Maxkamada Darajada Koowaad ee dagmada Garowe ayaa saaka go’aan ka soo saartay kiiskii dilkii Caa’isha Ilyaas Aadan, Gudoomiya maxkamadda Shiikh Cabdinuur ayaa ku dhawaqay in maxkamaddu dil toogasho ah ku xukuntay 3-da Eedaysane ee kala ah Cabdifataax Cabdirahman Warsame, Cabdisalaan Cabdirahman Warsame iyo Cabdishakuur Maxamed Dige Maxkamadu waxa ay sidoo kale amartay in sida ugu dhakhsaha badan xoriyadooda loo siiyo 7-da eedaysane ee kale, iyadoo tilmaantay in maxkamadda horteeda la keeni waayey wax cadaymo ah oo raggaas ku saabsan. Puntland Post The post 3 nin oo dil toogasho ah lagu xakumay kiiskii Caa’sha appeared first on Puntland Post.

(SLT-Afghanistan)-Sarkaal u hadlay ciidanka ammaanka ee dalkaasi ayaa sheegay inay dabley hubyesna toogteen Saxafiyad lagu magacaabi jiray Mina Mangal oo ahayd Saxafiyad iyo La-taliyaha dhinaca Dhaqanka ee Barlamaanka Afghanistan. Afhayeenka Wasaaradda Arrimaha dibedda ee dalkaasi, Nasrat Raxiimi ayaa sheegay in Saxafiyadda la dilay, xilli ay ku sii jeeday Xafiiskeeda, mana kala cadda ujeedada rasmiga ee loo dilay. Boliska magaalladda Kabul waxay sheegeen inaysan kala caddayn inuu dilkeedu ahaa weerar Argagixiso iyo inuu ahaa mid ka dhashay muran taagnaa. Qoraal ay isbuucii hore soo dhigtay Baraha Bulshadda waxay Mina Mangal ku sheegtay inay heshay Farriimo cabsi-gelin dil ah, balse, lama aysan wadaagin Ciiddanka iyo Qoyskeeda faahfaahinta hanjabadaasi. Dhinaca kale, Kooxaha Daacish iyo Daalibaan midnaba ma sheeganin dilka Saxafiyadaasi oo horey uga shaqeyn jirtey Telefishin. Dalka Afganistan waxa uu ka mid yahay Waddamada dilalka ugu badan loogu geysto suxxufiyiinta, waxaana sannadkii hore lagu dilay 15 Suxufiyiin iyo Shaqaale Warbaahineed. Source

(SLT-Nairobi)-Dowlada Kenya ayaa sheegtay in sababo amni ay u joojisay diyaaradaha rakaabka ee ka baxay garoonka Aden Cadde oo si toos ah uga caga dhiganayay magaalada Nairobi. Diyaaradaha Rakaabka ayaa hada mari doona garoonka diyaaradaha ee magaalada Wajer si loo baaro ka hor inta aysan u duulin magaalada Nairobi. Wasaarada Amniga gudaha Kenya ayaa ilaa iyo hada wax war ah ka soo saarin xanibaada duulimaadka tooska ahaa ee Jimcihii dhaqan Galay. Balse agaasimaha waaxda badbaadada duulimaadka Kenya Captain ayaa tilmaamay in arintaan ay la xidhiidho sababo Amni. Wuxuu sheegay in xanibaadan ay socon doonto ilaa 9 August xiligaas oo dib u eegis lagu sameyn doono in xanibaada la qaadayo iyo In kale. Dowlada Soomaaliya ayaa sheegtay in arintaan aysan la xiriirin sababo amni balse ay tahay mid siyaasadi ay ka Danbeyso. Source

(SLT-Garoowe)-Maxkamadda darajada 1-aad ee Gobolka Nugaal ayaa xukun dil ah ku ridday raggii ku eedaysnaa kiiskii Caasho Ilyaas Aadan oo sanadkaan horraantiisii kufsi iyo dil loogu geeystay magaalada Gaalkacyo. Guddoomiyaha maxkamadda Sheekh Cabdinuur ayaa ku dhawaaqay xukunka. Ragga la xukumay ayaa kala ah: Cabdifataax Cabdiraxmaan Warsame, Cabdisalaan Cabdiraxman Warsame iyo Cabdishakuur Maxamed Dige, waxaana lagu xukumay dil toogasho ah oo ay fulinayso dowladda Punland. Maxkamadda ayaa sidoo kale fasaxday toddobo nin oo kale oo kiiskaan ku eedeeysnaa, kuwaas oo ay danbi ku wayday. Garsooraha maxkamadda ayaa sidoo kele sheegay in ragga la xukumay ay haystaan bil racfaan ah. Maxkamadaynta raggan ayaa dhowr jeer oo hore dib u dhacday ayadoo qareennaddii u doodayey ay codsadeen in waqti dheeri ah la siiyo. Kiiska gabadhaan yar ee kufsiga iyo dilka loo gaystay ayaa caro weyn ka dhaliyey magaalada Galkacyo iyo guud ahaan deegaanada Puntland. Dhammaadkii bishii February ee sanadkan ayaa meydkeeda laga helay magaalada Galkacyo ka dib markii laga afduubay halkaasi. Dadka deegaanka ayaa BBC-da u sheegay in meydkan gabadhan yar la soo dhigay meel aan ka fogeyn xaafaddooda. Kufsiga loo geystay gabadhan yar ma ahan kii ugu horreeyay ee ka dhaca deegaanadaas oo waxaa ka horreeyay kufsi loo geystay gabdho kala duwan oo ka kala dhacay magaalooyinka Galdodgob, Galkacyo, Garowe, Guriceel, inkastoo qaar ka mid ah xabsiga loo taxaabay, hase yeeshee waxaan la ogeen sababta ku qaadi karta dadka ka dambeeya falkani foosha xun. Source

(SLT-Nairobi)-Waxaa soo baxaya walaac ay qabaan shacabka dalka Kenya kadib markii labadii toddobaad ee la soo dhaafay aan Madaxweyne Uhuru Kenyatta lagu arag meel fagaare ah. Uhuru Kenyatta ayaa makii ugu dambeysay waxa uu ka soo laabtay safar uu ku tegey dalka Shiinaha,waxaana baraha bulshada ay adeegsadaan shacabka Kenya hareeyay baafin ku saabsan halka uu ku dambeeyay Madaxweyne Uhuru Kenyatta. Waxaa lagu daabacay baraha bulshada baafin lagu doonayo in lagu ogaado halka uu ku dambeeyay Uhuru Kenyatta, iyadoo la soo daabacay #FindPresidentUhuru, mana ahan wax hore loogaga bartay Uhuru Kenyatta in laga waayo meel fagaare ah. Ma jiro illaa iyo hadda wax war ah oo ka soo baxay Madaxtooyada dalka Kenya oo ku saabsan xaalada Madaxweyne Kenyatta. Hase yeeshee waxaa soo baxaya warar sheegaya in Madaxweynaha dalka Ethiopia Sahle-Work Zewde ay dhowaan booqasho ku tegeyso dalka Kenya. War ka soo baxay safaarada dowlada Ethiopia ay ku leedahay magaalada Niarobi ayaa lagu sheegay in Zewde ay booqasho maalin ah ku tegi doonto magaalada Nairobi maalinta Talaadada ah ee soo socota. Source

Hargeysa (Caasimada Online) ― Xukuumada Muuse Biixi ayaa ka jawaabtay hadal uu dhawaan yiri Raysul wasaaraha Soomaaliya Mahdi Maxamuud Guuleed, kaasi oo ahaa inay Somaliland lumisay fursad ay ku imaan lahaayen magaalada Hargeysa, Raysul-wasaaraha Itoobiya Abiye Axmed iyo Madaxweynaha Soomaaliya Maxamed Cabdillaahi Farmaajo. Wasiirka arrimaha dibadda Somaliland Yaasiin Maxamuud Faratoon, oo jooga magaalada London ayaa ka hadlay arrintaasi, isagoona sheegay inaysan jirin wax dan ah oo ugu jirtay inay Hargeysa yimaadan Abiy Ahmed iyo Farmaajo. “Somaliland maaha meel la iska soo galo, maaha dal la iska yimaado ee waa dal nidaam leh, waa dal kala dambeyn leh, Farmaajo uma taliyo Somaliland ee waxaa ka taliya Mudane Muuse Biixi, oo ah Madaxweyne xogogaal u ah dalkiisa iyo dadkiisaba oo kalsoonida shacabkiisa haysta, Farmaajana waxaynu ka war qabnaa in aanu gacanta ku wada hayn Magaalada Muqdisho, markaas wax dan ah iyo faa’iido Somaliland ugu jirta imaanshaha Farmaajo ma jirto” ayuu yiri Wasiir Faratoon. Wuxuuna intaas kusii daray Wasiirku “Faa’iido aynu garan weynay oo imaanshihiisa iska hor tageyna ma jirto, ee Farmaajo dalka wuxuu iman kara oo qudha isagoo qirsan madax banaanida, qaranimada iyo jiritaanka Somaliland, haddii aynu nahay Somaliland waxaanu diyaar u nahay in aanu Somaliya ahaanu sidii laba dal oo jaara, oo wax badan iska kaashada, laakiin wax kale kama ogolin”. Dhinaca kale, Wasiir Faratoon ayaa waxa kale oo uu ka hadlaya socdaal uu dhawaan Hargeysa ku yimid Madaxweynihii hore ee Nigeria, wuxuuna yiri “Somaliland waa dal hore u socod iyo horumar ku jira, dabcan Madaxweynihii hore ee Nayjeeriya ee dalka yimidna, aad iyo aad buu ugu qushuucay nidaamka dawladnimo nidaamka dimuqraadiyadeed iyo kala dambaynta dalka ka jira, Wufuud iyo Wefdiyo badan oo Wadamada kala duwan oo Caalamka ka tirsana inay yimaadan ayaanu ku rajo weyn nahay”. Caasimada Online Xafiiska Hargeysa Caasimada@live.com

(SLT-Pakistan)-Ciidamada millatariga Pakistaan ayaa sheegay in ay bilaabeen darbi dhirirkiisa gaadhayo 50-kilometer oo lagu xidhayo xadka u dhaxeeya Iiraan iyo Pakistaan si loo xoojiyo Amniga. Moazzam Jah Ansari ayaa Jimcihii shalay ka hor sheegay xarunta baarlamaanka in mashruuca lagu dhisayo darbiga u dhaxeeya Gobolka Balochistan iyo Sistan iyo Baluchestan oo dhaca Iiraan lagu dhamestiri doono mudo sadex ama afar Sano Ah. Dhanka kale sargaalkaan ayaa sheegay in milatariga Pakistaan ay howlgalo ka bilaabeen gobolka Balochistan oo ay ku dileen 15 Dagaalyahan. Iiraan iyo Pakistaan ayaa bilaabay iskaashiga lagu xoojinayo amniga xadka labada dal kadib weeraro bilihii la soo dhaafay lagu dilay ciidanka amniga ee Dalalkaan. Wasiirka arimaha dibeda Pakistaan Shah Mehmood Qureshi ayaa sheegay bishii la soo dhaafay in xukuumada Islamabad ay bilowday dadaalo lagu xoojinayo Amniga Xadkeeda. Source

Source

Garowe (SMN) – Maxkamadda darajada 1-aad ee G/Nugaal ayaa maanta xukun adag ku riday rag loo heysto kufsigii iyo dilkii loo geystay Caa’isho Ilyaas oo 12 jir aheyd. Illaa toban eedeysane oo lala xariirinayo falkaasi ayaa la soo hor istaajiyay fadhiga maxkamadda. Guddoomiyaha Maxkamadda darajada koowaad ee gobolka Nugaal Sheekh Cabdinuur oo ku dhawaaqay xukunka ayaa sheegay in saddex ka mid ah raggaasi lagu helay Kiiska Caa’isho, halka 7 kale la sii daayay, kadib markii lagu waayey wax dambi ah. Saddexda qof oo lagu xukumay dil toogasho ayaa kala ah Cabdifataax Cabdiraxman Warsame, Cabdisalaan Cabdiraxman Warsame iyo Cabdishakuur Maxamed Dige. Xukunkan ayaa waxa ay maxkamaddu sheegtay in uu ka furan yahay Racfaan, haddii aysan eedeysanayaasha ku qanacsaneen go’aanka maxkamadda. 25-kii Febraayo ee sanadkan ayey aheyd markii Marxuumad Caa’isho Ilyaas Aadan Meydkeeda la soo dhigay afaafka hore Gurigooda oo ku yaallay M/Gaalkacyo ee xarunta gobolka Mudug, inkastoo markii dambe Qoyskeedu ay isaga guureen halkaasi. View the full article

Maxkamadda Derajada Koowaad ee gobolka Nugaal ayaa goor dhow waxa ay xukun dil ah ku riddey Saddex ka mid ah 10-kii qof ee loo haystay dilka iyo Kufsiga Caa’isha Ilyaas oo ahayd gabar 11-sano jir ah. Guddoomiyaha Maxkamaddan, Sheekh Cabdinuur ayaa ku dhowaaqay xukunkan, waxaana dadka dilka lagu xukumay ay kala yihiin. C/fitaax C/raxmaan Warsame C/salaan C/raxmaan Warsame C/shakuur Maxamed Dige Maxkamadda ayaa fasaxday 7-dii kale ee kiiskan loo haystay, iyadoo dhanka kalena sheegtay in racfaan uu ka furan yahay muddo bil ah. Goobjoog News Source: goobjoog.com

Garowe (Caasimada Online) – Gudoomiyaha Maxkamada Darajada Koowaad ee dagmada Garowe Shiikh Cabdinuur ayaa Ku dhawaaqday go’aanka Maxkamada ee Ku Aadan Kiiska Caaisho Ilyaas Aadan. Waxaana seddex Eedaysane ee kala ah Cabdifataax Cabdirahman Warsame,Cabdisalaan Cabdirahman Warsame iyo Cabdishakuur Maxamed Dige waxaa lagu xukumay dil toogasho ah oo ay fulinayso Punland. Dhageysiga dacwadaan ayaa muddooyinkii ugu dambeeyay ka socotay deegaanada maamulka Puntland. Garsoorku waxa uu sheegay in Xukunka uu ka furan yahey Racfaan mudo Bil ah. Waxaa kale oo ay Maxkamadu fasaxdey 7 kale ee Eedaysanayaasha ahaa oo ay Ku tilmaamtey kuwo aan danbi lahayn. Qoyska Caaisha ayaa ka guuray magaalada Gaalkacyo ee gobolka Mudug, iyagoo sheegay inay cadaalad ay ka waayeen Deegaanada Puntland, iyaga oo u guuray dalka Ethiopia. Caasimada Online Xafiiska Puntland Caasimada@live.com

Dowladda Kenya ayaa ka hadashay sababtii ay u joojisay duulimaadyadii tooska ahaa ee magaalooyinka Muqdisho iyo Nairobi, kaa oo loo wareejiyey dhanka magaalada Wajeer ee gobolka Waqooyi Bari Kenya. Kabtan Gilbert Kibe, agaasimaha guud ee hay’adda duulimaadka rayidka Kenya ayaa sheegay in sababo amni darteed ay duulimaadayada Wajeer ugu wareejiyeen waa sida uu hadalka u dhigaye. Kibe oo la hadlay wargeyska lagu magacaabo The Nation ayaa wuxuu sheegay in duulimaadyadaasi ay hakiyeen illaa 9-ka bisha August, kadibna ay dib u eegis ku sameyn doonaan si loo gaaro go’aan ah in la bilaabiyo iyo in sidan ay ku wadaan. Kenya ayaa u muuqata mid ka baxday heshiisyadii horey ay ula gaartay DFS, iyadoo DFS arrintasi ku tilmaantay mid siyaasadeed. Goobjoog News Source: goobjoog.com

Wararka ka imaanaya magaalada Gaalkacyo ee gobolka Mudug ayaa waxay sheegayaan in uu dhintey taliyahii ciidanka xasilinta magaalada Gaalkacyo Dhamme Khaliif Nuur Shiil. Rag hubesan ayaa isaga oo kasoo baxay masjid ku yaalla magaaladaasi oo uu kusoo tukaday Salaadda Taraawiixda dhowr xabad ku dhuftay, hase ahaatee ugu dambeyn dhaawicii soo gaaray ayuu u dhintay, sida ay xaqiijiyeen saraakiil ku sugan Gaalkacyo. Dhanka kale, ciidamada xasilinta Gaalkacyo ayaa maanta waxa ay wadaan howlagal ballaaran oo ay ku xaqiijinayaan ammaanka magaalada, kuna raadinayaan raggii dilay taliyahooda. Warkaan wixii kusoo kordha kala soco wararkeena kale Goobjoog News Source: goobjoog.com

Maxkamadda derajada Koowaad ee gobolka Nugaal ayaa waxaa la filayaa in maanta ay go’aan ka gaarto 10 nin oo ku eedeysan dilkii iyo kufsigii magaalada Gaalkacyo loogu geystay Caa’isha Ilyaas oo ahayd gabar yar oo 11-sano jirtay. Shalay ayaa maxkamadda waxaa la horkeenay eedeysanayaasha kiiskan, kuwaasi oo su’aallo badan halkaasi lagu weydiiyey, iyadoo dhanka kalena ay jiraan baaritaanno la sameeyey. Maxkamadda ayaa deegsaneysa baaritaan DNA ah, iyadoo loo yeeray madaxa xarunta baarista denbiyada ee Forensic Lab si ay u caddeyaan baaritaanka dheecaannada laga qaaday ragga xiran, kaasi oo ah hidde side. Kiiska Caa’isha ayaa muddo soo jiitamayey, waxaana maxkamadda looga fadhiyaa go’aan kama dambeys ah. Goobjoog News Source: goobjoog.com

Gudoomiyaha Maxkamada Darajada Koowaad ee dagmada Garowe Shiikh Cabdinuur ayaa Ku dhawaqay go’aanka Maxkamada ee Ku Aadan Kiiska Caasho Ilyaas Aadan. Waxaana 3 Eedaysane ee [...] Source

Berribaa waxa saaxiib aad isugu dheer ahaa laba sheekh ama caalim oo la kala odhan jirey SHAQIQ AL BULAKHI iyo IBRAHIM IBNU ATHAM. Shaqiiq Albulkhi ayaa ku yidhi Ibrahim Ibnu Adham “Ibrahimow saxiib waxaan doonayaa inaan shaqo tago oo waan dhoofayaa muddo dheerna waan maqnaanayaa ee sidaa igu ogow saaxiib”. Ibrahim Ibnu Adham oo aad u dareemaya boholyowga ku dhici doona marka uu saaxiibkii tacaniro ee uu ka fogaado ayaa ku yidhi saaxiibkii “ Ilaahay haku nabad yeelo Shaqiiqow waan dareemi doontaa fogaantaa aad iga fogaatay” wuuna macasalameeyey saaxiibkii. Shaqiiq Albulakhi kabaha ayuu iladay oo daabadii uu watay wuxuu u jeediyey xagii uu shuqulka ama shaqada ka doonanaayey wuuna jarmaaday markii uu cabaar socday ee uu dhawr caano maal socday ayaa uu geed hoos fadhiistay isagoo inuu yara nasto doonaya, geedkii wuxuu ku arkay shimbir labada baal mid jabanyahay, lug la’ , buulkeeda aan ka baxayn. Inyar ka dib waxa u timid shimbirtii shimbir kale oo afka wax ku sida waana ay dul fadhiisatay iyadoo afka ugu guraysa. Intaa ka dib Shaqiiq aadbuu isu bedelay wuxuuna bedelay go’aankiisii ahaa inuu shoqo tago waxana xiskiisa kusoo sunsumay ama kusoo degdegay go’aano uu naftiisa ku odhanaayo “waar Shaqiiqow shimbirtaa ma arkeysaa baalka la, lugta la, waaka Ilaahayba halkaa ku quudiyee adigana wuu ku quudino waxna ha shaqo tegine iskaga noqo dhulkaagii”. Muddo ka dib waa aduunyo iyo arimihiise wuxuu soo joogsaday halkii uu ka dhaqaaqay muddo ka hor.Markiiba waxa isha ku dhuftay oo u qaadan waayey oo ay af-kala-qaad ku noqotay rafiiqiisii IBRAHIM IBNU ADHAM markii uu arkay saaxiibkii oo caafimaad qaba, belo shidaysay aan sheegayn. waxaana uu ku yidhi “ saaxiib maxaa ku helay sowdigii jarmaaday ee inaad shuqul doonato wadnahaaga gallowda uga gooyey”. Shaqiiq waxa uu ku yidhi saaxiibkii “ saaxiib waa runtaa laakiin anigoo dhabihii shaqada igeyn lahaa tooraynaaya ayaa waxa i qabatay cadceed kulul oo waxaan hoos fadhiistay geed. Markii aan geedkii hoos fadhiistay waxaan arkay shimbir baal jaban, lug la’, oo fadhiida oo aan kici karayn, inyar ka dib waxaa u timid shimbir caafimaad qabta oo firfircoon waxa ayna wax siinaysay shibirtii bugtay, markaas ayaan is idhi walaahi ilaahay waakaa shimbirtaa baalka jaban ee lugaha la ee bugtayba halkaa ku quudinaayee maxaad isla daalini, adba waa lagi quudine iska noqo waxna ha is hawline.” Ibrahim markuu saaxiibkii intaa ka dhagaystay ayuu ku yidhi “ Saaxiib oo maxaad u dooratay shimbirta lugta la’ ee bukaanka ah oo aad u dooran weyday inaad noqoto ta caafimaadka ee firficoon ee wax quudinaysa.” markii ayuu shaqiiq go,aansaday inuu shaqaysto oo aanu cid wax ka sugin laakiin isagu uu noqdo ku dadka wax siiya. DABAYAAQADII Mar walba waa in aynu dooranaa xaga sare oo aynaan dooran xaga hoose. mar walba waa in aynu shaqaysanaa oo aynaan qayrkeen baryin. Qalinkii Cabdi Cawiye +252634115877 Hargeysa Somaliland Qaran News

Aqoonyahan Maxamed Maxamuud Caalin oo wax badan kala socda siyaasadda dalka ayaa nasiib darro ku tilmaamay fashilkii ku yimid shirkii Garoowe uga socda madaxda DFS iyo kuwa dowlad goboleedyada. Waxa uu tilmaamay in magaalada Garoowe ay isugu tageen madax isku carreysan oo markii horeba la fileyn iney wax xalliyaan. Si gaar ah wuxuu aqoonyahan Caalim u dhaliilay madaxda dowladda federaaka oo uu tilmaamay in looga baahnaa isku tanaasul. Halkaan hoose ka dhageyso: https://goobjoog.com/wp-content/uploads/2019/05/WAREYSI-CAALIM.mp3 Goobjoog News Source: goobjoog.com

Garowe (Caasimada Online)-Guddoomiyaha baarlamaanka Puntland C/Xakiin Dhoobo Daareed oo warbaahinta kula hadlayay magaalada Garowe ayaa sheegay in wax laga xumaado ay tahay najiito xumadii kasoo baxday shirarkii Garowe. Guddoomiyaha baarlamaanka ayaa sheegay in shirarkii magaalada Garowe ay ahaayeen kuwo looga hadlayay masiirka ummadda Soomaaliyeed islamarkaana ay muhiim u ahaayeen Shacabka Soomaaliyeed. Wuxuu sheegay inay muhiim tahay in lagu daro guddoomiyaasha Baarlamaanadda maamul goboleedyada, si ay qeyb kaga noqdaan xal u raadinta danaha shacabka Soomaaliyeed. C/Xakiin Dhoobo Daareed ayaa sheegay in maaddaama Madaxda sare ee dalka ay heshiis gaari waayeen ay muhiim tahay in talada lagu daro golayaasha xeer dejinta ee dalka. Guddoomiyaha Baarlamaanka Dowlad Goboleedka Puntland C/Xakiin Maxamed Axmed ayaa sheegay in shirka Garowe ee fashilmay uusan noqon mid halkaas ku dhamaada ee ay isku soo laabtaan hoggaanka ugu sarreeya dalka. Guddoomiye Dhoobo ayaa sidoo kale ku baaqay in shirarka siyaasadeed ee looga hadlayo masiirka dalka ay muhiim tahay in lagu daro guddoomiyayaasha Baarlamaannada dowlad Goboleedyada halkii ay ka qeyb geli lahaayeen madaxda fulinta kaliya. C/Xakiin Dhoobo ayaa sheegay in maaddaama Madaxda sare ee dalka ay heshiis gaari waayeen ay muhiim tahay in talada lagu daro golayaasha xeer dejinta ee dalka. Waxaa kale oo uu sheegay in iyada oo xilli adag lagu jiro haddana ay dowladdii iyo dowlad Goboleedyadii ay siyaasad isku mari waayaan ay ayaan darro tahay. Caasimada Online Xafiiska Puntland Caasimada@live.com

Gaalkacyo (SMN) – Wararka naga soo gaaraya gobolka Mudug ayaa ku warramaya in goor dhow uu geeriyooday taliyihii Ciidanka Xaslinta Gaalkacyo Khaliif Nuur Shiil, kaas oo xalay kooxo hubeysan ay ku dhaawaceen gudaha magaaladaasi. Sida ay xaqiijiyeen saraakiil ka tirsan laamaha amniga taliyaha ayaa ku dhintay Isbitaal lagu daaweynayay oo ku yaalla degmada Gaalkacyo ee xarunta G/ Mudug. Kooxo ku hubeysnaa Bistoolado ayaa xalay toogtay Marxuumka, xilli uu ka soo baxay Salaada Taraawiixda. Ciidamada ammaanka Galmudug ayaa saaka howlgallo ka sameeyay halkaasi, mana jirto cid ay u soo qabteen toogashadaasi. Muddooyinkii dambe ammaanka Gaalkacyo ayaa ahaa mid dagan, waxaana howlgallo ka waday Ciidamada Xasilinta ee loo sameeyay magaaladaasi. View the full article

Qaran News

Source

Madaxweynaha Jubbaland Axmed Madoobe oo shir jaraa’id qabtay waxyar kadib markii uu ku laabtay Kismaayo ayaa ka hadlay in dalkan aanu lagu maamuli karin fikir hal aqof. Mr. Madoobe oo arrinkaas ka hadlayey waxaa uu yiri “Maxaa ajende ah oo aan ka wada hadleynaa, waayo waxa ugu muhiimsan waa siyaasadda aan meel ku ogaanno, waxaa asal ah Soomaaliya maanta ma joogto xilli hal qof, hal fikir iyo hal calan looga talin karayo, wax la isku uruurinayo, oo hadda la yagleelayo weeye, sidaasi darteed Soomaaliya ma noqon karto meel qof aragtidiisa ay wax ku noqon kareyso. Dhinaca kale waxaa uu ku dheeraaday ajendaha shirka sida uu ahaa: Ajendaha shirka dhexdiisa ayaan ka sameyney, (1). In la helo gole siyaasadeed oo dowladda federaalka ah iyo dowladaha xubnaha ka ah fulin ahaan la isku wareysto, oo looga tashado, haddii aan mar walbo la wada joogin, qofna keligiisa waxba ma qaban karo, taas oo aan wax u dhimeyn golihii amniga, waa uu sii jirayaa, waana ka hoos shaqeynayaa. (2). Arrinta Galmudug, oo aheyd mid aad iyo aad xasaasi u ah oo sidii Ahlu sunna ay isugu darsameen iyo Galmudug oo khilaaf badan oo dowladda federaalka ah iyo wax badan la tabanayey, in iyadana aan la sal gaarno, oo laga gaaro xal dhab ah, maamulka Galmudug diyaar u ahaa in la tixgeliyo heshiiskii Djibouti iyo dastuurka Galmudug. (3). Xeerar loo gudbiyey baarlamaanka oo ay ka mid ahaayeen doorashooyinka iyo shidaalka in la soo celiyo, oo aan ka wada hadalno. Ra’yiga aan leennahay aan ku darno. (4). In la qeexo wada shaqeynta wasaaradaha dowladda federaalka ah iyo kuwa dowlad goboleedyada (5). Sida loo qeybsano deeqaha (6). Dhameystirka dastuurka, oo noqdey mid jeebka lagu wato, oo in loo helo dad badan madaxbannaan, oo waqti la siiyo, kadib loo bandhigo dowlad goboleedyada iyo shacabka. (7). Maqaamka ay yeelaneyso caasimadda Muqdisho. Hubaal waxaa ah Muqdisho caasimaddii JFS, asal bey u aheyd, haddii aan la qeexin caasimadda maqaamkeeda, oo si siyaasi ah in looga hadlo, heshiis siyaasadeed iyo mid dastuuri ah wax mar walbo ku jireysaa mugdi, dad reer Muqdishuna waxaa ka maqnaanaya xuquuq dastuuri ah, oo Maayerkeeda la doorto, xuquuqdeeda la ogaado. (8). La dagaalanka argigixisada, waxaa ay noqotay, oo hadda cid walba sidii ay rabto wax u xaliso. (9). Wada hadalka Somaliland waxaa ay u baahantahay in si dhab ah looga wada hadal, Soomaaliya waa isu baahan tahay. In la qeexo, oo laga howgalo arrinta Somaliland. Ugu dambeyntii, madaxweyne Axmed Madoobe waxaa uu wax lala yaabo ku tilmaamay in aan la ogeyn cidda dalka ka talisa “Waxaa nasiib darro, madaxda dowladda federaalka ah uma soo diyaar-garoobin ajendahaas, waxaa ku adkaatay in ay aqoonsato dhibaatada, waxaan ka hadalnay arrimaha shidaalka, doorashooyinka waa masiiri, waxaa nasiib darro ah in aanan garaneyn cidda wadanka xukunta iyo cidda mas’uulka ah, oo kii ugu sareeyay marka aad la fariisato uu leeyahay talo ayaan dib ugu noqonayaa, waayo, madaxda dowlad goboleedyada, madaxweynihii dowladda federaalka ah iyo ra’isul wasaarihii inta la fariisto la leeyahay cid kale ayaa talo lagu celinayaa, waxaan dhihi karnaa shirkaas waxaa ku soo dhammaadey si natiijo la’aan ah. Goobjoog News Source: goobjoog.com

Khaliif Nuur Shiil oo ahaa madaxii howlgalada ciidamada isku dhafka gobolka Mudug ayaa u geeriyooday dhaawac ay xalay u geysteen kooxo heysan oo aan haybtooda [...] Source

Madaxweynaha Dowladda Puntland Mudane Siciid Cabdullaahi Deni oo afur iyo casho sharaf u sameeyey Madaxda Soomaaliyeed ee ku sugan Puntland, gaar ahaan Caasimadda Garoowe. Hadhimo [...] Source

Garowe (SMN) – Cabdixakiin Maxamed Axmed “Dhoobo Daareed” Guddoomiyaha Baarlamaanka maamulka Puntland oo ka hadlayay shirkii lagu kala tagay ee magaalada Garowe ayaa nasiib darro ku tilmaamay arrintaasi. Guddoomiyaha ayaa ku nuux nuuxsaday in kulamada kale ee la isugu imaan doono loo baahan yahay in kaalintooda ay qaataan Baarlamaanada heer federal iyo heer dowlad goboleed eedalka. Sidoo kale waxa uu ku baaqay in la muujiyo dulqaad iyo tanaasul, si aan dalka aan dib loogu celin marxaladii kala duwanaa ee uu soo maray. Shirkii Garowe oo socday muddo lix cisho ayaa shalay lagu kala tagay, iyadoo aan la gaarin wax natiijo ah. View the full article