Warar lagu kalsoonaan karo oo aan heleeyno ayaa waxa ay sheegayaan in xildhibaano katirsan Baarlamaanka Soomaaliya ay mooshin ka gudbiyeen madaxweynaha Soomaaliya Maxamed Cabdullaahi Farmaajo. Warka ayaa waxa ay intaasi ku darayaan in xildhibaanada Baarlamaanka ay mooshinkooda ay u gudbiyeen gudoomiyaha Baarlamaanka Mursal Sheekh Cabdiraxmaan. Xog-ta aan heleeyno ayaa waxa ay sheegayaan in gudoomiyaha Baarlamaanka uu aqbalay mooshinkaasi ay u soo gudbiyeen xildhibaanada Baarlamaanka. 94 Xildhibaan ayaa la sheegay in ay soo gudbiyeen mooshinkaasi ka dhanka ah madaxweyne Farmaajo. Goordhow oo caawa ah ayaa lagu wadaa in ay warbaahinta la hadlaan xildhibaanadaasi mooshinka ka gudbiyay madaxweyne Farmaajo. Arintaasi ayaa waxaa ay sii hurineeysaa qilaafkii ka dhex jiray madaxda sare ee dowlada Soomaaliya. Faah faahinta dib kala soco Insha allah Xasan Maxamed Samatar Cowke Puntland Post Muqdisho The post Xildhibaano Gudoonka Baarlamaanka u gudbiyay Mooshin ka dhan ah Madaxweyne Farmaajo appeared first on Puntland Post.

Waxaa Magaalada Garowe maanta lagusoo dhoweeyay Musharax Madaxweyne Puntland 2019 Gen Asad Cismaan Cabdilaahi, Musharaxa iyo waftigiisa ayaa lagaga hortagay banaanka iyagoo ay hareeraha wadooyinka [...] Source

Baydhabo (Caasimada Online) – Mid ka mid ah askartii dowladda Federalka Somaliya ay u dirtay Magaalada Baydhabo ee Xarunta KMG ee maamulka Koonfur Galbeed ayaa lagu dilay Magaaladaasi. Dilka askarigaan Booliska ka tirsan ayaa wuxuu ka dambeeyay, kadib markii muran uu soo kala dhex galay askari kale oo ka mid ahaa kuwii Muqdisho laga keenay. Dilka oo dhacay duhurnimadan maanta ayaa Saraakiil ka tirsan Ciidamada Booliska Somaliya waxa ay sheegeen in muran dhexmaray labada askari dilka uu ka dambeeyay. Saraakiisha Booliska ayaa sheegay in la qabtay askarigii falka falka dilka ah gaystay, kaasi oo lagu xiray Magaalada Baydhabo. Ciidamada Booliska ee dowladda ay u dirtay Magaalada Baydhabo ayaa ku sugan Madaxtooyadda Maamulka Koonfur Galbeed. Shacabka Magaalada Baydhabo ayaa hadal haayo dilka askarigaan uu u gaystay askariga kale ee ka tirsan Booliska, ayna ka wada yimaadeen Muqdisho. Caasimada Online Xafiiska Baydhabo Caasimada@live.com

Muqdisho (Caasimada Online) – Xeer ilaaliyaha guud ee qaranka Soomaaliya, ayaa ka hadlay musuq maasuqa ka jira dalkan iyo dadaalada uu xafiiskiisa ee ka dhanka ah ciribtirkiisa. Dr Axmed Cali Daahir, ayaa sheegay in musuq maasuqa dalkan hareeyay aaney eheyn oo kaliya lacagaha la dhoco, balse ay qeyb ka tahay in la sameeyo eex iyo sidoo kale hantida Soomaaliyeed oo la lunsado. Dagaalka ka dhanka ah musuqa, ayuu sheegay ineysan ku koobneyn Muqdisho oo kaliya balse Muqdisho ay tahay meesha haatan ka bilaabatay oo kaliya dagaalka guud ee ka dhanka ah wax is daba marinta. Axmed Cali Daahir, ayaa sheegay inaan si sahlan loo cirbtiri karin musuqa, isagoo sabab uga dhigay in madaxda dowladda iyo xubnaha hay’adaha fulinta iyo sharci dejinta ay caqabad kala kulmayaan shaqooyinkooda. Afar kiis oo musuq maasuq ah, ayuu sheegay iney wajaheen maalmahan, balse ay uga dhigneyd iney dhinbil dab ah gacanta ku dhigeen oo kale, maadaama ay dhalleeceyn kala kulmayeen dhinacyada ay ehelka yihiin dadla eedaha musuqa loo soo qabto. “Waa madaxda qaranka, waa xildhibaanada, waa shacabka dadka aan kala dagaalami la’nahay musuqa, sababtoo ah waxey difaacayaan dadka eedaha musuqa loo soo qabto” ayuu yiri Xeer ilaaliyaha. Axmed Cali Daahir, waxa uu hadalkan ka sheegay munaasabad maanta lagu xusayay maalinta la dagaalanka musuqa oo lagu qabtay xerada Xalane ee aadka loo ilaaliyo. Dadkii ka qeyb galay xuska maalinta ee hadallada ka jeediyay waxaa ka mid ahaa; wasiirka cadaalada Soomaaliya, hanti-dhowraha guud ee qaranka iyo safiirada waddamada UK iyo Mareykanka ee Soomaaliya. Caasimada Online Xafiiska Muqdisho Caasimada@live.com

(SLT-Hargaysa) Madaxweynaha Somaliland Mud. Muuse Biixi Cabdi ayaa ka qayb galay Furitaanka Carwo Ganacsi taas oo Ah carwadii 8-aad. Hoos ka DAAWO Source

(SLT-Hargaysa) Guddoomiyaha Rugta Ganacsiga Somaliland Maxamed Shukri ayaa ka hadlay furitaanka carwada 8-aad oo Hargaysa Lagu qabtay . Hoos ka DAAWO Source

Qaran News

(SLT-Hargaysa) Maayarka Caasimadda Hargaysa Cabdiraxmaan Maxamuud Caydiid (Soltelco) ayaa ka hadlay furitaanka Carwada8-aad. Hoos ka DAAWO Source

(SLT-Hargaysa) Wasiirka Caafimaadka Somaliland oo ka hadlay munaasibad Lagu dhax dhigay dhisme Cibitaalka Hargaysa lagu kordhinaayo, Hoos ka DAAWO Source

Qaran News

Soo dhoweyntii Asad loogu sameeyay barxadd Garoowe Musharaxa madaxweynaha Puntland Mudane Asad Cismaan Cabdullaahi oo socdaalka uu ugu magac daray Difaac iyo dowladnimo ku maraya goboladda Puntland ayaa maanta si ballaaran loogu soo dhaweeyay isaga iyo wafti uu hoggaaminayay Caasimadda Puntland ee Garoowe. Kumaanaan kun oo Dadweynaha Garoowe ayaa isugu soo baxay banaanka magaaladda iyagoo sitay sawirada musharaxa, waxayna ku dhawaaqayeen heeso iyo halkudhigyo ay ku taageerayaan musharaxa madaxweyne Asad Cismaan Cabdullaahi Musharax Asad oo Khudbad kooban ka jeediyay Barxada caasimada Garowe Waxaa uu uga mahadceliyay shacabka Caasimada Garoowe sida ballaaran ee ay ugu soo dhaweeyeen banaanka iyo gudaha magaalada “ Reer Garoowe waa la idiinku yaqaanay soo dhaweynta qiimaha leh iyo dowlad jacaylka, aad iyo aad ayaad ugu mahadsan tihiin, aad baan u faraxsanahay idiinma abaal gudi karo laakiin ilaahay baa idiin abaal gudi” ayuu yiri Musharax Asad Cismaan Xilligii kululaa ee musharuxu ku soo beegmay magaalada Garoowe ma noqon mid shacabka ka hakisa qabashada isu soo bixidii ugu waynaa ee abid soo mara barxadda magaalada Garoowe oo dadwaynahu soo buux dhaafiyeen taasoo sababtay in ka soo qaybgalayaashii maqli kari waayeen khudbaddii uu musharraxa madaxwayne goobtaas ka jeedinayay. Waxaase la yaab lahayd in dadwaynaha qaar ka mid ah u sii raaceen hoygiisa ilaa markii dambe uu kula hadlay hoyga uu ka degi laha magaalada, halkaas oo uu ugu mahad celiyay shacabka magaalada Garoowe taageerada ballaadhan ee ay u muujiyeen. Musharax Asad oo subaxnimadii hore ee saaka ka soo ruqaansaday magaalada Qardho wuxuu soo maray tuulooyinka qaar oo uu salaan iyo gacan qaad la dhex maray taageerayaasha ku teedsanaa wadada dheer ee laamiga ah ka hor inta uu san gaarin degmada Dangoroyo, halkaasi oo khudbad gaaban uu u jeediyay dad waynihii sida wayn ugu soo baxay soo dhowayntiisa. Musharax Asad Cismaan Cabdullaahi oo 1-dii bishan December 2018 kaga dhawaaqay Magaalada Bosaso inuu u tartamayo xilka madaxweynaha Puntland ayaa socdaal ku soo maray degmooyinka Baran, Ufayn, Carmo,Waaciye, Dhahar, Qardho iyo magaalooyin kale oo ku teedsan wadada laamiga PUNTLAND POST The post Musharax Asad Cismaan Oo Garoowe Lagu Soo Dhaweeyay appeared first on Puntland Post.

Muqdisho (Caasimada Online) – Ra’iisul wasaaraha Soomaaliya Xasan Cali Kheyre ayaa ka baaqday kulan muhiim ah oo ku saabsanaa la dagaalanka musuq-maasuqa oo maanta ka dhacay Muqdisho. Maanta waxay ku aaddanayd 9 ka December oo ah maalinta caalamiga ah ee la dagaallanka musuqmaasuqa, waxaana Xarunta Xalane lagu qabtay shir weyn oo loogu tala galay in madaxda dowladda federaalka ah iyo safiirada beesha caalamka ay ka soo wada qaybgalaan. Xubnaha shirka lagu casuumay ayaa waxaa ka mid ahaa ra’iisul wasaare Xasan Cali Kheyre oo la filayey inuu hoggaaminayo wafdiga dowladda Soomaaliya ee kulanka maanta, halka beesha caalamkana ay ka imanayeen safiirada Maraykanka, Britain iyo Midowga Yurub, Midowga Afrkia iyo Qaranada midoobay. Si kastaba, Khayre ayaa ka baaqday kulankaas xilli guddiga maaliyadda baarlamanka Soomaaliya ay xukuumadda ku eedeeyeen inay sameysay musuq maasuq lagu lunsaday lacag dhan 42 milyan oo dollar. Si kastaba xubno ka tirsan xafiiska ra’iisul wasaaraha oo Caasimada Online la hadlay ayaa sheegay in baaqashada kulanka aysan wax xiriir ah la lahayn warbixinta guddiga maaliyadda. Waxay ay sheegeen in Kheyre u baaqday inuu ka qeyb galo kulanka uu maanta madaxweynaha Soomaaliya ku saxiixayo sharciga la-dagaalanka musuq maasuqa. Hoos ka arag caddeymo ku saabsan in Kheyre uu ka baaqday kulanka.

Warar dheeraad ah ayaa laga helayaa qarax khasaare geystay, kaasi oo ka dhacay duleedka magaalada Muqdisho, gaar ahaan meel ku dhow deegaanka Garasbaaley. Gaari ay la socdeen ciidanka dowladda federaalka Soomaaliya ayaa qarax miino waxaa lagula eegtay halkaasi, waxaana ka dhashay khasaare kala duwan. Inta la xaqiijiyey waxaa qaraxan ku dhintey Saddex qof oo ay ka mid yihiin askar ka tirsan DFS, iyadoo Labo kale ay ku dhaawacmeen. Ciidamada dowladda ayaa gaaray halka qaraxan uu ka dhacay, iyaga oo sameeyey howlgallo aan weli wax faah faahin ah laga bixin. Goobjoog News Source: goobjoog.com

Taliska ciidanka xoogga dalka Soomaaliyeed ayaa maanta bixiyey amar cusub oo ka dhan ah dagaalyahannada Al-shabaab. Daahir Aadan Cilmo oo ah taliyaha ciidanka xoogga dalka oo warbaahinta kula hadlay magaalada Muqdisho ayaa wuxuu sheegay in aanay wax naxariis ah u sameyn doonin Al-shabaab. Taliyaha ayaa sheegay in aysan xabsi geyn doonin Al-shabaabka ay kusoo qabtaan howlgallada, islamarkaana ay meeshiisa ku toogan doonaan. Wuxuu tilmaamay in fursado badan ay siiyeen dhallinyarada ka midka ah Al-shabaab hase ahaatee maanta wixii ka dambeeya ay toogan doonaan. Halkaan hoose ka dhageyso: https://goobjoog.com/wp-content/uploads/2018/12/Taliye.mp3 Goobjoog News Source: goobjoog.com

Muqdisho ( Sh. M. Network )-Laba askari oo ka tirsanaa Ciidamada DFS ayaa lagu soo warramayaa in goor dhow lagu dilay xaafadda Black Sea ee magaalada Muqdisho. Dabley hubeysan ayaa la sheegay in ay Toogteen askartaasi, kadibna ay ka qaateen Qoryihii ay wateen. Sidoo kale wararka ayaa intaasi ku daraya in Raggii ka dambeeyay dilkaasi ay goobta isaga baxsadeen. Ciidamo ka tirsan kuwa ammaanka ayaa gaaray goobta uu dilku ka dhacay, kuwaas oo baaritaano xoogan ka bilaabay halkaasi. Ma jiro wax war ah oo ka soo baxay dowladda Soomaaliya oo ku aaan dilka askartaasi, mana jirto cid sheegatay masuuliyadda dilkooda. Muddooyinki dambe Al Shabaab ayaa kordhiyay dilalka ka dhanka ah askarta dowladda ee ku sugan gudaha magaalada Caasimadda ah ee Muqdisho. The post Askar ka tirsanaa Ciidamada DFS Oo lagu dilay xaafadda Black Sea appeared first on Shabelle. View the full article

Mandera ( Sh. M. Network )-Inta la xaqiijiyay saddex ruux oo rayid ah ayaa ku dhaawacantay qarax Miino oo ka dhacay gobolka Waqooyi Bari ee dalka Kenya, sida sheegeen saraakiisha dhinaca ammaanka ee dalkaasi. Qaraxa oo ahaa mid xoogan ayaa haleelay Baabuur ay la socdeen dad Ganacsato ah oo u kala gooshay gobollada Xeebta iyo Waqooyi Bari ee dalka Kenya. Madaxa ammaanka magaalada Xeebeedka Lamu Joseph Kanyiri ayaa xusay in dadka ay dhaawacyada soo gaareen la geeyay isbitaalka, si la daweeyo Waxaana uu intaasi ku daray in halka uu ka dhacay qaraxa Miino ay gaareen Ciidamo ka tirsan Booliska, si ay u xaqiijiyaan ammaaanka. Booliska Kenya ayaa weerarkaasi khasaaraha geystay ku eedeeyay in ay ka dambeeyeen rag ka tirsan Al Shabaab oo weeraro ka fuliya gudaha dalkaasi Dhinaca kale Ciidamada ammaanka ee dalka Kenya ayaa sheegay ay Keymaha Boni ee xadka Kenya iyo Soomaaliya ka baadigoobayaan Haweeney u dhalatay dalka Talyaaniga oo dhawaan ay Afduubteen kooxo hubeysan Sarkaal ka tirsan Booliska ayaa sheegay in Ciidamada ammaanka ay wadaan dadaallo xoogan oo ay ku doonayaan in ay ku soo furtaan Gabadha la Afduubtay oo ka shaqeyneysay dhinaca arrimaha gargaarka. The post Qarax khasaare geystay Oo ka dhacay dalka Kenya appeared first on Shabelle. View the full article

Muqdisho ( Sh. M. Network )-Kooxo ku hubeysnaa Bastoolado ayaa maanta dil ka geystay agagaarka isgoyska Ex Koontaroo Afgooye ee duleedka magaalada Muqdisho. Dilkan ayaa la sheegay in loo geystay shaqsi ka mid ah dadka deegaanka, kaas oo lagu magacaabi jiray Cabdi Ismaan Afrax. Sidoo kal waxaa Rasaasta lagu furay Marxuumkaasi ku dhaawacantay Qof Dumar ah oo ku sugneyd halkaasi, sida ay xaqiijiyeen dad Goobjoogayaal ah. Dhinaca kale Al Shabab ayaa sheegtay masuuliyada dalkaasi, sida ay ku baahiyeen barahooda Internet-ka. Al Shabaab ayaa warkan ku sheegay weerar qorsheysan ay ku dileen sarkaal ka tirsanaa waaxda Canshuuraha ee dowladda Soomaaliya. Illaa iyo hadda wax war ah kama soo saarin saraakiisha laamaha amniga ee dowladda Soomaaliya dilkaasi. Balse dilkan ayaa qeyb ka noqonaya falal amaan dari oo todobaadyadii la soo dhaafay ka dhacayay gudaha magaalada Muqdisho. The post Koox hubeysan Oo dil ka geysatay duleedka Muqdisho appeared first on Shabelle. View the full article

Waxaa maanta dhagax dhig lagu sammeeyey madxafka qaranka oo ka mid ah goobaha danta guud ee dib loogu dhisayo Barnaamijka isxilqaan. Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa dhagax-dhigay, waxaa kale oo goobjoog ka ahaa wasiirka boostada iyo isgaarsiinta xukuumadda federaalka ee Soomaaliya Cabdi Canshuur Xasan, wasiirka maaliyadda Cabdiraxmaan Beyle iyo guddoomiyaha gobolka Banaadir Cabdiraxmaan Yariisow. Madaxweynahe Farmaajo ayaa tilmaamay sida loogu baahanyahay in dalka lagu dhiso is-xilqaan, oo aan la sugin gacan shisheeye, isaga oo booriyey inuu barnaamijka sii socdo, laguna dhiso goobo badan. Guddoomiyaha guddiga dhismaha madxafka qaranka ahna wasiirka boostada iyo isgaarsiinta xukuumadda federaalka Soomaaliya Cabdi Cashuur Xasan ayaa sheegay in ay diyaariyeen qorshe dib-u-dhiska Madxafka Qaranka lagu dhammaystirayo Juune sanadka soo socda. Goobjoog News Source: goobjoog.com

Somali security forces killed six al-Shabab militants during a joint security operation in Basra, southern Somalia, on Saturday night. “A security operation carried out by the security forces in the Basra area killed six al-Shabab members, and the head of the group was arrested,” the National Intelligence and Security Agency said in a statement. The security agency said the militant group was planning to launch an attack in Mogadishu and its environs. The move came as Somalia and African Union peacekeeping troops intensify their onslaught against the al-Qaeda affiliated group in the south and central Somalia. The post Six Al-Shabaab militants killed in SNA operation in Lower Shabelle region appeared first on Shabelle. View the full article

Muqdisho (Caasimada Online) – Kooxda Al-Shabaab ayaa war kasoo saartay dilkii ganacsade si weyn loo yaqaan maanta loogu gaystay gurigiisa oo ku yaala magaalada Muqdisho, ayada oo sheegtay sababta ay u dileen. Ganacsadaha la dilay oo lagu magacaabo Cabdi Cismaan Afrax oo loo yaqaano (Cabdi Biifane), ayaa kooxaha hubeysan ee dilay waxay ugu tageen gurigiisa oo ku yaala Ex. Koontarool Afgooye, sida ehelkiisa ay xaqiijiyeen. Kooxda Al-Shabaab oo sheegatay mas’uuliyadda dilkan, ayaa ku doodday in Cabdi Biifane uu ka mid ahaa mas’uuliyiinta waaxda Canshuuraha dowladda Federaalka ee Soomaaliya, sidaasna loo beegsaday. Al-Shabaab waxa ay sheegtay in sarkaalka la dilay uu caan ka ahaa degmooyinka Dayniile iyo Hodon, isagoo ganacsatada ka qaadi jiray lacagaha Canshuurta eek u dhaca qasnadda dowladda. Kooxihii dilay Cabdi Baafane ayaa waxay qaateen Gaari Prado ah oo uu watay, waxaana rasaasta ku dhaawacmay Gabar u dhalay oo albaabka taagneyd. Ehelka Cabdi Biifane ayaa sheegay inuu ka ganacsan jiray dajinta noocyada kala duwan ee gaadiidka, mana jirto cid caddeyn karta inuu u shaqeynayey dowladda federaalka ah. Caasimada Online Xafiiska Muqdisho Caasimada@live.com

Jowhar ( Sh. M. Network )-Wararka naga soo gaaraya gobolka Shabeelaha Dhexe ayaa sheegaya in maanta xiisad dagaal ay ka taagan tahay agagaarka magaalada Jowhar ee xarunta gobolkaasi. Xiisada oo ah mid xoogan ayaa waxa ay u dhexeysaa laba Maleeshiyo Beeleed oo ku wada sugan deegaanada Maandheere iyo Kongo ee gobolka Sh/ Dhexe. Dhaq dhaqaaqyo iska soo horjeeda ayaa laga dareemayaa deegaanadaasi, sida ay xaqiijiyeen ilo wareedyo madax banaan. Qaar ka mid ah dadka deegaanka oo la hadlay Shabelle ayaa sheegay in ay cabsi xoogan ka qabaan in markale dagaal uu ka dhaco halkaasi. Wadahallo iyo dadaallo looga hortagayay xiisadaasi ayaa fashilmay, taas oo sababtay in colaadu ay dib u soo laabato Labada Beeleed ayaa isku haya arrimo la xariira dhul daaqsimeed ku yaalla deegaanada Maandheere iyo Kongo ee gobolkaasi. Muddooyinkii dambe xiisada aheyd mid dagan, inkasto aysan jirin illaa iyo hadda wax xal ah oo laga gaaray colaadaasi. The post Xiisad dagaal Oo ka taagan duleedka M/ Jowhar appeared first on Shabelle. View the full article

(SLT-Hargaysa) Madaxweynaha Somaliland, Muuse Biixi Cabdi oo maanta dhagax-dhigayay dhisme cusub oo loo dhisayo cisbitaalka guud ee Hargeysa ayaa yidhi: . “Si cisbitaalka guud loo aamino; ”Waa in aan madaxda dibadda loola cararin markay bukoodaan. Maanta laga bilaabo wasiirka iyo agaasimaha xanuunsada waa in cusbitaalka la keena”. Sidaa waxa yidhi Madaxweyne Muuse Biixi Cabdi. Source

Muqdisho (Caasimada Online) – Ugu yaraan lix qof ayaa la xaqiijiyay in ay ku dhinteen kadib qarax ka dhacay meel u dhow Koontaroolka Siinka dheere ee duleedka magaalada Muqdisho ee caasimadda Soomaaliya.. Dadka dhintay ayaa lagu kala sheegay afar askari, wadihii gaariga iyo qof shacab ah. Qarax ayaa ka dhacay Isbaaradii hore ee Shabeelle. Gaariga qarxay ayaa lagu sheegay in uu ahaa qooqan ka baxday Muqdisho, kuna sii jeedday dhinaca degmada Afgooye ee Gobolka Shabeellaha Hoose. Qof ka mid ah Goobjoogayaasha degaanka ayaa sheegay Idaacadda Mustaqbal in qaraxa uu ahaa Miino la kacday gaariga oo ay wateen ciidamada. Qaraxan ayaa ku soo aadaya iyada oo saaka Ex-Koontarool Afgooye lagu dilay Ganacsade, dilkaasi oo ay sheegatay Al-shabaab. Al-Shabaab ayaa sheegtay mas’uuliyadda qaraxan waxayna ku warrameen in in 5 askari ay ku dishay. Caasimada Online Xafiiska Muqdisho Caasimada@live.com

Source

Taliyaha ciidamada Milatariga Soomaaliya General Daahir Aadan Cilmi Indha Qarshe oo wariyaasha kula hadlay Muqdisho ayaa sheegay in ay bilaabeen weeraro ay ku qaadaan Al-Shabaab. Indha Qarshe ayaa ciidamada dowlada ku amray in ay toogtaan oo aanay xabsiga u taxabin saraakiisha iyo askarta Al-shabaab. Taliyaha ciidamada ayaa sheegay in ay naxariistii ka dhamaatay hadda wixii ka dambeeyana howlgalo lagu baacsanayo Al-shabaab ay bilaabayaan. Waxaa uu sheegay in ay ka xunyihiin ay toogtaan dhalinyarada uu sheegay in Al-shabaab marin habaabiyeen hayeeshee hadda ay dantu ku kaliftay isaga oo sheegay in Al-shabaab sii wadaan dhibaatooyinka ay shacabka ku hayaan. Dowlada Soomaaliya ayaa isku diyaarineeysa weeraro saf balaaran ah oo ay ku qaadayaan fariisimaha Al-shabaab ay kaga suganyihiin ee gobolada dalka Soomaaliya. Hoos ka dhageeyso Codka https://puntlandpost.net/wp-content/uploads/2018/12/Indha-Qarshe.mp3 Xasan Maxamed Samatar Cowke Puntland Post Muqdisho The post Indha Qarshe “Naxariisti wey naga dhamaatay Shabaab waa in ay Dareemaan Xanuunka Geerida.” appeared first on Puntland Post.