Xildhibaan Mahad Salaad oo ka tirsan golaha shacabka ee baarlamaanka federaalka ah ayaa baaq nabadeed u diray beelo ku dagaalamaya degmada Maxaas ee gobolka Hiiraan. Xildhibaan Mahad oo arrintaasi ka hadlaya waxaa uu yiri “Waxaan ku baqaynaa in si deg deg ah loo joojiyo colaada ka aloosan tuulooyinka hoos yimaada degmada Maxaas ee Gobolka Hiiraan”. Mudane Salaad waxaa uu intaasi ku daray “Sidoo kale waxaan ka codsanaynaa madaxda maamulka Hirshabeelle, Gudoomiyaha Gobolka Hiiraan, Ugaasyada labada belood iyo Cuqaasha Dhaqanka in si deg deg ah uga howl galaan sidii colaadaas loo joojin lahaa”. Ugu dambeyntii, waxaa uu xildhibaan Mahad Salaad ka hadlay xummaanka colaadda isaga oo yiri “Colaadna wiil kuma dhashee wiil baa ku dhinta ee fadlan fursad hala siiyo nabadda iyo joojinta dhiiga dadka walaalaha ah ee daadanaya”. Beelo walaalo ah ayaa ku dagaalamaya degmada Maxaas, waxaan todobaadkan arrintaasi darteed halkaasi u joogay mas’uuliyiin ka tirsan gobolka Hiiraan, laakin waxaa uu muuqato in xiisaddii ay weli taagantahay. Goobjoog News Source: goobjoog.com

Muqdisho ( Sh. M. Network )-Wareegto ka soo baxday xafiiska Guddoomiyaha Golaha Shacabka oo Nuqul ka mid ah ay heshay Shabelle ayey Guddoonka Goluhu ku go’aamiyeen in dib-u-habeyn lagu sameeyo Guddiga Maaliyadda ee Baarlamaanka Soomaaliya. Sidoo kale guddiga ayaa la faray in Miisaaniyadda 2019=ka la horkeeno Golaha 30/12/2018 si loogu codeeyo. Warkan ka soo baxay xafiiska guddoomiye Mursal ayaa lagu xusay qaabkii uu ku bilowday khilaafka guddiga Maaliyadda iyo sida ay ugu kala aragti duwanaadeen guddoonka Golaha Shacabka, gaar ahaan guddoomiyaha iyo ku xigeenadiisa. Waxa kale oo Wargeetada lagu sheegay in inta badan xubnaha guddiga ee aragtiooda ka dhiibtay kulankii 23-kii bishan aysan qabin Kalsooni uu guddigu ku sii wada shaqeyn karo khilaafkii soo kala dhexgalay aawgiis. Sidoo kalena khilaafka guddiga ka dhex jira uu gaarsiinsan yahay heer aysan guddigu gudan karin waajibaadkii Golaha Shacabkuauu igmaday, iyada oo xeerhoosaadka iyo shuruucda dalka Goluhu saarayo waajibka meel marinta Miisaaniyada dalka ee 2019-ka, ka hor 31-ka bisha 12- ee 2018-ka. Ugu dambeyn qoraalkan ayaa lagy sheegay in dib u habeyn lagu sameeyo guddiga, islamarkaana laga saaray xubno kooban. Halkan hoose ka Akhriso:- The post Guddiga Maaliyadda BFS Oo dib-u-habeyn lagu sameeyay appeared first on Shabelle. View the full article

Muqdisho ( sh.M.Network):-Halkaan ka Dhageyso Warka Subax ee Idaacadda Shabelle. Hoos riix si aad u Dhageysato:- http://radioshabelle.com/wp-content/uploads/2018/12/Warka-Subax-261218-sx.mp3 The post Dhageyso:-Warka Subax Ee Idaacadda Shabelle appeared first on Shabelle. View the full article

Muqdisho (Caasimada Online)-Wararka naga soo gaaraya Deegaanada Puntland ayaa sheegaya in dagaal u dhaxeeya ciidamada Puntland iyo kooxda Daacish uu ka dhacay deegaanka Buuraha Galgala. Dagaalka ayaa ka dambeeyay kadib markii ciidamada Puntland ay weerareen fariisin ciidamada Daacish ay ku lahaayeen deegaanka, sida saraakiisha ciidamada Puntland ay sheegeen. Dadka deegaanka ayaa dhankooda sheegaya in maleeshiyaadka Daacish ay ka dambeeyeen weerarka, walow aanan si rasmi ah loo xaqiijin karin waxyeelada ka dhalatay dagaalka oo saacado socday. Saraakiisha ciidamada Puntland u hadashay ayaa sheegay in Daacish ay ka dileen dagaalyahano badan oo ku sugnaa saldhig ay ku lahaayeen buuraha Galgala, waxaana ay sheegeen inay hub ka qabsadeen. Sidoo kale saraakiisha ayaa sheegay in kooxda ay ka saareen deegaano dhowr ah oo buuraha ka tirsan, walow Daacish dhankeeda ay guulo ka sheegatay dagaalka. Xiisad dagaal ayaa ka taagan deegaanada Buuraha ee Galgala, waxaana ciidamada Puntland la sheegay inay heegan galeen, sida saraakiisha u hadashay ciidamada ay warbaahinta u sheegeen. Caasimada Onlne Xafiiska Puntland Caasimada@live.com

Guddoomiyaha golaha shacabka ee baarlamaanka federaalka Soomaaliya ayaa qoraal uu soo saaray waxa uu dib u habeyn ku sameeyey guddiga maaliyadda ee golahaasi. Qoraalka ayaa u qornaa sidan hoose: Source: goobjoog.com

Madaxweynaha cusub ee maamulka K/galbeed, C/casiis Lafta Gareen ayaa xilligan waxaa horyaalla caqabado badan oo u baahan in wax laga qabto, iyadoo sidoo kale uu haysto fursado aad u muhiim ah. Professor Maxamed Cali Kalaay oo arrimahan falanqeyn aynu kala sameennay wuxuu sheegay in Lafta Gareen ay ku xiran tahay shaqsiyaddiisa iyo sida uu wax u qaban karo. Khilaafyada ka dhashay doorashooyinka ayuu sheegay in looga baahan yahay inuu wax ka qabto, islamarkaana xalliyo dadkii dartiid isku gaaray. Halkaan hoose ka daawo: Goobjoog News Source: goobjoog.com

Maanta oo Arbaco ah ayaa lagu wadaa in magaalada Baydhabo ee xarunta gobolka Baay ay ka dhacdo munaasabad kooban oo uu xafiiska madaxweynaha maamulka K/galbeed kula wareegayo C/casiis Lafta Gareen oo 29-kii bishan loo doortay madaxweynaha maamulkaasi. Waxa uu xafiiska kala wareegi doonaan guddoomiyaha baarlamaanka K/galbeed oo xilkaasi si KMG ahaan u hayey wixii ka dambeeyey 7-dii November 20187, xilligaasi oo uu is casilay Shariif Xasan Sheekh Aadan. Lafta Gareen ayaa si rasmi ah ugu wareegi doona madaxtooyada Baydhabo, waxaana maalmahan dambe uu wadey kulamo kala duwan oo uu la qaadanayey xildhibaannada iyo sidoo kale siyaasiyiinta maamulkaasi. Caleemo-saarkiisa kadib ayuu Lafta Gareen soo magacaabi doonaa golahiisa wasiirada. Halkaan hoose ka dhageyso: https://goobjoog.com/wp-content/uploads/2018/12/WARCADE-BAAYDHBO-.mp3 Source: goobjoog.com

Xildhibaan ka tirsan baarlamaanka maamulka Hirshabeelle ayaa sheegay in madaxda ugu sarreysa maamulkas ay idhaha ka qabsanayaan sidii loo damin lahaa dagaal beeleed ka taagan deegaanno ka mid ah gobolka Hiiraan. Xildhibaan Nuur Xaashi Warsame ayaa xusay in wabaahinta kaliya laga shegayo in colaadda la joojiyo balse muhiim ay tahay in si toos ah loo kala dhex galo beelaha dagaallamaya. Waxa uu sheegay in dagaal beeleedkaas dad badani ay ka barakaceen kuwa kale dhimasho iyo dhaawac uu kasoo garay, isagoo soo jeediyay in si shuruud la’aan ah loo joojiyo dagaalkaasi. Deegaanka Dudun Cad oo hoostaga degmada Maxaas ee gobolka Hiiraan ayaa waxaa ka dhacay dagaal xooggan kaasi oo geystay khasaare isugu jira dhimasho iyo dhaawac. Halkaan hoose ka dhageyso: https://goobjoog.com/wp-content/uploads/2018/12/XILDHIBAAN-HIRSHABEELLE-2.mp3 Goobjoog News Source: goobjoog.com

Qaran News

Dagaal u dhaxeeyey ciidanka dowladda federaalka Soomaaliya iyo maleeshiyaad la sheegay in qaab beel isku abaabuleen ayaa ka dhacay deegaanka Bukuraar ee gobolka Shabellaha Dhexe. Dagaalkan ayaa ka dambeeyey kadib markii la sheegay iney isku dhaceen ciidanka dowladda oo ka wareegayey deegaanka Il-baq oo inta badan weeraro ka fuliyaan Al-shabaab ayaa si lama filaan ah isugu dhacay mid ka mid ah maleeshiyaad dhowaan ku dagaallamay deegaanno Sh/dhexe. Inta la xaqiijiyey waxaa halkaasi ku dhintey Labo qof iyadoo dhaawacuna uu intaasi ka badan yahay. Nabadoon Cali Muxummad oo la hadlay Goobjoog ayaa sheegay in ciidanka dowladda ay si bareer ah usoo weerareen maleeshiyaadkaasi. Wuxuu sheegay in dowladda hubkeeda loo adeegsaday dad shacab ah, islamarkaana deegaankooda inta lagu soo weeraray lagu dhibaateeyey waa sida uu hadalka u dhigaye. Saraakiisha ciidanka dowladda ee gobolka Shabellaha Dhexe weli kama aanay hadal dagaalkan. Goobjoog News Bukuraar Source: goobjoog.com

Qaran News

Qaran News

Beledweyne (Caasimada Online)-Waxaa wali tagan xiisadda ka dhalatay dagaal beeleedka maalmahaan ka dhacayay Degmada Maxaas ee gobolka Hiiraan, kuwaasi oo u dhaxeeyay Maleeshiyaad wada daga degmada Maxaas. Guddoomiyaha gobolka Hiiraan Yuusuf Axmed Hagar, ayaa sheegay in dadka dhaqaalaha heysta ee kasoo jeeda deegaanka ay horinayaan dagaalka labada beleed ku dhexmaraya degmada Maxaas. Inka badan 15 ruux ayaa ku geeriyooday dagaalka labada maleeshiyaad ku dhexmarayay deegaanada hoostaga degmada Maxaas, waxaana hadda muuqata cabsi dadka deegaanka heysata. Dagaalkii ugu dambeeyay ayaa ka dhacay duleedka degmada Maxaas shalay galintii dambe, xilli halkaasi ay ku sugan yihin gudoomiyaha gobolka Hiiraan iyo tiro xildhibaano ah ay ka baxay Magaalada Beledweyne. Guddoomiyaha gobolka Hiiraan ayaa ka dalbaday shacabka iyo waxgaradka labada beeleed in seddex meelood meel dhaqaaladooda ay ku bixiyaan xalinta iyo dhameynta dagaalka, halkii ay hurinta colaada ku bixin lahaayeen. Maleeshiyaadka ku dagaalamaya degmada Maxaas ayaa isku haya aanooyin qabiil oo ka bilowday dhul daaqsimeed, sida dadka deegaanka ay xaqiijiyeen. Waxaa socdo dadaalo maamulka Hirshabeelle ay ku doonayaan in lagu dhameeyo dagaalka, iyaga oo nasiib daro ku tilmaamay in xiligan labo beeleed oo wada daga degmada Maxaas ay dagaalamaan. Caasimada Online Xafiiska Hirshabeelle Caasimada@live.com

Muqdisho (Caasimada Online)-Wasiirkii hore ee arrimaha dibadda Yuusuf Garaad Cumar ayaa su’aalo ka keenay Soomaalida iyo xasuustooda, isaga oo eegaya Soomaalidii badneyd ee ku dhimatay dalka Soomaaliya muddada dhibaatada ay ka jirtay. Yuusuf Garaad ayaa muujiyay inaan loo baahneyn in dhiig Soomaaliyeed uu sii daato, iyadoo dhalinyaro badan ay qabriga ugu jiraan marxaladaha siyaasadeed ee ka jara. Qoraalkiisa ayaa u qornaa Sida Hoose:- Bal qiyaas inta qof ee Soomaali ah ee ku dhimatay gacanta Shabaab haddii dhammaantood lagu aasi lahaa qabuuro iyaga u gaar ah oo hal goob ku yaalla. Bal qiyaas haddii aad qabuurahaas isa soo dul taagi lahayd. Maxaad ka fekeri lahayd? Sidoo kale, qiyaas inta Shabaab laga dilay ee Soomaalida ah oo ay Soomaali ka dishay, ay Ethiopia ka dishay, ay AMISOM ka dishay, uu Mareykan ka dilay ama ay duulal kale ay ka dileen haddii hal meel lagu aasi lahaa oo aad qabuurahaas isa soo dul taagto. Bal qiyaas intaas oo Soomaali ka baxday maxaan faa’iido ka joognaa? Nabad ma ku helnay? Kaba sii darane, ma naqaan, mase ka fekernaa si wixii na soo maray aan cashar uga baranno? Ma heynaa tub xal lagu gaari karo Soomaalida hadda ku mashquulsan is dilkuna ay ku badbaadi karaan loogana badbaadi karo? weliba ay uga qeyb qaadan karaan horumarka dalka? Waxaa ii muhiim ah oo keliya in aad ka fekerto oo aad u fiirsato su’aalaha. Haddii aad qaarkood ama geddigood ka jawaabeysana mar baan akhrisan doonaa insha Allah. Caasimada Online Xafiiska Muqdisho Caasimada@live.com

Nairobi (Caasimada Online) – Hay’adda xasaradaha adduunka ee ICG ayaa warbixin ay soo saartay ku sheegtay in dowladda Soomaaliya ay xariga Roobow ku weysay fursad ay ksuoo jiidan kartay hogaamiyayaasha kooxaha argagixisada Soomaaliya, islamarkaana dhallinyarada beesha Raxaweyn ugu durjisay dhinaca Al-Shabaab. ICG ayaa sheegtay in sababta ay dowladda Soomaaliya u hor-istaagtay Roobow aysan ahayn inuu yahay Salafi balse ay tahay inuu yahay nin maskax ahaan xor ah, oo haysta taageero beeleed xooggan. Warbixinta ICG ayaa lagu sheegay in sheegashada Roobow ee ah inuu yahay Salafi ay dad badan ka dhaadhicin doonto in xarigiisa uu yahay mid u dhaxeeya dowladda iyo diinta. “Haddii DF ay Roobow ku aamini lahayd hoggaanka Koonfur Galbeed waxa ay taasi gacan ka gaysan lahayd in Somalia ay dhabbaha saarto waddo ay mar un heshiis siyaasadeed kula gaari karto Al-Shabaab” ayaa lagu yiri warbixinta ICG. “Waxa ay tusi lahayd saraakiisha sare ee kooxaha mintidiinta inay mustaqbal ku leeyihiin siyaasadda Soomaaliya, haddii ay diyaar u yihiin inay hubkooda dhigaan” Si kastaba, warbixinta ayaa tiri “Xariga Roobow waxay xoojisay fikirkii ay qabeen muqaawamada iyo kuwa taageera ee ahaa in nabad ka dhacda Soomaaliya aysan macquul ahayn haddii aysan ahayn sida ay rabto dowladda Muqdisho”. Warbixinta ayaa intaaas raacisay “tallaabada dowladda Soomaaliya waxa ay sii durjisay jiil dhan oo beesha Raxaweyn ah kuwaas oo u nugul inay dagaalyahano ahaan u qortaan kooxaha argagixisada.” Caasimada Online Xafiiska Nairobi caasimada@live.com

Maalmo tirsan ayaa ka haray in ay ku dhacdo doorashada maamulka Puntland oo ay hadda gabogabo mareyso soo xulista 66-da xildhibaan ee soo dooran doona saddexda mas’uul ee Puntland ugu sarreeya; gudoomiyaha baarlamaanka, Madaxweyne Ku xigeenka iyo Madaxweynaha. Doorashadan si walba wey uga dawan tahay afartii ka horreeyey sababo dhawr ah; tirada musharixiinta, loolanka, qarashaadka ku bixi doona, faragalinta dowladda dhexe iyo dalalka shisheeye ee isku haya. Marka la eego dhinaca faragalinta dowladda dhexe, iyadu waxa ay dagaal ba’an kula jirtaa qaar ka mid ah musharixiinta oo uu ugu horreeyo Cabdiweli Cali Gaas. Gaas, oo maray dhabbihii kuwii ka horreeey waxa uu soo xulay gudiga xulaya xubnaha baarlamanka iyo xallinta khilaafaadka ka dhasha, balse waxa uu dagaal kala kulmay Madaxweyne ku xigeenkiisa iyo gudoomiyaha baarlamaanka oo ka daba magacaabay gudi kale balse kuma guuleysan jiritaankiisa. Hase ahaatee, Gaas waxaa soo food saaraya culeyso badan oo uga imaanaya dhinaca dowladda dhexe iyo tirada musharixiinta ee la loolamaya. Hore Puntland ugama dhicin in ay musharixiintooda gaaraan 20, balse hadda waxa ay ku dhawyihiin 30, taas oo yareyneysa tirada xildhibaan ee ay ku tashan karaan Gaas iyo kuwo kale ee loo saadaalinayo in ay ku soo baxaan xilkaas. Gaas oo mara wadaddii Shariif Xassan kana hara tartanka La yaab ma noqon doonto haddii uu Gaas isaga haro loolanka sababo jira awgood, sida; in aad looga nacay Puntland iyo culeyska dowladda dhexe oo lacago badan ku bixineysa ugu yaraan 15 musharaxa oo iyada matalaya. Walow ay yar yihiin tirada musharixiinta la yaqaan ee taageerada ka haysta dowladda dhexe, hadana khuburada reer Puntland waxa ay qabaan in aysan ka yareyn 15 musharax. Cabdiweli Gaas oo dareemaya culeyskaas ayaa laga yabaa in uusan kharash badan isaga bixin doorasho uu filayo in looga adkaado, oo uu isaga haro. Sidan oo kale dowladda waxa ay meesha uga saartay Shariif Xassan, kaas oo is-casilay kaddib markii uu dareemay in uusan u babac dhigi doonin dhaqalaha dowladda ku bixineyso doorashadii uu ku soo baxay Lafta-gareen. W/Q: Mahad Cabdullaahi Jaamac Garoowe, Puntland, Soomaaliya Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Guddoomiyaha Golaha shacabka Baarlamanka Soomaaliya,Maxamed Mursal Sheikh Cabdiraxmaan ayaa dib u-habayn ku dameeyay Guddiga Miisaaniyadda,Maaliyaddda,Qorshaynta iyo La-xisaabtanka hay’adaha Dowladda ee Golaha Shacabka. Wareegto ka soo baxday Xafiiska Guddoomiyaha ayaa xubno kooban looga saaray Guddiga Maaliyadda,waxaana sidoo kale lagu amray in si dhakhso ah u soo diyaariyaan Miisaaniyadda Sannadka 2019,islamarkaana ay Golaha shacabkq u soo gudbbiyaan 30/12/2018 si loo ansixiyo. Dhinaca kale Guddoomiye Mursal ayaaXildhibaannada Baarlamanka ku wargeliyay in ay kulan isu’ gu yimaadan 30/12/2018 si ay u ansixiyan Miisaaniyadda 2019 ee ay soo diyaarinayan Guddiga Miisaaniyadda,Maaliyaddda,Qorshaynta iyo La-xisaabtanka hay’adaha Dowladda ee Golaha Shacabka. PUNTLAND POST The post Guddiga Maaliyadda Golaha Shacabka oo dib u-habayn lagu sameeyay appeared first on Puntland Post.

Washington DC (Caasimada Online) – Madaxweynaha Mareykanka Donald Trump ayaa qoraal lama filaan ku noqday dowladda Sacuudiga iyo fallanqeeyayaasha siyaasadda Bariga Dhexe soo dhigay bartiisa twitter-ka Trump ayaa sheegay in dowladda Sucuudi Careebiya ay doonto lacagta dib u dhiska dalka Syria ee ay dagaaladu halakeeyeen, inkasta oo uusan bixin faah-faahin. Hadallada Trump ayaa ku soo aaday maalmo kaddib markii uu Twitter-kiisa ku xaqiijiyey in ciidamadiisa oo gaaraya 2,000 uu kala soo baxayo Syria halka uu ku dhawaaqay guulo uu ka gaaray Kooxda Daacish. Go’aankaas lama filaanka ahaa ee Arbacadii ayaa noqday mid ka horimaanaya qiimeyntii khuburadiisa waxa ayna dhalisay caro ka timi xulufada Washington. Isniintii, isaga oo mar kale dadka ka yaabinaya, Trump waxa uu sheegay in Riyaad ay taageero u fidin doonto Syria ka bixintaanka ciidamada Mareykanka kaddib. Saudi Arabia has now agreed to spend the necessary money needed to help rebuild Syria, instead of the United States. See? Isn’t it nice when immensely wealthy countries help rebuild their neighbors rather than a Great Country, the U.S., that is 5000 miles away. Thanks to Saudi A! — Donald J. Trump (@realDonaldTrump) December 24, 2018 “Sucuudiga waxa ay hadda ogolaadeen in ay dhaqaale macquul ah ku bixiyaan dib u dhiska Syria, badalkii Mareykanka. Ma aragtaan? Ayuu Trump qoray. “Miyeysan wax wanaagsan ahayn marka dal qani ah uu gacan ka geysto dib u dhiska dariskiisa halkii ay sidaas sameyn lahayd dal weyn oo Mareykanka oo kale ah, kaasi oo 5000 oo mayl ka fog. Waa mahadsan yihiin Sacuudiga!” Sacuudiga weli kama jawaabin arrintan, hase yeeshee dadka siyaasadda taxliilaya ayaa rumeysan in marnaba Sacuudiga aysan lacag siin doonin Syria inta uu madax ka yahay Bashar Al-Assad, oo ay dooneyso in xukunka laga tuuro. Taas ka sokow Assad waa shiico xoog ku maamula dadka Syria oo badankood ah Suniyiin, wuxuuna xulufo dhow la yahay Iran, oo aad ay isku neceb yihiin Sacuudiga. Caasimada Online Xafiiska Jeddah caasimada@live.com

Muqdisho (Caasimada Online) – Guddoomiyaha baarlamanka Soomaaliya Maxamed Mursal Cabdiraxmaan ayaa isbeddel ku sameeyey guddigii maaliyadda baarlamanka ee khilaafka xooggan uu hareeyey. Qoraal xalay saqdii dhexe la sii daayey, ayaa Mursal uu uga saaray xubno ka mid ahaa guddiga, isaga oo sidoo kale kalena xubno cusub soo magacaabay. Mursal ayaa qoraalkiisa ku sheegay in sababta ugu weyn ee uu is-beddelka ugu sameeyey guddiga ay tahay ayada oo khilaaf xooggan uu ka dhex jiro xubnaha guddiga, islamarkaana dhowr fursad oo uu siiyey ay ku guul-darreysteen inay xaliyaan. Mursal ayaa sidoo kale sheegay in xubno ka tirsan guddiga ay muujiyeen inaysan qabin inay jirto kalsooni guddiga uu kusii wada shaqeyn karo, islamarkaana khilaafka uu gaaray heer guddiga uu gudan waayey waajibaadkiisa shaqo. Qoraalka Mursal ayaa waxaa sidoo kale ka muuqda inuu taageeray go’aanadii uu horey u qaatay guddoomiye ku xigeenka koowaad ee baarlamanka Cabdi Weli Muudey ee lagu kala diray guddigan. Mursal oo dalka ka maqnaa markii guddiga la kala diray, ayaa soo laabashadiisa kadib dib usoo celiyey guddiga taasi oo dhalisay khilaaf xooggan oo isaga iyo xukuumadda soo kala dhex-galay oo gaaray heer uu qabtay mooshin ka dhan ah madaxweyne Farmaajo. Mooshinkaasi oo laga heshiiyey kadib markii Mursal iyo xukuumadda is-fahmeen ayaa waxaa hadda muuqata mar kale in Mursal yeelay sidii ay xukuumadda rabtay. Guddiga maaliyadda oo kiis musuq-maasuq oo culus ku helay xukuumadda, ayaa waxaa hadda laga saaray xubnihii xukuumadda kasoo horjeeday laguna beddelay xubno taageersan. Hoos ka aqriso warqadda kasoo baxday Mursal

Mandheera (Caasimada Online) – Warar dheeraad ah ayaa kasoo baxaya weerar hor leh oo ciidamada Kenya lagula beegsaday gudaha dhulka Soomaalida ee Waqooyi Bari Kenya. Wararka ka imaanaya degmada Mandheera ayaa sheegaya in xoogag hubeysan oo katirsan Al-Shabaab ay weerar ku qaadeen goob ay ku sugnaayeen ciidamada Booliska Kenya. Al Shabaab ayaa war ay soo saartay ku sheegtay in ugu yaraan 2 askari ay ku dishay weerarka islamarkaana ay ku dhaawacday sedax kale. Qoraal kasoo baxay Al-Shabaab oo ay soo dhigeen warbaahinta taageerta ayaa lagu yiri “Mujaahidiinta ayaa howlgal ay ka fuliyeen gudaha degmada Mandheera ee NFD waxay ku dileen 2 askari oo katirsan dowladda Kenya sedax kalane dhaawacyo ayaa gaaray.” Dhinaca kale warbaahinta dalka Kenya oo soo xiganaysa saraakiil katirsan Maamulka Mandheere ayaa sheegtay in Afar sarkaal ku dhaawacmeen kadib markii Bambaano lagu weeraray isku imaatin ay ciidamadu ku sugnaayeen. Caasimada Online Xafiiska Nairobi caasimada@live.com

(SLT-London)Waxaa lagu jiraa waqtig sanad kasta ay qiimaynta ugu badan warbaahinta kubbada cagtu ka sameeyaan ciyaartoydii ama kooxihii ugu bandhiga fiicnaa wuxuuna Sky Sports soo saaray tobanka xidig ee ay u aqoonsadeen in ay sanadkan 2018 ugu fiicnaayeen kubbada cagta England. Sky Sports oo haysta xuquuqda baahinta kulamada premier league inta ugu badan ayaa haya xogta ciyaartoyda iyo waliba bandhiga ay soo sameeyeen oo muuqaal iyo xogba lagu hayo waxayna ugu danbayn isku ururiyeen xogta qiimayntooda tobanka xidig ee Premier League ugu fiican. Haddaba waxaanu halkan idiinku soo gudbinaynaa qiimaynta Sky Sports uu ku soo saaray tobanka xidig ee sanadkan dhamaadka ee 2018 ugu fiicnaa Premier League iyo mid kastaaba kaalinta uu ku jiro. Halkan kaga bogo liiska iyo faah faahintiisa. Wilfried Zaha (Crystal Palace) Haddii aanu dhamaadkii xili ciyaareedkii hore kuna beegnayd horaantii sanadkan 2018 uuna Wilfried Zaha soo bandhigin qaab ciyaareedkii layaabka lahaa waxay maanta Crystal Palace ku jiri lahayd heerka labaad ee kubbada cagta England. Zaha ayaa lagu tilmaamay in uu yahay xidiga Premier league ugu fiican ee aan ka tirsanayn lixda kooxood ee Premier league ugu waa wayn mana jiro xidig kale oo kaalintan ku haystaa, laakiin taas badalkeeda waxa uu noqday xidiga tobnaad ee guud ahaan premier league oo dhan ugu fiican. Zaha ayaa soo jiitay indhaha kooxaha waa wayn ee Premier league gaar ahaan kooxaha Tottenham iyo Liverpool laakiin waxa uu wali ka ciyaarayaa kooxda Crystal Palace waxaana la filayaa in waqti aan fogayn ay koox wayni qiimo sare ku dalban doonto. Zaha ayaa ka mid ah ciyaartoyda ugu gambiska iyo xawaaraha badan Premier league kaas oo dhibaato badan ku abuuray difaacyada kooxaha ka soo horjeeda wuxuuna qiimaynta Sky Sports kaga soo baxay kaalinta 10 aad ee ciyaartoyda sanadkan 2018 ugu fiican Premier league. Pierre-Emerick Aubameyang (Arsenal) Aubameyang ayaa bishii January ee horaantii sanadkan waxay Arsenal kula soo wareegtay £60 milyan gini kadib markii uu kooxda Brussia Dortmund ku qanciyay in waqtigiisii Germany uu soo dhmaaaday wuxuuna xidiga reer Gabon noqday mid muhiimad wayn u yeeshay kooxdiisa Gunners. Tayada Aubameyang waxaa la ogaa isaga oo aan Premier league soo gaadhin waxaana hore ugu dagaalamayay kooxaha Yurub ugu waa wayn oo dhan laakiin markii ay kooxaha yurub hoos u dhigeen dadaalkii ay Aubameyang ku doonayeen ayay Gunners si wayn ugu guulaysatay. Aubameyang ayaa 20 gool oo Premier league ah soo dhaliyay 29 kii kulan uu sanadkan u soo ciyaaray Arsenal taas oo muujinaysa in uu ka mid yahay gool dhaliyaasha ugu halista badan horyaalka Premier league. Aubameyang ayaa noqday xidig 9 aad ee Premier league ugu fiican sanadkan 2018 ee qiimaynta khaaska ah ee uu Sky Sports soo saaray. Source

(SLT-Baydhabo)Hay’adda Ka-hortagga Xasaradaha Caalamiga ee ICG ayaa warbixin dheer ka qortay doorashadii dhowaan ka dhacday magaalada Baydhabo iyadoo warbixintana cinwaan ugaga dhigtey “K/Galbeed: Madaxweyne la caleemo-saaray iyo Xiisad Holacday”. Warbixintan ayaa qoraalkeeda lagu bilaabay in 19kii December ay xildhibaano daalan ee Maamulka KoofurGalbeed u doorteen Cabdicasis Maxamed Laftagareen madaxweyne codeyn khilaaf badan uu hareeyay taasoo sal u noqon karta amni darro cusub. ICG ayaa aaminsan in uusan Laftagareen uusan doorashadan ku guuleysan lahayn haddii uusan ka heli lahayn kaalmo dowlada federalka,kadib markii ay ugaga faa’ideysay inay xabsiga dhigto musharaxii la tartami lahaa Muqtaar Roobow oo hore ugaga mid ahaa madaxda Al-Shabaab isla maraana ciidamo Itoobiyaan ah dhigtey deegaanada ay is lahayd dowladu inuu kacdoon ka bilaaban karo. “Halista ay farogelinta dowlada federalka ku sameysay doorashada Koofurgalbed waa wajiyo badan tahay iyadoo xirtey Roobow,Laftagareena ka dhigtey Madaxweyne taasoo ah mid dhinac ah marka la fiiriyo awood qeybsiga inkastoo labada ninba ay ka soo wadajeedaan Beesha Raxanweyn, hase yeeshee Roobow ayaa ka soo jeeda beel weyn oo saameyn weyn leh.”ayaa lagu yiri warbixintan. Sidoo kale warbixinta ayaa taabatay dowlada Itoobiya waxaana lagu sheegay in Dowlada Federalka ay abuurtay dareen naceyb ah oo loo qabo dowlada Itoobiya maadaama ay ku gacan siisay dowlada. Sidoo kale warbixinta ayaa lagu xusay in xariga Muqtaar Roobow uu sababi karo in hogaamiyaasha Alshabaab aysan ku soo dhiiran inay dagaalka joojiyaan maadaama uu xabsi u dambeynayo. “Mukhtaar Roobow oo la rumeysan yahay inuu 50-jir yahay ayaa waxa uu ka soo jeedaa gobolka Bakool isagoo ka dhashay beesha Leesaan waxa uu ka mid yahay Islaamiyiinta caanka ah ee Sharciga Islaamka ku soo bartay dalka Sudan, waana Khabiir ka soo qeyb galay Dagaalki Afganistan ee looga soo horjeeday Ciidankii Midowgii Soofiyeeti, wuxuuna markii dambe waqti kooban maamulayey Hay’ad Samafal Islaami ah oo ay Sacuudiga maalgelin jirtey.”ayaa lagu yiri warbixinta. Warbixintan ayaa loogaga hadlay halgankii uu soo maray Muqtaar Roobow iyadoo lagu xusay in uu diiday amaro uu siiyay hogaamiyihii hore ee Al-Shabaab Godane ee ahaa markii la qabsanayay magaalada Baydhabo inuu laayo dhamaan siyaasiyiinta balse Muqtaar Roobow wuu diiday oo waxa uu waddo ay ku baxsadaan siiyay siyaasiyiinta ay isku beesha ka soo jeedeen. “Waa ay cadeyd in Dowlada Federalka aysan marnaba qorshaheedu ahayn in Roobow uu door ku yeesho siyaasada Soomaaliya,waxay ku dhiirigelisay inuu tartanka doorashada ka qeybgalo dhamaadkii sanadkii hore balse waxay dooneysay inay ku baabi’iso mustaqbalka Madaxweynihii hore ee Koofurgalbeed Sharif Hassan Sheekh Aadan.”ayaa warbixinta ay daabacday hay’ada ICG ka mid ahayd. Hay’ada ICG ayaa qoraalkeedii waxa ay ku sheegtay in Shariif Xasan uu isku casilay markii uu dareemay culeyska badan,waxaana la rumeysnaa in uu Roobow ku guuleysanayo doorashada, balse markii uu tegey Shariif Xasan ayay dowlada Federalka jeebka dambe kala soo baxday musharax kale oo ciyaartay shax horleh. ICG ayaa aaminsan in fursad ay ahayd in Muqtaar Roobow uu noqdo Madaxweyne taasoo gacan ka geysan kartay in dagaalamayaasha ku jira Alshabaab uu ka dhaadhiciyo inay hubka dhigaan oo ay ku soo biiraan dowlada, balse hadda ay furantay albaab kale oo ah in dadka taageersan Roobow inay dib duurka u galaan oo ay halgankoodii dib u bilaabaan. Hay’ada ICG ayaa warbixinteeda ku soo gunaanuuday in dalka Soomaaliya uu ka dhex bilaaban doono tartan Islaamiyiinta iyo Cilmaaniyiinta u dhexeeya iyadoo xustay in dowlada federalka ay qeyb ka yihiin ururo diimeed sida Ala Sheikh, Dam al-Jaddid iyo Al-I’tisam. Source

Muqdisho (Sh.M.Network) – Dhageystayaasha idaacada Shabelle ee ku taxan website-keena waxaan halkaan hoose idin kugu soo gudbineynaa Barnaamijka Qubanaha Wararka Shabelle. Hoos riix si aad udhageysato http://radioshabelle.com/wp-content/uploads/2018/12/Bar__Qubanaha-251218.mp3 The post Dhageyso: Barnaamijka Qubanaha Wararka Shabelle appeared first on Shabelle. View the full article

The newly minted Somaliland Finance minister, Sa’ad Ali Shire, presented the 2019 budget to the Somaliland parliament. The budget having already received the approval of the Council of the Ministers, with the abstention of two members, contained several controversial measures. The most controversial measure in the proposed 2019 Budget saw a new levy or tariffs on the media in Somaliland. According to the budget, Somaliland’s independent television stations, journals and internet websites will have to pay an increased or new annual fee to register. Some of the propose new fees are as high as $10.000 US per annum. These taxes appear to be, according to analysts, beyond the financial capabilities of many of Somaliland’s vibrant and vocal media. The new measures have drawn the ire of both the Somaliland media, non-state organizations and human rights activist. According to these bodies, the proposed new levies are an attack on the freedom of the press in Somaliland. In another development, the Somaliland House of Representatives’, (whose mandate has expired), Economic and Finance sub-committee has removed the new tariffs on the media from the proposed 2019 budget. The Economic and Finance sub-committee has also removed or amended several new tariffs pertaining to the ministries of Fisheries and Livestock, Rural Development and Transport. The proposed 2019 Somaliland Budget contains an increase in spending on Agriculture, Education, Employment, Health, Public Works and Rural Development. Along with the usual hefty slices for Defence and Security, Presidency, Finance, Interior and other vital state bodies, there is a surprising increase for Somaliland’s “expired” parliament and extra funding for future national and local elections. In a departure from previous Somaliland budgets, Minister Sa’ad has included a new measure to fund the safety of the food and medicine imported into the country. The proposed 2019 Budget will be sent back the administration along with changes and amendments suggested by the Somaliland legislature Qaran News

Munaasabad ballaaran oo lagu taageerayey, murashaxnimada madaxweynaha dowladda Puntland,Dr Cabdiweli Maxamed Cali(Gaas), oo mar kale u tartamaya doorashada madaxtinimada sannadka 2019, ayaa caawo lagu qabtay magaalada Garoowe ee caasumadda Puntland. Munaasabadda oo ay soo qaban-qaabiyeen haweenka ku nool gobolka Nugaal, ayaa lagu bogaadiyay waxqabadkii madaxweynaha 5-tii sano ee uu xilka hayay,waxaana sidoo kale lagu muujinayay taageero ku aaddan murashaxnimada Dr Gaas ee doorashada soo socota. Haweenkii soo xaadiray munaasabadda oo ruxayay sawirrada madaxweynaha, ayaa ku dhawaaqayay ereyo ay ku taageerayan in dib loo doorto mudane Cabdiweli Maxamed Cali, oo mar kale u taagan qabashada hoggaanka Puntland ee doorashada ku muddaysan 8-da jennaayo 2019. Faadumo Axmed Nuur oo kulanka ka hadashay, ayaa sheegtay, in mudadii uu xilka hayay madaxweyne Gaas uu Puntland ka hirgeliyay mashaariic ballaaran,islamarkaana haatan ay socdan qaar kale oo uu dhammaystiri doono haddii mar kale la doorto. Marwo Faadumo ayaa sidoo kale sheegtay, in ay haweenku ay taageersan yihiin, in Puntland uu hoggaanka u sii hayo mudane Gaas,si loo dhammays tiro mashaariicda socota. Dhinaca kale, Xaawo Maxamed Siciid(Gacmey) oo halkaasi hadal ka jeedisay ayaa sheegtay, in madaxweyne Gaas uu mudanyahay 5 sano iyo ka badanba in dib loo doorto,maadaama sida ay sheegtay hore loo soo tijaabiyay waxqabadkiisa iyo mashaariicda uu fuliyay. Dhammaan haweeenkii munaasabadda ka soo qeyb galay ayaa cod midaysan ku taageeray murashaxnimada Dr Cabdiweli Maxamed Cali,waxaana ay dalbadeen in mar kale la doorto oo uu dalka sii hoggaamiyo. PUNTLAND POST Cabdiraxmaan Ciise Cumar The post Haweenka Nugaal oo ku baaqay in mar kale la doorto madaxweyne Gaas appeared first on Puntland Post.