Shacabka ku dhaqan deegaannada K/galbeed ayaa ka sugaya xukuumadda cusub ee uu soo dhisay madaxweyne C/casiis Lafta Gareen iney degdeg kula timaado waxqabad muuqda. Dhallinyarada aqoonyahannada ah ayaa qaba in waxyaabaha hadda looga fadhiyo xukuumaddan tahay wax ka qabashada ammaanka, dhaqaalaha, dib u dhiska waddooyinka, caafimaadka, shaqo abuurka iyo sidoo kale furista waddooyinka xiran. Sidoo kale shacabka ayaa sheegaya iney rajo wanaagsan ka qabaan in xukuumadda uu soo dhiso Lafta Gareen ay wax badan qaban karto. Halkaan hoose ka dhageyso: https://goobjoog.com/wp-content/uploads/2019/02/WARBIXIN-WARCADE.mp3 Goobjoog News C/qaadir Abuu Source: goobjoog.com

Gaalkacyo (Caasimada Online) – Madaxweynaha Maamulka Galmudug Axmed Ducaale Geelle Xaaf ayaa sheegay in dowladda Federaalka ah ay wali dagaal kula jirto maamulkiisa. Xaaf, oo maanta tagay Magaalada Gaalkacyo ee Xarunta Gobolka Mudug ayaa sheegay in dowladda dhexe ay ka baxday wixii lagu heshiiyay dhamaan ballamihiina ka baxday. Madaxweyne Xaaf ayaa dowladda dhexe ku dhaliilay in ay si weyn uga soo horjeedo hormarka maamulka Galmudug, isagoo ugu baaqay qeybaha kala duwan ee Bulshadda in ay muujiyaan isku tashi. Xaaf iyo dowlada dhexe ayaa waxaa ka dhaxeeyay Khilaaf muddo soo socday kaasoo ku saleysan hanaanka dhismaha maamulka Galmudug oo waqtigiiso dhammaaday, waxaa sidoo kale khilaaf kala dhaxeeya Madaxweyne ku xigeenkiisa iyo Guddoomiyaha Baarlamaanka Galmudug. Xaaf,waxaa uu ka soo haray maamulkii ugu sarreeyay Golaha iskaashiga Dowlad Goboleedyada ee CIC, waxaana uu ka ahaa Guddoomiye ku xigeen. Madaxweynaha Jubaland oo golahaasi ku jira ayaa waxaa uu wadahadal kula jiraa dowladda Federaalka ah ee Soomaaliya,halka maamulladii kale ay qaar la heshiiyeen dowladda dhexe kuwana ka dhaceen doorashooyin sababay isbeddel dhinaca hoggaanka ah. Caasimada Online Xafiiska Gaalkacyo Caasimada@live.com

Ra’iisul wasaaraha xukuumadda federaalka Soomaaliya ayaa maanta waxa uu xarigga ka jaray xabsi weyn oo dhisme ahaan casri ah, kaasi oo laga furay magaalada Muqdisho. Dhismaha xabsigan ayaa socday muddo Saddex sano ah, waxaana markii ugu horreysay dhagax-dhigay Ra’iisul wasaarihii hore ee dalka, Cumar C/rashiid Cali Sharmaarke. Xabsigan ayaa ka kooban qeybo kala duwan, waxaana loogu talogalay in lagu xiro maxaabiista, sidoo kalena loogu sameeyo dhaqancelin. Marka la eego xabsigan waxa uu ku jiraa liiska kuwa ugu casrisan ee qaaradda Afrika, iyadoo maxaabiista ay heli karaan nafis badan, goobo waxbarasho iyo goobo kale oo lagu ciyaaro. Goobjoog News Source: goobjoog.com

Dowladda Kenya ayaa xilligan waxa ay cirka kusii toleysaa xiisadda Dimlomaasiyaseed ee kala dhaxeysa Soomaaliya, taasi oo hadal hayn badan ay ka dhalatay. Dadka falanqeeya arrimaha siyaasadda ayaa sheegaya in Kenya ay dooneyso xilligan iney qaadato dhul hor leh oo Soomaaliyeed, taasna waxaa loo sababeeyey hadalladii kala duwanaa ee dowladdaasi kasoo baxay. Aqoonyahan C/raxmaan C/laahi Dhubad oo u warammay Goobjoog wuxuu sheegay in sababta ugu weyn ee Kenya xiriirkii kala dhaxeeyey Soomaaliya u xumeysay ay tahay marin habaabinta go’aanka maxkamadda cadaaladda ee kiiska badda. Wuxuu sheegay aqoonyahankan in Kenya ay ogaatay in looga gacan sarreeyo kiiskaasi, sidaasi darteedna waxay sameeneysaa waddo walbo oo wax lagu joojin karo ama ugu yaraan dib loogu dhigo karo. Halkaan hoose ka dhageyso: https://goobjoog.com/wp-content/uploads/2019/02/Wareysi-Daqare.mp3 Goobjoog News Source: goobjoog.com

Taliska ciidanka xoogga dalka Soomaaliyeed ayaa ku guuleystay in ay xabad joojin kala dhex-dhigaan beello walaalo ah oo muddo isku hayey Tuulada Xaaji Cali ee degmada Cadalle. Abaanduulaha ciidanka xoogga dalka iyo saraakiil kale ayaa maanta waxa ay degmada Cadalle kula kulmeen waxgaradka beelihii dagaallamay. Waxaa la isku raacay in xabadda la joojiyo islamarkaana wax walbo lagu dhammeeyo miiska wadahadalka bedalkii la dagaallami lahaa. Nabadoon Mukhtaar Axmed oo ka mid ah waxgaradkan ayaa u sheegay Goobjoog, in hadda ay isku diyaarinayaan wadahadallada nabadeed iyo sidoo Labadan beel u wada noolaan lahayd. Beelahan ayaa is hayey muddo Labo sano ah, iyadoo dhowr jeer lagu guul darreystay in xaalkooda la xalliyo, hase ahaatee hadda nabadda ayeey wada aqbaleen. Goobjoog News Source: goobjoog.com

Garowe (Puntlandi) Taliska ciidanka booliiska gobolka Nugaal ayaa soo bandhigay dhalinyaro ku eedaysan furashada iyo baarashada dadweynaha xilliyada habeenkii Dhalinyaradaan oo maanta lagusoo bandhigay taliska saldhiga [...] Source

Several people have been arrested after they attacked and looted Somali shops in South Africa. The police spokesperson Kay Makhubela says the suspects were followed after they targeted and robbed shops belonging to Somali nationals. Makhubela could not confirm reports that a Somali national was also killed during the robbery blaming Twitter users for publishing unconfirmed reports. “Some of the things which are Tweeted are misleading. There were incidents that happened in the area but we can’t give a number of people that were killed because that needs to be a fact.” Makhubela says they are still searching for some of the suspects who perpetuated these robberies and is appealing to members of the public to assist. The post Somali shops looted in South Africa, several suspects arrested appeared first on Shabelle. View the full article

Tooriyaha lagu qabtay dhalinyarada Taliska Booliiska gobolka Nugaal ayaa maanta soo bandhigay in ku dhow 30 dhalinyaro ah oo lagu soo qabtay hawlgallo ay ciidamada amnigu ka sameeyeen xaafadaha kala duwan ee magaalada Garoowe. Taliyaha Qeybta Booliiska gobolka Nugaal Xassan Cabdullaahi Maxamed oo warbaahinta kula hadlay saldhiga Garoowe ayaa sheegay in dhalinyarada la soo qabtay ay ku eedaysan yihiin dhaca iyo furashada dadweynaha magaaalada isagoo xusay in qaar kamid ah raggan ay ka soo carareen dhinaca magaalada Boosaaso oo hawlgallo culus ka socdan. Taliska ayaa sidoo kale soo bandhigay tooriyo la sheegay in ay dhac iyo furasho ku geysanayeen dhalinyarada la soo qabtay waxaana taliyuhu sheegay in maalinta berri ah maxkamad la isku geyn doono iyaga iyo qalabkoodaba. PUNTLAND POST The post Dhalinyaro tooriyo ku hubaysan oo Garowe lagu qabtay appeared first on Puntland Post.

The main streets in Mogadishu have been locked down on Saturday for the commemoration of the 49th anniversary of the establishment of Somali custodial corps. A well-organized ceremony which took place in an army base was attended by Somali Prime Minister Hassan Ali Kheire, the chief of custodial corps, Bashiir Mohamed Jama’a and other officials from security agencies. During the event, the Prime Minister inspected a guard of honour mounted by the forces. After the guard of honour, Mr. Kheire visited newly constructed premises for the custodial corps. The prime minister commended the forces for their achievements after his tour to the construction. For his part, the new chief of custodial corps extended congratulatory message to the forces. “I congratulate the commissioners, deputy commissioners and all the custodial corps on the 49th anniversary of the establishment of the forces,” said the chief. The prison corps who had been working through difficulties since the government of late Mohamed Siyyad Barre who was toppled early 1990s have taken step forward and marked remarkable achievements. The post Mogadishu streets locked as Somali custodial corps marks 49th anniversary appeared first on Shabelle. View the full article

Qaran News

Taliska ciidanka booliiska amniga gobolka Nugaal ayaa maanta soo bandhigay ku dhawaad 30 dhalinyaro ah oo lagusoo qabtay howlgallo, iyagoo qaarkood ku guda jiray furashada [...] Source

Muqdisho (Caasimada Online) – Labo sano kadib maanta oo kale ayay aheyd markii la magacaabay ra’iisul wasaare Xasan Cali Kheyre, taasi oo lama filaan noqotay magacaabistiisa. Xasan Cali Kheyre ayaa la magacaabay 23 February sanadkii 2017, waxaana lagu magacaabay qoraalka Barta Twitter-ka uuso dhigay madaxweynaha Soomaaliya. Markii la magacaabay kadib wuxuu codka kalsoonida ka helay xildhibaanada baarlamaanka Soomaaliya, waxaana uu kadib soo magacaabay golo wasiiro oo marar badan isku shaandheyn iyo wax ka badalid lagu sameeyay. Kheyre ayaa hadda xilka haya muddo labo sano ah, waxaana mudada xilka hayay soo wajahay culeesaad siyaasadeed oo kaga imaanaya siyaasiyiin kala duwan iyo xildhibaanada baarlamaanka. Wuxuu noqanayaa ra’iisul wasaarihii seddexaad oo muddo labo sano oo xiriir ah xafiiska jooga, waxaana sidaan oo kale labo sano dhameystay Cali Maxamed Geedi ra’iisul wasaarihii KMG ahaa iyo Cumar C/rashiid Cali. Labada sano ee soo socota ayaanan la ogeyn in madaxweyne Farmaajo iyo Xasan Cali Kheyre ay wada dhameysan doonaan, waxaana sidaasi horey u balanqaaday madaxweyne Farmaajo. Caasimada Online Xafiiska Muqdisho Caasimada@live.com

Muqdisho (Caasimada Online) – Ciidamada ammaanka dowladda ayaa saaka xiray qaar ka mid ah wadooyinka Magaalada Muqdisho, iyadoo dadka shacabka ee shaqooyinka u socda ay yihiin kuwa lugeynaya wadooyinka waaweyn ee Magaalada. Ciidamada Booliska ayaa lagu arkayaa wadooyinka iyaga oo celinaya gaadiidka dadweynaha, balse ogolaanaya kaliya gaadiidka Dowladda inay maraan wadada. Wadooyinka xiran waxaa ka mid ah wadada Maka Al-Mukarama oo ka xiran illaa Ex-Control Afgooye, halkaasi oo ay buux dhaafiyeen Ciidamada Booliska ee qaabilsan ammaanka Muqdisho. Ujeedada wadada loo xiray ayaa waxa ay tahay in madaxda ugu sareysa dalka ay ka qayb galayaan Xafladda lagu daah furaayo Xabsi wayn oo dowladda Somaliya ay ka dhistay duleedka Magaalada Muqdisho. Sidoo kale Ciidamada Asluubta Somaliya ayaa u dabaaldagaya maanta 49-sano guuradii ka soo wareegatay markii la aas-aasay Ciidamada Asluubta oo maanta ku beegan. Madaxda Dowladda Federalka Somaliya ayaa la filayaa inay ka qayb galaan munaasabada Xabsigaasi xariga looga jaraayo ee maanta ka dhaceysa duleedka dhanka Koonfureed ee Magaalada Muqdisho. Caasimada Online Xafiiska Muqdisho caasimada@live.com

(SLT-Hargeysa)-Agaasimaha Maxadka horumarinta manaahiijta ee Wasaaradda waxbarashada iyo sayniska Somaliland Cabdilaahi Yaasiin Diiriye, ayaa sheegay in ay wax sharciyadda ka baxsan oo aan meelna kaga jirin qaanuunka dalka iyo ka caalamiga ah ee socdaalka in ay kula kaceen madaxda shirkadda diyaaradaha ee Al-Carabiya masuuliyiinteeda u jooga Somaliland. Waxaanu intaa ku daray in ay xafiiska shirkadda diyaaradaha ula tageen baasaboorka Somaliland oo laba qof ah, isla markaana wata fiiseyaashii dal ku galka ee dalka Turkiga ka dibna ay ka iibiyeen tigidhadii ay ugu safri lahaayeen dalka Turkiga, iyagoo socdaal (Taraansid) ku sii mayara magaalada Shaariga, ballanta socdaalka dhoofkooduna uu ahaa in ay maalinta Jimcaha ay afarta subaxnimo ku kallahaan madaarka oo ay sidaa ku dhoofaan. Waxa kale oo uu aad ugu mahad naqay wasaaradaha waxbarashada iyo sayniska iyo arrimaha dibedda iyo iskaashiga caalamiga ah oo uu sheegay in ay dedaal aad u wayn u galeen sidii dhakhtar caafimaad oo dibedda ah loogu diri lahaa iyo qunsuliyadda Turkiga ee Hargeysa oo uu iyadana ku ammaanay in ay fiiseyaashii dal ku galka siisay oo ay u fiisaysay baasaboorka Somaliland. Waxaanu wax laga xumaado ku tilmaamay in shirkad diyaaradeed oo ka hawl gasha Somaliland in ay diido in ay dadku ku raacaan baasaboorka Somaliland iyada oo waliba markii hore tigidhadii diyaaradda kaga iibisay baasaboorka Somaliland. Agaasime Cabdillaahi oo waraysi gaar ah siiyay wargeyska Dawan, ayaa yidhi. “Muddooyinkii u dambeeyay waan xannuunsanayay oo dhakhtar ayaan ku jiray, wasaaraddayda waxbarashada iyo sayniska iyo wasaaradda arrimaha dibedduba waxay dedaal ballaadhan u galeen sidii aan u heli lahaa cisbitaal dibadeed oo aan caafimaad ugu boxo, taasina waxay sababtay in wasaaradaha waxbarashada iyo arrimaha dibeddu ay ka hawl galaan in safaarada Turkigu ku leeyahay Somaliland ee Hargeysa in ay fiise iiga raadiyaan, nasiib wanaag safaaraddaasi waxay na siisay laba fiise oo aanu ku tagno Turkiga aniga iyo xaaskaygu, iyadoo noogu fiisaysay baasaboorka Somaliland oo ay dal ku galkii noogu soo saartay laba baasaboor oo Somaliland ah oo aanu kala leenahay aniga iyo xaaskaygu, markii aanu fiiseyaashii aanu helnay waxaan tigidhadii diyaaradda aanu ku tegi lahayn Turkiga aan ka iibsaday shirkadda diyaaradda ee Al-carabiya oo noo sheegtay in aanu taraansid ahaan ku sii marayno Shaariqa, ballanta dhoofkayaguna waxay ahayd maalinta Jimcaha in aanu afarta subaxnimo tagno madaarka caalamiga ah ee Cigaal ee Hargeysa oo aanu subaxnidii saaka (shalay) aanu ka dhoofi lahayn.” Agaasime Cabdilaahi oo hadalkiisa sii wata, ayaa intaa raaciyay in markii ay madaarka tageen in ay kala kulmeen arrin aanay filayn oo u cuntami wayday oo kaga yimi shirkaddii ka iibisay tigidhada diyaaradda ay ku raaci lahaayeen. Waxaanu yidhi “Markii aanu tagnay madaarka ayay shaqalihii diyaaradda u joogay madaarku waxay naga qaadeen baasabooradayadii markii ay arkeen in ay Somaliland yihiin ayay meel gaar ah na fadhiisiyeen waxaanay nagu yidhaahdeen waxaanu la hadlaynaa Shaariga in ay idin aqbasho in aad baasaboorka Somaliland ku tegi kartaan iyo in kale, ka dib waxaan u sheegnay in aanu ku socono Stanbul oo aanaan Shaariqa u socon, laakiin aanu taraansid ku nahay, laakiin siday noo meer meerinayeen ayay gaadhay xilligii ay diyaaraddu kacaysay, waxaanay ugu dambayn noo sheegeen in aanaan ku raacayn diyaaradda baasaboorka Somaliland oo ay diideen, sidaas ayaa diyaaraddii naga iibisay tigidhada aanu kaga soo goosanay baasaboorka qaranka oo fiisaysan oo fiiseyaashii dal ku galka ee Turkiga oo sharci ahna aanu u wadanay ay ku diideen.” Waxaanu agaasime Cabdilaahi oo qiiraysani uu intaa raaciyay, “Haddii aanay ogolayn shirkaddu in baasaboorkeena lagu raaco, waa in aanay dalka ka shaqayn oo aanay macaash inoo soo doonan, iyadoo inna diidan.” Waxaa uu intaa raaciyay in markii ay arrintaasi ku dhacday in uu masuulkii shirkadda Al-carabiya airline u joogay madaarka in uu ka qortay waraaq uu ku caddaynayo in uu isagu ka reebay diyaaradda, sababta uu uga reebayna ay ahayd oo keliya in ay siteen baasaboorka Somaliland oo ku fiisaysan fiisaha dal ku galka ee Turkiga. Waxaanu yidhi “Markii aanu diyaaradda sidaa kaga hadhay waxaan ka qoray masuulkii shirkadda AL-carabia airline u joogay madaarka in uu isagu iga reebay diyaaradda waxaanu ii qoray waraaq uu ku caddaynayo sababta uu diyaaradda noogu diiday in ay tahay baasaboorka Somaliland ee aanu sidano, haddaba waxaa loo baahan yahay in hay’adaheena ku shaqada leh ee ay wada shaqaynta leeyihiin shirkadaha noocaa ula dhaqmaya baasaboorkeena in ay tallaabo ka qaadaan oo aanay madaarkeena bahdilaad dambe kaga dhicin baasaboorkeena oo ka mid ah astaamaha qaran ee aynu leenahay.” Source

(SLT-Hargeysa)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta booqasho iyo salaan ugu tegay madaxweynihii hore ee Somaliland Mudane Axmed Maxamed Maxamuud (Siilaanyo). Source

(SLT-Muqdisho)-Waxaa maanta la filayaa in magaalada Muqdisho xadhigga lagaga jaro Xabsigii ugu weynaa ee qaab casri ah loo dhiso, kaasoo dhismihiisa uu socday muddo sanado ah. Xabsigan ayaa furitaankiisa lagu soo beegay sanad-guurada 49aad ee ka soo wareegatay aas aaska Ciidanka Asluubta Soomaaliya. Saraakiisha Ciidanka Asluubta ayaa sheegay in xabsigan uu la mid yahay sida xabsiyada caalamka ku yaalla, waxaana lagu tilmaamay mid ka mid ah xabsiyada ugu weyn Geeska Afrika. Munaasabadda lagu xusayo sanad-guurada ciidanka Asluubta Soomaaliya ayaa maanta ka dhaceysa Muqdisho, iyadoo ay ka qeyb galayaan Madaxda ugu sareysa Soomaaliya. Xabsigan oo uu sanadkii 2016 dhagax dhiggay Ra’iisul Wasaarihii hore ee Soomaaliya Cumar Cabdirashiid ayaa waxaa dhisay hey’ado caalami ah, waxaana lagu tilmaamay inuu ka mid yahay xabsiyada ugu weyn ee Afrika. Source

(SLT-Switzerland)-Maxkamadda Federalka ee dalkaasi ayaa xaqiijisay Xukun ay Maxkamad Heer Gobal horey ugu riday Haweeney Soomaali ah oo lagu helay inay 2 gabdhood ay dhashay u dhoofisay Somalia si loogu soo sameeyo Gudniinka Fircooniga oo mamnuuc ka ahaa dalka Switzerland iyo inta badan dalalka aan Muslimka ahayn. Haweeneydaasi oo aan magaceeda la shaacinin ayaa la sheegay in lagu xukumay Xabsi 8 bilood ah, waana Xukunkii ugu horreeyey ee Kiiskaasi ee ka dhaca dalka Switzerland. Xukunkaasi oo dhacay shalay oo Jimco ahayd waxay Maxkamadda Federalka ee dalkaasi ku gacan-sayrtay sheegasho ay Haweeneydaasi ku sheegtay inaysan ka war haynin inuu Gudniinka fal Dembi ah ka yahay dalka Switzerland. Gabdhaha ay Haweeneydaasi dhashay ee lagu sameeyey Gudniinka FGM ayaa la sheegay in sannadihii 2013-kii iyo 2015-kii loo dhoofiyey dalalka Somalia iyo Somalia, si loogu soo gudo, waa sida ay Dacwad-oogayaasha u gudbiyeen Maxkamadda. Hooyadda Soomaalida ee xukunka lagu riday ayaa la sheegay inay ku nooshahay Gobalka Nejutel ee dalka Switzerland ee looga hadlo Luqadda Faransiiska Haweenydaasi ayaa la sheegay in Somalia loo soo dhoofin doono marka ay dhamaysato Xukunka 8-da bilood, halka ay carruurteeda la joogi doonaan Aabahooda oo isna ku nool dalka Switzerland. Sannadkii hore DFS waxay bilowday kiiskii ugu horreeyey Dacwadda Gudniinka FGM, kadib, markii ay gabar 10-jir ah u geeriyootay markii lagu sameeyey Gudniin nooca FGM. Si kastaba ha ahaatee, 55 million oo gabdho ku nool Qaraadda Afrika ayaa lagu sameeyey gudniinka FGM, iyadoo Somalia heerka ugu sarreeyo kaga jirto Gundniinka noocaasi ah oo 98% gabdhaha lagu sameeyo Gudniinkaasi oo loogu dhaqmo dhaqan ahaan. Source

Muqdisho (SMN) – Qaar ka mid ah shacabka Soomaaliyeed ee ku dhaqan magaalada Muqdisho ayaa soo dhaweeyay wadahadallada cusub ee u bilaabanaya dowladda federaalka ah ee Soomaaliya iyo maamulka Somaliland. Dadkan oo la hadlay Shabelle ayaa rajo wanaagsan ka muujiyay wadahadalladan oo uu hormuud ka yahay R/wasaaraha Ethiopia Abiy Axmed Halkan hoose ka dhageyso codka. The post Shacabka Muqdisho Oo soo dhaweeyay wadahadallada Soomaaliya iyo Somaliland appeared first on Shabelle. View the full article

(SLT-Venezuela)-Wararka laga helayo dalkaasi Venezuela ayaa sheegaya in koox dadka asal ahaan ka soo jeeda Venezuela ay isku dhaceen ciidammada ammaanka ee uu soo amray madaxweyne Nicolas Maduro – kuwaasoo isku dayayay inay ka hortagaan gargaar ka soo gala xadka Brazil. Hoggaamiyaha mucaaradka Juan Guaido, oo isagu bishii hore isku magacaabay madaxweynaha ku meel gaarka ah ee dalkaasi, Mareykankuna uu u sacabba tumay, ayaa sheegay inuu doonayo in gargaar ka socda Mareykanka iyo mid caalami ah la geeyo dalkaasi. Waa tallaabo uu madaxweyne Maduro hore u diiday, isagoo dafiraya in xasarad bani`aadannimo ay dalkiisa ka jirto. Dhanka kale, Xadka Venezuela uu la wadaago dalka Colombia, tobnaan kun oo qof ayaa ka qayb galay isu imaatin uu soo qaban qaabiyay bilyaneerka Richard Branson. Madaxweynayaasha Chile iyo Colombia ayaa ka soo qayb galay. Isu imaatin kale oo uu meel halkaasi 300m u jirta uu ka soo abaabulay madaxweyne Nicolas Maduro ayaysan dad badan ka qayb galin. Source

(SLT-Khartoum)-Madaxweynaha Sudan Cumar Xasan Al-Bashiir ayaa ku dhawaaqay xaalad degdeg ah oo uu ku soo rogay dalkiisa muddo sanad ah, iyadoo kala diray Xukuumadda iyo Maamulada Gobolada dalka. Al-Bashiir oo la hadlayay shacabka Sudan ayaa sheegay inuu si weyn u qiimeynayo banaan baxyada ka socda Sudan iyo xaalada murugsan ee ay ku jirto dalkiisa. Waxaa uu ku wargeliyay Baarlamaanka inuu dib u dhigo is bedelka Dastuurka dalkaas, kaasoo u ogolaanaya inuu mar kale isku soo sharaxo doorashada Madaxtinimada sanadka 2020. Dibad baxyo looga soo horjeeday Madaxweyne Al-Bashiir ayaa bilihii la soo dhaafay ka dhacayay qeybo ka mid ah dalkaas, waxaana dibad baxyadaas ay sababeen dhimasho iyo dhaawac. Cumar Xasan Al-Bashiir ayaa muddo 30 sano hayay talada dalka Sudan, waxaana sanadkii 2016 uu ku dhawaaqay in aanu dib dambe isku soo sharaxi doonin. Maxkamadda Caalamiga ee Dambiyada ICC ayaa sanadkii 2009-kii ku soo oogtay dacwad la xidhiidha dambiyo dagaal iyo xasuuq ka dhacay Gobolka Darfur, inkastoo uu beeniyay eedeymahaas. Source

Muqdisho (Caasimada online)-Ciidamadii ugu horeeyay oo ka socda dalka Burundi ayaa isaga baxay magaalada Muqdisho ee caasimada dalka, kuwaasi oo qeyb ka ah ciidamada la filayo inay dhawaan ka baxaan dalka. Ciidamada oo gaaraya ku dhawaad 200 oo askari ayaa la sheegay inay isaga baxeen magaalada Muqdisho gelinkii dambe ee shalay, waxaana ay ka dageen garoonka diyaaradaha ee Bujumbura. Ku dhawaad kun askari oo kamid ah ciidamada dalka Burundi ayaa la qorsheynayaa inay shan maalin kadib isaga baxaan Soomaaliya, waxaana horey loogu heshiiyay qorshaha ciidamadan ay kaga baxayaan Soomaaliya. Saraakiil ka tirsan ciidamada Burundi ayaa xaqiijiyay in ciidamadan diyaarad gaar ah ay ka qaaday magaalada Muqdisho islamarkaana laga dajiyay caasimada Dalka Burundi ee Bujumbura. Dowladda Burundi ayaa walaac ka muujisay in ciidankeeda oo kaliya laga saaro Soomaaliya, waxaana ay ku hanjabtay in dhamaan ciidamadeeda ay ka saari doonto Soomaaliya. Dhawaan waxaa magaalada Bujumbura tagay madaxweynaha Soomaaliya isaga oo madaxweynaha dalkaasi kala hadlay arimaha bixitaanka ciidamada, iyaga oo ku baaqay in madaxda dalalka ciidamada ka joogaan Soomaaliya ay tagaan dalka Burundi. Caasimada Online Xafiiska Muqdisho Caasimada@live.com

(SLT-Washington)-Alexandria Ocasio-Cortez, Ilhaan Cumar iyo Rashida Tlaib waxaa lagu soo doortay doorashadii xilliga dhexe ee Mareykanka ka dhacday bishii Nofembar ee sannadkii hore. Dabcan shaqada way ku cusub yihiin laakiin taas kama aysan hor istaagin iney qabsadaan hadal heynta baraha bulshada. Saddexdan dumarka, ee dhawaan ku biiray golaha wakiillada dalka Mareykanka ee Koongareeska ayaa abuuray isbaddal weyn oo ku dhacay wajigii ay lahayd siyaasadda dalkaas. Dhammaan saddexdan haweenka ah waxay guusha doorashada kuraastooda usoo hoyiyeen xisbiga Dimuqraaddiga. Inkastoo ay saaxada siyaasadda heerkeeda sare ku cusub yihiin, hadda waxay xilli horeba awood u yeesheen iney baddalaan qaab dhismeedkii siyaasadda arrimaha gudaha iyo tan arrimaha dibadda ee waddanka Mareykanka. Ilaa iyo hadda waxay kasbadeen taageerayaal aad u faro badan oo ku garab taagan ficil walba oo ay ku dhaqaaqaan iyo hadal kasta oo ay ku dhawaaqaan. Siyaasiyiin taariikh sameeyay 1- Alexandria Ocasio-Cortez: Gabadhanoo ay da’deedu tahay 29 sano, waxay noqotay qofkii ugu da’da yaraa ee abid ku biira aqalka Koongareeska Mareykanka, halkaasoo ay isugu tagaan siyaasiyiinta ugu waaweyn Mareykanka. Alexandria Ocasio-Cortez waxay Koongareeska kula biirtay tiradii dumarka ahayd ee ugu badneyd abid Gabadhan oo horay uga shaqeyn jirtay makhaayad waxaa laga soo doortay gobolka New York waxayna asal ahaan kasoo jeedda jasiiradda Puerto Rico. Waxay aad ugu caan baxday hadalladeeda codka dheer ee ay ku gil gishay siyaasadda waddanka uu madaxweynaha ka yahay Donald Trump. 2- Ilhaan Cumar: Waa 38 jir, waxaana laga soo doortay gobolka ay Soomaalida badan daggan tahay ee Minnesota. Waa gabar Soomaali-Mareykan ah, Muslimad ah, oo xijaabka xirata, waxayna Dalka Mareykanka iyadoo qaxooti ah tagtay sannadkii 1995-kii. Doorashadii xilliga dhexe ee mareykanka ka dhacday bishii Nofembar waxay iyada iyo gabadha ay koongareeska iskula biireen ee Rashida Tlaib ka noqdeen gabdhihii ugu horreeyay ee muslimiin ah ee abid ka mid noqda aqalkaas. 3- Rashida Tlaib: waa 42 jir muslimad ah oo laga soo doortay gobolka Michigan, waxaana loo arkaa mid ka mid ah siyaasiyiinta ugu hadalka adag ee ku jira Koongareeska. Tlaib oo qareen ah waxay ka soo jeeddaa dalka Falastiin waxayna ayeeyadeed iyo qaraabadeeda kaleba ilaa hadda ku nool yihiin dhulka ay Israa’iil heysato ee Daanta Galbeed. Muuqaal si weyn u faafay ayey hadda ka hor ku sheegtay iney dadaal u gali doonto sidii xilka looga qaadi lahaa Donald Trump, iyadoo xitaa aflagaaddeysay madaxweynaha Mareykanka. Saddexdan gabdhood waxay tan iyo markii lasoo doortay culeys weyn saareen Aqalka Cad ee hadda ay majaraha u hayaan xisbiga Jamhuuriga, waxayna u muuqdeen iney dagaal dhanka siyaasadda ah kula jiraan xukuumadda madaxweyne Trump. Ilhaan Cumar ayaa dhawaan warbaahinta ruxday ka dib markii ay si adag su’aalo u weydiisay danjiraha cusub ee uu madaxweynaha Mareykanka u magacaabay dalka Venezuela. Source

Madaxda sare ee dowladda federaalka aya alagu wadaa in maanta oo Sabti ah ay xarigga ka jaraan xabsi la sheegay inuu ka mid yahay kuwa ugu weyn Afrika ee laga dhisay magaalada Muqdisho. Dhismaha xabsigan ayaa socday Saddex sano, waxaana sanadkii 2016 dhagax dhigay Ra’iisul wasaarihii hore ee dalka Cumar C/rashiid Cali Sharmaarke. Waxaa xabsigan loo dhisay qaab casri ah, iyadoo loo dhammeystiray adeegyada ay u baahan yihiin maxaabiisa. Furitaanka xabsigan ayaa lagu soo aadiyay munaasabadda 49 guuradii kasoo wareegtay markii la aas-aasay ciidanka Asluubta Soomaaliyeed. Warkaan wixii kusoo kordha kala soco wararkeena kale Goobjoog News Source: goobjoog.com

(SLT-Boosaaso)-Warka ka imaanaya deegaanka Dhaadaar ee gobolka Bari ee maamul gobolleedka Puntland ayaa sheegaya in uu dagaal ku dhex maray tuulada Afgaraar maleeshiyaadka Daacish iyo Al-Shabaab. Qaar ka mid ah dadka deegaanka ayaa VOA u sheegay inay maqlayeen dhawaaqa rasaasta labada dhinac ay is weydaarsanayeen. Waxa lagu soo waramayaa in dhinacyada halkaas ku dagaalamayay ay jareen isgaarsiinta deegaannadaas, balse dadka ku nool deegaamada ka durugsan goobaha uu dagaal ka socda ayaa sheegaya inay maqlayeen dhawaqa rasaasta iyo hugunka qoryaha garbaha laga tuuro oo ay dhinacyadu is-weydaarsanayeen. Halka ay ku dagaalamayaan labada kooxood ayaa ah dhul buuralley ah oo dhinaca bari ka xigta magaalada Boosaaso qiyaastii 80 km. Mana jirto illaa iyo hadda cid si rasmi ah u sheegi karta khasaaraha ka dhashay dagaalkaasi. Waa markii saddexaad ee uu dagaal ku dhex maro agagaarka deegaanka Dhaadaar labada dhinac ee Daacish iyo Al-Shabaab. Maamulka Puntland ayaan wali dagaalkaasi ka hadlin. Source

Ciidamada dowladda federaalka Soomaaliya ayaa maanta oo Sabti ah waxa ay xireen waddooyinka Muqdisho qaarkood. Gaadiidka dadweynaha ayaa loo diidayaa iney isticmaalaan wadada dheer ee Makka Al-mukarrama iyo sidoo kale waddooyinka yar yar ee soo gala wadadaasi. Ulajeedka waddooyinkan loo xiray ayaa ah madaxda sare ee dowladda federaalka oo ka qeybgaleysa munaasabadda 49 sano guuradii kasoo wareegtay aas-aaska ciidanka Asluubta Soomaaliyeed. Shacabka ayaa la arkayaa iyaga oo cagta maalaya, waxaana ay kuu sheegayaan dadka inaanay ku tashan waddooyinkan la xirayo. Goobjoog News Source: goobjoog.com