Qaran News

Maxaas (SMN) – Wararka laga helayo gobolka Hiiraan ayaa sheegaya in Ciidamada ammaanka xalay howlgal ballaaran ay ka sameeyeen degmada Maxaas ee gobolkaasi. Howlgalkan oo ahaa mid qorsheysan ayaa lagu soo waramayaa in lagu soo qab qabtay tiro dad ah oo badan dhalinyaro, sida ay xaqiijiyeen ilo deegaanka ah. Ujeedka baaritaanadaan ayey sarakiisha Ciidamadu ku sheegeen in uu qeyb ka yahay sugida amniga degmadaasi. Shalay ayey aheyd markii qarax miino lagu dilay guddoomiye ku xigeenkii Maxaas iyo qaar ka mid ahaa ilaaladiisa, kaasi oo ka dhacay gudaha degmadaasi. View the full article

Garbahaarey (SMN) – Warar dheeraad ah ayaa ka so baxaya dagaal xoogan oo xalay Ciidamada dowladda iyo Al Shabaab ku dhex maray magaalada Garbahaarey ee xarunta gobolka Gedo. Dagaalka ayaa bilowday, kadib markii dagaalyahanno ka tirsan Al Shabaab ay weerar qorsheysnaa ku soo qaadeen fariisimo Ciidamada dowladda ku leeyihiin halkaasi. Lama oga illaa iyo hadda khasaaraha rasmiga ah ee ka dhashay dagaalkani oo la’isku adeegsaday hubka nuucyadiisa kala duwan. Sidoo kale wararka ayaa intaasi ku daraya in Ciidamada Ethoipia ee qeybta ka ah howlgalka AMISOM ay dhowr madfac ku tuureen agagaarka degmadaasi . Xaaladda ayaa saaka dagan, balse Ciidamada dowladda ayaa baaritano ka bilaabay qeybo ka mid ah gobolka Gedo ee koonfurta Soomaaliya. View the full article

Wasiirka Arrimaha Dibadda iyo Iskaashiga Caalamiga, Mudane Danjire Axmed Ciise Cawad ayaa Khamiistii kula kulmay Magaalada Qaahira dhiggiisa Masar Mudane Sameh Shoukry. Wadahadalka ayaa intiisa badan diiradda lagu saarray xiriirka walaalnimo iyo iskaashiga u dhexeeya Soomaaliya iyo Masar iyo habkii lagu xoojin lahaa, laguna horumarin lahaa dhinac waliba oo u adeegaya danaha labada dal iyo labada shacab ee walaalaha ah, waxa ayna is dhaafsadeen aragtiyadooda dhacdooyinka iyo horumarka gobolka iyo dunida. Kadib markii uu idlaaday wadahadalka ballaaran, waxaa saxiixa lagu duugay seddex heshiis is afgarad oo ay ka mid yihiin abuuridda hab wadatashi siyaasadeed oo heer wasiir arrimo dibadeed oo labada dal ah, yagleelidda guddi wadaag ah oo ay hoggaamiyaan labada wasiir arrimo dibadeed iyo iskaashiga labada machad ee daraasaadka diblomaasiyadda Soomaaliya iyo Masar. Goobjoog News Source: goobjoog.com

Maxay madaxtooyada ka tidhi qoysaska uu dhulkoodii ka xoogay Muuse Biixi? Xukuumada Muuse Biixi ayaa markii uhoreysay ka hadashay cabashooyin maalmihii u dambeeyay ka taagna dhul ay ka dhisaneyso Madaxtooyo cusub oo ku yaala galbeedka caasimada Hargeysa. Agaasimaha guud ee Madaxtooyada Somaliland, Maxamed Cali Bile oo arrintaas ka hadlaya, ayaa sheegay inaysan jirin qoysas uu Madaxweyne Biixi xoog kaga qaaday dhulka laga dhisayo Madaxtooyada cusub. “Dadkii lahaa halka Madaxtooyada Cusub laga dhisayo ee loogu tagay, boqolkiiba 99 way ka amba-baxeen, oo Salaan ayaa lagu kala tagay, laakiin hal Guri ayaa ku sii hadhsanaa Gurigiina saaka ayaa laga raray meeshii” ayuu yidhi Agaasime Maxamed Bile. Agaasimaha Madaxtooyadu, waxa uu sidoo kale beeniyay inay jiraan Balan-qaadyo Madaxweyne Biixi u sameeyay Qoys la yiraahdo reer Dalab, kuwaasi oo warbaahinta ka sheegay in Madaxweynuhu balamo uga baxay intuu dhulkoodi ka qaatay, wuxuuna yidhii “Qoyska reer Dalab malaha meesha Madaxtooyada laga dhisayo, waxa lahaa ummad dhan oo 72-Qoys ah oo meesha deganaa, cid wax loo balan-qaadayna ma jirto, cid wax la tarayana waa wax Dadkaas oo dhami u siman-yahay”. Muddooyinkii udambeeyay ayaa waxa isasoo tarayay qoysas sheeganaya dhulka ay xukuumada Muuse Biixi ka dhisaneyso Madaxtooyada, kuwaasi oo maalmihii u dambeeyay warbaahinta ka hadlayey iyaga oo sheegaya in Madaxweyne Biixi uu dhulkooga kaga qaatay awood dowladnimo. Qaran News

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo kormeer kadis ah jimcihii ku tagay deegaannadii dhawaan laga xoreeyeyAlshabaab ayaa faray hay’adaha Dowladda Federaalka ah in ay shacabka deegaannadan si deg deg ah u gaarsiiyaan adeegyada aasaasiga ah, si loo caawiyo muwaadiniinta ku nool oo ay Argagaxisadu muddo badan dhibaato ku haysey. Madaxweynaha ayaa sheegay in Dowladda Soomaaliya ay sii laba-laabayso hawlgallada ka dhanka ah kooxaha nabad-diidka ah, si looga xoreeyo dhammaan deegaannada ay kaga dhuumaalaysanayaan dalka. Madaxweyne Farmaajo ayaa ku bogaadiyey Geesiyaasha Ciidamada Qalabka Sida guullaha waaweyn ee ay ka soo hoyeen argagixisada Alshabaab ee cadawga ku ah horumarka, nabadda iyo nolosha shacabka Soomaaliyeed. “Hambalyo ayaan idin leeyahay inaad ka adkaateen cadawgii ummadda Soomaaliyeed oo ay idiin babac dhigi waayeen. Waxaa loo baahan yahay sidii aad magaalooyinkan uga erideen, Sabiib iyo Caanoole, oo aad uga adkaateen inaad u difaacataan, shacabka magaaladan deggan oo ay muddo gumeysi ku hayeenna inaad ka difaacdaan.” Sidoo kale, Madaxweynaha ayaa ugu baaqay shacabka Soomaaliyeed in ay xoojiyaan taageerada ay la garab taagan yihiin Ciidamada Qalabka Sida, taas oo ah waajib wadaninnimo oo saaran muwaadin kasta. “Shabaab waa fulayo, waxay yaqaanaan in ay shacabka qarxiyaan, carruurtana laayaan. Laakiin wiilal idinka oo kale ah marnaba hortooda ma imaanayaan, waayo waxay og yihiin inaad geesinnimo iyo dhiirranaan la hortaagan tihiin. Waxaan ugu tageynaa meel kasta oo ay joogaan, annagana waan idin garab taagannahay, waa idin soo booqaneynaa, ciidamo kale ayaan idinku soo kordhineynaa, waana baacsaneynaa ilaa ay tirtirmaan.” Madaxweyne Maxamed Cabdullaahi Farmaajo ayaa kula dardaarmay Ciidanka Xoogga Dalka Soomaaliyeed in aysan marnaba is-dhigan oo ay isha ku hayaan cadawga Alshabaab, waxa uuna ku ammaanay feejignaanta ka muuqata iyo diyaar garawga ay ugu jiraan sidii ay meelo kale uga saari lahaayeen. Goobjoog News Source: goobjoog.com

Muqdisho ( Sh.M.Network):-Halkaan ka dhageyso Warka Subax ee Idaacadda Shabelle. Hoos riix si aad u Dhageysato:- https://www.radioshabelle.com/wp-content/uploads/2019/04/Warka-Subax-200419.mp3 View the full article

Muqdisho (SMN) – Madaxweynaha JFS Maxamed C/laahi Maxamed (Farmaajo) oo ka hadlayay howlgallada ka dhanka ah Al Shabaab ayaa sheegay in Ciidamo dheeraad ah ay dowladdu geyn doonto gobolka Shabeelah Hoose ee K/ Galbeed Soomaaliya. Madaxweyne Farmaajo ayaa xusay in dowladdiisu ay ka go’an tahay la dagaalanka Al Shabaab oo weli ku xoogan gudaha Soomaaliya. Sidoo kale Madaxweynaha ayaa ugu hambalyeeyay Ciidamada Xoogga Dalka guulaha ay ka gaareen dagaalladii ugu dambeeyay ee ay la galeen Al Shabaab. Hadalkan ayuu Madaxweynaha Soomaaliya ka jeediyay G/ Shabeelaha Hoose, kadib markii shalay uu booqday deegaanada Sabiid iyo Caanoole ee gobolkaasi. Halkan hoose ka dhageyso Codka https://www.radioshabelle.com/wp-content/uploads/2019/04/cod-madaxweynaha-.mp3 View the full article

Nin Soomaali ah oo hirgaliyay arrin ajaanib badan soo jiidatay Soomaali badan ayaa u socdaashay wadamada dibadda waxayna u tageen bulshooyin leh dhaqamo iyo sooyaal taariikheed oo soo taxnaa in badan. In bulsho aad taariikhdooda raadiso waxay u baahan tahay in aad booqato goobaha Madxafyada ah, halkaas oo aad ka soo helayso dhamaan macluumaadka aad uga baahan tahay barashda bulshada aad u timid. Soomaalidu inta badan malahan goobo loogu hagaago dhaqamada iyo taariikhda ay leeyihiin, marka ay dalalka kale joogaan. Laakiin Cabdinuur Maxamed waa Soomaali dagan dalka Sweden, wuxuuna sameeyey markii u horeysay Madxaf wareega oo uu ku soo bandhigo taariikhda iyo dhaqanka Soomaalida. “Markii hore Madxafkan aniga ayaa naftayda u sameeyey, xero ayaa la’igu xareeyay sadex jeerna cunto ayaa la’isiin jiray,waxaan garan waayay qofka aan ahay, bulshada aan u imid waxay ii arkayeen qof kaligii iska socda, si aan u ogaado qofka aan ahay ayaan u sameeyey Madxafkan, kadib waxa uu anfacay ummada Soomaalida oo dhan, hawshan waxay igu qaadatay mudo hal sanno ah kadib waan uruuriyay oo waxaan u bandhigay dadkii aan u nimid si aan u sameeyo Buundo u dhaxaysa Soomaalida iyo dadka kale”, sidaas waxaa BBC-da u sheegay Cabdinoor Maxamed oo ah Soomaaligii u horreeyay ee sameeya madal lagu keydiyo sooyaalka taariikhda soomaalida. Dad badan ayuu soo jiitay madxafka wareega ee uu hirgaliyay Cabdinuur Madxafkan wareega ee casriga ah ayaa lagu dhex arkayaa Sawiro iyo agab ka turjumaya, Sheekooyinka qaxa, sawirro iyo qalabka ay Soomaalidu la soo gashay Sweden. Cabdinuur waxa ku weheliya uruurinta taariikha Soomaalida kaamarad iyo qalinkiisa. “Anigu waxaan xoogga saaray kaydinta taariikhda cusub ee Soomaalida qurbaha, waxaan la xariiraa dhammaan dadka ku nool daafaha dunida waxaan ka codsadaa in ay ii soo diraan muuqaallada taariikhaha ay hayaan, sida ku dhex shaqaynta xilliga barafka, dhrka ay xirtaan, cuntooyinka ay karsadaan iyo waayahooda nolosha qurbaha, si aan u helno sawir ka turjumaya waqtigii aan wadamadan ku qaadannay, xaaladihii kala duwanaa ee aan nolosha ka marnay, si jiilasheenna danbe ay u helaan hab iyo dhaqan ay hidda raacaan”, ayuu yidhi Cabdinuur wuxuu daafaha caalamka ka dalbadaa muuqaallada ku saabsan taariikhda Soomaalida Dagaalladii sokeeye ee Soomaaliya waxay sababeen burburka astaantii ay Soomaalidu lahayd, halka waddamada qaar ee dibada aad ku arkayso raadadka taarikhaha la xariira xiriirkii Soomaalidii hore iyo Yurub. Sida ay sheegeen baarayaal Soomaaliyeed, dadka Soomaalida ah ayaa qaabab kala duwan ku tagay wadamda reer Yurub, waxayna isugu jireen kuwo u tagi jiray soo bandhigista riwaayadaha goobaha lagu madadaasho si ay lacag u sameeyaan, qaar ka qayb qaatay dagaalkii koowaad iyo labaad ee aduunka, halka wixii intaa ka danbeeyey ay u tageen nabad galo raadis ama qoxoontinimo. Qaran News

Markii aad madax u noqoto wadan bur buray, oo aaney dadkiisu waqti dheer Dowladnimo xoogan arag, laxawgii iyo lahaanshihiina uu dadkii ka guuray waxaa ku hortaala shaqo badan. Waa inaad faham badan u leedahay baahida guud ee dalkaas, waase iney jirto mudnaan.Bishii September 2012 Xasan Sheekh Maxamuud ayaa la wareegay tallada Villa Somalia. Intii aanan magaciisa lagu xardhin boorarka doorashada Xasan wuxuu ahaa qof aad looga yaqaano Koonfurta iyo baratamaha Somalia, isagoo ku suntana macalin ,nabad raadiye ka tirsan CRD iyo dhaqaale yahan maamulay qaar ka mid ah shirkadaha waa weyn ee dalka. Horumarinta dhaqaalaha iyo Hagaajinta hanaanka maaliyada ayaa ka mid ahaa lixdisii tiir ee bud-dhiga u ahaa balan-qaadkisii doorashada. Ka hor 2012, dhaqaalaha dalka ayaa bur bursanaa, waxaana aad u yaraa daqliga gudaha.Qarashka kasoo xarooda Dakada Muqdisho iyo garoonka diyaaradaha ayaa liitay.Ma jirin canshuurta iibka, ajaanibta lama canshuuri jirin, sidoo kalana dalku malaheyn miisaaniyad rasmi ah oo uu Baarlamaanku ansixiyay. Wax walba waxey u baahan yihiin Cilmi iyo Curin. Hal asbuuc ayuu joogay Villa Somalia markii uu madaxweyne Xasan Sheekh amray in la diyaariyo misaaniyada saddexdii bilood ee ka dhimaneyd sanadka 2012.Waxaa aheyd 24kun oo dollar. Waa lacag aad u yar laakiin in sharciga la dabaqo ayaa wax walba ka weyn. Saddex bilood kadib wuxuu Baarlamanka geeyay miisaaniyadii sanadka 2013 isagoo noqday madaxweynihii ugu horeeyay ee miisaaniyad geeya Baarlamanka burburkii kadib.(Taariikhdu qofkeeda ma qariso). Wixii ka horeeyay dowladii madaxweyne Xasan Sheekh, Bankiga dhexe ee Somalia wuxuu u jiray magac ahaan.Mar mar dhif ah ayey lacago ku shuban jirtay Dowladii Sheekh Shariif.Wuxuu ahaa mid local ah.Madaxweyne Xasan wuxuu xooga saaray in Bankigu noqday mid caalami ah, lacagta Dowlada oo dhan la dhigo, lacagaha Dowlada lagu soo shubo, oo la aamini karo. Waxaa la badalay gudoomiyihii Bankiga dhexe, hanti dhowrkii iyo xisaabiyihii guud waxaana la keenay dad wax badan ka yaqaanay shaqada waxaana uu madaxweynuhu siiyay awood iyo madxbanaani, taas oo sahashay in maanta uu Bankigu yahay mid si hufan u shaqeeya. Dakadda Xamar waa isha ugu weyn ee dhaqaalaha, intii aan la dooran madaxweyne Xasan Sheekh lacag aad u yar oo ilaa 100-150-kun oo dollar ah lagu sheegay ayaa laga heli jiray bil walba.Ma jirin Kuteenero imaan jiray taas oo iyaduna dhaqaalaha dishay. Dowladii Madaxweyne Xasan Sheekh waxey abuurtay su’aalo badan oo la xiriiray sababta aan dhaqaale badan looga helin Dakadda iyo waxa u sabab ah, waxaana usoo baxday in maamulka la badalo oo shirkada Abeyrak oo iyadu wax badan balan qaaday lagu wareejiyo. Heshiiska Albeyrak ee Dakada Muqdisho wuxuu dhigaya in lacagta Dakada laga helo 60% ay qaadato Dowlada Soomaaliya, halka 40% ay leedahay shirkada Albayrak waxaase shirkada u raacsan iney bixineyso dhamaan qarashaadka looga baahan yahay Dakada kuwa joogtada ah sida mushaarka, dhismaha iyo wax walba oo kale oo Dakada looga baahdo. Dowladu waxey leedahay 60 nadiif ah. Waxaa la isticmaalay fikrado kale iyadoo aan gacansatada canshuurta lagu siyaadin sidii dhacday labadii sano ee lasoo dhaafay.Faa’iido badan ayaa laga dhexlay isbadalkii Dakada. Meeshii marka hore laga heli jiray 150kun bisihii, waxey isu badashay hal milyan iyo sideed boqol oo kun ilaa 2 milyan oo dollar bil walba. Albayrak ayaa dib u dhis xoogan ku sameysay qeybaha Dakadda. Heshiiska garoonka Aadan Cade isagu sidaa waa ka duwan yahay, oo markii la bixiyo qarashka joogtada ah ayey Dowladda Somalia iyo shirkada Favori qolo walba qeybteeda qaadata. Meeshii uu madaxweyne Xasan Sheekh ka bilaabay hanaanka maaliyada iyo meeshii uu geeyay waxaa tusaale kuugu filan in misaaniyadii u horeysay ay aheyd 24kun halka uu 2017 Baarlamanka ka ansixiyay misaaniyadii sanadka oo aheyd 260 milion oo dollar.(Farqigu waa mid aad u balaaran). Afartii sanno ee Xasan Sheekh ma jirin sanad aan xisaab xir lagu sameyn misaaniyada wadanka oo aan Baarlamanka la hor geyn, laakiin nasiib daro labadii sanno ee madaxweyne Farmaajo wax miisaaniyad ah lama xirin, dood ayaana ka dhalatay markii lagu eedyay maqnaashaha 42milion oo dollar. Sidoo kale 4tii sanno ee dowladii Madaxweyne Xasan Sheekh waxaa website-ka wasaarada maaliyada bil walba lagu soo bandhigi jiray qarashka Dowlada soo galay iyo midkii ka baxay bishaas, balse Dowlada madaxweyne Farmaajo ayaa xirtay website-kaas, bishii March 2017 ayaana ugu dambeysay wax lagu daabaco. (Yaa hunfnaantii diiday?). Xalane waa goob xiran, oo aan la ogeyn waxa lagu qabto, cadaan badan iyo shirkado kala duwan ayaa degan. Lama canshuuri jirin, laakiin dowladii madaxweyne Xasan Sheekh ayaa canshuur kusoo rogtay shirkadaha halkaas degan, waxaana ay taasi kaabtay daqliga Dowladda. Sidoo kale sidii loo mareeyay canshuurta iibka iyo gaadiidka oo ay Dowladii Xasan Sheekh bilaawday waxey aheyd arrin bogaadin leh. Dhismaha hanaanka maaliyadu wuxuu usoo maray heerar badan afartii sanno ee Xasan Sheekh iyadoo ay amaan mudan yihiin wasiiradii soo maray wasaarada maaliyada, oo mid walba uu cutub fiican la yimid, iyagoo raacay aragidii daah-furnaanta maaliyada ee madaxweynaha. Xasan Sheekh wuxuu daqliga ka qaaday 1.2% wuxuuna gaarsiiyay 4.4% markii uu xilka wareejiyay, laakiin labadii sanno lasoo dhaafay daqliga wuxuu ahaa 2.3% sanadkii 2017, halka uu 2018 ahaa 3.1%. Dib u socosho ayaa jirta walise lagama doodin sababta. Dowladdii madaxweyne Xasan Sheekh waxay dalka dib ugu soo celisay hay’adda lacagta adduunka ee IMF, taasoo ay la gashay heshiiskii Article IV oo suurtogeliyey inay IMF Soomaaliya ka saxiixato heshiisyadii SMP ee deyn cafiska, waxaa waqtigaas la gaaray heerkii ugu fiicnaa ee deyn cafinta. Waxey ku guuleysatay barnaamijka New Deal kaasoo waddada u furay inay Soomaaliya iyadu keensato mashaariic horumarineed, madaxweyne Farmaajo waxaa uu sii waday barnaamijka SMP iyo xiriirka hey’addda IMF iyo bangiga adduunka oo kaliya. (Laba sanno kadib waxaba lama nuuxin). Deyn cafintu waa saddex nooc. Mida koowaad waa in lagaa joojiyaa lacagaha bil walba kugu kordhaya inta ay deyntu xagaaga jirto, mida labaad waa in lagaa cafiya dul-saarka kugu taagan ,mida u dambeysana waa in deynta laga wada hadlaa. Dowladdii Xasan Sheekh oo shaqadaan bilaawday waxey ku guuleysatay wajigii koowaad oo ahaa in la joojiyo lacagta sanad walba ku kordheysay deynta ku maqan Soomaaliya. Dowladda Madaxweyne Xasan Sheekh Maxamuud waxa ay ku guuleysto in adduunku Soomaaliya ku aamino dhaqaale ay maamusho burburkii kadib, lacagta maamul goboleedyadda loogu talagalay waxaa lasoo marin jiray dowladda, is qab-qabsi lacageed ma uusan dhicin, taasoo muujinaysa Hufnaantu halka ay gaartay. Dowladdii Xasan Sheekh waxey gaartay isku filanaan maaliyeed dhinacyada qaar. Meeshii 100% la caawin jiray dowlada,waxey isu badashay 78% iney iyadu is bixiso, balse 22% la caawiyo.(Hada waxaa Somalia la caawiya 40% hadaba maxa sababay hoos u dhaca?). Waxaa jirtay afar waxyaabood oo loo yaqaanay mudnaanta maaliyada oo ah dhinacyada loo isticmaalo lacagta Dowlada waana 1) mushaarka ciidanka, 2) mushaarka Baarlamaanka, 3) mushaarka shaqaalaha rayidka ah iyo 4) running costiga wasaaradaha. Intaas iyo in ka badan ayaa lagu xasuusan karaa hufnaanta maaliyadeed iyo dhaqaale abuurkii madaxweyne Xasan Sheekh. Waxaa jirta lacag deyn ah oo 50 milyan aheyd oo u badneyd mushaaraad oo ay ka tagtay Dowladii Xasan Sheekh, laakiin dhowaan ra’iisul wasaare Kheyre ayaa sheegay iney xukuumadiisu bixisay 100 milion oo ay ka tagtay Dowladii hore. Lacagaha deymaha ee Dowladda lagu lee yahay qaar waxaa leh dad ganacsato ah.Lacagahan waxaa qaarkood la qaaday xiligii madaxweyne Sheekh Shariif waxaana ku jira isbitaalo gaar loo lee yahay oo lagu daaweeyay ciidanka Dowladda. Hadaba ma waxaa jirta lacag deyn ah oo ay bixisay Dowladda madaxweyne Farmaajo Sida caadiga ah hadii ay Dowladu deyn bixineyso waa in lagu soo cadeeya miisaaniyada Qaranka, mana ku jirin wax deyn bixin ah miisaaaniyadii loo gudbiyay Baarlamaanka, taas oo sidoo kale beenineysa sheegashada Ra’iisul wasaaraha. 24 bilood kadib, Jidadka inta badan xiran, gadoodka ganacsada, kaluunka ajaanibtu qaadatay, qandarasyada qaraabanimada lagu bixiyay iyo hanti loo boobay oo Bankiyo dibbada ah la dhigtay ayaa loo sababeynaya hoos u dhaca dhaqaalaha Soomaaliya.Labadii sanno ee lasoo dhaafay Somalia ayaa loo magacaabay dalka ugu musuqa badan aduunka. Taariikhdu isma qariso.Shacabka waxaa hortaala iney si dhab ah uga doodaan waxa sababey dib u dhaca dhaqaale ee dalka iyo sababta dowlada hada jirta u diidan tahay daah-furnaan maaliyadeed. Waxaa qortay: Xaqiiq iyo Xigasho

Muqdisho (Caasimada Online)-Warar dheeraad ah ayaa laga helayaa weerar xubno ka tirsan Al Shabaab ku qaadeen saldhig ciidamada Ethiopia iyo kuwa dowladda Soomaaliya ku leeyihiin degmada Garbahaareey ee gobolka Gedo. Weerarka ayaa ka dambeeyay markii ururka Al Shabaab ay xalay weerareen saldhig ciidamada isbaheysanaya ku leeyihiin degmada, waxaana la sheegay in muddo uu dagaal halkaasi ka socday. Saldhiga oo ku yaala dhanka Koofureed ee magaalada ayaa waxaa ku sugan ciidamo Ethiopian ah iyo kuwa dowladda Soomaaliya, waxaana muddooyinkii ugu dambeeyay magaalada ka jiray cabsi ku aadan weerarka Al Shabaab. Saraakiil u hadashay ciidamada dowladda ayaa sheegay in weerarka oo ahaa mid gaadmo ah ay iska caabiyeen Al shabaab, islamarkaana ay dib u riixeen, iyaga oo sheegay inay khasaaro gaarsiiyeen. Kadib weerarka ciidamada Ethiopia ayaa la sheegay inay madaafiic ku garaaceen deegaano ku dhow degmada Garbahaareey iyo duleedka magaalada, waxaana ka dhashay khasaaro kala duwan, sida dadka deegaanka ay sheegeen. Ilaa iyo hadda ma jirto cid xaqiijin karto khasaaraha guud ee ka dhashay weerarkii xalay ka dhacay degmada Garbahaareey, balse saraakiisha ciidamada dowladda ayaa guulo ka sheegtay weerarka. Ma jiro war dhanka Al Shabaab kasoo baxay, balse Al Shabaab ayaa inta badan weerara saldhigyada ciidamada AMISOM kuleeyihiin dalka iyo xarumaha ciidamada dowladda iyo kuwa maamul goboleedyada. Caasimada Online Xafiiska Gedo Caasimada@live.com

Qaar kamid ah madaxda dowlad goboleedyada Soomaaliya ayaa ku kulmayaa magaaalada Nairobi ee xarunta dalka Kenya kadib markii uu baaqday kulan uu isugu’ yeeray madaxweynaha Soomaaliya Maxamed Cabdullaahi Farmaajo. Shirka uu ballamiyay madaxweyne Farmaajo ayaa sida la sheegay waxa diiday qaar kamid ah madaxda dowlad goboleedyad oo uu hoggaaminayo mudane Siciid cabdullaahi Deni kadib markii Villa Somalia ay dhabar-jebisay shir uu madaxweynaha Puntland ku marti-qaaday xukuumadda Federaalka iyo hoggaamiyaasha dowlad goboleedyada oo Garoowe lagu qaban lahaa. Madaxweynaha Puntland oo shalay gaaray magaalada Nairobi ee xarunta dalka Kenya ayaa halkaasi kula kulmaya madaxweynayaasha Jubaland iyo Galmudug oo sii joogay Nairobi iyo wakiilo ka socda beesha Caalamka, sida ay xaqiijiyeen xubno ka agdhow madaxtooyada Puntland. Madaxda Puntland, Jubaland iyo Galmudug oo kulan u gaar ah ku yeelan doona magaalada Nairobi ayaa sida qorshaysan uga arrinsan doona sidii mar kale dib boorka looga jafi lahaa golihii iskaashiga dowlad goboleedyada iyo xiriirka ka dhexayn doona iyaga iyo Villa Somalia kadib mad-madowga ka soo ifbaxay labada dhinac. Sidoo kale waxay halkaasi shir wadajir ah kula qaadan doonaan wakiilo ka socda Beesha Caalamka iyo waddamada daneeya arrimaha Soomaaliya inkastoo aan shirkaasi qodoba looga hadlayo weli si cad loo ogayn haddana waxaa la sheegaya in hannaanka qeybsiga deeqaha caaalamku bixiyo uu ajandaha ku jiro. PUNTLAND POST The post Ma Golihii Iskaashiga soo noqday? appeared first on Puntland Post.

Muqdisho (Caasimada Online) – Shaki iyo hadal heyn wayn ayaa ka dhashay Gaari nuuca aan xabadda karin oo ay leedahay Dowladda Soomaaliya islamarkaana la siiyay Wasaaradda Gaashaandhigga Soomaaliya, kaas oo la badalay midabkiisa. Gaarigaan oo kamid ah Hantida Dowladda, gaar ahaan qaybta Wasaaradda Gaashaandhigga, ayaa waxaa qaata ama isticmaala Wasiir kasta oo Wasaaradda loo magacaabo balse Caasimada Online ayaa ogaatay in Wasiirka Gaashaandhigga Soomaaliya Xildhibaan Xasan Cali Maxamed uu ka badalay Kalarka oo Madow hadana ka dhigay Caddaan. Wasiiro, Xildhibaano iyo Saraakiil Ciidan ayaa Caasimada Online u sheegay in Xafiisyo badan oo ay dowladda leedahay aad looga hadao haayo sababto kalarka loo badalay iyadoo la sheegay in il gaar ah lagu eegayo Wasiirka. Dadka qaar ayaa ku micneeyay inuu jiro shaki ah in Wasiirka uu doonayo, in gaariga uu ka dhigo mid uu leeyahay hadii xilka laga qaado halka dadka qaar ay ku tilmaameen wax aan suurta galayn. Xubno kale ayaa arintaan ku tilmaamay in Wasiirka uu haayo gaari Buruuf ah oo cad balse duug ah islamarkaana uu doonayo inuu ku badalo midkaan cusub sida dad badan ay noo sheegayn. Wali ma jirta cid xaqiijin karta sababta loo badalay Midibka gaariga oo ahaa Madow islamarkaana looga dhigay Caddaan balse waxaa jirta hadal heyn badan oo ka dhax jirta Xafiisyada Dowladda taas oo aan wali banaanka usoo bixin. Caasimada Online Xafiiska Muqdisho caasimada@live.com

3 ama Labo bilood ka hor ayey wasaarada Puntland oo kaashanaysa hay’adaha kula midoobay waxbarashada ,waxay isugu yeertaa macalimiin ka kala yimi gobolloda .Markii hoolka la yimaado waxaa macalimiinta ,sanad walba lagu tababaraa nidaamka dejinta imtixaanka gaar ahaan su’aalaha oo lagu fariisinayo Bloom’s Toxonomy kaas oo ah in su’aalaha leysu dheeli tirro (Educational Measurement and Evaluation) .Maddooyinka oo waraaqda imtixaanka laga dhigo mid leh labo ama saddex qaybood ayadoo ku xiran dabeecada maadada . Haddii aad la timaadid hoolka computerkaaga ,laguuma ogola inaad ku dejisid imtixaanka laakiin waxaad ka dhigan kartaa tixraac wixii macluumaad ah oo kuugu jirra.Maado walba waxaa diyaariya labo ilaa saddex macallim oo ku kala diyaariya luuqada English iyo Arabiga haddii ay jirto ku kala duwanaasho luuqadeed.Haddii kalena way isla diyaariyaan ayagoo ku qoraaya warqaddo loo qaybshey .Maadama imtixaanka la rabbo in si cadaalad ah loo saxo ,waxaa kormeeraha kooxdaada kaala falanqoonayaa sababta aad dhibcaha ugu yaraysay ama ugu badisay . Dhammaan maadooyinka waxay wada leeyihiin 100 dhibcood oo si teel teel ah loogu qaybiyo su’aalaha ku kala jirra qaybaha imtixaanku ka kooban yahay .Kormeeraha imtixaanka oo loogu yeero Moderator waa kan leh go’aanka su’aalaha iyo naqshada imtixaanka si meesha looga saaro in macalimiinta diyaariyey il duufaan ama ay si fudud u bixin karraan imtixaanka. Warqada ugu saraysa ee imtixaanka waxaa ku qoran qodobada ku waajib ah ardayga ,isla warqadaas waxaa ka mamnuuc ah in ardayga loo ogolaan karro wax warqad ah oo ka baxsan tan imtixaanka . Markii si wacan loo fariisiyo howsha imtixaanka waxaa sidoo kale la garab wadaa diwaangelinta oo leh sawir ,koodh,number iyo macluumaadka iskuulka ee ardaygaasu dhigto. Laanta imtixaanka ee wasaaradu waxay astaysaa koodhka iskuul walba ee ardaydiisu leeyahay ,sidoo kalena waxaa ardaygu imtixaanka ku galaa kaadhka macluumaadkiisu ku qoran yahay .Isla kaadhkan waxaa ku qoran laba number oo lakala dhaho code iyo register number .Code numberka waxaa loogu tala galay in ardayda lagu fariisiyo halka register numberku yahay ardayga raqamkiisa ay kusoo baxdo natiijada imtixaanku . Daabacaada imtixaanka waxaa iska leh howshiisa daabacada wasaarada oo ay gacanta ku hayaan laanta imtixaanku mudadaa taas oo meesha ka saaraysa in imtixaanku geli karro gacan aan xishood lahayn .imtixaanka markii la daabaco waxaa lagu buqshadeeyaa ,buqshad leh tixraac sida magaca iskuulka,maadada ,ilaaliyaha ,tirada ardayda iyo i.W.M . Ma jirto xog faahfaahsan oo laga ogaan karro diyaarinta iyo isku dubaridida imtixaanka marka laga reebo soo bixida jadwalka oo ay wasaaradu u sheegto si waadax ah. Qaybinta imtixaanka Waa mashruuc dhan oo ay ku xisaabtamaan dadka rugcadaaga ah ee waxbarashada kaas oo ay gobol kastaaba iyo degma kastaaba hesho dhammaan nuquladeeda oo lagu kaydiyo hal bar ah. Imtixaanka waxaa lagu ridaa sanduuqyo qafilan ,waxaana u gelbiya goobtaas ciidan ,haddaba imtixaanka goobtaas tegey waxaa il gaar ah ku qabta isu duwaha gobolka ,guddoomiyaha waxbarashada degmada,kormeeraha guud ee imtixaanka ,maamulaha iskuulka uu yaalo imtixaanku,ciidanka iyo cid walba oo howsha ku lug leh .xaqiiqatan waa arin ay ku amaanantahay sida eexda ay uga ilaalisay wasaarada Wasaaradda Waxbarashada Puntland oo leh hagida jawiga imtixaanka . Haddaba haddii Fadaraalku uu leeyahay ama u qaban karro howsha sidan si ka fiican,ilama aha Puntland oo sanad kastaba imtixaanka dejintiisa,qaybintiisa,ilaalintiisa,kaydintiisa iyo sixidiisa iska saarta xilkan culus ,iney diidi karto horumar ka fiican nidaamkeeda marka waxaan soo jeedinayaa intaan la siyaasadayn waxbarashada dalka in la dejiyo manhaj sidoo kalena lala yimaado nidaam sidoodoo kale ah cadaalad iyo sinnaan mid leh ,haddii kale Puntland yaan laga dhabqin howsha culus ee ay u heyso bulshada Soomaaliyeed. WQ: Habboon Axmed Caaalin The post Nidaamka Imtixaanka Puntland appeared first on Puntland Post.

Cinwaankaan wuxuu xambaarsan yahay xikmad aad u qota dheer oo qeexeysa qofka daacada ah inuu mar kasta iyo si walba u guuleysan karo, dhibaato kasta uu maro. Maanta Soomaaliya waxay mareysaa marxalad aad khatar u ah oo dadka dalka taladiisa haaya aysan dareenesaneyn tubta ay ku socdaan iyo meesha ay geyneyso. Waxaa jira xikmad Talyaani ah oo dheheysa “dimmi con chi sei ti diro’ quallo che sei”..Soomaalina waxay tiara “ninkaad sirtiisa bixi weyso saaxibkiisaa la dayaa”. Madaxda manta adduunka hogaanka u heysa waxaa badankooda la taliya dadka mujtamaca ugu liita oo sanka laga wada heysto. Bal fiiri Mareykanka inta Madaxweyne Trump talada ka qaato waa kuwa bulshada wax magac ah ama martabad sharaf uga jirin, sida Bolton, M/weyne ku xigeenka Mike Pence iyo qaar kale oo aad loo dhaleeceeyo marki ay afka kala qaadaan ama ay tallaabo qaadaan. M/weyne Farmaajo inta u dooda ee la dhacsan xakunkiisa waa kuwa mujtamaca aan wax qiimo ah ku lahayn, waayoo hab-dhaqankooda ayaa aad u liita, waana dad aan xakumin waxa afkooda ka soo baxaya. Waxaa jirta xikmad Carabi ah oo dheheysa CAAQILKA CARRABKIISA WUXUU KA DAMBEEYAA CAQLIGIISA DABAALKANA CAQLIGIISA WUXUU KA DAMBEEYAA CARRABKIISA. Carrabkiisa woxow soo gudbiyaa waxaan caqliga ka soo bixin..waxa ka soo fulaa waa wax aan laga fiirsan Wax ka dhacaya Xamar haddii inyar laga xuso waxaad arkeysaa inay tahay meesha kaliya ay dowladdu ka taliso, waxaana tusaale u ah in Ceel- Macaan ee xudunta Xamar ah ay sheeganeyso Hirshabeelle, xaafadda Wadajirna ay ka tirsan tahay Koofu-Galbeed. M/weyne Farmaajo iyo R/W Kheyre aysan weligood ka hadlin xuduudaha gobolka Banaadir oo ah mid la kala boobaayo si loo wiiqo hamiga dadka u dhashay gobolkaan. DALKAAN DADKLI LAHAA AAWAY!!! Waa maqaal horey u soo baxay. Dhibaatada heysata dadka Banaadir danahiisa u dooda waxay ka wehsadeen inaysan marna qaadi Karin tallaabo iyo go’aan ay ku soo ceshadaan xuquuqdaa gobolkaan oo ah meesha kaliya ay dowladdu masaruufka ka hesho, dadkiina lagu bahdilay, iaydoon wax dan u ah marna loo heyn. Tusaalooyin gaaban haaddaan soo qaadanno waxaad arkeysaa in diktatoorada ka taliya caalamka sida SIISSII oo Masar ah, XAFTAR oo Liibiya dubanaaya ay ku doodaan inay la dagaalamayaan ARGAGIXISO…annagana xildh. IBBI, Wasiir GOODAX, siyaasi SALAAD JEELLE waxay ku qaraabtaan magaca in xildhibaanada ay u badan yihiin SHABAAB. Dhallinyarada Bajaajka sameystayna ay badankoodu u adeegaan Shabaab. Intaa waxaa ka khatarsan in M/W Farmaajo intii uu raadi lahaa xal iyo hab-dhaqan xikmad iyo caqli ku fadhiya uu adegsanaayo AFMIINSHAAR uu xoogaa fara-qabsi la siiyo si loo dejiyo dhibaatada ka dhalatay fashalka hesyta dowladda ay hogaamiyaan labadaas qofood. Magaalada Muqdisho ma jirto cid ku noolaan karta waana dhibaatada ay abuureen falalka gurracan iyo tala-xumada heysata madaxda dalka oon weli dareemin in tala farahooda ka baxday, meel ay ka taliyaana ay ka jirto Villa Somaliya oo kaliya. Waxaa hubaal ah ina Madaxda dalka ay sir u qarsan tahay taasoo ku saleysan in la wiiqo hamiga Banaadir si uusan weligii u hanan himilada uu xaqa u leeyahay gobolkaan. Saaxibka M/W Farmaajo waa Aby Axmad waana la ogaadaay sirta uu maleegaayo ee Ilaahow Rabbiyow sharteeda naga xijaab…AAMIIN. W/Q: Axmad Calasow Afeef: Aragtida qoraalkan waxa ay ku gaar tahay qofka ku saxiixan, kamana tarjumeyso tan Caasimada Online. Caasimada Online, waa mareeg u furan qof kasta inuu ku gudbiyo ra’yigiisa saliimka ah. Kusoo dir qoraaladaada caasimada@live.com Mahadsanid

Muqdisho (Caasimada Online) – Macalimiin kabadan kun (1,000) qof oo ku sugan Muqdisho iyo Gobalada dalka qaarkood ayaa isu diyaarinaya in ay kor Banaanbaxaan Xarumaha dowladda oo ay ugu horreyso xarunta Wasaaradda Waxbarashada Hiddaha iyo Tacliinta Sare ee Soomaaliya iyo Wasaaradda Maaliyadda. Macalimiintaan ayaa sidoo kale ku dhawaaqi doono Shaqo joojin, sida ay u sheegeyn Caasimada Online. Macalimiintaan Waxay ka cabanayaan Mushaar la’aan iyo Tixgelin la’aan ay kala kulmeen dhowr Wasiir oo isku badashay Wasaaradda Waxbarashada iyo Tacliinta Sare ee Soomaaliya. Qaar kamid ah Macalimiintaan oo ku sugan Muqdisho, Jowhar iyo Beladweyne ayaa Caasimada Online u sheegay in ay ka maqantahay lacag dhan lix (6) kun oo doolar Macalinkiiba taas oo ay ka soo bilaabatay sanadkii 2017 markii la doortay Madaxweynaha Soomaaliya Maxamed Cabdullaahi Farmaajo. Macalimiintaan ayaa katirsan dadkii loo qaatay Barnaamijka Aada Dugsiyada oo ay bilaawday Dowladii Madaxweyne Xasan Sheekh Maxamuud, waxaana bixinta iska kaashan jiray Dowladda Soomaaliya iyo hey’adda Mushruuca keentay. Ragaan cabanaya ayaa Caasimada Online u sheegay in aysan shaqada sii wadi karin maadaama aysan helin wax xaquuq ah dhowr jeerna ay gudbiyeen Cabashooyin kala duwan balse aan waxba laga soo qaadin. Dhibaatada ay sheeganayaan Macalimiinta aan la hadalnay waxaa la qaba dhamaan Macalimiinta loo qaatay Barnaamijka Aada Dugsiyada, waxayna noo xaqiijiyeen in markii hore ay heli jireen lacagtooda marka laga reebo bilaha qaar. Wasiirka Waxbarashada Soomaaliya Cabdullaahi Goodax Barre oo aan la xariirnay kama Jawaabin Wicitaankayna si aan arintaan wax uga weydiino. Mashruuca Aada Dugsiyada ayaa waxaa Aflaxay Arday badan oo hada qaarkood heerar wanaagsan ka sii maraya Waxbarashada waxa ayna faa’iido u noqotay qoysas badan oo danyar ah oo Carruurta waxbarasho la rabay. Caasimada Online Xafiiska Muqdisho caasimada@live.com

Click here Qaran News

Muqdisho (Caasimada Online) ― Waxaa maalmihii lasoo dhaafay la hadal hayay in magaalada Muqdisho ay ka dhici doonaan banaanbaxyo 18-bishan oo shalay aheyd, kaasi oo lagu sheegay inay ku dalbanayaan xal u helida dhibaatooyin ay shegeen inay heystaan shacabka ku nool gobolka Banaadir. Inkastoo wax banaanbax ah uusan shalay ka dhicin magaalada Muqdisho, haddana waxay shalay Dowladdu Ciidamo dhigtay Isgoysada waaweyn ee waddooyinka kuwaasi oo ku hubeysnaa gaadiidka dagaalka. Ciidamadan booliska ah ayaa feejignaan dheeraad ah ku jiray, iyagoo watay gaadiidka dagaalka, mid Ambalaas ah iyo hub fara badan, waxayna heegan ugu jireen sidii ay uga hortagi lahaayeen banaanbaxyadii shalay laga cabsi qabay inay ka dhacaan maagalaada Muqdisho. Haddaba, Siyaasi Cabdiraxmaan Cabdi Shakuur Warsame ayaa qoraal usoo dhigay bartiisa Facebook wuxuu kaga hadlay arrinkaasi, isagoona sheegay in dadaalka iyo qarashka ay ku bixisay dowladda Federaalku in la hor istaago xaq dastuuri ah oo muwaadinku leeyahay ay kaga baahi badneed inay ku bixiso sugida amniga. “Haddii waxa maanta hawl, daddaal,dhafar, ciidan daabul, dad ka hadalsiin, xuuraan, iyo qarash lagu bixiyey, in la hor istaago xaq dastuuri ah ee muwaadinku leeyahay, lagu bixin lahaa sugida amniga, sidaan xaalka amni daro waa dhaami lahaa” ayuu ku yiri qoraalkiisa CC Shakuur. Caasimada Online Xafiiska MuqdishoCaasimada@live.com

Hargeysa (Caasimada Online) ― Xukuumada Muuse Biixi ayaa maanta markii uhoreysay ka hadashay cabashooyin maalmihii u dambeeyay ka taagna dhul ay ka dhisaneyso Madaxtooyo cusub oo ku yaala galbeedka caasimada Hargeysa. Agaasimaha guud ee Madaxtooyada Somaliland, Maxamed Cali Bile oo arrintaas ka hadlaya, ayaa sheegay inaysan jirin qoysas uu Madaxweyne Biixi xoog kaga qaaday dhulka laga dhisayo Madaxtooyada cusub. “Dadkii lahaa halka Madaxtooyada Cusub laga dhisayo ee loogu tagay, boqolkiiba 99 way ka amba-baxeen, oo Salaan ayaa lagu kala tagay, laakiin hal Guri ayaa ku sii hadhsanaa Gurigiina saaka ayaa laga raray meeshii” ayuu yiri Agaasime Maxamed Bile. Agaasimaha Madaxtooyadu, waxa uu sidoo kale beeniyay inay jiraan Balan-qaadyo Madaxweyne Biixi u sameeyay Qoys la yiraahdo reer Dalab, kuwaasi oo warbaahinta ka sheegay in Madaxweynuhu balamo uga baxay intuu dhulkoodi ka qaatay, wuxuuna yiri “Qoyska reer Dalab malaha meesha Madaxtooyada laga dhisayo, waxa lahaa ummad dhan oo 72-Qoys ah oo meesha deganaa, cid wax loo balan-qaadayna ma jirto, cid wax la tarayana waa wax Dadkaas oo dhami u siman-yahay”. Muddooyinkii udambeeyay ayaa waxa isasoo tarayay qoysas sheeganaya dhulka ay xukuumada Muuse Biixi ka dhisaneyso Madaxtooyada, kuwaasi oo maalmihii u dambeeyay warbaahinta ka hadlayey iyaga oo sheegaya in Madaxweyne Biixi uu dhulkooga kaga qaatay awood dowladnimo. Caasimada Online Xafiiska Hargeysa Caasimada@live.com

Hargeysa (Caasimada Online) ― Sheekh Aadan Xaaji Maxamuud Xirsi [Sheekh Aadan Siiro], ayaa khudbaddii Jimcaha ee Shalay kaga hadlay dhibaatada ay Ummadaha Muslimka ahi ka dhaxlaan Dulmiga, isagoona Xukuumada Muuse Biixi ugu baaqay inay dulmiga ka deyso shacabkeeda. Sheekh Aadan Siiro ayaa waxa kale oo uu khudbadiisi kaga hadlay muranka ka taagan dhulka ay xukuumadu Biixi ka dhisaneyso Madaxtooyada Cusub, isagoona sheegay in xukuumadan aysan laheyn meel looga dacwoodo iyo cid qabataba Madaxweyne Biixi haddii uu dulmi sameeyo. Sheekha oo arrimahaas ka hadlayaana waxa uu yiri “Waxaan si kooban uga hadlayaa waxa Dulmiga loo yaqaano iyo raadka uu ku yeesho Bulsho Muslimiin ah haddii aanay dulmigaa wax ka qabanin, Anigoo ku eegi doona waxa Toddobaadyadii u dambeeyay ka dhacayey Magaalada Hargeysa”. “Waxaan ka warrami doonaa Dadkii Sharciga, Caqliga iyo Diinta iyo Damiirku shaqaynayey siday Dulmiga iskaga qaban jireen, farriintana waxaan u diri doonaa Madaxweynaha nasiibka u helay inuu hoggaamiyo Afar Milyan iyo Badh Muslimiin ah, nasiibna u helay inuu hor fadhiisto intaas oo Aqoonyahan oo Ummadda u ilo-bixin lahaa, Annaga oo u Tilmaami doona in dulmiga uu sameeyaa yahay mid taxan Adduun iyo Aakhiraba. Dadnimadayda iyo Damiirkaygu i siin maayaan inaan ka aamuso oo aan tilmaami-waayo dhacdo dulmiya oo dhacaysa” ayuu yiri Sh.Aadan Siiro. Sheekh Aadan Siiro ayaa waxa kale oo u khudbadiisa ku sharaxay dulmiga iyo waxyaabaha laga dhaxlo “Dulmigu waa maxay? Culimadii Diintii fahantay ayaa dulmiga waxay ku fasireen Adiga oo iska isticmaala oo sidaad doonto ka yeela Hanti ay Dad leeyihiin, Adigoo u maraya dariiq aan Xaq ahayn. Dulmigu waa Runta oo been laga dhigo, Beentana Run laga dhigo ‘Subxaannallaah’. Qof Masuul ah oo been Cad Ummadda u sheegaya ayaa ka mid ah Saddexda aanu Illaahay SW eegayn Maalinta Qiyaamaha”. “1440 sanadood ka hor, ayaa Culimadii Diinta fahantay yidhaahdeen ‘ILLAAHAY SW wuu u gargaaraa Dawladda Gaalada ah, hadday isku Caddaalad falaan, ILLAAHAY’se uma gargaaro Dawladda dadkeeda dulmida haba ahaato Muslim’e, sidaa waxa yiri Ibnu Taymiya. Maxaa Maanta haysta Liibiya, maxaa haysta Yemen, maxaa haysta Suuriya oo ay Dad Muslimiin ahi ku nool yihiin ? maxaa ka dhacaya Dunida Muslimiinta, ILLAAHAY SW ayaa wax roga, laakiin sababteeda Dulmigaa ka mid ah” ayuu yiri Sheekhu. Sheekh Aadan Siiro ayaa sidoo kale waxa uu fariin u direy Xukuumada Madaxweyne Biixi, isagoona ugu baaqay inay Xukuumaddu dulmiga ka deyso dadka maatida “Xukuumadda waxaanu leenahay waar Dulmiga ka daaya Maatida. Rasuulku (CSW) wuxuu yiri ‘Maatida dulman dacwaddooda iska ilaaliya, waayo? Samada ayay u baxdaa iyadoo dhimbiilo ah, ILLAAHAY SW ayaa u jawaaba oo yidhaahda ‘Weynidayda ayaa ku dhaartaye, waan kuu gargaari wakhti dambaba ha noqotee’”. “Markii aynu la dagaalanay Dawladdii Milletariga ahayd (Dawladdii Siyaad Barre), waxa Dalka lagu soo noqay iyadoo Danta guud ee Ummaddu leedahay ay 70% bannaan tahay, laakiin wixii dadku lahaa inyar baa ku kala tagtay (Qaadatay) oo kuwa Maanta Dalka u taliyaa ka mid yihiin, Nin walba intuu qaatay waalla yaqaanaa, laakiin waxa dhici doonta Maalin la iswaydiiyo oo Dad wax kala garanaya ama Dawlad baa iman doonta ama Maalinta Qiyaamaha ayaa la iswaydiin doonaa” ayuu yiri Sh.Aadan Siiro. Wuxuuna intaas ku daray Sheekhu “Maanta waxay maraysaa, wixii Qofku ku tabcay ee Afar Maxkamadood u xukumeen in Nin Awood dawladeed sheeganayaa uu yidhaahdo Anigaa qaadanaya, Sharci iyo Caqlina meel ay ku taallaana ma jirto, haddii lala xisaabtamana waa kuwa Dalka dhulkiisii wada qaatay kuwa Maanta waxaa sheegayaa, waar Sharciga hala ixtiraamo. Waxyaabaha keena in Ummadi dunto Dulmigaa ka mid ah, haddii dulmiga la joojin waayo, waxay keenaysaa in dariiq khaldan ay Dadku isticmaalaan, taasina waxay keenaysaa wixii hore u dhacay, markaa waxaanu leenahay ha laga daayo”. Ugu dambayntiina, Sh. Aadan Siiro ayaa waxa uu ka dhawaajiyey in Xukuumada Muuse Biixi aysan lahayn cid looga cawdo, halka dowladihii hore ay lahaayen cid qabata Madaxweynaha hadii wax laga tabanayo, wuxuuna yiri “Waar Dawladdii ka horreysay Dawladdan Cid qabataa jirtay, Caqli baa jiray oo Dad is-qabanaya ayay ahaayeen, Dad wada tashanaya ayay ahaayeen, Cid bay wax waydiinayeen, Cid looga Ashkatoodaa jirtay, tan yaa looga Ashkatoonayaa? Afartii Ag-joogay waxba waydiin maayo, Cid la tashan maayo oo wuxuu doono ayuu yeelayaa, Caqligu ha shaqeeyo oo Ummadda ha la kala bedbaadiya.” “Ninka sita xukunka Afar Maxkamadood, 80 Jir ah, Aabbihii Fooqii saddexaad ee Hargeysa dhisay, Tabcay ee Dadkii ugu Hantida badnaa Hargeysa ka mid ahaa, in Maanta dhulka la jiid-jiido ma aqbalayno, Waar Dulmiga diida. Haddii Sharcigii shaqayn waayo, Maxkamaddii shaqayb waydo, maxaa shaqaynaya” ayuu yiri Sheekhu. Caasimada Online Xafiiska Hargeysa Caasimada@live.com

Cuba President Miguel Diaz-Canel Bermudez has said he is working with leaders from Kenya and Somalia to secure the return of two Cuban doctors abducted by gunmen last week. Last Friday, two doctors from Cuba working in Kenya were abducted near the country’s border with Somalia in what is believed to be an attack carried out by Somali Islamist group al-Shabaab. A police escort was shot dead in the assault and authorities are continuing efforts to locate and free the kidnapped doctors. Cuban president calls Kenyan, Somali leaders “I had telephone conversations with His Excellencies Uhuru Kenyatta, president of the Republic of Kenya, and Mohamed Abdullahi Mohamed, president of the Federal Republic of Somalia, as part of our efforts to secure the return of our two abducted doctors,” Cuban president Miguel Diaz-Canel Bermudez said on Twitter. His comments came six days after Assel Herrera and Landy Rodriguez were ambushed by gunmen on their way to Mandera County Referral Hospital, where they had been working. After fatally shooting their police escort, the gunmen seized the doctors and forced them into their car before driving across the border into Somalia. The doctors are two of some 100 doctors from Cuba providing medical services to residents in remote parts of the country. Al-Shabaab attacks in Mandera are common as the militant group seeks to increase pressure upon Kenya to withdraw its troops from Somalia. The head of the Cuban Medical Mission in Kenya has said the rest of doctors in the areas are safe and security measures have been stepped up in response to last week’s kidnapping. Source: East Africa Monitor

Qaran News

Qaran News

Madaxweynaha Jamhuuriyadda Federaalka Soomaaliya Mudane Maxamed Cabdullaahi Farmaajo oo kormeer ku tagay deegaannadii dhawaan laga saarayAlshabaab ee Gobolka Sh/Hoose. Madaxweynaha ayaa faray hay’adaha Dowladda Federaalka ah in ay shacabka deegaannadan si deg deg ah ay u gaarsiiyaan adeegyada aasaasiga ah, si loo caawiyo muwaadiniinta ku nool oo ay Al-Shabaab muddo badan dhibaato ku haysey. Madaxweynaha ayaa sheegay in Dowladda Soomaaliya ay sii laba-laabayso hawlgallada ka dhanka ah kooxaha Al-Shabaab si looga saaro dhammaan deegaannada ay kaga dhuumaalaysanayaan dalka. Madaxweyne Farmaajo ayaa ku bogaadiyey Ciidamada Qalabka Sida guullaha waaweyn ee ay ka soo hoyeen dagaalkq Alshabaab. “Hambalyo ayaan idin leeyahay inaad ka adkaateen cadawgii ummadda Soomaaliyeed oo ay idiin babac dhigi waayeen. Waxaa loo baahan yahay sidii aad magaalooyinkan uga erideen, Sabiib iyo Caanoole, oo aad uga adkaateen inaad u difaacataan, shacabka magaaladan deggan oo ay muddo gumeysi ku hayeenna inaad ka difaacdaan.” Sidoo kale, Madaxweynaha ayaa ugu baaqay shacabka Soomaaliyeed in ay xoojiyaan taageerada ay la garab taagan yihiin Ciidamada Qalabka Sida, taas oo ah waajib wadaninnimo oo saaran muwaadin kasta. “Shabaab waa fulayo, waxay yaqaanaan in ay shacabka qarxiyaan, carruurtana laayaan. Laakiin wiilal idinka oo kale ah marnaba hortooda ma imaanayaan, waayo waxay og yihiin inaad geesinnimo iyo dhiirranaan la hortaagan tihiin. Waxaan ugu tageynaa meel kasta oo ay joogaan, annagana waan idin garab taagannahay, waa idin soo booqaneynaa, ciidamo kale ayaan idinku soo kordhineynaa, waana baacsaneynaa ilaa ay tirtirmaan.” Madaxweyne Maxamed Cabdullaahi Farmaajo ayaa kula dardaarmay Ciidanka Xoogga Dalka Soomaaliyeed in aysan marnaba is-dhigan oo ay isha ku hayaan Alshabaab, waxa uuna ku ammaanay feejignaanta ka muuqata iyo diyaar garawga ay ugu jiraan sidii ay meelo kale uga saari lahaayeen. Puntland Post The post Madaxweyne Farmaajo oo Booqday deegaano Al-Shabaab laga saraay G/Sh/Hoose appeared first on Puntland Post.

Muqdisho (Caasimada Online)- 48dii saac ee lasoo dhaafay waxaa xoogeystay wararka sheegaya in duqii hore ee Muqdisho Thabit Cabdi Maxamed uu dib ula shaqeyn doono maamulka Villa Soomaaliya. Warkaan waxaa xoogiisu u yaala xafiisyada ra’iisul wasaaraha iyo midka madaxweynaha. Arrintaan oo mid abaabulan u muuqata waxa lagu sheegay in Thabit Cabdi loo magacaabi doono wasiirka arrimaha gudaha iyo amniga Qaranka, oo hal wasaarad laga dhigi doono, meesha ay hada ka yihiin labo wasaaradood, halka beesha Habar Gidir la siin doono wasaarada warfaafinta iyo taliye ciidan oo sare. Thabit oo dhowr jeer madaxweyne Farmaajo kula taliyay in amniga la hoos geeyo gobalka Banaadir uuna hayo qorshe ay dadka magaaladu amnigoodu ku sugan karaan, ayaa wali taageero badan kuleh saaxada siyaasada. Baaris madaxbanaan oo ay sameysay Caasimada Online ayey ku ogaatay in hadalkaan uu yahay mid aaney waxba ka jirin balse dadka abaabulaya ay labo arrin midkood ka lee yihiin. Mida koowaad: Madaama hoos loo dhigi waayay dadka aaminsan in hadii Thabit sii joogi lahaa gobalka uu xaalka sidaan dhaami lahaa, waxaa kooxda Villa Somalia ay abuurtaa aqbaar gacan ku rimis ah mar walba oo ay xaaladu adkaato. Sida aan baaristeena ku ogaanay waa markii sadexaad oo xaaladoo cakiran xil lala xiriiriyay Thabit. Mida labaad: Waa beesha Caalamka oo dowladda Farmaajo ku cadaadineysa iney soo xero galiso siyaasiyiinta ay wali shacabku xiisaha u qabaan, si culeesku uga yaraado iyo dooda ah iney Dowlad wadaag saameeyaan sida ugu dhaqsiyaha badan ayaa loo abaabulay war suuqan. Dadka arrintaan faafinaya marka la eego, waxaa la fahamsan yahay iney tahay aqbaar aan jirin balse culeeska lagu yareeynaayo. Thabit Cabdi ayaa loo arkaa siyaasi dhowrsan, oo aan wax dagaal ah la galin Dowlada Farmaajo, tan iyo markii xilka looga qaaday xuquuq raadintisii gobalka Banaadir iyo is faham waa soo kala dhex galay isaga iyo Xasan Cali Kheyre. Caasimada Online Xafiiska-Muqdisho Caasimada@live.com