Jabuuti (SMN) – Afhayeenka Gollaha Shacabka Baarlamaanka Soomaaliya, Maxamed Mursal Cabdiraxmaan, ayaa maanta kula kulmay Madaxwaynaha Jabuuti Ismaaciil Cumar Geelle, caasimada dalkaas. Socdaalka uu Gudoomiye Mursal ku tegay dalka Jabuuti ayaa ahaa mid aanan la shaacin, iyada oo labada mas’uul ay kawada hadleen qodobo ay kamid yihiin xaaladaha labada dal gaar ahaan amniga iyo siyaasada. Jabuuti ayaa kamid ah dalalka ay ciidamo kaga sugin yihiin Somalia, oo qayb ka ah howlgalka nabad-ilaalinta midowga Afrika ee AMISOM, kaasi oo la filayo in sanadkaan laga dhimo ku dhowaad 1,000 askari. The post Gudoomiye Mursal oo la kulmay Madaxwaynaha Jabuuti appeared first on Shabelle. View the full article

Somaliland: Wasiirka Maaliyada Oo Arrintii $80 Million Ku Saxday Sacad Cali Shire, Wasiirka Maaliyada Somaliland ayaa maanta warsaxafeed uu qabtay ku qiray in ay arrintan deyntu ay jirto, hase yeeshee tirada $80 Million ee uu fagaaraha soo dhigay xildhibaan Ibrahim Buubaa, af-hayeenkii hore ee Waddani, in ay khalad tahay. Markaa, su’aasha meesha talaa waxa weeye “Deynta ama lacagta la liqay ma ka badantahay $80 million?” Videoga warsaxaafeedka uu bixiyey wasiir Sacad ayaa noqotay caddeyn in ay arrintan deyntu jirta, tiradi inkastaba ha noqotee. Markaa, ama $80 million ha ka yaraato ama ha ka badnaato, ee arrinta deynta ama lacagtan la liqay, waa wax jira. Midkaa wasiirka ayaa afkiisa ku cadeeyey. Markaa maahmaahdii ahayd, “Beeni raad ma leh” wataa. Xukuumadda Madaxweyne Muuse Biixi Cabdi waxaa la haboon in ay iska daayaan sidii arrintan loo aasilahaa. Iyagu deynta may gelin, loomana haysto, xukunkii ka horeeyey baa ka masuul ah. Haddii ay arrintu noqoto in xisaabtan, inkastaba ha noqotaa, la wada liqay, oo wixii maanta jooga iyo kuwii shalay talada dalka hayey, ay dhuunta mariyeen, dee, waa arrin kale. Wixii dhacay, dhac. Dadka Somaliland, meel kasta oo ay jogaanba way ogyihiin boobkii iyo musuq-maasuqii ka jiray dalka todobaddii sannadood ee Madaxweyne Axmed Maxamed Maxamud “Silaanyo” ku magacaabnaa xafiiska. Nasiib daradu waxay tahay, intii laga hortagi lahaa musuq-maasuqa weli jira, in la isku dayo, sidii loo qarin lahaa. Haddii aad bugtid oo aad caafiimaad doonasid, marka ugu horreysa waa inaad qirataa ama aqbashaa in uu xanuun ku hayo. Somaliland musuq-maasuq baa ka jira, inaga oo keliya ma aha, adduunkuu oo dhan buu ka jiraa. Lakiinse, Somaliland waa dal sabool ah, shillinkii la dhaco, waa shillin laga dhacay carruuteena, hooyooyinkeena, aabayasheen iyo walaaloheenba. Somaliland waxay weligeed ku dhisnayd, wada hadal, wada tashi iyo go’aan wadaag. Haddii aynu maanta wixii jira indhaha ka xidhano, berrina wixii yimaada waxba kama qaban karno. Ahmed Kheyre Qaran News

Qaran News

London (Caasimada Online) – Berri oo khamiis ah waxaa magaalada London ka dhacaya dibadbax looga soo horjeedo xaraashka xirmooyinka shidaalka Soomaaliya. Arrintan ayaa imaaneysa xilli ay shirkaasi qaadaceen guddiyada kheyraadka ee labada gole ee baarlamaanka federaalka ah, xisbiyada midowga nabadda iyo dimoqraadiyadda (UPD) iyo Wadajir iyo waxgaradka Soomaaliyeed. Soomaalida London qaarkood ayaa qorsheynaya inay berri dhigaan dibadbax xooggan oo looga soo horjeedo shirkan. Cusmaan Sheekh Maxamed (Qoox) oo ah madaxa qaban-qaabiyeyaasha dibadbaxa ayaa sheegay in ujeedka uu yahay “in la joojiyo shirka xaraashka shidaalka, oo xilligan aaney Soomaaliya u diyaarsaneyn in aan wax la qeybsanno caalamka”. Qoox oo sii hadlaya waxaa uu yiri “Sharciga marka la fiiri, aqalka sare shirkan waa diiday, guddoomiyaha guddiga kheyraadka ee golaha shacabka waa diiday, oo lama soo marin labada gole, sharciyadii lama sameyn, dalka ma aha iib, ma rabno in dalka ceyriin lagu qeyado”. Dowladda federaalka ah ee Soomaaliya ayaa horay u shaacisay in ay Febraayo 7, 2019-ka, bixin-doontaa qandaraas balook- yo dhan 206 oo ku saabsan baarista shidaalka ku jira xeebaha koonfurta Soomaaliya, waxaana arrintaas isku af ka ahaa Engineer Karar Shukri Doomey, oo ah agaasimaha wasaaradda Batroolka iyo shirkadda sahanka shidaalka ee Spectrum Geo. Laakin maalmihii tagay ayey isla dowladdii ku sheegtay shirkan London soo bandhigga sahanka shidaalka Soomaaliya. Caasimada Online Xafiiska London caasimada@live.com

(SLT-Jigjiga)-Dalka Itoobiya tan iyo intii uu isbadalka ka dhacay waxaa jira waxyaabo badan oo isbadalay. Deegaanka Soomaalida ayaa ka mid ah meelaha laga dareemayo isbadalka ballaaran. Balse isbadalka dhanka nidaamka iyo siyaasadda marka laga soo tago ayaa waxaa jira isbadallo heer bulsho ah oo deegaanka Somaalida ka dhacay. Saamaynta beelaha la heyb sooco. Guud ahaan deegaannada Soomaalida waa uu ka jiraa dhaqanka heyb sooca ee lagu sameeyo beelaha qaar. Balse deegaanka Soomaalida Itoobiya ayaa intii ay jirtay xukuumaddii Cabdi Maxamuud Cumar waxaa la qaaday tallaabooyiin uu maamulkiisa arrintaas wax uga qabanayay. Tallaabooyiinkaasi waxaa ka mid ahaa in xukuumaddii hore ay aroos wadareed u samaysay lamaaneyaal ka soo kala jeeday beelaha la heyb sooco iyo beelaha kale. Heyb sooca beesha Gabooye. Beelaha lagu heyb sooco dhulka Soomaalida waxaa ka mid ah beesha Gabooye oo dagta deegaano kala duwan. Haddaba xilligan la joogo arrintaasi maka dhex jirtaa odayaal dhaqameedyada? Dadka qaar ayaa ku doodaya in arrintaasi ay weli si weyn u jirto oo aanay qarsoodiba ahayn, maadaama odayaal dhaqameedka qudhooda lagu dhaliilayo iney takooraan madaxda dhaqanka ee beelaha la hayb sooco. Suldaan Shaqlane Suldaan Cali Suldaan Xuseen oo ah oday dhaqameed kasoo jeeda beesha Soomaalidu ay heyb soocdo ee Gabooyaha ayaa sheegay in isaga qudhiisa ay arrintaasi ku dhacday. Suldaan Shaqlane oo wareysi siinayay BBC ayaa sheegay in muddooyiinkii ugu dambeeyay sidii caadada ahayd aan lagu soo wargalin shirarka ay qabtaan odayaal dhaqameedka taasi oo uu u arko in ay tahay heyb sooc. “Hadda ka hor sidii naloo xusi jiray reer ahaan ama oday ahaan oo naloogu yeeri jiray kulamada iyo qaddarintii midna ma muuqato”, ayuu yiri Suldaan Shaqlane. Suldaanka ayaa sheegay in marka odayaasha ay shirarka qabanayaan aan isaga lagu soo wargalin si uu beeshiisa u matalo. “Waxaad mooddaa in takoorkii hore ee dhaqanka uu wali halkiisii taagan yahay, iyagu way is wargaliyaan(Odayaasha)laakiin aniga wax la ii soo sheego ma laha”, ayuu ku daray hadalkiisa. Suldaan Shaqlane Suldaan Cali Suldaan Xuseen ayaa sheegay in Odayaasha salaadiinta ah uu waydiiyay sababta aan beeshiisa shirarka dhaqanka loogu casuumin, balse la siiyay jawaab aan waafi ahayn. Jawaabta la siiyay ayuu sheegay iney ahayd “waan ilownay waan masquulnay” iyo erayo la mid ah, kuwaasoo uu u tix galiyay nidaam takoor ah. Wuxuu intaas ku daray in ay jiraan odayaal badan oo uu saaxib dhaw la yahay, balse aysan u caddeyn sababta looga tago oo aan shirarka looga qeyb galin, iyadoo arrintaasna ay beeshiisu si aad ah uga xun tahay. Waxa uu suldaanka farta ku fiiqay in waayadii hore ka qaybgalka kulamada ay wax wayn u arkaysay beeshiisa, balse imika ay niyad jabsan yihiin Suldaankan oo ah odayga matala beesha Gabooye ayaa dhinaca kale xusay in beeshiisa aan wax saami ah laga siinin mamaulka cusub ee dowlad deegaanka Soomaalida Itoobiya. BBC Somali Source

INAA LILAAHI WA INAA ILEUHI RAAJUCUUN. GEERIDU WAA XAQ. Allaah ha u naxariistee Marxuumad Sahro Xaaji Maxamed Nur Islaan ayaa maanta oo ah Arbaco 6.02.2018 [...] Source

(SLT-Hargeysa)-Guddoomiyaha Xisbiga Mucaaradka ah ee WADDANI Dr. Cabdiraxmaan Maxamed Cabdillaahi (Cirro) ayaa nasiib daro ku tilmaamay in shacabka Somaliland oo la sheegayo in hal milyan in ka badani ay soo wajahday gaajo iyo macaluuli in xukuumadda iyo madaxwayne Biixi-ba ku mashquulsan yihiin dhisida Madaxtooyo Cusub. Guddoomiye Cirro ayaa sheegay in lacagta ku baxaysay Madaxtooyadda cusub aanay cidna garanayn inta ay tahay iyo xaga laga keenay,waxaana uu sheegay inaanay somaliland wakhtigan mudnaan u ahayn in madaxtooyo loo dhiso. “Iyadda oo la leeyahay shacabkii milyan iyo badh ayaa gaajo u dhimanaya mudnaan uma aha somaliland in guri cusub oo qasri ah oo madaxtooyo dhisato oo ay ku bixiso lacag faro badan oon la garanayn tiradeeda.Sidaas ayaa uu yidhi isaga oo la hadlay Saab Tv Xukuumadda ayaa baryihiin u dambeeyay ku mashquul sanayd dhisida madaxtooyo cusub oo aan shacabka loo soo bandhigin qiimaha ku baxaya iyo waliba xaga laga keenay lacagta lagu dhisayo taasi oon iyaduna noqonaysa qorshe kale oo faro ku godan tahay. Dadka Siyaasadda u dhuun daloola ayaa sheegay in madaxwayne muuse biixi looga baahnaa lacagta uu ku dhisayo madaxtooyadda inuu ku bixiyo shacabka somaliland ee la shaaciyay in ka badan hal milyan in ay cun yaraan soo wajahday oo ay u baaan yihiin gargaar deg deg ah. Halkan hoose ka DAAWO hordha waraysigaasi Source

(SLT-Hargeysa)-Taliyihii ciidammada booliska Somaliland ee gobolka Badhan oo shalay u goostay maamulka Puntland ayaa maanta si weyn loogu soo dhaweeyay magaalada Garoowe, Halkan hoose ka DAAWO Source

Malta (Caasimada Online) – Wargeyska Times of Malta ee dalka Malta ayaa qoray in dilkii agaasimihii DP World ee dekedda Boosaaso Paul Anthony Formosa oo reer Malta ahaa, uu ahaa mid arrimo dhaqaale ay dhiir-geliyeen ee aanu ahayn mid siyaasadeed. Agaasimaha machadka daraasaadka caalamiga ah ee Roma, Nicola Pedde ayaa u sheegay wargeyska “Al-Shabaab waxay marar badan fulisay weeraro lagu dhaawacayo sumcadda dowladda, hase yeeshee dilka Formosa wuxuu ahaa mid dhaqaale”. “Fariinta Al-Shabaab ay u dirtay Imaaraadka Carabta ayaa ahayd: Danihiina halkan waxay nagu yihiin caqabad dhaqaale” ayuu yiri. “Al-Shabaab waxay inta badan lacagaha ka heshaa ganacsiga sharci-darrada ah iyo maamulka dekedaha, mana ogolaaneyso in dibedda ay saameyn uga timaado” ayuu yiri. Nicola Pedde waxa uu intaas ku daray “Al-Shabaab waxaa macquul ah inay shirkadahan ku eedeeyeen inay bililiqeysanayaan Soomaaliya, hase yeeshee sababta rasmig ayaa ah inay doonayaan inay lacag kasoo gasho dekedaha. Shirkadahan waxay afduubteen ilo-dhaqaale oo muhiim u ahaa Al-Shabaab” Donald Brownrigg, oo isna madax ka ah shirkad dhinaca amniga qaabilsan ayaa sheegay in Shabaabka ay siyaabo badan lacagta uga helaan dekedaha, sidaas darteedna ajnabi maamula dekedda uu caqabad ku yahay. “Waxay dadka ka shaqeeya dekeaha ka dalbadaan lacag ay naftooda ku badbaadiyaan ama la dili doono haddii aysan bixin” ayuu yiri. Shirkadda P&O oo hoos tagta DP World ayaa heshiis 30 sano ah waxay sanadii 2018 kula wareegtay maamulka dekedda magaalada Boosaaso. Caasimada Online Xafiiska Roma caasimada@live.com

Muqdisho (Sh.M.Network) – Akhristayaasheena ku xiran website-ka waxaan halkaan hoose idin kugu soo gudbineynaa warka Habeen. Hoos riix si aad udhageysato http://radioshabelle.com/wp-content/uploads/2019/02/Warka-Habeen-060219.mp3 The post Dhageyso: Warka Habeen ee Idaacadda Shabelle appeared first on Shabelle. View the full article

Somaliland: New National Teacher’s Training College Inaugurated. The Somaliland President Muse Bihi Abdi, accompanied by the Minister of Education & Science, Osman Aden Jama, and other dignitaries opened the new national teacher’s training college in Hargeisa. Speaking at the opening ceremony, the president paid tribute to all teacher’s across Somaliland, who are educating and moulding the future generations of the nation. The president also thanked the EU for it’s support of the new college, including, but not limited to the construction, but other educational tools, training instructors, bursaries, and the opportunity for further teacher training in overseas colleges. It is anticipated, when the new college’s (which sits on extensive land) development is completed, will be able to house up to 250 teachers of both gender, and will also include a new library, a recreation area, a conference centre, canteen and other facilities. Qaran News

(SLT-London)-Maalinta Barri oo khamiis ah waxaa magaalada London ka dhacaya dibadbax lagaga soo horjeedo xaraashka shidaalka Soomaalida. Arrintan ayaa imaaneysa xilli ay shirkaasi qaadhaceen guddiyada kheyraadka ee labada golle ee baarlamaanka federaalka ah, xisbiyada midowga nabadda iyo dimoqraadiyadda (UPD) iyo Wadajir iyo waxgaradka Soomaaliyeed. Cusmaan Sheekh Maxamed(Qoox) oo ah madaxa qaban-qaabiyeyaasha dibadbaxa oo la hadlay ayaa sheegay in ujeedka uu yahay “in la joojiyo shirka xaraashka shidaalka, oo xilligan aaney Soomaaliya u diyaarsaneyn in aan wax la qeybsanno caalamka”. Qoox oo sii hadlaya waxaa uu yidhi “Sharciga marka la eego, aqalka sare shirkan waa diiday, guddoomiyaha guddiga kheyraadka ee golaha shacabka waa diiday, oo lama soo marin labada gole, sharciyadii lama sameyn, dalka ma aha iib, ma rabno in dalka ceyriin lagu qeyado”. Dowladda federaalka ah ee Soomaaliya ayaa horay u shaacisay in ay Febraayo 7, 2019-ka, bixin-doontaa qandaraas balook- yo dhan 206 oo ku saabsan baadhista shidaalka ku jira xeebaha koonfurta Soomaaliya, waxaana arrintaas isku af ka ahaa Engineer Karar Shukri Doomey, oo ah agaasimaha wasaaradda Batroolka iyo shirkadda sahanka shidaalka ee Spectrum Geo. Laakin maalmihii tagay ayey isla dowladdii ku sheegtay shirkan London soo bandhigga sahanka shidaalka Soomaaliya. Haddaba, Soomaaliya ayaa shirkan aadey iyada oo aaney diyaar u aheyn: Ma DhameystirnasSharciga Batroolka oo baarlamaanka federaalka ayuu la yaalla. Diyaar ma aha xerar hoosaadyo ku saabsan bii’ada (deegaanka) iyo caafimaadka (Health /safety and environment) Ma jiro Xeer-hoosaadka Hayadda Soomaaliyeed ee Shidaalka (Somali Petroleum Authority)- Hayaddan waxay bixinaysaa laysanada iyo ruqsadaha, waxayna daba-galaysaa hawlaha socda, iyo sida ay u socdaan hadday waafaqsan tahay heshiiska Soo-saar wadaagga shidaalka (Production sharing agreement). Looma oga si sax ah shidaalka ku jira balook-yada kala duwan iyadoo sal looga dhigayo xogaha 2-D saysmikada, lamana qiimeyn. Lama sameyn qiimaynta saamaynta hawalaha shidaalka ay ku yeelan karaan deegaanka badda ah (Environmental impact assessment). Lama diyaarin Sharciga Cashuuraadka (a Modern Tax Law) Soomaaliya ma lahan aqoon iyo khibrad ku filan oo hawlaha qandaraas-bixinta iyo gorgortanka la xidhiidha ee shirkadaha caalamiga ah ee sahmiya, soona soo-saara shidaalka. Source

Muqdisho (Caasimada Online) – Xisbiga Himilo Qaran ee uu hoggaamiyo Shariif Sheekh Axmed ayaa war-saxaafadeed deg deg ah kasoo saaray shirka shidaalka Soomaaliya ee berri ka furmaya magaalada London. War-saxaafadeedkan ayaa yimid laba saac un kadib, markii Caasimada Online ay ku eedeysay xisbigan inuu ka aamuso inuu caddeeyo mowqifkiisa arrimaha muhiimka ah ee ku saabsan xaaladda dalka, gaar ahaan shirka London. Halkan ka aqri qoraalkii Caasimada Online. Ilo-wareedyo ka tirsan xisbiga, ayaa u sheegay Caasimada Online in xubnaha xisbiga isla garteen inay qalad weyn ahayd inay muddo intan la eg ku qaadato inay shirkaas jawaab ka bixiyaan, ayada oo qoraalkan uu yimid markii ay ku baraarugeen faallada Caasimada Online. Si kastaba qoraalka kasoo baxay xisbiga ayaa lagu dalbaday in dowladda Soomaaliya ay shirkaas joojiso. Waxyaabaha xisbiga Himilo Qaran uu uu sababta ka dhigay ayaa ah inay walaac abuureyso deg degta dowladda Soomaaliya ay ku dooneyso inay ku iibiso shatiyada xirmooyinka shidaalka Soomaaliya. Qoraalka Xisbiga Himilo Qaran, ayaa sidoo kale lagu sheegay in qodobka 44-aad ee xeerka lagu maamulayo shidaalka iyo kheyraadka Soomaaliya uu weli yahay qabyo oo aan la ansixin. Waxa uu xisbiga sheegay in ha’aydihii maareen lahaa arrimahan, gaar ahaan xeerarka iyo sharciyada ku hareerysan maamulka shidaalka Soomaaliya aan la meel-marin, ayada oo taas ay dheer tahay in dowladda Soomaaliya aysan iminka lahayn awood ay wada-xaajood wanaagsan kula gasho shirkadaha daneynaya shidaalka Soomaaliya. Hoos ka aqriso qoraalka xisbiga Himilo Qaran

Berri oo khamiis ah waxaa magaalada London ka dhacaya dibadbax looga soo horjeedo xaraashka shidaalka Soomaalida. Arrintan ayaa imaaneysa xilli ay shirkaasi qaadhaceen guddiyada kheyraadka ee labada gole ee baarlamaanka federaalka ah, xisbiyada midowga nabadda iyo dimoqraadiyadda (UPD) iyo Wadajir iyo waxgaradka Soomaaliyeed. Cusmaan Sheekh Maxamed(Qoox) oo ah madaxa qaban-qaabiyeyaasha dibadbaxa oo la hadlay Goobjoog News ayaa sheegay in ujeedka uu yahay “in la joojiyo shirka xaraashka shidaalka, oo xilligan aaney Soomaaliya u diyaarsaneyn in aan wax la qeybsanno caalamka”. Qoox oo sii hadlaya waxaa uu yiri “Sharciga marka la fiiri, aqalka sare shirkan waa diiday, guddoomiyaha guddiga kheyraadka ee golaha shacabka waa diiday, oo lama soo marin labada gole, sharciyadii lama sameyn, dalka ma aha iib, ma rabno in dalka ceyriin lagu qeyado”. Dowladda federaalka ah ee Soomaaliya ayaa horay u shaacisay in ay Febraayo 7, 2019-ka, bixin-doontaa qandaraas balook- yo dhan 206 oo ku saabsan baarista shidaalka ku jira xeebaha koonfurta Soomaaliya, waxaana arrintaas isku af ka ahaa Engineer Karar Shukri Doomey, oo ah agaasimaha wasaaradda Batroolka iyo shirkadda sahanka shidaalka ee Spectrum Geo. Laakin maalmihii tagay ayey isla dowladdii ku sheegtay shirkan London soo bandhigga sahanka shidaalka Soomaaliya. Haddaba, Soomaaliya ayaa shirkan aadey iyada oo aaney diyaar u aheyn: 1. Ma DhameystirnasSharciga Batroolka oo baarlamaanka federaalka ayuu la yaalla. 2. Diyaar ma aha xerar hoosaadyo ku saabsan bii’ada (deegaanka) iyo caafimaadka (Health /safety and environment) 3. Ma jiro Xeer-hoosaadka Hayadda Soomaaliyeed ee Shidaalka (Somali Petroleum Authority)- Hayaddan waxay bixinaysaa laysanada iyo ruqsadaha, waxayna daba-galaysaa hawlaha socda, iyo sida ay u socdaan hadday waafaqsan tahay heshiiska Soo-saar wadaagga shidaalka (Production sharing agreement). 4. Looma oga si sax ah shidaalka ku jira balook-yada kala duwan iyadoo sal looga dhigayo xogaha 2-D saysmikada, lamana qiimeyn. 5. Lama sameyn qiimaynta saamaynta hawalaha shidaalka ay ku yeelan karaan deegaanka badda ah (Environmental impact assessment). 6. Lama diyaarin Sharciga Cashuuraadka (a Modern Tax Law) 7. Soomaaliya ma lahan aqoon iyo khibrad ku filan oo hawlaha qandaraas-bixinta iyo gorgortanka la xiriirka ee shirkadaha caalamiga ah ee sahmiya, soona soo-saara shidaalka. Goobjoog News Source: goobjoog.com

Qore :Axmed-Yaasiin Max’ed Sooyaan Golaha-Shacabka wali wuxuu ku shaqeeyaa Xeerkii Qab-Qablayaashii Dagaalka!..Waxay Ina badeen waxay ina bareen baa nooga daran! Kheyre iyo Farmaajo waxbaa loo [...] Source

(SLT-Hargeysa)-Madaxweynaha Jamhuuriyadda Somaliland,Mudane Muuse Biixi Cabdi oo hadal u jeediyey ardayda wax ka barata dugsiga Hoose dhexe ee Qudhac-dheer iyo macallimiintooda, ayaa ardayda ku bogaadiyey inay ku dedaalaan waxbarashadooda, isla markaana ay dhexda u xidhaan sidii ay ugu diyaar garoobi lahaayeen hoggaaminta dalkooda, Halkan hoose ka DAAWO Source

Hargeysa (Somalilandtoday)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta xafiiskiisa ku qaabilay safiirka dalalka Somaliland, Kiiniya iyo Soomaaliya u qaabilsan dalka Finland Ambassador Erik Lundberg. Kulankan uu madaxweynuhu la qaatay safiirka dalalka Somaliland, Kenya iyo Soomaaliya u qaabilsan waddanka Finland, ayaa lagaga wada hadlay arrimo dhawra oo ay kamid yihiin xoojinta xidhiidhka labada dal iyo sidii ay dawladda Finland Somaliland uga caawin lahayd horumarinta waxbarashada iyo iskaashiga dhinaca maal-gashiga. Madaxweynuhu waxa uu ku hambalyeeyey dawladda Finland mashruuca toban jirsaday ee MIDAFINNSOM oo ay dawladda Finland kala shaqayso wasaaradda horumarinta caafimaadka Jamhuuriyadda Somaliland. Ugu dambayn madaxweynaha Jamhuuriyadda Somaliland, Mudane Muuse Biixi Cabdi waxa uu safiirka ku bogaadiyey booqashada uu ku yimi dalka, waxana uu kulankaasi kusoo dhammaaday is af-garad buuxa. Waxa madaxweynaha kulankaas ku wehelinayey madaxweyne-ku-xigeenka Jamhuuriyadda Somaliland, Mudane Cabdiraxmaan Cabdilaahi Ismaaciil (Saylici) iyo wasiir ku-xigeenka Wasaaradda horumarinta Caafimaadka Somaliland. Source

(SLT-Hargeysa)-Garsoore Sarah B. Mazziye oo ka tirsan Maxkamadda Gobalka Minnesotta ee dalkaasi waxay shalay amar ku bixisay in Xabsiga laga sii daayo Muwaadin Soomaali ah oo lagu magacaabo Cabdiqaadir Shariif Cabdi, kaasi oo qorshuhu ahaa in loo soo masaafuriyo dalka Soomaaliya. Cabdiqaadir Shariif Cabdi oo dalka Maraykanka qaxooti ahaan u galay sannadihii 1990-aadkii ayaa waxaa la sheegay inuu ka mid ahaa kooxaha Burcadda ee dadka dhaca, waxaana isaga lagu soo oogay inuu dhacay gaadiid, hanti iyo in dhowr jeer la qabtay isagoo sarqaansanaa. Sannadkii 2002-dii ayaa waxa la amray in loo dhoofiyo Soomaaliya, inkastoo Hay’adda Socdaalka sheegtay inay si dhow ula soconayaan xaalladiisa, isagoo si Ku-meel-gaadh ah loo sii daayey, balse bishii Jenewery ee sannadkii hore ayaa mar kale la xidhay. Waxaa la qorsheeyey bishii March ee sannadkii hore in Cabdiqaadir Shariif Cabdi ka mid noqdo 68 Soomaali ah oo iyagu loo soo dhoofinayey Soomaaliya, balse Garsoore Sarah B. Mazziye waxay bishii November codsatay in lagu sii hayo Xabsiga. Si kastaba ha ahaatee, isla Garsoore Sarah B. Mazziye waxay shalay amartay in la sii daayo Muwaadinkaasi Soomaalida ee lagu magacaabo Cabdiqaadir Shariif Cabdi. Dadkii Soomaalida ee shalay ku sugnaa Hoollka Maxkamadayntiisa waxay mar qudha farxad la qeyliyeen markii lagu dhawaaqay in aan la masaafurin doonin, lana sii daayey Cabdiqaadir sheikh Cabdi Source

Muqdisho (Caasimada Online) – Mowqifka siyaasadeed, waxa uu aaminsan yahay iyo waxa uu u taagan yahay xisbiga Himilo Qaran ee uu hoggaamiyo Shariif Sheekh Axmed, ayaan weli caddeyn laguna wareersan yahay. Xisbigan oo la rumeysan yahay inuu ka mid yahay xisbiyada leh miisaanka siyaasadeeed, ayaa waxaa maqalkiisa u dambeysay maalintii Muqdisho lagu diiwaan-geliyey ee uu uu noqday xisbi rasmi ah, oo ahayd 17-kii December. Marka xisbi siyaasadeed uu abuurmo inuu aaminsan yahay aragti siyaasadeed oo ka duwan tan dalka lagu hoggaaminayo, sidaas darteedna uu doonayo inuu talada dalka la wareego. Hase yeeshee xisbiga Himilo Qaran weli ma muujin sabab dadka ugu beddelan karaan kooxda talada dalka haysa ee Nabad iyo Nolol iyo xisbiyada kale. Tan iyo markii xisbigan uu abuurmay, waxaa dalka ka dhacay dhacdooyin siyaasadeed oo waa weyn, sida cayrintii wakiilkii QM ee Soomaaliya Nicholas Haysom, halal amni darro, iyo arrintan hadda taagan ee shirka shidaalka Soomaaliya ee London lagu qabanayo 7-da Febraayo. Dhammaan xisbiya dalka ka jira ee waa weyn sida UPD, Ileys, Wadajir iyo wixii soo raaca, waxay soo wada saareen qoraallo ay ku caddeynayaan mowqifyadooda siyaasadeed, ayaga oo diiday sida ay dowladda wax u maareeneyso. Hase yeeshee, Himilo Qaran weli wax fal-celin ah lagama hayo. Qasab ma ahan in xisbiga Himilo Qaran uu dowladda mucaarado, hase yeeshee waxaa muhiim ah inuu shacabka u caddeeyo mowqifkiisa ah inuu raacsan yahay siyaasadda dowladda ama inuu diidan yahay. Dad badan ayaa is-weydiinaya waxa ugu wacan aamusnaanta Himilo Qaran. Dadka qaar ayaa qaba inay tahay farsamo xumo iyo ayada oo xisbigan weli uusan aas-aas dhismo oo wanaagsan lahayn, ee uu magaca kaliya ka jiro, islamrkaana aanu qaabasneyn hoggaanka xisbiga wixii kasoo hara hogaamiyahooda Shariif Sheekh Axmed. Dad kale ayaa ayagana aaminsan in Shariif oo ay aad isugu dhowaayeen Farmaajo, markii uu madaxweynaha u ahaa, uu cayaarayo siyaasad ku dhisan qunyar socodnimo, isaga oo iska ilaalinaya inuu si toos ah dowladda u dhaliilo. Wax kasta, oo ay ahaataba waa muhiim in shacabku ogaadaan waxa uu aaminsan yahay una taagan yahay xisbiga Himilo Qaran, iyo in aamusnaanta macnaheedu yahay taageero, haddii aysan sidaas dhicinna, ma jirto sabab ay u doortaan ama uga door bidaan xisbiyada kale ee dalka ka jira, oo uu ku jiro midka hoggaanka haya ee Nabad iyo Nolol. Caasimada Online Xafiiska Muqdisho caasimada@live.com

(SLT-Hargeysa)-Dadweynaha Reer Hargeysa Oo Ka Hadlay Carruur Darbi-jiif Cabasho La Hortagay Wasaaradda Shaqada Iyo Arrimaha Bulshada Oo Xabsi Lagu Xukumay, Halkan hoose ka DAAWO Source

(SLT-hargeysa)-Madaxweynaha Somaliland, Mudane Muuse Biixi Cabdi, ayaa maanta kormeeray shaqo ku tegay sayladda Xoolaha ee magaalada Hargeysa. Madaweyne Muuse Biixi Cabdi, ayaa intii uu kormeerkiisa ku jirey waxa uu indho indheeyey habsami-u-socodka hawlaha wax kala iibsi ee ka socda sayladda xoolaha Hargeysa oo ah goob uu ka socdo ganacsi ballaadhani. Xubno kamid ah guddida ugu maamusha sayladda Xoolaha ee Hargeysa, ayuu madaxweynuhu ka dhegaystay warbixin kooban oo ku saabsan duruufaha kala duwan ee ku xeeran dadka ku ganacsada sayladda iyo xoolaha halkaas oo cabasho xoogan ay ka muujiyeen dadka saylada ka shaqeeya dawlada hoose ee Hargeysa, Halkan hoose ka DAAWO Source

Wasiirka wasaaradda Maaliyadda Somaliland Dr. Sacad Cali Shire oo maanta warbaahinta la hadley ayaa waxa uu sheegay in aaney jirin wax deyn ah oo xukuumadii hore Madaxweyne Siilanyo ku wareejisay xukuumadda madaxweyne Muuse Biixi Shabakadda Somalilandtoday ayaa hore u baahisay in kulan dhex-maray Madaxweyne Muuse Biixi Cabdi iyo wasiir Sacad Cali Shire uu Madaxweyne ku khasbay wasiir in uu beeniyo dayntaa, waxaanu maanta beeniyay dayntii uu hore warbaahinta ugu sheegay, Halkan hoose ka DAAWO wasiir Sacad shalay iyo maanta Source

27 ardey oo ka mid ah kuwa aragga la’ ayaa ka walwalsan sida ay ugu fariisan-doonaan imtixaanka shahaadiga ah ee dowladda federaalka ah kadib markii ay wasaaradda waxbarashada ka jawaabi weysay cabashooda. Axmed Xasan Dige oo ardeydaas ka mid ah oo la hadlay Goobjoog News ayaa waxaa uu yiri “Cabsi ayaan qabnaa oo ah in dadka aragga la’a sanadkan aaney gelin imtixaanka shahaadiga ah ee dowladda maadaama sanadkii hore laga reebay, cabashadeennu waa in arrintaas wax laga qabto, oo wasaaraddu dedejiso qaab aan imtixaanka ku geli karno”. Ibraahim Maxamed Cali, oo oo ka mid ah ardeydaas, oo isna la hadlay Goobjoog News ayaa yiri ” Waxaan diideynaa in dadaal dheer kadib uu mustaqbalkeena dayacmo, dowladduu waa inay diyaarisaa qaabkii aan imtixaanka u geli laheyn”. Horay waxaa arrintan u dalbaday xildhibaanno ka tirsan baarlamaanka federaalka ah. Xildhibaan Maxamed Cumar Dalxa oo arrintan ka hadlaya waxaa uu yiri”Allah agtiisa in laga wada simman yahay, midka araga la’ iyo midka kale aragga heysta, waa imtixaan midka aragga leh waa la imtixaamay midka laga qaadayna waa la imtixaamay, ilaah arag uma waayin lakiin anaga ayaa la rabaa inaan ku cibro qaadano, maanta wax ayaad baranaysaan, imisa ayaa aragooda qaba hadana jaahil ah wax ay ku qabaana anay jirin wax nacfi adduun iyo mid kaleba , sidaa darteed waxaan idiin ku bogaadinayaa inaad hami ka yeelataan waxbarahada oo aas aaska wax walbo looga gudbi karo aanta”. Dhanka kale Sanater Zamzam Daahir Maxamuud oo ka tirsan aqalka sare ee baarlamaanka federaalka ah ayaa sheegtay in arday looga baahan yahay inay galaan taariikhda dadkii aragga la’ aa ee waxbarashada heerka ka gaaray inay ku daydaan ayadoona sheegtay in arday cabashadooda ay gudbinayaan “waa inaan la niyad jabin, waad ogtihiin taariikhda dadkii araga la ‘ aa ee hormarka gaaray ma ahan inaad dadka ka duwan tihin, dhamaan dadku waa isku xuquuq mid araga leh iyo kaan aheenba, waxaan idiin sheegaayaa inaan wasaaradda aan codsigiina la tagidoono gudoomiyahane aan la soo xariiridoono”. Goobjoog News Source: goobjoog.com

New York (SMN) – Maxkamad ku taalla Mareykanka ayaa maanta xornimadiisa dib u siisay muwaadin Soomaaliyeed oo lagu magacaabo C/qaadir Shariif Xasan,kaas oo loo heystay dacwado la xiriira in uu dhalinyaro uga qorayay Al Shabaab gudaha dalkaasi. Muwaadinkan Soomaliyeed oo dhowr jeer oo hore la soo taagay maxkamaddan ayaa waxa la qorsheynayay in loo soo musaafiriyo Soomaaliya, balse maxkamadda ayaa ugu dambeyn mar kale maanta dhageysatay dacwaddiisa, waxaana ay amartay in xabsiga laga sii daayo. C/qaadir Shariif Xasan ayaa la soo xiray bishii January ee sanadkii la soo dhaafay,waxaana uu ku qornaa in uu ka mid noqdo 69 muhaajiriin Soomaali ah oo dowladda Mareykanka ay dib ugu soo celisay Soomaaliya bishii March ee 2018-kii ,laakiin qareenka u doodayay ayaa dalbaday in dib u eegis lagu sameeyo dacwadda loo heystay muwaadinkan Soomaaliyeed. Dowladda Mareykanka ayaa sanadkii hore ee 2018 boqolaal Soomaali ah oo sharci la’aan ku joogay dalkaasi u soo musaafurisay Soomaaliya The post Mareykanka Oo xoriyaddiisa dib u siiyay muwaadin Soomaaliyeed appeared first on Shabelle. View the full article

Waxaa maalin kaddib lagu wadaa in magaalada London ee Britain uu ka dhaco shir lagu soo bandhigi doono maclumaad la xiriira sahmin shidaal oo laga sameeyay Soomaaliya. Shirkan oo ay soo qaban qaabisay dowladda federaalka ee Soomaaliya ayaa natiijada sahanka waxaa soo bandhigi doonta shirkadda Spectrum. Balse waxaa jira warar badan oo been abuur ah oo gudaaman shirkan London. Maxaa ka mid ah been abuurka ku gadaaman shirka London? Tan iyo intii uu shirkan London qabashadiisa soo ifbaxay ayaa waxaa jiray warar la isla dhexmarayay. Wararkaas waxaa ka mid ah warqado la soo dhigayay baraha bulshada kuwaasi oo qaarkood ay been abuur ahaayeen. Waxaa ka mid ah warqad baraha bulshada si weyn loogu baahiyay taasi oo sheegaysay in wasiirka Betroolka iyo Macdanta iyo ku xigeenkiisa ay iscasileen. Warqadan ayaa waxaa tan iyo shalay ay dhex socotay baraha bulshada waxaana soo xigtay qaar ka mid ah warbaahinta maxaliga. Balse warqadan waxay ahayd mid been abuur ah sida ay markii dambe dowladda xaqiijisay. Wasiir ku xigeenka wasaaradda Betroolka iyo Macdanta Maxamuud Cabadi qaadir Hilaal ayaa BBC u sheegay in warqadaas ay tahay mid been abuur ah. Mr Maxamuud ayaa sheegay in wasiirka betroolka iyo isagaba laga been abuurtay oo aysan xilka iska casilin. Waxa uu intaa ku daray in wasiirka Betroolka iyo Macdanta Cabdirashiid Maxamed Axmed uu iminka joogo London si uu shirkaasi uga qaybgalo. Ma xaraash baa shidaalka Soomaaliya? Shirkan lagu wado in khamiista uu ka dhaco London islamarkana looga hadlayo shidaalka Soomaaliya ayaa waxaa ka dhashay muran badan oo ku saabsan waxyaabaha dhab ahaantii uu ku saabsan yahay. Qaar ka mid ah siyaasiyiinta mucaaradka ayaa waxay shirka London ku tilmaameen mid lagu”xaraashayo” kheyraadka Soomaaliya. Balse dowladda Soomaaliya ayaa beenisay warkaas waxa ayna sheegtay in shirka London uu yahay mid lagu soo bandhigayo macluumaadka sahmin shidaal oo Soomaaliya laga sameeyay. Wasiirka macdanta iyo Batroolka ee Soomaaliya Cabdirashiid Maxamed Axmed ayaa BBC-da u sheegay in sahankii la sameeyay uu muujinayo in Sooomaaliya laga helay cadeymo muujinaya shidaal, shirka London na lagu soo bandhigi doono. “Tallaabada xigta ee la qaadayo (Shirka kadib) waxay tahay, in shidaal in lasoo saaro wuxuu u baahan yahay sharciyad, xeerarkii inay diyaar yihiin, waxaan barlamaanka kala shaqeeneynaa in aan dhameystirno sharcigii shidaalka ee Soomaaliya oo dib u eegis lagu sameeyay, kadib ayaan bilaabi karnaa howlihii kale, shirka waa mid shirkadaha caalamiga ah loogu sooo jeedinayo inay arkaan kheyraadka dhulkeena”. Ayuu yiri wasiirka Batroolka ee Soomaaliya. Dhanka kale shirkadda Spectrum oo ah shirkad qayb ka ah shirka London ayaa sheegtay in shirka London lagu soo bandhigi doono aagagga cusub ee ku soo kordhay sahminta shidaalka Soomaaliya. Shirkadda ayaa sheegtay in shirka London uu yahay mid ay wasaarada Betroolka iyo Macdanta ee Soomaaliya ay xarigga uga jari doonto ayna qeexi doonto qeybihii ugu dambayay oo lagu wado inay ka koobnaadaan 50 xirmo oo ku fadhiya dhul dhan 173,000 km . Waxaa sidoo kale shirkadda Spectrum ay qoraalkeeda ku xustay in shirka London lagu soo bandhigi doono shuruucda iyo hanaanka ku xeeran arrinta shidaalka Somaaliya. Xigasho: BBC SOMALI