(SLT-Muqdisho)-Todobaadkan ayuu madaxweynaha maraykanku saxeexay,In howlgalka Ciidanka US ee Somalia lagu daro sanad dheer ah,isagoo ku sababeeyay halista kooxaha islamiyiinta ah oo wadanka Somalia iyo Maraykanka naftiisaba ku haya halis aan caadi ahayn,hase ahaatee haddii ay taasi tahay mudadii ugu danbaysay ee taageero ciidan maraykanku siiyo Somalia,Sarakiisha maraykanku waxay sheegeen in 7 Sanado ay qaadan karto haddi la doonayo in ciidamo loo dhiso Somalia. Arrintani waxay fursad u siinaysaa,in ciidamada khaaska ee maraykanku ay tabobar siin karaan,Cutubyo ka mid ah Ciidanka lugta si ay dhulka ugula dagaalamaan Kooxaha xidhiidhka la leh Al-qaacida,war war ayaa ka jira markii la arkay in xukuumadda Donald Trump ay doonayso inay dhinto ciidamada ka jooga Adduunka,waxanu bilaabay inuu ka daad gureeyo Syria ciidankii ka joogay,iyadoo ay ku taliyeen in illaa 2026ka loo bahanyahay inay sii joogaan Ciidanka maraykanku. Haddaba ugu yaraan muddo laba sano ah ayay koox yaroo ciidan ah oo maraykan ahi tabobar siinayeen,ciidamo Somali ah si ay isaga caabiyaan weerarrada kaga imanaya Al-shabaab,ciidankan maraykanka shaqadiisa ayaa ah sidii ay ugu tabobari lahaayeen in Ciidanka Somalidu ay iska celiyaan kooxaha Al-shabaab. Kooxdan Ciidanka Somalida oo loo yaqaan (Danab) macneheedu yahay kuwii Onkodka,ayaa aad u tiro yar waxana lagu qiyaasaa 500 oo askari keliya,waa tiro aad u yar marka loo eego Xeebta Somalida oo u dheer si la mid ah Xeebta Bari ee Maraykabka,Sarakiisha maraykanku waxay sheegeen in qorshuhu yahay in illaa 3000 la gaadhsiiyo bal si ay in uun wax uga taraan inay Alshabab kula dagaalaman tuulooyinka iyo magaaloyinka gudahooda. “Sida qorshaha sanadka ku jirta waxa la doonayaa in shan guutto loo habeeyo iyo Taliskooda”Becky farmer oo ah afhayeenka Ciidanka African Command ayaa u sheegay CNN. “Waxanu filaynaa in ay toddoba sano qaadanayso si howshan loo qabto”sidaas waxa yidhi Sarkaal caan ku ah la dagaalanka Argagixisada waxa kaloo uu intaas raaciyay”haddi shaqadan si dacadnimo ah loo bilaabo waxa loo dhamayn karaa si deg deg ah oo Fudud” Muddo Rubuc qarni ah ka dib markii ay soo dhacday Diyaaraddii “Black hawkdown”isla markaana lagu dilay muqdisho 18 askari oo maraykan ah,ayaa haddana wali maraykanku uu markii labaad isku dayaya inuu Somalia wax ka qabto,Somalia waa halka keliya ee Maraykanku ka gaysto Duqaymo xagga cirka ah,maraykanka ayay Ciidamo xoog ahi ka joogaan Jabuuti iyo Niger. Tan iyo intii la geeyay kooxaha talo bixinta iyo tabobarka ee marayka Somalia sanadkii 2013 kii,qorshahan woxoogay faaiido ah ayuu gaadhay mudadii uu xukunka hayay Donald Trump,waxa tabobar la siiyay Kooxda Ciidanka danab haba iska yaraato tiradooduye,waxa kaloo la kordhiyay Duqaymaha cirka ee loo gaystay al shabaab,waxa kaloo dib loo furay safaaraddii maraykanku ku lahaa muqdisho oo xidhnayd tan iyo 1991kii,wuxuu trump awood u siiyay Ciidanka marayka inay qaadi karaan duqaymo marka ay doonaan halkii awal hore ay isdifaac ka ahayd xaalkoodu. Waxay sheegayaan ah sanadkan 255 dagaal yahan ay dileen kadib 30 weerar oo duqaymo ah,2018 ayay sidoo kale sheegen 47 weerar inay ku dileen 337 dagaalyahan,sidoo kale 2017 ayay sheegeen inay fulieen 35 weerar halka ay sanadkii 2016kii ay sheegen inay qadeen 15 weerar,weerarradan inta badan waxay sheegen inay ka fuliyaan gobollada Jubbooyinka iyo Shabeellooyinka. “Ujeedadayadu waxa weeyaan inaan bur burino shabakadda isku xidhnaantooda” big,General Wiliam west ayaa sidaas u sheegay CNN hase ahatee xubno ka tirsan Aqalka cad iyo hayadda amnesty International ayaa Canbaareeyay Duqaymahan iyagoo sheegay inay waxyeelo ka soo gaadho Rayidka,in kastoo ay eedahas xukuumadda maraykanku dhinac isaga riixday waxayna sheegftay in laba qof oo shicib ah ku dhinteen keliya tan iyo intii howshani soctay. Maj General Greg olson agaasimaha Howl-gallada ee Ciidanka maraykanka ee African Command ayaa ku doodaya,inuu werarkoodu Nidaamsanyahay,oo uu haysto Istratejiyad sax ah,waxanu ilaalinaynaa waddamada Xulafada nala ah ee Gobolka gaar ahaan Ethiopia iyo Kenya oo iayguna dagaal kula jira Alshabaab. KULANKII LONDON Habkan istrategiyadda Cusub wuxu ka soo baxay kulankii London ay ku yeesheen,waddamo dhowr ah oo ay ka mid yihiin UK.US,Ethiopia,Kenya iyo wakiillo ka socda UN iyo AU ay ku lafo gureen Mustaqbalka Somalia In kastoo sannado badan ay Ciidamada Nabad ilaalinta ee Afrika Amisom ay dagaal kula jireen Alshabab,haddana alshabaab waxay muujisay inay tahay xoog adag,waxayna weearo ku qaaday xarumo badan oo Amisom waxayna gacanta ku dhigeen Saanad military iyo Gaadiid dagaal. Waxa la isku afgartay shirka London in la abuuro Ciidan Militry oo 18,000 oo askari iyo Police ka kooban maamullada iyo Federalka oo dhan 32,000 si ay u bedelaan ciidamada Amisom marka ay ka baxaan Somalia,maraykanku wuxuu goobta kaga dhawaaqay inuu tabobar u fidin doono Guutada (Danab) ee uu haddaba gacanta ku hayo,lkn wuxu tibaaxay in Turkey,EU,iyo UAE Ciidamo badan oo ay tabobareen ay noqdeen hal bacaad lagu lisay Tusaale wuxu u soo qaattay 6000 oo ay tabobareen EU inanay ku biirin ciidanka Qaranka ee ay Suuqa galeen qaarkoodna malleeshiyo beeleedyo raaceen taas oo ka dhigaysa wax samada ku maqan in Ciidan Somalia loo dhiso. Waxa kaloo af hayeenka African Command ee Ciidanka maraykanku carabka ku dhuftay inaan xattaa Guutada ay tabobarka siiyeen ee (Danab) ee Imika xukuumadu gacanta ku hayso aan la hubin ama aan la aamini Karin ee wajiga ay rabaan u shaqayn karaan,iyagoo kolka horeba hab reer lagu keenay. CALAAMADO MUUJINAYA HORUMAR Diplomasiyiin badan oo maraykan ah, Sarakiil military iyo saraakiisha Gargaarku waxay sheegeen in Xoogaa Dib u habayn xagga amniga ah laga daremayo magaloyinka. Kordhinta sanadka ah ee joogitanka Ciidanka maraykan ee Somalia ayaa ku soo beegmaysa Xilli uu Raiisalwasaraha Somalia Xasan Ali khayrre uu booqasho shaqo ku joogo Maraykanka,waxanu la kulmayaa John Bolton oo ah la taliyaha Trump ee arrimaha Amniga. Khayre oo abaal marin lagu siiyay dhinaca ka shaqaynta amniga ayaa wuxu booqday aqalka gaashandhigga Maraykanka ee Pentagon. Meelaha ay sarakiisha Maraykanku tilmaameen in horumar laga gaadhay waxa ka mid ah Kismayo,oo ay sheegeen in 1000 qoys dib u dejin loogu sameeyay.waxayse sheegeen in muqdisho hareereheedu ay yihiin meelo ay hoy ku leyihiin al shabaab oo ay mar kastaba Daraasiin dad ah ku dilaan.askarigii maraykan ahaa ee ugu danbeeyay (Srgent,Alexander Conrad) waxa ku dhintay muqdisho Juun 2018 mar ay ciidanka maraykanku garab siinayeen Xoogaga amniga ee Somalia, Sarakiisha maraykanka ayaa ku qiyaasay 5000 illaa 7000 oo dagaal yahan inay ka dagaalamayaan muqdisho iyo hareereheeda.waxayna toos u xukumaan 20% wadanka. DAGAAL DABADII Waxa is waydiin u bahan in xoogga loo samayn doono Somalia ay noqon karaan,qaar hanan kara ama lagu aamini karo inay wadanka hayaan marka ay ka baxaan ciidamada shisheeye,waxa kaloo u bahan in la hubiyo xaaladda Aadminimo,waxa kaloo xusid u bahan in ay yartahay caawimada maraykanku bixiyo oo ah 60 milion taas oo ka yar intii uu bixin jiray sannadihii hore. Sarakiisha maraykanku waxay sheegeen xattaa haddiba alshabaab laga guulaysto,inan howshu halkaas ku dhamaan doonin ee ay sii jiri doonaan Aanooyinka iyo Uur kutaallada qabiilku muddo lagu qiyasi karo 100 sano. Waxa tarjumay Rashiid Odowaa M.A Diplomacy and International Relation Khadarsalaan@gmail.com Source

Nairobi (Caasimadda Online) – Wadanka Kenya oo kamid ah wadamada dhaca bariga Africa ayaa la daalaa dhacaya deymo xad dhaaf ah oo lagu yeeshay sanadihii lasoo dhaafay, kadib markii dalkan uu wajahay Xaalado siyaasadeed. Warbixin dheer oo uu qoray website caan ah oo lagu magacaabo The Africa report, kana faallooda arimaha qaaradda Africa ayaa ciwaan looga dhigay “Deymaha lagu leeyahay dowladda Kenya waxay gaareen xad aan la maamuli Karin”, wuxuuna website-ku soo bandhigayaa halka ay la egtahay deymaha lagu leeyahay dowladda Kenya. Laga soo billaabo Septembar 2018 illaa February 2019, waxaa deymaha lagu yeelanayo dowladda Kenya ku yimid koror xad dhaaf ah oo ka yaabiyay khuburada dhaqaalaha, waxaana maalin kasta ku kordhayay lacag gaareysa 16.9 milyan oo dollar. Bankiga dhexe ee dowladda Kenya ee magaciisa loo soo gaabiyo CBK, ayaa shaaca ka qaaday in wadarta deymaha lagu leeyahay dowladda Kenya ay gaartay bishii Septembar 5.389 Trillion oo shilinka Kenya ah, una dhiganta 53.46 billion oo dollarka Maraykanka ah. Sida ku cad warbixinta uu daabacay website-ka The Africa report, deymaha lagu leeyahay dowladda Kenya waxay aad u kordheen tan iyo markii Uhuru Kenyatta uu la wareegay talada wadankaas sanadkii 2013-ka, waxaana xilligaas la sahdaaliyay in deynta lagu leeyahay dowladdu ay kusii kordhi doonto lacag gaareysa 7 Trillion tan iyo sanadka 2022-da. Marka loo eego waxyaabaha keenaya kororka deymaha dowladda Kenya, waxay warbixintu sheegeysaa iney tahay musuq maasuqa jah wareeriyay siyaasadda dhaqaale ee dowladda, iyo hoos u dhaca ku yimid canshuuraha dowladdu ay qaadeysay, maadama uu hoos u dhacay dhaqaalaha guud ee wadanka. Waxaa kaloo jirta in wadanku ay ku yaraadeen dalxiisayaasha reer galbeedka oo si xad dhaaf ah usoo booqan jiray deegaannada xeebaha ee wadankaas, kadib markii ay lasoo gudboonaatay cabsi ku aadan dhinaca amniga gaar ahaan weerarada Al-Shabaab. Uhuru Kenyata ayaa saxiixay heshiis ku kacaya aduun lacageed oo gaaraya balaayiin dollar, kaas oo dowladda Shiinaha ku maal gelineyso dhisamayaasha khadad ay tareennadu maraan iyo mashaariic waaweyn. Shiinaha oo hadda lacago badan ku harqinaya dowladaha Africa ayaa lagu eedayay in wadamada dhaqaalahooda liito uu gelinayo gumeysi dadban oo dhinaca deymaha, si uu u damaanad qaado sii socoshada heshiisyada uu la galayo dowladaha Africa. Dowladda Kenya ayaa hadda isku dayeysa iney qaado tallaabooyin ay ku dhimeyso deymaha lagu leeyahay, dhinac kalena ku kordhineyso dakhliga soo galay qasnadda dowladda, waxaana Uhuru uu ballanqaaday inuu si adag ula dagaallamayo musuq maasuqa. Waxay sidoo kale dowladdu joojisay mashaariic horumarineed oo socday, kadib markii ay soo baxeen cadeymo muujinayo musuq-maasuq, iyadoona dhinaca kale dowladdu ay kordhisay canshuuraha laga qaado lacagaha teleefannada la isugu diro, sarrifka, shidaalka iyo adeegyada guud ee bulshada. Ganacstada wadanka Kenya ayaa dhawaan dhigay bananbaxyo ay kaga soo horjeedaan kordhinta lagu sameeyay canshuuraha ay dowladdu qaado, waxaana meelaha ay banaanbaxyadu ka dheceen kamid ah xaafadda Islii ee magaalada Nairoobi oo ay u badanyihin jaaaliyadda Soomaaliyeed ee wadanka Kenya. Gebe-gebada, khubarada dhaqaalaha ka faallooda waxay sheegayaan haddii dowladda Kenya aysan ku guuleysan iney si adag ula dagaalanto musuq-maasuqa. Caasimada Online Xafiiska Nairobi Caasimada@live.com

Xildhibaan Axmed Macalin Fiqi oo ka mid ah mudanayaasha golaha shacabka ee baarlamaanka federaalka Soomaaliya oo la hadlay Goobjoog News, kana warramay shirkii shalay su’aalaha lagu weydiinayey madaxda hey’adaha amniga ayaa waxa uu xusay in su’aalihii la weydiiyey hey’adahaasi qaarkood ahaayeen kuwoo lagu qanci karo halka qaarna aan lagu qancin. Xildhibaan Fiqi oo arrinkan ka hadlayey waxaa uu yiri“ Kulanku waxa uu ahaa kulan waayahaan oo dhan carabka lagu hayey oo buuq badan ka dhaliyay Baarlamaanka. waxaana la sii shaaciyey in kulan albaabada ay u xiran yihiin oo saxaafaduna dibad joog ka tahay su’aalo lagu waydiinyay Taliyayaasha ciidamada afar taliye iyo ku xigeennadooda iyo labada wasiir gaashaandhiga iyo wasiirka amniga iyo labada wasiiro ku xigeenadooda intaas kulan laysugu keenay ay joogeen, Xildhibaanaduna ay ku weydiinayeey su’aalo xor ah oo furan, amniga, amni darrada jirta iyo talooyinn lagu siinayay amniga, waxa ay bixinayeen jawaabo kuwaas oo lagu qancayay iyo kuwo aan lagu qanceyn qaarna lagama jawaabin oo dib ayeey ula laabteen”. Sidoo kale Xildhibaanka oo hadalkiisa sii wato ayaa xusay in shacabka Soomaaliyeed gaar ahaan dadka reer Muqdisho dowladda in badan ay u soo samreen, canshuurana ay bixiyaan taas badalkeedana loo baahan yahay inay helaan adeegyada ay u baahan yihiin oo amingu ugu horeeyo iyo isku socodka loo fudeeydiyo. Xildhibaan Axmed waxaa uu yiri “Shacabku, waxa ay dalbanayaan waxaa weeye maadaama ay yihiin canshuur bixiyayaal ay yihiin kuwo dowladduna ay la noolyiin ay magan galiyeen, waxa ay mudan yihiin in dadka loogu badalo adeeggii iyo ay ku muteysteen, waajibkii ay guteen ayey mudan yihiin, marka waxaan leenahay dadka Muqdisho deggan waa ay soo dulqaateen wax bandanna waa ay u soo dulqaateen”. Dhanka kale Axmed Macalin Fiqi ayaa soo qaatey hadalkii Madaxweynaha Jamuuriyada federaalka Soomaaliya Maxamed Cabdullahi Farmaayo uu ku sheegay in 20 ruux ay qasayaan magaalada waxa uuna sheegay in ayaan darro ay tahay inuu sidaa ku hadlo madaxweynihii dalka ayadoo shacabkii dhiigooda daadanayo. “Waxa ay aheyd ayaan darro inuu iska aamusnaado markii dadka ay dhibaatada haysto markuu soo baxana uu ku hadlo hadalo xanaf leh, oo aan daawo aheyn la soo baxo oo ma aragtay si kulul uu caroodo, waxaa mudnaa dadkaas dhibaatada haysato inuu uga garaabo, dadka reer Muqadisho dhibaatada soo gaartay dilka iyo dhaawaca laysugu daray intuu asagu madaxweynaha ahaa dhibaatada dadka hoostooda ku soo gaartay 5000 qof ka badan ayaa dhimatay dhaawcyo badan ayaa reero soo gaaray waxaa burbur-burtay hanti aad u fara badan”. ayuu yiri Fiqi Ugu danbeyn Xildhibaan Axmed Macalin Fiqi ayaa halkiisa ku soo gabagabeyay in dadka maanta dhibban inay yihiin dadkii shalay u soo banbaxay madaxweyne Farmaajo markii la doortay, mana jirin shacab cid qasabtay, ma ahan markii ay dareenkooda muujiyaan in la ciqaab markii ay taageeraana lagu faano. “Dadku waa dadkii asaga uu ku faraxsanaa, waa dadkii wax ka dhigay, markii ay taageersan yihiin oo qadyaadka uu wato ay ka hadlaan inuu ku faano, marka ay cabiraan dareenkoodana ciqaabta jamaaciga ah ay galiyeen labadii sano ee la soo dhaafay markii ay cabiraan ay ka jawaab celiyaan inuu dadkaan, xaqa ay dalbanayaan iyo dhibatada ay ka gubanayaan”. Goobjoog News Source: goobjoog.com

Deegaano ka tirsan gobolka Sanaag ayaa waxaa ka curtay Roobkii Guga oo waqtigii lafilaayay ka soo dib dhacay ka dib markii ay dadka iyo duunyada [...] Source

Daahir Caydiid Qorane oo ah Guddoomiyaha kaamka 10ka Buush oo waraysi gaar ah siiyay Warsidaha Puntlandi.com ayaa sheegay in xaalad nololxumo ay ku haysato kaamka [...] Source

Madaxweynaha dowladda Puntland, Siciid Cabdullaahi Maxamed oo uu weheliyo wasiirka wasaaradda Duulista Hawada iyo Garoomada, Xuseen Cismaan Lugatoor (Gabiley) ayaa magaalada Dubai kulan kula qaatay madaxda shirkadda duulimaadyada ee Fly Dubai. Qoraal ka soo baxay xafiiska madaxweynaha, ayaa lagu sheegay Kulankaasi looga wada hadlay, sidii shirkadda Fly Dubai ee dalka Imaaraadka Carabta ay duulimaadyo uga samayn lahayd garoomada diyaaradaha caalamiga ah ee Puntland, maadaama ay dowladda Puntland leedahay Garoomo si casri ah u dhisan laguna samayn karo duulimaadyo heer caalmi ah. Madaxda Shirkadda Fly Dubai ayaa xustay in kulanka ay la qaateen madaxweynaha Puntland uu yahay mid muhiimad gaara u leh, ayna soo dhoweynayaan wada xaajoodka ku salaysan isku xidhka Puntland iyo Imaaraadka, waxaa ayna balan qaadeen in ay wakhti dhow duulimaadyadooda ka bilaabi doonaan Puntland. Wasiirka wasaardda Duulista Hawada iyo Garoomada Puntland, Xuseen Cismaan Lugatoor (Gabiley) ayaa sidoo kale markuu kulanku soo idlaaday, kulan kale la yeeshay madaxda shirkadda Fly Dubai, waxyna ka wadahadleen qaabka ugu macquulsan oo ay shirkadu wadashaqayn dhow ula yeelan lahayd wasaaradda Duulista Hawada iyo Garoomada Puntland, waxaana shirkaasi kusoo dhamaaday is afgarad. PUNTLAND POST The post Shirkadda diyaaradaha Imaaraadka Carabta ee Fly Dubai oo duullimaadyo caalamiya ka bilaabaysa Puntland appeared first on Puntland Post.

(SLT-Berbera)-Madaxweynaha Jamhuuriyadda Somaliland, Mudane Muuse Biixi Cabdi, ayaa maanta si rasmi ah xadhigga uga jaray saddex wiish (Mobile Harbor Crane) oo cusub loogu talo-galay rarka iyo dejinta badeecadaha kala duwan ee dekedda Berbera ka dhoofaya iyo kuwa ka degayaba. Wiishashka (Mobile Harbor Crane) cusub ee loo keenay dekedda Berbera oo Xaddiga qaadistoodu dhantahay 120 tone (Boqol iyo labaatan tan), qiimahooduna dhan yahay 12 milyan (Laba iyo Toban milyan) oo dollar, ayaa munaasibad kooban oo xadhigga lagaga jaray waxa madaxweynaha kala qaybgalay Guddoomiyaha golaha wakiillada Jamhuuriyadda Somaliland, Mudane Baashe Maxamed Faarax, guddoomiyaha maxkamadda sare, Garyaqaan Aadan Xaaji Cali Axmed, xubno ka mida axsaabta xisbiyada qaranka, Maareeyaha dekedaha, Mudane Siciid Xasan Cabdilaahi, madaxda shirkadda DP World, xubno kamid ah golaha wasiirrada iyo marti-sharaf kale, waxana si weyn looga markhaati kacay horumarka ballaadhan ee ay ku tallaabsatay dekedda Berbera ee ay maalgelinayso shirkadda DP World. Ugu horrayn guddoomiyaha dekedaha Jamhuuriyadda Somaliland, Mudane Siciid Xasan Cabdilaahi oo munaasibadda hadal kooban ka jeediyey, ayaa si hufan u faahfaahiyey horumarka ay ku tallaabsatay dekedda Berbera iyo sida meesha looga saaray baahiyihii badnaa ee ka jiray dekedda. Maareeyuhu waxa uu ammaanay tallaabada dekedda lagu keenay wiishashka cusub ee uu sheegay inay suurogelinayaan inay dekeddu isku filnaato marka la eego dhinaca rarka iyo dejinta badeecadaha kala duwan ee dekedda kasoo dega iyo kuwa ka dhoofaba, islamarkaana ay wiishashkani yihiin kuwa ugu casrisan ee ay isticmaalaan dekedaha dunidu. Madaxweyne-ku-xigeenka shirkadda DP World ee gacanta ku haysa dekedda Berbera, Mr. Suhail Al-banna oo isaguna munaasibadda xadhigga lagaga jaray wiishashka cusub ee dekedda Berbera la keenay, ayaa caddeeyey inay shirkad ahaan si weyn xil iskaga saareen casriyeynta dekedda Berbera iyo sidii ay dekeddu u noqon lahayd mid casri ah oo la tartanta dekedaha deriska, islarkaana ay ku hawlan yihiin ballaadhinteeda iyo horumarinteedaba. Madaxweynaha Jamhuuriyadda Somaliland, Mudane Muuse Biixi Cabdi, ayaa isaguna dhinaciisa munaasibadda ka jeediyey hadallo dhinacyo badan leh oo salka ku haya sida ay xukuumaddu u danaynayso in la dhammaystiro dhammaanba baahiyaha guud ee ay dekeddu leedahay, Waxana uu ku dheeraaday marxaladihii kala duwanaa ee ay soo martay dekedda Berbera, isaga oo madaxweynihii hore ee Somaliland, Mudane Axmed Siilaanyo uga mahadnaqay go’aankii uu dalka ku keenay shirkadda dekedda Berbera gacanta ku haysa ee DP World oo horumar ballaadhan iyo casriyeynba ku samaysay dekedda. Madaxweyne Muuse Biixi Cabdi waxa sharraxay horumarka is xig-xiga iyo mashaariicda kala duwan ee muddooyinkan dambe ka hirgalay Berbera iyo sida ay usoo jiidanayso indhaha caalamka iyo kuwa bulshada deriskaba, waxana isaga oo arrintaas ka hadlaya uu yidhi,“Maanta waa taariikh nool oo aynnu joogno in dekeddii la ballaadhinayo, in ummadda oo dhammi Berbera soo higsanayso iyo inay Berbera tahay iftiin Afrika oo dhan ka muuqda, saddex cisho ka hor waxa laga furay wershad Baatroolka sifaysa, maantana waxa laga furayaa wiishashka tiradaas le’eg iyo kuwa soo socda.” Madaxweynuhu waxa uu farriin u diray dhammaanba bulshada reer Somaliland, isaga oo ugu baaqay inay soo dhaweeyaan horumarkaas la wado, soona dhaweeyaan bulshooyinka kala duwan ee ganacsiga iyo shaqadaba u imanaya magaalada Berbera, “Somaliland oo dhan waxa ku waajib ah inaynu Ilaahay u mahadnaqno oo aynnu keenno caqligii aynnu ummaddaas oo dhan ku hanan lahayn, marka aynnu bani’aadamka soo dhaweynno ee aynnu wax la qaybsaynno ee dadku inagu soo dhiirrado ee uu ina aamino ayeynu horumar samayn karnaa,” ayuu yidhi madaxweyne Muuse Biixi Cabdi. Dhinaca kale, madaxweynaha Jamhuuriyadda Somaliland, Mudane Muuse Biixi Cabdi waxa uu kormeer kooban ku sameeyey dekedda cusub ee shirkadda DP World ka waddo Berbera oo cabbirkeedu dhan yahay 400M (Afar Boqol oo mitir), waxana uu indhihiisa ku arkay shaqooyinka kala duwan ee dekeddaas lagu dhisayo oo si habsami leh halkaas uga socda. Source

Warar aanu ka helay dekadda Muqdisho ayaa sheegaya in aaney shaqeyn muddo saddex cisho, waxaana ka soo baxaya sababo kala duwan. Shirkado ay ka mid yihiin CMA iyi MSC ayaa shaqada joojiyey iyaga oo aan si fiican u sharaxin sababta rasmi ah, laakin warar ayaa sheegaya iney tahay lacago dibadda looga soo rogay. Shirkadda dekada maamusho ayaa wada hadal kula jirta ganacsatada, waxaa kale oo jirta cabasho laga muujiyey shirkadda mairsk line oo ku cusub dekedda oo ah in systemka ka halaysan yahay Arrimaha wararkan ku saabsan, la soco Source: goobjoog.com

(SLT-Hargeysa)-Xildhibaan Maxamed Xaaji Yuusuf Waabeeye ayaa dood adag ka dhiibtay Xeerka ismaamulka Gobolada iyo degmooyinka dalka oo la hor keenay Golaha Wakiilada Somaliland isaga oo kaabis iyo wax ka bedel lagu sameeyay, Halkan hoose ka DAAWO Source

Madaxweynaha Puntland iyo mas’uuliyiinta Ganacsiga UAE Dowladda Puntland ayaa sheegtay in ay dalka Imaaraadka Carabta kula heshiisay in sida ugu dhakhsaha badan dib loogu bilaabo dhoofka xoolaha Puntland ee loo iib-geeyo waddanka Imaaraadka. War-murtiyeed ka soo baxay madaxtooyada Puntland ayaa lagu sheegay in madaxweynuhu kulan muhiima magaalada Dubai kula qaatay wasaaradda Ganacsiga Imaaraadka Carabta, islamarkaana la’iska meel dhigay in sida ugu dhakhsaha badan dib loogu bilaabo dhoofinta xoolaha Puntland oo ay hore u joojisay dowladda Imaaraatiga. “Madaxweynaha Dowladda Puntland Mudane Siciid Cabdullaahi Deni oo ay ka go’antahay horumarinta, qaabaynta, maalgelinta iyo sugidda amniga Puntland ayaa kulamo kale oo muhiima la qaatay Wasaaradda Ganacsiga dalka Imaaraadka, iyadoo mar-labaad laga wadahadlay dib u yagleelidda ganacsiga xoolaha nool, waxaana si buuxda la isula meeldhigay in sida ugu dhakhsiyaha badan dib loogu bilaabo dhoofka xoolaha” ayaa lagu yiri war-murtiyeedka. Dhinaca kale Madaxweynaha Puntland Siciid Cabdullaahi Deni oo weli ku sugan dalka Imaaraadka Carabta ayaa sida qorshaysan caawo kulan la qaadan doona jaaliyadda Puntland ee waddanka Imaaraadka Carabta oo uu kala hadli doono sidii ay uga qeyb-qaadan lahaayeen horumarka iyo maal-geshiga ka socda gudaha Puntland. PUNTLAND POST The post Dowladaha Puntland iyo Imaaraadka Carabta oo ku heshiiyay in dib loo bilaabo dhoofinta xoolaha Puntland appeared first on Puntland Post.

Washington (Caasimadda Online) – Ilhan Cumar oo ah xildhibaanad ka tirsan aqalka Koongareeska Mareykanka ayaa sheegtay inaan la aamusin doonin ka dib markii ay cambaarayn xoog badan kala kulantay qaabka ay uga hadashay weerarkii daaraha Maraykanka lagu qaaday bishii Sabtembar ee sannadkii 2001, dadka aadka u dhaliilayna waxaa ka mid ah madaxweyne Donald Trump. Madaxweynaha Mareykanka ayaa bartiisa Twiterka kusoo qoray hadal ahaa”Waligeen ma hilmaami doono” iyo muuqaal tusinaya weeraradii September 2001 oo la barbar dhigay khudbadii Ilhan Cumar. Hadalkeedii “Dadka qaar ayaa qalad sameeyay,” ayaa la arkayay iyadoo la dhex geliyay muuqaalka diyaaradahii lagu garaacay daaraha Twin Towers iyo dadka oo ka baxsanayay burburka dhismayaasha. Hadal-qoraal oo ay Seantor Ilhaan Cumar soo saartay waxay ku sheegtay tan iyo markii uu Trump bartiisa Twitterka soo dhigay qoraalka iyo Muuqaalka Video-ga inay kordheen cabsi-gelinta tooska ee nolosheeda, iyadoo inta badan hanjabadaasi ka jawaabayaan Muuqaalka Video-ga ee Donald Trump. “Hadallada samayn kara colaadaha iyo dhamaan qaababka hadalladda Nacaybka wax boos ah kuma laha Bulshadeenna, waana wax aad uga yar waxa ka yimid Taliya Guud ee dalkeenna, dhamaanteenna waxaan nahay Maraykan” ayey Ilhaan Cumar ku qortay Qoraalkeeda. Waxayna intaasi ku dartay in loo baahan yahay in la joojiyo dhamaan wax khatarta gelin kara Nolosha. Xisbiga Jamhuuriga ayaa ku eedeeyay inay weerarki September si xun uga hadashay, balse dimoqaraadiyiinta ayaa si weyn u difaacay, iyaga oo sheegay in si qaldan hadalkeeda loo tarjuntay qaarkoodna waxay ku eedeeyeen Trump inuu iyada iyo muslimiinta kale ku kiciyay dadka Mareykanka ah. Caasimada Online Xafiiska Washington Caasimada@live.com

Qaran News

(SLT-Boosaaso)-Madaxweynaha maamulka Puntland Siciid Cabdullaahi Deni ayaa kulan la qaatay madaxda shirkadda ugu sarraysa shirkadda DP-World oo uu hogaaminayey maamulaha shirkadda Sultan Ahmed Bin Sulayem. Madaxweynaha ayaa waxaa kulanka ku wehelinaayey Wasiirka Wasaaradda Dekedaha iyo Gaadiidka Badda Maxamed Cabdi Cismaan (Majiino), Wasiirka Wasaaradda Ganacsiga, Wershedaha iyo Maalgashiga Cabdullaahi Cabdi Xirsi, Wasiirka Wasaaradda Duulista Hawada iyo Garoomada Xuseen Cismaan Lugatoor (Gabiley) iyo saraakiil ka tirsan Madaxtooyada maamul gobolleedka Puntland. Kulankan ayaa waxaa lagaga wada hadlay dhismaha iyo ballaadhinta dekedda magaalada Boosaaso, dar-dargelinta hawlaha shaqo ee dekedda iyo ka midha-dhallinta heshiiska caalamiga ah ee bud-dhigga u ah mashruucani muhiim ka ah. Shirkadda DP-World ayaa balanqaaday in ay dedejindoonto dhammaan hawla la xidhiidha dhismaha iyo ballaadhinta dekedda Boosaaso, isla’markaana ay ilaalinayaan hishiisyada iyo wax-walboo ku saabsan mashruucaas ballaadhan ee lagu horumarinaayo xidhiidhka Puntland iyo Imaaraadka. Dhinaca kale Wasiirka Wasaaradda Dekedaha iyo Gaadiidka Badda Puntland Maxamed Cabdi Cismaan (Majiino) ayaa kulankan kadib la qaatay kulamo muhiima masuuliyiinta kale ee Shirkadda DP-World, kuwaasi oo salka kuhaya dar-dargelinta dhammaystirka mashruuca dhismaha iyo ballaadhinta dekedda magaalada Boosaaso. Source

(SLT-Hargeysa)-Golaha Guurtida oo magacaabey laba guddi oo ay u kala dirayaan gobollada bariga iyo galbeedka Somaliland, Halkan hoose ka DAAWO Source

Qaran News

(SLT-Washington)-Xildhibaanad Ilhaan Cumar o oka tirsan Aqalka Kongareeska Maraykanka ayaa sheegtay inay kordheen Farriimaha iyada loogu hanjabayo in la dili doono, kadib markii uu Madaxweyne Trump dhawaan bartiisa Twitter-ka soo dhigay Qoraal iyo Muuqaal uu ku xidhiidhinayo inay iyada wax ka ogeyd Qaraxyadii Diyaaradihii ee ay Ururka Alqaacida bishii September 11-dii ee sannadkii 2001-dii la begsadeen Daarihii Mataanaha ee dalkaasi. Hadal qoraal oo ay Seantor Ilhaan Cumar soo saartay waxay ku sheegtay tan iyo markii uu Trump bartiisa Twitterka soo dhigay qoraalka iyo Muuqaalka Video-ga inay kordheen cabsi-gelinta tooska ee nolosheeda, iyadoo inta badan hanjabadaasi ka jawaabayaan Muuqaalka Video-ga ee Donald Trump. “Hadallada samayn kara colaadaha iyo dhamaan qaababka hadalladda Nacaybka wax boos ah kuma laha Bulshadeenna, waana wax aad uga yar waxa ka yimid Taliya Guud ee dalkeenna, dhamaanteenna waxaan nahay Maraykan” ayey Ilhaan Cumar ku qortay Qoraalkeeda. Waxayna intaasi ku dartay in loo baahan yahay in la joojiyo dhamaan wax khatarta gelin kara Nolosha. Qoraalka iyo Muuqaalka uu Donald Trump habeenkii Jimcaha ee la soo dhaafay uu soo dhigay Bartiisa Twitterka waxa sheegay inaysan marnaba wada illaabi doonin weerarkii September 11, wuxuuna Muuqaalkii Weerarkii Diyaaradaha loo adeegsaday ku xiriiriyey hadal ay Senator Ilhaan Cumar ka jeedisay Kulan dabayaaqadii bishii hore ee March magaalladda Los Angeles, oo ay ku sheegtay inay shasiyaad qaar geysteen Falkaasi, oo ay ugala jeeday weerarkii September 11-dii ee sannadkii 2001-kii. Balse, Trump waxa uu Twitterkiisa soo raaciyey Muuqaalka Diyaaradihii duweeyey Daaraha Mataanaha iyo sawaxankii dadkii xilligaasi ku go’doonsanaa dhismayaashaasi ku yaalla magaalladda New York. Xubno ka tirsan Ururka Alqaacida ayaa waxay bishii September 11-dii ee sannadkii 2001-dii afduubteen 2 Diyaraado Rakaab ah, la beegsadeen Dhismaha Daaraha Mataanaha ee Xaruntii Ganacsiga Adduunka ee magaalladda New York, iyadoo Diyaaraddii 3-aad ay ku duqeeyeen dhismaha Waaxda Difaaca Maraykanka, halka ay Diyaraadii 4-aad ku burburtay meel ku dhow magaalladda Shanksfil ee Gobalka Feneselfaniya. Ururka Alqaacida ayaana dhabarka u ritay Duqeymahaasi oo dhacay muddo haatan laga joogo 18-sanno waxaa la sheegay inay ku geriyoodeen dad lagu qiyaasay 2,996 qof. Source

April 15, 2019 Qore : Cabdi Dagal Faahiye Taniyo intii la doortay Madaxweyne Maxamed Cabdullahi Farmajo, bishii Febr. 8, 2017, waxaa si xoogleh usoo if-baxday [...] Source

Muqdisho (Caasimadda Online) – Maamulka Gobolka Banaadir ayaa xarunta Aqalka dowlada hoose ee Xamar kulan kula qaatay Guddiga gaadiidka BL-ka ee ka howlgala Magaalada Muqdisho. Kulankaan ayaa Ujeedkiisa waxa uu ahaa Xoojinta wadashaqeynta ka dhaxeysa maamulka gobolka Banaadir iyo guddiga gaadidka BL-ka eek a shaqeysa Muqdisho. Kulanka oo ka dhacay xarunta Maamulka G/banaadir ayaa Guddiga Gaadiidleyda BL-ka waxaa qaabilay xubno uu horkacayey guddoomiye ku xigheenka G/banaadir Xuseen Maxamed Nuur, waxaana looga dooday cabashada gadiidleyda BL-ka oo bannaabaxyo ka waday Ex Koontoool Afgooye, iyadoo dalbanayey in jidadka loo furo ama laga dhaafo canshuurta maalin waliba laga qaado. Xubin ka tirsan Guddiga gadiidleyda BL-ka ayaa sheegay in maamulka G/banaadir uu ku dooday in dhagxaanta wadooyinka lagu xiray lagu sugayo amniga magaalada, isla markaana aysan ka maarmin canshuurta, iyaguna ay ku adkeysteen inaysan is qaban karin wado xiran inay ku shaqeeyaan. Guddigga Gaadiidleyda BL-ka ee Magaalada Muqdisho ayaa sheegay inuu banaanbaxa sii socon doono inta wax laga badalayo xaaladda taagan oo ah mid aan lagu sii shaqeyn karin. Arrintaan ayaa kusoo aadeysa,iyadoo saakay Ex Koontarool ee Magaalada Muqdisho ay banaanbax ka dhigeen qaar kamid ah Darawallada gaadiidka BL-ka,isla markana ka cabanayay Wadooyinka xiran ee Muqdisho,iyadoona sheegay inay ay bixiyaan lacagta Canshuurta laga qaado. Jidadka Muqdisho ayaa xiran ku dhawaad 20 Maalin, waxaana soo badaneyso cabashada ka imaaneyso Shacabka Muqdisho kuwaas oo si dhab ah ku aado Shaqooyinkooda. Dadka qaar ayaa Magaalada Muqdisho isaga dhex raaco illaa 3 Gaari oo kala wareeg ah, halka markii hore ay raaci jireen hal Gaari oo toos u geyn jiray halka ay rabaan inay aadaan. Caasimada Online Xafiiska Muqdisho Caasimada@live.com

Heshiish UAE ku dhexmaray Puntland & Shirkada DP World+Sawirro Qurxoon Siciid Deni iyo Sultan Ahmed bin Sulayem Madaxweynaha Puntland Mudane Siciid Cabdullaahi Deni ayaa kulan la qaatay madaxda shirkadda DP-World oo uu hogaaminayey maamulaha shirkada Sultan Ahmed Bin Sulayem. Madaxweynaha ayaa waxaa kulanka ku wehelinaayey Wasiirka Wasaaradda Dekedaha iyo Gaadiidka Badda Maxamed Cabdi Cismaan (Majiino), Wasiirka Wasaaradda Ganacsiga, Wershedaha iyo Maalgashiga Cabdullaahi Cabdi Xirsi, Wasiirka Wasaardda Duulista Hawada iyo Garoomada Xuseen Cismaan Lugatoor (Gabiley) iyo saraakiil ka tirsan Madaxtooyada Dowladda Puntland. Kulankan ayaa waxaa looga wada hadlay dhismaha iyo balaadhinta dekedda magaalada Boosaaso, dar-dargelinta hawlaha shaqo ee dekedda iyo ka midha dhallinta heshiiska caalamiga ah ee bud-dhigga u ah mashruucani muhiim ka ah. Madaxweyne Deni oo ay ka go’antahay horumarinta kaabayaasha dhaqaalaha Dowladda Puntland iyo dar-dargelinta arrimaha maalgashiga ayaa balanqaaday in Xukuumadda cusub ee Puntland samayndoonto jewi sahlaya in deegaanada Puntland u diyaarsanaadaan maalgashi caalami ah, kuwaasi oo taageeraya sugidda Amniga iyo horumarinta deegaanada Puntland. Shirkadda DP-World ayaa balanqaaday in ay dedejindoonto dhammaan hawla la xidhiidha dhismaha iyo balaadhinta dekedda Boosaaso, isla’markaana ay ilaalinayaan hishiisyada iyo wax-walboo ku saabsan mashruucaas balaadhan ee lagu horumarinaayo xidhiidhka ganacsi, wada-dhalasho, siyaasadeed iyo kan soo jireenka ah ee Puntland iyo Imaaraadka. Dhinaca kale Wasiirka Wasaaradda Dekedaha iyo Gaadiidka Badda Puntland Maxamed Cabdi Cismaan (Majiino) ayaa kulankan kadib la qaatay kulamo muhiima masuuliyiinta kale ee Shirkadda DP-World, kuwaasi oo salka kuhaya dar-dargelinta dhammaystirka mashruuca dhismaha iyo balaadhinta dekedda magaalada Boosaaso. Ugu dambeyn, Madaxweynaha Dowladda Puntland Mudane Siciid Cabdullaahi Deni oo ay ka go’antahay horumarinta, qaabaynta, maalgelinta iyo sugidda amniga Puntland ayaa kulamo kale oo muhiima la qaatay Wasaaradda Ganacsiga dalka Imaaraadka, iyadoo mar-labaad laga wadahadlay dib u yagleelidda ganacsiga xoolaha nool, waxaana si buuxda la isula meeldhigay in sida ugu dhakhsiyaha badan dib loogu bilaabo dhoofka xoolaha, waxaana uu kulankaasi kusoo dhammaaday guul. _DHAMMAAD_ Qaran News

(SLT-Hargeysa)-Xildhibaan Cabdilqaadir Maxamed Xasan (Indha Indho) oo ka mida mudanayaasha golaha guurtida Somaliland ayaa ka hadlay waftiga ballaadhan ee uu hoggaaminaayay Suldaan Maxamed Suldaan Cabdilaahi Cartan, ee boqoshada ku yimid magaalada Hargeysa, kuwaasi oo uu sheegay in ay xaqiiqada wajaheen. Xildhibaan Indho Indho waxa uu xusay in ay kala doorteen madaxweyne Muuse Biixi oo ubadkooda waxbaraya oo buugaag u qaybinaya iyo madaxweyne Siciid Cabdillaahi Deni oo rasaas u qaybinaya. “Wefti culus ayaa yimid waxaaney sheegeen in dadkii xuduuda xidhilahaa ay yihiin, Somalilandna waa qobtol oo nin kastaaba inta uu joogo ayuunbu dawladnimadda ka muujiya, anigu waxaan is leeyahay maanta laba arrimood ayay kala doorteen, goboladii barigu, laba madaxweyne oo ay midna Ilmaadeer yihiin midna Ilmaantii yihiin ayaa deegaankaasi u dhaxeeyaa, mid waa Muuse Biixi Cabdi oo la doortay, oo saddex boqol oo kun oo qof dad gaadhaya ay doorteen, oo waliba sannadka ay goboladaasina ka qayb galeen, ninka kalena waa ninka ay soddonka nin doorteen ee aanu jaarka nahay” ayuu yidhi. Xildhibaan Cabdilqaadir Maxamed Xasan Indha waxa uu tilmaamay in ay kala doorteen laba madaxweyne oo midna ubadkooda wax-barayo oo buugaag u qaybinayo midna rasaas u qaybinayo waxanu yidhi “Almihiim waxaa weeyeen dadkaasi waxaa ay kala dooranayaan madaxweyne buugaag u qaybinaya oo ubadkoodii wax baraya madaxweyne abaartii ka caawinaya, goboladii bariga waxaa biya dhaamis iyo raashin ku socda waad yaabeysaa, waxyaabaha lagu gartay in la wada leeyahayna waa ka mid, waxaa ay kala doorteen madaxweyne ay doorteen oo xiligii xumaa carruurtiina wax baraya, oo buugaag qaybinaya bulshadii abaarta ku xoola waayayna biyo u dhaaminaya oo raashin siinaya, waxaa ay ka doorteen ninkaasi ay Ilmaadeerka yihiin oo rasaas u qaybinaya, dad abaari heyso oo la yidhaaho dagaalama weli lama arag, marka madax-dhaqameedka ka soo kicitimay bariga gobolka Sanaag xaqiiqada ayay wajaheen, Illaahey waxaa ay aanu ka rajeynaynaa inuu inta kalena garansiiyo, anagu hada waxba lama noolin oo soddon sannadood ayaanu dagaal ku jirnay, waa naga soo dhammaatay laakiin waxa weeye ‘waxaan ubateeyaba tolkay ooda soo jabi’ markii horeba Sool clan waakii hore u yimid Warsangelina maanta haduu yimid waxaanu leenahay soo dhawaada, dalkiini ayaad timaadeen dadkiini ayaad u timaadeen.” Source

Siciid Deni iyo Sultan Ahmed bin Sulayem Dubai, April 15, 2019: Madaxweynaha Dowladda Puntland Mudane Siciid Cabdullaahi Deni ayaa kulan la qaatay madaxda shirkadda DP-World oo uu hogaaminayey maamulaha shirkada Sultan Ahmed Bin Sulayem. Madaxweynaha ayaa waxaa kulanka ku wehelinaayey Wasiirka Wasaaradda Dekedaha iyo Gaadiidka Badda Maxamed Cabdi Cismaan (Majiino), Wasiirka Wasaaradda Ganacsiga, Wershedaha iyo Maalgashiga Cabdullaahi Cabdi Xirsi, Wasiirka Wasaardda Duulista Hawada iyo Garoomada Xuseen Cismaan Lugatoor (Gabiley) iyo saraakiil ka tirsan Madaxtooyada Dowladda Puntland. Kulankan ayaa waxaa looga wada hadlay dhismaha iyo balaadhinta dekedda magaalada Boosaaso, dar-dargelinta hawlaha shaqo ee dekedda iyo ka midha dhallinta heshiiska caalamiga ah ee bud-dhigga u ah mashruucani muhiim ka ah. Madaxweyne Deni oo ay ka go’antahay horumarinta kaabayaasha dhaqaalaha Dowladda Puntland iyo dar-dargelinta arrimaha maalgashiga ayaa balanqaaday in Xukuumadda cusub ee Puntland samayndoonto jewi sahlaya in deegaanada Puntland u diyaarsanaadaan maalgashi caalami ah, kuwaasi oo taageeraya sugidda Amniga iyo horumarinta deegaanada Puntland. Shirkadda DP-World ayaa balanqaaday in ay dedejindoonto dhammaan hawla la xiriira dhismaha iyo balaarinta dekedda Boosaaso, isla’markaana ay ilaalinayaan hishiisyada iyo wax-walboo ku saabsan mashruucaas balaadhan ee lagu horumarinaayo xidhiidhka ganacsi, wada-dhalasho, siyaasadeed iyo kan soo jireenka ah ee Puntland iyo Imaaraadka. Dhinaca kale Wasiirka Wasaaradda Dekedaha iyo Gaadiidka Badda Puntland Maxamed Cabdi Cismaan (Majiino) ayaa kulankan kadib la qaatay kulamo muhiima masuuliyiinta kale ee Shirkadda DP-World, kuwaasi oo salka kuhaya dar-dargelinta dhammaystirka mashruuca dhismaha iyo balaadhinta dekedda magaalada Boosaaso. Ugu dambeyn, Madaxweynaha Dowladda Puntland Mudane Siciid Cabdullaahi Deni oo ay ka go’antahay horumarinta, qaabaynta, maalgelinta iyo sugidda amniga Puntland ayaa kulamo kale oo muhiima la qaatay Wasaaradda Ganacsiga dalka Imaaraadka, iyadoo mar-labaad laga wadahadlay dib u yagleelidda ganacsiga xoolaha nool, waxaana si buuxda la isula meeldhigay in sida ugu dhakhsiyaha badan dib loogu bilaabo dhoofka xoolaha, waxaana uu kulankaasi kusoo dhammaaday guul. _DHAMMAAD_ The post War-saxaafadeed: Puntland iyo DP World oo ku heshiiyay in la de-dejiyo dhismaha dekedda Boosaaso appeared first on Puntland Post.

Dubai, April 15, 2019: Madaxweynaha Dowladda Puntland Mudane Siciid Cabdullaahi Deni ayaa kulan la qaatay madaxda shirkadda DP-World oo uu hogaaminayey maamulaha shirkada Sultan Ahmed [...] Source

Muqdisho (Caasimadda Online) – Hey’adda Xuquuqda Aadanaha Amnesty International ee Fadhigeedu yahay Magaalada London ee dalka Ingiriiska ayaa soo saartay warbixin ay kaga hadleyso hoos u dhac ku yimid xunakla dilka toogashada ah marka lo fiiriyo Sanadkii 2017. Amnesty International ayaa sheegtay inay hoos u dhacday xukunka dilka Toogashada ah ee la fuliyey Sanadkii 2018 marka loo fiiriyo Sanadkii 2017, waxaana hoos dhaca dilkaan ku yimid hoggaanka u hayo dalalka Chino, Iiraan, Sacuudiga iyo Soomaaliya oo ahaa wadamadi hoggaanka ku hayey Xukumada dilka ee Caalamka ka dhaco. Sanadkii 2017 ayaa waxaa Xukun dil ah lagu fuliyey 993 qof sida lagu sheegay Warbixinta Amnesty International, halka Sanadkii 2018 Xukun dil ah lagu fuliyey 690 qof taasoo ka dhigan in 31% ay u dhaceyn Xukunnada dilalka ee laga fuliyo Caalamka. Amnesty International ayaa xusta in wadamada ay kamid yihiin Belarus, Japan, Singapore, South Sudan iyo Mareykanka ay sare u kaceyn Xukunada dilka ah ee laga fuliyo. Dalka Shiinaha ayey Hey’adda sheegtay in Xukunnada dilka ah ay hoos u dhaceyn illaa 50% taasoo ka dhigan inay Shiinaha wax ka badal ku sameysay Sharciyada xukunnada Dilka ee dalkaas u yaalay. Sidoo kale Hey’adda ayaa Liiska Wadamada ay Xukunnada dilalka hoo u dhaceyn kusoo dartay dalalka Soomaaliya, Ciraaq iyo Pakistan. Warbixinta Amnesty International, gaar ahaan qeybta Soomaaliya ee ka hadleyso inay Xukunada dilalka hoos u dhaceyn ayaa banaanka usoo bixisay hadal heyntii ku aadaneyd inuu Madaxweyne Farmaajo diiday saxiixa Xukunnada Dilalka maadaama uu heysto Dhalasho dalka Mareykanka. Maxkamadda Ciidamada Qalabka sida ayaa dil toogasho ah ku xukuntay Askar, xubno ka tirsan Al-Shabaab iyo dad shacab ah oo dil geystay Xukun dil ah illaa haddana ma jirto qof lagu fuliyey Xukun dil toogsho ah taasoo fududeysay inay soo bataan dilalka Muqdisho ay geystaan Shabaab iyo Ciidamada Dowladda maadaama aysan jirin xukun ay ka cabsanayaan. Caasimada Online Xafiiska Muqdisho Caasimada@live.com

Muqdisho (Caasimadda Online)- Guddoomiyaha Baarlamaanka Soomaaliya Maxamed Mursal Shiikh ayaa soo farageliyey xiisadda ka dhex taagan Xildhibaan Zakariye iyo Ku-simaha Taliyaha NISA Fahad Yaasiin Xaaji Dahir. Ku-simaha Taliyaha NISA Fahad Yaasiin Xaaji Dahir ayaa ka carooday su’aal uu weydiiyey Zakariye oo ah xildhibaan ka tirsan Baarlamaanka, isagoo ugu hanjabay inuu dacwad ku soo oogayo, sharcigana la tiigsanayo. Sida ay xogta ku heshay Shabakadda Caasimadda Online, Guddoomiyaha Baarlamaanka ayaa Fahad Yaasiin ku amray inuu tixgeliyo shuruucda u yaalo Golaha Shacabka isla markaasna uu ogolaado in dooda u dhaxeysa isaga iyo Xildhibaanka loo gudbiyo Guddiga Anshaxa ee Baarlaamaanka Federaalka Soomaaliya si uu guddiga go’aan uga soo saaro. Guddoomiyaha ayaa Fahad Yaasiin uga digay inuu dacwad ka gudbiyo Xildhibaanka taasina ay noqon doonto faragelin lagu hayo Baarlamaanka Soomaaliya. Ku-simaha Taliyaha NISA Fahad Yaasiin ayaa aqbalay amarka Guddoomiyaha Baarlamaanka Soomaaliya, waxaana arrintaan loo gudbin doonaa Guddig Anshaxa ee Baarlamaanka si ay uga doodaan muranka u dhaxeeyo Fahad iyo Xildhibaan Zakariye. Xildhibaan Zakariye Gaashaan ayaa fadhigii su’aalo weydiinta ee Baarlamaamka oo ay ku sugnaayeen xubo uu ka mid yahay ku-simaha Agaasimaha Hay’adda NISA, si toos ah u weydiiyey Fahad Yaasiin arrimo ku saabsan Hay’adda hoggaaanka NISA xiriir la leeyahay Al-shabaab iyo sababtii xilka looga eryay taliye ku xigeenkii NISA Cabdalla Cabdalla oo sheegay in Al-shabaab ku dhex milmeen hoggaanka NISA, taasoo keentay in jawaab culus uu bixiyo Fahad Yaasiin. Waxaa uu ka dalbaday Guddoonka Baarlamaanka inuu raalligelin ka bixiyo isla waqtigaasi haddii kale uu qaadanayo xaqa qaanuuniga ah uu leeyahay oo ah inuu dacwad ku soo oogo, wuxuuna xildhibaannada u sheegay in sababta saxaafadda loo dalbaday in laga xiro kulanka ay ahayd in arrimahaas oo kale ay dhici karaan. “Waxaa ii muuqata Hay’adda Nabadsugida in la xurmo dareeyay in golihii dhexdiisa in su’aal noocaan la isku dhex weydiiyo.., Aniga shaqsiyan aanan u qalmin taas… hadalkaas wuxuu gef ku yahay hea’adda Nabadsugida iyo shaqsiyan aniga, waxaa codsanayaa Xildhibaanka inuu cudurdaar ka bixiyo, haddii kale xaqa qaanuuniga aan leeyahay ayaa qaadanayaa” ayuu yiri Fahad Yaasiin. Ku-simaha Agaasimaha NISA ayaa difaacay xilka eryidii Jen. Cabdalla Cabdalla oo uu sheegay inuu bixiyey sir qaran, ayna arrintiisa go’aan ka gaareen Guddi anshax, sidaasina xilka looga qaaday. Xildhibaan Zakariye ayaa diiday inuu raali gelin ka dhiibo Su’aasha uu dhibsaday Fahad Yaasiin, wuxuuna mar kale ku celiyey inuu Fahad ka jawaabo eedeynta loo soo jeediyey. Caasimada Online Xafiiska Muqdisho Caasimada@live.com

Somalia’s regional security minister has confirmed that the deputy leader of the Islamic State (IS) in the country has been killed by an airstrike from a drone. Minister Abdisalam Mohamed Gallan told VOA that Abdihakim Dhoqob was killed on Sunday when the car he was traveling in, was hit by a missile fired by an American drone. The minister said the incident took place near Hiriro village located in Puntland’s Bari region. Several other militants were allegedly killed in the attack. Local media reports in Puntland said that Dhogob defected from Al-Shabaab and joined the IS and was responsible for tax businesses in the Bari regions largely controlled by the terror group. It can be recalled that American forces are aiding international troops in battling against the terror groups in Somalia and have killed several top terror commanders over the last two years. Since over a decade, incessant and uncontrolled terrorist attacks by Al-Qaeda-affiliated Al Shabaab insurgents which are closely linked to the Islamic State are fighting Somali and international forces to install a Sharia state in Somalia. View the full article