Ganacsade Xaaji Aadan Axmed Diiriye Oo Qado Sharaf Ku Maamuusay Golaha Abwaanada Somaliland Ganacsade Xaaji Aadan Axmed Diiriye oo ku magac dheer (Aadan Baradho) ayaa hadhimo sharafeed ku maamuusay Golaha Abwaanada Somaliland oo ah gole ay ku midoobeen dhamaan Abwaanada Waa-weyn ee reer Somaliland . Madasha ayaa waxa ugu horeyn hadalo kooban kasoo-jeediyey Xaaji Aadan Axmed Diiriye, isagoo isla markaasina Golaha uga mahadnaqay sida qiimaha leh ee ay munaasibadan ugu soo ajiibeen, Sidoo Kale Xaaji Aadan Axmed Diiriye waxa uu Golaha Abwaanada uga mahadnaqay kaalinta muhiimka ah ee ay ka qaataan wacyigalinta iyo isku soo dhawaynta bulshada , isagoo isla markaasina ku dhiirigaliyey inay halkaas kasii wadaan dadaalada qiimaha leh iyo kaalintaas muhiimka ah ee ay qaranka ugu jiraan. Dhinaca kale Xaaji Aadan Axmed Diiriye ayaa Golaha Abwaanada waxa uu ku booriyey inay sii laban-laabaan wacyi-galinta Bulshada ee Qabyaalada oo uu tilmaamay in Qaran-nimadii iyo wada-jirkii bulshada Somaliland wakhti xaadirkan aya halis ugu jirto in waxyeelo aad u weyni kasoo gaadho Qabyaalada. Dhinaca kale waxa iyagu kalmado mahad-naqa kasoo jeediyey xubno kamida Golaha Abwaanada Somaliland oo ay kamid ahaayeen, Abwaan Xasan Xaaji Cabdilaahi Xaaji Xasan ( Xasan Ganey), Abwaan Maxamuud Maxamed Yaasiin (Dheeg), Saxafi Maxamed Xasan Cali Waji, iyagoo dhamaantood si wada jira uga mahad-celiyey hadhimo-sharafeedkan uu xaajigu ku maamuusay Golaha , iyagoo isla markaasina ka marag kacay doorkii muhiimka ahaa ee Xaaji Aadan Axmed Diiriye kasoo qaatay Halgankii hubays-naa, Nabadayntii iyo dib-u-dhiskii dalka iyo sidoo kale ad-kaynta qaranimada iyo wada-jirka Ummadda Somaliland Qaran News

Qaran News

Garowe (SMN) – Gollaha Wasiirada maamulka goboleedka Puntland ayaa maanta yeeshay kulankoodii caadiga ahaa. Madaxwayne Saciid Cabdullaahi Deni ayaa gudoomiyay shirka looga hadlay qodobo kala duwan oo muhiim ah. Hoos ka akhriso war-saxaafadeed laga soo saarey qodobadii looga dooday kulanka oo ay kasoo qaybgaleen inta badan wasiirada. The post MD Deni oo gudoomiyay shirka Gollaha Wasiirada Puntland appeared first on Shabelle. View the full article

Nairobi (Caasimada Online) – Wasiirka arrimaha dibedda Kenya, Monica Juma ayaa shaaca ka qaadday inaysan waxba iska beddeli mowqifka Kenya ee ku aaddan “muranka xuduudda badda” ee kala dhaxeeya Soomaaliya. Hadalkeeda ayaa yimid maanta kadib markii madaxweynaha Kenya, Uhuru Kenyatta uu guddoomiyey shir golaha wasiirada dalkaas ay yeesheen oo la isku raacay tallaabooyin ay tahay in la qaado, si loo xaliyo xiisadda kala dhaxeysa Soomaaliya, islamarkaana loo ilaaliyo dhulka Kenya. Monica Juma ayaa sheegtay in ficillada dowladda Soomaaliya ee “dhulka la isku haysto” ay yihiin kuwa aan wanaagsaneyn. Juma ayaa tiri “In inkasta oo dowladda Soomaaliya ay soo saartay bayaan ay ku diiday eedeymaha Kenya, haddana way caddahay inaysan beenin jiritaanka qariirad muujineysa in xirmooyinka shidaal ee la xaraashay ay yihiin kuwa Kenya.” Juma waxay ku dooday in kiiska hor-yaalla maxkamadda caalamiga ah ee caddaaladda ee ICJ eek u saabsan dhul-badeedka labada dal ay isku hayaan, ay Soomaaliya ku sheegtay inay ilaalineyso xuduudaheeda, taasina ay caddeyn u tahay in Soomaaliya aysan aqoonsaneyn xuduudda ay Kenya dooneyso. “Xitaa hal mitir oo dhul ay Kenya keedahay ugama tagi doonno dowlad kale” ayey tiri Monica Juma. Juma ayaa sheegtay in Kenya ay weli Soomaaliya ka sugeyso jawaab faah-faahsan oo ku saabsan arrimaha Kenya ay ka walaacsan tahay, islamarkaana Kenya ay isku dayeyso inay is-xakameyso oo ay ka bad-badin. “Dalalka dunida waxay go’aanno ka adag kuwii aan qaadannay u qaateen wax ka yar arrimaha aan ka walaacsannahay” ayay tiri. Ayada oo warbaahinta caawa kula hadleysay Nairobi ayay sheegtay inay jiri karto cunaqabateyn Kenya ay saarto Soomaaliya, taasi oo ku xirnaan doonta jawaabta dowladda Soomaaliya ay ka bixiso “xuduudda lagu muransan yahay” Waxa ay sheegtay in dowladda Soomaaliya ay ka doonayaan in sharaxaadda ay siineyso Kenya ay qeyb ka ahaato raali-gelin ay siiso Kenya. Caasimada Online Xafiiska Nairobi Caasimada@live.com

Muqdisho (SMN) – Akhristayaasheena ku xiran website-ka waxaan halkaan idin ugu soo gudbineynaa warka Habeen. Hoos riix si aad u dhageysato The post Dhageyso: Warka Habeen ee Idaacada Shabelle appeared first on Shabelle. View the full article

Muqdisho (SMN) – Akhristayaasheena ku xiran website-ka waxaan halkaan idin ugu soo gudbineynaa warka Habeen. Hoos riix si aad u dhageysato The post Dhageyso: Warka Habeen ee Idaacada Shabelle appeared first on Shabelle. View the full article

(SLT-Hargeysa)-Bulshada Reer Ceerigaabo Oo Si Adag Uga Hadlay 15 Dhalinyarro Reer Sanaag Ah Oo Maxkamadda Sare Ku Xukuntay Dil Iyo Xabsi, Halkan hoose ka DAAWO Source

(SLT-Hargeysa)-Aqoonyahan Mustafe Kaydsane ayaa waxa uu ka hadlay kulankii dhex-maray Madaxweynaha Somaliland iyo raysal wasaaraha Itoobiya, Halkan hoose ka DAAWO Source

(SLT-Mossoco) Madaxweynaha Ruushka Vladimir Putin oo soo jeediyey khudbadiisii sanadlaha ayaa si adag uga hadlay ka bixitaanka uu Maraykanka ka baxay heshiiskii ay labada dal wada saxiixdeen 1987dii ee INF oo lagu xakameenayey hubka gantaalada yaala dalalka Yurub. Heshiiskan INF ayaa ka xakameenayey Maraykanka iyo Ruushka inay hawlgeliyaan gantaalada kuwooda ridada dhexe ee Maraykanka Yurub dhigay iyo kuwa Ruushka kusoo jeediyey wadamada Yurub. Madaxweynaha Maraykanka Trump ayaa horey u sheegay in Ruushka uu jabiyey heshiiskaasi isla markaana soo saaray hub cusub oo ah nooca gantaaladii horey loo mamnuucay. Putin ayaa sheegay in hadii Maraykanka uu dalalka uu xulafada la yahay ee Galbeedka Yurub uu keeno gantaalo cusub, inay iyaguna gantaalo cusub oo casri ku sii jeedin doonaan dhamaan goobaha Maraykanka uu saldhiga ka dhigto. Hogaamiyaha Ruushka oo hadalkiisa sii wata ayaa sheegay inay ku guuleysteen dhameystirka hub badan oo casri ah kuwo kale oo badana ay marayaan heer gebo gebo ah. Waxaana kamid ah hubkaasi Ruushka sameystay gantaalada cusub ee Nukliyeerka ee qaaradaha isaga gudba (Sarmat), kuwa jawiga hoose ku duula iyo kuwa loo adeegsado badda ee loo yaqaan Boseydon (Poseidon). Source

(SLT-Hargeysa)-Madaxweynaha Somaliland iyo weftiga uu hoggaaminayo oo ku sugan caasimadda dalka Itoobiya ee Addis Ababa, ayaa waxa hadhimo-sharafeed ku casuumay wasiirrada wasaaradaha arrimaha dibadda iyo maaliyadda dalka Itoobiya Dr. Workneh Gebeyehu iyo Mudane. Axmed Shide. Madaxweynaha iyo xubnaha weftiga ah ee wehelinaya, ayaa waxa kulanka hadhimo-sharafeedka ah ee ay la qaateen wasiirrada arrimaha dibadda iyo maaliyadda ee dalkaas Itoobiya oo ay wehelinayaan Safiirka Dawladda Itoobiya u fadhiya Dalka Somaliland, Mudane Shamsudiin Axmed Rooble iyo diblomaasiyiin ka tirsan dawladda Federal-ka Itoobiya waxa ay ku wadaageen is xog-waraysi iyo kaftan muddo qaatay, Halkan hoose ka DAAWO Source

(SLT-London)-Dowladaha Maraykanka iyo Ingiriiska ayaa ka xayuubiyay xuquuqdii dhalasho labo gabdhood oo ku biirey ururka IS balse haatan doonaya inay dib ugu soo laabtaan dalalkoodii. Xoghayaha Arrimaha Dibadda Maraykanka Mike Pompeo ayaa sheegay in Hoda Muthana oo ka tagtay gobolka Alabama kuna biirtay ururka IS ee ka dagaalamayay dalka Siiriya laga xayuubiyay dhalashadii Maraykanka ayna iman karin dalka Maraykanka. Hoda Muthana oo wadata wiil yar oo 18 bilood jira ayaa dooneysa inay dib ugu soo laabato Maraykanka kadib markii ururka IS loogaga awood roonaaday dalka Siiriya. Muthana ayaa waalidkeed waxa ay ka soo jeedaan dalka Yemen oo aabaheed ayaa ahaa diblumaasi dowlada Yemen u joogay dalka Maraykanka. Gabadhan oo dhalatay 1994tii ayaa waxa ay ku guursatay intii ay joogtay dalka Siiriya labo ka mid ah dagaalamayaasha IS ama Daacish oo labaduba lagu diley dagaalada ka dhacay dalka Siiriya. Sidoo kale Shamima Begum, oo ah gabar u dhalatay dalka Britain ayaa laga xayuubiyay dhalashadii dalkaas kadib markii ay sheegtay inay dooneyso inay ku soo laabto dalka Britain oo ay hore uga tagtay kuna biirtay ururka IS ama daacish. Shamima Begum ayaa waalidkeed ay ka soo jeedaan dalka Bangaladesh ayaa sidoo kale loo diiday in ay timaado dalkaas waxaana uu sheegay Wasiirka Arrimaha Dibada dalka Bangaladesh inay tahay muwaadin British ah. Gabadhan oo wadata wiil yar oo aabihiis lagu diley dagaalka Siiriya kana mid ahaa ururka Daacish ayaa sheegtay inay dooneyso inay dib ula midowdo waalidkeed oo ku nool dalka Britain, waxaana socda haatan dadaalo uu ku doonayo qareenka qoyska Shamima Begum sidii ay u heli lahayd xuquuqdeeda muwaadinimso. Labadan gabdhood ayaa waxaa ay ka wada siman yihiin iyagoo doonaya in ay u helaan nolol labada carruur ee yaryar ee ay ku dhaleen dalka Siiriya waxayna haatan ku jiraan xeryo qaxooti oo ku dhex yaal dalka Siiriya. Boqolaal dhalinyaro ah oo ku noolaa wadamada Yurub,Maraykanka iyo Canada kuwaasoo isugu jira wiilal iyo gabdho ayaa ku biirey ururka IS oo xarumo ku lahaa dalka Siiriya, hase yeeshee dagaalo xoogan oo lagu qaaday ururkaas ayaa sababay in laga saaro magaalooyinkii ay saldhigyada ku lahaayeen waxaana haatan socda weeraradii ugu dambeeyay ee lagu doonayo in lagu baabi’iyo ururka Daacish. Source

(SLT-Hargeysa)-Madaxweyne ku-xigeenka Somaliland ahna ku-siamaha Madaxweynaha Somaliland, Mudane Cabdiraxmaan Cabdilaahi Ismaaciil (Saylici), ayaa xafiiskiisa ku qaabilay safiir ku-xigeen dawladda Denmark u fadhida dalka Kenya Ms. Nina Berg oo socdaal ku timi Jamhuuriyadda Somaliland. Kulankaasi ayaa lagaga wada hadlay xoojinta xidhiidhka u dhaxeeya labada dal ee Denmark iyo Somaliland iyo dardargelinta kaalmada ay dawladda Denmark kaga qayb-qaadato mashaariicda horumarineed ee Jamhuuriyadda Somaliland ka socda. Kulankan, ayaa waxa madaxweyne-ku-xigeenka ku wehelinayey wasiirka wasaaradda Qorshaynta iyo horumarinta qaranka, waxaanu kulankaasi ku soo dhammaaday guul iyo is afgarad buuxa. Source

(SLT-Hargeysa)-Xildhibaan Ka Tirsan Golaha Guurtida Somaliland ayaa waxa uu sheegay in Dawladnimadii Somaliland Hargeysa Ayey Ku Soo Ururtay, Halkan hoose ka DAAWO Source

(SLT-Hargeysa)-Laanta afka Somaliga ee Idaacada BBC-da ayaa waxaa ay wareysi la yeelatey afhayeenka madaxtooyada Somaliland isla markaana waxaa ay wax ka weydiisay Kulankii Addis Ababa ku dhex maray Madaxweyne Biixi iyo Raysal wasaaraha dalka Itoobiya iyo war qoraal ah Soomaaliya ka soo saartay kulankaasi, Halkan hoose ka DAAWO Source

Soomaaliland ayaa warsaxaafedeed ay kasoo saareen safarka Madaxweynohoodu ku joogo Adis Aaba ayay dhanka kalena digniin ugu direen Villa Soomaaliya, warsaxafadeedku wuxuu u woran yahay [...] Source

(SLT-Hargeysa)-Madaxweyne ku xigeenka JSL Mudane Cabdiraxmaan Cabdillaahi Ismaaciil (Saylici) ayaa ka soo laabtay socdaal uu ku tagay dalka Isu-tagga Imaaraadka Caratbta oo aan ujeedadiisa la shaacin. Madaxweyne xigeenka ayaa kulamo la qaatay masuuliyiinta shirkadda maamusha dekedda Berbera ee DP World. Ma jiro war rasmi ah oo ka soo baxay safarka madaxweyne xigeenka iyo arrimaha ay ka wada hadleen madaxda uu la kulmay laakiin, warar xogogaal ah oo wargeyska Waaberi ka helay socdaalka mudane Cabdiraxmaan Saylici ayaa xaqiijiyay in uu farriin ka siday xukuumadda madaxweyne Biixi taas oo nuxurkeedu ahaa fahan la’aan ka taaggan waxyaabaha Somaliland ka faa’iidayso heshiiska dekedda Berbera iyo Saldhigga Militari ee Imaaraadka laga siiyay Berbera. Xogaha ayaa sheegaya in aanay madaxtooyada Somaliland hayn raadraaca geeddi socodkii ay soo mareen heshiisyada xukuumaddii Siilaanyo iyo Imaaraadka, isamarkaana aanay gacanta ugu jirin nuqullada rasmiga ah ee faahfaahinaya dheefaha labada dhinac ugu kala jira heshiisyada, sidaas awgeedna madaxweyne xigeenku sharraxaadaha arrimahan kala hadlay madaxda uu la kulmay ee Imaaraadka. Wasiirka maaliyadda Somaliland Dr Sacad Cali Shire ayaa dhawaan daboolka ka qaaday in aanay Somaliland wax kiro ah ka qaadan Saldhigga Militari ee Imaaraadka. Madaxweyne Biixi ayaa hore telefishanka Universal ugu sheegay in Saldhigga la kireeyay. Wasiir Sacad oo mar kale la waydiiyay hadalladooda is khilaafsan wuxuu sheegay in laga yaabo madaxweynaha oo aan xog buuxda arrinta Saldhigga ka hayn hadalka sheegay. Wararka la xidhiidhka socdaalka madaxweyne xigeenka Somaliland ayaa intaas ku daray in madaxweyne Biixi saluugsan yahay waxyaabaha Somaliland ka faa’iidaysay heshiisyada oo aan wali fulin sida: balaadhinta dekedda iyo dhisamaha jidka isku xidha Berbera iyo Wajaale. Geesta kale waxa ay xogo intaas ku dareen in Madaxweyne xigeenku gaadhsiiyay Imaaraadka dhawr qodob oo aan heshiiskii ku jirin oo Somaliland ka doonayso dawladda Imaaraadka kuwaas oo kala ah:- 1- In Imaaraadku kabo dakhliga xukuumadda Somaliland, in uu ka caawiyo kobcinta dhaqaalaha, iyo in Baanan Imaaraad ah laga furo Somaliland, laguna xidho ka Somaliland. 2-In ay ka caawiyaan xoojinta adeegyada dhakhtarada iyo caafimaadka Somaliland 3- In Imaaraadku safka hore ka galo u ololaynta qaddiyadda Somaliland. Dhinaca kale masuuliyiinta shirkadda Dp World ayaa la sheegay in Somaliland ku canaanatay in aanay ka soo bixin qodobo hore oo ay dalbatay in ay soo darsayso, islamarkaana waxa weftiga madaxweyne xigeenka la siiyay qoraalladii hore loogu heshiiyay oo la sheegay in aanay nuqulladooda indhaba saarin xukuumadda madaxweyne Biixi lana rumaysan yahay in ay xukuumaddii hore haysay iyada oo laga yaabo in wasiir Sacad iyo danjire Baashe Cawil wakiilkii Imaaraadku hayaan laakiin, aanu madaxweynuhu hore u hayn waxaana weftiga madaxweyne xigeenka laga sugaya in ay dib u dheehdaan geeddi socodkii uu soo maray wada xaajoodku kadibna dhan walba waxa qabyo ka ah iyo waxa xaq loogu leeyahay la isla fahmo. Dadka ka agdhaw kulamada madaxweyne xigeenka iyo shirkadda ayaa sheegay in ay Dp World ka cago jiidayso dhismaha jidka isku xidha Berbera iyo Wajaale oo laga yaabo in ay ku baxayso lacag ka badan tan ku baxaysa balaadhinta dekedda Berbera maaddaama ay tahay waddo si casri ah loo dhisayo oo yeelanaysa biriijyo iyo buundooyin casri ah. Bulshada Somaliland ayaa si weyn isu waydiinaysa muddo kadib waxa ay Somaliland ka faa’iiday Imaaraadka Carabta iyo xulufada Sucuudiga. Waxa si weyn la isu waydiinaya sababta Imaaraadku u taageeri waayay qaddiyadda Somaliland siiba basaboorka Somaliland la hadal hayay in ay ogolaanayaan. Waxa kale oo dhawaan wasiirka Diinta iyo Awqaafta Sheekh Khaliil Cabdillaahi Axmed sheegay in ay warqado lagu xasho oo dadka Somaliland ku tagaan Xajka laga waayay Sucuudiga. Source

Shirkii Golaha Xukuumadda Dowladda Puntland oo uu Shir Guddoominayey Madaxweynaha Dowladda Puntland Mudane Siciid Cabdullaahi Deni, ayaa looga hadlay arrimaha kala ah, Amniga, Xeer Hoosaadka Golaha Xukuumadda, [...] Source

(SLT-Hargeysa)-Siyaasi Cabdillaahi jawaan ayaa waxaa uu ka hadley sida uu u arko kulankii shalay ku dhex-maray magaalada Addis Ababa madaxweynaha Somaliland iyo raysal wasaaraha Itoobiya Cabdilaahi Jawaan waxaa uu sheegay in markii ugu horeysay ay Itoobiya sidii ugu qiimaha badneyd u soo dhaweysay madaxweyne Somaliland ka socda, Halkan hoose ka DAAWO Source

Golaha wasiirada cusub ee Puntland, ayaa maanta yeeshay shirkoodii ugu horreeyay ee Khamiislaha, tan iyo markii ay xilka la wareegeen. Kulanka oo uu shir-guddoominayey madaxweynaha Puntland, Siciid Cabdullaahi Deni ayaa looga hadlay; arrimaha amniga, xeer-hoosaadka xukuumadda, kobcinta dakhliga Puntland, wada-dhaqeynta wasaaradaha iyo warbixinno laga dhegaystay qaar kamid ah wasaaradaha. War-saxaafadeed ka soo baxay shirka ayaa lagu sheegay in madaxweynuhu wasaaradaha ku amray in ay soo diyaariyaan qorsha-hawleedka dowladda ee sannadka 2019, islamarkaana u diyaar-garooban qorshaha horumarinta Puntland oo ay hoggaamin doonto wasaaradda Qorshaynta ee Puntland. PUNTLAND POST The post Golaha xukuumada cusub ee Puntland oo shirkoodii ugu horrreyay kulmay appeared first on Puntland Post.

Hargeysa (Caasimada Online) – Warar laga helayo magaalada Hargeysa ayaa sheegaya in Khilaaf cusub uu soo kala dhex galay maamulka madaxweyne Muuse Biixi Cabdi iyo Shirkadda DP World. Wararka ayaa sheegaya in arrinta Khilaafkaasi la xiriirta uu magaalada Dubai u tagay madaxweyne ku xigeenka Somaliland C/raxmaan Seylici, waxaana uu doonayaa inuu dib u eegis ku sameeyo heshiiskii Xukuumadii Siilaanyo ay la gashay DP World. Xukuumadda Muuse Biixi Cabdi ayaa la sheegay inaysan wali gacanta ku dhigin nuqulka saxda ah ee heshiiskii lala galay Shirkadda DP World, waxaana wararka la helayo ay sheegayaan in kulan dhex maray madaxweyne ku xigeenka Somaliland iyo masuuliyiinta shirkadda lagu ogaaday mugdiga soo kala dhex galay labada dhinac. Madaxweyne Biixi iyo xukuumaddiisa ayaa la sheegayaa inay saluugsan yihiin heshiiska DP World loo saxiixay, maadaama aysan waxba kala socon qoraalo badan oo horey labada dhinac ay isku weydaarsadeen, kuwaasi oo qeexaya waxyaabaha lagu heshiiyay, sida wararka soo baxaya ay sheegayaan. Warar kale oo soo baxaya ayaa sheegaya in fulin la’aanta heshiisyadii DP World ee dhismayaasha laamiyada iyo arrimo kale ay keeneen in madaxweyne Biixi iyo xukuumadiisa ay walaac badan ka muujiyaan heshiiskii horey DP World loogu siiyaydekadda Berbera . Madaxweyne ku xigeenka Somaliland ayaa madaxda DP World u gudbiyay sharuudo kale oo ay doonayaan in lagu daro heshiiska Shirkadda DP World kuwaasi oo aan horey loogu heshiin, waxaana wararka ay sheegayaan in qodobada uu ula tagay ay kamid aheyd: 1 – In Imaaraatka Kabo Dhaqaalaha iyo miisaaniyadda Somaliland 2 – In Bangiyo maaraatki leeyahay laga furo Somaliland 3 – In Imaaraatka Safka hore ka galo u ololeynta ictiraaf raadinta Somaliland. Waxaa qodobadaasi ay keeneen in madaxda Shirkadda DP Word diidaan, iyada intaasi kadib Seylici loosoo daabacay nuqulka heshiiskii lala galay madaxdii ka horeysay, waxaana kadib loo bandhigay qodobo ay Somaliland ka gaabisay. Arintaasi ayaana keentay in Khilaafka cusub uusoo ifbaxo. Caasimada Online Xafiiska Hargeysa Caasimad@live.com

Magaalada Muqdisho ee caasimada Soomaaliya waxaa maanta soo gaaray Boqor Burhaan Boqor Muuse. Boqorka ayaa waxaa garoonka Muqdisho ku soo dhoweeyay xubno wasiiro xildhibaano iyo odoyaaal dhaqmeedyo. Gudoomiyaha Gobolka Banaadir ahna duqa Muqdisho Eng Cabdiraxmaan Cumar Cismaan Yariisoow ayaa garoonka Aadan Cadde, Boqor Burhaan Boqor Muuse ku soo dhoweeyay. Boqor Burhaan oo si kooban wariyaasha u gula hadlay xarunta Vip-da ee Garoonka Aadan cadde ayaa ka mahad celiyay qaabkii quruxda badneyd ee loo soo dhoweeyay. Kulamo ayaa lagu wadaa in Boqor Burhaan uu la qaato madaxda ugu sareeyso dowlada Soomaaliya. Xasan Maxamed Samatar cowke Puntland Post Muqdisho The post Boqor Burhaan Boqor Muuse oo Muqdisho soo gaaray appeared first on Puntland Post.

Muqdisho (SMN)- Shirweynaha qaran ee dhab u heshiisiinta oo uu daah furay gudoomiyaha aqalka sare ee baarlamaanka Cabdi Xaashi Cabdulaahi oo sadexdii maalmood ee lasoo dhaafay socday ayaa maanta lagu soo gabagabeeyay magaalada Muqdisho. Shirweynaha ayaa oo uu soo xiray ra’iisal wasaare Kheyre ayaa waxaa lagu soo bandhigay nuqulka 1aad ee Hannaanka Dhab-u-heshiinta qaranka waxaana kasoo qayb galay ergo matalaysey dadka Soomaaliyeed oo ka kala yimid Dowlad Goboleedyada, Maamulka Gobolka banaadir iyo marti-sharaf ka kala socday qaybaha bulshada. Wasaarada arimaha gudaha iyo dib u heshiisiinta oo shirkaasi qabatay ayaa gabagabada shirka soo saartay baaqyo kala duwan oo ku saabsan dib u heshiisiinta,kuwaas oo ku socday dowlada Soomaaliya. Laga soo bilaabo bartamihii sanadkii 2017, waxay Wasaaraddu qabatay Shirweyne Qaran iyo wadatashiyo lala yeeshay dadka Soomaaliyeed qaybahooda kala duwan oo lagu qabtay magaalooyinka Muqdisho, Garowe, Kismaayo, Dhusamareb, Jowhar iyo Baydhabo oo ay ka soo qaybgaleen in ka badan 1400 oo qof oo kale socday qeybaha kala duwan ee bulshada iyo laamaha iyo hay’adaha dowlada heer federal iyo heer maamul goboleed. The post Raa’iisal Wasaare Kheyre Oo Soo Xiray Shirweynaha Qaran Ee Dib U Heshiisiinta Dalka appeared first on Shabelle. View the full article

Madaxweynaha dowladda Puntland ,Siciid Cabdullaahi Den ayaa magaca ka beddelay, wasaaraddii Degaanka iyo Isbeddelka cimilada ee Puntland. Wareegto maanta ka soo baxday xafiiska madaxweynaha, ayaa lagu sheegay in magacii wasaaradda loo beddelay, wasaaradda Degaanka, Beeraha iyo Isbeddelka cimilada ee Puntland. Sannad ka hor, 15-kii Febraayo 2018 madaxweynihii hore Puntland, Cabdiweli Maxamed Cali (Gaas) ayaa sidaan oo kale magaca uga beddelay, isla waraaddan oo markaas ahayd ” wasaaradda Degaanka,Duurjoogta,Daaqa, iyo Dalxiiska”. Madaxweyne Gaas wuxuu magaca xilligaas u beddelay, wasaaradda Degaanka iyo Isbeddelka cimilada isagoo soo kordhiyay “Isbeddelka cimilada. PUNTLAND POST The post Mid kamid ah wasaaradaha Puntland oo magaca laga beddelay appeared first on Puntland Post.

Qaran News

Qaran News