarihii geeriyooday Meles Zenawi. Warbaahinta maxalliga waxay ku warrantay in Bereket Simon laga qabtay gurigiisa subaxnimaadii shalay, waxaana lala xiray sarkaal sare oo dowladda ka tirsanaa. Waxaana lagu eedeeyay inay lunsadeen lacago loogu talagalay in lagu maageliyo mashaaric gobolka Amxaarada. Bereket ayaa kamid ahaa xubinihii aasaasay xisbiga haya talada Itoobiya ee EPRDF. Tan iyo bishii Nofembar ee sannadkii lasoo dhaafay, dowladda Itoobiya waxay xabsiga dhigtay in ka badan 70 saraakiil ah oo isugu jiro militari iyo sirddoon kuwaas oo lagu eedeeyay musuq maasuq iyo inay ku tunteen xuquuqda aadanaha. Source